নবমোঽধ্যাযঃ
অষ্টকবর্গ
স্বাদ্ অর্কঃ প্রথমায বন্ধু নিধন দ্ব্যাজ্ঞা তপো দ্যূনগো বক্রাত্
স্বাদ্ ইব তদ্বদ্ এবরবিজাচ্ছুক্রাত্ স্মরান্ত্যারিষু |
জীবাদ্ ধর্ম সুতায শত্রুষু দশ ত্র্যাযারিগঃ শীতগোরেষ্বেবান্ত্য
তপঃ সুতেষু চ বুধাল্ লগ্নাত্ স বন্ধ্বন্ত্যগঃ || ১||
লগ্নাত্ ষট্ ত্রি দশাযগঃ স ধন ধী ধর্মেষু চারাচ্ছশী স্বাত্
সাস্তাদিষু সাষ্ট সপ্তসু রবেঃ ষট্ ত্র্যায ধীস্থো যমাত্ |
ধী ত্র্যাযাষ্টম কণ্টকেষু শশিজাজ্ জীবাদ্ ব্যযাযাষ্টগঃ কেন্দ্রস্থশ্চ
সিতাত্ তু ধর্ম সুখধী ত্র্যাযাস্পদানঙ্গগঃ || ২||
বক্রস্তূপচযেষ্বিনাত্ স তনযেষ্বাদ্যাধিকেষূদযাচ্ |
চন্দ্রাদ্ দিগ্ বিফলেষু কেন্দ্র নিধন প্রাপ্ত্যর্থগঃ স্বাচ্ছুভঃ |
ধর্মাযাষ্টম কেন্দ্রগোঽর্ক তনযাজ্ জ্ঞাত্ ষট্ ত্রি ধী লাভগঃ |
শুক্রাত্ ষড্ ব্যয লাভ ম্্ত্যুষু গুরোঃ কর্মান্যলাভারিষু || ৩||
দ্ব্যাদ্যাযাষ্ট তপঃ সুখেষু ভৃগুজাত্ স ত্র্যাত্মজেষ্বিন্দুজঃ
সাজ্ঞাস্তেষু যমারযোর্ব্যযরিপু প্রাপ্ত্যষ্টগো বাক্ পতেঃ |
ধর্মাযারি সুত ব্যযেষু সবিতুঃ স্বাত্ সাদ্য কর্ম ত্রিগঃ ষট্
স্বাযাষ্ট সুখাস্পদেষু হিমগোঃ সাদ্যেষু লগ্নাচ্ছুভঃ || ৪||
দিক্ স্বাদ্যাষ্টমদায বন্ধুষু কুজাত্ স্বাত্ ত্রিকেষ্বঙ্গিরাঃ সূর্যাত্
সত্রি নবেষু ধী স্ব নবদিগ্ লাভারিগো ভার্গবাত্ |
জাযাযরথ নবাত্মজেষু হিমগোর্মন্দাত্ ত্রি ষড্ ধী ব্যযে দিগ্ ধী
ষট্ স্ব সুখায পূর্ব নবগো জ্ঞাত্ স স্মরশ্চ উদযাত্ || ৫||
লগ্নাদ্ আ সুত লাভরন্ধ্র নবগঃ সান্ত্যঃ শশাঙ্কাত্ সিতঃ
স্বাত্ সাজ্ঞেষু সুখ ত্রি ধী নবদশ চ্ছিদ্রাপ্তিগঃ সূর্যজাত্ |
রন্ধ্রায ব্যগো রবের্নবদশ প্রাপ্ত্যষ্টধীস্থো গুরোর্জ্ঞাদ্
ধী ত্র্যায নবারিগস্ত্রি নব ষট্ পুত্রাযসান্ত্যঃ কুজাত্ || ৬||
মন্দ স্বাত্ ত্রি সুতায শত্রুষু শুভঃ সাজ্ঞান্ত্যগো ভূমিজাত্
কেন্দ্রাযাষ্টধনেষ্বিনাদ্ উপচযেষ্বাদ্যে সুখে চ উদযাত্ |
ধর্মাযারি দশান্ত্য মৃত্যুষু বুধাচ্চন্দ্রাত্ ত্রী ষড্ লাভগঃ
ষষ্ঠাযান্ত্য গতঃ সিতাস্সুর গুরোঃ প্রাপ্ত্যন্ত্যধী শত্রুষু || ৭||
ইতি নিগদিতম্ ইষ্টং নেষ্টম্ অন্যদ্ বিশেষাদ্ অধিক ফল বিপাকং জন্ম ভাত্ তত্রদদ্যুঃ |
উপচয গৃহ মিত্র স্বোচ্চগৈঃ পুষ্টম্ ইষ্টং অবপচয গৃহ নীচারাতিগৈর্নেষ্ট সম্পত্ || ৮||
