সূত উবাচ
ভৃগোঃ খ্যাতির্বিজজ্ঞে বৈ ঈশ্বরৌ সুখদুঃখয়োঃ |
শুভাশুভপ্রদাতারৌ সর্বপ্রাণভৃতামিহ || ১. ১১. ১||
দেবৌ ধাতৃবিধাতারৌ মন্বন্তরবিচারিণৌ |
তয়ার্জ্যেষ্ঠা তু ভগিনী দেবী শ্রীর্লোকভাবিনী || ১. ১১. ২||
সা তু নারায়ণং দেবং পতি মাসদ্য শোভনা |
নারায়ণাত্মজৌ তস্যাং বলোন্মাদৌব্যজায়তাম্ || ১. ১১. ৩||
বলস্য তেজঃ পুত্রস্তু উন্মাদস্য তু সংশয়ঃ |
তস্যান্যে মানসাঃ পুত্রা আসন্ ব্যোমবিচারিণঃ || ১. ১১. ৪||
যে বহন্তি বিমানানি দেবানাং পুণ্যকর্মণাম্ |
মেরুকল্পে স্মৃতে ভার্যে বিধাতুর্ধাতুরেব চ || ১. ১১. ৫||
আয়তির্নিয়তিশ্চৈব তয়োঃ পুত্রৌ দৃঢব্রতৌ |
প্রাণশ্চৈব মৃকণ্ডশ্চ ব্রহ্মকোশৌ সনাতনৌ || ১. ১১. ৬||
মনস্বিন্যাং মৃকণ্ডস্য মার্কণ্ডেয়ো বভূব হ |
সুতো বেদশিরাস্তস্য ধূম্রপত্ন্যামজায়ত || ১. ১১. ৭||
পীবর্যাং বেদশিরসঃ পুত্রা বশকরাঃ স্মৃতাঃ |
মার্কণ্ডেয়াঃ সমাখ্যাতা ঋষয়ো বেদপারগাঃ || ১. ১১. ৮||
প্রাণস্য পুণ্ডরীকায়াং দ্যুতিমানাত্মজোঽভবৎ |
উন্নতশ্চদ্যুতিমতঃ স্বনবাতশ্চ তাবুভৌ || ১. ১১. ৯||
তয়োঃ পুত্রাশ্চ পৌত্রাশ্চ ভার্গবাণাং পরস্পরাৎ |
স্বায়ংভুবেন্তরেঽতীতা মরীচেঃ শৃণুত প্রজাঃ || ১. ১১. ১০||
পত্নী মরীচেঃ সংভূতির্বিজজ্ঞে হ্যাত্মসংভংবম্ |
প্রজাপতেঃ পূর্ণমাসং কন্যাশ্চেমা নিবোধত || ১. ১১. ১১||
কৃষির্বৃষ্টিস্ত্বিষা চৈব তথা চোপচিতিঃ শুভা |
পূর্ণমাসঃ সরস্বত্যাং পুত্রৌ দ্বাবুদপাদয়ৎ || ১. ১১. ১২||
বিরজং চৈব ধর্মিষ্ঠং পর্বশং চৈব তাবুভৌ |
বিরজস্যাত্মজো বিদ্বান্ সুধামা নাম বিশ্রুতঃ || ১. ১১. ১৩||
সুধামা স তু বৈরাজঃ প্রাচীং দিশমুপা শ্রিতঃ |
লোকপালঃ স ধর্মাত্মা গৌরীপুত্রঃ প্রতাপবান্ || ১. ১১. ১৪||
পর্বশঃ পর্বগণনাং প্রবিষ্টঃ স মহায়শাঃ |
পর্বশঃ পর্বশায়াং তু জনয়া মাস বৈ সুতৌ || ১. ১১. ১৫||
যজুর্ধাম চ ধীমন্তং স্তংভকাশ্যপমেব চ |
তয়োর্গোত্রকরৌ পুত্রৌ জাতৌ সংন্যাসনিশ্চিতৌ || ১. ১১. ১৬||
স্মৃতস্ত্বং গিরসঃ পত্নী জজ্ঞে সা হ্যাত্মসংভবান্ |
পুত্রো কন্যাশ্চতস্রশ্চ পুণ্যাস্তা লোকবিশ্রুতাঃ || ১. ১১. ১৭||
সিনীবালী কুহূশ্চৈব রাকা চানুমতিস্তথা |
তথৈব ভরতাগ্নিং চ কীর্তিমন্তং চ তাবুভৌ || ১. ১১. ১৮||
অগ্নেঃ পুত্রং চ পর্জন্যং সদ্বতী সুষুবে তথা |
হিরণ্যরোমা পর্জন্যো মারীচ্যামুদপদ্যত || ১. ১১. ১৯||
আভূতসংপ্লবস্থায়ী লোকপালঃ স বৈ স্মৃতঃ |
যজ্ঞে কীর্ত্তিমতশ্চাপি ধেনুকা বীতকল্মষৌ || ১. ১১. ২০||
চরিষ্ণুং ধৃতিমন্তং চ উভাবঙ্গিরসাং বরৌ |
তয়োঃ পুত্রাশ্চ পৌত্রাশ্চ অতীতা বৈ সহস্রশঃ || ১. ১১. ২১||
অনসূয়া বিজজ্ঞে বৈ পঞ্চাত্রেয়ানকল্মষান্ |
কন্যাং চৈব শ্রুতিং নাম মাতা শঙ্খপদস্য সা || ১. ১১. ২২||
কর্দসস্য তু পত্নী সা পৌলহস্য প্রজাপতেঃ |
সত্যনেত্রশ্চ হব্যশ্চ আপো মূর্ত্তিঃ শনৈশ্চরঃ || ১. ১১. ২৩||
সোমশ্চ পঞ্চমস্তেষামাসীৎস্বায়ংভুবেন্তরে |
যামদেবৈস্সহাতীতাঃ পঞ্চাত্রেয়াঃ প্রকীর্ত্তিতাঃ || ১. ১১. ২৪||
তেষাং পুত্রাশ্চ পৌত্রাশ্চ আত্রেয়াণাং মহাত্মনাম্ |
স্বায়ংভুবেঽন্তরেঽতীতাঃ শতশোঽথ সহস্রশঃ || ১. ১১. ২৫||
প্রীত্যাং পুলস্ত্যভার্যায়াং দানা গ্নিস্তৎসুতোঽভবৎ |
পূর্বজন্মনি সোঽগস্ত্যঃ স্মৃতঃ স্বায়ংভুবেঽন্তরে || ১. ১১. ২৬||
মধ্যমো দেববাহুশ্চ অত্রিনামা চ তে ত্রয়ঃ |
স্বমা যবীয়সী তেষাং সদ্বতী নাম বিশ্রুতা || ১. ১১. ২৭||
পর্জন্যজননী শুভ্রা পত্নী চাগ্নেঃ স্মৃতা শুভা |
পৌলস্ত্যস্য চ ব্রহ্মর্ষেঃ প্রীতিপুত্রস্য ধীমতঃ || ১. ১১. ২৮||
দানাচ্চ সুষুবে পত্নী সুজঙ্ঘী চং বহূন্সুতান্ |
পৌলস্ত্যা ইতি বিখ্যাতাঃ স্মৃতাঃ স্বায়ংভুবেঽন্তরে || ১. ১১. ২৯||
ক্ষমা তু সুষুবে পুত্রান্পুলস্ত্যস্য প্রজাপতেঃ |
ত্রেতাগ্নিবর্চসঃ সর্বে যেষাং কীর্ত্তিঃ প্রতিষ্ঠিতা || ১. ১১. ৩০||
কর্দমশ্চোর্বরীবাংশ্চ সহিষ্ণুশ্চেতি তে ত্রয়ঃ |
ঋষিঃ কনকপীঠশ্চ শুভা কন্যা চ পীবরী || ১. ১১. ৩১||
কর্দমস্য শ্রুতিঃ পত্নী আত্রেয়্যজনয়ৎস্বয়ম্ |
পুত্রং শঙ্খপদং নাম কন্যাং কাম্যাং তথৈব চ || ১. ১১. ৩২||
স বৈ শঙ্খপদঃ শ্রীমাংল্লোকপালঃ প্রজাপতিঃ |
দক্ষিণস্যাং দিশি রতঃ কাম্যা দত্তা প্রিয়ব্রতে || ১. ১১. ৩৩||
কাম্যা প্রিয়ব্রতাল্লেভে স্বায়ংভুবসমান্সুতান্ |
দশ কন্যাদ্বয়ং চৈব যৈঃ ক্ষত্রং সম্প্রবর্ত্তিতম্ || ১. ১১. ৩৪||
পুত্রং কনকপীঠস্য সহিষ্ণুং নাম বিশ্রুতম্ |
যশোধরা বিজজ্ঞে বৈ কামদেবং সুমধ্যামা || ১. ১১. ৩৫||
ক্রতোঃ ক্রতুসমান্পু ত্রান্ বিজজ্ঞে সংনতিঃ শুভান্ |
তেষাং ন ভার্যা পুত্রো বা সর্বে তে উর্দ্ধরেতসঃ || ১. ১১. ৩৬||
তানি ষষ্টিসহস্রাণি বালখিল্যা ইতি শ্রুতাঃ |
অরুণস্যাগ্রতো যান্তি পরিবার্য দিবাকরম্ || ১. ১১. ৩৭||
আভূতসংপ্লবাৎসর্বেপতঙ্গসহচারিণঃ |
স্বসারৌ তদ্যবীয়স্যৌ পুণ্যা সত্যবতী চতে || ১. ১১. ৩৮||
পর্বশস্য স্নুবে তে বৈ পূর্ণমাস সুতস্য তু |
ঊর্জায়াং তু বসিষ্ঠস্য বাসিষ্ঠাঃ সপ্ত জজ্ঞিরে || ১. ১১. ৩৯||
জ্যায়সী চ সুতা তেষাং পুণ্ডরীকা সুমধ্যমা |
জননী সা দ্যুতিমতঃ প্রাণস্য মহিষী প্রিয়াঃ || ১. ১১. ৪০||
তস্যাস্তু যে যবীয়াংসো বাসিষ্ঠাঃ সপ্ত বিশ্রুতাঃ |
রক্ষো গর্ত্তোর্দ্ধবা হুশ্চ সবনঃ পবনশ্চ যঃ || ১. ১১. ৪১||
সুতপাঃ সংকুরিত্যেতে সর্বে সপ্তর্ষয়ঃ সমৃতাঃ |
রত্নো বরাঙ্গ্যজনয়ন্মার্কণ্ডেয়ী যশস্বিনী || ১. ১১. ৪২||
প্রতীচ্যাং দিশি রাজানং কেতুমন্তং প্রজাপতিম্ |
গোত্রাণি নামভিস্তেষাং বাসিষ্ঠানাং মহাত্মনাম্ || ১. ১১. ৪৩||
স্বায়ংভুবেঽন্তরেতীতান্যগ্নেস্তু শৃণুত প্রজাঃ |
ইত্যেষ ঋষিসর্গস্তু সানুবন্ধঃ প্রকীর্ত্তিতঃ || ১. ১১. ৪৪||
বিস্তরেণানুপূর্ব্যাচ্চ অগ্নের্বক্ষ্যাম্যতঃ পরম্ |
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে ঋষিসর্গবর্ণনং নামৈকাদশোঽধ্যায়ঃ
সূত উবাচ
যোঽসাবগ্নে রভিমানী স্মৃতঃ স্বায়ংভুবেঽন্তরে |
ব্রহ্মণো মানসঃ পুত্রস্তস্মাৎস্বাহা ব্যজায়ত || ১. ১২. ১||
পাবকং পবমানং চ শুচিরগ্নিশ্চ যঃ স্মৃতঃ |
নির্মথ্যঃ পবমানস্তু বৈদ্যুতঃ পাবকঃ স্মৃতঃ || ১. ১২. ২||
শুচিঃ সৌরস্তু বিজ্ঞেয়ঃ স্বাহাপুত্রাস্তু তে ত্রয়ঃ |
নির্মথ্যঃ পবমানস্তু শুচিঃ সৌরস্তু যঃ স্মৃতঃ || ১. ১২. ৩||
অব্যোনির্বৈদ্যুতশ্চৈব তেষাং স্থানানি তানি বৈ |
পবমানাত্মজশ্চৈব কব্যবাহন উচ্যতে || ১. ১২. ৪||
পাবকিঃ সহরক্ষস্তু হব্যবাহঃ শুচেঃ সুতঃ |
দেবানাং হব্যবাহোঽগ্নিঃ পিৎৠণাং কব্যবাহনঃ || ১. ১২. ৫||
সহ রক্ষোঽসুরাণাং তু ত্রয়াণাং তু ত্রয়োঽগ্নয়ঃ |
এতেষাং পুত্রপৌত্রাস্তু চৎবারিংশন্ন বৈব তু || ১. ১২. ৬||
বক্ষ্যামি নামভিস্তেষাং প্রবিভাগং পৃথক্পৃথক্ |
বিশ্রুপ্তো লৌকিকোঽগ্নিস্তু প্রথমো ব্রহ্মণঃ সুতঃ || ১. ১২. ৭||
ব্রহ্মো দত্তাগ্নিস ৎপুত্রো ভরতো নাম বিশ্রুতঃ |
বৈশ্বানরঃ সুতস্তস্য বহন্ হব্যং সমাঃ শতম্ || ১. ১২. ৮||
সংভৃতোঽথর্বণা পূর্বমেধিতিঃ পুষ্করোদধৌ |
সোথর্বা লৌকিকোঽগ্নিস্তু দর্পহাথর্বণঃ স্মৃতঃ || ১. ১২. ৯||
অথর্বা তু ভৃগুর্জজ্ঞে হ্যগ্নিরাথর্বণঃ স্মৃতঃ |
তস্মাৎস লৌকিকোঽগ্নিস্তু দধ্যঙ্ঙাথর্বণো মতঃ || ১. ১২. ১০||
আথর্বঃ পবমানস্তু নির্মথ্যঃ কবিভিঃ স্মৃতঃ |
স জ্ঞেয়ো গার্হপত্যোঽগ্নিস্তস্য পুত্রদ্বয়ং স্মৃতম্ || ১. ১২. ১১||
শংস্যস্ত্বাহ বনীয়োঽগ্নেঃ স্মৃতো যো হব্যবাহনঃ |
দ্বিতীয়স্তু সুতঃ প্রোক্তঃ শুকোঽগ্নির্যঃ প্রণীয়তে || ১. ১২. ১২||
তথা সব্যাপসব্যৌ চ শংস্যস্যাগ্নেঃ সুতাবুভৌ |
শংস্যস্তু ষোডশ নদীশ্চকমে হব্যবাহনঃ || ১. ১২. ১৩||
যো সাবাহবনীয়োঽগ্নিরভিমানী দ্বিজৈঃ স্মৃতঃ |
কাবেরীং কৃষ্ণবেণাং চ নর্মদাং যমুনাং তথা || ১. ১২. ১৪||
গোদাবরীং বিতস্তাং চ চন্দ্রভাগামিরাবতীম্ |
বিপাশাং কৌশিকীঞ্চৈব শতদ্রূং সরয়ূং তথা || ১. ১২. ১৫||
সীতাং সরস্বতীং চৈব হ্রাদিনীং পাবনীন্তথা |
তাসু ষোডশধামানং প্রবিভজ্য পৃথক্পৃথক্ || ১. ১২. ১৬||
আত্মানং ব্যদধাত্তাসু ধিষ্ণীষ্বথ বভূব সঃ |
কৃত্তিকাচারিণী ধিষ্ণী জজ্ঞিরে তাশ্চ ধিষ্ণয়ঃ || ১. ১২. ১৭||
ধিষ্ণীষু জজ্ঞিরে যস্মাদ্ ধিষ্ণয়স্তেন কীর্ত্তিতাঃ |
ইত্যেতে বৈ নদীপুত্রা ধিষ্ণীষ্বেবং বিজজ্ঞিরে || ১. ১২. ১৮||
তেষাং বিহরণীয়া যে উপস্থেয়াশ্চ যেঽগ্নয়ঃ |
তাঞ্শৃণুধ্বং সমাসেন কীর্ত্যমানান্যথাতথম্ || ১. ১২. ১৯||
বিভুঃ প্রবাহণো গ্নীধ্রস্তত্রস্থা ধিষ্ণয়োঽপরে |
বিধীয়ন্তে যথাস্থানং সূত্যাহে সবনে ক্রমাৎ || ১. ১২. ২০||
অনুদ্দেশ্য নিবাস্যানামগ্নীনাং শৃণুত ক্রমম্ |
সম্রাডগ্নি কৃশানুর্যো দ্বিতীয়োংঽতরবেদিকঃ || ১. ১২. ২১||
সম্রাডগ্নমুখানষ্টৌ উপতিষ্ঠন্তি তান্ দ্বিজান্ |
পরিষৎপবমানস্তু দ্বিতীয় সোঽনুদিশ্যতে || ১. ১২. ২২||
প্রতল্কান্যো নভোনাম চৎবরেসৌ বিভাব্যতে |
হব্যস্ততো হ্যসংমৃষ্টঃ শামিত্রেঽগ্নৌ বিভাব্যতে || ১. ১২. ২৩||
ঋতুধামা চ সুজ্যোতিরৌদুংবর্যঃ প্রকীর্ত্যতে |
বিশ্বব্যচাঃ সমুদ্রোঽগ্নির্ব্রহ্মস্থানে স কীর্ত্যতে || ১. ১২. ২৪||
ব্রহ্মজ্যোতির্বসুর্ধামা ব্রহ্মস্থানে স উচ্যতে |
অচৌকপাদুপস্থো যঃ স বৈ শালাসুখীয়কঃ || ১. ১২. ২৫||
অনুহেশ্যো হ্যহির্বুধ্ন্যো সোঽগ্রির্গৃহপতিঃ স্মৃতঃ |
শংস্যস্যৈতে সুতাঃ সর্বে উপস্থেয়া দ্বিজৈঃ স্মৃতাঃ || ১. ১২. ২৬||
ততো বিহরণীয়াংশ্চ বক্ষ্যাম্যষ্টৌ চ তৎসুতান্ |
বিভুঃ প্রবাহণোঽগ্নীধ্রস্তেষাং ধিষ্ণ্যস্তথা পরে || ১. ১২. ২৭||
বিধীয়ন্তে যথাস্থানং সৌত্যেঽহ্নি সবনে ক্রমাৎ |
হোত্রীয়স্তু স্মৃতে হ্যগ্নির্বহ্নির্যো হব্যবাহনঃ || ১. ১২. ২৮||
প্রশান্তোঽগ্নিঃ প্রচেতাস্তু দ্বিতীয়শ্চাত্র নামকঃ |
ততোঽগ্নির্বৈশ্বদেবস্তু ব্রাহ্মণাচ্ছংসিরুচ্যতে || ১. ১২. ২৯||
উশিগগ্নিঃ কবির্যস্তু পোতোঽগ্নিঃ স বিভাব্যতে |
আবারিরগ্নির্বাভারির্বৈষ্ঠীয়ঃ স বিভাব্যতে || ১. ১২. ৩০||
অবস্ফূর্জো বিবস্বাংস্তু আস্থাংশ্চৈব স উচ্যতে |
অষ্টমঃ সুধ্যুরগ্নির্যোমার্জালীয়ঃ স উচ্যন্তে || ১. ১২. ৩১||
ধিষ্ণ্যাবাহরণা হ্যেতে সৌত্যেহ্নীজ্যন্ত বৈ দ্বিজৈঃ |
অপাং যোনিঃ স্মৃতোঽসৌ স হ্যপ্সুনামা বিভাব্যতে || ১. ১২. ৩২||
ততো যঃ পাবকো নাম্না অব্জো যো গর্ভ উচ্যতে |
অগ্নিঃ সোঽবভৃথে জ্ঞেয়ো বরুণেন সহেজ্যতে || ১. ১২. ৩৩||
ৎদৃচ্ছয়স্তৎসুতো হ্যগ্নির্জঠরে যো নৃণাং পচন্ |
মৃত্যুমাঞ্ জাঠরস্যাগ্নের্বিদ্বানাগ্নিঃ সুতঃ স্মৃতঃ || ১. ১২. ৩৪||
পরস্পরোত্থিতঃ সোঽগ্নির্ভূতানীহ বিনির্দহেৎ |
পুত্রস্ত্বগ্নের্মন্যুমতো ঘোরঃ সংবর্তকঃ স্মৃতঃ || ১. ১২. ৩৫||
পিবন্নবঃ স বসতি সমুদ্রে বডবামুখঃ |
সমুদ্রবাসিনঃ পুত্রঃ সাহরক্ষো বিভাব্যতে || ১. ১২. ৩৬||
সহরক্ষসুতঃ ক্ষামো গৃহাণাং দহতে নৃণাম্ |
ক্রব্যাদগ্নিঃ সুতস্তস্য পুরুষানত্তি যো মৃতান্ || ১. ১২. ৩৭||
ইত্যেতে পাবকস্যাগ্নেঃ পুত্রা এব প্রকীর্ত্তিতাঃ |
ততঃ শুচিস্তু বৈ সৌরো গন্ধর্বৈরায়ুরাহুতঃ || ১. ১২. ৩৮||
মথিতো যস্ত্বরণ্যাং চ সোঽগ্নিরগ্নিং সমিন্ধতি |
আয়ুর্নাম্না তু ভগবানসৌ যস্তু প্রণীয়তে || ১. ১২. ৩৯||
আয়ুষো মহিষঃ পুত্রঃ সহসো নাম তৎসুতঃ |
পাকয়জ্ঞেষ্বভীমানী সোগ্নিস্তু সহসঃ স্মৃতঃ || ১. ১২. ৪০||
পুত্রশ্চ সহসস্যাগ্নেরদ্ভুতঃ স মহায়শাঃ |
বিবিধিশ্চাদ্ভুতস্যাপি পুত্রোঽগ্নেস্তুমাহান্স্মৃতঃ || ১. ১২. ৪১||
প্রায়শ্চিত্তেষ্বভীমানী হুতং ভুঙ্ক্তে হবিঃ সদা |
বিবিধেস্তু সুতো হ্যর্ক্ক স্তস্য চাগ্নেঃ সুতা ইমে || ১. ১২. ৪২||
অনীকবান্ বাজসৃক্ চ রক্ষোহা চষ্টিকৃত্তথা |
সুরভির্বসুরন্নাদো প্রবিষ্টো যঃ স রুকমরাট্ || ১. ১২. ৪৩||
শুচেরগ্নেঃ প্রজা হ্যেষা বহ্নয়শ্চ চতুর্দ্দশ |
ইত্যেতে চাগ্নয়ঃ প্রোক্তাঃ প্রণীয়ন্তেধ্বরেষু বৈ || ১. ১২. ৪৪||
আদিসর্গে ব্যতীতা বৈ যামৈঃ সহ সুরোত্তমৈঃ |
স্বায়ংভুবেঽন্তরে পূর্বমগ্নয়স্তেভিমানিনঃ || ১. ১২. ৪৫||
এতে বিহরণীয়েষু চেতনাচেতনেষু বৈ |
স্থানাভিমানিনো লোকে প্রাগাসন্হব্যবাহনাঃ || ১. ১২. ৪৬||
কাম্যনৈ মিত্তিকা যজ্ঞেষ্বেতে কর্মস্ববস্থিতাঃ |
পূর্বমন্বতংরেঽতীতাঃ শুকৈর্যাগৈশ্চ তৈঃ সহ || ১. ১২. ৪৭||
দেবৈর্মহাত্মভিঃ পুণ্যৈঃ প্রথমস্যান্তরে মনোঃ |
ইত্যেতানি মজোক্তানি স্থানানি স্থানিনশ্চ হ || ১. ১২. ৪৮||
তৈরেব তু প্রসংখ্যাতমতীতানাগতেষ্বিহ |
সন্বন্তরেষু সর্বেষু লক্ষণং জাতবেদসাম্ || ১. ১২. ৪৯||
সর্বে তপস্বিনো হ্যেতে সর্বে ব্রহ্মভৃতস্তথা |
প্রজানাং পতয়ঃ সর্বে জ্যোতিষ্মন্তশ্চ তে স্মৃতাঃ || ১. ১২. ৫০||
স্বারোচিষাদিষু জ্ঞেয়াঃ সাবর্ণ্যং তেষু সপ্তসু |
মন্বন্তরেষু সর্বেষু নামরূপপ্রয়োজনৈঃ || ১. ১২. ৫১||
বর্ত্তন্তে বর্ত্তমানৈশ্চ যামৈদেবৈঃ সহাগ্নয়ঃ |
অনাগতৈঃ সুরৈঃ সার্দ্ধং বর্ত্স্যন্তেঽনাগতাগ্নয়ঃ || ১. ১২. ৫২||
ইত্যেষ নিচয়োঽগ্নীনামনুক্রান্তো যথাক্রমম্ |
বিস্তরেণানুপুর্ব্যা চ পিৎৠণাং বক্ষ্যতে পুনঃ || ১. ১২. ৫৩||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে অগ্নিনিচয়ো নাম দ্বাদশোঽধ্যায়ঃ
সুত উবাচ
ব্রহ্মণঃ সৃজতঃ পুত্রান্ পূর্বং স্বায়ংভুবেংঽতরে |
গাত্রেভ্যো জজ্ঞিরে তস্য মনুষ্যাসুরদেবতাঃ || ১. ১৩. ১||
পিতৃবন্মন্যমানাস্তং জজ্ঞিরে পিতরোঽপি চ |
তেষাং নিসর্গঃ প্রাগুক্তঃ সমাসাচ্ছ্রুয়তাং পুনঃ || ১. ১৩. ২||
দেবাসুরমনুষ্যাংশ্চ সৃষ্ট্বা ব্রহ্মাভ্যমন্যত |
পিতৃবন্মন্যমানা বৈ জজ্ঞিরেঽস্যোপপক্ষতঃ || ১. ১৩. ৩||
মধ্বাদয়ঃ ষডৃতবঃ পিৎৠংস্তান্পরিচক্ষতে |
ঋতবঃ পিতরো দেবা ইত্যেষা বৈদিকী শ্রুতিঃ || ১. ১৩. ৪||
মন্বন্তরেষু সর্বেষু হ্যতীতানাগতেষু বৈ |
এতে স্বায়ংভুবে পূর্বমুৎপন্নাশ্চান্তরে শুভে || ১. ১৩. ৫||
অগ্নিষ্বাত্তা স্মৃতা নাম্না তথা বর্হিষদশ্চ বৈ |
অয়জ্বানস্তথা তেষামাসন্যে গৃহমেধিনঃ || ১. ১৩. ৬||
অগ্নিষ্বাত্তা স্মৃতাস্তে বৈ পিতরো নাহিতাগ্নয়ঃ |
যজ্বানস্তেষু যে ৎবাসন্পিতরঃ সোমপীথিনঃ || ১. ১৩. ৭||
স্মৃতা বর্হিষদস্তে বৈ পিতর স্ত্বগ্নিহোত্রিণঃ |
ঋতবঃ পিতরো দেবাঃ শাস্ত্রেঽস্মিন্নিশ্চয়ং গতাঃ || ১. ১৩. ৮||
মধুমাধবৌ রসৌ জ্ঞেয়ৌ শুচিশুক্রৌ চ শুষ্মিণৌ |
নভাশ্চৈব নভস্যশ্চ জীবাবেতাপুদাৎদৃতৌ || ১. ১৩. ৯||
ইষশ্চৈব তথোর্জশ্চ স্বধাবন্তাবৃদাৎদৃতৌ |
সহশ্চৈব সহস্যশ্চ ঘোরাবেতাপুদাৎদৃতৌ || ১. ১৩. ১০||
তপাশ্চৈব তপস্যশ্চ মন্যুমন্তৌ তু শৈশিরৌ |
কালাবস্থাসু ষট্স্বেতে মাসাখ্যা বৈ ব্যবস্থিতাঃ || ১. ১৩. ১১||
ইমে চ ঋতবঃ প্রোক্তাশ্চেতনাচেতনেষু বৈ |
ঋতবো ব্রহ্মণঃ পুত্রা বিজ্ঞেয়াস্তেঽভিমানিনঃ || ১. ১৩. ১২||
মাসার্দ্ধমাসস্থানেষু স্থানিনৌ ঋতবো মতাঃ |
স্থানানাং ব্যতিরেকেণ জ্ঞেয়াঃ স্থানাগিমানিনঃ || ১. ১৩. ১৩||
অহোরাত্রাণি মাসাশ্চ ঋতবশ্চায়নানি চ |
সংবৎসরাশ্চ স্থানানি কামাখ্যা হ্যভিমানিনাম্ || ১. ১৩. ১৪||
এতেষু স্থানিনো যে তু কালাবস্থা ব্যবস্থিতাঃ |
তৎসতত্ত্বাস্তদাত্মানস্তান্বক্ষ্যামি নিবোধত || ১. ১৩. ১৫||
পার্বণ্যস্তি থয়ঃ সংধ্যাঃ পক্ষা মাসার্দ্ধসংমিতাঃ |
নিমেষাশ্চ কলাঃ কষ্ঠা মুহুর্ত্তা দিবসাঃ ক্ষয়াঃ || ১. ১৩. ১৬||
দ্বাবর্দ্ধমাসৌ মাসস্তু দ্বৌ মাসাবৃ তুরুচ্যতে |
ঋতুত্রয়ং চাপ্যয়নং দ্বেঽযনে দক্ষিণোত্তরে || ১. ১৩. ১৭||
সংবৎসরঃ সমেতশ্চ স্থানান্যেতানি স্থানিনাম্ |
ঋতবস্তু নিমেঃ পুত্রা বিজ্ঞেয়াস্তে তথৈব ষট্ || ১. ১৩. ১৮||
ঋতুপুত্রাঃ স্মৃতাঃ পঞ্চ প্রজাঃ স্বার্তবলক্ষণাঃ |
যস্মাচ্চৈবার্ত্তবেভ্যস্তু জায়ন্তে স্থাণু জঙ্গমাঃ || ১. ১৩. ১৯||
আর্তবাঃ পিতরস্তস্মাদৃতবশ্চ পিতামহাঃ |
সমেতাস্তু প্রসূয়ন্তে প্রজাশ্চৈব প্রজাপতেঃ || ১. ১৩. ২০||
তস্মাৎস্মৃতঃ প্রজানাং বৈ বৎসরঃ প্রপিতামহঃ |
স্থানেষু স্থানিনো হ্যেতে স্থানাত্মানঃ প্রকীর্ত্তিতাঃ || ১. ১৩. ২১||
তদাখ্যাস্তৎসসত্ত্বাশ্চ তদাত্মানশ্চ তে স্মৃতাঃ |
প্রজাপতিঃ স্মৃতো যস্তু স তু সংবৎসরো মতঃ || ১. ১৩. ২২||
সংবৎসরসুতো হ্যগ্নি ঋত ইত্যুচ্যতে বুধৈঃ |
ঋতাত্তু ঋতবো যস্মাজ্জজ্ঞিরে ঋতবস্ততঃ || ১. ১৩. ২৩||
মাসাঃ ষডর্তবো জ্ঞেয়াস্তেষাং পঞ্চর্তবাঃ স্মৃতাঃ |
দ্বিপদাং চতুষ্পদাং চৈব পক্ষিণাং সর্বতামপি || ১. ১৩. ২৪||
স্থাবরাণাং চ পঞ্চানাং পুষ্পং কালার্ত্তবং স্মৃতম্ |
ঋতুৎবমার্তবৎবং চ পিতৃৎবং চ প্রকীর্ত্তিতম্ || ১. ১৩. ২৫||
ইত্যেতে পিতরো জ্ঞেয়া ঋতবশ্চার্তবাশ্চ যে |
সর্বভূতানি তেভ্যো যদৃতুকালাদ্বিজজ্ঞিরে || ১. ১৩. ২৬||
তস্মাদেতে হি পিতর আর্তবা ইতি নঃ শ্রুতম্ |
মন্বন্তরেষ্বিহ ৎবেতে স্থিতাঃ কালভিমানিনঃ || ১. ১৩. ২৭||
কার্যকারণয়ুক্তাস্তু এ শ্বর্যাদ্ব্যাপ্য সংস্থিতাঃ |
স্থানাভিমানিনো হ্যেতে তিষ্ঠন্তীহ প্রসংগমাৎ || ১. ১৩. ২৮||
অগ্নিষ্বাত্তা বর্হিষদঃ পিতরো বিবিধাঃ পুনঃ |
জজ্ঞে স্বধাপিতৃভ্যস্তু দ্বে কন্যে লোকবিশ্রুতে || ১. ১৩. ২৯||
মেনা চ ধারণী চৈব যাভ্যাং ধতমিদং জগৎ |
তে উভে ব্রহ্মবাদিন্যৌ যোগিন্যৌ চৈব তে উভে || ১. ১৩. ৩০||
পিতরস্তে নিজে কন্যে ধর্মার্থং প্রদদুঃ শুভে |
অগ্নিষ্বাত্তাস্তু যে প্রোক্তাস্তেষাং মেনা তু মানসী || ১. ১৩. ৩১||
ধারণী মানসী চৈব কন্যা বর্হিষদাং স্মৃতা |
মেরোস্তাং ধারণীং নাম পত্ন্যর্থং বা সৃজন্ ঘুভাম্ || ১. ১৩. ৩২||
পিতরস্তে বর্হিষদঃ স্মৃতা যে সোমপায়িনঃ |
অগ্নিষ্বাত্তাস্তু তাং মেনা পত্নী হিমবতে দদুঃ || ১. ১৩. ৩৩||
উপহূতা স্মৃতা যে বৈ তদ্দৌহিত্রান্নিবোধত |
মেনা হিমবতঃ পত্নী মৈনাকং সা ব্যজায়ত || ১. ১৩. ৩৪||
গঙ্গাং সরিদ্বরাং চৈব পত্নী যা লবণোদধেঃ |
মৈনাকস্যা ত্মজঃ ক্রৌচঃ ক্রৈঞ্চদ্বীপো যতঃ স্মৃতঃ || ১. ১৩. ৩৫||
মেরোস্তু ধারণী পত্নী দিব্যৌষধিসমন্বিতম্ |
মন্দরং সুষুবে পুত্রং তিস্রঃ কন্যাশ্চ বিশ্রুতাঃ || ১. ১৩. ৩৬||
বেলাং চ নিয়তিং চৈব তৃতীয়াং চায়তিং বিদুঃ |
ধাতুশ্চৈবায়তিঃ পত্নী বিধাতুর্নিয়তিঃ স্মৃতা || ১. ১৩. ৩৭||
স্বায়ং ভুবেংঽতরে পূর্বং যয়োর্বৈ কীর্ত্তিতাঃ প্রজাঃ |
সুষুবে সাগরাদ্বেলা কন্যামেকামনিন্দিতাম্ || ১. ১৩. ৩৮||
সবর্ণাং নাম সামুদ্রীং পত্নীং প্রাচীনবর্হিষঃ |
সবর্ণায়াং সুতা জাতা দশ প্রাচীনবর্হিষঃ || ১. ১৩. ৩৯||
সর্বে প্রচেতসো নাম ধনুর্বেদস্য পারগাঃ |
তেষাং স্বায়ংভুবো দক্ষঃ পুত্রৎবং জগ্মি বান্প্রভুঃ || ১. ১৩. ৪০||
ত্রয়ংবকস্যাভিশাপেন চাক্ষুষস্যাতরে মনোঃ |
এতচ্ছুৎবা ততঃ সূতমপৃচ্ছচ্ছাংশপায়নিঃ || ১. ১৩. ৪১||
উৎপন্নঃ স কথং দক্ষো হ্যভিশাপাদ্ভবস্য তু |
চাক্ষুষস্যান্তরে পূর্বং তন্নঃ প্রব্রূহি পৃচ্ছতাম্ || ১. ১৩. ৪২||
ইত্যুক্তঃ কথয়ামাস সূতো দক্ষাশ্রয়াং কথাম্ |
শাংশপায়নিমামন্ত্র্য ত্র্যংবকাচ্ছাপকারণম্ || ১. ১৩. ৪৩||
সূত উবাচ
দক্ষস্যাসন্সুতা হ্যষ্টৌ কন্যা যাঃ কীর্ত্তিতা ময়া |
স্বেভ্যো গৃহেভ্য আনায়্য তাঃ পিতাভ্যর্চয়দ্গৃহে || ১. ১৩. ৪৪||
ততস্ত্বভ্যর্চিতাঃ সর্বা ন্যবসংস্তাঃ পিতুর্গৃহে |
তাসাং জ্যেষ্ঠা সতী নাম পত্নী যা ত্র্যংবকস্য বৈ || ১. ১৩. ৪৫||
নাজুহাবাত্মজাং তাং বৈ দক্ষো রুদ্রমভিদ্বিষন্ |
অকরোৎসংনতিং দক্ষে ন কদাচিন্মহেশ্বরঃ || ১. ১৩. ৪৬||
জামাতা শ্বশুরে তস্মিন্স্বভাবাত্তেজসি স্থিতঃ |
ততো জ্ঞাৎবা সতী সর্বাঃ ন্যবসংস্তাঃ পিতুর্গৃহে || ১. ১৩. ৪৭||
জগাম সাপ্যনাহূতা সতী তৎস্ব পিতুর্গৃহম্ |
তাভ্যো হীনাং পিতা চক্রে সত্যাঃ পূজামসংমতাম্ || ১. ১৩. ৪৮||
ততোঽব্রবীৎসা পিতরং দেবী ক্রোধাদমর্ষিতা |
যবীয়সীভ্যো প্যধমাং পূজাং কৃৎবা মম প্রভো || ১. ১৩. ৪৯||
অসৎকৃত্য পিতর্মাং ৎবং কৃতবানসি গর্হিতম্ |
অহং জ্যেষ্ঠা বরিষ্ঠা চ ৎবং মাং সৎকর্তুমর্হ সি || ১. ১৩. ৫০||
এবমুক্তোঽব্রবীদেনাং দক্ষঃ সংরক্তলোচনঃ |
ৎবত্তঃ শ্রেষ্ঠাবরিষ্ঠাশ্চ পূজ্যা বালাঃ সুতা মম || ১. ১৩. ৫১||
তাসাং চৈব তু ভর্তার স্তে মে বহুমাতাঃ সতি |
ব্রহ্মিষ্ঠাঃ সুতপস্কাশ্চ মহায়োগাঃ সুধার্মিকাঃ || ১. ১৩. ৫২||
গুণৈশ্চৈবাধিকাঃ শ্লাঘ্যাঃ সর্বে তে ত্র্যংবকাৎসতি |
বসিষ্ঠোঽত্রিঃ পুলস্ত্যশ্চ হ্যঙ্গিরা পুলহঃ ক্রতুঃ || ১. ১৩. ৫৩||
ভৃগুর্মরীচিশ্চ তথা শ্রৈষ্ঠা জামাতরো মম |
যস্মান্মাং স্পর্দ্ধতে শর্বঃ সদা চৈবাবমন্যতে || ১. ১৩. ৫৪||
তেন ৎবাং ন বিভূষোমি প্রতিকূলো হি মে ভবঃ |
ইত্যুক্তবাংস্তদা দক্ষঃ সংপ্রমূঢেন চেতসা || ১. ১৩. ৫৫||
শাপার্থমাত্মনশ্চৈব যে চোক্তাঃ পরমর্ষয়ঃ |
তথোক্তা পিতরং সা বৈ ক্রুদ্ধা দেবীদম ব্রবীৎ || ১. ১৩. ৫৬||
বাঙ্মনঃ কর্মভির্যস্মাদদুষ্টাং মাং বিগর্হসে |
তস্মাত্ত্যজাম্যহমিমং দেহং তাত তবাত্মজম্ || ১. ১৩. ৫৭||
ততস্তেনাবমানেন সতী দুঃখাদমর্ষিতা |
অব্রবীদ্বচনং দেবী নমস্কৃত্য স্বয়ংভুবে || ১. ১৩. ৫৮||
যত্রাহমুপপদ্যে চ পুনর্দেহেন ভাস্বতা |
তত্রাপ্যহমসংভূতা সংভূতা ধার্মিকাদপি || ১. ১৩. ৫৯||
গচ্ছেয়ং ধর্মপত্নীৎবং ত্র্যংবকস্যৈব ধীমতঃ |
তত্রৈবাথ সমাসীনা যুক্তাত্মানং সমাদধে || ১. ১৩. ৬০||
ধারয়ামাস চাগ্নেয়ীং ধারণাং মনসাত্মনঃ |
তত আত্মসমুত্থোঽস্যা বায়ুনা সমুদীরিতঃ |
সর্বাগেভ্যো বিনিঃসৃত্য বহ্নিস্তাং ভস্মসাৎকরোৎ || ১. ১৩. ৬১||
তদুপশ্রুত্য নিধনং সত্যা দেবোঽথ শূলভৃৎ |
সংবাদং চ তয়োর্বুদ্ধা যাথাতথ্যেন শঙ্করঃ |
দক্ষস্য চ ঋষীণাং চ চুকোপ ভগবান্প্রভুঃ || ১. ১৩. ৬২||
রুদ্র উবাচ
সর্বেষামেব লোকানাং ভূর্লোকস্ত্বাদিরুচ্যতে |
তং সদা ধারয়িষ্যামি নিদেশাৎপরমেষ্ঠিনঃ || ১. ১৩. ৬৩||
অস্যাং ক্ষিতৌ ধৃতা লোকাঃ সর্বে তিষ্ঠন্তি ভাস্বরাঃ |
তানহং ধারয়া মীহ সততং চ তদাজ্ঞয়া || ১. ১৩. ৬৪||
চাতুর্বর্ণ্যং হি দেবানাং তে চাপ্যেকত্র ভুঞ্জতে |
নাহং তৈঃ সহ ভোক্ষয়ে বৈ ততো দাস্যন্তি তে পৃথক্ || ১. ১৩. ৬৫||
যস্মাদবমতা দক্ষ মৎকৃতেঽনাগসা সতী |
প্রশস্তাশ্চেতরাঃ সর্বাঃ স্বসুতা ভর্তৃভিঃ সহ || ১. ১৩. ৬৬||
তস্মা দ্বৈবস্বতে প্রাপ্তে পুনরেতে মহর্ষয়ঃ |
উৎপৎস্যন্তে দ্বিতীয়ে বৈ মম যজ্ঞ হ্যয়োনিচাঃ || ১. ১৩. ৬৭||
হুতে বৈ ব্রহ্মণা শুক্রে চাক্ষুষস্যাতরে মনোঃ |
অভিব্যাহৃত্য সর্বাংস্তান্ দক্ষং চৈবাশপৎপুনঃ || ১. ১৩. ৬৮||
ভবিতা মানুষো রাজা চাক্ষুষস্য ৎবমন্বয়ে |
প্রাচীনবর্হিষঃ পৌত্রঃ পুত্রশ্চৈব প্রচে তসাম্ || ১. ১৩. ৬৯||
দক্ষ এবেহ নাম্না তু মারিষায়াং জনিষ্যসি |
কন্যায়াং শাখিনাং ৎবং বৈ প্রাপ্তে বৈবস্বতেংঽতরে || ১. ১৩. ৭০||
বিঘ্নং তত্রা প্যহং তুভ্যমাচরিষ্যামি দুর্মতে |
ধর্ম্ময়ুক্তে চ তে কার্যে একস্মিংস্তু দুরাসদে || ১. ১৩. ৭১||
সুত উবাচ
তদুপশ্রুত্য দক্ষস্তু রুদ্রং সোঽভ্য শপৎপুনঃ |
যস্মাত্ত্বং মৎকৃতেঽনিষ্টমৃষীণাং কৃতবানসি |
তস্মাৎসার্দ্ধং সুরৈর্যজ্ঞে ন ৎবাং যক্ষ্যন্তি বৈ দ্বিজাঃ || ১. ১৩. ৭২||
হুৎবাঽহুতিং তব ক্রূর হ্যপঃ স্প্রক্ষ্যন্তি কর্মসু |
ইহৈব বৎস্যসি তথা দিবং হিৎবা যুগক্ষয়াৎ || ১. ১৩. ৭৩||
ততো দেবৈঃস তৈঃ সার্দ্ধং নেজ্যতে পৃথসিজ্যতে |
ততোঽভিব্যাহৃতো দক্ষো রুদ্রেণামিততেজসা || ১. ১৩. ৭৪||
স্বায়ংভুবীং তনুং ত্যক্ত্বা উৎপন্নো মানুষেষ্বিহ || ১. ১৩. ৭৫||
জ্ঞাৎবা গৃহপতির্দক্ষো যজ্ঞানা মীশ্বরং প্রভুম্ |
সমস্তেনেহ যজ্ঞেন সোঽযজদ্দৈবতৈঃ সহ || ১. ১৩. ৭৬||
অথ দেবী সতী যা তু প্রাপ্তে বৈবস্বতেংঽতরে |
মেনায়াং তামুমাং দেবীং জনয়ামাস শৈলরাট্ || ১. ১৩. ৭৭||
যা তু দেবী সতী পূর্বমাসীৎপশ্চাদুমাভবৎ |
সদা পত্নী ভবস্যৈষা ন তয়া মুচ্যতে ভবঃ || ১. ১৩. ৭৮||
মরীচং কশ্যপং দেবী যথাদিতিরনুব্রতা |
যথা নারায়ণং শ্রীশ্চ মঘবতং শচী যথা || ১. ১৩. ৭৯||
বিষ্ণুং কীর্তী রুষা মূর্যং বসিষ্ঠং চাপ্যরুন্ধতী |
নৈতাস্তু বিজহত্যেতান্ ভর্ত্ৠন্ দেব্যঃ কদাচন || ১. ১৩. ৮০||
আবর্তমানাঃ কল্পেষু জায়ন্তে তৈঃ পুনঃ সহ |
এবং প্রাচেতসো দক্ষো জজ্ঞে বৈ চাক্ষুষেংঽতরে || ১. ১৩. ৮১||
দশভ্যস্তু প্রচেতোভ্যো মারিষায়াং পুনর্নৃপঃ |
জজ্ঞে তদাভিশাপেন দ্বিতীয় ইতি নঃ শ্রুতম্ || ১. ১৩. ৮২||
ভৃগবাদয়শ্চ যে সপ্ত জজ্ঞিরে চ মহর্ষয়ঃ |
আদ্যে ত্রেতায়ুগে পূর্বং মনোর্বৈবস্বতস্য চ || ১. ১৩. ৮৩||
দেবস্য মহতো যজ্ঞে বারুণীং বিভ্রতস্তনুম্ |
ইত্যেষোঽনুশয়ো হ্যাসীত্তয়োর্জাত্যন্তরানুগঃ || ১. ১৩. ৮৪||
প্রজাপতেশ্চ দক্ষস্য ত্র্যবকস্য চ ধীমতঃ |
তস্মান্নানুশয়ঃ কার্যো বৈরেষ্বিহ কদাচন || ১. ১৩. ৮৫||
জাত্যন্তরগতস্যাপি ভবিতস্য শুভাশুভৈঃ |
খ্যাতিং ন মুঞ্চতে জন্তুস্তন্ন কার্যং বিপশ্চিতা || ১. ১৩. ৮৬||
ইত্যেষা সমনুক্রান্তা কথা পাপপ্রমোচনী |
যা দক্ষমধিকৃত্যেহ ৎবয়া পূর্বং প্রচৌদিতা || ১. ১৩. ৮৭||
পিতৃবংশপ্রসংগেন কথা হ্যেষা প্রকীর্ত্তিতা |
পিৎৠণামানুপূর্ব্যেণ দেবান্বক্ষ্যাম্যতঃ পরম্ || ১. ১৩. ৮৮||
ত্রেতায়ুগমুখে পূর্বমাসন্স্বায়ংভুবেংঽতরে |
দেবায়ামা ইতি খ্যাতাঃ পূর্বং যে যজ্ঞসূনবঃ || ১. ১৩. ৮৯||
প্রথিতা ব্রহ্মণঃ পুত্রা অজৎবাদজিতাস্তু তে |
পুত্রাঃ স্বায়ংভুবস্যৈতে শক্তা নাম তু মানসাঃ || ১. ১৩. ৯০||
তেষাং যতো গণা হ্যেতে দেবানাং তু ত্রয়ঃ স্মৃতাঃ |
ছন্দজাস্তু ত্রয়স্ত্রিংশৎসর্গে স্বায়ংভুবস্য হ || ১. ১৩. ৯১||
যদুর্যয়াতির্দেবৌ দ্বৌ বীবধস্রাসতো মতিঃ |
বিভাসশ্চ ক্রতুশ্চৈব প্রয়াতির্বিশ্রুতো দ্যুতিঃ || ১. ১৩. ৯২||
বায়ব্যঃ সংযমশ্চৈব যামা দ্বাদশ কীর্ত্তিতাঃ |
অসমশ্চোগ্রদৃষ্টিশ্চ সুনয়োঽথ শুচিশ্রবাঃ || ১. ১৩. ৯৩||
কেবলো বিশ্বরূপশ্চ সুদক্ষো মধুপস্তথা |
তুরীয় ইদ্রয়ুক্চৈব যুক্তো গ্রাবজিতস্তু বৈ || ১. ১৩. ৯৪||
চনিমা বিশ্বদেবা চ জবিষ্ঠো মিতবানপি |
জরো বিভুর্বিভাবশ্চ স ঋচীকোঽথ দুর্দিহঃ || ১. ১৩. ৯৫||
শ্রুতির্গৃণানোঽথ বৃহচ্ছুক্রা দ্বাদশ কীর্ত্তিতাঃ |
আসন্স্বায়ংভুবস্যৈতে চান্তরে সোমপায়িনঃ || ১. ১৩. ৯৬||
দীপ্তিমন্তো গণা হ্যেতে বীর্যবন্তো মহাবলাঃ |
তেষামিন্দ্রস্তদ্দা হ্যাসীৎপ্রথমে বিশ্বভুক্ত প্রভুঃ || ১. ১৩. ৯৭||
অসুরা যে তদা তেষামাসন্ দায়াদবান্ধবাঃ |
সুপর্ণয়ক্ষগন্ধর্বাঃ পিশাচোরগরাক্ষসাঃ || ১. ১৩. ৯৮||
অষ্টৌ তাঃ পিতৃভিঃ সার্দ্ধমাসন্যা দেবয়োনয়ঃ |
স্বায়ংভুবেন্তরেঽতীতাঃ প্রজাস্তাসাং মহস্রশঃ || ১. ১৩. ৯৯||
প্রভাবরূপসংপন্না আয়ুষা চ বলেন চ |
বিস্তরাদিহ নোচ্যন্তে মাপ্রসংগো ভবেদিহ || ১. ১৩. ১০০||
স্বায়ংভুবো বিসর্গস্তু বিজ্ঞেয়ঃ সাংপ্রতেন হ |
অতীতো বর্তমানেন দৃষ্টো বৈবস্বতে ন সঃ || ১. ১৩. ১০১||
প্রজাভির্দেবাতাভিশ্চ ঋষিভিঃ পিতৃভিঃ সহ |
তেষাং সর্পর্ষয়ঃ পূর্বমাসন্যে তান্নিবোধত || ১. ১৩. ১০২||
ভৃগ্বং গিরা মরীচিশ্চ পুলস্ত্যঃ পুলহঃ ক্রতুঃ |
অত্রিশ্চৈব বসিষ্ঠস্চ সপ্ত স্বায়ংভুবেঽতরে || ১. ১৩. ১০৩||
আগ্নীধ্রশ্চাগ্নিবাহুশ্চ মোধা মেধাতিথির্ বসুঃ |
জ্যোতিষ্মান্ দ্যুতিমান্হব্যঃ সবনঃ সত্ত্র এব চ || ১. ১৩. ১০৪||
মনোঃ স্বায়ংভুবস্যৈতে দশ পুত্রা মহৌজসঃ |
বায়ুবেগা মহাসত্ত্বা রাজানঃ প্রথমেংঽতরে || ১. ১৩. ১০৫||
সাসুরং তৎসুগন্ধর্বং সয়ক্ষোরগরাক্ষসম্ |
সপিশাচমনুষ্যঞ্চ সসুপর্ণাপ্সরোগণম্ || ১. ১৩. ১০৬||
নশক্যমানু পূর্ব্যেণ বক্তুং বর্ষশতৈরপি |
বহুৎবান্নামধেয়ানাং সংখ্যা তেষাং কুতঃ কুলে || ১. ১৩. ১০৭||
যা বৈ প্রজা যুগাখ্যাস্তু আসন্স্বায়ংভুবেংঽতরে |
কালেন মহতাতীতা অয়নাব্দয়ুগক্রমৈঃ || ১. ১৩. ১০৮||
ঋষয় ঊচুঃ
ক এষ ভগবান্ কালঃ সর্বভূতাপহারকঃ |
কস্য যোনিঃ কিমাদিশ্চ কিং সতত্ত্বঃ কিমাত্মকঃ || ১. ১৩. ১০৯||
কিমস্য চক্ষুঃ কা মূর্তিঃ কে বা অবয়বাঃ স্মৃতাঃ |
কিং নামধেয়ং কোঽস্যাত্মা এপ্তত্ত্বং ব্রূহি তত্ত্বতঃ || ১. ১৩. ১১০||
সূত উবাচ
শ্রূয়তা কালসদ্ভাবঃ শ্রুৎবা চৈবাবধার্যতাম্ |
সূর্যয়োনির্নিমেষাদিঃ সংখ্যাচক্ষুঃ স উচ্যতে || ১. ১৩. ১১১||
মূর্তিরস্য ৎবহো রাত্রো নিমেষাবয়বশ্চ সঃ |
সংবৎসরঃ সতত্ত্বশ্চ নাম চাস্য কলাত্মকঃ || ১. ১৩. ১১২||
সাম্প্রতানাগতাতীতকালাত্মা স প্রজাপতিঃ |
পঞ্চধা প্রবিভক্তাং তু কালাবস্থাং নিবোধত || ১. ১৩. ১১৩||
দিবসার্দ্ধমাসমাসৈশ্চ ঋতুভিস্ত্বয়নৈস্তথা |
সংবৎসরস্তু প্রথমো দ্বিতীয়ঃ পরিবৎসরঃ || ১. ১৩. ১১৪||
ইড্রবৎসরস্তৃতীয়শ্চ চতুর্থশ্চানুবৎসরঃ |
পঞ্চমো বৎসরস্তেষাং কালঃস যুগসজ্ঞিতঃ || ১. ১৩. ১১৫||
তেষাং তত্ত্বং প্রবক্ষ্যামি কীর্ত্যমানং নিবোধত |
ক্রতুরগ্নিস্তু যঃ প্রোক্তঃ স তু সংবৎসরো মতঃ || ১. ১৩. ১১৬||
আদিতেয়স্ত্বসৌ সূর্যঃ কালাগ্নিঃ পরিবৎসরঃ |
শুক্লকৃষ্ণগতিশ্চাপি অপাং সারময়ঃ খগঃ || ১. ১৩. ১১৭||
স ইডাবৎসরঃ সোমঃ পুরাণে নিশ্চয়ং গতঃ |
যশ্চায়ং পবতে লোকাংস্তনুভিঃ সপ্তসপ্তভিঃ || ১. ১৩. ১১৮||
অনুবাতা চ লোকস্য স বায়ুরনুবৎসরঃ |
অহঙ্কারাদুদগ্রুদ্রঃ সংভূতো ব্রহ্মণাস্তু যঃ || ১. ১৩. ১১৯||
স রুদ্রো বৎসর স্তেষাং বিজ্ঞেয়ো নীললোহিতঃ |
সতত্ত্বং তস্য বক্ষ্যমি কীর্ত্যমানং নিবোধত || ১. ১৩. ১২০||
অঙ্গপ্রত্যঙ্গসংযোগাৎকালাত্মা প্রতিতামহঃ |
ঋক্সাময়জুষাং যোনিঃ পঞ্চানাং পতিরীশ্বরঃ || ১. ১৩. ১২১||
সোঽগ্নির্যমশ্চ কালশ্চ সংভূতিঃ স প্রজাপতিঃ |
প্রোক্তঃ সংবৎসরশ্চেতি সূর্য চোনির্মনীষিভিঃ || ১. ১৩. ১২২||
যস্মাৎকালবিভাগানাং মাসর্ত্বয়নয়োরপি |
গ্রহনক্ষত্রশীতোষ্ণবর্ষায়ুঃ কর্মণাং তথা || ১. ১৩. ১২৩||
যোনিঃ স প্রবিভাগানাং দিবসানাং চ ভাস্করঃ |
বৈকারিকঃ প্রসন্নাত্মা ব্রহ্মপুত্রঃ প্রজাপতিঃ || ১. ১৩. ১২৪||
একো নৈকোঽথ দিবসো মাসোঽথর্তুঃ পিতামহঃ |
আদিত্যঃ সবিতা ভানুর্জীবনো ব্রহ্মসৎকৃতঃ || ১. ১৩. ১২৫||
প্রভবশ্চাব্যয়শ্চৈব ভূতানাং তেন ভাস্করঃ |
তারাভিমানী বিজ্ঞেয়ো দ্বিতীয়ঃ পরিবৎসরঃ || ১. ১৩. ১২৬||
সোমঃ সর্বৌংষধিপতির্যস্মাৎস প্রপিতামহঃ |
আজীবঃ সর্বভূতানাং যোগক্ষেমকৃদীশ্বরঃ || ১. ১৩. ১২৭||
আবেক্ষমাণঃ সততং বিভর্তি জগদংশুভিঃ |
তিথীনাং পর্বসংধীনাং পূর্ণিমাদর্শয়োরপি || ১. ১৩. ১২৮||
যোনির্নিশাকরো যশ্চ অমৃতাত্মা প্রজাপতিঃ |
তস্মাৎস পিতৃমান্সোমঃ স্মৃত ইঙ্বৎসরাত্মকঃ || ১. ১৩. ১২৯||
প্রাণাপানসমানাদ্যৈর্ব্যানোদানাত্মকৈরপি |
কর্মভিঃ প্রাণিনাং লোকে সর্বচেষ্টাপ্রবর্তকঃ || ১. ১৩. ১৩০||
পঞ্চানাং চেন্দ্রিয়মনোর্বুদ্ধিস্মৃতিবলাত্মনাম্ |
সমানকালকরণক্রিয়াঃ সংপাদয়ন্নপি || ১. ১৩. ১৩১||
সর্বাত্মা সর্বলোকেশ আবহপ্রবহাদিভিঃ |
বর্ত্ততে চোপকারৈর্যস্তনুভিঃ সপ্তসপ্তভিঃ || ১. ১৩. ১৩২||
বিধাতা সর্বভূতানাঙ্ক্ষেমী নিত্যং প্রভঞ্জনঃ |
যোনিরগ্নেরপাং ভূমে রবেশ্চন্দ্রমসশ্চয়ঃ || ১. ১৩. ১৩৩||
বায়ুঃ প্রজাপতির্ভূতো লোকাত্মা প্রপিতামহঃ |
অহোরাত্রকরস্তস্মাৎস বায়ুরনুবৎসরঃ || ১. ১৩. ১৩৪||
এতে প্রজানাং পতয়শ্চৎবার উপপক্ষজাঃ |
পিতরঃ সর্বলোকানাং লোকাত্মানঃ প্রকীর্ত্তিতাঃ || ১. ১৩. ১৩৫||
ধ্যায়তো ব্রহ্মাণো বক্ত্রাদুদন্সমভবদ্ভবঃ |
ঋষির্বিপ্রা মহাদেবো ভূতাত্মা প্রপিতামহঃ || ১. ১৩. ১৩৬||
ঈশ্বরঃ সর্বভূতানাং প্রণবো যোঽথপঠ্যতে |
আত্মাবেশেন ভূতানামঙ্গপ্রত্যঙ্গসংভবঃ || ১. ১৩. ১৩৭||
উন্মাদকোঽনুগ্রহকৃদ্রুদ্রো বৎসর উচ্যতে |
সূর্য্যশ্চ চন্দ্রমাশ্চাগ্নির্বায়ূ রুদ্রস্তথৈব চ || ১. ১৩. ১৩৮||
যুগাভিমানী কালাত্মা নিত্যং সংক্ষয়কৃদ্বিভুঃ |
রুদ্রঃ প্রবিষ্টো ভগবাঞ্জগত্যস্মিন্স্বতেজসা || ১. ১৩. ১৩৯||
আশ্রয়ান্ময়ি সংযোগাত্তনুভির্নামমিস্তথা |
ততস্তস্য তু বীর্যেণ লোকানুগ্রহকারকম্ || ১. ১৩. ১৪০||
দেবৎবং চ পিতৃৎবং চ কালৎবং চাস্য যৎপরম্ |
তস্মাদ্বৈ সর্বথা রুদ্রস্তদ্বিদ্বদ্ভিরভীজ্যতে || ১. ১৩. ১৪১||
যতঃ পতিঃ স ভগবান্ প্রজেশানাং প্রজাপতিঃ |
ভাবনঃ সর্বভূতানাং সর্বাত্মা নীললোহিতঃ || ১. ১৩. ১৪২||
ঔষধীঃ প্রতিসংধত্তে রুদ্রঃ ক্ষীণাঃ পুনঃপুনঃ |
প্রজাপতিমুখৈর্দেবৈঃ সম্যগিষ্টফলার্থিভিঃ || ১. ১৩. ১৪৩||
ত্রিভিরেব কপালৈশ্চ ত্রয়ংবকৈরৌষধিক্ষয়ে |
ইজ্যতে ভগবান্ যস্মাত্তস্মার্ত্র্যংবক উচ্যতে || ১. ১৩. ১৪৪||
গায়ত্রী চৈব ত্রিষ্টুপ্চ জগতী চৈব যাঃ স্মৃতাঃ |
ত্র্যংবকা নামতঃ প্রেম্ণা যোনয়স্তা বনস্পতেঃ || ১. ১৩. ১৪৫||
তাভিরেকৎবভূতাভিস্ত্রিবিধাভিঃ স্ববীর্যতঃ |
ত্রিসাধনঃ পুরোডাশস্ত্রিকপালঃ স বৈ স্মৃতঃ || ১. ১৩. ১৪৬||
ত্র্যংবকঃ স পুরোডাশস্তেনৈষ ত্র্যংবকঃ স্মৃতঃ |
ইত্যেতৎপঞ্চবর্ষং হি যুগং প্রোক্তং মনীষিভিঃ || ১. ১৩. ১৪৭||
যশ্চৈষ পঞ্চধাত্মা বৈ প্রোক্তঃ সংবৎসরো দ্বিজৈঃ |
সৈকঃ ষট্কো বিজজ্ঞেঽথ মধ্বাদিঋতুসংজ্ঞকঃ || ১. ১৩. ১৪৮||
ঋতুপুত্রার্ত্তবাঃ পঞ্চ ইতি সর্গঃ সমাসতঃ |
ইত্যেষ বহুমানো বৈ প্রাণিনা জীবিতানি চ |
নদীবেগ ইবাসক্তঃ কালো ধাবতি সংহরন্ || ১. ১৩. ১৪৯||
এতেষাং যদপত্যং বৈ তদশক্যং প্রমাণতঃ |
বহুৎবাৎপরিসংখ্যাতুং পুত্র পৌত্রমনন্তকম্ || ১. ১৩. ১৫০||
ইমং বংশং প্রজেশানাং মহতঃ পুণ্যকর্মণাম্ |
কীর্ত্তয়ন্পুণ্যকীর্ত্তীনাং মহতীং সিদ্ধিমাপ্নুয়াৎ || ১. ১৩. ১৫১||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে কালসদ্ভাববর্ণনং নাম ত্রয়োদশোংঽধ্যায়
সুত উবাচ
অথান্তরেষু সর্বেষু অতীতানাগতেষ্বিহ |
তুল্যাভিমানিনঃ সর্বে জায়ন্তে নামরূপতঃ || ১. ১৪. ১||
দেবাশ্চাষ্টবিধা যে চ তস্মিন্মম্বন্তরেঽধিপাঃ |
ঋষয়ো মনবশ্চৈব সর্বে তুল্যপ্রয়োজনাঃ || ১. ১৪. ২||
মহর্ষিসর্গঃ সংক্রান্তো বংশং স্বায়ংভুবস্য তু |
বিস্তরেণানুপূর্ব্যা চ কীর্ত্য মানং নিবোধত || ১. ১৪. ৩||
মনোঃ স্বায়ংভূবস্যাসন্ দশ পৌত্রাস্তু তৎসমাঃ |
যৈরিয়ং পৃথিবী সর্বা সপ্তদ্বীপা সপত্তনা || ১. ১৪. ৪||
সসমুদ্রা করবতী প্রতিবর্ষং নিবেশিতা |
স্বায়ংভুবেংঽতরে পূর্বমাদ্যে ত্রেতায়ুগে তথা || ১. ১৪. ৫||
প্রিয়ব্রতস্য পুত্রৈস্তৈঃ পৌত্রৈঃ স্বায়ংভুবস্য তু |
প্রজা সত্ত্বতপোয়ুক্তৈস্তৈরিয়ং বিনিবেশিতা || ১. ১৪. ৬||
প্রিয়ব্রতাৎপ্রজোপেতান্ বীরান্কাম্যান্ব্যজায়ত |
কন্যা সা তু মহাভাগ কর্দমস্য প্রজা পতেঃ || ১. ১৪. ৭||
কন্যে দ্বে দশ পুত্রাশ্চ সম্রাট্ কুক্ষিশ্চ তে শুভে |
তয়োর্বৈ ভ্রাতরঃ শূরাঃ প্রজাপতিসমা দশ || ১. ১৪. ৮||
আগ্নীধ্রশ্চাগ্নিবা হুশ্চ মেধা মেধাতিথির্বসুঃ |
জ্যোতিষ্মান্ দ্যুতিমান্হব্যঃ সবনঃ সভ্র এব চ || ১. ১৪. ৯||
প্রিয়ব্রতোঽভ্যষিঞ্চত্তান্সপ্তসপ্তসু পার্থিবান্ |
দ্বীপেষু তেষু ধর্মেণ দ্বীপান্তাশ্চ নিবোধত || ১. ১৪. ১০||
জংবূদ্বীপেশ্বরং চক্রে আগ্নীধ্রং সুমহাবলম্ |
প্লক্ষদ্বীপেশ্বরশ্চাপি তেন মেধাতিথিঃ কৃতঃ || ১. ১৪. ১১||
শাল্মলে তু বপুষ্মন্তং রাজানং সোঽভিষিক্তবান্ |
জ্যোতিষ্মন্তং কুশদ্বীপে রাজানং কৃতবান্প্রভুঃ || ১. ১৪. ১২||
দ্যুতিমন্তং চ রাজানং ক্রৈঞ্চদ্বীপেঽভ্যষেচয়ৎ |
শাকদ্বীপেশ্বরং চাপি হব্যং চক্রে প্রিয়ব্রতঃ || ১. ১৪. ১৩||
পুষ্করাধিপতিং চৈব সবনং কৃতবান্প্রভুঃ |
পুষ্করে সবনস্যাথ মহাবীতঃ সুতোঽভবৎ || ১. ১৪. ১৪||
ধাতকিশ্চাপি দ্বাবেতৌ পুত্রৌ পুত্রবতা বরৌ |
মহাবীতং স্মৃতং বর্ষং তস্য নাম্না মহাত্মনঃ || ১. ১৪. ১৫||
নাম্না চ ধাতকেশ্চাপি ধাতকীখণ্ড উচ্যতে |
হব্যো ব্যজনয়ৎপুত্রাঞ্ শাকদ্বীপেশ্বরাঞ্ প্রভুঃ || ১. ১৪. ১৬||
জলদং চ কুমারং চ সুকুমারং মণীবকম্ |
কুসুমোত্তরমোদাকৌ সপ্তমং চ মহাদ্রুগম্ || ১. ১৪. ১৭||
জলদং জলদস্যাথ প্রথমং বর্ষমুচ্যতে |
কুমারস্য তু কৌমারং দ্বিতীয়ং পরিকীর্তিতম্ || ১. ১৪. ১৮||
সুকুমারং তৃতীয়ং তু সুকুমারস্য তৎস্সতম্ |
মণীবস্য চতুর্থং তু মণীবকমিহোচ্যতে || ১. ১৪. ১৯||
কুসুমোত্তরবর্ষং যৎপঞ্চমং কুসুমোত্তরম্ |
মোদকস্যাপি মোদাকং ষষ্ঠং বর্ষং প্রকীর্ত্তিতম্ || ১. ১৪. ২০||
মহাদ্রুমস্য নাম্না চ সপ্তমং তন্মহাদ্রুমম্ |
তেষাং তু নামভিস্তানি সপ্ত বর্ষাণি তত্র বৈ || ১. ১৪. ২১||
ক্রৈঞ্চদ্বীপেশ্বরস্যাপি পুত্রো দ্যুতিমতস্তু বৈ |
কুশলো মনোনুগস্ছোষ্ণঃ পাবনশ্চান্ধকারকঃ || ১. ১৪. ২২||
মুনিশ্চ দুন্দুভিশ্চৈব সুতা দ্যুতিমতস্তু বৈ |
তেষাং স্বনামভির্দেশাঃ ক্রৈঞ্চদ্বীপাশ্রয়াঃ শুভাঃ || ১. ১৪. ২৩||
কুশলস্য তু দেশোঽভূত কৌশলো নাম বিশ্রুতঃ |
দেশো মনোনুগস্যাপি মানোনুগে ইতে স্মৃতঃ || ১. ১৪. ২৪||
উষ্ণস্যোষ্ণঃ স্মৃতো দেশঃ পাবনস্যাপি পাবনঃ |
অন্ধকারস্য দেশস্তু আন্ধকারঃ প্রকীর্ত্তিতঃ || ১. ১৪. ২৫||
মুনেশ্চ মৌনিদেশো বৈ দুন্দুভের্দুন্দুভিঃ স্মৃতঃ |
এতে জনপদাঃ সপ্ত ক্রৈঞ্চদ্বীপে তু ভাস্বরাঃ || ১. ১৪. ২৬||
জ্যোতিষ্মতঃ কুশদ্বীপে সপ্তৈবাসন্মহৌজসঃ |
উদ্ভিজ্জো বেণুমাংশ্চৈব বৈরথো লবণো ধৃতিঃ || ১. ১৪. ২৭||
ষষ্ঠঃ প্রভাকরশ্চা পি সপ্তমঃ কপিলঃ স্মৃতঃ |
উদ্ভিজ্জং প্রথমং বর্ষং দ্বিতীয়ং বেণুমণ্ডলম্ || ১. ১৪. ২৮||
তৃতীয়ং বৈ রথাকারং চতুর্থং লবণং স্মৃতম্ |
পঞ্চমং ধৃতিমদ্বর্ষং ষষ্ঠং বর্ষং প্রভাকরম্ || ১. ১৪. ২৯||
সপ্তমং কপিলং নাম কপিলস্য প্রকীর্ত্তিতম্ |
তেষাং দেশাঃ কশদ্বীপে তৎসনামান এব চ || ১. ১৪. ৩০||
আশ্রমাচারয়ুক্তাভিঃ প্রজাভিঃ সমলঙ্কৃতাঃ |
শাল্মলস্যেশ্বরাঃ সপ্ত সুতাস্তে চ বপুষ্মতঃ || ১. ১৪. ৩১||
শ্বেতশ্চ হরিতশ্চৈব জীমূতো রোহিতস্তথা |
বৈদ্যুতো মানসশ্চাপি সুপ্রভঃ সপ্তমস্তথা || ১. ১৪. ৩২||
শ্বেতস্তু দেশঃ শ্বেতস্য হরিতস্য সুহারিতঃ |
জীমূতস্যাপি জীমূতো রোহিতস্যাপি রোহিতঃ || ১. ১৪. ৩৩||
বৈদ্যুতো বৈদ্যুতস্যাপি মানসস্য তু মানসঃ |
সুপ্রভঃ সুপ্রভস্যাপি সপ্তৈতে দেশপালকাঃ || ১. ১৪. ৩৪||
প্লক্ষ দ্বীপং প্রবক্ষ্যামি জংবূদ্বীপাদনন্তরম্ |
সপ্ত মেধাতিথে পুত্রাঃ প্লক্ষদ্বীপেশ্বরা নৃপাঃ || ১. ১৪. ৩৫||
জ্যেষ্ঠঃ শান্তভয়ো নাম দ্বিতীয়ঃ শিশিরঃ স্মৃতঃ |
সুখোদয়স্তৃতীয়স্তু চতুর্থো নন্দ উচ্যতে || ১. ১৪. ৩৬||
শিবস্তু পেচমস্তেষাং ক্ষেমকঃ ষষ্ঠ উচ্যতে |
ধ্রুবস্তু সপ্তমো জ্ঞেয়ঃ পুত্রা মেধাতিথেঃ স্মৃতাঃ || ১. ১৪. ৩৭||
সপ্তানাং নামভিস্তেষাং তানি বর্ষাণি সপ্ত বৈ |
তস্মাচ্ছান্তভয়ং চৈব শিশিরং চ সুখোদয়ম্ || ১. ১৪. ৩৮||
আনন্দং চ শিবং চৈব ক্ষেমকং চ ধ্রুবং তথা |
তানি তেষাং সমানানি সপ্ত বর্ষাণি ভাগশঃ || ১. ১৪. ৩৯||
নিবেশিতানি তৈস্তানি পূর্বং স্বায়ংভূবেন্তরে |
মেধা তিথেস্তু পুত্রৈস্তৈঃ প্লক্ষদ্বীপেশ্বরৈর্নৃবৈঃ || ১. ১৪. ৪০||
বর্ণাশ্রমাচারয়ুক্তাঃ প্লক্ষদ্বীপে প্রজাঃ কৃতাঃ |
প্লক্ষদ্বীপাদিষু ৎবেষু শাকদ্বীপান্তিকেষু বৈ || ১. ১৪. ৪১||
জ্ঞেয়ঃ পঞ্চসু ধর্মো বৈ বর্ণাশ্রমবিভাজকঃ |
সুখমায়ুশ্চ রূপং চ বলং ধর্মশ্চ নিত্যশঃ || ১. ১৪. ৪২||
পঞ্চস্বেতেষু দ্বীপেষু সর্বসাধা রণং স্মৃতম্ |
প্রক্ষদ্বীপঃ পরিষ্ক্রান্তো জংবূদ্বীপং নিবোধত || ১. ১৪. ৪৩||
আগ্নীধ্রং জ্যেষ্ঠদায়াদং কাম্যাপুত্রং মহাবলম্ |
প্রিয়ব্রতোঽভ্য ষিঞ্চত্তং জংবূদ্বীপেশ্বরং নৃপম্ || ১. ১৪. ৪৪||
তস্য পুত্রা বভূবুর্হি প্রজাপতিসমা নব |
জ্যেষ্ঠো নাভিরিতি খ্যাতস্তস্য কিংপুরুষোঽনুজঃ || ১. ১৪. ৪৫||
হরিবর্ষস্তৃতীয়স্তু চতুর্থোঽভূদিলাবৃতঃ |
রম্যস্তু পঞ্চমঃ পুত্রো হিরণ্বান্ ষষ্ঠ উচ্যতে || ১. ১৪. ৪৬||
কুরুস্তু সপ্তমস্তেষাং ভদ্রাশ্বশ্চাষ্টমঃ স্মৃতঃ |
নবমঃ কেতুমালশ্চ তেষাং দেশান্নিবোধত || ১. ১৪. ৪৭||
নাভেস্তু দক্ষিণং বর্ষং হিমাখ্যং তু পিতা দদৌ |
হেমকূটং তু যদ্বর্ষং দদৌ কিপুরুষায় তৎ || ১. ১৪. ৪৮||
নৈষধং যৎস্মৃতং বর্ষং হরিবর্ষায় তং দদৌ |
মধ্যমং যৎসুমেরোস্তু দদৌ স তদিলাবৃতম্ || ১. ১৪. ৪৯||
নীলং তু যৎস্মৃতং বর্ষং রম্যায়ৈতপ্তিতা দদৌ |
শ্বেতং যদুত্তরং তস্মাৎপিত্রা দত্তং হিরণ্বতে || ১. ১৪. ৫০||
যদুত্তরে শৃঙ্গবতো বর্ষং তৎকুরবে দদৌ |
সাল্যবন্তং তথা বর্ষং ভদ্রাশ্বায় ন্যবেদয়ৎ || ১. ১৪. ৫১||
গন্ধমাদনবর্ষং তু কেতুমালে ন্যবেদয়ৎ |
ইত্যেতানি ময়োক্তানি নব বর্ষাণি ভাগশঃ || ১. ১৪. ৫২||
আগ্নী ধ্রস্তেষু বর্ষেষু পুত্রাংস্তানভ্যষেচয়ৎ |
যথাক্রমং স ধর্মাত্মা ততস্তু তপসি স্থিতঃ || ১. ১৪. ৫৩||
ইত্যেতৌঃ সপ্তভিঃ কৃৎস্না সপ্তদ্বীপা নিবে শিতাঃ |
প্রিয়ব্রতস্য পুত্রৈস্তৈঃ পৌতৈঃ স্বায়ংভুবস্য চ || ১. ১৪. ৫৪||
এবং বর্ষেষু সর্বেষু সন্নিবেশাঃ পুনঃ পুনঃ |
ক্রিয়ন্তে প্রলয়ে বৃত্তে সপ্ত সপ্তসু পার্থিবৈঃ || ১. ১৪. ৫৫||
এবং স্বভাবঃ কল্পানাং দ্বীপানাং চ নিবেশনে |
যানি কিংপুরুষাদ্যানি বর্ণাণ্যষ্টৌ শ্রুতানি তু || ১. ১৪. ৫৬||
তেষাং স্বভাবতঃ সিদ্ধিঃ সুখপ্রায়ময়ত্নতঃ |
বিপর্যয়ো ন তেষ্বস্তি জরামৃত্যুভয়ং ন চ || ১. ১৪. ৫৭||
ধর্মাধর্মৌং ন তেষ্বাস্তা নোত্তমাধমমধ্যমাঃ |
ন তেষ্বস্তি যুগাবস্থা ক্ষেত্রেষ্বষ্টাসু সর্বশঃ || ১. ১৪. ৫৮||
নাভের্নিসর্গং বক্ষ্যামি হিমাহ্বেঽস্মিন্নিবোধত |
নাভিস্ত্বজ নয়ৎপুত্রং মেরুদেব্যাং মহাদ্যুতিম্ || ১. ১৪. ৫৯||
ঋষভং পার্থিবশ্রেষ্ঠং সর্বক্ষত্রস্য পূর্বজম্ |
ঋষভাদ্ভরতো জজ্ঞে বীরঃ পুত্রশতাগ্রজঃ || ১. ১৪. ৬০||
সোভিষিচ্যর্ষভঃ পুত্রং মহাপ্রব্রজ্যয়া স্থিতঃ |
হিমাহ্বং দক্ষিণং বর্ষং ভরতায় ন্যবেদয়ৎ || ১. ১৪. ৬১||
তস্মাত্তু ভারতং বর্ষং তস্য নাম্না বিদুর্বুধাঃ |
ভরতস্যাত্মজো বিদ্বান্সুমতির্নাম ধার্মিকঃ || ১. ১৪. ৬২||
বভূব তস্মিন্ রাজ্যে তংভরতস্ত্বভ্যষেচয়ৎ |
পুত্রসংক্রামিতশ্রীস্তু বনং রাজা বিবেশ সঃ || ১. ১৪. ৬৩||
তেজসস্তৎসুতশ্চাপি প্রজাপতিরমিত্রজিৎ |
তেজসস্যাত্মজো বিদ্বানিন্দ্রদ্যুম্ন ইতি স্মৃতঃ || ১. ১৪. ৬৪||
পরমেষ্ঠী সুতশ্চাপি নিধনে তস্য চাপ্যভূৎ |
প্রতীহারঃ কুলং তস্য নাম্না জজ্ঞে তদন্বয়ঃ || ১. ১৪. ৬৫||
প্রতিহর্তেতি বিখ্যাতো জজ্ঞে তস্যাপি ধীমতঃ |
উন্নেতা প্রতিহর্তুস্তু ভূমা তস্য সুতঃ স্মৃতঃ || ১. ১৪. ৬৬||
উদ্গীথস্তস্য পুত্রোঽভূতপ্রস্তাবিশ্চাপি তৎসুতঃ |
প্রস্তাবেস্তু বিভুঃ পুত্রঃ পৃথুস্তস্য সুতোঽভবৎ || ১. ১৪. ৬৭||
পৃথোশ্চাপি সুতো নক্তো নক্তস্যাপি গয়ঃ সুতঃ |
গয়স্যাপি নরঃ পুত্রো নরস্যাপি সুতো বিরাট্ || ১. ১৪. ৬৮||
বিরাট্সুতো মহাবীর্যো ধীমাংস্তস্য সুতোঽভবৎ |
ধীমতশ্চ মহান্পুত্রো মহতশ্চাপি ভৌবনঃ || ১. ১৪. ৬৯||
ভৌবনস্য সতস্ত্বষ্টা বিরজাস্তস্য চাত্মজঃ |
রজা বিরজসঃ পুত্রঃ শতজিদ্রজসস্তথা || ১. ১৪. ৭০||
তস্য পুত্রশতং ৎবাসীদ্রাজানঃ সর্ব এব তু |
বিশ্বজ্যোতিষ্প্রধানাস্তে যৈরিমা বর্দ্ধিতাঃ প্রজাঃ || ১. ১৪. ৭১||
তৈরিদং ভারতং বর্ষং সপ্তদ্বীপমিহাঙ্কিতম্ |
তেষাং বংশপ্রসূতৈস্তু ভুক্তেয়ং ভারতী পুরা || ১. ১৪. ৭২||
কৃতত্রেতাদিয়ুক্তাস্তু যুগাখ্যা হ্যেকসপ্ততিঃ |
যেঽতীতাস্তৈর্যুগৈঃ সার্ধং রাজানস্তে তদন্বয়াঃ || ১. ১৪. ৭৩||
স্বায়ংভুবেংঽতরে পূর্বং শতশোঽথ সহস্রশঃ |
এবং স্বায়ং ভুবঃ সর্গো যেনেদং পূরিতং জগৎ || ১. ১৪. ৭৪||
ঋষিভির্দৈবতৈশ্চাপি পির্তৃগন্ধবরাক্ষসৈঃ |
যক্ষভূতপিশাচৈশ্চ মনুষ্যমৃগপক্ষিভিঃ |
তেষাং সৃষ্টিরিয়ং প্রোক্তা যুগৈঃ সহ বিবর্ত্ততে || ১. ১৪. ৭৫||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে প্রিয়ব্রতবংশানুকীর্ত্তনং নাম চতুদশোঽধ্যায়ঃ
সূত উবাচ
এবং প্রজাসন্নিবেশং শ্রুৎবা বৈ শাংশপায়নিঃ |
পপ্রচ্ছ নিয়তং সূতং পৃথিব্যুদ ধিবিস্তরম্ || ১. ১৫. ১||
কতি দ্বীপা সমুদ্রা বা পবতা বা কতি স্মৃতাঃ |
কিয়ন্তি চৈব বর্ষাণি তেষু নদ্যশ্চ কাঃ স্মৃতাঃ || ১. ১৫. ২||
মহা ভূতপ্রমাণং চ লোকালোকং তথৈব চ |
পর্যায়ং পরিমাণং চ গতিং চন্দ্রার্কয়োস্তথা |
এতৎপ্রবূহি নঃ সর্বং বিস্তরেণ যথার্থতঃ || ১. ১৫. ৩||
সূত উবাচ
হন্ত বোঽহং প্রবক্ষ্যামি পৃথিব্যায়ামবিস্তরম্ || ১. ১৫. ৪||
সংখ্যাং চৈব সমুদ্রাণাং দ্বীপানাং চৈব বিস্তরম্ |
দ্বীপভেদসহস্রাণি সপ্তস্বন্তর্গতানি চ || ১. ১৫. ৫||
ন শক্যন্তে ক্রমেণেহ বক্তুং যৈঃ সততং জগৎ |
সপ্ত দ্বীপান্প্রবক্ষ্যামি চন্দ্রাদিত্যগ্রহৈঃ সহ || ১. ১৫. ৬||
তেষাং মনুষ্যা স্তর্ক্কেণ প্রমাণানি প্রচক্ষতে |
অচিন্ত্যাঃ খলু যে ভাবা ন তাংস্তর্কেণ সাধয়েৎ || ১. ১৫. ৭||
প্রকৃতিভ্যঃ পরং যচ্চ তদচিন্ত্যং প্রচক্ষতে |
নববর্ষং প্রবক্ষ্যামি জংবূদ্বীপং যথাতথম্ || ১. ১৫. ৮||
বিস্তরান্মণ্ডলাচ্চৈব যোজনৈস্তন্নিবোধত |
শতমেকং সহস্রাণাং যোজনাগ্রাৎসমন্ততঃ || ১. ১৫. ৯||
নানাজনপদাকীর্ণঃ পুরৈশ্চ বিবিধৈশ্শুভৈঃ |
সিদ্ধচারণসংকীণঃ পর্বতৈরুপশোভিতঃ || ১. ১৫. ১০||
সর্বধাতুনিবদ্ধৈশ্চ শিলাজাল সমুদ্ভবৈঃ |
পর্বতপ্রভবাভিশ্চ নদীভিঃ সর্বতস্ততঃ || ১. ১৫. ১১||
জংবূদ্বীপঃ পৃথুঃ শ্রীমান্ সর্বতঃ পৃথুমণ্ডলঃ |
নবভিশ্চাবৃতঃ সর্বো ভুবনৈর্ভূতভাবনৈঃ || ১. ১৫. ১২||
লবণেন সমুদ্রেণ সর্বতঃ পরিবারিতঃ |
জংবূদ্বীপস্য বিস্তারাৎ সমেন তু সমন্ততঃ || ১. ১৫. ১৩||
প্রাগায়তাঃ সূপর্বাণঃ ষডিমে বর্ষপর্বতাঃ |
অবগাঢা হ্যুভয়তঃ মসুদ্রৌ পূর্বপশ্চিমৌ || ১. ১৫. ১৪||
হিমপ্রায়শ্চ হিমবান্ হেমকূটশ্চ হেমবান্ |
সর্বর্ত্তুষু সুখশ্চাপি নিষধঃ পর্বতো মহান্ || ১. ১৫. ১৫||
চতুর্বর্ণশ্চ সৌবর্ণো মেরুশ্চারুতমঃ স্মৃতঃ |
দ্বাত্রিংশচ্চ সহস্রাণি বিস্তীর্ণঃ স চ মূর্দ্ধনি || ১. ১৫. ১৬||
বৃত্তাকৃতিপ্রমাণশ্চ চতুরস্রঃ সমুচ্ছ্রিতঃ |
নানাবর্ণাস্তু পার্শ্বেষু প্রজাপতিগুণান্বিতঃ || ১. ১৫. ১৭||
নাভিবন্ধনসংভূতো ব্রহ্মণোঽব্যক্তজন্মনঃ |
পূর্বতরঃ শ্বেতবর্ণশ্চ ব্রাহ্মণস্তস্য তেন তৎ || ১. ১৫. ১৮||
পার্শ্বমুত্তরতস্তস্য রক্তবর্মঃ স্বভাবতঃ |
তেনাস্য ক্ষত্ত্রভাবস্তু মেরোর্নানার্থকারণাৎ || ১. ১৫. ১৯||
পীতশ্চ দক্ষিণেনাসৌ তেন বৈশ্যৎবমিষ্যতে |
ভৃঙ্গপত্রনিভশ্চাপি পশ্চিমেন সমাচিতঃ || ১. ১৫. ২০||
তেনাস্য শূদ্রভাবঃ স্যাদিতি বর্ণাঃ প্রকীর্ত্তিতাঃ |
বৃত্তঃ স্বভাবতঃ প্রোক্তো বর্ণতঃ পরিমাণতঃ || ১. ১৫. ২১||
নীলশ্চ বৈদুর্যময়ঃ শ্বেতঃ ঘুক্লো হিরণ্ময়ঃ |
ময়ুরবর্হবর্ণস্তু শাতকৈংভশ্চ শৃঙ্গবান্ || ১. ১৫. ২২||
এতে পর্বতরাজানঃ সিদ্ধচারণসেবিতাঃ |
তেষামন্তরবিষ্কংভো নবসাহস্র উচ্যতে || ১. ১৫. ২৩||
মধ্যে ৎবিলাবৃতং নাম মহামেরোঃ সমন্তমঃ |
নবৈবং তু সহস্রাণি বিস্তীর্ণং সর্বতস্তু তৎ || ১. ১৫. ২৪||
মধ্যে তস্য মহামেরুর্বিধূম ইব পাবকঃ |
বেদ্যর্দ্ধং দক্ষিণং মেরোরুত্তরার্দ্ধং তথোত্তরম্ || ১. ১৫. ২৫||
বর্ষাণি যানি ষট্ চৈব তেষাং যে বর্ষপর্বতাঃ |
দ্বে দ্বে সহস্রে বিস্তীর্ণা যোজনানাং সমুচ্ছ্রয়াৎ || ১. ১৫. ২৬||
জংবূদ্বীপস্য বিস্তারাত্তেষামায়াম উচ্যতে |
যোজনানাং সহস্রাণি শতং দ্বাবায়তৌ গিরী || ১. ১৫. ২৭||
নীলশ্চ নিষধশ্চৈব তাভ্যাং হীনাস্তু যে পরে |
শ্বেতশ্চ হেমকূটশ্চ হিমবাঞ্ছৃঙ্গবাংস্তথা || ১. ১৫. ২৮||
নবতী দ্বে অশীতী দ্বে সহস্রাণ্যায়তাস্তু তেঃ |
তেষাং মধ্যে জনপদাস্তানি বর্ণাণি সপ্ত বৈ || ১. ১৫. ২৯||
প্রপাতবিষমৈস্তৈস্তু পর্বতৈরাবৃতানি তু |
সংততানি নদীভেদৈরগম্যানি পরস্পরম্ || ১. ১৫. ৩০||
বসংতি তেষু সত্ত্বানি নানাজাতীনি সর্বশঃ |
ইদং হৈমবতং বর্ষং ভারতং নাম বিশ্রুতম্ || ১. ১৫. ৩১||
হেমকূটং পরং হ্যস্মা ন্নান্না কিংষুরুপং স্মৃতম্ |
নৈষধং হেমকূটাত্তু হরিবর্ষং তদুচ্যতে || ১. ১৫. ৩২||
হরিবর্ষাৎপরং চাপি মেরোশ্ব তদিলাবৃতম্ |
ইলাবৃতাৎপিরং নীলং সম্যকং নাম বিশ্রুতম্ || ১. ১৫. ৩৩||
রম্যকাৎপরতরঃ শ্বেতং বিশ্রুতং তদ্ধিরণ্ময়ম্ |
হিরণ্ময়াৎপরং চৈব শৃঙ্গবত্তঃ কুরু স্মৃতম্ || ১. ১৫. ৩৪||
ধনুঃসংস্থে তু বিজ্ঞেয়ে দ্বে বর্ষে দক্ষিণোত্তরে |
দীর্ঘাণি তত্র চৎবারি মধ্যমং তদিলাবৃতম্ || ১. ১৫. ৩৫||
অর্বাক্ চ নিষধস্যাথ বেদ্যর্দ্ধং দক্ষিণং স্মৃতম্ |
পরং নীলবতো যচ্চ বেদ্যর্দ্ধং তু তদুত্তরম্ || ১. ১৫. ৩৬||
বেদ্যর্দ্ধে দক্ষিণে ত্রীণি ত্রীণি বর্ষাণি চোত্তরে |
তয়োর্মধ্যে তু বিজ্ঞেয়ো মেরুর্মধ্য ইলাবৃতম্ || ১. ১৫. ৩৭||
দক্ষিণেন তু নীলস্য নিষধস্যোত্তরেম তু |
উদগায়েতো মহাশৈলো মাল্যবান্নাম নামতঃ || ১. ১৫. ৩৮||
যোজনানাং সহস্রং তু আনীল নিষধায়তঃ |
আয়ামতশ্চতুস্ত্রিংশৎসহস্রাণি প্রকীর্তিতঃ || ১. ১৫. ৩৯||
তস্য প্রতীচ্যাং বিজ্ঞেয়ঃ পর্বতো গন্ধমাদনঃ |
আয়ামতোঽথ বিস্তারান্মাল্যবা নিতিবিশ্রুতঃ || ১. ১৫. ৪০||
পরিমণ্ডলয়োর্মেরুর্মধ্যে কনকপর্বতঃ |
চতুর্বণঃ স সৌবর্ণঃ চতুরস্রঃ সমুচ্ছ্রিতঃ || ১. ১৫. ৪১||
সুমেরুঃ শুশুভেশুভ্রো রাজব ৎসমধিষ্ঠিতঃ |
তরুণাদিত্যবর্ণাভো বিধূম ইব পাবকঃ || ১. ১৫. ৪২||
যোজনানাং সহস্রাণি চতুরশীতরুচ্ছ্রিতঃ |
প্রবিষ্টঃ ষোডশাধস্তাদ্বিস্তৃতঃ ষোডশৈব তু || ১. ১৫. ৪৩||
শরাবসংস্থিতৎবাত্তু দ্বাত্রিংশন্মূর্ধ্নিবিস্তৃতঃ |
বিস্তারাত্রিগুণস্তস্য পরিণাহঃ সমন্ততঃ || ১. ১৫. ৪৪||
মণ্ডলেন প্রমাণেন ত্র্যস্রে মানং তদিষ্যতে |
চৎবারিংশৎসহস্রাণি যোজনানাং সমন্ততঃ || ১. ১৫. ৪৫||
অষ্টাভিরধিকানি স্যুস্ত্র্যস্রে মানং প্রকীর্ত্তিতম্ |
চতুরস্রেণ মানেন পরিণাহঃ সমন্ততঃ || ১. ১৫. ৪৬||
চতুঃ ষষ্টিসহস্রাণি যোজনানাং বিধীয়তে |
স পর্বতো মহাদিব্যো দিব্যৌষধিসমন্বিতঃ || ১. ১৫. ৪৭||
ভুবনৈরাবৃতঃ সর্বো জাতরূপময়ৈঃ শুভৈঃ |
তত্র দেবগণাঃ সর্বে গন্ধর্বোরগরাক্ষসাঃ || ১. ১৫. ৪৮||
শৈলরাজে প্রদৃশ্যন্তে শুভাশ্চাপ্সরসাং গণাঃ |
স তু মেরুঃ পরিবৃতো ভুবনৈর্ভূতভাবনৈঃ || ১. ১৫. ৪৯||
চৎবারো যস্য দেশা বৈ চতুঃপার্শ্বেষ্বধিষ্ঠিতাঃ |
ভদ্রাশ্বা ভরতাশ্বৈব কেতুমালাশ্চ পশ্চিমাঃ || ১. ১৫. ৫০||
উত্তরাঃ কুরবশ্চৈব কৃতপুণ্যপ্রতিশ্রয়াঃ |
গন্ধমাদনপর্শ্বে তু পরৈষাপরগণ্ডিকা || ১. ১৫. ৫১||
সর্বর্ত্তুরমণীয়া চ নিত্যং প্রমুদিতা শিবা |
দ্বাত্রিংশত্তু সহস্রাণি যোজনৈঃ পূর্বপশ্চিমাৎ || ১. ১৫. ৫২||
আয়ামতশ্চতুস্ত্রিংশৎসহস্রাণি প্রমাণতঃ |
তত্র তে শুভকর্মাণঃ কেতুমালাঃ প্রতিষ্ঠিতাঃ || ১. ১৫. ৫৩||
তত্র কালা নরাঃ সর্বে মহাসত্ত্বা মহাবলাঃ |
স্ত্রিয়শ্চোৎপল পত্রাভাঃ সর্বাস্তাঃ প্রিয়দর্শনাঃ || ১. ১৫. ৫৪||
তত্র দিব্যো মহাবৃক্ষঃ পনসঃ পড্রসাশ্রয়ঃ |
ঈশ্বরো ব্রহ্মণঃ পুত্রঃ কামচারী মনোজবঃ || ১. ১৫. ৫৫||
তস্য পীৎবা ফলরসং জীবন্তি চ সমায়ুতম্ |
পার্শ্বে মাল্যবতশ্চাপি পূর্বেঽপূর্বা তু গণ্ডিকা || ১. ১৫. ৫৬||
আয়ামাদথ বিস্তারাদ্যথৈষাপরগণ্ডিকা |
ভদ্রাশ্বাস্তত্র বিজ্ঞেয়া নিত্যং মুদিতমানসাঃ || ১. ১৫. ৫৭||
ভদ্রশালবনং চাত্র কালাম্রস্তু মহাদ্রুমঃ |
তত্র তে পুরুষাঃ স্বেতা মহোৎসাহা বলান্বিতাঃ || ১. ১৫. ৫৮||
স্ত্রিয়ঃ কুমুদবর্ণাভাঃ সুন্দর্যঃ প্রিয়দর্শনাঃ |
চন্দ্রপ্রভাশ্চন্দ্রবর্ণাঃ পূর্ণচন্দ্র নিভাননাঃ || ১. ১৫. ৫৯||
চন্দ্রশীতলগাত্র্যস্তাঃ স্ত্রিয় উৎপলগন্ধিকাঃ |
দশবর্ষসহস্রাণি তেষামায়ুরনাময়ম্ || ১. ১৫. ৬০||
কালাম্রস্য রসং পীৎবা সর্বে চ স্থিরয়ৌবনাঃ |
দক্ষিণেন তু শ্বেতস্য নীলস্যৈবোত্তরেণ চ || ১. ১৫. ৬১||
বর্ষং রমণকং নাম জায়ন্তে তত্র মানবাঃ |
রতিপ্রধানা বিমলা জরাদৌর্গন্ধ্যবর্জিতাঃ || ১. ১৫. ৬২||
শুক্লাভিজনসংপন্নাঃ সর্বে চ প্রিয়দর্শনাঃ |
তত্রাপি সুমহান্বৃক্ষো ন্যগ্রোধো রোহিতো মহান্ || ১. ১৫. ৬৩||
তস্যাপি তে ফলরসং পিবন্তো বর্ত্তয়ন্তি বৈ |
দশবর্ষসহস্রাণি শতানি দশ পঞ্চ চ || ১. ১৫. ৬৪||
জীবন্তি তে মহাভাগাঃ সদা ৎদৃষ্টা নরোত্তমাঃ |
দক্ষিণে বৈ শৃঙ্গবতঃ শ্বেতস্যাপ্যুত্তরেণ চ || ১. ১৫. ৬৫||
বর্ষং হৈরণ্বতং নাম যত্র হৈরণ্বতী নদী |
মহাবলাঃ সুতেজস্কা জায়ন্তে তত্র মানবাঃ || ১. ১৫. ৬৬||
যক্ষা বীরা মহাসত্ত্বা ধনিনঃ প্রিয়দর্শনাঃ |
একাদশসহস্রাণি বর্ষাণাং তে মহৌজসঃ || ১. ১৫. ৬৭||
আয়ুঃ প্রমাণং জীবন্তি শতানি দশ পঞ্চ চ |
যস্মিন্বর্ষে মহাবৃক্ষো লকুচঃ ষড্রসাশ্রয়ঃ || ১. ১৫. ৬৮||
তস্য পীৎবা ফলরসং তে জীবন্তি নিরাময়াঃ |
ত্রীণি শৃঙ্গবতঃ শৃঙ্গাণ্যুচ্ছ্রিতানি মহান্তি চ || ১. ১৫. ৬৯||
একং মণিময়ং তেষামেকং চৈব হিরণ্ময়ম্ |
সর্বরত্নময়ং চৈকং ভবনৈরুপশোভিতম্ || ১. ১৫. ৭০||
উত্তরে বৈ শৃঙ্গাবতঃ সমুদ্রস্য চ দক্ষিণে |
কুরবস্তত্র তদ্বর্ষং পুণ্যং সিদ্ধনিষেবিতম্ || ১. ১৫. ৭১||
তত্র বৃক্ষা মধু ফলা নিত্যপুষ্পফলোপগাঃ |
বস্ত্রাণি চ প্রসূয়ন্তে ফলেষ্বাভরণানি চ || ১. ১৫. ৭২||
সর্বকামপ্রদাস্তত্র কেচিদ্বক্ষা মনোরমাঃ |
গন্ধবর্ণরসো পেতং প্রক্ষরন্তি মধূত্তমম্ || ১. ১৫. ৭৩||
অপরে ক্ষীরিণো নাম বৃক্ষাস্তত্র মনোরমাঃ |
যে ক্ষরন্তি সদা ক্ষীরং ষড্রসং হ্যমৃতোপমম্ || ১. ১৫. ৭৪||
সর্বা মণিময়ী ভূমিঃ সূক্ষ্মকাঞ্চনবালুকা |
সর্বর্তুসুখসংপন্না ন্নিষ্পঙ্কা নীরজা শুভা || ১. ১৫. ৭৫||
দেবলোকচ্যুতাস্তত্র জায়ন্তে মানবাঃ শুভাঃ |
শুক্লাভিজনসংপন্নাঃ সর্বে চ স্থিরয়ৌবনাঃ || ১. ১৫. ৭৬||
মিথুনানি প্রসূয়ন্তে স্ত্রিয়শ্চাপ্সরসঃ সমাঃ |
তেষাং তে ক্ষীরিণাং ক্ষীরং পিবন্তি হ্যমৃতো পমম্ || ১. ১৫. ৭৭||
মিথুনং জায়তে সদ্যঃ সমং চৈব বিবর্দ্ধতে |
সমং শীলং চ রূপং চ প্রিয়তা চৈব তৎসমা || ১. ১৫. ৭৮||
অন্যোন্যমনুরক্তাশ্চ চক্রবাকসধর্মিণঃ |
অনাময়া হ্যশোকাশ্চ নিত্যং সুখনিষেবিণঃ || ১. ১৫. ৭৯||
ত্রয়োদশসহস্রাণি শতানি দশ পঞ্চ চ |
জীবন্তি তে মহাবীর্যা ন চান্যস্ত্রীনিষেবিণঃ || ১. ১৫. ৮০||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বীতীয়েঽনুষঙ্গপাদে পৃথিব্যায়ামবিস্তরো নাম পঞ্চদশোঽধ্যায়ঃ
সূত উবাচ
এবমেব নিসর্গো বৈ বর্ষাণাং ভারতে শুভে |
দৃষ্টঃ পরমতত্ত্বজ্ঞৈর্ভূয়ঃ কিং বর্ণয়ামি বঃ || ১. ১৬. ১||
ঋষিরুবাচ
যদিদং ভারতং বর্ষং যস্মিন্স্বায়ংভুবাদয়ঃ |
চতুর্দশৈতে মনবঃ প্রজাসর্গেঽভবন্পুনঃ || ১. ১৬. ২||
এতদ্বেদিতুমিচ্ছামস্তন্নো নিগদ সত্ত্মঃ |
এতচ্ছ্রুতবচস্তেষামব্রবীদ্রোমহর্ষণঃ || ১. ১৬. ৩||
অত্র বো বর্ণয়িষ্যামি বর্ষেঽস্মিন্ ভারতে প্রজাঃ |
ইদং তু মধ্যমং চিত্রং শুভাশুভফলোদয়ম্ || ১. ১৬. ৪||
উত্তরং যত্মমুদ্রস্য হিমবদ্দক্ষিণং চ যৎ |
বর্ষং তদ্ভারতং নাম যত্রেয়ং ভারতী প্রজা || ১. ১৬. ৫||
ভরণাচ্চ প্রজানাং বৈ মনুর্ভরত উচ্যতে |
নিরুক্তবচনাচ্চৈবং বর্ষং তদ্ভারতং স্মৃতম্ || ১. ১৬. ৬||
ইতঃ স্বর্গশ্চ মোক্ষশ্চ মধ্যশ্চান্তশ্চ গম্যতে |
ন খল্বন্যত্র মর্ত্যানাং ভূমৌ কর্ম বিধীয়তে || ১. ১৬. ৭||
ভারতস্যাস্য বর্ষস্য নব ভেদান্নিবোধত |
সমুদ্রাতরিতা জ্ঞেয়াস্তে ৎবগম্যাঃ পরস্পরম্ || ১. ১৬. ৮||
ইন্দ্রদ্বীপঃ কশেরূমাংস্তাম্রবর্ণো গভস্তিমান্ |
নাগদ্বীপস্তথা সৌম্যো গান্ধর্বস্ত্বথ বারুণঃ || ১. ১৬. ৯||
অয়ং তু নবমস্তেষাং দ্বীপঃ সাগরসংবৃতঃ |
যোজনানাং সহস্রে তু দ্বীপোঽযং দক্ষিণোত্তরাৎ || ১. ১৬. ১০||
আয়তো হ্যাকুমার্য্যা বৈ চাগঙ্গাপ্রভবাচ্চ বৈ |
তির্যগুত্তরবিস্তীর্মঃ সহস্রাণি নবৈব তু || ১. ১৬. ১১||
দ্বীপো হ্যুপনিবিষ্টোঽযং ম্লেচ্ছৈরন্তেষু সর্বশঃ |
পূর্বে কিরাতা হ্যস্যান্তে পশ্চিমে যবনাঃ স্মৃতাঃ || ১. ১৬. ১২||
ব্রাহ্মণাঃ ক্ষত্রিয়া বৈশ্যা মধ্যে শূদ্রাশ্চ ভাগশঃ |
ইজ্যায়ুধবণিজ্যাভির্বর্ত্তয়ন্তো ব্যবস্থিতাঃ || ১. ১৬. ১৩||
তেষাং সংব্যবহারোঽত্র বর্ত্ততে বৈ পরস্পরম্ |
ধর্মার্থকামসংযুক্তো বর্ণানাং তু স্বকর্মসু || ১. ১৬. ১৪||
সংকল্পঃ পঞ্চমানাং চ হ্যাশ্রমাণাং যথাবিধি |
ইহ স্বর্গাপবর্গার্থং প্রবৃত্তির্যেষু মানুষী || ১. ১৬. ১৫||
যস্ত্বয়ং নবমো দ্বীপস্তির্যগায়াম উচ্যতে |
কৃৎস্নং জয়তি যো হ্যেনং সম্রাডিত্যভিধীয়তে || ১. ১৬. ১৬||
অয়ং লোকস্তু বৈ সম্রাডন্তরিক্ষং বিরাট্ স্মৃতম্ |
স্বরাডসৌ স্মৃতো লৌকঃ পুনর্বক্ষ্যামি বিস্তরাৎ || ১. ১৬. ১৭||
সপ্তৈবাস্মিন্সুপর্বাণো বিশ্রুতাঃ কুল পর্বতাঃ |
মহেন্দ্রো মলয়ঃ সহ্যঃ শুক্তিমানৃক্ষপর্বতঃ || ১. ১৬. ১৮||
বিন্ধ্যশ্চ পারিয়াত্রশ্চ সপ্তৈতে কুলপর্বতাঃ |
তেষাং সহস্রশ্চান্যে পর্ব তাস্তু সমীপগাঃ || ১. ১৬. ১৯||
অবিজ্ঞাতাঃ সারবন্তো বিপুলাশ্চিত্রসানবঃ |
সংদরঃ পর্বতশ্রেষ্ঠো বৈহারো দুর্দুরস্তথা || ১. ১৬. ২০||
কোলাহলঃ সসুরসো মৈনাকো বৈদ্যুতস্তথা |
বাতন্ধমো নাগগিরিস্তথা পাণ্ডুরপর্বতঃ || ১. ১৬. ২১||
তুঙ্গপ্রস্থঃ কৃষ্ণগিরির্গোধনো গিরিরেব চ |
পুষ্পগির্যুজ্জয়ন্তৌ চ শৈলো রৈবতকস্তথা || ১. ১৬. ২২||
শ্রীপর্বতশ্চিত্রকূটঃ কূটশৈলো গিরিস্তথা |
অন্যে তেভ্যোঽপরিজ্ঞাতা হ্রস্বাঃ স্বলপোপজী বিনঃ || ১. ১৬. ২৩||
তৈর্বিমিশ্রা জনপদা আর্যা ম্লেচ্ছাশ্চ ভাগশঃ |
পীয়ন্তে যৈরিমা নদ্যো গঙ্গা সিংধু সরস্বতী || ১. ১৬. ২৪||
শতদ্রুশ্চন্দ্র ভাগা চ যমুনা সরয়ূস্তথা |
ইরাবতী বিতস্তা চ বিপাশা দেবিকা কুহূঃ || ১. ১৬. ২৫||
গোমতী ধূতপাপা চ বুদ্বুদা চ দৃষদ্বতী |
কৌশকী ত্রিদিবা চৈব নিষ্ঠীবী গেডকী তথা || ১. ১৬. ২৬||
চক্ষুর্লোহিত ইত্যেতা হিমবৎপাদনিস্সৃতাঃ |
বেদস্মৃতির্বেদবতী বৃত্রঘ্নী সিংধু রেব চ || ১. ১৬. ২৭||
বর্ণাশা নন্দনা চৈব সদানীরা মহানদী |
পাশা চর্মণ্বতীনূপা বিদিশা বেত্রবত্যপি || ১. ১৬. ২৮||
ক্ষিপ্রা হ্যবন্তি চ তথা পারিয়াত্রাশ্রয়াঃ স্মৃতাঃ |
শোণো মহানদশ্চৈব নর্ম্মদা সুরসা ক্রিয়া || ১. ১৬. ২৯||
মন্দাকিনী দশার্ণা চ চিত্রকূটা তথৈব চ |
তমসা পিপ্পলা শ্যেনা করমোদা পিশাচিকা || ১. ১৬. ৩০||
চিত্রোপলা বিশালা চ বঞ্জুলা বাস্তুবাহিনী |
সনেরুজা শুক্তিমতী মঙ্কুতী ত্রিদিবা ক্রতুঃ || ১. ১৬. ৩১||
ঋক্ষবৎসংপ্রসূতাস্তা নদ্যো মণিজলাঃ শিবাঃ |
তাপী পয়োষ্ণী নির্বিন্ধ্যা সৃপা চ নিষধা নদী || ১. ১৬. ৩২||
বেণী বৈতরণী চৈব ক্ষিপ্রা বালা কুমুদ্বতী |
তোয়া চৈব মহাগৌরী দুর্গা বান্নশিলা তথা || ১. ১৬. ৩৩||
বিন্ধ্যপাদপ্রসূতাস্তা নদ্যঃ পুণ্যজলাঃ শুভাঃ |
গোদাবরী ভীমরথী কৃষ্ণবেণাথ বঞ্জুলা || ১. ১৬. ৩৪||
তুঙ্গভদ্রা সুপ্রয়োগা বাহ্যা কাবের্যথাপি চ |
দক্ষিণপ্রবহা নদ্যঃ সহ্য পাদাদ্বিনিঃস্মৃতাঃ || ১. ১৬. ৩৫||
কৃতমালা তাম্রপর্ণী পুষ্পজাত্যুৎপলাবতী |
নদ্যোঽভিজাতা মলয়াৎসর্বাঃ শীতজলাঃ শুভাঃ || ১. ১৬. ৩৬||
ত্রিসামা ঋষিকুল্যা চ বঞ্জুলা ত্রিদিবাবলা |
লাঙ্গূলিনী বংশধরা মহেন্দ্রতনয়াঃ স্মৃতাঃ || ১. ১৬. ৩৭||
ঋষিকুল্যা কুমারী চ মন্দগা মন্দগামিনী |
কৃপা পলাশিনী চৈব শুক্তিমৎপ্রভবাঃ স্মৃতাঃ || ১. ১৬. ৩৮||
তাস্তু নদ্যঃ সরস্বত্যঃ সর্বা গঙ্গাঃ সমুদ্রগাঃ |
বিশ্বস্য মাতরঃ সর্বা জগৎপাপহরাঃ স্মৃতাঃ || ১. ১৬. ৩৯||
তাসাং নদ্যুপনদ্যোঽন্যাঃ শতশোঽথ সহস্রশঃ |
তাস্বিমে কুরুপাঞ্চালাঃ শাল্বা মাদ্রেয়জাঙ্গলাঃ || ১. ১৬. ৪০||
শূরসেনা ভদ্রকারা বোধাঃ সহপটচ্চরাঃ |
মৎস্যাঃ কুশল্যাঃ সৌশল্যাঃ কুন্তলাঃ কাশিকোশলাঃ || ১. ১৬. ৪১||
গোধা ভদ্রাঃ করিঙ্গাশ্চ মাগধাশ্চোৎকলৈঃ সহ |
মধ্যদেশ্যা জনপদাঃ প্রায়শস্ত্ত্র কীর্ত্তিতাঃ || ১. ১৬. ৪২||
সহ্যস্য চৌত্তরান্তেষু যত্র গোদাবরী নদী |
পৃথিব্যামপি কৃৎস্নায়াং স প্রদেশো মনোরমঃ || ১. ১৬. ৪৩||
তত্র গোবর্ধনং নাম পুরং রামেণ নির্মিতম্ |
রামপ্রিয়াথ স্বর্গীয়া বৃক্ষ দিব্যাস্ত থৌষধীঃ || ১. ১৬. ৪৪||
ভরদ্বাজেন মুনিনা তৎপ্রিয়ার্থেঽবরোপিতাঃ |
অতঃ পুর্বরোদ্দেশস্তেন জজ্ঞে মনোরমঃ || ১. ১৬. ৪৫||
বাহ্লীকা বাটধানাশ্চ আভীরা কালতোয়কাঃ |
অপরান্তাশ্চ মুহ্মাশ্চ পাঞ্চলাশ্চর্মমণ্ডলাঃ || ১. ১৬. ৪৬||
গান্ধারা যবনাশ্চৈব সিংধুসৌবীরমণ্ডলাঃ |
চীনাশ্চৈব তুষারাশ্চ পল্লবা গিরিগহ্বরাঃ || ১. ১৬. ৪৭||
শাকা ভদ্রাঃ কুলিন্দাশ্চ পারদা বিন্ধ্যচূলিকাঃ |
অভীষাহা উলূতাশ্চ কেকয়া দশামালিকাঃ || ১. ১৬. ৪৮||
ব্রাহ্মণাঃ ক্ষত্রিয়াশ্চৈব বৈশ্যশূদ্রকুলানি তু |
কাংবোজা দরদাশ্চৈব বর্বরা অঙ্গলৌহিকাঃ || ১. ১৬. ৪৯||
অত্রয়ঃ সভরদ্বাজাঃ প্রস্থলাশ্চ দশেরকাঃ |
লমকাস্তালশালাশ্চ ভূষিকা ঈজিকৈঃ সহ || ১. ১৬. ৫০||
এতে দেশা উদীচ্যা বৈ প্রাচ্যান্দেশান্নিবোধত |
অঙ্গবঙ্গা শ্চোলভদ্রাঃ কিরাতানাং চ জাতয়ঃ |
তোমরা হংসভঙ্গাশ্চ কাশ্মীরাস্তঙ্গণাস্তথা || ১. ১৬. ৫১||
ঝিল্লিকাশ্চাহুকাশ্চৈব হূণদর্বাস্তথৈব চ || ১. ১৬. ৫২||
অন্ধ্রবাকা মুদ্গরকা অন্তর্গিরিবহির্গিরাঃ |
ততঃ প্লবঙ্গবো জ্ঞেয়া মলদা মলবর্তিকাঃ || ১. ১৬. ৫৩||
সমন্তরাঃ প্রাবৃষেয়া ভার্গবা গোপপার্থিবাঃ |
প্রাগ্জ্যোতিষাশ্চ পুণ্ড্রাশ্চ বিদেহাস্তাম্রলিপ্তকাঃ || ১. ১৬. ৫৪||
মল্লা মগধগোনর্দাঃ প্রাচ্যাং জনপদাঃ স্মৃতাঃ |
অথাপরে জনপদা দক্ষিণাপথবাসিনঃ || ১. ১৬. ৫৫||
পণ্ড্যাশ্চ কেরলাশ্চৈব চোলাঃ কুল্যাস্তথৈব চ |
সেতুকা মূষিকাশ্চৈব ক্ষপণা বনবাসিকাঃ || ১. ১৬. ৫৬||
মাহরাষ্ট্রা মহিষিকাঃ কলিঙ্গশ্চৈব সর্বশঃ |
আভীরাশ্চ সহৈষীকা আটব্যা সারবাস্তথা || ১. ১৬. ৫৭||
পুলিন্দা বিন্ধ্যমৌলীয়া বৈদর্ভা দণ্ডকৈঃ সহ |
পৌরিকা মৌলিকাশ্চৈব শ্মকা ভোগবর্দ্ধিনাঃ || ১. ১৬. ৫৮||
কোঙ্কণাঃ কন্তলাশ্চান্ধ্রাঃ কুলিন্দাঙ্গারমারিষাঃ |
দাক্ষিণাশ্চৈব যে দেশা অপরাংস্তান্নিবোধত || ১. ১৬. ৫৯||
সূর্য্যারকাঃ কলিবনা দুর্গালাঃ কুন্তরৌঃ সহঃ |
পৌলেয়াশ্চ কিরাতাশ্চ রূপকাস্তাপকৈঃ সহ || ১. ১৬. ৬০||
তথা করীতয়শ্চৈব সর্বে চৈব করন্ধরাঃ |
নাসিকাশ্চৈব যে চান্যে যে চৈবান্তরনর্মদাঃ || ১. ১৬. ৬১||
সহকচ্ছাঃ সমাহেয়াঃ সহ সারস্বতৈরপি |
কচ্ছিপাশ্চ সুরাষ্ট্রাশ্চ আনর্তাশ্চর্বুদৈঃ সহ || ১. ১৬. ৬২||
ইত্যেতে অপরান্তাশ্চ শৃণুধ্বং বিন্ধ্যবাসিনঃ |
মলদাশ্চ করূথাশ্চ মেকলাশ্চৈৎকলৈঃ সহ || ১. ১৬. ৬৩||
উত্তমানাং দশার্ণাশ্চ ভোজাঃ কিষ্কিন্ধকৈঃ সহ |
তোশলাঃ কোশলাশ্চৈব ত্রৈপুরা বৈদিশাস্তথা || ১. ১৬. ৬৪||
তুহুণ্ডা বর্বরাশ্চৈব ষট্পুরা নৈষধৈঃ সহ |
অনূপাস্তুণ্ডিকেরাশ্চ বীতিহোত্রা হ্যবন্তয়ঃ || ১. ১৬. ৬৫||
এতে জনপদাঃ সর্বে বিন্ধ্যপৃষ্ঠনিবাসিনঃ |
অতো দেশান্প্রবক্ষ্যামি পর্বতাশ্রয়িণশ্চ যে || ১. ১৬. ৬৬||
নিহীরা হংসমার্গাশ্চ কুপথাস্তঙ্গণাঃ শকাঃ |
অপপ্রাব রণাশ্চৈব ঊর্ণা দর্বাঃ সহূহুকাঃ || ১. ১৬. ৬৭||
ত্রিগর্ত্তা মণ্ডলাশ্চৈব কিরাতাস্তামরৈঃ সহ |
চৎবারি ভারতে বর্ষে যুগানি ঋষয়োঽব্রুবন্ || ১. ১৬. ৬৮||
কৃতং ত্রেতায়ুগং চৈব দ্বাপরং তিষ্যমেব চ |
তেষাং নিসর্গং বক্ষ্যামি উপরিষ্টাদশেষতঃ || ১. ১৬. ৬৯||
ইতি শ্রীব্রদৃমহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে ভারতবর্মতং নাম ষোডশোঽধ্যায়ঃ
ঋষয় ঊচুঃ
যচ্চ কিংপুরুষং বর্ষং হরিবর্ষং তথৈব চ |
আচক্ষ্ব নো যথাতত্ত্বং কীর্ত্তিতং ভারতং ৎবয়া || ১. ১৭. ১||
সূত উবাচ
শুশ্রূষা যত্র বো বিপ্রাস্তচ্ছৃণুধ্বমতন্দ্রিতাঃ |
প্লক্ষখণ্ডঃ কিংপুরুষে সুমহান্নন্দনোপমঃ || ১. ১৭. ২||
দশবর্ষসহস্রাণি স্থিতিঃ কিংপুরুষে স্মৃতা |
সুবর্ণবর্ণাঃ পুরুষাঃ স্ত্রিয়শ্চাপ্সরসো পমাঃ || ১. ১৭. ৩||
অনাময়া অশোকাশ্চ নিত্যং মুদিতমানসাঃ |
জায়ন্তে মানবাস্তত্র নিস্তপ্তকনকপ্রভাঃ || ১. ১৭. ৪||
বর্ষে কিংপুরুষে পুণ্যে বৃক্ষো মধুবহঃ শুভঃ |
তস্য কিংপুরুষাঃ সর্বেঽপিবন্ হি রসমুত্তমম্ || ১. ১৭. ৫||
ততঃ পরং কিংপুরুষো হরিবর্ষঃ প্রচক্ষতে |
মহারজতসংকাশা জায়ন্তে তত্র মানবাঃ || ১. ১৭. ৬||
দেবলোকচ্যুতাঃ সর্বে দেবানূকাশ্চ সর্বেশঃ |
হরিবর্ষে নরাঃ সর্বে পিবন্তীক্ষুরসং শুফম্ || ১. ১৭. ৭||
একাদশ সহস্রাণি বর্ষাণাং তু নিরাময়াঃ |
হরিবর্ষে তু জীবন্তি সর্বে মুদিতমানসাঃ || ১. ১৭. ৮||
ন জরা বাধতে তত্র ন ম্রিয়ন্তে চ তেঽচিরাৎ |
মধ্যমং যন্ময়া প্রোক্তং নাম্না বর্ষমিলাবৃতম্ || ১. ১৭. ৯||
ন তত্র সূর্যস্তপতি ন তু জীর্যন্তি মানবাঃ |
চন্দ্রসূর্যৈ সনক্ষত্রৌ ন প্রকাশাবিলা বৃতে || ১. ১৭. ১০||
পদ্মপ্রভাঃ পদ্ববর্ণাস্তথা পদ্বনিভেক্ষণাঃ |
পদ্মপত্রসুগন্ধাশ্চ জায়ন্তে তত্র মানবাঃ || ১. ১৭. ১১||
জংবূফলরসাহারা অনিষ্যন্দাঃ সুগন্ধিনঃ |
মনস্বিনো ভুক্তভোগাঃ সৎকর্মফলভোগিনঃ || ১. ১৭. ১২||
দেবলোকচ্যতাশ্চৈব মহারজতবাসসঃ |
ত্রয়োদশসহস্রাণি বর্ষাণাং তে নরোত্তমাঃ || ১. ১৭. ১৩||
আয়ুঃ প্রমাণং জীবন্তি যে তু বর্ষ ইলাবৃতে |
মেরোঃ প্রতিদিশং যচ্চ নবসাহস্রবিস্তৃতম্ || ১. ১৭. ১৪||
যোজনানাং সহস্রাণি ষট্ত্রিংশত্তস্য বিস্তরঃ |
যতুরস্রং সমন্তাচ্চ শরাবাকারসংস্থিতম্ || ১. ১৭. ১৫||
মেরোঃ পশ্চিমভাগে তু নবসাহস্রসম্মিতে |
চতুস্ত্রিংশৎসহস্রাণি গন্ধমাদনপর্বতঃ || ১. ১৭. ১৬||
উদগ্দক্ষিণতশ্চৈব আনীলনিষধায়তঃ |
চৎবারিংশৎসহস্রাণি পরিবৃদ্ধো মহীতলাৎ || ১. ১৭. ১৭||
সহস্রমবগাঢশ্চ তাবদেব চ বিস্তৃতঃ |
পূর্বেণ মাল্যবাঞ্ছৈলস্তৎপ্রমাণঃ প্রকীর্ত্তিতঃ || ১. ১৭. ১৮||
দক্ষিণেন তু নীলশ্চ নিষধশ্চোত্তরেণ তু |
তেষাং মধ্যে মহামেরুঃ স্বৈঃ প্রমাণৈঃ প্রতিষ্ঠিতঃ || ১. ১৭. ১৯||
সর্বেষামেব শৈলানামবগাঢো যথা ভবেৎ |
বিস্তরস্তৎপ্রমাণঃ স্যাদায়ামো নিয়ুতং স্মৃতঃ || ১. ১৭. ২০||
বৃত্তভাবাস্সমুদ্রস্য মহীমণ্ডলভাবতঃ |
আয়ামাঃ পরিহীয়ন্তে চতুরস্রসমাঃ স্মৃতাঃ || ১. ১৭. ২১||
ইলাবৃতং চতুষ্কোণং ভিন্দন্তী মধ্যভাগতঃ |
প্রভিন্নাঞ্জনসংকাশা জম্বূরসবতী নদী || ১. ১৭. ২২||
মেরোস্তু দক্ষিণে পার্শ্বে নিষধস্যোত্তরেণ চ |
সুদর্শনো নাম মহাঞ্জম্বূবৃক্ষঃ সনাতনঃ || ১. ১৭. ২৩||
নিত্যপুষ্পফলোপেতঃ সিদ্ধচারণসেবিতঃ |
তস্য নাম্না সমা খ্যাতো জম্বূদ্বীপো বনস্পতেঃ || ১. ১৭. ২৪||
যোজনানাং সহস্রং চ শতং চান্যন্মহাত্মনঃ |
উৎসেধো বৃক্ষরাজস্য দিবং স্পৃশতি সর্বতঃ || ১. ১৭. ২৫||
অরত্নীনাং শতান্যষ্টাবেকষষ্ট্যধিকানি তু |
ফলপ্রমাণং সংখ্যাতমৃষিভিস্তত্ত্বদর্শিভিঃ || ১. ১৭. ২৬||
পতমানানি তান্যুর্ব্যাং কুর্বন্তি বিপুলং স্বনম্ |
তস্যা জম্ব্বাঃ ফলরসো নদী ভূৎবা প্রসর্প্পতি || ১. ১৭. ২৭||
মেরুং প্রদক্ষিণং কৃৎবা জম্বূমূলং বিশত্যধঃ |
তং পিবন্তি সদা ৎদৃষ্টা জংবূরসমিলাবৃতে || ১. ১৭. ২৮||
জংবূফলরসে পীতে ন জরা বাধতে তু তান্ |
ন ক্ষুধা ন শ্রমশ্চাপি ন মৃত্যুর্ন চ তন্দ্রি তম্ || ১. ১৭. ২৯||
তত্র জাংবূনদং নাম কনকং দেবভূষমম্ |
ইন্দ্রগোপকসংকাশং জায়তে ভাস্বরং তু তৎ || ১. ১৭. ৩০||
সর্বেষাং বর্ষবৃক্ষাণাং শুভঃ ফলরসঃ স্তুতঃ |
স্কন্নং ভবতি তচ্ছুভ্রং কনকং দেবভূষণম্ || ১. ১৭. ৩১||
তেষাং মূত্রং পুরীষং চ দিক্ষু সর্বাসু সর্বশঃ |
ঈশ্বরানুগ্রহাদ্ভূমির্মৃতাশ্চ গ্রসতে তু তান্ || ১. ১৭. ৩২||
রক্ষঃপিশাচয়ক্ষাশ্চ সর্বে হৈমবতঃ স্মৃতাঃ |
হেমকূটে তু গন্ধর্বা বিজ্ঞেয়াঃ সাপ্সরোগণাঃ || ১. ১৭. ৩৩||
সর্বে নাগস্তু নিষধে শেষবাসুকিতক্ষকাঃ |
মহামেরৌ ত্রয়স্ত্রিংশৎক্রীডন্তে যজ্ঞিয়াঃ সুরাঃ || ১. ১৭. ৩৪||
নীলে তু বৈদূর্যময়ে সিদ্ধা ব্রহ্মর্ষয়োঽমলাঃ |
দৈত্যানাং দানবানাং চর্ শ্বেতঃ পর্বত উচ্যতে || ১. ১৭. ৩৫||
শৃঙ্গবান্পর্বতশ্রেষ্ঠঃ পিৎৠণাং প্রতিসংচরঃ |
নবস্বেতেষু বর্ষেষু যথাভাগং স্থিতেষু বৈ || ১. ১৭. ৩৬||
ভূতান্যুপনিবিষ্টানি গতিমন্তি ধ্রুবাণি চ |
তেষাং বিবৃদ্ধির্বহুধা দৃশ্যতে দিব্যমানুষী |
ন সংখ্যা পরিসংখ্যাতুং শ্রদ্ধেয়া তু বুভূষতাম্ || ১. ১৭. ৩৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে কিংপুরুষাদিবর্ষবর্ণনং নাম সপ্তদশোঽধ্যায়ঃ
সূত উবাচ
মধ্যে হিমবতঃ পৃষ্ঠে কৈলাসো নাম পর্বতঃ |
তস্মিন্নিবসতি শ্রীমান্কুবেরঃ সহ রাক্ষসৈঃ || ১. ১৮. ১||
অপ্সরোনুচরো রাজা মোদতে হ্যলকাধিপঃ |
কৈলাসপাদাৎসংভূতং পুণ্যং শীতজলং শুভম্ || ১. ১৮. ২||
মদং নাম্না কুমুদ্বত্ত্ত্সরস্তূদধিসন্নিভম্ |
তস্মাদ্দিব্যাৎপ্রভবতি নদী মন্দাকিনী শুভা || ১. ১৮. ৩||
দিব্যং চ নন্দনবনং তস্যাস্তীরে মহদ্বনম্ |
প্রাগুত্তরেম কৈলাসাদ্দিব্যং সর্বৌংষধি গিরিম্ || ১. ১৮. ৪||
রত্নধাতুময়ং চিত্রং সবলং পর্বতং প্রতি |
চন্দ্রপ্রভো নাম গিরিঃ সুশুভ্রো রত্নসন্নিভঃ || ১. ১৮. ৫||
তস্য পাদে মহাদ্দিব্যং স্বচ্ছোদং নাম তৎসরঃ |
তস্মাদ্দিব্যাৎপ্রভবতি স্বচ্ছোদা নাম নিম্নগা || ১. ১৮. ৬||
তস্যাস্তীরে মহদ্দিব্যং বনং চৈত্ররথং শুভম্ |
তস্মিন্ গিরৌ নিবসতি মণিভদ্রঃ সহানুগঃ || ১. ১৮. ৭||
যক্ষসেনাপতিঃ ক্রূরো গুহ্যকৈঃ পরিবারিতঃ |
পুণ্যা মন্দাকিনী চৈব নদী স্বচ্ছোদকা চ যা || ১. ১৮. ৮||
মহীমণ্ডলমধ্যেন প্রবিষ্টে তে মহোদধিম্ |
কৈলাসাদ্দক্ষিণে প্রাচ্যাং শিবসত্ত্বৌষধিং গিরিম্ || ১. ১৮. ৯||
মনঃ শিলাময়ং দিব্যং চিত্রাঙ্গং পর্বতং প্রতি |
লোহিতো হেমশৃঙ্গশ্চ গিরিঃ সূর্যপ্রভো মহান্ || ১. ১৮. ১০||
তস্য পাদে মহদ্দিব্যং লোহিতং নাম তৎসরঃ |
তস্মাৎপুণ্যঃ প্রভবতি লৌহিত্যঃ স নদো মহান্ || ১. ১৮. ১১||
দেবারণ্যং বিশোকং চ তস্য তীরে মহদ্বনম্ |
তস্মিন্গিরৌ নিবসতি যক্ষো মণিধরো বশী || ১. ১৮. ১২||
সৌম্যৈঃ মুধার্মিকৈশ্চৈব গুহ্যকে পরিবারিতঃ |
কৈলাসাদ্দক্ষিণে পার্শ্বে ক্রূরসত্ত্বৌষধির্গিরিঃ || ১. ১৮. ১৩||
বৃত্রকায়াৎকিলোৎপন্নমঞ্জনং ত্রিককুং প্রতি |
সর্বধাতুময়স্তত্র সুমহান্বৈদ্যুতো গিরিঃ || ১. ১৮. ১৪||
তস্য পাদে কলঃ পুণ্যং মানসং সিদ্ধসেবিতম্ |
তস্মাৎপ্রভবেতে পুণ্যা সরয়ূর্লোকবিশ্রুতা || ১. ১৮. ১৫||
তস্যাস্তীরে বন দিব্যং বৈভ্রাজং নাম বিশ্রুতম্ |
কুবেরা নুচরস্তত্র প্রহেতিতনয়ো বশী || ১. ১৮. ১৬||
ব্রহ্মপিতো নিবসতি রাক্ষসোঽনন্তবিক্রমঃ |
অতরিক্ষচরৈর্ঘোরৈর্যাতুধানশতৈর্বৃতঃ || ১. ১৮. ১৭||
অপরেণ তু কৈলাসাৎপুণ্যসত্ত্বৌষধির্গিরিঃ |
অরুণঃ পর্বতশ্রেষ্ঠো রুক্মধাতুময়ঃ শুভঃ || ১. ১৮. ১৮||
ভবস্য দয়িতঃ শ্রীমান্পর্বতো মেঘসন্নিভঃ |
শাতকৈংভময়ৈঃ শুভ্রৈঃ শিলাজালৈঃ সমাবৃতঃ || ১. ১৮. ১৯||
শাতসংখ্যৈস্তাপনীয়ৈঃ শৃঙ্গৈর্দিবমিবোল্লিখন্ |
মুঞ্জবাস্তু মহাদিব্যো দুর্গঃ শৈলো হিমাচিতঃ || ১. ১৮. ২০||
তস্মিন্গিরৌ নিবসতি গিরীশো ধূম্রলোচনঃ |
তস্যা পাদাৎপ্রভবতি শৈলোদং নাম তৎসরঃ || ১. ১৮. ২১||
তস্মাৎপ্রভবতে পুণ্যা শিলোদা নাম নিম্রগা |
সা চক্ষুঃ সীতয়োর্মধ্যে প্রবিষ্টা লবণোদধিম্ || ১. ১৮. ২২||
তস্যাস্তীরে বনং দিব্যং বিশ্রুতং সুরভীতি বৈ |
সব্যোত্তরেণ কৈলাসাচ্ছিবঃ সত্ত্বৌষধির্গিরিঃ || ১. ১৮. ২৩||
গৌরং নাম গিরিশ্রেষ্ঠং হরিতালময়ং প্রতি |
হিরণ্যশৃঙ্গঃ সুমহান্ দিব্যো মণিময়ো গিরিঃ || ১. ১৮. ২৪||
তস্যা পাদে মহাদ্দিব্যং শুভং কাঞ্চনবালুকম্ |
রম্যং বিন্দুসরো নাম যত্র রাজা ভগীরথঃ || ১. ১৮. ২৫||
গঙ্গনিমিত্তং রাজর্ষিরুবাস বহুলাঃ সমাঃ |
দিবং যাস্যন্তি তে বুর্বে গঙ্গতোয়পরিপ্লুতাঃ || ১. ১৮. ২৬||
মদীয় ইতি নিশ্চিত্য সমাহিতমনাঃ শিবে |
তত্র ত্রিপয়গা দেবী প্রথমং তু প্রতিষ্ঠিতা |
সোমপাদাৎপ্রসূতা সা সপ্তধা প্রতিপদ্যতে || ১. ১৮. ২৭||
যূপা মণিময়াস্তত্র বিততাশ্চ হিরণ্ময়াঃ |
তত্রেষ্ট্বা তু গতঃ সিদ্ধিং শক্রঃ সর্বৈঃ সুরৈঃ সহ || ১. ১৮. ২৮||
দিবি চ্ছায়াপথো যস্তু অনুনক্ষত্রমণ্ডলঃ |
দৃশ্যতে ভাস্বরো রাত্রৌ দেবী ত্রিপথগা তু সা || ১. ১৮. ২৯||
অন্তরিক্ষং দিবঞ্চৈব ভাবয়ন্তী সুরাপগা |
ভবোত্তমাঙ্গে পতিতা সংরূদ্ধা যৌগমায়য়া || ১. ১৮. ৩০||
তস্যা যে বিন্দবঃ কেচিৎ ক্রুদ্ধায়াঃ পতিতা ভুবি |
কৃতং তু তৈর্বিদুসরস্ততো বিন্দুসরঃ স্মৃতম্ || ১. ১৮. ৩১||
ততো নিরূদ্ধা সা দেবী ভবেন স্ময়তা কিল |
চিন্তয়ামাস মনসা শঙ্করক্ষেপমং প্রতি || ১. ১৮. ৩২||
ভিত্ত্বা বিশামি পাতালং স্রোতসাগৃহ্য শঙ্করম্ |
জ্ঞাৎবা তম্যা অভিপ্রায়ং ক্রূরং দেব্যাশ্চিকীর্ষিতম্ || ১. ১৮. ৩৩||
তিরোভাবয়িতুং বুদ্ধিরাসীদঙ্গেষু তাং নদীম্ |
তস্যাবলেপং জ্ঞাৎবা তু নদ্যাঃক্রুদ্ধস্তুশঙ্করঃ || ১. ১৮. ৩৪||
ন্যরুপাচ্চ শিরস্যেনাং বেগেন পততীং ভুবি |
এতস্মিন্নেব কালে তু দৃষ্ট্বা রাজানমগ্রতঃ || ১. ১৮. ৩৫||
ধমনীসংততং ক্ষীণং ক্ষুধয়া ব্যাকুলেন্দ্রিয়ম্ |
অনেন তোষিতশ্চাহং নদ্যর্থং পূর্বমেব তু || ১. ১৮. ৩৬||
বুদ্ধাস্য বরদানং চ কোপং নিয়তবাংস্তু সঃ |
ব্রহ্মণো বচনং শ্রুৎবা ধারয় স্বর্ণদীমিতি || ১. ১৮. ৩৭||
ততো বিসর্জয়ামাস সংরুদ্ধাং স্বেন তেজসা |
নদীং ভগীরথস্যার্থে তপসোগ্রেণ তোষিতঃ || ১. ১৮. ৩৮||
ততো বিসৃজ্যমানায়াঃ স্রোত স্তৎসপ্তধা গতম্ |
তিস্রঃ প্তাচীমিমুখং প্রতীচীং তিস্র এব তু || ১. ১৮. ৩৯||
নদ্যাঃ স্রোতস্তু গঙ্গায়াঃ প্রত্যপদ্যত সপ্তধা |
নলিনী হ্লাদিনী চৈব পাবনী চৈব প্রাচ্যগাঃ || ১. ১৮. ৪০||
সীতা চক্ষুশ্চ সিন্ধুশ্চ প্রতীচীন্দিশমাস্থিতাঃ |
সপ্তমী ৎবন্বগাত্তাসাং দক্ষিণেন ভগীরথম্ || ১. ১৮. ৪১||
তস্মাদ্ভাগীরথী যা সা প্রবিষ্টা লবণোদধিম্ |
সপ্তৈতা ভাবয়ন্তীদং হিমাহ্বং বর্ষমেব তু || ১. ১৮. ৪২||
প্রসূতাঃ সপ্ত নদ্যস্তাঃ শুভা বিন্দু সরোদ্ভবাঃ |
নানাদেশান্প্লাবয়ন্ত্যো মলেচ্ছপ্রায়াস্তু সর্বশঃ || ১. ১৮. ৪৩||
উপগচ্ছন্তি তাঃ সর্বা যতো বর্ষতি বাসবঃ |
শিলীন্ধ্রান্কুন্ত লাংশ্চীনান্বর্বরান্যবনাধ্রকান্ || ১. ১৮. ৪৪||
পুষ্করাশ্চ কুলিন্দাংশ্চ অচোংলদ্বিচরাশ্চ যে |
কৃৎবা ত্রিধা সিংহবন্তং সীতাগাৎপশ্চিমোদ ধিম্ || ১. ১৮. ৪৫||
অথ চীনমরূংশ্চৈব তালাংশ্চ মসমূলিকান্ |
ভদ্রাস্তুষারাংল্লাম্যাকান্বাহ্লবান্পারটান্খশান্ || ১. ১৮. ৪৬||
এতাঞ্জনপদাং শ্চক্ষুঃ প্রাবয়ন্তী গতোদধিম্ |
দরদাংশ্চ সকাশ্মীরান্ গান্ধরান্ রৌরসান্ কুহান্ || ১. ১৮. ৪৭||
শিবশৈলানিন্দ্রপদান্বসতীশ্চ বিসর্জমান্ |
সৈন্ধবান্রন্ধ্রকরকাঞ্ছমঠাভীররোহকান্ || ১. ১৮. ৪৮||
শুনাসুখাংশ্চোর্দ্ধমরূন্সিন্ধুরেতান্নিষেবতে |
গন্ধর্বকিন্নরান্যক্ষান্রক্ষোবিদ্যাধরোরগান্ || ১. ১৮. ৪৯||
কলাপগ্রামকাংশ্চৈব পারদাংস্তদ্গণান্ খশান্ |
কিরাতাংশ্চপুলিন্দাংশ্চ কুরূন্ সভরতানপি || ১. ১৮. ৫০||
পঞ্চালান্কাশিমৎস্যাং শ্চ মগধাঙ্গাংস্তথৈব চ |
সুহ্মোত্তরাংশ্চ বঙ্গাংশ্চ তাম্রলিপ্তাংস্তথৈব চ || ১. ১৮. ৫১||
এতাঞ্জনপদান্মান্যান্গঙ্গা ভাবয়তে শুভান্ |
ততঃ প্রতিহতা বিন্ধ্যাৎপ্রবিষ্টা লবণোদধিম্ || ১. ১৮. ৫২||
ততশ্চ হ্লাদিনী পুণ্য প্রাচীমভিমুখা যয়ৌ |
প্রাবয়ন্ত্যুপভাগাংশ্চ নৈষধাংশ্চ ত্রিগর্ত কান্ || ১. ১৮. ৫৩||
ধীবরানৃষিকাংশ্চৈব তথা নীলমুখানপি |
কেকরানৌষ্টকর্ণাংশ্চ কিরাতানপি চৈব হি || ১. ১৮. ৫৪||
কালোদরান্বিবর্ণাশ্চ কুমারান্স্বর্ণভূমিকান্ |
আমণ্ডলং সমুদ্রস্য তিরোভূতাংশ্চ পূর্বতঃ || ১. ১৮. ৫৫||
ততস্তু পাবনী চাপি প্রাচীমেব দিশং যয়ৌ |
সুপথান্পাবয়ং তীহ ৎবিন্দ্রদ্যুম্নসরোপি চ || ১. ১৮. ৫৬||
তথা খরপথাংশ্চৈব বেত্রশঙ্কুপথানপি |
মধ্যতোজানকিমথো কুথপ্রাবরণান্যয়ৌ || ১. ১৮. ৫৭||
ইন্দ্রদ্বীপ সমুদ্রং তু প্রবিষ্টাং লবণোদধিম্ |
ততস্তু নলিনী প্রায়াৎ প্রাচীমাশাং জবেন তু || ১. ১৮. ৫৮||
তোমরান্ভাবয়ন্তীহ হংসমার্গান্সহৈহয়ান্ |
পূর্বন্দেশাংশ্চ সেবন্তী ভিত্ত্বা সা বহুধাগিরীন্ || ১. ১৮. ৫৯||
কর্ণপ্রাবরণান্প্রাপ্য সংগত্যা শ্বমুখানপি |
সিকতাপর্বতমরুং গৎবা বিদ্যাধরান্যয়ৌ || ১. ১৮. ৬০||
নগমণ্ডলমধ্যেন প্রবিষ্টা লবণোদধিম্ |
তাসাং নদ্যুপনদ্যশ্চ শতশোঽথ সহস্রশঃ || ১. ১৮. ৬১||
উপগচ্ছন্তি তাঃ সর্বা যতো বর্ষতি বাসবঃ |
বক্বৌকসায়াস্তীরে তু বনং সুরভি বিশ্রুতম্ || ১. ১৮. ৬২||
হিরণ্যশৃঙ্গে বসতি বিদ্বান্কৌবেরকো বশী |
যজ্ঞোপেতশ্চ সুমহানমিতৌজাঃ সুবিক্রমঃ || ১. ১৮. ৬৩||
তত্রত্যৈস্তৈঃ পরিবৃতৌ বিদ্বদ্ভির্ব্রহ্মরাক্ষসৈঃ |
কুবেরানুচরা হ্যেতে চৎবারস্তু সমাঃ স্মৃতাঃ || ১. ১৮. ৬৪||
এবমেব তু বিজ্ঞেয়া ঋদ্ধিঃ পর্বতবাসিনাম্ |
পরস্পরেণ দ্বিগুণা ধর্মতঃ কামতোর্ঽথতঃ || ১. ১৮. ৬৫||
হেমকূটস্য পৃষ্ঠে তু বর্চোবন্নামতঃ সরঃ |
মনস্বিনীপ্রভবতি তস্মাজ্জ্যোতিষ্মতী চ যা || ১. ১৮. ৬৬||
অবগাঢে হ্যুভয়তঃ সমুদ্রৌ পূর্বপশ্চিমৌ |
সরো বিষ্ণুপদং নাম নিষধে পর্বতোত্তমে || ১. ১৮. ৬৭||
তস্মাদ্দ্বয়ং প্রভবতি গান্ধর্বী নাকুলী চ তৈঃ |
মেরোঃ পার্শ্বাৎপ্রভবতি হ্রদশ্চন্দ্রপ্রভো মহান্ || ১. ১৮. ৬৮||
তত্র জংবূনদী পুণ্যা যস্যা জাংবূনদং স্মৃতম্ |
পয়োদং তু সরো নীলে সুশুভ্রং পুণ্ডরীকবৎ || ১. ১৮. ৬৯||
পুণ্ডরীকা পয়োদা য তস্মান্নদ্যৌ বিনির্গতে |
শ্বেতাৎপ্রবর্ত্ততে পুণ্যং সরয়ূর্মানসাদ্ধ্রুবম্ || ১. ১৮. ৭০||
জ্যোৎস্না চ মৃগাকামা চ তস্মাদ্দ্বে সংবভূবতুঃ |
সরঃ কুরুষু বিখ্যাতং পদ্মমীনদ্বিজাকুলম্ || ১. ১৮. ৭১||
রুদ্রকান্তমিতি খ্যাতং নির্মিতং তদ্ভবেন তু |
অন্যে চাপ্যত্র বিখ্যাতাঃ পদ্মামীনদ্বিজাকুলাঃ || ১. ১৮. ৭২||
নাম্না হ্রদা জয়া নাম দ্বাদশোদধিসন্নিভাঃ |
তেভ্যঃ শান্তা য মাধ্বী চ দ্বে নদ্যৌ সংবভূবতুঃ || ১. ১৮. ৭৩||
যানি কিংপুরুষাদ্যানি তেষু দেবো ন বর্ষতি |
উদ্ভিদান্যুদকান্যত্র প্রবহন্তি সরিদ্বরাঃ || ১. ১৮. ৭৪||
ঋষভো দুন্দুভিশ্চৈব ধূম্নশ্চ সুমহাগিরিঃ |
পূর্বায়তা মহাপর্বা নিমগ্না লবণাভসি || ১. ১৮. ৭৫||
চন্দ্রঃ কাকস্তথা দ্রোণঃ সুমহান্তঃ শিলোচ্চয়াঃ |
উদগ্যাতা উদীচ্যান্তা অবগাঢা মহোদধিম্ || ১. ১৮. ৭৬||
সোমকশ্চ বরাহশ্চ নারদশ্চ মহীধরঃ |
প্রতীচ্যামায়তাস্তে বৈ প্রবিষ্টা লবণোদধিম || ১. ১৮. ৭৭||
চক্রো বলাহকশ্চৈব মৈনাকো যশ্চ পর্বতঃ |
আয়তাস্তে মহাশৈলাঃ সমুদ্রং দক্ষিণং প্রতি || ১. ১৮. ৭৮||
চক্রমৈনাকয়োর্মধ্য বিদিশং দক্ষিণাং প্রতি |
তত্র সংবর্ত্তকো নাম সোঽগ্নিঃ পিবতি তজ্জলম্ || ১. ১৮. ৭৯||
নাম্না সমুদ্রবাসস্তু ঔর্বঃস বডবামুখঃ |
দ্বাদশৈতে প্রবিষ্টা হি পর্বতা লবণোদধিম্ || ১. ১৮. ৮০||
মহেন্দ্রভয়বিত্রস্তাঃ পক্ষচ্ছে দভয়াৎপুরা |
যদেতদ্দৃশ্যতে চন্দ্রে শ্বেতে কৃষ্ণশশাকৃতি || ১. ১৮. ৮১||
ভারতস্য তু বর্ষস্য ভেদাস্তে নব কীর্ত্তিতাঃ |
ইহোদিতস্য দৃশ্যন্তে যথান্যেঽন্যত্র চোদিতে || ১. ১৮. ৮২||
উত্তরোত্তরমেতেষাং বর্ষমুদ্দিশ্যতে গুণৈঃ |
আরোগ্যায়ুঃ প্রমাণানাং ধর্মতঃ কামতোর্ঽথতঃ || ১. ১৮. ৮৩||
সমন্বিতানি ভূতানি পুণ্যৈরেতৈস্তু ভাগশঃ |
বসংতি নানাজাতীনি তেষু বর্ষেষু তানি বৈ |
ইত্যেষা ধারয়ন্তীদং পৃথ্বী বিশ্বং জগৎস্থিতম্ || ১. ১৮. ৮৪||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে জম্বূদ্বীপবর্ণনং নামাষ্টাদশোঽধ্যায়ঃ
সূত উবাচ
প্লক্ষদ্বীপং প্রবক্ষ্যামি যথাবদিহ সংগ্রহাৎ |
শৃণুতেমং যথাতত্ত্বং ব্রুবতো মে দ্বিজোত্তমাঃ || ১. ১৯. ১||
জংবূদ্বীপস্য বিস্তারাদ্দ্বিগুণাস্তস্য বিস্তরঃ |
বিস্তরাদ্দ্বিগুণশ্চাস্য পরিণাহঃ সমন্ততঃ || ১. ১৯. ২||
তেনাবৃতঃ সমুদ্রো বৈ দ্বীপেন লবণোদকঃ |
তত্র পুণ্যা জনপদাশ্চিরান্ন ম্রিয়তে জনঃ || ১. ১৯. ৩||
কৃত এব চ দুর্ভিক্ষং জরাব্যাধিভয়ং কুতঃ |
তত্রাপি পর্বতাঃ পুণ্যাঃ সপ্তৈব মণিভূষণাঃ || ১. ১৯. ৪||
রত্নাকরাস্তথা নদ্যস্তাসাং নামানি চ বুবে |
ব্লক্ষদ্বীপাদিষু ৎবেষু সপ্ত সপ্ত তু পঞ্চসু || ১. ১৯. ৫||
ঋজ্বায়তাঃ প্রতিদিশং নিবিষ্টা বর্ষপর্বতাঃ |
প্লক্ষদ্বীপে তু বক্ষ্যামি সপ্তদ্বীপান্ মহা বলান্ || ১. ১৯. ৬||
গোমেদকোঽত্র প্রথমঃ পর্বতো মেঘসন্নিভঃ |
খ্যায়তে যস্য নাম্না তু বর্ষং গোমেদসংজ্ঞিতম্ || ১. ১৯. ৭||
দ্বিতীয়ঃ পর্বতশ্চন্দ্রঃ সর্বৌংষ ধিসমন্বিতঃ |
অশ্বিভ্যামমৃতস্যার্থমোষধ্যো যত্র সংভৃতাঃ || ১. ১৯. ৮||
তৃতীয়ো নারদো নাম দুর্গশৈলো মহোচ্চয়ঃ |
তত্রাচলে সমুৎপন্নৌ পূর্বং নারদপর্বতৌ || ১. ১৯. ৯||
চতুর্থস্তত্র বৈ শৈলো দুদুংভির্ন্নাম নামতঃ |
ছন্দমৃত্যুঃ পুরা তস্মিন্দুন্দুভিঃ সাদিতঃ সুরৈঃ || ১. ১৯. ১০||
রজ্জুদোলোরুকামং যঃ শাল্মলিশ্চাসুরান্তকৃৎ |
পঞ্চমঃ সোমকো নাম দেবৈর্যত্রামৃতং পুরা || ১. ১৯. ১১||
সংভৃতং চাহৃতং চৈব মাতুরর্থে গরুত্মতা |
ষষ্টস্তু সুমনা নাম সপ্তমর্ষভ উচ্যতে || ১. ১৯. ১২||
হিরণ্যক্ষো বরাহেণ তস্মিঞ্ছৈলে নিষূদিতঃ |
বৈভ্রাজঃ সপ্তমস্তত্র ভ্রাজিষ্ণুঃ স্ফাটিকো মহান্ || ১. ১৯. ১৩||
অর্চির্ভির্ভ্রাজতে যস্মাদ্বৈভ্রাজস্তেন সংস্মৃতঃ |
তেষাং বর্ষাণি বক্ষ্যামি নামতস্তু যথাক্রমম্ || ১. ১৯. ১৪||
গোমেদং প্রথমং বর্ষং নাম্নাশান্তভয়ং স্মৃতম্ |
চন্দ্রস্য শিশিরং নাম নারদস্য সুখোদয়ম্ || ১. ১৯. ১৫||
আনন্দং দুন্দুভের্বর্ষং সোমকস্যশিবং স্মৃতম্ |
ক্ষেমকং বৃষভস্যাপি বৈভ্রাজস্য ধ্রুবং তথা || ১. ১৯. ১৬||
এতেষু দেবগন্ধর্বাঃ সিদ্ধাশ্চ সহ চারণৈঃ |
বিহরন্তি রমন্তে চ দৃশ্যমানাশ্চ তৈঃ সহ || ১. ১৯. ১৭||
তেষাং নদ্যস্তু সপ্তৈব প্রতিবর্ষং সমুদ্রগাঃ |
নামতস্তাঃ প্রবক্ষ্যামি সপ্তগঙ্গাস্তপোধনাঃ || ১. ১৯. ১৮||
অনুতপ্তাসুখী চৈব বিপাশা ত্রিদিবা ক্রমুঃ |
অমৃতা সুকৃতা চৈব সপ্তৈতাঃ সরিতাং বরাঃ || ১. ১৯. ১৯||
অভিগচ্ছন্তি তা নদ্যস্তাভ্যশ্চান্যাঃ সহস্রশঃ |
বহূদকা হ্যোঘবত্যো যতো বর্ষতি বাসবঃ || ১. ১৯. ২০||
তাঃ পিবন্তি সদা হৃষ্টা নদীজনপদাস্তু তে |
শুভাঃ শান্তভয়াশ্চৈব প্রমুদং শৈশিরাঃ শিবাঃ || ১. ১৯. ২১||
আনন্দাশ্চ সুখাশ্চৈব ক্ষেমকাশ্চ ধ্রুবৈঃ সহ |
বর্ণাশ্রমাচারয়ুতা প্রজাস্তেষ্ববধিষ্ঠিতাঃ || ১. ১৯. ২২||
সর্বে ৎবরোগাঃ সুবলাঃ প্রজাশ্চাময়ব র্জিতাঃ |
অবসর্পিণী ন তেষ্বস্তি তথৈবোৎসর্পিণী ন চ || ১. ১৯. ২৩||
ন তত্রাস্তি যুগাবস্থা চতুর্যুগকৃতা ক্বচিৎ |
ত্রেতায়ুগসমঃ কালঃ সর্বদা তত্র বর্ত্ততে || ১. ১৯. ২৪||
প্লক্ষদ্বীপাদিষু জ্ঞেয়ঃ পঞ্চস্বেতেষু সর্বশঃ |
দেশস্যানুবিধানেন কালস্যানুবিধাঃ স্মৃতাঃ || ১. ১৯. ২৫||
পঞ্চবর্ষসহস্রাণি তেষু জীবন্তি মানবাঃ |
সুরূপাশ্চ সুবেষাশ্চ হ্যরোগা বলিনস্তথা || ১. ১৯. ২৬||
সুখমায়ুর্বলং রুপমারোগ্যং ধর্ম এব চ |
প্লক্ষদ্বীপাদিষু জ্ঞেয়ঃ শাকদ্বীপান্তিকেষু বৈ || ১. ১৯. ২৭||
প্রক্ষদ্বীপঃ পৃথুঃ শ্রীমান্সর্বতো ধনধান্যবান্ |
দিব্যৌষধিফলোপেতঃ সর্বৌংষধিবনস্পতিঃ || ১. ১৯. ২৮||
আবৃতঃ পশুভিঃ সর্বৈর্গ্রাম্যারণ্যৈঃ সহস্রশঃ |
জংবূবৃক্ষেম সংখ্যাতস্তস্য মধ্যে দ্বিজোত্তমাঃ || ১. ১৯. ২৯||
প্লক্ষো নাম মহাবৃক্ষস্তস্য নাম্না স উচ্যতে |
স তত্র পূজ্যতে স্থানে মধ্যে জনপদস্য হ || ১. ১৯. ৩০||
স চাপীক্ষুরসোদেন প্রক্ষদ্বীপঃ সমাবৃতঃ |
প্লক্ষদ্বীপসমেনৈব বৈপুল্যদ্বিস্তরেণ তু || ১. ১৯. ৩১||
ইত্যেবং সংনিবেশো বঃ প্লক্ষদ্বীপস্য কীর্তিতঃ |
আনুপূর্ব্যাৎসমাসেন শাল্মলং তু নিবোধত || ১. ১৯. ৩২||
ততস্তৃতীয়ং বক্ষ্যামি শাল্মলং দ্বীপসুত্তমম্ |
শাল্মলেন সমুদ্রস্তু দ্বীপেনেক্ষুরসোদকঃ || ১. ১৯. ৩৩||
প্লক্ষদ্বীপস্য বিস্তারাদ্দ্বিগুণেন সমাবৃতঃ |
তত্রাপি পর্বতাঃ সপ্ত বিজ্ঞেয়া রত্নয়োনয়ঃ || ১. ১৯. ৩৪||
রত্নাকরাস্তথা নদ্যস্তেষাং বর্ষেষু সপ্তসু |
প্রথমঃ সূর্যসংকাশঃ কুমুদো নাম পর্বতঃ || ১. ১৯. ৩৫||
সর্বধাতুময়ৈঃ শৃঙ্গৈঃ শিলাজালসমাকুলৈঃ |
দ্বিতীয়ঃ পর্বতশ্চাত্র হ্যুত্তমো নাম বিশ্রুতঃ || ১. ১৯. ৩৬||
হরিতালময়ৈঃ শৃঙ্গৈর্দিবমাবৃত্য তিষ্ঠতি |
তৃতিয়ঃ পর্বতস্তত্র বলাহক ইতি শ্রুতঃ || ১. ১৯. ৩৭||
জাত্যঞ্জনময়ৈঃ শৃঙ্গৈর্দিবমাবৃত্য তিষ্ঠতি |
চতুর্থঃ পর্বতো দ্রোণো যত্র সা বৈ সহোষধিঃ || ১. ১৯. ৩৮||
বিশল্যকরণী চৈব মৃতসঞ্জীবিনী তথা |
কঙ্কস্তু পঞ্চমস্তত্র পর্বতঃ সুমহোদয়ঃ || ১. ১৯. ৩৯||
নিত্যপুষ্পফলোপেতো বৃক্ষবীরুৎসমাবৃতঃ |
ষষ্ঠস্তু পর্বতস্তত্র মহিষো মেঘসন্নিভঃ || ১. ১৯. ৪০||
যস্মিন্সোঽগ্নির্নিবসতি মহিষো নাম বারিজঃ |
সপ্তমঃ পর্বতস্তত্র ককুদ্মান্নাম ভাষ্যতে || ১. ১৯. ৪১||
তত্র রত্নান্যনেকানি স্বয়ং রক্ষতি বাসবঃ |
প্রজাপতিমুপাদায় প্রজাভ্যো বিধিবৎস্বয়ম্ || ১. ১৯. ৪২||
ইত্যেতে পর্বতাঃ সপ্ত শাল্মলে মণিভূষণাঃ |
তেষাং বর্ষাণি বক্ষ্যামি সর্পৈব তু শুভানি বৈ || ১. ১৯. ৪৩||
কুমুদস্য স্মৃতং শ্বেতমুত্তমস্য চ লোহিতম্ |
বলাহকস্য জীমূতং দ্রোণস্য হরিতং স্মৃতম্ || ১. ১৯. ৪৪||
কঙ্কস্য বৈদ্যুতং নাম মহিষস্য চ মানসম্ |
ককুদঃ সুপ্রদং নাম সপ্তৈতানি তু সপ্তধা || ১. ১৯. ৪৫||
বর্ষাণি পর্বতাশ্চৈব নদীস্তেষু নিবোধত |
জ্যোতিঃ শান্তিস্তথা তুষ্টা চন্দ্রা শুক্রা বিমোচনী || ১. ১৯. ৪৬||
নিবৃত্তিঃ সপ্তমী তাসাং প্রতিবর্ষং তু তাঃ স্মৃতাঃ |
তাসাং সমীপগাশ্চান্যাঃ শতশোঽথ সহস্রশঃ || ১. ১৯. ৪৭||
ন সংখ্যাং পরিসংখ্যাতুং শক্নুয়াৎকোঽপি মানবঃ |
ইত্যেষ সংনিবেশো বঃ শাল্মলস্য প্রকীর্ত্তিতঃ || ১. ১৯. ৪৮||
প্লক্ষবৃক্ষেণ সংখ্যাতস্তস্য মধ্যে মহা দ্রুমঃ |
শাল্মলির্বিপুলস্কন্ধস্তস্য নাম্না স উচ্যতে || ১. ১৯. ৪৯||
শাল্মলস্তু সমুদ্রেণ সুরোদেন সমাবৃতঃ |
বিস্তরাচ্ছাল্মলস্বৈব সমে ন তু সমন্ততঃ || ১. ১৯. ৫০||
উত্তরেষু তু ধর্মজ্ঞাদ্বীপেষু শৃণুত প্রজাঃ |
যথাশ্রুতং যথান্যায়ং ব্রুবতো মে নিবোধত || ১. ১৯. ৫১||
কুশদ্বীপং প্রবক্ষ্যামি চতুর্থং তু সমাসতঃ |
সুরোদকঃ পরিবৃতঃ কুশদ্বীপেন সর্বতঃ || ১. ১৯. ৫২||
শাল্মলস্য তু বিস্তারাদ্দ্বিগুণেন সমন্ততঃ |
সপ্তৈব চ গিরীংস্তত্র বর্ণ্যমানান্নিবোধত || ১. ১৯. ৫৩||
কুশদ্বীপে তু বিজ্ঞেয়ঃ পর্বতো বিদ্রুমশ্চ যঃ |
দ্বীপস্য প্রথমস্তস্য দ্বিতীয়ো হেমপর্বতঃ || ১. ১৯. ৫৪||
তৃতীয়ো দ্যুতিমান্নাম জীমূতসদৃশো গিরিঃ |
চতুর্থঃ পুষ্পবান্নাম পঞ্চমস্তু কুশেশয়ঃ || ১. ১৯. ৫৫||
ষষ্ঠো হরিগিরির্নাম সপ্তমো মন্দরঃ স্মৃতঃ |
মন্দা ইতি হ্যপা নাম মন্দরো দারণাদয়ম্ || ১. ১৯. ৫৬||
তেষামন্তরবিষকংভো দ্বিগুণঃ প্রবিভাগতঃ |
উদ্ভিদং প্রথমং বর্ষং দ্বিতীয়ং বেণুমণ্ডলম্ || ১. ১৯. ৫৭||
তৃতীয়ং বৈ রথাকারং চতুর্থং লবণং সমৃতম্ |
পঞ্চমং ধৃতিমদ্বর্ষং ষষ্ঠং বর্ষং প্রভাকরম্ || ১. ১৯. ৫৮||
সপ্তমং কপিলং নাম সর্বে তে বর্ষ ভাবকাঃ |
এতেষু দেবগন্ধর্বাঃ প্রজাস্তু জগদীশ্বরাঃ || ১. ১৯. ৫৯||
বিহরন্তি রমন্তে চ হৃষ্যমাণাস্তু সর্বশঃ |
ন তেষু দস্যবঃ সংতি ম্লেচ্ছ জাতয় এব চ || ১. ১৯. ৬০||
গৌরপ্রায়ো জনঃ সর্বঃ ক্রমাচ্চ ম্রিয়তে তথা |
তত্রাপি নদ্যঃ সপ্তৈব ধূতপাপাশিবা তথা || ১. ১৯. ৬১||
পবিত্রা সংততিশ্চৈব বিদ্যুদ্দংভা মহী তথা |
অন্যাস্তাভ্যোঽপরিজ্ঞাতাঃ শতশোঽথ সহস্রশঃ || ১. ১৯. ৬২||
অভিগচ্ছন্তি তাঃ সর্বা যতো বর্ষতি বাসবঃ |
ঘৃতোদেন কুশদ্বীপো বাহ্যতঃ পরিবারিতঃ || ১. ১৯. ৬৩||
বিজ্ঞেয়ঃ স তু বিস্তারাৎকুশদ্বীপসমেন তু |
ইত্যেষ সন্নিবেশো বঃ কুশদ্বীপস্য কীর্ত্তিতঃ || ১. ১৯. ৬৪||
ক্রৈঞ্চদ্বীপস্য বিস্তারং বক্ষ্যাম্যহমতঃ পরম্ |
কুশদ্বীপস্য বিস্তারাদ্দ্বিগুণঃ স তু বৈ স্মৃতঃ || ১. ১৯. ৬৫||
ঘৃতোদকসমুদ্রো বৈ ক্রৈঞ্চ দ্বীপেন সংযুতঃ |
তস্মিন্দ্বীপে নগশ্রেষ্ঠঃ ক্রৈঞ্চস্তু প্রথমো গিরিঃ || ১. ১৯. ৬৬||
ক্রৈঞ্চাৎপরো বামনকো বামনাদন্ধকারকঃ |
অন্ধকারাৎপরশ্চাপি দিবাবৃন্নাম পর্বতঃ || ১. ১৯. ৬৭||
দিবাবৃতঃ পরশ্চাপি দ্বিবিদো গিরিসত্তমঃ |
দ্বিবিদাৎপরতশ্চাপি পুণ্ডরীকো মহাগিরিঃ || ১. ১৯. ৬৮||
পুণ্ডরীকাৎপরশ্চাপি প্রোচ্যতে দুন্দুভিস্বনঃ |
এতে রত্নময়াঃ সপ্ত ক্রৈঞ্চদ্বীপস্য পর্বতাঃ || ১. ১৯. ৬৯||
বহুপুষ্পফলোপেতনানাবৃক্ষলতাবৃতাঃ |
পরস্পরেণ দ্বিগুণা বিস্তৃতা হর্ষবর্দ্ধনাঃ || ১. ১৯. ৭০||
বর্ষাণি তত্র বক্ষ্যামি নামতস্তান্নিবোধত |
ক্রৈঞ্চস্য কুশলো দেশো বামনস্য মনোনুগঃ || ১. ১৯. ৭১||
মনোনুগাৎপরশ্চোষ্ণস্তৃতীয়ং বর্ষমুচ্যতে |
উষ্ণাৎপরঃ পীবরকঃ পীবরাদন্ধকারকঃ || ১. ১৯. ৭২||
অন্ধকারাৎপরশ্চাপি মুনিদেশঃ স্মৃতো বুধৈঃ |
মুনিদেশাৎপরশ্চৈব প্রোচ্যতে দুন্দুভিস্বনঃ || ১. ১৯. ৭৩||
সিদ্ধচারণসংকীর্ণো গৌরপ্রয়ো জনঃ স্মতঃ |
তত্রাপি নদ্যঃ সপ্তৈব প্রতিবর্ষ স্মৃতাঃ শুভাঃ || ১. ১৯. ৭৪||
গৌরী কুমুদ্বতী চৈব সংধ্যা রাত্রির্মনোজবা |
খ্যাতিশ্চ পুণ্ডরীকা চ গঙ্গাঃ সপ্তবিধাঃ স্মৃতাঃ || ১. ১৯. ৭৫||
তাসাং সহস্রশশ্চান্যা নদ্যো যাস্তু সমীপগাঃ |
অভিগচ্ছন্তি তাঃ সর্বা বিপুলাঃ সুবহূদকাঃ || ১. ১৯. ৭৬||
ক্রৈঞ্চদ্বীপঃ সমুদ্রেণ দধিমণ্ডৌদকেন তু |
আবৃতঃ সর্বতঃ শ্রীমান্ক্রৈঞ্চদ্বীপসমেন তু || ১. ১৯. ৭৭||
প্লক্ষদ্বীপাদয়ো হ্যেতে সমাসেন প্রকীর্ত্তিতাঃ |
তেষাং নিসর্গোদ্বীপানামানুপূর্ব্যেণ সর্বশঃ || ১. ১৯. ৭৮||
ন শক্যো বিস্তরাদ্বক্তুং দিব্যবর্ষশতৈরপি |
নিসর্গো যঃ প্রজানাং তু সংহারো যশ্চ তাসু বৈ || ১. ১৯. ৭৯||
শাকদ্বীপং প্রবক্ষ্যামি যথাবদিহ নিশ্চয়াৎ |
শৃণুধ্বং তু যথাতথ্যং ব্রুবতো মে যথার্থবৎ || ১. ১৯. ৮০||
ক্রৈঞ্চদ্বীপস্য বিস্তারাদ্দ্বিগুণাস্তস্য বিস্তরঃ |
পরিবার্য সমুদ্রং স দধিমণ্ডোদকং স্থিতঃ || ১. ১৯. ৮১||
তত্র পুণ্যা জনপদাশ্চিরাত্তু ম্রিয়তে জনঃ |
কুত এব চ দুর্ভিক্ষং জরাব্যাধিভয়ং কুতঃ || ১. ১৯. ৮২||
তত্রাপি পর্বতাঃ শভ্রাঃ সপ্তৈব মণিভূষণাঃ |
রত্নাকরাস্তথা নদ্যস্তেষাং নামানি মে শৃণু || ১. ১৯. ৮৩||
দেবর্ষিগন্ধর্বয়ুতঃ প্রথমো মেরুরুচ্যতে |
প্রাগায়তঃ স সৌবর্ণো হ্যুদয়ো নাম পর্বতঃ || ১. ১৯. ৮৪||
বৃষ্ট্যর্থং জলদাস্তত্র প্রভংবতি চ যান্তি চ |
তস্যাপরেণ সুমহাঞ্জলধারো মহাগিরিঃ || ১. ১৯. ৮৫||
যতো নিত্যমুপাদত্তে বাসবঃ পরমং জলম্ |
ততো বর্ষং প্রভবতি বর্ষাকালে প্রজাস্বিহ || ১. ১৯. ৮৬||
তস্যোত্তরে রৈবতকো যত্র নিত্যং প্রতিষ্ঠিতম্ |
রেবতী দিবি নক্ষত্রং পিতামহকৃতো বিধিঃ || ১. ১৯. ৮৭||
তস্যাপরেণ সুমহান্ শ্যামো নাম মহাগিরিঃ |
তস্মাচ্ছ্যামৎবমাপন্নাঃ প্রজাঃ পূর্বমিমাঃ কিল || ১. ১৯. ৮৮||
তস্যাপরেণ সুমহান্নাজতোঽস্তগিরিঃ স্মৃতঃ |
তস্যাপরে চাংবিকেয়ো দুর্গশৈলো মহাগিরিঃ || ১. ১৯. ৮৯||
অংবিকেয়াৎপরো রম্যঃ সর্বৌংষধিসমন্বিতঃ |
কেসরী কেসরয়ুতো যতো বায়ুঃ প্রজাপতিঃ || ১. ১৯. ৯০||
উদয়াৎপ্রথমং বর্ষং মহাত্তজ্জলদং স্মৃতম্ |
দ্বিতীয়ং জলধারস্য সুকুমারমিতি স্মৃতম্ || ১. ১৯. ৯১||
রৈবতস্য তু কৌমারং শ্যামস্য চ মণীবকম্ |
অস্তস্যাপি শুভং বর্ষং বিজ্ঞেয়ং কুসুমোত্তরম্ || ১. ১৯. ৯২||
অম্বিকেয়স্য মোদাকং কেসরস্য মহাদ্রুমম্ |
দ্বীপস্য পরিমাণং তু হ্রস্বদীর্ঘৎবমেব চ || ১. ১৯. ৯৩||
ক্রৈঞ্চদ্বীপেন বিখ্যাতং তস্য কেতুর্মহাদ্রুমঃ |
শাকো নাম মহোৎসেধস্তস্য পূজ্যা মহানুগাঃ || ১. ১৯. ৯৪||
তত্র পুণ্যা জনপদাশ্চাতুর্বর্ণ্যসমন্বিতাঃ |
নদ্যশ্চাপি মহাপুণ্যা গঙ্গাঃ সপ্তবিধাস্তথা || ১. ১৯. ৯৫||
সুকুমারী কুমারী চ নলিনী বেণুকা চ যা |
ইক্ষুশ্চ বেণুকা চৈব গভস্তিঃ সপ্তমী তথা || ১. ১৯. ৯৬||
নদ্যশ্চান্যাঃ পুণ্যজলাঃ শীততোয়বহাঃ শুভাঃ |
সহস্রশঃ সমাখ্যাতা যতো বর্ষতি বাসবঃ || ১. ১৯. ৯৭||
ন তাসাং নামধেয়ানি পরিমাণং তথৈব চ |
শক্যং বৈ পরিসংখ্যাতুং পুণ্যাস্তাঃ সরিদুত্তমাঃ || ১. ১৯. ৯৮||
তাঃ পিবন্তি সদা হৃষ্টা নদীর্জনপদাস্তু তে |
শাংশপায়নবিস্তীর্ণো দ্বীপোঽসৌ চক্রসংস্থিতঃ || ১. ১৯. ৯৯||
নদীজলৈঃ প্রতিচ্ছন্নঃ পর্বতৈশ্চাভ্রসন্নিভৈঃ |
সর্বধাতুবিচিত্রৈশ্চ মণিবিদ্রুমভূষিতৈঃ || ১. ১৯. ১০০||
নগরৈশ্চৈব বিবিধৈঃ স্ফীতৈর্জনপদৈরপি |
বৃক্ষৈঃ পুষ্পফলোপেতৈঃ সমন্তাদ্ধনধান্যবান্ || ১. ১৯. ১০১||
ক্ষীরোদেন সমুদ্রেণ সর্বতঃ পরিবারিতঃ |
শাকদ্বীপস্য বিস্তারাৎসমেন তু সমংন্ততঃ || ১. ১৯. ১০২||
তস্মিঞ্জনপদাঃ পুণ্যাঃ পর্বতাঃ সরিতঃ শুভাঃ |
বর্ণাশ্রমসমাকীর্ণা দেশাস্তে সপ্ত বৈ স্মৃতাঃ || ১. ১৯. ১০৩||
ন সংকরশ্চ তেষ্বস্তি বর্ণাশ্রমকৃতঃ ক্বচিৎ |
ধর্মস্য চাব্যভীচারাদেকান্তসুখিতাঃ প্রজাঃ || ১. ১৯. ১০৪||
ন তেষু লোভো মায়া বা হীর্ষাসূয়াকৃতঃ কুতঃ |
বিপর্যয়ো ন তেষ্বস্তি কালাৎস্বাভাবিকং পরম্ || ১. ১৯. ১০৫||
করাবাপ্তির্ন তেষ্বস্তি ন দণ্ডো ন চ দণ্ড্যকাঃ |
স্বধর্মেণৈব ধর্ম জ্ঞাস্তে রক্ষন্তি পরস্পরম্ || ১. ১৯. ১০৬||
এতাবদেব শক্যং বৈ তস্মিন্দ্বীপে প্রভাষিতুম্ |
এতাবদেব শ্রোতব্যং শাকদ্বীপনিবাসিনাম্ || ১. ১৯. ১০৭||
পুষ্করং সপ্তমং দ্বীপং প্রবক্ষ্যামি নিবোধত |
পুষ্করেণ তু দ্বীপেন বৃতঃ ক্ষীরোদকো বহিঃ || ১. ১৯. ১০৮||
শাকদ্বীপস্য বিস্তারাদ্দ্বিগুণেন সংমততঃ |
পুষ্করে পর্বতঃ শ্রীমানেক এব মহাশিলঃ || ১. ১৯. ১০৯||
চিত্রৈর্মণিময়ৈঃ শৃঙ্গৈঃ শিলাজালৈঃ সমুচ্ছ্রিতঃ |
দ্বীপস্য তস্য পূর্বর্দ্ধে চিত্রসানুঃ স্থিতো মহান্ || ১. ১৯. ১১০||
স মণ্ডলসহস্রাণি বিস্তীর্ণঃ পঞ্চবিংশতিঃ |
উর্দ্ধং চৈব চতুস্ত্রিংশৎসহস্রাণি মহীতলাৎ || ১. ১৯. ১১১||
দ্বীপর্ধস্য পরিক্ষিপ্তঃ পর্বতো মানসোত্তরঃ |
স্থিতো বেলাসমীপে তু নবচন্দ্র ইবোদিতঃ || ১. ১৯. ১১২||
যোজনানাং সহস্রাণি ঊর্ধ্বং পঞ্চাশদুচ্ছ্রিতঃ |
তাবদেব চ বিস্তীর্ণঃ সর্বতঃ পরিমণ্ডলঃ || ১. ১৯. ১১৩||
স এব দ্বীপপশ্চার্দ্ধে মানসঃ পৃথিবীধরঃ |
এক এব মহাসারঃ সন্নিবেশো দ্বিধা কৃতঃ || ১. ১৯. ১১৪||
স্বাদূদকেনোদধিনা সর্বতঃ পরিবারিতঃ |
পুষ্করদ্বীপবিস্তারাদ্বিস্তীর্ণোঽসৌ সমন্ততঃ || ১. ১৯. ১১৫||
তস্মিন্দ্বীপে স্মৃতৌ দ্বৌ তু পুণ্যৌ জনপদৌ শুভৌ |
অভিতো মানসস্যাথ পর্বতস্য তু মণ্ডলে || ১. ১৯. ১১৬||
মহাবীতং তু যদ্বর্ষ বাহ্যতো মানসস্য তৎ |
ৎস্যৈবাভ্যন্তরেণাপি ধাতকীখণ্ডমুচ্যতে || ১. ১৯. ১১৭||
দশবর্ষসহস্রাণি তত্র জীবতি মানবাঃ |
অরোগাঃ সুখবাহুল্যা মানসীং সিদ্ধিমাস্থিতাঃ || ১. ১৯. ১১৮||
মসসায়ুশ্চ রূপং চ তস্মিন্বর্ষদ্বয়ে স্মৃতম্ |
অধমোত্তমা ন তেষ্বস্তি তুল্যাস্তে রূপশীলতঃ || ১. ১৯. ১১৯||
ন তত্র দস্যুর্দমকো নের্ষ্যাসূয়া ভয়ং তথা |
নিগ্রহো ন চ দণ্ডোঽস্তি ন লোভো ন পরিগ্রহঃ || ১. ১৯. ১২০||
সত্যানৃতং ন তত্রাস্তি ধর্মাধর্মৌং তথৈব চ |
বর্ণাশ্রমৌ বা বার্তা বা পাশুপাল্যং বণিক্পথঃ || ১. ১৯. ১২১||
ত্রয়ী বিদ্যা দণ্ডনীতিঃ শুশ্রূষা শিল্পমেব চ |
বর্ষদ্বয়ে সর্বমেতৎপুষ্করস্য ন বিদ্যতে || ১. ১৯. ১২২||
ন তত্র বর্ষং নদ্যো বা শীতোষ্ণং বাপি বিদ্যতে |
উদ্ভিদান্যুদকান্যত্র গিরিপ্রস্রবণানি চ || ১. ১৯. ১২৩||
উত্তরাণাং কুরূণাং চ তুল্যকালো জনস্তথা |
সর্বর্ত্তুসুসুখস্তত্র জরাক্রমবিবর্জিতঃ || ১. ১৯. ১২৪||
ইত্যেষ ধাতকীখণ্ডে মহা বীতে তথৈব চ |
আনুপূর্ব্যাদ্বিধিঃ কৃৎস্নঃ পুষ্করস্য প্রকীর্ত্তিতঃ || ১. ১৯. ১২৫||
স্বাদূদকেনোদধিনা পুষ্করঃ পরিবারিতঃ |
বিস্তারান্মণ্ডলাচ্চৈব পুষ্করস্য সমেন তু || ১. ১৯. ১২৬||
এবং দ্বীপাঃ সমুদ্রৈস্তু সপ্ত সপ্তভিরাবৃতাঃ |
দ্বীপস্যানন্তরো যস্তু সামুদ্রস্তৎসমস্তু সঃ || ১. ১৯. ১২৭||
এবং দ্বীপসমুদ্রাণাং বৃদ্ধির্জ্ঞেয়া পরস্পরাৎ |
অপাং চৈব সমুদ্রেকাৎসামুদ্র ইতি সংজ্ঞিতঃ || ১. ১৯. ১২৮||
বিশন্তির্নিবসংত্যস্মিন্প্রজা যস্মাচ্চতুর্বিধাঃ |
তস্মাদ্বর্ষমিতি প্রোক্তং প্রজানাং সুখদং যতঃ || ১. ১৯. ১২৯||
ঋষ ইত্যেষ রমণে বৃষশক্তিপ্রবন্ধনে |
রতিপ্রবধনাত্মিদ্ধং বর্ষং তত্তেষু তেন বৈ || ১. ১৯. ১৩০||
শুক্লপক্ষে চন্দ্রবৃদ্ধ্যা সমুদ্রঃ পূর্যতে সদা |
প্রক্ষীয়মাণে বহুলে ক্ষীয়তেঽস্তমিতে খগে || ১. ১৯. ১৩১||
আপূর্যমাণো হ্যুদধিঃ স্বত এবাভিপূর্যতে |
তথোপক্ষীয়মাণেঽপি স্বাত্মন্যেবাবকৃষ্যতে || ১. ১৯. ১৩২||
উখাস্থমগ্নিসংযোগাদুদ্রিক্তং দৃশ্যতে যথা |
মহোদধিগতং তোয়ং স্বত উদ্রিচ্যতে তথা || ১. ১৯. ১৩৩||
অন্যূনানতিরিক্তাংশ্চ বর্ন্দ্বত্যাপো হ্রসংতি চ |
উদয়াস্তময়ে ৎবিন্দৌ পক্ষয়োঃ শুক্লকৃষ্ণয়োঃ || ১. ১৯. ১৩৪||
ক্ষয়বৃদ্ধৎবমুদধেঃ সোমবৃদ্ধিক্ষয়াৎপুনঃ |
দশোত্তরাণি পঞ্চৈব হ্যঙ্গুলানি শতানি চ || ১. ১৯. ১৩৫||
অপাং বৃদ্ধিঃ ক্ষয়ো দৃষ্টঃ সামুদ্রীণাং তু পর্বসু |
দ্বিরাপ্কৎবাৎস্মৃতা দ্বীপাঃ সর্বতশ্চোদকাবৃতাঃ || ১. ১৯. ১৩৬||
উদকস্যায়নং যস্মাত্তস্মাদুদধিরুচ্যতে |
অপর্বাণস্তু গিরয়ঃ পর্বভিঃ পর্বতাঃ স্মৃতাঃ || ১. ১৯. ১৩৭||
প্লক্ষদ্বীপে তু গোমেদঃ পর্বতস্তেন চৌচ্যতে |
শাল্মলিঃ শাল্মলে দ্বীপে পূজ্যতে সুমহাব্রতৈঃ || ১. ১৯. ১৩৮||
কুশদ্বীপে কুশস্তংবস্তস্যনাম্না স উচ্যতে |
ক্রৈঞ্চদ্বীপে গিরিঃ কৈঞ্চো মধ্যে জনপদস্য হ || ১. ১৯. ১৩৯||
শাকদ্বীপে দ্রুমঃ শাকস্তস্য নাম্না স উচ্যতে |
ন্যগ্রোধঃ পুষ্করদ্বীপে তত্রত্যৈঃ স নমস্কৃতঃ || ১. ১৯. ১৪০||
মহাদেবঃ পূজ্যতে তু ব্রহ্মা ত্রিভুবনেশ্বরঃ |
তস্মিন্নি বসতি ব্রহ্মা সাধ্যৈঃ সার্দ্ধং প্রজাপতিঃ || ১. ১৯. ১৪১||
উপাসংতে তত্র দেবাস্ত্রয়স্ত্রিংশন্মহর্ষিভিঃ |
স তত্র পূজ্যতে চৈব দেবের্দেবোতমোতমঃ || ১. ১৯. ১৪২||
জংবূদ্বীপাৎপ্রবর্ত্তন্তে রত্নানি বিবিধানি চ |
দ্বীপেষু তেষু সর্বেষু প্রজানাং ক্রমতস্তু বৈ || ১. ১৯. ১৪৩||
সর্বশো ব্রহ্মবর্যেণ সত্যেন চ দমেন চ |
আরোগ্যয়ুঃপ্রমাণাভ্যাং প্রমাণং দ্বিগুণং ততঃ || ১. ১৯. ১৪৪||
এতস্মিন্পুষ্করদ্বীপে যদুক্তং বর্ষকদ্বয়ম্ |
গোপায়তি প্রজাস্তত্র স্বয়ংভূর্জড পণ্ডিতাঃ || ১. ১৯. ১৪৫||
ঈশ্বরো দণ্ডসুদ্যম্য ব্রহ্মা ত্রিভুবনেশ্বরঃ |
স বিষ্ণোঃ সচিবো দেবঃ স পিতা স পিতামহঃ || ১. ১৯. ১৪৬||
ভোজনং চাপ্রয়ত্নেন তত্র স্বয়মুপস্থিতম্ |
ষড্রসং সুমহাবীর্যং ভুঞ্জতে তু প্রজাঃ সদা || ১. ১৯. ১৪৭||
পরেণ পুষ্করস্যার্দ্ধে আবৃত্যাবস্থিতো মহান্ |
স্বাদূদকঃ সমুদ্রস্তু সমন্তাৎপরিবেষ্ট্য তম্ || ১. ১৯. ১৪৮||
পরেণ তস্য মহতী দৃশ্যতে লোকসংস্থিতিঃ |
কাঞ্চনী দ্বিগুণা ভূমিঃ সর্বাহ্যেকশিলোপমা || ১. ১৯. ১৪৯||
তস্যাপরেণ শৈলশ্চ পর্যাসাৎপস্মিণ্ডলঃ |
প্রকাশশ্চাপ্রকাশশ্চ লোকালোকঃ স উচ্যতে || ১. ১৯. ১৫০||
আলোকস্তস্য চার্বক্তু নিরালোকস্ততঃ পরম্ |
যোজনানাং সহস্রাণি দশ তস্যোচ্ছ্রয়ঃ সমৃতঃ || ১. ১৯. ১৫১||
তাবাংশ্চ বিস্তরস্তস্য পৃথিব্যাং কামগশ্চ সঃ |
আলোকো লোকবৃত্তিস্থো নিরালোকো হ্যলৌকিকঃ || ১. ১৯. ১৫২||
লোকার্দ্ধে সংমিতা লোকা নিরালোকাস্তু বাহ্যতঃ |
লোকবিস্তারমাত্রং তু হ্যলোকঃ সর্বতো বহিঃ || ১. ১৯. ১৫৩||
পরিচ্ছিন্নঃ সমন্তাচ্চ উদকেনাবৃতস্তু সঃ |
আলোকাৎপরতশ্চাপি হ্যণ্ডমা বৃত্য তিষ্ঠতি || ১. ১৯. ১৫৪||
অণ্ডস্যান্তস্ত্বিমে লোকাঃ সপ্তদ্বীপা চ মেদিনী |
ভূর্লোকোঽথ ভুবর্ল্লোকঃ স্বর্লোকোঽথ মহস্তথা || ১. ১৯. ১৫৫||
জনস্তপস্তথা সত্যমেতাবাংল্লোকসংগ্রহঃ |
এতাবানেব বিজ্ঞেয়ো লোকান্তশ্চৈব যঃ পরঃ || ১. ১৯. ১৫৬||
কুংভস্থায়ী ভবেদ্যাদৃবপ্রতীচ্যাং দিশি চন্দ্রমাঃ |
আদিতঃ শুক্লপক্ষস্য বপুশ্চাণ্ডস্য তদ্বিধম্ || ১. ১৯. ১৫৭||
অণ্ডানামীদৃশানাং তু কোট্যো জ্ঞেয়াঃ সহস্রশঃ |
তির্যগূর্ধ্বমধো বাপি কারণস্যাব্যয়াত্মনঃ || ১. ১৯. ১৫৮||
ধরণৈঃ প্রাকৃতৈস্তত্তদাবৃতং প্রতি সপ্তভিঃ |
দশাধিক্যেন চান্যোন্যং ধারয়ন্তি পরস্পরম্ || ১. ১৯. ১৫৯||
পরস্পরাবৃতাঃ সর্বে উৎপন্নাশ্চ পরস্পরম্ |
অণ্ডস্যাস্য সমন্তাত্তু সন্নিবিষ্টো ঘনোদধিঃ || ১. ১৯. ১৬০||
সমন্তাত্তু বনোদেন ধার্যমাণঃ স তিষ্টতি |
বাহ্যতো ঘনতো যস্য তির্যগূর্দ্ধ্বং তু মণ্ডলম্ || ১. ১৯. ১৬১||
ধার্যমাণং সমন্তাত্তু তিষ্ঠতে যত্তু তেজসা |
অয়োগুডনিভো বাহ্নঃ সমন্তা ন্মণ্ডলাকৃতিঃ || ১. ১৯. ১৬২||
সমন্তাদ্ধনবাতেন ধার্যমাণঃ স তিষ্ঠতি |
ঘনবাতং তথাকাশো দধানঃ খলু তিষ্ঠতি || ১. ১৯. ১৬৩||
ভূতাদিশ্চ তথা কাশং ভূতাদিশ্চাপ্যসৌ মহান্ |
মহাশ্চ সোঽপ্যনন্তেন হ্যব্যক্তেন তু ধার্যতে || ১. ১৯. ১৬৪||
অনন্তমপরিব্যক্তং দশধা সূক্ষ্মমেব চ |
অনন্তম কৃতাত্মানমনাদিনিধনং চ যৎ || ১. ১৯. ১৬৫||
অনিত্যং পরতোঽঘোরমনালংবমনাময়ম্ |
নৈকয়োজনসাহস্রং বিপ্রকৃষ্টমনাবৃতম্ || ১. ১৯. ১৬৬||
তম এব নিরালোকমমর্য্যাদমদৈশিকম্ |
দেবানামপ্যবিদিতং ব্যবহারবিবর্জিতম্ || ১. ১৯. ১৬৭||
তমসোংতে চ বিশ্যাতমাকাশান্তে হ্যভাস্বরম্ |
মর্যাদায়ামনন্তস্য দেবস্যায়তনং মহৎ || ১. ১৯. ১৬৮||
ত্রিদশানামগম্যং ততস্থানং দিব্যমিতি শ্রুতিঃ |
মহতো দেবদেবস্য মর্যাদা যা ব্যবস্থিতাঃ || ১. ১৯. ১৬৯||
চন্দ্রাদিত্যাবধস্তাত্তু যে লোকাঃ প্রথিতা বুধৈঃ |
তে লোকা ইত্যভিহিতা জগতস্চ ন সংশয়ঃ || ১. ১৯. ১৭০||
রসাতলতলাঃ সপ্তসপ্তৈবোর্দ্ধ্বতলাশ্চ যে |
সপ্তস্কন্ধস্তথা বায়োঃ সব্রহ্মসদনা দ্বিজাঃ || ১. ১৯. ১৭১||
আপাতালাদ্দিবং যাবদত্র পঞ্চবিধা গতিঃ |
প্রমাণমেতজ্জগত এষ সংসারসাগরঃ || ১. ১৯. ১৭২||
অনাদ্যন্তাং ব্রজন্ত্যেব নৈকজাতিসমুদ্ভবাঃ |
বিচিত্রা জগতঃ সা বৈ প্রকৃতির্ব্রহ্মণঃ স্থিতা || ১. ১৯. ১৭৩||
যচ্চৈহ দৈবিকং বাথ নিসর্গং বহুবিস্তরঃ |
অতীন্দ্রিয়ের্মহাভাগৈঃ সিদ্ধৈরপি ন লক্ষিতঃ || ১. ১৯. ১৭৪||
পৃথিব্যংব্বগ্নিবায়ূনাং নভসস্তমসস্তথা |
মানসস্য তু দেহস্য অনন্তস্য দ্বিজোত্তমাঃ || ১. ১৯. ১৭৫||
ক্ষয়ো বা পরিণামো বা অন্তো বাপি ন বিদ্যতে |
অনন্ত এষ সর্বত্র এবং জ্ঞানেষু পঠ্যতে || ১. ১৯. ১৭৬||
তস্য চোক্তং ময়া পূর্ব তস্মিন্নামানুকীর্তনে |
যঃ পদ্মনাভনাম্না তু তৎকার্ত্স্ন্যেন চ কীর্ত্তিতঃ || ১. ১৯. ১৭৭||
স এব সর্বত্র গতঃ সর্বস্থানেষু পূজ্যতে |
ভূমৌ রসাতলে চৈব আকাশে পবনেঽনলে || ১. ১৯. ১৭৮||
অর্ণবেষু চ সর্বেষু দিবি চৈব ন সংশয়ঃ |
তথা তমসি বিজ্ঞেয় এষ এব মহাদ্যুতিঃ || ১. ১৯. ১৭৯||
অনেকধা বিভক্তাঙ্গো মহায়োগী জনার্দনঃ |
সর্বলোকেষু লোকেশ ইজ্যতে বহুধা প্রভুঃ || ১. ১৯. ১৮০||
এবং পরস্পরোৎপন্ন ধার্যন্তে চ পরস্পরম্ |
আধারাধেয়ভাবেন বিকারাস্তেঽবিকারিণঃ || ১. ১৯. ১৮১||
পৃথ্ব্যাদয়ো বিকারাস্তে পরিচ্ছিন্নাঃ পরস্পরম্ |
পরস্পরধিকাশ্চৈব প্রবিষ্টাস্তে পরস্পরম্ || ১. ১৯. ১৮২||
যস্মাৎসৃষটাস্তু তেঽন্যোন্যং তস্মাৎস্থৈর্যমুপাগতাঃ |
প্রাগাসন্নবিশেষাস্তু বিশেষোঽন্যবিশেষণাৎ || ১. ১৯. ১৮৩||
পৃথিব্যাদ্যাস্তু বাদ্যন্তাপরিচ্ছিন্নাস্ত্রয়স্তু তে |
গুণোপচয়সারেণ পরিচ্ছেদো বিশেষতঃ || ১. ১৯. ১৮৪||
শেষাণাং তু পরিচ্ছেদঃ সৌক্ষ্ম্যান্নেহ বিভাব্যতে |
ভূতেভ্যঃ পরতস্তেভ্যো ব্যালোকা সা ধরা স্মৃতা || ১. ১৯. ১৮৫||
ভূতান্যালোক আকাশে পরিচ্ছিন্নানি সর্বশঃ |
পাত্রে মহতি পাত্রাণি যথৈবান্তর্গতানি তু || ১. ১৯. ১৮৬||
ভবন্ত্যন্যোন্যহীনানি পরস্পরসমাশ্রয়াৎ |
তথা হ্যালোক আকাশে ভেদাস্ত্বন্তর্গতা মতাঃ || ১. ১৯. ১৮৭||
কৃত্ত্নান্যেতানি চৎবারি হ্যন্যোন্যস্যাধিকানি তু |
যাবদেতানি ভূতানি তাবদুৎপত্তিরুচ্যতে || ১. ১৯. ১৮৮||
তন্তুনামিব সংতারো ভূতেষ্বন্তর্গতো মতঃ |
প্রত্যা খ্যায় তু ভূতানি কার্যোৎপর্ত্তিন বিদ্যতে || ১. ১৯. ১৮৯||
তস্মাৎপরিমিতা ভেদাঃ স্মৃতাঃ কার্য্যাত্মকাস্তু তে |
কারণাত্মকাস্তথৈক স্যুর্ভেদা যে মহদাদয়ঃ || ১. ১৯. ১৯০||
ইত্যেষ সংনিবেশো বৈ ময়া প্রোক্তো বিভাগশঃ |
সপ্তদ্বীপসমুদ্রাড্যো যাথাতথ্যন বৈ দ্বিজাঃ || ১. ১৯. ১৯১||
বিস্তরান্মণ্ডলাশ্চৈব প্রসংখ্যানেন চৈব হি |
বৈশ্বরূপ্রধানস্য পরিণামৈকদেশিকঃ || ১. ১৯. ১৯২||
অধিষ্ঠিতং ভগবতা যস্য সর্বমিদং জগৎ |
এবংভূতগণাঃ সপ্ত সন্নিবিষ্টাঃ পরস্পরম্ || ১. ১৯. ১৯৩||
এতাবান্সংনিবেশস্তু ময়া শক্যঃ প্রভাষিতুম্ |
এতাবদেব শ্রোতব্যং সংনিবেশে তু পার্থেবে || ১. ১৯. ১৯৪||
সপ্ত প্রকৃতয়স্ত্বেতা ধারয়ন্তি পরস্পরম্ |
তাস্ত্বহং পরিমাণেন নং সংখ্যাতুমিহোৎসহে || ১. ১৯. ১৯৫||
অসংখ্যাতাঃ প্রকৃতয়স্তির্য্যগূর্দ্ধ্বমধস্তথা |
তারকাসংনিবেশশ্চ যাবদ্দিব্যানুমণ্ডলম্ || ১. ১৯. ১৯৬||
পর্য্যা যসন্নিবেশস্তু ভূমেস্তদনু মণ্ডলঃ |
অত ঊর্ধ্বং প্রবক্ষ্যামি কৃথিব্যা বৈ বিচক্ষণাঃ || ১. ১৯. ১৯৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে প্লক্ষাদিদ্বীপবর্ণনং নামৈকোনবিংশতিতমোঽধ্যায়ঃ
