শ্রী সূক্ত

.. শ্রী সূক্ত ( ঋগ্বেদ) ..

হিরণ্যবর্ণাং হরিণীং সুবর্ণরজতস্রজাম্ .
চন্দ্রাং হিরণ্মযীং লক্ষ্মীং জাতবেদো মমাবহ .. ১..
তাং ম আবহ জাতবেদো লক্ষ্মীমনপগামিনীম্ .
যস্যাং হিরণ্যং বিন্দেযং গামশ্বং পুরুষানহম্ .. ২..
অশ্বপূর্বাং রথমধ্যাং হস্তিনাদপ্রমোদিনীম্ .
শ্রিযং দেবীমুপহ্বযে শ্রীর্মা দেবী জুষতাম্ .. ৩..
কাংসোস্মি তাং হিরণ্যপ্রাকারামার্দ্রাং জ্বলন্তীং তৃপ্তাং তর্পযন্তীম্ .
পদ্মেস্থিতাং পদ্মবর্ণাং তামিহোপহ্বযে শ্রিযম্ .. ৪..
চন্দ্রাং প্রভাসাং যশসা জ্বলংতীং শ্রিযং লোকে দেবজুষ্টামুদারাম্ .
তাং পদ্মিনীমীং শরণমহং প্রপদ্যেঽলক্ষ্মীর্মে নশ্যতাং ত্বাং বৃণে .. ৫..
আদিত্যবর্ণে তপসোঽধিজাতো বনস্পতিস্তব বৃক্ষোঽথ বিল্বঃ .
তস্য ফলানি তপসানুদন্তুমাযান্তরাযাশ্চ বাহ্যা অলক্ষ্মীঃ .. ৬..
উপৈতু মাং দেবসখঃ কীর্তিশ্চ মণিনা সহ .
প্রাদুর্ভূতোঽস্মি রাষ্ট্রেস্মিন্কীর্তিমৃদ্ধিং দদাতু মে .. ৭..
ক্ষুত্পিপাসামলাং জ্যেষ্ঠামলক্ষ্মীং নাশযাম্যহম্ .
অভূতিমসমৃদ্ধিং চ সর্বাং নির্ণুদমে গৃহাত্ .. ৮..
গন্ধদ্বারাং দুরাধর্ষাং নিত্যপুষ্টাং করীষিণীম্ .
ঈশ্বরীং সর্বভূতানাং তামিহোপহ্বযে শ্রিযম্ .. ৯..
মনসঃ কামমাকূতিং বাচঃ সত্যমশীমহি .
পশূনাং রূপমন্নস্য মযি শ্রীঃ শ্রযতাং যশঃ .. ১০..
কর্দমেন প্রজাভূতামযি সম্ভবকর্দম .
শ্রিযং বাসয মে কুলে মাতরং পদ্মমালিনীম্ .. ১১..
আপঃ সৃজন্তু স্নিগ্ধানি চিক্লীতবসমে গৃহে .
নিচদেবীং মাতরং শ্রিযং বাসয মে কুলে .. ১২..
আর্দ্রাং পুষ্করিণীং পুষ্টিং সুবর্ণাং হেমমালিনীম্ .
সূর্যাং হিরণ্মযীং লক্ষ্মীং জাতবেদো ম আবহ .. ১৩..
আর্দ্রাং যঃকরিণীং যষ্টিং পিঙ্গলাং পদ্মমালিনীম্ .
চন্দ্রাং হিরণ্মযীং লক্ষ্মীং জাতবেদো ম আবহ .. ১৪..
তাং ম আবহ জাতবেদো লক্ষ্মীমনপগামিনীম্ .
যস্যাং হিরণ্যং প্রভূতং গাবোদাস্যোশ্বান্বিন্দেযং পুরুষানহম্ .. ১৫..
যঃ শুচিঃ প্রযতো ভূত্বা জুহুযাদাজ্যমন্বহম্ .
সূক্তং পঞ্চদশর্চং চ শ্রীকামঃ সততং জপেত্ .. ১৬..
পদ্মাননে পদ্ম ঊরূ পদ্মাক্ষী পদ্মসম্ভবে .
তন্মেভজসি পদ্মাক্ষী যেন সৌখ্যং লভাম্যহম্ .. ১৭..
অশ্বদাযী গোদাযী ধনদাযী মহাধনে .
ধনং মে জুষতাং দেবি সর্বকামাংশ্চ দেহি মে .. ১৮..
পদ্মাননে পদ্মবিপদ্মপত্রে পদ্মপ্রিযে পদ্মদলাযতাক্ষি .
বিশ্বপ্রিযে বিশ্বমনোনুকূলে ত্বত্পাদপদ্মং মযি সংনিধত্স্ব .. ১৯..
পুত্রপৌত্রং ধনং ধান্যং হস্ত্যশ্বাদিগবেরথম্ .
প্রজানাং ভবসি মাতা আযুষ্মন্তং করোতু মে .. ২০..
ধনমগ্নির্ধনং বাযুর্ধনং সূর্যো ধনং বসুঃ .
ধনমিন্দ্রো বৃহস্পতির্বরুণং ধনমস্তু তে .. ২১..
বৈনতেয সোমং পিব সোমং পিবতু বৃত্রহা .
সোমং ধনস্য সোমিনো মহ্যং দদাতু সোমিনঃ .. ২৩..
ন ক্রোধো ন চ মাত্সর্যং ন লোভো নাশুভা মতিঃ . .
ভবন্তি কৃতপুণ্যানাং ভক্তানাং শ্রীসূক্তং জপেত্ .. ২৪..
সরসিজনিলযে সরোজহস্তে ধবলতরাংশুকগন্ধমাল্যশোভে .
ভগবতি হরিবল্লভে মনোজ্ঞে ত্রিভুবনভূতিকরি প্রসীদ মহ্যম্ .. ২৫..
বিষ্ণুপত্নীং ক্ষমাদেবীং মাধবীং মাধবপ্রিযাম্ .
লক্ষ্মীং প্রিযসখীং দেবীং নমাম্যচ্যুতবল্লভাম্ .. ২৬..
মহালক্ষ্মী চ বিদ্মহে বিষ্ণুপত্নী চ ধীমহি .
তন্নো লক্ষ্মীঃ প্রচোদযাত্ .. ২৭..
শ্রীবর্চস্বমাযুষ্যমারোগ্যমাবিধাচ্ছোভমানং মহীযতে .
ধান্যং ধনং পশুং বহুপুত্রলাভং শতসংবত্সরং দীর্ঘমাযুঃ .. ২৮..

ঋণরোগাদি দারিদ্য পাপংক্ষুদপমৃত্যবঃ .
ভযশোকমনস্তাপা নশ্যন্তু মম সর্বদা ..

শ্রিযে জাত শ্রিয আনির্যায শ্রিযং বযো জনিতৃভ্যো দধাতু .
শ্রিযং বসানা অমৃতত্বমাযন্ ভজন্তি সদ্যঃ সবিতা বিদধ্যূন্ ..
শ্রিয এবৈনং তচ্ছ্রিযামাদধাতি .
সন্ততমৃচাবষট্ কৃত্যংসংধত্তং সধীযতে প্রজযা পশুভিঃ ..
য এবং বেদ .

ॐ মহালক্ষ্মী চ বিদ্মহে বিষ্ণুপত্নী চ ধীমহি . তন্নো লক্ষ্মীঃ প্রচোদযাত্ ..

.. ॐ শান্তিঃ শান্তিঃ শান্তিঃ ..

<