অমৃতবিন্দু

 .. অমৃতবিন্দু ..

ॐ ভদ্রং কর্ণেভিঃ শৃণুযাম দেবাঃ ভদ্রং পশ্যেমাক্ষভির্যজত্রাঃ .
স্থিরৈরঙ্গৈস্তুষ্টুবাংসস্তনূভির্ব্যশেম দেবহিতং যদাযুঃ .
স্বস্তি ন ইন্দ্রো বৃদ্ধশ্রবাঃ স্বস্তি নঃ পূষা বিশ্ববেদাঃ .
স্বস্তি নস্তার্ক্ষ্যোঽরিষ্টনেমিঃ স্বস্তি নো বৃহস্পতির্দধাতু .
          ॐ শান্তিঃ শান্তিঃ শান্তিঃ .
          হরিঃ ॐ ..

মনো হি দ্বিবিধং প্রোক্তং শুদ্ধং চাশুদ্ধমেব চ .
অশুদ্ধং কামসংকল্পং শুদ্ধং কামবিবর্জিতম্ .. ১..

মন এব মনুষ্যাণাং কারণং বন্ধমোক্ষযোঃ .
বন্ধায পিষ্যাসক্তং মুক্তংযে নির্বিষযং স্মৃতম্ .. ২..

যতো নির্বিষ্যস্যাস্য মনসো মুক্তিরিষ্যতে .
অতো নির্বিষযং নিত্যং মনঃ কার্যং মুমুক্ষুণা .. ৩..

নিরস্তনিষযাসঙ্গং সংনিরুদ্ধং মনো হৃদি .
যদাঽঽযাত্যাত্মনো ভাবং তদা তত্পরমং পদম্ .. ৪..

তাবদেব নিরোদ্ধব্যং যাবদ্ধৃতি গতং ক্ষযম্ .
এতজ্জ্ঞানং চ ধ্যানং চ শেষো ন্যাযশ্চ বিস্তরঃ .. ৫..

নৈব চিন্ত্যং ন চাচিন্ত্যং ন চিন্ত্যং চিন্ত্যমেব চ .
পক্ষপাতবিনির্মুক্তং ব্রহ্ম সংপদ্যতে তদা .. ৬..

স্বরেণ সংধযেদ্যোগমস্বরং ভাবযেত্পরম্ .
অস্বরেণানুভাবেন নাভাবো ভাব ইষ্যতে .. ৭..

তদেব নিষ্কলং ব্রহ্ম নির্বিকল্পং নিরঞ্জনম্ .
তদব্রহ্মামিতি জ্ঞাত্বা ব্রহ্ম সংপদ্যতে ধ্রুবম্ .. ৮..

নির্বিকল্পমনন্তং চ হেতুদ্যাষ্টান্তবর্জিতম্ .
অপ্রমেযমনাদিং চ যজ্ঞাত্বা মুচ্যতে বুধঃ .. ৯..

ন নিরোধো ন চোত্পত্তির্ন বদ্ধো ন চ সাধকঃ .
ন মুমুক্ষুর্ন বৈ মুক্ত ইত্যেষা পরমার্থতা .. ১০..

এক এবাঽঽত্মা মন্থব্যো জাগ্রত্স্বপ্নসুষুপ্তিষু .
স্থানত্রযব্যতীতস্য পুনর্জন্ম ন বিদ্যতে .. ১১..

এক এব হি ভূতাত্মা ভূতে ভূতে ব্যবস্থিতঃ .
একধা বহুধা চৈব দৃষ্যতে জলচন্দ্রবত্ .. ১২..

ঘটসংবৃতমাকাশং নীযমানো ঘটে যথা .
ঘটো নীযেত নাঽকাশঃ তদ্ধাজ্জীবো নভোপমঃ .. ১৩..

ঘটবদ্বিবিধাকারং ভিদ্যমানং পুনঃ পুনঃ .
তদ্ভেদে ন চ জানাতি স জানাতি চ নিত্যশঃ .. ১৪..

শব্দমাযাবৃতো নৈব তমসা যাতি পুষ্করে .
ভিন্নো তমসি চৈকত্বমেক এবানুপশ্যতি .. ১৫..

শব্দাক্ষরং পরং ব্রহ্ম তস্মিন্ক্ষীণে যদক্ষরম্ .
তদ্বিদ্বানক্ষরং ধ্যাযেচ্দ্যদীচ্ছেছান্তিমাত্মনঃ .. ১৬..

দ্বে বিদ্যে বেদিতব্যে তু শব্দব্রহ্ম পরং চ যত্ .
শব্দব্রহ্মাণি নিষ্ণাতঃ পরং ব্রহ্মাধিগচ্ছতি .. ১৭..

গ্রন্থমভ্যস্য মেধাবী জ্ঞানবীজ্ঞানতত্পরঃ .
পলালমিব ধান্যার্যী ত্যজেদ্গ্রন্থমশেষতঃ .. ১৮..

গবামনেকবর্ণানাং ক্ষীরস্যাপ্যেকবর্ণতা .
ক্ষীরবত্পষ্যতে জ্ঞানং লিঙ্গিনস্তু গবাং যথা .. ১৯..

ধৃতমিব পযসি নিগূঢং ভূতে ভূতে চ বসতি বিজ্ঞানম্ .
সততং মনসি মন্থযিতব্যং মনু মন্থানভূতেন .. ২০..

জ্ঞাননেত্রং সমাধায চোদ্ধরেদ্বহ্গিবত্পরম্ .
নিষ্কলং নিশ্চলং শান্তং তদ্ব্রহ্মাহমিতি স্মৃতম্ .. ২১..

সর্বভূতাধিবাসং যদ্ভূতেষু চ বসত্যপি .
সর্বানুগ্রাহকত্বেন তদ্স্ম্যহং বাসুদেবঃ .. ২২..

ॐ ভদ্রং কর্ণেভিঃ শৃণুযাম দেবাঃ ভদ্রং পশ্যেমাক্ষভির্যজত্রাঃ .
স্থিরৈরঙ্গৈস্তুষ্টুবাংসস্তনূভির্ব্যশেম দেবহিতং যদাযুঃ .
স্বস্তি ন ইন্দ্রো বৃদ্ধশ্রবাঃ স্বস্তি নঃ পূষা বিশ্ববেদাঃ .
স্বস্তি নস্তার্ক্ষ্যোঽরিষ্টনেমিঃ স্বস্তি নো বৃহস্পতির্দধাতু .
          ॐ শান্তিঃ শান্তিঃ শান্তিঃ .
          হরিঃ ॐ ..

          .. ইত্যথর্ববেদেঽমৃত্বিন্দূপনিষত্সমাপ্তা ..

<