১.৩ ব্রহ্মাণ্ডমহাপুরাণং – পূর্বভাগ (অধ্যায় ২১-৩০)

সূত উবাচ
অধঃপ্রমাণমূর্দ্ধ্ব চ বক্ষ্যমাণং নিবোধত |
পৃথিবী বায়ুরাকাশমাপো জ্যোতিশ্চ পঞ্চমম্ || ১. ২০. ১||
অনন্তা ধাতবো হ্যেতং ব্যাপকাস্তু প্রকীর্ত্তিতাঃ |
জননী সর্বভূতানাং সর্বসত্ত্বধরা ধরা || ১. ২০. ২||
নানাজনপদাকীর্ণা নানাধিষ্ঠানপত্তনা |
নানানদনদীশৈলা নৈকজাতিসমাকুলা || ১. ২০. ৩||
অনন্তা গীয়তে দেবী পৃথিবী বহুবিস্তরা |
নদীনদসসুদ্রস্থাস্তন্থা ক্ষুদ্রাশ্রয়স্থিতাঃ || ১. ২০. ৪||
পর্বতাকাশসংস্থাশ্চ অন্তর্ভূমিগাতাশ্চ যাঃ |
আপোঽনন্তা হি বিজ্ঞেয়াস্তথাগ্নিঃ সর্বলোকগঃ || ১. ২০. ৫||
অনন্তঃ পঠ্যতে চৈব ব্যাপকঃ সর্বসংভবঃ |
তথাকাশমনালেখ্যং রম্যং নানাশ্রয়ং স্মৃতম্ || ১. ২০. ৬||
অনন্তং পঠ্যতে চৈব বায়ুশ্চাকাশসম্ভবঃ |
আপঃ পৃথিব্যামুদকে পৃথিব্যুপরি সংস্থিতাঃ || ১. ২০. ৭||
আকাশশ্চাপরমথ পুনর্ভূমিঃ পুনর্জলম্ |
এবং মতমনন্তস্য ভৌতিকস্য ন বিদ্যতে || ১. ২০. ৮||
পরস্পরৈঃ সোপচিতা ভূমিশ্চৈব নিবোধত |
ভূমির্জলমথা কাশমিতি যা যা পরংপরা || ১. ২০. ৯||
স্থিতিরেষা তু বিখ্যাতা সপ্তমেঽস্মিন্নসাতলে |
দশয়োজনসাহস্রমেকং ভৌমং রসাতলম্ || ১. ২০. ১০||
সাধুভিঃ পরিসংখ্যাতমেকৈকেনৈব বিস্তরম্ |
প্রথমং তৎবলং নাম সুতলং তু ততঃ পরম্ || ১. ২০. ১১||
ততস্তলাতলং বিদ্যাদতলং বহুবিস্তরম্ |
ততোর্ঽবাক্চ তলং নাম পরতশ্চ রসাতলম্ || ১. ২০. ১২||
এতেষামপ্যধোভাগে পাতালং সপ্তমং স্মৃতম্ |
কৃষ্ণভৌমশ্চ প্রথমো ভূমিভাগঃ প্রকীর্ত্তিতঃ || ১. ২০. ১৩||
পাণ্ডুভূমির্দ্বিতীয়স্তু তৃতীয়ো নীলমৃত্তিকঃ |
পীতভৌমশ্চতুর্থস্তু পঞ্চমঃ শর্করাময়ঃ || ১. ২০. ১৪||
ষষ্ঠঃ শিলাময়ো জ্ঞেয়ঃ সৌবর্ণঃ সপ্তমঃ স্মৃতঃ |
প্রথমেঽস্মিংস্তলে খ্যাতমসুরেদ্রস্য মন্দিরম্ || ১. ২০. ১৫||
নমুচেরিন্দ্রশত্রোশ্চ মহানাদস্য চালয়ম্ |
পুরং চ শঙ্কুকর্ণস্য কবন্ধস্য চ মন্দিরম্ || ১. ২০. ১৬||
নিষ্কুলাদস্য চ পুরং প্রহৃষ্টজনসংকুলম্ |
রাক্ষসস্য চ ভীমস্য শূলদন্তস্য চালয়ম্ || ১. ২০. ১৭||
লোহিতাক্ষকলিঙ্গানাং নগরং শ্বাপদস্য চ |
ধনঞ্জয়স্য চ পুরং নাগেন্দ্রস্য মহাত্মনঃ || ১. ২০. ১৮||
কালিয়স্য চ নাগস্য নগরং কৌশিকস্য চ |
এবং পুরসহস্রাণি নাগদানবরক্ষসাম্ || ১. ২০. ১৯||
তলে জ্ঞেয়ানি প্রথমে কৃষ্ণভৌমে ন সংশয়ঃ |
দ্বিতীয়ে সুতলে বিপ্রা দৈত্যেন্দ্রস্য চ রক্ষসঃ || ১. ২০. ২০||
মহাজংভস্য তু তথা নগরং প্রথমস্য তু |
ইয়গ্রীবস্য কৃষ্ণস্য নিকুম্ভস্য চ মন্দিরম্ || ১. ২০. ২১||
শঙ্খখ্যস্য চ দৈত্যস্য নগরং গোমুখস্য চ |
রাক্ষসস্য চ নীলস্য মেঘস্য কথনস্য চ || ১. ২০. ২২||
আলয়ং কুকুপাদস্য মহোষ্ণীষস্য চালয়ম্ |
কংবলস্য চ নাগস্য পুরমশ্বতরস্য চ || ১. ২০. ২৩||
কদ্রূপুত্রস্য চ পুরং তক্ষকস্য মহাত্মনঃ |
এবং পুরসহস্রাণি নাগদানবরক্ষসাম্ || ১. ২০. ২৪||
দ্বিতীয়েঽস্মিন্ তলে বিপ্রাঃ পাণ্ডুভৌমে ন সংশয়ঃ |
তৃতীয়ে তু তলে খ্যাতং প্রহ্লাদস্য মহাত্মনঃ || ১. ২০. ২৫||
অনুদ্রাদস্য চ পুরং পুরমগ্নিমুখস্য চ |
তারকাশ্যস্য চ পুরং পুরং ত্রিশিরসস্তথা || ১. ২০. ২৬||
শিশুমারস্য চ পুরং ত্রিপুরস্য তথা পুরম্ |
পুরঞ্জনস্য দৈত্যস্য হৃষ্টপুষ্টজনাকুলম্ || ১. ২০. ২৭||
চ্যবনস্য তু বিজ্ঞেয়ং রাক্ষসস্য চ মন্দিরম্ |
রাক্ষসেংদ্রস্য চ পুরং কুম্ভিলস্য খরস্য চ || ১. ২০. ২৮||
বিরাধস্য চ ক্রূরস্য পুরমুল্কাসুখস্য চ |
হেমকস্য চ নাগস্য তথা পাণ্ডুরকস্য চ || ১. ২০. ২৯||
মণিনাগস্য চ পুরং কপিলস্য চ মন্দিরম্ |
নেদকস্যোরগপতোর্বিশালাক্ষস্য মন্দিরম্ || ১. ২০. ৩০||
এবং পুরসহস্রাণি নাগদানবরক্ষসাম্ |
তৃতীয়েঽস্মিংস্তলে বিপ্রা নীলভৌমে ন সংশয়ঃ || ১. ২০. ৩১||
চতুর্থে দৈত্যসিংহস্য কালনেমের্মহাত্মনঃ |
গজকর্ণস্য চ পুরং নগরং কুঞ্জরস্য চ || ১. ২০. ৩২||
রাক্ষসেংদ্রস্য চ পুরং সুমালের্বহুবিস্তরম্ |
মুঞ্জস্য লোকনাথস্য বৃকবক্ত্রস্য চালয়ম্ || ১. ২০. ৩৩||
বহুয়োজনবিস্তীর্ণং বহুপক্ষিসমাকুলম্ |
নগলং বৈনতেয়স্য চতুর্থেঽস্মিন্নসাতলে || ১. ২০. ৩৪||
পঞ্চমে শর্করাভৌমে বহুয়োজনবিস্তরম্ |
বিরোজনস্য নগরং দৈত্যসিংহস্য ধীমতঃ || ১. ২০. ৩৫||
বৈদ্যুতস্যাগ্নিজি হ্বস্য হিরণ্যাক্ষস্য চালয়ম্ |
পুরং চ বিদ্যুজ্জিহ্বস্য রাক্ষসেন্দ্রস্য ধীমতঃ || ১. ২০. ৩৬||
সহামেঘস্য চ পুরং রাক্ষসেংদ্রস্য মালিনঃ |
কির্মীরস্য চ নাগস্য স্বস্তিকস্য জয়স্য চ || ১. ২০. ৩৭||
এবং পুরসহস্রাণি নাগদানবরক্ষসাম্ |
পঞ্চমেঽস্মিংস্তলে জ্ঞেয়ং শর্করানিচয়ে সদা || ১. ২০. ৩৮||
ষষ্ঠে তলে দৈত্যপতেঃ কেসরে নগরোত্তমম্ |
সুপর্বণঃ পুলোম্নশ্চ নগরং মহিষস্য চ || ১. ২০. ৩৯||
রাক্ষসেংদ্রস্য চ পুরং সুরোষস্য মহাত্মনঃ |
তত্রাস্তে সুরমাপুত্রঃ শতশীর্ষো মুদা যুতঃ || ১. ২০. ৪০||
মহেন্দ্রস্য সখা শ্রীমান্বাসুকিনাম নাগরাট্ |
এবং পুরসহস্রাণি নাগদানবরক্ষসাম্ || ১. ২০. ৪১||
ষষ্ঠে তলেঽস্মিন্বিখ্যাতে শিলাভৌমে রসাতলে |
সপ্তমে তু তলে জ্ঞেয়ং পাতালে সর্বপশ্চিমে || ১. ২০. ৪২||
পুরং বলেঃ প্রমুদিতং নরনা রীগণাকুলম্ |
অসুরাশীবিষৈঃ পূর্ণং সুখিতৈর্দেবশত্রুভিঃ || ১. ২০. ৪৩||
মুচুকুন্দস্য দেত্যস্য তত্রৈব নগরং মহাৎ |
অনেকৈর্দিতিপুত্রাণাং সমুদীর্ণৈর্মহাপুরৈঃ || ১. ২০. ৪৪||
তথৈব নাগনগরৈর্দ্যুতিমদ্ভিঃ সহস্রশঃ |
দৈত্যানাং দানবানাং চ সমুদীর্ণৈর্মহাপুরৈঃ || ১. ২০. ৪৫||
উদীর্ণৈ রাক্ষসাবাসৈরনেকৈশ্চ সমাকুলম্ |
পাতালান্তে চ বিপ্রেন্দ্রা বিস্তীণ বহুয়োজনে || ১. ২০. ৪৬||
আস্তে রক্তারবিন্দাক্ষো মহাত্মা হ্যজরামরঃ |
ধৌতশঙ্খোদরবপুর্নীল বাসা মহাবলঃ || ১. ২০. ৪৭||
বিশালভোগো দ্যুতিমাংশ্চিত্রমাল্যধরো বলী |
রুক্মশৃঙ্গাবদাতেন দীপ্তাস্যেন বিরাজতা || ১. ২০. ৪৮||
প্রভুর্মুখ সহস্রেণ শোভতে চৈককুণ্ডলী |
স জিহ্বামালয়া দীপ্তো লোলজ্জ্বালানলার্চিষা || ১. ২০. ৪৯||
জ্বালামালাপরিক্ষিপ্তঃ কৈলাস ইব লক্ষ্য তে |
স তু নেত্রসহস্রেণ দ্বিগুণেন বিরাজতা || ১. ২০. ৫০||
বালসূর্যাভিতাম্রেণ শরীরস্নিগ্ধপাণ্ডুনা |
তস্য কুন্দেন্দুবর্ণস্য নেত্রমালা বিরাজতে || ১. ২০. ৫১||
তরুণাদিত্যমালেব শ্বেতপর্বতমূর্দ্ধনি |
বিকরালোচ্ছ্রিততনুর্লক্ষ্যতে শয়নাসনে || ১. ২০. ৫২||
বিস্তীর্ণ ইব মেদিন্যাং সহস্রশিখরো গিরিঃ |
মহানাগৈর্মহাভোগৈর্মহাবিজ্ঞৈর্মহাত্মভিঃ || ১. ২০. ৫৩||
উপাস্যতে মহাতেজা মহানাগপতিঃ স্বয়ম্ |
স রাজা সর্বনাগানাং শেষোঽনন্তো মহাদ্যুতিঃ || ১. ২০. ৫৪||
সা বৈষ্ণবী ব্যবহৃতির্মর্যাদা যা ব্যবস্থিতা |
সপ্তৈবমেতে কথিতা ব্যবহার্যা রসাতলাঃ || ১. ২০. ৫৫||
দেবাসুরম হানাগরাক্ষসাধ্যুষিতাঃ সদা |
অতঃ পরমনালোকমগম্যং সিদ্ধসাধুভিঃ || ১. ২০. ৫৬||
দেবানামপ্যবিদিতং ব্যবহারবিবক্ষয়া |
পৃথ্ব্যংবুব ঙ্নিবায়ূনাং নভসশ্চ দ্বিজোত্তমাঃ || ১. ২০. ৫৭||
মহত্ত্বমৃষিভিশ্চৈবং বর্ণ্যতে নাত্র সংশয়ঃ |
অত ঊর্দ্ধ্বং প্রবক্ষ্যামি সূর্যাচন্দ্রমসোর্গতিম্ || ১. ২০. ৫৮||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদেঽধোলোকবর্ণনং নাম বিংশতিতমোঽধ্যায়ঃ

সূত উবাচ
সূর্যা চন্দ্রমসাবেতৌ ভ্রমতো যাবদেব তু |
প্রকাশৈস্তু প্রভাভিস্তৌ মণ্ডলাভ্যাং সমুচ্ছ্রিতৌ || ১. ২১. ১||
সপ্তানাং তু সমুদ্রাণাং দ্বীপানাং সতু বিস্তরঃ |
বিস্তরার্দ্ধে পৃথিব্যাস্তু ভবেদন্যত্র বাহ্যতঃ || ১. ২১. ২||
পর্যাসপরিমাণং তু চন্দ্রাদিত্যৌ প্রকাশতঃ |
পর্যাস্তাৎপারিমাণ্যেন ভূমেস্তুল্যং দিবং স্মৃতম্ || ১. ২১. ৩||
অবতি ত্রীনিমাংল্লোকান্ যস্মাৎসূর্যঃ পরিভ্রমন্ |
অবিধাতুঃ প্রকাশাখ্যো হ্যবনাৎস রবিঃ স্মৃতঃ || ১. ২১. ৪||
অতঃ পরং প্রবক্ষ্যামি প্রমাণং চন্দ্রসূর্যয়োঃ |
মহিত্তত্ত্বান্মহীশব্দোঽহ্যস্মিন্বর্ষে নিপাদ্যতে || ১. ২১. ৫||
অস্য ভারতবর্ষস্য বিষ্কংভাত্তুল্যবিস্তৃতম্ |
মণ্ডলং ভাস্করস্যাথ যোজনানি নিবোধত || ১. ২১. ৬||
নবয়োজনসাহস্রো বিস্তারো ভাস্করস্য তু |
বিস্তারাত্র্রিগুণশ্চাস্য পরিণাহস্তু মণ্ডলে || ১. ২১. ৭||
বিষ্কংভমণ্ডলাচ্চৈব ভাস্করাদ্দ্বিগুণঃ শশী |
অথ পৃথিব্যা বক্ষ্যামি প্রমাণং যোজনৈঃ সহ || ১. ২১. ৮||
সপ্তদ্বীপসমুদ্রায়া বিস্তারো মণ্ডলং চ যৎ |
ইত্যেতদিহ সংখ্যাতং পুরাণে পরিমাণতঃ || ১. ২১. ৯||
তদ্বক্ষ্যামি সমাখ্যায় সাংপ্রতৈরভিমানিভিঃ |
অভিমানিনোব্যতীতা যে তুল্যাস্তে সাংপ্রতৈস্ত্বিহ || ১. ২১. ১০||
দেবা যে বৈ ব্যতীতাস্তু রূপৈর্নামভিরেব চ |
তস্মাত্তু সাংপ্রতৈর্দেবৈর্বক্ষ্যামি বসুধাতলম্ || ১. ২১. ১১||
দিবাস্তু সন্নিবেশং বৈ সাংপ্রতৈরেব কৃৎস্নশঃ |
শতার্দ্ধকোটিবিস্তারা পৃথিবী কৃৎস্নশঃ স্মৃতা || ১. ২১. ১২||
তস্যা ঊর্দ্ধ্বপ্রমাণেন মেরোর্যাবত্তু সংস্থিতিঃ |
পৃথিব্যা হ্যর্দ্ধবিস্তারো যোজনাগ্রাৎপ্রকীর্ত্তিতঃ || ১. ২১. ১৩||
মেরোর্মধ্যাৎপ্রতিদিশং কোটিরেকা তু সা স্মৃতা |
তথা শাতসহস্রাণামেকোন নবতিঃ পুনঃ || ১. ২১. ১৪||
পঞ্চাশত্তু সহস্রাণি পৃথিব্যর্দ্ধস্য মণ্ডলম্ |
গণিতং যোজনাগ্রাত্তু কোট্যস্ত্বেকাদশ স্মৃতাঃ || ১. ২১. ১৫||
তথা শতসহস্রাণি সপ্তত্রিংশাধিকানি তু |
ইত্যেতদিহ সংশ্যাতং পৃথিব্যন্তস্য মণ্ডলম্ || ১. ২১. ১৬||
তারকাসংনিবেশাস্য দিবি যাব চ্চ মণ্ডলম্ |
পর্যাসসন্নিবেশশ্চ ভূমের্যাবত্তু মণ্ডলম্ || ১. ২১. ১৭||
পর্যাসপরিমাণেন ভূমেস্তুল্যং দিবঃ স্মৃতম্ |
সপ্তানামপি দ্বীপানামেত ৎস্থানং প্রকীর্তিতম্ || ১. ২১. ১৮||
পর্যায়পরিমাণেন মণ্ডলানুগতেন চ |
উপর্যুপরি লোকানাং ছত্রবৎপরিমণ্ডলম্ || ১. ২১. ১৯||
সংস্থিতির্বিহিতা সর্বা যেষু তিষ্ঠন্তি জন্তবঃ |
এতদণ্ডকপালস্য প্রমাণং পরিকীর্ত্তিতম্ || ১. ২১. ২০||
অণ্ডস্যান্তস্ত্বিমে লোকাঃ সপ্তদ্বীপা চ মেদিনী |
ভূর্লোকশ্চ ভুবর্ল্লোকস্তৃতীয়স্সৃরিতি স্স্বতঃ || ১. ২১. ২১||
মহর্ল্লোকো জনশ্চৈব তপঃ সত্যং চ সপ্তমম্ |
এতে সপ্ত কৃতা লোকাশ্ছত্রাকারা ব্যবস্থিতাঃ || ১. ২১. ২২||
স্বকৈরাবরণৈঃ সূক্ষ্মৈর্ধার্যমাণাঃ পৃথক্পৃথক্ |
দশভাগাধিকাভিশ্চ তাভিঃ প্রকৃতিভির্বহিঃ || ১. ২১. ২৩||
পূর্যমাণা বিশেষৈশ্চ সমুৎপন্নৈঃ পরস্পরাৎ |
অস্যাণ্ডস্য সমন্তাচ্চ সন্নিবিষ্টো ঘনোদধিঃ || ১. ২১. ২৪||
পৃথিব্যা মণ্ডলং কৃৎস্নং ঘনতোয়েন ধার্যতে |
ঘনোদধিঃ পরেণাথ ধার্য্যতে ঘনতেজসা || ১. ২১. ২৫||
বাহ্যতো ঘনতেজস্চ তির্য্যগূর্দ্ধ্বং তু মণ্ডলম্ |
সংমতাদ্ধনবাতেন ধার্যমাণং প্রতিষ্ঠিতম্ || ১. ২১. ২৬||
ঘনবাতং তথাকাশমাকাশং চ মহাত্মনা |
ভূতাদিনা বৃতং সর্বং ভূতাদির্মহতা বৃতঃ || ১. ২১. ২৭||
বৃতো মহাননন্তেন প্রধানেনাব্য যাত্মনা |
পুরাণি লোকপালানাং প্রবক্ষ্যামি যথাক্রমম্ || ১. ২১. ২৮||
জ্যোতির্গুণপ্রচারস্য প্রমাণপরিসিদ্ধয়ে |
মেরোঃ প্রাচ্যাং দিশি তথা মানসস্যৈব মূর্দ্ধনি || ১. ২১. ২৯||
বস্বৌকসারা মাহেন্দ্রী পুরী হেমপরিষ্কৃতা |
দক্ষিণেন পুনর্মেরোর্মানসস্যৈব মূর্দ্ধনি || ১. ২১. ৩০||
বৈবস্বতো নিব সতি যমঃ সংযমনে পুরে |
প্রতীচ্যাং তু পুনর্মেরোর্মানসস্যৈব মূর্দ্ধনি || ১. ২১. ৩১||
সুখা নাম পুরী রম্যা বরুণস্যাপি ধীমতঃ |
বরুণো যাদসাং নাথস্সুখাখ্যে বসতে পুরে || ১. ২১. ৩২||
দিশ্যুত্তরস্যাং মেরোস্তু মানসস্যৈব মূর্দ্ধনি |
তুল্যা মহেন্দ্রপুর্য্যাস্তু সোমস্যাপি বিভাবরী || ১. ২১. ৩৩||
মানসোত্তরবৃষ্টে তু লোকপালাশ্চতুর্দিশম্ |
স্থিতা ধর্মব্যবস্থার্থ লোকমংরক্ষণায় চ || ১. ২১. ৩৪||
লোকপালোপরিষ্টাত্তু সর্বতো দক্ষিণায়নে |
কাষ্ঠাগতস্য সূর্যস্য গতিয়া তাং নিবোধত || ১. ২১. ৩৫||
দক্ষিণোঽপক্রমে সূর্য্যঃ ক্ষিপ্তেষুরিব সর্পতি |
জ্যোতিষাং চক্রমাদায় সততং পরিগচ্ছতি || ১. ২১. ৩৬||
মধ্যগশ্চামরাবত্যাং যদা ভবতি ভাস্করঃ |
বৈবস্বতে সংযমতে উদয়স্তত্র দৃশ্যতে || ১. ২১. ৩৭||
সুখায়ামর্দ্ধরাত্রং স্যাদ্বিভায়ামস্তমেতি চ |
বৈবস্বতে সংযমনে মধ্যগঃ স্যাদ্রবির্যদা |
সুখায়ামথ বারুণ্যামুত্তিষ্ঠন্স তু দৃশ্যতে || ১. ২১. ৩৮||
বিভায়া মর্দ্ধরাত্রং স্যান্মাহেন্দ্যামস্তমেতি চ |
যদা দক্ষিণপুর্বেষামপরাহ্ণো বিধীয়তে || ১. ২১. ৩৯||
দক্ষিণাপরদেশ্যানাং পূর্বহ্ণঃ পরিকী র্ত্তিতঃ |
তেষামপররাত্রশ্চ যে জনা উত্তরাঃ পরে || ১. ২১. ৪০||
দেশা উত্তরপূর্বা যে পূবরাত্রস্তু তান্প্রতি |
এবমেবোত্তরেষ্বর্ কে ভুবনেষু বিরাজতে || ১. ২১. ৪১||
সুখায়াসথ বারুণ্যাং মধ্যাহ্নে চার্যমা যদা |
বিভায়াং সোমপুর্যাং বা উত্তিষ্ঠতি বিভাবসুঃ || ১. ২১. ৪২||
রাত্র্যর্দ্ধ চামরাবত্যামস্তমেতি যমস্য চ |
সোমপুর্যা বিভায়াং তু মধ্যাহ্নে স্যাদ্দিবাকরঃ || ১. ২১. ৪৩||
মহেদ্রস্যামরাবত্যাং সূর্য উত্তিষ্ঠতে তদা |
অর্দ্ধরাত্রং সংযমনে বারুণ্যামস্তমেতি চ || ১. ২১. ৪৪||
স শীঘ্রমেব পর্যেতি ভাস্করোঽলাতচ ত্রবৎ |
ভ্রমন্বৈ ভ্রমমার্ণানি ঋক্ষাণি চরতে রবিঃ || ১. ২১. ৪৫||
এবং চতুর্ষু পার্শ্বেষু দক্ষিণাং তেন সর্পতি |
উদয়াস্তমনে চাসাবৃত্তি ষ্ঠতি পুনঃ পুনঃ || ১. ২১. ৪৬||
পূবাহ্ণে চাপরাহ্ণে চ দ্বৌ দ্বৌ দেবালয়ৌ তু সঃ |
তপত্যর্কশ্চ মধ্যাহ্নে তৈরেব চ স্বরশ্মিভিঃ || ১. ২১. ৪৭||
উদিতো বর্দ্ধমানাভিরামধ্যাহ্নং তপন্রবিঃ |
অতঃ পরং হ্রসংতীভির্গোভিরস্তং নিগচ্ছতি || ১. ২১. ৪৮||
উদয়াস্তময়াভ্যাং চ স্মৃতে পূর্বাপরে দিশৌ |
যাবৎপুরস্তাত্তপতি তাপৎপৃষ্ঠেঽথ পার্শ্বয়োঃ || ১. ২১. ৪৯||
যত্রোদ্যন্দৃশ্যতে সূর্যস্তেষাং স উদয়ঃ সমৃতঃ |
প্রণাশং গচ্ছতে যত্র তেষামস্তঃ স উচ্যতে || ১. ২১. ৫০||
সর্বেষামুত্তরে মেরুলোঙ্কালোকশ্চ দক্ষিণে |
বিদূরভাবাদর্কস্য ভূমিলেখাবৃতস্য চ || ১. ২১. ৫১||
লীয়ন্তে রশ্ময়ো যস্মাত্তেন রাত্রৌ ন দৃশ্যতে |
গ্রহনক্ষত্রসোমানাং দর্শনং ভাস্করস্য চ || ১. ২১. ৫২||
উচ্ধ্রয়স্য প্রমাণেন জ্ঞেয়মস্তমথোদয়ম্ |
শুক্লচ্ছায়োঽগ্নিরা পশ্চ কৃষ্ণচ্ছায়া চ মেদিনী || ১. ২১. ৫৩||
বিদূরভাবাদর্কস্য হ্যুদ্যতেঽপি বিরশিমতা |
রক্তভাবো বিরশ্মৎবাদ্রক্তৎবাচ্জাপ্যনুষ্ণতা || ১. ২১. ৫৪||
লেখায়ামাস্থিতঃ সূর্যো যত্র যত্র চ দৃশ্যতে |
ঊর্দ্ধ্ব শাতসহস্র তু যোজনানাং স দৃশ্যতে || ১. ২১. ৫৫||
প্রভা হি সৌরী পাদেন হ্যস্তং গচ্ছতি ভাস্করে |
অগ্নিমাবিশতে রাদ্রৌ তস্মাদ্দূরাৎপ্রকাশতে || ১. ২১. ৫৬||
উদিতে হি পুনঃ সূর্যে হ্যৌষ্ণ্যমাগ্নেয়মাবিশেৎ |
সংযুক্তো বহ্নিনা সূর্যস্তপতে তু ততো দিবা || ১. ২১. ৫৭||
প্রাকাশ্যং চ তথৌষ্ণ্যং চ সৌরাগ্নেয়ে চ তেজসী |
পরস্পরানুপ্রবেশাদ্দীপ্যেতে তু দিবানিশম্ || ১. ২১. ৫৮||
উত্তরে চৈব ভূম্যর্দ্ধে তথা তস্মিংশ্চ দক্ষিণে |
উত্তিষ্ঠতি তথা সূর্যে রাত্রিরাবিশতৎবপঃ || ১. ২১. ৫৯||
তস্মাচ্ছীতা ভক্ত্যাংপো দিবারাত্রিপ্রবেশনাৎ |
অস্তং যাতি পুনঃ সূর্যে দিনমাবিশতে ৎবষঃ || ১. ২১. ৬০||
তস্মাদুষ্ণা ভবত্যাপো নক্তমহ্নঃ প্রবেশনাৎ |
এতেন ক্রময়োগেন ভূম্যর্দ্ধে দক্ষিণোত্তরে || ১. ২১. ৬১||
উদয়াস্তমনের্ঽকস্য অহোরাত্রং বিশত্যপঃ |
দেনং সূর্যপ্রকাশাখ্যং তামসী রাত্রিরূচ্যতে || ১. ২১. ৬২||
তস্মাদ্ব্যবস্থিতা রাত্রিঃ সূর্যাপেক্ষমহঃ স্মৃতম্ |
এবং পুষ্করমধ্যেন যদা সর্পতি ভাস্করঃ || ১. ২১. ৬৩||
অংশাংশকং তু মেদিন্যাং মুহূর্ত্তেনৈব গচ্ছতি |
যোজনাগ্রান্মুহূর্ত্তস্য ইহ সংখ্যাং নিবোধত || ১. ২১. ৬৪||
পূর্ণে শতসহস্রাণামেকত্রিংশাধিকং স্মৃতম্ |
পঞ্চাশত্তু তথান্যানি সহস্রাণ্যধিকানি চ || ১. ২১. ৬৫||
মৌহূর্ত্তি কী গতির্হ্যেষা সূর্যস্য তু বিধীয়তে |
এতেন গতিয়োগেন যদা কাষ্ঠাং তু দক্ষিণাম্ || ১. ২১. ৬৬||
পর্যাগচ্ছেৎপতঙ্গোঽসৌ মধ্যে কাষ্ঠান্তমেব হি |
মধ্যেন পুষ্করস্যাথ ভ্রমতে দক্ষিণায়নে || ১. ২১. ৬৭||
মানসোত্তরশৈলে তু অন্তরে বিষুবং চ তৎ |
সর্পতে দক্ষিণায়াং তু কাষ্ঠায়াং বৈ নিবোধত || ১. ২১. ৬৮||
নবকোট্যঃ প্রসংখ্যাতা যোজনৈঃ পরিমণ্ডলম্ |
তথা শতসহস্রাণি চৎবারিংশচ্চ পঞ্চ চ || ১. ২১. ৬৯||
অহোরাত্রাৎপতঙ্গস্য গতিরেষা বিধীয়তে |
দক্ষিণাদ্বিনিবৃত্তোঽসৌ বিষুবস্থো যদা রবিঃ || ১. ২১. ৭০||
ক্ষীরোদস্য সমুদ্রস্যোত্তরতশ্চাদ্রিতশ্চরন্ |
মণ্ডলং বিষুবত্তস্য যোজনৈস্তন্নিবোধত || ১. ২১. ৭১||
তিস্রঃ কোট্যস্তু সংখ্যাতা বিষুবস্যাপি মণ্ডলম্ |
তথা শতসহস্রাণামশীত্যেকাধিকা পুনঃ || ১. ২১. ৭২||
শ্রবণে চোত্তরষাঢে চিত্রভানুর্যদা ভবেৎ |
শাকদ্বীপস্য ষষ্ঠস্য উত্তরাতো দিশশ্চরন্ || ১. ২১. ৭৩||
উতরায়াঃ প্রমাণং চ কাষ্ঠায়া মণ্ডলস্য চ |
যোজনাগ্রাৎপ্রসংখ্যাতা কোটিরেকা তু স দ্বিজাঃ || ১. ২১. ৭৪||
অশীতির্নিয়ুতানীহ যোজনানাং তথৈব চ |
অষ্টপঞ্চাশতং চব যোজনান্যধিকানি তু || ১. ২১. ৭৫||
নাগবীথ্যুত্তরাবীথী হ্যজ বীথী চ দক্ষিণা |
মূলং চৈব তথাষাঢে ৎবজবীথ্যুদয়াস্ত্রয়ঃ || ১. ২১. ৭৬||
অশ্বিনী কৃত্তিকা যাম্যং নাগবীথ্যুদয়াস্ত্রয়ঃ |
কাষ্ঠয়োরন্তরং যচ্চ তদ্বক্ষ্যেয়জনৈঃ পুনঃ || ১. ২১. ৭৭||
এতচ্ছতসহস্রাণামষ্টাভিশ্চোত্তরং শতম্ |
ত্রয়ঃ শতাধিকাশ্চন্যে ত্রয়স্ত্রিংশচ্চ যোজনৈঃ || ১. ২১. ৭৮||
কাষ্ঠয়োরন্তরং হ্যেতদ্যোজনাগ্রাৎপ্রকীর্তিতম্ |
কাষ্ঠয়োর্লেখয়োশ্চৈব হ্যন্তরং দক্ষিণোত্তরে || ১. ২১. ৭৯||
তেন্ববক্ষ্যে প্রসংখ্যায় চোজনৈস্তন্নিবোধত |
একৈকমন্তরং তস্য বিয়ুতান্যেকসপ্ততিঃ || ১. ২১. ৮০||
সহস্রাণ্যতিরিক্তাশ্চ ততোঽন্যা পঞ্চসপ্ততিঃ |
লেখয়োঃ কাষ্ঠয়োশ্চৈব বাহ্যাভ্যন্তরয়োঃ স্মৃতম্ || ১. ২১. ৮১||
অভ্যন্তরং তু পর্যেতি মণ্ডলান্যুত্তরায়ণে |
বাহ্যতো দক্ষিণে চৈব সততং তু যথাক্রমম্ || ১. ২১. ৮২||
মণ্ডলানাং শতং পূর্মং ত্র্যশীত্যধিকমুত্তরম্ |
চরতে দক্ষিণে চাপি তাবদেব বিভাবসুঃ || ১. ২১. ৮৩||
প্রমাণং মণ্ডলস্যাথ যোজনাগ্রং নিবোধত |
যোজনানাং সহস্রাণি সপ্তাদশ সমাসতঃ || ১. ২১. ৮৪||
শতে দ্বে পুনরপ্যন্যে যোজনামাং প্রকীর্ত্তিতে |
একবিংশতিভিশ্চৈব যোজনৈরধিকৈর্হি তে || ১. ২১. ৮৫||
এতৎপ্রমাণমাখ্যাতং যোজনৈর্মণ্ডলস্য চ |
বিষ্কংভো মণ্ডলস্যাথ তির্যক্ স তু বিধীয়তে || ১. ২১. ৮৬||
প্রত্যহং চরতে তানি সূর্যা বৈ মণ্ডলক্রমাৎ |
কুলালচক্রপর্যন্তো যথা শীঘ্রং নিবর্ত্ততে || ১. ২১. ৮৭||
দক্ষিণপ্রক্রমে সূর্যস্তথা শীঘ্রং প্রবর্ত্ততে |
তস্মাৎপ্রকৃষ্টাং ভূমিং তু কালেনাল্পেন গচ্ছতি || ১. ২১. ৮৮||
সূর্যো দ্বাদশভিঃ শৈর্ঘ্যান্মুহূর্তৈর্দক্ষিণায়নে |
ত্রয়োদশার্দ্ধমৃক্ষাণামহ্না তু চরতে রবিঃ || ১. ২১. ৮৯||
মুহূর্তৈ স্তাবদৃক্ষাণি নক্তমষ্টাদশৈশ্চরন্ |
কুলালচক্রমধ্যে তু যথা মন্দং প্রসর্পতি || ১. ২১. ৯০||
তথোদগয়নে সূর্যঃ সর্পতে মন্দবিক্রমঃ |
তস্মা দ্দীর্ঘেন কালেন ভূমিং স্বল্পানি গচ্ছতি || ১. ২১. ৯১||
অষ্টাদশ মুহূর্ত তু উত্তরায়ণপশ্চিমম্ |
অহো ভবতি তচ্চাপি চরতে মন্দবিক্রমঃ || ১. ২১. ৯২||
ত্রয়োদশার্দ্ধং মাদ্যেন ৎবৃক্ষাণাং চরতে রবিঃ |
মুহূর্তৈস্তাবদৃক্ষাণি নক্তং দ্বাদশভিশ্চরন্ || ১. ২১. ৯৩||
ততো মন্দতরং নাভ্যাং চক্রং ভ্রমতি বৈ যথা |
মৃৎপিণ্ড ইব মধ্যস্থো ধ্রুবো ভ্রমতি বৈ তথা || ১. ২১. ৯৪||
ত্রিংশন্মুহূর্তানেবাহুরহোরাত্রং ধ্রুবো ভ্রমন্ |
উভয়োঃ কাষ্ঠয়োর্মধ্যে ভ্রমতে মণ্ডলানি তু || ১. ২১. ৯৫||
কুলালচক্রনাভিশ্চ যথা তত্রৈব বর্ত্ততে |
ধ্রুবস্তথা হি বিজ্ঞেয়স্তত্রৈব পরীবর্ত্ততে || ১. ২১. ৯৬||
উভয়োঃ কাষ্ঠয়োর্মধ্যে ভ্রমতে মণ্ডলানি সঃ |
দিবানক্তং চ সূর্যস্য মন্দা শীঘ্রা চ বৈ গাতিঃ || ১. ২১. ৯৭||
উত্তরপ্রক্রমে চাপি দিবা মন্দা গতিস্তথা |
তথৈব চ পুনর্নক্তং শীঘ্রা সূর্যস্য বৈ গাতিঃ || ১. ২১. ৯৮||
দক্ষিণপ্রক্রমেণৈব দিবা শীঘ্রং বিধীয়তে |
গতিঃ সূর্যস্য নক্তং চ মন্দা চৈব গতিস্তথা || ১. ২১. ৯৯||
এবং গতিবিশেষেণ বিভজন্ রাত্র্যহানি তু |
তজাপি সংচরন্মার্গং সমেন বিষমেণ চ || ১. ২১. ১০০||
লোকালোকস্থিতা হ্যেতে লোকপালাশ্চতুর্দিশম্ |
অগস্ত্যশ্চরতে তেষামুপরিষ্টাজ্জবেন তু || ১. ২১. ১০১||
ভুঞ্জন্নসাপহোরা ত্রমেবং গতিবিশেষণম্ |
দক্ষিণে নাগবীথ্যাস্তু লোকালোকস্য চোত্তরে || ১. ২১. ১০২||
লোকসন্তানকো হ্যেষ বৈশ্বানরপথাদ্বহিঃ |
পৃষ্টে যাবৎপ্রভা সৌরী পুরস্তাৎসংপ্রকাশতে || ১. ২১. ১০৩||
পার্শ্বতঃ পৃষ্ঠতশ্চৈব লোকালোকস্য বর্ত্ততে |
যোজনানাং সহস্রাণি দশকং তুচ্ছ্রিতো গিরিঃ || ১. ২১. ১০৪||
প্রকাশশ্চাপ্রকাশশ্চ সর্বতঃ পরিমণ্ডলঃ |
নক্ষত্রচন্দ্রসূর্যশ্চ গ্রহৈস্তারাগণৈঃ সহ || ১. ২১. ১০৫||
অভ্যন্তরং প্রকাশন্তে লোকালোকস্য বৈ গিরেঃ |
এতাবানেব লোকস্তু নিরালোকস্ততঃ পরম্ || ১. ২১. ১০৬||
লোকেনালোকবানেষ নিরালোকস্ত্বলোকতঃ |
লোকালোকং তু সংধত্তে যস্মাৎসুর্যপরিগ্রহম্ || ১. ২১. ১০৭||
তস্মাৎসন্ধ্যেতি তামাহুরুষাব্যুষ্ট্যোর্যদন্তরম্ |
উষা রাত্রিঃ স্মৃতা বিপ্রৈর্ব্যুষ্টিশ্চাপি ৎবহঃ স্মৃতম্ || ১. ২১. ১০৮||
সূর্যাগ্নিগ্রসমানানাং সংধ্যাকালে হি রক্ষসাম্ |
প্রজাপতিনিয়োগেন শাপস্ত্বেষাং দুরাত্মনাম্ || ১. ২১. ১০৯||
অক্ষয়ৎবং তু দেহস্য প্রাপিতাম্রণং তথা |
তিস্রঃ কোট্যস্তু বিখ্যাতা মন্দেহা নাম রাক্ষসাঃ || ১. ২১. ১১০||
প্রার্থয়ন্তি সহস্রাংশুভুদয়ন্তং দিনেদিনে |
তাপয়ন্তং দুরাত্মানঃ সূর্যমিচ্ছন্তি খাদিতুম্ || ১. ২১. ১১১||
অথ সূর্যস্য তেষাং চ যুদ্ধমাসীৎসুদারুণম্ |
ততো ব্রহ্মা চ দেবাশ্চ ব্রাহ্মমাশ্চৈব সত্তমাঃ || ১. ২১. ১১২||
সংধ্যাং তু সমুপাসীনাঃ প্রক্ষিপন্তি জলং সদা |
ওঙ্কারব্রহ্মসংযুক্তং গায়ত্র্যা চাভিমন্ত্রিতম্ || ১. ২১. ১১৩||
স্ফূর্জজ্জ্যোতিশ্চ চণ্ডাংশুস্তথা দীপ্যতি ভাস্করঃ |
ততঃ পুনর্মহাতেজা মহাবলপরাক্রমঃ || ১. ২১. ১১৪||
যোজনানাং সহস্রাণি ঊর্দ্ধ্বমুত্তিষ্ঠতে শতম্ |
প্রয়াতি ভগবানাশু ব্রাহ্মণৈরভিরক্ষিতঃ |
বালখিল্যৈশ্চ মুনিভির্ধৃতার্চিঃ সমরীচিভিঃ || ১. ২১. ১১৫||
কাষ্ঠা নিমেষা দশ পঞ্চ চৈব ত্রিংশচ্চ কাষ্ঠা গণয়েৎকলাং তু |
ত্রিংশৎকলাশ্চাপি ভবেন্মুহূর্ত্তস্তৈস্ত্রিংশতা রাত্র্যহনী সমেতে || ১. ২১. ১১৬||
হ্রাসবৃদ্ধী ৎবহর্ভাগৈর্দিবসানাং যথাক্রমাৎ || ১. ২১. ১১৭||
সংধ্যা মুহূর্ত্তমাত্রা তু হ্রাসবৃদ্ধিস্তু সা স্মৃতা |
লেখাপ্রভৃত্যথাদিত্যে ত্রিমুহূর্ত্তগতে তু বৈ || ১. ২১. ১১৮||
প্রাতস্ততঃ স্মৃতঃ কালো ভাগশ্চাহ্নঃ স পঞ্চমঃ |
তস্মাৎপ্রাতস্তনাৎকালাত্র্রিমুহূর্ত্তস্তু সংগবঃ || ১. ২১. ১১৯||
মধ্যাহ্নস্ত্রিমুহূর্ত্তস্তু তস্মাৎকালশ্চ সংগবাৎ |
তস্মান্মধ্যন্দিনাৎকালাদপরাহ্ণ ইতি স্মৃতঃ || ১. ২১. ১২০||
ত্রয় এব মুহূর্ত্তাস্তু কালাগঃ স্মৃতো বুধৈঃ |
অপরাহ্ণে ব্যতীতে তু কালঃ সায়াহ্ন উচ্যতে || ১. ২১. ১২১||
দশপঞ্চ মুহূর্তাহ্নো মুহূর্ত্তাস্ত্রয় এব চ |
দশপঞ্চমুহূর্ত্ত বৈ হ্যহর্বৈষুবতং স্মৃতম্ || ১. ২১. ১২২||
বর্দ্ধন্তে চ হ্রসংতে চ হ্যয়নে দক্ষিণোত্তরে |
অহস্তু গ্রসতে রাত্রিং রাত্রিশ্চ গ্রসতে ৎবহঃ || ১. ২১. ১২৩||
শরদ্বসংতয়োর্মধ্যং বিষুবৎপরিভাব্যতে |
অহোরাত্রে কলাশ্চৈব সমং সোমঃ সমশ্নুতে || ১. ২১. ১২৪||
তথা পঞ্চদশাহানি পক্ষ ইত্যভিধীয়তে |
দ্বৌচ পক্ষৌভবেন্মাসো দ্বৌমাসাবর্কজাবৃতুঃ || ১. ২১. ১২৫||
ঋতুত্রিতয়ময়নে দ্বে হি বর্ষং তু সৌরকম্ |
নিমেষা বিদ্যুতশ্চৈব কাষ্টাস্তা দশ পঞ্চ চ || ১. ২১. ১২৬||
কলাস্তাস্ত্রিশতঃ কাষ্ঠা মাত্রা শীতিদ্বয়াত্মিকা |
সপ্তৈকা দ্ব্যধিকা ত্রিশন্মাত্রা ষটত্রিংশদুত্তরা || ১. ২১. ১২৭||
দ্বিষাষ্টিনা ত্রয়োবিংশন্মাত্রায়াশ্চ কলা ভবেৎ |
চৎবারি শৎসহস্রাণি শতান্যষ্টৌ চ বিদ্যুতঃ || ১. ২১. ১২৮||
সপ্ততিশ্চৈব তত্রাপি নবতিং বিদ্ধি নিশ্চয়ে |
চৎবার্যেব শতান্যাহুর্বিদ্যুতে দ্বে চ সংযুতে || ১. ২১. ১২৯||
বরাংশো হ্যেষ বিজ্ঞেয়ো নাডিকা চাত্র কারণম্ |
সংবৎসরাদয়ঃ পঞ্চ চতুর্মানবিকল্পিতাঃ || ১. ২১. ১৩০||
নিশ্চয়ঃ সর্বকালস্য যুগমিত্যভিধীয়তে |
সংবৎসরস্তু প্রথমো দ্বিতীয়ঃ পরিবৎসরঃ || ১. ২১. ১৩১||
ইডাবৎসরস্তৃতীয়স্তু চতুর্থশ্চানুবৎসরঃ |
পঞ্চমোবৎসরস্তেষাং কালস্তু যুগসংহিতঃ || ১. ২১. ১৩২||
ত্রিংশচ্ছতং ভবেৎপূর্ণং পর্বণাং তু রবের্যুগে |
শতান্যষ্টাদশ ত্রিংশদুদয়াদ্ভাস্করস্য চ || ১. ২১. ১৩৩||
ঋতবস্ত্রিংশতঃ সৌরাদয়নানি দশৈব তু |
পঞ্চ চ ত্রিশতং চাপি ষষ্টিবর্ষং চ ভাস্করম্ || ১. ২১. ১৩৪||
ত্রিশদেব ৎবহোরাত্রাস্তৈস্তু মাসস্তু ভাস্করঃ |
একষষ্টি ৎবহোরাত্রমৃতুরেকো বিভাব্যতে || ১. ২১. ১৩৫||
অহ্নাং তু ত্র্যধিকাশীতিঃ শতং চাপ্যধিকং ভবেৎ |
মানং তচ্চিত্রভানোস্তু বিজ্ঞেয়ময়নস্য হ || ১. ২১. ১৩৬||
সৌরং সৌম্যং তু বিজ্ঞেয়ং নাক্ষত্রং সাবনং তথা |
মানান্যেতানি চৎবারি যৈঃপুরাণে হি নিশ্চয়ঃ || ১. ২১. ১৩৭||
যঃ শ্বেতস্যোত্তরশ্চৈব শৃঙ্গবান্নাম পর্ব্বতঃ |
ত্রীণিতস্য তু শৃঙ্গাণি স্পৃশন্তীব নভস্তলম্ || ১. ২১. ১৩৮||
তৈশ্চাপি শৃঙ্গৈস্সনগঃ শৃঙ্গবা নিতি কথ্যতে |
একশ্চ মার্গবিষ্কংভবিস্তারশ্চাস্য কীর্তিতঃ || ১. ২১. ১৩৯||
তস্য বৈ পূর্বতঃ শৃঙ্গং মধ্যমং তদ্ধিরণ্ময়ম্ |
দক্ষিণং রাজতং চৈব শৃঙ্গং তু স্ফটিকপ্রভম্ || ১. ২১. ১৪০||
সর্বরত্নময়ং চৈব শৃঙ্গমুত্তরমুত্তমম্ |
এবং কূটৈস্ত্রিভিঃ শৈলঃ শৃঙ্গবানিতি বিশ্রুতঃ || ১. ২১. ১৪১||
যত্তদ্বৈ পূর্বতঃ শৃঙ্গং তদর্কঃ প্রতিপদ্যতে |
শরদ্বসংতয়োর্মধ্যে মধ্যমাং গতিমাস্থিতঃ || ১. ২১. ১৪২||
অতস্তুল্যমহোরাত্রং করোতি তিমিরা পহঃ |
হরিতাশ্চ হয়া দিব্যাস্তস্য যুক্তা মহারথে |
অনুলিপ্তা ইবাভান্তি পদ্মরক্তৈর্গভস্তিভিঃ || ১. ২১. ১৪৩||
মেষতি চ তুলান্তে চ ভাস্করোদয়তঃ স্মৃতাঃ |
মুহূর্ত্তা দশ পঞ্চৈব অহো রাত্রিশ্চ তাবতী || ১. ২১. ১৪৪||
কৃত্তিকানাং যদা সূর্যঃ প্রথমাং শগতো ভবেৎ |
বিশাখানাং তদা জ্ঞেয়শ্চতুর্থাংশ নিশাকরঃ || ১. ২১. ১৪৫||
বিশাখানাং যদা সূর্যশ্চরতেংশং তৃতীয়কম্ |
তদা চন্দ্রং বিজানীয়াৎকৃত্তিকাশিরসি স্থিতম্ || ১. ২১. ১৪৬||
বিষুবং তং বিজানীয়াদেবমাহুর্মহর্ষয়ঃ || ১. ২১. ১৪৭||
সূর্যেণ বিষুবং বিদ্যা ৎকালং সোমেন লক্ষয়েৎ |
সমা রাত্রিরহশ্চৈব যদা তদ্বিষুবং ভবেৎ || ১. ২১. ১৪৮||
তদা দানানি দেয়ানি পিতৃভ্যো বিষুবেষু চ |
ব্রাহ্মণেভ্যো বিশেষেণ মুখমেতত্তু দৈবতম্ || ১. ২১. ১৪৯||
ঊনমাসাধিমাসৌ চ কলা কাষ্ঠা মুহূর্ত্তকাঃ |
পৌর্ণমাসী তথা জ্ঞেয়া অমাবাস্যা তথৈব চ |
সিনীবালী কুহূশ্চৈব রাকা চানুমতিস্তথা || ১. ২১. ১৫০||
তপস্তপস্যৌ মদুমাধবৌ চ শুক্রঃশুচিশ্চায়নমুত্তরং স্যাৎ |
নভোনভস্যাবিষঊর্জসংজ্ঞৌ সহঃসহস্যাবিতি দক্ষিণং স্যাৎ || ১. ২১. ১৫১||
আর্তবাশ্চ ততো জ্ঞেয়া পঞ্চাব্দা ব্রহ্মণাঃ সুতাঃ || ১. ২১. ১৫২||
তস্মাচ্চ ঋতবো জ্ঞেয়া ঋতুভ্যো হ্যার্ত্তবাঃ স্মৃতাঃ |
তস্মাদৃতুমুখী জ্ঞেয়া অমাবাস্যাস্য পর্বণঃ || ১. ২১. ১৫৩||
তস্মাত্তু বিষুবং জ্ঞেয়ং পিতৃদেবহিতং সদা |
পর্ব জ্ঞাৎবা ন মুহ্যেত পিত্র্যে দৈবে চ মানবঃ || ১. ২১. ১৫৪||
তস্মাৎস্মৃতং প্রচানাং বৈ বিষুবৎসর্বগং সদা |
আলোকাত্তু স্মৃতো লোকো লোকালোকঃ স উচ্যতে || ১. ২১. ১৫৫||
লোকপালাঃ স্থিতাস্তত্র লোকালোকস্য মধ্যতঃ |
চৎবারস্তে মহাত্মানস্তিষ্টন্ত্যাভূতসংপ্লবাৎ || ১. ২১. ১৫৬||
সুধামা চৈব বৈরাজঃ কর্দমঃ শঙ্খপাস্তথা |
হিরণ্যরোমা পর্জন্যঃ কেতুমান্রাজসশ্চ যঃ || ১. ২১. ১৫৭||
নির্দ্বন্দ্বা নিরভীমানা নিঃ সীমা নিষ্পরিগ্রহাঃ |
লোকপালাঃ স্থিতা হ্যেতে লোকালোকে চতুর্দিশম্ || ১. ২১. ১৫৮||
উত্তরং যদপস্তস্য হ্যজবীথ্যাশ্চ দক্ষিণাম্ |
পিতৃয়ানঃ স বৈ পন্থা বৈশ্বানরপথাদ্বহিঃ || ১. ২১. ১৫৯||
তত্রাসতে প্রজাবন্তো মুনয়ো যেঽগ্নিহোত্রিণঃ |
লোকস্য সংতানকরাঃ পিতৃয়ানপথে স্থিতাঃ || ১. ২১. ১৬০||
ভূতারংভকৃতং কর্ম আশিষো ঋৎবিগুদ্যতাঃ |
প্রারভন্তে লোককামাস্তেষাং পন্থাঃ স দক্ষিণাঃ || ১. ২১. ১৬১||
চলিতং তে পুনর্ধর্মং স্থাপয়ন্তি যুগেয়ুগে |
সংতপ্তাস্তপসা চৈব মর্যাদাভিঃ শ্রুতেন চ || ১. ২১. ১৬২||
জায়মানাস্তু পূর্বে বৈ পশ্চিমানাং গৃহে ষ্বিহ |
পশ্চিমাশ্চৈব পূর্বেষাং জায়ন্তে নিধনেষ্বপি || ১. ২১. ১৬৩||
এবমাবর্ত্তমানাস্তে তিষ্ঠন্ত্যাভূতসংপ্লবাৎ |
অষ্টাশীতিসহস্রাণি ঋষীমাঙ্গৃহমেধিনাম্ || ১. ২১. ১৬৪||
সবিতুর্দক্ষিণং মার্গশ্রিতা হ্যাচন্দ্রতারকম্ |
ক্রিয়াবতাং প্রসংখ্যৈষা যে শ্মশানানি ভেজিরে || ১. ২১. ১৬৫||
লোকসংব্যবহারাশ্চ ভূতারংভকৃতেন চ |
ইচ্ছাদ্বেষপ্রবৃত্ত্যা চ মৈথুনোপগমেন বৈ || ১. ২১. ১৬৬||
তথা কামকৃতেনেহ সেবনাদ্বিষয়স্য চ |
এতৈস্তৈঃ কারণৈঃ সিদ্ধা যে শ্মশানানি ভেজিরে || ১. ২১. ১৬৭||
প্রচৈষিণস্তে মুনয়ো দ্বাপরেষ্বিহ জজ্ঞিরে |
নাগবীথ্যুত্তরো যশ্চ সপ্তর্ষিগণদক্ষিণঃ || ১. ২১. ১৬৮||
উত্তরঃ সবিতুঃ পন্থা দেবয়ানশ্চ স স্মৃতঃ |
যত্র তে বাসিনঃ সিদ্ধা বিমলা ব্রহ্মচারিণঃ || ১. ২১. ১৬৯||
সংততিং তে জুগুপ্সংতে তস্মান্মৃত্যুস্তু তৈর্জিতঃ |
অষ্টাশীতিসহস্রাণি ঋষীণামূর্দ্ধ্বরেতসাম্ || ১. ২১. ১৭০||
উদক্পন্থানমত্যর্থং শ্রিতা হ্যাশ্রিতসংপ্লবাৎ |
তে সংপ্রয়োগাল্লোকস্য মৈথুনস্য চ বর্জনাৎ || ১. ২১. ১৭১||
ইচ্ছাদ্বেষনিবৃত্ত্যা চ ভূতারংভবিবর্জনাৎ |
পুনশ্চাকামসংযোগাচ্ছব্দাদের্দেষদর্ শনাৎ || ১. ২১. ১৭২||
ইত্যেতৈঃ কারণৈঃ সিদ্ধাস্তেঽমৃতৎবং হি ভেজিরে |
আভূতসংপ্লবস্থানামমৃতৎবং বিভাব্যতে || ১. ২১. ১৭৩||
ত্রৈলোক্যস্থিতি কালায় পুনর্দারাভিগমিনাম্ |
ব্রূণহত্যাশ্বমেধাভ্যাং পুণ্যপাপকৃতোঽপরে || ১. ২১. ১৭৪||
আভূতসংপ্লবান্তে তু ক্ষীয়ং তে হ্যূর্ধ্বরেতসঃ |
উর্দ্ধ্বোত্তরমৃষিভ্যস্তু ধ্রুবো যত্র স বৈ স্মৃতঃ || ১. ২১. ১৭৫||
এতদ্বিষ্ণুপদং দিব্যং তৃতীয়ং ব্যোম্নি ভাস্বরম্ |
যত্র গৎবা ন শোচন্তি তদ্বিষ্ণোঃ পরমং পদম্ |
ধর্মধ্রুবাদ্যাস্তিষ্ঠন্তি যত্র তে লোকসাধকাঃ || ১. ২১. ১৭৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে আদিত্যব্যূহকীর্ত্তনং নামৈকবিংশতিতমোঽধ্যায়ঃ

সূত উবাচ
স্বায়ংভূবনিসর্গে তু ব্যাখ্যাতান্যন্তরাণি চ |
ভবিষ্যাণি চ সর্বাণি তেষাং বক্ষ্যাম্যনুক্রমম্ || ১. ২২. ১||
এতচ্ছ্রুতবা তু মুনয়ঃ পপ্রচ্ছূ রোমহর্ষণম্ |
সূর্যাচন্দ্রমসোশ্চারং গ্রহাণাং চৈব সর্বশঃ || ১. ২২. ২||
ঋষয় ঋচুঃ |
ভ্রমন্তি কথমেতানি জ্যোতীষি দিবমণ্ডলম্ |
অব্যূহেন চ সর্বাণি তথৈবাসংকরেণ বা || ১. ২২. ৩||
কশ্চিদ্ভাময়তে তানি ভ্রমন্তে যদি বা স্বয়ম্ |
এতদ্বেদিতুমিচ্ছামস্তন্নো নিগদ সত্তম || ১. ২২. ৪||
সূত উবাচ
ভূতসংমোহনং হ্যেতদ্বদতো মে নিবোধত |
প্রত্যক্ষমপি দৃশ্যং চ সংমোহয়তি যৎপ্রজাঃ || ১. ২২. ৫||
যোঽযং চতুর্দ্দিশং পুচ্ছে শৈশুমারে ব্যবস্থিতঃ |
উত্তানপাদপুত্রোঽসৌ মেঢীভূতো ধ্রুবো দিবি || ১. ২২. ৬||
স বৈ ভ্রাময়তে নিত্যং চন্দ্রাদিত্যৌ গ্রহৈঃ সহ |
ভ্রমন্তমনুগচ্ছন্তি নক্ষত্রাণি চ চক্রবৎ || ১. ২২. ৭||
ধ্রুবস্য মনসা চাসৌ সর্বতে জ্যোতিষাং গণঃ |
সূর্যাচন্দ্রমসৌ তারা নক্ষত্রাণি গ্রহৈঃ সহ || ১. ২২. ৮||
বাতানীকময়ৈর্বন্ধৈর্ধ্রুবে বদ্ধানি তানি বৈ |
তেষাং যোগশ্চ ভেদশ্চ কালশ্চারস্তথৈব চ || ১. ২২. ৯||
অস্তোদয়ৌ তথোৎপাতা অয়নে দক্ষণোত্তরে |
বিষুবদ্গ্রহবর্ণাশ্চ দ্রুবাৎসর্বং প্রবর্ত্ততে || ১. ২২. ১০||
বর্ষা ঘর্মো হিমং রাত্রিঃ সংধ্যা চৈব দিনং তথা |
শুভাশুভং প্রজানাং চ ধ্রুবাৎসর্বং প্রবর্ত্ততে || ১. ২২. ১১||
ধ্রুবেণাধিষ্টিতশ্চৈব সূর্যোঽপো গৃহ্য বর্ষতি |
তদেষ দীপ্ত কিরণঃ স কালগ্নির্দিবাকরঃ || ১. ২২. ১২||
পরিবর্ত্তক্রমাদ্বিপ্রা ভাভিরালোকয়ন্ দিশঃ |
সূর্যঃ কিরমজালেন বায়ুয়ুক্তেন সর্বশঃ || ১. ২২. ১৩||
জগতো জলমাদত্তে কৃৎস্নস্য দ্বিজসত্তমাঃ |
আদিত্যপীতং সকলং সোমঃ সংক্রমতে জলম্ || ১. ২২. ১৪||
নাডীভির্বায়ুয়ুক্তাভির্লোকধারা প্রবর্ত্ততে |
যৎসোমাৎস্রবতে হ্যংবু তদন্নেষ্বেব তিষ্ঠতি || ১. ২২. ১৫||
মেঘা বায়ুবিঘাতেন বিসৃজন্তি জলং ভূবি |
এবমুৎক্ষিপ্যতে চৈব পততে চাসকৃজ্জলম্ || ১. ২২. ১৬||
ন নাশ উদকস্যাস্তি তদেব পরিবর্ত্ততে |
সংধারণার্থং লোকানাং মায়ৈষা বিশ্বনির্মিতা || ১. ২২. ১৭||
অন্যা মায়য়া ব্যাপ্তং ত্রৈলোক্যং সচরাচরম্ |
বিশ্বেশো লোককৃদ্দেবঃ সহস্রাক্ষঃ প্রজাপতিঃ || ১. ২২. ১৮||
ধাতা কৃৎস্নস্য লোকস্য প্রভবিষ্ণুর্দিবাকরঃ |
সার্বলোকিকমংভো যত্তৎসোমান্নভসশ্ব্যুতম্ || ১. ২২. ১৯||
সোমাধারং জগৎসর্বমেতত্তথ্যং প্রকীর্তিতম্ |
সূর্যাদুষ্ণং নিস্রবতে সোমাচ্ছীতং প্রবর্ত্ততে || ১. ২২. ২০||
শীতোষ্ণবীর্যৌং দ্বাবেতৌ যুক্ত্যা ধারয়তো জগৎ |
সোমাধারা নদী গঙ্গা পবিত্রা বিমলোদকা || ১. ২২. ২১||
ভদ্রসোমপুরোগাশ্চ মহানদ্যো দ্বিজোত্তমাঃ |
সর্বভূতশরীরেষু হ্যাপো হ্যনুসৃতাশ্চ যাঃ || ১. ২২. ২২||
তেষু সংদহ্যমানেষু জঙ্গমস্থাবরেষু চ |
ধূমভূতাস্তু তা হ্যাপো নিষ্কামন্তীহ সর্বশঃ || ১. ২২. ২৩||
তেন চাভ্রাণি জায়ন্তে স্থানমভ্রময়ং স্মৃতম্ |
তেজোর্ঽকঃ সর্বভূতেভ্য আদত্তে রশ্মিভির্জলম্ || ১. ২২. ২৪||
সমুদ্রাদ্বায়ুসংযোগাদ্বহন্ত্যাপো গভস্তয়ঃ |
সংজীবনং চ সস্যানামংভস্তদমৃতোপমম্ || ১. ২২. ২৫||
ততস্ত্বৃতুবশাৎকালে পরিবত্য দিবাকরঃ |
যচ্ছত্যাপো হি মেঘেভ্যঃ ঘুক্লাশুক্লৈর্গভস্তিভিঃ || ১. ২২. ২৬||
অভ্রস্থাঃ প্রপতন্ত্যাপো বায়ুনা সমুদীরিতাঃ |
সর্বভূতহিতার্থায় বায়ুমিশ্রাঃ সমন্ততঃ || ১. ২২. ২৭||
ততো বর্ষতি ষণ্মাসান্সর্বভূতবিবৃদ্ধয়ে |
বায়ব্যং স্তনিতং চৈব বৈদ্যুতং চাগ্নিসংভবম্ || ১. ২২. ২৮||
মেহনাচ্চ মিহেধাতোমঘৎবং ব্যজয়ন্তি হি |
ন ভ্রশ্যন্তি যতশ্চাপস্তদভং কবয়ো বিদুঃ || ১. ২২. ২৯||
মেঘানাং পুনরুৎপত্তিশ্ত্রিবিধা যোনিরুচ্যতে |
আগ্নেয়া ব্রহ্মজাশ্চৈব পক্ষজাশ্চ পৃথগ্বিধাঃ || ১. ২২. ৩০||
ত্রিধা মেঘাঃ সমাখ্যাতাস্তেষাং বক্ষ্যামি সংভবম্ |
আগ্নেয়া স্তূষ্ণজাঃ প্রোক্তাস্তেষাং ধূমপ্রবর্ত্তনম্ || ১. ২২. ৩১||
শীতদুর্দিনবাতা যে স্বগুণাস্তে ব্যবস্থিতাঃ |
মহিষাশ্চ বারাহাশ্চ মত্তমাতঙ্গরূপিণঃ || ১. ২২. ৩২||
ভূৎবা ধরণিমভ্যেত্য রমন্তে বিচরন্তি চ |
জীমূতা নাম তে মেঘা হ্যেতেভ্যো জীবসংভবঃ || ১. ২২. ৩৩||
বিদ্যুদ্গুণবিহীনাশ্চ জলধারা বিলংবিনঃ |
মূকমেঘা মহাকায়া আবহস্য বশানুগাঃ || ১. ২২. ৩৪||
ক্রোশমাত্রাচ্চ বর্ষন্তি ক্রোশার্দ্ধাদপি বা পুনঃ |
পর্বতাগ্র নিতংবেষু বর্ষতি চ রসংতি চ || ১. ২২. ৩৫||
বলাকাগর্ভদাশ্চৈব বলাকাগর্ভধারিণঃ |
ব্রহ্মজা নাম তে মেঘা ব্রহ্মনিশ্বাসসংভবাঃ || ১. ২২. ৩৬||
তে হি বিদ্যুদ্গুণোপেতাস্তনয়িত্নুপ্রিয়স্বনাঃ |
তেষাং শশ্র্বৎপ্রণাদেন ভূমিঃ স্বাঙ্গরূহোদ্ভবা || ১. ২২. ৩৭||
রাজ্ঞী রাজ্যাভিষিক্তেব পুনর্যৌংবনমশ্নুতে |
তেষ্বিয়ং প্রাবৃডাসক্তা ভূতানাং জীবিতোদ্ভবা || ১. ২২. ৩৮||
দ্বিতীয়ং প্রবহং বায়ুং মেঘাস্তে তু সমাশ্রিতাঃ |
এতং যোজনমাত্রাচ্চ সাধ্যর্দ্ধা নিষ্কৃতাদপি || ১. ২২. ৩৯||
বৃষ্টির্গর্ভস্ত্রিধা তেষাং ধারাসারঃ প্রকীর্ত্তিতঃ |
পুষ্করাবর্ত্তকা নাম তে মেঘাঃ পক্ষসংভবাঃ || ১. ২২. ৪০||
শক্রেণ পক্ষচ্ছিন্না যে পর্বতানাং মহৌজসাম্ |
কামাগানাং প্রবৃদ্ধানাং ভূতানাং শিবমিচ্ছতা || ১. ২২. ৪১||
পুষ্করা নাম তে মেঘা বৃংহন্তস্তোয়মৎসরাঃ |
পুষ্করাবর্ত্তকাস্তেন কারণেনেহ শব্দিতাঃ || ১. ২২. ৪২||
নানারূপধরাশ্চৈব মহাঘোরস্বনাশ্চ তে |
কল্পান্তবৃষ্টেঃ স্রষ্টারঃ সংবর্তাগ্নে র্নিয়ামকাঃ || ১. ২২. ৪৩||
বর্ষন্ত্যেতে যুগান্তেষু তৃতীয়াস্তে প্রকীর্ত্তিতাঃ |
অনেকরূপসংস্থানাঃ পূরয়ন্তো মহীতলম্ || ১. ২২. ৪৪||
বায়ুং পুরা বহন্তঃ স্যুরাশ্রিতাঃ কল্পসাধকাঃ |
যান্যণ্ডস্য তু ভিন্নস্য প্রাকৃতস্যাভবংস্তদা || ১. ২২. ৪৫||
যস্মিন্ব্রহ্মা সমুৎপন্নশ্চতুর্বক্ত্রঃ স্বয়ংপ্রভুঃ |
তান্যেবাণ্ডকপালানি সর্বে মেঘাঃ প্রকীর্ত্তিতাঃ || ১. ২২. ৪৬||
তেষামাপ্যায়নং ধূমঃ সর্বেষামবিশেষতঃ |
তেষাং শ্রেষ্ঠস্তু পর্জন্যশ্চৎবারশ্চৈব দিগ্গজাঃ || ১. ২২. ৪৭||
গজানাং পর্বতানাং চ মেঘানাং ভোগিভিঃ সহ |
কুলমেকং পৃথগ্ভূতং যোনিরেকা জলং স্মৃতম্ || ১. ২২. ৪৮||
পর্জন্যো দিগ্গজা শ্চৈব হেমন্তে শীতসংভবাঃ |
তুষারবৃষ্টিং বর্ষন্তি শিষ্টঃ সস্যপ্রবৃদ্ধয়ে || ১. ২২. ৪৯||
ষষ্ঠঃ পরিবহো নাম তেষাং বায়ুরপাশ্রয়ঃ |
যোঽসৌ বিবর্ত্তি ভগবান্গঙ্গামাকাশগোচরাম্ || ১. ২২. ৫০||
দিব্যামৃতজলা পুণ্যাং ত্রিধাস্বাতিপথে স্থিতাম্ |
তস্যা নিষ্যন্দতোয়ানি দিগ্গজাঃ পৃথুভিঃ করৈঃ || ১. ২২. ৫১||
শীকরং সংপ্রমুঞ্চন্তি নীহার ইতি স স্মৃতঃ |
দক্ষিণেন গিরির্যোঽসৌ হেমকূট ইতি স্মৃতঃ || ১. ২২. ৫২||
উদগ্ঘিমবতঃ শৈল উত্তরপ্রায়দক্ষিণে |
পুণ্ড্রং নাম সমাখ্যাতং নগরং তত্র বিস্তৃতম্ || ১. ২২. ৫৩||
তস্মিন্নিপতিতং বর্ষং তত্তুষারসমুদ্ভবম্ |
ততস্তদা বহো বায়ুর্হেমবন্তং সমুদ্বহন্ || ১. ২২. ৫৪||
আনয়ত্যাত্ময়োগেন সিংচমানো মহাগিরিম্ |
হিমবন্তমতিক্রম্য বৃষ্টিশেষং ততঃ পরম্ || ১. ২২. ৫৫||
ইহাভ্যেতি ততঃ পশ্চাদপরান্তবিবৃদ্ধয়ে |
বর্ষদ্বয়ং সমাখ্যাতং সস্যদ্বয়বিবৃদ্ধয়ে || ১. ২২. ৫৬||
মেঘাশ্চাপ্যায়নং চৈব সর্বমেতৎপ্রকীর্ত্তিতম্ |
সূর্য এব তু বৃষ্টীনাং স্রষ্টা সমুপদিশ্যতে || ১. ২২. ৫৭||
সূর্যমূলা চ বৈ বৃষ্টির্জলং সূর্যাৎপ্রবর্ততে |
ধ্রুবেণাধিষ্ঠিতঃ সূর্যস্তস্যাং বৃষ্টৌ প্রবর্ত্ততে || ১. ২২. ৫৮||
ধ্রুবেণাধিষ্টিতো বায়ুর্বৃষ্টিং সংহরতে পুনঃ |
গ্রহো নিঃসৃত্য সূর্যাত্তু কৃৎস্নে নক্ষত্রমণ্ডলে || ১. ২২. ৫৯||
চরিৎবান্তে বিশত্যর্কং ধ্রুবেণ সমাধিষ্ঠিতম্ |
ততঃ সূর্যরথস্যাথ সন্নিবেশং নিবোধত || ১. ২২. ৬০||
সংস্থিতেনৈকচক্রেণ পঞ্চারেণ ত্রিনাভিনা |
হিরণ্ময়েন ভগবাংস্তথৈব হরিদর্বণা || ১. ২২. ৬১||
অষ্টাপদনিবদ্ধেন ষট্প্রকারৈকনেমিনা |
চক্রেণ ভাস্বতা সূর্যঃ স্যন্দনেন প্রসর্পতি || ১. ২২. ৬২||
দশয়োজনসাহস্রো বিস্তারায়ামতঃ স্মৃতঃ |
দ্বিগুণোঽস্য রথোপস্থাদীষাদণ্ডঃ প্রমাণতঃ || ১. ২২. ৬৩||
স তস্য ব্রহ্মণা সৃষ্টো রথো হ্যর্থবশেন তু |
অসংগঃ কাঞ্চনো দিব্যো যুক্তঃ পবনগৈর্হয়ৈঃ || ১. ২২. ৬৪||
ছন্দোভির্বাজিরূপৈস্তু যতশ্চক্রং ততঃ স্থিতৈঃ |
বারুণস্যন্দনস্যেহ লক্ষণৈঃ সদৃশস্তু সঃ || ১. ২২. ৬৫||
তেনাসৌ সর্বতে ব্যোম্নি ভাস্বতা তু দিবাকরঃ |
অথৈতানি তু সূর্যস্য প্রত্যঙ্গানি রথস্য হ || ১. ২২. ৬৬||
সংবৎসরস্যাবয়বৈঃ কল্পি তস্য যথাক্রমম্ |
অহস্তু নাভিঃ সৌরস্য একচক্রস্য বৈ স্মৃতঃ || ১. ২২. ৬৭||
অরাঃ পঞ্চার্ত্তবাংস্তস্য নেমিঃ ষডৃতবঃ স্মৃতঃ |
রথনীডঃ স্মৃতো হ্যেষ চায়নে কূবরাবুভৌ || ১. ২২. ৬৮||
মুহূর্ত্তা বন্ধুরাস্তস্য রম্যাশ্চাস্য কলাঃ স্মৃতাঃ |
তস্য কাষ্ঠা স্মৃতা ঘোণা অক্ষদণ্ডঃ ক্ষণস্তু বৈ || ১. ২২. ৬৯||
নিমেষশ্চানুকর্ষোঽস্য হীষা চাস্য লবাঃস্মৃতাঃ |
রাত্রির্বরূথো ধর্মোঽস্য ধ্বজ ঊর্দ্ধ্ব সমুচ্ছ্রিতঃ || ১. ২২. ৭০||
যুগাক্ষকোডী তে তস্য অর্থকামাবুভৌ স্মৃতৌ |
সপ্তাশ্বরূপাশ্ছন্দাসি বহন্তো বামতো ধুরম্ || ১. ২২. ৭১||
গায়ত্রী চৈব ত্রিষ্টুপ্য হ্যনুষ্টুব্জগতী তথা |
পঙ্ক্তিশ্চ বৃহতী চৈব হ্যুষ্ণিক্চৈব তু সপ্তমী || ১. ২২. ৭২||
চক্রমক্ষে নিবদ্ধং তু ধ্রুবে চাক্ষঃ সমর্পিতঃ |
সহচক্রো ভ্রমত্যক্ষঃ সহক্ষো ভ্রমতে ধ্রুবঃ || ১. ২২. ৭৩||
অক্ষেণ সহ চক্রেশো ভ্রমতেঽসৌ ধ্রুবেরিতঃ |
এবমর্থবশাত্তস্য সন্নিবেশো রথস্য তু || ১. ২২. ৭৪||
তথা সংযোগভাবেন সংসিদ্ধো ভাসুরো রথঃ |
তেনাসৌ তরণির্দেবো ভাস্বতা সর্পতে দিবি || ১. ২২. ৭৫||
যুগাক্ষকোটিসন্নদ্ধৌ দ্বৌ রশ্মী স্যন্দনস্য তু |
ধ্রুবে তৌ ভ্রাম্যতে রশ্মী চ চক্রয়ুগয়োস্তু বৈ || ১. ২২. ৭৬||
ভ্রমতো মণ্ডলান্যস্য খেচরস্য রথস্য তু |
যুগাক্ষকোটী তে তস্য দক্ষিণে স্যন্দনস্য হি || ১. ২২. ৭৭||
ধ্রুবেণ প্রগৃহীতে বৈ বিচক্রম তুরক্ষবৎ |
ভ্রমন্তমনুগচ্ছেতাং ধ্রুবং রশ্মী তু তাবুভৌ || ১. ২২. ৭৮||
যুগাক্ষকোটিস্তত্তস্য রশ্মিভিঃ স্যন্দনস্য তু |
কীলাসক্তা যথা রজ্জুর্ভ্রংমতে সর্বতো দিশম্ || ১. ২২. ৭৯||
হ্রসতস্তস্য রশ্মী তু মণ্ডলেষূত্তরায়ণে |
বর্দ্ধতে দক্ষিণে চৈব ভ্রমতো মণ্ডলানি তু || ১. ২২. ৮০||
যুগাক্ষকোটিসংবদ্ধৌ রশ্মী দ্বৌ স্যন্দনস্য তু |
ধ্রুবেণ প্রগৃহীতৌ বৈ তৌ রশ্মী নয়তো রবিম্ || ১. ২২. ৮১||
আকৃষ্যেতে যদা তৌ বৈ ধ্রুবেণ সম ধিষ্ঠিতৌ |
তদা সোঽভ্যন্তরে সূর্যো ভ্রমতে মণ্ডলানি তু || ১. ২২. ৮২||
অশীতির্মণ্ডলশতং কাষ্ঠয়োরন্তরং স্মৃতম্ |
ধ্রুবেণ মুচ্যমানাভ্যাং রশ্মিভ্যাং পুনরেব তু || ১. ২২. ৮৩||
তথৈব বাহ্যতঃ সূর্যো ভ্রমতে মণ্ডলানি তু |
উদ্বেষাটয়ন্স বেগেন মণ্ডলানি তু গচ্ছতি || ১. ২২. ৮৪||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে দেবগ্রহানুকীর্তনং নাম দ্বাবিংশতিতমোঽধ্যায়ঃ

সূত উবাচ
সরথোঽধিষ্ঠিতো দেবৈরাদিত্যৈর্মুনিভিস্তথা |
গন্ধর্বৈরপ্সরোভিশ্চ গ্রামণীসর্পরাক্ষসৈঃ || ১. ২৩. ১||
এতে বসংতি বৈ সূর্যে দ্বৌ দ্বৌ মাসৌ ক্রমেণ তু |
ধাতার্ঽযমা পুলস্ত্যশ্চ পুলহশ্চ প্রজাপতিঃ || ১. ২৩. ২||
এরাবতো বাসুকিশ্চ কংসো ভীমশ্চ তাবুভৌ |
রথকৃচ্চ রথৌজাশ্চ যক্ষাবেতাবুদা ৎদৃতৌ || ১. ২৩. ৩||
তুংবুরুর্নারদশ্চৈব সুস্থলা পুঞ্জিকস্থলা |
রক্ষো হেতিঃ প্রহেতিশ্চ যাতুধানাবুদাহৃতৌ || ১. ২৩. ৪||
এতে বসংতি বৈ সূর্য্যে মধুমাধবয়োঃ সদা |
মিত্রশ্চ বরুণশ্চৈব মুনিরত্রিরুদাহৃতঃ || ১. ২৩. ৫||
তথা বসিষ্ঠো বিখ্যাতঃ সহজন্যা চ মেনকা |
রাক্ষসৌ চ সমাখ্যাতৌ পৌরুষেয়ো বধস্তথা || ১. ২৩. ৬||
হাহা হূহূশ্চ গন্ধর্বৌং যজ্ঞশ্চাপি রথস্বনঃ |
রথচিত্রস্তথৈবান্যো নাগসাক্ষকসংজ্ঞেতঃ || ১. ২৩. ৭||
রংভকশ্চ বসন্ত্যেতে মাসয়োঃ শুচিশুক্রয়োঃ |
ততঃ সূর্যে পুনস্ত্বন্যা নিবসংতীহ দেবতাঃ || ১. ২৩. ৮||
ইদ্রশ্চৈব বিবস্বাংশ্চ অঙ্গিরা ভৃগুরেব চ |
এলাপত্রস্তথা সর্পঃ শঙ্খপালাশ্চ তাবুভৌ || ১. ২৩. ৯||
বিশ্বাবসূগ্রসেনৌ চ শ্বেতশ্চৈবারুণস্তথা |
প্রম্লোচা ইতি বিখ্যাতানুম্লোচেতি চ তে উভে || ১. ২৩. ১০||
যাতুধানস্তদা সর্পো ব্যাঘ্রশ্চব তু তাবুভৌ |
নভোনভস্যয়োরেষ গাণো বসতি ভাস্করে || ১. ২৩. ১১||
শরদ্যন্যাঃ পুনঃ শুভ্রা বসংতি মুনিদেবতাঃ
পর্জন্যশ্চৈব পূষা চ ভারদ্বাজঃ সগৌতমঃ || ১. ২৩. ১২||
পরাবসুশ্চ গন্ধর্বস্তথৈব সুরুচিশ্চ যঃ |
বিশ্বাচী চ ঘৃতাচী চ উভে তে শুভলক্ষণে || ১. ২৩. ১৩||
নাগ এরাবতশ্চৈব বিশ্রুতশ্চ ধনঞ্জয়ঃ |
শ্চেনজিচ্চ সুষেণশ্চ সেনীর্গ্রাম ণীশ্চ তৌ || ১. ২৩. ১৪||
আপো বাতশ্চ দ্বাবেতৌ যাতুধানাবুদাহৃতৌ |
বসংত্যেতে তু বৈ সূর্যে সদৈবাশ্বিনকর্তিকে || ১. ২৩. ১৫||
হৈমন্তিকৌ তু দ্বৌ মাসৌ বসংতি চ দিবাকরে |
অংশো ভগশ্চ দ্বাবৈতৌ কশ্যপশ্য ক্রতুশ্চ হ || ১. ২৩. ১৬||
ভুজঙ্গশ্চ মহাপদ্মঃ সর্বঃ কর্কেটক স্তথা |
চিত্রসেনশ্চ গন্ধর্ব ঊর্ণায়ুশ্চৈব তাবুভৌ || ১. ২৩. ১৭||
উর্বশী পূর্বচিত্তিশ্চ তথৈবাপ্সরসা উভে |
তার্ক্ষশ্চারিষ্টনেমিশ্চ সেনানীর্ গ্রামণীশ্চ তৌ || ১. ২৩. ১৮||
বিদ্যুৎস্ফূর্জঃ শতায়ুশ্চ যাতুধানাবুদাৎদৃতৌ |
সহে চৈব সহস্যে চ বসংত্যেতে দিবাকরে || ১. ২৩. ১৯||
ততঃ শৈশির যোশ্চাপি মাসয়োর্নিবসংতি বৈ |
ৎবষ্টা বিষ্ণুর্জামদগ্ন্যো বিশ্বামিত্রস্তথৈব চ || ১. ২৩. ২০||
কাদ্রবেয়ৌ তথা নাগৌ কংবলাশ্বতরাবুভৌ |
গন্ধর্বো ধৃতরাষ্ট্রশ্চ সূর্যবর্চাস্তথৈব চ || ১. ২৩. ২১||
তিলোত্তমা তথা রংভা ব্রহ্মাপেতশ্চ রাক্ষসঃ |
যজ্ঞাপেতম্তথৈবান্যো বিশ্যাতো রাক্ষসো ত্তমঃ || ১. ২৩. ২২||
ঋতজিৎসত্যজিচ্চৈব গন্ধর্বৌং সমুদাহৃতৌ |
তপস্তপস্যয়োঃ সূর্যে বসংতি মুনিসত্তমাঃ || ১. ২৩. ২৩||
পিতৃদেবমনুষ্যাদীন্স সদাপ্যায়য়ন্প্রভুঃ |
পরিবর্ত্তত্যহোরাত্রকারণং সবিতা দ্বিজাঃ || ১. ২৩. ২৪||
এতে দেবা বসংত্যর্কে দ্বৌ দ্বৌ মাসৌ ক্রমেণ তু |
স্থানাভিমানিনো হ্যেতে গাণা দ্বাদশসপ্তকাঃ || ১. ২৩. ২৫||
সুর্যস্যাপ্যায়য়ন্ত্যেতে তেজসা তেজ উত্তমমা |
গ্রথিতৈঃ স্বৈর্বচোভিশ্চ স্তুবন্তি হ্যৃষয়ো রবিম্ || ১. ২৩. ২৬||
গন্ধর্বাপ্সরসশ্চৈব গীতনৃত্যৈরুপাসতে |
গ্রামণীয়ক্ষভূতানি কুর্বতেঽভীষুসংগ্রহম্ || ১. ২৩. ২৭||
সর্পা বহন্তি বৈ সূর্যং যাতুধানাস্তু যান্তি চ |
বালখিল্যা নংযত্যস্তং পরিবার্যোদয়াদ্রবিম্ || ১. ২৩. ২৮||
এতেষামেব দেবানাং যথাবীর্যং যথাতপঃ |
যথাধর্মং যথায়োগং যথাসত্যং যথাবলম্ || ১. ২৩. ২৯||
তপত্যসৌ তশ্রা সূর্য এষামিন্দ্রস্তু তেজসা |
ইত্যেতে নিবসংতীহ দ্বৌ দ্বৌ মাসৌ দিবাকরে || ১. ২৩. ৩০||
ঋষয়ো দেবগন্ধর্বাঃ পন্নগাপ্সরসাং গণাঃ |
গ্রামণ্যশ্চ তথা যক্ষা যাতুধানাশ্চ মুখ্যশঃ || ১. ২৩. ৩১||
এতে তপন্তি বর্ষন্তি ভান্তি বান্তি সৃজন্তি চ |
ভূতানাং চশুভং কর্ম ব্যপোহন্তি প্রকীর্ত্তিতাঃ || ১. ২৩. ৩২||
মানবানাং শুভং হ্যেতে হরন্তে দুরিতাত্মনাম্ |
দুরিতং সুপ্রচারাণাং ব্যপোহন্তি ক্বচি ৎক্বচিৎ || ১. ২৩. ৩৩||
এতে সহৈব সূর্যেণ ভ্রমন্তি দিবাসানুগাঃ |
বর্ষন্তশ্চ তপন্তশ্চ হ্লাদয়ন্তশ্চ বৈ প্রজাঃ || ১. ২৩. ৩৪||
গোপায়ন্তি চ ভূতানি সর্বাণীহামনুক্ষয়াৎ |
স্থানাভিমানিনামেতৎস্থানং মন্বন্তরেষু বৈ || ১. ২৩. ৩৫||
অতীতানাগতানাং চ বর্ত্তন্তে সাংপ্রতং চ যে |
এবং বসংতি বৈ সূর্যে সপ্তকাস্তে চতুর্দশ |
চতুর্দশসু সর্বেষু গণা মন্বন্তরেষ্বিহ || ১. ২৩. ৩৬||
গ্রীষ্মে চ বর্ষাসু চ মুঞ্চমানো ঘর্মং হিমং বর্ষ দিনং নিশাং চ |
গচ্ছত্যসাবৃতুবশাৎপরিবৃত্তরশ্মির্দেবান্ পিৎৠংশ্চ মনুজাংশ্চ হি তর্পয়ন্বৈ || ১. ২৩. ৩৭||
প্রীণাতি দেবানমৃতেন সূর্যঃ সোমং সুষুম্ণেন চ বর্দ্ধয়িৎবা |
শুক্লে তু পূর্ণং দিবসক্রমেণ তং কৃষ্ণপক্ষে বিবুধাঃ পিবন্তি || ১. ২৩. ৩৮||
পীতং চ সোমং হি কলাবশিষ্টং কৃষ্ণক্ষয়ে রশ্মিভিরক্ষরন্তম্ |
সুধামৃতং তৎপিতরঃ পিবন্তি দেবাশ্চ সৌম্যাশ্চ তথৈব কাব্যাঃ || ১. ২৩. ৩৯||
সূর্যেণ গোভিশ্চ সমুজ্ঝিতাভিরদ্ভিঃ পুনশ্চৈব সমুদ্ধৃতাভিঃ |
বৃষ্ট্যাভিবৃদ্ধাভিরথৌষধীভির্মর্ত্যাঃ ক্ষুধং ৎবন্নপানৈর্জয়ন্তি || ১. ২৩. ৪০||
তৃপ্তিশ্চ শুক্লে সুধয়া সুরাণাং পক্ষে চ কৃষ্ণে সুধয়া পিতণাম্ |
অন্নেন শশ্বচ্চ দধাতি মর্ত্যান্সুর্যস্তপংস্তান্সুবিভর্ত্তি গোভিঃ || ১. ২৩. ৪১||
হ্রিয়ন্হরিস্তৈর্হরিভিস্তুরঙ্গমৈর্হরত্যথাপঃ কিরণৈর্হরিদ্ভিঃ |
বিসর্গকালে বিসৃজংশ্চ তাঃ পুনর্বিভর্ত্তি শশ্বৎসবিতা চরাচরম্ || ১. ২৩. ৪২||
হরির্হরিদ্ভির্হ্রি যতে তুরঙ্গমৈঃ পিবত্যথাপো হরিভিঃ সহস্রধা |
ততঃ প্রমুঞ্চত্যপি তাস্ত্বসৌ হরিঃ সমূহ্যমানো হরিভিস্তুরঙ্গমৈঃ || ১. ২৩. ৪৩||
ইত্যেষ একচক্রেণ সূর্যস্তূর্ণরথেন তু |
ভদ্রৈস্তৈরক্রমৈরশ্বৈঃ স্পন্দনে বৈদিকক্ষয়ঃ || ১. ২৩. ৪৪||
অহোরাত্রাদ্রথেনাসাবেকচক্রেণ বৈ ভ্রমন্ |
সপ্তদ্বীপসমুদ্রান্তাং সপ্তভিঃ সপ্তভির্হয়ৈঃ || ১. ২৩. ৪৫||
ছন্দোভিরশ্বরূপৈস্তৈর্যতশ্চক্রং ততঃ স্থিতৈঃ |
কামরূপৈঃ সকৃদ্যুক্তৈর্বামতস্তৈর্মনোজবৈঃ || ১. ২৩. ৪৬||
হরিতৈখ্যয়ৈঃ পিঙ্গৈরীশ্বরৈর্ব্রহ্মবাদিভিঃ |
ত্র্যশীতিমণ্ডলশতং ভ্রমন্ত্যব্দেন তে হয়াঃ || ১. ২৩. ৪৭||
বাহ্যমাভ্যন্তরং চৈব মণ্ডলং দিবসক্রমাৎ |
কল্পাদৌ সংপ্র যুক্তাস্তে বহন্ত্যাভূতসংপ্লবাৎ || ১. ২৩. ৪৮||
আবৃত্তা বালখিল্যৈস্তে ভ্রমন্তে রাত্র্যহানি তু |
বচোভিরগ্র্যৈর্গ্রথিতৈঃ স্তূয়মানো মহর্ষিভিঃ || ১. ২৩. ৪৯||
সেব্যতে গীতনৃত্যৈশ্চ গন্ধর্বৈশ্চাপ্সরোগণৈঃ |
পতঙ্গৈঃ পতগৈরশ্বৈর্ভ্রমমাণো দিবস্পতিঃ || ১. ২৩. ৫০||
রথাস্ত্রচক্রঃসোমস্য কুদাভাস্তস্য বাজিনঃ |
বামদক্ষিণতো যুক্তা দশ তেন চরন্ত্যসৌ || ১. ২৩. ৫১||
বীথ্যাশ্রয়াণি ঋক্ষাণি ধ্রুবাধারেণ বেগিতাঃ |
হ্রাসবৃদ্ধী তথৈবাস্য রশ্মীনাং সূর্যবৎস্মৃতে || ১. ২৩. ৫২||
ত্রিচক্রোভয়তোঽশ্বশ্চ বিজ্ঞেয়ঃ শশিনো রথঃ |
অপাং গর্ণাৎসমুৎপন্নো রথঃ সাশ্বঃ সসারথিঃ || ১. ২৩. ৫৩||
শতারৈশ্চ ত্রিভিশ্চক্রৈর্যুক্তঃ শুক্লৈর্হয়োত্তমৈঃ |
দশভিস্তু কৃশৈর্দিব্যৈরসংগৈস্তৈর্মনোজবৈঃ || ১. ২৩. ৫৪||
সকৃদ্যুক্তে রথে তাস্মিন্বহন্তে চায়ুগক্ষয়াৎ |
সংগৃহীতরথে তস্মিঞ্শ্বেতশ্চক্ষুঃশ্রবাশ্চ বৈ || ১. ২৩. ৫৫||
অশ্বাস্তমেকবর্ণস্তে বহন্তে শঙ্খবর্চসঃ |
যজুশ্চণ্ডমনাশ্চৈব বৃষো বাজী নরো হয়ঃ || ১. ২৩. ৫৬||
অশ্বো গবিষ্ণুর্বিখ্যাতো হংসো ব্যোমো মৃগস্তথা |
ইত্যেতে নামভিঃ সর্বে দশ চন্দ্রমসো হয়াঃ || ১. ২৩. ৫৭||
এতে চন্দ্রমসং দেবং বহন্তি সহ দীক্ষয়া |
দেবৈঃ পরিবৃতঃ সোমঃ পিতৃভিশ্চৈব গচ্ছতি || ১. ২৩. ৫৮||
সোমস্য শুক্লপক্ষাদৌ ভাস্করে পরতঃ স্থিরে |
আপূর্যতে পরস্যান্তে সততং দিবসক্রমাৎ || ১. ২৩. ৫৯||
দেবৈঃ পীততনুং সোমমাপ্যায়য়তি নিত্যদা |
ক্ষীণং পঞ্চদশাহং তু রশ্মিনৈকেন ভাস্করঃ || ১. ২৩. ৬০||
আপূরয়ন্সুষুম্ণেন ভাগং ভাগমহঃক্রমাৎ |
সুষুম্ণাপ্যায়মানস্য শুক্লা বর্দ্ধন্তি বৈ কলাঃ || ১. ২৩. ৬১||
তস্মাদ্ধ্রসংতি বৈ কৃষ্ণে শুক্লে স্বাপ্যায়য়ন্তি তম্ |
ইত্যেবং সূর্যবীর্যেণ চন্দ্রশ্চাপ্যায়িতস্ততঃ || ১. ২৩. ৬২||
পৌর্ণমাস্যাং স দৃশ্যেত শুক্লঃ সংপূর্ণমণ্ডলঃ |
এবমাপ্যায়িতঃ সোমঃ শুক্ল পক্ষে দিনক্রমাৎ || ১. ২৩. ৬৩||
ততো দ্বিতীয়াপ্রভৃতি বহুলস্য চতুর্দ্দশীম্ |
অপাং সারময়স্যেন্দো রসমাত্রাত্মকস্য তু || ১. ২৩. ৬৪||
পিবত্যংবুময়ং দেবা হৃষ্টাঃ সৌম্যং স্বধামৃতম্ |
সংভৃতং ৎবর্দ্ধমাসেন হ্যমৃতং সূর্যতেজসা || ১. ২৩. ৬৫||
ভক্ষার্থমমৃতং সোমঃ পৌর্ণমাস্যামুপাসতে |
একাং রাত্রিং সুরৈঃ সর্বৈঃ পিতৃভিঃ সর্ষিভিঃ সহ || ১. ২৩. ৬৬||
সোমস্য কৃষ্ণপক্ষাদৌ ভাস্করাভিমুখস্য তু |
প্রক্ষীয়ন্তে পিদৃদেবৈঃ পীয়মানাঃ কলাঃ ক্রমাৎ || ১. ২৩. ৬৭||
ত্রয়শ্চ ত্রিংশতশ্চৈব ত্রয়স্ত্রিংশত্তথৈব চ |
ত্রয়শ্চ ত্রিসহস্রাশ্চ দেবাঃ সোমং পিবন্তি বৈ || ১. ২৩. ৬৮||
ইত্যেতৈঃ পীয়মানস্য কৃষ্ণা বর্দ্ধতি বৈ কলাঃ |
ক্ষীয়ন্তি তস্মাচ্ছুক্লাশ্চ কৃষ্ণা আপ্যায়য়ন্তি চ || ১. ২৩. ৬৯||
এবং দিনক্রমাৎপীতে বিবুধৈস্তু নিশাকরে |
পীৎবার্দ্ধ মাসং গচ্ছন্তি চামাবাস্যাং সুরোত্তমাঃ || ১. ২৩. ৭০||
পিতরশ্চোপতিষ্ঠন্তি হ্যমাবাস্যাং নিশাকরম্ |
ততঃ পঞ্চদশেকালে কিঞ্চিচ্ছিষ্টে কলাত্মকে || ১. ২৩. ৭১||
অপরাহ্ণে পিতৃগণা জঘন্যং পয়ুপাসতে |
পিবন্তি দ্বিলবং কালং শিষ্টাস্তস্য কলাস্তু যাঃ || ১. ২৩. ৭২||
নিঃসৃতং তদমাবাস্যাং গভস্তিভ্যঃ স্বধামৃতম্ |
তাং স্বধাং মাসতৃপ্ত্যৈ চ পীৎবা গচ্ছন্তি তেঽমৃতম্ || ১. ২৩. ৭৩||
সূর্যস্তস্মিন্সুষুম্ণে যস্তাপিতস্তেন চন্দ্রমাঃ |
কৃষ্ণপক্ষে সুরৈস্তদ্বৎপীয়তে বৈ সুধাময়ঃ || ১. ২৩. ৭৪||
সৌম্যা বর্হিষদশ্চৈব অগ্নিষ্বাত্তাশ্চ তে ত্রিধা |
কাব্যশ্চৈব তু যে প্রোক্তাঃ পিতরঃ সর্ব এব তে || ১. ২৩. ৭৫||
সংবৎসরাস্তু বৈ কাব্যাঃ পঞ্চাব্দা যে দ্বিচৈঃ স্মৃতাঃ |
সৌম্যাস্তু ঋতুবো জ্ঞেয়া মাসা বর্হিষদঃ স্মৃতাঃ || ১. ২৩. ৭৬||
অগ্নিষ্বাত্তার্ত্তবাশ্চৈব পিতৃসর্গা হি বৈ দ্বিজাঃ |
পিতৃভিঃ পীয়মানস্য পঞ্চদশ্যাং কলা তু বৈ || ১. ২৩. ৭৭||
যাবৎপ্রক্ষীয়তে তস্য ভাগঃ পঞ্চদশস্তু যঃ |
অমাবাস্যাং তদা তস্য তত আপূর্যতে পরঃ || ১. ২৩. ৭৮||
বৃদ্ধক্ষয়ৌ বৈ পক্ষাদৌ ষোডশ্যাং শশিনঃ স্মৃতা |
এবং সূর্যনিমিত্তৈষ ক্ষয়োবৃদ্ধির্নিশাকরে || ১. ২৩. ৭৯||
তারাগ্রহাণাং বক্ষ্যামি স্বর্ভানোশ্চ রথান্পুনঃ |
তেয়তেজোময়ঃ শুভ্রঃ সোমপুত্রস্য বৈ রথঃ || ১. ২৩. ৮০||
সোপাসংগপ তাকস্তু সধ্বজো মেঘনিস্বনঃ |
ভার্গবস্য রথঃ শ্রীমাংস্তেজসা সূর্যসন্নিভঃ || ১. ২৩. ৮১||
পৃথিবীসংভবৈর্যুক্তো নানাবর্ণৈর্হয়োত্তমৈঃ |
শ্বেতঃ পিশঙ্গঃ সারঙ্গো নীলঃ পীতো বিলোহিতঃ || ১. ২৩. ৮২||
কৃষ্ণশ্চ হরিতশ্চৈব পৃষতঃ পৃশ্রিরেব চ |
দশভিস্তৈর্মহাভাগৈরকৃশৈর্বাতরংহসৈঃ || ১. ২৩. ৮৩||
অষ্টাশ্বঃ কাঞ্চনঃ শ্রীমান্ভৌমস্যাপি রথোত্তমঃ |
অসংগৈর্লোহিতৈরশ্বৈঃ সর্বগৈরগ্নিসংভবৈঃ || ১. ২৩. ৮৪||
প্রসর্পতি কুমারো বৈ ঋজুবক্রানুব ক্রগৈঃ |
ততশ্চাঙ্গিরসো বিদ্বান্দেবাচার্যো বৃহস্পতিঃ || ১. ২৩. ৮৫||
গৌরৈরশ্বৈঃ কাঞ্চনেন স্যন্দনেন প্রসর্পতি |
অব্জৈস্তু বাজিভির্দিব্যৈরষ্টভির্বাতরংহসৈঃ || ১. ২৩. ৮৬||
নক্ষত্রেঽব্দং স তিষ্ঠন্বৈ সংবেধাস্তেন গচ্ছতি |
ততঃ শনৈশ্চরোঽপ্যশ্বৈঃ সবলৈর্ব্যোমসংভবৈঃ || ১. ২৩. ৮৭||
কার্ষ্ণায়সং সমারুহ্য স্যন্দনং যাতি বৈ শনৈঃ |
স্বর্ভানোশ্চ তথৈবাশ্বাঃ কৃষ্ণা হ্যষ্টৌ মনোজবাঃ || ১. ২৩. ৮৮||
রথং তমোময়ং তস্য সকৃদ্যুক্তা বহং ত্যুত |
আদিত্যান্নিঃসৃতো রাহুঃ সোমং গচ্ছতি পর্বসু || ১. ২৩. ৮৯||
আদিত্যমেতি সোমশ্চ পুনঃ সৌরেষু পর্বসু |
অথ কেতুরথস্যাশ্বা অষ্টৌ বৈ বাতরংহসঃ || ১. ২৩. ৯০||
পলালধূমবর্ণাভা সবলা রাসভারুণাঃ |
এতে বাহা গ্রহাণাং চ হ্যুপাখ্যাতা রথৈঃ সহ || ১. ২৩. ৯১||
সর্বে ধ্রুবনিব দ্ধাস্তে প্রবৃদ্ধা বাতরশ্মিভিঃ |
তপন্তে ব্রাম্যমাণাস্তু যথায়োগং ভ্রমন্তি বৈ || ১. ২৩. ৯২||
বায়ব্যাভিরদৃশ্যাভিঃ প্রবৃদ্ধা বাতরশ্মিভিঃ |
পরিভ্রমন্তি তদ্ব্রদ্ধাংশ্চন্দ্রসুর্যগ্রহা দিবি || ১. ২৩. ৯৩||
ভ্রমন্তমনুগছন্তি ধ্রুবং তে জ্যোতিষাং গণাঃ |
যথা নহ্যুদকে নৌস্তু সলিলেন সহো হ্যতে || ১. ২৩. ৯৪||
তথা দেবালয়া হ্যেতে ঊহ্যন্তে বাতরশ্মিভিঃ |
সর্প্পমাণা ন দৃশ্যন্তে ব্যোম্নি দেবগণাস্তু তে || ১. ২৩. ৯৫||
যাবত্যশ্চৈব তারাশ্চ তাবন্তো বাতরশ্ময়ঃ |
সর্বা ধ্রুবে নিবদ্ধাশ্চ ভ্রমন্ত্যো ভ্রাময়ন্তি তাঃ || ১. ২৩. ৯৬||
তৈলপীডা যথা চক্রং ভ্রমন্তো ভ্রাময়ন্তি হ |
তথা ভ্রমন্তি জ্যোতীংষি বাতবদ্ধানি সর্বশঃ || ১. ২৩. ৯৭||
অলাতচক্রবদ্যান্তি বাতচক্রেরিতানি তু |
যতো জ্যোতীংষি বহতে প্রবহস্তেন স স্মৃতঃ || ১. ২৩. ৯৮||
এবং ধ্রুবনিবদ্ধোঽসৌ সর্পতে জ্যোতিষাং গণঃ |
সৈষ তারাময়ো জ্ঞেয়ঃ শিশুমারো ধ্রুবো দিবি || ১. ২৩. ৯৯||
যদহ্না কুরুতে পাপং দৃষ্ট্বা তন্নিশিমুঞ্চতে |
যাবত্যশ্চৈব তারাস্তাঃ শিশুমারাশ্রিতা দিবি || ১. ২৩. ১০০||
তাবন্ত্যেব তু বর্ষাণি জীবতাভ্যধিকানি তু |
সাকারঃ শিশুমারশ্চ বিজ্ঞেয়ঃ প্রবিভাগশঃ || ১. ২৩. ১০১||
ঔত্তানপাদস্তস্যাথ বিজ্ঞেয়ো হ্যত্তরো হনুঃ |
যজ্ঞঃ পরস্তু বিজ্ঞেয়ো ধর্মো মর্দ্ধানমাশ্রিতঃ || ১. ২৩. ১০২||
হৃদি নারায়ণঃ সাধ্যো হ্যশ্বিনৌ পূর্বপাদয়োঃ |
বরুণশ্চার্যমা চৈব পশ্চিমে তস্য সক্থিনী || ১. ২৩. ১০৩||
শিশ্রং সংবৎসরস্তস্য মিত্রোঽপানং সমাশ্রিতঃ |
পুচ্ছেঽগ্নিশ্চ মহেন্দ্রশ্চ মারীচঃ কশ্যপো ধ্রুবঃ || ১. ২৩. ১০৪||
তারকাঃ শিশুমারস্য নাস্তং যাতি চতুষ্টয়ম্ |
নক্ষত্রচন্দ্রমূর্যাশ্চ গ্রহাস্তারাগণৈঃ সহ || ১. ২৩. ১০৫||
উন্মুখা বিমুখাঃ সর্বে বক্রীভূতাঃ শ্রিতা দিবি |
ধ্রুবেণাধিষ্ঠিতাশ্চৈব ধ্রুবমেব প্রদক্ষিণম্ || ১. ২৩. ১০৬||
পরিয়ান্তীশ্বরশ্রেষ্ঠং মেঢীভূতং দ্রুবং দিবি |
অগ্নীন্দ্রকশ্যপানাং তু চরমোঽসৌ ধ্রুবঃ স্মৃতঃ || ১. ২৩. ১০৭||
এক এব ভ্রমত্যেষ মেরুপর্বতমূর্দ্ধনি |
জ্যোতিষাং চক্রমেতদ্ধি গদা কর্ষন্নবাঙ্মুখঃ |
মেরুমালোকয়ত্যেষ পর্যন্তে হি প্রদক্ষিণম্ || ১. ২৩. ১০৮||
ইতি শ্রীব্রহ্মাণ্ডে মহাদৃবায়ুপ্রোক্তে পূর্বভাগে দ্বিতীয়েঽনুষঙ্গপাদে ধ্রুবচর্যাকীর্ত্তনং নাম ত্রয়োবিংশতিতমোঽধ্যায়ঃ

সূত উবাচ
এতচ্ছ্রুৎবা তু সুনয়ঃ পুনস্তে সংশয়ান্বিতাঃ |
পপ্রচ্ছুরুত্তরং ভূয়স্তদা তে রোমহর্ষণম্ || ১. ২৪. ১||
যদেতদুক্তং ভবতাগৃহাণীত্যেব বিস্তৃতম্ |
কথং দেবগৃহাণি স্যুঃ কথং জ্যোতীংষিবর্ণয় || ১. ২৪. ২||
এতৎসর্বং সমাচক্ষ্ব জ্যোতিষাং চৈব নির্ণয়ম্ |
বায়ুরুবাচ
শ্রুৎবা তু বচনং তেষাং তদা সূতঃ সমাহিতঃ || ১. ২৪. ৩||
উবাচ পরমং বাক্যং তেষাং সংশয়নির্ণয়ম্ |
অস্মিন্নর্থে মাহাপ্রাজ্ঞৈর্যদুক্তং জ্ঞানবুদ্ধিভিঃ || ১. ২৪. ৪||
এতদ্বোঽহং প্রবক্ষ্যামি সূর্যাচন্দ্রমসোর্ভবম্ |
যথা দেবগৃহাণীহ সূর্যচন্দ্রগ্রহাঃ স্মৃতাঃ || ১. ২৪. ৫||
ততঃ পরং চ ত্রিবিধস্যাগ্নের্বক্ষ্যে সমুদ্ভবম্ |
দিব্যস্য ভৌতিকস্যাগ্নেরব্যোনেঃ পার্থি বস্য তু || ১. ২৪. ৬||
ব্যুষ্টায়াং তু রজন্যাং বৈ ব্রহ্মণোঽব্যক্তজন্মনঃ |
অব্যাকৃতমিদং ৎবাসীন্নৈশেন তমসাবৃতম্ || ১. ২৪. ৭||
সর্বভূতাবশিষ্টেঽস্মিংল্লোকে নষ্টবিশেষণে |
স্বয়ংভূর্ভগবাংস্তত্র লোকতন্ত্রার্থসাধকঃ || ১. ২৪. ৮||
খদ্যোতবৎস ব্যচরদাবির্ভাবচিকীর্ষয়া |
সোঽগ্নিং দৃষ্ট্বাথ লোকাদৌ পৃথিবীজলসংশ্রিতম্ || ১. ২৪. ৯||
সংবৃত্য তং প্রকাশার্থং ত্রিধা ব্যমজদীশ্বরঃ |
পবনো যস্তু লোকেঽস্মিন্পার্থিবঃ সোঽগ্নিরুচ্যতে || ১. ২৪. ১০||
যশ্চাসৌ তপতে সূর্যে শুচিরগ্নিস্তু স স্মৃতঃ |
বৈদ্যুতোঽব্জস্তু বিজ্ঞেয়স্তেষাং বক্ষ্যেঽথ লক্ষমম্ || ১. ২৪. ১১||
বৈদ্যুতো জাঠরঃ সৌরো হ্যপাং গর্ভাস্ত্রয়োঽগ্রয়ঃ |
তস্মাদপঃ পিবন্সূর্যো গোভির্দীপ্যত্যসৌ দিবি || ১. ২৪. ১২||
বৈদ্যুতেন সমাবিষ্টো বার্ষ্যো নাদ্ভিঃ প্রশাম্যতি |
মানবা নাং চ কুক্ষিস্থো নাদ্ভিঃ শাস্যতি পাবকঃ || ১. ২৪. ১৩||
তস্মাৎসৌরো বৈদ্যুতশ্চ জাঠরশ্চপ্যনিন্ধনঃ |
কিঞ্চিদপ্সু মতং তেজঃ কিঞ্চিদ্দৃষ্টমবিং ধনম্ || ১. ২৪. ১৪||
কাষ্ঠেন্ধনস্তু নির্মথ্যঃ সোঽদ্ভিঃ শাম্যতি পাবকঃ |
অর্চিষ্মান্পবমানোঽগ্নির্নিষ্প্রভো জাঠরঃ স্মৃতঃ || ১. ২৪. ১৫||
যশ্চায়ং মণ্ডলে শুক্লো নিরূষ্মা সংপ্রকাশকঃ |
প্রভা সৌরী তু পাদেন হ্যস্তং যাতি দেবাকরে || ১. ২৪. ১৬||
অগ্নিমাবিশতে রাত্রৌ তস্মাদ্দূরাৎপ্রকাশতে |
উদ্যন্তং চ পুনঃ সূর্যমৌষ্ণময়মাগ্নেয়মাবিশৎ || ১. ২৪. ১৭||
পাদেন পার্থিবস্যাগ্নেস্তস্মাদগ্নিস্তপত্যসৌ |
প্রাকাশ্যং চ তথৌষ্ণ্যং চ সৌরাগ্নেয়ে তু তেজসী || ১. ২৪. ১৮||
পরস্পরানুপ্রবেশাদাপ্যায়েতে পরস্পরম্ |
উত্তরে চৈব ভূম্যর্দ্ধে তথা হ্যগ্নিশ্চ দক্ষিণে || ১. ২৪. ১৯||
উত্তিষ্ঠতি পুনঃ সূর্যে রাত্রিরাবিশতে হ্যপঃ |
তস্মাত্তপ্তা ভবন্ত্যাপো দিবারত্রিপ্রবেশনাৎ || ১. ২৪. ২০||
অস্তং যাতি পুন সূর্যে অহর্বৈ প্রবিশত্যপঃ |
তস্মান্নক্তং পুনঃ শুক্লা আপোঽদৃশ্যন্ত ভাস্বরাঃ || ১. ২৪. ২১||
এতেন ক্রময়োগেন ভূম্যর্দ্ধে দক্ষিণোত্তরে |
উদয়াস্তমনে নিত্যমহোরাত্রং বিশত্যপঃ || ১. ২৪. ২২||
যশ্চাসৌ তপতে সূর্যঃ পিবন্নংভো গভস্তিভিঃ |
পার্থিবাগ্নিবিমিশ্রোঽসৌ দিব্যঃ শুচিরিতি স্মৃতঃ || ১. ২৪. ২৩||
সহস্রপাদসৌ বহ্নির্ঘৃতকুংভনিভঃ শুচিঃ |
আদত্তে স তু নাডীনাং সহস্রেণ সমন্ততঃ || ১. ২৪. ২৪||
নাদেয়ীশ্চৈব সামুদ্রীঃ কৌপ্যাশ্চৈব সমন্ততঃ |
স্থাবরা জঙ্গমাশ্চৈব যাশ্চ কুল্যাদিকা অপঃ || ১. ২৪. ২৫||
তস্য রশ্মিসহস্রং তু শীতবর্ষোষ্ণনিঃস্তবম্ |
তাসাং চতুঃশতা নাড্যো বর্ষন্তে চিত্র মূর্ত্তয়ঃ || ১. ২৪. ২৬||
চন্দনাশ্চৈব সাধ্যশ্চ কূতনাকূতনাস্তথা |
অমৃতা নামতঃ সর্বা রশ্ময়ো বৃষ্টিসর্জনাঃ || ১. ২৪. ২৭||
হিমোদ্গতাশ্চ তাভ্যোঽন্যা রশ্ময়স্ত্রিশতাঃ পুনঃ |
দৃশ্যা মেঘাশ্চ যাম্যশ্চ হ্রদিন্যো হিমসর্জনাঃ || ১. ২৪. ২৮||
চন্দ্রাস্তা নামতঃ প্রোক্তা মিতাভাস্তু গভস্তয়ঃ |
শুক্লাশ্চ কুহকাশ্চৈব গাবো বিশ্বভৃতস্তথা || ১. ২৪. ২৯||
শুক্লাস্তা নামতঃ সর্বস্ত্রিশতা ধর্মসর্জনাঃ |
সমং বিভজ্য নাডীস্তু মনুষ্টপিতৃদেবতাঃ || ১. ২৪. ৩০||
মনুষ্যানৌষধেনেহ স্বধয়া তু পিৎৠনপি |
অমৃতেন সুরান্সর্বাংস্ত্রীংস্ত্রিভিস্তর্পয়ত্যসৌ || ১. ২৪. ৩১||
বসংতে চৈব গ্রীষ্মে চ শতৈঃ স তপতি ত্রিভিঃ |
বর্ষাস্বথো শরদি বৈ চতুর্ভিশ্চ প্রবর্ষতি || ১. ২৪. ৩২||
হেমন্তে শিশিরে চৈব হিম মুৎসৃজতে ত্রিভিঃ |
ইন্দ্রো ধাতা ভগঃ পূষা মিত্রোঽথ বরুণোর্ঽযমা || ১. ২৪. ৩৩||
অংশুর্বিবস্বাস্ত্বষ্টা চ সবিতা বিষ্ণুরেব চ |
মাঘমাসে তু বরুণঃ পূষা চৈব তু ফলাল্গুনে || ১. ২৪. ৩৪||
চৈত্রে মাসি তু দেতোংশুর্ধাতা বৈশাখতাপনঃ |
জ্যেষ্ঠমাসে ভবেদিন্দ্রশ্চাষাঢে সবিতা রবিঃ || ১. ২৪. ৩৫||
বিবস্বাঞ্ছ্রাবণে মাসি প্রোষ্ঠে মাসে ভাগঃ স্মৃতঃ |
পর্জন্যোঽশ্বয়ুজে মাসি ৎবষ্টা চ কার্তিকে রবিঃ || ১. ২৪. ৩৬||
মার্গশীর্ষে ভবেন্মিত্রঃ পৌষেবিষ্ণুঃ সনাতনঃ |
পঞ্চরশ্মিসহস্রাণি বরুণস্যার্ককর্মণি || ১. ২৪. ৩৭||
ষড্ভিঃ সহস্রৈঃ পূষা তু দেবোঽশুসপ্তভিস্তথা |
ধাতাষ্টভিঃ সহস্রৈস্তু নবভিস্তু শতক্রতুঃ || ১. ২৪. ৩৮||
সবিতা দশভির্যাতি যাত্যেকাদশভির্ভগঃ |
সপ্তভিস্তপতে সিত্রস্ত্বষ্টা চৈবাষ্টভিস্তপেৎ || ১. ২৪. ৩৯||
অর্যমা দশাভির্যাতি পর্জন্যো নবভিস্তপেৎ |
ষড্ভী রশ্মিসহস্রৈস্তু বিষণুস্তপতি মেদিনীম্ || ১. ২৪. ৪০||
বসংতে কপিলঃ সূর্যো গ্রীষ্মের্ঽকঃ কনকপ্রভঃ |
শ্বেতবর্ণস্তু বর্ষাসু পাণ্ডুঃ শরদি ভাস্করঃ || ১. ২৪. ৪১||
হেমন্তে তাম্রবর্ণস্তু শৈশিরে লোহিতো রবিঃ |
ইতি বর্ণাঃ সমা খ্যাতাঃ সূর্যস্যর্তুসমুদ্ভবাঃ || ১. ২৪. ৪২||
ঔষধীষু বলং ধত্তে স্বধয়া চ পিদৃষ্বপি |
সূর্যোঽমরেষ্বপ্যমৃতং ত্রয়ং ত্রিষু ন যচ্ছতি || ১. ২৪. ৪৩||
এবং রশ্মিসহস্রং তু সৌরং লোকার্থসাধকম্ |
ভিদ্যতে ঋতুমাসাদ্য জলশীতোষ্ণনিস্রবম্ || ১. ২৪. ৪৪||
ইত্যেতন্মণ্ডলং শুক্লং ভাস্বরং সূর্য সংজ্ঞিতম্ |
নক্ষত্রগ্রহসোমানাং প্রতিষ্ঠা যোনিরেব চ || ১. ২৪. ৪৫||
চন্দ্রঋক্ষগ্রহাঃ সর্বে বিজ্ঞেয়াঃ সূর্যসংভবাঃ |
নক্ষত্রাধিপতিঃ সোমো গ্রহ রাজো দিবাকরঃ || ১. ২৪. ৪৬||
শেষাঃ পঞ্চ গ্রহা জ্ঞেয়া ঈশ্বরাঃ কামচারিণঃ |
পঠ্যতে চাগ্নিরাদিত্য উদকং চন্দ্রমাঃ স্মৃতঃ || ১. ২৪. ৪৭||
শেষাণা প্রকৃতীঃ স্ময়গ্বর্ণ্যমানা নিবোধত |
সুরসেনাপতিঃ স্কন্দঃ পঠ্যতেঽঙ্গারকো গ্রহঃ || ১. ২৪. ৪৮||
নারায়ণং বুধং প্রাহুর্বেদজ্ঞানবিদো বুধাঃ |
রুদ্রো বৈবস্বতঃ সাক্ষাদ্যমো লোকপ্রভুঃ স্বয়ম্ || ১. ২৪. ৪৯||
মহাগ্রহো দ্বিজশ্রেষ্ঠো মন্দগামী শনৈশ্বরঃ |
দেবাসুরগুরূ দ্বৌ তু ভানুমন্তৌ মহা গ্রহৌ || ১. ২৪. ৫০||
প্রজাপতিসুতাবেতাবুভৌ শুক্রবৃহস্পতী |
আদিত্যমূলমখিলং ত্রৈলোক্যং নাত্র সংশয়ঃ || ১. ২৪. ৫১||
ভবত্যস্মাজ্জগৎকৃৎস্নং সদেবাসুরমানুষম্ |
রুদ্রোপেন্দ্রেন্দ্রচন্দ্রাণাং বিপ্রেন্দ্রাস্ত্রিদিবৌকসাম্ || ১. ২৪. ৫২||
দ্যুতির্দ্যুতিমতাং কৃৎস্নং যত্তেজঃ সার্বলৌকিকম্ |
সর্বাত্মা সর্বলোকেশো মহাদেবঃ প্রজাপতিঃ || ১. ২৪. ৫৩||
সূর্য এব ত্রিলোকস্য সূলং পরমদৈবতম্ |
ততঃ সংজায়তে সর্বং তত্র চৈব প্রলীয়তে || ১. ২৪. ৫৪||
ভাবাভাবৌ হি লোকানামাদিত্যান্নিঃমৃতৌ পুরা |
জগজ্জ্ঞেয়ো গ্রহো বিপ্রা দীপ্তিমান্সুপ্রভো রবিঃ || ১. ২৪. ৫৫||
অত্র গচ্ছন্তি নিধনং জায়ন্তে চ পুনঃ পুনঃ |
ক্ষণা মুহূর্ত্তা দিবসা নিশাঃ পক্ষাশ্চ কৃৎস্নশঃ || ১. ২৪. ৫৬||
মাসাঃ সংবৎসরাশ্চৈব ঋতবোঽথ যুগানি চ |
তদাদিত্যাদৃতে হ্যেষা কালংসখ্যা ন বিদ্যতে || ১. ২৪. ৫৭||
কালাদৃতে ন নিগমো ন দীক্ষা নাহ্নিকক্রমঃ |
ঋতূনামবিভাগাচ্চ পুষ্পমূলফলং কুতঃ || ১. ২৪. ৫৮||
কুতঃ সস্যবিনিষ্পত্তিস্তৃণৌষধিগণোঽপি বা |
অভাবো ব্যবহারাণাং জন্তূনাং দিবি চৈহ চ || ১. ২৪. ৫৯||
জগৎপ্রতাপনমৃতে ভাস্করং বারিতস্করম্ |
স এষ কালশ্চাগ্নিশ্চ দ্বাদশাত্মা প্রজাপতিঃ || ১. ২৪. ৬০||
তপত্যেষ দ্বিজশ্রেষ্ঠাস্ত্রৈলোক্যং সচরাচরম্ |
স এষ তেচসাং রাশিস্তমো ঘ্রন্সার্বলৌকিকম্ || ১. ২৪. ৬১||
উত্তমং মার্গমাস্থায় বায়োর্ভাভিরিদং জগৎ |
পার্শ্বমূর্ধ্বমধশ্চৈব তাপয়ত্যেষ সর্বশঃ || ১. ২৪. ৬২||
যথা প্রভাকরো দীপোগৃহমধ্যেঽবলংবিতঃ |
পার্শ্বমূর্ধ্বমধশ্চৈব তমো নাশয়তে সমম্ || ১. ২৪. ৬৩||
তদ্বৎসহস্রকিরণো গ্রহরাজো জগৎপতিঃ |
সূর্যো গোভির্জগৎসর্বমাদীপয়তি সর্বতঃ || ১. ২৪. ৬৪||
রবে রশ্মিসহস্রং যৎপ্রাঙ্ময়া সমুদাৎদৃতম্ |
তেষাং শ্রেষ্ঠাঃ পুনঃ সপ্ত রশ্ময়ো গ্রহয়ো নয়ঃ || ১. ২৪. ৬৫||
সুষুম্ণো হরিকেশশ্চ বিশ্বকর্মা তথৈব চ |
বিশ্বশ্রবাঃ পুনশ্চান্যঃ সংপদ্বসুরতঃ পরঃ || ১. ২৪. ৬৬||
অর্বাবসুঃ পুনশ্চান্যঃ স্বরাডন্যঃ প্রকীর্ত্তিতঃ |
সুষুম্ণঃ সূর্যরশ্মিস্তু ক্ষীণ শশিনমেধয়েৎ || ১. ২৪. ৬৭||
তির্যগূর্ধ্বপ্রচারোঽসৌ সুষুম্ণঃ পরিকীর্ত্তিতঃ |
হরি কেশঃ পুরস্তাদ্য ঋক্ষয়োনিঃ স কীত্যতে || ১. ২৪. ৬৮||
দক্ষিণে বিশ্বকর্মা তু রশ্মিন্বর্দ্ধয়তে বুধম্ |
বিশ্বশ্রবাস্তু যঃ পশ্চচ্ছুক্রয়োনিঃ স্মৃতো বুধৈঃ || ১. ২৪. ৬৯||
সংপদ্বসুস্তু যো রশ্মিঃ স যোনির্লোহিতস্য তু |
ষষ্ঠস্ত্বর্ব্বাবসূ রশ্মির্যোনিস্তু স বৃহস্পতেঃ || ১. ২৪. ৭০||
শনৈশ্চরংপুন শ্চাপি রশ্মিরাপ্যায়তে স্বরাট্ |
এবং সূর্যপ্রভাবেণ গ্রহনক্ষত্রতারকাঃ || ১. ২৪. ৭১||
বর্ত্ন্তে দিবি তাঃ সর্বা বিশ্বং চৈদং পুনর্জগৎ |
নক্ষীয়ন্তে যতস্তানি তস্মান্নক্ষত্রসংজ্ঞিতাঃ || ১. ২৪. ৭২||
ক্ষেত্রাণ্যেতানি বৈ পূর্বমাপতন্তি গভস্তিভিঃ |
তেষাং ক্ষেত্রাণ্যথাদত্তে সূর্যো নক্ষত্রকারকাঃ || ১. ২৪. ৭৩||
তীর্ণানাং সুকৃতেনেহ সুকৃতান্তে গ্রহাশ্রয়াৎ |
তারণাত্তারকা হ্যেতাঃ শুক্লৎবাচ্চৈব তারকাঃ || ১. ২৪. ৭৪||
দিব্যানাং পার্থিবানাং চ নৈশানাং চৈব সর্বশঃ |
আদানান্নিত্যমাদিত্যস্তেজসা তপসামপি || ১. ২৪. ৭৫||
স্বনং স্যন্দনার্থে চু ধাতুরেষু বিভাব্যতে |
স্বনাত্তেজসোঽপাং চ তেনাসৌ সবিতা মতঃ || ১. ২৪. ৭৬||
বহ্বর্থশ্চদিরিত্যেষ হ্লাদনে ধাতুরুচ্যতে |
শুক্লৎবে চামৃতৎবে চ শীতৎবে চ বিভাব্যতে || ১. ২৪. ৭৭||
সূর্যাচন্দ্রমসো র্দিব্যে মণ্ডলে ভাস্বরে খগে |
জলতেচৌময়ে শুক্লে বৃত্তকুংভনিভে শুভে || ১. ২৪. ৭৮||
ঘনতোয়াত্মকং তত্র মণ্ডলং শশিনঃ স্মৃতম্ |
ঘনতেজোময়ং শুক্লং মণ্ডলং ভাস্করস্য তু || ১. ২৪. ৭৯||
বিশন্তি সর্বদেবাস্তু স্থানান্যেতানি সর্বশঃ |
মন্বন্তরেষু সর্বেষু ঋক্ষসূর্যগ্রহাশ্রয়াঃ || ১. ২৪. ৮০||
তানি দেবগৃহাণ্যেব তদাখ্যাস্তে ভবন্তি চ |
সৌরং সূর্যো বিশেৎস্থানং সৌম্যং সোমস্তথৈব চ || ১. ২৪. ৮১||
শৌক্রং শুক্রো বিশেৎস্থানং ষোড শার্চিঃ প্রভাস্বরম্ |
জৈবং বৃহস্পতিশ্চৈব লৌহিতং চৈব লোহিতঃ || ১. ২৪. ৮২||
শনৈশ্চরো র্বিশেৎস্থানং দেবঃ শানৈস্চরং তথা |
বৌধং বুধোঽথ স্বর্ভানুঃ স্বর্ভানুস্থানমাস্থিতঃ || ১. ২৪. ৮৩||
নক্ষত্রাণি চ সর্বাণি নক্ষত্রাণি বিশন্ত্যুত |
গৃহাণ্যেতানি সর্বাণি জ্যোতীংষি সুকৃতাত্ম নাম্ || ১. ২৪. ৮৪||
কল্পাদৌ সংপ্রবৃত্তানি নির্মিতানি স্বয়ংভুবা |
স্থানান্যেতানি তিষ্ঠন্তি যাবদাত্রূতসংপ্লবম্ || ১. ২৪. ৮৫||
মন্বন্তরেষু সর্বেষু দেবস্থানানি তানি বৈ |
অভিমানিনোঽবতিষ্ঠন্তে দেবস্থানানি বৈ পুনঃ || ১. ২৪. ৮৬||
অতীতৈস্তু সহাতীতা ভাব্যা ভাব্যৈঃ সুরৈঃ সহ |
বর্ত্তন্তে বর্ত্তমানৈশ্চ স্থানিভিস্তৈঃ সুরৈঃ সহ |
অস্মিন্মন্বন্তরে চৈব গ্রহা বৈতানিকাঃ স্মৃতাঃ || ১. ২৪. ৮৭||
বিবস্বানদিতেঃ পুত্রঃ সূর্যো বৈবস্বতেঽন্তরে |
ৎবিষিনামা ধর্মসুতঃ সোমো দেবো বসুঃ স্মৃতঃ || ১. ২৪. ৮৮||
শুক্রো দেবস্তু বিজ্ঞেয়ো ভার্গবোঽসুরয়াজকঃ |
বৃহত্তেজাঃ স্মৃতো দেবো দেবাচার্যোঽগি রস্সুতঃ || ১. ২৪. ৮৯||
বুধো মনোহরশ্চৈব ৎবিষিপুত্রস্তু স স্মৃতঃ |
শনৈশ্চরো বিরূপস্তু সংজ্ঞাপুত্রো বিবস্বতঃ || ১. ২৪. ৯০||
অগ্নের্বিকেশ্যাং জজ্ঞে তু যুবাসৌ লোহিতাধিপঃ |
নক্ষত্রাণ্যৃক্ষনামানো দাক্ষায়ণ্যস্তু তাঃ স্মৃতাঃ || ১. ২৪. ৯১||
স্বর্ভানুঃ সিংহিকাপুত্রো ভূতসংতাপনোঽসুরঃ |
সোমর্ক্ষগ্রহসূর্যেষু কীর্ত্তিতা হ্যভিমানিনঃ || ১. ২৪. ৯২||
স্থানান্যেতানি চোক্তানি স্থানিনশ্চাথ দেবতাঃ |
শুক্লমগ্নিময়ং স্থানং সহস্রাংশোর্বিবস্বতঃ || ১. ২৪. ৯৩||
সহস্রাংশোস্ত্বিষেঃ স্থানমম্ময়ং শুক্লমেব চ |
আপ্যং শ্যামং মনোজ্ঞস্য পঞ্চরশ্মের্গৃহং স্মৃতম্ || ১. ২৪. ৯৪||
শুক্রস্যাপ্যম্ময়ং শুক্লং পদ্মং ষৌডঃশরশ্মিষু |
নবরশ্মেস্তু ভৌমস্য লৌহিতং স্থানমম্ময়ম্ || ১. ২৪. ৯৫||
হরিদাপ্যং বৃহৎস্থানং দ্বাদশাংশৈর্বৃহস্পতেঃ |
অষৃ রশ্মিগৃহং প্রোক্তং কৃষ্ণং মন্দস্য চাম্ময়ম্ || ১. ২৪. ৯৬||
স্বর্ভানোস্তামসং স্থানং ভূতসংতাপনালয়ম্ |
বিজ্ঞেয়াস্তারকাঃ সর্বা অম্ময়াস্ত্ত্বে করশ্ময়ঃ || ১. ২৪. ৯৭||
আশ্রয়াঃ পুণ্যকীর্তীনাং সুশুক্লাশ্চাপি বর্ণতঃ |
ঘনতোয়াত্মিকা জ্ঞেয়াঃ কল্পাদাবেব নির্মিতাঃ || ১. ২৪. ৯৮||
আদিত্যরশ্মিসংযোগাৎসংপ্রকাশাত্মিকাঃ স্মৃতাঃ |
নবয়োজনসাহস্রো বিষ্কংভঃ সবিতুঃ স্মৃতঃ || ১. ২৪. ৯৯||
ত্রিগুণাস্তস্য বিস্তারো মণ্ডলস্য প্রমাণতঃ |
দ্বিগুণঃ সূর্যবিস্তারাদ্বিস্তারঃ শশিনঃ স্মৃতঃ || ১. ২৪. ১০০||
তুল্যস্তয়োস্তু স্বর্ভানুর্ভূৎবাধস্তাৎপ্রসর্পতি |
উদ্ধৃত্য পৃথিবীছায়াং নির্মিতো মণ্ডলাকৃতিঃ || ১. ২৪. ১০১||
স্বর্ভানোস্তু বৃহৎস্থানং তৃতীয়ং যত্তমোময়ম্ |
আদিত্যাত্তচ্চ নিষ্ক্রম্য সোমং গচ্ছতি পর্বসু || ১. ২৪. ১০২||
আদিত্যমেতি সোমাচ্চ পুনঃ সৌরেষু পর্বসু |
স্বর্ভাসা নুদতে যস্মাত্তস্মাৎস্বর্ভানুরুচ্যতে || ১. ২৪. ১০৩||
চন্দ্রস্য ষোডশো ভাগো ভার্গবস্তু বিধীয়তে |
বিষ্কংভান্মণ্ডলাচ্চৈব যোজনাগ্রাৎপ্রমাণতঃ || ১. ২৪. ১০৪||
ভার্গবাৎপাদহীনস্তু বিজ্ঞেয়ো বৈ বৃহস্পতিঃ |
বৃহস্পতেঃ পাদ হীনৌ ভৌমসৌরাবুভৌ স্মৃতৌ || ১. ২৪. ১০৫||
বিস্তারান্মণ্ডলাচ্চৈব পাদহীনস্তয়োর্বুধঃ |
তারানক্ষত্ররূপাণি বপুষ্মন্তি চ যানি বৈ || ১. ২৪. ১০৬||
বুধেন সমরূপাণি বিস্তারান্মণ্ডলাচ্চ বৈ |
প্রায়শশ্চন্দ্রয়োগীনি বিদ্যাদৃক্ষাণি তত্ত্ববিৎ || ১. ২৪. ১০৭||
তারানক্ষত্ররূপাণি হীনানি তু পরস্পরাৎ |
শতানি পঞ্চ চৎবারি ত্রীণি দ্বে চৈব যোজনে || ১. ২৪. ১০৮||
পূর্বাপরনিকৃষ্টানি তারকামণ্ডলানি চ |
যোজনাদ্যর্দ্ধমাত্রাণি তেভ্যো হ্রস্বং ন বিদ্যতে || ১. ২৪. ১০৯||
উপরিষ্টাত্ত্রয়স্তেষাং গ্রহা যে দূরসর্পিণঃ |
সৌরোঙ্গিরাশ্চ বক্রশ্চ জ্ঞেয়া মন্দবিচারিণঃ || ১. ২৪. ১১০||
তেভ্যোঽধ স্তাত্তু চৎবারঃ পুনরেব মহাগ্রহাঃ |
সূর্যসোমৌ বুধশ্চৈব ভার্গবশ্চৈব শীঘ্রগাঃ || ১. ২৪. ১১১||
তাবত্যস্তারকাকোট্যো যাবদৃক্ষাণি সর্বশঃ |
বিধিনা নিয়মাচ্চৈষামৃক্ষচর্যা ব্যবস্থিতা || ১. ২৪. ১১২||
গতিস্তাসু চ সূর্যস্য নীচৌচ্চে ৎবয়নক্রমাৎ |
উত্তরায়ণমার্গস্থো যদা পর্বসু চন্দ্রমাঃ || ১. ২৪. ১১৩||
উচ্চৎবাদ্দৃশ্যতে শীঘ্রং নীতিব্যক্তৈর্গভস্তিভিঃ |
তদা দক্ষিণমার্গস্যো নীয়াং বিথীমুপাশ্রিতঃ || ১. ২৪. ১১৪||
ভূমি লেখাবৃতঃ সূর্যঃ পূর্ণামাবাস্যয়োঃ সদা |
ন দৃশ্যতে যথাকালং শীঘ্রমস্তমুপৈতি চ || ১. ২৪. ১১৫||
তস্মাদুত্তরমার্গস্থো হ্যমাবস্যাং নিশাকরঃ |
দৃশ্যতে দক্ষিণে মার্গে নিয়মাদ্দৃশ্যতে ন চ || ১. ২৪. ১১৬||
জ্যোতিষাং গতিয়োগেন সূর্যাচন্দ্রমসাবৃতঃ |
সমানকালাস্তময়ৌ বিষুবৎসু সমোদয়ৌ || ১. ২৪. ১১৭||
উত্তরাসু চ বীথীষু ব্যন্তরাস্তমনোদয়ৌ |
পূর্ণামবাস্যয়োর্জ্ঞোয়ৌ জ্যোতিশ্চক্রানুবর্তিনৌ || ১. ২৪. ১১৮||
দক্ষিণায়নমার্গস্থো যদা চরতি রশ্মিবান্ |
তদা সর্বগ্রহাণাং চ সূর্যোঽধস্তাৎপ্রসর্পতি || ১. ২৪. ১১৯||
বিস্তীর্ণ মণ্ডলং কৃৎবা তস্যোর্দ্ধ্ব চরতে শশী |
নক্ষত্রমণ্ডলং কৃৎস্নং সোমাদূর্দ্ধ্ব প্রসর্পতি || ১. ২৪. ১২০||
নক্ষত্রেভ্যো বুধশ্চোর্দ্ধ্র বুধাদূর্দ্ধ্বং তু ভার্গবঃ |
বক্রস্তু ভার্গবাদূর্দ্ধ্ব বক্রাদূর্দ্ধ্বং বৃহস্পতিঃ || ১. ২৪. ১২১||
তস্মাচ্ছনৈশ্চরশ্চোর্দ্ধ্বং তস্মাৎসপ্তর্ষিমণ্ডলম্ |
ঋষীণাং চাপি সপ্তানাং ধ্রুব ঊর্দ্ধ্বং ব্যবস্থিতঃ || ১. ২৪. ১২২||
দ্বিগুণেষু সহস্রেষু যোজনানাং শতেষু চ |
তারাগ্রহান্তরাণি স্যুরুপরিষ্টাদ্যথাক্রমম্ || ১. ২৪. ১২৩||
গ্রহাশ্চ চন্দ্রসূর্যৌং চ দিবি দিব্যেন তেজ সা |
নিত্যমৃক্ষেষু যুজ্যন্তে গচ্ছন্তো নিয়তাঃ ক্রমাৎ || ১. ২৪. ১২৪||
গ্রহনক্ষত্রসূর্যাস্তু নীচোচ্চমৃজবস্তথা |
সমাগমে চ ভেদে চ পশ্যন্তি যুগপৎপ্রজাঃ || ১. ২৪. ১২৫||
পরস্পরস্থিতা হ্যেতে যুজ্যন্তে চ পরস্পরম্ |
অসংকরেণ বিজ্ঞেয়স্তেষাং যোগস্তু বৈ বুধৈঃ || ১. ২৪. ১২৬||
ইত্যেবং সন্নিবেশো বৈ বৃথিব্যা জ্যৌতিষস্য চ |
দ্বিপানামুদধীনাং চ পর্বতানাং ত্থৈব চ || ১. ২৪. ১২৭||
বর্ষাণাং চ নদীনাং চ যে চ তেষু বসংতি বৈ |
এতেষ্বেব গ্রহাঃ সর্বে নক্ষত্রেষু সমুত্থিতাঃ || ১. ২৪. ১২৮||
বিবস্বানদিতেঃ পুত্রঃ সূর্যো বৈ চাক্ষুষেংঽতরে |
বিশাখাসু সমুৎপন্নো গ্রহাণাং প্রথমো গ্রহঃ || ১. ২৪. ১২৯||
ৎবিষিমান্ ধর্মপুত্রস্তু সোমো দেবো বসোস্সুতঃ |
শীতরশ্মিঃ সমুৎপন্নঃ কৃত্তিকাসু নিশাকরঃ || ১. ২৪. ১৩০||
ষোডশার্চির্ভৃগোঃ পুত্রঃ শুক্রঃ সূর্যাদনন্তরম্ |
তারাগ্রহাণাং প্রবরস্তিষ্যঋক্ষে সমুত্থিতঃ || ১. ২৪. ১৩১||
গ্রহশ্চাঙ্গিরসঃ পুত্রো দ্বাদশার্চির্বৃহস্পতিঃ |
ফাল্গুনীষু সমুৎপন্নঃ পূর্বাসু চ জগদ্গুরুঃ || ১. ২৪. ১৩২||
নবার্চির্লোহিতাঙ্গশ্চ প্রজাপতিসুতো গ্রহঃ |
আষাঢাস্বিহ পূর্বাসু সমুৎপন্ন ইতি শ্রুতিঃ || ১. ২৪. ১৩৩||
রেবতীষ্বেব সপ্তার্চিস্তথা সৌরিঃ শনৈশ্চরঃ |
সৌম্যো বুধো ধনিষ্ঠাসু পঞ্চার্চিরুদিতো গ্রহঃ || ১. ২৪. ১৩৪||
তমোময়ো মৃত্যুসুতঃ প্রজাক্ষয়করঃ শিখী |
আর্শ্লেষাসু সমুৎপন্নঃ সর্বহারী মহাগ্রহঃ || ১. ২৪. ১৩৫||
তথা স্বনামধেয়েষু দাক্ষায়ণ্যঃ সমুছ্রিতাঃ |
তমোবীর্যময়ো রাহুঃ প্রকৃত্যা কৃষ্ণমণ্ডলঃ || ১. ২৪. ১৩৬||
ভরণীষু সমুৎপন্নো গ্রহশ্চন্দ্রার্কমর্দ্দনঃ |
এতে তারা গ্রহাশ্চাপি বোদ্ধব্যা ভার্গবাদয়ঃ || ১. ২৪. ১৩৭||
জন্মনক্ষত্রপীডাসু যান্তি বৈগুণ্যতাং যতঃ |
স্পৃশ্যন্তে তেন দোষেণ ততস্তদ্গ্রহভক্তিতঃ || ১. ২৪. ১৩৮||
সর্বগ্রহাণামেতেষামাদিরাদিত্য উচ্যতে |
তারাগ্রহাণাং শুক্রস্তু কেতূনামপি ধূমবান্ || ১. ২৪. ১৩৯||
ধ্রুবঃ কীলো গ্রহাণাং তু বিভক্তানাং চতুর্দ্দিশম্ |
নক্ষত্রাণাং শ্রবিষ্ঠা স্যাদয়নানাং তথোত্তরম্ || ১. ২৪. ১৪০||
বর্ষাণাং চাপি পঞ্চানামাদ্যঃ সংবৎসরঃ স্মৃতঃ |
ঋতূনাং শিশিরশ্চাপি মাসানাং মাঘ এব চ || ১. ২৪. ১৪১||
পক্ষাণাং শুক্লপক্ষশ্চ তিথীনাং প্রতিপত্তথা |
অহোরাত্রবিভাগানামহশ্চাপি প্রকীর্তিতম্ || ১. ২৪. ১৪২||
মুহূর্ত্তানাং তথৈবাদির্মুহূর্ত্তো রুদ্রদৈবতঃ |
ক্ষণশ্চাপি নিমেষাদিঃ কালঃ কালবিদাং বরাঃ || ১. ২৪. ১৪৩||
শ্রবণান্তং ধনিষ্ঠাদি যুগং স্যাৎপঞ্চবার্ষিকম্ |
ভানোর্গতিবিশেষেণ চক্রবৎপরিবর্ত্ততে || ১. ২৪. ১৪৪||
দিবাকরঃ স্মৃতস্তস্মাৎকালস্তদ্বিদ্ভিরীশ্বরঃ |
চতুর্বিধানাং ভূতানাং প্রবর্ত্তকনিবর্ত্তকঃ || ১. ২৪. ১৪৫||
তস্যাপি ভগবান্রুদ্রঃ সাক্ষাদ্দেবঃ প্রবর্ত্তকঃ |
ইত্যেষ জ্যোতিষামেব সংনিবেশোর্ঽথনিশ্চয়াৎ || ১. ২৪. ১৪৬||
লোকসংব্যবহারার্থ মীশ্বরেণ বিনির্মিতঃ |
উত্তরাশ্রবণেনাসৌ সংক্ষিপ্তশ্চ ধ্রুবে তথা || ১. ২৪. ১৪৭||
সর্বতস্তেষু বিস্তীর্ণো বৃত্তাকার ইব স্থিতঃ |
বুদ্ধিবূর্বং ভাগবতা কল্পদৌ সংপ্রবর্ত্তিতঃ || ১. ২৪. ১৪৮||
সাশ্রয়ঃ সোঽভিমানী চ সর্বস্য জ্যোতিষাত্মকঃ |
বৈশ্বরূপপ্রধানস্য পরিণামোঽযমদ্ভুতঃ || ১. ২৪. ১৪৯||
নৈতচ্ছক্যং প্রসংখ্যাতুং যাথাতথ্যেন কেনচিৎ |
গতাগতং মনুষ্যেণ জ্যোতিষাং সাংসচক্ষুষা || ১. ২৪. ১৫০||
আগমাদনুমা নাচ্চ প্রত্যক্ষদুপপত্তিতঃ |
পরিক্ষ্য নিপুণং বুদ্ধ্যা শ্রদ্ধাতব্যং বিপশ্চিতা || ১. ২৪. ১৫১||
চক্ষুঃ শাস্ত্রং জলং লেখ্যং গণিতং বুদ্ধিবিত্তমাঃ |
পঞ্চৈতে হেতবো বিপ্রা জ্যোতির্গণবিবেচনে || ১. ২৪. ১৫২||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে জ্যোতিষাং সন্নিবেশংনং নাম চতুর্বিংশতিতমোঽধ্যায়ঃ

সূত উবাচ
এতদুক্বা মহাবুদ্ধির্বায়ুর্ল্লোকহিতে রতঃ |
জ্জাপ জপ্যং ভগবান্মধ্যং প্রাপ্তে দিবাকরে || ১. ২৫. ১||
ঋষয়শ্চাপি তে সর্বে যে তত্রাসন্সমাগতাঃ |
তে সর্বে নিয়তাত্মানস্তস্থুঃ প্রাঞ্জলয়স্তথা || ১. ২৫. ২||
য ইজ্যো নিয়মস্যান্তে প্রাণিনাং জীবনঃ প্রভুঃ |
নীলকণ্ঠ নমস্তেঽস্তু ইত্যুবাচ সদাগতিঃ || ১. ২৫. ৩||
শ্রুৎবা তু ভাবিতাত্মানো মুনয়ঃ শংসিতব্রতাঃ |
বালখিল্যেতি বিখ্যাতাঃ পতঙ্গসহচারিণঃ || ১. ২৫. ৪||
অষ্টাশীতিসহস্রামি ঋষীণামূর্ধ্বরেতসাম্ |
তে স্ম পৃচ্ছন্তি বায়ু চ বায়ুপর্ণাংবু ভোজনাঃ || ১. ২৫. ৫||
নীলকণ্ঠেতি যৎপ্রোক্তং ৎবয়া পবনসত্তম |
এতদ্গুহ্যং পবিত্রাণাং পুষ্ণং পুণ্যবিদাং বরঃ || ১. ২৫. ৬||
তদ্বয়ং শ্রোতুমিচ্ছাম স্তন্নো নিগদ সত্তম |
তৎসর্ব শ্রোতুমিচ্ছামস্ত্বৎপ্রসাদাৎপ্রভঞ্জন || ১. ২৫. ৭||
নীলতা যেন কণ্ঠস্য কারণেনাংবিকাপতেঃ |
শ্রোতুমিচ্ছামহে দেব তব বক্ত্রাদ্বিশেষতঃ || ১. ২৫. ৮||
যাবদ্বাচঃ প্রবর্ত্তন্তে সর্বাস্তাঃ প্রেরিতস্ত্বয়া |
বর্ণস্থানগতে বায়ো বাগ্বিধিঃ সংপ্রবর্ত্ততে || ১. ২৫. ৯||
জ্ঞান পূর্বমথোৎসাহস্ত্বত্তো বায়ো প্রবর্ত্ততে |
ৎবয়ি নিষ্পূয়মানে তু শেষা বর্ণপ্রবৃত্তয়ঃ || ১. ২৫. ১০||
যত্র বাচো নিবর্ত্তন্তে দেহবর্ণাশ্চ দুর্লভাঃ |
ৎবত্তো হি বর্ণসদ্ভাবঃ সর্বগস্ত্বং সদানিল || ১. ২৫. ১১||
নান্যঃ সর্বগতো দেবস্ত্বদৃতেঽস্তি সমীরণ |
এষ বৈ জীবলোকস্তে প্রত্যক্ষঃ সর্বতোঽনিল || ১. ২৫. ১২||
বেত্থ বাচস্পতিং দেবং মনোনায়কমীশ্বরম্ |
ব্রূহি তৎকণ্ঠদেশে তু কিং কৃৎবা রূপবিক্রিয়া || ১. ২৫. ১৩||
বচঃ শ্রুৎবা ততস্তেষাং মুনীনাং ভাবিতাত্মনাম |
প্রত্যুবাচ মহাতেজা বায়ুর্ল্লোকনমস্কৃতঃ || ১. ২৫. ১৪||
পুরা কৃতয়ুগে বিপ্রো বেদনির্ণয়তৎপরঃ |
বসিষ্ঠো নাম ধর্মাত্মা মানসো বৈ প্রজাপতিঃ || ১. ২৫. ১৫||
পপ্রচ্ছ কার্ত্তিকেয়ং বৈ ময়ূরবরবাহনম্ |
মহিষাসুরনারীণাং নয়নাঞ্জনতস্করম্ || ১. ২৫. ১৬||
মহাসেনং মহাত্মনং মেঘস্তনিতনিস্বনম্ |
উমামনঃ প্রহর্ষাণাং বারকচ্ছদ্মরূপিণম্ || ১. ২৫. ১৭||
ক্রৈঞ্চজীবিতহর্তারং গৌরীহৃদয়নন্দনম্ |
যদেতদ্দৃশ্যতে বর্য শুভ্রং শুভ্রাঞ্জনোপমম্ || ১. ২৫. ১৮||
তৎকিমর্থং সমুৎপন্নং কণ্ঠে কণ্ঠেকুন্দেন্দুসপ্রভে |
এতদ্দীপ্তাংয দান্তায় ভক্তায় ব্রূহি পৃচ্ছতে || ১. ২৫. ১৯||
কথাং মঙ্গলসংযুক্তাং পবিত্রাং পাপনাশিনীম্ |
মৎপ্রিয়ার্থংমহাভাগ বক্তুমর্হস্যশেষতঃ || ১. ২৫. ২০||
শ্রুৎবা বাক্যং ততস্তস্য বসিষ্ঠস্য মহাত্মনঃ |
প্রত্যুবাচ মহাতেজা দেবারিবলসূদনঃ || ১. ২৫. ২১||
শৃণুষ্ব বদতাং শ্রেষ্টকথ্যমানং বচো মম |
উমোৎসংগোপবিষ্টেন যথাপূর্বং ময়া শ্রুতম্ || ১. ২৫. ২২||
পার্বত্যা সহ সংবাদঃ শর্বস্য চ মহাত্মনঃ |
তমহং সংপ্রবক্ষ্যামি ৎবৎপ্রিয়ার্থং মহামুনে || ১. ২৫. ২৩||
কৈলাসশিখরে রম্যে নানাধাতুবিচিত্রিতে |
তরুণাদিত্যসংকাশে তপ্তচামীকরপ্রভে || ১. ২৫. ২৪||
বজ্রস্ফটিকসোপানে চিত্রপাদশিলাতলে |
জাংবূনদময়ে দিব্যে নানাধাতু বিচিত্রিতে || ১. ২৫. ২৫||
নানাদ্রুমলতাকীর্ণে নানাপুষ্পফলোপগে |
হংসকারণ্ডবাকীর্ণে চক্রবাকোপশোভিতে || ১. ২৫. ২৬||
ষট্পদোদ্গীতবহুলে ধারাসংপাতনাদিতে |
মত্তক্রৈঞ্চময়ূরাণাং নাদৈর্বিক্রুষ্টকন্দরে || ১. ২৫. ২৭||
অপ্সরোগণসংকীর্ণে কিন্নরৈরুপশোভিতে |
জীবং জীবকজাতীনাং বিরাবৈরুপকূজিতে || ১. ২৫. ২৮||
কোকিলারাববহুলে সিদ্ধচারণসেবিতে |
সৌরভেয়নিনাদাঢ্যং মেঘস্তনিতনিস্বনে || ১. ২৫. ২৯||
বিনায়কভয়োদ্বিগ্নকুং জরৈর্মুক্তকন্দরৈঃ |
বীণাবাদিত্রনির্ঘেষৈঃ শ্রোত্রেন্দ্রিয়মনোরমৈঃ || ১. ২৫. ৩০||
দোলালংবিতসংঘাতে বনিতাসংঘসেবিতে |
ধ্বজালংবিতদোলানাং ঘণ্টানাং নিনদাকুলে || ১. ২৫. ৩১||
বল্লকীবেণুবহুলে ত্রিংশদ্বর্হিণসংকুলে |
মুখমর্দ্দলবাদিত্রৈর্বলিতাস্ফোটিতৈস্তথা || ১. ২৫. ৩২||
ক্রীডাবেগবিবাদানাং নির্ঘোষৈঃ পূর্ণকন্দরে |
হংসৈঃ পরাবতৈশ্চৈব বকরাজৈঃ সুখস্থিতে || ১. ২৫. ৩৩||
দেহবন্ধৈর্বিচিত্রৈশ্চপ্রক্রীডিতগণেশ্বরে |
সিংহব্যাঘ্রমুখৈর্ঘোরবাশিতৈশ্চণ্ডবেগিতৈঃ || ১. ২৫. ৩৪||
মৃগমষমুখৈশ্চান্যৈর্গজবাজিমুখৈস্তথা |
বিডালবদনৈশ্চোগ্রৈঃ ক্রোষ্টুকাকারসূর্ত্তিভিঃ || ১. ২৫. ৩৫||
হ্রস্বৈর্দীর্ঘৈশ্চ সুকৃশৈর্লংবোদরমহীদরৈঃ |
হ্রস্বজঙ্ঘৈঃ প্রলেবোষ্ঠৈস্তালজঙ্ঘৈস্তথাপরৈঃ || ১. ২৫. ৩৬||
গোকর্ণৈরেককর্ণৈশ্চ মহাকর্ণৈরকর্ণকৈঃ |
বহুপাদৈর্মহাপাদৈরেকপাদৈরপাদকৈঃ || ১. ২৫. ৩৭||
বহুনেত্রৈর্মহানেত্রৈরেকনেত্রৈরনেত্রকৈঃ |
একদংষ্ট্রৈর্মহাদংষ্ট্রৈর্বহুদংষ্ট্রৈরদংষ্ট্রকৈঃ || ১. ২৫. ৩৮||
একশীর্ষৈর্মহাশীর্ষবহুশীর্ষৈরশীর্ষকৈঃ |
একজিহ্বৈর্মহাজিহ্বৈর্বহুজিহ্বৈরজিহ্বকৈঃ |
এবংরূপৈর্মহায়োগৈভূতর্ভূতপতির্বৃতঃ || ১. ২৫. ৩৯||
বিশুদ্ধমুক্তামণিরত্নভূষিতে শিলাতলে স্বর্ণময়ে সুরম্যকে |
সুখোপবিষ্টং মদনাগনাশনং প্রোবাচ বাক্যং গিরিরাজপুত্রী || ১. ২৫. ৪০||
ভগবন্ভূতভব্যেশ গোবৃষাঙ্কিতশাসন |
তব কণ্ঠে মহাদেব ভ্রাজতেংবুদসন্নিভম্ || ১. ২৫. ৪১||
নাত্যুল্বণং শুভংশুভ্রে নীলাবুজচয়োপমম্ |
কিমিদং দীপ্যতে দেব কণ্ঠে কামাঙ্গনাশন || ১. ২৫. ৪২||
কো হেতুঃ কারণং কিং বা কণ্ঠে নীলস্ত্ত্বমীশ্বর |
এতৎসর্বং যথান্যায়ং বূহি কৌতূহলং হি মে || ১. ২৫. ৪৩||
শ্রুৎবা বাক্যং ততস্তস্যাঃ পার্বত্যাঃ পাবতীপ্রিয়ঃ |
কথাং মঙ্গলসংযুক্তাং কথয়ামাস শঙ্করঃ || ১. ২৫. ৪৪||
মহেশ্বর উবাচ
মথ্যমানেঽমৃতে পূর্বং ক্ষীরোদে সুরদানবৈঃ |
অগ্রে সমুত্থিতং ঘোরং বিষঙ্কালানলপ্রভম্ || ১. ২৫. ৪৫||
তং দৃষ্ট্বা সুরসংঘস্চ দৈত্যাশ্চৈব বরাননে |
বিষণ্ণবদনাঃ সর্বে গতাস্তে ব্রহ্মণোঽন্তকম্ || ১. ২৫. ৪৬||
দৃষ্ট্বা সুরগণান্ভীতান্ব্রহ্মোবাচ মহাদ্যুতিঃ |
কিমর্থং বৈ মহাভাগা ভীতা উদ্বিগ্নচেতনাঃ || ১. ২৫. ৪৭||
ময়া ত্রিগুণমৈশ্বর্যং ভবতাং সংপ্রকল্পিতম্ |
তেন ব্যাবর্ত্তিতৈশ্বর্যা যূয়ং ভো সুরসত্তমাঃ || ১. ২৫. ৪৮||
ত্রলোক্যস্যেশ্বরা যূয়ং সর্বে বৈ বিগতজ্বরাঃ |
প্রজাসর্গে ন সোঽস্তীহ যশ্চাজ্ঞাং মেঽতিবর্তয়েৎ || ১. ২৫. ৪৯||
বিমানচারিণ সর্বে সর্বে স্বচ্ছন্দগামিনঃ |
আধ্যাত্মিকে চাধিভূতে অধিদৈবে চ নিত্যশঃ || ১. ২৫. ৫০||
প্রজাঃ কর্মবিপাকেন শক্তা যূয়ং প্রবর্ত্তিতুম্ |
তৎকিমর্থং ভয়োদ্বিগ্না মৃগাঃ সিংহার্দিতা ইব || ১. ২৫. ৫১||
কিং দুঃশং কোঽনুসংতাপঃ কুতো বা ভয়মাগতম্ |
এতৎসর্বং যথান্যায়ং শীঘ্রমাখ্যা তুমর্হথ || ১. ২৫. ৫২||
শ্রুৎবা বাক্যং ততস্তস্য ব্রহ্মণঃ পরমাত্মনঃ |
ঊচুস্তে ঋষিভিঃ সার্দ্ধং সুরদৈত্যেন্দ্রদানবাঃ || ১. ২৫. ৫৩||
সুরাসুরৈর্মথ্যমানে পজোরাশৌ পিতমাহ |
ভুজঙ্গভৃঙ্গসংকাশং নীলজীমূতসন্নিভম্ || ১. ২৫. ৫৪||
প্রাদুর্ভূতং বিষং ঘোরং সংবর্তাগ্নিসমপ্রভম্ |
কালমৃত্যুরিবোদ্ভূতং যুগান্তাদিত্যবর্চসম্ || ১. ২৫. ৫৫||
ত্রৈলোক্যোৎসাদসূর্যাভং বিস্ফুরত্তৎ সমন্ততঃ |
বিষেণোত্তিষ্ঠমানেন কালানলসমৎবিষা || ১. ২৫. ৫৬||
নির্দগ্ধো রক্তগৌরাঙ্গো কৃতঃ কৃষ্ণো জনার্দ্দনঃ |
তং দৃষ্ট্বা রক্তগৌরাঙ্গং কৃতং কৃষ্ণং জনার্দ্দনম্ || ১. ২৫. ৫৭||
ততঃ সর্বে বয়ং ভীতাস্ত্বা মেব শরণং গতাঃ |
সুরাণামসুরাণাং চ শ্রুৎবা বাক্যং ভয়াবহম্ || ১. ২৫. ৫৮||
প্রত্যুবাচ মহাতেজা ব্রহ্মা লোকপিতামহঃ |
শৃণ্বন্তু দেবতাঃ সর্বে ঋষয়শ্চ তপোধনাঃ || ১. ২৫. ৫৯||
যত্তদগ্রে সমুৎপন্নং মথ্যমানে মহোদধৌ |
বিষং কালানলপ্রখ্যং কালকূটমিতি শ্রুতম্ || ১. ২৫. ৬০||
যেন প্রোদ্ভূতমাত্রেণ ন ব্যরাজন্ত দেবতাঃ |
তস্য বিষ্ণুরহং বাপি সর্বে বা সুরপুঙ্গবাঃ || ১. ২৫. ৬১||
ন শক্নুবন্তি বৈ সোঢুং বেগমন্যত্র শঙ্করাৎ |
ইত্যুক্ত্বা পদ্মগর্ভাভঃ পদ্মায়োনিরয়োনিজঃ || ১. ২৫. ৬২||
ওঙ্কারং সমনুস্মৃত্য ধ্যায়ঞ্জয়োতিঃ সমন্ততঃ |
ততঃ স্তোতুং সমারব্ধো ব্রহ্মা বেদ বিদাং বরঃ || ১. ২৫. ৬৩||
নমস্তুভ্যং বিরূপাক্ষ নমস্তে দিব্যচক্ষুষে |
নমঃ পিনাকহস্তায় বজ্রহস্তায় বৈ নমঃ || ১. ২৫. ৬৪||
নমস্ত্রৈলোক্য নাথায় ভূতানাং পতয়ে নমঃ |
নমঃ সুরারিহন্ত্রে চ সোমসূর্যাগ্নিচক্ষুষে || ১. ২৫. ৬৫||
ব্রহ্মণে চৈব রুদ্রায় বিষ্ণবে চৈব তে নমঃ |
সাংখ্যায় চৈব যোগায় ভূতগ্রামায় বৈ নমঃ || ১. ২৫. ৬৬||
মন্মথাঙ্গবিনাশায় কালপৃষ্ঠায় বৈ নমঃ |
সুরেতসেঽথ রুদ্রায় দেবদেবায় রংহসে || ১. ২৫. ৬৭||
কপর্দিনে করালায় শঙ্করায় হরায় চ |
কপালিনে বিরূপায় শিবায় বরদায় চ || ১. ২৫. ৬৮||
ত্রিপুরঘ্নমখঘ্নায় মাৎৠণাং পতয়ে নমঃ |
বৃদ্ধায় চৈব শুদ্ধায় মুক্তায়ৈব বলায় চ || ১. ২৫. ৬৯||
লোকত্রয়ৈকবীরায় চন্দ্রায় বরুণায় চ |
অগ্রায় চৈব চোগ্রায় বিপ্রায়ানেকচক্ষুষে || ১. ২৫. ৭০||
রজসে চৈব সত্ত্বায় নমস্তেঽব্যক্তয়োনয়ে |
নিত্যায় চৈবানিত্যায় নিত্যানিত্যায় বৈ নমঃ || ১. ২৫. ৭১||
ব্যক্তায় চৈবাব্যক্তায় ব্যক্তাব্যক্তায় বৈ নমঃ |
চিন্ত্যায় চৈবাচিন্ত্যায় চিন্ত্যাচিন্ত্যায় বৈ নমঃ || ১. ২৫. ৭২||
জগতামার্ত্তিনাশায় প্রিয়নারায়ণায় চ |
উমাপ্রিয়ায় শর্বায় নন্দিবক্ত্রাঙ্কিতায় চ || ১. ২৫. ৭৩||
পক্ষমাসাহ্দ্ধমাসায় ঋতুসংবৎসরায় চ |
বহুরূপায় মুণ্ডায় দণ্ডিনে চ বরূথিনে || ১. ২৫. ৭৪||
নমঃ কপালহস্তায় দিগ্বাসায় শিখণ্ডিনে |
ধন্বিনে রথিনে চৈব যমিনে ব্রহ্মচারিণে || ১. ২৫. ৭৫||
ঋগ্যজুঃ সামবেদায় পুরুষায়েশ্বরায় চ |
ইত্যেব মাদিচরিতৈঃ স্তোত্রৈঃ স্তুত্য নমীঽস্তু তে |
এবং স্তুৎবা ততো ব্রহ্মা প্রণিপত্য বরাননে || ১. ২৫. ৭৬||
জ্ঞাৎবা তু ভক্তিং মম দেবতানাং গঙ্গাজলা স্ফালিতমুক্তকেশঃ |
সূক্ষ্মোঽসি যোগাতিশয়াদচিন্ত্যো ন হি প্রভো ব্যক্তিমুফৈষি রুদ্রঃ || ১. ২৫. ৭৭||
এবং ভগবতা পূর্বং ব্রহ্মণা লোককর্তৃণা |
স্তুতোঽহং বিবিধৈঃ স্তোত্রৈর্বেদবেদাঙ্গসংভবৈঃ || ১. ২৫. ৭৮||
ততোঽহং মুখ্যয়া বাচা পিতামহমথাব্রবম্ |
ভূতভব্যভবন্নাথ লোকনাথ জগৎপতে || ১. ২৫. ৭৯||
কিং কার্যং তে ময়া ব্রহ্মন্কর্ত্তব্যং বদ সুব্রত |
শ্রুৎবা বাক্যং ততো ব্রহ্মা প্রত্যুবাচাংবুজেক্ষণঃ || ১. ২৫. ৮০||
ভূতভব্যভবন্নাথ শ্রূয়তাং কারণেশ্বর |
সুরাসুরৈর্মথ্যমানে পয়োধৌ পঙ্কজেক্ষণ || ১. ২৫. ৮১||
ভগবন্মেঘসংকাশং নীলজীমূতসন্নিভম্ |
প্রাদুর্ভূতং বিষং ঘোরং সংবর্ত্তাগ্নিসমপ্রভম্ || ১. ২৫. ৮২||
তং দৃষ্ট্বা চ বয়ং সর্বে ভীতাঃ সংভ্রান্তচেতসঃ |
তৎপিবস্ব মহাদেব লোকানাং হিতকাম্যয়া || ১. ২৫. ৮৩||
ভবাঞ্ছক্তশ্চ ভোক্তা বৈ ভবান্দেববরঃ প্রভো |
ৎবদৃতেঽন্যো মহাদেব বেগং সোঢুং ন বিদ্যতে || ১. ২৫. ৮৪||
এবং তস্য বচঃ শ্রুৎবা ব্রহ্মণঃ পরমেষ্ঠিনঃ |
বাঢ মিত্যেব তদ্বাক্যং প্রতিগৃহ্য বরাননে || ১. ২৫. ৮৫||
ততোঽহং পাতুমারব্ধো বিষমন্তকসন্নিভম্ |
পিবতো মে মহাঘোরং বিষং সুরভয়প্রদম্ || ১. ২৫. ৮৬||
কণ্ঠঃ সমভবত্তূর্ণং কৃষ্ণো বৈ বরবর্ণিনি |
তং দৃষ্ট্বোৎপলপত্রাভং কণ্ঠসক্তমিবোরগম্ || ১. ২৫. ৮৭||
তক্ষকং নাগরাজানং লেলিহানমিবোত্থিতম্ |
অথোবাচ মহাতেজা ব্রহ্মা লোকপিতামহঃ || ১. ২৫. ৮৮||
শোভসে ৎবং মহাদেব কণ্ঠেনানেন সুব্রত |
ততস্তস্য বচঃশ্রুৎবা ময়া গিরিবরাত্মজে || ১. ২৫. ৮৯||
কণ্ঠে ধৃতং বিষং ঘোরং নীলকণ্ঠস্ততোঽস্ম্যহম্ |
পশ্যতাং সুরসংঘানাং দৈত্যানাং চ বরাননে |
যক্ষগন্ধর্বভূতানাং পিশাচোরগরক্ষসাম্ || ১. ২৫. ৯০||
তৎকালকূটং বিষমুগ্রবেগং কণ্ঠে ধৃতং পর্বতরাজপুত্রি |
নিবেশ্যমানং সুরদৈত্যসংঘো দৃষ্ট্বা পরং বিস্ময়মাজগাম || ১. ২৫. ৯১||
ততঃ মুরগণাঃ সর্বে সদৈত্যোরগরাক্ষসাঃ |
ঊচুঃ প্রাঞ্জলয়ো ভূৎবা মত্তমাতঙ্গগামিনি || ১. ২৫. ৯২||
অহোবলং বীর্যপরাক্রমস্তে ৎবহো বপুর্যোগবলং তবেশ || ১. ২৫. ৯৩||
অহো প্রভুৎবং তব দেবদেব মহাদ্ভুতং মন্মথদেহনাশন |
ৎবমেব বিষ্ণুশ্চতুরাননস্ত্বং ৎবমেব মৃত্যুর্বরদস্ত্বমেব || ১. ২৫. ৯৪||
ৎবমেব সূর্যো রজনীকরশ্চ ব্যক্তিস্ত্বমেবাস্য চরাচরস্য |
ৎবমেব বহ্নিঃ পবনস্ত্বমেব ৎবমেব ভূমিঃ সলিলং ৎবমেব || ১. ২৫. ৯৫||
ৎবমেব সর্বস্য চরাচরস্য ধাতা বিধাতা প্রলয়স্ত্বমেব |
ইত্যেব মুক্ত্বা বচনং সুরেদ্রাঃ প্রগৃহ্য সোমং প্রণিপত্য মূর্ধ্রা |
গতা বিমানৈরনিলোপবেগৈর্মহানগং মেরুমুপেত্য সর্বে || ১. ২৫. ৯৬||
ইত্যেতৎপরমং গুহ্যং পুণ্যাৎপুণ্যতমং মহৎ || ১. ২৫. ৯৭||
নীলকণ্ঠ ইতি প্রোক্তং ত্রিষু লোকেষু বিশ্রুতম্ |
স্বয়ংভুবা স্বয়ং প্রোক্তা কথা পাপপ্রণাশিনী || ১. ২৫. ৯৮||
যস্তু ধারয়তে নিত্যং ব্রহ্মোদ্গীতামিমাং শুভাম্ |
তস্যাহং সংপ্রবক্ষ্যামি ফলং সুবিপুলং মহৎ || ১. ২৫. ৯৯||
বিষং তস্য বরারোহে স্থাবরং জঙ্গমং তথা |
গাত্রং প্রাপ্য তু সুশ্রোণি ক্ষপ্রং তৎপ্রতিহন্যতে || ১. ২৫. ১০০||
শমায়ত্যশুভং ঘোরং দুঃখপ্নং চাপকর্ষতি |
স্ত্রীষু বল্লভতাং যাতি সভায়াং পার্থিবস্য চ || ১. ২৫. ১০১||
বিবাদে জয়মাপ্নোতি যুদ্ধে বিজয়মেব চ |
গচ্ছতি ক্ষেমমধ্বানং গৃহেভ্যো নিত্যসংপদা || ১. ২৫. ১০২||
শরীরস্যেহ বক্ষ্যামি গতিং তস্য বরাননে |
হরিশ্মশ্রুর্নীলকণ্ঠঃ শশাঙ্কাঙ্কিতমূর্দ্ধজঃ || ১. ২৫. ১০৩||
ত্র্যক্ষস্ত্রিশূলপাণিশ্চ বৃষ চানঃ পিনাকধৃক্ |
নন্দিতুল্যবলঃ শ্রীমান্নন্দিতুল্যপরাক্রমঃ || ১. ২৫. ১০৪||
বিচরত্যখিলাংল্লোকাম্সপ্তলোকান্মমাজ্ঞয়া |
ন হন্যতে গতি স্তস্য অনিলস্য যথাংবরে || ১. ২৫. ১০৫||
মম তুল্যবলো ভূৎবা তিষ্ঠত্যাভূতসংপ্লবাৎ |
মম ভক্তয়া বরারোহে যে চ শৃম্বন্তি মানবাঃ || ১. ২৫. ১০৬||
তেষাং গতিং প্রবক্ষ্যামি ৎবিহ লোকে পরত্র চ |
ব্রাহ্মণো বেদমাপ্নোতি ক্ষত্রিয়ো বিন্দতে মহীম্ || ১. ২৫. ১০৭||
বৈশ্যস্তু লভতে লাভং শূদ্রঃ সুখমবাপ্নুয়াৎ |
ব্যাধিতো মুচ্যতে রোগাদ্বদ্ধো মুচ্যেত বন্ধনাৎ || ১. ২৫. ১০৮||
গুর্বিণী লভতে পুত্রং কন্যা বিদতি সৎপতিম্ |
নষ্টং চ লভতে দ্রব্যমিহ লোকে পরত্র চ || ১. ২৫. ১০৯||
গবাং শতসহস্রস্য সম্যগ্দত্তস্য যৎফলম্ |
তৎফলং লভতে মর্ত্যঃ শ্রুৎবা দিব্যা মিমাং কথাম্ || ১. ২৫. ১১০||
পাদং বাথার্দ্ধপাদং বার্ শ্লোকর্ং শ্লোকার্দ্ধমেব বা |
যস্তু ধারয়তে নিত্যং রুদ্রলোকং স গচ্ছতি || ১. ২৫. ১১১||
অথবা সর্বমেবেদং দেবব্রাহ্মণসন্নিধৌ |
যঃ পঠেন্মানবো নিত্যং মদ্গতেনান্তরাত্মনা || ১. ২৫. ১১২||
শ্রদ্ধধানঃ সদা ভক্তো রূদ্রলোকং স গচ্ছতি |
পঠেচ্চ দেবি ভক্ত্যা চ পাঠয়েচ্চ নরঃ সদা || ১. ২৫. ১১৩||
অতঃ পরতরং স্তোত্রং ন ভূতং ন ভবিষ্যতি |
নাপি যক্ষাঃ পিশাচা বা ন ভূতা ন বিনায়কাঃ |
কুর্যুর্বিঘ্নং গৃহে তস্য যত্রায়ং তিষ্ঠতি স্তবঃ || ১. ২৫. ১১৪||
ময়া নু তুষ্টেন তবাংবুজেক্ষণে স্তবস্য মাহাত্ম্যম ঘৌঘনাশনম্ |
নিবেদিতং পুণ্যফলাদিয়ুক্তং স্বয়ং চ কীতং চতুরাননেন || ১. ২৫. ১১৫||
কথামিমাং পুণ্যফলাদিয়ুক্তাং নিবেদ্য দেব্যৈ শশিবদ্ধমূর্দ্ধজঃ |
বৃষস্য পৃষ্ঠেন সহোময়া প্রভুজগাম কৈলাসগুহাং গুহপ্রিয়ঃ || ১. ২৫. ১১৬||
শ্রুতং ময়া পাপহরং তদন্তিকে নিবেদিতং তেঽথ ময়া প্রজাপতেঃ |
অধীত্য সর্বং ৎবখিলং সলক্ষণং প্রয়াতি চাদিত্যপদং দ্বিজোত্তমঃ || ১. ২৫. ১১৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্ব ভাগে দ্বিতীয়েঽনুষঙ্গপাদে নীলকণ্ঠনামোৎপত্তিকথনং নাম পঞ্চবিংশতিতমোঽধ্যায়ঃ

ঋষয় ঊচুঃ
মহাদেবস্য মহাত্ম্যং প্রভুৎবং চ মহাত্মনঃ |
শ্রোতুমিচ্ছামহে সম্যগৈশ্বর্যগুণবিস্তরম্ || ১. ২৬. ১||
সূত উবাচ
পূর্বং ত্রৈলোক্যবিজয়ে বিষ্ণুনা সমুদাৎদৃ তম্ |
বলিং বদ্ধ্বা মহাবীর্যং ত্রৈলোক্যাধিপতিং পুরা || ১. ২৬. ২||
প্রনষ্টেষু তু দৈত্যেষু প্রহৃষ্টে তু শচীপতৌ |
অথাজগ্মুঃ প্রভুং দ্রষ্টুং সর্বে দেবাঃ সনাতনম্ || ১. ২৬. ৩||
যত্রাস্তে বিশ্বরূপাত্মা ক্ষীরোদস্য মসীপতঃ |
সিদ্ধা ব্রহ্মর্ষয়ো যক্ষা গন্ধর্বাপ্সরসাং গণাঃ || ১. ২৬. ৪||
নাগা দেবর্ষয়শ্চৈব নদ্যঃ সর্বে চ পর্বতাঃ |
অভিগম্য মহাত্মানং স্তুবন্তি পুরুষং হরিম্ || ১. ২৬. ৫||
ৎবং ধাতা ৎবং চ কর্তাসি ৎবং লোকান্সৃজসি প্রভো |
ৎবৎপ্রসাদাচ্চ কল্যাণং প্রাপ্তং ত্রৈলোক্যমব্যয়ম্ || ১. ২৬. ৬||
অসুরাশ্চ জিতাঃ সর্বে বলির্বদ্ধশ্চ বৈ ৎবয়া |
এবমুক্তঃ সুরৈর্বিষ্ণঃ সিদ্ধৈশ্চ পরমর্ষিভিঃ || ১. ২৬. ৭||
প্রত্যুবাচ তদা দেবান্ সর্বাংস্তান্পুরুষোত্তমঃ |
শ্রূয়তামভিধাস্যামি কারণং সুরসত্তমাঃ || ১. ২৬. ৮||
যঃ স্রষ্টা সর্বভূতানাং কালঃ কালকরঃ প্রভুঃ |
যেনাহং ব্রহ্মণা সার্দ্ধং সৃষ্টা লোকাশ্চ মায়য়া || ১. ২৬. ৯||
তস্যৈব চ প্রসাদেন আদৌ সিদ্ধৎবমাগতঃ |
পুরা তমসি চাব্যক্তে ত্রৈলোক্যে গ্রসিতে ময়া || ১. ২৬. ১০||
উদরস্থেষু ভূতেষু ৎবেকোঽহং শয়িত স্তদা |
সহস্রশীর্ষা ভূৎবা চ সহস্রাক্ষঃ সহস্রপাৎ || ১. ২৬. ১১||
শঙ্খচক্রগদাপাণিঃ শয়িতো বিমলেংঽভসি |
এতস্মিন্নন্তরে দূরাৎপশ্যামি হ্যমিতপ্রভম্ || ১. ২৬. ১২||
শতসূর্যপ্রতীকাশং জ্বলন্তং স্বেন তেজসা |
চতুর্বক্ত্রং মহায়োগং পুরুষং কাঞ্চনপ্রভম্ || ১. ২৬. ১৩||
কৃষ্ণাজিনধরং দেবং কমণ্ডলুবিভূষিতম্ |
নিমেষান্তরমাত্রেণ প্রাপ্তোঽসৌ পুরুষোত্তমঃ || ১. ২৬. ১৪||
ততো মামব্রবীদ্ব্রহ্মা সর্বলোকনমস্কৃতঃ |
কস্ত্বং কুতো বা কি চেহ তিষ্ঠসে বদ মে বিভো || ১. ২৬. ১৫||
অহং কর্তাস্মি লোকানাং স্বয়ংভূর্বিশ্বতোমুখঃ |
এবমুক্তস্তদা তেন ব্রহ্মণাহমুবাচ তম্ || ১. ২৬. ১৬||
অহং কর্ত্তা হি লোকানাং সংহর্তা চ পুনঃ পুনঃ |
এবং সংভাষমাণৌ তু পরস্পরজয়ৈষিণৌ || ১. ২৬. ১৭||
উত্তরাং দিশমাস্থায় জ্বালামদ্রাক্ষ্ব বিষ্ঠিতাম্ |
জ্বালাং ততস্তামালোক্য বিস্মিতৌ চ তদানঘাঃ || ১. ২৬. ১৮||
তেজসা চ বলেনাথ শার্বং জ্যোতিঃ কৃতাঞ্জলী |
বর্দ্ধমানাং তদা জ্বালামত্যন্তপরমাদ্ভুতাম্ || ১. ২৬. ১৯||
অভিদুদ্রাব তাং জ্বালাং ব্রহ্মা চাহং চ সৎবরৌ |
দিবং ভূমিং চ নির্ভিদ্য তিষ্ঠন্তং জবালমণ্ডলম্ || ১. ২৬. ২০||
তস্যা জ্বালস্য মধ্যে তু পশ্যাবো বিপুলপ্রভম্ |
প্রাদেশমাত্রমব্যক্তং লিঙ্গং পরমদীপ্তিমৎ || ১. ২৬. ২১||
ন চ তৎকাঞ্চনং মধ্যে নশৈলং ন চ রাজতম্ |
অনির্দেশ্যমচিন্ত্যং চ লক্ষ্যালক্ষ্যং পুনঃ পুনঃ || ১. ২৬. ২২||
জ্বালামালাসহস্রাঢ্যং বিস্ময়ং পরমদ্ভুতম্ |
মহতা তেজসায়ুক্তং বর্দভমানংভৃশন্তথা || ১. ২৬. ২৩||
জ্বালামালাততং ন্যস্তং সর্বভূতভয়ঙ্করম্ |
ঘোররূপিণমত্যর্থং ভিন্দং তমিব রোদসী || ১. ২৬. ২৪||
ততো মামব্রবীদ্ব্রহ্মা অধো গচ্ছ ৎবমাশু বৈ |
অন্তমস্য বিজানীবো লিঙ্গস্য তু মহাত্মনঃ || ১. ২৬. ২৫||
অহমূর্ধ্বং গমিষ্যামি যাবদন্তোঽস্য দৃশ্যতে |
তদা তু সময়ং কৃৎবা গত উর্দ্ধ্বমধশ্চ হি || ১. ২৬. ২৬||
ততো বর্ষসহস্রং তু হ্যহং পুনরধো গতঃ |
ন পশ্যামি চ তস্যান্তং ভীতশ্চাহং ততোঽভবম্ || ১. ২৬. ২৭||
তথৈব ব্রহ্মা হ্যূধ্ব চ ন চান্তং তস্য লব্ধবান্ |
সমাগতো ময়া সার্দ্ধ তত্রৈব চ মহাভসি || ১. ২৬. ২৮||
ততো বিস্ময়মাপন্নৌ ভীতৌ তস্য মহাত্মনঃ |
মায়য়া মোহিতৌ তেন নষ্টসংজ্ঞৈ ব্যবস্থিতৌ || ১. ২৬. ২৯||
ততো ধ্যানরতৌ তত্র চেশ্বরং সর্বতোমুখম্ |
প্রভবং নিধনং চৈব লৌকানাং প্রভুমব্যয়ম্ || ১. ২৬. ৩০||
প্রহ্বাঞ্জলিপুটৌ ভূৎবা তস্মৈ শর্বায় শূলিনে |
মহাভৈরবনাদায় ভীমরূপায় দংষ্ট্রিণে |
অব্যক্তায়াথ মহতে নমস্কারং প্রকুর্বহে || ১. ২৬. ৩১||
নমোঽস্তু তে লোকসুরেশ দেব নমোঽস্তু তে ভূতপতে মহাত্মন্ |
নমোঽস্তু তে শাশ্বতসিদ্ধয়োগিনে নমোস্তু তে সর্বজগৎপ্রতিষ্ঠিত || ১. ২৬. ৩২||
পরমেষ্ঠী পরং ব্রহ্ম ৎবক্ষরং পরমং পদম্ |
জ্যেষ্ঠস্ত্বং বামদেবশ্চ রুদ্রঃ স্কন্দঃ শিবঃ প্রভুঃ || ১. ২৬. ৩৩||
ৎবং য৫স্ত্বং বষট্কারস্ত্বমোঙ্কারঃ পরন্তপঃ |
স্বাহাকারো নমস্কারঃ সংস্কারঃ সর্বকর্মণাম্ || ১. ২৬. ৩৪||
স্বধাকারশ্চ যজ্ঞশ্চ ব্রতানি নিয়মাস্তথা |
বেদা লোকাশ্চ দেবাশ্চ ভগবানেব সর্বশঃ || ১. ২৬. ৩৫||
আকাশস্য চ শব্দস্ত্বংভূতানাং প্রভবাপ্যয়ঃ |
ভূমৌ গন্ধো রসশ্চাপ্সু তেজোরূপং মহেশ্বরঃ || ১. ২৬. ৩৬||
বায়োঃ স্পর্শশ্চ দেবেশ বপুশ্চন্দ্রমসস্তথা || ১. ২৬. ৩৭||
বুদ্ধৌ জ্ঞানং চ দেবেশ প্রকৃতের্বীজমেব চ || ১. ২৬. ৩৮||
সংহর্ত্তা সর্বলোকানাং কালো মৃত্যুময়োংঽতকঃ |
ৎবং ধারয়সি লোকাংস্ত্রীংস্ত্বমেব সৃজসি প্রভো || ১. ২৬. ৩৯||
পূর্বেণ বদনেন ৎবমিন্দ্রৎবং প্রকরোষি বৈ |
দক্ষিণেন তু বক্ত্রেণ লোকান্সংক্ষিপসে পুনঃ || ১. ২৬. ৪০||
পশ্চিমেন তু বক্ত্রেণ বরুণস্থো ন সংশয়ঃ |
উত্তরেণ তু বক্ত্রেণ সোমস্ত্বং দেবসত্তমঃ || ১. ২৬. ৪১||
একধা বহুধা দেব লোকানাং প্রভবাপ্যয়ঃ |
আদিত্যা বসবো রুদ্রা মরুতশ্চ সহাশ্বিনঃ || ১. ২৬. ৪২||
সাধ্যা বিদ্যাধরা নাগাশ্চারণাশ্চ তপোধনাঃ |
বালখিল্যা মহাত্মানস্তপঃ সিদ্ধাশ্চ সুব্রতাঃ || ১. ২৬. ৪৩||
ৎবত্তঃ প্রসূতা দেবেশ যে চান্যে নিয়তব্রতাঃ |
উমা সীতা সিনীবালী কুহূর্গায়ত্র্য এব চ || ১. ২৬. ৪৪||
লক্ষ্মীঃ কীর্ত্তির্ধৃতির্মেধা লজ্জা কান্তির্বপুঃ স্বধা |
তুষ্টিঃ পুষ্টিঃ ক্রিয়া চৈব বাচাং দেবী সরস্বতী |
ৎবত্তঃ প্রসূতা দেবেশ সংধ্যা রাত্রিস্তথৈব চ || ১. ২৬. ৪৫||
সূর্যায়ুতানাময়ুতপ্রভাব নমোঽস্তু তে চন্দ্রসহস্রগৌর |
নমোঽস্তু তে বজ্রপিনাকধারিণে নমোস্তু তে দেব হিরণ্যবাসসে || ১. ২৬. ৪৬||
নমোস্তু তে ভস্মবিভূষিতাঙ্গ নমোঽস্তু তে কামশরীরনাশন |
নমোঽস্তু তে দেব হিরণ্যরেতসে নমোঽস্তু তে দেব হিরণ্যবাসসে || ১. ২৬. ৪৭||
নমোঽস্তু তে দেব হিরণ্যয়োনে নমোঽস্তু তে দেব হিরণ্যনাভ |
নমোঽস্তু তে দেব হিরণ্যরেতসে নমোঽস্তু তে নেত্রসহস্রচিত্র || ১. ২৬. ৪৮||
নমোঽস্তু তে দেব হিরণ্যবর্ণ নমোঽস্তু তে দেব হিরণ্যকেশ |
নমোঽস্তু তে দেব হিরণ্যবীর নমোঽস্তু তে দেব হিরণ্যদায়িনে || ১. ২৬. ৪৯||
নমোঽস্তু তে দেব হিরণ্যনাথ নমোঽশ্তুতে দেব হিরণ্যনাদ |
নমোঽস্তু তে দেব পিনাকপাণে নমোঽশ্তুতে তে শঙ্কর নীলকণ্ঠ || ১. ২৬. ৫০||
এবং সংস্তূয়মানস্তু ব্যক্তো ভূৎবা মহামতিঃ |
দেবদেবো জগদ্যোনিঃ সূর্য কোটিসমপ্রভঃ || ১. ২৬. ৫১||
আবভাষে কৃপাবিষ্টো মহাদেবো মহাদ্যুতিঃ |
বক্ত্রকোটিসহস্রেণ গ্রসমান ইবাংবরম্ || ১. ২৬. ৫২||
কংবুগ্রীবঃ সুজ ঠরো নানাভূষণভূষিতঃ |
নানারত্নবিচিত্রাঙ্গো নানামাল্যানুলেপনঃ || ১. ২৬. ৫৩||
পিনাকপাণির্ভগবান্সুরপূজ্যস্ত্রিশূলধৃক্ |
ব্যালয় জ্ঞোপবীতী চ সুরাণামভয়ঙ্করঃ || ১. ২৬. ৫৪||
দুন্দুভিস্বরনির্ঘোষঃ পর্জন্যনিনদোপমঃ |
মুক্তো হাসস্তদা তেন সর্বমাপূরয়ঞ্জগৎ || ১. ২৬. ৫৫||
তেন শব্দেন মহতা চাবাং ভীতৌ মহাত্মনঃ |
অথোবাচ মহাদেবঃ প্রীতোঽহং সুরসত্তমৌ || ১. ২৬. ৫৬||
পশ্যতাং চ মহায়োগং ভয়ং সর্ব প্রমুচ্যতাম্ |
যুবাং প্রসূতৌ গাত্রেভ্যো মম পূর্বং সনাতনৌ || ১. ২৬. ৫৭||
যং মে দক্ষিণো বাহুর্ব্রহ্মা লোকপিতামহঃ |
বামো বাহুশ্চ মে বিষ্ণুর্নিত্যং যুদ্ধেষ্বনির্জিতঃ || ১. ২৬. ৫৮||
প্রীতোঽহং যুবয়োঃ সম্যগ্বরং দদ্যাং যথৈপ্সিতম্ |
ততঃ প্রহৃষ্টমনসৌ প্রণতৌ পাদয়োঃ প্রভোঃ || ১. ২৬. ৫৯||
অব্রূতাং চ মহাদেবং প্রসাদাভিমুখং স্থিতম্ |
যদি প্রীতিঃ সমুৎপন্না যদি দেয়ো বরশ্চ তে |
ভক্তির্ভবতু নৌ নিত্যং ৎবয়ি দেব সুরেশ্বর || ১. ২৬. ৬০||
দেবদেব উবাচ
এবমস্তু মহাভাগৌ সৃজতাং বিপুলাঃ প্রজাঃ |
এবমুক্ত্বা স ভগবাংস্তত্রৈবাতরধাদ্বিভুঃ || ১. ২৬. ৬১||
এষ এব ময়োক্তো বঃ প্রভাবস্তস্য ধীমতঃ |
এতদ্ধি পরমং জ্ঞানমব্যক্তং শিবসংজ্ঞিতম্ || ১. ২৬. ৬২||
এতৎসূক্ষ্মমচিন্ত্যং চ পশ্যন্তি জ্ঞ৩নচক্ষুষঃ |
তস্মৈ দেবাধিদেবায় নমস্কারং প্রকুর্মহে |
মহাদেব নমস্তেঽস্তু মহেশ্বর নমোঽস্তু তে || ১. ২৬. ৬৩||
সূত উবাচ
এতচ্ছ্রুৎবা গতাঃ সর্বে সুরাঃ স্বং স্বং নিবেশনম্ |
নমস্কারং প্রকুর্বাণাঃ শঙ্করায় মহাত্মনে || ১. ২৬. ৬৪||
ইমং স্তবং পঠিদ্যস্তু চেশ্বরস্য মহাত্মনঃ |
কামাংশ্চ লভতে সর্বান্ পাপেভ্যশ্চ প্রমুচ্যতে || ১. ২৬. ৬৫||
এতৎসর্বং তদা তেন ন বিষ্ণুনা প্রভবিষ্ণুনা |
মহাদেবপ্রসাদেন হ্যুক্তং ব্রহ্ম সনাতনম্ |
এতদ্বঃ সর্বমাখ্যাতং ময়া মাহেশ্বরং বলম্ || ১. ২৬. ৬৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে লিঙ্গোৎপত্তিকথনং নাম ষড্বিংশতিতমোঽধ্যায়ঃ

ঋষয় ঊচুঃ
ভূয় ষুত মহাবুদ্ধে কথয়স্ব মহাত্মনঃ |
মহাদেবস্য মাহাত্ম্যং শ্রোতুং কৌতূহলং চ নঃ || ১. ২৭. ১||
কথং দারুবণে দেবঋষিসংঘনিষেবিতে |
চকার বেষং বিকৃতং যেন বুদ্ধা মহর্ষয়ঃ || ১. ২৭. ২||
জ্ঞাৎবা চ তে মহাদেবং ততো ভ্রান্তা হ্যচেতসঃ |
আরাধয়ন্প্রসাদার্থং নৈষাং তুষ্টঃ পুনর্ভবঃ || ১. ২৭. ৩||
এতৎসর্বং যথাবৃত্তং দেবদেবেন চেষ্টিতম্ |
তৎসর্বং কথয়স্বেহ ৎবং নো বুদ্ধিমতাং বরঃ || ১. ২৭. ৪||
সূত উবাচ
শ্রূয়তামভিধাস্যামি ধর্মমেতমতন্দ্রিতাঃ |
নির্ম্মিতং দেবদেবেন ভক্তানামনুকংপয়া || ১. ২৭. ৫||
পুরা কৃতয়ুগে বিপ্রাঃ শৃঙ্গে হিমবতঃ শুভে |
দেবদারুবনং রম্যং নানাদ্রুমলতাকুলম্ || ১. ২৭. ৬||
বহবো মুনয়স্তত্র তপস্যন্তো মুনিব্রতাঃ |
শৈবাল ভোজনাঃ কেচিৎকেচিদন্তর্জলেশয়াঃ || ১. ২৭. ৭||
কেচিদভ্রাবকাশাস্তু পাদাঙ্গুষ্ঠাগ্রধিষ্ঠিতাঃ |
দন্তোলূখলিনশ্চান্যে ৎবশ্মকুট্টাস্তথা পরে || ১. ২৭. ৮||
স্থানবীরাসনাশ্চান্যে মৃগয়র্যারতাস্তথা |
কালং নয়ন্তি তপসা তীব্রেণ চ মহাধিয়ঃ || ১. ২৭. ৯||
ততস্তেষাং প্রসাদার্থ দেবস্তদ্বনমাগতঃ |
ভস্মপাণ্ডুরদিগ্ধাঙ্গো নগ্নো বিকৃতলক্ষণঃ || ১. ২৭. ১০||
বিকৃতস্রস্তকেশশ্চ করালদশনস্তথা |
উল্মুকব্যগ্রহস্তশ্চ রক্তপিঙ্গললোচনঃ || ১. ২৭. ১১||
শিশ্নং সবৃষণং তস্য রক্তগৈরিকসন্নিভম্ |
মুখমঙ্গারবর্ণেন শুক্লেন চ বিভূষিতম্ || ১. ২৭. ১২||
ক্বচিৎস হসতে রৌদ্রং ক্বচিদ্গায়তি বিস্মি তঃ |
ক্বচিন্নৃত্যতি শৃঙ্গারী ক্বচিদ্রৌতি মুহুর্মুহুঃ || ১. ২৭. ১৩||
নৃত্যন্ত রুরুধুস্তূর্ণং পত্ন্যস্তেষাং বিমোহিতাঃ |
আশ্রমেঽভ্যাগতোঽভীক্ষ্ণং যা চতে চ পুনঃ পুনঃ || ১. ২৭. ১৪||
ভার্যা কৃতা তথারূপা তৃণাভরণভূষিতা |
বৃষনাদং প্রগর্জন্বৈ খরনাদং ননাদ চ || ১. ২৭. ১৫||
তথা বঞ্চিতুমা রব্ধো হাসয়ন্সর্বদেহিনঃ |
ততস্তে মুনয়ঃ ক্রুদ্ধাঃ ক্রোধেন কলুষীকৃতাঃ || ১. ২৭. ১৬||
মোহিতা মায়য়া সর্বে শপিতুং সমুপস্থিতাঃ |
করবদ্গায়সে যস্মাৎখরস্তস্মাদ্ভবিষ্যসি || ১. ২৭. ১৭||
রাক্ষসো বা পিশাচো বা দানবো বাথ বা তথা |
যথা বৈচ্ছংস্তথা সর্বে ক্রুদ্ধাস্তে মুনয়ঃ সমম্ || ১. ২৭. ১৮||
শেপুঃ শাসৈস্তু বিবিধৈস্তং দেবং ভুবনেশ্বরম্ |
তপাংসি তেষাং সর্বেষাং প্রত্যাহন্যন্ত শঙ্করে || ১. ২৭. ১৯||
যথাদিত্যপ্রকাশেন তারকা নভসি স্থিতাঃ |
ন দ্যোতন্তে প্রকাশেন তদ্বত্তেজাংসি শঙ্করে || ১. ২৭. ২০||
শ্রূয়তে ঋষিশাপেন ব্রহ্মণঃ সুমহাত্মনঃ |
সমৃদ্ধঃ শ্রেয়সাং যৌনির্যজ্ঞো বৈ নাশমাপ্তবান্ || ১. ২৭. ২১||
ভৃগোরপি চ শাপেন বিষ্ণুঃ পরমবিয়বান্ |
প্রাদুর্ভাবান্দশ প্রাপ্তো দুঃখিতশ্চ সদা কৃতঃ || ১. ২৭. ২২||
ইন্দ্রস্যাপি হি ধর্মজ্ঞঃ শিশ্নং সবৃষণং পুরা |
ঋষিণা গৌতমেনোর্ব্যাং ক্রুদ্ধেন বিনিপাতিতম্ || ১. ২৭. ২৩||
গর্ভবাসো বসূনাং চ শাপেন বিহিত স্তথা |
ঋষীণাং চৈব শাপেন নহুষঃ সর্পতাং গতঃ || ১. ২৭. ২৪||
ক্ষীরোদশ্চ সমুদ্রশ্চ হ্যপেয়ো ব্রাহ্মণৈঃ কৃতঃ |
ধর্মশ্চাত্র প্রশপ্তো বৈ মাণ্ডব্যেন মহাত্মনা || ১. ২৭. ২৫||
এতে চান্যে চ বহবো যাতনাং চ সমাগতাঃ |
বর্জয়িৎবা বিরূপাক্ষং দেবদেবং মহেশ্বরম্ || ১. ২৭. ২৬||
এবং হি মোহিতাস্তেন ন চাবুদ্ধ্যন্ত শঙ্করম্ |
ততস্তে ঋষয়ঃ সর্বে পরস্পরমথাব্রুবন্ || ১. ২৭. ২৭||
ন চায়ং বিধিরস্মাকং গৃহস্থানাং বিধীয়তে |
ব্রহ্মচর্য রতানাং চ বনে বা বনবাসিনাম্ || ১. ২৭. ২৮||
যতীনাং বা তথা ধর্মো নায়ং দৃষ্টঃ কথঞ্চন |
অনয়স্তু মহানেষ যেনায়ং মোহিতো দ্বিজাঃ || ১. ২৭. ২৯||
লিঙ্গং প্রপাতয়স্বৈতন্নায়ং ধর্মস্তপস্বিনাম্ |
বদস্ব বাচা মধুরং বস্ত্রমেকং সমাশ্রয় || ১. ২৭. ৩০||
ত্যাজিতে চ ৎবয়া লিঙ্গে ততঃ পূজামবাপ্স্যসি |
ঋষীণাং তদ্বচঃ শ্রুৎবা ভগবান্ভগনেত্রহা || ১. ২৭. ৩১||
উবাচ শ্লক্ষ্ণয়া বাচা প্রহসন্নিব শঙ্করঃ |
ন শক্যমিদমস্মা কং লিঙ্গং পাতয়িতুং বলাৎ || ১. ২৭. ৩২||
ব্রহ্মাদিদৈবতৈঃ সর্বৈঃ কিমুতান্যৈস্তপোধনৈঃ |
পাতয়েয়মহং চৈতল্লিঙ্গং ভো দ্বিজসত্তমাঃ || ১. ২৭. ৩৩||
আশ্রমে তিষ্ঠ বা গচ্ছ বাক্যমিত্যেব তেঽব্রুবন্ |
এবমুক্তো মহাদেবঃ প্রৎদৃষ্টেন্দ্রিয়চেষ্টিতঃ || ১. ২৭. ৩৪||
সর্বেষাং পশ্যতামেব তত্রৈবান্তর্দধে প্রভুঃ |
অন্তর্হিতে ভগবতি তথা লিঙ্গে কৃতে ভবে || ১. ২৭. ৩৫||
ত্রৈলোক্যে সর্বভূতানাং প্রাদুর্ভাবো ন জায়তে |
ব্যাকুলং চ তদা সর্বং ন প্রকাশেত কিঞ্চন || ১. ২৭. ৩৬||
তপতে চৈব নাদিত্যো নিষ্প্রভঃ পাবকস্তথা |
নক্ষত্রাণি গ্রহাশ্চৈব বিপরীতা বিজজ্ঞিরে || ১. ২৭. ৩৭||
সংতানার্থ প্রবৃত্তানামৃষীণাং বিভবাত্মনাম্ |
ক্রতবো ন ব্যবর্ত্তন্ত ঋতুকালাভিগামিনাম্ || ১. ২৭. ৩৮||
তে চরতি পুনর্দ্ধর্ম্মং নির্মমা নিরহঙ্কৃতাঃ |
নষ্টপ্রভাববীর্যাশ্চ নষ্টতেজস এব চ || ১. ২৭. ৩৯||
ধর্মে চৈব মতিস্তেষাং তদা ন ব্যবতিষ্ঠতে |
তে তুসর্বে সমাগম্য ব্রহ্মলোকমুপাগতাঃ || ১. ২৭. ৪০||
ব্রহ্মণো ভবনং গৎবা দৃষ্ট্বা পুষ্পকসংভবম্ |
পাদয়োঃ পতিতাঃ সর্বে শিববৃত্তান্তমূচিরে || ১. ২৭. ৪১||
বিকটঃ স্তব্ধকেশশ্চ করালদশনস্তথা |
উলূকব্যগ্রহস্তশ্চ রক্তপিঙ্গললোচনঃ || ১. ২৭. ৪২||
শিশ্নং সবৃষণং তস্য রক্তং গৈরিকমণ্ডিতম্ |
স্নুষাণাং চ দুহিৎৠণাং পুত্রীণাং চ বিশেষতঃ || ১. ২৭. ৪৩||
বর্তমানস্ততঃ পার্শ্বে বিপরীতাভিলাষতঃ |
উন্মত্ত ইতি বিজ্ঞায় সোঽস্মাভিরবমানিতঃ || ১. ২৭. ৪৪||
আক্রুষ্টস্তাডিতশ্চাপি লিঙ্গং চাপ্যস্য চোদ্ধৃতম্ |
তস্য ক্রোধপ্রসাদার্থং বয়ং তে শরণং গতাঃ || ১. ২৭. ৪৫||
এতৎকার্যং ন জানীমস্তন্নো ব্রূহি পিতামহ |
ঋষীণাং তদ্বচঃ শ্রুৎবা ধ্যানাদ্বিজ্ঞায় চেশ্বরম্ || ১. ২৭. ৪৬||
প্রত্যুবাচ ততো ব্রহ্মা বাক্যং চ সুসমা হিতঃ |
এষ দেবো মহাদেবো বিজ্ঞেয়স্তু মহেশ্বরঃ || ১. ২৭. ৪৭||
ন তস্য পরমং কিঞ্চিৎপদং সমধিগম্যতে |
দেবানাং চ ঋষীণাং চ পিতৃণাং চৈব স প্রভুঃ || ১. ২৭. ৪৮||
সহস্রয়ুগপর্যন্তে প্রলয়ে সর্বদেহিনাম্ |
সংহরত্যেষ ভগবান্ কালো ভূৎবা মহেশ্বরঃ || ১. ২৭. ৪৯||
এষ চৈব প্রজাঃ সর্বাঃ সৃজত্যেকঃ স্বতেজসা |
এষ চিক্রী চ বক্ষোজশ্রীবৎসকৃতলক্ষণঃ || ১. ২৭. ৫০||
যেগী কৃতয়ুগে চৈব ত্রেতায়াং ক্রতুরুচ্যতে |
দ্বাপরে চৈব কালাগ্নির্ধর্মকেতুঃ কলৌ স্মৃতঃ || ১. ২৭. ৫১||
রুদ্রস্য মূর্ত্তয়স্তিস্রো বিজ্ঞেয়াশ্চাপি পণ্ডিতৈঃ |
তমো হ্যগ্নী রজো ব্রহ্মা সত্ত্বং বিষ্ণুঃ প্রকাশকঃ || ১. ২৭. ৫২||
মূর্ত্তিরেকা স্মৃতা যস্য দিগ্বাসাশ্চ শিবাহ্বয়া |
যত্র তিষ্ঠন্তি তদ্ব্রহ্ময়োগেন তু সমন্বিতম্ || ১. ২৭. ৫৩||
তস্মাদ্দেবং দেবদেবমী শানং প্রভুমব্যয়ম্ |
আরাধয়ত বিপ্রেন্দ্রা জিতক্রোধা জিতেন্দ্রিয়াঃ || ১. ২৭. ৫৪||
দৃষ্টং বৈ যাদৃশং তস্য লিঙ্গমাসীন্মহাত্মনঃ |
তাদৃক্প্রতিকৃতিং কৃৎবা শূলপাণিং প্রপদ্যত || ১. ২৭. ৫৫||
ততো দ্রক্ষ্যথ দেবেশং দুর্দর্শমকৃতাত্মভিঃ |
যং দৃষ্ট্বা সর্বমজ্ঞানমধর্মশ্চ প্রমশ্যতি || ১. ২৭. ৫৬||
ততঃ প্রদক্ষিণং কৃৎবা ব্রহ্মাণমমিতৌজসম্ |
আস্থিতা বীতশোকাস্তে দেবদারুবনে ততঃ || ১. ২৭. ৫৭||
আরাধয়িতুমারব্ধা ব্রহ্মণা কথিতং যথা |
স্থণ্ডিলেষু বিচিত্রেষু পর্বতেষু গুহাসু চ || ১. ২৭. ৫৮||
নদীনাং চ বিচিত্রেষু পুলিনেষু শুভেষু চ |
এবং সংবৎসরে পূর্ণে বসংতে সমুপস্থিতে |
তদেব রূপমাস্থায় দেবস্তদ্বনমাগতঃ || ১. ২৭. ৫৯||
কুসুমিতবহুপাদপালতাকং ভ্রমরগণৈ রুপগীয়মানখণ্ডম্ |
পরভৃতপরিপূর্ণচারুশব্দং প্রবিশতি তদ্বনমাশ্রমং মহেশঃ || ১. ২৭. ৬০||
ততস্তং মুনয়ঃ সর্বে তুষ্টুবুঃ সুসমাহিতাঃ || ১. ২৭. ৬১||
অদ্ভির্বিবধমাল্যৈশ্চ ধূপমন্ধৈস্তথৈব চ |
সপত্নীকা মহাভাগাঃ সপুত্রাঃ সপরিচ্ছদাঃ || ১. ২৭. ৬২||
মৃদু ভস্তে তদা বাগ্ভির্গিরীশমিদমব্রুবন্ |
অজ্ঞানাদ্দেবদেবস্য যদস্মাভিগ্নুষ্ঠিতম্ || ১. ২৭. ৬৩||
কর্মণা মনসা বাচা তৎসর্বং ক্ষন্তুমর্হসি |
চরিতানি বিচিত্রাণি গুহ্যানি গহনানি চ || ১. ২৭. ৬৪||
ব্রহ্মাদীনাং চ দেবানাং দুর্বিজ্ঞেয়ানি শঙ্কর |
স্বাগতং তে ন জানীমো গতিং নৈব চ নৈব চ || ১. ২৭. ৬৫||
বিশ্বেশ্বর মহাদেব যোঽসি সোঽসি নমোঽস্তু তে |
স্তুবন্তি ৎবাং মহাত্মানো দেবদেবং মহেশ্বরম্ || ১. ২৭. ৬৬||
নমো ভবায় ভব্যায় ভাবনায়োদ্ভবায় চ |
অনন্তবলবীর্যায় ভূতানাং পতয়ে নমঃ || ১. ২৭. ৬৭||
সংহর্ত্রে কপিশাঙ্গায় অব্যয়ায় ব্যয়ায় চ |
গঙ্গা সলিলধারায় চাধারায় গুণাত্মনে || ১. ২৭. ৬৮||
ত্র্যংবকায় ত্রিনেত্রায় ত্রিশূলবরধারিণে |
কন্দর্পায় নমস্তুভ্যং নমোঽস্তু পরমাত্মনে || ১. ২৭. ৬৯||
শকরায় বৃষাঙ্কায় গণানাং পতয়ে নমঃ |
দণ্ডহস্তায় কালায় পাশহস্তায় বৈ নমঃ || ১. ২৭. ৭০||
বেদমন্ত্রপ্রধানায় শতজিহ্বায় তে নমঃ |
ভূতং ভব্যং ভবিষ্যচ্চ স্থাবরং চঙ্গমং চ যৎ || ১. ২৭. ৭১||
তব দেহাৎসমুৎপন্নং দেব সর্বমিদং জগৎ |
শেভো পাহি চ ভদ্রং তে প্রসীদ ভগবংস্ততঃ || ১. ২৭. ৭২||
অজ্ঞানাদ্যদি বা জ্ঞানাদ্যৎকিঞ্চিৎকুরুতে নরঃ |
তৎসর্বং ভগবানেব কুরুতে যোগমায়য়া || ১. ২৭. ৭৩||
এবং স্তুৎবা তু মুনয়ঃ প্রহৃষ্টেনান্তরাত্মনা |
যাচন্তে তপসা যুক্তাঃ পশ্যামস্ত্ত্বাং যথা পুরা || ১. ২৭. ৭৪||
প্রকৃতিস্থং চ তে লিঙ্গং তথৈবাস্তু যথা পুরা |
নমো দিগ্বাসসে নিত্যং কিঙ্কিণীজালমালিনে || ১. ২৭. ৭৫||
বিকটায় করালায় করালবদনায় চ |
অরূপায় সুরূপায় বিশ্বরূপায় তে নমঃ || ১. ২৭. ৭৬||
কটঙ্কটায় রূদ্রায় স্বাহাকারায় বৈ নমঃ |
সর্বপ্রাণাত্মনে তুভ্যং গুণদেহায় বৈ নমঃ || ১. ২৭. ৭৭||
দুর্গ্গন্ধায় সুগন্ধায় শূলহস্তায় বৈ নমঃ |
স্বয়ং নীলশিখণ্ডায় শ্রীকণ্ঠায় নমো নমঃ |
নীলকণ্ঠায় দেবায় চিতাভস্মাঙ্গরাগিণে || ১. ২৭. ৭৮||
গুণত্রয়াত্মনে তুভ্যং নমো বিশ্বায় বেধসে |
শ্মশানবাসিনে নিত্যং প্রেতরূপায় বৈ নমঃ || ১. ২৭. ৭৯||
ৎবং ব্রহ্মা সর্বদেবানাং রুদ্রাণাং নীললোহিতঃ |
আত্মা চ সর্বভূতানাং সাংখ্যৈঃ পুরুষ উচ্যতে || ১. ২৭. ৮০||
পর্বতানাং মহামেরুর্নক্ষত্রাণাং চ চন্দ্রমাঃ |
ঋষীণাং চ বসিষ্ঠস্ত্বং দেবানাং বাসবস্তথা || ১. ২৭. ৮১||
ওঙ্করঃ সর্ববেদানাং জ্যেষ্ঠসাম চ সামসু |
আরণ্যানাং চ সর্বেষাং সিংহস্ত্বং পরমেশ্বরঃ || ১. ২৭. ৮২||
গ্রাম্যাণামৃষভশ্চাপি ভগবাংল্লোকপূজিতঃ |
সর্বথা বর্ত্তমানোঽপি যোয়ো ভাবো ভবিষ্যতি || ১. ২৭. ৮৩||
ৎবামেব তত্র পশ্যামো ব্রহ্মণা কথিতং যথা |
কামঃ ক্রোধশ্চ লোভশ্চ বিষাদো মদ এব চ || ১. ২৭. ৮৪||
এতদিচ্ছাম বৈ রোদ্ধুং প্রসীদ পরমেশ্বর |
মহাসংহরণে প্রাপ্তে ৎবয়া দেব কৃতাত্মনা || ১. ২৭. ৮৫||
করং ললাটে সংপীড্য বহ্নিরুৎপাদিতস্ত্বয়া |
তেনাগ্নিনা তদা লোকা অর্চির্ভিঃ সর্বতো বৃতাঃ || ১. ২৭. ৮৬||
তস্মাদগ্নিসমা হ্যেতে বহবো বিকৃতাগ্নয়ঃ |
যানি চান্যানিভূতানি স্থাবরাণি চরাণি চ || ১. ২৭. ৮৭||
দহ্যন্তে প্রাণিনস্তে তু ৎবৎসমুত্থেন বাহ্নিনা |
অস্মাকং দহ্যমানানাং ত্রাতা ভব সুরেশ্বর || ১. ২৭. ৮৮||
ৎবং চ লোকহিতার্থায় ভূতানি পরিষিঞ্চসি |
মহেশ্বর মহাভাগ প্রভো শুভনিরীক্ষক || ১. ২৭. ৮৯||
আজ্ঞাপয় বয়ং নাথ কর্ত্তারো বচনং তব |
রূপকোটিসহস্রেষু রূপকোটিশতেষু চ || ১. ২৭. ৯০||
অন্তং গন্তুং ন শক্তাঃ স্ম তব দেব নমোঽস্তু তে |
ততস্তু ভগবানীশ ইদং বচনমব্রবীৎ || ১. ২৭. ৯১||
যে হি মে ভস্মনিরতা ভস্মনা দগ্ধকিল্বিষাঃ |
যথোক্তকারিণো দান্তা বিপ্রা ধ্যানপরায়ণাঃ || ১. ২৭. ৯২||
ন তান্পরিবদেদ্বিদ্বান্ ন চ তানতিলঙ্ঘয়েৎ |
ন চেমানপ্রিয়ং ব্রূয়াদমুত্রেহ হিতার্থবান্ || ১. ২৭. ৯৩||
যস্তান্নিন্দতি মূঢাত্মা মহাদেবংস নিন্দতি |
যস্ত্বেতান্পূজয়েন্নিত্যং স পূজয়তি শঙ্করম্ |
এবং চরথ ভদ্রং বো মত্তঃ সিদ্ধিমবাপ্স্যথ || ১. ২৭. ৯৪||
অতুলমিহ মহাতমঃ প্রণাশংশিবকথিতং পরমং বিধিং বিদিৎবা |
অপগতভয়লোভমোহচিন্তাঃ সহ পতিতাঃ মহসা শিরোভিরূহুঃ || ১. ২৭. ৯৫||
ততস্তে মুদিতা বিপ্রাঃ প্রকৃতিস্থে মহেশ্বরে |
গন্ধোদকৈঃ সুশুদ্ধৈশ্চ কুশপুষ্পবিমিশ্রিতৈঃ || ১. ২৭. ৯৬||
স্নাপয়ন্তি মহাকুম্ভৈরদ্ভির্দেবং মহেশ্বরম্ |
গায়ন্তি বিবিধৈর্গুহ্যৈর্ হুংকারৈশ্চাপি সুস্বরৈঃ || ১. ২৭. ৯৭||
নমো দিগ্বাসসে দেব কিঙ্কিণীধ্রায় বৈ নমঃ |
অর্দ্ধ নারীশরীরায় সাংখ্যয়োগপ্রবর্ত্তিনে || ১. ২৭. ৯৮||
ঘনবাহনকৃষ্ণায় গজচর্মনিবাসিনে |
কৃষ্ণাজিনোত্তরীয়ায় ব্যালয়জ্ঞোপবীতিনে || ১. ২৭. ৯৯||
সুরচিতচিত্রবিচিত্রকুণ্ডলায় সুরচিতমাল্যবিভূষণায় তুভ্যম্ |
মৃগপতিবরচর্মবাসসে তে পৃথুপরশো চ নমোস্তু শঙ্করায় || ১. ২৭. ১০০||
ভূয়শ্চ স্থাপিতে লিঙ্গে লোকানাং হিতকাম্যয়া |
বর্ণধর্মপরাশ্চৈব চেরুস্তে মুনিসত্তমাঃ || ১. ২৭. ১০১||
ততস্তান্স মুনীন্প্রীতঃ প্রত্যুবাচ মহেশ্বরঃ |
প্রীতোস্মি যুষ্মত্তপসা বরং বৃণুত মুব্রতাঃ || ১. ২৭. ১০২||
ততস্তে মুনয়স্সর্বে প্রণিপত্য মহেশ্বরম্ |
ভৃগ্বঙ্গিরা বসিষ্ঠশ্চ বিশ্বামিত্রস্তথৈব চ || ১. ২৭. ১০৩||
গৌতমোঽত্রিঃ সুকেশশ্চ পুলস্ত্যঃ পুলহঃ ক্রতুঃ |
মরীচিঃ কশ্যপশ্চাপি সংবর্তশ্চ মহাতপাঃ || ১. ২৭. ১০৪||
তে প্রণম্য মহাদেবমিদং বচনমব্রুবন্ |
ভস্মস্নানং চ নগ্নৎবং বামৎবং প্রতিলোমতা |
সেব্যাসেব্যৎবং তু বিভো এতদিচ্ছাম বেদিতুম্ || ১. ২৭. ১০৫||
ভগবানুবাচ
এতদ্বঃ সংপ্রবক্ষ্যামি কথাসর্বস্বমদ্য বৈ |
অগ্নির্হ্যহং সোময়ুতঃ সোমশ্চাগ্নিমুপশ্রিতঃ || ১. ২৭. ১০৬||
কৃতাকৃতং বদন্ত্যগ্নিং ভূয়ো লোকাঃ সমাশ্রিতাঃ |
অসকৃচ্চাগ্নিনা দগ্ধং জগৎস্থাবরজঙ্গমম্ || ১. ২৭. ১০৭||
ভস্মসাধ্যং হি তৎসর্বং পবিত্রমিদ মুত্তমম্ |
ভস্মনা বীর্যমাস্থায় ভূতানি পরিষিঞ্চতি || ১. ২৭. ১০৮||
অগ্নিকার্যং চ যৎকৃৎবা করিষ্যতি চ ত্র্যায়ুষম্ |
ভস্মনা মম বীর্যেণ মুচ্যতে সর্বকিল্বিষৈঃ || ১. ২৭. ১০৯||
ভাসয়ত্যেব যদ্ভস্ম শুভং বাসয়তে চ যৎ |
তৎক্ষণাৎসর্বপাপানাং ভস্মেতি পরিকীর্ত্যতে || ১. ২৭. ১১০||
ঊষ্মপাঃ পিতরো জ্ঞেয়া দেবা বৈ সোমসংভবাঃ |
অগ্নীষোমাত্মকং সর্বং জগৎস্থাবরজং গমম্ || ১. ২৭. ১১১||
অহমগ্নির্মহাতেজাঃ সোমশ্চৈষা মমাংবিকা |
অহমগ্নিশ্চ সোমশ্চ প্রকৃত্যা পুরুষঃ স্বয়ম্ || ১. ২৭. ১১২||
তস্মাদ্ভস্ম মহাভাগা মদ্বীর্যমিতি চোচ্যতে |
স্ববীর্যং বপুষা চৈব ধারয়ামীতি বৈ স্থিতিঃ || ১. ২৭. ১১৩||
তদা প্রভৃতি লোকেষু রক্ষার্থমশুভেষু চ |
ভস্মনা ক্রিয়তে রক্ষা সূতিকানাং গৃহেষু চ || ১. ২৭. ১১৪||
ভস্মস্নানবিশুদ্ধাত্মা জিতক্রোধো জিতেন্দ্রিয়ঃ |
মৎসমীপসুপাগম্য ন ভূয়ো বিনিবর্ততে || ১. ২৭. ১১৫||
ব্রতং পাশুপতং যোগং কাপালং যোগনির্মিতম্ |
পূর্বং পাশুপতং হ্যেতন্নির্মিতং তদনুত্তমম্ || ১. ২৭. ১১৬||
শেষাশ্চাশ্রমিণঃ সর্বে পশ্চাৎসৃষ্টাঃ স্বয়ংভুবা |
সৃষ্টিরেষা ময়া সৃষ্টা লজ্জামোহভয়াত্মিকা || ১. ২৭. ১১৭||
নগ্না এব হি জায়ন্তে দেবতা মুনয়স্তথা |
যে চান্যেমানবা লোকে সর্বে জায়ন্ত্যবাসসঃ || ১. ২৭. ১১৮||
ইন্দ্রিয়ৈরজিতৈর্নগ্না দুকূলেনাপি সংবৃতাঃ |
তৈরেব সংবৃতো গুপ্তোন বস্ত্রং কারণং স্মৃতম্ || ১. ২৭. ১১৯||
ক্ষমা ধৃতিরহিংসা চ বৈরাগ্যং চৈব সর্বশঃ |
তুল্যৌ মানাপমানৌ চ তৎপ্রাবরণমুত্তমম্ || ১. ২৭. ১২০||
ভস্মপাণ্ডুরদিগ্ধাঙ্গো ধ্যায়তে মনসা ভবম্ |
যদ্যকার্যসহস্রাণি কৃৎবা স্নায়তি ভস্মনা || ১. ২৭. ১২১||
তৎসর্বং দহতে ভস্ম যথাগ্নিস্তেজসা বনম্ |
তস্মা দ্যত্নপরো ভূৎবা ত্রিকালমপি যঃ সদা || ১. ২৭. ১২২||
ভস্মনা কুরুতে স্নানং গাণপত্যং স গচ্ছতি |
সংহৃত্য চ ক্রতূন্সর্বান্গৃহীৎবামৃতমুত্ত মম্ || ১. ২৭. ১২৩||
ধ্যায়ন্তি যে মহাদেবং লীনাস্তদ্ভাবভাবিতাঃ |
উত্তরেণাথ পন্থানং তেঽমৃতৎবমবাপ্নুয়ুঃ || ১. ২৭. ১২৪||
দক্ষিণেনাথ পন্থানং যে শ্মশানানি ভেজিরে |
অণিমা মহিমা চৈব লঘিমা প্রাপ্তিরেব চ || ১. ২৭. ১২৫||
গরিমা পঞ্চমী চৈব ষষ্ঠং প্রাকাম্যমেব চ |
ঈশিৎবং চ বশিৎবং চ হ্যমরৎবং চ তে গতাঃ || ১. ২৭. ১২৬||
ইন্দ্রাদয়স্তথা দেবাঃ কামিকং ব্রতমাস্থিতাঃ |
ঐশ্বর্যং পরমং প্রাপ্য সর্বে প্রথিততেজসঃ || ১. ২৭. ১২৭||
ব্যপগতমদমোহমুক্তরাগাস্তমেরহজদোষবিবর্জিতস্বভাবাঃ |
পরিভবমিদমুত্তমং বিদিৎবা পশুপতিদয়িতমিদং ব্রতং চরধ্বম্ || ১. ২৭. ১২৮||
যঃ পঠেদ্বৈ শুচির্ভূৎবা শ্রদ্দধানো জিতেন্দ্রিয়ঃ |
সর্বপাপবিশুদ্ধাত্মা রুদ্রলোকং স গচ্ছতি || ১. ২৭. ১২৯||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদ দারুবনপ্রবেশভস্মস্নানবিধির্নাম সপ্তবিংশতিতমোঽধ্যায়ঃ

ঋষিরুবাচ
অগাৎকথমমাবস্যাং মাসি মাসি দিবং নৃপঃ |
ঐলঃ পুরূরবাঃ সূত কথং বাতর্পয়ৎপিৎৠন্ || ১. ২৮. ১||
সূত উবাচ
তস্য তেঽহং প্রবক্ষ্যামি প্রভাবং শাংশপায়নে |
ঐলস্যাদিত্যসংযোগং সোমস্য চ মহাত্মনঃ || ১. ২৮. ২||
অন্তঃসারময়স্যেন্দোঃ পক্ষয়োঃ শুক্লকৃষ্ণয়োঃ |
হ্রাসবৃদ্ধী পিদৃমতঃ পিত্র্যস্য চ বিনির্ণয়ম্ || ১. ২৮. ৩||
সোমাচ্চৈবামৃতপ্রাপ্তিং পিৎৠণাং তর্বণং তথা |
কাব্যাগ্নিষ্বাত্তমৌম্যানাং পিৎৠণাঞ্চৈব দর্শনম্ || ১. ২৮. ৪||
যথা পুরূরবাশ্চৈব তর্পয়ামাস বৈ পিৎৠন্ |
এতৎসর্বং প্রবক্ষ্যামি পর্বাণি চ যথাক্রমম্ || ১. ২৮. ৫||
যদা তু চন্দ্রসূর্যৌং বৈ নক্ষত্রেণ সমাগতৌ |
অমাবস্যাং নিবসত একরাত্রৈকমণ্ডলৌ || ১. ২৮. ৬||
স গচ্ছতি তদা দ্রষ্টুং দিবাকরনিশাকরৌ |
অমাবস্যামমাবাস্যাং মাতামহপিতামহৌ || ১. ২৮. ৭||
অভিবাদ্য স তৌ তত্র কালাপেক্ষঃ প্রতীক্ষতে |
প্রস্যন্দমানাৎসোমাত্তু পিত্রর্থং তু পরিশ্রবান্ || ১. ২৮. ৮||
ঐলঃ পুরূরবা বিদ্বান্মাসশ্রাদ্ধচিকীর্ষয়া |
উপাস্তে পিতৃমন্তং তং সোমং দিবি সমাস্থিতঃ || ১. ২৮. ৯||
দ্বিলবাং কুহূমাত্রাং চ তে উভে তু বিচার্য সঃ |
সিনীবালীপ্রমাণেভ্যঃ সিনীবালীমুপাস্য সঃ || ১. ২৮. ১০||
কুহূমাত্রঃ কলাং চৈব জ্ঞাৎবোপাস্তে কুহূং তথা |
স তদা তামুপাসীনঃ কালাপেক্ষঃ প্রপশ্যতি || ১. ২৮. ১১||
সুধামৃতং তু তৎসোমাৎস্রবদ্বৈ মাসতৃপ্তয়ে |
দশভিঃ পঞ্চভিশ্চৈব সুধামৃতপরিস্রবৈঃ || ১. ২৮. ১২||
কৃষ্ণপক্ষে ভুজাং প্রীত্যা দহ্যমানাং তথাংশুভিঃ |
সদ্যঃ প্রক্ষরতা তেন সৌম্যেন মধুনা তু সঃ || ১. ২৮. ১৩||
নির্বাতেষ্ত্রথ পক্ষেষু পিত্র্যেণ বিধিনা দিবি |
সুধামৃতেন রাজৈন্দ্রস্তর্প যামাস বৈ পিৎৠন্ || ১. ২৮. ১৪||
সৌম্যান্বর্হিষদঃ কাব্যানগ্নিষ্বাত্তাংস্তথৈব চ |
ঋতমগ্নিস্তু যঃ প্রোক্তঃ স তু সংবৎসরো মতঃ || ১. ২৮. ১৫||
জজ্ঞিরে হ্যৃতবস্তস্মাদ্ধ্যৃতুভ্যশ্চার্ত্তবাস্তথা |
আর্তবা হ্যর্দ্ধমাসাখ্যাঃ পিতরো হ্যৃতুসূনবঃ || ১. ২৮. ১৬||
ঋতবঃ পিতামহা মাসা অয়নাহ্যব্দসূনবঃ |
প্রপিতামহাস্তু বৈ দেবাঃ পঞ্চাব্দা ব্রহ্মণঃ সুতাঃ || ১. ২৮. ১৭||
সৌম্যাস্তু সোমজা জ্ঞেয়াঃ কাব্যা জ্ঞেয়াঃ কবেঃ সুতাঃ |
উপহূতাঃ স্মৃতা দেবাঃ সোমজাঃ সোমপাঃ স্মৃতাঃ || ১. ২৮. ১৮||
আজ্যপাস্তু স্মৃতাঃ কাব্যাস্তিস্রস্তাঃ পিতৃজাতয়ঃ |
কাব্যা বর্হিষদ শ্চৈব অগ্নিষ্বাত্তাশ্চ তাস্ত্রিধা || ১. ২৮. ১৯||
গৃহস্থা যে চ যজ্বান ঋতুর্বর্হিষদো ধ্রুবম্ |
গৃহস্থাশ্চাপ্যয়জ্বান অগ্নিষ্বাত্তাস্তথার্ত্তবাঃ || ১. ২৮. ২০||
অষ্টকাপতয়ঃ কাব্যাঃ পঞ্চাব্দাস্তান্নিবোধত |
তেষাং সংবৎসরো হ্যগ্নিঃ সূয়স্তু পরিবৎসরঃ || ১. ২৮. ২১||
সোম ইড্বৎসরঃ প্রোক্তো বায়ুশ্চৈবানুবৎসরঃ |
রুদ্রস্তু বৎসরস্তেষাং পঞ্চাব্দাস্তে যুগাত্মকাঃ || ১. ২৮. ২২||
কাব্যাশ্চৈবোষ্মপাশ্চৈব দিবাকীর্ত্যাশ্চ তে স্মৃতাঃ |
যে তে পিবন্ত্যমাবস্যাং মাসিমাসি সুধাং দিবি || ১. ২৮. ২৩||
তাংস্তেন তর্পয়ামাস যাবদাসীৎপুরূরবাঃ |
যস্মাৎপ্রস্রবতে সোমান্মাসি মাসি ধিনোতি চ || ১. ২৮. ২৪||
তস্মাৎসুধামৃতং তদ্বৈ পিৎৠণাং সোমপায়িনাম্ |
এবং তদমৃতং সৌম্যং সুধা চ মদু চৈব হ || ১. ২৮. ২৫||
কৃষ্ণপক্ষে যথা বেন্দোঃ কলাঃ পঞ্চদশ ক্রমাৎ |
পিবন্ত্যংবুময়ং দেবাস্ত্রয়স্ত্রিংশত্তু ছন্দনাঃ || ১. ২৮. ২৬||
পীৎবার্দ্ধমাসং গচ্ছন্তি চতুর্দশ্যাং সুধামৃতম্ |
ইত্যেবং পীয়মানৈস্তু দেবৈঃ সর্বৈর্নিশাকরঃ || ১. ২৮. ২৭||
সমাগচ্ছত্যমাবস্যাং ভাগে পঞ্চদশে স্থিতঃ |
সুষুম্ণাপ্যায়িতং চৈব হ্যমাবস্যাং যথা ক্রমম্ || ১. ২৮. ২৮||
পিবন্তি দ্বিলবং কালং পিতরস্তে সুধামৃতম্ |
পীতক্ষয়ং ততঃ সোমং সূর্যোঽসাবেকরশ্মিনা || ১. ২৮. ২৯||
আপ্যায়য়ৎসুষুম্ণাতঃ পুনস্তান্সোমপায়িনঃ |
নিঃ শেষায়াং কলায়াং তু সোমমাপ্যায়য়ৎপুনঃ || ১. ২৮. ৩০||
সুষুম্ণাপ্যায়মানস্য ভাগং ভাগমহঃ ক্রমাৎ |
কলাঃ ক্ষীয়ন্তি তাঃ কৃষ্ণাঃ শুক্লা চাপ্যায়য়ন্তি তম্ || ১. ২৮. ৩১||
এবং সূর্যস্য বীর্যেণ চন্দ্রস্যাপ্যায়িতা তনুঃ |
দৃশ্যতে পৌর্ণমাস্যাং বৈ শুক্লঃ সংপূর্ণমণ্ডলঃ || ১. ২৮. ৩২||
সংসিদ্ধিরেবং সোমস্য পক্ষয়োঃ শুক্লকৃষ্ণয়োঃ |
ইত্যেবং পিতৃমান্সোমঃ স্মৃত ইড্বৎসরাত্মকঃ || ১. ২৮. ৩৩||
ক্রান্তঃ পঞ্চদশৈঃ সার্দ্ধং সুধামৃতপরিস্রবৈঃ |
অতঃ পর্বাণি বক্ষ্যামি বর্বণাং সংধয়শ্চ যে || ১. ২৮. ৩৪||
গ্রন্থিমন্তি যথা পর্বাণীক্ষুবে ণ্বোর্ভবন্ত্যুত |
তথার্দ্ধমাসি পর্বাণি শুক্লকৃষ্ণানি চৈব হি || ১. ২৮. ৩৫||
পূর্ণামাবস্যয়োর্ভেদৌ গ্রন্থয়ঃ সংধয়শ্চ বৈ |
অর্দ্ধমাসং তু পর্বাণি দ্বিতীয়াপ্রভৃতীনি তু || ১. ২৮. ৩৬||
অন্বাধানক্রিয়া যস্মাৎক্রিয়তে পর্বসংধিষু |
তস্মাত্তু পর্বণামাদৌ প্রতিপৎসর্বসংধিষু || ১. ২৮. ৩৭||
সায়াহ্নেঽহ্যনুমত্যাদৌ কালো দ্বিলব উচ্যতে |
লবৌ দ্বাবেব রাকায়াং কালো জ্ঞেয়োঽপরাহ্ণকঃ || ১. ২৮. ৩৮||
প্রতিপৎকৃষ্ণপক্ষস্য কালেঽতীতেঽপরাহ্ণকে |
সায়াহ্নে প্রতিপন্নে চ স কালঃ পৌর্ণমাসিকঃ || ১. ২৮. ৩৯||
ব্যতীপাতে স্থিতে সূর্যে লেখার্দ্ধে তু যুগান্তরে |
যুগান্তরোদিতে চৈব লেশার্দ্ধে শশিনঃ ক্রমাৎ || ১. ২৮. ৪০||
পৌর্ণমাসী ব্যতীপাতে যদীক্ষেতাং পরস্পরম্ |
যস্মিন্কালে সমৌ স্যাতাং তৌ ব্যতীপাত এব সঃ || ১. ২৮. ৪১||
তং কালং সূর্যনির্দ্দেশ্যং দৃষ্ট্বা সংখ্যাং তু সর্পতি |
স বৈ বষটাক্রিয়াকালঃ সদ্যঃ কালং বিধীয়তে || ১. ২৮. ৪২||
পূর্ণন্দোঃ পূর্ণপক্ষে তু রাত্রিসংধিশ্চ পূর্ণিমা |
ততো বিরজ্যতে নক্তং পৌর্ণমাস্যাং নিশাকরঃ || ১. ২৮. ৪৩||
যদীক্ষেতে ব্যতীপাতে দিবা পূর্ণে পরস্পরম্ |
চন্দ্রার্কাবপরাহ্ণে তু পূর্ণাত্মানৌ তু পূর্ণিমা || ১. ২৮. ৪৪||
যস্মাত্তামনুমন্যন্তে পিতরো দৈবতৈঃ সহ |
তস্মাদনুমতির্নাম পূর্ণিমা প্রথমা স্মৃতা || ১. ২৮. ৪৫||
অত্যর্থং ভ্রাজতে যস্মাদ্ব্যোম্ন্যস্যাং বৈ নিশাকরঃ |
রঞ্জনাচ্চৈব চন্দ্রস্য রাকেতি কবয়োঽব্রুবন্ || ১. ২৮. ৪৬||
অমাবসেতামৃক্ষে তু যদা চন্দ্রদিবাকরৌ |
রাকা পঞ্চদশী রাত্রিরমাবাস্যা ততঃ স্মৃতা || ১. ২৮. ৪৭||
ব্যুচ্ছিদ্য তমমাবস্যাং পশ্যতস্তৌ সমাগতৌ |
অন্যোন্যং চন্দ্রসূর্যৌং তৌ যদা তদ্বর্শ উচ্যতে || ১. ২৮. ৪৮||
দ্বৌ দ্বৌ লবাবমাবাস্যা স কালঃ পর্বসংধিষু |
দ্ব্যক্ষর কুহুমাত্রশ্চ পর্বকালাস্ত্রয়ঃ স্মৃতাঃ || ১. ২৮. ৪৯||
নষ্টচন্দ্রা ৎবমাবস্যা যা মধ্যাঙ্নাৎপ্রবর্ত্ততে |
দিবসার্দ্ধেন রাত্র্যা চ সূর্যং প্রাপ্য তু চন্দ্রমাঃ || ১. ২৮. ৫০||
সূর্যেণ সহ সামুদ্রং গৎবা প্রাতস্তনাৎস বৈ |
দ্বৌ কালৌ সংগমং চৈব মধ্যাহ্নে নিয়তং রবিঃ || ১. ২৮. ৫১||
প্রতিপচ্ছুক্লপক্ষস্য চন্দ্রমাঃ সূর্য মণ্ডলাৎ |
বিমুচ্যমানয়োর্মধ্যে তয়োর্মণ্ডলয়োস্তু বৈ || ১. ২৮. ৫২||
স তদা হ্যাহুতেঃ কালো দর্শস্য তু বষট্ক্রিয়া |
এতদৃতুমুখং জ্ঞেয়মমা বাস্যাস্য পর্বণঃ || ১. ২৮. ৫৩||
দিবাপর্ব হ্যমাবাস্যা ক্ষীণেন্দৌ বহুলে তু বৈ |
তস্মাদ্দিবা হ্যমাবাস্যাং গৃহ্যতেঽসৌ দিবাকরঃ || ১. ২৮. ৫৪||
গৃহ্যতে তু দিবা তস্মাদমাবাস্যাং দিবি ক্ষয়াম্ |
কলানামপি চৈতাসাং বৃদ্ধিহান্যা জলাত্মনঃ || ১. ২৮. ৫৫||
তিথীনাং নামধেয়ানি বিদ্বদ্ভিঃ সংজ্ঞিতানি বৈ |
দর্শয়েতামথাত্মানং সূর্যাচন্দ্রমসাবুভৌ || ১. ২৮. ৫৬||
নিষ্ক্রামত্যথ তেনৈব ক্রমশঃ সূর্যমণ্ডলাৎ |
দ্বিলবোনমহোরাত্রং ভাস্করং স্পৃশতে শশী || ১. ২৮. ৫৭||
স তদা হ্যাহুতেঃ কালোদর্শস্য তু বষট্ক্রিয়া |
কুহেতি কোকিলেনোক্তো যঃ স কালঃ সমাপ্যতে || ১. ২৮. ৫৮||
তৎকালসংমিতা যস্মাদমাবাস্যা কুহূঃ স্মৃতা |
সিনীবালীপ্রমাণস্তু ক্ষীণশেষো নিশাকরঃ || ১. ২৮. ৫৯||
আমাবস্যাং বিশত্যর্কস্সিনী বালীততঃ স্মৃতা |
অনুমত্যাশ্চরাকায়াঃ সিনীবাল্যাঃ কুহূংবিনা || ১. ২৮. ৬০||
এতাসাং দ্বিলবঃ কালঃ কুহূমাত্রঙ্কুহূঃস্মৃতাঃ |
চন্দ্রসূর্যব্যতীপাতে সংগতে পূর্ণিমান্তরে || ১. ২৮. ৬১||
প্রতিপৎপ্রতিপদ্যেত পর্বকালো দ্বিমাত্রকঃ |
কালঃ কহূসিনীবাল্যোঃ সামুদ্রস্য তু মধ্যতঃ || ১. ২৮. ৬২||
অর্কাগ্নি মণ্ডলে সোমে পর্বকালঃ কলাসমঃ |
এবং স শুক্লপক্ষে বৈ রজন্যাং পর্বসংধিষু || ১. ২৮. ৬৩||
সংপূর্মমণ্ডলঃ শ্রীমাংশ্চন্দ্রমা উপরজ্যতে |
যস্মাদা দাপ্যায়তে সোমঃ পঞ্চদশ্যাং তু পূর্ণিমা || ১. ২৮. ৬৪||
দশভিঃ পঞ্চভিশ্চৈব কলাভির্দিবসক্রমাৎ |
তস্মাৎকলাঃ পঞ্চদশ সোমেনাস্য তু ষোডশী || ১. ২৮. ৬৫||
তস্মাৎসোমস্য ভবতি পঞ্চদশ্যাপ্রপাং ক্ষয়ঃ |
ইত্যেতে পিতরো দেবাঃ সোমপাঃ সোমবর্দ্ধনাঃ || ১. ২৮. ৬৬||
আর্তবা ঋতবো হ্যৃদ্ধা দেবাস্তান্ভাবয়ন্তি বৈ |
অতঃ পিৎৠন্প্রবক্ষ্যামি মাসশ্রাদ্ধভুজস্তু যে || ১. ২৮. ৬৭||
তেষাং গতিং সতত্ত্বাং চ প্রাপ্তিং শ্রাদ্ধস্য চৈব হি |
ন মৃতানাং গতিঃ শক্যা জ্ঞাতুং ন পুনরাগতিঃ || ১. ২৮. ৬৮||
তপসাপি প্রসিদ্ধেন কিংপুনর্মাসচক্ষুষা |
অনুদেবপিৎৠনেতে পিতরো লৌকিকাঃ স্মৃতাঃ || ১. ২৮. ৬৯||
দেবাঃ সৌম্যাশ্চ কাব্যাশ্চ অয়জ্বানো হ্যচোনিজাঃ |
দেবাস্তে পিতরঃ সর্বে দেবাস্তান্বাদয়ন্ত্যুত || ১. ২৮. ৭০||
মনুষ্যপিতরশ্চৈব তেভ্যোঽন্যে লৌকিকাঃ স্মৃতাঃ |
পিতা পিতামহশ্চাপি তথা যঃ প্রপিতামহঃ || ১. ২৮. ৭১||
যজ্বানো যে তু সামেন সোমবন্তস্তু তে স্মৃতাঃ |
যে যজ্বানো হবির্যজ্ঞে তে বৈ বর্হিষদঃ স্মৃতাঃ || ১. ২৮. ৭২||
অগ্নিষ্বাত্তাঃ স্মৃতাস্তেষাং হোমিনোঽযাজ্যয়াজিনঃ |
তেষাং তু ধর্মসাধর্ম্যাৎস্মৃতাঃ সায়ুজ্যগা দ্বিজৈঃ || ১. ২৮. ৭৩||
যে চাপ্যাশ্রমধর্মাণাং প্রস্থানেষু ব্যবস্থিতাঃ |
অন্তে তু নাবসীদন্তি শ্রদ্ধায়ুক্তাস্তু কর্মসু || ১. ২৮. ৭৪||
তপসা ব্রহ্মচর্যেণ যজ্ঞেন প্রজয়া চ বৈ |
শ্রাদ্ধেন বিদ্যয়া চৈব প্রদানেন চ সপ্তধা || ১. ২৮. ৭৫||
কর্মস্বেতেষু যে যুক্তা ভবন্ত্যাদেহপাতনাৎ |
দৈবৈস্তৈঃ পিতৃভিঃ সার্দ্ধং সূক্ষ্মজৈঃ সোময়াজনৈঃ || ১. ২৮. ৭৬||
স্বর্গতা দিবি মোদন্তে পিতৃবত্ত উপাসতে |
তেষাং নিবাপে দত্তে তু তৎকুলীনৈশ্চ বন্ধুভিঃ || ১. ২৮. ৭৭||
মাসশ্রাদ্ধভুজস্তৃপ্তিং লভন্তে সোমলৌকিকাঃ |
এতে মনুষ্যপিতরো মাসশ্রাদ্ধভুজস্তু যে || ১. ২৮. ৭৮||
তেভ্যোঽপরে তু যেঽপ্যন্যে সংকীর্ণাঃ কর্ময়োনিষু |
ভ্রষ্টাশ্চাশ্রমধর্মেভ্যঃ স্বধাস্বাহাবিবর্জিতাঃ || ১. ২৮. ৭৯||
ভিন্নদেহা দুরাত্মানঃ প্রেতভূতা যমক্ষয়ে |
স্বকর্মাণ্য নুশোচন্তো যাতনাস্থানমাগতাঃ || ১. ২৮. ৮০||
দীর্ঘায়ুষোঽতিশুষ্কাশ্চ শ্মশ্রুলাশ্চ বিবাসসঃ |
ক্ষুৎপিপাসাপরীতাশ্চ বিদ্রবন্তস্ততস্ততঃ || ১. ২৮. ৮১||
সরিৎসরস্তডাগানি বাপীশ্চাপ্যুপলিপ্সবঃ |
পরান্নানি চ লিপ্সংতঃ কাল্যমানাস্ততস্ততঃ || ১. ২৮. ৮২||
স্থানেষু পাত্যমানাশ্চ যাতনাশ্চ পুনঃ পুনঃ |
শাল্মলে বৈতরণ্যাং চ কুংভীপাকে তথৈব চ || ১. ২৮. ৮৩||
করংভবালুকায়াং চ অসিপত্রবনে তথা |
শিলা সংপেষণে চৈব পাত্যমানাঃ স্বকর্মভিঃ || ১. ২৮. ৮৪||
তত্রস্থানাং হি তেষাং বৈ দুঃ খিতানামনাশিনাম্ |
তেষাং লোকান্তরস্থানাং বান্ধবৈর্নাম গোত্রতঃ || ১. ২৮. ৮৫||
ভূমাবসব্যং দর্ভেষু দত্তাঃ পিণ্ডাস্ত্রয়স্তু বৈ |
যান্তি তাস্তর্পয়ন্তে চ প্রেতস্থানেষ্বধিষ্ঠিতান্ || ১. ২৮. ৮৬||
অপ্রাপ্তা যাতনাস্থানং প্রভ্রষ্টা য চ পঞ্চধা |
পশ্চাদ্যে স্থাবরান্তে বৈ জাতা নীচৈঃ স্বকর্মভিঃ || ১. ২৮. ৮৭||
নানারূপাসু জায়ন্তে তির্যগ্যোনিষ্বয়োনিষু |
যদাহারা ভবন্ত্যেতে তাসু তাস্বিহ যোনিষু || ১. ২৮. ৮৮||
তস্মিংস্তস্মিংস্তদাহারে শ্রাদ্ধং দত্তং প্রতিষ্ঠতে |
কালে ন্যায়াগতং পাত্রে বিধিনা প্রতিপাদিতম্ || ১. ২৮. ৮৯||
প্রাপ্নোত্যন্নং যথাদত্তং জন্তুর্যত্রাবতিষ্ঠতে |
যথা গোষু প্রনষ্টামু বৎসো বিন্দতি মাতরম্ || ১. ২৮. ৯০||
তথা শ্রাদ্ধেষু দত্তান্নং মন্ত্রঃ প্রাপয়তে পিৎৠন্ |
এবং হ্যবিফলং শ্রাদ্ধং শ্রদ্ধাদত্তং তু মন্ত্রতঃ || ১. ২৮. ৯১||
তত্তৎকুমারঃ প্রোবাচ পশ্যন্দিব্যেন চক্ষুষা |
গতাগতজ্ঞঃ প্রেতানাং প্রাপ্তিং শ্রাদ্ধস্য তৈঃ সহ || ১. ২৮. ৯২||
বাহ্লীকাশ্চোষ্মপাশ্চৈব দিবাকীর্ত্যাশ্চ তে স্মৃতাঃ |
কৃষ্ণপক্ষস্ত্বহস্তেষাং শুক্লঃ স্বপ্নায় শর্বরী || ১. ২৮. ৯৩||
ইত্যেতে পিতরো দেবা দেবাশ্চ পিতরশ্চ বৈ |
ঋৎবর্তবার্দ্ধমাসাস্তু অন্যোন্যং পিতরঃ স্মৃতাঃ || ১. ২৮. ৯৪||
ইত্যেত পিতরো দেবা মনুষ্যপিতরশ্চ যে |
প্রীতেষু তেষু প্রীয়ন্তে শ্রাদ্ধয়ুক্তেষু কর্মসু || ১. ২৮. ৯৫||
ইত্যেষ বিচয়ঃ প্রোক্তঃ পিৎৠণাং সোমপায়িনাম্ |
এবং পিতৃসতত্ত্বং হি পুরাণে নিশ্চয়ং গতম্ || ১. ২৮. ৯৬||
ইত্যর্কপিতৃসোমানামৈলস্য চ সমাগমঃ |
সুধামৃতস্য চ প্রাপ্তিঃ পিৎৠণাং চৈব তর্প্পণম্ || ১. ২৮. ৯৭||
পূর্ণা মাবাস্যয়োঃ কালো যাতনাস্থানমেব চ |
সমাসাৎকীর্তিতস্তুভ্যমেষ সর্গঃ মনাতনঃ || ১. ২৮. ৯৮||
বৈশ্বরূপ্যং তু সর্গস্য কথিতং হ্যেকদৈশিকম্ |
ন শক্যং পরিসংখ্যাতুং শ্রদ্ধেয়ং ভূতিমিচ্ছতা || ১. ২৮. ৯৯||
স্বায়ংভুবস্য হি হ্যেষ সর্গঃ ক্রান্তো ময়া তু বৈ |
বিস্তরেণানুপূর্ব্যা চ ভূয়ঃ কিং বর্ণয়াম্যহম্ || ১. ২৮. ১০০||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে অমাবস্যাশ্রাদ্ধে পিতৃবিচয়োনামাষ্টাবিংশতি তমোঽধ্যায়ঃ

ঋষিরুবাচ
চতুর্যুগানি যান্যাসন্পূর্বং স্বায়ংভুবেঽন্তরে |
তেষাং নিসর্গং তত্ত্বং চ শ্রোতুমিচ্ছামি বিস্তরাৎ || ১. ২৯. ১||
সূত উবাচ
পৃথিব্যাদিপ্রসংগেন যন্ময়া প্রাগুদীরিতম্ |
তেষাং চতুর্যুগং হ্যেতত্তদ্বক্ষ্যামি নিবোধত || ১. ২৯. ২||
সংখ্যয়েহ প্রসংখ্যায় বিস্তরাচ্চৈব সর্বশঃ |
যুগং চ যুগভেদশ্চ যুগধর্মস্তথৈব চ || ১. ২৯. ৩||
যুগসংধ্যাংশকশ্চৈব যুগসংধানমেব চ |
ষট্প্রকাশয়ুগাখ্যৈষা তা প্রবক্ষ্যামি তত্ত্বতঃ || ১. ২৯. ৪||
লৌকিকেন প্রমাণেন নিষ্পাদ্যাব্দং তু মানুষম্ |
তেনাব্দেন প্রসংখ্যায়ৈ বক্ষ্যামীহ বতুর্যুগম্ |
নিমেষকাল তুল্যং হি বিদ্যাল্লঘ্বক্ষরং চ যৎ || ১. ২৯. ৫||
কাষ্ঠা নিমেষা দশ পঞ্চ চৈব ত্রিশচ্চ কাষ্ঠা গণয়েৎকলাং তু |
ত্রিংশৎকলাশ্চাপি ভবেন্মুহূর্ত্তস্তৈ স্ত্রিংশতা রাত্র্যহনী সমে তে || ১. ২৯. ৬||
অহোরাত্রৌ বিভজতে সূর্যো মানুষলৌকিকৌ || ১. ২৯. ৭||
তত্রাহঃ কর্মচেষ্টায়াং রাত্রিঃ স্বপ্নায় কল্পতে |
পিত্র্যে রাত্র্যহনী মাসঃ প্রবিভাগস্তয়োঃ পুনঃ || ১. ২৯. ৮||
কৃষ্ণপক্ষস্ত্বহস্তেষাং শুক্লঃ স্বপ্নায় শর্বরী |
ত্রিংশদ্যে মানুষা মাসাঃ পিত্র্যো মাসস্তু সঃ স্মৃতঃ || ১. ২৯. ৯||
শতানি ত্রীণি মাসানাং ষষ্ট্যা চাপ্যধিকানি বৈ |
পিত্র্যঃ সংবৎসরো হ্যেষ মানুষেণ বিভাব্যতে || ১. ২৯. ১০||
মানুষে ণৈব মানেন বর্ষাণাং যচ্ছতং ভবেৎ |
পিৎৠণাং ত্রীণি বর্ষাণি সংখ্যাতানীহ তানি বৈ || ১. ২৯. ১১||
দশ চৈবাধিকা মাসাঃ পিতৃসংখ্যেহ সংজ্ঞিতাঃ |
লৌকিকেনৈব মানেন হৃব্দো যো মানুষঃ স্মৃতঃ || ১. ২৯. ১২||
এতদ্দিব্যমহোরাত্রং শাস্ত্রে স্যান্নিশ্চয়ো গতঃ |
দিব্যে রাত্র্যহনী বর্ষ প্রবিভাগস্তয়োঃ পুনঃ || ১. ২৯. ১৩||
অহস্তত্রোদগয়নং রাত্রিঃ স্যাদ্দক্ষিণায়নম্ |
যে তে রাত্র্যহনী দিব্যে প্রসংখ্যানং তয়োঃ পুনঃ || ১. ২৯. ১৪||
ত্রিংশদ্যানি তু বর্ষাণি দিপ্যো মাসস্তু স স্মৃতঃ |
যন্মানুষং শতং বিদ্ধি দিব্যা মাসাস্ত্রয়স্তু তে || ১. ২৯. ১৫||
দশ চৈব তথাহানি দিব্যো হ্যেষ বিধিঃ স্মৃতঃ |
ত্রীণি বর্ষশতান্যেব ষষ্টিবর্ষাণি যানি তু |
দিব্যঃ সংবৎসরো হ্যেষ মানুষেণ প্রকীর্ত্তিতঃ || ১. ২৯. ১৬||
ত্রীণি বর্ষ সহস্রাণি মানুষাণি প্রমাণতঃ |
ত্রিংশদন্যানি বর্ষাণি মতঃ সপ্তর্ষিবৎসরঃ || ১. ২৯. ১৭||
নব যানি সহস্রাণি বর্ষাণাং মানুষাণি তু |
অন্যানি নবতিশ্চৈব ধ্রুবঃ সংবৎসরঃ স্মৃতঃ || ১. ২৯. ১৮||
ষড্বিংশতিসহস্রাণি বর্ষাণি মানুষাণি তু |
বর্ষাণাং তু শতং জ্ঞেয়ং দিব্যো হ্যেষ বিধিঃ স্মৃতঃ || ১. ২৯. ১৯||
ত্রীণ্যেব নিয়ুতান্যাহুর্বর্ষাণাং মানুষাণি তু || ১. ২৯. ২০||
ষষ্টিশ্চৈব সহস্রাণি সংখ্যাতানি তু সংখ্যায়া |
দিব্যবর্ষসহস্র তু প্রাহুঃ সংখ্যাবিদো জনাঃ || ১. ২৯. ২১||
ইত্যেবমৃষিভির্গীতং দিব্যয়া সংখ্যায়া ৎবিহ |
দিব্যেনৈব প্রমাণেন যুগসংখ্যাপ্রকল্পনম্ || ১. ২৯. ২২||
চৎবারি ভারতে বর্ষে যুগানি কবয়োঽবুবন্ |
কৃতং ত্রেতা দ্বাপরং চ কলিশ্চেতি চতুষ্টয়ম্ || ১. ২৯. ২৩||
পূর্ব কৃতয়ুকং নাম ততস্ত্রেতী বিধীয়তে |
দ্বাপরং চ কলিশ্চৈব যুগান্যেতানি কল্পয়েৎ || ১. ২৯. ২৪||
চৎবার্যাহুঃ সহস্রাণি বর্ষাণাং চ কৃত যুগম্ |
তস্য তাবচ্ছতী সংধ্যা সংধ্যাংশঃ সংধ্যায়া সমঃ || ১. ২৯. ২৫||
ইতরেষু সসংধ্যেষু সসংধ্যাংশেষু চ ত্রিষু |
একন্যায়েন বর্তন্তে সহস্রাণি শতানি চ || ১. ২৯. ২৬||
ত্রীণি দ্বে চ সহস্রাণি ত্রেতাদ্বাপরয়োঃ ক্রমাৎ |
ত্রিশতী দ্বিশতী সংধ্যে সংধ্যাংশৌ চাপি তৎসমৌ || ১. ২৯. ২৭||
কলিং বর্ষসরস্রং তু যুগমাহুর্দ্বিজোত্তমাঃ |
তস্যৈকশতিকা সংধ্যা সংধ্যাংশঃ সংধ্যয়া সমঃ || ১. ২৯. ২৮||
তেষাং দ্বাদশসাহস্রী যুগসংখ্যা প্রকীর্ত্তিতা |
কৃতং ত্রেতা দ্বাপরং চ কলিশ্চৈব চতুষ্টয়ম্ || ১. ২৯. ২৯||
অত্র সংবৎসরা দৃষ্টা মানুষেণ প্রমাণতঃ |
কৃতস্য তাবদ্বক্ষ্যামি বর্ষাণি চ নিবোধত || ১. ২৯. ৩০||
সহস্রাণাং শতান্যাহুশ্চতুর্দশ হি সংখ্যায়া |
চৎবারিংশৎসহস্রাণি তথান্যানি কৃতং যুগম্ || ১. ২৯. ৩১||
তথা শতসহস্রাণি বর্ষাণি দশসংখ্যায়া |
অশীতিশ্চ সহস্রাণি কালস্ত্রেতায়ুগস্য সঃ || ১. ২৯. ৩২||
সপ্তৈব নিয়ুতান্যাহুর্বর্ষাণাং মানুষেণ তু |
বিংশতিশ্চ সহস্রামি কালঃ স দ্বাপরস্য চ || ১. ২৯. ৩৩||
তথা শতসহস্রাণি বর্ষাণাং ত্রীণি সংখ্যয়া |
ষষ্টিশ্চৈব সহস্রাণি কালঃ কলিয়ুগস্য তু || ১. ২৯. ৩৪||
এবং চতুর্যুগে কাল ঋতৈঃ সংধ্যাংশকৈঃ স্মৃতঃ |
নিয়ুতান্যেব ষডিংশান্নিরসানি যুগানি বৈ || ১. ২৯. ৩৫||
চৎবারিংশত্তথা ত্রীণি নিয়ুতা নীহ সংখ্যয়া |
বিংশতিশ্চ সহস্রাণি স সংধ্যাংশশ্চতুর্যুগঃ || ১. ২৯. ৩৬||
এবং চতুর্যুগাখ্যানাং সাধিকা হ্যেকসপ্ততিঃ |
কৃতত্রেতাদিয়ুক্তানাং মনোরন্তরমুচ্যতে || ১. ২৯. ৩৭||
মন্বন্তরস্য সংখ্যাং তু বর্ষাগ্রেণ নিবোধত |
ত্রিংশৎকোট্যস্তু বর্ষাণাং মানুষেণ প্রকীর্ত্তিতাঃ || ১. ২৯. ৩৮||
সপ্ত ষষ্টিস্তথান্যানি নিয়ুতান্যধিকানি তু |
বিশতিশ্চ সহস্রাণি কালোঽযং সাধিকং বিনা || ১. ২৯. ৩৯||
মন্বন্তরস্য সংখ্যৈষা সংখ্যা বিদ্ভির্দ্বিজৈঃ স্মৃতা |
মন্বন্তরস্য কালোঽযং যুগৈঃ সার্দ্ধং চ কীর্ত্তিতঃ || ১. ২৯. ৪০||
চতুঃ সাহস্রয়ুক্তং বৈ প্রাকৃতং তৎকৃতং যুগম্ |
ত্রেতাশিষ্টং প্রবক্ষ্যামি দ্বাপরং কলিমেব চ || ১. ২৯. ৪১||
যুগপৎসময়েনার্থো দ্বিধা বক্তুং ন শক্যতে |
ক্রমাগতং ময়া হ্যেতত্তুভ্যং নোক্ত যুগ দ্বয়ম্ || ১. ২৯. ৪২||
ঋষিবংশপ্রসংগেন ব্যাকুলৎবাত্তথৈব চ |
অত্র ত্রেতায়ুগস্যাদৌ মনুঃ সপ্তর্ষয়শ্চ যে || ১. ২৯. ৪৩||
শ্রৌত স্মার্ত্ত চ তে ধর্ম ব্রহ্মণানুপ্রচৌদিতম্ |
দারাগ্নিহোত্রসংবন্ধমৃগ্যজুঃ সামসংহিতম্ || ১. ২৯. ৪৪||
ইত্যাদিলক্ষণং শ্রৌতং ধর্ম সপ্তর্ষয়োঽব্রুবন্ |
পরংপরাগতং ধর্ম স্মার্ত্তং চাচারলক্ষণম্ || ১. ২৯. ৪৫||
বর্ণাশ্রমাচারয়ুতং মনুঃ স্বায়ংভুবোঽব্রবীৎ |
সত্যেন ব্রহ্মচর্যেণ শ্রুতেন তপসা চ বৈ || ১. ২৯. ৪৬||
তেষাং তু তপ্ততপসা আর্ষেণোপক্রমেণ তু |
সপ্তর্ষীণাং মনোশ্চৈব হ্যাদ্যে ত্রেতায়ুগে তথা || ১. ২৯. ৪৭||
অবুদ্ধিপূর্বকং তেষামক্রিয়াপূর্বমেব চ |
অভিব্যক্তাস্তু তে মন্ত্রাস্তারকাদ্যৈর্নিদর্শনৈঃ || ১. ২৯. ৪৮||
আদিকল্পে তু দেবানাং প্রাদুর্ভূতাস্তু যাঃ স্বয়ম্ |
প্রাণাশেষ্বথ সিদ্ধীনামন্যাসাং চ প্রবর্ত্তনম্ || ১. ২৯. ৪৯||
আসন্মন্ত্রা ব্যতীতেষু যে কল্পেষু সহস্রশঃ |
তে মন্ত্রা বৈ পুনস্তেষাং প্রতিভায়ামুপস্থিতাঃ || ১. ২৯. ৫০||
ঋচো যজূংষি সামানি মন্ত্রশ্চাথর্বণানি তু |
সপ্তর্ষিভিস্তু তে প্রোক্তাঃ স্মার্ত্তং ধর্মং মনুর্জগৌ || ১. ২৯. ৫১||
ত্রেতাদৌ সংহিতা বেদাঃ কেবলা ধর্মসেতবঃ |
সংরোধাদায়ুষশ্চৈব বর্ত্স্যন্তে দ্বাপরেষু বৈ || ১. ২৯. ৫২||
ঋষয়স্তপসা বেদান্দ্বাপরাদিষ্বধীয়তে |
অনাদিনিধিনা দিব্যাঃ পূর্বং সৃষ্টাঃ স্বয়ংভুবা || ১. ২৯. ৫৩||
সধর্মাঃ সব্রতাঃ সাংগা যথাধর্মং যুগেয়ুগে |
বিক্রিয়ন্তে সমানার্থা বেদবাদা যথায়ুগম্ || ১. ২৯. ৫৪||
আরংভয়জ্ঞাঃ ক্ষত্রাশ্চ হবির্যজ্ঞা বিশস্তথা |
পরিচারয়জ্ঞাঃ শূদ্রাস্তু জপয়জ্ঞা দ্বিজোত্তমাঃ || ১. ২৯. ৫৫||
তদা প্রমুদিতা বর্ণাস্ত্রেতায়াং ধর্মপালিতাঃ |
ক্রিয়াবন্তঃ প্রজাবন্তঃ সমৃদ্ধাঃ সুখিনস্তথা || ১. ২৯. ৫৬||
ব্রাহ্মণাননুর্ত্তন্তে ক্ষত্রিয়াঃ ক্ষত্রিয়ান্বিশঃ |
বৈশ্যানুবর্ত্তিনঃ শুদ্রাঃ পরস্পরমনুব্রতাঃ || ১. ২৯. ৫৭||
শুভাঃ প্রবৃত্তয়স্তেষাং ধর্মা বর্ণাশ্রমাস্তথা |
সংকল্পিতেন মনসা বাচোক্তেন স্বকর্মণা || ১. ২৯. ৫৮||
ত্রেতায়ুগে চ বিফলঃ কর্মারংভঃ প্রসিদ্ধ্যতি |
আয়ুর্মেধা বলং রূপমারোগ্যং ধর্মশীলতা || ১. ২৯. ৫৯||
সর্বসাধারণা হ্যেতে ত্রেতায়াং বৈ ভবং ত্যুত |
বর্ণাশ্রমব্যবস্থানং তেষাং ব্রহ্মা তদাকরোৎ || ১. ২৯. ৬০||
পুনঃ প্রজাস্তু তা মোহাদ্ধর্মা স্তানপ্যপালয়ন্ |
পরস্পরবিরোধেন মনুং তাঃ পুনরভ্যয়ুঃ || ১. ২৯. ৬১||
পুনঃ স্বায়ংভুবো দৃষ্ট্বা যাথাতথ্যং প্রজাপতিঃ |
ধ্যাৎবা তু শতরূপায়াং পুত্রৌ স উদপাদয়ৎ || ১. ২৯. ৬২||
প্রিয়ব্রতো ত্তানপাদৌ প্রথমৌ তৌ মোহীক্ষিতৌ |
ততঃ প্রভৃতি রাজান উৎপন্না দণ্ডধারিণঃ || ১. ২৯. ৬৩||
প্রজানাং রঞ্জনাচ্চৈব রাজানস্তেঽভবন্নৃপাঃ |
প্রচ্ছন্ন পাপাস্তৈর্যে চ ন শক্যাস্তু নরাধিপৈঃ || ১. ২৯. ৬৪||
ধর্মরাজঃ স্মৃতস্তেষাং শাস্তা বৈবস্বতো যমঃ |
বর্ণানাং প্রবিভাগাশ্চ ত্রেতায়াং সংপ্রকীর্ত্তিতাঃ || ১. ২৯. ৬৫||
সংভৃতাচ্চ তদা মন্ত্রা ঋষিভির্ব্রহ্মণঃ সুতৈঃ |
যজ্ঞাঃ প্রবর্ত্তিতাশ্চৈব তদা হ্যেব তু দৈবতৈঃ || ১. ২৯. ৬৬||
যামশুক্রার্জিতৈশ্চৈব সর্বসাধন সংভৃতৈঃ |
সার্দ্ধং বিশ্বভুজা চৈব দেবেন্দ্রেণ মহৌজসা || ১. ২৯. ৬৭||
স্বায়ংভুবেংঽতরে দেবৈর্যজ্ঞস্তৈঃ প্রাক্প্রবর্ত্তিতঃ |
সত্যং জপস্তপো দানং ত্রেতায়া ধর্ম উচ্যতে || ১. ২৯. ৬৮||
তদা ধর্ম্মসহস্রান্তেঽহিংসাধর্মঃ প্রবর্ত্ততে |
জায়ন্তে চ তদা শূরা আয়ুষ্মন্তো মহাবলাঃ || ১. ২৯. ৬৯||
ব্যস্তদণ্ডা মহাভাগা ধর্মিষ্ঠা ব্রহ্মবাদিনঃ |
পদ্মপত্রায়তাক্ষাশ্চ পৃথূরস্কাঃ সুসংহতাঃ || ১. ২৯. ৭০||
সিংহাতঙ্কা মহাসত্ত্বা মত্তমাতঙ্গগমিনঃ |
মহাধনুর্দ্ধরাশ্চৈব ত্রেতায়াং চক্রবর্ত্তিনঃ || ১. ২৯. ৭১||
সর্বলক্ষণসম্পূর্মা ন্যগ্রোধপরিমণ্ডলাঃ |
ন্যগ্রোধৌ তু স্মৃতৌ বাহূ ব্যামো ন্যগ্রোধ উচ্যতে || ১. ২৯. ৭২||
ব্যামে নৈবোছ্রয়ো যস্য সম ঊর্দ্ধং তু দেহিনঃ |
সমোছ্রয়পরীণাহো জ্ঞেয়ো ন্যগ্রোধমণ্ডলঃ || ১. ২৯. ৭৩||
চক্রং রথো মণির্ভার্যা নিধিরশ্বো গজস্তথা |
সপ্তৈতানি চ রত্নানি সর্বেষাং চক্রবর্তিনাম || ১. ২৯. ৭৪||
চক্রং রথো মণিঃ খড্গশ্চর্মরত্নং চ পঞ্চমম্ |
কেতুর্নিধিশ্চ সপ্তৈব প্রাণহীনানি চক্ষতে || ১. ২৯. ৭৫||
ভার্যা পুরোহিতশ্চৈব সেনানী রথকৃচ্চ যঃ |
মন্ত্র্যশ্বঃ কলভশ্চৈব প্রাণিনঃ সপ্ত কীর্ত্তিতাঃ || ১. ২৯. ৭৬||
রত্নান্যেতানি দিব্যানি সংসিদ্ধানি মহাত্মনাম্ |
চতুর্দশ বিধেয়ানি সর্বেষাং চক্রবর্ত্তিনাম্ || ১. ২৯. ৭৭||
বিষ্ণোরংশেন জায়ন্তে পৃথিব্যাং চক্রবর্ত্তিনঃ |
মন্বন্তরেষু সর্বেষু অতীতানাগতেষ্বিহ || ১. ২৯. ৭৮||
ভূতভব্যানি যানীহ বর্ত্তমানানি যানি চ |
ত্রেতায়ুগে চ তান্যত্র জায়ন্তে চক্রবর্ত্তিনঃ || ১. ২৯. ৭৯||
ভদ্রাণীমানি তেষাং বৈ ভবন্তীহ মহীক্ষিতাম্ |
অত্যদ্ভুতানি চৎবারি বলং ধর্মঃ সুখং ধনম্ || ১. ২৯. ৮০||
অন্যোন্যস্যাবিরোধেন প্রাপ্যন্তে তু নৃপৈঃ সমম্ |
অর্থো ধর্মশ্চ কামশ্চ যশো বিজয় এব চ || ১. ২৯. ৮১||
ঐশ্বর্যেণাণিমাদ্যেন প্রভুশক্ত্যা তথৈব চ |
শ্রুতেন তপসা চৈব মুনীনভিভবন্তি বৈ || ১. ২৯. ৮২||
বলেন তপসা চৈব দেবদানবমানবান্ |
লক্ষণৈশ্চৈব জায়ন্তে শরীরস্থৈরমানুষৈঃ || ১. ২৯. ৮৩||
কেশাঃস্নিগ্ধা ললাটোচ্চা জিহ্বা চাস্য প্রমার্জিনী |
তাম্রপ্রভোষ্টনেত্রাশ্চ শ্রীবৎসাশ্চৈদ্ধ্বরোমশাঃ || ১. ২৯. ৮৪||
আজানুবাহবস্ছৈব তদাম্রহস্তাঃ কটৌ কৃশাঃ |
ন্যগ্রোধপরিণাহাশ্চ সিংহস্কন্ধাস্তু মেহনাঃ || ১. ২৯. ৮৫||
গজেদ্রগতয়শ্চৈব মহাহনব এব চ |
পাদয়োশ্চক্রমৎস্যোন্তু শঙ্খপদ্মৌ তুহস্তয়োঃ || ১. ২৯. ৮৬||
পঞ্চাশীতিসহস্রাণি তে রাজন্ত্যজরা নৃপাঃ |
অসংগগতয়স্তেষাং চতস্রশ্চক্রবর্ত্তিনাম্ || ১. ২৯. ৮৭||
অন্তরিক্ষে সমুদ্রি চ পাতালে পর্বতেষু চ |
ইজ্যা দানং তপঃ সত্যং ত্রেতায়াং ধর্ম উচ্যতে || ১. ২৯. ৮৮||
তদা প্রবর্ত্ততে ধর্মো বর্ণাশ্রমবিভাগশঃ |
মর্যাদাস্থাপনার্থং চ দণ্ডনীতিঃ প্রবর্ত্ততে || ১. ২৯. ৮৯||
ৎদৃষ্টপুষ্টাঃ প্রজাঃ সর্বা অরোগাঃ পূর্ণমানসাঃ |
একো বেদশ্চতুষ্পাদস্ত্রেতায়ুগবিধৌস্মৃতঃ || ১. ২৯. ৯০||
ত্রীণি বর্ষসহস্রাণি তদা জীবন্তি মানবাঃ |
পুত্রপৌত্রসমাকীর্ণা ম্রিয়ন্তে চ ক্রমেণ তু || ১. ২৯. ৯১||
এষ ত্রেতায়ুগে ধর্মস্ত্রেতাসংধ্যাং নিবোধত |
ত্রেতায়ুগস্বভাবানাং সংধ্যা পাদেন বর্ত্ততে |
সংধ্যাপাদঃ স্বভাবস্তু সোংঽশপদেন তিষ্ঠতি || ১. ২৯. ৯২||
ইতি শ্রী ব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে সংখ্যাবর্ত্তো নামৈকোনত্রিশত্তমোঽধ্যায়ঃ

শাংশাপায়নিরুবাচ
কথং ত্রেতায়ুগমুখে যজ্ঞস্য স্যাৎপ্রবর্ত্তনম্ |
পূর্বং স্বায়ংভুবে সর্গে যথাবত্তচ্চ ব্রূহি মে || ১. ৩০. ১||
অন্তর্হিতায়াং সংধ্যায়াং সার্দ্ধং কৃতয়ুগেন বৈ |
কালাখ্যায়াং প্রবৃত্তায়াং প্রাপ্তে ত্রেতায়ুগে তদা || ১. ৩০. ২||
ঔষধীষু চ জাতাসু প্রবৃত্তে বৃষ্টিসর্জনে |
প্রতিষ্ঠিতায়াং বার্ত্তায়াং গৃহাশ্রমপরে পুনঃ || ১. ৩০. ৩||
বর্ণাশ্রমব্যবস্থানং কৃতবন্তশ্চ সংখ্যয়া |
সংভারাংস্তাংস্তু মংভৃত্য কথং যজ্ঞঃ প্রবর্ত্তিতঃ || ১. ৩০. ৪||
এতচ্ছুৎবাব্রবীৎসূতঃ শ্রূয়তাং শাংশপায়নে |
যথা ত্রেতায়ুগমুখে যজ্ঞস্য স্যাৎপ্রবর্তনম্ || ১. ৩০. ৫||
পূর্বং স্বায়ংভুবে সর্গে তদ্বক্ষ্যাম্যানুপূর্ব্যতঃ |
অন্তর্হিতায়াং সংধ্যায়াং সার্দ্ধং কৃতয়ুগেন তু || ১. ৩০. ৬||
কালাখ্যায়াং প্রবৃত্তায়াং প্রপ্তে ত্রেতায়ুগে তদা |
ঔষধীষু চ জাতাসু প্রবৃত্তে বৃষ্টিসর্জনে || ১. ৩০. ৭||
প্রতিষ্ঠিতায়াং বার্ত্তায়াং গৃহশ্রমপরেষু চ |
বর্ণাশ্রমব্যবস্থানং কৃৎবা মন্ত্রাংস্তু সংহতান্ || ১. ৩০. ৮||
মন্ত্রাংস্তান্যোজয়িৎবাথ ইহামুত্র চ কর্মসু |
তদা বিশ্বভুগিন্দ্রশ্চ যজ্ঞং প্রাবর্ত্তয়ৎপ্রভুঃ || ১. ৩০. ৯||
দৈবতৈঃ সহিতৈঃ সর্বৈঃ সর্বসংভারসংভৃতৈঃ |
তস্যাশ্বমেধে বিততে সমাজগ্মুর্মহর্ষয়ঃ || ১. ৩০. ১০||
যজন্তং পশুভির্মে ধ্যৈরূচুঃ সর্বে সমাগতাঃ |
কর্মব্যগ্রেষু ঋৎবিক্ষু সংততে যজ্ঞকর্মণি || ১. ৩০. ১১||
সংপ্রগীথেষু সর্বেষু সামগেষ্বথ সুস্বগ্ম্ |
পরিক্রান্তেষু লঘুষু হ্যধ্বর্যুবৃষভেষু চ || ১. ৩০. ১২||
আলব্ধেষু চ মেধ্যেষু তথা পশুগণেষু চ |
হবিষ্যগ্নৌ হূয়মানে ব্রাহ্মণৈশ্চাগ্নিহোত্রিভিঃ || ১. ৩০. ১৩||
আহূতেষু চ সর্বেষু যজ্ঞভাক্ষু ক্রমাত্তদা |
য ইন্দ্রিয়াত্মকা দেবাস্তদা তে যজ্ঞভাগিনঃ || ১. ৩০. ১৪||
তদ্যচন্তে তদা দেবান্কল্পাদিষু ভবন্তি যে |
অধ্বর্যবঃ প্রৈষকালে ব্যত্থিতা বৈ মহর্ষয়ঃ || ১. ৩০. ১৫||
মহর্ষয়স্তু তান্দৃষ্ট্বা দীনান্পশুগণাংস্তদা |
প্রপচ্ছুরিদ্রং সংভূয় কোঽযং যজ্ঞ বিধিস্তব || ১. ৩০. ১৬||
অধর্মো বলবানেষ হিংসাধর্মেপ্সয়া ততঃ |
ততঃ পশুবধশ্চৈষ তব যজ্ঞে সুরোত্তম || ১. ৩০. ১৭||
অধর্মো ধর্মঘাতায় প্রারব্ধঃ পশুহিসয়া |
নায়ং ধর্মো হ্যধর্মোঽযং ন হিংসা ধর্ম উচ্যতে || ১. ৩০. ১৮||
আগমেন ভবান্যজ্ঞং করোতু যদিহেচ্ছতি |
বিধিদৃষ্টেন যজ্ঞেন ধর্মেণাব্যপসেতুনা || ১. ৩০. ১৯||
যজ্ঞবীচৈঃ সুরেশ্রষ্ঠ যেষু হিংসা ন বিদ্যতে |
ত্রিবর্ষং পরমং কালমুষিতৈরপ্ররোহিভিঃ || ১. ৩০. ২০||
এষ ধর্মো মহাপ্রাজ্ঞ বিরঞ্চিবিহিতঃ পুরা |
এবং বিশ্বভুগিন্দ্রস্তু ঋষিভিস্তত্ত্বদর্শিভিঃ || ১. ৩০. ২১||
তদা বিবাদঃ সুমহানিন্দ্রস্যাসীন্মহর্ষিভিঃ |
জঙ্গমস্থাবরৈঃ কৈর্হি যষ্টব্যমিতি চোচ্যতে || ১. ৩০. ২২||
তে তু খিন্না বিবাদেন তত্ত্বমুত্ত্বা মহর্ষয়ঃ |
সন্ধায় বাক্যমিন্দ্রেণ পপ্রচ্ছুঃ খেচরং বসুম্ || ১. ৩০. ২৩||
সহাপ্রাজ্ঞ কথং দৃষ্টস্ত্বয়া যজ্ঞবিধির্নৃপ |
ঔত্তানপাদে প্রব্রূহি সংশয়ং নো নুদ প্রভো || ১. ৩০. ২৪||
শ্রুৎবা বাক্যং বসুস্তেষাম বিচার্য বলাবলম্ |
বেদশাস্ত্রমনুস্মৃত্য যজ্ঞতত্ত্বমুবাচ হ || ১. ৩০. ২৫||
যথোপনীর্তৈর্যষ্টব্যমিতি হোবাচ পার্থিবঃ |
যষ্টব্যং পশুভির্মে ধ্যৈরথ বীজৈঃ ফলৈরপি || ১. ৩০. ২৬||
হিংসাস্বভাবো যজ্ঞস্য ইতি মে দর্শনাগমৌ |
যথেহ দেবতা মন্ত্রা হিংসালিঙ্গা মহর্ষিভিঃ || ১. ৩০. ২৭||
দীর্ঘেণ তপসা যুক্তৈর্দর্শনৈস্তারকাদিভিঃ |
তৎপ্রামাণ্যান্ময়া চোক্তং তস্মাৎস প্রাপ্তুমর্হথ || ১. ৩০. ২৮||
যদি প্রমাণং তান্যেব মন্ত্রবাক্যানি বৈ দ্বিজাঃ |
তথা প্রবততাং যজ্ঞো হ্যন্যথা বোঽনৃতং বচঃ || ১. ৩০. ২৯||
এবং কৃতোত্তরাস্তে বৈ যুক্তাত্মানস্তপোধনাঃ |
অবশ্যভাবিতং দৃষ্ট্বা তমথো বাগ্যতাভবন্ || ১. ৩০. ৩০||
ইত্যুক্তমাত্রে নৃপতিঃ প্রবিবেশ রসাতলম্ |
ঊর্ধ্বচারী বসুর্ভূৎবা রসাতলচরোঽভবৎ || ১. ৩০. ৩১||
বসুধা তলবাসী তু তেন বাক্যেন সোঽভবৎ |
ধর্মাণাং সংশয়চ্ছেত্তা রাজা বসুরধোগতঃ || ১. ৩০. ৩২||
তস্মান্ন বাচ্যমেকেন বহুজ্ঞেনাপি সংশয়ে |
বহুদ্বারস্য ধর্মস্য সূক্ষ্মা দূরতরা গতিঃ || ১. ৩০. ৩৩||
তস্মান্ন নিশ্চয়াদ্বক্তুং ধর্মঃ শক্যস্তু কেনচিৎ |
দেবানৃষীনুপাদায় স্বায়ংভুবমৃতে মনুম্ || ১. ৩০. ৩৪||
তস্মাদহিংসা ধর্মস্য দ্বারমুক্তং মহর্ষিভিঃ |
ঋষিকোটিসহস্রাণি স্বতপোভির্দিবং যয়ুঃ || ১. ৩০. ৩৫||
তস্মান্ন দানং যজ্ঞং বা প্রশংসংতি মহর্ষয়ঃ |
উঞ্ছমূলফলং শাকমুদপাত্রং তপোধনাঃ || ১. ৩০. ৩৬||
এতদ্দৎবা বিভবতঃ স্বর্গে লোকে প্রতিষ্ঠিতাঃ |
অদ্রোহশ্চাপ্য লোভশ্চ তপো ভুতদয়া দমঃ || ১. ৩০. ৩৭||
ব্রহ্মচর্যং তথা সত্যমনুক্রোশঃ ক্ষমা ধৃতিঃ |
সনাতনস্য ধর্মস্য মূলমেতদ্দুরাসদম্ || ১. ৩০. ৩৮||
শ্রূয়ন্তে হি তপঃসিদ্ধা ব্রহ্মক্ষত্রাদয়োঽনঘাঃ |
প্রিয়ব্রতোত্তানপাদৌ ধ্রুবো মেধাতিথির্বসুঃ || ১. ৩০. ৩৯||
সুধামা বিরজাশ্চৈব শঙ্খঃ পাণ্ড্যজ এব চ |
প্রাজীনবর্হিঃ পর্জন্যো হবির্ধানাদয়ো নৃপঃ || ১. ৩০. ৪০||
এতে চান্যে চ বহবঃ স্বৈস্তপোভির্দিবং গতাঃ |
রাজর্ষয়ো মহাসত্ত্বা যেষাং কীর্ত্তিঃ প্রতিষ্ঠিতা || ১. ৩০. ৪১||
তস্মাদ্বিশিষ্যতে যজ্ঞাত্তপঃ সর্বৈস্তু কারণঃ |
ব্রহ্মণা তপসা সৃষ্টং জগদ্বিশ্বমিদং পুরা || ১. ৩০. ৪২||
তস্মান্নান্বেতি তদ্যজ্ঞস্তপোমূলমিদং স্মৃতম্ |
দ্রব্যমন্ত্রাত্মকো যজ্ঞস্তপস্ত্বনশনাত্মকম্ || ১. ৩০. ৪৩||
যজ্ঞেন দেবানাপ্নোতি বৈরাজং তপসা পুনঃ |
ব্রাহ্মং তু কর্ম সংন্যাসাদ্বৈরাগ্যাৎপ্রকৃতের্জয়ম্ || ১. ৩০. ৪৪||
জ্ঞানাৎপ্রাপ্নোতি কৈবল্যং পঞ্চৈতাগতয়ঃ স্মৃতাঃ |
এবং বিবাদঃ সুমহান্য জ্ঞস্যাসীৎপ্রবর্ত্তনে || ১. ৩০. ৪৫||
দেবতানামৃষীণাং চ পূর্ব স্বায়ংভুবেঽন্তরে |
ততস্তমৃষয়ো দৃষ্ট্বা হতং ধর্মবলেন তু || ১. ৩০. ৪৬||
বসোর্বাক্যমনা দৃত্য জগমুঃ সর্বে যথাগতম্ |
গতেষু মুনিসংঘেষু দেবা যজ্ঞং সমাপ্নুবন্ || ১. ৩০. ৪৭||
যজ্ঞপ্রবর্ত্তনং হ্যেবমাসীৎস্বায়ংভুবেঽন্তরে |
ততঃ প্রভৃতি যজ্ঞোঽযং যুগৈঃ সহ বিবর্ত্তিতঃ || ১. ৩০. ৪৮||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে যজ্ঞপ্রবর্ত্তনং নাম ত্রিশত্তমোঽধ্যায়ঃ

<