স্কন্দপুরাণ অধ্যায় ০৭

স্কন্দপুরাণ অধ্যায় ০৭
SP0070010বায়ুরুবাচ |
SP0070011ব্রহ্মলোকং সমাসাদ্য ভগবান্সর্বলোকপঃ |
SP0070012ভৈক্ষ্যং ভৈক্ষ্যমিতি প্রোচ্য দ্বারে সমবতিষ্ঠত ||
SP0070021তং দৃষ্ট্বা বিকৃতং ব্রহ্মা কপালকরভূষণম্ |
SP0070022জ্ঞাৎবা যোগেন মহতা তুষ্টাব ভুবনেশ্বরম্ ||
SP0070031তস্য তুষ্টস্তদা দেবো বরদোঽস্মীত্যভাষত |
SP0070032বৃণীষ্ব বরমব্যগ্রো যস্তে মনসি বর্ততে ||
SP0070040ব্রহ্মোবাচ |
SP0070041ইচ্ছামি দেবদেবেশ ৎবয়া চিহ্নমিদং কৃতম্ |
SP0070042যেন চিহ্নেন লোকোঽযং চিহ্নিতঃ স্যাজ্জগৎপতে ||
SP0070051তস্য তদ্বচনং শ্রুৎবা ভগবান্বদতাং বরঃ |
SP0070052সর্বশ্রুতিময়ং ব্রহ্ম ওমিতি ব্যাজহার হ ||
SP0070061শম্ভোর্ব্যাহারমাত্রেণ বাগিয়ং দিব্যরূপিণী |
SP0070062নিঃসৃতা বদনাদ্দেবী প্রহ্বা সমবতিষ্ঠত ||
SP0070071তামুবাচ তদা দেবো বাচা সংজীবয়ন্নিব |
SP0070072যস্মাত্ত্বমক্ষরো ভূৎবা মম বাচো বিনিঃসৃতা |
SP0070073সর্ববিদ্যাধিদেবী ৎবং তস্মাদ্দেবি ভবিষ্যসি ||
SP0070081যস্মাদ্ব্রহ্মসরশ্চেদং মুখং মম সমাশ্রিতা |
SP0070082তস্মাৎসরস্বতীত্যেব লোকে খ্যাতিং গমিষ্যসি ||
SP0070091ইমং লোকং বরাম্ভোভিঃ পাবয়িৎবা চ সুপ্রভে |
SP0070092সর্বা/ল্লোকাংস্তারয়িত্রী পুনস্ত্বং নাত্র সংশয়ঃ ||
SP0070101যজ্ঞভাগং চ দেবাস্তে দাস্যন্তি সপিতামহাঃ |
SP0070102পুণ্যা চ সর্বসরিতাং ভবিষ্যসি ন সংশয়ঃ ||
SP0070111ততঃ সা সমনুজ্ঞাতা শংকরেণ বিভাবিনী |
SP0070112চক্রে ব্রহ্মসরঃ পুণ্যং ব্রহ্মলোকেঽতিপাবনম্ ||
SP0070121তোয়ামৃতসুসম্পূর্ণং স্বর্ণপদ্মোপশোভিতম্ |
SP0070122নানাপক্ষিগণাকীর্ণং মীনসংক্ষোভিতোদকম্ |
SP0070123ততো বিনিঃসৃতা ভূয়ঃ সেমং লোকমপাবয়ৎ ||
SP0070131তং গৃহীৎবা মহাদেবঃ কপালমমিতৌজসম্ |
SP0070132ইমং লোকমনুপ্রাপ্য দেশে শ্রেষ্ঠেঽবতিষ্ঠত ||
SP0070141তত্র তচ্চ মহদ্দিব্যং কপালং দেবতাধিপঃ |
SP0070142স্থাপয়ামাস দীপ্তার্চির্গণানামগ্রতঃ প্রভুঃ ||
SP0070151তৎস্থাপিতমথো দৃষ্ট্বা গণাঃ সর্বে মহাত্মনঃ |
SP0070152অনদন্সুমহানাদং নাদয়ন্তো দিশো দশ |
SP0070153ক্ষুব্ধার্ণবাশনিপ্রখ্যং নভো যেন ব্যশীর্যত ||
SP0070161তেন শব্দেন ঘোরেণ অসুরো দেবকণ্টকঃ |
SP0070162হালাহল ইতি খ্যাতস্তং দেশং সোঽভ্যগচ্ছত ||
SP0070171অমৃষ্যমাণঃ ক্রোধান্ধো দুরাত্মা যজ্ঞনাশকঃ |
SP0070172ব্রহ্মদত্তবরশ্চৈব অবধ্যঃ সর্বজন্তুভিঃ |
SP0070173মহিষশ্ছন্নরূপাণামসুরাণাং শতৈর্বৃতঃ ||
SP0070181তমাপতন্তং সক্রোধং মহিষং দেবকণ্টকম্ |
SP0070182সম্প্রেক্ষ্যাহ গণাধ্যক্ষো গণান্সর্বান্পিনাকিনঃ ||
SP0070191দৈত্যোঽযং গণপা দুষ্টস্ত্রৈলোক্যসুরকণ্টকঃ |
SP0070192আয়াতি ৎবরিতো যূয়ং তস্মাদেনং নিহন্যথ ||
SP0070201ততস্তে গণপাঃ সর্বে সমায়ান্তং সুরদ্বিষম্ |
SP0070202ভিত্ত্বা শূলেন সংক্রুদ্ধা বিগতাসুং চ চক্রিরে ||
SP0070211হতে তস্মিংস্তদা দেবো দিশঃ সর্বা অবৈক্ষত |
SP0070212তাভ্যঃ পিশাচা বৃত্তাস্যাঃ পিশাচ্যশ্চ মহাবলাঃ |
SP0070213অভ্যগচ্ছন্ত দেবেশং তাভ্যস্তং বিনিবেদয়ৎ ||
SP0070221স তাভিরুপয়ুক্তশ্চ বিনিয়ুক্তশ্চ সর্বশঃ |
SP0070222তমেব চাপ্যথাবাসং দেবাদিষ্টং প্রপেদিরে ||
SP0070231ভক্ষয়ন্তি স্ম মহিষং মিৎবা মিৎবা যতস্তু তাঃ |
SP0070232কপালমাতরঃ প্রোক্তাস্তস্মাদ্দেবেন ধীমতা ||
SP0070241কপালং স্থাপিতং যস্মাত্তস্মিন্দেশে পিনাকিনা |
SP0070242মহাকপালং তত্তস্মাত্ত্রিষু লোকেষু গদ্যতে ||
SP0070251স্থাপিতস্য কপালস্য যথোক্তমভবত্তদা |
SP0070252খ্যাতং শিবতডাগং তৎসর্বপাপপ্রমোচনম্ ||
SP0070261আগত্যাথ ততো ব্রহ্মা দেবতানাং গণৈর্বৃতঃ |
SP0070262কপর্দিনমুপামন্ত্র্য তং দেশং সোঽন্বগৃহ্ণত ||
SP0070271অর্ধয়োজনবিস্তীর্ণং ক্ষেত্রমেতৎসমন্ততঃ |
SP0070272ভবিষ্যতি ন সংদেহঃ সিদ্ধক্ষেত্রং মহাত্মনঃ ||
SP0070281শ্মেতি হি প্রোচ্যতে পাপং ক্ষয়ং শানং বিদুর্বুধাঃ |
SP0070282ধ্যানেন নিয়মৈশ্চৈব শ্মশানং তেন সংজ্ঞিতম্ |
SP0070283গুহ্যং দেবাতিদেবস্য পরং প্রিয়মনুত্তমম্ ||
SP0070291এবং তত্র নরঃ পাপং সর্বমেব প্রহাস্যতি |
SP0070292ত্রিরাত্রোপোষিতশ্চৈব অর্চয়িৎবা বৃষধ্বজম্ |
SP0070293রাজসূয়াশ্বমেধাভ্যাং ফলং যত্তদবাপ্স্যতি ||
SP0070301যশ্চ প্রাণান্প্রিয়াংস্তত্র পরিত্যক্ষ্যতি মানবঃ |
SP0070302স গুহ্যগণদেবানাং সমতাং সমবাপ্স্যতি ||
SP0070311বায়ুরুবাচ |
SP0070312ততঃ স তত্র সংস্থাপ্য দেবস্যার্চাদ্বয়ং শুভম্ |
SP0070313শূলেশ্বরং মহাকায়ং রুদ্রস্যায়তনং শুভম্ ||
SP0070321তত্রাভিগমনাদেব কৃৎবা পাপস্য সংক্ষয়ম্ |
SP0070322রুদ্রলোকমবাপ্নোতি স প্রাহৈবং পিতামহঃ ||
SP0070331যত্র চাপি শিরস্তস্য চিচ্ছেদ ভুবনেশ্বরঃ |
SP0070332কশ্মীরঃ সোঽভবন্নাম্না দেশঃ পুণ্যতমঃ সদা ||
SP0070341ততো দেবঃ সহ গণৈ রূপং বিকৃতমাস্থিতঃ |
SP0070342পশ্যতাং সর্বদেবানামন্তর্ধানমগাৎপ্রভুঃ ||
SP0070351গতে চ দেবনাথেঽথ কপালস্থানমব্যয়ম্ |
SP0070352সর্বতীর্থাভিষেকস্য ফলেন সময়োজয়ৎ ||
SP0070361তদদ্যাপি মহদ্দিব্যং সরস্তত্র প্রদৃশ্যতে |
SP0070362মহাকপালং বিপ্রেন্দ্রাঃ স্বর্গাস্তত্রাক্ষয়াঃ স্মৃতাঃ ||
SP0070371ইদং শুভং দিব্যমধর্মনাশনং মহাফলং সেন্দ্রসুরাসুরার্চিতম্ |
SP0070372মহাকপালং প্রকৃতোপদর্শনং সুরেশলোকাদিবিগাহনে হিতম্ ||
SP0070381তপোধনৈঃ সিদ্ধগণৈশ্চ সংস্তুতং দিবিষ্ঠতুল্যদ্বিজরাজমণ্ডলে |
SP0070382পঠেন্নরো যঃ শৃণুয়াচ্চ সর্বদা ত্রিপিষ্টপং গচ্ছতি সোঽভিনন্দিতঃ ||
SP0079999ইতি স্কন্দপুরাণে সপ্তমোঽধ্যায়ঃ ||