শ্রীগরুডমহাপুরাণম্-১১
হরিরুবাচং |
নবব্যূহার্চনং বক্ষ্যে যদুক্তং কশ্যপায় হি |
জীবমুৎক্ষিপ্য মূর্ধন্যং নাভ্যাং ব্যোম্নিনিবেশয়েৎ || ১, ১১. ১ ||
ততোরমিতি বীজেন দহেদ্ভূতাত্মকং বপুঃ |
যমিত্যনেন বীজেন তচ্চ সর্ব বিনাশয়েৎ || ১, ১১. ২ ||
লমিত্যনেন বীজেন প্লাবয়েৎসচরাচরম্ |
বমিত্যনেন বীজেন চিন্তয়েদমৃতং ততঃ || ১, ১১. ৩ ||
ততো বুদ্বুদমধ্যে তু পীতবাসাশ্চতুর্ভুজঃ |
অহং মতস্তথাত্মানং ধ্যানেন পরিচিন্তয়েৎ || ১, ১১. ৪ ||
মন্ত্রন্যাসং ততঃ কুর্যাত্ত্রিবিধং করদেহয়োঃ |
দ্বাদশাক্ষরবীজেন উক্তবীজৈরনন্তরম্ || ১, ১১. ৫ ||
ষডঙ্গেন ততঃ কুর্যাৎসাক্ষাদ্যেন হরির্ভবেৎ |
দক্ষিণাঙ্গুষ্ঠমারভ্য মধ্যাঙ্গুষ্ঠন্দলে ন্যসেৎ || ১, ১১. ৬ ||
মধ্যে বীজদ্বয়ং ন্যস্য ন্যসেদঙ্গে ততঃ পুনঃ |
হৃচ্ছিরসি শিখাবর্মবক্ক্রাক্ষ্যুদহপৃষ্ঠতঃ || ১, ১১. ৭ ||
বাহ্বোশ্চ করয়োর্জান্বোঃ পাদয়োশ্চাপি বিন্যসেৎ |
পদ্মাকারৌ করৌ কৃৎবা মধ্যেঽঙ্গুষ্ঠং নিবেশয়েৎ || ১, ১১. ৮ ||
চিন্তয়েত্তত্র সর্বেশং পরং তত্ত্বমনাময়ম্ |
ক্রমাচ্চৈতানি বীজানি তর্জন্যাদিষু বিন্য সেৎ || ১, ১১. ৯ ||
ততো মূর্ধাক্ষিবক্ক্রেষু কণ্ঠে চ হৃদয়ে তথা |
নাভৌ গুহ্যে তথা জান্বোঃ পাদয়োর্বিন্যসেৎক্রমাৎ || ১, ১১. ১০ ||
পাণ্যোঃ ষডঙ্গবীজানি ন্যস্য কায়ে ততো ন্যসেৎ |
অঙ্গুষ্ঠাদিকনিষ্ঠান্তং বিন্যসেদ্বীজপঞ্চকম্ || ১, ১১. ১১ ||
করমধ্যে নেত্রবীজমঙ্গন্যাসঽপ্যয়ং ক্রমঃ |
হৃদয়ে হৃদয়ং ন্যস্য শিরঃ শিরসি বিন্যসেৎ || ১, ১১. ১২ ||
শিখায়াং তু শিখাং ন্যস্য কবচং সর্বতস্তনৌ |
নেত্রং নেত্রে বিধাতব্যমস্ত্রঞ্চ করয়োর্দ্বয়োঃ || ১, ১১. ১৩ ||
তেনৈব চ দিশো বদ্ধা পূজা বিধিমথাচরেৎ |
হৃদয়ে চিন্তয়েৎপূর্বং যোগপীঠং সমাহিতঃ || ১, ১১. ১৪ ||
ধর্ম জ্ঞনং চ বৈরাগ্যমৈশ্বর্যং চ যথাক্রমম্ |
আগ্নেয়াদৌ চ পূর্বাদাবধর্মাদীংশ্চ বিন্যসেৎ || ১, ১১. ১৫ ||
এভিঃ পরিচ্ছন্নতনুং পীঠভূতং তদাত্মকম্ |
অনন্তং বিন্সেৎপশ্চাৎপূর্বকায়োন্নতং স্থিতম্ || ১, ১১. ১৬ ||
ততো বিদ্যাৎসরোজাতং দলাষ্টসমদিগ্দলম্ |
সিতাব্জং শতপত্রাঢ্যং বিপ্রকীর্ণোর্ধকর্ণিকম্ || ১, ১১. ১৭ ||
ধ্যাৎবা বেদাদিনা পশ্চাৎসূর্যসোমানলাত্মনাম্ |
মণ্ডলানি ক্রমাদেবমুপর্যুপরি চিন্তয়েৎ || ১, ১১. ১৮ ||
ততঃ পূর্বাদিদিক্সংস্থাঃ শক্তীঃ কেশবগোচরাঃ |
বিমলাদ্যা ন্যসেদষ্টৌ নবমীং কর্ণিকাগতাম্ || ১, ১১. ১৯ ||
এবং ধ্যাৎবা সমভ্যর্চ্য যোগপীঠমনন্তরম্ |
মনসাবাহ্য তত্রেশং হরিং শার্ঙ্গং ন্যসেৎপুনঃ || ১, ১১. ২০ ||
হৃদয়াদীনি পূর্বাদিচতুর্দিগ্দলয়োগতঃ |
মধ্যে নেত্রং তু কোণেষু অস্ত্রমন্ত্রং ন্যসেত্ততঃ || ১, ১১. ২১ ||
সঙ্কর্ষণাদিবীজানি পূর্বাদিক্রময়োগতঃ |
দ্বারি পূর্বে পরে চৈব বৈনতেয়ং তু বিন্যসেৎ || ১, ১১. ২২ ||
সুদর্শনং সহস্রারং দক্ষিণে দ্বারি বিন্যসেৎ |
শ্রিয়ং দক্ষিণতো ন্যস্য লক্ষ্মীমুত্তরতস্তথা || ১, ১১. ২৩ ||
দ্বার্যত্তরে গদাং ন্যস্য শঙ্খং কোণেষু বিন্যসেৎ |
দেবদক্ষিণতঃ শার্ঙ্গং বামে চৈব সুধীর্ন্যসেৎ || ১, ১১. ২৪ ||
তদ্বৎখঙ্গং তথা চক্রং ন্যসেৎপার্শ্বদ্বয়োর্দ্বয়ম্ |
ততোঽন্তর্লোকপালাংশ্চ স্বদিগ্ভেদেন বিন্যসেৎ || ১, ১১. ২৫ ||
বজ্রাদীন্যায়ুধান্যেব তথৈব বিনিবেশয়েৎ |
ঊর্ঘ্বং ব্রিহ্ম তথানন্তমধশ্চ পরিচিন্তয়েৎ || ১, ১১. ২৬ ||
সর্বং ধ্যাৎবেতি সম্পূজ্য মুদ্রাঃ সন্দর্শয়েত্ততঃ |
অঞ্জলিঃ প্রথমা মুদ্রা ক্ষিপ্রং দেবপ্রসাধনী || ১, ১১. ২৭ ||
বন্দনী হৃদয়াসক্তাৎসার্ধং দক্ষিণতোন্নতা |
ঊর্ধাঙ্গুণ্ঠো বামমুষ্টির্দক্ষিণাঙ্গুষ্ঠবন্ধনঃ || ১, ১১. ২৮ ||
সব্যস্য তস্য চাঙ্গুষ্ঠো যঃ স উদ্ধঃ প্রকীর্তিতঃ |
তিস্রঃ সাধারণা হ্যেতা মূর্তিভেদেন কল্পিতাঃ || ১, ১১. ২৯ ||
কনিষ্ঠাদিপ্রমোকেণ অষ্টৌ মুদ্রা যথাক্রমম্ |
অষ্টানাং পূর্ববীজানাং ক্রমশস্ত্ববধারয়েৎ || ১, ১১. ৩০ ||
অঙ্গুষ্ঠেন কনিষ্ঠান্তং নাময়িৎবাঙ্গুলিত্রয়ম্ |
মুদ্রেয়ং নরসিংহস্য ন্যুব্জং কৃৎবা করদ্বয়ম্ || ১, ১১. ৩১ ||
সব্যহস্তং তথোত্তানং কৃৎবোর্ধং ভ্রাময়েচ্ছনৈঃ |
নবমীয়ং স্মৃতা মুদ্রা বরাহাভিমতা সদা || ১, ১১. ৩২ ||
মুষ্টিদ্বয়মথোত্তানমৃজ্বৈকৈকেন মোচয়েৎ |
উৎকুঞ্চয়েৎসর্বমুক্তা অঙ্গমুদ্রেয়মুচ্যতে || ১, ১১. ৩৩ ||
মুষ্টিদ্বয়মথো বদ্ধা এবমেবানুপূর্বশঃ |
দশানাং লোকপালানাং মুদ্রাশ্চ ক্রময়োগতঃ || ১, ১১. ৩৪ ||
সুরমাদ্যং দ্বিতীয়ং চ উপান্ত্যঞ্চান্ত্যমেব চ |
বাসুদেবো বলঃ কামো হ্যনিরুদ্ধো যথাক্রমম্ || ১, ১১. ৩৫ ||
প্রণবস্তৎসদিত্যেতধুং ক্ষৈং ভূরিতি মন্ত্রকাঃ |
নারায়ণস্তথা ব্রহ্মা বিষ্ণুঃ সিংহো বরাহরাট্ || ১, ১১. ৩৬ ||
সিতারুণহরিদ্রাভা নীলশ্যামল্লোহিতাঃ |
মেঘাগ্নিমদুপিঙ্গাভা বর্ণতো নবনামকাঃ || ১, ১১. ৩৭ ||
কং টং পং শং গরুত্মান্স্যাজ্জং খং বং চ সুদর্শনম্ |
ষং চং ফং ষং গদাদেবী বং লং মং ক্ষং চ শঙ্খকম্ || ১, ১১. ৩৮ ||
ঘং ঢং ভং হং ভবেচ্ছ্রীশ্চ গং জং বং শং চ পুষ্টিকা |
ঘং বং চ বনমালা স্যাচ্ছ্রী বৎসং দং সং ভবেৎ || ১, ১১. ৩৯ ||
ছং ডং পং যং কৌস্তুভঃ প্রোক্তশ্চানন্তো হ্যহমেব চ |
ইত্যঙ্গানিয়থায়োগং দেবদেবস্য বৈ দশা || ১, ১১. ৪০ ||
গরুডোঽম্বুজসঙ্কাশো গদা চৈবাসিতাকৃতিঃ |
পুষ্টিঃ শিরীষপুষ্পাভা লক্ষ্মীঃ কাঞ্চনসন্নিভা || ১, ১১. ৪১ ||
পূর্ণচন্দ্রনিভঃ শঙ্খঃ কৌস্তুভস্ত্বরুণদ্যুতিঃ |
চক্রং সূর্যসহস্রাভং শ্রীবৎসঃ কুন্দসন্নিভঃ || ১, ১১. ৪২ ||
পঞ্চবর্ণনিভা মালা হ্যনন্তো মেঘসন্নিভঃ |
বিদ্যুদ্রূপাণি চাস্ত্রাণি যানি নোক্তানি বর্ণতঃ || ১, ১১. ৪৩ ||
অর্ঘ্যপাদ্যাদি বৈ দদ্যাৎপুণ্ডরীকাক্ষবিদ্যয়া || ১, ১১. ৪৪ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
নবব্যূহার্চনং নামৈকাদশোঽধ্যায়ঃ
শ্রীগরুডমহাপুরাণম্-১২
হরিরুবাচ |
পূজানুক্রমসিদ্ধ্যর্থং পূজানুক্রম উচ্যতে |
ওঁ নম ইত্যাদৌ সংস্মৃতিঃ পরমাত্মনঃ || ১, ১২. ১ ||
যং রং বং লমিতি কায়শুদ্ধিঃ |
ওঁ নম ইতি চতুর্ভুজাত্মনির্মাণম্ || ১, ১২. ২ ||
ততস্ত্রিবিধঃ করকায়ন্যাসঃ |
ততো ৎদৃদিস্থয়োগপীঠপূজা |
ওঁ অনন্তায় নমঃ |
ওঁ ধর্মায় নমঃ |
ওঁ জ্ঞানায় নমঃ |
ওঁ বৈরাগ্যায় নমঃ |
ওঁ ঐশ্বর্যায় নমঃ |
ওঁ অধর্মায় নমঃ |
ওঁ অজ্ঞানায় নমঃ |
ওঁ অবৈরাগ্যায় নমঃ |
ওঁ অনৈশ্বর্যায় নমঃ |
ওঁ পদ্মায় নমঃ |
ওঁ আদিত্যমণ্ডলায় নমঃ |
ওঁ চন্দ্রমণ্ডলায় নমঃ |
ওঁ বহ্নিমণ্ডলায় নমঃ |
ওঁ বিমলায়ৈ নমঃ |
ওঁ উৎকর্ষিণ্যৈ নমঃ |
ওঁ জ্ঞানায়ৈ নমঃ |
ওঁ ক্রিয়ায়ৈ নমঃ |
ওঁ যোগায়ৈ নমঃ |
ওঁ প্রহ্ব্যৈ নমঃ |
ওঁ সত্যায়ৈ নমঃ |
ওঁ ঈশানায়ৈ নমঃ |
ওঁ সর্বতোমুখ্যৈ নমঃ |
ওঁ সঙ্গোপাঙ্গায় হরেরাসনায় নমঃ |
ততঃ কর্ণিকায়াম্-অং বাসুদেবায় নমঃ |
আং হৃদয়ায় নমঃ |
ঈং শিরসে নমঃ |
ঊং শিখায়ৈ নমঃ |
ঐং কবচায় নমঃ |
ঔং নেত্রত্রয়ায় নমঃ |
অঃ ফটস্ত্রায় নমঃ |
আং সঙ্কর্ষণায় নমঃ |
অং প্রদ্যুম্নায় নমঃ |
অঃ অনিরুদ্ধায় নমঃ |
ওঁ অঃ নারায়ণায় নমঃ |
ওঁ তৎসব্দহ্মণে নমঃ |
ওঁ হুং বিষ্ণবে নমঃ |
ক্ষৈং নরসিংহায় ভূর্বরাহ্য কং বৈনতেয়ায় জং খং বং সুদর্শনায়
খং চং ফং ষং গদায়ৈ বং লং মং ক্ষং পাঞ্চজন্যায় ঘং ঢং
ভং হং শ্রিয়ৈ গং ডং বং শং পুষ্ট্যৈ ধং বং
বনমালায়ৈ দং শং শ্রীবৎসায় ছং ডং যং কৌস্তুভায় শং শার্ঙ্গায়
ইং ইষুধিভ্যাং চং চর্মণে খং খড্গায় ইন্দ্রায় সুরায় পর্তয়ে অগ্নয়ে
তেজোধিপতয়েয়মায়ধর্মাধিপতয়েক্ষংনৈরৃতায়রক্ষোধিপতয়ে বরুণায়
জলাধিপতয়ে যোং বায়বে প্রাণাধিপতয়ে ধাং ধনদায় ধনাধিপতয়ে
হাং ঈশানায় বিদ্যাধিপতয়ে ওঁ বজ্রায় শক্ত্যৈ ওঁ
দণ্ডায় খঙ্গায় ওঁ পাশায় ধ্বজায় গদায়ৈ ত্রিশূলায় লং অনন্তায়
পাতালাধিপতয়ে খং ব্রহ্মণে সর্বলোকাধিপতয়ে ওঁ নমো ভগবতে বাসুদেবায় নমঃ |
ওঁ ওঁ নমঃ |
ওঁ নং নমঃ |
ওঁ মোং নমঃ |
ওঁ ওঁ ভং নমঃ |
ওঁ গং নমঃ |
ওঁ বং নমঃ |
ওঁ তেং নমঃ |
ওঁ বাং নমঃ |
ওঁ সুং নমঃ |
ওঁ দেং নমঃ |
ওঁ বাং নমঃ |
ওঁ যং নমঃ |
ওঁ ওঁ নমঃ |
ওঁ নং নমঃ |
ওঁ মোং নমঃ |
ওঁ নাং নমঃ |
ওঁ রাং নমঃ |
ওঁ ণাং নমঃ |
ওঁ যং নমঃ |
ওঁ নংনোং ভগবতেং বাংসুন্দেবায়ং ওঁ নমো নারায়ণায় নমঃ |
ওঁ পুরুষোত্তমায় নমঃ || ১, ১২. ৩ ||
নমস্তে পুণ্ডরীকাক্ষ নমস্তে বিশ্বভাবন |
সুব্রহ্মণ্য নমস্তেঽস্তু মহাপুরুষ পূর্বজ || ১, ১২. ৪ ||
হোমকর্ণণি চৈতেষাং স্বাহান্তমুপকল্পয়েৎ |
এবং জপ্ত্বা বিধানেন শতমষ্টোত্তরং তথা || ১, ১২. ৫ ||
অর্ঘং দত্ত্বা জিতং তেন প্রণামং চ পুনঃ পুনঃ |
ততোঽগ্নাবপি সম্পূজ্যং তং যজেত যথাবিধি || ১, ১২. ৬ ||
দেবদেবং স্ববীজেন অঙ্গাদিভিরথাচ্যুতম্ |
পূর্বমুল্লিখ্য চাভ্যুক্ষ্য প্রণবেন তু মন্ত্রবিৎ || ১, ১২. ৭ ||
ভ্রাময়িৎবানলং কুণ্ডে পূজয়েচ্চ শুভৈঃ ফলৈঃ |
পূর্বং তৎসকলং ধ্যাৎবা মণ্ডলে মনসা ন্যসেৎ || ১, ১২. ৮ ||
বাসুদেবাখ্যতত্ত্বেন হুৎবা চাষ্টোত্তরং শতম্ |
সঙ্কর্ষণাদিবীজেন যজেৎষট্কং তথৈব চ || ১, ১২. ৯ ||
ত্রয়ন্ত্রয়ং তথাঙ্গানামেকৈকান্দিক্পতীংস্তথা |
পূর্ণাহুতিং তথৈবান্তে দদ্যাৎসম্যগুপস্থিতঃ || ১, ১২. ১০ ||
বাগতীতে পরে তত্ত্বে আত্মানং চ লয়ং নয়েৎ |
উপবিশ্য পুনর্মুদ্রাং দর্শয়িৎবা নমেৎপুনঃ || ১, ১২. ১১ ||
নিত্যমেবংবিধং হোমং নৈমিত্তে দ্বিগুণং ভবেৎ |
গচ্ছগচ্ছ পরং স্থানং যত্র দেবো নিরঞ্জনঃ || ১, ১২. ১২ ||
গচ্ছন্তু দেবতাঃ সর্বাঃ স্বস্থানস্থিতিহেতবে |
সুদর্শনঃ শ্রীহরিশ্চ অচ্যুতঃ স ত্রিবিক্রমঃ || ১, ১২. ১৩ ||
চতুর্ভুজো বাসুদেবঃ ষষ্ঠঃ প্রদ্যুম্ন এব চ |
সঙ্কর্ষণঃ পূরুষোঽথ নবব্যূহো দশাত্মকঃ || ১, ১২. ১৪ ||
অনিরুদ্ধো দ্বাদশাত্মা অথ ঊর্ধমনন্তকঃ |
এতে একাদিভিশ্চক্রৈর্বিজ্ঞেয়া লক্ষিতাঃ সুরাঃ || ১, ১২. ১৫ ||
চক্রাঙ্কিতৈঃ পূজিতঃ স্যান্দ্রৃহে রক্ষেৎসদানরৈঃ |
ওঁ চক্রায় স্বাহা, ওঁ বিচক্রায় স্বাহা, ওঁ সুচক্রায় স্বাহা, ওঁ মহাচক্রায় স্বাহা,
ওঁ মহাচক্রায় অসুরান্তকৃথুং ফটোং হুং সহস্রার হুং ফট্ || ১, ১২. ১৬ ||
দ্বারকাচক্রপূজেয়ং গৃহে রক্ষাকরী শুভা || ১, ১২. ১৭ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
পূজানুক্রমনিরূপণং নাম দ্বাদশোঽধ্যায়ঃ
শ্রীগরুডমহাপুরাণম্-১৩
হরিরুবাচ |
প্রবক্ষ্যাম্যধুনা হ্যেতদ্বৈষ্ণবং পঞ্জরং শুভম্ |
নমোনমস্তে মোবিদং চক্রং গৃহ্য সুদর্শনম্ || ১, ১৩. ১ ||
প্রাচ্যাং রক্ষস্ব মাং বিষ্ণো ! ৎবামহং শরণং গতঃ |
গদাং কৌমোদকীং গৃহ্ণ পদ্মনাভ নমোঽস্ত তে || ১, ১৩. ২ ||
যাম্যাং রক্ষস্ব মাং বিষ্ণো ! ৎবামহং শরণং গতঃ |
হলমাদায় সৌনন্দে নমস্তে পুরুষোত্তম || ১, ১৩. ৩ ||
প্রতীচ্যাং রক্ষ মাং বিষ্ণো ! ৎবামহ শরণং গতঃ |
মুসলং শাতনং গৃহ্য পুণ্ডরীকাক্ষ রক্ষ মাম্ || ১, ১৩. ৪ ||
উত্তরস্যাং জগন্নাথ ! ভবন্তং শরণং গতঃ |
খড্গমাদায় চর্মাথ অস্ত্রশাস্ত্রাদিকং হরে ! || ১, ১৩. ৫ ||
নমস্তে রক্ষ রক্ষোঘ্ন ! ঐশান্যাং শরণং গতঃ |
পাঞ্চজন্যং মহাশঙ্খমনুঘোষ্যং চ পঙ্কজম্ || ১, ১৩. ৬ ||
প্রগৃহ্য রক্ষ মাং বিষ্ণো আগ্ন্যেয়্যাং রক্ষ সূকর |
চন্দ্রসূর্যং সমাগৃহ্য খড্গং চান্দ্রমসং তথা || ১, ১৩. ৭ ||
নৈরৃত্যাং মাং চ রক্ষস্ব দিব্যমূর্তে নৃকেসরিন্ |
বৈজয়ন্তীং স্মপ্রগৃহ্য শ্রীবৎসং কণ্ঠভূষণম্ || ১, ১৩. ৮ ||
বায়ব্যাং রক্ষ মাং দেব হয়গ্রীব নমোঽস্তু তে |
বৈনতেয়ং সমারুহ্য ৎবন্তরিক্ষে জনার্দন ! || ১, ১৩. ৯ ||
মাং রক্ষস্বাজিত সদা নমস্তেঽস্ত্বপরাজিত |
বিশালাক্ষং সমারুহ্য রক্ষ মাং ৎবং রসাতলে || ১, ১৩. ১০ ||
অকূপার নমস্তুভ্যং মহামীন নমোঽস্তু প্তে |
করশীর্ষাদ্যঙ্গুলীষু সত্য ৎবং বাহুপঞ্জরম্ || ১, ১৩. ১১ ||
কৃৎবা রক্ষস্ব মাং বিষ্ণো নমস্তে পুরুষোত্তম |
এতদুক্তং শঙ্করায় বৈষ্ণবং পঞ্জরং মহৎ || ১, ১৩. ১২ ||
পুরা রক্ষার্থমীশান্যাঃ কাত্যায়ন্যা বৃষধ্বজ |
নাশায়ামাস সা যেন চামরান্মহিষাসুরম্ || ১, ১৩. ১৩ ||
দানবং রক্তবীজং চ অন্যাংশ্চ সুরকণ্টকান্ |
এতজ্জপন্নরো ভক্ত্যা শত্রূন্বিজয়তে সদা || ১, ১৩. ১৪ ||
ইতি শ্রীগারুডে পূর্বখণ্ডে প্রথমাংশাখ্যে আচারকাণ্ডে
বিষ্ণুপঞ্জরস্তোত্রং নাম ত্রয়োদশোঽধ্যায়ঃ
শ্রীগরুডমহাপুরাণম্-১৪
হরিরুবাচ |
অথ যোগং প্রবক্ষ্যামি ভুক্তিমুক্তিকরং পরম্ |
ধ্যায়িভিঃ প্রোচ্যতে ধ্যেয়ো ধ্যানেন হরিরীশ্বরঃ || ১, ১৪. ১ ||
তচ্ছৃণুষ্ব মহেশান সর্বপাপবিনাশনম্ |
বিষ্ণুঃ সর্বেশ্বরোঽনন্তঃ ষড্ভির্ভূপরিবর্জিতঃ || ১, ১৪. ২ ||
বাসুদেবো জগন্নাথো ব্রহ্মাত্মাস্ম্যহমেব হি |
দেহিদেহস্থিতো নিত্যঃ সর্বদেহবিবর্জিতঃ || ১, ১৪. ৩ ||
দেহধর্মবিহীনশ্চ ক্ষরাক্ষরবিবর্জিতঃ |
ষড্বিধেষু স্থিতো দ্রষ্টা শ্রোতা ঘ্রাতা হ্যতীন্দ্রিয়ঃ || ১, ১৪. ৪ ||
তদ্ধর্মরহিতঃ স্রষ্টা নামগোত্রবিবর্জিতঃ |
মন্তা মনঃ স্থিতো দেবো মনসা পরিবর্জিতঃ || ১, ১৪. ৫ ||
মনোধর্মবিহীনশ্চ বিজ্ঞানং জ্ঞানমেব চ |
বোদ্ধা বুদ্ধিস্থিতঃ সাক্ষী সর্বজ্ঞো বুদ্ধিবর্জিতঃ || ১, ১৪. ৬ ||
বুদ্ধিধর্মবিহীনশ্চ সর্বঃ সর্বগতো মনঃ |
সর্বপ্রাণিবিনির্মুক্তঃ প্রাণধর্মবিবর্জিতঃ || ১, ১৪. ৭ ||
প্রাণপ্রাণো মহাশান্তো ভয়েন পরিবর্জিতঃ |
অহঙ্কারাদিহীনশ্চ তদ্ধর্মপরিবর্জিতঃ || ১, ১৪. ৮ ||
তৎসাক্ষী তন্নিয়ন্তা চ পরমানন্দরূপকঃ |
জাগ্রৎস্বপ্নসুষুপ্তিস্থস্তৎসাক্ষী তদ্বিবর্জিতঃ || ১, ১৪. ৯ ||
তুরীয়ঃ পরমো ধাতা দৃগ্রূপো গুণবর্জিতঃ |
মুক্তো বুদ্ধোঽজরো ব্যাপী সত্য আত্মাস্ম্যহং শিবঃ || ১, ১৪. ১০ ||
এবং যে মানবা বিজ্ঞা ধ্যায়ন্তীশং পরং পদম্ |
প্রাপ্নুয়ুস্তে চ তদ্রূপং নাত্র কার্যা বিচারণা || ১, ১৪. ১১ ||
ইতি ধ্যানং সমাখ্যাতং তব শঙ্কর সুব্রত |
পঠেদ্য এতৎসততং বিষ্ণুলোকং স গচ্ছতি || ১, ১৪. ১২ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ধ্যানয়োগো নাম চতুর্দশোঽধ্যায়ঃ
শ্রীগরুডমহাপুরাণম্-১৫
রুদ্র উবাচ |
সংসারসাগরাদ্ধোরামুচ্যতে কিং জপন্প্রভো |
নরস্তন্মে পরং জপ্যং পথয় ৎবং জনার্দন || ১, ১৫. ১ ||
হরিরুবাচ |
পরেশ্বরং পরং ব্রহ্ম পরমাত্মানমব্যয়ম্ |
বিষ্ণুং নামসহস্রেণ স্তুবন্মুক্তো ভবেন্নরঃ || ১, ১৫. ২ ||
যৎপ বিত্রং পরং জপ্যং কথয়ামি বৃষধ্বজ ! |
শৃণুষ্বাবহিতো ভূৎবা সর্বপাপবিনাশনম্ || ১, ১৫. ৩ ||
ওঁ বাসুদেবো মহাবিষ্ণুর্বামনো বাসবো বসুঃ |
বালচন্দ্র নিভো বালো বলভদ্রো বলাধিপঃ || ১, ১৫. ৪ ||
বলিবন্ধনকৃদ্বেধা (১১) বরেণ্যো বেদবিৎকিবিঃ |
বেদকর্তা বেদরূপো বেদ্যো বেদপরিপ্লুতঃ || ১, ১৫. ৫ ||
বেদাঙ্গবেত্তা বেদেশো(২০) বলাধারো বলার্দনঃ |
অবিকারো বরেশশ্চ বরুণো বরুণাধিপঃ || ১, ১৫. ৬ ||
বীরহা চ বৃহদ্বীরো বন্দিতঃ পরমেশ্বরঃ (৩০) |
আত্মা চ পরমাত্মা চ প্রত্যগাত্মা বিয়ৎপরঃ || ১, ১৫. ৭ ||
পদ্মনাভঃ পদ্মনিধিঃ পদ্মহস্তো গদাধরঃ |
পরমঃ (৪০) পরভূতশ্চ পুরুষোত্তম ঈশ্বরঃ || ১, ১৫. ৮ ||
পদ্মজঙ্ঘঃ পুণ্ডরীকঃ পদ্মমালাধরঃ প্রিয়ঃ |
পদ্মাক্ষঃ পদ্মগর্ভশ্চ পর্জন্যঃ (৫০) পদ্মসংস্থিতঃ || ১, ১৫. ৯ ||
অপারঃ পরমার্থশ্চ পরাণাং চ পরঃ প্রভুঃ |
পণ্ডিতঃ পণ্ডিতেড্যশ্চ পবিত্রঃ পাপমর্দকঃ || ১, ১৫. ১০ ||
শুদ্ধঃ (৬০) প্রকাশরূপশ্চ পবিত্রঃ পরিরক্ষকঃ |
পিপাসাবর্জিতঃ পাদ্যঃ পুরুষঃ প্রকৃতিস্তথাঃ || ১, ১৫. ১১ ||
প্রধানং পৃথিবীপদ্মং পদ্মনাভঃ (৭০) প্রিয়প্রদঃ |
সর্বেশঃ সর্বগঃ সর্বঃ সর্ববিৎসর্বদঃ সুরঃ || ১, ১৫. ১২ ||
সর্বস্য জগতো ধাম সর্বদর্শো চ সর্বভৃৎ(৮০) |
সর্বানুগ্রহকৃদ্দেবঃ সর্বভূতহৃদি স্থিতঃ || ১, ১৫. ১৩ ||
সর্বপূজ্যশ্চ সর্বাদ্যঃ সর্বদেবনমস্কৃতঃ |
সর্বস্য জগতো মূলং সকলো নিষ্কলোঽনলঃ (৯০) || ১, ১৫. ১৪ ||
সর্বগোপ্তা সর্বনিষ্ঠঃ সর্বকারণকারণম্ |
সর্বধ্যেয়ঃ সর্বমিত্রঃ সর্বদেস্ববরূপধৃক্ || ১, ১৫. ১৫ ||
সর্বাধ্যক্ষঃ সুরাধ্যক্ষ সুরাসুরনমস্কৃতঃ |
দুষ্টানাং চ সুরাণাং চ সর্বদা ঘাতকোঽন্তকঃ (১০১) || ১, ১৫. ১৬ ||
সত্যপালশ্চ সন্নাভঃ সিদ্ধেশঃ সিদ্ধবন্দিতঃ |
সিদ্ধসাধ্যঃ সিদ্ধসিদ্ধঃ সাধ্যসিদ্ধো (সিদ্ধিসিদ্ধ) হৃদীশ্বরঃ || ১, ১৫. ১৭ ||
শরণং জগতশ্চৈব (১১০) শ্রেয়ঃ ক্ষেমস্তথৈব চ |
শুভকৃচ্ছোভনঃ সৌম্যঃ সত্যঃ সত্যপরাক্রমঃ || ১, ১৫. ১৮ ||
সত্যস্থঃ সত্যসঙ্কল্পঃ সত্যবিৎসত্য (ৎপ) দস্তথা (১২১) |
ধর্মো ধর্মো চ কর্মো চ সর্বকর্মবিবর্জিতঃ || ১, ১৫. ১৯ ||
কর্মকর্তা চ কর্মৈব ক্রিয়া কার্যং তথৈব চ |
শ্রীপতির্নৃপতিঃ (১৩১) শ্রীমান্সর্বস্য পতিরূর্জিতঃ || ১, ১৫. ২০ ||
সদেবানাং পতিশ্চৈব বৃষ্ণীনাং পতিরীডিতঃ |
পতির্হিরণ্যগর্ভস্য ত্রিপুরান্তপতিস্তথা || ১, ১৫. ২১ ||
পশূনাং চ পতিঃ প্রায়ো বসূনাং পতিরেব চ (১৪০) |
পতিরাখণ্ডলস্যৈব বরূণস্য পতিস্তথা || ১, ১৫. ২২ ||
বনস্পতীনাং চ পতিরনিলস্য পতিস্তথা |
অনলস্য পতিশ্চৈব যমস্য পতিরেব চ || ১, ১৫. ২৩ ||
কুবেরস্য পতিশ্চৈব নক্ষত্রাণাং পতিস্তথা |
ওষধীনাং পতিশ্চৈব বৃক্ষাণাং চ পতিস্তথা (১৫০) || ১, ১৫. ২৪ ||
নাগানাং পতিরর্কস্য দক্ষস্য পতিরেব চ |
সুহৃদাং চ পতিশ্চৈব নৃপাণাং চ পতিস্তথা || ১, ১৫. ২৫ ||
গন্ধর্বাণাং পতিশ্চৈব অসূনাং পতিরুত্তমঃ |
পর্বতানাং পতিশ্চৈব নিম্নগানাং পতিস্তথা || ১, ১৫. ২৬ ||
সুরাণাং চ পতিঃ শ্রেষ্ঠঃ (১৬০) কপিলস্য পতিস্তথা |
লতানাং চ পতিশ্চৈব বীরুধাং চ পতিস্তথা || ১, ১৫. ২৭ ||
মুনীনাং চ পতিশ্চৈব সূর্যস্য পতিরুত্তমঃ |
পতিশ্চন্দ্রমসঃ শ্রেষ্ঠঃ সুক্রস্য পতিরেব চ || ১, ১৫. ২৮ ||
গ্রহাণাং চ পতিশ্চৈব রাক্ষসানাং পতিস্তথা |
কিন্নরাণাং পতিশ্চৈব (১৭০) দ্বিজানাং পতিরুত্তমঃ || ১, ১৫. ২৯ ||
সরিতাং চ পতিশ্চৈব সমুদ্রাণাং পতিস্তথা |
সরসাং চ পতিশ্চৈব ভূতানাং চ পতিস্তথা || ১, ১৫. ৩০ ||
বেতালানাং পতিশ্চৈব কূষ্মাণ্ডানাং পতিস্তথা |
পক্ষিণাং চ পতিঃ শ্রেষ্ঠঃ পশূনাং পতিরেব চ || ১, ১৫. ৩১ ||
মহাত্মা (১৮০) মঙ্গলো মেয়ো মন্দরো মন্দরেশ্বরঃ |
মেরুর্মাতা প্রমাণং চ মাধবো মলবর্জিতঃ || ১, ১৫. ৩২ ||
মালাধরো (১৯০) মহাদেবো মহাদেবেন পূজিতঃ |
মহাশান্তো মহাভাগো মধুসূদন এব চ || ১, ১৫. ৩৩ ||
মহাবীর্যো মহাপ্রাণো মার্কণ্ডেয়র্ষিবন্দিতঃ(২০০) |
মায়াত্মা মায়য়া বদ্ধো মায়য়া তু বিবর্জিতঃ || ১, ১৫. ৩৪ ||
মুনিস্তুতো মুনির্মৈত্রো (২১০) মহানা (রা) সো মহাহনুঃ |
মহাবাহুর্মহাদান্তো মরণেন বিবর্জিতঃ || ১, ১৫. ৩৫ ||
মহাবৎক্ক্রো মহাত্মা চ মহাকায়ো মহোদরঃ |
মহাপাদো মহাগ্রীবো মহামানী মহামনাঃ || ১, ১৫. ৩৬ ||
মহাগতির্মংহাকীর্তির্মহারূপো (২২২) মহাসুরঃ |
মধুশ্চ মাধবশ্চৈব মহাদেবো মহেশ্বরঃ || ১, ১৫. ৩৭ ||
মখেজ্যো মখরূপী চ মাননীয়ো (২৩০) মখেশ্বরঃ |
মহাবাতো মহাভাগো মহেশোঽতীতমানুষঃ || ১, ১৫. ৩৮ ||
মানবশ্চ মনুশ্চৈব মানবানাং প্রিয়ঙ্করঃ |
মৃগশ্চ মৃগপূজ্যশ্চ (২৪০) মৃগাণাং চ পতিস্তথা || ১, ১৫. ৩৯ ||
বুধস্য চ পতিশ্চৈব পতিশ্চৈব বৃহস্পতেঃ |
পতিঃ শনৈশ্চরস্যৈব রাহোঃ কেতোঃ পতিস্তথা || ১, ১৫. ৪০ ||
লক্ষ্মণো লক্ষণশ্চৈব লম্বৌষ্ঠো ললিতস্তথা(২৫০) |
নানালঙ্কারসংযুক্তো নানাচন্দনচর্চিতঃ || ১, ১৫. ৪১ ||
নানারসোজ্জবলদ্বক্ক্রো নানাপুষ্পোপশোভিতঃ |
রামো রমাপতিশ্চৈব সভার্যঃ পরমেশ্বরঃ || ১, ১৫. ৪২ ||
রত্নদো রত্নহর্তা চ(২৬০) রূপী রূপবিবর্জিতঃ |
মহারূপোগ্ররূপশ্চ সৌম্যরূপস্তথৈব চ || ১, ১৫. ৪৩ ||
নীলমেঘনিভঃ শুদ্ধঃ সালমেঘনিভস্তথা |
ধূমবর্ণঃ পতিবর্ণো নানারূপো(২৭০) হ্যবর্ণকঃ || ১, ১৫. ৪৪ ||
বিরূপো রূপদশ্চৈব শুক্লবর্ণস্তথৈব চ |
সর্ববর্ণো মহায়োগী যজ্ঞো (যাজ্যো) যজ্ঞকৃদেব চ || ১, ১৫. ৪৫ ||
সুবর্ণবর্ণবাংশ্চৈব সুবর্ণাখ্যস্তথৈব চ (২৮০) সুবর্ণাবয়বশ্চৈব
সুবর্ণঃ স্বর্ণমেখলঃ || ১, ১৫. ৪৬ ||
সুবর্ণস্য প্রদাতা চ সুবর্ণেশস্তথৈব চ |
সুবর্ণস্য প্রিয়শ্চৈব (২৯০) সুবর্ণাঢ্যস্তথৈব চ || ১, ১৫. ৪৭ ||
সুপর্ণো চ মহাপর্ণো সুপর্ণস্য চ কারণ্(২৯০) |
বৈনতেয়স্তথাদিত্য আদিরাদিকরঃ শিবঃ || ১, ১৫. ৪৮ ||
কারণং মহতশ্চৈব প্রধানস্য চ কারণম্ |
বুদ্ধীনাং কারণং চৈব কারণং মনসস্তথা || ১, ১৫. ৪৯ ||
কারণং চৈতসশ্চৈব(৩০০) অহঙ্কারস্য কারণম্ |
ভূতানাং কারণং তদ্বৎকারণং চ বিভাবসোঃ || ১, ১৫. ৫০ ||
আকাশকারণং তদ্বৎপৃথিব্যাঃ কারণং পরম্ |
অণ্ডস্য কারণং চৈব প্রকৃতেঃ কারণং তথা || ১, ১৫. ৫১ ||
দেহস্য কারণং চৈব চক্ষুষশ্চৈব কারণম্ |
শ্রোত্রস্য কারণং(৩১০) তদ্বৎকারণং চ ৎবচস্তথা || ১, ১৫. ৫২ ||
জিহ্বায়াঃ কারণং চৈব প্রাণস্যৈব চ কারণম্ |
হস্তয়োঃ কারণং তদ্বৎপাদয়োঃ কারণং তথা || ১, ১৫. ৫৩ ||
বাচশ্চকারণং তদ্বৎপায়োশ্চৈব তুকারণম্ |
ইন্দ্রস্য কারণং চৈব কুবেরস্য চ কারণম্ || ১, ১৫. ৫৪ ||
যমস্য কারণং চৈব (৩২০) ঈশানস্য চ কারণম্ |
যক্ষাণাং কারণং চৈব রক্ষসাং কারণং পরম্ || ১, ১৫. ৫৫ ||
নৃপাণাং কারণং শ্রেষ্ঠং ধর্মস্যৈব তু কারণম্ |
জন্তূনাং কারণং চৈব বসূনাং কারণং পরম্ || ১, ১৫. ৫৬ ||
মনূনাং কারণং চৈব পক্ষিণাং কারণং পরম্ |
মুনীনাং কারণং শ্রেষ্ঠ(৩৩০) যোগিনাং কারণং পরম্ || ১, ১৫. ৫৭ ||
সিদ্ধানাং কারণং চৈব যক্ষাণাং কারণং পরম্ |
কারণং কিন্নরাণাং চ(৩৪০) গন্ধর্বাণাং চ কারণম্ || ১, ১৫. ৫৮ ||
নদানাং কারণং চৈব নদীনাং কারণং পরম্ |
কারণং চ সমুদ্রাণাং বৃক্ষাণাং কারণং তথা || ১, ১৫. ৫৯ ||
কারণং বীরুধাং চৈব লোকানাং কারণং তথা |
পাতাল কারণং চৈব দেবানাং কারণং তথা || ১, ১৫. ৬০ ||
সর্পাণাং কারণং চৈব(৩৫০) শ্রেয়সাং কারণং তথা |
পূশনাং কারণং চৈব সর্বেষাং কারণং তথা || ১, ১৫. ৬১ ||
দেহাত্মা চেন্দ্রিয়াত্মা চ আত্মা বুদ্ধিস্তথৈব চ |
মনসশ্চ তথৈবাত্মা চাত্মাহঙ্কারচেতসঃ || ১, ১৫. ৬২ ||
জাগ্রতঃ স্বপতশ্চাত্মা (৩৬০) মহদাত্মা পরস্তথা |
প্রধানস্য পরাত্মা চ আকাশাত্মা হ্যপাং তথা || ১, ১৫. ৬৩ ||
পৃথিব্যাঃ পরমাত্মা চ রসস্যাত্মা তথৈব চ |
গন্ধস্য পরমাত্মা চ রূপস্যাত্মা পরস্তথা || ১, ১৫. ৬৪ ||
শব্দাত্মা চৈব (৩৭০) বাগাত্মা স্পর্শাত্মা পুরুষস্তথা |
শ্রোত্রাত্মা চ ৎবগাত্মা চ জিহ্বায়াঃ পরমস্তথা || ১, ১৫. ৬৫ ||
ঘ্রাণাত্মা চৈব হস্তাত্মা পাদাত্মা পরমস্তথা(৩৮০) |
উপস্থস্য তথৈবাত্মা পায়্বাত্মা পরমস্তথা || ১, ১৫. ৬৬ ||
ইন্দ্রাত্মা চৈব ব্রহ্মাত্মা রুদ্রা(শান্তা) ত্মা চ মনোস্তথা |
দক্ষপ্রজাপতেরাত্মা সত্যা (স্রষ্টা) ত্মা পরমস্তথা || ১, ১৫. ৬৭ ||
ঈশাত্মা(৩৯০) পরমাত্মা চ রৌদ্রাত্মা মোক্ষবিদ্যতিঃ |
যত্নবাংশ্চ তথা যত্নশ্চর্মো খড্গী মুরান্তকঃ || ১, ১৫. ৬৮ ||
হ্রীপ্রবর্তনশীলশ্চ যতীনাং চ হিতে রতঃ |
যতিরূপী চ (৪০০) যোগী চ যোগিধ্যেয়ো হরিঃ শিতিঃ || ১, ১৫. ৬৯ ||
সংবিন্মেধা চ কালশ্চ ঊষ্মা বর্ষা ম(ন) তিস্তথা(৪১০) |
সংবৎসরো মোক্ষকরো মোহপ্রধ্বংসকস্তথা || ১, ১৫. ৭০ ||
মোহকর্তা চ দুষ্টানাং মাণ্ডব্যো বডবামুখঃ |
সংবর্তঃ কালকর্তা চ গৌতমো ভৃগুরঙ্গিরাঃ (৪২০) || ১, ১৫. ৭১ ||
অত্নির্বসিষ্ঠঃ পুলহঃ পুলস্ত্যঃ কুৎস এব চ |
যাজ্ঞবল্ক্যো দেবলশ্চ ব্যাসশ্চৈব পরাশরঃ || ১, ১৫. ৭২ ||
শর্মদশ্চৈব(৪৩০) গাঙ্গেয়ো হৃষীকেশো বৃহচ্ছ্রবাঃ |
কেশবঃ ক্লেশহন্তা চ সুকর্ণঃ কর্ণবর্জিতঃ || ১, ১৫. ৭৩ ||
নারায়ণো মহাভাগঃ প্রাণস্য পতিরেব চ (৪৪০) |
অপানস্য পতিশ্চৈব ব্যানস্য পতিরেব চ || ১, ১৫. ৭৪ ||
উদানস্য পতিঃ শ্রেষ্ঠঃ সমানস্য পতিস্তথা |
শব্দস্য চ পতিঃ শ্রেষ্ঠঃ স্পর্শস্য পতিরেব চ || ১, ১৫. ৭৫ ||
রূপাণাং চ পতিশ্চাদ্যঃ খঙ্গপাণির্হলায়ুধঃ(৪৫০) |
চক্রপাণিঃ কুণ্ডলী চ শ্রীবৎসাঙ্কস্তথৈব চ || ১, ১৫. ৭৬ ||
প্রকৃতিঃ কৌস্তুভগ্রীবঃ পীতাম্বরধরস্তথা |
সুমুখো দুর্মুখশ্চৈব মুনখেন তু বিবর্জিতঃ || ১, ১৫. ৭৭ ||
অনন্তোঽনন্তরূপশ্চ(৪৬১) সুনখঃ সুরমন্দরঃ |
সুকপোলো বিভুর্জিষ্ণুর্ভ্রাজিষ্ণুশ্চৈষুধীস্তথা || ১, ১৫. ৭৮ ||
হিরণ্যকশিপোর্হন্তা হিরণ্যাক্ষবিমর্দকঃ (৪৭০) |
নিহন্তা পূতনায়াশ্চ ভাস্করান্তবিনাশনঃ || ১, ১৫. ৭৯ ||
কেশিনো দলনশ্চৈব মুষ্টিকস্য বিমর্দকঃ |
কংসদানবভেত্তা চ চাণূরস্য প্রমর্দকঃ || ১, ১৫. ৮০ ||
অরিষ্টস্য নিহন্তা চ অক্রূরপ্রিয় এব চ |
অক্রূরঃ ক্রূররূপশ্চ(৪৮০) অক্রূরপ্রিয়বন্দিতঃ || ১, ১৫. ৮১ ||
ভগহা ভগবান্ভানুস্তথা ভাগবতঃ স্বগবতঃ স্বয়ম্ |
উদ্ধবশ্চোদ্ধবস্যেশো হ্যুদ্ধেবন বিচিন্তিতঃ || ১, ১৫. ৮২ ||
চক্রধৃক্চঞ্চলশ্চৈব(৪৯০) চলাচলবিবর্জিতঃ |
অহং কারোপমাশ্চিত্তং গগনং পৃথিবী জলম্ || ১, ১৫. ৮৩ ||
বায়ুশ্চক্ষুস্তথা শ্রোত্রং(৫০০) জিহ্বা চ ঘ্রাণমেব চ |
বাক্পাণিপাদজবনঃ পায়ূপস্থস্তথৈব চ || ১, ১৫. ৮৪ ||
শঙ্করশ্চৈব সর্বশ্চ ক্ষান্তিদঃ ক্ষান্তিকৃন্নরঃ (৫১১) |
ভক্তপ্রিয়স্ততা ভর্তা ভক্তিমান্ভক্তিবর্ধনঃ || ১, ১৫. ৮৫ ||
ভক্তস্তুতো ভক্তপরঃ কীর্তিদঃ কীর্তিবর্ধনঃ |
কীর্তির্দেপ্তিঃ (৫২০) ক্ষমাকান্তির্ভক্তশ্চৈব (৫৩০) দয়া পরা || ১, ১৫. ৮৬ ||
দানং দাতা চ কর্তা চ দেবদেবপ্রিয়ঃ শুচিঃ |
শুচিমা ন্সুখদো (৫৩১) মোক্ষঃ কামশ্চার্থঃ সহস্রপাৎ || ১, ১৫. ৮৭ ||
সহস্রশীর্ষা বৈদ্যশ্চ মোক্ষদ্বারং তথৈব চ |
প্রজাদ্বারং সহস্রাক্ষঃ সহস্রকর এব চ(৫৪০) || ১, ১৫. ৮৮ ||
শুক্রশ্চ সুকিরীটী চ সুগ্রীবঃ কৌস্তুভস্তথা |
প্রদ্যুম্নশ্চানিরুদ্ধশ্চ হয়গ্রীবশ্চ সূকরঃ || ১, ১৫. ৮৯ ||
মৎস্যঃ পরশুরামশ্চ(৫৫০) প্রহ্রাদো বলিরেবচ |
শরণ্যশ্চৈব নিত্যশ্চ বুদ্ধো মুক্তঃ শরীরভৃৎ || ১, ১৫. ৯০ ||
খরদূষণহন্তা চ রাবণস্য প্রমর্দনঃ |
সীতাপতিশ্চ (৫৬০) বর্ধিষ্ণুর্ভরতশ্চ তথৈব চ || ১, ১৫. ৯১ ||
কুম্ভেন্দ্রজিন্নিহন্তা চ কুম্ভকর্ণপ্রমর্দনঃ |
নরান্তকান্তকশ্চৈব দেবান্তকবিনাশনঃ || ১, ১৫. ৯২ ||
দুষ্টাসুরনিহন্তা চ শম্বরারিস্তথৈব চ |
নরকস্য নিহন্তা চ ত্রিশীর্ষস্য বিনাশনঃ (৫৭০) || ১, ১৫. ৯৩ ||
যমলার্জনভেত্তা চ তপোহিতকরস্তথা |
বাদিত্রং চৈব বাদ্যং চ বুদ্ধশ্চৈব বরপ্রদঃ || ১, ১৫. ৯৪ ||
সারঃ সারপ্রিয়ঃ সৌরঃ কালহন্তৃনিকৃন্তনঃ(৫৮০) |
অগস্ত্যো দেবলশ্চৈব নারদো নারদপ্রিয়ঃ || ১, ১৫. ৯৫ ||
প্রাণোঽপানস্তথা ব্যানো রজঃ সত্ত্বং তমঃ (৫৯০) শরৎ |
উদানশ্চ সমানশ্চ ভেষজং চ ভিষক্তথা || ১, ১৫. ৯৬ ||
কূটস্থঃ স্বচ্ছরূপশ্চ সর্বদেহবিবর্জিতঃ |
চক্ষুরিন্দ্রিয়হীনশ্চ বাগিন্দ্রিয়বিবর্জিতঃ(৬০০) || ১, ১৫. ৯৭ ||
হস্তেন্দ্রিয়বিহীনশ্চ পাদাভ্যাং চ বিবর্জিতঃ |
পায়ূপস্থবিহীনশ্চ মরুতাপবিবর্জিতঃ || ১, ১৫. ৯৮ ||
প্রবোধেন বিহীনশ্চ বুদ্ধ্যা চৈব বি বর্জিতঃ |
চেতসা বিগতশ্চৈব প্রাণেন চ বিবর্জিতঃ || ১, ১৫. ৯৯ ||
অপানেন বিহীনশ্চ ব্যানেন চ বিবর্জিতঃ(৬১০) |
উদানেন বিহীনশ্চ সমানেন বিবর্জিতঃ || ১, ১৫. ১০০ ||
আকাশেন বিহীনশ্চ বায়ুনা পরিবর্জিতঃ |
অগ্নিনা চ বিহীনশ্চ উদকেন বিবর্জিতঃ || ১, ১৫. ১০১ ||
পৃথিব্যা চ বিহীনশ্চ শব্দেন চ বিবর্জিতঃ |
স্পর্শেন চ বিহীনশ্চ সর্বরূপবিবর্জিতঃ(৬২০) || ১, ১৫. ১০২ ||
রাগেণ বিগতশ্চৈব অঘেন পরিবর্জিতঃ |
শোকেন রহিতশ্চৈব বচসা পরিবর্জিতঃ || ১, ১৫. ১০৩ ||
রজো বিবর্জিতশ্চৈব বিকারৈঃ ষড্ভিরেব চ |
কামেন বর্জিতশ্চৈব ক্রোধেন পরিবর্জিতঃ || ১, ১৫. ১০৪ ||
লোভেন বিগতশ্চৈব দম্ভেন চ বিবর্জিতঃ |
সূক্ষ্মশ্চৈব (৬৩০) সুসূক্ষ্মশ্চ স্থূলাৎস্থূলতরস্তথা || ১, ১৫. ১০৫ ||
বিশারদো বলাধ্যক্ষঃ সর্বস্য ক্ষোভকস্তথা |
প্রকৃতেঃ ক্ষোভকশ্চৈব মহতঃ ক্ষোভকস্তথা || ১, ১৫. ১০৬ ||
ভূতানাং ক্ষোভকশ্চৈব বুদ্ধেশ্চ ক্ষোমকস্তথা |
ইন্দ্রিয়াণাং ক্ষোভকশ্চ(৬৪০) বিষয়ক্ষোভকস্তথা || ১, ১৫. ১০৭ ||
ব্রহ্মণঃ ক্ষোভকশ্চৈব রুদ্রস্য ক্ষোভকস্তথা |
অগম্যশ্চক্ষুরাদেশ্চ শ্রোত্রাগম্যস্তথৈব চ || ১, ১৫. ১০৮ ||
ৎবচা ন গম্যঃ কূর্মশ্চ জিহ্বাগ্রাহ্যস্তথৈব চ |
গ্রাণোন্দ্রিয়াগম্য এব বাচাগ্রাহ্যস্তথৈব চ (৬৫০) || ১, ১৫. ১০৯ ||
অগম্যশ্চৈব পাণিভ্যাং পদাগম্যস্তথৈব চ |
অগ্রাহ্যো মনসশ্চৈব বুদ্ধ্যাগ্রাহ্যো হরিস্তথা || ১, ১৫. ১১০ ||
অহং বুদ্ধ্যা তথা গ্রাহ্যশ্চেতসা গ্রাহ্যা এব চ |
শঙ্খপাণিশ্চাব্যয়শ্চ গদাপাণিস্তথৈব চ (৬৬০) || ১, ১৫. ১১১ ||
শার্ঙ্গপাণিশ্চ কৃষ্ণশ্চ জ্ঞানমূর্তিঃ পরন্তপঃ |
তপস্বী জ্ঞানগম্যো হি জ্ঞানী জ্ঞানবিদেব চ || ১, ১৫. ১১২ ||
জ্ঞেয়শ্চ জ্ঞেয়হীনশ্চ (৬৭০) জ্ঞপ্তিশ্চৈতন্যরূপকঃ |
ভাবো ভাব্যো ভবকরো ভাবনো ভবনাশনঃ || ১, ১৫. ১১৩ ||
গো বিন্দো গোপতির্গোপঃ(৬৮০) সর্বগোপীসুখপ্রদঃ |
গোপালো গোগতিশ্চৈব গোমতির্গোধরস্তথা || ১, ১৫. ১১৪ ||
উপেন্দ্রশ্চ নৃসিংহশ্চ শৌরিশ্চৈব জনার্দনঃ |
আরণেয়ো(৬৯০) বৃহদ্ভানুর্বৃহদ্দীপ্তিস্তথৈব চ || ১, ১৫. ১১৫ ||
দামোদরস্ত্নিকালশ্চ কালজ্ঞঃ কালবর্জিতঃ |
ত্রিসন্ধ্যো দ্বাপরং ত্রেতা প্রজাদ্বারং(৭০০) ত্রিবিক্রমঃ || ১, ১৫. ১১৬ ||
বিক্রমো দণ্ড(র) হস্তশ্চ হ্যেকদণ্ডী ত্রিদণ্ডধৃক্ |
সামভেদস্তথোপায়ঃ সামরূপী চ সামগঃ || ১, ১৫. ১১৭ ||
সামবেদোঃ(৭১০) হ্যথর্বশ্চ সুকৃতঃ সুতরূপণঃ |
অথর্ববেদবিচ্চৈব হ্যথর্বাচার্য এব চ || ১, ১৫. ১১৮ ||
ঋগ্রূপী চৈব ঋগ্বেদ ঋগ্বেদেষু প্রতিষ্ঠিতঃ |
যজুর্বেদো(৭২০) যজুর্বেদবিদেকপাৎ || ১, ১৫. ১১৯ ||
বহুপাচ্চ সুপাচ্চৈব তথৈব চ সহস্রপাৎ |
চতুষ্পাচ্চ দ্বিপাচ্চৈব স্মৃতির্ন্যায়ো যমো বলী(৭৩০) || ১, ১৫. ১২০ ||
সন্ন্যাসী চৈ সন্নয়াসশ্চতুরাশ্রম এব চ |
ব্রহ্মচারী গৃহস্থশ্চ বানপ্রস্থশ্চ ভিক্ষুকঃ || ১, ১৫. ১২১ ||
ব্রাহ্মণঃ ক্ষত্রিয়ো বৈশ্যঃ (৭৪০) শূদ্রো বর্ণস্তথৈব চ |
শীলদঃ শীলসম্পন্নো দুঃশীলপরিবর্জিতঃ || ১, ১৫. ১২২ ||
মোক্ষোঽধ্যাত্মসমাবিষ্টঃ স্তুতিঃ স্তোতা চ পূজকঃ |
পূজ্যো(৭৫০) বাক্করণং চৈব বাচ্যং চৈব তু বাচকঃ || ১, ১৫. ১২৩ ||
বেত্তা ব্যাকরণং চৈব বাক্যং চৈব চ বাক্যবিৎ |
বাক্যগম্যস্তীর্থবাসী(৭৬০) তীর্থস্তীর্থো চ তীর্থবিৎ || ১, ১৫. ১২৪ ||
তীর্থাদিভূতঃ সাঙ্খ্যশ্চ নিরুক্তং ৎবধিদৈবতম্ |
প্রণবঃ প্রণবেশশ্চ প্রণবেন প্রবন্দিতঃ(৭৭০) || ১, ১৫. ১২৫ ||
প্রণবেন চ লক্ষ্যো বৈ গায়ত্রী চ গদাধরঃ |
শালগ্রামনিবাসী চ (৭৮০) শালগ্রামস্তথৈব চ || ১, ১৫. ১২৬ ||
জলশায়ী যোগশায়ী শেষশায়ী কুশেশয়ঃ |
মহীভর্তা চ (৭৯০) কার্যং চ কারণং পৃথিবীধরঃ || ১, ১৫. ১২৭ ||
প্রজাপতিঃ শাশ্বতশ্চ কাম্যঃ কাময়িতা বিরাট্ |
সম্রাট্পূষা(৮০০) তথা স্বর্গো রথস্থঃ সারথির্বলম্ || ১, ১৫. ১২৮ ||
ধনী ধনপ্রদো ধন্যো যাদবানাং হিতে রতঃ |
অর্জুনস্য প্রিয়শ্চৈব হ্যর্জুনো(৮১০) ভীম এব চ || ১, ১৫. ১২৯ ||
পরাক্রমো দুর্বিষহঃ সর্বশাস্ত্রবিশারদঃ |
সারস্বতো মহাভীষ্মঃ পারিজাতহরস্তথা || ১, ১৫. ১৩০ ||
অমৃতস্য প্রদাতা চ ক্ষীরোদঃ ক্ষীরমেব চ (৮২০) |
ইন্দ্রাত্মজস্তস্য গোপ্তা গোবর্ধনধরস্তথা || ১, ১৫. ১৩১ ||
কংসস্য নাশনস্তদ্বদ্ধস্তিপো হস্তিনাশনঃ |
শিপিবিষ্টঃ প্রসন্নশ্চ সর্বলোকার্তিনাশনঃ || ১, ১৫. ১৩২ ||
মুদ্রো(৮৩০) মুদ্রা করশ্চৈব সর্বমুদ্রাবিবর্জিতঃ |
দেহী দেহস্থিতশ্চৈব দেহস্য চ নিয়ামকঃ || ১, ১৫. ১৩৩ ||
শ্রোত্রা শ্রোত্রনিয়ন্তা চ শ্রোতব্যঃ শ্রবণং তথা |
ৎবক্স্থিতশ্চ(৮৪০) স্পর্শয়িৎবা স্পৃশ্যং চ স্পর্শনং তথা || ১, ১৫. ১৩৪ ||
রূপদ্রষ্টা চ চক্ষুঃ স্থো নিয়ন্তা চক্ষুষস্তথা |
দৃশ্যং চৈবতু জিহ্বাস্থো রসজ্ঞশ্চ নিয়ামকঃ (৮৫০) || ১, ১৫. ১৩৫ ||
ঘ্রাণস্থো ঘ্রাণকৃদ্ঘ্রাতা ঘ্রাণেন্দ্রিয়নিয়ামকঃ |
বাক্স্থো বক্তা চ বক্তব্যো বচনং বাঙ্নিয়ামকঃ || ১, ১৫. ১৩৬ ||
প্রাণিস্থঃ (৮৬০) শিল্প কৃচ্ছিল্পো হস্তয়োশ্চ নিয়ামকঃ |
পদব্যশ্চৈব গন্তা চ গন্তব্যং গমনং তথা || ১, ১৫. ১৩৭ ||
নিয়ন্তা পাদয়োশ্চৈব পাদ্যভাক্চ বিসর্গকৃৎ(৮৭০) |
বিসর্গস্য নিয়ন্তা চ হ্যুপস্থস্থঃ সুখং তথা || ১, ১৫. ১৩৮ ||
উপস্থস্য নিয়ন্তা চ তদানন্দকরশ্চ হ |
শত্রুঘ্নঃ কার্তবীর্যশ্চ দত্তাত্রেয়স্তথৈব চ || ১, ১৫. ১৩৯ ||
অলর্কস্য হিতশ্চৈব কার্তবীর্যনিকৃন্তনঃ (৮৮০) |
কালনেমির্মহানেমির্মেঘো মেঘপতিস্তথা || ১, ১৫. ১৪০ ||
অন্নপ্রদোঽন্নরূপী চ হ্যন্নাদোঽন্নপ্রবর্তকঃ |
ধূমকৃদ্ধূমরূপশ্চ(৮৯০) দেবকীপুত্র উত্তমঃ || ১, ১৫. ১৪১ ||
দেবক্যানন্দনো নন্দো রোহিণ্যাঃ প্রিয় এব চ |
বসুদেবপ্রিয়শ্চৈব বসুদেবসুতস্তথা || ১, ১৫. ১৪২ ||
দুন্দুভির্হাসরূপশ্চ পুষ্পহাসস্তথৈব চ (৯০০) |
অট্টহাসপ্রিয়শ্চৈব সর্বাধ্যক্ষঃ ক্ষরোঽক্ষরঃ || ১, ১৫. ১৪৩ ||
অচ্যুতশ্চৈব সত্যেশঃ সত্যায়াশ্চ প্রিয়ো বরঃ |
রুক্মিণ্যাশ্চ পতিশ্চৈব রুক্মিণ্যা বল্লভস্তথা || ১, ১৫. ১৪৪ ||
গোপীনাং বল্লভশ্চৈব(৯১০) পুণ্যশ্লোকশ্চ বিশ্রুতঃ |
বৃষাকপির্যমো গুহ্যো মকুলশ্চ বুধস্তথা || ১, ১৫. ১৪৫ ||
রাহুঃ কেতুর্গ্রহো গ্রাহো(৯২০) গজেন্দ্রমুখমেলকঃ |
গ্রাহস্য বিনিহন্তা চ গ্রামী রক্ষকস্তথা || ১, ১৫. ১৪৬ ||
কিন্নরশ্চৈব সিদ্ধশ্চ ছন্দঃ স্বচ্ছন্দ এব চ |
বিশ্বরূপো বিশালাক্ষো(৯৩০) দৈত্যসূদন এব চ || ১, ১৫. ১৪৭ ||
অনন্তরূপো ভূতস্থো দেবদানবসংস্থিতঃ |
সুষুপ্তিস্থঃ সুষুপ্তিশ্চ স্থানং স্থানান্ত এব চ || ১, ১৫. ১৪৮ ||
জগৎস্থশ্চৈব জাগর্তা স্থানং জাগরিতং তথা (৯৪০) |
স্বপ্রস্থঃ স্বপ্রবিৎস্বপ্নস্থানং স্বপ্নস্তথৈব চ || ১, ১৫. ১৪৯ ||
জাগ্রৎস্বপ্নসুষুপ্তৈশ্চ বিহীনো বৈ চতুর্থকঃ |
বিজ্ঞানং বেদ্যরূপং চ জীবো জীবয়িতা তথা (৯৫০) || ১, ১৫. ১৫০ ||
ভুবনাধিপতিশ্চৈব ভুবনানাং নিয়ামকঃ |
পাতালবাসী পাতালং সর্বজ্বরবিনাশনঃ || ১, ১৫. ১৫১ ||
পরমানন্দরূপী চ ধর্মাণাং চ প্রবর্তকঃ |
সুলভো দুর্লভশ্চৈব প্রাণায়ামপরস্তথা(৯৬০) || ১, ১৫. ১৫২ ||
প্রত্যাহারো ধারকশ্চ প্রত্যাহারকরস্তথা |
প্রভা কান্তিস্তথা হ্যর্চিঃ শুদ্ধস্ফটিকসন্নিভঃ || ১, ১৫. ১৫৩ ||
অগ্রাহশ্চৈব গৌরশ্চ সর্বঃ(৯৭০) শুচিরভিষ্টুতঃ |
বষট্কারো বষড্বৌষট্স্বধা স্বাহা রতিস্তথা || ১, ১৫. ১৫৪ ||
পক্তা নন্দয়িতা(৯৮০) ভোক্তা বোদ্ধা ভাবয়িতা তথা |
জ্ঞানাত্মা চৈব দেহাত্মা ভূ(উ) মা সর্বেশ্বরেশ্বরঃ || ১, ১৫. ১৫৫ ||
নদী নন্দী চ নন্দীশো(৯৯০) ভারতস্তরুনাশনঃ |
চক্রপঃ শ্রীপতিশ্চৈব নৃপাণাং চক্রবর্তিনাম্ || ১, ১৫. ১৫৬ ||
ঈশশ্চ সর্বদেবানাং দ্বারকাসংস্থিতস্তথা |
পুষ্করঃ পুষ্করাধ্যক্ষঃ পুষ্করদ্বীপ এব চ (১০০০) || ১, ১৫. ১৫৭ ||
ভরতো জনকো জন্যঃ সর্বাকারবি বর্জিতঃ |
নিরাকারো নির্নিমিত্তো নিরাতঙ্কো নিরাশ্রয়ঃ (১০০৮) || ১, ১৫. ১৫৮ ||
ইতি নামসহস্রং তে বৃষভধ্বজ কীর্তিতম্ |
দেবস্য বিষ্ণোরীশশ্য সর্বপাপবিনাশনম্ || ১, ১৫. ১৫৯ ||
পঠন্দ্বিজশ্চ বিষ্ণুৎবং ক্ষত্রিয়ো জয়মাপ্নুয়াৎ |
বৈশ্যো ধনং সুখং শূদ্রো বিষ্ণুভক্তিসমন্বিতঃ || ১, ১৫. ১৬০ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
শ্রীবিষ্ণুসহস্রনামস্তোত্রনিরূপণং নাম পঞ্চদশোঽধ্যায়ঃ
শ্রীগরুডমহাপুরাণম্-১৬
রুদ্র উবাচ |
পুনর্ধ্যানং সমাচক্ষ্ব শঙ্খচক্রগদাধর |
বিষ্ণোরীশস্য দেবস্য শুদ্ধস্য পরমাত্মনঃ || ১, ১৬. ১ ||
হরিরুবাচ |
শৃণু রুদ্র ! হরের্ধ্যানং সংসারতরুনাশনম্ |
দৃশিরূপমনন্তং চ সর্বব্যাপ্যজমব্যয়ম্ || ১, ১৬. ২ ||
অক্ষরং সর্বগং নিত্যং মহব্দ্রহ্মাস্তি কেবলম্ |
সর্বস্য জগতো মূলং সর্বগং পরমেশবরম্ || ১, ১৬. ৩ ||
সর্বভূতহৃদিস্থং বৈ সর্বভূতমহেশ্বরম্ |
সর্বাধারং নিরাধারং সর্বকারণকারণম্ || ১, ১৬. ৪ ||
অলেপকং তথা মুক্তং মুক্তয়োগিবিচিতিতম্ |
স্থূলদেহবিহীনং চ চক্ষুষা পরিবর্জিতম্ || ১, ১৬. ৫ ||
বাগিন্দ্রিয়বিহীনং চ প্রাণিধর্মবিবর্জিতম্ |
পাদেন্দ্রিয়বিহীনং চ বাগ্ধর্মপরিবর্জিতম্ |
পায়ূপস্থবিহীনং চ সর্বৈংন্দ্রিয় বিবর্জিতম্ || ১, ১৬. ৬ ||
মনোবিরহিতং তদ্বন্মনোধর্মবিবর্জিতম্ |
বুদ্ধ্যা বিহীনং দেবেশং চেতসা পরিবর্জিতম্ || ১, ১৬. ৭ ||
অহঙ্কারবিহীনং বৈ বুদ্ধিধর্মবিবর্জিতম্ |
প্রাণেন রহিতং চৈব হ্যপানেন বিবর্জিতম্ || ১, ১৬. ৮ ||
ব্যানাখ্যবায়ুহীনং বৈ প্রাণধর্মবিবর্জিতম্ |
হরিরুবাচ |
পুনঃ সূর্যর্চনং বক্ষ্যে যদুক্তং ভৃগবে পুরা || ১, ১৬. ৯ ||
ওঁ খখোল্কায় নমঃ |
সূর্যস্য মূলমন্ত্রোঽযং ভুক্তিমুক্তিপ্রদায়কঃ || ১, ১৬. ১০ ||
ওঁ খখোল্কায় ত্রিদশায় নমঃ |
ওঁ বিচি ঠঠ শিরসে নমঃ |
ওঁ জ্ঞানিনে ঠঠ শিখায়ৈ নমঃ |
ওঁ সহস্ররশ্ময়ে ঠঠ কবচায় নমঃ || ১, ১৬. ১১ ||
ওঁ সর্বতেজোঽধিপতয়ে ঠঠ অস্ত্রায় নমঃ |
ওঁ জ্বলজ্বল প্রজ্বলপ্রজ্বল ঠঠ নমঃ || ১, ১৬. ১২ ||
অগ্নিপ্রাকারমন্ত্রোঽযং সূর্যস্যাঘবিনাশনঃ |
ওঁ আদিত্যায় বিদ্মহে, বিশ্বভা বায় ধীমহি, তন্নঃ সূর্য প্রচোদয়াৎ || ১, ১৬. ১৩ ||
সকলীকরণং কুর্যাদ্রায়ত্র্যা ভাস্করস্য চ |
ধর্মাত্মনে চ পূর্বস্মিন্যমা যেতি চ দক্ষিণে || ১, ১৬. ১৪ ||
দণ্ডনায়কায় ততো দৈবতায়েতি চোত্তরে |
শ্যামপিঙ্গলমৈশান্যামাগ্নেয়্যাং দীক্ষিতং যজেৎ || ১, ১৬. ১৫ ||
বজ্রপাণিং চ নৈরৃত্যাং ভূর্ভুবঃস্বশ্চ বায়বে |
ওঁ চন্দ্রায় নক্ষত্রাধিপতয়ে নমঃ |
ওঁ অঙ্গারকায় ক্ষিতিসুতায় নমঃ |
ওঁ বুধায় সোমসুতায় নমঃ |
ওঁ বাগীশ্বরায় সর্ববিদ্যাধিপতয়ে নমঃ |
ওঁ শুক্রায় মহর্ষয়ে ভৃগুসুতায় নমঃ |
ওঁ শনৈশ্চরায় সূর্যাত্মজায় নমঃ |
ওঁ রাহবে নমঃ |
ওঁ কেতবে নমঃ || ১, ১৬. ১৬ ||
পূর্বাদীশানপর্যন্তা এতে পূজ্যা বৃষধ্বজ |
ওঁ অনূকায় নমঃ |
ওঁ প্রথমনাথায় নমঃ |
ওঁ বুদ্ধায় নমঃ || ১, ১৬. ১৭ ||
ওঁ ভগবন্নপরিমিতময়ূখমালিন্! সকলজগৎপতে ! সপ্তাশ্ববাহন !
চতুর্ভুজ ! পরমসিদ্ধিপ্রদ ! বিস্ফুলিঙ্গপিঙ্গল !
তত এহ্যেহি ইদমর্ঘ্যং মম শিরসি গতং গৃহ্ণগৃহ্ণ তেজোগ্ররূপমনগ্ন !
জ্বলজ্বল ঠঠ নমঃ || ১, ১৬. ১৮ ||
অনেনাবাহ্য মন্ত্রেণ ততঃ সূর্যং বিসর্জয়েৎ |
ওঁ নমো ভগবতে আদিত্যায় সহস্র কিরণায় গচ্ছ সুখং পুনরাগমনায়েতি || ১, ১৬. ১৯ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
হরিধ্যানসূর্যার্চনয়োর্নিরূপণং নাম ষোডশোঽধ্যায়ঃ
শ্রীগরুডমহাপুরাণম্-১৭
হরিরুবাচ |
পুনঃ সূর্যার্চনং বক্ষ্যে যদুক্তং ধনদায় হি |
অষ্টপত্রং লিখেৎপদ্মং শুচৌ দেশে সকর্ণিকম্ || ১, ১৭. ১ ||
আবাহনীং ততো বদ্ধা মুদ্রামাবাহয়েদ্রবিম্ |
খখোল্কং স্থাপ্য মুদ্রাং তু স্থাপয়েন্মন্ত্ররূপিণীম্ || ১, ১৭. ২ ||
আগ্নেয়্যাং দিশি দেবস্য হৃদয়ং স্থাপয়েচ্ছিব ! |
ঐশান্যাং তু শিরঃ স্থাপ্যং নৈরৃত্যাং বিন্যসেচ্ছিখাম্ || ১, ১৭. ৩ ||
পৌরন্দর্যাং ন্যসেদ্ধর্মমেকাগ্রস্থিতমানসঃ |
বায়ব্যাং চৈব নেত্রং তু বারুণ্যামস্ত্রমেব চ || ১, ১৭. ৪ ||
ঐশান্যাং স্থাপয়েৎসোমং পৌরন্দর্যাং তু লোহিতম্ |
আগ্নেয়্যাং সোমতনয়ং যাম্যাং চৈব বৃহস্পতিম্ || ১, ১৭. ৫ ||
নৈরৃত্যাং দানবগুরুং বারুণ্যাং তু শনৈশ্চরম্ |
বায়ব্যাং চ তথা কেতুং কৌবের্যাং রাহুমেব চ || ১, ১৭. ৬ ||
দ্বিতীয়ায়াং তু কক্ষায়াং সূর্যান্দ্বাদশ পূজয়েৎ |
ভগঃ সূর্যোর্ঽয্যমা চৈব মিত্রো বৈ বরুণস্তথা || ১, ১৭. ৭ ||
সবিতা চৈব ধাতা চ বিবস্বাংশ্চ মহাবলঃ |
ৎবষ্টা পূষা তথা চেন্দ্রো দ্বাদশো বিষ্ণুরুচ্যতে || ১, ১৭. ৮ ||
পূর্বাদাবর্চয়েদ্দেবানিন্দ্রাদীঞ্ছ্রদ্ধয়া নরঃ |
জয়া চ বিজয়া চৈব জয়ন্তি চাপরাজিতা |
শেষশ্চ বাসুকিশ্চৈব নাগানিত্যাদি পূজয়েৎ || ১, ১৭. ৯ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
সূর্যার্চন বিধির্নাম সপ্তদশোঽধ্যায়ঃ
শ্রীগরুডমহাপুরাণম্-১৮
সূত উবাচ |
গরুডোক্তং কশ্যপায় বক্ষ্যে মৃত্যুঞ্জয়ার্চনম্ |
উদ্ধারপূর্বকং পুণ্যং সর্বদেবময়ং মতম্ || ১, ১৮. ১ ||
ওঙ্কারং পূর্বমুদ্ধৃত্য জু(হু) ঙ্কাংরং তদনন্তরম্ |
সবিসর্গং তৃতীয়ং স্যান্মৃত্যুদারিদ্রয়মর্দনম্ || ১, ১৮. ২ ||
ঈশবিষ্ণবর্কদেব্যাদিকবচং সর্বসাধকম্ |
অমৃতেশং মহামন্ত্রন্ত্র্যক্ষরং পূজনং সমম্ |
জপনান্মৃত্যুহীনাঃ স্যুঃ সর্বপাপবিবর্জিতাঃ || ১, ১৮. ৩ ||
শতজপ্যাদ্বেদফলং যজ্ঞতীর্থফলং লভেৎ |
অষ্টোত্তরশতাজ্জাপ্যাত্রিসন্ধ্যং মৃত্যু শত্রুজিত || ১, ১৮. ৪ ||
ধ্যায়েচ্চ সিতপদ্মস্থং বরদং চাভয়ং করে |
দ্বাভ্যাং চামৃতকুম্ভং তু চিন্তয়েদমৃতেশ্বরম্ || ১, ১৮. ৫ ||
তস্যৈবাঙ্গগতাং দেবীমমৃতামৃতভাষিণী(বিনি) ম্ |
কলশং দক্ষিণে হস্তে বামহস্তে সরোরুহম্ || ১, ১৮. ৬ ||
জপেদষ্টসহস্রং বৈ ত্রিসন্ধ্যং মাসমেকতঃ |
জরামৃত্যুমহাব্যাধিশত্রুচ্ছিবশান্তিদম্ || ১, ১৮. ৭ ||
আহ্বানং স্থাপনং রোধং সন্নিধানং নিবেশনম্ |
পাদ্যমা চমনং স্নানমর্ঘ্যং স্রগনুলেপনম্ || ১, ১৮. ৮ ||
দীপাম্বরং ভূষণং চ নৈবদ্যং পানবীজনম্ |
মাত্রামুদ্রাজপধ্যানং দক্ষিণা চাহুতিঃ স্তুতিঃ || ১, ১৮. ৯ ||
বাদ্যং গতিং চ নৃত্যং চ ন্যাসয়োগং প্রদক্ষিণম্ |
প্রণতির্মন্ত্রশয়্যা চ বন্দনং চ বিসর্জনম্ || ১, ১৮. ১০ ||
ষডঙ্গাদিপ্রকারেণ পূজনং তু ক্রমোদিতম্ |
পরমেশমুখোদ্রীতং যো জানাতি স পূজকঃ || ১, ১৮. ১১ ||
অর্ঘ্যপাত্রার্চনং চাদাবস্ত্রেণৈব তু তাডনম্ |
শোধনং কবচেনৈব অমৃতীকরণং ততঃ || ১, ১৮. ১২ ||
পূজা চাধারশক্ত্যাদেঃ প্রাণায়ামং তথাসনে |
পীঠসুদ্ধিং ততঃ কুর্যাচ্ছোষণাদ্যৈস্ততঃ স্মরেৎ || ১, ১৮. ১৩ ||
আত্মানং দেবরূপং চ করাঙ্গন্যাসকং চরেৎ |
আত্মানং পূজয়েৎপশ্চাজ্যো তীরূপং হৃদব্জতঃ || ১, ১৮. ১৪ ||
মূর্তৌ বা স্থণ্ডিলে বাপি ক্ষিপেৎপুষ্পং তু ভাস্বরম্ |
আহ্বানদ্বারপূজার্থং পূজা চাধারশক্তিতঃ || ১, ১৮. ১৫ ||
সান্নিধ্যকরণং দেবে পরিবারস্য পূজনম্ |
অঙ্গষট্কস্য পূজা বৈ কর্তব্যা চ বিপশ্চিতৈঃ || ১, ১৮. ১৬ ||
ধর্মাদয়শ্চ শক্রাদ্যাঃ সায়ুধাঃ পরিবারকাঃ |
যুগবেদমুহূর্তাশ্চ পূজেয়ং ভুক্তিমুক্তিকৃৎ || ১, ১৮. ১৭ ||
মাতৃকাশ্চ গণাংশ্চাদৌ নন্দিগঙ্গে চ পূজয়েৎ |
মহাকালং চ যমনাং দেহল্যাং পূজয়েৎপুরা || ১, ১৮. ১৮ ||
ওঁ অমৃতেশ্বর ওঁ ভৈরবায় নমঃ |
এবং ওঁ জুং হংসঃ সূর্যায় নমঃ || ১, ১৮. ১৯ ||
এবং শিবায় কৃষ্ণায় ব্রহ্মণে চ গণায় চ |
চণ্ডিকায়ৈ সরস্বত্যৈ মহালক্ষ্মাদি পূজয়েৎ || ১, ১৮. ২০ ||
ইতি শ্রীগারুডে মহাপুরাণে পূর্বখণ্ডে প্রথমাংশাব্যে আচারকাণ্ডে
অমৃতেশমৃত্যুঞ্জয়পূজনং নামাষ্টাদশোঽধ্যায়ঃ
শ্রীগরুডমহাপুরাণম্-১৯
সূত উবাচ |
প্রাণেশ্বরং গারুডং চ শিবোক্তং প্রবদাম্যহম্ |
স্থানান্যাদৌ প্রবক্ষ্যামি নাগদষ্টো ন জীবতি || ১, ১৯. ১ ||
চিতাবল্মীকশৈলাদৌ কপে চ বিবরে তরোঃ |
দংশে রেখাত্রয়ং যস্য প্রচ্ছন্নং স ন জীবতি || ১, ১৯. ২ ||
ষষ্ঠ্যাং চ কর্কটে মেষে মূলাশ্লেষামঘাদিষু |
কক্ষাশ্রোণিগলে সন্ধৌ শঙ্খকর্ণোদরাদিষু || ১, ১৯. ৩ ||
দণ্ডী শস্ত্রধরো ভিক্ষুর্ন গ্নাদিঃ কালদূতকঃ |
বাহৌ চ বক্ক্রে গ্রীবায়াং দষ্টায়াং ন হি জীবতি || ১, ১৯. ৪ ||
পূর্বং দিনপতির্ভুঙ্ক্তে অর্ধয়ামং ততোঽপরে |
শেষা গ্রহাঃ প্রতিদিনং ষট্সঙ্খ্যা পরিবর্তনৈঃ || ১, ১৯. ৫ ||
নাগভোগঃ ক্রমাঞ্জ্ঞেয়ো রাত্রৌ বাণবিবর্তনৈঃ |
শেষোর্ঽকঃ ফণিপশ্চন্দ্রস্তক্ষকো ভৌম ঈরিতঃ || ১, ১৯. ৬ ||
কর্কোটো জ্ঞো গুরুঃ পদ্মো মহাপদ্মশ্চ ভার্গবঃ |
শঙ্খঃ শনৈশ্চরো রাহুঃ কুলিকশ্চাহয়ো গ্রহাঃ || ১, ১৯. ৭ ||
রাত্রৌ দিবা সুরগুরোর্ভাগে স্যাদমরান্তকঃ |
পঙ্গোঃ কালে দিবা রাহুঃ কুলিকেন সহ স্থিতঃ || ১, ১৯. ৮ ||
যামার্ধসন্ধিসংস্থাং চ বেলাং কালবতীং চরেৎ |
বাণদ্বিষড্বহ্নিবাজিয়ুগভূরেকভাগতঃ? || ১, ১৯. ৯ ||
দিবা ষডেদনেত্রাদ্রিপঞ্চত্রিমানুষাংশকৈঃ |
পাদাঙ্গুষ্ঠে পাদপৃষ্ঠে পাদপৃষ্ঠে গুল্ফে জানুনি লিঙ্গকে || ১, ১৯. ১০ ||
নাভৌ হৃদি স্তনতটে কণ্ঠে নাসাপুটেঽক্ষিণি |
কর্ণয়োশ্চ ভ্রুবোঃ শঙ্খে মস্তকে প্রতিপৎক্রমাৎ || ১, ১৯. ১১ ||
তিষ্ঠচ্চন্দ্রশ্চ জীবেচ্চ পুংসো দক্ষিণভাগকে |
কায়স্য বামভাগে তু স্ত্রিয়া বায়ুবহাৎকরাৎ || ১, ১৯. ১২ ||
অমৃতস্তৎকৃতো মোহো নিবর্তেত চ মর্দনাৎ |
আত্মনঃ পরমং বীজং হংসাখ্যং স্ফটিকামলম্ || ১, ১৯. ১৩ ||
দাতব্যং বিষপাপঘ্নং বীজং তস্য চতুর্বিধম্ |
বিন্দুপঞ্চস্বরয়ুতমাদ্যমুক্তং দ্বিতীয়কম্ |
ষষ্ঠারূঢং তৃতীয়ং স্যাৎসবিসর্গং চতুর্থকম্ |
ওঁ কুরু কুলে স্বাহা || ১, ১৯. ১৪ ||
বিদ্যা ত্রৈলোক্যরক্ষার্থং গরুডেন ধৃতা পুরা |
বধেপ্সুর্নাগনাগানাং মুখেঽথ প্রণবং ন্যসেৎ || ১, ১৯. ১৫ ||
গলে কুরু ন্যসেদ্ধীমান্কুলে চ গুল্ফয়োঃ স্মৃতঃ |
স্বাহা পাদয়ুগে চৈব যুগহা ন্যাস ঈরিতঃ || ১, ১৯. ১৬ ||
গৃহে বিবিখিতা যত্র তন্নাগাঃ সন্ত্যজন্তি চ |
সহস্রমন্ত্রং জপ্ত্বা তু কর্ণে সূত্রং ধৃতং তথা || ১, ১৯. ১৭ ||
যদ্রৃহে শর্করা জপ্তা ক্ষিপ্তা নাগাস্ত্যজন্তি তৎ |
সপ্তলক্ষস্য জপ্যাদ্ধি সিদ্ধিঃ প্রাপ্তা সুরাসুরৈঃ || ১, ১৯. ১৮ ||
ওঁ সুবর্ণরেখে কুক্কুটবিগ্রহরূপিণি স্বাহা |
এবঞ্চাষ্টদলে পদ্ম দলে বর্ণয়ুগং লিখেৎ || ১, ১৯. ১৯ ||
নামৈতদ্বারিধারাভিঃ স্নাতো দষ্টো বিষং ত্যজেৎ |
ওঁ পক্ষি স্বাহা || ১, ১৯. ২০ ||
অঙ্গুষ্ঠাদি কনিষ্ঠান্তং করে ন্যস্যাথ দেহকে |
কে (কৈ) বক্ক্রে হৃদি লিঙ্গে চ পাদয়োর্গরুডস্য হি || ১, ১৯. ২১ ||
নাক্রামন্তি চ তচ্ছায়াং স্বপ্নেঽপি বিষপন্নগাঃ |
যস্তু লক্ষং জপেচ্চাস্যাঃ স দৃষ্ট্বা(ষ্ট্যা) নাশয়েদ্বিষম্ || ১, ১৯. ২২ ||
ওঁ হ্রী হ্রৌ হ্রীং ভি(ভী) রুণ্ডায়ৈ স্বাহা |
কর্ণে জপ্তা ৎবিয়ং বিদ্যা দষ্টকস্য বিষং হরেৎ || ১, ১৯. ২৩ ||
অ আ ন্যসেত্তু পাদাগ্রে ই ঈ গুলফেঽথ জানুনি |
উ ঊ এ ঐ কটিতটে ও নাভৌ হৃদি ঔ ন্যসেৎ || ১, ১৯. ২৪ ||
বক্ক্রে অমুত্তমাঙ্গে অঃ ন্যসেদ্বৈ হংসসংযুতাঃ |
হংসো বিষাদি চ হরেজ্জপ্তো ধ্যাতোঽথ পূজিতঃ || ১, ১৯. ২৫ ||
গরুডোঽহমিতি ধ্যাৎবা কুর্যাদ্বিষহরাং (রীং) ক্রিয়াম্ |
হমন্ত্রং গাত্রবিন্যস্তং বিষাদিহরমীরিতম্ || ১, ১৯. ২৬ ||
ন্যস্য হংসং বামকরে নাসামুখনিরোধকৃৎ |
মন্ত্রো হরেদ্দষ্টকস্য ৎবঙ্মাংসাদিগতং বিষম্ || ১, ১৯. ২৭ ||
স বায়ুনা সমাকৃষ্য দষ্টানাং গরলং হরেৎ |
তনৌ ন্যসেদ্দষ্টকস্য নীলকণ্ঠাদি সংস্মরেৎ || ১, ১৯. ২৮ ||
পীতং প্রত্যঙ্গিরামূলং তণ্ডুলদ্ভির্বিষাপহম্ |
পুনর্নবাফলিনীনাং মূলং বক্ক্রজমীদৃশম্ || ১, ১৯. ২৯ ||
মূলং শুক্লবৃহত্যাস্তু কর্কোট্যাগৈরিকর্ণিকম্ |
অদ্ভির্ঘৃষ্টঘৃতোপেতলেপোঽযং বিষমর্দনঃ || ১, ১৯. ৩০ ||
বিষমৃদ্ধিং ন ব্রজেচ্চ উষ্ণং পিবতি যো ঘৃতম্ |
পঞ্চাঙ্গং তু শিরীষস্য মূলং গৃঞ্জনজং তথা || ১, ১৯. ৩১ ||
সর্বাঙ্গলেপতশচাপি পানাদ্বা বিষহৃদ্ভবেৎ |
হ্রীং গোনসাদিবিষহৃৎ || ১, ১৯. ৩২ ||
হৃল্ললাটবিসর্গান্তং ধ্যাতং বশ্যা দিকৃদ্ভবেৎ |
ন্যস্তং যোনৌ বশেৎকন্যাং কুর্যান্মদজলাবিলম্ || ১, ১৯. ৩৩ ||
জপ্ত্বা সপ্তাষ্টসাহস্রং গরুত্মানিব সর্বগঃ |
কবিঃ স্যাচ্ছ্রুতিধরী চ বশ্যাঃ স্ত্রীশ্চায়ুরাপ্নুয়াৎ |
বিষহৃৎস্যাৎকথা তদ্বন্মণির্ব্যাসঃ স্মৃতো ধ্রুবম্ || ১, ১৯. ৩৪ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
সর্পবিষহরোপায়(প্রাণেশ্বরবিদ্যা) নিরূপণং নামৈকোনবিংশোঽধ্যায়ঃ
শ্রীগরুডমহাপুরাণম্-২০
সূত উবাচ |
বক্ষ্যে তৎপরমং গুহ্যং শিবোক্তং মন্ত্রবৃন্দকম্ |
পাশং ধনুশ্চ চক্রং চ মুদ্ররং শূলপট্টিশম্ || ১, ২০. ১ ||
এতৈরেবায়ুধৈর্যুদ্ধে মন্ত্রৈঃ শত্রূঞ্জয়েন্নৃপঃ |
মন্ত্রোদ্ধারঃ পদ্মপাত্রে আদি পূর্বাদিকে লিখেৎ || ১, ২০. ২ ||
অষ্টবর্গং চাষ্টমং চ খ্যাতমীশানপত্রকে |
ওঁ কারো ব্রহ্ম বীজং স্যাদ্ধ্রীঙ্কারো বিষ্ণুরেব চ || ১, ২০. ৩ ||
হ্রীঙ্কা রশ্চ শিবঃ শূলে ত্রিশাখে তু ক্রমান্ন্যসেৎ |
ওঁ হ্রীং হ্রীং || ১, ২০. ৪ ||
শূলং গৃহীৎবা হস্তেনাভ্রাম্য চাকাশসমুখম্ |
তদ্দর্শনান্দ্রহা নাগা দৃষ্ট্বা বা নাশমাপ্নু যুঃ || ১, ২০. ৫ ||
ধূমারক্তে করং মধ্যে ধ্যাৎবা খে চিন্তয়েন্নরঃ |
দুষ্টা নাগা গ্রহা মেঘা বিনশ্যন্তি চ রাক্ষসাঃ || ১, ২০. ৬ ||
ত্রিলোকান্রক্ষয়েন্মন্ত্রো মর্ত্যলোকস্য কা কথা |
ওঁ জূং সূং হূং ফট্ || ১, ২০. ৭ ||
খাদিরান্কীলকানষ্টৌ ক্ষেত্রে সমন্ত্র্য বিন্যসেৎ |
ন তত্র বজ্রপাতস্য স্ফূর্জথ্বাদেরুপদ্রবঃ || ১, ২০. ৮ ||
গরুডোক্তৈর্মহামন্ত্রৈঃ কীলকানষ্ট মন্ত্রয়েৎ |
একবিংশতিবারাণি ক্ষেত্রে তু নিখনেন্নিশি || ১, ২০. ৯ ||
বিদ্যুন্মূষকবজ্রাদিসমুপদ্রব এব চ |
হরক্ষমলবরয়ূ বিন্দুয়ুক্তঃ সদাশিবঃ || ১, ২০. ১০ ||
ওঁ হ্রাং সদাশিবায় নমঃ |
তর্জন্যা বিন্যসেৎপিণ্ডং (ণ্ডে) দাডিমীকুসুমপ্রভম্ || ১, ২০. ১১ ||
তস্যৈব দর্শনাদ্দুষ্টা মেঘবিদ্যুদ্দিপাদয়ঃ |
রাক্ষসা ভূতডাকিন্যঃ প্রদ্রবন্তি দিশো দশ || ১, ২০. ১২ ||
ওঁ হ্রীং গণেশায় নমঃ |
(ওঁ হ্রীং) স্তম্ভনাদিচক্রায় নমঃ |
ওঁ ঐং ব্রহয়ৈন্ত্রৈ লোক্যডামরায় নমঃ || ১, ২০. ১৩ ||
ভৈরবং পিণ্ডমাখ্যাতং বিষপাপগ্রহাপহম্ |
ক্ষেত্রস্য রক্ষণং ভূতরাক্ষসাদেঃ প্রমর্দনম্ || ১, ২০. ১৪ ||
ওঁ নমঃ |
ইন্দ্রবজ্রং করে ধ্যাৎবা দুষ্টমেঘাদিবারণম্ |
বিষ শত্রুগণা ভূতা নশ্যন্তে বজ্রমুদ্রয়া || ১, ২০. ১৫ ||
ওঁ ক্ষুং(ক্ষ) নমঃ |
স্মরেৎপাশং বামহস্তে বিষভূতাদি নশ্যতি |
ওঁ হ্রাং (হ্রো) নমঃ |
হরেদুচ্চারণান্মন্ত্রো বিষমেঘগ্রহাদিকান্ || ১, ২০. ১৬ ||
ধ্যাৎবা কৃতান্তং চ দহেচ্ছেদকাস্ত্রেণ বৈ জগৎ |
ওঁ ক্ষ্ণং (ক্ষ্ম) নমঃ |
ধ্যাৎবা তু ভৈরবং কুর্যান্দ্রহভূতবিষাপহম্ || ১, ২০. ১৭ ||
ওঁ লসদ্দিজিহ্বাক্ষ স্বাহা |
ক্ষেত্রাদৌ গ্রহভূতাদিবিষপক্ষিনিবারণম্ || ১, ২০. ১৮ ||
ওঁ ক্ষ্ব (ক্ষ্ণং) নমঃ |
রক্তেন পটহে লিখ্য শব্দাত্রেসুর্গ্রহাদয়ঃ |
ওঁ মর মর মারয়মারয় স্বাহা |
ওঁ হুং ফট্স্বাহা || ১, ২০. ১৯ ||
শূলং চাষ্টশতৈর্মন্ত্র্য ভ্রামণাচ্ছত্রুবৃন্দহৃৎ |
ঊর্ধশক্তিনিপাতেন অধঃ শক্তিং নিকুঞ্চেয়েৎ || ১, ২০. ২০ ||
পূরকে পূরিতা মন্ত্রাঃ কুম্ভকেন সুমন্ত্রিতাঃ |
প্রণবেনাপ্যায়িতাস্তে মনবস্তদুদীরিতাঃ |
এবমাপ্যায়িতা মন্ত্রা ভৃত্যবৎফলদায়কাঃ || ১, ২০. ২১ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বিষাদিহরমন্ত্রবৃন্দনিরূপণং নাম বিংশোঽধ্যায়ঃ
