১.৪ ব্রহ্মাণ্ডমহাপুরাণং – পূর্বভাগ (অধ্যায় ৩১-৩৮)

সূত উবাচ
অত ঊর্দ্ধং প্রবক্ষ্যামি দ্বাপরস্য বিধিং পুনঃ |
তত্র ত্রেতায়ুগে ক্ষীণে দ্বাপরং প্রতিপদ্যতে || ১. ৩১. ১||
দ্বাপরাদৌ প্রজানাং তু সিদ্ধিস্ত্রেতায়ুগে তু যা |
পরিবৃত্তে যুগে তস্মিংস্ততস্তাভিঃ প্রণশ্যতি || ১. ৩১. ২||
ততঃ প্রবর্ত্ততে তাসাং প্রজানাং দ্বাপরে পুনঃ |
সংভেদশ্চৈব বর্ণানাং কার্যাণাং চ বিপর্যয়ঃ || ১. ৩১. ৩||
যজ্ঞাবধারণং দণ্ডো মদো দংভঃ ক্ষমা বলম্ |
এষা রজস্তমোয়ুক্তা প্রবৃত্তির্দ্বাপরে স্মৃতা || ১. ৩১. ৪||
আদ্যে কৃতে যো ধর্মোঽস্তি স ত্রেতায়াং প্রবর্ত্ততে |
দ্বাপরে ব্যাকুলীভূৎবা প্রণশ্যতি কলৌ যুগে || ১. ৩১. ৫||
বর্ণানাং বিপরিধ্বংসঃ সংকীয়ত তথাশ্রমাঃ |
দ্বৈবিধ্যং প্রতিপদ্যেতেয়ুগে তস্মিঞ্ছ্রুতি স্মৃতী || ১. ৩১. ৬||
দ্বৈধাত্তথা শ্রুতিস্মৃত্যোর্নিশ্চয়ো নাধিগম্যতে |
অনিশ্চয়াধিগমনাদ্ধর্মতত্ত্বং ন বিদ্যতে || ১. ৩১. ৭||
ধর্মাসত্ত্বেন মিত্রাণাং মতিভেদো ভবেন্নৃণাম্ |
পরস্পরবিভিন্নৈস্তৈদৃষ্টীনাং বিভ্রমেণ চ || ১. ৩১. ৮||
অয়ং ধর্মো হ্যয়ং নেতি নিশ্চয়ো নাধিগম্যতে |
কারণানাং চ বৈকল্প্যাৎকার্যাণাং চাপ্যনিশ্চয়াৎ || ১. ৩১. ৯||
মতিভেদেন তেষাং বৈ দৃষ্টীনাং বিভ্রমো ভবেৎ |
ততো দৃষ্টিবিভন্নৈস্তু কৃতং শাস্ত্রাকুলং ৎবিদম্ || ১. ৩১. ১০||
একো বেদশ্চতুষ্পাদ্ধি ত্রেতাস্বিহ বিধীয়তে |
সংক্ষয়াদায়ুপশ্চৈব ব্যস্যতে দ্বাপরেষু চ || ১. ৩১. ১১||
ঋষিমন্ত্রাৎপুনর্ভেদাদ্ভিদ্যতে দৃষ্টিবিভ্রমৈঃ |
মন্ত্রব্রাহ্মণবিন্যাসৈঃ স্বরবর্ণবিপর্যয়ৈঃ || ১. ৩১. ১২||
সংহিতা ঋগ্যজুঃসাম্নাং সংপঠ্যন্তে মহর্ষিভিঃ |
সামান্যা বৈকৃতাশ্চৈব দৃষ্টিভিন্নে ক্বচিৎক্বচিৎ || ১. ৩১. ১৩||
ব্রাহ্মণং কল্পসূত্রাণি মন্ত্রপ্রবচনানি চ |
অন্যেঽপি প্রস্থিতাস্তান্বৈ কেচিত্তান্প্রত্যবস্থিতাঃ || ১. ৩১. ১৪||
দ্বাপরেষু প্রবর্ত্তন্তে নিবর্ত্তন্তে কলৌ যুগে |
একমাধ্বর্যবং ৎবাসীৎপুনর্দ্বৈধমজায়ত || ১. ৩১. ১৫||
সামান্যবিপরীতার্থৈঃ কৃতশাস্ত্রাকুলং ৎবিদম্ |
আধ্বর্যবস্য প্রস্থানৈর্বহুধা ব্যাকুলীকৃতৈঃ || ১. ৩১. ১৬||
তথৈবাথর্বঋক্সাম্নাং বিকল্পৈশ্চাপি সংজ্ঞয়া |
ব্যাকুলেদ্বাপরে নিত্যং ক্রিয়তে ভিন্ন দর্শনৈঃ || ১. ৩১. ১৭||
তেষাং ভেদাঃ প্রতীভেদা বিকল্পাশ্চাপি সংখ্যায়া |
দ্বাপরে সংপ্রবর্ত্ততে বিনশ্যন্তি ততঃ কলৌ || ১. ৩১. ১৮||
তেষাং বিপর্যয়োৎপন্না ভবন্তি দ্বাপরে পুনঃ |
অবৃষ্টির্মরণং চৈব তথৈব ব্যাধ্যুপদ্রবাঃ || ১. ৩১. ১৯||
বাঙ্মনঃ কর্মর্জেদুঃখৈর্নির্বেদো জায়তে পুনঃ |
নির্বেদাজ্জায়তে তেষাং দুঃখমোক্ষবিচারণা || ১. ৩১. ২০||
বিচারণাচ্চ বৈরাগ্যং বৈরাগ্যাদ্দোষদর্শনম্ |
দোষদর্শনতস্চৈব দ্বাপরেঽজ্ঞানসংভবঃ || ১. ৩১. ২১||
তেষাম জ্ঞানিনাং পূর্বমাদ্যে স্বায়ংভুবেঽন্তরে |
উৎপদ্যন্তে হি শাস্ত্রাণাং দ্বাপরে পরিপন্থিনঃ || ১. ৩১. ২২||
আয়ুর্বেদবিকল্পশ্চ হ্যগানাং জ্যোতিষস্য চ |
অর্থশাস্ত্রবিকল্পাশ্চ হেতুশাস্ত্রবিকল্পনম্ || ১. ৩১. ২৩||
প্রক্রিয়াকল্পসূত্রাণাং ভাষ্যবিদ্যাবিকল্পনম্ |
স্মৃতিশাস্ত্রপ্রভেদশ্চ প্রস্থানানি পৃথক্পৃথক্ || ১. ৩১. ২৪||
দ্বাপরেষ্বভিবর্ত্তন্তে মতিভেদাশ্রয়ান্নৃণাম্ |
মনসা কর্মণা বাচা কৃচ্ছ্রাদ্বার্তা প্রসিদ্ধ্যতি || ১. ৩১. ২৫||
দ্বাপরে সর্বভূতানাং কায়ক্লেশপুরস্কৃতা |
লোভো বৃত্তির্বণিক্পূর্বা তত্ত্বানামবিনিশ্চয়ঃ || ১. ৩১. ২৬||
বেদশাস্ত্রপ্রণয়নং ধর্মাণাং সংকরস্তথা |
বর্ণাশ্রমপরিধ্বংসঃ কামক্রোধৌ তথৈব চ || ১. ৩১. ২৭||
দ্বাপরেষু প্রবর্ত্তন্তে রাগো লোভো বধস্তথা |
বেদং ব্যাসশ্চতুর্দ্ধা তু ব্যস্যতে দ্বাপরাদিষু || ১. ৩১. ২৮||
নিঃশেষে দ্বাপরে তস্মিংস্তস্য সংধ্যা তু যাদৃশী |
প্রতিষ্ঠতে গুণৈর্হীনো ধর্মোঽসৌ দ্বাপরস্য তু || ১. ৩১. ২৯||
তথৈব সংধ্যা পাদেন হ্যঙ্গঃ সংধ্যা ইতীষ্যতে |
দ্বাপরস্যাবশেষেণ তিষ্যস্য তু নিবোধত || ১. ৩১. ৩০||
দ্বাপরস্যাশসেষণ প্রতিপত্তিঃ কলেরপি |
হিংসাসূয়ানৃতং মায়া বধশ্চৈব তপস্বিনাম্ || ১. ৩১. ৩১||
এতে স্বভাবাস্তিষ্যস্য সাধয়ন্তি চ বৈ প্রজাঃ |
এষ ধর্মঃ কৃতঃ কৃৎস্নো ধর্মশ্চ পরিহীয়তে || ১. ৩১. ৩২||
মনসা কর্মণা স্তুত্যা বার্তা সিধ্যতি বা ন বা |
কলৌ প্রমারকী রোগঃ সততং ক্ষুদ্ভয়ানি চ || ১. ৩১. ৩৩||
অনাবৃষ্টিভয়ং ঘোরং দেশানাং চ বিপর্যয়ঃ |
ন প্রমাণং স্মৃতেরস্তি তিষ্যে লোকেষু বৈ যুগে || ১. ৩১. ৩৪||
গর্ভস্থো ম্রিয়তে কশ্চিদ্যৌব নস্থস্তথাপরঃ |
স্থবিরাঃ কেঽপি কৌমারে ম্রিয়ন্তে বৈ কলৌ প্রজাঃ || ১. ৩১. ৩৫||
দুরিষ্টৈর্দুরধীতৈশ্চ দুষ্কৃতৈশ্চ দুরাগমৈঃ |
বিপ্রাণাং কর্মদোষৈস্তৈঃ প্রজানাং জায়তে ভয়ম্ || ১. ৩১. ৩৬||
হিংসা মায়া তথের্ষ্যা চ ক্রোধোঽসূয়া ক্ষমা নৃষু |
তিষ্যে ভবন্তি জন্তূনাং রাগো লোভশ্চ সর্বশঃ || ১. ৩১. ৩৭||
সংক্ষোভো জায়তেঽত্যথৈ করিমাসাদ্য বৈ যুগম্ |
পূর্ণে বর্ষসহস্রে বৈ পরমায়ুস্তদা নৃণাম্ || ১. ৩১. ৩৮||
নাধীয়তে তদা বেদান্ন যজং তে দ্বিজাতয়ঃ |
উৎসীদন্তি নরাশ্চৈব ক্ষত্রিয়াশ্চ বিশঃ ক্রমাৎ || ১. ৩১. ৩৯||
শূদ্রাণামন্ত্যয়োনেস্তু সংবন্ধা ব্রাহ্মণৈঃ সহ |
ভবন্তীহ কলৌ তস্মিঞ্ছয়নাসনভোজনৈঃ || ১. ৩১. ৪০||
রাজানঃ শূদ্রভূয়িষ্ঠাঃ পাখণ্ডানাং প্রবর্ত্তকাঃ |
গুণহীনাঃ প্রজাশ্চৈব তদা বৈ সংপ্রবর্ত্ততে || ১. ৩১. ৪১||
আয়ুর্মেধা বলং রূপং কুলং চৈব প্রণশ্যতি |
শূদ্রাশ্চ ব্রাহ্মণাচারাঃ শূদ্রাচারাশ্চ ব্রাহ্মণাঃ || ১. ৩১. ৪২||
রাজবৃত্তাঃ স্থিতাশ্চোরা শ্চোরাচারাশ্চ পার্থিবাঃ |
ভৃত্যা এতে হ্যসুভৃতো যুগান্তে সমবস্থিতে || ১. ৩১. ৪৩||
অশীলিন্যোঽনৃতাশ্চৈব স্ত্রিয়ো মদ্যামিষপ্রিয়াঃ |
মায়াবিন্যো ভবিষ্যন্তি যুগান্তে মুনিসত্তম || ১. ৩১. ৪৪||
একপত্ন্যো ন শিষ্যন্তি যুগান্তে মুনিসত্তম |
শ্বাপদপ্রবলৎবং চ গবাং চৈব হ্যুপক্ষয়ঃ || ১. ৩১. ৪৫||
সাধূনাং বিনিবৃত্তিং চ বিদ্যাস্তস্মিন্যুগক্ষয়ে |
তদা ধর্মো মহোদর্কে দুর্লভো দানমূলবান্ || ১. ৩১. ৪৬||
চাতুরাশ্রমশৈথিল্যো ধর্মঃ প্রবিচরিষ্যতি |
তদা হ্যল্পফলা ভূমিঃ ক্বচিচ্চাপি মহাফলা || ১. ৩১. ৪৭||
ন রক্ষিতারো বোক্তারো বলিভাগস্য পার্থিবাঃ |
যুগান্তে চ ভবিষ্যন্তি স্বরক্ষণপরায়ণাঃ || ১. ৩১. ৪৮||
অরক্ষিতারো রাজানো বিপ্রাঃ শূদ্রোপজীবিনঃ |
শূদ্রাভিবাদিনঃ সর্বে যুগান্তে দ্বিজসত্তমাঃ || ১. ৩১. ৪৯||
অদৃশূলা জনপদাঃ শিবশূলা দ্বিজাস্তথা |
প্রমদাঃ কেশশূলাশ্চ যুগান্তে সমুপস্থিতে || ১. ৩১. ৫০||
তপোয়জ্ঞফলানাং চ বিক্রেতারো দ্বিজোত্তমাঃ |
যতয়শ্চ ভবিষ্যন্তি বহবোঽস্মিন্কলৌ যুগে || ১. ৩১. ৫১||
চিত্রবর্ষী যদা দেবস্তদা প্রাহুর্যুগক্ষয়ম্ |
সর্বে বাণিজকাশ্চা পি ভবিষ্যন্ত্যধমে যুগে || ১. ৩১. ৫২||
ভূয়িষ্ঠং কূটমানৈশ্চ পণ্যং বিক্রীণতে জনাঃ |
কুশীলচর্যাপাখণ্ডৈর্ব্যাধরূপৈঃ সমাবৃতম্ || ১. ৩১. ৫৩||
পুরুষাল্পং বহুস্ত্রীকং যুগান্তে সমুপস্থিতে |
বাহুয়াচনকো লোকো ভবিষ্যতি পরস্পরম্ || ১. ৩১. ৫৪||
অব্যাকর্তা ক্রূরবাক্যা নার্জবো নানসূয়কঃ |
ন কৃতে প্রতিকর্ত্তা চ যুগে ক্ষীণে ভবিষ্যতি || ১. ৩১. ৫৫||
অশঙ্কা চৈব পতিতে যুগান্তে তস্য লক্ষণম্ |
ততঃ শূন্য বসুমতী ভবিষ্যতি বসুন্ধরা || ১. ৩১. ৫৬||
গোপ্তারশ্চাপ্যগোপ্তারঃ প্রভবিষ্যন্তি শাসকাঃ |
হর্ত্তারঃ পররত্নানাং পরদারবিমর্শকাঃ || ১. ৩১. ৫৭||
কামাত্মানো দুরাত্মানো হ্যধমাঃ সাহসপ্রিয়াঃ |
প্রনষ্টচেষ্টনা ধূর্ত্তা মুক্তকেশাস্ত্ত্বশূলিনঃ || ১. ৩১. ৫৮||
ঊনষোডশবর্ষাশ্চ প্রজা যন্তে যুগক্ষয়ে |
শুক্লদন্তা জিতাক্ষাশ্চ মুণ্ডাঃ কাষায়বাসসঃ || ১. ৩১. ৫৯||
শূদ্রা ধর্মং চরিষ্যতি যুগান্তে সমুপস্থিতে |
সস্যচোরা ভবিষ্যন্তি তথা চৈলাপহারিণঃ || ১. ৩১. ৬০||
চোরাচ্চোরাশ্চ হর্ত্তারো হর্তুর্হর্ত্তা তথাপরঃ |
জ্ঞানকর্মম্যুপরতে লোকে নিষ্ক্রিয়তাং গতে || ১. ৩১. ৬১||
কীটমূষকসর্পাশ্চ ধর্ষয়িষ্যন্তি মানবান্ |
অভীক্ষ্ণং ক্ষেমমারোগ্যং সামর্থ্যং দুর্লভং তথা || ১. ৩১. ৬২||
কৌশিকান্প্রতিবৎস্যন্তি দেশাঃ ক্ষুদ্ভয়পীডিতাঃ |
দুঃখেনাভিপ্লুতানাং চ পরমায়ুঃ শতং তদা || ১. ৩১. ৬৩||
দৃশ্যন্তে চ ন দৃশ্যন্তে বেদা কলিয়ুগেঽখিলাঃ |
তৎসীদন্তে তথা যজ্ঞাঃ কেবলাধর্মপীডিতাঃ || ১. ৩১. ৬৪||
কাষায়িণোঽথ নির্গ্রন্থা তথা কাপালিকাশ্চ হ |
বেদবিক্রয়িমশ্চন্যে তীর্থবিক্রয়িণোঽপরে || ১. ৩১. ৬৫||
বর্ণাশ্রমাণাং যে চান্যে পাখণ্ডাঃ পরিপন্থিনঃ |
উৎপদ্যন্তে তদা তে বৈ সংপ্রাপ্তে তু কলৌ যুগে || ১. ৩১. ৬৬||
অধীয়তে তদা বেদাঞ্ছূদ্রা ধর্মার্থ কোবিদাঃ |
যজন্তে চাশ্বমেধেন রাজানঃ শূদ্রয়োনয়ঃ || ১. ৩১. ৬৭||
স্ত্রীবালগোবধং কৃৎবা হৎবান্যে চ পরস্পরম্ |
অপহত্য তথান্যোন্যং সাধয়ন্তি তদা প্রজাঃ || ১. ৩১. ৬৮||
দুঃখপ্রবচনাল্পায়ুর্দেহাল্পায়ুশ্চ রোগতঃ |
অধর্মাভিনিবেশিৎবাত্তমোবৃত্তং কলৌ স্মৃতম্ || ১. ৩১. ৬৯||
প্রজাসু ভ্রূণহত্যা চ তদা বৈরাৎপ্রবর্ত্ততে |
তস্মাদায়ুর্বলং রূপং কলিং প্রাপ্য প্রহীয়তে || ১. ৩১. ৭০||
তদা চাল্পেন কালেন সিদ্ধিং গচ্ছন্তি মানবাঃ |
ধন্যা ধর্মং চরিষ্যন্তি যুগান্তে দ্বিজসত্তমাঃ || ১. ৩১. ৭১||
শ্রুতিস্মৃত্যুদিতং ধর্মং যে চরন্ত্যনসূয়কাঃ |
ত্রেতায়ামাব্দিকো ধর্মো দ্বাপরে মাসিকঃ স্মৃতঃ || ১. ৩১. ৭২||
যথাশক্তি চরন্প্রাজ্ঞস্তদহ্না প্রাপ্নুয়াৎকলৌ |
এষা কলিয়ুগাবস্থা সংধ্যাংশং তু নিবোধত || ১. ৩১. ৭৩||
যুগেয়ুগে তু হীয়ন্তে ত্রিত্রিপাদাস্তু সিদ্ধয়ঃ |
যুগস্বভাবাৎসংধ্যাসু তিষ্ঠন্তীহ তু যাদৃশঃ || ১. ৩১. ৭৪||
সংধ্যাস্বভাবাঃ স্বাংশেষু পাদশেষাঃ প্রতিষ্ঠিতাঃ |
এবং সংধ্যাংশকে কালে সংপ্রাপ্তে তু যুগান্তিকে || ১. ৩১. ৭৫||
তেষাং শাস্তা হ্যসাধূনাং ভৃগূণাং নিধনোত্থিতঃ |
গোত্রেণ বৈ চন্দ্র মসো নাম্না প্রমতিরুচ্যতে || ১. ৩১. ৭৬||
মাধবস্য তু সোংঽশেন পূর্বং স্বায়ংভুবেঽন্তরে |
সমাঃ সবিংশতিঃ পূর্ণাঃ পর্যটন্বৈ বসুংধরাম্ || ১. ৩১. ৭৭||
অনুকর্ষন্স বৈ সেনাং সবাজিরথকুঞ্জরাম্ |
প্রগৃহীতায়ুধৈর্বিপ্রৈঃ শতশোঽথ সহস্রশঃ || ১. ৩১. ৭৮||
স তদা তৈঃ পরিবৃতো ম্লেচ্ছান্হন্তি স্মসর্বশঃ |
সহ বা সর্বশশ্চৈব রাজ্ঞস্তাঞ্ছূদ্রয়োনিজান্ || ১. ৩১. ৭৯||
পারবণ্ডাস্তু ততঃ সর্বান্ নিঃ শেষং কৃতবান্বিভুঃ |
নাত্যর্থ ধার্মিকা যে চ তান্সর্বান্হন্তি সর্বশঃ || ১. ৩১. ৮০||
বর্ণব্যত্যাসজাতাশ্চ যে চ তাননুজীবিনঃ |
উদীচ্যান্মধ্যদেশ্যাংশ্চ পবতীয়াংস্তথৈব চ || ১. ৩১. ৮১||
প্রাচ্যান্প্রতীচ্যাংশ্চ তথা বিন্ধ্যপৃষ্ঠচরানপি |
তথৈব দাক্ষিণাত্যাংশ্চ দ্রবিডান্সিংহলৈঃ সহ || ১. ৩১. ৮২||
গান্ধারান্পারদাংশ্চৈব পহ্লবান্যব নাঞ্শকান্ |
তুষারান্বর্বরাংশ্চীনাঞ্ছূলিকান্দরদান্ খশান্ || ১. ৩১. ৮৩||
লংপাকারান্সকতকান্কিরাতানাং চ জাতয়ঃ |
প্রবৃত্তচক্রো বলবান্ম্লেচ্ছানামন্তকৃৎপ্রভুঃ || ১. ৩১. ৮৪||
অদৃষ্টঃ সর্বভূতানাং চচারাথ বসুন্ধরাম্ |
মাধবস্য তু সোংঽশেন দেবস্যেহ বিজজ্ঞিবান্ || ১. ৩১. ৮৫||
পূর্বজন্মনি বিখ্যাতঃ প্রমতির্ন্নাম বীর্যবান্ |
গোত্রতো বৈ চন্দ্রমসঃ পূর্বে কলিয়ুগে প্রভুঃ || ১. ৩১. ৮৬||
দ্বাত্রিংশেঽভ্যুদিতে বর্ষে প্রক্রান্তো বিংশতীঃ সমাঃ |
বিনিঘ্নন্সর্বভূতানি মানবানেব সর্বশঃ || ১. ৩১. ৮৭||
কৃৎবা বীজাবশেষং তু পৃথ্ব্যাং কূরেণ কর্মণা |
পরস্পর নিমিত্তেন কোপেনাকস্মিকেন তু || ১. ৩১. ৮৮||
সুসাধয়িৎবা বৃষলান্প্রায়শস্তানধর্মিকান্ |
গঙ্গায়মুনয়োর্মধ্যে নিষ্ঠাং প্রাপ্তঃ সহানুগঃ || ১. ৩১. ৮৯||
ততো ব্যতীতে কল্পে তু সামান্যে সহসৈনিকঃ |
উৎসাদ্য পার্থিবান্সর্বান্মলেচ্ছাংশ্চৈব সহস্রশঃ || ১. ৩১. ৯০||
তত্র সংধ্যাংশকে কালে সংপ্রাপ্তে তু যুগান্তকে |
স্থিতাস্বল্পাবশিষ্টাসু প্রজাস্বিহ ক্বচিৎক্বচিৎ || ১. ৩১. ৯১||
অপগ্রহাস্ততস্তা বৈ লোভাবিষ্টাস্তু বৃন্দশঃ |
উপহিসংতি চান্যোন্যং পোথয়ন্তঃ পরস্পরম্ || ১. ৩১. ৯২||
অরাজকে যুগবশাৎসংক্ষয়ে সমুপস্থিতে |
প্রজাস্তা বৈ ততঃ সর্বাঃ পরস্পরভয়ার্দ্দিতাঃ || ১. ৩১. ৯৩||
ব্যাকুলাশ্চ পরিভ্রান্তাস্ত্যক্ত্বা দারান্গৃহাণি চ |
স্বান্প্রণাননপেক্ষন্তো নিষ্কারণসুদুঃখিতাঃ || ১. ৩১. ৯৪||
নষ্টে শ্রৌতে স্মৃতৌ ধর্মে পরস্পরহতাস্তদা |
নির্মর্যাদা নিরাক্রন্দা নিঃস্নেহা নিরপত্রপাঃ || ১. ৩১. ৯৫||
নষ্টে ধর্মে প্রতিহতা হ্রস্বকাঃ পঞ্চবিংশতিম্ |
হিৎবা পুত্রাংশ্চ দারাংশ্চ বিষাদব্যাকুলেদ্রিয়াঃ || ১. ৩১. ৯৬||
অনাবৃষ্টিহতাশ্চৈব বার্ত্তামুৎসৃজ্য দুঃখিতাঃ |
প্রত্যন্তাংস্তা নিষেবন্তে হিৎবা জনপদান্স্বকান্ || ১. ৩১. ৯৭||
সরিতঃ সাগরানূপান্সেবন্তে পর্বতাংস্তথা |
মাংসৈর্মূলফলৈশ্চৈব বর্তয়ন্তঃ সুদুঃখিতাঃ || ১. ৩১. ৯৮||
চীরপত্রাচিনধরা নিষ্ক্রিয়া নিষ্পরিগ্রহাঃ |
বর্ণাশ্রমপরিভ্রষ্টাঃ সংকরং ঘোরমাস্থিতাঃ |
এতাং কাষ্ঠামনুপ্রাপ্তা অল্পশেষাঃ প্রজাস্ততঃ || ১. ৩১. ৯৯||
জরাব্যাধিক্ষুধা বিষ্টা দুঃখান্নির্বেদমাগমন্ |
বিচারণা তু নির্বেদাৎসাম্যাবস্থা বিচারণাৎ || ১. ৩১. ১০০||
সাম্যাবস্থাত্মকো বোধঃ সংবোধাদ্ধর্মশীলতা |
তাসূপশময়ুক্তাসু কলিশিষ্টাসু বৈ স্বয়ম্ || ১. ৩১. ১০১||
অহোরাত্রং তদা তাসাং যুগান্তে পরিবর্ত্তিনি |
চিত্তসংমোহনং কৃৎবা তাসাং বৈ সুপ্তমত্তবৎ || ১. ৩১. ১০২||
ভাবিনোর্ঽথস্য চ বলাত্ততঃ কৃতমবর্ত্তত |
প্রবৃত্তে তু ততস্তস্মিন্পূতে কৃতয়ুগে তু বৈ || ১. ৩১. ১০৩||
উৎপন্নাঃ কলিশিষ্টাসু প্রজাঃ কার্তয়ুগাস্তদা |
তিষ্ঠন্তি চেহ যে সিদ্ধা অদৃষ্টা বিচরন্তি চ || ১. ৩১. ১০৪||
সহ সপ্তর্ষিভিশ্চৈব তত্র তে চ ব্যবস্থিতাঃ |
ব্রহ্মক্ষত্রবিশঃ শূদ্রা বীজার্থং যে স্মৃতা ইহ || ১. ৩১. ১০৫||
কলিজৈঃ সহ তে সংতি নির্বিশেষাস্তদাভবন্ |
তেষাং সপ্তর্ষয়ো ধর্মং কথয়ন্তীতরেষু চ || ১. ৩১. ১০৬||
বর্ণাশ্রমাচারয়ুক্তঃ শ্রৌতঃ স্মার্ত্তো দ্বিধা তু সঃ |
ততস্তেষু ক্রিয়াবৎসু বর্তন্তে বৈ প্রজাঃ কৃতে || ১. ৩১. ১০৭||
শ্রৌতস্মার্ত্তে কৃতানাং চ ধর্মে সপ্তর্ষিদর্শিতে |
কেচিদ্ধর্মব্যবস্থার্থং তিষ্ঠন্তীহায়ুগক্ষয়াৎ || ১. ৩১. ১০৮||
মন্বন্তরাধিকারেষু তিষ্ঠন্তি মুনয়স্তু বৈ |
যথা দাবপ্রদগ্ধেষু তৃণেষ্বিহ তপেন তু || ১. ৩১. ১০৯||
বনানাং প্রথমং বৃষ্ট্যা তেষাং মূলেষু সংভবঃ |
তথা কার্তয়ুগানাং তু কলিজষ্বিহ সংভবঃ || ১. ৩১. ১১০||
এবং যুগো যুগস্যেহ সংতানস্তু পরস্পরম্ |
বর্ত্ততে হ্যব্যবচ্ছেদাদ্যাবন্মন্বন্তরক্ষয়ঃ || ১. ৩১. ১১১||
সুখমায়ুর্বলং রূপন্ধর্মোর্ঽথঃ কাম এব চ |
যুগেষ্বেতানি হীয়ন্তে ত্রিত্রিপাদাঃ ক্রমেণ চ || ১. ৩১. ১১২||
সসংধ্যাশেষু হীয়ন্তে যুগানান্ধর্মসিদ্ধয়ঃ |
ইত্যেষ প্রতিসংধির্যঃ কীর্ত্তিতস্তু ময়া দ্বিজাঃ || ১. ৩১. ১১৩||
চতুর্যুগানাং সর্বেষামেতেনৈব প্রসাধনম্ |
এষা চতুর্যুগাবৃত্তিরাসহস্রদ্গুণীকৃতা || ১. ৩১. ১১৪||
ব্রহ্মণস্তদহঃ প্রোক্তং রাত্রিশ্চৈতাবতী স্মৃতা |
অত্রার্জবং জডীভাবো ভূতানামায়ুগক্ষয়াৎ || ১. ৩১. ১১৫||
এতদেব তু সর্বেষাং যুগানাং লক্ষণং স্মৃতম্ |
এষা চতুর্যুগানাং চ গুণিতা হ্যেকসপ্ততিঃ || ১. ৩১. ১১৬||
ক্রমেণ পরিবৃত্তা তুমনোরন্তরমুচ্যতে |
চতুর্যুগে যথৈকস্মিন্ভবতীহ যথা তু যৎ || ১. ৩১. ১১৭||
তথা চান্যেষু ভবতি পুনস্তদ্বদ্যথাক্রমম্ |
সর্গে সর্গে তথা ভেদা উৎপদ্যন্তে তথৈব তু || ১. ৩১. ১১৮||
পঞ্চত্রিংশৎপরিমিতা ন ন্যূনা নাধিকাঃ স্মৃতাঃ |
তথা কল্পা যুগৈঃ মার্দ্ধং ভবন্তি সহ লক্ষণৈঃ |
মন্বন্তরাণাং সর্বেষামেতদেব তু লক্ষণম্ || ১. ৩১. ১১৯||
যথা যুগানাং পরিবর্ত্তনানি চিরপ্রবৃত্তানি যুগস্বভাবাৎ |
তথা ন সংতিষ্ঠতি জীবলোকঃ ক্ষয়োদয়াভ্যাং পরিবর্ত্তমানঃ || ১. ৩১. ১২০||
ইত্যেত ল্লক্ষণং প্রোক্তং যুগানাং বৈ সমাসতঃ || ১. ৩১. ১২১||
অতীতানাগতানাং হি সর্বমন্বন্তরোষ্বিহ |
মন্বন্তরেণ চৈকেন সর্বাণ্যেবান্তরাণি বৈ || ১. ৩১. ১২২||
খ্যাতানীহ বিজানীধ্বং কল্পং কল্পেন চৈব হ |
অনাগতেষু তদ্বচ্চ তর্কঃ কার্যো বিজানতা || ১. ৩১. ১২৩||
মন্বন্তরেষু সর্বেষু অতীতানাগতেষ্বিহ |
তুল্যাভিমানিনঃ সর্বে নামরূপৈর্ভবন্ত্যুত || ১. ৩১. ১২৪||
দেবা হ্যষ্টবিধা যে বা ইহ মন্বন্তরেশ্বরাঃ |
ঋষয়ো মনবশ্চৈব সর্বে তুল্যাঃ প্রয়োজনৈঃ || ১. ৩১. ১২৫||
এবং বর্ণাশ্রমাণাং তু প্রবিভাগং পুরা যুগে |
যুগস্বভাবাংশ্চ তথা বিধত্তে বৈ সদা প্রভুঃ || ১. ৩১. ১২৬||
বর্ণাশ্রমবিভাগাশ্চ যুগানি যুগসিদ্ধয়ঃ |
অনুষঙ্গাৎসমাখ্যাতাঃ সৃষ্টিসর্গং নিবোধত |
বিস্তরেণানুপূর্ব্যা চ স্থিতিং বক্ষ্যে যুগেষ্বিহ || ১. ৩১. ১২৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে চতুর্যুগাখ্যানং নামৈকত্রিংশত্তমোঽধ্যায়ঃ

সূত উবাচ
যুগেষু যাস্তু জায়ন্তে প্রজাস্তা মে নিবোধত |
আসুরী সর্পগান্ধর্বা পৈশাচী যক্ষরাক্ষসী || ১. ৩২. ১||
যস্মিন্যুগে চ সংভূতি স্তাসাং যাবচ্চ জীবিতম্ |
পিশাচাসুরগন্ধর্বাং যক্ষরাক্ষসপন্নগাঃ || ১. ৩২. ২||
পরিণাহোচ্ছ্রয়ৈস্তুল্যা জায়ন্তে হ কৃতে যুগে |
ষণ্ণবত্যঙ্গুলো ৎসেধো হ্যষ্টানাং দেবজন্মনাম্ || ১. ৩২. ৩||
স্বেনাঙ্গুলপ্রমাণেন নিষ্পন্নেন চ পৌষ্টিকাৎ |
এতৎস্বাভাবিকং তেষাং প্রমাণমিতি কুর্বতে || ১. ৩২. ৪||
মনুষ্যা বর্তমানাস্তু যুগং সংধ্যাশকেষ্বিহ |
দেবাসুরপ্রমাণং তু সপ্তসপ্তঙ্গুলাদসৎ || ১. ৩২. ৫||
অঙ্গুলানাং শতং পূর্ণমষ্টপঞ্চাশদুত্তরম্ |
দেবাসুরপ্রমাণং তু উচ্ছ্রয়াৎকলিজৈঃ স্মৃতম্ || ১. ৩২. ৬||
চৎবারশ্চাপ্যশীতিশ্চ কলিজৈরঙ্গুলৈঃ স্মৃতঃ |
স্বেনাঙ্গুলিপ্রমাণেন ঊর্দ্ধ্বমাপাদমস্তকাৎ || ১. ৩২. ৭||
ইত্যেষ মানুষোৎসেধো হ্রসতীহ যুগাংশকে |
সর্বেষু যুগকালেষু অতীতানাগতেষ্বিহ || ১. ৩২. ৮||
স্বেনাঙ্গুলিপ্রমাণেন অষ্টতালঃ স্মৃতো নরঃ |
আপাদতলমস্তিষ্কো নবতালো ভবেত্তু যঃ || ১. ৩২. ৯||
সংহতা জানুবাহুস্তু স সুরৈরপি পূজ্যতে |
গবাশ্বহস্তিনাং চৈব মহিষ স্যাবরাত্মনাম্ || ১. ৩২. ১০||
কর্মণৈতেন বিজ্ঞেয়ে হ্রাসবৃদ্ধী যুগে যুগে |
ষট্সপ্তত্যঙ্গুলোৎসেধঃ পশূনাং ককুদস্তু বৈ || ১. ৩২. ১১||
অঙ্গুলাষ্টশতং পূর্ণমুৎসেধঃ করিণাং স্মৃতঃ |
অঙ্গুলানাং সহস্রং তু চৎবারিংশাঙ্গুলৈর্বিনা || ১. ৩২. ১২||
পঞ্চাশতা যবানাং চ উৎসেধঃ শাখিনাং স্মৃতঃ |
মানুষস্য শরীরস্য সন্নিবেশস্তু যাদৃশঃ || ১. ৩২. ১৩||
তল্লক্ষণস্তু দেবানাং দৃশ্যেত তত্ত্বদর্শনাৎ |
বুদ্ধ্যাতিশয়য়ুক্তশ্চ দেবানাং কায় উচ্যতে || ১. ৩২. ১৪||
তথা সাতিশয়স্ছৈব মানুষঃ কায় উচ্যতে |
ইত্যেতে বৈ পরিক্রান্তা ভাবা যে দিব্যমানুষাঃ || ১. ৩২. ১৫||
পশূনাং পক্ষিণাং চৈব স্থাবরাণাং চ সর্বশঃ |
গাবো হ্যজাবয়োঽশ্বাশ্চ হস্তিনঃ পক্ষিণো নগাঃ || ১. ৩২. ১৬||
উপয়ুক্তাঃ ক্রিয়াস্বেতে যজ্ঞিয়াস্বিহ সর্বশঃ |
দেবস্থানেষু জায়ন্তে তদ্রূপা এব তে পুনঃ || ১. ৩২. ১৭||
যথাশয়োপভোগাস্তু দেবানাং শুভমূর্ত্তয়ঃ |
তেষাং রূপানুরূপৈস্তু প্রমাণৈঃ স্থাণুজঙ্গমৈঃ || ১. ৩২. ১৮||
মনোজ্ঞৈস্তত্র ভাবৈস্তে সুখিনো হ্যুপপেদিরে |
অতঃ শিষ্টান্প্রবক্ষ্যামি সতঃ সাধূংস্তথৈব চ || ১. ৩২. ১৯||
সদিতি ব্রহ্মণঃ শব্দস্তদ্বন্তো যে ভবন্ত্যুত |
সাজাত্যাদ্ব্রহ্মণস্ত্বেতে তেন সন্তঃ প্রচক্ষতে || ১. ৩২. ২০||
দশাত্মকে যে বিষয়ে কারণে চাষ্টলক্ষণে |
ন ক্রুধ্যন্তি ন ৎদৃষ্যন্তি জিতাত্মানস্তু তে স্মৃতাঃ || ১. ৩২. ২১||
সামান্যেষু তু ধর্মেষু তথা বৈশেষিকেষু চ |
ব্রহ্মক্ষত্রবিশো যস্মাদ্যুক্তাস্তস্মা দ্দ্বিজাতয়ঃ || ১. ৩২. ২২||
বর্ণাশ্রমেষু যুক্তস্য স্বর্গতৌ সুখচারিমঃ |
শ্রৌতস্মার্তস্য ধর্মস্য জ্ঞানাদ্ধর্মজ্ঞ উচ্যতে || ১. ৩২. ২৩||
বিদ্যায়াঃ সাধনাৎসাধুর্ব্রহ্মচারী গুরোর্হিতঃ |
গৃহাণাং সাধনাচ্চৈব গৃহস্থঃ সাধুরুচ্যতে || ১. ৩২. ২৪||
সাধনাত্তপসোঽরণ্যে সাধুর্বৈখানসঃ স্মৃতঃ |
যতমানো যতিঃ সাধুঃ স্মৃতো যোগস্য সাধনাৎ || ১. ৩২. ২৫||
এবমাশ্রমধর্মাণাং সাধনাৎসাধবঃ স্মৃতাঃ |
গৃহস্থো ব্রহ্মচারী চ বানপ্রস্থো যতিস্তথা || ১. ৩২. ২৬||
অথ দেবা ন পিতরো মুনয়ো ন চ মানুষাঃ |
অয়ং ধর্মো হ্যয়ং নেতি বিন্দতে ভিন্নদর্শনাঃ || ১. ৩২. ২৭||
ধর্মাধর্মাবিহপ্রোক্তৌ শব্দাবেতৌ ক্রিয়াত্মকৌ |
কুশলাকুশলং কর্ম ধর্মাধর্মাবিহ স্মৃতাম্ || ১. ৩২. ২৮||
ধারণর্থো ধৃতিশ্চৈব ধাতুঃ শব্দে প্রকীর্ত্তিতঃ |
অধারণামহত্ত্বে চ অধর্ম ইতি চোচ্যতে || ১. ৩২. ২৯||
অথেষ্টপ্রাপকো ধর্ম আচার্যৈরুপদিশ্যতে |
অধর্মশ্চানিষ্টফলোহ্যাচার্যৈরুপদিশ্যতে || ১. ৩২. ৩০||
বৃদ্ধাশ্চালোলুপাশ্চৈব ৎবাত্মবন্তো হ্যদাংভিকাঃ |
সম্যগ্বিনীতা ঋজবস্তানাচার্যান্প্রজক্ষতে || ১. ৩২. ৩১||
স্বয়মাচরতে যস্মাদাচারং স্থাপয়ত্যপি |
আচিনোতি চ শাস্ত্রাণি আচার্যস্তেন চোচ্যতে || ১. ৩২. ৩২||
ধর্মজ্ঞৈর্বিহিতো ধর্মঃ শ্রৌতঃ স্মার্ত্তো দ্বিধা দ্বিজৈঃ |
দারাগ্নিহোত্রসম্বন্ধাদ্দ্বিধা শ্রৌতস্য লক্ষণম্ || ১. ৩২. ৩৩||
স্মার্ত্তো বর্ণাশ্রমাচারৈর্যমৈঃ সনিয়মৈঃ স্মৃতঃ |
পূর্বেভ্যো বেদয়িৎবেহ শ্রৌতং সপ্তর্ষ যোঽব্রুবন্ || ১. ৩২. ৩৪||
ঋচো যজূংসামানি ব্রহ্মণোঽঙ্গানি চ শ্রুতিঃ |
মন্বন্তরস্যাতীতস্য স্মৃৎবাচারান্মনুর্জগৌ || ১. ৩২. ৩৫||
তস্মা ৎস্মার্ত্তঃ ধর্মো বর্ণাশ্রমবিভাজকঃ |
স এষ বিবিধো ধর্মঃ শিষ্টাচার ইহোচ্যতে || ১. ৩২. ৩৬||
শেষশব্দঃ শিষ্ট ইতি শেষং শিষ্টং প্রচক্ষতে |
মন্বন্তরেষু যে শিষ্টা ইহ তিষ্ঠন্তি ধার্মিকাঃ || ১. ৩২. ৩৭||
মনুঃ সপ্তর্ষয়শ্চৈব লোকসংতানকারমাৎ |
ধর্মার্থং যে চ তিষ্ঠন্তি তাঞ্ছিষ্টান্বৈ প্রচক্ষতে || ১. ৩২. ৩৮||
মন্বাদয়শ্চ যেঽশিষ্টা যে ময়া প্রাগুদীরিতাঃ |
তৈঃ শিষ্টৈশ্চরিতো ধর্মঃ সম্যগেব যুগে যুগে || ১. ৩২. ৩৯||
ত্রয়ী বার্ত্তা দণ্ডনীতিরিজ্যা বর্ণাশ্রমাস্তথা |
শিষ্টৈরাচর্যতে যস্মান্মনুনা চ পুনঃ পুনঃ || ১. ৩২. ৪০||
পূর্বৈঃ পূর্বগতৎবাচ্চ শিষ্টাচারঃ স সাৎবতঃ |
দানং সত্যং তপো জ্ঞানং বিদ্যেজ্যা ব্রজনং দয়া || ১. ৩২. ৪১||
অষ্টৌ তানি চরিত্রাণি শিষ্টাচারস্য লক্ষণম্ |
শিষ্টা যস্মাচ্চরন্ত্যেনং মনুঃ সপ্তর্ষয়স্তু বৈ || ১. ৩২. ৪২||
মন্বন্তরেষু সর্বেষু শিষ্টাচারস্ততঃ স্মৃতঃ |
বিজ্ঞেয়ঃ শ্রবণাচ্ছ্রৌতঃ স্মরণাৎস্মার্ত্ত উচ্যতে || ১. ৩২. ৪৩||
ইজ্যাবেদাত্মকঃ শ্রৌতঃ স্মার্ত্তো বর্ণাশ্রমাত্মকঃ |
প্রত্যঙ্গানি চ বক্ষ্যামি ধর্মস্যেহ তু লক্ষণম্ || ১. ৩২. ৪৪||
দৃষ্ট্বা তু ভূতমর্থং যঃ পৃষ্টো বৈ ন নিগূ হতি |
যথা ভূতপ্রবাদস্তু ইত্যেতৎসত্যলক্ষণম্ || ১. ৩২. ৪৫||
ব্রহ্মচর্যং জপো মৌনং নিরাহারৎবমেব চ |
ইত্যেতত্তপসো রূপং সুঘোরং সুদুরা সদম্ || ১. ৩২. ৪৬||
পশূনাং দ্রব্যহবিষামৃক্সাময়জুষাং তথা |
ঋৎবিজাং দক্ষিণানাং চ সংযোগো যজ্ঞ উচ্যতে || ১. ৩২. ৪৭||
আত্মবৎসর্বভূতেষু যা হিতায়াহিতায় চ |
প্রবর্ত্তন্তে সমা দৃষ্টিঃ কৃৎস্নাপ্যেষা দয়া স্মৃতা || ১. ৩২. ৪৮||
আক্রুষ্টো নিহতো বাপি নাক্রোশেদ্যো ন হন্তি চ |
বাঙ্মনঃকর্মভির্বেত্তি তিতিক্ষৈষা ক্ষমা স্মৃতা || ১. ৩২. ৪৯||
স্বামিনা রক্ষ্যমাণানামুৎসৃষ্টানাং চ সংভ্রমে |
পরস্বানামনাদানমলোভ ইতি কীর্ত্যতে || ১. ৩২. ৫০||
মৈথুনস্যাসমাচারো ন চিন্তা নানুজল্পনম্ |
নিবৃত্তির্ব্রহ্মচর্যং তদচ্ছিদ্রং তপ উচ্যতে || ১. ৩২. ৫১||
আত্মার্থং বা পরার্থং বা চেন্দ্রিয়াণীহ যস্য বৈ |
মিথ্যা ন সংপ্রবর্ত্তন্তে শামস্যৈতত্তু লক্ষমম্ || ১. ৩২. ৫২||
দশাত্মকে যো বিষয়ে কারণে চাষ্টলক্ষণে |
ন ক্রুদ্ধ্যেত প্রতিহতঃ স জিতাত্মা বিভাব্যতে || ১. ৩২. ৫৩||
যদ্যদিষ্টতমং দ্রব্যং ন্যায়েনৈবাগতং চ যৎ |
তত্তদ্গুণবতে দেয়মিত্যেতদ্দানলক্ষণম্ || ১. ৩২. ৫৪||
দানং ত্রিবিধমিত্যেতৎকনিষ্ঠজ্যেষ্ঠমধ্যমম্ |
তত্র নৈশ্রেয়সং জ্যেষ্ঠং কনিষ্ঠং স্বার্থসিদ্ধয়ে || ১. ৩২. ৫৫||
কারুণ্যাৎসর্বভূতেষু সংবিভাগস্তু মধ্যমঃ |
শ্রুতিস্মৃতিভ্যাং বিহিতো ধর্মো বর্মাশ্রমাত্মকঃ || ১. ৩২. ৫৬||
শিষ্টাচারাবিরুদ্ধশ্চ ধর্মঃ সৎসাধুসংমতঃ |
অপ্রদ্বেষোহ্যনি ষ্টেষু তথেষ্টস্যাভিনন্দনম্ || ১. ৩২. ৫৭||
প্রীতিতাপবিষাদেভ্যো বিনিবৃত্তির্বিরক্ততা |
সংন্যাসঃ কর্মণাং ন্যাসঃ কৃতানামকৃতৈঃ সহ || ১. ৩২. ৫৮||
কুশলাকুশলানাং তু প্রহাণং ন্যাস উচ্যতে |
ব্যক্তা যে বিশেষাস্তে বিকারেঽস্মিন্নচেতনে || ১. ৩২. ৫৯||
চেতনাচেতনান্যৎববিজ্ঞানং জ্ঞানমুচ্যতে |
প্রত্যঙ্গানাং তু ধর্মস্য ৎবিত্যেতল্লক্ষণং স্মৃতম্ || ১. ৩২. ৬০||
ঋষিভির্ধর্মতত্ত্বজ্ঞৈঃ পূর্বং স্বায়ংভুবেঽন্তরে |
অত্র বো বর্ণয়িষ্যামি বিধিং মন্বন্তরস্য যঃ || ১. ৩২. ৬১||
তথৈব চাতুর্হেত্রস্য চাতুর্বিদ্যস্য চৈব হি |
প্রতিমন্বন্তরে চৈব শ্রুতিরন্যা বিধীয়তে || ১. ৩২. ৬২||
ঋচো যজূংষি সমানি যথা চ প্রতিদৈবতম্ |
আভূতসংপ্লবস্যাপি বর্জ্যৈকং শতরুদ্রিয়ম্ || ১. ৩২. ৬৩||
বিধির্হৈত্রস্তথা স্তোত্রং পূর্ববৎসংপ্রবর্ততে |
দ্রব্যস্তোত্রং গুণস্তোত্রং ফলস্তোত্রং তথৈব চ || ১. ৩২. ৬৪||
চতুর্থমাভিজনকং স্তোত্রমেতচ্চতুর্বিধম্ |
মন্বন্তরেষু সর্বেষু যথা দেবা ভবন্তি যে || ১. ৩২. ৬৫||
প্রবর্তয়তি তেষাং বৈ ব্রহ্মা স্তোত্রং চতুর্বিধম্ |
এবং মন্ত্রগণানাং তু সমুৎপত্তিশ্চতুর্বিধা || ১. ৩২. ৬৬||
অথর্বগর্যজুষাং সাম্নাং বেদেষ্বিহ পৃথক্পৃথক্ |
ঋষীণাং তপ্যতামুগ্রং তপঃ পরমদুষ্করম্ || ১. ৩২. ৬৭||
মন্ত্রাঃ প্রাদুর্বভূবুর্হি পূর্বমন্বন্তরেষ্বিহ |
অসংতোষাদ্ভয়া দ্দুঃখাৎসুখাচ্ছোকাচ্চ পঞ্চধা || ১. ৩২. ৬৮||
ঋষীণাং তারকাখ্যেন দর্শনেন যদৃচ্ছয়া |
ঋষীণাং যদৃষিৎবং হি তদ্বক্ষ্যামীহ লক্ষণৈঃ || ১. ৩২. ৬৯||
অতীতানাগতানাং চ পঞ্চধা ৎবৃষিরুচ্যতে |
অতস্ত্বৃষীণাং বক্ষ্যামি তত্র হ্যার্ষসমুদ্ভবম্ || ১. ৩২. ৭০||
গুণসাম্যে বর্ত্তমানে সর্বসংপ্রলয়ে তদা |
অবিভাগে তু বেদানামনির্দেশ্যে তমোময়ে || ১. ৩২. ৭১||
অবুদ্ধিবূর্বকং তদ্বৈ চেতনার্থে প্রবর্ত্ততে |
চেতনাবুদ্ধিপূর্বং তু চেতনেন প্রবর্ত্ততে || ১. ৩২. ৭২||
প্রবর্ত্ততে তথা দ্বৌ তু যথা মৎস্যোদকে উভে |
চেতনাধিষ্ঠিতং সত্ত্বং প্রবর্ত্ততি গুণাত্মকম্ || ১. ৩২. ৭৩||
কারণৎবাত্তথা কার্যং তদা তস্য প্রবর্ত্ততে |
বিষয়ো বিষয়িৎবাচ্চ অর্থের্ঽথৎবাত্তথৈব চ || ১. ৩২. ৭৪||
কালেন প্রাপণীয়েন ভেদাস্তু করণাত্মকাঃ |
সংসিধ্যন্তি তদা ব্যক্তাঃ ক্রমেণ মহদাদয়ঃ || ১. ৩২. ৭৫||
মহতশ্চাপ্যহঙ্কারস্তস্মাদ্ভূতেদ্রিয়াণি চ |
ভূতভেদাশ্চ ভূতেভ্যো জজ্ঞিরে স্ম পরস্পরম্ || ১. ৩২. ৭৬||
সংসিদ্ধকার্যকরণঃ সদ্য এব ব্যবর্ত্তত |
যথোল্মুকাত্তু ত্রুটয়ঃ এককালাদ্ভবন্তি হি || ১. ৩২. ৭৭||
তথা বিবৃত্তাঃ ক্ষেত্রজ্ঞাঃ কালেনৈকেন কারণাৎ |
যথান্ধকারে খদ্যোতঃ সহসা সংপ্রদৃশ্যতে || ১. ৩২. ৭৮||
তথা বিবৃত্তো হ্যব্যক্তাৎখদ্যোত ইব সঞ্জ্বলন্ |
স মাহন্সশরীরস্তু যত্রৈবায়মবর্ত্তত || ১. ৩২. ৭৯||
তত্রৈব সংস্থিতো বিদ্বান্দ্বারশালামুখে বিভুঃ |
মহাংস্তু তমসঃ পারে বৈলক্ষণ্যাদ্বিভাব্যতে || ১. ৩২. ৮০||
তত্রৈব সংস্থিতে বিদ্বাংস্তমসোংঽত ইতি শ্রুতিঃ |
বুদ্ধির্বিবর্ত্তমানস্য প্রাদুর্ভূতা চতুর্বিধা || ১. ৩২. ৮১||
জ্ঞানং বৈরাগ্যমৈশ্বর্যং ধর্মশ্চেতি চতুষ্টয়ম্ |
সাংসিদ্ধিকান্যথৈতানি বিজ্ঞেয়ানি নরস্য বৈ || ১. ৩২. ৮২||
স মহাত্মা শরীরস্য বৈবর্ত্তাৎসিদ্ধিরুচ্যতে |
অনুশেতে যতঃ সর্বান্ক্ষেত্রজ্ঞানমথাপি বা || ১. ৩২. ৮৩||
পুরিষৎবাচ্চ পুরুষঃ ক্ষত্রেজ্ঞানাৎস উচ্যতে |
যস্মাদ্বুদ্ধ্যানুশেতে চ তস্মাদ্বোধাত্মকঃ স বৈ || ১. ৩২. ৮৪||
সংসিদ্ধয়ে পরিগতং ব্যক্তাব্যক্তমচেতনম্ |
এবং বিবৃত্তঃ ক্ষেত্রজ্ঞঃ ক্ষেত্রজ্ঞানাভিসংহিতঃ || ১. ৩২. ৮৫||
বিবৃত্তিসমকালং তু বুদ্ধ্যাব্যক্তমৃষিঃ স্বয়ম্ |
পরং হ্যর্ষয়তে যস্মাৎপরমর্ষিৎবমস্য তৎ || ১. ৩২. ৮৬||
গত্যর্থাদৃষতের্ধাতোর্নাম নির্বৃতিরাদিতঃ |
যস্মাদেব স্বয়ং ভূতস্তস্মাচ্চাপ্যৃষিতা স্মৃতা || ১. ৩২. ৮৭||
ঈশ্বরাৎস্বয়মুদ্ভূতা মানসা ব্রহ্মণঃ সুতাঃ |
যস্মাদুৎপদ্যমানৈস্তৈর্মহান্পরিগতঃ পরঃ || ১. ৩২. ৮৮||
যস্মাদষন্তি তে ধীরা মহান্তং সর্বতো গুণৈঃ |
তস্মান্মহর্ষয়ঃ প্রোক্তা বুদ্ধেঃ পরম দর্শিনা || ১. ৩২. ৮৯||
ঈশ্বরাণাং সুতাস্তেষাং মানসা ঔরসাশ্চ বৈ |
অহঙ্কারং তপশ্চৈব ঋষন্তি ঋষিতাং গতাঃ || ১. ৩২. ৯০||
তস্মাৎসপ্তর্ষয়স্তে বৈ ভূতাদৌ তত্ত্বদর্শনাৎ |
ঋষিপুত্রা ঋষীকাস্তু মৈথুনাদ্গর্ভসংভবাঃ || ১. ৩২. ৯১||
তন্মাত্রাণি চ সত্যং চ ঋষন্তে তে মহৌজসঃ |
সপ্তষর্যস্ত তস্তে চ পরসত্যস্য দর্শনাঃ || ১. ৩২. ৯২||
ঋষীকাণাং সুতাস্তে স্যুর্বিজ্ঞেয়া ঋষিপুত্রকাঃ |
ঋষন্তি তে ঋতং যস্মাদ্বিশেষাংশ্চৈব তত্ত্বতঃ || ১. ৩২. ৯৩||
তস্মাৎসপ্তর্ষয়স্তেপি শ্রুতেঃ পরমদর্শনাৎ |
অব্যক্তাত্মা মহানাত্মাহঙ্কারাত্মা তথৈব চ || ১. ৩২. ৯৪||
ভূতাত্মা চেন্দ্রিয়াত্মা চ তেষাং তজ্জ্ঞানমুচ্যতে |
ইত্যেতা ঋষিজাতীস্তা নামভিঃ পঞ্চ বৈ শৃণু || ১. ৩২. ৯৫||
ভৃগুর্মরীচিরত্রিশ্চ হ্যঙ্গিরাঃ পুলহঃ ক্রতুঃ |
মনুর্দক্ষো বসিষ্টশ্চ পুলস্ত্যশ্চেতি তে দশ || ১. ৩২. ৯৬||
ব্রহ্মণো মানসা হ্যেতে উদ্ভূতাঃ স্বয়মীশ্বরাঃ |
পরৎবেনর্ষয়ো যস্মাৎস্মৃতাস্তস্মান্মহর্ষয়ঃ || ১. ৩২. ৯৭||
ঈশ্বরাণাং সুতা হ্যেতে ঋষয়স্তান্নিবোধত |
কাব্যো বৃহস্পতিশ্চৈব কশ্যপশ্ব্যবনস্তথা || ১. ৩২. ৯৮||
উতথ্যো বামদেবশ্চ অপা স্যশ্চোশিজস্তথা |
কর্দমো বিশ্রবাঃ শক্তির্বালখিল্যাস্তথার্বতঃ || ১. ৩২. ৯৯||
ইত্যেতে ঋষয়ঃ প্রোক্তাস্তপসা চর্ষিতাং গতাঃ |
ঋষিপুত্রানৃ ষীকাংস্তু গর্ভোৎপন্নান্নিবোধত || ১. ৩২. ১০০||
বৎসরো নগৃহূশ্চৈব ভরদ্বাজস্তথৈব চ |
ঋষিদীর্ঘতমাশ্চৈব বৃহদুক্থঃ শরদ্বতঃ || ১. ৩২. ১০১||
বাজশ্রবাঃ শুচিশ্চৈব বশ্যাশ্বশ্চ পরাশরঃ |
দধীচঃ শংশপাশ্চৈব রাজা বৈশ্রবণস্তথা || ১. ৩২. ১০২||
ইত্যেতে ঋষিকাঃ প্রোক্তাস্তে সত্যাদৃষিতাং গতাঃ |
ঈশ্বরা ঋষয়শ্চৈব ঋষিকাশ্চৈব তে স্মৃতাঃ || ১. ৩২. ১০৩||
এতে মন্ত্রকৃতঃ সর্বে কৃৎস্নশস্তান্নিবোধত |
ভৃগুঃ কাব্যঃ প্রচেতাশ্চ ঋচীকো হ্যাত্মবানপি || ১. ৩২. ১০৪||
ঔর্বাথ জমদগ্নিশ্চ বিদঃ সারস্বতস্তথা |
আর্ষ্টিষেণো যুধাজিচ্চ বীতহব্যসুবর্চসৌ || ১. ৩২. ১০৫||
বৈন্যঃ পৃথুর্দিবোদাসো বাধ্যশ্বো গৃৎসশৌনকৌ |
একোনবিশতির্হ্যেতেভৃগবো মন্ত্রবাদিতঃ || ১. ৩২. ১০৬||
অঙ্গিরা বৈদ্যগশ্চৈব ভরদ্বাজোঽথ বাষ্কলিঃ |
ঋতবাকস্তথা গর্গঃ শিনিঃ সংকৃতিরেব চ || ১. ৩২. ১০৭||
পুরুকুৎসশ্চ মান্ধাতা হ্যংবরীষস্তথৈব চ |
যুবনাশ্বঃ পৌরকুৎসস্ত্রসদ্দস্যুশ্চ দস্যুমান্ || ১. ৩২. ১০৮||
আহার্যো হ্যজমীঢশ্চ তুক্ষয়ঃ কপিরেব চ |
বৃষাদর্ভো বিরূপাশ্বঃ কণ্বশ্চৈবাথ মুদ্গলঃ || ১. ৩২. ১০৯||
উতথ্যশ্চ সনদ্বাজস্তথা বাজশ্রবা অপি |
অয়াস্যশ্চক্রবর্ত্তী চবামদেবস্তথৈব চ || ১. ৩২. ১১০||
অসিজো বৃহদুক্থশ্চ ঋষির্দীর্ঘতমাস্তথা |
কক্ষীবাংশ্চ ত্রয়স্ত্রিংশৎস্মৃতা হ্যাঙ্গিরসা বরাঃ || ১. ৩২. ১১১||
এতে মন্ত্রকৃতঃ সর্বে কাশ্যপাংস্তু নিবোধত |
কাশ্যপশ্চৈব বৎসারো নৈধ্রুবো রৈভ্য এব চ || ১. ৩২. ১১২||
অসিতো দেব লশ্চৈব ষডেতে ব্রহ্মবাদিনঃ |
অত্রিরর্বসনশ্চৈব শ্যাবাশ্বশ্চ গবিষ্ঠিরঃ || ১. ৩২. ১১৩||
আবিহোত্র ঋষির্দ্ধীমাংস্তথা পূর্বাতিথিশ্চ সঃ |
ইত্যেতে চা ত্রয়ঃ প্রোক্তা মন্ত্রকারা মহর্ষয়ঃ || ১. ৩২. ১১৪||
বসিষ্ঠশ্চৈব শক্তিশ্চ তথৈব চ পরাশরঃ |
চতুর্থ ইন্দ্রপ্রমতিঃ পঞ্চমশ্চ ভরদ্বসুঃ || ১. ৩২. ১১৫||
ষষ্ঠশ্চ মৈত্রাবরুণিঃ কুণ্ডিনঃ সপ্তমস্তথা |
ইতি সপ্ত বশিষ্ঠাশ্চ বিজ্ঞেয়া ব্রহ্মবাদিনঃ || ১. ৩২. ১১৬||
বিশ্বামিত্রস্তু গাধেয়ো দেবরাতস্তথোদ্গলঃ |
তথা বিদ্বান্মধুচ্ছন্দা ঋষিশ্চান্যোঽঘমর্ষণঃ || ১. ৩২. ১১৭||
অষ্টকো লোহিতশ্চৈব কতঃ কোলশ্চ তাবুভৌ |
দেবশ্রবাস্তথা রেণুঃ পূরণোঽথ ধনঞ্জয়ঃ || ১. ৩২. ১১৮||
ত্রয়োদশৈতে ধর্মিষ্ঠা বিজ্ঞেয়াঃ কুশিকাবরাঃ |
অগস্ত্যোঽযো দৃঢায়ুশ্চ বিধ্মবাহস্তথৈব চ || ১. ৩২. ১১৯||
ব্রহ্মিষ্ঠাগস্তপা হ্যেতে ত্রয়ঃ পরমকীর্ত্তয়ঃ |
মনুর্বৈবস্বতশ্চৈব এলো রাজা পুরূখাঃ || ১. ৩২. ১২০||
ক্ষত্র্রিয়াণাং চরাবেতৌ বিজ্ঞেয়ৌ মন্ত্রবাদিনৌ |
ভলন্দনশ্চ বৎসশ্চ সংকীলশ্চৈব তে ত্রয়ঃ || ১. ৩২. ১২১||
এতে মন্ত্রকৃতশ্চৈব বৈশ্যানাং প্রবরাঃ স্মৃতাঃ |
ইত্যেষা নবতিঃ প্রোক্তা মন্ত্রা যৈরৃষিভিঃ কৃতাঃ |
ব্রাহ্যণাঃ ক্ষত্রিয়া বৈশ্যা ঋষিপুত্রান্নিবোধত || ১. ৩২. ১২২||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে যুগপ্রজালক্ষণমৃষিপ্রবরবর্ণনং চ নাম দ্বাত্রিংশত্তমোঽধ্যায়ঃ

সূত উবাচ
ঋষিকাণাং সুতাশ্চাপি বিজ্ঞেয়া ঋষিপুত্রকাঃ |
ব্রাহ্যণানাং প্রবক্তারো নামতশ্চ নিবোধত || ১. ৩৩. ১||
সপ্রধানাঃ প্রবক্ষ্যন্তে সমাসাচ্চ শ্রুতর্ষয়ঃ |
বহ্বৃচো ভার্গবঃ পৈলঃ সাংকৃত্যো জাজলিস্তথা || ১. ৩৩. ২||
সংধ্যাস্তির্মাঠরশ্চৈব যাজ্ঞবল্ক্যঃ পরাশরঃ |
উপমন্যুরিন্দ্রপ্রমতির্মাডূকিঃ শাকলিশ্চ সঃ || ১. ৩৩. ৩||
বাষ্কলিঃ শোকপাণিশ্চ নৈলঃ পৈলোঽলকস্তথা |
পন্নগাঃ পক্ষগন্তাশ্চ ষডশীতিঃ শ্রুতর্ষয়ঃ || ১. ৩৩. ৪||
এতে দ্বিজাতয়ো মুখ্যা বহ্বৃচানাং শ্রুতর্ষয়ঃ |
বৈশংপায়নলৌহিত্যৌ কণ্ঠকালাবশাবধঃ || ১. ৩৩. ৫||
শ্যামাপতিঃ পলাডুশ্চ আলংবিঃ কমলাপতিঃ |
তেষাং শিষ্যাঃ প্রশিষ্যাশ্চ ষডশীতি শ্রুতর্ষয়ঃ || ১. ৩৩. ৬||
এতে দ্বিজর্ষয়ঃ প্রোক্তাশ্চরকাধ্বর্যবো দ্বিজাঃ |
চৈমিনিঃ সভরদ্বাজঃ কাব্যঃ পৌষ্যঞ্জিরেব চ || ১. ৩৩. ৭||
হিরণ্যনাভঃ কৌশিল্যো লৌগাক্ষিঃ কুসুমিস্তথা |
লঙ্গলী শালিহোত্রশ্চ শক্তিরাজশ্চ ভার্গবঃ || ১. ৩৩. ৮||
সামগানামথাচার্য ঐলো রাজা পুরূরবাঃ |
ষট্চৎবারিংশদন্যে বৈ তেষাং শিষ্যাঃ শ্রুতর্ষয়ঃ || ১. ৩৩. ৯||
কৌশীতিঃ কঙ্কমুদ্গশ্চ কুণ্ডকঃ সপরাশরঃ |
লোভালোভশ্চ ধর্মাত্মা তথা ব্রহ্ম বলশ্চ সঃ || ১. ৩৩. ১০||
ক্রন্থলোঽথো মদগলো মার্কণ্ডেয়োঽথ ধর্মবিৎ |
ইত্যেতে নবতির্জ্ঞেয়া হোত্রবদ্ব্রহ্মচারিণঃ || ১. ৩৩. ১১||
চরকাধ্বর্যবশ্চাপি হ্যনুমংন্ত্রং তু ব্রাহ্মণম্ |
চলূভিঃ সুমতিশ্চৈব তথা দেববরশ্চ যঃ || ১. ৩৩. ১২||
অনুকৃষ্ণস্তথায়ুশ্চ অনুভূমিস্তথৈব চ |
তথাপ্রীতঃ কৃশাশ্বশ্ব সুমূলির্বাষ্কলিস্তথা || ১. ৩৩. ১৩||
চরকাধ্বর্যকাধ্বর্যুনমস্যুর্ব্রহ্মচারিণঃ |
বৈয়াসকিঃ শুকো বিদ্বাংল্লৌকির্ভূরিশ্রবাস্তথা || ১. ৩৩. ১৪||
সোমাবিরতুনান্তক্যস্তথা ধৌম্যশ্চ কাশ্যপঃ |
আরণ্যা ইলকশ্চৈব উপমন্যুর্বিদস্তথা || ১. ৩৩. ১৫||
ভার্গবো মধুকঃ পিঙ্গঃ শ্বেত কেতুস্তথৈব চ |
প্রজাদর্পঃ কহোডশ্চ যাজ্ঞবল্ক্যোঽথ শৌনকঃ || ১. ৩৩. ১৬||
অনঙ্গো নিরতালশ্চ মধ্যমাধ্বর্যবস্তুতে |
অদিতির্দেবমাতা চ জলাপা চৈব মানবী || ১. ৩৩. ১৭||
উর্বশী বিশ্বয়োষা চ হ্যপ্সরঃপ্রবরে শুভে |
মুদ্গলা চাতুজীবৈব তারা চৈব যশস্বিনী || ১. ৩৩. ১৮||
প্রাতিমেধী চ মার্গা চ সুজাতা চ মহাতপা |
লোপামুদ্রা চ ধর্মজ্ঞা যা চ কোশীতিকা স্মৃতা || ১. ৩৩. ১৯||
এতাশ্চ ব্রহ্মবাদিন্য অপ্সরো রূপংসমতাঃ |
ইত্যেতা মুখ্যশঃ প্রোক্তা ময়া চ ঋষিপুত্রকাঃ || ১. ৩৩. ২০||
বৈদশাখাপ্রণয়নাস্ততস্তে ঋষয়ঃ স্মৃতাঃ |
ঈশ্বরা মন্ত্রবক্তার ঋষয়ো হ্যৃষিকাস্তথা || ১. ৩৩. ২১||
ঋষিপুত্রাঃ প্রবক্তরঃ কল্পানাং ব্রাহ্মণস্য তু |
ঈশ্বরাণামৃষীণাং চ ঋষিকাণাং সহাত্মজৈঃ || ১. ৩৩. ২২||
তথা বাক্যানি জনীষ্ব যথৈষাং মন্ত্রদৃষ্টয়ঃ |
তত্রাজ্ঞায়ুক্তমদ্বৈতং দীপ্তং গংভীরশব্দবৎ || ১. ৩৩. ২৩||
অত্যন্তমপরোক্ষং চ লিঙ্গং নাম তথৈব চ |
সর্বভূতান্যভূতং চ পরিদানং চ যদ্ভবেৎ || ১. ৩৩. ২৪||
ক্বচিন্নিরুক্তপ্রোক্তার্থং বাক্যং স্বায়ংভুবং বিদুঃ |
যৎকিঞ্চিন্মন্ত্রসংযুক্তং তত্র নামবিভক্তিভিঃ || ১. ৩৩. ২৫||
প্রত্যক্ষাভিহিতং চৈবমৃষীণাং বচনং মতম্ |
নৈগমৈর্বিবিধৈঃ শব্দৈর্নিপাতৈর্বহুলং চ যৎ || ১. ৩৩. ২৬||
যচ্চাপ্যস্তি মহদ্বাক্যমৃষীকাণাং বচঃ স্মৃতম্ |
অবিস্পষ্টপদং যচ্চ যচ্চ স্যাদ্বহুসংশয়ম্ || ১. ৩৩. ২৭||
ঋষিপুত্রবচস্তদ্বৈ সর্বাশ্চ পরিদেবতাঃ |
হেতুদৃষ্টান্ত বহুলং চিত্রশব্দমপার্থকম্ || ১. ৩৩. ২৮||
সর্বাস্তু তমশক্তং চ বাক্যমেতত্তু মানুষম্ |
মিশ্রা ইতি সমাখ্যাতাঃ প্রভাবাদৃষিতাং গাতাঃ || ১. ৩৩. ২৯||
সমুৎকর্ষায় কর্ষাভ্যাং জাতিব্যত্যাসসংভবাঃ |
ভূতভব্যভবজ্জ্ঞান জন্মদুঃখচিকিৎসনম্ || ১. ৩৩. ৩০||
মিশ্রাণাং তদ্ভবেদ্বাক্যং গুরোর্বলপ্রবর্ত্তনম্ |
ধর্মশাস্ত্রপ্রণেতারো মহিম্না সর্বগাশ্চ বৈ || ১. ৩৩. ৩১||
তপঃপ্রকর্ষঃ সুমহান্যেষাং তে ঋষয়ঃ স্মৃতাঃ |
বৃহস্পতিশ্চ শুক্রশ্চ ব্যাসঃ সারস্বতস্তথা || ১. ৩৩. ৩২||
ব্যাসাঃ শাস্ত্রপ্রণয়না বেদব্যাস ইতি স্মৃতাঃ |
যস্মাদবারজাঃ সংতঃ পূর্বেভ্যো মেধয়াধিকাঃ || ১. ৩৩. ৩৩||
ঐশ্বর্যেণ চ সংপন্নাস্ততস্তে ঋষয়ঃ স্মৃতাঃ |
যস্মিন্কালো ন চং বয়ঃ প্রমাণমৃষিভাবনে || ১. ৩৩. ৩৪||
দৃশ্যতে হি পুমান্কশ্চিৎকশ্চিজ্জ্যেষ্ঠতমো ধিয়া |
যস্মাদ্বুদ্ধ্যা চ বর্ষীয়ান্বলোঽপি শ্রুতবানৃষিঃ || ১. ৩৩. ৩৫||
যঃ কশ্চিৎপাদবান্মধ্যে প্রয়ুক্তোঽক্ষর সংপদা |
বিনিয়ুক্তাবসানাং তু তামৃচং পরিচক্ষতে || ১. ৩৩. ৩৬||
যঃ কশ্চিৎকরণৈর্মন্ত্রো ন চ পাদক্ষরৈর্মিতঃ |
অতিয়ুক্তাবসানং চ তদ্যজুর্বৈ প্রচক্ষতে || ১. ৩৩. ৩৭||
হ্রীঙ্কারঃ প্রণবো গীতঃ প্রস্তাবশ্চ চতুর্থকম্ |
পঞ্চমঃ প্রতিহোত্রশ্চ ষষ্ঠমাহুরুপদ্রবম্ || ১. ৩৩. ৩৮||
নিধনং সপ্তমং সাম্নঃ সপ্তবিন্ধ্য মিদং স্মৃতম্ |
পঞ্চবিন্ধ্য ইতি প্রোক্তং হ্রীঙ্কারঃ প্রণবাদৃতে || ১. ৩৩. ৩৯||
ব্রহ্মণে ধর্মমত্যুক্তৌ যত্তদা জ্ঞাপ্যতের্ঽথতঃ |
আশাস্তিস্তু প্রসংখ্যাতা বিলাপঃ পরিদেবনা || ১. ৩৩. ৪০||
ক্রোধাদ্বা দ্বেষণাচ্চৈব প্রশ্রাখ্যানং তথৈব চ |
এতত্তু সর্ববিদ্যানাং বিহিতং মন্ত্রলক্ষণম্ || ১. ৩৩. ৪১||
মন্ত্রা নববিধাঃ প্রোক্তা ঋগ্যজুঃ সামলক্ষণাঃ |
মূর্তির্নিন্দা প্রশংসা চাক্রোশস্তোষস্তথৈব চ || ১. ৩৩. ৪২||
প্রশ্রানুজ্ঞাস্তথাখ্যানমাশাস্মতিবিধয়ো মতাঃ |
মন্ত্রভেদাংশ্চ বক্ষ্যামি চতুর্বিশতিলক্ষণান্ || ১. ৩৩. ৪৩||
প্রশংসা স্তুতিরাক্রোশো নিন্দা চ পরিদেবনা |
অভিশাপো বিশাপশ্চ প্রশ্নঃ প্রতিবচস্তথা || ১. ৩৩. ৪৪||
আশীর্যজ্ঞস্তথাক্ষেপ অর্থাখ্যানং চ সংকথা |
বিয়োগা হ্যভিয়োগাশ্চ কথা সংস্থা বরশ্চ বৈ || ১. ৩৩. ৪৫||
প্রতিষেধোপ দেশৌ চ নমস্কারঃ স্পৃহা তথা |
বিলাপশ্চেতি মন্ত্রাণাং চতুর্বিংশতিরুদ্ধৃতাঃ || ১. ৩৩. ৪৬||
ঋষিভির্যজ্ঞতত্ত্বজ্ঞৈর্বিহিতং ব্রহ্মণং পুরা |
হেতু র্নির্বচনং নিন্দা প্রশস্তিঃ সংশয়ো নিধিঃ || ১. ৩৩. ৪৭||
পুরাকৃতিপুরাকল্পৌ ব্যবধারণকল্পনা |
উপমা চ দশৈতে বৈ বিধয়ো ব্রাহ্মণস্য তু || ১. ৩৩. ৪৮||
লক্ষণং ব্রাহ্মণস্যৈনদ্বিহিতং সর্বশাখিনাম |
হেতুর্হন্তেঃ স্মৃতো ধাতোর্যন্নিহন্ত্যুদিতং পরৈঃ || ১. ৩৩. ৪৯||
অথবার্থে পরিপ্রাপ্তে হিনো তের্গতিকর্মণা |
তথা নির্বচনং ব্রূয়াদ্বাক্যার্থস্যাবধারণম্ || ১. ৩৩. ৫০||
নিন্দাং তামাহুরায়ার্যা যদ্দোষে নিন্দনং বচঃ |
প্রপূর্বাচ্ছংসতের্ধাতোঃ প্রশংসাগুণবত্তয়া || ১. ৩৩. ৫১||
ইদং ৎবিদমিদং নৈদমিত্যনিশ্চিত্য সংশয়ম্ |
ইদমেবং বিধাতব্যমিত্যয়ং বিধিরুচ্যতে || ১. ৩৩. ৫২||
অন্যস্যান্যস্য চৌক্তির্যা বুধৈঃ সোক্তা পুরাকৃতিঃ |
যো হ্যত্যন্তপরোক্ষার্থঃ স পুরাকল্প উচ্যতে || ১. ৩৩. ৫৩||
পুরাতিক্রান্তবাচিৎবাৎপুরাকল্পস্য কল্প নাম্ |
মন্ত্রব্রাহ্মণকল্পৈশ্চ নিগমৈঃ শুদ্ধবিস্তরৈঃ || ১. ৩৩. ৫৪||
অনিশ্চিত্য কৃতামাহুর্ব্যবধারণকল্পনাম্ |
যথা হীদং তথা তদ্বৈ ইদং চৈব তথৈব তৎ || ১. ৩৩. ৫৫||
ইত্যেবমেষা হ্যুপমা দশমো ব্রাহ্মণস্য তু |
ইত্যেতদ্ব্রহ্মণস্যাদৌ বিহিতং রক্ষণং বুধৈঃ || ১. ৩৩. ৫৬||
তস্য তদ্বিদ্ভিরুদ্দিষ্টা ব্যাখ্যাম্যনুপদং দ্বিজৈঃ |
মন্ত্রাণাং কল্পনা চৈব বিধিদৃষ্টিষু কর্মসু || ১. ৩৩. ৫৭||
মন্ত্রো মন্ত্রয়তের্দ্ধাতোর্ব্রাহ্মণো ব্রাহ্মণেন তু |
অল্পাক্ষরমসংদিগ্ধং সারবদ্বিশ্বতোমুখম্ |
অস্তোভমনবদ্যং চ সূত্রং সূত্রবিদো বিদুঃ || ১. ৩৩. ৫৮||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে ঋষিলক্ষণং নাম ত্রয়স্ত্রিন্ত্তমোঽধ্যায়ঃ

বায়ুরুবাচ
ঋষয়স্তদ্বচঃ শ্রুৎবা সূতমাহুস্তদুত্তরম্ |
কথং বেদাঃ পুনর্ব্যস্তাস্তন্নো ব্রূহি মহামতে || ১. ৩৪. ১||
সূত উবাচ
দ্বাপরে তু পুরাবৃত্তে মনোঃ স্বায়ংভুবান্তরে |
ব্রহ্মা মনুমুবাচেদং রক্ষবেদং মহামতে || ১. ৩৪. ২||
পরিবৃত্তং যুগং তাত স্বল্পবীর্যা দ্বিজাতয়ঃ |
সংবৃতা যুগদোষেণ সর্বে চৈব যথাক্রমম্ || ১. ৩৪. ৩||
তস্য মানং যুগবশাদল্পং চৈব হি দৃশ্যতে |
দশসাহস্রভাগেন হ্যবশিষ্টং কৃতোদিতম্ || ১. ৩৪. ৪||
বায় তেজো বলং চাল্পং সর্বং চৈব প্রণশ্যতি |
বেদক্রিয়া হি কার্যাঃ স্যুর্মাভূদ্বেদবিনাশনম্ || ১. ৩৪. ৫||
বেদে নাশমনুপ্রাপ্তে যজ্ঞো নাশং গমিষ্যতি |
যজ্ঞে নষ্টে বেদনাশস্ততঃ সর্বং প্রণশ্যতি || ১. ৩৪. ৬||
আদ্যো বেদশ্চ তুষ্পাদঃ শতসাহস্রসংমিতঃ |
পুনর্দশগুণঃ কৃষ্ণো যজ্ঞো বৈ সর্বকামধুক্ || ১. ৩৪. ৭||
এবমুক্তস্তথেত্যুক্ত্বা মনুর্লৌকহিতে রতঃ |
বেদমেকং চতুষ্পাদং চতুর্দ্ধা ব্যভজৎপ্রভুঃ || ১. ৩৪. ৮||
ব্রহ্মণো বচনাত্তাত লোকানাং হিতকাম্যয়া |
তদহং বর্ত্তমানেন যুষ্মাকং বেদকল্পনম্ || ১. ৩৪. ৯||
মন্বন্তরেণ বক্ষ্যমি ব্যতীতানাং প্রকল্পনম্ |
প্রত্যক্ষেণ বরোক্ষংবৈ তন্নিবোধত সত্তমাঃ || ১. ৩৪. ১০||
অস্মিন্যুগে তদা ব্যাসঃ পারাশর্যঃ পরন্তপঃ |
দ্বৈপায়ন ইতি খ্যাতো বিষ্ণোরংশঃ সনাতনঃ || ১. ৩৪. ১১||
ব্রহ্মণা চোদিতঃ সোঽস্মিন্ বেদং বক্তুং প্রচক্রমে |
অথ শিষ্যান্সজগ্রাহ চতুরো বেদকারণাৎ || ১. ৩৪. ১২||
জৈমিনিং চ সুমন্তুং চ বৈশংপায়নমেব চ |
চতুর্থং পৈলমেতেষাং পঞ্চমং লোমহর্ষণম্ || ১. ৩৪. ১৩||
ঋগ্বেদশ্রাবকং পৈলমগ্রহীদ্বিধিবদ্দ্বিজাঃ |
যজুর্বেদপ্রবক্তারং বৈশংপায়নমেব চ || ১. ৩৪. ১৪||
জৈমিনিং সামবেদার্থশ্রাবকং সোঽন্বপদ্যত |
তথৈবাথর্ ববেদস্য সুমন্তুমৃষিসত্তমম্ || ১. ৩৪. ১৫||
ইতিহাসপুরাণস্য কলপবাক্যস্য চৈব হি |
মাং চৈব প্রতিজগ্রাহ ভগবানীশ্বরঃ প্রভুঃ || ১. ৩৪. ১৬||
এক আসীদ্যজুর্বেদস্তং চতুর্দ্ধা ব্যকল্পয়ৎ |
চাতুর্হেত্রমভূত্তস্মিংস্তেন যজ্ঞমকল্পয়ৎ || ১. ৩৪. ১৭||
আধ্বর্যবং যজুর্ভিস্তু ঋগ্ভির্হেত্রং তথৈব চ |
ঔদ্গাত্রং সামভিশ্চক্রে ব্রহ্মৎবং চাপ্যথর্বভিঃ || ১. ৩৪. ১৮||
ততঃ স ঋচ উদ্ধৃত্য ঋগ্বেদং সমকল্পয়ৎ |
হোতৃকং কল্পয়ত্তেন যজুর্বেদং জগৎপতিঃ || ১. ৩৪. ১৯||
সামভিঃ সামবেদং চ তেনৌদ্গাত্রমকল্পয়ৎ |
রা৫স্ত্বথর্ববেদেন সর্বকর্মাণ্যকারয়ৎ || ১. ৩৪. ২০||
আখ্যানৈশ্চাপ্যুপাখ্যানৈর্গাথাভিঃ কল্পজোক্তিভিঃ |
পুরামসংহিতাং চক্রে পুরাণার্থবিশারদঃ || ১. ৩৪. ২১||
যচ্ছিষ্টং তু যজুর্বেদে তেন য৫ময়ুঞ্জত |
যজনাৎস যজুর্বেদ ইতি শাস্ত্রবিনিশ্চয়ঃ || ১. ৩৪. ২২||
পাদানামুদ্ধতৎবাচ্চ যজূংষি বিষমাণি চ |
শতেনোদ্ধতবীর্যস্তু ঋৎবিগ্ভির্বেদপারগৈঃ || ১. ৩৪. ২৩||
প্রয়ুজ্যতে হ্যশ্বমেধস্তেন বা পুষ্যতে তু সঃ |
ঋচো গৃহীৎবা পৈলস্তু ব্যভজত্তু দ্বিধা পুনঃ || ১. ৩৪. ২৪||
দ্বে কৃৎবা সংহিতে চৈব শিষ্যাভ্যা মদদাদ্বিবুঃ |
ইন্দ্রপ্রমত্তয়ে চৈকাং দ্বিতীয়াং বাষ্কলায় চ || ১. ৩৪. ২৫||
চতস্রঃ সংহিতাঃ কৃৎবা বাষ্কলো দ্বিজসত্তমঃ |
শিষ্যানধ্যাপয়া মাস শুশ্রুষাভিরতান্হিতান্ || ১. ৩৪. ২৬||
বোধ্যাং তু প্রথমাং শাখাং দ্বিতীয়ামগ্নিমাতরম্ |
পারাশরীং তৃতীয়াং তু যা৫বল্ক্যামথাপরাম্ || ১. ৩৪. ২৭||
ইন্দ্রপ্রমতিরেকাং তু সংহিতামৃষিসত্তমঃ |
অধ্যাপয়ন্মহাভাগং মাণ্ডূকেয়ং যশস্বিনম্ || ১. ৩৪. ২৮||
স্ত্যস্রবসমগ্র্যং তু পুত্রং স তু মহায়শাঃ |
সত্যস্রবাঃ সত্যহিতং পুত্রমধ্যাপয়দ্বিভুঃ || ১. ৩৪. ২৯||
সোঽপি সত্যহিতঃ পুত্রং পুনরধ্যাপয়দ্দ্বিজাঃ |
সত্যশ্রিয়ং মহাত্মানং সত্য ধর্মপরায়ণম্ || ১. ৩৪. ৩০||
অভবংস্তস্য শিষ্যা বৈ ত্রয়স্তু সুমহৌজসঃ |
সত্যশ্রিয়াশ্চ বিদ্বাংসঃ শাস্ত্রগ্রহণতৎপরাঃ || ১. ৩৪. ৩১||
শাকল্যঃ প্রথমস্তেষাং তস্মাদন্যো রথীতরঃ |
বাষ্কলিশ্চ ভরদ্বাজ ইতি শাখাপ্রবর্ত্তকাঃ || ১. ৩৪. ৩২||
দেবমিত্রস্তু শাকল্যো জ্ঞানাহঙ্কারগর্বিতঃ |
জনকস্য স যজ্ঞে বৈ বিনাশামগমদ্দ্বিজাঃ || ১. ৩৪. ৩৩||
শাংশপায়ন উবাচ
কথং বিনাশমগমৎস মুনির্জ্ঞানগর্বিতঃ |
জনকস্যাশ্বমেধে তু কথ বাদাভ্যজায়ত || ১. ৩৪. ৩৪||
কিমর্থং বাভবদ্বাদঃ কেন সার্দ্ধমথাপি বা |
এতৎসর্বং যথা বৃত্তমাচক্ষ্ত্র বিদিতং তব || ১. ৩৪. ৩৫||
সূত উবাচ
জনকস্যাশ্বমেধে তু মহানাসীৎসমাগমঃ |
ঋষীণাং হি সহস্রাণি তত্রাজগ্মুরনেকশঃ || ১. ৩৪. ৩৬||
রাজর্ষের্জনকস্যাথ তং যজ্ঞং হি দিদৃক্ষবঃ |
আগতান্ব্রাহ্মণান্দৃষ্ট্বা জিজ্ঞাসাস্যাভবত্ততঃ || ১. ৩৪. ৩৭||
কো ন্বেষাং ব্রাহ্মণশ্রেষ্ঠঃ কথং মে নিশ্চয়ো ভবেৎ |
ইতি নিশ্চিত্য মনসা বুদ্ধিং চক্রে জনাধিপঃ || ১. ৩৪. ৩৮||
গবাং সহস্রমাদায় সুবর্ণমধিকং ততঃ |
গ্রামান্রত্নানি দাসীস্ছ মুনীন্প্রাহ নরাধিপঃ || ১. ৩৪. ৩৯||
সর্বানহং প্রপন্নো বঃ শিরসা শ্রেষ্ঠভাগিনঃ |
যদেতদাহৃতং বিত্তং যো বা শ্রেষ্ঠতমো ভবেৎ || ১. ৩৪. ৪০||
তস্মৈ তদুপনীতং মে বিত্ত বিত্তং দ্বিজোত্তমাঃ |
জনকস্য বচঃ শ্রুৎবা ঋষয়স্তে শ্রুতিক্ষমাঃ || ১. ৩৪. ৪১||
দৃষ্ট্বা ধনং মহাসারং ধনগৃধ্না জিঘৃক্ষবঃ |
আহ্বয়াঞ্চক্রিরেঽন্যোন্যং বেদজ্ঞানমদোল্বণান্ || ১. ৩৪. ৪২||
মনসা গতবিত্তাস্তে মমৈতদ্ধনমিত্যুত |
মমৈতন্ন তবেত্যন্যো ব্রূহি বা কিং বিকত্থসে || ১. ৩৪. ৪৩||
ইত্যেবং ধনদোষেণ বাদাংশ্চকুরনেকশঃ |
অথান্যস্তত্রবৈ বিদ্বান্ব্রহ্মণস্তু সুতঃ কবিঃ || ১. ৩৪. ৪৪||
যাজ্ঞবল্ক্যো মহাতেজাস্তপস্বী ব্রহ্মবিত্তমঃ |
ব্রহ্মণোংঽশসমুৎপন্নো বাক্যং প্রোবাচ সুস্বরম্ || ১. ৩৪. ৪৫||
শিষ্যং ব্রহ্মবিদাং শ্রেষ্ঠং ধনমেতদ্গৃহাণ বৈ |
নয়স্ব চ গৃহংবৎস মমৈতন্নাত্র সংশয়ঃ || ১. ৩৪. ৪৬||
সর্ববাদেষ্বহং বক্তা নান্যঃ কশ্চিত্তু মৎসমঃ |
যো বা ন প্রীয়তে বিদ্বান্সমাহ্বয়তু মাচিরম্ || ১. ৩৪. ৪৭||
ততো ব্রহ্মার্ণবঃ ক্ষুব্দঃ সমুদ্র ইব সংপ্লবে |
তানুবাচ ততঃ স্বস্থো যাজ্ঞবল্ক্যো হসন্নিব || ১. ৩৪. ৪৮||
ক্রোধং মা কার্ষ্ট বিদ্বাংসো ভবন্তঃ সত্যবাদিনঃ |
বদামহে যথাশক্তি জিজ্ঞাসংতঃ পরস্পরম্ || ১. ৩৪. ৪৯||
ততোঽভ্যুপগতাস্তেষাং বাদাঃ শব্দৈরনেকশঃ |
সহস্রধা শুভৈরর্থৈঃ সুক্ষ্মদর্শনসংভবৈঃ || ১. ৩৪. ৫০||
লোকে বেদে তথাধ্যাত্মবিদ্যাস্থানৈরলঙ্কৃতৈঃ |
সংত্যুত্তমগুণৈর্যুক্তা নৃপস্যাপি পরীক্ষকাঃ || ১. ৩৪. ৫১||
বাদাঃ সমভবংস্তত্র ধনহেতোর্মহাত্মনাম্ |
ঋষয়স্ত্বেকতঃ সর্বে যাজ্ঞবল্ক্যস্তথৈকতঃ || ১. ৩৪. ৫২||
সর্বে তে মুনয়স্তেন যাজ্ঞবল্ক্যেন ধীমতা |
একৈকশস্ততঃ পৃষ্টা নৈবোত্তরমথাব্রুবন্ || ১. ৩৪. ৫৩||
স বিজিত্য মুনীন্সর্বান্ ব্রহ্মরাশির্মহামতিঃ |
শাকল্যমিতি হোবাচ বাদকর্ত্তারমঞ্জসা || ১. ৩৪. ৫৪||
শাকল্য বদ বক্তব্যং কিং ধ্যায়ন্নবতিষ্ঠসে |
পণস্তু যজমানেন বদ্ধো নীতো যথা ধৃতঃ || ১. ৩৪. ৫৫||
এবং স ধর্ষিতস্তেন রোষাত্তাম্রাস্যলোচনঃ |
প্রোবাচ যাজ্ঞবল্ক্যং সপুরুষং মুনিসন্নিধৌ || ১. ৩৪. ৫৬||
ৎবমস্মাস্তৃণবৎকৃৎবা তথৈবান্যান্দ্বিজোত্তমান্ |
বিদ্যাধনং মহাসারং স্বয়ঙ্গ্রাহং জিঘৃক্ষসি || ১. ৩৪. ৫৭||
শাকল্যেনৈবমুক্তস্তু যাজ্ঞবল্ক্যস্তমব্রবীৎ |
ব্রহ্মিষ্ঠানাং বলং বিদ্ধি বিদ্যাতত্ত্বার্থদর্শনম্ || ১. ৩৪. ৫৮||
কামস্যার্থেন সংবন্ধস্তেনার্থং কাময়ামহে |
কামপ্রর্শ্নধনা বিপ্রাঃ কামপ্রশ্নং বদামহে || ১. ৩৪. ৫৯||
পণশ্চৈবাস্য রাজর্ষেস্তস্মান্নীতং ধনং ময়া |
এতচ্ছ্রুৎবা বচস্তস্য শাকল্যঃ ক্রোধমূর্চ্ছিতঃ || ১. ৩৪. ৬০||
যা৫বল্ক্যমথোবাচ কামপ্রশ্নার্থকৃদ্বচঃ |
ব্রূহীদানীং ময়োদ্দিষ্টান্কামপ্রশ্নান্যথার্থতঃ || ১. ৩৪. ৬১||
ততঃ সমভবদ্বাদস্তয়োর্ব্রহ্মবিদোর্মহান্ |
সাগ্রং প্রশ্নসহস্রং তু শাকল্যঃ সোঽকরোত্তদা || ১. ৩৪. ৬২||
যাজ্ঞবল্ক্যোঽব্রবীৎসর্বমৃষীণাং শৃণ্বতাং তদা |
শাকল্যস্ত্বাস নির্বাদো যাজ্ঞবল্ক্যস্তমব্রবীৎ || ১. ৩৪. ৬৩||
প্রশ্নমেকং মমাপি ৎবং শাকল্য বদ কামিকম্ |
পণপ্রাপ্যস্য বাদস্য ব্রুবতোর্মৃত্যুরত্র বৈ || ১. ৩৪. ৬৪||
সুসূক্ষ্মজ্ঞানসংযুক্তং সাংখ্যংযোগমথাপি বা |
অধ্যাত্মস্য গতিং মুখ্যাং ধ্যানমার্গমথাপি বা || ১. ৩৪. ৬৫||
অথ সংচোদিতঃ প্রশ্নো যাজ্ঞবল্ক্যেন ধীমতা |
শাকল্যস্তমবিজ্ঞায় তথা মৃত্যুমবাপ্তবান্ || ১. ৩৪. ৬৬||
এবং স্মৃতঃ স শাকল্যঃ প্রশ্নব্যাখ্যানপীডিতঃ |
এবং বিবাদঃ সুমহানাসীত্তেষাং ধনার্থিনাম্ || ১. ৩৪. ৬৭||
ঋষীণামৃষিভিঃ সার্দ্ধং যাজ্ঞবল্ক্যস্য চৈব হি |
যাজ্ঞবল্ক্যো ধনং গৃহ্য যশো বিখ্যায় চাত্মনঃ |
জগাম বৈ গৃহং স্বচ্ছং শিষ্যৈঃ পরিবৃতো বশী || ১. ৩৪. ৬৮||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে ব্যাসশিষ্যোৎপত্তিবর্ণনং নাম চতুস্ত্রিংশত্তমোঽধ্যায়ঃ

সূত উবাচ
দেবমিত্রশ্চ শাকল্যো মহাত্মা দ্বিজপুঙ্গবঃ |
চকার সংহিতাঃ পঞ্চ বুদ্ধিমান্বেদবিত্তমঃ || ১. ৩৫. ১||
পঞ্চ তস্যাভবঞ্ছিষ্যা মুদ্গলো গোখলস্তথা |
খলীয়ান্সুতপা বৎসঃ শৈশিরেয়শ্চ পঞ্চমঃ || ১. ৩৫. ২||
প্রোবাচ সংহিতাস্তিস্রঃ শাকো বৈণো রথীতরঃ |
নিরুক্তং চ পুনশ্চক্রে চতুর্থং দ্বিজসত্তমঃ || ১. ৩৫. ৩||
তস্য শিষ্যাস্তু চৎবারঃ পৈলশ্চেক্ষলকস্তথা |
ধীমাঞ্ছ তবলাকশ্চ গজশ্চৈব দ্বিজোত্তমাঃ || ১. ৩৫. ৪||
বাষ্কলিস্তু ভরদ্বাজস্তিস্রঃ প্রোবাচ সংহিতাঃ |
ত্রয়স্তস্যাভবঞ্চ্ছিষ্যা মহাত্মানো গুণান্বিতাঃ || ১. ৩৫. ৫||
ধীমাংশ্চ ৎবাপনাপশ্চ পান্নগারিশ্চ বুদ্ধিমান্ |
তৃতীয়শ্চার্জবস্তে চ তপসা শংসিতব্রতাঃ || ১. ৩৫. ৬||
বীতরাগা মহাতেজাঃ সংহিতাজ্ঞানপারগাঃ |
ইত্যেতে বহূবৃচাঃ প্রোক্তাঃ সংহিতা যৈঃ প্রবর্তিতাঃ || ১. ৩৫. ৭||
বৈশংপায়নশিষ্যোঽসৌ যজুর্বেদমকল্পয়ৎ |
ষডশীতিস্তু তেনোক্তাঃ সংহিতা যজুষাং শুভাঃ || ১. ৩৫. ৮||
শিষ্যেভ্যঃ প্রদদৌ তাশ্চ জগূহুস্তে বিধানতঃ |
একস্তত্র পরিত্যক্তো যা৫বল্ক্যো মহাতপাঃ || ১. ৩৫. ৯||
ষডশীতিস্তথা শিষ্যাঃ সংহিতানাং বিকল্পকাঃ |
সর্বেষামেব তেষাং বৈ ত্রিধা ভেদাঃ প্রকীর্ত্তিতাঃ || ১. ৩৫. ১০||
ত্রিধা ভেদাস্তু তে বেদভেদেঽস্মিন্নবমে শুভে |
উদীচ্যা মধ্যদেশ্যাশ্চ প্রাচ্যশ্চৈব পৃথগ্বিধাঃ || ১. ৩৫. ১১||
শ্যামায়নিরুদীচ্যানাং প্রধানঃ সংবভূব হ |
মধ্যদেশপ্রতিষ্ঠাতা চাসুরিঃ প্রথমঃ স্মৃতঃ || ১. ৩৫. ১২||
আলংবিরাদিঃ প্রাচ্যানাং ত্রয়োদেশ্যাদয়স্তু তে |
ইত্যেতে চরকাঃ প্রোক্তাঃ সংহিতা বাদিনো দ্বিজাঃ || ১. ৩৫. ১৩||
ঋষয় ঊচুঃ
চরকাধ্বর্যবঃ কেন কারণং ব্রূহি তত্ত্বতঃ |
কিং চীর্ণং কস্য বা হেতোশ্চরকৎবং হি ভেজিরে || ১. ৩৫. ১৪||
সূত উবাচ
কার্যমাসীদৃষীণাং চ কিঞ্চিদ্ব্রাহ্মণসত্তমাঃ |
মেরুপৃষ্ঠং সমাসাদ্য তৈস্তদা ৎবিতি মন্ত্রিতম্ || ১. ৩৫. ১৫||
যো বাত্র সপ্তরাত্রেণ নাগচ্ছেদ্দ্বিজসত্তমঃ |
স কুর্যাদ্ব্রহ্মহত্যাং বৈ সময়ো নঃ প্রকীর্তিতঃ || ১. ৩৫. ১৬||
ততস্তে সগণাঃ সর্বে বৈশংপায়নবর্জিতাঃ |
প্রয়য়ুঃ সপ্তরাত্রেণ যত্র সংধিঃ কৃতোঽভবৎ || ১. ৩৫. ১৭||
ব্রহ্মণানাং তু বচনাদ্ব্রহ্মহত্যাং চকার সঃ |
শিষ্যানথ সমানীয় স বৈশংপায়নোঽব্রবীৎ || ১. ৩৫. ১৮||
ব্রহ্মহত্যাং চরধ্বং বৈ মৎকৃতে দ্বিজসত্তমাঃ |
সর্বে যূয়ং সমাগম্য ব্রূত কামং হিতং বচঃ || ১. ৩৫. ১৯||
যাজ্ঞবল্ক্য উবাচ
অহমেকশ্চরিষ্যামি তিষ্ঠন্তু মুনয়স্ত্বিমে |
বলেনোত্থাপয়িষ্যামি তপসা স্বেন ভাবিতঃ || ১. ৩৫. ২০||
এব মুক্তস্ততঃ ক্রুদ্ধো যা৫বল্ক্যম থাত্যজৎ |
উবাচ যত্ত্বয়াধীতং সর্বং প্রত্যর্পয়স্ব মে || ১. ৩৫. ২১||
এবমুক্তঃ সরূপাণি যজূংষি গুরবে দদৌ |
রুধিরেণ তথাক্তানি চ্ছর্দিৎবা ব্রহ্মবিত্তমাঃ || ১. ৩৫. ২২||
ততঃ স ধ্যানমাস্থায় সর্যমারাধয়দ্দ্বিজঃ |
সূর্যে ব্রহ্ম যদুৎপন্নং তং গৎবা প্রতিতিষ্ঠতি || ১. ৩৫. ২৩||
ততো যানি গতান্যূর্ধ্বং যজূষ্যাদিত্যমডলম্ |
তানি তস্মৈ দদৌ তুষ্টঃ সূর্যো বৈ ব্রহ্মরাতয়ে || ১. ৩৫. ২৪||
অশ্বরূপায় মার্ত্তণ্ডো যাজ্ঞবক্ল্যায় ধীমতে |
যজূংষ্যধীয়তে তানি ব্রাহ্মণা যেন কেনচিৎ || ১. ৩৫. ২৫||
অশ্বরূপায় দত্তানি ততস্তে বাজিনোঽমবন্ |
ব্রহ্মহত্যা তু যৈশ্চীর্ণা চরণাচ্চরকাঃ স্মৃতাঃ || ১. ৩৫. ২৬||
বৈশংপায়নশিষ্যাস্তে চরকাঃ সমুদাহৃতাঃ |
ইত্যেতে চরকাঃ প্রোক্তা বাজিনস্তু নিবোধত || ১. ৩৫. ২৭||
যা৫বল্ক্যস্য শিষ্যাস্তে কণ্বো বৌধেয় এব চ |
মধ্যন্দিনস্তু সাপত্যো বৈধেয়শ্চাদ্ধবৌদ্ধকৌ || ১. ৩৫. ২৮||
তাপনীয়শ্চ বৎসাশ্চ তথা জাবালকেবলৌ |
আবটী চ তথা পুণ্ড্রো বৈণোয়ঃ সপরাশরঃ || ১. ৩৫. ২৯||
ইত্যেতে বাজিনঃ প্রোক্তা দশপঞ্চ চ সত্তমাঃ |
শতমেকাধিকং জ্ঞেয়ং যজুষাং যে বিকল্পকাঃ || ১. ৩৫. ৩০||
পুত্রমধ্যাপয়ামাস সুমন্তুমথ জৈমিনিঃ |
সুমন্তুশ্চাপি সুৎবানং পুত্রমধ্যাপয়ৎপুনঃ || ১. ৩৫. ৩১||
সুকর্মাণং ততঃ সুন্বান্পুত্রমধ্যাপয়ৎপুনঃ |
স সহস্রমধীত্যাশু সুকর্মাপ্যথ সংহিতাঃ || ১. ৩৫. ৩২||
প্রোবাচাথ সহস্রস্য সুকর্মা সূর্যবর্চসঃ |
অনধ্যায়েষ্বধীয়ানাংস্তঞ্জঘান শতক্রতুঃ || ১. ৩৫. ৩৩||
প্রায়োপবেশমকরোত্ততোঽসৌ শিষ্যকারমাৎ |
ক্রুদ্ধং দৃষ্ট্বা ততঃ শক্রোবরং সোঽথ পুনর্দদৌ || ১. ৩৫. ৩৪||
ভবিষ্যতো মহাবীর্যৌং শিষ্যৌ তেঽতুলবর্চসৌ |
অধীয়াতাং মহাপ্রাজ্ঞৌ সহস্রং সংহিতা উভৌ || ১. ৩৫. ৩৫||
এতে সুরা মহাভাগাঃ সংক্রুদ্ধা দ্বিজসত্তম |
ইত্যুক্ত্বা বাসবঃ শ্রীমান্সুকর্মাণং যশস্বিনম্ || ১. ৩৫. ৩৬||
শান্তক্রোধং দ্বিজং দৃষ্ট্বা ক্ষিপ্রমন্তর ধাৎপ্রভুঃ |
তস্য শিষ্যোঽভবদ্ধীমান্ পৌষ্যঞ্জির্দ্বিজসত্তমাঃ || ১. ৩৫. ৩৭||
হিরণ্যনাভঃ কৌশল্যো দ্বিতীয়োঽভূন্নরাধিপঃ |
অধ্যাপয়ত পৌষ্যাঞ্জিঃ সহস্রার্দ্ধং তুসংহিতাঃ || ১. ৩৫. ৩৮||
তে নাম্নোদীচ্যসামানঃ শিষ্যাঃ পৌষ্যঞ্জিনঃ শুভাঃ |
সত্ত্বানি পঞ্চ কৌশিল্যঃ সংহিতানা মধীতবান্ || ১. ৩৫. ৩৯||
শিষ্যা হিরণ্যনাভস্য স্মৃতাস্তু প্রাচ্যসামগাঃ |
লৌগাক্ষিঃ কুশুমিশ্চৈব কুশীদির্লাঙ্গলিস্তথা |
পৌষ্যঞ্জি শিষ্যাশ্চৎবারস্তেষাং ভেদান্নিবোধত || ১. ৩৫. ৪০||
নাডায়নীয়ঃ সহতণ্ডিপুত্রস্তস্মাদনোবৈননামা সুবিদ্বান্ |
সকোতিপুত্রঃ সুসহাঃ সুনামা চৈতান্ভেদান্বিত্তলৌগাক্ষিণস্তু || ১. ৩৫. ৪১||
ত্রয়স্তু কুশুমেঃ শিষ্যা ঔরসঃ স পরাশরঃ || ১. ৩৫. ৪২||
নাভির্বিত্তস্তু তেজস্বী ত্রিবিধা কৌশুমাঃ স্মৃতাঃ |
শৌরিষুঃ শৃঙ্গিপুত্রশ্চ দ্বাবেতৌ তু চিরব্রতৌ || ১. ৩৫. ৪৩||
রাণায়নীয়িঃ সৌমিত্রিঃ সামবেদবিশারদৌ |
প্রোবাচ সংহিতাস্তি স্রঃ শৃঙ্গিপুত্রৌ মহাৎপাঃ || ১. ৩৫. ৪৪||
বৈনঃ প্রাজীনয়োগশ্চ সুরালশ্চ দ্বিজৌত্তমঃ |
প্রোবাচ সংহিতাঃ ষট্তু পারাশর্যস্তু কৌথুমঃ || ১. ৩৫. ৪৫||
আসুরায়ণবৈশাখ্যৌ বেদবৃদ্ধপরায়ণৌ |
প্রাচীনয়োগপুত্রশ্চ বুদ্ধিমাংশ্চ পতঞ্জলিঃ || ১. ৩৫. ৪৬||
কৌথুমস্য তু ভেদাশ্চ পারাশর্যস্য পট্ সমৃতাঃ |
লাঙ্গলঃ শালিহোত্রশ্চ ষডুবাচাথ সংহিতাঃ || ১. ৩৫. ৪৭||
হালিনির্জ্যামহানিশ্চ জৈমিনির্লোমগায়নিঃ |
কণ্ডুশ্চ কোহলশ্চৈব ষডে তে লাঙ্গলাঃ স্মৃতাঃ || ১. ৩৫. ৪৮||
এতে লাঙ্গলিনঃ শিষ্যাঃ সংহিতা যৈঃ প্রবর্ত্তিতাঃ |
একো হিরণ্যনাভস্য কৃতঃ শিষ্যো নৃপাত্মজঃ || ১. ৩৫. ৪৯||
সোঽকরোত্তু চতুর্বিশসংহিতা দ্বিপদাং বরঃ |
প্রোবাচ চৈব শিষ্যেভ্যো যেভ্যস্তাশ্চ নিবোধত || ১. ৩৫. ৫০||
রাডিশ্চ রাডবীয়শ্চ পঞ্জমৌ বাহনস্তথা |
তলকো মাণ্ডুকশ্চৈব কালিকো রাজিকংস্তথা || ১. ৩৫. ৫১||
গৌতমশ্চাজবস্তশ্চ সোমরাজায়নস্ততঃ |
পুষ্টিশ্চ পরিকৃষ্টশ্চ উলূখলক এব চ || ১. ৩৫. ৫২||
যবীয়সস্তু বৈ শালীরঙ্গুলীয়শ্চ কৌশিকঃ |
শালিমঞ্জরিপাকশ্চ শধীয়ঃ কানিনিশ্চ যঃ || ১. ৩৫. ৫৩||
পারাশর্যস্তু ধর্মাত্মা ইতি ক্রান্তাস্তু সামগাঃ |
সামগানাং তু সর্বেষাং শ্রেষ্ঠৌ দ্বৌ পরিকীর্ত্তিতৌ || ১. ৩৫. ৫৪||
পৌষ্যঞ্জিশ্চ কৃতশ্চৈব সংহিতানাং বিকল্পকৌ |
অথর্বাণং দ্বিধা কৃৎবা সুমন্তুরদদাদ্দ্বিজাঃ || ১. ৩৫. ৫৫||
কবন্ধায় পুনঃ কৃষ্ণং স চ বিদ্বান্যথাশ্রুতম্ |
কবন্ধস্তু দ্বিধা কৃৎবা পথ্যায়ৈকং পুনর্দদৌ || ১. ৩৫. ৫৬||
দ্বিতীয়ং দেবদর্শায়স চতুর্ধাকরোৎপ্রভুঃ |
মোদো ব্রহ্মবলশ্চৈব পিপ্পলাদস্তথৈব চ || ১. ৩৫. ৫৭||
শৌল্কায়নিশ্চ ধর্মজ্ঞশ্চতুর্থস্তপসি স্থিতঃ |
দেবদর্শস্য চৎবারঃ শিষ্যা হ্যেতে দৃঢব্রতাঃ || ১. ৩৫. ৫৮||
পুনশ্চ ত্রিবিধং বিদ্ধি পথ্যানাং ভেদমুত্তমম্ |
জাজলিঃ কুমুদাদিশ্চ তৃতীয়ঃ শৌনকঃ স্মৃতঃ || ১. ৩৫. ৫৯||
শৌনকস্তু দ্বিধা কৃৎবা দদাবেকান্তু বভ্রবে |
দ্দ্বিতীয়াং সংহিতাং ধীমান্সৈন্ধবায়নসংজ্ঞি তে || ১. ৩৫. ৬০||
সৈন্ধবো মুঞ্জকেশ্যশ্চ ভিন্নামাধাদ্দ্বিধা পুনঃ |
নক্ষত্রকল্পো বৈতানস্তৃতীয়ঃ সংহিতাবিধিঃ || ১. ৩৫. ৬১||
চতুর্থোংঽগিরসঃ কল্পঃ শান্তিকল্পশ্চ পঞ্চমঃ |
শ্রেষ্ঠাস্ত্বথর্বণামেতে সংহিতানাং বিকল্পকাঃ || ১. ৩৫. ৬২||
খড্গঃ কৃৎবা ময়া যুক্তং পুরাণমৃষিসত্তমাঃ |
আত্রেয়ঃ সুমতির্ধীমান্কাশ্যপো হ্যকৃতব্রণঃ || ১. ৩৫. ৬৩||
ভারদ্বাজোঽগ্নিবর্চাশ্চ বাসিষ্ঠা মিত্রয়ুশ্চ যঃ |
সাবর্ণিঃ সোমদত্তিশ্চ সুশর্মা শাংশপায়নঃ || ১. ৩৫. ৬৪||
এতে শিষ্যা মম প্রোক্তাঃ পুরাণেষু ধৃতব্রতাঃ |
ত্রিভিস্তত্র কৃতাস্তিস্রঃ সংহিতাঃ পুনরেব হি || ১. ৩৫. ৬৫||
কাশ্যপঃ সংহিতা কর্ত্তা সাবর্ণিঃ শাংশপায়নঃ |
মামিকা তু চতুর্থী স্যাচ্চতস্রো মূলসংহিতাঃ || ১. ৩৫. ৬৬||
সর্বাস্তা হি চতুষ্পাদাঃ সর্বাশ্চৈকার্থবাচিকাঃ |
পাঠান্তরে বৃথাভূতা বেদশাখা যথা তথা || ১. ৩৫. ৬৭||
চতুঃ সাহস্রিকাঃ সর্বাঃ শাংশপায়নিকামৃতে |
লৌমহর্ষণিকা মূলা ততঃ কাশ্যপিকা পরা || ১. ৩৫. ৬৮||
সাবর্ণিকা তৃতীয়াসাবৃজুবাক্যার্থমণ্ডিতা |
শাংশপায়নিকা চান্যা নোদনার্থবিভূষিতা || ১. ৩৫. ৬৯||
সহস্রাণি ঋচাং চাষ্টৌ ষট্শতানি তথৈব চ |
এতাঃ পঞ্চদশান্যাশ্চ দশান্যা দশভিস্তথা || ১. ৩৫. ৭০||
সবালখিল্যাঃ সপ্তৈতাঃ সসুপর্ণাঃ প্রকীর্ত্তিতাঃ |
অষ্টৌ সামসহস্রাণি সামানি চ চতুর্দ্দশ || ১. ৩৫. ৭১||
সারণ্যকং সহোহং চ এতদ্গায়ন্তি সামগাঃ |
দ্বাদশৈব সহস্রাণি চ্ছন্দ আধ্বর্যবং স্মৃতম্ || ১. ৩৫. ৭২||
যজুষাং ব্রাহ্মণানাং চ তথা ব্যাসো ব্যকল্পয়ৎ |
সগ্রাম্যারণ্যকং তস্মাৎসমন্ত্রকরণং তথা || ১. ৩৫. ৭৩||
অতঃ পরং কথানং তু পূর্বা ইতি বিশেষণম্ |
গ্রাম্যারণ্যং সমন্ত্রং তদৃগ্ব্রাহ্মণয়জুঃ স্মৃতম্ || ১. ৩৫. ৭৪||
তথা হারিদ্রবীর্যাণাং খিলান্যুপখিলানিতু |
তথৈব তৈত্তিরীয়াণাং পরক্ষুদ্রা ইতি স্মৃতম্ || ১. ৩৫. ৭৫||
দ্বে সহস্রে শতন্যূনে বেদে বাজসনেয়কে |
ঋগ্গমঃ পরিসংখ্যাতো ব্রাহ্মণং তু চতুর্গুণম্ || ১. ৩৫. ৭৬||
অষ্টৌ সহস্রাণি শতানি বাষ্টাবশীতিরন্যান্যধিকানি বা চ |
এতৎপ্রমাণং যজুষামৃচাং চ সশুক্রিয়ং সখিলং যাজ্ঞবল্ক্যম্ || ১. ৩৫. ৭৭||
তথা চারণবিদ্যানাং প্রমাণসহিতং শৃণু |
ষট্সহস্রমৃচামুক্তমৃচঃ ষড্বিংশতিং পুনঃ || ১. ৩৫. ৭৮||
এতাবদধিকং তেষাং যজুঃ কি মপি বক্ষ্যতে |
একাদশসহস্রাণি ঋচশ্চান্যা দশোত্তরাঃ || ১. ৩৫. ৭৯||
ঋচাং দশসহস্রাণি হ্যশীতিস্ত্রিংশদেব তু |
সহস্রমেকং মন্ত্রাণামৃচামুক্তং প্রমাণতঃ || ১. ৩৫. ৮০||
এতাবানৃচি বিস্তারো হ্যন্যচ্চাথর্বিকং বহু |
ঋচামথর্বণাং পঞ্চসহস্রাণীতি নিশ্চয়ঃ || ১. ৩৫. ৮১||
সহস্রমন্যদ্বিজ্ঞেয়মৃষি ভির্বিশতিং বিনা |
এতদঙ্গিরসাং প্রোক্তং তেষামারণ্যকং পুনঃ || ১. ৩৫. ৮২||
ইতি সংখ্যা প্রসংখ্যাতা শাখাভেদাস্তথৈব তু |
কর্তারশচৈব শাখানাং ভেদহেতূংস্তথৈব চ || ১. ৩৫. ৮৩||
সর্বমন্বন্তরেষ্বেবং শাখাভেদাঃ সমাশ্রিতাঃ |
প্রাজাপত্যা শ্রুতির্নিত্যা তদ্বিকল্পাস্ত্বিমে স্মৃতাঃ || ১. ৩৫. ৮৪||
অনিত্যভাবাদ্দেবানাং মন্ত্রোৎপত্তিঃ পুনঃ পুনঃ |
দ্বাপরেষু পুনর্ভেদাঃ শ্রুতীনাং পরিকীর্ত্তিতাঃ || ১. ৩৫. ৮৫||
এবং বেদং তদাপ্যস্য ভগবানৃষিসত্তমঃ |
শিষ্চেব্যশ্চ প্রদত্ত্বা তু তপস্তপ্তু বন গতঃ || ১. ৩৫. ৮৬||
তস্য শিষ্যপ্রশিষ্যৈস্তু শাখাভেদাস্ত্বিমে কৃতাঃ |
অঙ্গানি বেদাশ্চৎবারো মীমাংসা ন্যায়বিস্তরঃ || ১. ৩৫. ৮৭||
ধর্মশাস্ত্রং পুরাণং চ বিদ্যাশ্চেমাশ্চতুর্দশ |
আয়ুর্বেদো ধনুর্বেদো গান্ধর্বশ্চেতি তে ত্রয়ঃ || ১. ৩৫. ৮৮||
অর্থশাস্ত্রং চতুর্থং তু বিদ্যা হ্যষ্টাদশৈব হি |
জ্ঞেয়া ব্রহ্মর্ষয়ঃ পূর্বং তেভ্যো দেবর্ষয়ঃ পুনঃ || ১. ৩৫. ৮৯||
রাজর্ষয়ঃ পুনস্তেভ্য ঋষিপ্রকৃতয়স্ত্রিধা |
কাশ্যপেষু বসিষ্ঠেষু তথা ভৃগ্বঙ্গিরোঽত্রিষু || ১. ৩৫. ৯০||
পঞ্চস্বেতেষু জায়ন্তে গোত্রেষু ব্রহ্মবাদিনঃ |
যস্মাদৃষন্তি ব্রহ্মাণং ততো ব্রহ্মর্ষয়ঃ স্মৃতাঃ || ১. ৩৫. ৯১||
ধর্মস্যাথ পুলস্ত্যস্য ক্রতোশ্চ পুলহস্য চ |
প্রত্যূষস্য চ দেবস্য কশ্যপস্য তথা পুনঃ || ১. ৩৫. ৯২||
দেবর্ষয়ঃ সুতাস্তেষাং নামতস্তান্নিবোধত |
দেবার্ষী ধর্মপুত্রৌ তু নরনারায়ণবুভৌ || ১. ৩৫. ৯৩||
বালখিল্যাঃ ক্রতোঃ পুত্রাঃ কর্দমঃ পুলহস্য তু |
কুবেরশ্চৈব পৌলস্ত্যঃ প্রত্যূষস্য দলঃ সুত || ১. ৩৫. ৯৪||
নারদঃ পর্বতশ্চৈব কশ্যপস্যাত্মজাবুভৌ |
ঋষন্তি বেদান্যস্মাত্তে তস্মাদ্দেবর্ষয়ঃ স্মৃতাঃ || ১. ৩৫. ৯৫||
মানবে চৈব যে বংশে ঐলবংশে চ যে নৃপাঃ |
যে চ ঐক্ষ্বাকনাভাগা জ্ঞেয়া রাজর্ষয়স্তু তে || ১. ৩৫. ৯৬||
ঋষন্তি রঞ্জনাদ্যস্মাৎপ্রজা রাজর্ষয়স্ততঃ |
ব্রহ্মলোকপ্রতিষ্ঠাস্তু সমৃতা ব্রহ্মর্ষয়োঽমলাঃ || ১. ৩৫. ৯৭||
দেবলোকপ্রতিষ্ঠাস্তু জ্ঞেয়া দেবর্ষয়ঃ শুভাঃ |
ইন্দ্রলোকপ্রতিষ্ঠাস্তু সর্বে রাজর্ষয়ো মতাঃ || ১. ৩৫. ৯৮||
অভিজাত্যাথ তপসা মন্ত্রব্যাহরণৈস্তথা |
যে চ ব্রহ্মর্ষয়ঃ প্রোক্তা দিব্যা দেবর্ষয়শ্চ যে || ১. ৩৫. ৯৯||
রাজর্ষয়স্তথা চৈব তেষাং বক্ষ্যামি লক্ষণম্ |
ভূতং ভব্যং ভবজ্জ্ঞানং সত্যাভি ব্যাৎদৃতং তথা || ১. ৩৫. ১০০||
সংতুষ্টাশ্চ স্বয়ং যে তু সংবুদ্ধা যে চ বৈ স্বয়ম্ |
তপসেহ প্রসিদ্ধা যে গর্ভে যৈশ্চ প্রবেদিতম্ || ১. ৩৫. ১০১||
মন্ত্রব্যাহারিণো যে চ ঐশ্বর্যাৎসর্বগাশ্চ যে |
এতে রাজর্ষয়ো যুক্তা দেবাদ্বিজনৃপাশ্চ যে || ১. ৩৫. ১০২||
এতান্ভাবানধিগতা যে বৈ ত ঋষয়ো মতাঃ |
সপ্তৈতে সপ্তভিশ্চৈব গুণৈঃ সপ্তর্ষয়ঃ স্মৃতাঃ || ১. ৩৫. ১০৩||
দীর্ঘায়ুষো মন্ত্রকৃত ঈশ্বরাদ্দিব্যচক্ষুষঃ |
বুদ্ধাঃ প্রত্যক্ষ ধর্মাণো গোত্রপ্রাবর্ত্তকাশ্চ তে || ১. ৩৫. ১০৪||
ষট্কর্মনিরতা নিত্যং শালীনা গৃহমেধিনঃ |
তুল্যৈর্ব্যবহরন্তি স্ম হ্যদুষ্টৈঃ কর্মহেতুভিঃ || ১. ৩৫. ১০৫||
অগ্রাম্যৈর্বর্ত্তয়ন্তি স্ম রসৈশ্চৈব স্বয়ঙ্কৃতৈঃ |
কুটুংবিনো বুদ্ধিমন্তো বনান্তরনিবাসিনঃ || ১. ৩৫. ১০৬||
কৃতাদিষু যুগাখ্যাসু সর্বৈরেব পুনঃ পুনঃ |
বর্ণাশ্রমব্যবস্থানং ক্রিয়তে প্রথমং তু বৈ || ১. ৩৫. ১০৭||
প্রাপ্তে ত্রেতায়ুগমুখে পুনঃ সপ্তর্ষয়স্ত্বিহ |
প্রবর্ত্তয়ন্তি যে বর্ণানাশ্রমাংশ্চৈব সর্বশঃ || ১. ৩৫. ১০৮||
তেষামেবান্বয়ে বীরা উৎপদ্যন্তে পুনঃ পুনঃ |
জায়মানে পিতাপুত্রে পুত্রঃ পিতরি চৈব হি || ১. ৩৫. ১০৯||
এবং সংতত্য বিচ্ছেদাদ্বর্তয়ন্ত্যায়ুগক্ষয়াৎ |
অষ্টাশীতিসহস্রাণি প্রোক্তানি গৃহমেধিনাম্ || ১. ৩৫. ১১০||
অর্যম্ণো দক্ষিণং যে তু পিতৃয়ানং সমাশ্রিতাঃ |
দারাগ্নিহোত্রিণস্তে বৈ যৈ প্রজাহেতবঃ স্মৃতাঃ || ১. ৩৫. ১১১||
গৃহমেধিনস্ত্বসংখ্যেয়াঃ শ্মশানান্যাশ্রয়ন্তি তে |
অষ্টাশীতিসহস্রাণি নিহিতা উত্তরাপথে || ১. ৩৫. ১১২||
যে শ্রূয়ন্তে দিবং প্রাপ্তা ঋষয়ো হ্যূর্ধ্বরেতসঃ |
মন্ত্রব্রাহ্মণকর্ত্তারো জায়ন্তে চ যুগক্ষয়াৎ || ১. ৩৫. ১১৩||
এবমাবর্ত্তমানাস্তেদ্বাপরেষু পুনঃ পুনঃ |
কল্পানামার্ষবিদ্যানাং নানাশাস্ত্রকৃতশ্চ যে || ১. ৩৫. ১১৪||
ক্রিয়তে যৈর্ব্যবৎদৃতির্বৈদিকানাং চ কর্মণাম্ |
বৈবস্বতেঽন্তরে তস্মিন্দ্বাপরেষু পুনঃ পুনঃ || ১. ৩৫. ১১৫||
অষ্টাবিংশতিকৃৎবো বৈ বেদা ব্যস্তা মহর্ষিভিঃ |
সপ্তমে দ্বাপরে ব্যমতাঃ স্বয়ং বেদাঃ স্বয়ংভুবা || ১. ৩৫. ১১৬||
দ্বিতীয়ে দ্বাপরে চৈব বেদব্যাসঃ প্রজাপতিঃ |
তৃতীয়ে চোশনা ব্যাসশ্চতুর্থে চ বৃহস্পতিঃ || ১. ৩৫. ১১৭||
সবিতা পঞ্চমে ব্যাসো মৃত্যুঃ ষষ্ঠে স্মৃতঃ প্রভুঃ |
সপ্তমে চ তথৈবেন্দ্রো বসিষ্ঠশ্চাষ্টমে স্মৃতঃ || ১. ৩৫. ১১৮||
সারস্বতস্তু নবমে ত্রিধামা দশমে স্মৃতঃ |
একাদশে তু ত্রিবর্ষা সনদ্বাজস্ততঃ পরম্ || ১. ৩৫. ১১৯||
ত্রয়োদশে চান্তরিক্ষো ধর্মশ্চাপি চতুর্দশে |
ত্রৈয়্যারুণিঃ পঞ্চদশে ষোডশে তু ধনঞ্জয়ঃ || ১. ৩৫. ১২০||
কৃতঞ্জয়ঃ সপ্তদশে ঋজীষোঽষ্টাদশে স্মৃতঃ |
ঋজীষাত্তু ভরদ্বাজো ভরদ্বাজাত্তু গৌতমঃ || ১. ৩৫. ১২১||
গৌতমাদুত্তমশ্চৈব ততো হর্যবনঃ স্মৃতঃ |
হর্যবনাৎপরো বেনঃ স্মৃতো বাজশ্রবাস্ততঃ || ১. ৩৫. ১২২||
অর্বাক্চ বাজশ্রবসঃ সোমমুখ্যায়নস্ততঃ |
তৃণবিন্দুস্ততস্তস্মাত্ততজস্তৃণবিন্দুতঃ || ১. ৩৫. ১২৩||
ততজাচ্চ স্মৃতঃ শক্তিঃ শক্তেশ্চাপি পরাশরঃ |
জাতূকর্ণো ভবত্তস্মাত্ত স্মাদ্দ্বৈপায়নঃ স্মৃতঃ || ১. ৩৫. ১২৪||
অষ্টাবিংশতিরিত্যেতে বেদব্যাসাঃ পুরাতনাঃ |
ভবিষ্যে দ্বাপরে চৈব দ্বোণির্দ্বৈপায়নেঽপি চ || ১. ৩৫. ১২৫||
বেদব্যাসে হ্যতীতেঽস্মিন্ভবিতা সুমহাতপাঃ |
ভবিষ্যন্তি ভবিষ্যেষু শাখাপ্রময়নানি তু || ১. ৩৫. ১২৬||
তস্যৈব ব্রহ্মণো ব্রহ্ম তপসঃ প্রাপ্তমব্যয়ম্ |
তপসা কর্ম চ প্রাপ্তং কর্মণা চাপি তে যশঃ || ১. ৩৫. ১২৭||
পুনশ্চ তেজসা সত্যং সত্যেনানন্দমব্যয়ম্ |
ব্যাপ্তং ব্রহ্মামৃতং শুক্রং ব্রহ্মৈবামৃতমুচ্যতে || ১. ৩৫. ১২৮||
ধ্রুবমেকাক্ষরমিদমোমিত্যেব ব্যবস্থিতম্ |
বৃহৎবাদ্বৃংহণাচ্চৈব তদ্ব্রহ্মেত্যভিধীয়তে || ১. ৩৫. ১২৯||
প্রমবা বস্থিতং ভূয়ো ভূর্ভুবঃ স্বরিতি স্মৃতম্ |
অথর্বঋগ্যজুঃ সাম্নি যত্তস্মৈ ব্রহ্মণে নমঃ || ১. ৩৫. ১৩০||
জগতঃ প্রলয়োৎপত্তৌ যত্তৎকারণসংজ্ঞিতম্ |
মহতঃ পরমং গুহ্যং তস্মৈ সুব্রহ্মণে নমঃ || ১. ৩৫. ১৩১||
অগাধাপারমক্ষয়্যং জগৎসংবোহসংভবম্ |
সংপ্রকাশপ্রবৃত্তিভ্যাং পুরুষার্থপ্রয়োজনম্ || ১. ৩৫. ১৩২||
সাংখ্যজ্ঞানবতাং নিষ্ঠা গতিঃ শমদমাত্মনাম্ |
যত্তদব্যক্তমতং প্রকৃতির্ব্রহ্ম শাশ্বতম্ || ১. ৩৫. ১৩৩||
প্রধানমাত্ময়োনিশ্চ গৃহ্যং সত্ত্বং চ শস্যতে |
অবিভাগস্তথা শুক্রমক্ষরং বহুধাত্মকম্ || ১. ৩৫. ১৩৪||
পরমব্রহ্মণে তস্মৈ নিত্যমেব নমোনমঃ |
কৃতে পুনঃ ক্রিয়া নাস্তি কুত এবাকৃতক্রিয়াঃ || ১. ৩৫. ১৩৫||
সকৃদেব কৃতং সর্বং যদ্বৈ লোকে কৃতাকৃতম্ |
শ্রোতব্যং বা শ্রুতং বাপি তথৈবাসাধু সাধু বা || ১. ৩৫. ১৩৬||
জ্ঞাতব্যং বাপ্যমন্তব্যং সপ্রষ্টব্যং ভোজ্যমেব চ |
দ্রষ্টব্যং বাথ শ্রোতব্যং ঘ্রাতব্যং বা কথঞ্চন || ১. ৩৫. ১৩৭||
দর্শিতং যদনেনৈব জ্ঞাতং তদ্বৈ সুরর্ষিভিঃ |
যন্ন দর্শিতবানেষ কস্তদন্বেষ্টুমর্হতি || ১. ৩৫. ১৩৮||
সর্বাণি সর্বং সর্বাংশ্চ ভগবানেব সোঽব্রবীৎ |
যদা যৎক্রিয়তে যেন তদা তস্মোঽভিমন্যতে || ১. ৩৫. ১৩৯||
যত্রেদং ক্রিয়তে পূর্বং ন তদন্যেন ভাষিতম্ |
যদা চ ক্রিয়তে কিঞ্চিৎকেনচিদ্বা কথং ক্বচিৎ || ১. ৩৫. ১৪০||
তনৈব তৎকৃতং কৃত্যং কর্ত্ত্ৠণাং প্রতিভাতি বৈ |
বিরিক্তং চাতিরিক্তং চ জ্ঞানাজ্ঞানেপ্রিয়াপ্রিয়ে || ১. ৩৫. ১৪১||
ধর্মাধর্মৌং সুশং দুঃখং মৃত্যুশ্চামৃতমেব চ |
ঊর্দ্ধ্বং তির্য্যগধোভাবস্তস্যৈবাদৃষ্টকারিণঃ || ১. ৩৫. ১৪২||
স্বয়ংভুবোঽথ জ্যেষ্ঠস্য ব্রহ্মণঃ পরমেষ্ঠিনঃ |
প্রত্যেকবেদ্যংভবতি ত্রেতাস্বিহ পুনঃ পুনঃ || ১. ৩৫. ১৪৩||
ব্যস্যতে হ্যেকবেদ্যং তু দ্বাপরেষু পুনঃ পুনঃ |
ব্রহ্মা চৈতানুবাচাদৌ তস্মিন্বৈবস্বতেঽন্তরে || ১. ৩৫. ১৪৪||
আবর্ত্তমানা ঋষয়ো যুগাখ্যাসু পুনঃ পুনঃ |
কুর্বন্তি সংহিতা হ্যেতে জায়মানাঃ পরস্পরম্ || ১. ৩৫. ১৪৫||
অষ্টাশীতিসহস্রাণি শ্রুতর্ষীণাং সমৃতানি বৈ |
অতীতেষু ব্যতীতানি বর্ত্তন্তে পুনঃ পুনঃ || ১. ৩৫. ১৪৬||
শ্রিতা দক্ষিণপন্থানং যে শ্মশানানি ভেজিরে |
যুগে যুগে তু তাঃ শাখা ব্যস্যন্তে তৈ পুনঃ পুনঃ || ১. ৩৫. ১৪৭||
দ্বাপরেষ্বিহ সর্বেষু সংহিতাস্তু শ্রুতর্ষিভিঃ |
তেষাং গোত্রেষ্বিমাঃ শাখা ভবন্তি হি পুনঃ পুনঃ || ১. ৩৫. ১৪৮||
তাঃ শাখাস্তে চ কর্ত্তারো ভবং তীহায়ুগক্ষয়াৎ |
এবমেব তু বিজ্ঞেয়া অতীতানাগতেষ্বপি || ১. ৩৫. ১৪৯||
মন্বন্তরেষু সর্বেষু শাখাপ্রণয়নানি বৈ |
অতীতেষু ব্যতীতানি বর্ত্তন্তে সাংপ্রতেঽন্তরে || ১. ৩৫. ১৫০||
ভবিষ্যন্তি চ যানি স্যুর্বর্ত্স্যন্তেঽনাগতেষ্বপি |
পূর্বেণ পশ্চিমং জ্ঞেয়ং বর্তমানেন চোভয়ম্ || ১. ৩৫. ১৫১||
এতেন ক্রময়োগেন মন্বন্তরবিনিশ্চয়ঃ |
এবং দেবাঃ সপিতর ঋষয়ো মনবশ্চ বৈ || ১. ৩৫. ১৫২||
মন্ত্রৈঃ সহোর্ধ্বং গচ্ছন্তি হ্যাবর্ত্তন্তে চ তৈঃ সহ |
জনলোকাৎসুরাঃ সর্বে দশকল্পান্পুনঃ পুনঃ || ১. ৩৫. ১৫৩||
পর্যায়কালে সংপ্রাপ্তে সংভূতা নিধনস্য তে |
অবশ্যভাবিনার্ঽথেন সংভধ্যন্তে তদা তু তে || ১. ৩৫. ১৫৪||
ততস্তে দোষবজ্জন্ম পশ্যন্তো রোগপূর্বকম্ |
নিবর্ত্ততে তদা বৃত্তিঃ সা তেষাং দোষদর্শনাৎ || ১. ৩৫. ১৫৫||
এবং দেবয়ুগানীহ দশকৃৎবো বিবর্ত্য বৈ |
জনলোকাত্তপোলোকং গচ্ছন্তীহানিবর্ত্তকম্ || ১. ৩৫. ১৫৬||
এবং দেবয়ুগানীহ ব্যতী তানি সহস্রশঃ |
নিধনং ব্রহ্মলোকে বৈ গতানি ঋষিভিঃ সহ || ১. ৩৫. ১৫৭||
ন শক্য আনুপূর্ব্যেণ তেষাং বক্তুং সুবিস্তরঃ |
অনাদিৎবাচ্চ কালস্য সংখ্যানাং চৈব সর্বশঃ || ১. ৩৫. ১৫৮||
মন্বন্তরাণ্যতীতানি যানি কল্পৈঃ পুরা সহ |
পিতৃভির্মুনিভির্দেবৈঃ সার্দ্ধং চ ঋষিভিঃ সহ || ১. ৩৫. ১৫৯||
কালেন প্রতিসৃষ্টানি যুগানাং চ বিবর্ত্তনম্ |
এতেন ক্রময়োগেন কল্পমন্বন্তরাণি চ || ১. ৩৫. ১৬০||
সপ্রজানি ব্যতীতানি শতশোঽথ সহস্রশঃ |
মন্বন্তরান্তে সংহারঃ সংহারান্তে চ সংভবঃ || ১. ৩৫. ১৬১||
দেবতানামৃষীণাং চ মনোঃ পিতৃগণস্য চ |
ন শক্য আনুপূর্ব্যেণ বক্তুং বর্ষশতৈরপি || ১. ৩৫. ১৬২||
বিস্তরস্তু নিসর্গস্য সংহারস্য চ সর্বশঃ |
মন্বন্তরস্য সংখ্যা তু মানুষেণ নিবোধত || ১. ৩৫. ১৬৩||
মন্বন্তরাস্তু সংখ্যাতাঃ সংখ্যানার্থবিশারদৈঃ |
ত্রিংশৎকোট্যস্তু সংপূর্ণা সংখ্যাতাঃ সংখ্যায়া দ্বিজৈঃ || ১. ৩৫. ১৬৪||
সপ্তষষ্টিস্তন্থান্যানি নিয়ুতানি চ সংখ্যায়া |
বিংশতিশ্চ সহস্রামি কালোঽযং সাধিকং বিনা || ১. ৩৫. ১৬৫||
মন্বন্তরস্য সংখ্যেয়ং মানুষেণ প্রকীর্ত্তিতা |
বর্ষাগ্রেণাপি দিব্যেন প্রবক্ষ্যাম্যুত্তরং মনোঃ || ১. ৩৫. ১৬৬||
অষ্টৌ শতসহস্রাণি দিব্যয়া সংখ্যয়া স্মৃতম্ |
দ্বিপঞ্চাশত্তথান্যানি সহস্রাণ্যধিকানি তু || ১. ৩৫. ১৬৭||
চতুর্দশগুণো হ্যেষ কালো হ্যাভূতসংপ্লবম্ |
পূর্ণং যুগসহস্রং স্যাত্তদহর্ব্রহ্মণঃ স্মৃতম্ || ১. ৩৫. ১৬৮||
ততঃ সর্বাণি ভূতানি দগ্ধান্যাদিত্যরশ্মিভিঃ |
ব্রহ্মাণামগ্রতঃ কৃৎবা সহ দেবর্ষিদানবৈঃ || ১. ৩৫. ১৬৯||
প্রবিশন্তি সুরশ্রেষ্ঠং দেবং নারায়ণং প্রভুম্ |
স স্রষ্টা সর্ব ভূতানাং কল্পাদিষু পুনঃ পুনঃ || ১. ৩৫. ১৭০||
ইত্যেষ স্থিতিকালো বৈ মতো দেবর্ষিভিঃ সহ |
সর্বমন্বন্তরাণাং হি প্রতিসংধিং নিবোধত || ১. ৩৫. ১৭১||
যুগখ্যা যা সমুদ্দিষ্টা প্রাগেতস্মিন্ময়ানঘাঃ |
কৃতত্রেতাদিসংযুক্তং চতুর্যুগমিতি স্মৃতম্ || ১. ৩৫. ১৭২||
তচ্চৈকসপ্ততিগুণং পরিবৃত্তং তু সাধিকম্ |
মনোরেতমধীকারং প্রোবাচ ভগবান্প্রভুঃ || ১. ৩৫. ১৭৩||
এবং মন্বন্তরাণাং চ সর্বেষামেব লক্ষণম্ |
অতীতানাগতানাং বৈ বর্ত্তিমানেন কীর্ত্তিতম্ || ১. ৩৫. ১৭৪||
ইত্যেষ কীত্তিতঃ সর্গো মনোঃ স্বায়ংভুবস্য তে |
প্রতিসংধিং তু বক্ষ্যামি তস্য চৈবাপরস্য চ || ১. ৩৫. ১৭৫||
মন্বন্তরং যথা পূর্বমৃষিভির্দৈবতৈঃ সহ |
অবশ্যভাবিনার্থেন যথাবদ্বিনিবর্ত্ততে || ১. ৩৫. ১৭৬||
এতস্মিন্নন্তরে পূর্বং ত্রৈলাক্যস্যে শ্বরাস্তু যে |
সপ্তর্ষয়শ্চ দেবাশ্চ পিতরো মনবস্তথা || ১. ৩৫. ১৭৭||
মন্বন্তরস্য কালে তু সংপূর্ণে সাধিকে তদা |
ক্ষীণেঽধিকারে সংবিগ্না বুদ্ধ্বা পর্যয়মাত্মনঃ || ১. ৩৫. ১৭৮||
মহর্লোকায় তে সর্বে উন্মুখা দধিরে মতিম্ |
ততো মন্বন্তরে তস্মিন্প্রক্ষীণে দেবতাস্তু তাঃ || ১. ৩৫. ১৭৯||
সংপূর্ণেস্থিতিকালে তু তিষ্ঠেদেকং কৃতং যুগম্ |
উৎপদ্যন্তে ভবিষ্যন্তো যে বৈ মন্বন্তরেশ্বরাঃ || ১. ৩৫. ১৮০||
দেবতাঃ পিতরশ্চৈব ঋষয়ো মনুরেব চ |
মন্বন্তরে তু সংপূর্ণে তদ্বদন্তে কলৌ যুগে || ১. ৩৫. ১৮১||
সংপদ্যতে কৃতং তেষু কলিশিষ্টেষু বৈ তদা |
যথা কৃতস্য সংতানঃ কলিপূর্বঃ স্মৃতো বুধৈঃ || ১. ৩৫. ১৮২||
তথা মন্বন্তরান্তেষু আদির্মন্বন্তরস্য চ |
ক্ষীণে মন্বন্তরে পূর্বে প্রবৃত্তে চাপরে পুনঃ || ১. ৩৫. ১৮৩||
মুখে কৃতয়ুগস্যাথ তেষাং শিষ্টাস্তু যে তদা |
সপ্তর্ষয়ো মনুশ্চৈব কালাপেক্ষাস্তু যে স্থিতাঃ || ১. ৩৫. ১৮৪||
মন্বন্তরপ্রতীক্ষাস্তে ক্ষীয়মাণাস্তপস্বিনঃ |
মন্বন্তরোৎসবস্যার্থে সংতত্যর্থে চ সর্বদা || ১. ৩৫. ১৮৫||
পূর্ববৎসংপ্রবর্ত্তন্তে প্রবৃত্তে বৃষ্টিসর্জনে |
দ্বন্দ্বেষু সংপ্রবৃত্তেষু উৎপন্নাস্বৌষধীষু চ || ১. ৩৫. ১৮৬||
প্রজাসু চানিকেতাসু সংস্থিতাসু ক্বচিৎক্বচিৎ |
বার্ত্তায়াং সংপ্রবৃত্তায়াং ধর্মে চৈবোপসংস্থিতে || ১. ৩৫. ১৮৭||
নিরানন্দে চাপি লোকে নষ্টে স্থাবরজঙ্গমে |
অগ্রামনগরে চৈব বর্ণাশ্রমবিবর্জিতে || ১. ৩৫. ১৮৮||
পূর্বমন্বন্তরে শিষ্টা যে ভবন্তীহ ধার্মিকাঃ |
সপ্তর্ষয়ো মনুশ্চৈব সংতানার্থং ব্যবস্থিতাঃ || ১. ৩৫. ১৮৯||
প্রজার্থং তপতাং তেষাং তপঃ পরমদুশ্চরম্ |
উৎপদ্যন্তে হি পূর্বেষাং নিধনেষ্বিহ পূর্ববৎ || ১. ৩৫. ১৯০||
দেবাসুরাঃ পিতৃগণা ঋষয়ো মানুষাস্তথা |
সর্পা ভূতপিশাচাশ্চ গন্ধর্বা যক্ষরাক্ষসাঃ || ১. ৩৫. ১৯১||
ততস্তেষাং তু যে শিষ্টাঃ শিষ্টাচারান্প্রজক্ষতে |
সপ্তর্ষয়ো মনুশ্চব হ্যাদৌ মন্বন্তরস্য হি || ১. ৩৫. ১৯২||
প্রারভন্তে চ কর্মাণি মনুষ্যো দৈবতৈঃ সহ |
ঋষীণাং ব্রহ্মচর্যেণ গৎবানৃণ্যং তু ব তদা || ১. ৩৫. ১৯৩||
পিৎৠণাং প্রজায়া চৈব দেবানামিজ্যয়া তথা |
শতংবর্ষসহস্রাণাং ধর্মে বর্ণাত্মকে স্থিতাঃ || ১. ৩৫. ১৯৪||
ত্রয়ী বার্ত্তা দণ্ডনীতির্ধর্মান্বর্ণাশ্রমাংস্তথা |
স্থাপয়িৎবাশ্রমাংশ্চৈব স্বর্গায় দেধিরে মনঃ || ১. ৩৫. ১৯৫||
পূর্বদেবেষু তেষ্বেবং স্বর্গায়া ভিমুখেষু বৈ |
পূর্বদেবাস্ততস্তে বৈ স্থিতা ধর্মেণ কৃৎস্নশঃ || ১. ৩৫. ১৯৬||
মন্বন্তরে পুরাবৃত্তে স্থানান্যুৎসৃজ্য সর্বশঃ |
মন্ত্রৈঃ সহোর্ধ্বং গচ্ছন্তি মহর্লোকমনাময়ম্ || ১. ৩৫. ১৯৭||
বিনিবৃত্তাধিকারাস্তে মানসীং সিদ্ধিমাস্থিতাঃ |
অবেক্ষমাণা বশিনস্তিষ্ঠন্ত্যা ভূতসংপ্লবাৎ || ১. ৩৫. ১৯৮||
ততস্তেষু ব্যতীতেষু পূর্বদেবেষু বৈ তদা |
শূন্যেষু দেবস্থানেষু ত্রৈলোক্যে তেষু সর্বশঃ || ১. ৩৫. ১৯৯||
উপস্থিতা ইহান্যে বৈ যে দেবাঃ স্বর্গবাসিনঃ |
ততস্তে তপসা যুক্তাঃ স্থানান্যাপূরয়ন্তি চ || ১. ৩৫. ২০০||
সত্যেন ব্রহ্মচর্যেণ শ্রুতেন চ সমন্বিতাঃ |
সপ্তর্ষীণাং মনোশ্চৈব দেবানাং পিতৃভিঃ সহ || ১. ৩৫. ২০১||
নিধনানীহ পূর্বেষামাদিতাং চ ভবিষ্যতাম্ |
তেষাং সংতত্যবিচ্ছেদ ইহামন্বন্তরক্ষয়াৎ || ১. ৩৫. ২০২||
এবং পূর্বানুপূর্ব্যেণ স্থিতিস্তেষামবস্থিতা |
মন্বন্তরেষু সর্বেষু যাবদাভূতসংপ্লবম্ || ১. ৩৫. ২০৩||
পূর্বমন্বন্তরাণাং তু প্রতিসংধানলক্ষণম্ |
অতীতানাগতানাং বৈ প্রোক্তং স্বায়ংভুবেন তু || ১. ৩৫. ২০৪||
মন্বন্তরেষ্বতীতেষু ভবিষ্যাণাং তু সাধনম্ |
এবং সংতত্যবিচ্ছেদো ভবত্যাভূতসংপ্লবাৎ || ১. ৩৫. ২০৫||
মন্বন্তরাণাং পরিবর্ত্তনানি হ্যেকান্ততস্তানি মহর্গতানি |
মহাজনং চৈব জনান্তপশ্চ চৈকান্তগানি প্রভবন্তি সত্যে || ১. ৩৫. ২০৬||
তদ্ভাবিনাং তত্র তু দর্শনেন নানাৎবদৃষ্টেন চ প্রত্যয়েন |
স্ত্যে স্থিতা নিত্যতয়া তু নিত্যং প্রাপ্তে বিকারে প্রতিসর্গ কালে || ১. ৩৫. ২০৭||
মন্বন্তরাণাং পরিবর্ত্তনানি মুঞ্চন্তি সত্যং তু ততোঽপরান্ত |
ততোঽভিয়োগা বিষয়প্রহাণাদ্বিশন্তি নারায়ণমেব দেবম্ || ১. ৩৫. ২০৮||
মন্বন্তরাণাং পরিবর্ত্তনেষু চিরপ্রবৃত্তেষু বিধিস্বভাবাৎ |
ক্ষণং ন বৈ তিষ্ঠতি জীবলোকঃ ক্ষয়োদয়াভ্যাং পরিবর্তমানঃ || ১. ৩৫. ২০৯||
ইত্যন্তরাণ্যেবমৃষিস্তুতানাং ধর্মাত্মনাং দিব্যদৃশাং মনূনাম্ |
বায়ুপ্রণীতান্যুপলভ্য দৃশ্যাদ্ দিব্যৌজসাং ব্যাসসমাসয়োগৈঃ || ১. ৩৫. ২১০||
সর্বাণি রাজর্ষিসুরর্থিমন্তি ব্রহ্মর্ষিদেবোরগবন্তি চৈব |
সুরেশসপ্তর্ষিপিতৃপ্রজেশৈর্যুক্তানি সম্যক্ পরিবর্ত্তনানি || ১. ৩৫. ২১১||
উদারবংশাভিজন শ্রুতীনাং প্রকৃষ্টমেধাভিসমেধিতানাম্ |
কীর্তিদ্যুতিখ্যাতিভিরর্চিতানাং পুণ্যং হি বিশ্যাপনমীশ্বরাণাম্ || ১. ৩৫. ২১২||
স্বর্গীয়মেতৎপরমং পবিত্রং পুত্রীয়মেতচ্চ পরং রহস্যম্ |
জপ্যং মহাপর্বসু চৈতদগ্র্যং দুঃখাপশান্তিপ্রদমায়ুষীয়ম্ || ১. ৩৫. ২১৩||
প্রজশদবর্ষিমনুপ্রধানাং পুণ্যাং প্রসূতিং প্রথিতামজস্য |
মমাপি বিখ্যাপয়তঃ সমাসাৎসিদ্ধিং প্রজেশাঃ প্রদিশন্তু যুক্তাঃ || ১. ৩৫. ২১৪||
ইত্যেতদন্তরং প্রোক্তং মনোঃ স্বায়ংভুবস্য চ |
বিস্তরেণানুপূর্ব্যা চ ভূয়ঃ কিং বর্ণয়াম্যহম্ || ১. ৩৫. ২১৫||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষ্গপাদে বেদব্যসনাখ্যানং স্বায়ংভুবমন্বন্তরবর্ণনং চ নাম পঞ্চত্রিংশত্তমোঽধ্যায়ঃ

শাংশপায়ন উবাচ
মন্বন্তরাণি শেষাণি শ্রোতুমিচ্ছাম্যনুক্রমাৎ |
মন্বন্তরাধিপাংশ্চৈব শক্রদেবপুরোগমান্ || ১. ৩৬. ১||
সূত উবাচ
মন্বন্তরাণি যানি স্যুরতীতানাগতানি হ |
সমাসা দ্বিস্তরাচ্চৈব ব্রুবতো মে নিবোধত || ১. ৩৬. ২||
স্বায়ংভুবো মনুঃ পূর্বং মনুঃ স্বারোচিষস্তথা |
উত্তমস্তামসশ্চৈব রৈবতশ্চাক্ষুষস্তথা || ১. ৩৬. ৩||
ষডেতে মনবোঽতীতা বক্ষ্যাম্যষ্টাবনাগতান্ |
সাবর্ণিশ্চৈব রৌচ্যশ্চ ভৌত্যো বৈবস্বতস্তথা || ১. ৩৬. ৪||
বক্ষ্যাম্যেতান্পুরস্তাত্তু মনোর্বেবস্বতস্য চ |
মনবঃ পঞ্চ যেঽতীতা মানসাংস্তান্নিবোধত || ১. ৩৬. ৫||
মন্বন্তরং ময়া বোঽধ্য ক্রান্তং স্বায়ংভুবস্য হ |
অত ঊর্ধ্বং প্রবক্ষ্যামি মনাঃ স্বারোচিষস্য হ || ১. ৩৬. ৬||
প্রজাসর্গং সমাসেন দ্বিতীয়স্য মহাত্মনঃ |
আসন্বৈ তুষিতা দেবা মনোঃ স্বারোচিষেঽন্তরে || ১. ৩৬. ৭||
পারাবতাশ্চ বিদ্বাংসো দ্বাবেব তু গণৌ স্মৃতৌ |
তুষিতায়াং সমুৎপন্নাঃ ক্রতোঃ পুত্রাঃ স্বরোচিষঃ || ১. ৩৬. ৮||
পারাবতাশ্চ বাসিষ্ঠা দ্বাদশ দ্বৌ গণৌ স্মৃতৌ |
ছন্দজাশ্চ চতুর্বিংশদ্দেবাস্তে বৈ তদা স্মৃতাঃ || ১. ৩৬. ৯||
দিবস্পর্শোঽথ জামিত্রো গোপদো ভাসুরস্তথা |
অজশ্চ ভগবাশ্চৈব দ্রবিণশ্য মহা বলঃ || ১. ৩৬. ১০||
আয়শ্চাপি মহাবাহুর্মহৌজাশ্চাপি বীর্যবান্ |
চিকিৎবান্বিশ্রুতো যস্তু চাংশো যশ্চৈব পঠ্যতে || ১. ৩৬. ১১||
ঋতশ্চদ্বাদশস্তেষাং তুষিতাঃ পরিকীর্ত্তিতাঃ |
ইত্যেতে ক্রতুপুত্রাস্তু তদাসন্সোমপায়িনঃ || ১. ৩৬. ১২||
প্রচেতাশ্চৈব যো দেবো বিশ্বদেবস্তথৈব চ |
সমঞ্জো বিশ্রুতো যস্তু হ্যজিহ্মশ্চারিমর্দ্দনঃ || ১. ৩৬. ১৩||
আয়ুর্দানো মহামানো দিব্যমানস্তথৈব চ |
অজেয়শ্চ মহাভাগো যবীয়াংশ্চ মহাবলঃ || ১. ৩৬. ১৪||
হোতা যজ্বা তথা হ্যেতে পরিক্রান্তাঃ পরাবতাঃ |
ইত্যেতা দেবতা হ্যাসন্মনোঃ স্বারোচিষান্তরে || ১. ৩৬. ১৫||
সোমপাস্তু তদা হ্যেতাশ্চতুর্বিশতি দেবতাঃ |
তেষামিন্দ্রস্তদা হ্যাসীদ্বিপশ্চিল্লোকবিশ্রুতঃ || ১. ৩৬. ১৬||
ঊর্জা বসিষ্ঠপুত্রশ্চ স্তংবঃ কাশ্যপ এব চ |
ভার্গবশ্চ তধা প্রাম ঋষভোংঽঙ্গিরসস্তথা || ১. ৩৬. ১৭||
পৌলস্ত্যশ্চৈব দত্তোঽত্রিরাত্রেয়ো নিশ্চলস্তথা |
পৌলহোঽথার্বরীবাংশ্চ এতে সপ্তর্ষয়স্তথা || ১. ৩৬. ১৮||
চৈত্রঃ কিংপুরুষ শ্চৈব কৃতান্তো বিভৃতো রবিঃ |
বৃহদুক্থো নবঃ সেতুঃ শ্রুতশ্চেতি নব স্মৃতাঃ || ১. ৩৬. ১৯||
মনোঃ স্বারোচিষস্যৈতে পুত্রা বংশকরাঃ প্রভো |
পুরাণে পরিসংখ্যাতা দ্বিতীয়ং বৈ তদন্তরম্ || ১. ৩৬. ২০||
সপ্তর্ষয়ো মনুর্দেবাঃ পিতরশ্চ চতুষ্টয়ম্ |
মূলং মন্বন্তরস্যৈতে তেষাং চৈবান্বয়াঃ প্রজাঃ || ১. ৩৬. ২১||
ঋষীণাং দেবতাঃ পুত্রাঃ পিতরো দেবসূনবঃ |
ঋষয়ো দেবপুত্রাশ্চ ইতি শাস্ত্রে বিনিশ্চয়ঃ || ১. ৩৬. ২২||
মনোঃ ক্ষত্রং বিশশ্চৈব সপ্তর্ষিভ্যো দ্বিজা তয়ঃ |
এতন্মন্বন্তরং প্রোক্তং সমাসাচ্চ ন বিস্তরাৎ || ১. ৩৬. ২৩||
স্বায়ংভুবে ন বিস্তারো জ্ঞেয়ঃ স্বারোচিষস্য চ |
ন শক্যো বিস্তরস্তস্য বক্তুং বর্ষশতৈরপি || ১. ৩৬. ২৪||
পুনরুক্তবহুৎবাত্তু প্রজানাং বৈ কুলেকুলে |
তৃতীয়ে ৎবথ পর্যায়ে উত্তমস্যান্তরে মনোঃ || ১. ৩৬. ২৫||
পঞ্চ দেবগণা প্রোক্তাস্তান্বক্ষ্যামি নিবোধত |
সুধামানশ্চ যে দেবা যে চান্যে বশবর্ত্তিনঃ || ১. ৩৬. ২৬||
প্রতর্দনাঃ শিবাঃ সত্যাগণা দ্বাদশকাঃ স্মৃতাঃ |
সত্যো ধৃতির্দমো দান্তঃ ক্ষমঃ ক্ষামো ধ্বনিঃ শুচিঃ || ১. ৩৬. ২৭||
ইষোর্জ্জশ্চ তথা শ্রেষ্ঠঃ সুপর্ণো দ্বাদশস্তথা |
ইত্যেতে দ্বাদশ প্রোক্তাঃ সুধামানস্তু নামভিঃ || ১. ৩৬. ২৮||
সহস্রধারো বিশ্বায়ুঃ সমিতারো বৃহদ্বসুঃ |
বিশ্বধা বিশ্বকর্মা চ মানসস্তু বিরাজসঃ || ১. ৩৬. ২৯||
জ্যোতিশ্চৈব বিভাসশ্চ কীর্ত্তিতা বংশবর্তিনঃ |
অবধ্যোঽবরতির্দেবো বসুর্ধিষ্ণ্যো বিভাবসুঃ || ১. ৩৬. ৩০||
বিত্তঃ ক্রতুঃ সুধর্মা চ ধৃতধর্মা যশস্বিজঃ |
রথোর্মিঃ কেতুমাঞ্ছ্চৈব কীর্ত্তিতাস্তু প্রতর্দনাঃ || ১. ৩৬. ৩১||
হংসস্বারৌ বদান্যৌ চ প্রতর্দনয়শস্করৌ |
সুদানো বসুদানশ্চ সুমঞ্জসবিষাবুভৌ || ১. ৩৬. ৩২||
যমো বহ্নির্ যতিশ্চৈব সুচিত্রঃ সুতপাস্তথা |
শিবা হ্যেতে তু বিজ্ঞেয়া যজ্ঞিয়া দ্বাদশাপরাঃ || ১. ৩৬. ৩৩||
সত্যানামপি নামানি নিবোধত যথাতথম্ |
দিক্পতির্বাক্পতিশ্চৈব বিশ্বঃ শংভুস্তথৈব চ || ১. ৩৬. ৩৪||
স্বমৃডীকো দিবিশ্চৈব বর্চোধামা বৃহদ্বপুঃ |
অশ্বশ্চৈব সদশ্বশ্চ ক্ষেমানন্দৌ তথৈব চ || ১. ৩৬. ৩৫||
সত্যা হ্যেতে পরিক্রান্তা যজ্ঞিয়া দ্বাদশাপরাঃ |
ইত্যেতা দেবতা হ্যাসন্নৌত্তমস্যান্তরে মনোঃ || ১. ৩৬. ৩৬||
তেষামিন্দ্রস্তু দেবানাং সুশান্তির্নাম বিশ্রুতঃ |
পুত্রাস্ত্তবঙ্গিরসস্তে বৈ উত্তমস্য প্রজাপতেঃ || ১. ৩৬. ৩৭||
বশিষ্ঠপুত্রাঃ সপ্তাসন্বাশিষ্ঠা ইতি বিশ্রুতাঃ |
সপ্তর্ষয়স্তু তে সর্ব উত্তমস্যান্তরে মনোঃ || ১. ৩৬. ৩৮||
আচশ্চ পরশুশ্চৈব দিব্যো দিব্যৌষধির্নয়ঃ |
দেবাম্বুজশ্চাপ্রতিমৌ মহোৎসাহো গজস্তথা || ১. ৩৬. ৩৯||
বিনীতশ্চ সুকেতুশ্চ সুমিত্রঃ সুমতিঃ শ্রুতিঃ |
উত্তমস্য মনোঃ পুত্রাস্ত্রয়োদশ মহাত্মনঃ || ১. ৩৬. ৪০||
এতে ক্ষত্রপ্রণেতারস্তৃতীয়ং চৈতদন্তরম্ |
ঔত্তমঃ পরিসংখ্যাতঃ সর্গঃ স্বারোচিষেণ তু || ১. ৩৬. ৪১||
বিস্তরেণানুপূর্ব্যা চ তামসস্য নিবোধত |
চতুর্থে ৎবথ পর্যায়ে তামসস্যাতরে মনোঃ || ১. ৩৬. ৪২||
সত্যাঃ সুরূপাঃ সুধিয়ো হরয়শ্চ গণাঃ স্মৃতাঃ |
পুলস্ত্যপুত্রাস্তে দেবাস্তামসস্যান্তরে মনোঃ || ১. ৩৬. ৪৩||
গণস্তু তেষাং দেবানামেকৈকঃ পঞ্চবিংশকঃ |
ইন্দ্রিয়াণাং প্রতীয়েত ঋষয়ঃ প্রতিজানতে || ১. ৩৬. ৪৪||
সপ্রমাণাস্তু শীর্ষণ্যং মনশ্চৈবাষ্টমং তথা |
ইন্দ্রিয়াণি তথা দেবা মনোস্তস্যান্তরে স্মৃতাঃ || ১. ৩৬. ৪৫||
তেষাং বভূব দেবানাং শিবিরিন্দ্রঃ প্রতাপবান্ |
সপ্তর্ষয়োংঽতরে যে চ তান্নিবোধত সত্তমাঃ || ১. ৩৬. ৪৬||
কাব্য আঙ্গিরসশ্চৈব কাশ্যপঃ পৃথুরেব চ |
অত্রেয়স্ত্বগ্নিরিত্যেব জ্যোতির্ধামা চ ভার্গবঃ || ১. ৩৬. ৪৭||
পৌলহশ্চরকশ্চাত্র বাশিষ্ঠঃ পীবরস্তথা |
চৈত্রস্তথৈব পৌলস্ত্য ঋষয়স্তামসেংঽতরে || ১. ৩৬. ৪৮||
জানুজঙ্ঘস্তথা শান্তির্নরঃ খ্যাতিঃ শুভস্তথা |
প্রিয়ভৃত্যো পরীক্ষিচ্চ প্রস্থলোঽথ দৃঢেষুধিঃ || ১. ৩৬. ৪৯||
কৃশাশ্বঃ কৃতবন্ধুশ্চ তামসস্য মনোঃ সুতাঃ |
পঞ্চমেৎবথ পর্যায়ে মনোঃ স্বারোচিষেংঽতরে || ১. ৩৬. ৫০||
গুণাস্তু যে সমাখ্যাতা দেবানাং তান্নিবোধত |
অমিতাভা ভূতরয়ো বৈকুণ্ঠাঃ সসুমেধসঃ || ১. ৩৬. ৫১||
বরিষ্ঠাশ্চ শুভাঃ পুত্রা বসিষ্ঠস্য প্রজাপতেঃ |
চতুর্দশ তু চৎবারো গণাস্তেষাং সুভাস্বরাঃ || ১. ৩৬. ৫২||
উগ্রঃ প্রজ্ঞোঽগ্নিভাবশ্চ প্রজ্যোতিশ্চামৃতস্তথা |
সুমতির্বা বিরাবশ্চ ধামা নাদঃ শ্রবাস্তথা || ১. ৩৬. ৫৩||
বৃত্তিরাশী চ বাদশ্চ শবরশ্চ চতুর্দশ |
অমিতাভাঃ স্মৃতা হ্যেতে দেবাঃ স্বারোচিষেংঽতরে || ১. ৩৬. ৫৪||
মতিশ্চ সুমতিশ্চৈব ঋতসত্যৌ তথৈধনঃ |
অধৃতির্বিধৃতিশ্চৈব দমো নিয়ম এব চ || ১. ৩৬. ৫৫||
ব্রতো বিষ্ণুঃ সহশ্চৈব দ্যুতিমান্সুশ্রবাস্তথা |
ইত্যেতানীহ নামানি আভূতয়সাং বিদুঃ || ১. ৩৬. ৫৬||
বৃষো ভেত্তা জয়ো ভীমঃ শুচির্দান্তো যশো দমঃ |
নাথো বিদ্বানজেয়শ্চ কৃশো গৌরো ধ্রুবস্তথা || ১. ৩৬. ৫৭||
কীর্ত্তিতাস্তু বিকুণ্ঠা বৈ সুমেধাংস্তু নিবোধত |
মেধা মেধা তিথিশ্চৈব সত্যমেধাস্তথৈব চ || ১. ৩৬. ৫৮||
পৃশ্নিমেধাল্পমেধাশ্চ ভূয়োমেধাশ্চ যঃ প্রভুঃ |
দীপ্তিমেধা যশোমেধা স্থিরমেধাস্তথৈব চ || ১. ৩৬. ৫৯||
সর্বমেধা সুমেধাশ্চ প্রতিমেধাশ্চ যঃ স্মৃতঃ |
মেধজা মেধহন্তা চ কীর্ত্তিতাস্তে সুমেধসঃ || ১. ৩৬. ৬০||
বিভুরিন্দ্রস্তথা তেষামাসীদ্বি ক্রান্তপৌরুষঃ |
পৌলস্ত্যো দববাহুশ্চ সুধামা নাম কাশ্যপঃ || ১. ৩৬. ৬১||
হিরণ্যরোমাঙ্গিরসো বেদশ্রীশ্চৈব ভার্গবঃ |
ঊর্ধ্ববাহুশ্চ বাশিষ্ঠঃ পর্জন্যঃ পৌলহস্তথা || ১. ৩৬. ৬২||
সত্যনেত্রস্তথাত্রেয় ঋষয়ো রৈবতেংঽতরে |
মহাবীর্যঃ সুসংভাব্যঃ সত্যকো হরহা শুচিঃ || ১. ৩৬. ৬৩||
বলবন্ধুর্নিরামিত্রঃ কংবুঃ শৃগো ধৃতব্রতঃ |
রৈবতস্য চ পুত্রাস্তে পঞ্চমং বৈ তদন্তরম্ || ১. ৩৬. ৬৪||
স্বারোচিষশ্চোত্তমোঽপি তামসো রৈবতস্তথা |
প্রিয়ব্রতান্বয়া হ্যেতে চৎবারো মনবঃ স্মৃতাঃ || ১. ৩৬. ৬৫||
ষষ্ঠে খল্বপি পর্যায়ে দেবা যে চাক্ষুষেংঽতরে |
আদ্যাঃ প্রসূতা ভাব্যশ্চ পৃথুকাশ্চ দিবৌকসঃ || ১. ৩৬. ৬৬||
মহানুভাবা লেখাস্ছ পঞ্চ দেবগণাঃ স্মৃতাঃ |
দিবৌকসঃ সর্ব এব প্রোচ্যন্তে মাতৃনামভিঃ || ১. ৩৬. ৬৭||
অত্রেঃ পুত্রস্য নপ্তারো হ্যারণ্যস্য প্রজাপতেঃ |
গণস্তু তেষাং দেবানামেকৈকো হ্যষ্টকঃ স্মৃতঃ || ১. ৩৬. ৬৮||
অন্তরিক্ষো বসুর্হব্যো হ্যতিথিশ্চ প্রিয়ব্রতঃ |
শ্রোতা মন্তানুমন্তা চ ৎবাদ্যা হ্যেতে প্রকীর্ত্তিতাঃ || ১. ৩৬. ৬৯||
শ্যেনভদ্রস্তথা চৈব শ্বেতচক্ষুর্মহায়শাঃ |
সুমনাশ্চ প্রচেতাশ্চ বনেনঃ সুপ্রচেৎসৌ || ১. ৩৬. ৭০||
মুনিশ্চৈব মহাসত্ত্বঃ প্রসূতাঃ পরিকীর্ত্তিতাঃ |
বিজয়ঃ সুজয়শ্চৈব মনস্যোদৌ তথৈব চ || ১. ৩৬. ৭১||
মতিঃ পরিমতিশ্চৈব বিচেতাঃ প্রিয়নিশ্চয়ঃ |
ভব্যা হ্যেতে স্মৃতা দেবাঃ পৃথুকাংশ্চ নিবোধত || ১. ৩৬. ৭২||
ওজিষ্ঠঃ শকুনো দেবো বানৎদৃষ্টস্তথৈব চ |
সৎকৃতঃ সত্যদৃষ্টিশ্চ জিগীষুর্বিজয়স্তথা || ১. ৩৬. ৭৩||
অজিতশ্চ মহাভাগঃ পৃথুকাস্তে দিবৌকসঃ |
লেশাস্তথা প্রবক্ষ্যামি নামতস্তান্নিবোধত || ১. ৩৬. ৭৪||
মনোজবঃ প্রঘাসশ্চ প্রচেতাশ্চ মহায়শাঃ |
ধ্রুবো ধ্রুবক্ষিতিশ্চৈব অত্যুতশ্চৈব বীর্যবান্ || ১. ৩৬. ৭৫||
যুবনা বৃহস্পতিশ্চৈব লেখাঃ সংপরিকীর্ত্তিতাঃ |
মনোজবো মহাবীর্যস্তেষামিন্দ্রস্তদাভবৎ || ১. ৩৬. ৭৬||
উত্তমো ভার্গবশ্চৈব হবিষ্মানঙ্গিরঃসুতঃ |
সুধামা কাশ্যপশ্চৈব বশিষ্ঠো বিরজাস্তথা || ১. ৩৬. ৭৭||
অতিনামা চ পৌলস্ত্যঃ সহিষ্ণুঃ পৌলহস্তথা |
মধুরাত্রেয় ইত্যেতে সপ্ত বৈ চাক্ষুষেংঽতরে || ১. ৩৬. ৭৮||
ঊরুঃ পুরুঃ শতদ্যুম্নস্তপস্বী সত্যবাক্কৃতিঃ |
অগ্নিষ্টুদতিরাত্রশ্চ সুদ্যুম্নশচেতি তে নব || ১. ৩৬. ৭৯||
অভিমন্যুশ্চ দশমো নাড্বলেয়া মনোঃ সুতাঃ |
চাক্ষুষস্য সুতাঃ হ্যেতে ষষ্ঠং চৈব তদন্তরম্ || ১. ৩৬. ৮০||
বৈবস্বতেন সংখ্যাতস্তৎসর্গঃ সাংপ্রতেন তু |
বিস্তরেণানুপূর্ব্যা চ চাক্ষুষস্যান্তরে মনোঃ || ১. ৩৬. ৮১||
ঋষয় ঊচুঃ
চাক্ষুষঃ কস্য দায়াদঃ সংভূতঃ সক্য বান্বয়ে |
তস্যান্ববায়ে যেঽপ্যন্যেতান্নো ব্রূহি যথাতথম্ || ১. ৩৬. ৮২||
সূত উবাচ
চাক্ষুষস্য বিসর্গং তু সমাসাচ্ছৃণুত দ্বিজাঃ |
যস্যান্ববায়ে সংভূতঃ পৃথুর্বৈন্যঃ প্রতাপবান্ || ১. ৩৬. ৮৩||
প্রজানাং পতয়শ্চান্যে দক্ষঃ প্রাচেতসস্তথা |
উত্তানপাদং জগ্রাহ পুত্রমত্রিপ্রজাপতিঃ || ১. ৩৬. ৮৪||
দত্তকঃ স তু পুত্রোঽস্য রাজা হ্যাসীৎপ্রজাপতিঃ |
স্বায়ংভুবেন মনুনা দত্তোঽত্রেঃ কারণং প্রতি || ১. ৩৬. ৮৫||
মন্বন্তরমথাসাদ্য ভবিষ্যচ্চাক্ষুষস্য হ |
ষষ্ঠং তদনু বক্ষ্যামি উপোদ্ধাতেন বৈ দ্বিজাঃ || ১. ৩৬. ৮৬||
উত্তানপাদাচ্চতুরঃ সূনৃতাসূত ভামিনী |
ধর্মস্য কন্যা সুশ্রোণী সূনৃতা নাম বিশ্রুতা || ১. ৩৬. ৮৭||
উৎপন্না জাপি ধর্মেম ধ্রুবস্য জননী শুভা |
ধর্মস্য পত্ন্যাং লক্ষ্ময়াং বৈ উৎপন্না সা শুচিস্মিতা || ১. ৩৬. ৮৮||
ধ্রুবং চ কীর্ত্তিমন্তং চ ৎবায়ুষ্মন্তং বসুং তথা |
উত্তানপাদোঽজনয়ৎকন্যে দ্বে চ শুচিস্মিতে || ১. ৩৬. ৮৯||
স্বরামনস্বিনী চৈব তয়োঃ পুত্রাঃ প্রকীর্ত্তিতাঃ |
ধ্রুবো বর্ষসহস্রাণি দশ দিব্যানি বীর্যবান্ || ১. ৩৬. ৯০||
তপস্তেপে নিরাহারঃ প্রার্থয়ন্বিপুলং যশঃ |
ত্রেতায়ুগে তু প্রথমে পৌত্রঃ স্বায়ংভুবস্য তু || ১. ৩৬. ৯১||
আত্মানং ধারয়ন্যোগান্প্রার্থয়ন্সুমহদ্যশঃ |
তস্মৈ ব্রহ্মা দদৌ প্রীতো জ্যোতিষাং স্থানমুত্তমম্ || ১. ৩৬. ৯২||
আভূতসংপ্লবাদ্দিব্যমস্তোদয়বিবার্জিতম্ |
তস্যাতিমাত্রামৃদ্ধিং চ মহিমানং নিরীক্ষ্য তু || ১. ৩৬. ৯৩||
দৈত্যা সুরাণামাচার্যঃ শ্লোকমপ্যুশানা জগৌ |
অহোঽস্য তপসো বীর্যমহো শ্রুতমহো ব্রতম্ || ১. ৩৬. ৯৪||
কৃৎবা যদেনমুপরি ধ্রুবং সপ্তর্ষয়ঃ স্থিতাঃ |
দ্রুবে ত্রিদিবমাসক্তমীশ্বরঃ স দিবস্পতিঃ || ১. ৩৬. ৯৫||
ধ্রুবাৎসৃষ্টিং চ ভব্যং চ ভূমিস্তৌ সুষুবে নৃপৌ |
স্বাং ছায়ামাহ বৈ সৃষ্টির্ভবনারীতি তাং প্রভুঃ || ১. ৩৬. ৯৬||
সত্যাভিব্যহৃতেস্তস্য সদ্যঃ স্ত্রী সাভবত্তদা |
দিব্যসংহননা ছায়া দিব্যাভরণভূষিতা || ১. ৩৬. ৯৭||
ছায়ায়াং সৃষ্টিরাধত্ত পঞ্চ পুত্রানকল্মষান্ |
প্রাজীনগর্ভং বৃষভং বৃকঞ্চ বৃকলং ধৃতিম্ || ১. ৩৬. ৯৮||
পত্নী প্রাচীনগর্ভস্য সুবর্চা সুষুবে নুপম্ |
নাম্নোদারধিয়ং পুত্রমিন্দ্রো যঃ পূর্বজন্মনি || ১. ৩৬. ৯৯||
সংবৎসরসহস্রান্তে সকৃদাহারমাহরন্ |
এবং মন্বন্তরং যুক্ত ইন্দ্রৎবং প্রাপ্তবান্প্রভুঃ || ১. ৩৬. ১০০||
উদারধেঃ সুতং ভদ্রাজনয়ৎসা দিবঞ্জয়ম্ |
রিপুং রিপুঞ্জয়াজ্জজ্ঞে বরাঙ্গী তু দিবঞ্জয়াৎ || ১. ৩৬. ১০১||
রিপোরাধত্ত বৃহতী বক্ষুষং সর্বতেজসম্ |
তস্য পুত্রো মনুর্বিদ্বান্ ব্রহ্মক্ষত্ত্রপ্রবত্তকঃ |
ব্যজীজনৎপুষ্করিণী বারুণী চাক্ষুষং মনুম্ || ১. ৩৬. ১০২||
ঋষয় ঊচুঃ
প্রজাপতেঃ সুতা কস্মাদ্বারুণী প্রোচ্যতেঽনঘ |
এতদাচক্ষ্ব তৎবেন কুশলো হ্যসি বিস্তরে || ১. ৩৬. ১০৩||
সূত উবাচ
অরণ্যস্যোদকঃ পুত্রো বরুণৎবমুপাগতঃ |
তেন সা বারুণী জ্ঞেয়া ভ্রাত্রা খ্যাতিমুপাগতা || ১. ৩৬. ১০৪||
মনোরজায়ন্ত দশ নড্বলায়াং সুতাঃ শুভাঃ |
কন্যায়াং সুমহাবীর্যা বিরজস্য প্রজাপতেঃ || ১. ৩৬. ১০৫||
ঊরুঃ পুরুঃ শতদ্যুম্নস্তপস্বী সত্যবাক্কৃতিঃ |
অগ্নিষ্টুদতিরাত্রশ্চ সুদ্যুম্নশ্চেতি বৈ নব || ১. ৩৬. ১০৬||
অভিমন্যুশ্চ দশমো নড্বলায়াং মনোঃ সুতাঃ |
ঊরোরজনয়ৎপুত্রান্ষডাগ্নেয়ী মহাপ্রভান্ || ১. ৩৬. ১০৭||
অঙ্গং সুমনসং খ্যাতিঙ্গয়ং শুক্রং ব্রজাজিনৌ |
অঙ্গাৎসুনীথাপত্যংবৈ বেনমেকং ব্যজায়ত || ১. ৩৬. ১০৮||
তস্যাপরাধাদ্বেনস্য প্রকোপস্তু মহানভূৎ |
প্রজার্থমৃষয়ো যস্যমমন্থুর্দক্ষিণাং করম্ || ১. ৩৬. ১০৯||
জনিতস্তস্য পাণৌ তু মথিতে রূপবান্পৃথুঃ |
জনয়িৎবা সুতং তস্য পৃথুং প্রথিতপৌরুষম্ || ১. ৩৬. ১১০||
অব্রু বংস্ত্বেষ বো রাজা ঋষয়ো মুদিতাঃ প্রজাঃ |
স ধন্বী কবচী জজ্ঞে তেজসা নির্দহন্নিব || ১. ৩৬. ১১১||
বৃত্তীনামেষ বো দাতা ভবিষ্যতি নরাধিপঃ |
পৃথুর্বৈন্যস্তদা লোকান্ররক্ষ ক্ষত্রপূর্বজঃ || ১. ৩৬. ১১২||
রাজসূয়াভিষিক্তানামাদ্যস্স বসুধাধিপঃ |
তস্য স্তবার্থমুৎপন্নৌ নিপুণৌ সূতমাগধৌ || ১. ৩৬. ১১৩||
তেনেয়ং গৌর্মহারাজ্ঞা দুগ্ধা সস্যানি ধীমতা |
প্রজানাং বৃত্তিকামানাং দেবৈশ্চর্ষিগণৈঃ সহ || ১. ৩৬. ১১৪||
পিতৃভির্ দানবৈশ্চৈব গন্ধর্বৈশ্চাপ্সরোগণৈঃ |
সর্পৈঃ পুণ্যজনৈশ্চৈব পর্বতৈর্বৃক্ষবীরুধৈঃ || ১. ৩৬. ১১৫||
তেষু তেষু তু পাত্রেষু দুহ্যমানা বসুংধরা |
প্রাদাদ্যথেপ্সি তং ক্ষীরং তেন প্রাণানধারয়ন্ || ১. ৩৬. ১১৬||
শাংশপায়ন উবাচ
বিস্তরেণ পৃথোর্জন্ম কীর্ত্তয়স্ব মহাব্রত |
যথা মহাত্মনা তেন পূর্বং দুগ্ধা বসুংধরা || ১. ৩৬. ১১৭||
যথা দেবৈশ্চ নাগৈশ্চ যথা ব্রহ্মর্ষিভিঃ সহ |
যক্ষৈ রাক্ষসগন্ধর্বৈরপ্সরোভির্যথা পুরা || ১. ৩৬. ১১৮||
যথা যথা চ বৈ সূত বিধিনা যেন যেন চ |
তেষাং পাত্রবিশেষাংশ্চ দোগ্ধারং ক্ষীরমেব চ || ১. ৩৬. ১১৯||
তথা বৎসবিশেষাংশ্চ ৎবংনঃ প্রব্রূহি পৃচ্ছতাম্ |
যথা ক্ষীরবিশেষাংশ্চ সর্বানেবানুপূর্বশঃ || ১. ৩৬. ১২০||
যস্মিংশ্চ কারণে পাণির্বনস্য মথিতঃ পুরা |
কুদ্ধৈর্মহর্ষিভিঃ পূর্বৈঃ কারণং ব্রূহি তদ্ধি নঃ || ১. ৩৬. ১২১||
সূত উবাচ
কথয়িষ্যামি বো বিপ্রাঃ পৃথোর্বৈন্যস্য সংভবম্ |
একাগ্রাঃ প্রয়তাশ্চৈব শুশ্রূষধ্বং দ্বিজোত্তমাঃ || ১. ৩৬. ১২২||
নাশুদ্ধায় ন পাপায় নাশিষ্যায়াহিতায় চ |
বর্ত্তনীয়মিদং ব্রহ্ম নাব্রতায় কথঞ্চন || ১. ৩৬. ১২৩||
ধন্যং যশস্যমায়ুষ্যং পুণ্যং বেদৈশ্চ সংমিতম্ |
রহস্যমৃষিভিঃ প্রোক্তং শৃণুয়াদ্যোঽনসূয়কঃ || ১. ৩৬. ১২৪||
যশ্চৈবং শ্রাবয়েন্মর্ত্যঃ পৃথোর্বৈন্যস্য সংভবম্ |
ব্রাহ্মণেভ্যো নমস্কৃত্য ন স শোচেৎকৃতাকৃতম্ || ১. ৩৬. ১২৫||
গোপ্তা ধর্মস্য রাজাসৌ বভূবাত্রিসমঃ প্রভুঃ |
অত্রিবংশসমুৎপন্নো হ্যঙ্গো নাম প্রজাপতিঃ || ১. ৩৬. ১২৬||
তস্য পুত্রোঽভবদ্বেনো নাত্যর্থং ধার্মিকস্তথা |
জাতো মৃত্যুসুতায়াং বৈ সুনীথায়াং প্রজাপতিঃ || ১. ৩৬. ১২৭||
স মাতামহদোষেণ বেনঃ কালাত্ম জাত্মজঃ |
স ধর্মং বৃষ্ঠতঃ কৃৎবা কামাল্লোকেষ্বর্তত || ১. ৩৬. ১২৮||
স্থাপনাং স্থাপয়ামাস ধর্মায়েতাং স পার্থিবঃ |
বেদশাস্ত্রাণ্যতিক্রম্য সোঽধর্মে নিরতোঽভবৎ || ১. ৩৬. ১২৯||
নিঃস্বাধ্যায়বষ্ট্কারে তস্মিন্রাজ্যং প্রশাসতি |
ন পিবন্তি তদা সোমং মহায়জ্ঞেষু দেবতাঃ || ১. ৩৬. ১৩০||
ন যষ্টব্যং ন দাতব্যমিতি তস্য প্রজাপতেঃ |
আসীৎপ্রতিজ্ঞা ক্রূরেয়ং বিনাশে প্রত্যুপস্থিতে || ১. ৩৬. ১৩১||
অহমীজ্যশ্চ পূজ্যশ্চ যজ্ঞে দেবদ্বিজাতিভিঃ |
ময়ি যজ্ঞা বিধাতব্যা ময়ি হোতব্যমিত্যপি || ১. ৩৬. ১৩২||
তমতিক্রান্তমর্যাদমবদানসুসংবৃতম্ |
ঊচুর্মহর্ষয়ঃ সর্বে মরীচিপ্রমুখাস্তদা || ১. ৩৬. ১৩৩||
বয়ং দীক্ষাং প্রবেক্ষ্যামঃ সংবৎসরশতং নৃপ |
ৎবং মা কার্ষীরধর্মং বৈ নৈষ ধর্মঃ সনাতনঃ || ১. ৩৬. ১৩৪||
নিধনে সংপ্রসূতস্ত্বং প্রজাপতিরসংশয়ঃ |
পালয়িষ্যে প্রজাশ্চেতি পূর্বং তে সময়ঃ কৃতঃ || ১. ৩৬. ১৩৫||
তাং স্তথা বাদিনঃ সর্বান্ব্রহ্মর্ষীনব্রবীত্তদা |
বেনঃ প্রহস্য দুর্বুদ্ধির্বিদিতেন চ কোবিদঃ || ১. ৩৬. ১৩৬||
স্রষ্টা ধর্মস্য কশ্চান্যঃ শ্রোতব্যং কস্য বা ময়া |
বীর্যণ তপসা সত্যৈর্ময়া বা কঃ সমো ভুবি || ১. ৩৬. ১৩৭||
মন্দাত্মানো ন নূনং মাং যূয়ং জানীত তত্ত্বতঃ |
প্রভবং সর্বলোকানাং ধর্মাণাং চ বিশেষতঃ || ১. ৩৬. ১৩৮||
ইচ্ছন্দহেয়ং পৃথিবীং প্লাবয়েয়ং জলেন বা |
সৃজেয়ং বা গ্রসেয়ং বা নাত্র কার্যা বিচারণা || ১. ৩৬. ১৩৯||
যদা ন শক্যতে স্তংভাদানার্য্যভৃশসংহিতঃ |
অনুনেতুং তদা বেনস্ততঃ ক্রুদ্ধা মহর্ষয়ঃ || ১. ৩৬. ১৪০||
নিগৃহ্য তং চ বাহুভ্যাং বিস্ফুরন্তং মহা বলম্ |
ততোঽস্য বামহস্তং তে মমন্থুর্ভৃশকোপিতাঃ || ১. ৩৬. ১৪১||
তস্মাৎপ্রমথ্যমানাদ্বৈ জজ্ঞ পূর্বমিতি শ্রুতিঃ |
হ্রস্বোঽতিমাত্রং পুরুষঃ কৃষ্ণশ্চাপি বভূব হ || ১. ৩৬. ১৪২||
স ভীতঃ প্রাঞ্জলিশ্চৈব তস্থিবানাকুলেন্দ্রিয়ঃ |
তমার্ত্তং বিহ্বলং দৃষ্ট্বা নিষীদেত্যব্রুবন্কিল || ১. ৩৬. ১৪৩||
নিষাদবংশকর্তাসৌ বভূবানন্তবিক্রমঃ |
ধীবরানসৃজচ্চাপি বেনকল্মষসংভবান্ || ১. ৩৬. ১৪৪||
যে চান্যে বিন্ধ্যনিলয়াস্তংবুরাস্তুবুরাঃ খশাঃ |
অধর্মরুচয়শ্চাপি বিদ্ধি তান্বেনকল্মষান্ || ১. ৩৬. ১৪৫||
পুনর্মহর্ষয়স্তস্য পাণিং বেনস্য দক্ষিণম্ |
অরণীমিব সংরব্ধা মমন্থুর্জাতমন্যবঃ || ১. ৩৬. ১৪৬||
পৃথুস্তস্মাৎসমুৎপন্নঃ করাজ্জলজসন্নিভাৎ |
পৃথোঃ করতলাদ্বাপি যস্মাজ্জাতঃ পৃষুস্ততঃ || ১. ৩৬. ১৪৭||
দীপ্যমানশ্চ বপুষা সাক্ষাদগ্নিরিব জ্বলন্ |
আদ্যমাজগবং নাম ধনুর্গৃহ্য মহারবম্ || ১. ৩৬. ১৪৮||
শারাংশ্চ বিভ্রদ্রক্ষার্থ কবচং চ মহাপ্রভম্ |
তস্মিঞ্জা তেঽথ ভূতানি সংপ্রহৃষ্টানি সর্বশঃ || ১. ৩৬. ১৪৯||
সমাপেতুর্মহারাজং বেনশ্চ ত্রিদিবং গতঃ |
সমুৎপন্নেন রাজর্ষিঃ সৎপুত্রেণ মহাত্মনা || ১. ৩৬. ১৫০||
ত্রাতঃ স পুরুষব্যাঘ্রঃ পুন্নাম্নো নরকাত্তদা |
তং নদ্যশ্চ সমুদ্রাশ্চ রত্নান্যাদায় সর্বশঃ || ১. ৩৬. ১৫১||
অভিষেকায় তোয়ং চ সর্ব এবোপত স্থিরে |
পিতামহশ্চ ভগবানঙ্গিরোভিঃ সহামরৈঃ || ১. ৩৬. ১৫২||
স্থাবরাণি চ ভূতানি জঙ্গমানি চ সর্বশঃ |
সমাগম্য তদা বৈন্যমভ্য ষিঞ্চন্নরাধিপম্ || ১. ৩৬. ১৫৩||
মহতা রাজরাজেন প্রজাপালং মহাদ্যুতিম্ |
সোঽভিষিক্তো মহারাজো দেবৈরঙ্গিরসঃ সুতৈঃ || ১. ৩৬. ১৫৪||
আদি রাজো মহাভাগঃ পৃথুর্বৈন্যঃ প্রতাপবান্ |
পিত্রাপরঞ্জিতাস্তস্য প্রজাস্তেনানুরঞ্জিতাঃ || ১. ৩৬. ১৫৫||
ততো রাজেতি নামাস্য হ্যনুরাগাদজায়ত |
আপস্তস্তংভিরে তস্য সমুদ্রমভিয়াস্যতঃ || ১. ৩৬. ১৫৬||
পর্বতাশ্চাবদীর্যন্ত ধ্বজভঙ্গশ্চ নাভবৎ |
অকৃষ্টপচ্যা পৃথিবী সিদ্ধ্যন্ত্যন্নানি চিন্তয়া || ১. ৩৬. ১৫৭||
সর্বকামদুঘা গাবঃ পৃটকে পুটকে মধু |
এতস্মিন্নেব কালে তু যজতস্তস্য বৈ মখে || ১. ৩৬. ১৫৮||
সোমে সুতে সমু ৎপন্নঃ সূতঃ সৌত্যে তদাহনি |
তস্মিন্নেবং সমুৎপন্নে পুনর্জজ্ঞেঽথ মাগধঃ || ১. ৩৬. ১৫৯||
সামগেষু চ গায়ৎসু শুভাণ্ডে বৈশ্বদেবিকে |
সমাগতে সমুৎপন্নস্তস্মান্মাগধ উচ্যতে || ১. ৩৬. ১৬০||
ঐন্দ্রেণ হবিষা চাপি হবিঃ পৃক্তং বৃহস্পতেঃ |
জুহাবেন্দ্রায় দৈবেন ততঃ সূতো ব্যজায়ত || ১. ৩৬. ১৬১||
প্রমাদস্তত্র সংজজ্ঞ প্রায়শ্চিত্তং চ কর্মসু |
শিষ্যহব্যেন যৎপৃক্তমভিভূতং গুরোর্হবিঃ || ১. ৩৬. ১৬২||
অধরোত্তরচারেণ জজ্ঞে তদ্বর্ণবৈকৃতম্ |
যচ্চ ক্ষত্রাৎসমভবদ্ব্রাহ্মণ্যাং হীনয়োনিতঃ || ১. ৩৬. ১৬৩||
সূতঃ পূর্বেণ সাধর্ম্যাত্তুল্যধর্মঃ প্রকীর্ত্তিতঃ |
মধ্যমো হ্যেষ সূতস্য ধর্মঃ ক্ষেত্রোপজীবনম্ || ১. ৩৬. ১৬৪||
রথনাগাশ্বচরিতং জঘন্যং চ চিকিৎসিতম্ |
পৃথুস্তবার্থং তৌ তত্র সমাহূতৌ মহর্ষিভিঃ || ১. ৩৬. ১৬৫||
তাবূচুর্মুনয়ঃ সর্বে স্তূয়তামেষ পার্থিবঃ |
কর্মৈতদনুরূপং চ পাত্রং চায়ং নরাধিপঃ || ১. ৩৬. ১৬৬||
তাবূচতুস্ততঃ সর্বাংস্তানৃষীন্সূতমাগধৌ |
আবাং দেবানৃষীংশ্চৈব প্রীণয়াবঃ স্বকর্মতঃ || ১. ৩৬. ১৬৭||
ন চাস্য বিদ্বো বৈ কর্ম ন তথা লক্ষণং যশঃ |
স্তোত্রং যেনাস্য কুর্যাব প্রোচুস্তেজস্বিনো দ্বিজাঃ || ১. ৩৬. ১৬৮||
এষ কর্মরতো নিত্যং সত্যবাক্সংযতেন্দ্রিয়ঃ |
জ্ঞানশীলো বদান্যশ্চ সংগ্রামেষ্বপরজিতঃ || ১. ৩৬. ১৬৯||
ঋষিভিস্তৌ নিয়ুক্তৌ তু ভবিষ্যৈঃ স্তূয়তামিতি |
যানি কর্মাণি কৃতবান্ পৃথুঃ পশ্চান্মহাবলঃ || ১. ৩৬. ১৭০||
তানি গীতনিবদ্ধানি হ্যস্তুতাং সূতমাগধৌ |
ততস্তবান্তে সুপ্রীতঃ পৃথুঃ প্রাদাৎপ্রজেশ্বরঃ || ১. ৩৬. ১৭১||
অনূপদেশং সূতায় মগধং মাগধায় চ |
তদাদি পৃথিবীপালাঃ স্তূয়ন্তে সূতমাগধৈঃ || ১. ৩৬. ১৭২||
আশীর্বাদৈঃ প্রবোধ্যন্তে সূতমাগধবন্দিভিঃ |
তং দৃষ্ট্বা পরমপ্রীতাঃ প্রজা ঊচুর্মহর্ষয়ঃ || ১. ৩৬. ১৭৩||
এষ বৃত্তিপ্রদো বৈন্যো ভবিষ্যতি নরাধিপঃ |
ততো বৈন্যং মহাভাগং প্রজাঃ সমভিদুদ্রুবুঃ || ১. ৩৬. ১৭৪||
ৎবং নো বৃত্তিং বিধৎস্বেতি মহার্ষিবচ নাত্তদা |
সোঽভিদ্রুতঃ প্রজাভিস্তু প্রজাহিতচিকীর্ষয়া || ১. ৩৬. ১৭৫||
ধনুর্গৃহীৎবা বাণাংশ্চ বসুধামাদ্রবদ্বলী |
ততো বৈন্যভয়ত্রস্তা গৌর্ভূৎবা প্রাদ্রবন্মহী || ১. ৩৬. ১৭৬||
তাং পৃথুর্ধনুরাদায় দ্রবন্তীমন্বধাবত |
সা লোকান্ব্রহ্মলোকাদীন্গৎবা বৈন্যভয়াত্তদা || ১. ৩৬. ১৭৭||
সংদদর্শাগ্রতো বৈন্যং কার্মুকোদ্যতপাণিকম্ |
জ্বলদ্ভির্নিশিতৈর্বাণৈর্দীপ্ততেজসমচ্যুতম্ || ১. ৩৬. ১৭৮||
মহায়োগং মহাত্মানং দুর্দ্ধর্ষমমরৈরপি |
অলবন্তী তু সা ত্রাণং বৈন্যমেবান্বপদ্যত || ১. ৩৬. ১৭৯||
কৃতাঞ্জলিপুটা দেবী পূজ্যা লোকৈস্ত্রিভিঃ সাদা |
উবাচ বৈনং নাধর্মঃ স্ত্রীবধে পরিপশ্যতি || ১. ৩৬. ১৮০||
কথং ধারয়িতা চাসি প্রজা যা বর্দ্ধিতা ময়া |
ময়ি লোকাঃ স্থিতা রাজন্ময়েদং ধার্যতে জগৎ || ১. ৩৬. ১৮১||
মৎকৃতে ন বিনশ্যেয়ুঃ প্রজাঃ পার্থিব বর্দ্ধিতাঃ |
স মাং নর্হসি বৈ হন্তুং শ্রেয়স্ত্বং চ চিকীর্ষসি || ১. ৩৬. ১৮২||
প্রজানাং পৃথিবীপাল শৃণু চেদং বচো মম |
উপায়তঃ সমারব্ধা সর্বে সিদ্ধ্যন্ত্যুপক্রমাঃ || ১. ৩৬. ১৮৩||
হৎবাপি মাং ন শক্তস্ত্বং প্রজানাং পালনে নৃপ |
অন্তর্ভূতা ভবিষ্যামি জহি কোপং মহাদ্যুতে || ১. ৩৬. ১৮৪||
অবধ্যশ্চ স্ত্রিয়ঃ প্রাহুস্তির্যগ্যোনিগতেষ্বপি |
সত্ত্বষু পৃথিবীপাল ধম ন ত্যক্তুমর্হসি || ১. ৩৬. ১৮৫||
এবং বহুবিধং বাক্যং শ্রুৎবা তস্যা মহামনাঃ |
ক্রোধং নিগৃহ্য ধর্মাত্মা বসুধামিদমব্রবীৎ || ১. ৩৬. ১৮৬||
একস্যার্থায় যো হন্যাদাত্মনো বা পরস্য চ |
একং প্রাণী বহূন্বাপি কর্ম তস্যাস্তি পাতকম্ || ১. ৩৬. ১৮৭||
যস্মিংস্তু নিহতে ভদ্রে জীবন্তে বহবঃ সুখম্ |
তস্মিন্হতে নাস্তি শুভে পাতকং চোপপাতকম্ || ১. ৩৬. ১৮৮||
সোঽহং প্রজানিমিত্তং ৎবাং হনিষ্যামি বসুন্ধরে |
যদি মে বচনং নাদ্য করিষ্যসি জগদ্ধিতম্ || ১. ৩৬. ১৮৯||
ৎবাং নিহত্যাশু বাণেন মচ্ছাসনপরাঙ্মুখীম্ |
আত্মানং প্রথয়িৎবেহ প্রজা ধারয়িতা স্বয়ম্ || ১. ৩৬. ১৯০||
সা ৎবং বচনমাস্থায় মম ধর্মভৃতাং বরে |
সংজীবয় প্রজা নিত্যং শক্তা হ্যসি ন সংশয়ঃ || ১. ৩৬. ১৯১||
দুহিতৃৎবং চ মে গচ্ছ চৈবমেতমহং শরম্ |
নিয়চ্ছেয়ং ৎবদ্বধার্থমুদ্যন্তং ঘোরদর্শনম্ || ১. ৩৬. ১৯২||
প্রত্যুবাচ ততো বৈন্যমেবমুক্তা সতী মহী |
সর্বমেতদহং রাজন্বিধাস্যামি ন সংশয়ঃ || ১. ৩৬. ১৯৩||
বৎসং তু মম তং পশ্য ক্ষরেয়ং যেন বৎসলা |
সমাং চ কুরু সর্বত্র মাং ৎবং ধর্ম্মভৃতাং বর |
যথা বিস্পন্দমানং মে ক্ষীরং সর্বত্র ভাবয়েৎ || ১. ৩৬. ১৯৪||
সূত উবাচ
তত উৎসারয়ামাস শিলাজালনি সর্বশঃ |
ধনুষ্কোট্যা তথা বৈন্যস্তেন শৈলা বিবর্দ্ধিতাঃ || ১. ৩৬. ১৯৫||
মন্বন্তরেষ্বতীতেষু বিষমাসীদ্বসুন্ধরা |
স্বভাবেনা ভবত্তস্যাঃ সমানি বিষমাণি চ || ১. ৩৬. ১৯৬||
ন হি পূর্বনিসর্গে বৈ বিষমে পৃথিবীতলে |
প্রবিভাগঃ পুরাণাং বা গ্রামাণাং বাপি বিদ্যতে || ১. ৩৬. ১৯৭||
ন সস্যানি ন গোরক্ষং ন কৃষির্ন বণিক্পথঃ |
চাক্ষুষস্যান্তরে পূর্বমাসীদেতৎপুরা কিল || ১. ৩৬. ১৯৮||
বৈবস্বতেংঽতরে তস্মিন্সর্ব স্যৈতস্য সংভবঃ |
সমৎবং যত্র যত্রাসীদ্ভূমেঃ কস্মিংশ্চিদেব হি || ১. ৩৬. ১৯৯||
তত্র তত্র প্রজাস্তা বৈ নিবসংতি চ সর্বশঃ |
আহারঃ ফল মূলে তু প্রজানামভবৎকিল || ১. ৩৬. ২০০||
কৃচ্ছ্রেণৈব তদা তাসামিত্যেবমনুশুশ্রুম |
বৈন্যাৎপ্রভৃতি লোকেঽস্মিন্সর্বস্যৈতস্য সংভবঃ || ১. ৩৬. ২০১||
স কল্পয়িৎবা বৎসং তু চাক্ষুষং মনুমীশ্বরঃ |
পৃথুর্দুদোহ সস্যানি স্বে তলে পৃথিবীং ততঃ || ১. ৩৬. ২০২||
তেনান্নেন ততস্তা বৈ বর্ত্তয়ন্তি শুভাঃ প্রজাঃ |
ঋষিভিঃ শ্রূয়তে চাপি পুনর্দুগ্ধা বসুংধরা || ১. ৩৬. ২০৩||
বৎসঃ সোমস্ত্বভূত্তেষাং দোগ্ধা চাপি বৃহস্পতিঃ |
ছন্দাসিপাত্রমাসীত্তু গায়ত্র্যাদীনি সর্বশঃ || ১. ৩৬. ২০৪||
ক্ষীরমাসীত্তদা তেষাং তপো ব্রহ্ম চ শাশ্বতম্ |
পুনস্ততো দেবগণৈঃ পুরন্দরপুরোগমৈঃ || ১. ৩৬. ২০৫||
সৌবর্ণং পাত্রমাদায় দুগ্ধা সংশ্রূয়তে মহী |
বৎসস্তু মঘবানাসীদ্দোগ্ধা চ সবিতা বিভুঃ || ১. ৩৬. ২০৬||
ক্ষীরমূর্জং চ মধু চ বর্ত্তন্তে তেন দেবতাঃ |
পিতৃভিঃ শ্রূয়তে চাপি পুনর্দুগ্ধা বসুন্ধরা || ১. ৩৬. ২০৭||
রাজতং পাত্রমাদায় স্বধামাশু বিতৃপ্তয়ে |
বৈবস্বতো যমস্ত্বাসীত্তেষাং বৎসঃ প্রতাপবান্ || ১. ৩৬. ২০৮||
অন্তকশ্চাভবদ্দোগ্ধা পিৎৠণাং বলবান্প্রভুঃ |
অসুরৈঃ শ্রূয়তে চাপি পুনর্দুগ্ধা বসুন্ধরা || ১. ৩৬. ২০৯||
আয়সং পাত্রমাদায় কিল মায়শ্চ সর্বশঃ |
বিরোচনস্তু প্রাহ্রাদির্বৎসস্তেষাং মহায়শাঃ || ১. ৩৬. ২১০||
ত্রৎবিগ্দ্বিমূর্দ্ধা দৈত্যানাং দোগ্ধাভূদ্দিতিনন্দনঃ |
পায়সা তে চ মায়াভিঃ সর্বে মায়াবিনোঽসুরাঃ || ১. ৩৬. ২১১||
বর্ত্তয়ন্তি মহাবীর্যাস্তদেষাং পরমং বলম্ |
নাগৈস্তু শ্রূয়তে দুগ্ধা বৎসং কৃৎবা তু তক্ষকম্ || ১. ৩৬. ২১২||
অলাব৫পাত্রমাদায় বিষং ক্ষীরং তদা মহী |
তেষাং বৈ বাসুকির্দেগ্ধা কাদ্রবেয়ঃ প্রতাপবান্ || ১. ৩৬. ২১৩||
নাগানাং বৈ দ্বিজশ্রেষ্ঠ সর্পাণাং চৈব সর্বশঃ |
তেনৈব বর্ত্তয়ন্ত্যুগ্রা মহাকায়া বিষোল্বণাঃ || ১. ৩৬. ২১৪||
তদাহারাস্তদাচারাস্ত দ্বীর্যাস্তদুপাশ্রয়াঃ |
আমপাত্রে পুনর্দুগ্ধা ৎবন্তর্ধানপ্রিয়ং মহী || ১. ৩৬. ২১৫||
বৎসং বৈশ্রবণং কৃৎবা যক্ষৈঃ পুণ্যজনৈস্তথা |
দোগ্ধা রজতনাভস্তু পিতা মণিধরস্য যঃ || ১. ৩৬. ২১৬||
যজ্ঞাত্মজো মহাতেজা বশী চ সুমহায়শাঃ |
তেন তে বর্ত্তয়ন্তীতি পরমর্থতয়া চ হ || ১. ৩৬. ২১৭||
রাক্ষসৈশ্চ পিশাচৈশ্চ পুনর্দুগ্ধা বসুন্ধরা |
ব্রহ্মা ব্রাহ্যাস্তু বৈ দোগধা তেষামাসীৎকুবেরকঃ || ১. ৩৬. ২১৮||
বৎসঃ সুমালী বলবান্ক্ষীরং রুধিরমেব চ |
কপালপাত্রে নির্দুগ্ধা হ্যন্তর্দ্ধনং চ রাক্ষসৈঃ || ১. ৩৬. ২১৯||
তেন ক্ষীরেণ রক্ষাংসি বর্ত্তয়ন্তীহ সর্বশঃ |
পদ্মপাত্রে পুনর্দুগ্ধা গন্ধর্বৈশ্চাপ্স রোগণৈঃ || ১. ৩৬. ২২০||
বৎসং চিত্ররথং কৃৎবা শুচীন্গন্ধামহী তদা |
তেষাং বসুরুচিস্ত্বাসীদ্দোগ্ধা পুত্রো মুনেঃ শুভঃ || ১. ৩৬. ২২১||
গন্ধর্বরাজোঽতিবলো মহাত্মা সূর্যসন্নিভঃ |
শৈলৈশ্চ শ্রূয়তে দুগ্ধা পুনর্দেবী বসুন্ধরা || ১. ৩৬. ২২২||
তদৌষধীর্মূর্তিমতী রত্নানি বিবিধানি চ |
বৎসস্তু হিমবানাসীদ্দোগ্ধা মেরুর্মহাগিরিঃ || ১. ৩৬. ২২৩||
পাত্রং তু শৈলমেবাসীত্তেন শৈলাঃ প্রতিষ্ঠিতাঃ |
শ্রূয়তে বৃক্ষবীরুদ্ভিঃ পুনর্দুগ্ধা বসুন্ধরা || ১. ৩৬. ২২৪||
পালাশং পাত্রমাদায় ছিন্নদগ্ধপ্ররোহণম্ |
কামধুক্ পুষ্পিতঃ শালঃ প্লক্ষো বৎসো যশস্বিনাম্ || ১. ৩৬. ২২৫||
সর্বকামদুঘা দোগ্ধ্রী পৃথিবী ভূতভাবিনী |
সৈব ধাত্রী বিধাত্রী চ ধারণী চ বসুন্ধরা || ১. ৩৬. ২২৬||
দুগ্ধা হিতার্থং লোকানাং পৃথুনেতি হি নঃ শ্রুতম্ |
চরাচরস্য লোকস্য প্রতিষ্ঠা যোনিরেব চ || ১. ৩৬. ২২৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গ পাদে শেষমন্বন্তরাশ্যানং পৃথিবীদোহনং চ নাম ষট্ত্রিংশত্তমোঽধ্যায়ঃ

সূত উবাচ
আসীদিহ সমুদ্রান্তা বসুধেতি যথা শ্রুতম্ |
বসু ধত্তে যতস্তস্মাদ্বসুধা সেতি গীয়তে || ১. ৩৭. ১||
মধুকৈটভয়োঃ পূর্বং মেদসা সংপরিপ্লুতা |
তেনেয়ং মেদিনীত্যুক্তা নিরুক্ত্যা ব্রহ্মবাদিভিঃ || ১. ৩৭. ২||
ততোঽভ্যুপগমাদ্রাজ্ঞঃ পৃথোর্বৈন্যস্য ধীমতঃ |
দুহিতৃৎবমনুপ্রাপ্তা পৃথিবী পঠ্যতে ততঃ || ১. ৩৭. ৩||
পৃথুনা প্রবিভাগশ্চধরায়াঃ সাধিতঃ পুরা |
তস্যাকরবতী রাজ্ঞঃ পত্তনাকরমালিনী || ১. ৩৭. ৪||
চাতুর্বর্ণময়সমাকীর্ণা রক্ষিতা তেন ধীমতা |
এবংপ্রভাবোরাজাসীদ্বৈন্যঃ সদ্বিজসত্তমাঃ || ১. ৩৭. ৫||
নমস্যশ্চৈব পূচ্যশ্চ ভূতগ্রামেণ সর্বশঃ |
ব্রাহ্মণৈশ্চ মহাভাগৈর্বেদবেদাঙ্গপারগৈঃ || ১. ৩৭. ৬||
পৃথুরেব নমস্কার্যো ব্রহ্ময়োনিঃ সনাতনঃ |
পার্থিবৈশ্চ মহাভাগৈঃ প্রার্থয়দ্ভির্মহদ্যশঃ || ১. ৩৭. ৭||
আদিরাজো নমস্কার্যঃ পৃথুর্বৈন্যঃ প্রতাপবান্ |
যোধৈরপি চ সংগ্রামে প্রাপ্তুকামৈর্জয়ং যুধি || ১. ৩৭. ৮||
আদিকর্ত্তারণানাং বৈ নমস্যঃ পৃথুরেব হি |
যো হি যোদ্ধা রণং যাতি কীর্ত্তয়িৎবা পৃথুং নৃপম্ || ১. ৩৭. ৯||
স ঘোররূপাৎসংগ্রামাৎক্ষেমী তরতি কীর্ত্তিমান্ |
বৈশ্যৈরপি চ রাজর্ষির্বেশ্যবৃত্তিমিহাস্থিতৈঃ || ১. ৩৭. ১০||
পৃথুরেব নমস্কার্যো বৃত্তিদানান্মহায়শাঃ |
এতে বৎসবিশেষাশ্চ দোগ্ধারঃ ক্ষীরমেব চ || ১. ৩৭. ১১||
পাত্রাণি চ ময়োক্তানি সর্বাণ্যেব যথাক্রমম্ |
ব্রহ্মণা প্রথমং দুগ্ধা পুরা পৃথ্বী মহাত্মনা || ১. ৩৭. ১২||
বায়ুং কৃৎবা তথা বৎসং বীজানি বসুধাতলে |
ততঃ স্বায়ংভুবে পূর্বং তদা মন্বন্তরে পুনঃ || ১. ৩৭. ১৩||
বৎসং স্বায়ংভুবং কৃৎবা সর্বসস্যানি চৈব হি |
ততঃ স্বারোচিষে বাপি প্রাপ্তে মন্বন্তরেঽধুনা || ১. ৩৭. ১৪||
বৎসং স্বারোচিষং কৃৎবা দুগ্ধা সস্যানি মেদিনী |
উত্তমেন তু তেনাপি দুগ্ধা দেবানু জেন তু || ১. ৩৭. ১৫||
মনুং কৃৎবোত্তমং বৎসং সর্বসস্যানি ধীমতা |
পুনশ্চ পঞ্চমে পৃথ্বী তামসস্যান্তরে মনোঃ || ১. ৩৭. ১৬||
দুগ্ধেয়ং তামসং বৎসং কৃৎবা বৈ বলবন্ধুনা |
চারিষ্টবস্য বৈ ষষ্ঠে সংপ্রাপ্তে চান্তরে মনোঃ || ১. ৩৭. ১৭||
দুগ্ধা মহী পুরাণেন বৎসং চারিষ্টবং প্রতি |
চাক্ষুষে চাপি সংপ্রাপ্তে তদা মন্বন্তরে পুনঃ || ১. ৩৭. ১৮||
দুগ্ধা মহী পুরাণেন বৎসং কৃৎবা তু চাক্ষুষম্ |
চাক্ষুষস্যান্তরেঽতীতে প্রাপ্তে বৈবস্বতে পুনঃ || ১. ৩৭. ১৯||
বৈন্যেনেয়ং পুরা দুগ্ধা যথা তে কথিতং ময়া |
এতৈর্দুগ্ধা পুরা পৃথ্বী ব্যতীতেষ্বন্তরেষু বৈ || ১. ৩৭. ২০||
দেবাদিভির্মনুষ্যৈশ্চ ততো ভূতাদিভিশ্চ হ |
এবং সর্বেষু বিজ্ঞেয়া অতীতানাগতেষ্বিহ || ১. ৩৭. ২১||
দেবা মন্বন্তরে স্বস্থাঃ পৃথোস্তু শৃণুত প্রজাঃ |
পৃথোস্তু পুত্রৌ বিক্রান্তৌ জজ্ঞাতেঽন্তর্দ্ধিপাষনৌ || ১. ৩৭. ২২||
শিখণ্ডিনী হবির্ধানমন্তর্দ্ধানাব্দ্যজায়ত |
হবির্ধানাৎষডাগ্নেয়ী ধিষণাজনয়ৎসুতান্ || ১. ৩৭. ২৩||
প্রাচীনবর্হিষং শুক্লং গয়ং কৃষ্ণং প্রজাচিনৌ |
প্রাচীনবর্হির্ভগবান্মহানাসীৎপ্রজাপতিঃ || ১. ৩৭. ২৪||
বলশ্রুততপোবীর্যৈঃ পৃথিব্যামেকরাডসৌ |
প্রাচীনাগ্রাঃ কুশাস্তস্য তস্মাৎপ্রাচীনবর্হ্যসৌ || ১. ৩৭. ২৫||
সমুদ্রতনয়ায়াং তু কৃতদারঃ স বৈ প্রভুঃ |
মহতস্তপসঃ পারে সবর্ণায়াং প্রজাপতিঃ || ১. ৩৭. ২৬||
সবর্ণাধত্ত সামুদ্রী দশ প্রাচীনবর্হিষঃ |
সর্বান্প্রচেতসো নাম ধনুর্বেদস্য পারগান্ || ১. ৩৭. ২৭||
অপৃথগ্ধর্মচরণাস্তেঽতপ্যন্ত মহাত্তপঃ |
দশবর্ষ সহস্রাণি সমুদ্রসলিলেশয়াঃ || ১. ৩৭. ২৮||
তপশ্চতেষু পৃথিবীং তপ্যৎস্বথ মহীরুহাঃ |
অরক্ষ্যমাণামাবব্রুর্বভূবাথ প্রজাক্ষয়ঃ || ১. ৩৭. ২৯||
প্রত্যাহৃতে তদা তস্মিঞ্চাক্ষুষস্যান্তরে মনোঃ |
নাশকন্মারুতো বাতুং বৃত্তং খমভবদ্দ্রুমৈঃ || ১. ৩৭. ৩০||
দশবর্ষসহস্রাণি ন শেকুশ্চেষ্টিতুং প্রজাঃ |
তদুপশ্রুত্য তপসা সর্বে যুক্তাঃ প্রচেতসঃ || ১. ৩৭. ৩১||
মুখেভ্যো বায়ুমগ্নিং চ সসৃজুর্জাতমন্যবঃ |
উন্মূলানথ বৃক্ষাংস্তান্কৃৎবা বায়ুরশোষয়ৎ || ১. ৩৭. ৩২||
তানগ্নিরদহদ্ধোর এবমাসীদ্দুমক্ষয়ঃ |
দ্রুমক্ষয়মথো বুদ্ধ্বা কিঞ্চিচ্ছিষ্টেষু শাখিষু || ১. ৩৭. ৩৩||
উপগম্যাব্রবী দেতান্রাজা সোমঃ প্রচেতসঃ |
দৃষ্ট্বা প্রয়োজনং সত্যং লোকসংতানকারণাৎ || ১. ৩৭. ৩৪||
কোপং ত্যজত রাজানঃ সর্বে প্রাচীনবর্হিষঃ |
বৃক্ষাঃ ক্ষিত্যাং জনিষ্যন্তি শাম্যতামগ্নিমারুতৌ || ১. ৩৭. ৩৫||
রত্নভূতা চ কন্যেয়ং বৃক্ষাণাং বরবর্ণিনীঃ |
ভবিষ্যজ্জনতা হ্যেষা ধৃতা গর্ভেণ বৈ ময়া || ১. ৩৭. ৩৬||
মারিষা নাম নাম্নৈষা বৃক্ষৈরেব বিনির্মিতা |
ভার্যা ভবতু বো হ্যেষা সোমগর্ভা বিবর্দ্ধিতা || ১. ৩৭. ৩৭||
যুষ্মাকং তেজসার্দ্ধেন মম চার্ধেন তেজসা |
অস্যামুৎপৎস্যতে বিদ্বান্দক্ষো নাম প্রজাপতিঃ || ১. ৩৭. ৩৮||
স ইমাং দগ্ধভূয়িষ্ঠাং যুষ্মত্তেজোময়েন বৈ |
অগ্নিনাগ্নিসমো ভূয়ঃ প্রজাঃ সংবর্দ্ধয়িষ্যতি || ১. ৩৭. ৩৯||
ততঃ সোমস্য বচনাজ্জগৃহুস্তে প্রচেতসঃ |
সংৎদৃত্য কোপং বৃক্ষেভ্যঃ পত্নীং ধর্মেণ মারিষাম্ || ১. ৩৭. ৪০||
মারিষায়াং ততস্তে বৈ মনসা গর্ভমাদধুঃ |
দশভ্যস্তু প্রচেতোভ্যো মারিষায়াং প্রজাপতিঃ || ১. ৩৭. ৪১||
দক্ষো জজ্ঞে মহাতেজাঃ সোমস্যাংশেন বীর্যবান্ |
অসৃজন্মনসা ৎবাদৌ প্রজা দক্ষোঽথ মৈথুনাৎ || ১. ৩৭. ৪২||
অচরাংশ্চ চরাংশ্চৈব দ্বিপদোঽথ চতুষ্পদঃ |
বিসৃজ্য মনসা দক্ষঃ পশ্চাদসৃজত স্ত্রিয়ঃ || ১. ৩৭. ৪৩||
দদৌ স দশ ধর্মায় কশ্যপায় ত্রয়াং দশ |
কালস্য নয়নে যুক্তাঃ সপ্তবিংশতিমিন্দবে || ১. ৩৭. ৪৪||
এভ্যো দত্ত্বা ততোঽন্যা বৈ চতস্রোঽরিষ্টনেমিনে |
দ্বে চৈব বহুপুত্রায় দ্বে চৈবাঙ্গিরসে তথা || ১. ৩৭. ৪৫||
কন্যামেকাং কৃশাশ্বায় তেভ্যোঽপত্যং বভূব হ |
অন্তরং চাক্ষুষস্যাথ মনোঃ ষষ্ঠং তু গীয়তে || ১. ৩৭. ৪৬||
মনোর্বৈবস্বতস্যাপি সপ্তমস্য প্রজাপতেঃ |
বসুদেবাঃ খগা গাবো নাগা দিতিজদানবাঃ || ১. ৩৭. ৪৭||
গন্ধর্বাপ্সরসশ্চৈব জজ্ঞিরেঽন্যাশ্চ জাতয়ঃ |
ততঃ প্রভৃতি লোকেঽস্মিন্প্রজা মৈথুনসংভবাঃ |
সংকল্পাদ্দর্শনাৎস্পর্শাৎপূর্বাসাং সৃষ্টিরুচ্যতে || ১. ৩৭. ৪৮||
ঋষিরুবাচ
দেবানাং দানবানাং চ দেবর্ষিণাং চ তে শুভঃ |
সংভবঃ কথিতঃ পূর্বং দক্ষস্য চ মহাত্মনঃ || ১. ৩৭. ৪৯||
প্রাণাৎপ্রজাপতের্জন্ম দক্ষস্য কথিতং ৎবয়া |
কথং প্রাচে তস্ত্বং চ পুনর্লেভে মহাতপাঃ || ১. ৩৭. ৫০||
এতং নঃ সংশয়ং সূত ব্যাখ্যাতুং ৎবমিহার্হসি |
দৌহিত্রশ্চৈব সোমস্য কথং শ্র্বশুরতাং গতঃ || ১. ৩৭. ৫১||
সূত উবাচ
উৎপত্তিশ্চ নিরোধশ্চ নিত্যং ভূতেষু সত্তমাঃ |
ঋষয়োঽত্র ন সুহ্যন্তি বিদ্যাবন্তশ্চ যে জনাঃ || ১. ৩৭. ৫২||
যুগে যুগে ভবন্ত্যেতে সর্বে দক্ষাদয়ো দ্বিজাঃ |
পুনশ্চৈব নিরুধ্যন্তে বিদ্বাংস্তত্র ন মুহ্যতি || ১. ৩৭. ৫৩||
জ্যৈষ্ঠ্যকানিষ্ঠ্যমপ্যেষাং পূর্বমাসীদ্দ্বিজোত্তমাঃ |
তপ এব গরীয়োঽভূৎপ্রভাবশ্চৈব কারণম্ || ১. ৩৭. ৫৪||
ইমাং বিসৃষ্টিং যো বেদ চাক্ষুষস্য চরাচরম্ |
প্রজাবানায়ুষস্তীর্ণঃ স্বর্গলোকে মহীয়তে || ১. ৩৭. ৫৫||
এবং সর্গঃ সমাখ্যাতশ্চাক্ষুষস্য সমাসতঃ |
ইত্যেতে ষট্ নিসর্গাশ্চ ক্রান্তা মন্বন্তরাত্মকাঃ || ১. ৩৭. ৫৬||
স্বায়ংভুবাদ্যাঃ সংক্ষেপাচ্চাশুষান্তা যথাক্রমম্ |
এতে সর্গা যথা প্রাজ্ঞৈঃ প্রোক্তা যে দ্বিজসত্তমাঃ || ১. ৩৭. ৫৭||
বৈবস্বতনিসর্গেণ তেষাং জ্ঞেয়স্তু বিস্তরঃ |
অন্যূনানতিরিক্তাস্তে সর্বে সর্গা বিবস্বতঃ || ১. ৩৭. ৫৮||
আরোগ্যায়ুঃ প্রমাণেভ্যো ধর্মতঃ কামতোর্ঽথতঃ |
এতানেব গুণানেতি যঃ পঠন্ননসূয়কঃ || ১. ৩৭. ৫৯||
বৈবস্বতস্য বক্ষ্যামি সাংপ্রতস্য মহাত্মনঃ |
সমাসব্যাসতঃ সর্গং ব্রুবতো মে নিবোধত || ১. ৩৭. ৬০||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে চাক্ষুষসর্গবর্ণনং নাম সপ্তত্রিংশত্তমোঽধ্যায়ঃ

সূত উবাচ
সপ্তম ৎবথ পর্যায়ে মনোর্বৈবস্বতস্য হ |
মারীচাৎকশ্যপাদ্দেবা জজ্ঞিরে পরমর্ষয়ঃ || ১. ৩৮. ১||
আদিত্যা বসবী রুদ্রাঃ সাধ্যা বিশ্বে মরুদ্গণাঃ |
ভৃগবোংঽগিরসশ্চৈব তেঽষ্ঠৌ দেবগণাঃ স্মৃতাঃ || ১. ৩৮. ২||
আদিত্যা মরুতো রুদ্রা বিজ্ঞেয়াঃ কশ্যপাত্মজাঃ |
সাধ্যাশ্য বসবো বিশ্বে ধর্মপুত্রাস্ত্রয়ো গণাঃ || ১. ৩৮. ৩||
ভৃগোস্তু ভৃগবো দেবা হ্যঙ্গিরসোংঽগিরঃ সুতাঃ |
বৈবস্বতেংঽতরে হ্যস্মিন্নিত্যে তে ছন্দজা মতাঃ || ১. ৩৮. ৪||
এতেঽপি চ গমিষ্যন্তি মহান্তং কালপর্যয়াৎ |
এবং সর্গস্তু মারীচো বিজ্ঞেয়ঃ সাংপ্রতঃ শুভঃ || ১. ৩৮. ৫||
তেজস্বী সাংপ্রতস্তেষামিন্দ্রো নাম্না মহাবলঃ |
অতীতানাগতা যে চ বর্ত্তন্তে সাংপ্রতং চ যে || ১. ৩৮. ৬||
সর্বে মন্বন্তরেদ্রাস্তে বিজ্ঞেয়াস্তুল্যলক্ষণাঃ |
ভূতভব্যভবন্নাথাঃ সহস্রাক্ষাঃ পুরন্দরাঃ || ১. ৩৮. ৭||
সঘবন্তশ্চতে সর্বে শৃঙ্গিণো বজ্রপাণয়ঃ |
সর্বৈঃ ক্রতুশতেনেষ্টং পৃথক্ছতগুণেন তু || ১. ৩৮. ৮||
ত্রৈলোক্যে যানি সত্ত্বানি গতিমন্তি ধ্রুবাণি চ |
অভিভূয়াবতিষ্ঠন্তি ধর্মাদ্যৈঃ কারণৈরপি || ১. ৩৮. ৯||
তেজসা তপসা বুদ্ধ্যা বলশ্রুতপরাক্রমৈঃ |
ভূতভব্যভবন্নাথা যথা তে প্রভবিষ্ণবঃ || ১. ৩৮. ১০||
এতৎসর্বং প্রবক্ষ্যামি ব্রুবতো মে নিবোধত |
ভূতভব্যভবদ্ধ্যেত ৎসমৃতং লোকত্রয়ং দ্বিজৈঃ || ১. ৩৮. ১১||
ভূর্লোকোঽযং স্মৃতো ভূতমন্তরিক্ষং ভবৎস্মৃতম্ |
ভব্যং স্মৃতং দিবং হ্যেতত্তেষাং বক্ষ্যামি সাধনম্ || ১. ৩৮. ১২||
ধ্যায়তা লোকনামানি ব্রহ্মণাগ্রে বিভাষিতম্ |
ভূরিতি ব্যাহৃতং পূর্বং ভূর্লোকোঽযমভূত্তদা || ১. ৩৮. ১৩||
ভূ সত্তায়াং স্মৃতো ধাতুস্তথাসৌ লোকদর্শনে |
ভূতৎবাদ্দর্শনাচ্চৈব ভূর্লোকোঽযমভূত্ততঃ || ১. ৩৮. ১৪||
অতোঽযং প্রথমো লোকো ভূতৎবাদ্ভূর্দ্বজৈঃ স্মৃতঃ |
ভূতেঽস্মিন্ভবদিত্যুক্তং দ্বিতীয়ং ব্রহ্মণা পুনঃ || ১. ৩৮. ১৫||
ভবদিত্যৎপদ্যমানে কালে শব্দোঽযমুচ্যতে |
ভবনাত্তু ভুবল্লোকো নিরুত্তয়া হি নিরুচ্যতে || ১. ৩৮. ১৬||
অন্তরিক্ষং ভবত্তস্মাদ্দ্বিতীয়ো লোক উচ্যতে |
উৎপন্নে তু তথা লোকে দ্বিতীয়ে ব্রহ্মণা পুনঃ || ১. ৩৮. ১৭||
ভব্যেতি ব্যাহৃতং পশ্চাদ্ভব্যো লোকস্ততোঽভবৎ |
অনাগতে ভব্য ইত শব্দ এষ বিভাব্যতে || ১. ৩৮. ১৮||
তস্মাদ্ভব্যো হ্যসৌ লোকো নামতস্ত্রিদিবং স্মৃতম্ |
ভূরিতীয়ং স্মৃতা ভূমিরন্তরিক্ষং ভুবঃ স্মৃতম্ || ১. ৩৮. ১৯||
দিবং স্মৃতং তথা ভব্যং ত্রলোক্যস্যৈষ নির্ণয়ঃ |
ত্রৈলোক্যয়ুক্তৈর্ব্যাহারৈস্তিস্রো ব্যাহৃতয়োঽভবন্ || ১. ৩৮. ২০||
নাথ ইত্যেষ ধাতুর্বৈ ধাতুজ্ঞৈঃ পালনে স্মৃতঃ |
যস্মাদ্ভূতস্য লোকস্য ভব্যস্য ভবতস্তথা || ১. ৩৮. ২১||
লোকত্রয়স্য নাথাস্তে তস্মাদিন্দ্রাদ্বিজৈঃ স্মৃতাঃ |
প্রধানভূতা দেবেন্দ্রা গুণভূতাস্তথৈব চ || ১. ৩৮. ২২||
মন্বন্তরেষু যে দেবা যজ্ঞভাজো ভবন্তি হি |
যজ্ঞগন্ধর্বরক্ষাংসি পিশাচো রগমানুষাঃ || ১. ৩৮. ২৩||
মহিমানঃ স্মৃতা হ্যেতে দেবেন্দ্রাণাং তু সর্বশঃ |
দেবেন্দ্রা গুরবো নাথা রাজানঃ পিতরো হি তে || ১. ৩৮. ২৪||
রক্ষন্তীমাঃ প্রজা হ্যেতে ধর্মেণেহ সুরোত্তমাঃ |
ইত্যেতল্লক্ষণং প্রোক্তং দেবেন্দ্রাণাং সমাসতঃ || ১. ৩৮. ২৫||
সপ্তর্ষীন্সংপ্রবক্ষ্যামি সাংপ্রতং যে দিবং শ্রিতাঃ |
গাধিজঃ কৌশিকো ধীমান্বিশ্বামিত্রো মহাতপাঃ || ১. ৩৮. ২৬||
ভার্গবো জমদগ্নিশ্চ হ্যৌর্বপুত্রঃ প্রতাপবান্ |
বৃহস্পতিসুতশ্চাপি ভরদ্বাজো মহা যশাঃ || ১. ৩৮. ২৭||
ঔতথ্যো গৌতমো বিদ্বাঞ্শরদ্বান্নাম ধার্মিকঃ |
স্বায়ংভুবোঽত্রির্ভগবান্ব্রহ্মকোশঃ সপঞ্চমঃ || ১. ৩৮. ২৮||
ষষ্ঠো বসিষ্ঠপুত্রস্তু বসুমাংল্লোকবিশ্রুতঃ |
বৎসরঃ কাশ্যপশ্যৈব সপ্তৈতে সাধুসংমতাঃ || ১. ৩৮. ২৯||
এতে সপ্তর্ষয়শ্যোক্তা বর্ত্তন্তে সাংপ্রতেংঽতরে |
ইক্ষ্বাকুশ্চ নৃগশ্চৈব ধৃষ্টঃ শর্যাতিরেব চ || ১. ৩৮. ৩০||
নরিষ্যন্তশ্চবিখ্যাতো নাভাগো দিষ্ট এব চ |
করূষশ্চ পৃষধ্রশ্চ পাংশুশ্চনবমঃ স্মৃতঃ || ১. ৩৮. ৩১||
মনোর্বৈবস্বতস্যৈতে নব পুত্রাঃ সুধার্মিকাঃ |
কীর্তিতা বৈ তথা হ্যেতে সপ্তমং চৈতদন্তরম্ || ১. ৩৮. ৩২||
ইত্যেষ হ ময়া পাদো দ্বিতীয়ঃ কথিতোদ্বিজাঃ |
বিস্তরেণানুপূর্ব্যা চ ভূয়ঃ কিং কথয়াম্যহম্ || ১. ৩৮. ৩৩||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে মন্বন্তরবর্ণনং নামাষ্টাত্রিংশত্তমোঽধ্যায়ঃ

সমাপ্তোঽযং ব্রহ্মাণ্ডমহাপুরাণপূর্বভাগঃ

<