পঞ্চদশী ০৩

অথ তৃতীযোঽধ্যাযঃ .
পঞ্চকোশবিবেকঃ .
গুহাহিতং ব্রহ্ম যত্ তত্ পঞ্চ কোশ বিবেকতঃ .
বোদ্ধুং শক্যং ততঃ কোশ পঞ্চকং প্রবিবিচ্যতে .. ১..
দেহাদ্ অভ্যন্তরঃ প্রাণঃ প্রাণাদ্ অভ্যন্তরং মনঃ .
ততঃ কর্তা ততো ভোক্তা গুহা সেযং পরম্পরা .. ২..
পিতৃ ভুক্তান্ন জাদ্ বীর্যাজ্ জাতো ঽন্নেনৈব বর্ধতে .
দেহঃ সো ঽন্নমযো ঽনাত্মা প্রাক্চ ওর্ধ্বং তদ্ অভাবতঃ .. ৩..
পূর্ব জন্মন্য্ অসন্ নেতজ্ জন্ম সম্পাদযেত্ কথম্ .
ভাবি জন্মন্য্ অসত্ কর্ম ন ভুঞ্জীতেহ সংচিতম্ .. ৪..
পূর্ণো দেহে বলং যচ্ছন্ন্ অক্ষাণাং যঃ প্রবর্তকঃ .
বাযুঃ প্রাণমযো নাসাব্ আত্মা চৈতন্য বর্জনাত্ .. ৫..
অহন্তাং মমতাং দেহে গেহাদৌ চ করোতি যঃ .
কামাদ্যবস্থযা ভ্রান্তো নাসাব্ আত্মা মনোমযঃ .. ৬..
লীনা সুপ্তৌ বপুর্ বোধে ব্যাপ্নুযাদ্ আনখাগ্রগা .
চিচ্ ছায্ ওপেত ধীর্ নাত্মা বিজ্ঞানময শব্দ ভাক্ .. ৭..
কর্তৃত্ব করণত্বাভ্যাং বিক্রিযেতান্তর ইন্দ্রিযম্ .
বিজ্ঞান মনসী অন্তর্ বহিশ্ চৈতে পরস্পরম্ .. ৮..
কাচিদ্ অন্তর্মুখা বৃত্তির্ আনন্দ প্রতিবিম্ব ভাক্ .
পুণ্য ভোগে ভোগ শান্তৌ নিদ্রা রূপেণ লীযতে .. ৯..
কাদাচিত্কত্বতো নাত্মা স্যাদ্ আনন্দমযো ঽপ্য্ অযম্ .
বিম্ব ভূতো য আনন্দ আত্মা ঽসৌ সর্বদা স্থিতেঃ .. ১০..
ননু দেহম্ উপক্রম্য নিদ্রানন্দান্ত বস্তুষু .
মা ভূদ্ আত্মত্বম্ অন্যস্ তু ন কশ্চিদ্ অনুভূযতে .. ১১..
বাধং নিদ্রাদযঃ সর্বে ঽনুভূযন্তে ন চেতরঃ .
তথাপ্য্ এতে ঽনুভূযন্তে যেন তং কো নিবারযেত্ .. ১২..
স্বযম্ এবানুভূতিত্বাদ্ বিদ্যতে নানুভাব্যতা .
জ্ঞাতৃ জ্ঞানান্তরাভাবাদ্ অজ্ঞেযো ন স অসত্তযা .. ১৩..
মাধুর্যাদি স্বভাবানাম্ অন্যত্র স্বগুণার্পিণাম্ .
স্বস্মিংস্ তদর্পণাপেক্ষা নো ন চাস্ত্য্ অন্যদ্ অর্পকম্ .. ১৪..
অর্পকান্তরা রাহিত্যে ঽপ্য্ অস্ত্য্ এষাং তত্ স্বভাবতা .
মা ভূত্ তথানুভাব্যত্বং বোধাত্মা তু ন হীযতে .. ১৫..
স্বযং জ্যোতির্ ভবত্য্ এষ পুরো ঽস্মাদ্ ভাসতে ঽখিলাত্ .
তম্ এব ভান্তম্ অন্বেতি তদ্ ভাসা ভাস্যতে জগত্ .. ১৬..
যেনেদং জানতে সর্বং তত্ কেনান্যেন জানতাম্ .
বিজ্ঞাতারং কেন বিদ্যাচ্চ্ চক্তং বেদ্যে তু সাধনম্ .. ১৭..
স বেত্তি বেদ্যং তত্ সর্বং নান্যস্ তস্যাস্তি বেদিতা .
বিদিতাবিদিতাভ্যাং তত্ পৃথগ্ বোধ স্বরূপকম্ .. ১৮..
বোধে ঽপ্য্ অনুভবো যস্য ন কথংচন জাযতে .
তং কথং বোধযেচ্ ছাস্ত্রং লোষ্টং নরসমাকৃতম্ .. ১৯..
জিহ্বা মে ঽস্তি ন বেত্য্ উক্তির্ লজ্জাযৈ কেবলং যথা .
ন বুধ্যতে মযা বোধো বোদ্ধব্য ইতি তাদৃষী .. ২০..
যস্মিন্ যস্মিন্ন্ অস্তি লোকে বোধস্ তত্ তদ্ উপেক্ষণে .
যদ্ বোধমাত্রং তদ্ ব্রহ্মেত্য্ এবং ধীর্ ব্রহ্মনিশ্চযঃ .. ২১..
পঞ্চকোশ পরিত্যাগে সাক্ষি বোধাবশেষতঃ .
স্ব স্ব রূপং স এব স্যাচ্ ছূন্যত্বং তস্য দুর্ঘটম্ .. ২২..
অস্তি তাবত্ স্বযং নাম বিবাদাবিষযত্বযঃ .
স্বস্মিন্ন্ অপি বিবাদশ্ চেত্ প্রতিবাদ্য্ অত্র কো ভবেত্ .. ২৩..
স্বাসত্ত্বং তু ন কস্মৈচিদ্ রোচতে বিভ্রমং বিনা .
অত এব শ্রুতির্বাধং ব্রূতে চাসত্ত্ব বাদিনঃ .. ২৪..
অসদ্ ব্রহ্মেতি চেদ্ বেদ স্বযম্ এব ভবেদ্ অসত্ .
অতো ঽস্য মা ভূদ্ বেদ্যত্বং স্বসত্ত্বং ত্ব্ অভ্যুপেযতাম্ .. ২৫..
কীদৃক্ তর্হীতি চেত্ পৃচ্ছেদ্ ঈদৃক্তা নাস্তি তত্র হি .
যদ্ অনীদৃগ্ অতাদৃক্ চ তত্ স্বরূপং বিনিশ্চিনু .. ২৬..
অবেদ্যো ঽপ্য্ অপরোক্ষো ঽতঃ স্বপ্রকাশো ভবত্য্ অযম্ .
সত্যং জ্ঞানম্ অনন্তং চেত্য্ অস্তীহ ব্রহ্মলক্ষণম্ .. ২৭..
সত্যত্বং বাধরাহিত্যং জগদ্ বাধৈক সাক্ষিণঃ .
বাধঃ কিং সাক্ষিকো ব্রূহি ন ত্ব্ অসাক্ষিক ইষ্যতে .. ২৯..
অপনীতেষু মূর্তেষু হ্য্ অমূর্তং শিষ্যতে বিযত্ .
শক্যেষু বাধিতেষ্ব্ অন্তে শিষ্যতে যত্ তদ্ এব তত্ .. ৩০..
সর্ব বাধে ন কিংচিচ্ চেদ্ যন্ ন কিংচিত্ তদ্ এব তত্ .
ভাষা এবত্র ভিদ্যন্তে নির্বাধং তাবদ্ ইষ্যতে .. ৩১..
অত এব শ্রুতির্ বাধ্যং বাধিত্বা শেষযত্য্ অদঃ .
স এষ নেতি নেত্য্ আত্মেত্য্ অতদ্ ব্যাবৃত্তি রূপতঃ .. ৩২..
ইঅদং রূপং তু যদ্ যাব তত্ ত্যক্তুং শক্যতে ঽখিলম্ .
অশক্যো হ্য্ অনিদং রূপঃ স আত্মা বাধ বর্জিতঃ .. ৩৩..
সিদ্ধং ব্রহ্মণি সত্যত্বং জ্ঞানত্বং তু পুরেরিতম্ .
স্বযম্ এবানুভূতিত্বাদ্ ইত্য্ আদি বচনৈঃ স্ফুটম্ .. ৩৪..
ন ব্যাপিত্বাদ্ দেশতো ঽন্তো নিত্যত্বান্ নাপি কালতঃ .
ন বস্তুতো ঽপি সর্বাত্ম্যাদ্ আনন্ত্যং ব্রহ্মণি ত্রিধা .. ৩৫..
দেশ কালান্য বস্তূনাং কল্পিতত্বাচ্ চ মাযযা .
ন দেষাদিকৃতো ঽন্তো ঽস্তি ব্রহ্মানন্ত্যং স্ফুটং ততঃ .. ৩৬..
সত্যং জ্ঞানম্ অনন্তং যদ্ ব্রহ্ম তদ্ বস্তু তস্য তত্ .
ঈশ্বরত্বং চ জীবত্বম্ উপাধি দ্বয কল্পিতম্ .. ৩৭..
শক্তির্ অস্ত্য্ ঐশ্বরী কাচিত্ সর্ব বস্তু নিযামিকা .
আনন্দমযম্ আরভ্য গূঢা সর্বেষু বস্তুষু .. ৩৮..
বস্তু ধর্মা নিযম্যেরঞ্ চক্ত্যা নৈব যদা তদা .
অন্যোন্য ধর্ম সংকর্যাদ্ বিপ্লবেত জগত্ খলু .. ৩৯..
চিচ্ ছাযাবেশতঃ শক্তিস্ চেতনেব বিভাতি সা .
তচ্ ছক্ত্য্ উপাধি সংযোগাদ্ ব্রহ্মৈবেশ্বরতাং ব্রজেত্ .. ৪০..
কোশোপাধি বিবক্ষাযাং যাতি ব্রহ্মৈব জীবতাম্ .
পিতা পিতামহশ্ চৈকঃ পুত্র পৌত্রৌ যথা প্রতি .. ৪১..
পুত্রাদের্ অবিবক্ষাযাং ন পিতা ন পিতামহঃ .
তদ্বন্ নেশো নাপি জীবঃ শক্তি কোশবিবক্ষণে .. ৪২..
য এবং ব্রহ্ম বেদৈষ ব্রহ্মৈব ভবতি স্বযম্ .
ব্রহ্মণো নাস্তি জন্মাতঃ পুনর্ এষ ন জাযতে .. ৪৩..
ইতি তৃতীযোঽধ্যাযঃ .. ৩..