কৌটিলীয অর্থশাস্ত্রং – ১০
Book |
Chapt | স্কন্ধাবারনিবেশঃ
10.1.01 বাস্তুকপ্রশস্তে বাস্তুনি নাযকবর্ধকি মৌহূর্তিকাঃ স্কন্ধাবারং, বৃত্তং দীর্ঘং চতুর্ঽশ্রং বা ভূমিবশেন বা, চতুর্দ্বারং ষট্পথং নবসংস্থানং মাপযেযুঃ খাতবপ্রসালদ্বারাট্টালকসম্পন্নং ভযে স্থানে চ
10.1.02 মধ্যমস্য উত্তরে নবভাগে রাজবাস্তুকং ধনুঃশতাযামং অর্ধবিস্তারং, পশ্চিমার্ধে তস্যান্তঃপুরম্
10.1.03 অন্তর্বংশিকসৈন্যং চান্তে নিবিশেত
10.1.04 পুরস্তাদ্ উপস্থানং, দক্ষিণতঃ কোশশাসনকার্যকরণানি, বামতো রাজাউপবাহ্যানাং হস্ত্য্ঽশ্বরথানাং স্থানম্
10.1.05 অতো ধনুঃশতান্তরাশ্চত্বারঃ শকটমেথীপ্রততিস্তম্ভসালপরিক্ষেপাঃ
10.1.06 প্রথমে পুরস্তান্ মন্ত্রিপুরোহিতৌ, দণ্ষিণতঃ কোষ্ঠাগারং মহানসং চ, বামতঃ কুপ্যাযুধাগারম্
10.1.07 দ্বিতীযে মৌলভৃতানাং স্থানং অশ্বরথানাং সেনাপতেশ্চ
10.1.08 তৃতীযে হস্তিনঃ শ্রেণ্যঃ প্রশাস্তা চ
10.1.09 চতুর্থে বিষ্টির্নাযকো মিত্রামিত্রাটবীবলং স্বপুরুষাধিষ্ঠিতম্
10.1.10 বণিজো রূপাজীবাশ্চানুমহাপথম্
10.1.11 বাহ্যতো লুব্ধকশ্বগণিনঃ সতূর্যাগ্নযঃ, গূঢাশ্চারক্ষাঃ
10.1.12 শত্রূণাং আপাতে কূপকূটাবপাতকণ্টকিনীশ্চ স্থাপযেত্
10.1.13 অষ্টাদশবর্গাণাং আরক্ষবিপর্যাসং কারযেত্
10.1.14 দিবাযামং চ কারযেদ্ অপসর্পজ্ঞানার্থম্
10.1.15 বিবাদসৌরিকসমাজদ্যূতবারণং চ কারযেত্, মুদ্রারক্ষণং চ
10.1.16 সেনানিবৃত্তং আযুধীযং অশাসনং শূন্যপালো বধ্নীযাত্
10.1.17ab পুরস্তাদ্ অধ্বনঃ সম্যক্প্রশাস্তা রক্ষণানি চ |
10.1.17chd যাযাদ্ বর্ধকিবিষ্টিভ্যাং উদকানি চ কারযেত্ ( ইতি)
Chapt | স্কন্ধাবারপ্রযাণং – বলব্যসনাবস্কন্দকালরক্ষণম্
10.2.01 গ্রামারণ্যানাং অধ্বনি নিবেশান্ যবস ইন্ধন উদকবশেন পরিসঙ্খ্যায স্থানাসনগমনকালং চ যাত্রাং যাযাত্
10.2.02 তত্প্রতীকারদ্বিগুণং ভক্ত উপকরণং বাহযেত্
10.2.03 অশক্তো বা সৈন্যেষ্বাযোজযেত্, অন্তরেষু বা নিচিনুযাত্
10.2.04 পুরস্তান্নাযকঃ, মধ্যে কলত্রং স্বামী চ, পার্শ্বযোরশ্বা বাহু.উত্সারঃ, চক্রান্তেষু হস্তিনঃ প্রসারবৃদ্ধির্বা, পশ্চাত্ সেনাপতির্যাযাত্ নিবিশেত
10.2.05 সর্বতো বনাজীবঃ প্রসারঃ
10.2.06 স্বদেশাদ্ অন্বাযতির্বীবধঃ
10.2.07 মিত্রবলং আসারঃ
10.2.08 কলত্রস্থানং অপসারঃ
10.2.09 পুরস্তাদ্ অধ্যাঘাতে মকরেণ যাযাত্, পশ্চাত্শকটেন, পার্শ্বযোর্বজ্রেণ, সমন্ততঃ সর্বতোভদ্রেণ, একাযনে সূচ্যা
10.2.10 পথিদ্বৈধীভাবে স্বভূমিতো যাযাত্
10.2.11 অভূমিষ্ঠানাং হি স্বভূমিষ্ঠা যুদ্ধে প্রতিলোমা ভবন্তি
10.2.12 যোজনং অধমা, অধ্যর্ধং মধ্যমা, দ্বিযোজনং উত্তমা, সম্ভাব্যা বা গতিঃ
10.2.13 আশ্রযকারী সম্পন্নঘাতী পার্ষ্ণিরাসারো মধ্যম উদাসীনো বা প্রতিকর্তব্যঃ, সঙ্কটো মার্গঃ শোধযিতব্যঃ, কোশো দণ্ডো মিত্রামিত্রাটবীবলং বিষ্টি.ঋতুর্বা প্রতীক্ষ্যাঃ, কৃতদুর্গকর্মনিচযরক্ষাক্ষযঃ ক্রীতবলনির্বেদো মিত্রবলনির্বেদশ্চাগমিষ্যতি, উপজপিতারো বা নাতিত্বরযন্তি, শত্রুরভিপ্রাযং বা পূরযিষ্যতি, ইতি শনৈর্যাযাত্, বিপর্যযে শীঘ্রম্
10.2.14 হস্তিস্তম্ভসঙ্ক্রমসেতুবন্ধনৌকাষ্ঠবেণুসঙ্ঘাতৈরলাবুচর্মকরণ্ডদৃতিপ্লবগণ্ডিকাবেণিকাভিশ্চ উদকানি তারযেত্
10.2.15 তীর্থাভিগ্রহে হস্ত্য্ঽশ্বৈরন্যতো রাত্রাবুত্তার্য সত্ত্রং গৃহ্ণীযাত্
10.2.16 অনুদকে চক্রিচতুষ্পদং চাধ্বপ্রমাণেন শক্ত্যা উদকং বাহযেত্
10.2.17 দীর্ঘকান্তারং অনুদকং যবস ইন্ধন উদকহীনং বা কৃচ্ছ্রাধ্বানং অভিযোগপ্রস্কন্নং ক্ষুত্পিপাসাঽধ্বক্লান্তং পঙ্কতোযগম্ভীরাণাং বা নদীদরীশৈলানাং উদ্যানাপযানে ব্যাসক্তং একাযনমার্গে শৈলবিষমে সঙ্কটে বা বহুলীভূতং নিবেশে প্রস্থিতে বিসম্নাহং ভোজনব্যাসক্তং আযতগতপরিশ্রান্তং অবসুপ্তং ব্যাধিমরকদুর্ভিক্ষপীডিতং ব্যাধিতপত্ত্য্ঽশ্বদ্বিপং অভূমিষ্ঠং বা বলব্যসনেষু বা স্বসৈন্যং রক্ষেত্, পরসৈন্যং চাভিহন্যাত্
10.2.18 একাযনমার্গপ্রযাতস্য সেনানিশ্চারগ্রাসাহারশয্যাপ্রস্তারাগ্নিনিধানধ্বজাযুধসঙ্খ্যানেন পরবলজ্ঞানম্
10.2.19 তদাঽঽত্মানো গূহযেত্
10.2.20ab পার্বতং বনদুর্গং বা সাপসারপ্রতিগ্রহম্ |
10.2.20chd স্বভুমৌ পৃষ্ঠতঃ কৃত্বা যুধ্যেত নিবিশেত চ ( ইতি)
Chapt | কূটযুদ্ধবিকল্পাঃ – স্বসৈন্য উত্সাহনং – স্ববলান্যবলব্যাযোগঃ
10.3.01 বলবিশিষ্টঃ কৃত উপজাপঃ প্রতিবিহিত.ঋতুঃ স্বভূম্যাং প্রকাশযুদ্ধং উপেযাত্
10.3.02 বিপর্যযে কূটযুদ্ধম্
10.3.03 বলব্যসনাবস্কন্দকালেষু পরং অভিহন্যাত্, অভূমিষ্ঠং বা স্বভূমিষ্ঠঃ, প্রকৃতিপ্রগ্রহো বা স্বভূমিষ্ঠম্
10.3.04 দূষ্যামিত্রাটবীবলৈর্বা ভঙ্গং দত্ত্বা বিভূমিপ্রাপ্তং হন্যাত্
10.3.05 সংহতানীকং হস্তিভির্ভেদযেত্
10.3.06 পূর্বং ভঙ্গপ্রদানেনানুপ্রলীনং ভিন্নং অভিন্নঃ প্রতিনিবৃত্য হন্যাত্
10.3.07 পুরস্তাদ্ অভিহত্য প্রচলং বিমুখং বা পৃষ্ঠতো হস্ত্য্ঽশ্বেনাভিহন্যাত্
10.3.08 পৃষ্ঠতোঽভিহত্যা প্রচলং বিমুখং বা পুরস্তাত্ সারবলেনাভিহন্যাত্
10.3.09 তাভ্যাং পার্শ্বাভিগাতৌ ব্যাখ্যাতৌ
10.3.10 যতো বা দূষ্যফল্গুবলং ততোঽভিহন্যাত্
10.3.11 পুরস্তাদ্ বিষমাযাং পৃষ্ঠতোঽভিহন্যাত্
10.3.12 পৃষ্ঠতো বিষমাযাং পুরস্তাদ্ অভিহন্যাত্
10.3.13 পার্শ্বতো বিষমাযাং ইতরতোঽভিহন্যাত্
10.3.14 দূষ্যামিত্রাটবীবলৈর্বা পূর্বং যোধযিত্বা শ্রান্তং অশ্রান্তঃ পরং অভিহন্যাত্
10.3.15 দূষ্যবলেন বা স্বযং ভঙ্গং দত্ত্বা জিতম্ ইতি বিশ্বস্তং অবিশ্বস্তঃ সত্ত্রাপাশ্রযোঽভিহন্যাত্
10.3.16 সার্থব্রজস্কন্ধাবারসংবাহবিলোপপ্রমত্তং অপ্রমত্তোঽভিহন্যাত্
10.3.17 ফল্গুবলাবচ্ছন্নসারবলো বা পরবীরান্ অনুপ্রবিশ্য হন্যাত্
10.3.18 গোগ্রহণেন শ্বাপদবধেন বা পরবীরান্ আকৃষ্য সত্ত্রচ্ছন্নোঽভিহন্যাত্
10.3.19 রাত্রাববস্কন্দেন জাগরযিত্বা নিদ্রাক্লান্তান্ অবসুপ্তান্ বা দিবা হন্যাত্
10.3.20 সপাদচর্মকোশৈর্বা হস্তিভিঃ সৌপ্তিকং দদ্যাত্
10.3.21 অহঃসম্নাহপরিশ্রান্তান্ অপরাহ্নেঽভিহন্যাত্
10.3.22 শুষ্কচর্মবৃত্তশর্করাকোশকৈর্গোমহিষ উষ্ট্রযূথৈর্বা ত্রস্নুভিরকৃতহস্ত্য্ঽশ্বং ভিন্নং অভিন্নঃ প্রতিনিবৃত্তং হন্যাত্
10.3.23 প্রতিসূর্যবাতং বা সর্বং অভিহন্যাত্
10.3.24 ধান্বনবনসঙ্কটপঙ্কশৈলনিম্নবিষমনাবো গাবঃ শকটব্যূহো নীহারো রাত্রিরিতি সত্ত্রাণি
10.3.25 পূর্বে চ প্রহরণকালাঃ কূটযুদ্ধহেতবঃ
10.3.26 সঙ্গ্রামঃ তু নির্দিষ্টদেশকালো ধর্মিষ্ঠঃ
10.3.27 সংহত্য দণ্ডং ব্রূযাত্ তুল্যবেতনোঽস্মি, ভবদ্ভিঃ সহ ভোগ্যং ইদং রাজ্যং, মযাঽভিহিতৈঃ পরোঽভিহন্তব্যঃ ইতি
10.3.28 বেদেষ্বপ্যনুশ্রূযতে সমাপ্তদক্ষিণানাং যজ্ঞানাং অবভৃথেষু সা তে গতির্যা শূরাণাম্ ইতি
10.3.29 অপি ইহ শ্লোকৌ ভবতঃ
10.3.30ab যান্ যজ্ঞসঙ্ঘৈঃ তপসা চ বিপ্রাঃ স্বর্গ এষিণঃ পাত্রচযৈশ্চ যান্তি |
10.3.30chd ক্ষণেন তান্ অপ্যতিযান্তি শূরাঃ প্রাণান্ সুযুদ্ধেষু পরিত্যজন্তঃ
10.3.31ab নবং শরাবং সলিলস্য পূর্ণং সুসংস্কৃতং দর্ভকৃত উত্তরীযম্ |
10.3.31chd তত্ তস্য মা ভূন্নরকং চ গচ্ছেদ্ যো ভর্তৃপিণ্ডস্য কৃতে ন যুধ্যেত্ – ইতি
10.3.32 মন্ত্রিপুরোহিতাভ্যাং উত্সাহযেদ্ যোধান্ ব্যূহসম্পদা
10.3.33 কার্তান্তিকাদিশ্চাস্য বর্গঃ সর্বজ্ঞদৈবতসম্যোগখ্যাপনাভ্যাং স্বপক্ষং উদ্ধর্ষযেত্, পরপক্ষং চ উদ্বেজযেত্
10.3.34 শ্বো যুদ্ধম্ ইতি কৃত উপবাসঃ শস্ত্রবাহনং চানুশযীত
10.3.35 অথর্বভিশ্চ জুহুযাত্
10.3.36 বিজযযুক্তাঃ স্বর্গীযাশ্চাশিষো বাচযেত্
10.3.37 ব্রাহ্মণেভ্যশ্চাত্মানং অতিসৃজেত্
10.3.38 শৌর্যশিল্পাভিজনানুরাগযুক্তং অর্থমানাভ্যাং অবিসংবাদিতং অনীকগর্ভং কুর্বীত
10.3.39 পিতৃপুত্রভ্রাতৃকাণাং আযুধীযানাং অধ্বজং মুণ্ডানীকং রাজস্থানম্
10.3.40 হস্তী রথো বা রাজবাহনং অশ্বানুবন্ধঃ
10.3.41 যত্ প্রাযসৈন্যো যত্র বা বিনীতঃ স্যাত্ ত্( অদ্) অধিরোহযেত্
10.3.42 রাজব্যঞ্জনো ব্যূহাধিষ্ঠানং আযোজ্যঃ
10.3.43 সূতমাগধাঃ শূরাণাং স্বর্গং অস্বর্গং ভীরূণাং জাতিসঙ্ঘকুলকর্মবৃত্তস্তবং চ যোধানাং বর্ণযেযুঃ
10.3.44 পুরোহিতপুরুষাঃ কৃত্যাভিচারং ব্রূযুঃ, যন্ত্রিকবর্ধকিমৌহূর্তিকাঃ স্বকর্মসিদ্ধিং অসিদ্ধিং পরেষাম্
10.3.45 সেনাপতিরর্থমানাভ্যাং অভিসংস্কৃতং অনীকং আভাষেত – শতসাহস্রো রাজবধঃ, পঞ্চাশত্সাহস্রঃ সেনাপতিকুমারবধঃ, দশসাহস্রঃ প্রবীরমুখ্যবধঃ, পঞ্চসাহস্রো হস্তিরথবধঃ, সাহস্রোঽশ্ববধঃ, শত্যঃ পত্তিমুখ্যবধঃ, শিরো বিংশতিকং ভোগদ্বৈগুণ্যং স্বযঙ্গ্রাহশ্চ ইতি
10.3.46 তদ্ এষাং দশবর্গাধিপতযো বিদ্যুঃ
10.3.47 চিকিত্সকাঃ শস্ত্রযন্ত্রাগদস্নেহবস্ত্রহস্তাঃ স্ত্রিযশ্চান্নপানরক্ষিণ্যঃ পুরুষাণাং উদ্ধর্ষণীযাঃ পৃষ্ঠতঃ তিষ্ঠেযুঃ
10.3.48 অদক্ষিণামুখং পৃষ্ঠতঃসূর্যং অনুলোমবাতং অনীকং স্বভূমৌ ব্যূহেত
10.3.49 পরভূমিব্যূহে চাশ্বাংশ্চারযেযুঃ
10.3.50 যত্র স্থানং প্রজবশ্চাভূমির্ব্যূহস্য তত্র স্থিতঃ প্রজবিতশ্চ উভযথা জীযেত
বিপর্যযে জযতি, উভযথা স্থানে প্রজবে চ
10.3.52 সমা বিষমা ব্যামিশ্রা বা ভূমিরিতি পুরস্তাত্ পার্শ্বাভ্যাং পশ্চাচ্চ জ্ঞেযা
10.3.53 সমাযাং দণ্ডমণ্ডলব্যূহাঃ, বিষমাযাং ভোগাসংহতব্যূহাঃ, ব্যামিশ্রাযাং বিষমব্যূহাঃ
10.3.54 বিশিষ্টবলং ভঙ্ক্ত্বা সন্ধিং যাচেত
10.3.55 সমবলেন যাচিতঃ সন্দধীত
10.3.56 হীনং অনুহন্যাত্, ন ত্বেব স্বভূমিপ্রাপ্তং ত্যক্তাত্মানং বা
10.3.57ab পুনর্ঽঅবর্তমানস্য নিরাশস্য চ জীবিতে |
10.3.57chd অধার্যো জাযতে বেগঃ তস্মাদ্ ভগ্নং ন পীডযেত্ ( ইতি)
Chapt | যুদ্ধভূমযঃ – পত্ত্য্ঽশ্বরথহস্তিকর্মাণি
10.4.01 স্বভূমিঃ পত্ত্য্ঽশ্বরথদ্বিপানাং ইষ্টা যুদ্ধে নিবেশে চ
10.4.02 ধান্বনবননিম্নস্থলযোধিনাং খনকাকাশদিবারাত্রিযোধিনাং চ পুরুষাণাং নাদেযপার্বতানূপসারসানাং চ হস্তিনাং অশ্বানাং চ যথাস্বং ইষ্টা যুদ্ধভূমযঃ কালাশ্চ
10.4.03 সমা স্থিরাঽভিকাশা নিরুত্খাতিন্যচক্রখুরাঽনক্ষগ্রাহিণ্যবৃক্ষগুল্মব্রততীস্তম্ভকেদারশ্বভ্রবল্মীকসিকতাপঙ্কভঙ্গুরা দরণহীনা চ রথভূমিঃ, হস্ত্য্ঽশ্বযোর্মনুষ্যাণাং চ সমে বিষমে হিতা যুদ্ধে নিবেশে চ
10.4.04 অণ্ব্ঽশ্মবৃক্ষা হ্রস্বলঙ্ঘনীযশ্বভ্রা মন্দদরণদোষা চাশ্বভূমিঃ
10.4.05 স্থূলস্থাণ্বশ্মবৃক্ষব্রততীবল্মীকগুল্মা পদাতিভূমিঃ
10.4.06 গম্যশৈলনিম্নবিষমা মর্দনীযবৃক্ষা ছেদনীযব্রততী পঙ্কভঙ্গুরা দরণহীনা চ হস্তিভূমিঃ
10.4.07 অকণ্টকিন্যবহুবিষমা প্রত্যাসারবতী ইতি পদাতীনাং অতিশযঃ
10.4.08 দ্বিগুণপ্রত্যাসারা কর্দম উদকখঞ্জনহীনা নিহ্শর্করা ইতি বাজিনাং অতিশযঃ
10.4.09 পাংসুকর্দম উদকনলশরাধানবতী শ্বদণ্ষ্ট্রহীনা মহাবৃক্ষশাখাঘাতবিযুক্তা ইতি হস্তিনাং অতিশযঃ
10.4.10 তোযাশযাপাশ্রযবতী নিরুত্খাতিনী কেদারহীনা ব্যাবর্তনসমর্থা ইতি রথানাং অতিশযঃ
10.4.11 উক্তা সর্বেষাং ভূমিঃ
10.4.12 এতযা সর্ববলনিবেশা যুদ্ধানি চ ব্যাখ্যাতানি ভবন্তি
10.4.13 ভূমিবাসবনবিচযোঽবিষমতোযতীর্থবাতরশ্মিগ্রহণং বীবধাসারযোর্ঘাতো রক্ষা বা বিশুদ্ধিঃ স্থাপনা চ বলস্য প্রসারবৃদ্ধির্বাহু.উত্সারঃ পূর্বপ্রহারো ব্যাবেশনং ব্যাবেধনং আশ্বাসো গ্রহণং মোক্ষণং মার্গানুসারবিনিমযঃ কোশকুমারাভিহরণং জঘনকোট্য্ঽভিঘাতো হীনানুসারণং অনুযানং সমাজকর্ম ইত্যশ্বকর্মাণি
10.4.14 পুরোযানং অকৃতমার্গবাসতীর্থকর্ম বাহু.উত্সারঃ তোযতরণাবতরণে স্থানগমনাবতরণং বিষমসম্বাধপ্রবেশোঽগ্নিদানশমনং একাঙ্গবিজযো ভিন্নসন্ধানং অভিন্নভেদনং ব্যসনে ত্রাণং অভিঘাতো বিভীষিকা ত্রাসনংঽউদার্যং গ্রহণং মোক্ষণং সালদ্বারাট্টালকভঞ্জনং কোশবাহনাপবাহনং ইতি হস্তিকর্মাণি
10.4.15 স্ববলরক্ষা চতুর্ঽঙ্গবলপ্রতিষেধঃ সঙ্গ্রামে গ্রহণং মোক্ষণং ভিন্নসন্ধানং অভিন্নভেদনং ত্রাসনং ঔদার্যং ভীমঘোষশ্চ ইতি রথকর্মাণি
10.4.16 সর্বদেশকালশস্ত্রবহনং ব্যাযামশ্চ ইতি পদাতিকর্মাণি
10.4.17 শিবিরমার্গসেতুকূপতীর্থশোধনকর্ম যন্ত্রাযুধাবরণ উপকরণগ্রাসবহনং আযোধনাচ্চ প্রহরণাবরণপ্রতিবিদ্ধাপনযনং ইতি বিষ্টিকর্মাণি
10.4.18ab কুর্যাদ্ গবাশ্বব্যাযোগং রথেষ্বল্পহযো নৃপঃ |
10.4.18chd খর উষ্ট্রশকটানাং বা গর্ভং অল্পগজঃ তথা ( ইতি)
Chapt | পক্ষকক্ষ উরস্যানাং বলাগ্রতো ব্যূহবিভাগঃ – সারফল্গুবলবিভাগঃ – পত্ত্য্ঽশ্বরথহস্তিযুদ্ধানি
10.5.01 পঞ্চধনুঃশতাপকৃষ্টং দুর্গং অবস্থাপ্য যুদ্ধং উপেযাত্, ভূমিবশেন বা
10.5.02 বিভক্তমুখ্যাং অচক্ষুর্বিষযে মোক্ষযিত্বা সেনাং সেনাপতিনাযকৌ ব্যূহেযাতাম্
10.5.03 শমান্তরং পত্তিং স্থাপযেত্, ত্রিশমান্তরং অশ্বং, পঞ্চশমান্তরং রথং হস্তিনং বা
10.5.04 দ্বিগুণান্তরং ত্রিগুণান্তরং বা ব্যূহেত
10.5.05 এবং যথাসুখং অসম্বাধং যুধ্যেত
10.5.06 পঞ্চারত্নি ধনুঃ
10.5.07 তস্মিন্ ধন্বিনং স্থাপযেত্, ত্রিধনুষ্যশ্বং, পঞ্চধনুষি রথং হস্তিনং বা
10.5.08 পঞ্চধনুরনীকসন্ধিঃ পক্ষকক্ষ উরস্যানাম্
10.5.09 অশ্বস্য ত্রযঃ পুরুষাঃ প্রতিযোদ্ধারঃ
10.5.10 পঞ্চদশ রথস্য হস্তিনো বা, পঞ্চ চাশ্বাঃ
10.5.11 তাবন্তঃ পাদগোপা বাজিরথদ্বিপানাং বিধেযাঃ
10.5.12 ত্রীণি ত্রিকাণ্যনীকং রথানাং উরস্যং স্থাপযেত্, তাবত্ কক্ষং পক্ষং চ উভযতঃ
10.5.13 পঞ্চচত্বারিংশদ্ এবং রথা রথব্যূহে ভবন্তি, দ্বে শতে পঞ্চবিংশতিশ্চাশ্বাঃ, ষট্শতানি পঞ্চসপ্ততিশ্চ পুরুষাঃ প্রতিযোধারঃ, তাবন্তঃ পাদগোপাঃ
10.5.14 এষ সমব্যূহঃ
10.5.15 তস্য দ্বিরথ উত্তরা বৃদ্ধিরা একবিংশতিরথাদ্ ইতি
10.5.16 এবং ওজা দশ সমব্যূহপ্রকৃতযো ভবন্তি
10.5.17 পক্ষকক্ষ উরস্যানাং মিথো বিষমসঙ্খ্যানে বিষমব্যূহঃ
10.5.18 তস্যাপি দ্বিরথ উত্তরা বৃদ্ধিরা একবিংশতিরথাদ্ ইতি
10.5.19 এবং ওজা দশ বিষমব্যূহপ্রকৃতযো ভবন্তি
10.5.20 অতঃ সৈন্যানাং ব্যূহশেষং আবাপঃ কার্যঃ
10.5.21 রথানাং দ্বৌ ত্রিভাগাবঙ্গেষ্বাবাপযেত্, শেষং উরস্যং স্থাপযেত্
10.5.22 এবং ত্রিভাগ ঊনো রথানাং আবাপঃ কার্যঃ
10.5.23 তেন হস্তিনাং অশ্বানাং আবাপো ব্যাখ্যাতঃ
10.5.24 যাবদ্ঽশ্বরথদ্বিপানাং যুদ্ধসম্বাধন্ং ন কুর্যাত্ তাবদ্ আবাপঃ কার্যঃ
10.5.25 দণ্ডবাহুল্যং আবাপঃ
10.5.26 পত্তিবাহুল্যং প্রত্যাপাবঃ
10.5.27 একাঙ্গবাহুল্যং অন্বাবাপঃ
10.5.28 দূষ্যবাহুল্যং অত্যাবাপঃ
10.5.29 পরাবাপাত্ প্রত্যাবাপাচ্চ চতুর্গুণাদ্ আঽষ্টগুণাদ্ ইতি বা বিভবতঃ সৈন্যানাং আবাপঃ
10.5.30 রথব্যূহেন হস্তিব্যূহো ব্যাখ্যাতঃ
10.5.31 ব্যামিশ্রো বা হস্তিরথাশ্বানাং – চক্রান্তেষু হস্তিনঃ পার্শ্বযোরশ্বা রথা উরস্যে
10.5.32 হস্তিনাং উরস্যং রথানাং কক্ষাবশ্বানাং পক্ষাবিতি মধ্যভেদী
10.5.33 বিপরীতোঽন্তভেদী
10.5.34 হস্তিনাং এব তু শুদ্ধঃ – সাম্নাহ্যানাং উরস্যং ঔপবাহ্যানাং জঘনং ব্যালানাং কোট্যাবিতি
10.5.35 অশ্বব্যূহো – বর্মিণাং উরস্যং শুদ্ধানাং কক্ষপক্ষাবিতি
10.5.36 পত্তিব্যূহঃ – পুরস্তাদ্ আবরণিনঃ পৃষ্ঠতো ধন্বিনঃ
10.5.37 ইতি শুদ্ধাঃ
10.5.38 পত্তযঃ পক্ষযোরশ্বাঃ পার্শ্বযোঃ হস্তিনঃ পৃষ্ঠতো রথাঃ পুরস্তাত্, পরব্যূহবশেন বা বিপর্যাসঃ
10.5.39 ইতি দ্ব্য্ঽঙ্গবলবিভাগঃ
10.5.40 তেন ত্র্ঽঙ্গবলবিভাগো ব্যাখ্যাতঃ
10.5.41 দণ্ডসম্পত্ সারবলং পুংসাং
10.5.42 হস্ত্য্ঽশ্বযোর্বিশেষঃ কুলং জাতিঃ সত্ত্বং বযঃস্থতা প্রাণো বর্ষ্ম জবঃ তেজঃ শিল্পং স্তৈর্যং উদগ্রতা বিধেযত্বং সুব্যঞ্জনাচারতা ইতি
10.5.43 পত্ত্য্ঽশ্বরথদ্বিপানাং সারত্রিভাগং উরস্যং স্থাপযেত্, দ্বৌ ত্রিভাগৌ কক্ষং পক্ষং চ উভযতঃ, অনুলোমং অনুসারং, প্রতিলোমং তৃতীযসারং, ফল্গু প্রতিলোমম্
10.5.44 এবং সর্বং উপযোগং গমযেত্
10.5.45 ফল্গুবলং অন্তেষ্ববধায বেগাভিহূলিকো ভবতি
10.5.46 সারবলং অগ্রতঃ কৃত্বা কোটীষ্বনুসারং কুর্যাত্, জঘনে তৃতিযিযসারং, মধ্যে ফল্গুবলম্
10.5.47 এবং এতত্ সহিষ্ণু ভবতি
10.5.48 ব্যূহং তু স্থাপযিত্বা পক্ষকক্ষ উরস্যানাং একেন দ্বাভ্যাং বা প্রহরেত্, শেষৈঃ প্রতিগৃহ্ণীযাত্
10.5.49 যত্ পরস্য দুর্বলং বীতহস্ত্য্ঽশ্বং দূষ্যামাত্যং কৃত উপজাপং বা তত্প্রভূতসারেণাভিহন্যাত্
10.5.50 যদ্ বা পরস্য সারিষ্ঠং তদ্দ্বিগুণসারেণাভিহন্যাত্
10.5.51 যদ্ অঙ্গং অল্পসারং আত্মনঃ তদ্ বহুনা উপচিনুযাত্
10.5.52 যতঃ পরস্যাপচযঃ ততোঽভ্যাশে ব্যূহেত, যতোত্ বা ভযং স্যাত্
10.5.53 অভিসৃতং পরিসৃতং অতিসৃতং অপসৃতং উন্মথ্যাবধানং বলযো গোমূত্রিকা মণ্ডলং প্রকীর্ণিকা ব্যাবৃত্তপৃষ্ঠং অনুবংশং অগ্রতঃ পার্শ্বাভ্যাং পৃষ্ঠতো ভগ্নরক্ষা ভগ্নানুপাত ইত্যশ্বযুদ্ধানি
10.5.54 প্রকীর্ণিকাবর্জান্যেতান্যেব চতুর্ণাং অঙ্গানাং ব্যস্তসমস্তানাং বা ঘাতঃ, পক্ষকক্ষ উরস্যানাং চ প্রভঞ্জনং অবস্কন্দঃ সৌপ্তিকং চ ইতি হসিত্যুদ্ধানি
10.5.55 উন্মথ্যাবধানবর্জান্যেতান্যেব স্বভূমাবভিযানাপযানস্থিতযুদ্ধানি ইতি রথযুদ্ধানি
10.5.56 সর্বদেশকালপ্রহরণং উপাংশুদণ্ডশ্চ ইতি পত্তিযুদ্ধানি
10.5.57ab এতেন বিধিনা ব্যূহান্ ওজান্ যুগ্মাংশ্চ কারযেত্ |
10.5.57chd বিভবো যাবদ্ অঙ্গানাং চতুর্ণাং সদৃশো ভবেত্
10.5.58ab দ্বে শতে ধনুষাং গত্বা রাজা তিষ্ঠেত্ প্রতিগ্রহে |
10.5.58chd ভিন্নসঙ্ঘাতনং তস্মান্ন যুধ্যেতাপ্রতিগ্রহঃ ( ইতি)
Chapt | দণ্ডভোগমণ্ডলাসংহতব্যূহব্যূহনং – তস্য প্রতিব্যূহস্থানম্
10.6.01 পক্ষাবুরস্যং প্রতিগ্রহ ইত্যৌশনসো ব্যূহবিভাগঃ
10.6.02 পক্ষৌ কক্ষাবুরস্য্ং প্রতিগ্রহ ইতি বার্হস্প্ত্যঃ
10.6.03 প্রপক্ষকক্ষ উরস্যা উভযোঃ দণ্ডভোগমণ্ডলাসংহতাঃ প্রকৃতিব্যূহাঃ
10.6.04 তত্র তির্যগ্বৃত্তির্দণ্ডঃ
10.6.05 সমস্তানাং অন্বাবৃত্তির্ভোগঃ
10.6.06 সরতাং সর্বতোবৃত্তির্মণ্ডলঃ
10.6.07 স্থিতানাং পৃথগ্ঽনীকবৃত্তিরসংহতঃ
10.6.08 পক্ষকক্ষ উরস্যৈঃ সমং বর্তমানো দণ্ডঃ
10.6.09 স কক্ষাতিক্রান্তঃ প্রদরঃ
10.6.10 স এব পক্ষকক্ষাভ্যাং প্রতিক্রান্তো দৃঢকঃ
10.6.11 স এবাতিক্রান্তঃ পক্ষাভ্যাং অসহ্যঃ
10.6.12 পক্ষাববস্থাপ্য উরস্যাতিক্রান্তঃ শ্যেনঃ
10.6.13 বিপর্যযে চাপং চাপকুকুষিঃ প্রতিষ্ঠঃ সুপ্রতিষ্ঠশ্চ
10.6.14 চাপপক্ষঃ সঞ্জযঃ
10.6.15 স এব উরস্যাতিক্রান্তো বিজযঃ
10.6.16 স্থূলকর্ণপক্ষঃ স্থূণাকর্ণঃ
10.6.17 দ্বিগুণপক্ষস্থূণো বিশালবিজযঃ
10.6.18 ত্র্য্ঽভিক্রান্তপক্ষশ্চমূমুখঃ
10.6.19 বিপর্যযে ঝষাস্যঃ
10.6.20 ঊর্ধ্বরাজির্দণ্ডঃ সূচী
10.6.21 দ্বৌ দণ্ডৌ বলযঃ
10.6.22 চত্বারো দুর্জযঃ
10.6.23 ইতি দণ্ডব্যূহাঃ
10.6.24 পক্ষকক্ষ উরস্যৈর্বিষমং বর্তমানো ভোগঃ
10.6.25 স সর্পসারী গোমূত্রিকা বা
10.6.26 স যুগ্ম উরস্যো দণ্ডপক্ষঃ শকটঃ
10.6.27 বিপর্যযে মকরঃ
10.6.28 হস্ত্য্ঽশ্বরথৈর্ব্যতিকীর্ণঃ শকটঃ পারিপতন্তকঃ
10.6.29 ইতি ভোগব্যূহাঃ
10.6.30 পক্ষকক্ষ উরস্যানাং একীভাবে মণ্ডলঃ
10.6.31 স সর্বতোমুখঃ সর্বতোভদ্রঃ
10.6.32 অষ্টানীকো দুর্জযঃ
10.6.33 ইতি মণ্ডলব্যূহাঃ
10.6.34 পক্ষকক্ষ উরস্যানাং অসংহতাদ্ অসংহতঃ
10.6.35 স পঞ্চানীকানাং আকৃতিস্থাপনাদ্ বজ্রো গোধা বা
10.6.36 চতুর্ণাং উদ্ধানকঃ কাকপদী বা
10.6.37 ত্রযাণাং অর্ধচন্দ্রকঃ কর্কটকশৃঙ্গী বা
10.6.38 ইত্যসংহতব্যূহাঃ
10.6.39 রথ উরস্যো হস্তিকক্ষোঽশ্বপৃষ্ঠোঽরিষ্টঃ
10.6.40 পত্তযোঽশ্বা রথা হস্তিনশ্চানুপৃষ্ঠং অচলঃ
10.6.41 হস্তিনোঽশ্বা রথাঃ পত্তযশ্চানুপৃষ্ঠং অপ্রতিহতঃ
10.6.42 তেষাং প্রদরং দৃঢকেন ঘাতযেত্, দৃঢকং অসহ্যেন, শ্যেনং চাপেন, প্রতিষ্ঠং সুপ্রতিষ্ঠেন, সঞ্জযং বিজযেন, স্থূণাকর্ণং বিশালবিজযেন, পারিপতন্তকং সর্বতোভদ্রেণ
10.6.43 দুর্জযেন সর্বান্ প্রতিব্যূহেত
10.6.44 পত্ত্য্ঽশ্বরথদ্বিপানাং পূর্বং পূর্বং উত্তরেণ ঘাতযেত্, হীনাঙ্গং অধিকাঙ্গেন চ ইতি
10.6.45 অঙ্গদশকস্য একঃ পতিঃ পতিকঃ, পতিকদশকস্য একঃ সেনাপতিঃ, তদ্দশকস্য একো নাযক ইতি
10.6.46 স তূর্যঘোষধ্বজপতাকাভির্ব্যূহাঙ্গানাং সংজ্ঞাঃ স্থাপযেদ্ অঙ্গবিভাগে সঙ্ঘাতে স্থানে গমনে ব্যাবর্তনে প্রহরণে চ
10.6.47 সমে ব্যূহে দেশকালসারযোগাত্ সিদ্ধিঃ
10.6.48ab যন্ত্রৈরুপনিষদ্যোগৈঃ তীক্ষ্ণৈর্ব্যাসক্তঘাতিভিঃ |
10.6.48chd মাযাভির্দেবসম্যোগৈঃ শকটৈর্হস্তিভীষণৈঃ
10.6.49ab দূষ্যপ্রকোপৈর্গোযূথৈঃ স্কন্ধাবারপ্রদীপনৈঃ |
10.6.49chd কোটীজঘনঘাতৈর্বা দূতব্যঞ্জনভেদনৈঃ
10.6.50ab দুর্গং দগ্ধং হৃতং বা তে কোপঃ কুল্যঃ সমুত্থিতঃ |
10.6.50chd শত্রুরাটবিকো বা ইতি পরস্য উদ্বেগং আচরেত্
10.6.51ab একং হন্যান্ন বা হন্যাদ্ ইষুঃ ক্ষিপ্তো ধনুষ্মতা |
10.6.51chd প্রজ্ঞানেন তু মতিঃ ক্ষিপ্তা হন্যাদ্ গর্ভগতান্ অপি ( ইতি)
