দ্বিতীযোঽধ্যাযঃ
গ্রহ ভেদ
তাম্রং স্বর্ণং পিতৃশুভফলং চাত্মসৌখ্যপ্রতাপং
ধৈর্যং শৌর্যং সমিতিবিজযং রাজসেবং প্রকাশম্ |
শৌবং কার্যং বনগিরিগতিং হোমকার্যপ্রবৃত্তিং
দেবস্থানং কথযতু বুধস্তৈক্ষ্ণ্যমুত্সাহমর্কাত্ || ১||
মাতুঃ স্বস্তি মনঃপ্রসাদমুদধিস্নানং সিতং চামরং
ছত্রং সুব্যজনং ফলানি মৃদুলং পুষ্পাণি সস্যং কৃষিম্ |
কীর্তিং মৌক্তিককাংস্যরৌপ্যমধুরক্ষীরাদিবস্ত্রাম্বুগো-
যোষাপ্তিং সুখভোজনং তনুসুখং রূপং বদেচ্চন্দ্রতঃ || ২||
সত্ত্বং ভূফলনং সহোদরগুণং ক্রৌর্যং রণং সাহসং
বিদ্বেষং চ মহানসাগ্নিকজ্ঞাত্যস্ত্রচোরান্রিপূন্ |
উত্সাহং পরকামিনীরতিমসত্যোক্তিং মহোজাদ্বদে-
দ্বীর্যং চিত্তসমুন্নতিং চ কলুষং সেনাধিপত্যং ক্ষতম্ || ৩||
পান্ডিত্যং সুবচঃ কলাতিপুণতাং বিদ্বত্স্তুতিং মাতুলং
বাক্চাতুর্যমুপাসনাদিপটুতাং বিদ্যাসু যুক্তিং মতিম্ |
যজ্ঞং বৈষ্ণবকর্ম সত্যবচনং শুক্তিং বিহারস্থলং
শিল্পং বান্ধবযৌবরাজ্যসুহৃদস্তদ্ভাগিনেযং বুধাত্ || ৪||
জ্ঞানং সদ্গুণমাত্মজং চ সচিবং স্বাবারমাচার্যকং
মাহাত্ম্যং শ্রুতিশাস্ত্রধীস্মৃতিমতিং সর্বোন্নার্তং সদ্গতিম্ |
দেবব্রাহ্মণভক্তিমধ্বরতপঃশ্রদ্ধাশ্চ কোশস্থলং
বৈদুষ্যং বিজিতেন্দ্রিযং ধবসুখং সংমানমীড্যাদ্দযাম্ || ৫||
সংপদ্বাহনবস্ত্রভূষণনিধিদ্রব্যাণি তৌর্যত্রিকং
ভার্যসৌখ্যসুগন্ধপুষ্পমদনব্যাপারশয্যালযাণ্ |
শ্রীমত্ত্বং কবিতাসুখং বহুবধূসঙ্গং বিলাসং মদং
সাচিব্যং সরসোক্তিমাহ ভৃগুজাদ্বাহকর্মোত্সবম্ || ৬||
আযুষ্যং মরণং ভযং পতিততাং দুঃখাবমানামযান্
দারিদ্রযং ভৃতকাপবাদকলুষাণ্যাশৌচনিন্দ্যাপদঃ |
স্থৈর্যং নীচজনাশ্রযং চ মহিষং তন্দ্রীমৃণং চাযসং
দাসত্বং কৃষিসাধনং রবিসুতাত্কারাগৃহং বন্ধনং || ৭||
পিত্তাস্থিসারোঽল্পকচশ্চ রক্তশ্যামাকৃতিঃ স্যান্মধুপিঙ্গলাক্ষঃ |
কৌসুভ্ভবাসাশ্চতুরস্রদেহঃ শূরঃ প্রচণ্ডঃ পৃথুবাহুরর্কঃ || ৮||
স্থূলো যুবা চ স্থবিরঃ সিতঃ কান্তেক্ষণশ্চাসিতসূক্ষ্মমূর্ধজঃ |
রক্তৈকসারো মৃদুবাক্ সিতাংশুকো গৌরঃ শশী বাতকফাত্মকো মৃদুঃ || ৯||
মধ্যে কৃশঃ কুঞ্চিতদীপ্তকেশঃ ক্রূরেক্ষণঃ পৈত্তিক উগ্রবুদ্ধিঃ |
রক্তাম্বরো রক্ততনুর্মহীজশ্চণ্ডোঽত্যুদারস্তরুণোঽতিমজ্জঃ || ১০||
দূর্বলতাশ্যামতনুস্ত্রিধাতুমিশ্রঃ সিরাবান্মধুরোক্তিযুক্তঃ |
রক্তাযতাক্ষো হরিতংশুকস্ত্বক্সারো বুধো হাস্যরুচিঃ সমঙ্গঃ || ১১||
পীতদ্যুতিঃ পিঙ্গকচেক্ষণঃ স্যাত্ পীনোন্নতোরাশ্চ বৃহচ্ছরীরঃ |
কফাত্মকঃ শ্রেষ্ঠমতিঃ সুরেড্যঃ সিংহাব্জনাদশ্চ বসুপ্রধানঃ || ১২||
চিত্রাম্বরাকুঞ্চিতকৃষ্ণকেশঃ স্থূলাঙ্গদেশ্চ কফানিলাত্মা |
দূর্বঙ্কুরাভঃ কমনো বিশালনেত্রো ভৃগুঃ সাধিতশুক্লবৃদ্ধিঃ || ১৩||
পঙ্গুনিম্নবিলোচনঃ কৃশতনুদরীর্ঘঃ সীরালোঅঽলসঃ
কৃষ্ণাঙ্গঃ পবনাত্মকোঽতিপিশুনঃ স্নায্বাত্মকো নির্ঘৃণঃ |
মূর্খঃ স্থূলনখদ্বিজঃ পরুষরোমাঙ্গোঽশুচিস্তামসো
রৌদ্রঃ ক্রোধপরো জরাপরিণতঃ কৃষ্ণাম্বরো ভাস্করিঃ || ১৪||
শৌবং ধাম বহিঃপ্রকাশকমরুদ্দেশো রবেঃ পূর্বদিক্
দুর্গাস্থনচধূলৌষধিমধুস্থানং বিধোর্বাযুদিক্ |
চোরম্লিচ্ছকৃশানুযুদ্ধভুবি দিগ্যাম্যা কুজস্যোদিতা
বিদ্বদ্বিষ্ণুসভাবিহারগণকস্থানান্যুদীচীং বিদুঃ || ১৫||
কোশাশ্বত্থসুরদ্বিজাতিনিলযস্ত্বৈশানদিগ্গীষ্পতে-
বের্শ্যাবীথ্যবরোঘনৃত্তশযনস্থানং ভৃগিরগ্নিদিক্ |
নীচশ্রেণ্যশুচিস্থলং বরুণদিক্ছাস্তুঃ শনেরালযো
বল্মীকাহিতমোবিলান্যহিশিখিস্থানানি দিগ্রক্ষসঃ || ১৬||
শৈবো ভিষঙ্নৃপতিরধ্বরকৃত্প্রধানী
ব্যাধ্রো মৃগো দিনপতেঃ কিল চক্রবাকঃ
শাস্তাঙ্গনারজকর্কষকতোযগাঃ স্যু-
রিন্দোঃ শশশ্চ হরিণশ্চ বকশ্চকোরঃ || ১৭||
ভৌমো মহানসগতাযুধভৃত্সুবর্ণ-
কারাজকুক্কুটশিবাকপিগৃধ্রচোরাঃ |
গোপজ্ঞশিল্পগণকোত্ত মবিষ্ণুদাসা-
স্তার্ক্ষ্যঃ কিকী দিবীশুকৌ শশিজো বডালঃ || ১৮||
দৈবজ্ঞমন্ত্রিগুরুবিপ্রযতীশমুখ্যাঃ
পারাবতঃ সুরগুরোস্তুরগশ্চ হংসঃ |
গানী ধনী বিটবণিঙ্নটতন্তুবায-
বেশ্যামযূরমহিষাশ্চ ভৃগোঃ শুকো গৌঃ || ১৯||
তৈলক্রযী ভৃতকনীচকিরাতকায-
স্কারাশ্চ দন্তিকরটাশ্চ পিকাঃ শনেঃ স্যুঃ |
বৌদ্ধহিতুণ্ডিকখরাজবৃকোষ্ট্রসর্প-
ধ্বান্তাদযো মশকমত্কুণকৃম্যুলূকাঃ || ২০||
সৌম্যঃ সমোঽর্কজসিতাবহিতৌ খরাংশো-
রিন্দোহিতৌ রবিবুধাবপরে সমাঃ স্যুঃ |
ভৌমস্য মন্দভৃগুজৌ তু সমৌ রিপুর্জ্ঞঃ
সৌম্যস্য শীতগুররিঃ সুহৃদৌ সিতার্কৌ || ২১||
সূরেদ্বিষৌ কবিবুধৌ রবিজঃ সমঃ স্যা-
ন্মধ্যৌ কবের্গুরুকুজৌ সুহৃদৌ শনিজ্ঞৌ |
জীবঃ সমঃ সিতবিদৌ রবিজস্য মিত্রে
জ্ঞেযা অনুক্তখচরাস্তু তদন্যথা স্যুঃ || ২২||
আন্যোন্যং ত্রিসুখস্বখান্ত্যভবগাস্তত্কালমিত্রাণ্যমী
টন্নৈসর্গিকমপ্যবেক্ষ্য কথযেত্তস্যাতিমিত্রাহিতান্ |
শৌর্যাজ্ঞে রবিজো গুরুর্গুরুসুতৌ ভৌমশ্চতুর্থাশ্টমৌ
পুর্ণং পশ্যতি সপ্তমং চ সকলাস্তেষ্বংধ্রিবৃদ্ধ্যা ক্রমাত্ || ২৩||
সূর্যাদেরযনং ক্ষণো দিনমৃতুর্মাসশ্চ পক্ষঃ শর-
দ্বিপ্রৌ শুক্রগুরূ রবিক্ষিতিসুতৌ চন্দ্রো বুধোঽন্ত্যঃ শনিঃ |
প্রাহুঃ সত্ত্বরজস্তমাংসি শশিগুর্বর্কাঃ কবিজ্ঞৌ পরে
গ্রীষ্মাদর্ককুজৌ শশী শশিসুতো জীবঃ শনির্ভার্গবঃ || ২৪||
তাতাম্বে রবিভার্গবৌ দিবি নিশি প্রাভাকরীন্দূ স্মৃতৌ
তদ্ব্যস্তেন পিতৃব্যমাতৃভগিনীসংজ্ঞৌ তদা তত্ক্রমাত্ |
বামাক্ষিন্দুরিনোঽন্যদক্ষি কথিতো ভৌমঃ কনিষ্ঠানুজো
জীবো জ্যেষ্ঠসহোদরঃ শশিসুতো দত্তাত্মজঃ সম্জ্ঞিতঃ || ২৫||
দেহো দেহী হিমরুচিরিনস্ত্বিন্দ্রিযাষ্যারপূর্বা
আদিত্যদ্বিড্গুলিকশিখিনস্তস্য পীডাকরাঃ স্যুঃ |
গন্ধঃ সৌম্যো ভৃগুজশশিনৌ দ্বৌ রসৌ সূর্যভৌমৌ
রূপৌ শব্দো গুরুরথ পরে স্পর্শসংজ্ঞাঃ প্রদিষ্টাঃ || ২৬||
ক্ষীণেন্দ্বর্ককুজাহিকেতুরবিজাঃ পাপাঃ সপাপশ্চ বিত্
ক্লীবাঃ কেতুবুধার্কজাঃ শশিতমঃশুক্রাঃ স্ত্রিযোঽন্যে নরাঃ |
রুদ্রাম্বাগুহবিষ্ণুধাতৃকমলাকালাহ্যজা দেবতাঃ
সূর্যাদগ্নিজলাগ্নিভূমিখপযোবায্বাত্মকাঃ স্যুর্গ্রহাঃ || ২৭||
গোধূমং তণ্ডুলং বৈ তিলচণককুলুত্থাঢকশ্যামমুদ্গা
নিষ্পাবা মাষ অর্কেন্দ্বসিতগুরুশিখিক্রূরবিদ্ভৃগ্বহীনাম্ |
ভোগীনার্ক্যারজীবজ্ঞশশিশিখিসিতেষ্বম্বরাখ্যং কলিঙ্গং
সৌরাষ্ট্রাবন্তিসিন্ধূন্সুমগধযবনান্পর্বতান্কীকটাংশ্চ || ২৮||
মাণিক্যং তরণেঃ সুধার্যমমলং মুক্তাফলং শীতগো-
র্মাহেযস্য চ বিদ্রুমং মরকতং সৌম্যস্য গারুত্মতম্ |
দেবেড্যস্য চ পুষ্পরাগমসুরামাত্যস্য বজ্রং শনে-
র্নীলং নির্মলমন্যযোশ্চ গদিতে গোমেধবৈদূর্যকে || ২৯||
তাম্রং কাংস্যং ধাতুতাম্রং ত্রপু স্যাত্ স্বর্ণং রৌপ্যং চাযসং ভাস্করাদেঃ |
বস্ত্রং তত্তদ্বর্ণযুক্তং বিশেষাজ্জীর্ণং মন্দস্যাগ্নিদগধং কুজস্য || ৩০||
ভানোঃ কটুর্ভূমিসুতস্য তিক্তং লাবণ্যমিন্দোরথ চন্দ্রজস্য |
মিশ্রীকৃতং যন্মধুরং গুরোস্তু শুক্রস্য চাম্লং চ শনেঃ কষাযঃ || ৩১||
ভাস্বগ্দীষ্পতিচন্দ্রজক্ষিতিভুবাং স্যাদ্দক্ষিণে লাঞ্ছনং
শেষাণামিতরত্র তিগ্মকিরণাত্কটযাং শিরঃপৃষ্ঠযোঃ |
কক্ষেঽসে বদনে চ সবিথচরণে চিহ্নং বযাংস্যর্কতো
নেমে নাথ তটং নখং নগ সনি জ্ঞানাড্য নগ্নাটনম্ || ৩২||
নীলদ্যুতির্দীর্ঘতনুঃ কুবর্ণঃ পামী সপাষণ্ডমতঃ সহিক্কঃ |
অসত্যবাদী কপটী চ রাহুঃ কুষ্ঠী পরান্নিন্দতি বুদ্ধীনঃ || ৩৩||
রক্তোগ্রদৃষ্টিবিষবাগ্রদেহঃ সশস্ত্রঃ পতিতশ্চ কেতুঃ |
ধূম্রদ্যুতির্ধূমপ এব নিত্যং ব্রণাঙ্কিতাঙ্গশ্চ কৃশো নৃশম্সঃ || ৩৪||
সীসং চ জীর্ণবসনং তমসস্তু কেতো-
র্মৃদ্ভাজনং বিবিধচিত্রপটং প্রদিষ্টম্ |
মিত্রাণি বিচ্ছনিসিতাস্তাস্তমসোর্দ্ব্যোস্তু
ভৌমঃ সমো নিগদিতো রিপবশ্চ শেষাঃ || ৩৫||
মূঢোঽপি নীচরিপুগোঽষ্টমষড্ব্যযস্থো
দুঃস্থঃ স্মৃতো ভবতি সুস্থ ইতীতরঃ স্যাত্ |
চন্দ্রেব্যযাযতনুষট্সুতকামসংস্থে
তোযাভিবৃদ্ধিমিহ শংসতি বৃদ্ধিকার্যে || ৩৬||
অন্তঃ সারসমুন্নতদ্রুররুণো বল্লী সিতেন্দূ স্মৄতৌ
গুল্মঃ কেতুরহিশ্চ কণ্টকনগৌ ভৌমার্কজৌ কীর্তিতৌ |
বাগীশঃ সফলোঽফলঃ শশিসুতঃ ক্ষীরপ্রসূনদ্রুমৌ
শুকেন্দূ বিধুরোষধিঃ শনিরসারাগশ্চ সালদ্রুমঃ || ৩৭||
