বৃহস্পতিরুবাচ
রাজতং রাজতাক্তং বা পিৎৠণাং পাত্রমুচ্যতে |
রাজতস্য কথাবাপি দর্শনং দান মেব বা || ২. ১১. ১||
অনন্তমক্ষয়ং স্বর্গে রাজতে দানমুচ্যতে |
পিৎৠনেতেন দানেন সৎপুত্রাস্তারয়ন্ত্যুত || ২. ১১. ২||
রাজতে হি স্বধা দুগ্ধা পাত্রে তৈঃ পৃথিবী পুরা |
স্বধাং বা পার্থিভিস্তাত তস্মিন্ দত্তং তদক্ষয়ম্ || ২. ১১. ৩||
কৃষ্ণাজিনস্য সাংনিধ্যং দর্শনং দানমেব চ |
রক্ষোঘ্নং ব্রহ্ম বর্চস্যং পশূন্পুত্রাংশ্চ তারয়েৎ || ২. ১১. ৪||
কনকং রাজতং পাত্রং দৌহিত্রং কুতুপস্তিলাঃ |
বস্তূনি পাবনীয়ানি ত্রিদণ্ডীয়োগ এব বা || ২. ১১. ৫||
শ্রাদ্ধকর্মণ্যয়ং শ্রেষ্ঠো বিধির্ব্রাহ্মঃ সনাতনঃ |
আয়ুঃকীর্তিপ্রজৈশ্বর্যপ্রজ্ঞাসংততিবর্দ্ধনঃ || ২. ১১. ৬||
দিশিদক্ষিণপূর্বস্যাং বেদিস্থানং নিবেদয়েৎ |
সর্বতোঽরত্নিমাত্রং চ চতুরস্রং সুসংস্থিতম্ || ২. ১১. ৭||
বক্ষ্যামি বিধিবৎস্থানং পিৎৠণামনুশাসিতম্ |
ধন্যমায়ুষ্যমারোগ্যং বলবর্ণবিবর্দ্ধনমা || ২. ১১. ৮||
তত্র গর্তাস্ত্রয়ঃ কায়ার্স্ত্রয়ো দণ্ডাশ্চ খাদিরাঃ |
অরত্নিমাত্রাস্তে কার্যা রজতৈঃ প্রবিভূষিতাঃ || ২. ১১. ৯||
তে বিতস্ত্যায়তা গর্ত্তাঃ সর্বতশ্চতুরঙ্গুলাঃ |
প্রাগ্দক্ষিণমুখান্কুর্যাৎস্থিরানশুষিরাংস্তথা || ২. ১১. ১০||
অদ্ভিঃ পবিত্রয়ুক্তাভিঃ পাবয়েৎসততং শুচিঃ |
পয়সা হ্যাজ গব্যেন শোধনং চাদ্ভিরেব চ || ২. ১১. ১১||
সততং তর্পণং হ্যেতত্তৃপ্তির্ভবতি শাস্বতী |
ইহ বামুত্র য বশী সর্বকামসমন্বিতঃ || ২. ১১. ১২||
এবং ত্রিষবণস্নাতো যোর্ঽচয়েৎপ্রয়তঃ পিৎৠন্ |
মন্ত্রেণ বিধিবৎসম্যগশ্বমেধফলং লভেৎ || ২. ১১. ১৩||
তান্স্থাপয়েদমাবাস্যাং গর্ত্তান্বৈ চতুরঙ্গুলান্ |
ত্রিঃসপ্তসংস্থাস্তে যজ্ঞাস্ত্রৈলোক্যং ধার্যতে তু যঃ || ২. ১১. ১৪||
তস্য পুষ্টিস্তথৈশ্বর্যমায়ুঃ সংততিরেব চ |
দিবি চ ভ্রাজতেলক্ষ্ম্যা মোক্ষং চ লভতে ক্রমাৎ || ২. ১১. ১৫||
পাপ্মাপহং পাবনীয়ং হ্যশ্বমেধফলং লভেৎ |
অশ্বমেধফলং হ্যেত্তদ্দ্বিজৈঃ সংস্কৃত্য পূজিতম্ || ২. ১১. ১৬||
মন্ত্রং বক্ষ্যাম্যহং তস্মাদমৃতং ব্রহ্মনির্মিতম্ |
দেংবতেভ্যঃ পিতৃভ্যশ্চ মহায়োগিভ্য এব চ || ২. ১১. ১৭||
নমঃ স্বাহয়ৈ স্বধায়ৈ নিত্যমেব ভবত্যুত |
আদ্ধেঽবসানে শ্রাদ্ধস্য ত্রিরাবৃত্তং জপেৎসদা || ২. ১১. ১৮||
পিণ্ডনির্বপণে বাপি জপেদেতং সমাহিতঃ |
ক্ষিপ্রমায়ান্তি পিতরো রক্ষাংসি প্রদ্রবন্তি চ || ২. ১১. ১৯||
পিত্র্যং তু ত্রিষু কালেষু মন্ত্রোঽযং তারয়ত্যুত |
পঠ্যমানঃ সদা শ্রাদ্ধে নিয়তৈর্ব্রহ্মবাদিভিঃ || ২. ১১. ২০||
রাজ্যকামো জপেদেতং সদা মন্ত্রমতন্দ্রিতঃ |
বীর্যশৌর্যার্থসত্ত্বাশীরায়ুর্বুদ্ধিবিবর্দ্ধনম্ || ২. ১১. ২১||
প্রীয়ন্তে পিতরো যেন জপেন নিয়মেন চ |
সপ্তর্চিষং প্রবক্ষ্যামি সর্বকামপ্রদং শুভম্ || ২. ১১. ২২||
অমূর্ত্তীনাং সমূর্ত্তিনাং পিৎৠণাং দীপ্ততেজসাম্ |
নমস্যামি সদা তেষাং ধ্যানিনাং যোগচক্ষুষাম্ || ২. ১১. ২৩||
ইন্দ্রাদীনাং চ নেতারো দশমারীচয়োস্তথা |
সপ্তর্ষীণাং পিৎৠণাং চ তান্নমস্যামি কামদান্ || ২. ১১. ২৪||
মন্বাদিনাং চ নেতারঃ সূর্যাচন্দ্রমসোস্তথা |
তান্নমস্কৃত্য সর্বান্বৈ পিতৃমৎসু বিধিষ্বপি || ২. ১১. ২৫||
নক্ষত্রাণাং গ্রহাণাং চ বায়্বগ্ন্যোশ্চ পিৎৠনথ |
দ্যাবাপৃথিব্যোশ্চ সদা নামস্যামি কৃতাঞ্জলিঃ || ২. ১১. ২৬||
দেবর্ষীণাং চ নেতারঃ সর্বলোকনমস্কৃতাঃ |
ত্রাতারঃ সর্বভূতানাং নমস্যামি পিতামহান্ || ২. ১১. ২৭||
প্রজাপতের্গবাং বহ্নেঃ সোমায় চ যমায় চ |
যোগেশ্বরেভ্যশ্চ সদা নমস্যামি কৃতাঞ্জলিঃ || ২. ১১. ২৮||
পিতৃগণেভ্যঃ সপ্তভ্যো নমো লোকেষু সপ্তসু |
স্বয়ংভুবে নমশ্চৈব ব্রহ্মণে যোগচক্ষুষে || ২. ১১. ২৯||
এতদুক্তং চ সপ্তার্চির্ব্রহ্মর্ষিগণসেবিতম্ |
পবিত্রং পরমং হ্যেতচ্ছ্রীমদ্রোগবিনাশনম্ || ২. ১১. ৩০||
এতেন বিধিনা যুক্তস্ত্রীন্বরাংল্লভতে নরঃ |
অন্নমায়ুঃ সুতাশ্চৈব দদতে পিতরো ভুবি || ২. ১১. ৩১||
ভক্ত্যা পরময়া যুক্তঃ শ্রদ্ধধানো জিতেন্দ্রিয়ঃ |
সপ্তার্চি ষং জপেদ্যস্তু নিত্যমেব সমাহিতঃ || ২. ১১. ৩২||
সপ্তদ্বীপসমুদ্রায়াং পৃথিব্যামেকরাড্ ভবেৎ |
যৎকিঞ্চিৎপচ্যতে গেহে ভক্ষ্যং বা ভোজ্যমেব বা || ২. ১১. ৩৩||
অনিবেদ্য ন ভোক্তব্যং তস্মিন্নয়তনে সদা |
ক্রমশঃ কীর্তয়িষ্যামি বলিপাত্রাণ্যতঃ পরম্ || ২. ১১. ৩৪||
যেষু যচ্চ ফলং প্রোক্তং তন্মে নিগদতঃ শ্রুণু |
পলাশে ব্রহ্মবর্চস্ত্বমশ্বত্থে বসুভাবনা || ২. ১১. ৩৫||
সর্বভূতাধিপত্যং চ প্লক্ষে নিত্যভুদাৎদৃতম্ |
পুষ্টিঃ প্রজাশ্চ ন্যগ্রোধে বুদ্ধিঃ প্রজ্ঞা ধৃতিঃ স্মৃতিঃ || ২. ১১. ৩৬||
রশোধ্নং চ যশস্যং চ কাশ্মরীপাত্রমুচ্যতে |
সৌভাগ্যমুত্তমং লোকে মাধূকে সমুদাৎদৃতম্ || ২. ১১. ৩৭||
ফলগুপাত্রেষু কুর্বাণঃ সর্বান্কামানবাপ্নুয়াৎ |
পরাং দ্যুতিমথার্কেতু প্রাকাশ্যং চ বিশেষতঃ || ২. ১১. ৩৮||
বৈল্বে লক্ষ্মীন্তথা মেধাং নিত্যমায়ুস্তথৈব চ |
ক্ষেত্রারামতডাগেষু সর্বসস্যেষু চৈব হ || ২. ১১. ৩৯||
বর্ষত্য জস্রং পর্জন্যো বেণুপাত্রেষু কুর্বতঃ |
এতেষ্বেব সুপাত্রেষু ভোজনাগ্রমশেষতঃ || ২. ১১. ৪০||
সদা দদ্যাৎস যজ্ঞানাং সর্বেষাং ফলমাপ্নুয়াৎ |
পিতৃভ্যঃ পুষ্পমাল্যানি সুগন্ধানি চ তৎপরঃ || ২. ১১. ৪১||
সদা দদ্যাৎক্রিয়ায়ুক্তঃ শ বিভাতি দিবাকরঃ |
গুগ্গুলাদীংস্তথা ধূপান্পিতৃভ্যো যঃ প্রয়চ্ছতি || ২. ১১. ৪২||
সংযুক্তান্মধুসর্পির্ভ্যং সোঽগ্নিষ্টোমফলং লভেৎ |
ধূপং গন্ধগুণোপেতং কৃৎবা পিতৃপরায়ণঃ || ২. ১১. ৪৩||
লভতে চ সুশর্মাণি ইহ চামুত্র চোভয়োঃ |
দদ্যাদেবং পিতৃভ্যাস্তু নিত্যমেব হ্যতন্দ্রিতঃ || ২. ১১. ৪৪||
দীপং পিতৃভ্যঃ প্রয়তঃ সদা যস্তু প্রয়চ্ছতি |
গতিং চাপ্রতিমং চক্ষুস্তস্মাৎসলভতে শুভম্ || ২. ১১. ৪৫||
তেজসা যশসা চৈব কান্ত্যা চাপি বলেন চ |
ভুবি প্রকাশো ভবতি ব্রাজতে চ ত্রিবিষ্টপে || ২. ১১. ৪৬||
অপ্সরোভিঃ পরিবৃতো বিমানাগ্রে চ মোদতে |
গন্ধপুষ্পৈশ্চ ধূপৈশ্ব জপাহুতিভিরেব চ || ২. ১১. ৪৭||
ফলমূলনমস্কারৈঃ পিৎৠণাং প্রয়তঃ শুচিঃ |
পূজাং কৃৎবা দ্বিজান্পশ্চাৎপূজয়েদন্নসংপদা || ২. ১১. ৪৮||
শ্রাদ্ধকালেষু নিয়তং বায়ুভূতাঃ পিতামহাঃ |
আবিশন্তি দ্বিজাঞ্ছ্রেষ্ঠাংস্তস্মাদেতদ্ব্রবীমি তে || ২. ১১. ৪৯||
বস্ত্রৈ রত্নপ্রদানৈশ্চ ভক্ষ্যৈঃ পেয়ৈস্তথৈব চ |
গোভিরশ্বৈস্তথা গ্রামৈঃ পূজয়েদ্দ্বিজসত্তমান্ || ২. ১১. ৫০||
ভবন্তি পিতরঃ প্রীতাঃ পূজিতেষু দ্বিজাতিষু |
তস্মাদ্যত্নেন বিধিবৎপূজয়েত দ্বিজান্সদা || ২. ১১. ৫১||
সব্যোত্তরাভ্যাং পাণিভ্যাং কুর্যাদুল্লেখনং দ্বিজাঃ |
প্রোক্ষণং চ ততঃ কুর্যাচ্ছ্রাদ্ধকর্মণ্যতন্দ্রিতঃ || ২. ১১. ৫২||
দর্ভান্পিণ্ডাংস্তথা ভক্ষ্যান্পুষ্পাণি বিবিধানি চ |
গন্ধদানমলঙ্কারমেকৈকং নির্বপেদ্ বুধঃ || ২. ১১. ৫৩||
পেষয়িৎবাঞ্জনং সম্যগ্বিশ্বেষামুত্তরোত্তরম্ |
অভ্যঙ্গং দর্ভবিঞ্জূলৈস্ত্রিভিঃ কুর্যাদ্যথাবিধি || ২. ১১. ৫৪||
অপসব্যং বিতৃভয়শ্চ দদ্যাদঞ্জনমুত্তমম্ |
নিপাত্য জানু সর্বেষাং বস্ত্রার্থং সূত্রমেব বা || ২. ১১. ৫৫||
খণ্ডনং প্রোক্ষণং চৈব তথৈবোল্লেখনং দ্বিজঃ |
সকৃদ্দেবপিৎৠণাং স্যাৎপিৎৠণাং ত্রিভিরুচ্যতে || ২. ১১. ৫৬||
একং পবিত্রং হস্তেন পিৎৠনসর্বান্সকৃৎসকৃৎ |
চৈলমন্ত্রেণ পিণ্ডেভ্যো দত্ত্বাদর্শাঞ্জিনে হি তম্ || ২. ১১. ৫৭||
সদা সর্পিস্তিলৈর্যুক্তাংস্ত্রীন্পিণ্ডান্নির্বপেদ্ভুবি |
জানু কৃৎবা তথা সব্যং ভূমৌ পিতৃপরায়ণঃ || ২. ১১. ৫৮||
পিৎৠন্পিতামহাংশ্চৈব তথৈব প্রপিতামহান্ |
আহূয় চ পিৎৠন্প্রাঞ্চঃ পিতৃতীর্থেন যত্নতঃ || ২. ১১. ৫৯||
পিণ্ডান্পরিক্ষিপেৎসম্যগপসব্যমতন্দ্রিতঃ |
অন্নাদ্যৈরেব মুখ্যৈশ্চভক্ষ্যৈশ্চৈব পৃথগ্বিধৈঃ || ২. ১১. ৬০||
পৃথঙ্মাতামহানাং তু কেচিদিচ্ছন্তি মানবাঃ |
ত্রীন্পিণ্ডানানুপূর্ব্যেণ সাংগুষ্ঠান্পুষ্টিবর্দ্ধনান্ || ২. ১১. ৬১||
জান্বন্তরাভ্যাং যত্নেন পিণ্ডান্দদ্যাদ্যথাক্রমম্ |
সব্যোত্তরাভ্যাং পাণিভ্যাং ধারার্থং মন্ত্রমুচ্চরন্ || ২. ১১. ৬২||
নমো বঃ পিতরঃ শোষায়েতি সর্বমতন্দ্রিতঃ |
দক্ষিণস্যাং তু পাণিভ্যাং প্রথমং পিণ্ডমুৎসৃজেৎ || ২. ১১. ৬৩||
নমো বঃ পিতরঃ সৌম্যঃ পঠন্নেবমতন্দ্রিতঃ |
সব্যোত্তরাভ্যাং পাণিভ্যাং ধর্মের্ঽধং সমতন্দ্রিতঃ || ২. ১১. ৬৪||
উলূখলস্য লেখায়ামুদপাত্রাবসেচনম্ |
ক্ষৌমং সূত্রং নবং দদ্যাচ্ছাণং কার্পাসকং তথা || ২. ১১. ৬৫||
পত্রোর্ণং পট্টসূত্রং চ কৌশেয়ং পরিবর্জয়েৎ |
বর্জয়েদ্যক্ষণং যজ্ঞে যদ্যপ্যহতবস্ত্রজাম্ || ২. ১১. ৬৬||
ন প্রীণন্তি তথৈতানি দাতু শ্চাপ্যহিতং ভবেৎ |
শ্রেষ্ঠমাহুস্ত্রিককুদমঞ্জনং নিত্যমেব চ || ২. ১১. ৬৭||
কৃষ্ণেভ্যশ্চ তেলৈস্তৈলং যত্নাৎসুপরিরক্ষিতম্ |
চন্দনাগুরুণী চোভে তমালোশীরপদ্মকম্ || ২. ১১. ৬৮||
ধূপশ্চ গুগ্গলঃ শ্রেষ্টস্তুরুষ্কঃ শ্বেত এব চ |
শুক্লাঃ সুমনসঃ শ্রেষ্ঠাস্তথা পদ্মোৎপলানি চ || ২. ১১. ৬৯||
গন্ধরূপোপপন্নানি চারণ্যানি চ কৃৎস্নশঃ |
তথা হি সুমনা নাডীরূপিকাস্মকুরণ্ডিকা || ২. ১১. ৭০||
পুষ্পাণি বর্জনীয়ানি শ্রাদ্ধকর্মণি নিত্যশঃ |
যথা গন্ধাদপেতানি চোগ্রগন্ধানি যানি চ || ২. ১১. ৭১||
বর্জনীয়ানি পুষ্পাণি পুষ্টিমন্বিচ্চতা সদা |
দ্বিজাতয়ো যথোদ্দিষ্টা নিয়তাঃ স্যুরুদঙ্মুখাঃ || ২. ১১. ৭২||
পূজয়েদ্যজমানস্তু বিধিবদ্যক্ষিণামুখঃ |
তেষামভিমুখো দদ্যাদ্দর্ভৎপিণ্ডাংশ্চ যত্নতঃ || ২. ১১. ৭৩||
অনেন বিধিনা সাক্ষাদর্চিতাঃ স্যুঃ পিতামহাঃ |
হরিতা বৈ স পিঞ্জালাঃ পুষ্টাঃ স্নিগ্ধাঃ সমাহিতাঃ || ২. ১১. ৭৪||
রত্নিমাত্রাঃ প্রমাণেন বিতৃতীর্থেন সংস্মৃতাঃ |
উপমূলে তথা নীলা বিষ্টরার্থং কুশোত্তমাঃ || ২. ১১. ৭৫||
তথা শ্যামাকনীবারা দূর্বা চ সমুদাহৃতা |
পূর্বং কীর্ত্তিমতাং শ্রেষ্ঠো বভূবাশ্বঃ প্রজাপতিঃ || ২. ১১. ৭৬||
তস্য বালা নিপতিতা ভূমৌ কাশৎবামাগতাঃ |
তস্মাদ্দেয়াঃ সদা কাশাঃ শ্রাদ্ধকর্মসু পূজিতাঃ || ২. ১১. ৭৭||
পিণ্ডনির্বপণং তেষু কর্ত্তব্যং ভূতিমিচ্ছতা |
প্রজাঃ পুষ্টিদ্যুতিপ্রজ্ঞাকীর্ত্তিকান্তিসমন্বিতাঃ || ২. ১১. ৭৮||
ভবন্তি রুচিরা নিত্যং বিপাপ্মানোঽঘবর্জিতাঃ |
সকৃদেবাস্তরেদ্যর্ভান্পিণ্ডার্থে দক্ষিণামুখঃ || ২. ১১. ৭৯||
প্রাগ্দক্ষিণাগ্রান্নিয়তো বিধি চাপ্যত্র বক্ষ্যতি |
ন দীনো নাপি বা ক্রুদ্ধো ন চৈবান্যমনা নরঃ |
একত্র চাধায় মনঃ শ্রাদ্ধং কুর্যাৎসমাহিতঃ || ২. ১১. ৮০||
নিহন্মি সর্বং যদমেধ্যবদ্ভবেদ্ধতশ্চ সর্বে সুরদানবা ময়া |
রক্ষাংসি যক্ষাঃ সপিশাচসংঘা হতা ময়া যাতুধানাশ্চ সর্বে || ২. ১১. ৮১||
এতেন মন্ত্রেণ তু সংযতাত্মা তাং বৈ বেদিং সকৃদুল্লিখ্য ধীরঃ |
শিবাং হি বুদ্ধিং ধ্রুবমিচ্ছমানঃ ক্ষিপেদ্দ্বিচাতির্দিশমুত্তরাং গতঃ || ২. ১১. ৮২||
এবং পিত্র্যং দৃষ্টমন্ত্রং হি যস্যতস্যাসুরা বর্জয়ন্তীহ সর্বে |
যস্মিন্দেশে পঠ্যতে মন্ত্র এষ তং বৈ দেশং রাক্ষসা বর্জয়ন্তি || ২. ১১. ৮৩||
অন্নপ্রকারানশুচীনসাধূন্সংবীক্ষতে নো স্পৃশংশ্বাপি দদ্যাৎ |
পবিত্রপাণিশ্চ ভবেন্ন বা হি যঃ পুমান্ন কার্যস্য ফলং সমশ্নুতে || ২. ১১. ৮৪||
অনেন বিধিনা নিত্যং শ্রাদ্ধং কুর্যাদ্ধি যঃ সদা |
মনসা কাঙ্ক্ষতে যদ্যত্তত্তদ্যদ্যুঃ পিতমহাঃ || ২. ১১. ৮৫||
পিতরো হৃষ্টমনসো রক্ষাংসি বিমনাংসি চ |
ভবন্ত্যেবং কৃতে শ্রাদ্ধে নিত্যমেব প্রয়ত্নতঃ || ২. ১১. ৮৬||
শূদ্রাঃ শ্রাদ্ধেষ্ববিক্ষীরং বল্বজা উপলাস্তথা |
বিরণাশ্চোতুবালাশ্চ লড্বা বর্জ্যাশ্চ নিত্যশঃ || ২. ১১. ৮৭||
এবমাদীন্যয়জ্ঞানি তৃণানি পরিবর্জয়েৎ |
অঞ্জনাভ্যজনং গন্ধান্সূত্রপ্রণয়নং তথা || ২. ১১. ৮৮||
কাশেঃ পুনর্ভবৈঃ কার্যমশ্বমেধফলং লভেৎ |
কাশাঃ পুনর্ভবা যে চ বর্হিণো হ্যুপবর্হিণঃ || ২. ১১. ৮৯||
ইত্যেতে পিতরো দেবা দেবাশ্চ পিতরঃ পুনঃ |
পুষ্পগন্ধবিভূষাণামেষ মন্ত্র উদাহৃতঃ || ২. ১১. ৯০||
আহৃত্য দক্ষিণাগ্নিং তু হোমার্থং বৈ প্রয়ত্নতঃ |
অন্যার্থে লৌকিকং বাপি জুহুয়াৎকর্মসিদ্ধয়ে || ২. ১১. ৯১||
অন্তর্বিধায় সমিধস্ততো দীপ্তো বিধীয়তে |
সমাহিতেন মনসা প্রণীয়াগ্নিং সমন্ততঃ || ২. ১১. ৯২||
অগ্নয়ে কব্যবাহায় স্বধা অঙ্গিরসে নমঃ |
সোমায় বৈ পিতৃমতে স্বধা অঙ্গিরসে পুনঃ || ২. ১১. ৯৩||
যমায় বৈবস্বতয়ে স্বধানম ইতি ধ্রুবম্ |
ইত্যেতে হোমমন্ত্রাস্তু ত্রয়াণামনুপূর্বশঃ || ২. ১১. ৯৪||
দক্ষিণেনাগ্নয়ে নিত্যং সোমায়োত্তরতস্তথা |
এতয়োরন্তরে নিত্যং জুহুয়াদ্বৈ বিবস্বতে || ২. ১১. ৯৫||
উপহারঃ স্বধাকারস্তথৈবোল্লেখনং চ যৎ |
হোমজপ্যে নমস্কারঃ প্রোক্ষণং চ বিশেষতঃ || ২. ১১. ৯৬||
বহুহব্যেন্ধনে চাগ্নৌ সুসমিদ্ধে তথৈব চ |
অঞ্জনাব্যঞ্জনং চৈব পিণ্ডনির্বপণং তথা || ২. ১১. ৯৭||
অশ্বমেধফলং চৈতৎসমিদ্ধে যৎকৃতং দ্বিজৈঃ |
ক্রিয়া সর্বা যথোদ্দিষ্টাঃ প্রয়ত্নেন সমাচরেৎ || ২. ১১. ৯৮||
বহুহব্যেন্ধনে চাগ্নৌ সুসমিদ্ধে বিশেষতঃ |
বিধূমে লেলিহানে চ হোতব্যং কর্মসিদ্ধয়ে || ২. ১১. ৯৯||
অপ্রবুদ্ধে সমিদ্ধে বা জুহুয়াদ্যো হুতাশনে |
যজমানো ভবে দন্ধঃ সোঽমুত্রেতি হি নঃ শ্রুতম্ || ২. ১১. ১০০||
অল্পেন্ধনো বা রূক্ষোঽগ্নির্বস্ফুলিঙ্গশ্চ সর্বশঃ |
জ্বালাধূমাপসব্যশ্চ স তু বহ্নিরসিদ্ধয়ে || ২. ১১. ১০১||
দুর্গন্ধশ্চৈব নীলশ্চ কৃষ্ণশ্চৈব বিশেষতঃ |
ভূমিং বগাহতে যত্র তত্র বিদ্যাৎপরাভবৎ || ২. ১১. ১০২||
অর্চিষ্মান্ পিণ্ডিতশিখঃ সর্প্পিকাঞ্জনসন্নিভঃ |
স্নিগ্ধঃ প্রদক্ষিণশ্চৈব বহ্নিঃ স্যাৎকার্যসিদ্ধয়ে || ২. ১১. ১০৩||
নরনারীগণেভ্যশ্চ পূজাং প্রাপ্নোতি শাশ্বতীম্ |
অক্ষয়ং পূজিতাস্তেন ভবন্তি পিতরোঽগ্নয়ঃ || ২. ১১. ১০৪||
বিল্বোদুংবরপত্রাণি ফলানি সমিধস্তথা |
শ্রাদ্ধে মহাপবিত্রাণি মেধ্যানি চ বিশেষতঃ || ২. ১১. ১০৫||
পবিত্রং চ দ্বিজশ্রেষ্ঠাঃ শুদ্ধয়ে জন্মকর্মণাম্ |
পাত্রেষু ফলমুদ্দিষ্টং যন্ময়া শ্রাদ্ধকর্মণি || ২. ১১. ১০৬||
তদেব কৃৎস্নং বিজ্ঞেয়ং সমিৎসু চ যথাক্রমম্ |
কৃৎবা সমাহিতং চিত্তমাগ্নেয়ং বৈ করোম্যহম্ || ২. ১১. ১০৭||
অনুজ্ঞাতঃ কুরুষ্বেতি তথৈব দ্বিজসত্তমৈঃ |
ঘৃতমাদায় পাত্রে চ জুহুয়াদ্ধব্যবাহনে || ২. ১১. ১০৮||
পলাশপ্লক্ষন্যগ্রোধপ্লক্ষাশ্বত্থবিকঙ্কতাঃ |
উদুংবরস্তথাবিল্বশ্চন্দনো যজ্ঞিয়াশ্চ যে || ২. ১১. ১০৯||
সরলো দেবদারুশ্চ শালশ্চ কদিরস্তথা |
সমিদর্থে প্রশস্তাঃ স্যুরেতে বৃক্ষা বিশেষতঃ || ২. ১১. ১১০||
গ্রাম্যাঃ কণ্টকিনশ্চৈব যাজ্ঞিয়া যে চ কেচন |
পূজিতাঃ সমিদর্থং তে পিৎৠণাং বচনং যথা || ২. ১১. ১১১||
সমিদ্ভিঃ ষট্ফলেয়াভির্জুহুয়াদ্যো হুতাশনম্ |
ফলং যৎকর্মণস্তস্য তন্মে নিগদতঃ শৃণু || ২. ১১. ১১২||
অক্ষয়ং সর্বকামীয়মশ্বমেধফলং হি তৎ |
শ্লেষ্মান্তকো নক্তমালঃ কপিত্থঃ শাল্মলিস্তথা || ২. ১১. ১১৩||
নীপো বিভীতকশ্চৈব শ্রাদ্ধকর্মণি গর্হিতাঃ |
চিরবিল্বস্তথা কোলস্তিদুকঃ শ্রাদ্ধকর্মণি || ২. ১১. ১১৪||
বল্বজঃ কোবিদারশ্চ বর্জনীয়াঃ সমন্ততঃ |
শকুনানাং নিবাসাংশ্চ বর্জয়েত মহীরুহান্ || ২. ১১. ১১৫||
অন্যাংশ্চৈবংবিধান্সর্বান্নয়জ্ঞীয়াংশ্চ বর্জয়েৎ |
স্বধেতি চৈব মন্ত্রাণাং পিৎৠণাং বচনং যথা |
স্বাহেতি চৈব দেবানাং যজ্ঞকর্মণ্যুদাহৃতম্ || ২. ১১. ১১৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয়ে উপোদ্ধাতপাদে শ্রাদ্ধকল্পে সমিদ্বর্ণন নামৈকাদশোঽধ্যায়ঃ || ১১||
সূত উবাচ
দেবাশ্চপিতরশ্চৈব অন্যোন্যং নিয়তাঃ স্মৃতাঃ |
আথর্বণস্ত্বেষ বিধিরিত্যুবাচ বৃহস্পতিঃ || ২. ১২. ১||
পূজয়েত পিৎৠন্পূর্বং দেবাংশ্চ তদনন্তরম্ |
দেবা অপি পিৎৠন্পূর্বমর্চ্চয়ন্তি হি যত্নতঃ || ২. ১২. ২||
দক্ষস্য দুহিতা নাম্না বিশ্বা নামেতি বিশ্রুতা |
বিশ্বাখ্যাস্তু সুতাস্তস্যাং ধর্মতো জজ্ঞিরে দশ || ২. ১২. ৩||
প্রখ্যাতা স্ত্রিষু লোকেষু সর্বলোকনমস্কৃতাঃ |
সমস্তাস্তে মহাত্মানশ্চেরুরুগ্রং মহত্তপঃ || ২. ১২. ৪||
হিমবচ্ছিখরে রম্যে দেবর্ষিগণসেবিতে |
শুদ্ধেন মন্সা প্রীতা ঊচুস্তান্পিতরস্তদা || ২. ১২. ৫||
বরং বৃণীধ্বং প্রীতাঃ স্ম কং কামং কখামহে |
এবমুক্তে তু পিতৃভিস্তদা ত্রৈলোক্যভাবনঃ || ২. ১২. ৬||
ব্রহ্মোবাচ মহাতেজাস্তপসা তৈস্তু তোষিতঃ |
প্রীতোঽস্মি তপসানেন কং কামং করবাণি বঃ || ২. ১২. ৭||
এবমুক্তাস্তদা বিশ্বে ব্রহ্মণা বিশ্বকর্মণা |
ঊচুস্তে সহিতাঃ সর্বে ব্রহ্মাণাং লোকভাবনম্ || ২. ১২. ৮||
শ্রাদ্ধেঽস্মাকং ভবেদংশো হ্যেষ নঃ কাঙ্ক্ষিতো বরঃ |
প্রত্যুবাচ ততো ব্রহ্মা তান্বৈ ত্রিদশপূজিতঃ || ২. ১২. ৯||
ভবিষ্যত্যেবমেবং তু কাঙ্ক্ষিতো বো বরস্তু যঃ |
পিতৃভিশ্চ তথেত্যুক্তমেবমেতন্ন সংশয়ঃ || ২. ১২. ১০||
সহস্মাভিস্তু ভোক্তব্যং যৎকিং চিদ্দৃশ্যতে ৎবিহ |
অস্মাকং কল্পিতে শ্রাদ্ধে যুষ্মানপ্রাশনং হি বৈ || ২. ১২. ১১||
ভবিষ্যতি মনুষ্যেষু সত্যমে তদ্ব্রুবামহে |
মাল্যৈর্গন্ধৈস্তথান্নেন যুষ্মানগ্রেঽর্চ্চয়িষ্যতি | ১ ১২. ১২||
অগ্রে দত্ত্বা তু যুষ্মাকমস্মাকং দাস্যতে ততঃ |
বিসর্জনমথাস্মাকং পূর্বং পশ্চাত্তু দৈবতম্ || ২. ১২. ১৩||
রক্ষণং চৈব শ্রাদ্ধস্য আতিথ্যস্য বিধিদ্বয়ম্ |
ভূতানাং দেবতানাং চ পিৎৠণাং চৈব কর্মণি || ২. ১২. ১৪||
এবং কৃতে সম্যগেতৎসর্বমেব ভবিষ্যতি |
এবং দত্ত্বা বরং তেষাং ব্রহ্মা পিতৃগণৈঃ সহ || ২. ১২. ১৫||
ক্ষমানুগ্রহকৃদ্দেবঃ সংচকার যথোদিতম্ |
বেদে পঞ্চ মহায়জ্ঞা নরাণাং সমুদাহৃতাঃ || ২. ১২. ১৬||
এতান্পঞ্চ মহায়জ্ঞান্নির্বপেৎসততং নরঃ |
যত্র স্থাস্যন্তি দাতারস্তৎস্থানং বৈ নিবোধত || ২. ১২. ১৭||
নির্ভয়ং বিরজস্কং চ নিঃশোকং নির্ব্যথক্লমম্ |
ব্রাহ্মং স্থানমবাপ্নোতি সর্বলোকপুরস্কৃতম্ || ২. ১২. ১৮||
শূদ্রেণাপি চ কর্ত্তব্যাঃ পঞ্চৈতে মন্ত্রবর্জিতাঃ |
অতোঽন্যথা তু যো ভুঙ্ক্তে স ঋণং নিত্যমশ্নুতে || ২. ১২. ১৯||
ঋণং ভুঙ্ক্তে স পাপাত্মা যঃ পচেদাত্মকারণাৎ |
তস্মান্নির্বর্তয়েৎপঞ্চ মহায়জ্ঞান্সদা বুধঃ || ২. ১২. ২০||
উদক্পূর্বে বলিং কুর্যাদুদকান্তে তথৈব চ |
বলিং সুবিহিতং কুর্যা দুচ্চৈরুচ্চতরং ক্ষিপেৎ || ২. ১২. ২১||
পরশৃঙ্গং গবাং মূত্রং বলিং সূত্রং সমুৎক্ষিপেৎ |
তন্নিবেদ্যো ভবেৎপিণ্ডঃ পিৎৠণাং যস্তু জীবতি || ২. ১২. ২২||
ইষ্টেনান্নেন ভক্ষ্যৈশ্চ ভোজয়েচ্চ যথাবিধি |
নিবেদ্যং কেচিদিচ্ছন্তি জীবন্ত্যপি হি যত্নতঃ || ২. ১২. ২৩||
দেবদেবা মহাত্মানো হ্যেতে পিতর ইত্যুত |
ইচ্ছন্তি কেচিদাচার্যঃ পশ্চাৎপিণ্ডনিবেদনম্ || ২. ১২. ২৪||
পূজনং চৈব বিপ্রণাং পূর্বমেবেহ নিত্যশঃ |
তদ্ধিধর্মার্থকুশলো নেত্যুবাচ বৃহস্মতিঃ || ২. ১২. ২৫||
পূর্বং নিবেদয়েৎপিণ্ডান্পশ্চাদ্বিপ্রাংশ্চ ভোজয়েৎ |
যোগাত্মানো মহাত্মানঃ পিতরো যোগ সংভবাঃ || ২. ১২. ২৬||
সোমমাপ্যায়য়ন্ত্যেতে পিতরো যোগসংস্থিতাঃ |
তস্মাদ্দদ্যাচ্ছুচিঃ পিণ্ডান্যোগেভ্যস্তৎপরায়ণঃ || ২. ১২. ২৭||
পিৎৠণাং হি ভবেদেতৎসাক্ষাদিব হুতং হবিঃ |
ব্রহ্মণানাং সহস্রস্য যোগস্থং গ্রাসয়েদ্যদি || ২. ১২. ২৮||
যজমানং চ ভোক্ত্ৠংশ্ চ নৌরিবাম্ভসি তারয়েৎ |
অসতাং প্রগ্রহো যত্র সতাং চৈব বিমানতা || ২. ১২. ২৯||
দণ্ডো দৈবকৃতস্তত্র সদ্যঃ পততি দারুণঃ |
ইৎবা মম সধর্মাণং বালিশং যস্তু ভোজয়েৎ || ২. ১২. ৩০||
আদিকর্ম সমুৎসৃজ্য দাতা তত্র বিনশ্যতি |
পিণ্ডমগ্নৌ সদা দদ্যদ্ভোগার্থী প্রথমং নরঃ || ২. ১২. ৩১||
দদ্যাৎপ্রজার্থী যত্নেন মধ্যমং মন্ত্রপূর্বকম্ |
উত্তমাং কান্তিমন্বিচ্ছন্গোষু নিত্যং প্রয়চ্ছতি || ২. ১২. ৩২||
প্রজ্ঞাং চৈব যশঃ কীর্ত্তিমপ্সু বৈ সংপ্রয়চ্ছতি |
প্রার্থয়ন্দীর্ঘামায়ুশ্চ বায়সেভ্যঃ প্রয়চ্ছতি || ২. ১২. ৩৩||
সোকুমার্যমথান্বিচ্ছন্কুক্কুটেভ্যঃ প্রয়চ্ছতি |
এবমেতৎসমুদ্দিষ্টং পিণ্ডনির্বপণে ফলম্ || ২. ১২. ৩৪||
আকাশে গময়েদ্বাপি অপ্সু বা দক্ষিণামুখঃ |
পিৎৠণাং স্থানমাকাশং দক্ষিণা চৈব দিগ্ভেবেৎ || ২. ১২. ৩৫||
একে বিপ্রাঃ পুনঃ প্রাহুঃ পিণ্ডোদ্ধরণমগ্রতঃ |
অনুজ্ঞাতস্তু তৈর্বিপ্রৈঃ কামসুদ্ধ্রিয়তামিৎ || ২. ১২. ৩৬||
পুষ্পাণাং চ ফলানাং চ ভক্ষ্যাণামন্নতস্তথা |
অগ্রমুদ্ধৃত্য সর্বেষাং জুহুয়াদ্ধব্যবাহনে || ২. ১২. ৩৭||
ভঙ্যমন্নং তথা পেয়ং মূলানি চ ফলানি চ |
হুৎবাগ্নৌ চ ততঃ পিণ্ডান্নির্বপেদ্দক্ষিণা মুখঃ || ২. ১২. ৩৮||
বৈবস্বতায় সোমায় হুৎবা পিণ্ডান্নিবেদ্য চ |
উদকান্নয়নং কৃৎবা পশ্চাদ্বিপ্রাংশ্চ ভোজয়েৎ || ২. ১২. ৩৯||
অনুপূর্বং ততো বিপ্রান্ভক্ষ্যৈরন্নৈশ্চ শক্তিতঃ |
স্নিগ্ধৈরুষ্ণৈঃ সুগন্ধৈশ্চ তর্পয়েত্তান্রসৈরপি || ২. ১২. ৪০||
একাগ্রঃ পর্যুপাসীনঃ প্রয়তঃ প্রাঞ্জলিঃ স্থিতঃ |
তৎপরঃ শ্রদ্দধানশ্চ কামানাপ্নোতি মানবঃ || ২. ১২. ৪১||
অক্ষুদ্রৎবং কৃতজ্ঞৎবং দাক্ষিণ্যং সংস্কৃতং বচঃ |
তপো যজ্ঞাংশ্চ দানং চ প্রয়চ্ছন্তি পিতামহাঃ || ২. ১২. ৪২||
অতঃ পরং বিধিং সৌম্যং ভুক্তবৎসু দ্বিজাতিষু |
আনুপূর্ব্যেণ বিহিতং তন্মে নিগদতঃ শৃণু || ২. ১২. ৪৩||
প্রোক্ষ্য ভূমিমথোদ্ধৃত্য পূর্বং পিতৃপরায়ণঃ |
ততোঽন্নিবিকিরং কুর্যাদ্বিধিদৃষ্টেন কর্মণা || ২. ১২. ৪৪||
স্বধা বাচ্য ততো বিপ্রান্ বিধিবদ্ভূরিতক্ষিণান্ |
অন্নশেষমনুজ্ঞাপ্য সৎকৃত্য দ্বিজসত্তমান্ || ২. ১২. ৪৫||
প্রাঞ্জলিঃ প্রয়তশ্চৈব অনুগম্য বিসর্জয়েৎ || ২. ১২. ৪৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয়ে উপোদ্ধাতপাদে শ্রাদ্ধকল্পে দ্বাদশোঽধ্যায়ঃ || ১২||
বৃহস্পতিরুবাচ
সকৃদভ্যর্চিতাঃ প্রীতা ভবন্তি পিতরোঽব্যয়াঃ |
যোগাত্মানো মহাত্মানো বিপাপ্মানো মহৌজসঃ || ২. ১৩. ১||
প্রেত্য চ স্বর্গলোকায় কামৈশ্চ বহুলং ভুবি |
যেষু বাপ্যনুগৃহ্ণন্তি মোক্ষপ্রাপ্তিঃ ক্রমেণ তু || ২. ১৩. ২||
তানি বক্ষ্যাম্যহং সৌম্য সরাংসি সরিতস্তথা |
তীর্থানি চৈব পুণ্যানি দেশাংশ্ছৈলাংস্তথাশ্রমান্ || ২. ১৩. ৩||
পুণ্যো হি ত্রিষু লোকেষু সদৈবামরকণ্টকঃ |
পর্বতপ্রবরঃ পুণ্যঃ সিদ্ধয়ারণসেবিতঃ || ২. ১৩. ৪||
যত্র বর্ষসহস্রাণি প্রয়ুতান্যর্বুদানি চ |
তপঃ সুদুশ্চরং তেপে ভগবানঙ্গিরাঃ পুরা || ২. ১৩. ৫||
যত্র মৃত্যোর্গতির্ন্নাস্তি তথৈবাসুররক্ষসাম্ |
ন ভয়ং নৈব চালক্ষ্মীর্যাবদ্ভূমির্দ্ধরিষ্যতি || ২. ১৩. ৬||
তপসা তেজসা তস্য ভ্রজতে স নগোত্তমঃ |
শৃঙ্গে মাল্যবতো নিত্যং বহ্নিঃ সংবর্ত্তকো যথা || ২. ১৩. ৭||
মৃদবস্তু সুগন্ধাশ্চ হেমাভাঃ প্রিয়দর্শনাঃ |
শান্তাঃকুশা ইতি খ্যাতাঃ পরিদক্ষিণনর্মদাম্ || ২. ১৩. ৮||
দৃষ্টবান্স্বর্গসোপানং ভগবানঙ্গিরাঃ পুরা |
অগ্নিহোত্রে মহাতেজাঃ প্রস্তারার্থং কুশোত্তমান্ || ২. ১৩. ৯||
তেষু দর্ভেষু যঃ পিণ্ডান্মরকণ্টটকপর্বতে |
দদ্যাৎসকৃদপি প্রাজ্ঞস্তস্য বক্ষ্যামি যৎফলম্ || ২. ১৩. ১০||
তদ্ভবত্যক্ষয়ং শ্রাদ্ধং পিৎৠণাং প্রীতিবর্ধনম্ |
অন্তর্দ্ধানং চ গচ্ছন্তি ক্ষেত্রমাসাদ্য তৎসদা || ২. ১৩. ১১||
তত্র জ্বালাসরঃ পুণ্যং দৃশ্যতে চাপি পর্বসু |
সশল্যানাং চ সত্ত্বানাং বিশল্যকরণী নদী || ২. ১৩. ১২||
প্রাগ্দক্ষিণায়তাবর্ত্তা বাপী সা সুনগোত্তমে |
কলিঙ্গদেশপশ্চার্দ্ধে শৃঙ্গে মাল্যবতো বিভোঃ || ২. ১৩. ১৩||
সিদ্ধিক্ষেত্রমৃষিশ্রেষ্ঠা যদুক্তং পরমং ভুবি |
সংমতং দেবদৈত্যানাং শ্লোকং চাপ্যুশনা জগৌ || ২. ১৩. ১৪||
ধন্যাস্তে পুরুষা লোকে যে প্রাপ্যামরকণ্টকম্ |
পিৎৠন্সংতর্পয়িষ্যন্তিশ্রাদ্ধে পিতৃপরায়ণাঃ || ২. ১৩. ১৫||
অল্পেন তপসা সিদ্ধিং গমিষ্যন্তি ন সংশয়ঃ |
সকৃদেবার্চিতাস্তত্র স্বর্গমামরকণ্টকে || ২. ১৩. ১৬||
মহেন্দ্রঃপর্বতঃ পুণ্যো রম্যঃ শক্রনিষেবিতঃ |
তত্রারুহ্য ভবেৎপূতঃ শ্রাদ্ধং চৈব মহাফলম্ || ২. ১৩. ১৭||
বৈলাটশিখরে যুক্ত্বা দিব্যং চক্ষুঃ প্রবর্ততে |
অধৃষ্যশ্চৈব ভূতানাং দেববচ্চরতে মহীম্ || ২. ১৩. ১৮||
সপ্তগোদাবরে চৈব গোকর্ণে চ তপোবনে |
অশ্বমেধফলং স্নাৎবা তত্র দত্ত্বা ভবেত্ততঃ || ২. ১৩. ১৯||
ধূতপাপস্থলং প্রাপ্য পূতঃ স্নাৎবা ভবেন্নরঃ |
রুদ্রস্তত্র তপস্তেপে দেবদেবো মহেশ্বরঃ || ২. ১৩. ২০||
গোকর্ণে নিহিতং দেবৈর্ নাস্তিকানাং নিদর্শনম্ |
অব্রাহ্মণস্য সাবিত্রীং পঠতস্তু প্রণশ্যতি || ২. ১৩. ২১||
দেবর্ষিভবনে শৃঙ্গে সিদ্ধচারণসেবিতে |
আরুহ্যতং নিয় মবাংস্ততো যাতি ত্রিবিষ্টপম্ || ২. ১৩. ২২||
দিব্যৈশ্চন্দনবৃক্ষৈশ্চ পাদপৈরুপশোভিতম্ |
আপশ্চন্দনসংযুক্তাঃ স্পন্দেতি সততং ততঃ || ২. ১৩. ২৩||
নদী প্রবর্ততে তাভ্যস্তাম্রপর্ণীতি নামতঃ |
যা চন্দনমহাখণ্ডাদ্দক্ষিণং যাতি সাগরম্ || ২. ১৩. ২৪||
নদ্যাস্তস্যাশ্চ তাম্রায়াস্তূহ্যমানা মহোদধৌ |
শঙ্খা ভবন্তি শুক্ত্যশ্চ জায়তে যাসু মৌক্তিকম্ || ২. ১৩. ২৫||
উদকানয়নং কৃৎবা শঙ্খমৌক্তিকসংযুতম্ |
আধিভির্ব্যাধিভিশ্চৈব মুক্তা যান্ত্যমরাবতীম্ || ২. ১৩. ২৬||
চন্দনেভ্যঃ প্রসূতানাং শঙ্খানাং মৌক্তিকস্য বা |
পাপকর্ত্ত্ৠনপি পিৎৠংস্তারয়ন্তি যথাশ্রুতি || ২. ১৩. ২৭||
চন্দ্রতীর্থে কুমার্যাং চ কাবেরীপ্রভবে ক্ষয়ে |
শ্রীপর্বতস্য তীর্থেষু বৈকৃতে চ তথা গিরৌ || ২. ১৩. ২৮||
একস্থা যত্র দৃশ্যন্তে বৃক্ষাহ্যৌশীরপর্বতে |
পলাশাঃ খদিরা বিল্বাঃ প্লক্ষাশ্বত্থবিকঙ্কতাঃ || ২. ১৩. ২৯||
এবং দ্বিমণ্ডলাবিদ্ধং বিজ্ঞেয়ং দ্বিজসত্তমাঃ |
অস্মিংস্ত্যক্ত্বা জনোংঽগাতি ক্ষিপ্রং যাত্যমরাবতীম্ || ২. ১৩. ৩০||
শ্রীপর্বতস্য তীর্থে তু বৈকৃতে চ তথা গিরৌ |
কর্মাণি তু প্রয়ুক্তা নি সিদ্ধ্যন্তি প্রভবাপ্যয়ে || ২. ১৩. ৩১||
দুষ্প্রয়ুক্তা হি পিতৃষু সুপ্রয়োগা ভবন্ত্যুত |
পিৎৠণাং দুহিতা পুণ্যা নর্মদা সরিতাং বরা || ২. ১৩. ৩২||
যত্র শ্রাদ্ধানি দত্তাংনি হ্যক্ষয়াণি ভবন্ত্যুত |
মাঠরস্য বনে পুণ্যে সিদ্ধচারণসেবিতে || ২. ১৩. ৩৩||
অন্তর্দ্ধানেন গচ্ছন্তি যুক্ত্বা তস্মিন্মহা গিরৌ |
বিন্ধ্যে চৈব গিরৌ পুণ্যে ধর্মাধর্মনিদর্শনীম্ || ২. ১৩. ৩৪||
ধারাং পাপা ন পশ্যন্তি ধারাং পশ্যন্তি সাধবঃ |
তত্র তদ্দৃশ্যতে পাপং কেষাং চিৎপাপকর্মণাম্ || ২. ১৩. ৩৫||
কৈলাসে যা মতঙ্গস্য বাপী পাপনিষূদনী |
স্নাৎবা তস্যা দিবং যান্তি কামচারা বিহঙ্গমাঃ || ২. ১৩. ৩৬||
শৌর্পারকে তথা তীর্থে পর্বতে পালমঞ্জরে |
পাণ্ডুকূপে সমুদ্রান্তে পিণ্ডারকতটে তথা || ২. ১৩. ৩৭||
বিমলে চ বিপাপে চ সংকল্পং প্রাপ্য চাক্ষয়ম্ |
শ্রীবৃক্ষে চিত্রকূটে চ জংবূমার্গে চ নিত্যশঃ || ২. ১৩. ৩৮||
অসিতস্য গিরৌ পুণ্যে যোগাচার্যস্য ধীমতঃ |
তত্রাপি শ্রাদ্ধমানন্ত্যমসিতায়াং চ নিত্যশঃ || ২. ১৩. ৩৯||
পুষ্করেষ্বক্ষয়ং শ্রাদ্ধং তপশ্চৈব মহাফলমা |
মহোদধৌ প্রভাসে চ তদ্বদেব বিনির্দিশেৎ || ২. ১৩. ৪০||
দেবিকায়াং বৃষো নাম কূপঃ সিদ্ধনিষেবিতঃ |
সমুৎপতন্তি তস্যাপো গবাং শব্দেন নিত্যশঃ || ২. ১৩. ৪১||
যোগেশ্বরৈঃ সদা জুষ্টঃ সর্বপাপবহিষ্কৃতঃ |
দদ্যাচ্ছ্রাদ্ধং তু যস্তস্মিংস্তস্য বক্ষ্যামি যৎফলম্ || ২. ১৩. ৪২||
অক্ষয়ং সর্বকামীয়ং শ্রাদ্ধং প্রীণাতি বৈ পিৎৠন্ |
জাতবেদঃ শিলা তত্র সাক্ষাদগ্নেঃ সনাতনাৎ || ২. ১৩. ৪৩||
শ্রাদ্ধানি চাগ্নিকার্যং চ তত্র কুর্যাৎসদা ক্ষয়ম্ |
যস্ত্বগ্নিং প্রবিশেত্তত্র নাকপৃষ্ঠে স মোদতে || ২. ১৩. ৪৪||
অগ্নিশান্তঃ পুনর্জাতস্তত্র দত্তং ততোঽক্ষয়ম্ |
দশাশ্বমেধিকে তীর্থে তীর্থে পঞ্চাশ্বমেধিকে || ২. ১৩. ৪৫||
যথোদ্দিষ্টফলং তেষাং ক্রতূনাং নাত্র সংশয়ঃ |
খ্যাতং হয়শিরো নাম তীর্থং সদ্যো বরপ্রদম্ || ২. ১৩. ৪৬||
শ্রাদ্ধং তত্র সদাক্ষয়্যং দাতা স্বর্গে চ মোদতে |
শ্রাদ্ধং সুংদনিসুংদে চ দেয়ং পাপনিষূ দনম্ || ২. ১৩. ৪৭||
শ্রাদ্ধং তত্রাক্ষয়ং প্রোক্তং জপহোমতপাংসি চ |
জতুঙ্গে শুভে তীর্থে তর্পয়েৎসততং পিৎৠন্ || ২. ১৩. ৪৮||
দৃশ্যতে পর্বসু চ্ছায়া যত্র নিত্যং দিবৌকসাম্ |
পৃথিব্যামক্ষয়ং দত্তং বিরজা যত্র পাদপঃ || ২. ১৩. ৪৯||
যোগেশ্বরৈঃ সদা জুষ্টঃ সর্বপাপবহিষ্কৃতঃ |
দদ্যাচ্ছ্রাদ্ধং তু যস্তস্মিংস্তস্য বক্ষ্যামি যৎফলম্ || ২. ১৩. ৫০||
অর্চিতাস্তেন বৈ সাক্ষাদ্ভবন্তি পিতরঃ সদা |
অস্মিংল্লোকে বশী চ স্যাৎপ্রেত্য স্বর্গে মহী যতে || ২. ১৩. ৫১||
প্রায়শো মদ্রবা পুণ্যা শিবো নাম হ্রদস্তথা |
তত্র ব্যাসসরঃ পুণ্যং দিব্যো ব্রহ্মহ্রদস্তথা || ২. ১৩. ৫২||
ঊর্জ্জন্তঃ পর্বতঃ পুণ্যো যত্র যোগেশ্বরালয়ঃ |
অত্রৈব চাশ্রমঃ পুণ্যো বসিষ্ঠস্য মহাত্মনঃ || ২. ১৩. ৫৩||
ঋগ্যজুঃ সামশিরসঃ কপোতাঃ পুষ্পসাহ্বয়াঃ |
আখ্যান পঞ্চমা বেদাঃ সৃষ্টা হ্যেতে স্বয়ংভুবা || ২. ১৩. ৫৪||
গৎবৈতান্মুচ্যতে পাপদ্দ্বিজো বহ্নিং সমাশ্রয়ন্ |
শ্রাদ্ধং চানন্ত্যমেতেষু জপহোমতপাংসি চ || ২. ১৩. ৫৫||
পুণ্ডরীকে মহাতীর্থে পুণ্ডরীকসমং ফলম্ |
ব্রহ্মতীর্থে মহাপ্রাজ্ঞ সর্বয়জ্ঞসমং ফলম্ || ২. ১৩. ৫৬||
সিংধুসাগরসংভেদে তথা পঞ্চনদে ক্ষয়ম্ |
বিরজায়াং তথা পুণ্যং মদ্রবায়াং চ পর্বতে || ২. ১৩. ৫৭||
দেয়ং সপ্তনদে শ্রাদ্ধং মানসে বা বিশেষতঃ |
মহাকূটে হ্যনন্তে চ গিরৌ ত্রিককুদে তথা || ২. ১৩. ৫৮||
সংধ্যায়াং চ মহানদ্যাং দৃশ্যতে মহাদদ্ভুতম্ |
অশ্রদ্দধানং নাভ্যেতি সা চাভ্যেতি ধৃতব্রতম্ || ২. ১৩. ৫৯||
সংশ্রয়িৎবৈকমেকেন সায়াহ্নং প্রতি নিত্যশঃ |
তস্মিন্দেয়ং সদা শ্রাদ্ধং পিৎৠণামক্ষয়ার্থিনাম্ || ২. ১৩. ৬০||
কৃতাত্মা বাকৃতাত্মা চ যত্র বিজ্ঞায়তে নরঃ |
স্বর্গমার্গপ্রদং নাম তীর্থং সদ্যো বরপ্রদম্ || ২. ১৩. ৬১||
চীরাণ্যুৎসৃজ্য যস্মিংস্তু দিবং সপ্তর্ষয়ো গাতাঃ |
অদ্যাপি তানি দৃশ্যন্তে চীরাণ্যংভোগতানি তু || ২. ১৩. ৬২||
স্নাৎবা স্বর্গমবাপ্নোতি তস্মিংস্তীর্থেত্তমে নরঃ |
খ্যাতমায়তনং তত্র নন্দিনঃ সিদ্ধসেবিতম্ || ২. ১৩. ৬৩||
নন্দীশ্বরস্য সা মূর্ত্তির্নিরাচারৈর্নদৃশ্যতে |
দৃশ্যন্তে কাঞ্চনা যুপাস্ত্বর্চিষো ভাস্করোদয়ে || ২. ১৩. ৬৪||
কৃৎবা প্রদক্ষিণং তাংস্তু গচ্ছন্ত্যানন্দিতা দিবম্ |
সর্বতশ্চ কুরুক্ষেত্রং সুতীর্থং তু বিশেষতঃ || ২. ১৩. ৬৫||
পুণ্যং সনৎকুমারস্য যোগেশস্য মহাত্মনঃ |
কীর্ত্যতে চ তিলান্দত্ত্বা পিতৃভ্যোবৈ সদাক্ষয়ম্ || ২. ১৩. ৬৬||
উক্তমেবাক্ষয়ং শ্রাদ্ধং ধর্মরাজনিষেবিতম্ |
শ্রাদ্ধং দত্তমমাবাস্যাং বিধিনা চ যথাক্রমম্ || ২. ১৩. ৬৭||
পুংসঃ সন্নিহিতায়াং তু কুরূক্ষেত্রে বিশেষতঃ |
অর্চয়িৎবা পিৎৠংস্তত্র স পুত্রস্ত্বনৃণো ভবেৎ || ২. ১৩. ৬৮||
সরস্বত্যাং বিনশনে প্লক্ষপ্রশ্রবণে তথা |
ব্যাসতীর্থে দৃষদ্বত্যাং ত্রিপ্লক্ষে চ বিশেষতঃ || ২. ১৩. ৬৯||
দেয়মোঙ্কারপবনে শ্রাদ্ধমক্ষয়মিচ্ছতা |
শক্রাবতারে গঙ্গায়াং মৈনাকে চ নগোত্তমে || ২. ১৩. ৭০||
যমুনাপ্রভবে চৈব সর্বপাপৈঃ প্রমুচ্যতে |
অত্যুষ্ণাশ্চাতিশীতাশ্চ আপস্তস্মিন্নিদর্শনম্ || ২. ১৩. ৭১||
যমস্য ভগিনী পুষ্যা মার্ত্তণ্ডদুহিতা শুভা |
তত্রাক্ষয়ং সদা শ্রাদ্ধং পিতৃভিঃ পূর্বকীর্ত্তিতম্ || ২. ১৩. ৭২||
ব্রহ্মতুণ্ডহ্রদে স্নাৎবা সদ্দয়ো ভবতি ব্রাহ্মণঃ |
তস্মিংস্তু শ্রাদ্ধমানন্ত্যং জপহোমতপাংসি চ || ২. ১৩. ৭৩||
স্থাণুভূতোঽচরত্তত্র বসিষ্টো বৈ মহাতপাঃ |
অদ্যাপি তত্র দৃশ্যন্তে পাদপা মণিবর্হণাঃ || ২. ১৩. ৭৪||
তুলা তু দৃশ্যতে তত্র ধর্মান্ধর্মনিধর্শিনী |
যথা বৈ তোলিতং বিপ্রৈস্তীর্থানাং ফলমুত্তমম্ || ২. ১৩. ৭৫||
পিৎৠণাং দুহিতা যোগা গন্ধকালীতি বিশ্রুতা |
চতুর্থো ব্রহ্মণস্ত্বংশঃ পরাশরকুলোদ্ভবঃ || ২. ১৩. ৭৬||
ব্যসিষ্যতি চতুর্দ্ধা বৈ বেদং ধীমান্মহামুনিঃ |
মহায়োগং মহাত্মানং যা ব্যাসং জনয়িষ্যতি || ২. ১৩. ৭৭||
অচ্ছোদকং নামসরস্তত্রাচ্ছোদাসমুদ্ভবঃ |
মৎস্যয়োনৌ পুনর্জাতা নিয়োগাৎকারণেন তু || ২. ১৩. ৭৮||
তস্যাস্ত্বাদ্যাশ্রমে পুণ্যে পুণ্যকৃদ্ভির্নিষেবিতে |
দত্তং সকৃদপি শ্রাদ্ধমক্ষয়ং সমুদাহৃতম্ || ২. ১৩. ৭৯||
নদ্যাং যোগসমাধানং দত্তং যুগপদুদ্ভবেৎ |
কুবেরতুঙ্গে পাপঘ্নং ব্যাসতীর্থেতথৈব চ || ২. ১৩. ৮০||
পুণ্যায়াং ব্রহ্মণো বেদ্যাং শ্রাদ্ধমানন্ত্যমিষ্যতে |
সিদ্ধৈস্তু সেবিতা নিত্যং দৃশ্যতে তু কৃতাত্মভিঃ || ২. ১৩. ৮১||
অনিবর্তনং তু নন্দায়াং বেদ্যাঃ প্রাগুত্তরদিশি |
সিদ্ধিক্ষেত্রং সুরৈর্জুষ্টং যৎপ্রাপ্য ন নিবর্ত্ততে || ২. ১৩. ৮২||
মহালয়ে পদং ন্যস্তং মহাদেবেন ধীমতা |
ভূতানামনুকংপার্থং নাস্তিকানাং নিদর্শনম্ || ২. ১৩. ৮৩||
বিরজে ৎবক্ষয়ং শ্রাদ্ধং পূর্বমেব মহালয়ে |
নন্দায়াং বিরজে চৈব তথৈব চ মহালয়ে || ২. ১৩. ৮৪||
আত্মানং তারয়ন্তীহ দশপূর্বান্দশাপরান্ |
কাকহ্রদে জাতিস্মর্যং সুবর্ণমমিতৌজসম্ || ২. ১৩. ৮৫||
কৌমারং চ সরঃ পুণ্যং নাগভোগাভিরক্ষিতম্ |
কুমারতীর্থে স্নাৎবা তু ত্রিদিবং যাতি মানবঃ || ২. ১৩. ৮৬||
দেবালয়ে তপস্তস্বা একপাদেন দুশ্চরম্ |
নিরাহারো যুগং দিব্যমুমাতুঙ্গো স্থিতো জ্বলন্ || ২. ১৩. ৮৭||
উমাতুঙ্গে ভৃগোস্তুঙ্গে ব্রহ্মতুঙ্গে মহালয়ে |
তত্র শ্রাদ্ধানি দেয়ানি নিত্যমক্ষয়মিচ্ছতা || ২. ১৩. ৮৮||
অক্ষয়ং তু সদা শ্রাদ্ধং শালগ্রামে সমন্ততঃ |
দুষ্কৃতং দৃশ্যতে তত্র প্রত্যক্ষমকৃতাত্মনাম্ || ২. ১৩. ৮৯||
প্রত্যদেশো হ্যশিষ্টানাং শিষ্টানাং চ বিশেষতঃ |
তত্র দেবহ্রদঃ পুণ্যো ব্রহ্মণো নাগরাট্ শুচিঃ || ২. ১৩. ৯০||
পিণ্ডং গৃহ্ণতি হি সতাং ন গৃহ্ণাত্যসতাং সদা |
অতিপ্রদীপ্তৈর্ভুজগৈর্ভোক্তুমন্নং ন শক্যতে || ২. ১৩. ৯১||
প্রত্যক্ষং দৃশ্যতে ধর্মস্তীর্থয়োর্নতয়োর্দ্বয়োঃ |
কারবত্যাং চ শাণ্ডিল্যাং গুহায়াং বামনস্য চ || ২. ১৩. ৯২||
গৎবা চৈতানি পূতঃস্যাচ্ছ্রদদ্ধমক্ষয়মেব চ |
জপো হোমস্তপো ধ্যানং যৎকিঞ্চিৎসুকৃতং ভবেৎ || ২. ১৩. ৯৩||
ব্রহ্মচর্যং চ যৌ ধত্তে গুরুভক্তিং শতং সমাঃ |
এবমাদ্যাস্সরিচ্ছ্রেষ্ঠা যৎস্নানাদঘমোক্ষণম্ |
কুমারধারা তত্রৈব দৃষ্টা পাপং প্রণশ্যতি || ২. ১৩. ৯৪||
ধ্যানাসনং তু তত্রৈব ব্যাসস্যাদ্যাপি দৃশ্যতে |
শৈলঃ কান্তিপুরাভ্যাশে প্রাগুদীচ্যাং দিশি স্থিতঃ || ২. ১৩. ৯৫||
পুণ্য পুষ্করিণী তত্র কিরাতগণরক্ষিতা |
যস্যাং স্নাৎবা সকৃদ্বিপ্রঃ কামানাপ্নোতি শাশ্বতান্ || ২. ১৩. ৯৬||
অদৃশ্যঃ সর্বভূতানাং দেববচ্চরতে মহীম্ || ২. ১৩. ৯৭||
কাশ্যপস্য মহাতীর্থং কালসর্পিরিতি শ্রুতম্ |
তত্র শ্রাদ্ধানি দেয়ানি নিত্যমক্ষয়মিচ্ছতা || ২. ১৩. ৯৮||
দেবদারুবনে বাপি ধারায়াস্তু নিদর্শনম্ |
নির্ধূতানি তু পাপানি দৃশ্যন্তে সুকৃতাত্মনাম্ || ২. ১৩. ৯৯||
ভাগীরথ্যাং প্রয়াগে তু নিত্যমক্ষয়মুচ্যতে |
কালঞ্জরে দশার্ণায়াং নৈমিষে কুরুজাঙ্গলে || ২. ১৩. ১০০||
বারাণস্যাং নগর্যাং চ দেয়ং শ্রাদ্ধং প্রয়ত্নতঃ |
তত্র যোগেশ্বরো নিত্যং তস্যাং দত্তমথাক্ষয়ম্ || ২. ১৩. ১০১||
গৎবা চৈতানি পূর্তঃ স্যাচ্ছ্রাদ্ধমক্ষয়্যমেব চ |
জবো হোমস্তথা ধ্যানং যৎকিঞ্চিৎসুকৃতং ভবেৎ || ২. ১৩. ১০২||
লৌহিত্যে বৈতরণ্যাং চস্বর্গবেদ্যাং তথৈব চ |
সা তু দেবী সমুদ্রান্তে দৃশ্যতে চৈব নামভিঃ || ২. ১৩. ১০৩||
গয়ায়াং ধর্মবৃষ্ঠে তু সরসি ব্রহ্মণস্তথা |
গয়াং গৃধ্রবটে চৈব শ্রাদ্ধং দত্তং মহাফলম্ || ২. ১৩. ১০৪||
হিমং চ পততে তত্র সমন্তাৎপঞ্চয়ো জনম্ |
ভরতস্যাশ্রমে পুণ্যেঽরণ্যং পুণ্যতমং স্মৃতম্ || ২. ১৩. ১০৫||
মতঙ্গস্য বনং তত্র দৃশ্যতে সর্বমানুষৈঃ |
স্থাপিতং ধর্মসর্বস্বং লোকস্যাস্য নিদর্শনম্ || ২. ১৩. ১০৬||
যদ্দণ্ডকবনং পুণ্যং পুণ্যকৃদ্ভির্নিষেবিতম্ |
যস্মিন্প্রাহুর্বিশল্যেতি তীর্থং সদ্যো নিদর্শনম্ || ২. ১৩. ১০৭||
তুলামানৈস্তথা চাপি শাস্ত্রৈশ্চ বিবিধৈস্তথা |
উন্মচ্চন্তি তথা লগ্ন যে বৈ পাপকৃতো জনাঃ || ২. ১৩. ১০৮||
তৃতীয়ায়াং তথা পাদে নিরাধায়াং তু মণ্ডলে |
মহাহ্রদে চ কৌশিক্যাং দত্তং শ্রাদ্ধং মহাফলম্ || ২. ১৩. ১০৯||
মুণ্ডপৃষ্টে পদং ন্যস্তং মহাদেবেন ধীমতা |
বহুদেবয়ুগাংস্তপ্ত্বা তপস্তীব্রং সুদশ্চরম্ || ২. ১৩. ১১০||
অল্পেনাপ্যত্র কালেন নরো ধর্মপরায়ণঃ |
পাপ্মানমুৎসৃজত্যাশু জীর্ণাং ৎবচমিবোরগঃ || ২. ১৩. ১১১||
সিদ্ধানাং প্রীতিজননং পপানাং চ ভয়ঙ্করম্ |
লেলিহানৈর্মহাঘোরৈ রক্ষ্যতে সুমহোরগৈঃ || ২. ১৩. ১১২||
নাম্না কনকনন্দীতি তীর্থং জগতি বিশ্রুতম্ |
উদীচ্যাং মুণ্ডপৃষ্টস্য ব্রহ্মর্ষিগণসেবিতম্ || ২. ১৩. ১১৩||
তত্র স্নাৎবা দিবংযান্তি স্বশরীরেণ মানবাঃ |
দত্তং বাপি সদা শ্রাদ্ধমক্ষয়্যং সমুদাহৃতম্ || ২. ১৩. ১১৪||
ঋণৈস্ত্রিভিস্ততঃ স্নাৎবা নিষ্ক্রীণাতি নরস্তনুম্ |
মানসে সরসি স্নাৎবা শ্রাদ্ধংনির্বর্ত্তয়েত্ততঃ || ২. ১৩. ১১৫||
তীরে তু সরসস্তস্য দেবস্যা যতনং মহৎ |
আরুহ্য তু জপংস্তত্র সিদ্ধো যাতি দিবং ততঃ || ২. ১৩. ১১৬||
উত্তরং মানসং গৎবাসিদ্ধিং প্রাপ্নোত্যনুত্তমাম্ |
স্নাৎবা তস্মিন্সরশ্রেষ্ঠে দৃশ্যতে মহাদদ্ভুতম্ || ২. ১৩. ১১৭||
দিবশ্চ্যুতা মহাভাগা হ্যন্তরিক্ষে বিরাজতে |
গঙ্গা ত্রিপথগা দেবী বিষ্ণুপাদাচ্চ্যুতা সতী || ২. ১৩. ১১৮||
আকাশে দৃশ্যতে তত্র তোরণং সূর্যসন্নিভম্ |
জাংবূনদময়ং পুণ্যং স্বগদ্বারমিবায়তম্ || ২. ১৩. ১১৯||
ততঃ প্রবর্ত্ততে ভূয়ঃ সর্বসাগরমণ্ডিকা |
পাবনী সর্বভূতানাং ধর্মজ্ঞানাং বিশেষতঃ || ২. ১৩. ১২০||
চন্দ্রভাগা চ সিদ্ধুশ্চ শুভে মানসসংভবে |
সাগরং পশ্চিমং যাতো দিব্যঃ সিংধুনদো বরঃ || ২. ১৩. ১২১||
পর্বতো হিমবান্নাম নানাধাতুবিভূষিতঃ |
আয়তো বৈ সহস্রাণি যোজনানাং বহুনি তু || ২. ১৩. ১২২||
সিদ্ধচারণসংকীর্ণা দেবর্ষিগণসেবিতা |
তত্র পুষ্করিণী রম্যা সুষুম্ণা নাম নামতঃ || ২. ১৩. ১২৩||
দশবর্ষসহস্রাণি তস্যাং স্নাতস্তু জীবতি |
শ্রাদ্ধং ভবতি চানন্তং তত্র দত্তং মহোদয়ম্ || ২. ১৩. ১২৪||
তারয়েচ্চ সদা শ্রাদ্ধে দশপূর্বান্দশাপরান্ |
সর্বত্র হিমবান্পুণ্যো গঙ্গা পুণ্যা সমন্ততঃ || ২. ১৩. ১২৫||
সমুদ্রগাঃ সমুদ্রাশ্চ সর্বে পুণ্যাঃ সমন্ততঃ |
এবমাদিষু চান্যেষু শ্রাদ্ধং নির্বর্তয়েদ্বুধঃ || ২. ১৩. ১২৬||
পুতো ভবতি বৈ স্নাৎবা হুৎবা দত্ত্বা তথৈব চ |
শেলসানুষু শৃঙ্গেষু কন্দরেষু গুহাসু চ || ২. ১৩. ১২৭||
উপহ্বরনিতংবেষু তথা প্রস্রবণেষু চ |
পুলিনেষ্বাপগানাং চ তথৈব প্রভবেষু চ || ২. ১৩. ১২৮||
মহোদধৌ গবাং গোষ্টে সংগমেষু বনেষু চ |
সুসংমৃষ্টোপলিপ্তেষু ৎদৃদ্যেষু সুরভিষ্বথ || ২. ১৩. ১২৯||
গোময়েনোপলিপ্তেষু বিবিক্তেষু গৃহেষু চ |
কুর্যাচ্ছ্রাদ্ধমথৈতেষু নিত্যমেব যথাবিধি || ২. ১৩. ১৩০||
প্রাগ্দক্ষিণাং দিশং গৎবা সর্বকামচিকীর্ষয়া |
এবমেতেষু সর্বেষু শ্রাদ্ধং কুর্যাদতন্দ্রিতঃ || ২. ১৩. ১৩১||
এতেষ্বেব তু মেধাবী ব্রাহ্মীং সিদ্ধিমবাপ্নুয়াৎ |
ত্রৈবর্ণবিহিতৈঃ স্থানে ধর্মে বর্ণাশ্রমে রতৈঃ || ২. ১৩. ১৩২||
কৌপস্থানং চ সংত্যাগাৎপ্রাপ্যতে পিতৃপূজনম্ |
তীর্থান্যনুসরন্বীরঃ শ্রদ্দধানঃ সমাহিতঃ || ২. ১৩. ১৩৩||
কৃতপাপোঽপি শুধ্যেত কিং পুনঃ শুভকর্মকৃৎ |
তির্যগ্যোনিং ন গচ্ছেচ্চ কুদেশে চ ন জায়তে || ২. ১৩. ১৩৪||
স্বর্গী ভবতি বিপ্রো বৈ মোক্ষোপায়ং চ বিন্দতি |
অশ্রদ্দধানঃ পাপায়ুর্নাস্তিকোঽচ্ছিন্নসংশয়ঃ || ২. ১৩. ১৩৫||
হেতুনিষ্ঠশ্চ পঞ্চৈতে ন তীর্থে ফলভাগিনঃ |
গুরুতীর্থে পরা সিদ্ধিস্তীর্থানাং পরমং পদম্ || ২. ১৩. ১৩৬||
ধ্যানং তীর্থং পরং তস্মাদ্ব্রহ্মতীর্থং সনাতনম্ |
উপবাসাৎপরং ধ্যানমিন্দ্রিয়াণাং নিবর্ত্তনম্ || ২. ১৩. ১৩৭||
উপবাসনিবদ্ধৈর্হি প্রাণৈরেব পুনঃ পুনঃ |
প্রাণাপানৌ বশে কৃৎবা বশগানীন্দিয়াণি চ || ২. ১৩. ১৩৮||
বুদ্ধিং মনসি সংযম্য সর্বেষাং তু নিবর্ত্তনম্ |
প্রত্যাহারং কৃতং বিদ্ধি মোক্ষোপায়মসংশয়ম্ || ২. ১৩. ১৩৯||
ইন্দ্রিয়াণাং মনো ঘোরং বুদ্ধ্যাদীনাং বিবর্ত্তনম্ |
অনা হারো ক্ষয়ং যাতি বিদ্যাদনশনং তপঃ || ২. ১৩. ১৪০||
নিগ্রহে বুদ্ধিমন্সোরন্যবুদ্ধির্ন জায়তে |
ক্ষীণেষু সর্বদোষেষু ক্ষীণেষ্বেবেন্দ্রিয়েষু চ || ২. ১৩. ১৪১||
পরিনির্বাতি শুদ্ধাত্মা যথা বহ্নিরনিধনঃ |
কারণেভ্যো গুণেভ্যশ্চ ব্যক্তাব্যক্তাচ্চ কুৎস্নশঃ || ২. ১৩. ১৪২||
নিয়োজয়তি ক্ষেত্রজ্ঞং তেভ্যোয়োগেন যোগবিৎ |
তস্য নাস্তি গতিঃ স্থানং ব্যক্তাব্যক্তে চ সর্বশঃ |
ন সন্নাসন্ন সদসন্নৈব কিঞ্চিদবস্থিতঃ || ২. ১৩. ১৪৩||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে শ্রাদ্ধকল্পে পুণ্যদেশানুকীর্ত্তনং নাম ত্রয়োদশোঽধ্যায়ঃ || ১৩||
বৃহস্পতিরুবাচ
অতঃ পরং প্রবক্ষ্যামি সর্বদানফলানি চ |
শ্রাদ্ধকর্মণি মেধ্যানি বর্জনীয়ানি যানি চ || ২. ১৪. ১||
হিমপ্রপতনে কুর্যাদা হরেদ্বা হিমং ততঃ |
অগ্নিহোত্রমুপায়ুষ্যং পবিত্রং পরমং হিতম্ || ২. ১৪. ২||
নক্তং তু বর্জয়েচ্ছ্রাদ্ধং রাহোরন্যত্র দর্শনাৎ |
সর্বস্বেনাপি কর্ত্তব্যঙ্ক্ষিপ্রং বৈ রাহুদর্শনে || ২. ১৪. ৩||
উপরাগে ন কুর্যাদ্যঃ পঙ্কে গৌরিব সীদতি |
কুর্বাণস্তত্তরেৎপাপং সতী নৌরিব সাগরে || ২. ১৪. ৪||
বৈশ্বদেবং চ সৌম্যং চ খড্গমাংসং পরং হবিঃ |
বিষাণবর্জং খড্গস্য মাৎসর্যান্নাশয়ামহে || ২. ১৪. ৫||
ৎবাষ্ট্রা বৈ যজমানেন দেবেশেন মহাত্মনা |
পিবঞ্ছচীপতিঃ সোমং পৃথিব্যাং মধ্যগঃ পুরা || ২. ১৪. ৬||
শ্যামাকাস্তত্র উৎপন্নাঃ পিত্রর্থমপরজিতাঃ |
বিপ্রুষস্তস্য নাসাভ্যামাসক্তাভ্যাং তথেক্ষবঃ || ২. ১৪. ৭||
শ্রেষ্মলাঃ শীতলাঃ স্নিগ্ধা মধুরাশ্চ তথেক্ষবঃ |
শ্যামাকৈরিক্ষুভিশ্চৈব পিৎৠণাং সর্বকামিকম্ || ২. ১৪. ৮||
কুর্যাদাগ্রয়ণং যস্তু স শীঘ্রং সিদ্ধিমাপ্নুয়াৎ |
শ্যামাকাস্তু দ্বিনামানো বিহিতা যজনেস্মৃতে || ২. ১৪. ৯||
যস্মাত্তেদেবসৃষ্টাস্তু তস্মাত্তে চাক্ষয়াঃ স্মৃতাঃ |
প্রসাতিকাঃ প্রিয়ঙ্গুশ্চ মুদ্গাশ্চ হরিতাস্তথা || ২. ১৪. ১০||
এতান্যপি সমানানি শ্যামাকানাং গুণৈস্তু তৈঃ |
কৃষ্ণমাষাস্তিলাশ্চৈব শ্রেষ্ঠাস্তু যবশালয়ঃ || ২. ১৪. ১১||
মহায়বাশ্চ নিষ্পাবাস্তথৈব চ মধূলিকাঃ |
কৃষ্ণাশ্চৈবান্নলোহাশ্চ গর্হ্যাঃ স্যুঃ শ্রাদ্ধকর্মণি || ২. ১৪. ১২||
রাজমাষাস্তথান্যে বৈ বর্জনীয়াঃ প্রয়ত্নতঃ |
মসূরাশ্চৈব পুণ্যাশ্চ কুসুংভং শ্রীনিকেতনম্ || ২. ১৪. ১৩||
বর্ষাস্বতিয়বা নিত্যং তথা বৃষকবাসকৌ |
বিল্বামলকমৃদ্বীকাপনসাম্রাতদাডিমাঃ || ২. ১৪. ১৪||
তবশোলংযতাক্ষৌদ্রখর্জূরাম্রলানি চ |
খশেরুকোবিদার্যশ্চ তালকন্দং তথা বিসম্ || ২. ১৪. ১৫||
তমালং শতকন্দং চ মদ্বসূচান্তকান্দিকী |
কালেয়ং কালশাকং চ ভূরিপূর্ণা সুবর্চলা || ২. ১৪. ১৬||
মাংসাক্ষং দুবিশাকং চ বুবুচেতা কুরস্তথা |
কফালকং কণা দ্রাক্ষা লকুচং চোচমেব চ || ২. ১৪. ১৭||
অলাবুং গ্রীবকং বীরং কর্কন্ধূমধুসাহ্বয়ম্ |
বৈকঙ্কতং নালিকেরশৃঙ্গজ পকরূষকম্ || ২. ১৪. ১৮||
পিপ্পলী মরিচং চৈব পঠোলং বৃহতীফলম্ |
সুগন্ধমাংসপীবন্তি কষায়াঃ সর্ব এব চ || ২. ১৪. ১৯||
এবমাদীনি চান্যানি বরাণি মধুরাণি চ |
নাগরং চাত্র বৈ দেয়ং দীর্ঘমূলকমব চ || ২. ১৪. ২০||
বংশঃ করীরঃ সুরসঃ সর্জকং ভূস্তৃণানি চ |
বর্জনীয়ানি বক্ষ্যামি শ্রাদ্ধকর্মণি নিত্যশঃ || ২. ১৪. ২১||
লশুনং গৃঞ্জনং চৈব তথা বৈ পল্বলোদকম্ |
করংভাদ্যানি চান্যানি হীনানি রসগন্ধতঃ || ২. ১৪. ২২||
শ্রাদ্ধকর্মণি বর্জ্যানি কারণং চাত্র বক্ষ্যতে |
পুরা দেবাসুরে যুদ্ধে নির্জিতস্য বলেঃ সুরৈঃ || ২. ১৪. ২৩||
শরৈস্তু বিক্ষতাদঙ্গাৎপতিতা রক্তবিন্দবঃ |
তত এতানি জাতানি লশুনাদীনি সর্বশঃ || ২. ১৪. ২৪||
তথৈব রক্তনির্যাসা লবণান্যৌষরণি চ |
শ্রদ্ধকর্মণি বর্জ্যানি যাশ্চ নার্যো রজস্বলাঃ || ২. ১৪. ২৫||
দুর্গন্ধং ফেনিলং চৈব তথা বৈ পল্বলোদকম্ |
লভেদ্যত্র ন গৌস্তৃপ্তিং নক্তং যচ্চৈব গুহ্যতে || ২. ১৪. ২৬||
আবিকং মার্গমৌষ্ট্রং চ সর্বমেকশফং চ যৎ |
মাহিষং চামরং চৈব পয়ো বর্জ্যং বিজানতা || ২. ১৪. ২৭||
অতঃ পরং প্রবক্ষ্যামি বর্জ্যান্দেশান্প্রয়ত্নতঃ |
ন দ্রষ্টব্যং চ যৈঃ শ্রাদ্ধং শৌচাশৌচং চ কৃৎস্নশঃ || ২. ১৪. ২৮||
বন্যমূলফলৈর্ভক্ষ্যৈঃ শ্রাদ্ধং কুর্যাত্তু শ্রদ্ধয়া |
রাজনিষ্ঠামবাপ্নোতি স্বর্গমক্ষয়মেব চ || ২. ১৪. ২৯||
অনিষ্টশব্দাং সংকীর্ণাং জন্তুপ্যাপ্তামথাবিলাম্ |
পূতিগন্ধাং তথা ভূমিং বর্জয়েচ্ছ্রাদ্ধকর্মণি || ২. ১৪. ৩০||
নদ্যঃ সাগরপর্যন্তা দ্বারং দক্ষিণপূর্বতঃ |
ত্রিশঙ্কোর্বর্জয়েদ্দেশং সর্বং দ্বাদশ যোজনম্ || ২. ১৪. ৩১||
উত্তরেণ মহানদ্যা দক্ষিণেন চ বৈকটম্ |
দেশাস্ত্রিশঙ্কবো নাম বর্জ্যা বৈ শ্রাদ্ধকর্মণি || ২. ১৪. ৩২||
কারস্করাঃ কলিঙ্গশ্চ সিধোরুত্তরমেব চ |
প্রনষ্টাশ্রমধর্মাশ্চ বর্জ্যা দেশাঃ প্রয়ত্নতঃ || ২. ১৪. ৩৩||
নগ্নাদয়ো ন পশ্যেয়ুঃ শ্রাদ্ধকর্ম ব্যবস্থিতম্ |
গচ্ছন্ত্যেতৈস্তু দৃষ্টানি ন পিৎৠংশ্চ পিতামহাংন || ২. ১৪. ৩৪||
শংযুরুবাচ
নগ্নাদীন্ভগবন্সম্যগাচক্ষ্ব পরিপৃচ্ছতঃ |
বৃহস্পতিরুবাচ
সর্বেষামেব ভূতানাং ত্রয়ীসংবরণং স্মৃতম্ || ২. ১৪. ৩৫||
তাং যে ত্যজন্তি সংমোহাত্তে বৈ নগ্নাদয়ো জনাঃ |
প্রলীয়তে বৃষো যস্মিন্নিরালংবশ্চ যো বৃষে || ২. ১৪. ৩৬||
বৃষং যস্তু পরিত্যজ্য মোক্ষমন্যত্র মার্গতি |
বৃষো বেদাশ্রমস্তস্মিন্যো বৈ সম্যঙ্ন পশ্যতি || ২. ১৪. ৩৭||
ব্রাহ্মণঃ ক্ষত্রিয়ো বৈশ্যো বৃষলঃ স ন সংশয়ঃ |
পুরা দেবাসুরে যুদ্ধে নির্জিতৈরসুরৈস্তথা || ২. ১৪. ৩৮||
পাশণ্ডা বৈ কৃতাস্তাত তেষাং সৃষ্টিঃ প্রজায়তে |
বৃদ্ধশ্রাবকিনির্গ্রন্থাঃ শাক্যা জীবককার্পটাঃ || ২. ১৪. ৩৯||
যে ধর্মং নানুবর্ত্তন্তে তে বৈ নগ্নাদয়ো জনাঃ |
বৃথা জটী বৃথা মুণ্ডী বৃথা নগ্নশ্চ যো দ্বিজঃ || ২. ১৪. ৪০||
বৃথা ব্রতী বৃথা জাপী তে বৈ নগ্নাদয়ো জনাঃ |
কুলধর্মাতিগাঃ শশ্বদ্বৃথা বৃত্তিকলত্রকাঃ || ২. ১৪. ৪১||
কৃতকর্মদিশস্ত্বেতে কুপথাঃ পরিকীর্ত্তিতাঃ |
এতৈর্হি দত্তং দৃষ্টং বৈ শ্রাদ্ধং গচ্ছতি দানবান্ || ২. ১৪. ৪২||
ব্রহ্মঘ্নশ্চ কৃতঘ্নশ্চ নাস্তিকো গুরুতল্পগঃ |
দস্যুশ্চৈব নৃশংসশ্চ দর্ণনে তান্বিসর্জয়েৎ || ২. ১৪. ৪৩||
পতিতাঃ ক্রূরকর্মাণঃ সর্বাংস্তান্পরিবর্জয়েৎ |
দেবতানামৃষীণাং চ বিবাদে প্রবদন্তি যে || ২. ১৪. ৪৪||
দেবাংশ্চ ব্রাহ্মণাংশ্চৈব আম্নায়ং যস্তু নিন্দতি |
অসুরান্যাতুধানাংশ্চ দৃষ্টমেভির্ব্রজত্যুত || ২. ১৪. ৪৫||
ব্রাহ্মং কৃতয়ুগং প্রোক্তং ত্রেতা তু ক্ষত্র্রিয়ং যুগম্ |
বৈশ্যং দ্বাপরমিত্যাহুঃ শূদ্রং কলিয়ুগং স্মৃতম্ || ২. ১৪. ৪৬||
কৃতেঽপূজ্যন্ত পিতরস্ত্রেতায়াং তু সুরাস্তথা |
যুদ্ধানি দ্বাপরে নিত্যং পাখণ্ডাশ্চ কলৌ যুগে || ২. ১৪. ৪৭||
অপমানাপবিদ্ধশ্চ কুক্কুটো গ্রামসূকরঃ |
শ্বা চৈব হন্তি শ্রাদ্ধানি দর্শনাদেব সর্বশঃ || ২. ১৪. ৪৮||
শ্বসূকরোপ সংসৃষ্টং দীর্ঘরোগিভিরেব চ |
পতিতৈর্মলিনৈশ্চৈব ন দ্রষ্টব্যং কথঞ্চন || ২. ১৪. ৪৯||
অন্নং পশ্যেয়ুরেতে যত্তন্নার্হং হব্যকব্যয়োঃ |
উৎস্রষ্টব্যাঃ প্রধা নার্থৈঃ সংস্কারস্ত্বাপদো ভবেৎ || ২. ১৪. ৫০||
হবিষাং সংহতানাং চ পূর্বমেব বিবর্জয়েৎ |
সৃষ্টং যুক্তাভিরদ্ভিশ্চ প্রোক্ষণং চ বিধীয়তে || ২. ১৪. ৫১||
সিদ্ধার্থকৈঃ কৃষ্ণতিলৈঃ কার্যং বাপ্যপবারণম্ |
গুরুসূর্যাগ্নিবাস্রাণাং দর্শনং বাপি যত্নতঃ || ২. ১৪. ৫২||
আসনারূঢমন্নাদ্যং পাদোপহতমেব চ |
অমেধ্যৈর্জঙ্গমৈর্দৃষ্টং শুষ্কং পর্যুষিতং চ যৎ || ২. ১৪. ৫৩||
অস্বিন্নং পরিদগ্ধং চ তথৈবাগ্নাবলেহিতম্ |
শর্করাকীটপাষাণৈঃ কেশৈর্যচ্চাপ্যু পাহৃতম্ || ২. ১৪. ৫৪||
পিণ্যাকং মথিতং চৈব তথা তিলয়বাদিষু |
সিদ্ধীকৃতাশ্চ যে ভক্ষ্যাঃ প্রত্যক্ষলবণীকৃতাঃ || ২. ১৪. ৫৫||
দৃষ্ট্বা চৈব তথা দোষোপাত্তশ্বোপহতং তথা |
বাসসা চাবধূতানি বর্জ্যানি শ্রাদ্ধকর্মণি || ২. ১৪. ৫৬||
সংতি বেদবিরোধেন কেচিদ্বিজ্ঞাভিমানিনঃ |
অয়জ্ঞয় তয়ো নাম তে ধ্বংসংতি যথা রজঃ || ২. ১৪. ৫৭||
দধিশাকং তথা ভক্ষ্যং তথা চৌষধিবর্জিতম্ |
বার্ত্তাকং বর্জয়েচ্ছ্রাদ্ধে সর্বানভিষবানপি |
সৈন্ধবং লবণং চৈব তথা মানসসংভবম্ || ২. ১৪. ৫৮||
পবিত্রে পরমে হ্যেতে প্রত্যক্ষমপি বর্তিতে |
অগ্নৌ প্রক্ষিপ্য গৃঙ্ণীয়াদ্ধস্তৌ প্রক্ষিপ্য যত্নতঃ || ২. ১৪. ৫৯||
গময়েন্মস্তকং চৈব ব্রহ্মতীর্থং হি তৎস্মৃতম্ |
দ্রব্যাণাং প্রোক্ষণং কার্যং তথৈবাবপনং পুনঃ || ২. ১৪. ৬০||
নিধায় চাদ্ভিঃ সিংচেত্ত ত্তথা চাসু নিবেশনম্ |
অশ্মমূলফলেক্ষূণাং রজ্জূনাং চর্মণামপি || ২. ১৪. ৬১||
বৈদলানাং চ সর্বেষাং পূর্ববচ্ছৌচমিষ্যতে |
তথা দন্তাস্থি দারুণাং শৃঙ্গাণাং চাবলেখনম্ || ২. ১৪. ৬২||
সর্বেষাং মৃন্ময়ানাং চ পুনর্দাহো বিধীয়তে |
মণিমুক্তাপ্রবালানাং জলজানাং চ সর্বশঃ || ২. ১৪. ৬৩||
সিদ্ধার্থকানাং কল্কেন তিলকল্কেন বা পুনঃ |
স্যাচ্ছৌচং সর্ববালানামাবিকানাং চ সর্বশঃ || ২. ১৪. ৬৪||
দ্বিপদাং চৈব সর্বেষাং মৃদ্ভিরদ্ভির্বিধীয়তে |
আদ্যন্তয়োস্তু শৌচানামদ্ভিঃ প্রক্ষালনং বিধিঃ || ২. ১৪. ৬৫||
তথা কার্পাসিকানাং চ ভস্মনা সমুদাহৃতম্ |
ফলপুষ্পপলাশানাং প্লাবনং চাদ্ভিরিষ্যতে || ২. ১৪. ৬৬||
প্রোক্ষণং হ্যুপলেপশ্চ ভূমেশ্চৈবাবলেখনম্ |
নিষেকো গোক্রমো দাহঃ খননং শুদ্ধিরিষ্যতে || ২. ১৪. ৬৭||
নিষ্ক্রমোঽধ্বগতো গ্রামাদ্বায়ুপূতা বসুংধরা |
পুংসাং চতুষ্পদাং চব মৃদ্ভিঃ শৌচং বিধীয়তে || ২. ১৪. ৬৮||
এবমেব সমুদ্দিষ্টঃ শৌচানাং বিধিরুত্তমঃ |
অনির্দিষ্টমতো যদ্যত্তন্মে নিগদতঃ শৃণু || ২. ১৪. ৬৯||
প্রাতর্গৃহাদ্দক্ষিণপশ্চিমেন গৎবা চেষুক্ষেপমাত্রং পদং বৈ |
কুর্যাৎপুরীষং হি শিরোঽবগুণ্ঠ্য ন বৈ স্পৃশেজ্জাতু শিরঃ করেণ || ২. ১৪. ৭০||
শুক্লৈস্তৃণৈর্বা কার্ষ্ঠৈর্বা পর্ণৈর্বেণুদলৈন চ |
সুসংবৃত্তে প্রদেশে চ ণন্তর্ধায় বসুংধরাম্ || ২. ১৪. ৭১||
উদ্ধৃত্যোদকমাদায় মৃত্তিকাং চৈব বাগ্যতঃ |
দিবা উদঙ্মুখঃ কুর্যাদ্রাত্রৌ বৈ দক্ষিণামুখঃ || ২. ১৪. ৭২||
দক্ষিণেন তু হস্তেন গৃহীৎবাথ কমণ্ডলুম্ |
শৌচং বামেন হস্তেন গুদে তিস্রস্তু মৃত্তিকাঃ || ২. ১৪. ৭৩||
দশ চাপি শনৈর্দদ্যাদ্বামহস্তে ক্রমেণ তু |
উভাভ্যাং বা পুনর্দদ্যাদ্দ্বাভ্যাং সপ্ত তু মৃত্তিকাঃ || ২. ১৪. ৭৪||
মৃদা প্রক্ষাল্য পাদৌ তু আচম্য চ যথাবিধি |
আপস্ত্বাদ্যাস্ত্রয়শ্চৈব সুর্যাগ্ন্যনিলদেবতাঃ || ২. ১৪. ৭৫||
কুর্যাৎসংনিহিতো নিত্যমচ্ছিদ্রে দ্বে কমণ্ডলূ |
ঃংসবার্যবনৈরেব যথাবৎপাদধাবনম্ || ২. ১৪. ৭৬||
আচমনং দ্বিতীয়ং চ দেবকার্যে ততোঽপরম্ |
উপবাসস্ত্রিরাত্রং তু দুষ্টমুক্তে হ্যুদাৎদৃতঃ || ২. ১৪. ৭৭||
বিপ্রকৃষ্টেষু কৃচ্ছ্রং চ প্রায় শ্চিত্তমুদাহৃতম্ |
স্পৃষ্ট্বা শ্বানং শ্বপাকং চ তপ্তকৃচ্ছ্রং সমাচরেৎ || ২. ১৪. ৭৮||
মানুষাস্থীনি সংস্পৃশ্য উপোষ্যং শুচিকারণাৎ |
ত্রিরাত্রমুক্তং সস্নেহান্যেকরাত্রমতোঽন্যথা || ২. ১৪. ৭৯||
কারস্করাঃ কলিঙ্গাশ্চ তথান্ধ্রশবরাদয়ঃ |
পীৎবা চাপোভূতিলপা গৎবা চাপি যুগং ধরম্ || ২. ১৪. ৮০||
সিংধোরুত্তরপর্যন্তং তথোদীচ্যন্তরং নরঃ |
পাপদেশাশ্চ যে কেচিৎপাপৈরধ্যুষিতা জনৈঃ || ২. ১৪. ৮১||
শিষ্টৈস্তু বর্জিতা যে বৈ ব্রাহ্মণৈল্বেদপারগৈঃ |
গচ্ছতাং রাগসংমোহাত্তেষাং পাপং ন গচ্ছতি || ২. ১৪. ৮২||
গৎবা দেশানপুণ্যাংস্তু কৃৎস্নং পাপং সমশ্নুতে |
আরুহ্য ভৃগুতুঙ্গং তু গৎবা পুণ্যাং সরস্বতীম্ || ২. ১৪. ৮৩||
আপগাং চ নদীং রম্যাং গঙ্গাং দেবীং মহানদীম্ |
হিমবৎপ্রভবা নদ্যো যাশ্চান্যা ঋষিপূচিতাঃ || ২. ১৪. ৮৪||
সরস্তীর্থানি সর্বাণি নদীঃ প্রস্রবণানি চ |
গৎবৈতান্মুচ্যতে পাপৈঃ স্বর্গে চাত্যন্তমশ্নুতে || ২. ১৪. ৮৫||
দশরাত্রমশৌচং তু প্রোক্তং মৃতকমূতকে |
ব্রহ্মণস্য দ্বাদশাহং ক্ষত্রিয়স্য বিধীয়তে || ২. ১৪. ৮৬||
অর্দ্ধমাসং তু বৈশ্যস্য মাসং শূদ্রস্য চৈব হ |
উদক্যা সর্ববর্ণানাং চতূরাত্রেণ শুধ্যতি || ২. ১৪. ৮৭||
উদক্যাং সূতিকাং চৈব শ্বানমন্তাবসায়িনম্ |
নগ্নাদীন্মৃতহারাংশ্চ স্পৃষ্ট্বা শৌচং বিধীয়তে || ২. ১৪. ৮৮||
স্নাৎবা সচৈলো মৃদ্ভিস্তু শুদ্ধো দ্বাদশভির্দ্বিজঃ |
এতদেব ভবেচ্ছৌচং মৈথুনে বমনে তথা || ২. ১৪. ৮৯||
মৃদা প্রক্ষাল্যহস্তৌ তু কুর্যাচ্ছৌচং চ মানবঃ |
প্রক্ষাল্য চাদ্ভিঃ স্নাৎবা তু হস্তৌ চৈব পুনর্মৃদা || ২. ১৪. ৯০||
ত্রিঃ কৃৎবা দ্বাদশান্তানি যথা লেপস্তথা ভবেৎ |
এবং শৌচবিধির্দৃষ্টঃ সর্বকৃত্যেষু নিত্যদা || ২. ১৪. ৯১||
পরিদদ্যান্মৃদস্তিস্রস্তিস্রঃ পাদাবসেচনে |
অরণ্যে শৌচমেতত্তু গ্রাম্যং বক্ষ্যাম্যতঃ পরম্ || ২. ১৪. ৯২||
মৃদঃ পঞ্চদশামেধ্যা হস্তাদীনাং বিশেষতঃ |
অতিরিক্তমৃদং দদ্যান্মৃদন্তে ৎবদ্ভিরেব চ || ২. ১৪. ৯৩||
অদ্ভিরব্যক্তকে শৌচমেতচ্চৈতেষু কৃৎস্নশঃ |
কণ্ঠং শিরো বা আবৃত্য রথ্যাপণগতোঽপি বা || ২. ১৪. ৯৪||
অকৃৎবা পাদয়োঃ শৌচমাচান্তোঽপ্যশুচির্ভবেৎ |
পক্ষাল্য পাত্রং নিক্ষিপ্য আচম্যাভ্যুক্ষণং ততঃ || ২. ১৪. ৯৫||
দ্রব্যস্যান্যস্য তু তথা কুর্যাদভ্যুক্ষণং ততঃ |
পুষ্পাদীনাং তৃণানাং চ প্রোক্ষণং হবিষাং তথা || ২. ১৪. ৯৬||
পরাৎদৃতানাং দ্রব্যাণাং নিধায়াভ্যুক্ষণং তথা |
নাপ্রোক্ষিতং স্পৃশেৎকিঞ্চিচ্ছ্রদ্ধে দৈবেঽথ বা পুনঃ || ২. ১৪. ৯৭||
উত্তরোণাহরেদ্দ্রব্যং দক্ষিণেন বিসর্জয়েৎ |
সংবৃতে যজমানস্তু সর্বশ্রাদ্ধে সমাহরেৎ || ২. ১৪. ৯৮||
উচ্ছিষ্টে স্যাদ্বিপর্যাসোদৈবে পিত্র্যেতথৈব চ |
দক্ষিণেন তু হস্তেন দক্ষিণাং বেদিমালভেৎ || ২. ১৪. ৯৯||
করাভ্যামেব দেবানাং পিৎৠণাং বিকরং তথা |
ক্ষরণং স্বপ্নয়োশ্চৈব তথা মূত্রপুরীষয়ো || ২. ১৪. ১০০||
নিষ্ঠীবিতে তথাভ্যঙ্গে ভুৎক্বা বিপরিধায় চ |
উচ্ছিষ্টানাং চ সংস্পর্শে তথা পাদাবসেচনে || ২. ১৪. ১০১||
উচ্ছিষ্টস্য চ সংভাষাদশিৎবা প্রয়তস্য বা |
সংদেহেষু চ সর্বেষু শিখাং মুক্ত্বা তথৈব চ || ২. ১৪. ১০২||
বিনা যজ্ঞোপবীতেন মোঘং তৎসমুপস্পৃশেৎ |
উষ্ট্রস্যাবেশ্চ সংস্পর্শে দর্শনেঽবাচ্যবাচিনাম্ || ২. ১৪. ১০৩||
জিহ্বয়া চৈব সংস্বৃশ্য দেতাসক্তং তথৈব চ |
সশব্দমেগুলীভির্বা পতিতং বা বিলোকয়ন্ || ২. ১৪. ১০৪||
স্থিতো যশ্চাচমেন্মোহদাচান্তোঽপ্যশুচির্ভবেৎ |
উপবিশ্য শুচৌ দেশে প্রয়তঃ প্রাগুদঙ্মুখঃ || ২. ১৪. ১০৫||
পাদৌ প্রক্ষাল্য হস্তৌ চ অন্তর্জানু ৎবপঃ স্পৃশেৎ |
প্রসন্নস্ত্রিঃ পিবেদ্বারি প্রয়তঃ সুসমাহিতঃ || ২. ১৪. ১০৬||
দ্বিরেব মার্জনং কুর্যাৎসকৃদভ্যুক্ষণং ততঃ |
খানি মূর্দ্ধানমাত্মানং হস্তৌ পাদৌ তথৈব চ || ২. ১৪. ১০৭||
অভ্যুক্ষয়েত্ততস্তস্য যদ্যন্মীমাংসিত ভবেৎ |
এবমাচমতস্তস্য বেদা যজ্ঞাস্তপাংসি চ || ২. ১৪. ১০৮||
দানানি ব্রতচর্যাশ্চ ভবন্তি সফলানি বৈ |
ক্রিয়াং যঃ কুরুতে মোহাদনাসম্যেহ নাস্তিকঃ || ২. ১৪. ১০৯||
ভবন্তি হি বৃথা তস্য ক্রিয়া হ্যেতা ন সংশয়ঃ |
বাক্কায়বুদ্ধিপূতানি অস্পৃষ্টং বাপ্যনিন্দিতম্ || ২. ১৪. ১১০||
জ্ঞেয়ান্যেতানি মেধ্যানি দুষ্টমেধ্যো বিপর্যয়ে |
মনোবাক্কায়মগ্নিশ্চ কালশ্চৈবোপলেখনম্ || ২. ১৪. ১১১||
বিখ্যাপনং চ শৌচানাং নিত্যমজ্ঞানমেব বা |
অতোঽন্যথা তু যঃ কুর্যান্মোহাচ্ছৌচস্য সংকরম্ || ২. ১৪. ১১২||
পিশাচান্যাতুধানাংশ্চ ফলং গচ্ছত্যসংশয়ম্ |
শৌচে চাশ্রদ্দধানো হি ম্লেচ্ছজাতিষু জায়তে ১৪. ১১৩||
অয়জ্বা চৈব পাপশ্চ তির্যগ্যোনিগতোঽপি চ |
শৌচেন মোক্ষং কুর্বাণঃ স্বর্গবাসী ভবেন্নরঃ || ২. ১৪. ১১৪||
শুচিকামা হি দেবা বৈ দেবৈশ্চৈতদুদাহৃতম্ |
বীভৎসানশুচীংশ্চৈব বর্জয়ন্তি সুরাঃ সদা || ২. ১৪. ১১৫||
ত্রীণি শৌচানি কুর্বন্তি ন্যায়তঃ শুভকর্মিণঃ |
ব্রহ্মণ্যায়াতি থেয়ায় শৌচয়ুক্তায় ধীমতে || ২. ১৪. ১১৬||
পিতৃভক্তায় দান্তায় সানুক্রোশায় চ দ্বিজাঃ |
তস্মৈ দেবাঃ প্রয়চ্ছন্তি পিতরঃ শ্রীবিবর্দ্ধনাঃ |
মনসাকাঙ্ক্ষিতান্কামাংস্ত্রৈলোক্যপ্রবরানপি || ২. ১৪. ১১৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে শ্রাদ্ধকল্পেঽশৌচবিধির্নাম চতুর্দশোঽধ্যোয়ঃ || ১৪||
ঋষয় ঊচুঃ
অহো ধন্যস্ত্বয়া সূত শ্রাদ্ধকল্পঃ প্রকীর্তিতঃ |
শ্রুতা নঃ শ্রাদ্ধকল্পাস্তু ঋষিভির্যে প্রকীর্ত্তিতাঃ || ২. ১৫. ১||
অতীব বিস্তরো হ্যস্য বিশেষেণ তু কীর্ত্তিতঃ |
দেবাশেষং মহাপ্রাজ্ঞ ঋষেস্তস্য মতং যথা || ২. ১৫. ২||
সূত উবাচ
কীর্ত্তয়িষ্যামি বো বিপ্রা ঋষেস্তস্য মতং তু যৎ |
শ্রাদ্ধং প্রতি মহাভাগস্তন্মে শ্রুণুত বিস্তরাৎ || ২. ১৫. ৩||
উক্তং শ্রাদ্ধংময়া পূর্বং বিধিশ্চ শ্রাদ্ধকর্মণি |
পরিশিষ্টং প্রবক্ষ্যামি ব্রহ্মণানাং পরিক্ষণম্ || ২. ১৫. ৪||
ন মীমাংস্যাঃ সদা বিপ্রাঃ পবিত্রংহ্যেতদুত্তমম্ |
দৈবে পিত্র্যে চ নিয়তং শ্রূয়তে বৈ পরীক্ষণম্ || ২. ১৫. ৫||
যস্মিন্দোষাঃ প্রদৃশ্যেরম্স হি কার্যেষু বর্জিতঃ |
জানীয়াদ্বাপি সংবাসাদ্বর্জয়েত্তং প্রয়ত্নতঃ || ২. ১৫. ৬||
অবিজ্ঞাতং দ্বিজং শ্রাদ্ধে ন পরীক্ষেত পণ্ডিতঃ |
সিদ্ধা হি বিপ্ররূপেণ চরন্তি পৃথিবীমিমাম্ || ২. ১৫. ৭||
তস্মাদতিথিমায়ান্তমভিগচ্ছেৎকৃতাঞ্জলিঃ |
পূজয়েচ্চার্ঘ্যপাদ্যাভ্যাং তথাভ্যঞ্জনভোজনৈঃ || ২. ১৫. ৮||
উর্বী সাগরপর্যন্তাং দেবা যোগেশ্বরঃ সদা |
নানারূপৈশ্চরন্ত্যেতে প্রজা ধর্মেণ যোজয়ন্ || ২. ১৫. ৯||
তস্মাদ্দদ্যাৎসদা দান্তঃ সমভ্যার্চ্যাতিথিং নরঃ |
ব্যঞ্জনানি তু বক্ষ্যামি ফলং তেষাং তথৈব চ || ২. ১৫. ১০||
অগ্নিষ্টোমং পয়সা প্রাপ্নুয়াদ্বৈ ফলং তথোক্থস্য চ পায়সেন |
সষোডশী সত্রফলং ঘৃতেন মধ্বাতিরাত্রস্য ফলং তথৈব || ২. ১৫. ১১||
তথাপ্নুয়াচ্ছ্রদ্দধা নো নরো বৈ সর্বৈঃ কামৈর্ভোজয়েদ্যস্তু বিপ্রান্ |
সর্বার্থদং সর্ববিপ্রাতিথেয়ং ফলং চ ভুঙ্ক্তে সর্বমেধস্য নিত্যম্ || ২. ১৫. ১২||
যস্তু শ্রাদ্ধেঽতিথিং প্রাপ্তং দৈবে চাপ্যবমন্যতে |
তং বৈ দেবা নিরস্যন্তি হতো যদ্বৎপরাবসুঃ || ২. ১৫. ১৩||
দেবাশ্চ পিতরশ্চৈব তেমেবান্তর্হিতা দ্বিজম্ |
আবিশ্য বিপ্রং মোক্ষ্যন্তি লোকানুগ্রহকারণাৎ || ২. ১৫. ১৪||
অপূজিতো দহত্যেষ দিশেৎকামাংশ্চ পূজিতঃ |
সর্বস্বেনাপি তস্মাদ্ধি পূজয়েদতিথিং সদা || ২. ১৫. ১৫||
বানপ্রস্থো গৃহস্থশ্চ সতামভ্যাগতো যথা |
বালখিল্যো যতিশ্চৈব বিজ্ঞেয়ো হ্যতিথিঃ সদা || ২. ১৫. ১৬||
অভ্যাগতঃ পাকচারদতিথিঃ স্যাদপাবকঃ |
অতিথেরতিথিঃ প্রোক্তঃ সোঽতিথির্যোগ উচ্যতে || ২. ১৫. ১৭||
নাব্রতী ন চ সংকীর্ণো নাবিদ্যো নাবিশেষবিৎ |
ন চ সংতানসংবদ্ধো ন দেবী নাগসেঽতিথিঃ || ২. ১৫. ১৮||
পিপাসিতায় শ্রান্তায় ভ্রান্তায়াতিবুভুক্ষতে |
তস্মৈ সৎকৃত্য দাতব্যং যজ্ঞম্য ফলমিচ্ছতা || ২. ১৫. ১৯||
ন বক্তব্যং সদা বিপ্র ক্ষুধিতে নাস্তি কিঞ্চন |
তস্মৈ সৎকৃত্য দাতব্যং সদাপচিতিরেব সঃ || ২. ১৫. ২০||
অক্লিষ্ট মব্রণং যুক্তং কৃশবৃত্তিময়াচকম্ |
একান্তশীলং ধীমন্তং সদা শ্রাদ্ধেষু ভোজয়েৎ || ২. ১৫. ২১||
নো দদামি তমিত্যেবং ব্রূয়াদ্যো বৈ দুরাত্মবান্ |
অপি জাতিশতং গৎবা ন স মুচ্যেত কিল্বিষাৎ || ২. ১৫. ২২||
সমোদং ভোজয়েদ্বিপ্রানেকপঙ্ক্ত্যাং তু যো নরঃ |
নিয়ুক্তো হ্যনি যুক্তো বা পঙ্ক্ত্যা হরতি কিল্বিষম্ || ২. ১৫. ২৩||
পাপ্মানং গৃহ্যতে ক্ষিপ্রমিষ্টাপূর্ত্তং চ নশ্যতি |
যতিস্তু সর্ববিপ্রাণাং সর্বেষামগ্রতো ভবেৎ || ২. ১৫. ২৪||
পঞ্চ বেদান্সেতিহাসান্যঃ পঠেদ্দ্বিজসত্তমঃ |
যোগাদনন্তরং সোঽথ নিয়োক্তব্যো বিজানতা || ২. ১৫. ২৫||
ত্রিবেদোঽনন্তরং তস্য দ্বিবেদস্তদনন্তরম্ |
একবেদস্ততঃ পশ্চাদুপাধ্যায়স্ততঃ পরম্ || ২. ১৫. ২৬||
পাবনা যেঽত্র সংখ্যাতাস্তান্প্রবক্ষ্যে নিবোধত |
য এতে পূর্বনির্দ্দিষ্টাঃ সর্বে তে হ্যনুপূর্বশঃ || ২. ১৫. ২৭||
ষডঙ্গবিদ্ধ্যানয়োগৌ সর্বতত্রস্তথৈব চ |
যায়াবরশ্চ পঞ্চৈতে বিজ্ঞেয়াঃ পঙ্ক্তিপাবনাঃ || ২. ১৫. ২৮||
শ্রাদ্ধকল্পে ভবেদ্যস্তু সন্নিপত্য তু পাবনঃ |
চতুর্দশানাং বিদ্যানামেকস্যামপি পারগাঃ || ২. ১৫. ২৯||
যথাবদ্বর্ত্তমানাশ্চ সর্বে তে পঙ্ক্তিপাবনাঃ |
অসংদেহস্তু সৌপর্ণাঃ পঞ্চাগ্নেয়াশ্চ সামগাঃ || ২. ১৫. ৩০||
যশ্চরেদ্বিধিবদ্বিপ্র সমা দ্বাদশ সংততঃ |
ত্রিনাচিকেতস্ত্রৈ বিদ্যো যশ্চ ধর্মান্দ্বিজঃ পঠেৎ || ২. ১৫. ৩১||
বার্হস্পত্যে মহাশাস্ত্রে যশ্চ পারঙ্গতো দ্বিজঃ |
সর্বে তে পাবনা বিপ্রাঃ পঙ্ক্তীনাং সমুদাৎদৃতাঃ || ২. ১৫. ৩২||
আমন্ত্রিতস্তু যঃ শ্রাদ্ধে যোষিতং সেবতে দ্বিজঃ |
পিতরস্তস্য তন্মাসং তস্মিন্রিতসি শেরতে || ২. ১৫. ৩৩||
ধ্যাননিষ্ঠায় দাতব্যং সানুক্রোশায় ধীমতে |
যতিং বা বালখিল্যং বা ভোজয়েচ্ছ্রাদ্দকর্মণি || ২. ১৫. ৩৪||
বানপ্রস্থায় কুর্বাণঃ পূজামাত্রেণ তুষ্যতে |
গৃহস্থং ভোজয়েদ্যস্তু বিশ্বেদেবাস্তু পূজিতাঃ || ২. ১৫. ৩৫||
বানপ্রস্থেন ঋষয়ো বালখিল্যৈঃ পুরন্দরঃ |
যতীনাং তু কৃতা পূজা সাক্ষাদ্ব্রহ্মা তুং পূজিতঃ || ২. ১৫. ৩৬||
আশ্রমোঽপাবনো যস্তু পঞ্চমস্সংকরাত্মকঃ |
চৎবারস্ত্বাশ্রমাঃ পূচ্যাঃ শ্রাদ্ধে দেবে তথৈব চ || ২. ১৫. ৩৭||
চতুরাশ্রমবাহ্যেভ্য স্তেভ্যঃ শ্রাদ্ধে ন দাপয়েৎ |
যস্তিষ্ঠেদ্বায়ুভক্ষশ্চ চাতুরাশ্রমবাহ্যতঃ || ২. ১৫. ৩৮||
অনাশ্রমীতপস্তেপে ন তং তত্র নিমন্ত্রয়েৎ |
অয়তির্মোক্ষবাদী চ শ্রুতৌ তৌ পঙ্ক্তিদূষকৌ || ২. ১৫. ৩৯||
উগ্রেণ তপসা যুক্তা বহুজ্ঞাশ্চিত্রবাদিনঃ |
নিন্দন্তি চ দ্বিজাতিভ্যঃ সর্বে তে পঙ্ক্তিদূষকাঃ || ২. ১৫. ৪০||
ঔপবস্তাস্তথা সাংখ্যা নাস্তিকা বেদনিন্দকাঃ |
ধ্যানং নিন্দন্তি যে কেচিৎসর্বে তে পঙ্ক্তিদূষকাঃ || ২. ১৫. ৪১||
বৃথা মুণ্ডাশ্চ জটিলাঃ সর্বে কার্পটিকাস্তথা |
নির্ঘৃণান্ভিন্নবৃত্তাংশ্চ সর্বভক্ষাংশ্চ বর্জয়েৎ || ২. ১৫. ৪২||
কারুকাদীননাচারাংল্লোকবেদবহিষ্কৃতান্ |
গায় নান্বেদবৃত্তাংশ্চ হব্যকব্যে ন ভোজয়েৎ || ২. ১৫. ৪৩||
এতৈস্তু বর্ত্তয়েদ্যস্তু কৃষ্ণবর্ণং স গচ্ছতি |
যোঽশ্নাতি সহ শূদ্রেণা সর্বে তে পঙ্ক্তিদূষণাঃ || ২. ১৫. ৪৪||
ব্যাকর্ষণং সত্ত্বনিবর্হণং চ কৃষির্বণিজ্যা পশুপালনং চ |
শুশ্রূষণং চাপ্যগুরোররের্বাপ্যকার্যমেতদ্ধি সদা দ্বিজানাম্ || ২. ১৫. ৪৫||
মিথ্যাসংকল্পিনঃ সর্বানুদ্বৃত্তাংশ্চ বিবর্জয়েৎ |
মিথ্যাপ্রবাদী নিন্দাকৃত্তথা সূচকদাংভিকৌ || ২. ১৫. ৪৬||
উপপাতকসংযুক্তাঃ পাতকৈশ্চ বিশেষতঃ |
বেদে নিয়োগদাতারো লোভমোহফলর্থিনঃ || ২. ১৫. ৪৭||
ব্রহ্মবিক্রয়িণস্তান্বৈ শ্রাদ্ধকর্মণি বর্জয়েৎ |
ন বিয়োগাস্তু বেদানাং যো নিয়ুঙ্ক্তে স পাপকৃৎ || ২. ১৫. ৪৮||
বক্তা বেদফলাদ্ভ্রশ্যেদ্দাতা দানফলাত্তথা |
ভৃতকোঽধ্যাপয়েদ্যস্তু ভৃতকাধ্যাপিতস্তু যঃ || ২. ১৫. ৪৯||
নার্হতস্তাবপি শ্রাদ্ধে ব্রহ্মাণঃ ক্রয়বিক্রয়ী |
ক্রয়শ্চ বিক্রয়শ্চৈবাজীবিতার্থে বিগর্হিতৌ || ২. ১৫. ৫০||
বৃত্তিরেষা তু বৈশ্যস্য ব্রাহ্মণস্য তু পাতকম্ |
আহরেদ্ভৃতিতো বেদান্ বেদেভ্যশ্চোপজীবতি || ২. ১৫. ৫১||
উভৌ তৌ নার্হতঃ শ্রাদ্ধং পুত্রিকাপতিরেব চ |
বৃথা দারাংশ্চ যো গচ্ছেদ্যো যজেত বৃথাধ্বরৈঃ || ২. ১৫. ৫২||
নার্হতস্তাবপি শ্রাদ্ধং দ্বিজো যশ্চৈব বার্ধুষী |
স্ত্রিয়ো রক্তান্তরা যেষাং পরদারপরাশ্চ যে || ২. ১৫. ৫৩||
অর্থকামরতাশ্চৈব ন তাঞ্ছ্রাদ্ধেষু ভোজয়েৎ |
বর্ণাশ্রমাণাং ধর্মেষু বিরুদ্ধাঃসর্বকর্মণি || ২. ১৫. ৫৪||
স্তেনশ্চ সর্বয়াজী চ সর্বে তে পঙ্ক্তিদূষকাঃ |
যশ্চ সূকরবদ্ভুঙ্ক্তে যশ্চ পাণিতলে দ্বিজঃ || ২. ১৫. ৫৫||
ন তদশ্নন্তি পিতরো যশ্চ বাচ্যং সমশ্নুতে |
স্ত্রীশূদ্রায়ান্নমেতদ্বৈ শ্রাদ্ধোচ্ছিষ্টং ন দাপয়েৎ || ২. ১৫. ৫৬||
যো দদ্যাচ্চানুসংমোহান্ন তদ্গচ্ছতি বৈ পিৎৠন্ |
তস্মান্ন দেয়মন্নাদ্যমুচ্ছিষ্টং শ্রাদ্ধকর্মণি || ২. ১৫. ৫৭||
অন্যচ্চ দধিসর্পির্ভ্যাং শিষ্টং পুত্রায় নান্যথা |
অবশেষং তু দাতব্যমন্নাদ্যং তু বিশেষতঃ || ২. ১৫. ৫৮||
পুষ্পমূলফলৈর্বাপি তুষ্টা গচ্ছেয়ুরন্ততঃ |
যাবন্ন শ্রপিতং চান্নং যাবতৌষ্ণ্যং ন মুঞ্চতি || ২. ১৫. ৫৯||
তাবদশ্নন্তি পিতরো যাবদশ্নন্তি বাগ্যতাঃ |
দত্তং প্রতিগ্রহো হোমো ভোজনং বলিরেব চ || ২. ১৫. ৬০||
সাংগুষ্ঠেন তথা পাদ্যং নাসুরেভ্যো যথা ভবেৎ |
এতান্যেব চ সর্বাণি দানানি চ বিশেষতঃ || ২. ১৫. ৬১||
অন্তর্জানূপবিষ্টেন তদ্বদাচমনং ভবেৎ |
মুণ্ডাঞ্জটিলকাষায়াঞ্শ্রাদ্ধকর্মণি বর্জয়েৎ || ২. ১৫. ৬২||
যে তু বৃত্তে স্থিতা নিত্যং জ্ঞানিনো ধ্যানিনস্তথা |
দেবভক্তা মহাত্মানঃ পুনীয়ুর্দর্শনাদপি || ২. ১৫. ৬৩||
শিখিভ্যো ধাতুরক্তেভ্যস্ত্রিদণ্ডেভ্যঃ প্রদাপয়েৎ |
সর্বং যোগেশ্বরৈর্ব্যাপ্তং ত্রৈলোক্যং হি নিরন্তরম্ || ২. ১৫. ৬৪||
তস্মাৎপশ্যন্তি তে সর্বং যৎকিঞ্চিজ্জগতীগতম্ |
ব্যক্তাব্যক্তং বশে কৃৎবা সর্বস্যাপি চ যৎপরম্ || ২. ১৫. ৬৫||
সত্যাসত্যং চ যদ্দৃষ্টং সদ সচ্চ মহাত্মভিঃ |
সর্বজ্ঞানানি সৃষ্টানি মোক্ষাদীনিমহাত্মভিঃ || ২. ১৫. ৬৬||
তস্মাত্তেষাং সদা ভক্তঃ ফলং প্রাপ্নোতি বোত্তমম্ || ২. ১৫. ৬৭||
ঋচশ্চ যো বেদ স বেদ বেদান্যজূংষি যো বেদ যজ্ঞম্ |
সামানি যো বেদ স বেদ ব্রহ্ম যো মানসং বেদ স বেদ সর্বম্ || ২. ১৫. ৬৮||
ইতি শ্রী ব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে শ্রাদ্ধকল্পে ব্রাহ্মণপরীক্ষা নাম পঞ্চদশোঽধ্যায়ঃ || ১৫||
বৃহস্পতিরুবাচ
অতঃ পরং প্রবক্ষ্যামি দানানি চ ফলানি চ |
তারণং সর্বভূতানাং স্বর্গমার্গসুখাবহম্ || ২. ১৬. ১||
লোকে শ্রেষ্ঠতম্ সর্বমাত্মনশ্চৈব যৎপ্রিয়ম্ |
সর্বং পিৎৠণাং দাতব্যং তেষামেবাজ্ঞয়ার্থিনা || ২. ১৬. ২||
জাংবূনদময়ং দিব্যং বিমানং সূর্যসন্নিভম্ |
দিব্যাপ্সরোভিঃ সংপূর্ণমন্নদো লভতেঽক্ষয়ম্ || ২. ১৬. ৩||
সব্যঞ্জনং তু যো দদ্যাদহতং শ্রাদ্ধকর্মণি |
আয়ুঃ প্রাকাশ্যমৈশ্বর্যং রূপং চ লভতে শুভম্ || ২. ১৬. ৪||
যজ্ঞোপবীতং যো দদ্যাচ্ছ্রাদ্ধকালে তু যজ্ঞবিৎ |
পাবনং সর্ব বিপ্রাণাং ব্রহ্মদানস্য তৎফলম্ || ২. ১৬. ৫||
প্লুতং বিপ্রেষু যো দদ্যাচ্ছ্রাদ্ধকালে কমডলুম্ |
মধুক্ষীরাজ্যদধিভির্দাতারমুপতিষ্ঠতে || ২. ১৬. ৬||
চক্রাবিদ্ধং চ যো দদ্যাচ্ছ্রাদ্ধকালে কমণ্ডলুম্ |
ধেনুং সলভতে দিব্যাং পয়োদাং সুখদো হিনীম্ || ২. ১৬. ৭||
তূলপূর্ণে চ যো দদ্যাৎপাদুকে শ্রাদ্ধকর্মণি |
শোভনং লভতে যানং পাদয়োঃ সুখমেধতে || ২. ১৬. ৮||
ব্যচনং তালবৃন্তং চ দত্ত্বা বিপ্রায় সৎকৃতম্ |
প্রাপ্নুয়াৎসর্বপুষ্পাণি সুগন্ধীনি মৃদূনি চ || ২. ১৬. ৯||
শ্রাদ্ধে হ্যুপানহৌ দত্ত্বা ব্রাহ্মণেভ্যঃ সদা বুধঃ |
দিব্যং স লভতে যানং বাজিয়ুক্তং নবং তথা || ২. ১৬. ১০||
শ্রাদ্ধে ছত্রং তু যো দদ্যাৎপুষ্পমালান্বিতং তথা |
প্রাসাদো হ্যুত্তমো ভূৎবা গচ্ছন্তমনুগচ্ছতি || ২. ১৬. ১১||
শরণং রত্নসংপূর্ণং সশয়্যাভোজনং বুধঃ |
শ্রাদ্ধে দত্ত্বা যতিভ্যস্তু নাকপৃষ্ঠে মহীয়তে || ২. ১৬. ১২||
সুক্তাবৈদূর্যবাসাংসি রত্নানি বিবিধানি চ |
বাহনানি চ দিব্যানি প্রয়ুতান্যর্বুদানি চ || ২. ১৬. ১৩||
সুমহদ্ব্যোমগং পুণ্যং সর্বকামসমন্বিতম্ |
চন্দ্রসূর্যনিভং দিব্যং বিমানং লভতেঽক্ষয়ম্ || ২. ১৬. ১৪||
অপ্সরোভিঃ পরিবৃতং কামগং সুমনোজবম্ |
বসেৎস তু বিমানাগ্রে স্তূয়মানঃ সমন্ততঃ || ২. ১৬. ১৫||
দিব্যৈঃপুষ্পৈশ্চিতশ্চাহুর্দানানাং পরমং বুধাঃ |
সুশ্লক্ষ্মানি সুবর্ণানি শ্রাদ্ধে পাত্রাণি দাপয়েৎ || ২. ১৬. ১৬||
রসাস্তমুপতিষ্ঠন্তি ভক্ষ্যং সৌভাগ্যমেব চ |
তিলানিক্ষূংস্তথা শ্রাদ্ধে দ্বিজেভ্যঃ সংপ্রয়চ্ছতি || ২. ১৬. ১৭||
মিত্রাণি লভতে লোকে স্ত্রীষু সৌভাগ্যমেব চ |
যঃ পাত্রং তৈজসং দদ্যান্মনোজ্ঞ শ্রাদ্ধভোজনৈঃ || ২. ১৬. ১৮||
পাত্রং ভবতি কামানা রূপস্য চ ধনস্য চ |
রাজতং কাঞ্চনং বাপি যো দদ্যাচ্ছ্রাদ্ধকর্মণি || ২. ১৬. ১৯||
দানাত্তু লভতে কামান্প্রাকাশ্যং ধনমেব চ |
ধেনুং শ্রাদ্ধে তু যো দদ্যাদ্গৃষ্টিং কুম্ভাপদোহনীম্ || ২. ১৬. ২০||
গাবস্তমুপতিষ্ঠন্তি নরং পুষ্টিস্তথৈব চ |
দদ্যাদ্যঃ শিশিরে চাগ্নিং বহুকাষ্ঠং প্রয়ত্নতঃ || ২. ১৬. ২১||
কায়াগ্নিদীপ্তিং প্রাকাশ্যং সৌভাগ্যং তভতে নরঃ |
ইন্ধনানি তু যো দদ্যা দ্দ্বিজেভ্যঃ শিশিরাগমে || ২. ১৬. ২২||
নিত্যং জয়তি সংগ্রামে শ্রিয়া জুষ্টস্তু জায়তে |
সুরভীণি চ মাল্যানি গন্ধবন্তি তথৈব চ || ২. ১৬. ২৩||
পূজয়িৎবা তু পাত্রেভ্যঃ শ্রাদ্ধে সৎকৃত্য দাপয়েৎ |
গন্ধমাল্যং মহাত্মানং সুখানি বিবিধানি চ || ২. ১৬. ২৪||
দাতারমুপতিষ্ঠন্তি যুবত্যশ্চ পতিব্রতাঃ |
শয়নাসনয়ানানি ভূময়ো বাহনানি চ || ২. ১৬. ২৫||
শ্রাদ্ধেষ্বেতানি যো দদ্যাদশ্বমেধফলং লভেৎ |
শ্রাদ্ধকালে গুণবতি বিপ্রে বৈ সমুপস্থিতে || ২. ১৬. ২৬||
ইষ্টদ্রব্যং চ যো দদ্যাৎস্মৃতিং মেধাং চ বিন্দতি |
সর্পিঃপূর্ণানি পাত্রাণি শ্রাদ্ধে সৎকৃত্য দাপয়েৎ || ২. ১৬. ২৭||
কুম্ভোপদোহগৃষ্টীনাং বহ্বীনাং ফলমশ্নুতে |
শ্রাদ্ধে যথেপ্সিতং দত্ত্বা পুণ্ডরীকফলং লভেৎ || ২. ১৬. ২৮||
বনং পুষ্পফলোপেতং দত্ত্বা গোসবমশ্নুতে |
কূপারামতডাগানি ক্ষেত্রগোষ্ঠগৃহাণি চ || ২. ১৬. ২৯||
দত্ত্বা মোদন্তি তে স্বর্গে নিত্যমাচন্দ্রতারকম্ |
স্বাস্তীর্ণং শয়নং দত্ত্বা শ্রাদ্ধেরত্নবিভূষিতম্ || ২. ১৬. ৩০||
পিতরস্তস্য তুষ্যন্তি স্বর্গলোকং সমশনুতে |
অস্মিংল্লোকে চ সংপন্নং স্যন্দনং চ সুবাহনৈঃ || ২. ১৬. ৩১||
অষ্টাভিঃ পূজ্যতে চাত্র ধনধান্যৈশ্চ বর্দ্ধতে |
পর্ণকৌশেয়পট্টোর্ণে তথা প্রাবারকংবলৌ || ২. ১৬. ৩২||
অজিনং কাঞ্চনং পট্টং প্রবেণীং মৃগলোমকম্ |
দদ্যাদেতানি বিপ্রাণাং ভোজয়িৎবা যথাবিধি || ২. ১৬. ৩৩||
প্রাপ্নোতি শ্রদ্ধধানস্তু বাজপেয়ফলং নরঃ |
বহুভার্যাঃ সুরূপাশ্চ পুত্রা ভৃত্যাশ্চ কিঙ্করাঃ || ২. ১৬. ৩৪||
বশে তিষ্ঠন্তি ভূতানি লোকে চাস্মিন্নিরাময়ম্ |
কৌশেয়ং ক্ষৌমকার্পাসং দুকূলং গহনং তথা || ২. ১৬. ৩৫||
শ্রাদ্ধে চৈতানি যো দদ্যাৎকামানাপ্নোত্যনুত্তমান্ |
অলক্ষ্মীং নাশয়ন্ত্যেতে তমঃ সূর্যোদয়ো যথা || ২. ১৬. ৩৬||
ভ্রাজতে য বিমানাগ্রে নক্ষত্রেষ্বিব চন্দ্রমাঃ |
বাসো হি সর্বদৈবত্যে সর্বদেবৈরভিষ্টুতম্ || ২. ১৬. ৩৭||
বস্ত্রাভাবে ক্রিয়া নাস্তি য৫দানতপাংসি চ |
তস্মাদ্বস্ত্রাণি দেয়ানি শ্রাদ্ধকালে তু নিত্যশঃ || ২. ১৬. ৩৮||
তানি সর্বাণ্যবাপ্নোতি শ্রাদ্ধে দত্ত্বা তু মানবঃ |
নিত্যশ্রাদ্ধে তু যো দদ্যাৎপ্রয়তস্তৎপরায়ণঃ || ২. ১৬. ৩৯||
সর্বকামানবাপ্নোতি রাজ্যং স্বগে তথব চ |
সর্বকামসমৃদ্ধস্য যজ্ঞস্য ফলমশ্নুতে || ২. ১৬. ৪০||
ভক্ষ্যজাতং তু সুকৃতং স্বস্তিকাদ্যং সশর্করম্ |
কৃসর মধুসর্পিশ্চ পয়ঃ পায়সমেব চ || ২. ১৬. ৪১||
স্নিগ্ধপ্রায়াশ্চ যো দদ্যাদগ্নিষ্টোমফলং লভেৎ |
দধিগব্যমসংসৃষ্টং ভক্ষ্যান্নানাবিধাংস্তথা || ২. ১৬. ৪২||
দত্ত্বা ন শোচতে শ্রাদ্ধে বর্ষাসু চ মঘাসু চ |
ঘৃতেন ভোজয়েদ্বিপ্রান্ঘৃতং ভূমৌ সমুৎসৃজোৎ || ২. ১৬. ৪৩||
ছায়ায়াং হস্তিনশ্চৈব দত্ত্বা শ্রাদ্ধেন শোচতে |
ওদনং পায়সং সর্পির্মধুমূলফলানি চ || ২. ১৬. ৪৪||
ভক্ষ্যাংশ্চ বিবিধান্দত্ত্বা পরত্রেহ চ মোদতে |
শর্করাক্ষীরসংযুক্তাঃ পৃথুকা নিত্যমক্ষয়াঃ || ২. ১৬. ৪৫||
স্যাত্তু সংবৎসরং প্রীতিঃ শাকৈর্মাংসরসেন চ |
সক্তুলাজাস্তথাপূপাঃ কুল্মাষা ব্যঞ্জনৈঃ সহ || ২. ১৬. ৪৬||
সর্পিঃস্নিগ্ধানি সর্বাণি দধ্না সংস্কৃত্য ভোজয়েৎ |
শ্রাদ্ধেষ্বেতানি যো দদ্যাৎপদ্মং স লভতে নিধিম্ || ২. ১৬. ৪৭||
নবসস্যানিয়ো দদ্যাচ্ছ্রাদ্ধে সৎকৃত্য যত্নতঃ |
সর্বভোগানবাপ্নোতি পূজ্যতে চ দিবং গতঃ || ২. ১৬. ৪৮||
ভক্ষ্যভোজ্যানি পেয়ানি চোষ্যলেঙ্যবরাণি চ |
ভোজনাগ্রাসনং দত্ত্বা অতিথিভ্যঃ কৃতাঞ্জলিঃ || ২. ১৬. ৪৯||
সর্বয়জ্ঞক্রতূনাং হি ফলং প্রাপ্নোত্যনুত্তমম্ |
ক্ষিপ্রমত্যুষ্ণমক্লিষ্টং দদ্যাদন্নং বুভুক্ষতে || ২. ১৬. ৫০||
সব্যঞ্জনং তথা স্নিগ্ধং ভক্ত্যা সৎকৃত্য যত্নতঃ |
তরুণাদিত্যসংকাশং বিমানং হংসবাহনম্ || ২. ১৬. ৫১||
অন্নদো লভতে নিত্যং কন্যাকোটীস্তথৈব চ |
অন্নদানাৎপরং দানং নান্যৎকিঞ্চিত্তু বিদ্যতে || ২. ১৬. ৫২||
অন্নাদ্ভূতানি জায়ন্তে জীবন্তি প্রভবন্তি চ |
জীবদানাৎপরং দানং নান্যৎকিঞ্চন বিদ্যতে || ২. ১৬. ৫৩||
অন্নাল্লোকাঃ প্রতিষ্ঠন্তি লোকদানস্য তৎফলম্ |
অন্নং প্রজাপতিঃ সাক্ষাত্তে ন সর্বমিদং ততম্ || ২. ১৬. ৫৪||
তস্মাদন্নসমং দানং ন ভূতং ন ভবিষ্যতি |
যানি রত্নানি মেদিন্যাং বাহনানি স্ত্রিয়স্তথা || ২. ১৬. ৫৫||
ক্ষিপ্রং প্রাপ্নোতি তৎসর্বং পিতৃভক্তস্তু যো নরঃ |
প্রতিশ্রয়ং চ যো দদ্যাদতিথিব্যঃ কৃতাঞ্জলিঃ || ২. ১৬. ৫৬||
দেবাস্তং সংপ্রতীচ্ছন্তি দিব্যাতিথ্যৈঃ সহস্রশঃ |
সর্বাণ্যেতানি যো দদ্যাৎপৃথিব্যামেকরাড্ভবেৎ || ২. ১৬. ৫৭||
ত্রিভির্দ্বাভ্যামথৈকেন দানেন তু সুখী ভদেৎ |
দানানি পরমো ধর্মঃ সদ্ভিঃ সৎকৃত্য পূজিতঃ || ২. ১৬. ৫৮||
ত্রৈলোক্যস্যা ধিপত্যং হি দানেনৈব ধ্রুবং স্থিতম্ |
অরাজা লভতে রাজ্যমধনশ্চোত্তমং ধনম্ |
ক্ষীণায়ুর্লভতে চায়ুঃ পিতৃভক্তঃ সদা নরঃ || ২. ১৬. ৫৯||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে শ্রাদ্ধকল্পে দানপ্রশংসা নাম ষোডশোঽধ্যায়ঃ || ১৬||
বৃহস্পতিরুবাচ
অত ঊর্দ্ধ্বং প্রবক্ষ্যামি শ্রাদ্ধকর্মণি পূজিতম্ |
কাম্যং নৈমিত্তিকাজস্রং শ্রাদ্ধকর্মণি নিত্যশঃ || ২. ১৭. ১||
পুত্রদারনিমিত্তাঃ স্যুরষ্টকাস্তিস্ন এব তু |
কৃষ্ণপক্ষে বরিষ্ঠা হি পূর্বাখণ্ডলদেবতা || ২. ১৭. ২||
প্রাজাপত্যা দ্বিতীয়া স্যাত্তৃতীয়া বৈশ্বদেবিকা |
আদ্যাপূপৈঃ সদাকার্যা মাংসৈরন্যা সদা ভবেৎ || ২. ১৭. ৩||
শাকৈঃ কার্যা তৃতীয়া স্যাদেবং দ্রব্যগতো বিধিঃ |
অত্রাপীষ্টং পিৎৠণাং বৈ নিত্যমেব বিধীয়তে || ২. ১৭. ৪||
যা চাপ্যন্যা চতুর্থী স্যাত্তাং চ কুর্যাদ্বিশেষতঃ |
আসু শ্রাদ্ধং বুধঃ কুর্বন্সর্বস্বেনাপি নিত্যশঃ || ২. ১৭. ৫||
ক্ষিপ্রমাপ্নোতি হি শ্রেয়ঃ পরত্রেহ চ মোদতে |
পিতরঃ পর্বকালেষু তিথিকালেষু দেবতাঃ || ২. ১৭. ৬||
সর্বেষু পুরুষা যান্তি নিপাতমিব ধেনবঃ |
মাসাংতে প্রতিগচ্ছেয়ুরষ্টকাসু হ্যপূজিতাঃ || ২. ১৭. ৭||
মোঘাস্তস্য ভবন্ত্যাশাঃ পরত্রেহ চ সর্বশঃ |
পূজকানাং সমুৎকর্ষো নাস্তিকানামধোগতিঃ || ২. ১৭. ৮||
দেবাস্তু দায়িনো যান্তি তির্যগ্গচ্ছন্ত্যদায়িনঃ |
পুষ্টিং প্রজাং স্মৃতিং মেধাং পুত্রানৈশ্বর্যমেব চ || ২. ১৭. ৯||
কুর্বাণঃ পূজনং চাসু সর্বং পূর্ণং সমশ্নুতে |
প্রতিপদ্ধনলাভায় লব্ধং চাস্য ন নশ্যতি || ২. ১৭. ১০||
দ্বিতীয়ায়াং তু যঃ কুর্যাদ্দ্বিপদাধিংপতির্ ভবেৎ |
বরার্থিনাং তৃতীয়া তু শত্রুঘ্নী পাপনাশিনী || ২. ১৭. ১১||
চতুর্থ্যাং তু প্রকুর্বাণঃ শত্রুচ্ছিদ্রাণি পশ্যতি |
পঞ্চম্যাং চাপিকুর্বাণঃ প্রাপ্নোতি মহতীং শ্রিয়ম্ || ২. ১৭. ১২||
ষষ্ঠ্যাং শ্রাদ্ধানি কুর্বাণঃ সংপূজ্যঃ স্যাৎপ্রয়ত্নতঃ |
কুরুতে যস্তু সপ্তম্যাং শ্রাদ্ধানি সততং নরঃ || ২. ১৭. ১৩||
মহীশৎবমবাপ্নোতি গণানাং চাধিপো ভবেৎ |
সংপূর্ণামৃদ্ধিমাপ্নোতি যোঽষ্টম্যাং কুরুতে নরঃ || ২. ১৭. ১৪||
শ্রাদ্ধং নবম্যাং কর্ত্তব্যমৈশ্বর্যং স্ত্রীশ্চ কাঙ্ক্ষতা |
কুর্বন্দশম্যাং তু নরো ব্রাহ্মীং শ্রিয়মবাপ্নুয়াৎ || ২. ১৭. ১৫||
বেদাংশ্চৈবাপ্নুয়াৎসর্বান্বিপ্রাণাং সমতাং ব্রজেৎ |
একাদশ্যাং পরং দানমৈশ্বর্য সততং তথা || ২. ১৭. ১৬||
দ্বাদশ্যাং জয়লাভং চ রাজ্যমায়ুর্বসূনি চ |
প্রজাবৃদ্ধিং পশূন্মেধাং স্বাতন্ত্র্যং পুষ্টিমুত্তমাম্ || ২. ১৭. ১৭||
দীর্ঘমায়ুরথৈশ্বর্যং কুর্বাণস্তু ত্রয়োদশীম্ |
যুবানশ্চ গৃহে যস্য মৃতাস্তেভ্যঃ প্রদাপয়েৎ || ২. ১৭. ১৮||
শস্ত্রেণ বা হতা যে চ তেষাং দদ্যাচ্চতুর্দশীম্ |
অমাবাস্যাং প্রয়ত্নেন শ্রাদ্ধং কুর্যাৎসদা শুচিঃ || ২. ১৭. ১৯||
সর্বকামানবাপ্নোতি স্বর্গং চানন্তমশ্নুতে |
তথাবিষমজাতানাং যমলানাং চ সর্বশঃ || ২. ১৭. ২০||
শ্রাদ্ধং দদ্যাদমাবাস্যাং সর্বকামানবাপ্নুয়াৎ |
মঘাসু কুর্বঞ্ছ্রাদ্ধানি সর্বকামানবাপ্নুয়াৎ || ২. ১৭. ২১||
প্রত্যক্ষমর্চিতাস্তেন ভবন্তি পিতরস্তদা |
পিতৃদবা মঘা যস্মাত্তস্মাত্তাস্বক্ষয়ং স্মৃতম্ || ২. ১৭. ২২||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে শ্রাদ্ধকল্পে তিথিশ্রাদ্ধবর্ণনং নাম সপ্তদশোঽধ্যায়ঃ || ১৭||
বৃহস্পতিরুবাচ
যমস্তু যানি শ্রাদ্ধানি প্রোবাচ শশবিন্দবে |
তানি মে শৃণু কার্যাণি নক্ষত্রেষু পৃথক্ পৃথক্ || ২. ১৮. ১||
শ্রাদ্ধং যঃ কৃত্তিকায়োগং কুরুতে সততং নরঃ |
অগ্নীনাধায় স স্বর্গে রাজতে সুদৃঢব্রতঃ || ২. ১৮. ২||
অপত্যকামো রোহিণ্যাং সৌম্যে তেজস্বিনা ভবেৎ |
প্রায়শঃ ক্রূরকর্মাণি আর্দ্রায়াং শ্রাদ্ধমাচরন্ || ২. ১৮. ৩||
ক্ষেত্রভাগী ভবেৎপুত্রী শ্রাদ্ধং কৃৎবা পুনর্বসৌ |
পুষ্টিকামঃ পুনস্তিষ্যে শ্রাদ্ধং কুর্বীত মানবঃ || ২. ১৮. ৪||
আশ্লেষাসু পিৎৠনর্চন্বীরান্পুত্রানবাপ্নুয়াৎ |
জাতীনাং ভবতি শ্রেষ্ঠো মঘাসু শ্রাদ্ধমাচরন্ || ২. ১৮. ৫||
ফাল্গুনীষু পিৎৠনর্চন্সৌভাগ্যং লভতে নরঃ |
প্রদানশীলঃ সাপত্য উত্তরাসু করোতি যঃ || ২. ১৮. ৬||
সংসৎসু মুখ্যো ভবতি হস্তেঽভ্যর্চ্য পিৎৠনপি |
চিত্রায়াং চৈব যঃ কুর্যাৎপশ্যেদ্রূপবতঃ সুতান্ || ২. ১৮. ৭||
স্বাতিনা চৈব যঃ কুর্যাদ্বাণিজ্যে লাভমাপ্নুয়াৎ |
পুত্রার্থী তু বিশাখাসু শ্রাদ্ধমীহেত মালবঃ || ২. ১৮. ৮||
অনুরাধাসু কুর্বাণো নরশ্চক্রং প্রবর্ত্তয়েৎ |
আধিপত্যং ভবেচ্ছ্রেষ্ঠং জ্যেষ্ঠায়াং সততং তু যঃ || ২. ১৮. ৯||
মূলেনারোগ্যমিচ্ছন্তি হ্যাষাঢাসু মহদ্যশঃ |
উত্তরাসু তু কুর্বাণো বীতশোকো ভবেন্নরঃ || ২. ১৮. ১০||
শ্রবণেন তু লোকেষু প্রাপ্নুয়াৎপরমাং গতিম্ |
রাজ্যভাগী ধনিষ্ঠাসু প্রাপ্নুয়া দ্বিপুলং ধনম্ || ২. ১৮. ১১||
শ্রাদ্ধনির্জিতলোকশ্চ বেদান্ সাংগানবাপ্নুয়াৎ |
নক্ষত্রৈর্বারুণৈঃ কুর্বন্ভিষক্সিদ্ধিমবাপ্নুয়াৎ || ২. ১৮. ১২||
পূর্বপ্রৌষ্ঠ পদে কুর্বন্বিন্দেতাজীবিকান্বহূন্ |
উত্তরাস্বনতিক্রম্য বিন্দেদ্গা বৈ সহস্রশঃ || ২. ১৮. ১৩||
বহুকুপ্যকৃতং দ্রব্যং বিন্দেৎকুর্বন্সুরেবতীম্ |
অশ্বানশ্বয়ুজা ভক্তো ভরণ্যাং সাধুসত্তমঃ || ২. ১৮. ১৪||
ইমং শ্রাদ্ধবিধিং কুর্বঞ্ছশবিন্দুর্মহীমিমাম্ |
কৃৎস্নাং বলেন সোঽক্লিষ্ঠো লভ্ধ্বা চ প্রশশাস হ || ২. ১৮. ১৫||
ইতি শ্রী ব্রহামাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে শ্রাদ্ধকল্পে নক্ষত্রশ্রাদ্ধং নাম অষ্টাদশোঽধ্যায়ঃ || ১৮||
শংযুরুবাচ
কিং স্বিদ্দত্তং পিৎৠণাং তু তৃপ্তিদং বদতাং বর |
কিংস্বিৎস্যাচ্চিররাত্রায় কিং বানন্ত্যায় কল্পতে || ২. ১৯. ১||
বৃহস্পতিরুবাচ
হবীষি শ্রাদ্ধকল্পে তু যানি শ্রাদ্ধবিদো বিদুঃ |
তানি মে শৃণু সর্বাণি ফলং চৈষাং যথাতথম্ || ২. ১৯. ২||
তিলৈর্ব্রীহিয়বৈমাষৈরদ্ভির্মূলফলৈস্তথা |
দত্তেন মাসং প্রীয়ন্তে শ্রাদ্ধেন হি পিতামহাঃ || ২. ১৯. ৩||
মৎস্যৈঃ প্রীণন্তি দ্বৌ মাসৌ ত্রীন্মাসান্হারিণেন তু |
শাশেন চতুরো মাসান্পঞ্চ প্রীণাতি শাকুনৈঃ || ২. ১৯. ৪||
বারাহেণ তু ষণ্মাসাঞ্ছাগলং সপ্তমাসিকম্ |
অষ্টমাসিকমিত্যুক্তং যচ্চ পার্বতকং ভবেৎ || ২. ১৯. ৫||
রৌরবেণ তু প্রীয়ন্তে নব মাসান্পিতামহাঃ |
গবয়স্য তু মাংসেন তৃপ্তিঃ স্যাদ্দশমাসিকী || ২. ১৯. ৬||
ঔরভ্রেণ চ মাংসেন মাসানেকাদশৈব তু |
শ্রাদ্ধে চ তৃপ্তিদং গব্যং পয়ঃ সংবৎসরং দ্বিজাঃ || ২. ১৯. ৭||
আনন্ত্যায় ভবেত্তদ্বৎখড্গমাংসং পিতৃক্ষয়ে |
পায়সং মধুসর্পির্ভ্যাং ছায়ায়াং কুঞ্জরস্য চ || ২. ১৯. ৮||
কৃষ্ণচ্ছাগস্য মাসেন তৃপ্তির্ভবতি শাশ্বতী |
অত্র গাথাঃ পিতৃগীতাঃ কীর্তয়ন্তি পুরাবিদঃ || ২. ১৯. ৯||
তাস্তেঽহং কীর্ত্তয়িষ্যামি যথাবৎসন্নিবোধ মে |
অপি নঃ স কুলে যায়াদ্যো নো দদ্যাৎ ত্রয়োদশীম্ || ২. ১৯. ১০||
আজেন সর্বলোহেন বর্ষাসু চ মঘাসু চ |
এষ্টব্যা বহবঃ পুত্রা যদ্যেকোঽপি গয়াং ব্রজেৎ |
গৌরীং বাপ্যুদ্বহেদ্ভার্যাং নালং বা বৃষমুৎসৃজেৎ || ২. ১৯. ১১||
শংযুরুবাচ
গয়াদীনাং ফলং তাত ব্রূহি মে পরিপৃচ্ছতঃ |
দাৎৠণাং চৈব যৎপুণ্যং নিখিলেন প্রবীহি মে || ২. ১৯. ১২||
বৃহস্পতিরুবাচ
গয়ায়ামক্ষয়ং শ্রাদ্ধঞ্জপহোমতপাংসি চ |
পিতৃক্ষয়ে হি তৎপুত্র তস্মাত্তত্রাক্ষয়ং স্মৃতম্ || ২. ১৯. ১৩||
পূর্ণায়ামেকবিংশং তু গৌর্যামুৎপাদিতঃ সুতঃ |
মহামহাংশ্চ জুহুয়াদিতি তস্য ফলং স্মৃতম্ |
ফলং বৃষস্য বক্ষ্যামি গদতো মে নিবোধত || ২. ১৯. ১৪||
বৃষোৎস্রষ্টা পুনাত্যেব দশাতীতান্দশাবরান্ || ২. ১৯. ১৫||
যৎকিঞ্চিৎস্পৃশতে তোয়মবতীর্ণো নদীজলে |
বৃষোৎসর্গ্গৎপিৎৠণাং তু হ্যক্ষয়ং সমুদাহৃতম্ || ২. ১৯. ১৬||
যেনয়েন স্পৃশেত্তোয়ং লাঙ্গূলাদিভিরঙ্গশঃ |
সর্বং তদক্ষয়ং তস্য পিৎৠণাং নাত্র সংশয়ঃ || ২. ১৯. ১৭||
শৃঙ্গৈঃ খুরৈর্বা ভূমিং যামুল্লিখত্যনিশং বৃষঃ |
মধুকুল্যাঃ পিৎৠংস্তস্য হ্যক্ষয়াশ্চ ভবন্তি বৈ || ২. ১৯. ১৮||
সহস্রনল্বমাত্রেণ তডাগেন যথাস্রুতিঃ |
তৃপ্তিস্তু যা পিৎৠণাং বৈ সা বৃষেণেহ কল্পতে || ২. ১৯. ১৯||
যো দদাতি গুডোন্মিশ্রতিলানি শ্রাদ্ধকর্মণি |
মধু বামধুমিশ্রং বা সর্বমেবাক্ষয়ং ভবেৎ || ২. ১৯. ২০||
ন ব্রাহ্মণং পরিক্ষেত সদা দেয়ং হি মানবৈঃ |
দৈবেকর্মণি পিত্র্যে চ শ্রূয়তে বৈ পরীক্ষণম্ || ২. ১৯. ২১||
সর্ববেদব্রতস্নাতাঃ পঙ্ক্তীনাং পাবনা দ্বিজাঃ |
যে চ ভাষাবিদঃ কেচিদ্যে চ ব্যাকরণে রতাঃ || ২. ১৯. ২২||
অধীয়তে পুরাণং বৈ ধর্মশাস্ত্রমথাপি চ |
ত্রিণাচিকেতঃ পঞ্চাগ্নিঃ স সৌপর্ণঃ ষডঙ্গবিৎ || ২. ১৯. ২৩||
ব্রহ্মদেবসুতশ্চৈব চ্ছন্দোগো জ্যেষ্ঠসামগঃ |
পুণ্যেষু যশ্চ তীর্থেষু কৃতস্নানঃ কৃতব্রতঃ || ২. ১৯. ২৪||
মখেষু যে চ সর্বেষু ভবন্ত্যবভৃথাপ্লুতাঃ |
যে চ সত্যব্রতা নিত্যং স্বধর্মনিরতাশ্চ যে || ২. ১৯. ২৫||
অক্রোধনা লোভপরাস্তাঞ্ছ্রাদ্ধেষু নিমন্ত্রয়েৎ |
এতেভ্যো দত্তমক্ষয়্যমেতে বৈ পঙ্ক্তিপাবনাঃ || ২. ১৯. ২৬||
শ্রাদ্ধীয়া ব্রহ্মণা যে তু যোগব্রতসুনিষ্ঠিতাঃ |
ত্রয়োঽপি পূজিতাস্তেন ব্রহ্মবিষ্ণুমহেশ্বরাঃ || ২. ১৯. ২৭||
পিতৃভিঃ সহ লোকাশ্চ যো হ্যেতান্পূজয়েন্নরঃ |
পবিত্রাণাং পবিত্রং চ মঙ্গলানাং চ মঙ্গলম্ || ২. ১৯. ২৮||
প্রথমঃ সর্বধর্মাণাং যোগধর্মো নিগদ্যতে |
অপাঙ্ক্তেয়ান্প্রবক্ষ্যমি গদতো মে নিবোধত || ২. ১৯. ২৯||
কিতবো মদ্যপো যশ্চ পশুপালো নিরাকৃতঃ |
গ্রামপ্রেষ্যো বার্ধুষিকো হ্যাপণো বণিজস্তথা || ২. ১৯. ৩০||
অগার দাহী গরদো বৃষলো গ্রাময়াজকঃ |
কাণ্ডপৃষ্ঠোঽথ কুণ্ডাশী মধুপঃ সোমবিক্রয়ী || ২. ১৯. ৩১||
সমুদ্রান্তরিতো ভৃত্যঃ পিশুনঃ কূটসাক্ষিকঃ |
পিত্রা বিবদমানশ্চ যস্য চোপপতির্গৃহে || ২. ১৯. ৩২||
অভিশস্তস্তথা স্তেনঃ শিল্পং যশ্চোপজীবতি |
স্তবকঃ সূপকারশ্চ যশ্চ মিত্রাণি নিন্দতি || ২. ১৯. ৩৩||
কাণশ্চ খঞ্জকশ্চৈব নাস্তিকো বেদবর্জিতঃ |
উন্মত্তোঽপ্যথ ষণ্ঢশ্চ ভ্রূণহা গুরুতল্পগঃ || ২. ১৯. ৩৪||
ভিষগ্জীবী প্রাশনিকঃ পরস্ত্রীং যশ্চ সেবতে |
বিক্রীণাতি চ যো ব্রহ্মব্রতানি নিয়মাংস্তথা || ২. ১৯. ৩৫||
নষ্টং স্যান্নাস্তিকে দত্তং ব্রতঘ্নে চাপবর্জিতম্ |
যচ্চবাণিজকে দত্তং নেহ নামুত্র সংভবেৎ || ২. ১৯. ৩৬||
নিক্ষেপহারকে চৈব কৃতঘ্নে বিদবর্জিতে |
তথা পাণবিকে বৈ চ কারুকে ধর্মবর্জিতে || ২. ১৯. ৩৭||
ক্রীণাতি যো হ্যপণ্যানি বিক্রীণাতি প্রশংসতি |
অন্যত্রাস্য সমাধানং ন বণিকূছ্রাদ্ধমর্হতি || ২. ১৯. ৩৮||
ভস্মনীব হুতং হব্যং দত্তং পৌনর্ভবে দ্বিজঃ |
ষষ্টিং কাণঃ শতং ষণ্ঢঃ শ্বিত্রী পঞ্চশতান্যপি || ২. ১৯. ৩৯||
পাপরোগী সহস্রং বৈ দাতুর্নাশয়তে ফলম্ |
ভ্রশ্যেদ্ধি স ফলাত্তস্মাৎপ্রদাতা যস্তু বালিশঃ || ২. ১৯. ৪০||
যদ্বিষ্টিতশিরা ভুঙ্ক্তে যদ্ভুঙ্ক্তে দক্ষিণামুখঃ |
সোপানৎকশ্চ যদ্ভুঙ্ক্তে যচ্চ দত্তমসৎকৃতম্ || ২. ১৯. ৪১||
সর্বং তদসুরেদ্রায় ব্রহ্মা ভাগমকল্পয়ৎ |
শ্বা চৈব ব্রহ্মহা চৈব নাবেক্ষেত কথঞ্চন || ২. ১৯. ৪২||
তস্মাৎপরিবৃতৈর্দদ্যাত্তিলৈশ্চান্নং বিকীর্য চ |
রাক্ষসানাং তিলাঃ প্রোক্তাঃ শুনাং পরিবৃতাস্তথা || ২. ১৯. ৪৩||
দর্শনাৎসূকরো হন্তি পক্ষবাতেন কুক্কুটঃ |
রজস্বলায়াঃ স্পর্শেন ক্রুদ্ধোয়শ্চ প্রয়চ্ছতি || ২. ১৯. ৪৪||
নদীতীরেষু রম্যেষু সরিৎসু চ সরস্সু চ |
বিবিক্তেষু চ প্রীয়ন্তে দত্তেনেহ পিতামহাঃ || ২. ১৯. ৪৫||
নাসব্যংপাতয়েজ্জানু ন যুক্তো বাচমীরয়েৎ |
তস্মাৎপরিবৃতেনেহ বিধিবদ্দর্ভপাণিনা || ২. ১৯. ৪৬||
পিত্রোরারাধনং কার্যমেবং প্রীণয়তে পিৎৠন্ |
অনুমান্য দ্বিজান্পূর্বমর্গৌং কুর্যাদ্যথাবিধি || ২. ১৯. ৪৭||
পিৎৠণাং নির্বপেদ্ভূমৌ সূর্যে বা দর্ভসংস্তরে |
শুক্লপক্ষে চ পূর্বাঙ্ণে শ্রাদ্ধং কুর্যাদ্যথাবিধি || ২. ১৯. ৪৮||
কৃষ্ণপক্ষেঽপরঙ্ণে তু রৌহিণং বৈ ন লঙ্ঘয়েৎ |
এবমেতে মহাত্মানো মহায়োগা মহৌজসঃ || ২. ১৯. ৪৯||
সদা বৈ পিতরঃ পূজ্যাঃ সং প্রাপ্তৌ দেশকালয়োঃ |
পিতৃভক্ত্যৈব তু নরো যোগং প্রাপ্নোতি দুর্ল্লভম্ || ২. ১৯. ৫০||
ধ্যানেন মোক্ষং গচ্ছেদ্ধি হিৎবা কর্ম শুভাশুভম্ |
যজ্ঞহেতোস্তদুদ্ধৃত্য মোহয়িৎবা জগত্তথা || ২. ১৯. ৫১||
গুহায়াং নিহিতং ব্রহ্ম কশ্যপেন মহাত্মনা |
অমৃতং গুহ্যমুদ্ধৃত্য যোগে যোগবিদাং বরাঃ || ২. ১৯. ৫২||
প্রোক্তঃ সনৎকুমারেণ মহাতো ব্রহ্মণঃ পদম্ |
দেবানাং পরমং গুহ্যমৃষীণাং চ পরায়ণম্ || ২. ১৯. ৫৩||
পিতৃভক্ত্যা প্রয়ত্নেন প্রাপ্য তে তন্মনীষিভিঃ |
পিতৃভক্তঃ সমাসেন পিতৃপূর্বপরশ্চ যঃ || ২. ১৯. ৫৪||
অয়ত্নাৎপ্রাপ্নুয়াদেব সর্বমেতন্ন সংশয়ঃ || ২. ১৯. ৫৫||
বৃহস্পতিরুবাচ
যস্মৈশ্রাদ্ধানি দেয়ানি যচ্চ দত্তং মহৎফলম্ |
যেষু চাপ্যক্ষয়ং শ্রাদ্ধং তীর্থেষু চ গুহাসু চ || ২. ১৯. ৫৬||
যেষু স্বর্গমবাপ্নোতি তত্তে প্রোক্তং সসংগ্রহম্ |
শ্রুৎবেমং শ্রাদ্ধকল্পং চ ন কুর্যাদ্যস্তু মানবঃ || ২. ১৯. ৫৭||
স মজ্জেন্নরকে ঘোরে নাস্তিকস্তমসাবৃতে |
পরিবাদো ন কর্ত্তব্যো যোগিনাং তু বিশেষতঃ || ২. ১৯. ৫৮||
পরিবাদাৎক্রিমির্ভূৎবা তত্রৈব পরিবর্ত্ততে |
যোগান্পরিবদেদ্যস্তু ধ্যানিনো মোক্ষকাঙ্ক্ষিণঃ || ২. ১৯. ৫৯||
স গচ্ছেন্নরকং ঘোরং শ্রোতাপ্যস্য ন সংশয়ঃ |
আবৃতং তমসঃ সর্বং নরকং ঘোরদর্শনম্ |
যোগীশ্বরপরীবাদান্ন স্বর্গং যাতি মানবঃ || ২. ১৯. ৬০||
যোগেশ্বরাণামা ক্রোশং শৃণুয়াদ্যো যতাত্মনাম্ |
সহি কালং চিরং মজ্জেন্নরকে নাত্র সংশয়ঃ |
কুংভীপাকেষু পচ্যন্তে জিহ্বাচ্ছেদে পুনঃ পুনঃ || ২. ১৯. ৬১||
সমুদ্রে চ যথা লোষটস্তদ্বৎসীদন্তি তে নরাঃ |
মনসা কর্মণা বাচা দ্বেষং যোগেষু বর্জয়েৎ |
প্রোত্যানন্তং ফলং ভুঙ্ক্ত ইহ বাপি ন সংশয়ঃ || ২. ১৯. ৬২||
ন পারগো বিন্দতি পরমাত্মনস্ত্রিলোকমধ্যে চরতি স্বকর্মমিঃ |
ঋচো যজুঃ সাম তদঙ্গপারগেঽবিকারমেতং হ্যনবাপ্য সীদতি || ২. ১৯. ৬৩||
বিকারপারং প্রকৃতেশ্চ পারগস্ত্রয়ীগুণানা ত্রিগুণস্য পারগঃ |
যঃ স্যাচ্চতুর্বিশতিতত্ত্বপারগঃ স পারগো নাধ্যয়নস্য পারগঃ || ২. ১৯. ৬৪||
কৃৎস্নং যথাবৎসমুপৈতি তৎপরস্তথৈব ভূয়ঃ প্রলয়ৎবমাত্মনঃ |
প্রত্যাহরেদ্যোগপথং ন যো দ্বিজো ন সর্বপার ক্রমপারগোচরঃ || ২. ১৯. ৬৫||
বেদস্য বেদিতব্যং চ বেদ্যং বিন্দতি যোগবিৎ |
তং বৈ বেদবিদঃ প্রাহুস্তমাহুর্বেদপারগম্ || ২. ১৯. ৬৬||
বেদং চ বেদিতব্যং চ বিদিৎবা বৈ যথাস্থিতঃ |
এবং বেদবিদঃ প্রাহুরন্যং বৈ বেদপারগম্ || ২. ১৯. ৬৭||
যজ্ঞান্বেদাংস্তথা কামাংস্তপাংসি বিবিধানি চ |
প্রাপ্নোত্যায়ুঃ প্রজাশ্চৈব পিতৃভক্তো ন সশয়ঃ || ২. ১৯. ৬৮||
শ্রদ্ধয়া শ্রাদ্ধকল্পং তু যস্ত্বিমং নিয়তঃ পঠেৎ |
সর্বাণ্যেতানি বাপ্নোতি তীর্থদানফলানি চ || ২. ১৯. ৬৯||
স পঙ্ক্তিপাবনশ্চৈব দ্বিজানামগ্রভুগ্ভবেৎ |
আশ্রাব্য চ দ্বিজান্সোঽথ সর্বকামানবাপ্নুয়াৎ || ২. ১৯. ৭০||
যশ্চৈতচ্ছৃণুয়ান্নিত্যম ন্যাংশ্চ শ্রাবয়েদ্দ্বিজঃ |
অনসূয়ুর্জিতক্রোধো লোভমোহবিবর্জিতঃ || ২. ১৯. ৭১||
তীর্থাদীনাং ফলং প্রাপ্য দানাদীনাং চ সর্বশঃ |
মোক্ষোপায়ং লভেচ্ছ্রেষ্ঠং স্বর্গোপায়ং ন সংশয়ঃ |
ইহ চাপি পরা পুষ্ঠিস্তস্মাৎকুর্বীত নিত্যশঃ || ২. ১৯. ৭২||
ইমং বিধিং যো হি পঠেদতন্দ্রিতঃ সমাহিতঃ সংসদি পর্বসংধিষু |
অপত্যভাগী চ পরেণ তেজসা দিবৌকসাং স ব্রজতে সলোকতাম্ || ২. ১৯. ৭৩||
যেন প্রোক্তস্ত্বয়ং কল্পো নমস্তস্মৈ স্বয়ংভুবে |
মহায়োগেশ্বরেভ্যশ্চ সদা চ প্রণতোঽস্ম্যহম্ || ২. ১৯. ৭৪||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে শ্রাদ্ধকল্পে ব্রহ্মণপরীক্ষা নাম একোনবিংশোঽধ্যায়ঃ || ১৯||
বৃহস্পতিরুবাচ
ইত্যেতে পিতরো দেবা দেবানামপি দেবতাঃ |
সপ্তস্বেতে স্থিতা নিত্যং স্থানেষু পিতরোঽব্যয়াঃ || ২. ২০. ১||
প্রজাপতিসুতা হ্যেতে সর্বেষাং তু মহাত্মনাম্ |
আদ্যো গণস্তু যোগানামনুয়োগবিবর্দ্ধনঃ || ২. ২০. ২||
দ্বিতীয়ো দেবতানাং তু তৃতীয়ো দানবাদিনাম্ |
শেষাস্তু বর্ণিংনাং জ্ঞেয়া ইতি সর্বে প্রকীর্ত্তিতাঃ || ২. ২০. ৩||
দেবাস্ছৈতান্যজন্তে বৈ সর্বজ্ঞানেষ্ববস্থিতান্ |
আশ্রমশ্চ যজন্ত্যেনাংশ্চৎবারস্তু যথাক্রমম্ || ২. ২০. ৪||
সর্বে বর্ণা যজন্ত্যেনাংশ্চৎবারস্তু যথাগমম্ |
তথা সংকরজাত্যশ্চ ম্লেচ্ছাশ্চাপি যজন্তি বৈ || ২. ২০. ৫||
পিতৃংস্তু যো যজেদ্ভক্ত্যা পিতরঃ প্রীণয়ন্তি তে |
পিতরঃ পুষ্টিকামস্য প্রজাকামস্য বা পুনঃ || ২. ২০. ৬||
পুষ্টিং প্রজাং তু স্বর্গং চ প্রয়চ্ছন্তি পিতামহাঃ |
দেবকার্যাদপি তথা পিতৃকার্যং বিশিষ্যতে || ২. ২০. ৭||
দেবতানাং হি পিতরঃ পূর্বমাপ্যায়নং স্মৃতাঃ |
ন হি যোগগতিঃ সূক্ষ্মা পিৎৠণাং জ্ঞায়তে নরৈঃ || ২. ২০. ৮||
তপসা হি প্রসিদ্ধেন কিং পুনর্মাংসচক্ষুষা |
সর্বেষাং রাজতং পাত্রমথ বা রজতান্বিতম্ || ২. ২০. ৯||
পাবনং হ্যুত্তমং প্রোক্তং দেবানাং পিতৃভিঃ সহ |
যেষাং দাস্যন্তি পিণ্ডাংস্ত্রীন্বান্ধবা নামগোত্রতঃ || ২. ২০. ১০||
ভূমৌ কুশোত্তরায়াং চ অপসব্যবিধানতঃ |
সর্বত্র বর্ত্তমানাস্তে পিণ্ডাঃ প্রীণন্তি বৈ পিৎৠন্ || ২. ২০. ১১||
যদাহারো ভবেজ্জন্তুরাহারঃ সোঽস্য জায়তে |
যথা গোষ্ঠে প্রনষ্টাং বৈ বৎসো বিন্দতি মাতরম্ || ২. ২০. ১২||
তথা তং নয়তে মন্ত্রো জন্তুর্যত্রাবতিষ্ঠতি |
নামগোত্রং চ মন্ত্রং চ দত্তমন্নং নয়ন্তি তম্ || ২. ২০. ১৩||
অপি যোনিশতং প্রাপ্তাংস্তৃপ্তিস্তাননুগচ্ছতি |
এবমেষা স্থিতা সত্তা ব্রহ্মণঃ পরমেষ্ঠিনঃ || ২. ২০. ১৪||
পিৎৠণমাদিসর্গেতু লোকানামক্ষয়ার্থিনাম্ |
ইত্যেতে পিতরশ্চৈব লোকা দুহিতরস্তথা || ২. ২০. ১৫||
দৌহিত্রা যজমানশ্চ প্রোক্তাশ্চৈব ময়ানঘ |
কীর্ত্তিতাঃ পিতরস্তে বৈ তব পুত্র যথাক্রমম্ || ২. ২০. ১৬||
শংযুরুবাচ
অহো দিব্যস্ত্বয়া তাত পিতৃসর্গস্তু কীর্তিতঃ |
লোকা দুহিতরশ্চৈব দোহিত্রাশ্চ শ্রুতাস্তথা || ২. ২০. ১৭||
দানানি সহ শৌচেন কীর্ত্তিতানি ফলানি চ |
অক্ষয়্যৎবং দ্বিজাংশ্চৈব সর্বমেতদুদাহৃতম্ |
অদ্যপ্রভৃতি কর্ত্তাস্মি সর্বমেতদ্যথাতথম্ || ২. ২০. ১৮||
বৃহস্পতিরুবাচ
ইত্যেতদঙ্গিরাঃ পূর্বমৃষীণামুক্তবান্প্রভুঃ |
পৃষ্টশ্চ সংশয়ান্সর্বানৃষীনাহ নৃসংসদি || ২. ২০. ১৯||
সত্রে তু বিততে পূর্বং তথা বর্ষসহস্রকে |
যস্মিন্সদস্পতিস্নাতো ব্রহ্মা সীদ্দেবতাপ্রভুঃ || ২. ২০. ২০||
গতানি তত্র বর্ষাণাং পঞ্চাশচ্চ শতানি বৈ |
শ্লোকাশ্চাত্র পুরা গীতা ঋষিভির্ব্রহ্মবাদিভিঃ || ২. ২০. ২১||
দীক্ষিতস্য পুরা সত্রে ব্রহ্মমঃ পরমাত্মনঃ |
তত্রৈব দত্তমন্নাগ্রং পিৎৠণামক্ষয়র্থিনাম্ |
লোকানাং চ হিতার্থায় ব্রহ্মণা পরমেষ্ঠিনা || ২. ২০. ২২||
সূত উবাচ
এবং বৃহস্পতিঃ পূর্বং পৃষ্টঃ পুত্রেণ ধীমতা |
প্রোবাচ পিতৃসর্গং তু যশ্চৈব সমুদাহৃত || ২. ২০. ২৩||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে শ্রাদ্ধকল্পো নাম বিংশতিতমোঽধ্যায়ঃ ||
