অশোকবন

.. অশোকবন ..
পাংশুপ্রদানাবদানং

যো অসৌ স্বমাংসতনুভির্ যজনানি কৃত্বা
অতপ্যচ্চিরং করুণায জগতো হিতায |
তস্য শ্রমস্য সফলীকরণায সন্তঃ
সাঽবর্জিতং শৃণুত সাংপ্রতভাষ্যমাণং ||

এবং মযা শ্রুতং একস্মিন্ সমযে ভগবান্
শ্রাবস্ত্যাং বিহরতি |
ইতি সূত্রং বক্তব্যং |
অত্র তাবদ্-
ভগবত্তথাগতবদনাম্ভোধরবিবরপ্রত্যুদ্গত
বচনসরত্সলিলধারাসম্পাতাপনীতরাগদ্বেষ
মোহমদমানমাযাশাঠ্যপঙ্কপটলানাং
শব্দন্যাযাঽদিতর্কশাস্ত্রার্থাবলোকনৌত্পন্ন
প্রজ্ঞাপ্রদীপপ্রোত্সারিতকুশাস্ত্রদর্শনান্ধ
কারাণাং
সংসারতৃষ্ণাছেদিপ্রবরসদ্ধর্মপযঃপান
শৌণ্ডানাং গুরূণাং সংনিধৌ
সর্বাববাদকশ্রেষ্ঠং
( শক্রব্রহ্মৈইশানযমবরুণকুবেরবাসবসোম
আদিত্যাঽদিভির্-
আ, শক্রব্রহ্মৈইশানযমবরুণকুবেরবসবসোম
আদিত্যাঽদিভির্ ) অপ্যপ্রতিহতশাসনং
কন্দর্পদর্পাপমর্দনশূরং মহাঽঽত্মানং
অতিমহর্দ্ধিকং স্থবিরৌপগুপ্তং আরভ্য কাঞ্চিদ্-
এব বিবুধজনমনঃপ্রসাদকরীং ধর্ম্যাং
কথাং সমনুস্মরিষ্যামঃ |
তত্র তাবদ্গুরুভির্ অবহিতশ্রোত্রৈর্ ভবিতব্যং |
উপগুপ্তৌপাখ্যানং
এবং অনুশ্রূযতে |
যদা ভগবান্ পরিনির্বাণকালসমযে
অপলালনাগং বিনীয কুম্ভকারীং চণ্ডালীং
গোপালীং চ তেষাং মথুরাং অনুপ্রাপ্তঃ |
তত্র ভগবান্ আযুষ্মন্তং আনন্দং আমন্ত্রযতে স্ম |
অস্যাং আনন্দ মথুরাযাং মম
বর্ষশতপরিনির্বৃতস্য গুপ্তো নাম গান্ধিকো
ভবিষ্যতি |
তস্য পুত্রো ভবিষ্যতি উপগৌপ্তনাম অলক্ষণকো
বুদ্ধো যো মম বর্ষশতপরিনির্বৃতস্য
বুদ্ধকার্যং করিষ্যতি |
তস্য অববাদেন বহবো ভিক্ষবঃ
সর্বক্লেশপ্রহাণাদর্হত্ত্বং সাক্ষাত্ করিষ্যন্তি
|
তে অষ্টাদশহস্তাং আযামেন দ্বাদশহস্তাং
বিস্তরেণ চতুরঙ্গুলমাত্রাভিঃ শলাকাভিঋ
গুহাং পূরযিষ্যন্তি |
এষো অগ্রো মে আনন্দ শ্রাবকাণাং ভবিষ্যতি
অববাদকানাং যদুত উপগুপ্তো ভিক্ষুঃ |
পশ্যসি ত্বং আনন্দ দূরতএ এব
নীলনীলাম্বররাজিং |
এবং ভদন্ত |
এষ আনন্দ উরুমুণ্ডো নাম পর্বতঃ |
অত্র বর্ষশতপরিনির্বৃতস্য তথাগতস্য
শাণকবাসী নাম ভিক্ষুর্ ভবিষ্যতি |
সো অত্র উরুমুণ্ডপর্বতে বিহারং
প্রতিষ্ঠাপযিষ্যতি |
উপগুপ্তং চ প্রব্রাজযিষ্যতি |
মথুরাযাং আনন্দ নটো ভটশ্চ দ্বৌ ভ্রাতরৌ
শ্রেষ্ঠিণৌ ভবিষ্যতঃ |
তৌ উরুমুণ্ডপর্বতে বিহারং প্রতিষ্ঠাপযিষ্যতঃ
|
তস্য নটভটিকা ইতি সংজ্ঞা ভবিষ্যতি |
এতদগ্রং মে আনন্দ ভবিষ্যতি
শমথানুকূলানাং শয্যাঽসনানাং যদিদং
নটভটিকারণ্যাঽযতনং |
অথ আযুশ্মান্ আনন্দো ভগবন্তং ইদং অবোচত্ |
আশ্চর্যং ভদন্ত যদীদৃশং আযুষ্মান্ উপগুপ্তো
বহুজনহিতং করিষ্যতি |
ভগবান্ আহ |
ন আনন্দ এতর্হি যথা অতীতে অপ্যধ্বনি তেন
বিনিপতিতশরীরেণ অপ্যত্র এব বহুজনহিতং
কৃতং |
উরুমুণ্ডপর্বতে ত্রযঃ পার্শ্বাঃ |
একত্র প্রদেশে পঞ্চ প্রত্যেকবুদ্ধশতানি প্রতিবসন্তি
|
দ্বিতীযে পঞ্চর্ষিশতানি |
তৃতীযে পঞ্চমর্কটশতানি |
তত্র যো অসৌ পঞ্চানাং মর্কটশতানাং
যূথপতিঃ স তং যূথং অপহায যত্র পার্শ্বে
পঞ্চ প্রত্যেকবুদ্ধশতানি প্রতিবসন্তি তত্র গতঃ |
তস্য তান্ প্রত্যেকবুদ্ধান্ দৃষ্ট্বা প্রসাদো জাতঃ |
স তেষাং প্রত্যেকবুদ্ধানাং শীর্ণপর্ণানি
মূলফলানি চ উপনামযতি যদা চ তে পর্যঙ্কেণ
উপবিষ্টা ভবন্তি স বৃদ্ধান্তে প্রণামং কৃত্বা
যাবন্ নবান্তং
গত্বা পর্যঙ্কেণ উপবিশতি |
যাবত্ তে প্রত্যেকবুদ্ধাঃ পরিনির্বৃতাঃ |
স তেষাং শীর্ণপর্ণানি মূলফলানি চ
উপনামযতি |
তে ন প্রতিগৃহ্ণন্তি |
স তেষাং চীবরকর্ণিকানি আকর্ষযতি |
পাদৌ গৃহ্ণাতি |
যাবত্ স মর্কটশ্চিন্তযতি |
নিযতং এতে কালগতা ভবিষ্যন্তি |
ততঃ স মর্কটঃ শোচিত্বা পরিদেবিত্বা চ দ্বিতীযং
পার্শ্বং গতো যত্র পঞ্চর্ষিশতানি প্রতিবসন্তি |
তে চ ঋষযঃ কেচিত্ কণ্টকাপাশ্রযাঃ কেচিদ্-
ভস্মাপাশ্রযাঃ কেচিদূর্ধ্বহস্তাঃ কেচিত্
পঞ্চাঽতপাবস্থিতাঃ |
স তেষাং তেষাং ঈর্যাপথান্ বিকোপযিতুং আরব্ধঃ |
যে কণ্টকাপাশ্রযাস্তেষাং কণ্টকান্ উদ্ধরতি |
ভস্মাপাশ্রযাণাং ভস্ম বিধুনোতি |
ঊর্ধ্বহস্তানাং অধো হস্তং পাতযতি |
পঞ্চাঽতপাবস্থিতানাং অগ্নিং অবকিরতি |
যদা চ তৈর্ ঈর্যাপথো বিকোপিতো ভবতি তদা স
তেষাং অগ্রতঃ পর্যঙ্কং বধ্নাতি |
যাবত্ তৈর্ ঋষিভির্ আচার্যায নিবেদিতং |
তেন অপি চ উক্তং |
পর্যঙ্কেণ তাবন্ নিষীদত |
যাবত্ তানি পঞ্চর্ষিশতানি পর্যঙ্কেণ
উপবিষ্টানি |
তে অনাচার্যকা অনুপদেশকাঃ সপ্তত্রিংশদ্-
বোধিপক্ষান্ ধর্মান্ আমুখীকৃত্য প্রত্যেকাং
বোধিং সাক্ষাত্ কৃতবন্তঃ |
অথ তেষাং প্রত্যেকবুদ্ধানাং এতদভবদ্|
যত্ কিঞ্চিদস্মাভিঃ শ্রেযো অবাপ্তং তত্ সর্বং
ইমং মর্কটং আগম্য |
তৈর্ যাবত্ স মর্কটঃ ফলমূলৈঃ পরিপালিতঃ |
কালগতস্য চ তচ্ছরীরং গন্ধকাষ্ঠৈর্-
ধ্মাপিতং |
তত্ কিং মন্যসে আনন্দ যো অসৌ পঞ্চানাং
মর্কটশতানাং যূথপতিঃ স এষ উপগুপ্তঃ |
তদা অপি তেন বিনিপতিতশরীরেণ অপ্যত্র এব
উরুমুণ্ডপর্বতে বহুজনহিতং কৃতং |
অনাগতে অপ্যধ্বনি বর্ষশতপরিনির্বৃতস্য মম
অত্র এব উরুমুণ্ডপর্বতে বহুজনহিতং করিষ্যতি
|
তচ্চ যথা এবং তথা উপদর্শযিষ্যামঃ |
শাণকবাস্য্-উপাখ্যানং
যদা স্থবিরেণ শাণকবাসিনা উরুমুণ্ডে পর্বতে
বিহারঃ প্রতিষ্ঠাপিতঃ সমন্বাহরতি |
কিং অসৌ গান্ধিক উত্পন্নঃ |
অথ অদ্য অপি ন উত্পদ্যতএ ইতি |
পশ্যত্যুত্পন্নঃ |
স যাবত্ সমন্বাহরতি |
যো অসৌ তস্য পুত্র উপগুপ্তো নাম্না অলক্ষণকো
বুদ্ধো নির্দিষ্টো যো মম বর্ষশতপরিনির্বৃতস্য
বুদ্ধকার্যং করিষ্যতি ইতি কিং অসাবুত্পন্নঃ |
অথ অদ্য অপি ন উত্পদ্যতএ ইতি |
পশ্যত্যদ্য অপি ন উত্পদ্যতে |
তেন যাবদুপাযেন গুপ্তো গান্ধিকো ভগবচ্ছাসনে
অভিপ্রসাদিতঃ |
স যদা অভিপ্রসন্নস্তদা স্থবিরঃ সংবহুলৈর্-
ভিক্ষুভিঃ সার্ধং একদিবসং তস্য গৃহং
প্রবিষ্টঃ |
অপরস্মিন্নহনি আত্মদ্বিতীযঃ |
অন্যস্মিন্নহনি একাকী |
যাবদ্গুপ্তো গান্ধিকঃ স্থবিরং শাণকবাসিনং
একাকিনং দৃষ্ট্বা কথযতি |
ন খল্বার্যস্য কশ্চিত্ পশ্চাচ্ছ্রমণঃ |
স্থবির উবাচ |
জরাধর্মাণাং কুতো অস্মাকং পশ্চাচ্ছ্রমণো
ভবতি |

<