সরস্বতীগীতা

 || সরস্বতীগীতা ||

|| অথ সরস্বতীগীতা ||
মার্কণ্ডেয় উবাচ –
অত্রৈব চ সরস্বত্যা গীতং পরপুরঞ্জয় |
পৃষ্টা যা মুনিনা বীর শৃণু তার্ক্ষ্যেণ ধীমতা || ১||
তার্ক্ষ্য উবাচ –
কিনু শ্রেয়ঃ পুরুষস্যেহ ভদ্রে কথং কুর্বন্ন চ্যবতে স্বধর্মাৎ |
আচক্ষ্ব মে চারুসর্বাংগি কুর্যাৎবয়াশিষ্টো ন চ্যবেয়ং স্বধর্মাৎ || ২||
কথং বাগ্নিং জুহুয়াং পূজয়ে বা কস্মিন্কালে কেন ধর্মো ন নশ্যেৎ |
এতৎসর্ব সুভগে প্রব্রবীহি যথা লোকান্ বিরজাঃ সংচরেয়ম্ || ৩||
মার্কণ্ডেয় উবাচ –
এবং পৃষ্টা প্রীতিয়ুক্তেন তেন শুশ্রূমীক্ষ্যোত্তমবুদ্ধিয়ুক্তম্ |
তার্ক্ষ্যং বিপ্রং ধর্ময়ুক্তং হিতং চ সরস্বতী বাক্যমিদং বভাষে || ৪||
সরস্বত্যুবাচ –
যো ব্রহ্ম জানাতি যথাপ্রদেশং স্বাধ্যায়নিত্যঃ সুচিরপ্রমত্তঃ |
স বৈ পারং দেবলোকস্য গন্তা সহামরৈঃ প্রাপ্নুয়াৎপ্রীতিয়োগম্ || ৫||
তত্র স্ম রম্যাবিপুলা বিশোকাঃ সুপুষ্পিতাঃ পুষ্করিণ্যঃ সুপুণ্যাঃ |
অকর্দমামীনবত্যঃ সুতীর্থা হিরণ্ময়ৈরাবৃতাঃ পুণ্ডরীকৈঃ || ৬||
তাসাং তীরেষ্বাসতে পুণ্যভাজো মহীয়মানাঃ পৃথগপ্সরোভিঃ |
সুপুণ্যগন্ধাভিরলংকৃতাভির্হিরণ্যবর্ণাভিরতীব দৃষ্টাঃ || ৭||
পরং লোকং গোপ্রদাস্ত্বাপ্নুবন্তি দৎবানডুহং সূর্যলোকং ব্রজন্তি |
বাসো দৎবা চান্দ্রমসং তু লোকং দৎবা হিরণ্যমমরৎবমেতি || ৮||
ধেনুং দৎবা সুপ্রভাং সুপ্রদোহাং কল্যাণবৎসামপলায়িনীং চ |
যাবন্তি রোমাণি ভবন্তি তস্যাস্তাবদ্বর্ষাণ্যাসতে দেবলোকে || ৯||
অনড্বাহং সুব্রতং যো দদাতি হলস্য বোঢারমনন্তবীর্যম্ |
ধুরন্ধরং বলবন্তং যুদ্মনং প্রাপ্নোতি লোকান্দশধেনুদস্য || ১০||
দদাতি যো বৈ কপিলাং সচৈলাং কাংস্যোপদোহাং দ্রবিণৈরুত্তরীয়ৈ |
তৈস্তৈর্গুণৈঃ কামদুহাথ ভূৎবা নরং প্রদাতারমুপৈতি সা গৌঃ || ১১||
যাবন্তি রোমাণি ভবন্তি ধেন্বাস্তাবৎফলং ভবতি গোপ্রদানে |
পুত্রাংশ্চ পৌত্রাংশ্চ কুলং চ সর্বমাসপ্তমং তারয়তে পরত্র || ১২||
সদক্ষিণাং কাংচনচারুশৃঙ্গীং কাংস্যোপদোহাং দ্রবিণৈরুত্তরীয়ৈঃ |
ধেনুং তিলানাং দদতো দ্বিজায় লোকা বসূনাং সুলভা ভবন্তি || ১৩||
স্বকর্মভির্দানবসংনিরুদ্ধে তীব্রান্ধকারে নরকে পতন্তম্ |
মহার্ণবে নৌরিব বাতয়ুক্তা দানং গবাং তারয়তে পরত্র || ১৪||
যো ব্রাহ্মদেয়াং তু দদাতি কন্যাং ভূমিপ্রদানং চ করোতি বিপ্রে |
দদাতি দানং বিধিনা চ যশ্চ স লোকমাপ্নোতি পুরন্দরস্য || ১৫||
যঃ সপ্তবর্ষাণি জুহোতি তার্ক্ষ্য হব্যং ৎবগ্নৌ নিয়তঃ সাধুশীল |
সপ্তাবরান্সপ্তপূর্বান্পুনাতি পিতামহানাত্মনা কর্মভিঃ স্বৈঃ || ১৬||
তার্ক্ষ্য উবাচ –
কিমগ্নিহোত্রস্য ব্রতং পুরাণমাচক্ষ্ব মে পৃচ্ছতশ্চানুরূপে |
ৎবয়ানুশিষ্টোহমিহাদ্য বিদ্যাং যদগ্নিহোত্রস্য ব্রতং পুরাণম্ || ১৭||
সরস্বতী উবাচ –
ন বাশুচির্নাপ্যনির্ণিক্য পাণির্নাব্রহ্মবিজ্জুহুয়ান্নাবিপশ্চিৎ |
বুভুৎসবঃ শুচিকামা হি দেবা নাশ্রদ্দধানাদ্ধিহবির্জুহন্তি || ১৮||
নাশ্রোত্রিয়ং দেবহব্যে নিয়ুংজ্যান্মোঘং পুরা সিংচতি তাদৃশো হি |
অপূর্বমশ্রোত্রিয়মাহ তার্ক্ষ্য ন বৈ তাদৃগ্জুহুয়াদগ্নিহোত্রম্ || ১৯||
কৃশাশ্চ যে জুহ্বতি শ্রদ্দধানাঃ সত্যব্রতা হুতশিষ্টাশিনশ্চ |
গবাং লোকং প্রাপ্য তে পুণ্যগন্ধং পশ্যন্তি দেবং পরমং চাপি সত্যম্ || ২০||
তার্ক্ষ্য উবাচ –
ক্ষেত্রজ্ঞভূতাং পরলোকভাবে কর্মোদয়ে বুদ্ধিমতি প্রবিষ্টাম্ |
প্রজ্ঞাং চ দেবীং সুভগে বিমৃশ্য পৃচ্ছামি ৎবাং কাহ্যসি চারুরূপে || ২১||
সরস্বত্যুবাচ –
অগ্নিহোত্রাদহমভ্যাগতাস্মি বিসর্পমাণা সংশয়চ্ছেদনায় |
ৎবৎসন্নিয়োগাদহমেতদব্রুবং ভাবে স্থিতা তথ্যমর্থং যথাবৎ || ২২||
তার্ক্ষ্য উবাচ –
ন হি ৎবয়া সদৃশী কাচিদস্তি বিভ্রাজসে হ্যতিমাত্রং যথা শ্রীঃ |
রূপং চ তে দিব্যমনন্তকান্তি প্রজ্ঞাং চ দেবীং সুভগে বিভর্ষি || ২৩||
সরস্বত্যুবাচ –
শ্রেষ্ঠানি যানি দ্বিপদাং বরিষ্ঠ যজ্ঞেষু বিদ্বন্নুপপাদয়ন্তি |
তৈরেব চাহং সংপ্রবৃদ্ধা ভবামি চাপ্যায়িতা রূপবতী চ বিপ্র || ২৪||
যচ্চাপি দ্রব্যমুপয়ুজ্যতেহ বানস্পত্যমায়সম্পার্থিবং বা |
দিব্যেন রূপেণ চ প্রজ্ঞয়া চ তবৈব সিদ্ধিরিতি বিদ্ধি বিদ্বন্ || ২৫||
তার্ক্ষ্য উবাচ –
ইদং শ্রেয়ঃ পরমং মন্যমানা ব্যাপৃচ্ছন্তে মুনয়ঃ সংপ্রতীতাঃ |
আচক্ষ্ব মে তং পরমং বিশোকং মোক্ষং পরং যং প্রবিশন্তি ধীরাঃ |
সাংখ্যং যোগাঃ পরমং যং বিদন্তি পরং পুরাণং তমহং ন বেদ্মি || ২৬||
সরস্বত্যুবাচ –
তং বৈ পরং বেদবিদঃ প্রপন্নাঃ পরং পরেভ্যঃ প্রথিতং পুরাণম্ |
স্বাধ্যায়বন্তো ব্রতপুণ্যয়োগৈস্তপোধনা বীতশোকা বিমুক্তাঃ || ২৭||
তস্যাথ মধ্যে চেতসঃ পুণ্যগন্ধাঃ সহস্র শাখা বিপুলা বিভান্তি |
তস্য মূলাৎসরিতঃ প্রস্রবন্তি মধূদকপ্রস্রবণাঃ সুপুণ্যাঃ || ২৮||
শাখাং শাখাং মহানদ্যঃ সংযান্তি সিকতাশয়াঃ |
ধানাঃ পূপা মাংসশাকা সদা পায়সকর্দমাঃ || ২৯||
যস্মিন্নগ্নিমুখা দেবাঃ সেন্দ্রাঃ সহমরুদ্গণাঃ |
ঈজিরে ক্রতুভিঃ শ্রেষ্ঠৈস্তৎপদং পরমং মম || ৩০||
ইতি সরস্বতীগীতা সমাপ্তা||

<