সিদ্ধিবিনাযক স্তোত্রম্

.. শ্রী সিদ্ধিবিনাযক স্তোত্রম্ ..

জযোঽস্তু তে গণপতে দেহি মে বিপুলাং মতিম্.
স্তবনম্ তে সদা কর্তুং স্ফূর্তি যচ্ছমমানিশম্ .. ১..

প্রভুং মংগলমূর্তিং ত্বাং চন্দ্রেন্দ্রাবপি ধ্যাযতঃ.
যজতস্ত্বাং বিষ্ণুশিবৌ ধ্যাযতশ্চাব্যযং সদা .. ২..

বিনাযকং চ প্রাহুস্ত্বাং গজাস্যং শুভদাযকং.
ত্বন্নাম্না বিলযং যান্তি দোষাঃ কলিমলান্তক .. ৩..

ত্বত্পদাব্জাংকিতশ্চাহং নমামি চরণৌ তব.
দেবেশস্ত্বং চৈকদন্তো মদ্বিজ্ঞপ্তিং শৃণু প্রভো .. ৪..

কুরু ত্বং মযি বাত্সল্যং রক্ষ মাং সকলানিব.
বিঘ্নেভ্যো রক্ষ মাং নিত্যং কুরু মে চাখিলাঃ ক্রিযাঃ .. ৫..

গৌরিসুতস্ত্বং গণেশঃ শৄণু বিজ্ঞাপনং মম.
ত্বত্পাদযোরনন্যার্থী যাচে সর্বার্থ রক্ষণম্ .. ৬..

ত্বমেব মাতা চ পিতা দেবস্ত্বং চ মমাব্যযঃ.
অনাথনাথস্ত্বং দেহি বিভো মে বাংছিতং ফলম্ .. ৭..

লংবোদরস্বম্ গজাস্যো বিভুঃ সিদ্ধিবিনাযকঃ.
হেরংবঃ শিবপুত্রস্ত্বং বিঘ্নেশোঽনাথবাংধবঃ .. ৮..

নাগাননো ভক্তপালো বরদস্ত্বং দযাং কুরু.
সিংদূরবর্ণঃ পরশুহস্তস্ত্বং বিঘ্ননাশকঃ .. ৯..

বিশ্বাস্যং মংগলাধীশং বিঘ্নেশং পরশূধরং.
দুরিতারিং দীনবন্ধূং সর্বেশং ত্বাং জনা জগুঃ .. ১০..

নমামি বিঘ্নহর্তারং বন্দে শ্রীপ্রমথাধিপং.
নমামি একদন্তং চ দীনবন্ধূ নমাম্যহম্ .. ১১..

নমনং শংভুতনযং নমনং করুণালযং.
নমস্তেঽস্তু গণেশায স্বামিনে চ নমোঽস্তু তে .. ১২..

নমোঽস্তু দেবরাজায বন্দে গৌরীসুতং পুনঃ.
নমামি চরণৌ ভক্ত্যা ভালচন্দ্রগণেশযোঃ .. ১৩..

নৈবাস্ত্যাশা চ মচ্চিত্তে ত্বদ্ভক্তেস্তবনস্যচ.
ভবেত্যেব তু মচ্চিত্তে হ্যাশা চ তব দর্শনে .. ১৪..

অজ্ঞানশ্চৈব মূঢোঽহং ধ্যাযামি চরণৌ তব.
দর্শনং দেহি মে শীঘ্রং জগদীশ কৃপাং কুরু .. ১৫..

বালকশ্চাহমল্পজ্ঞঃ সর্বেষামসি চেশ্বরঃ.
পালকঃ সর্বভক্তানাং ভবসি ত্বং গজানন .. ১৬..

দরিদ্রোঽহং ভাগ্যহীনঃ মচ্চিত্তং তেঽস্তু পাদযোঃ.
শরণ্যং মামনন্যং তে কৃপালো দেহি দর্শনম্ .. ১৭..

ইদং গণপতেস্তোত্রং যঃ পঠেত্সুসমাহিতঃ.
গণেশকৃপযা জ্ঞানসিধ্ধিং স লভতে ধনং .. ১৮..

পঠেদ্যঃ সিদ্ধিদং স্তোত্রং দেবং সংপূজ্য ভক্তিমান্.
কদাপি বাধ্যতে ভূতপ্রেতাদীনাং ন পীডযা .. ১৯..

পঠিত্বা স্তৌতি যঃ স্তোত্রমিদং সিদ্ধিবিনাযকং.
ষণ্মাসৈঃ সিদ্ধিমাপ্নোতি ন ভবেদনৃতং বচঃ
গণেশচরণৌ নত্বা ব্রূতে ভক্তো দিবাকরঃ .. ২০..

      ইতি শ্রী সিদ্ধিবিনাযক স্তোত্রম্ .