পঞ্চদশী – ১৩

অথ ত্রযোদশোঽধ্যাযঃ .
ব্রহ্মানন্দে অদ্বৈতানন্দঃ .
যোগানন্দঃ পুরা উক্তঃ যঃ সঃ আত্মানন্দঃ ইষ্যতাম্ .
কথং ব্রহ্মত্বম্ এতস্য সদ্বযস্য ইতি চেত্ শৃণু .. ১..
আকাশাদি স্ব দেহান্তং তৈত্তিরীয শ্রুতিঃ ঈরিতম্ .
জগত্ ন অস্তি অন্যত্ আনন্দাত্ অদ্বৈত ব্রহ্মতা ততঃ .. ২..
আনন্দাত্ এব তত্ জাতং তিষ্ঠতি আনন্দঃ এব তত্ .
আনন্দঃ এব লীনং চ ইতি উক্ত আনন্দাত্ কথং পৃথক্ .. ৩..
কুলালাত্ ঘটঃ উত্পন্নঃ ভিন্নঃ চ ইতি ন শঙ্ক্যতাম্ .
মৃদ্বত্ এষঃ উপাদানং নিমিত্তং ন কুলালবত্ .. ৪..
স্থিতিঃ লযঃ চ কুম্ভস্য কুলালে স্তঃ ন হি ক্বচিত্ .
দৃষ্টৌ তৌ মৃদি তদ্বত্ স্যাত্ উপাদানং তযোঃ শ্রুতেঃ .. ৫..
উপাদানং ত্রিধা ভিন্নং বিবর্তি পরিণামি চ .
আরম্ভকং চ তত্র অন্ত্যৌ ন নিরংশে অবকাশিনৌ .. ৬..
আরম্ভবাদিনঃ অন্যস্মাত্ অন্যস্য উত্পত্তিম্ ঊচিরে .
তন্তোঃ পটস্য নিষ্পত্তেঃ ভিন্নৌ তন্তুপটৌ খলু .. ৭..
অবস্থান্তরতা আপত্তিঃ একস্য পরিণামিতা .
স্যাত্ ক্ষীরং দধি মৃত্ কুম্ভঃ সুবর্ণং কুণ্ডলং যথা .. ৮..
অবস্থান্তরভানং তু বিবর্তঃ রজ্জুসর্পবত্ .
নিরংশে অপি অস্তি অসৌ ব্যোম্নি তলমালিন্যকল্পনাত্ .. ৯..
ততঃ নিরংশঃ আনন্দে বিবর্তঃ জগত্ ইষ্যতাম্ .
মাযাশক্তিঃ কল্পিকা স্যাত্ ঐন্দ্র জালিক শক্তিবত্ .. ১০..
শক্তিঃ শক্তাত্ পৃতন্ ন অস্তি তদ্বত্ দৃষ্টেঃ ন চ অভিদা .
প্রতিবন্ধস্য দৃষ্টত্বাত্ শক্তি অভাবে তু কস্য সঃ .. ১১..
শক্তেঃ কার্য অনুমেযত্বাত্ অকার্যে প্রতিবন্ধনম্ .
জ্বলতঃ অগ্নেঃ অদাহে স্যাত্ মন্ত্র আদি প্রতিবন্ধতা .. ১২..
দেবাত্ম শক্তিং স্বগুণৈঃ নিগূঢাং মুনযঃ অবিদন্ .
পরা অস্য শক্তিঃ বিবিধা ক্রিযা জ্ঞান বলাত্মিকা .. ১৩..
ইতি বেদবচঃ প্রাহ বসিষ্ঠঃ চ তথা অব্রবীত্ .
সর্ব শক্তি পরং ব্রহ্ম নিত্যম্ আপূর্ণম্ অদ্বযম্ .. ১৪..
যযা উল্লসতি শক্ত্যা অসৌ প্রকাশম্ অধিগচ্ছতি .
চিত্ শক্তিঃ ব্রহ্মণঃ রাম শরীরেষু উপলভ্যতে .. ১৫..
স্পন্দ শক্তিঃ চ বাতেষু দার্ঢ্য শক্তিঃ তথা উপলে .
দ্রব শক্তিঃ তথা অম্ভঃসু দাহ শক্তিঃ তথা অনলে .. ১৬..
শূন্য শক্তিঃ তথা আকাশে নাশ শক্তিঃ বিনাশিনি .
যথা অণ্ডে অন্তঃ মহাসর্পঃ জগত্ অস্তি তথা আত্মনি .. ১৭..
ফল পত্র লতা পুষ্প শাখা বিটপ মূলবান্ .
ননু বীজে যথা বৃক্ষঃ তথা ইদং ব্রহ্মণি স্থিতম্ .. ১৮..
ক্বচিত্ কশ্চিত্ কদাচিত্ চ তস্মাত্ উদ্যন্তি শক্তযঃ .
দেশ কাল বিচিত্রত্বাত্ ক্ষ্মাতলাত্ ইব শালযঃ .. ১৯..
সঃ আত্মা সর্বগঃ রাম নিত্য উদিত মহা বপুঃ .
যত্ মনাত্ মননীং শক্তিং ধত্তে তত্ মনঃ উচ্যতে .. ২০..
আদৌ মনঃ তত্ অনুবন্ধ বিমোক্ষ দৃষ্টী
পশ্চাত্ প্রপঞ্চ রচনা ভুবনাভিধানা .
ইতি আদিকাঃ স্থিতিঃ ইযং হি গতা প্রতিষ্ঠাম্
আখ্যাযিকাঃ সুভগ বাল জনোদিত ইব .. ২১..
বালস্য হি বিনোদায ধাত্রী বক্তি শুভাং কথাম্ .
ক্বচিত্ সন্তি মহাবাহো রাজপুত্রাঃ ত্রযঃ শুভাঃ ..২২..
দ্বৌ ন জাতৌ তথা একঃ তু গর্ভঃ এব ন চ স্থিতঃ .
বসন্তি তে ধর্মযুক্তাঃ অত্যন্তাসতি পত্তনে .. ২৩..
স্বকীযাত্ শূন্য নগরান্ নির্গত্য বিমলাশযাঃ .
গচ্ছন্তঃ গগনে বৃক্ষান্ দদৃশুঃ ফলশালিনঃ .. ২৪..
ভবিষ্যন্ নগরে তত্র রাজপুত্রাঃ ত্রযঃ অপি তে .
সুখম্ আদ্য স্থিতাঃ পুত্র মৃগযা ব্যবহারিণঃ .. ২৫..
ধাত্র্যেতি কথিতা রাম বালক আখ্যাযিকা শুভা .
নিশ্চযং সঃ যযৌ বালঃ নির্বিচারণযা ধিযা .. ২৬..
ইযং সংসার রচনা বিচার উজ্ঝিত চেতসাম্ .
বালক আখ্যাযিকা ইব ইত্থম্ অবস্থিতিম্ উপাগতা .. ২৭..
ইতি আদিভিঃ উপাখ্যানৈঃ মাযাশক্তেঃ চ বিস্তরম্ .
বসিষ্ঠঃ কথযামাস স এব শক্তিঃ নিরূপ্যতে .. ২৮..
কার্যাত্ আশ্রযতঃ চ এষা ভবেত্ শক্তিঃ বিলক্ষণা .
স্ফোট অঙ্গারৌ দৃশ্যমানৌ শক্তিঃ তত্র অনুমীযতে .. ২৯..
পৃথু বুধ্ন উদরা আকারঃ ঘটঃ কার্যঃ অত্র মৃত্তিকা .
শব্দাদিভিঃ পঞ্চগুণৈঃ যুক্তা শক্তিঃ তু অতদ্বিধা .. ৩০..
আদৌ মনঃ তত্ অনুবন্ধ বিমোক্ষ দৃষ্টী
পশ্চাত্ প্রপঞ্চ রচনা ভুবনাভিধানা .
ইতি আদিকাঃ স্থিতিঃ ইযং হি গতা প্রতিষ্ঠাম্
আখ্যাযিকাঃ সুভগ বাল জনোদিত ইব .. ২১..
বালস্য হি বিনোদায ধাত্রী বক্তি শুভাং কথাম্ .
ক্বচিত্ সন্তি মহাবাহো রাজপুত্রাঃ ত্রযঃ শুভাঃ ..২২..
দ্বৌ ন জাতৌ তথা একঃ তু গর্ভঃ এব ন চ স্থিতঃ .
বসন্তি তে ধর্মযুক্তাঃ অত্যন্তাসতি পত্তনে .. ২৩..
স্বকীযাত্ শূন্য নগরান্ নির্গত্য বিমলাশযাঃ .
গচ্ছন্তঃ গগনে বৃক্ষান্ দদৃশুঃ ফলশালিনঃ .. ২৪..
ভবিষ্যন্ নগরে তত্র রাজপুত্রাঃ ত্রযঃ অপি তে .
সুখম্ আদ্য স্থিতাঃ পুত্র মৃগযা ব্যবহারিণঃ .. ২৫..
ধাত্র্যেতি কথিতা রাম বালক আখ্যাযিকা শুভা .
নিশ্চযং সঃ যযৌ বালঃ নির্বিচারণযা ধিযা .. ২৬..
ইযং সংসার রচনা বিচার উজ্ঝিত চেতসাম্ .
বালক আখ্যাযিকা ইব ইত্থম্ অবস্থিতিম্ উপাগতা .. ২৭..
ইতি আদিভিঃ উপাখ্যানৈঃ মাযাশক্তেঃ চ বিস্তরম্ .
বসিষ্ঠঃ কথযামাস স এব শক্তিঃ নিরূপ্যতে .. ২৮..
কার্যাত্ আশ্রযতঃ চ এষা ভবেত্ শক্তিঃ বিলক্ষণা .
স্ফোট অঙ্গারৌ দৃশ্যমানৌ শক্তিঃ তত্র অনুমীযতে .. ২৯..
পৃথু বুধ্ন উদরা আকারঃ ঘটঃ কার্যঃ অত্র মৃত্তিকা .
শব্দাদিভিঃ পঞ্চগুণৈঃ যুক্তা শক্তিঃ তু অতদ্বিধা .. ৩০..
ন পৃথ্বী আদিঃ ন শব্দ আদিঃ শক্তৌ অস্তু যথা তথা .
অতঃ এব হি অচিন্ত্য এষা ন নির্বচনম্ অর্হতি .. ৩১..
কার্য উত্পত্তেঃ পুরা শক্তিঃ নিগূঢা মৃদি অবস্থিতা .
কুলাল আদি সহাযেন বিকার আকারতাং ব্রজেত্ .. ৩২..
পৃথ্বী আদি বিকার অন্তং স্পর্শাদিং চ অপি মৃত্তিকাম্ .
একীকৃত্য ঘটং প্রাহুঃ বিচার বিকলা জনাঃ .. ৩৩..
কুলা ব্যাপৃতেঃ পূর্বঃ যাবান্ অংশঃ সঃ নঃ ঘটঃ .
পশ্চাত্ তু পৃথুবুধ্নাদিমত্ত্বে যুক্তা হি কুম্ভতা .. ৩৪..
সঃ ঘটঃ ন মৃদঃ ভিন্নঃ বিযোগে সতি অনীক্ষণাত্ .
ন অপি অভিন্নঃ পুরা পিণ্ড দশাযাম্ অনবেক্ষণাত্ .. ৩৫..
অতঃ অনির্বচনীযঃ অযং শক্তিবত্ তেন শক্তিজঃ .
অব্যক্তব্যে শক্তিঃ উক্তা ব্যক্তব্যে ঘটনামভৃত্ .. ৩৬..
ঐন্দ্রজালিকনিষ্ঠা অপি মাযা ন ব্যজ্যতে পুরা .
পশ্চাত্ গন্ধর্বসেনাদিরূপেণ ব্যক্তিম্ আপ্নুযাত্ .. ৩৭..
এবং মাযামযত্বেন বিকারস্য অনৃতাত্মতাম্ .
বিকার আধার মৃত্ বস্তু সত্যত্বং চ অব্রবীত্ শ্রুতিঃ .. ৩৮..
বাঙ্ নিষ্পাদ্যং নাম মাত্রং বিকারঃ ন অস্য সত্যতা .
স্পর্শ আদি গুণ যুক্তা তু সত্যা কেবল মৃত্তিকা .. ৩৯..
ব্যক্ত অব্যক্তে তত্ আধারঃ ইতি ত্রিষু আদ্যযোঃ দ্বযোঃ .
পর্যাযঃ কালভেদেন তৃতীযঃ তু অনুগচ্ছতি .. ৪০..
নিস্তত্ত্বং ভাসমানং চ ব্যক্তম্ উত্পত্তি নাশভাক্ .
তত্ উত্পত্তৌ তস্য নাম বাচা নিষ্পাদ্যতে নৃভিঃ .. ৪১..
ব্যক্তে নষ্টে অপি নাম এতান্ নৃবক্ত্রেষু অনুবর্ততে .
তেন নাম্না নিরূপ্যত্বাত্ ব্যক্তং তত্ রূপম্ উচ্যতে .. ৪২..
নিস্তত্ত্বত্বাত্ বিনাশিত্বাত্ বাচারম্ভণ নামতঃ .
ব্যক্তস্য ন তু তত্ রূপং সত্যং কিঞ্চিত্ মৃত্ আদিবত্ .. ৪৩..
ব্যক্তকালে ততঃ পূর্বম্ ঊর্ধ্বম্ অপি একরূপভাক্ .
সতত্ত্বম্ অবিনাশং চ সত্যং মৃত্ বস্তু কথ্যতে .. ৪৪..
ব্যক্তং ঘটঃ বিকারঃ চ ইতি এতৈঃ নামভিঃ ঈরিতঃ .
অর্থঃ চেত্ অনৃতঃ কস্মাত্ ন মৃত্ বোধে নিবর্ততে .. ৪৫..
নিবৃত্তঃ এব যস্মাত্ তে তত্ সত্যত্ব মতিঃ গতা .
ঈদৃত্ নিবৃত্তিঃ এব অত্র বোধজা ন তু অভাসনম্ .. ৪৬..
পুমান্ অধোমুখঃ নীরে ভাতঃ অপি অস্তি ন বস্তুতঃ .
তটস্থ মর্ত্যবত্ তস্মিন্ ন এব আস্থা কস্যচিত্ ক্বচিত্ .. ৪৭..
ঈদৃক্ বোধে পুমর্থত্বং মতম্ অদ্বৈতবাদিনাম্ .
মৃত্ রূপস্য অপরিত্যাগাত্ বিবর্তত্বং ঘটে স্থিতম্ .. ৪৮..
পরিণামে পূর্বরূপং ত্যজেত্ তত্ ক্ষীর রূপবত্ .
মৃত্ সুবর্ণে নিবর্তেতে ঘট কুণ্ডলযোঃ ন হি .. ৪৯..
ঘটে ভগ্নে ন মৃত্ ভাবঃ কপালানাম্ অবেক্ষণাত্ .
মা এবং চূর্ণে অস্তি মৃত্ রূপং স্বর্ণরূপং তু অতিস্ফুটম্ .. ৫০..
ক্ষীর আদৌ পরিণামঃ অস্তু পুংসঃ তত্ ভাব বর্জনাত্ .
এতাবতা মৃত্ আদীনাং দৃষ্টান্তত্বং ন হি ঈযতে .. ৫১..
আরম্ভবাদিনঃ কার্যে মৃদঃ দ্বৈগুণ্যম্ আপতেত্ .
রূপ স্পর্শ আদযঃ প্রোক্তাঃ কার্য কার্ণযোঃ পৃথক্ .. ৫২..
মিত্ সুবর্ণমযঃ চ ইতি দৃষ্টান্ত ত্রযম্ আরুণিঃ .
প্রাহ অতঃ বাসযেত্ কার্য অনৃতত্বং সর্ব বস্তুষু .. ৫৩..
কারণ জ্ঞানতঃ কার্য বিজ্ঞানং চ অপি সঃ অবদত্ .
সত্যজ্ঞানে অনৃতজ্ঞাং কথম্ অত্র উপপদ্যতে .. ৫৪..
সমৃত্কস্য বিকারস্য কার্যতা লোকদৃষ্টিতঃ .
বাস্তবঃ অত্র মৃত্ অংশঃ অস্য বোধঃ কারণ বোধতঃ .. ৫৫..
অনৃত অংশঃ ন বোদ্ধব্যঃ তত্ বোধ অনুপযোগতঃ .
তত্ত্বজ্ঞানং পুমর্থং স্যাত্ ন অনৃত অংশ অববোধনম্ .. ৫৬..
তর্হি কারণ বিজ্ঞানাত্ কর্য জ্ঞাম্ ইতি ঈরিতে .
মৃত্ বোধে মৃত্তিকা বুদ্ধ ইতিউক্তং স্যাত্ কঃ অত্র বিস্মযঃ .. ৫৭..
সত্যং কার্যেষু বস্তু অংশঃ কারণাত্ আত্মা ইতি জানতঃ .
বিস্মযঃ মা অস্তু ইহ অজ্ঞস্য বিস্মযঃ কেন বার্যতে .. ৫৮..
আরম্ভী পরিণামী চ লৌকিকঃ চ এক কারণে .
জ্ঞাতে সর্বমতিং শ্রুত্বা প্রাপ্নুবন্তি এব বিস্মযম্ .. ৫৯..
অদ্বৈতে অভিমুখীকর্তুম্ এব অত্র একস্য বোধ্তঃ .
সর্ববোধঃ শ্রুতৌ ন এব নানাত্বস্য বিবক্ষযা .. ৬০..
এক মৃত্ পিণ্ড বিজ্ঞানাত্ সর্ব মৃণ্ময ধীঃ যথা .
তথা এক ব্রহ্ম বোধেন জগত্ বুদ্ধিঃ বিভাব্যতাম্ .. ৬১..
সত্ চিত্ সুখাত্মকং ব্রহ্ম নাম রূপাত্মকং জগত্ .
তাপনীযে শ্রুতং ব্রহ্ম সচ্চিদানন্দ লক্ষণম্ .. ৬২..
সত্ রূপম্ আরুণিঃ প্রাহ প্রজ্ঞানং ব্রহ্ম বহ্বৃচঃ .
সনত্কুমারঃ আনন্দম্ এবম্ অন্যত্র গম্যতাম্ .. ৬৩..
বিচিন্ত্য সর্বরূপাণি কৃত্বা নামানি তিষ্ঠতি .
অহং ব্যাকরবাণীমে নামরূপেঃ ইতি শ্রুতেঃ .. ৬৪..
অব্যাকৃতং পুরা সৃষ্টেঃ ঊর্ধ্বং ব্যাক্রীযতে দ্বিধা .
অচিন্ত্য শক্তিঃ মাযা এষা ব্রহ্মণি অব্যাকৃতা অভিধা .. ৬৫..
অবিক্রিয ব্রহ্ম নিষ্ঠা বিকারং যাতি অনেকধা .
মাযাং তু প্রকৃতিং বিদ্যাত্ মাযিনং তু মহেশ্বরম্ .. ৬৬..
আদ্যঃ বিকারঃ আকাশঃ সঃ অস্তি ভাতি অপি চ প্রিযঃ .
অবকাশঃ তস্য রূপং তত্ মিথ্যা ন তু তত্ ত্রযম্ .. ৬৭..
ন ব্যক্তেঃ পূর্বম্ অস্তি এব ন পশ্চাত্ চ অপি নাশতঃ .
আদৌ অন্তে চ যত্ ন অস্তি বর্তমানে অপি তত্ তথা .. ৬৮..
অব্যক্ত আদীনি ভূতানি ব্যক্ত মধ্যানি ভারত .
অব্যক্ত নিধনানি এব ইতি আহ কৃষ্ণঃ অর্জুনং প্রতি .. ৬৯..
মৃদ্বত্ সচ্চিদানন্দাঃ অনুগচ্ছন্তি সর্বদ .
নিরাকাশে সদাদীনাম্ অনুভূতিঃ নিজাত্মনি .. ৭০..
অবকাশে বিস্মৃতে অথ তত্র কিং ভাতি তে বদ .
শূন্যম্ এব ইতি চেত্ অস্তু নাম তাদৃক্ বিভাতি হি .. ৭১..
তাদৃক্ত্বাত্ এব তত্ সত্ত্বম্ ঔদাসীন্যেন তত্ সুখম্ .
আনুকূল্য প্রাতিকূল্য হীনং যত্ তত্ নিজং সুখম্ .. ৭২..
অনুকূল্যে হর্ষধীঃ স্যাত্ প্রাতিকূল্যে তু দুঃখধীঃ .
দ্বয অভাবে নিজানন্দঃ নিজদুঃখং ন তু ক্বচিত্ .. ৭৩..
নিজানন্দে স্থিরে হর্ষ শোকযোঃ ব্যত্যযঃ ক্ষণাত্ .
মনসঃ ক্ষণিকত্বেন তযোঃ মানসতেষ্যতাম্ .. ৭৪..
আকাশে অপি এবম্ আনন্দঃ সত্তাভানে তু সংমতে .
বাযু আদি দেহ পর্যন্তং বস্তুষু এবং বিভাব্যতাম্ .. ৭৫..
গতিস্পর্শৌ বাযুরূপং বহ্নেঃ দাহপ্রকাশনে .
জলস্য দ্রবতা ভূমেঃ কাঠিন্যং চ ইতি নির্ণযঃ .. ৭৬..
অসাধারণঃ আকারঃ ঔষধি অন্ন বপুষি অপি .
এবং বিভাব্যং মনসা তত্ তত্ রূপং যথা উচিতম্ .. ৭৭..
অনেকধা বিভিন্নেষু নাম রূপেষু চ একধা .
তিষ্ঠন্তি সচ্চিদানন্দা বিসংবাদঃ ন কস্যচিত্ .. ৭৮..
নিস্তত্ত্বে নাম রূপে দ্বে জন্ম নাশযুতে চ তে .
বুদ্ধ্যা ব্রহ্মণি বীক্ষ্যস্ব সমুদ্রে বুদ্বুদ আদিবত্ .. ৭৯..
সচ্চিদানন্দ রূপে অস্মিন্ পূর্ণে ব্রহ্মণি বীক্ষিতে .
স্বযম্ এব অবজানন্তি নাম রূপে শনৈঃ শনৈঃ .. ৮০..
যাবত্ যাবত্ অবজ্ঞা স্যাত্ তাবত্ তাবত্ তত্ ঈক্ষণম্ .
যাবত্ যাবত্ বীক্ষ্যতে তত্ তাবত্ তাবত্ উভে ত্যজেত্ .. ৮১..
তত্ অভ্যাসেন বিদ্যাযাং সুস্থিতাযাম্ অযং পুমান্ .
জীবন্ এব ভবেত্ মুক্তঃ বপুঃ অস্তু যথা তথা .. ৮২..
তত্ চিন্তনং তত্ কথনম্ অন্যোন্যং তত্ প্রবোধনম্ .
অতত্ এক পরত্বং চ ব্রহ্ম অভ্যাসং বিদুঃ বুধাঃ .. ৮৩..
বাসনা অনেক কালিনা দীর্ঘ কালং নিরন্তরম্ .
সাদরং চ অভ্যস্যমানে সর্বথা এব নিবর্ততে .. ৮৪..
মৃত্ শক্তিবত্ ব্রহ্ম শক্তিঃ অনেকান্ অনৃতান্ সৃজেত্ .
যত্ বা জীবগতা নিদ্রা স্বপ্নঃ চ অত্র নিদর্শনম্ .. ৮৫..
নিদ্রা শক্তিঃ যথা জীবে দুর্ঘট স্বপ্নকারিণী .
ব্রহ্মণি এষা স্থিতা মাযা সৃষ্টি স্থিতি অন্ত কারিণী .. ৮৬..
স্বপ্নে বিযত্ গতিং পশ্যেত্ স্ব মূর্ধচ্ছেদনং যথা .
মুহূর্তে বত্সর ওঘং চ মৃত পুত্র আদিকং পুনঃ .. ৮৭..
ইদং যুক্তম্ ইদং ন ইতি ব্যবস্থা তত্র দুর্লভা .
যথা যথ ঈক্ষ্যতে যত্ যত্ তত্ তত্ যুক্তং তথা তথা .. ৮৮..
ঈদৃশঃ মহিমা দৃষ্টঃ নিদ্রা শক্তেঃ যদা তদা .
মাযা শক্তেঃ অচিন্ত্যঃ অযং মহিমা ইতি কিম্ অদ্ভুতম্ .. ৮৯..
শযানে পুরুষে নিদ্রা স্বপ্নং বহুবিধং সৃজেত্ .
ব্রহ্মণি এবং নির্বিকারে বিকারান্ কল্পযতি অসৌ .. ৯০..
খ অনিল অগ্নি জল ঊর্বি অণ্ড লোক প্রাণি শিলাদিকাঃ .
বিকারাঃ প্রাণি ধীষু অন্তঃ চিত্ ছাযা প্রতিবিম্বিতা .. ৯১..
চেতন অচেতনেষু এষু সচ্চিদানন্দ লক্ষণম্ .
সমানং ব্রহ্ম ভিদ্যেতে নাম রূপে পৃথক্ পৃথক্ .. ৯২..
ব্রহ্মণি এতে নাম রূপে পটে চিত্রম্ ইব স্থিতে .
উপেক্ষ্য নাম রূপে দ্বে সচ্চিদানন্দ ধীঃ ভবেত্ .. ৯৩..
জলস্থে অধোমুখে স্বস্য দেহে দৃষ্টে অপি উপেক্ষ্য তম্ .
তীরস্থ এব দেহে স্বে তাত্পর্যং স্যাত্ যথা তথা .. ৯৪..
সহস্রশঃ মনোরাজ্যে বর্তমানে সদা এব তত্ .
সর্বৈঃ উপেক্ষ্যতে যদবত্ উপেক্ষা নামরূপযোঃ .. ৯৫..
ক্ষণে ক্ষণে মনোরাজ্যং ভবতি এব অন্যথা অন্যথা .
গতং গতং পুনঃ ন অস্তি ব্যবহারঃ বহিঃ তথা .. ৯৬..
ন বাল্যং যৌবনে লব্ধং যৌবনং স্থাবিরে তথা .
মৃতঃ পিতা পুনঃ ন অস্তি ন আযাতি এব গতং দিনম্ .. ৯৭..
মনোরাজ্যাত্ বিশেষঃ কঃ ক্ষণ ধ্বংসিনি লৌকিকে .
অতঃ অস্মিন্ ভাসমানে অপি তত্ সত্যত্ব ধিযং ত্যজেত্ .. ৯৮..
উপেক্ষিতে লৌকিকে ধীঃ নির্বিঘ্না ব্রহ্ম চিন্তনে .
নটবত্ কৃত্রিম্ আস্থায নির্বহতি এব লৌকিকম্ .. ৯৯..
প্রবহতি অপি নীরে অধঃ স্থিরা প্রৌঢ শিলা যথা .
নাম রূপ অন্যথাত্বে অপি কূটস্থং ব্রহ্ম ন অন্যথা .. ১০০..
নিষ্ছিদ্রে দর্পণে ভাতি বস্তু গর্ভং বৃহত্ বিযত্ .
সত্ চিত্ ঘনে তথা নানা জগত্ গর্ভম্ ইদং বিযত্ .. ১০১..
অদৃষ্ট্বা দর্পণং ন এব তত্ অন্তস্থে ক্ষণং তথা .
অমত্বা সচ্চিদানন্দং নাম রূপ মতিঃ কুতঃ .. ১০২..
প্রথমং সচ্চিদানন্দে ভাসমানে অথ তাবতা .
বুদ্ধিং নিযম্য ন এব ঊর্ধ্বং ধারযেত্ নাম রূপযোঃ .. ১০৩..
এবং চ নির্জগত্ ব্রহ্ম সচ্চিদানন্দ লক্ষণম্ .
অদ্বৈত আনন্দ এতস্মিন্ বিশ্রাম্যন্তু জনাঃ চিরম্ .. ১০৪..
ব্রহ্মানন্দ অভিধে গ্রন্থে তৃতীযঃ অধ্যাযঃ ঈরিতঃ .
অদ্বৈত আনন্দ এব স্যাত্ জগত্ মিথ্যাত্ব চিন্তযা .. ১০৫..
ইতি ত্রযোদশোঽধ্যাযঃ .. ১৩..