নাট্যশাস্ত্রম্ অধ্যায় ২৫ চিত্রাভিনয়ং

.. নাট্যশাস্ত্রম্ অধ্যায় ২৫ চিত্রাভিনয়ং..
.. শ্রীরস্তু ..
ভরতমুনিপ্রণীতং নাট্যশাস্ত্রম্
পঞ্চবিংশোঽধ্যায়ঃ .
অঙ্গাভিনয়স্যৈব যো বিশেষঃ ক্বচিৎ ক্বচিৎ .
অনুক্ত উচ্যতে চিত্রঃ চিত্রাভিনয়স্স্মৃতঃ .. ১..
উত্তানৌ তু করৌ কৃৎবা স্বস্তিকৌ পার্শ্বসংস্থিতৌ .
উদ্বাহিতেন শিরসা তথা চোর্ধ্বনিরীক্ষণাৎ .. ২..
প্রভাতং গগনং রাত্রিঃ প্রদোষং দিবসং তথা .
ঋতূন্ ঘনান্ বনান্তাংশ্চ বিস্তীর্ণাংশ্চ জলাশয়ান্ .. ৩..
দিশো গ্রহান্ সনক্ষত্রান্ কিঞ্চিৎ স্বস্থং চ যদ্ভবেৎ .
তস্য ৎবভিনয়ঃ কার্যো নানাদৃষ্টিসমন্বিতঃ .. ৪..
এভিরেব করৈর্ভূয়স্তেনৈব শিরসা পুনঃ .
অধো নিরীক্ষণেনাথ ভূমিস্থান্ সংপ্রদর্শয়েৎ .. ৫..
স্পর্শস্য গ্রহণেনৈব তথোল্লুকসনেন চ .
চন্দ্রজ্যোস্ত্নাং সুখং বায়ুং রসং গন্ধং চ নির্দিশেৎ .. ৬..
বস্ত্রাবকুণ্ঠনাৎসূর্যং রজোধূমানিলাংস্তথা .
ভূমিতাপমথোষ্ণং চ কুর্যাচ্ছায়াভিলাষতঃ .. ৭..
ঊর্ধ্বাকেকরদৃষ্টিস্তু মধ্যাহ্নে সূর্যমাদিশেৎ .
উদয়াস্তগতং চৈব বিস্ময়ার্থৈঃ প্রদর্শয়েৎ ..৮..
যানি সৌম্যার্থয়ুক্তানি সুস্বভাবকৃতানি চ .
গাত্রস্পর্শৈস্সরোমাঞ্চৈস্তেষামভিনয়ো ভবেৎ .. ৯..
যানি স্যুস্তীক্ষ্ণরূপাণি তানি চাভিনয়েৎসুধীঃ .
অসংস্পর্শৈস্তথোদ্বেগৈস্তথা মুখবিকুণ্ঠনৈঃ .. ১০..
গম্ভীরোদাতসংযুক্তানর্থানভিনয়েদ্বুধঃ .
সাটোপৈশ্চ সগর্বৈশ্চ গাত্রৈঃ সৌষ্ঠবসংযুতৈঃ .. ১১..
যজ্ঞোপবীতদেশস্থমরালং হাসমাদিশেৎ .
স্বস্তিকৌ বিচ্যুতৌ হারস্রগ্দামার্থান্ নিদর্শয়েৎ .. ১২..
ভ্রমণেন প্রদর্শিন্যা দৃষ্টেঃ পরিগমেন চ .
অলপদ্মকপীডায়াঃ সর্বার্থগ্রহণং ভবেৎ .. ১৩..
শ্রব্যং শ্রবণয়োগেন দৃশ্যং দৃষ্টিবিলোকনৈঃ .
আত্মস্থং পরসংস্থং বা মধ্যস্থং বা বিনির্দিশেৎ .. ১৪..
বিদ্যুদুল্কাঘনরবাবিষ্ফুলিংগার্চিষস্তথা .
ত্রস্তাংগাক্ষিনিমেষৈশ্চ তেঽভিনেয়াঃ প্রয়োক্তৃভিঃ .. ১৫..
উদ্বেষ্টিতকরাবৃত্তৌ করৌ কৃৎবা নতং শিরঃ .
অসংস্পর্শে তথানিষ্টে জিহ্মদৃষ্টেন কারয়েৎ .. ১৬..
বায়ুমুষ্ণং তমস্তেজো মুখপ্রচ্ছাদনেন চ .
রেণুতোয়পতংগাংশ্চ ভ্রমরাংশ্চ নিবারয়েৎ .. ১৭..
কৃৎবা স্বস্তিকসংস্থানৌ পদ্মকোশাবধোমুখৌ .
সিঅংহর্ক্ষবানরব্যাঘ্রশ্বাপদাংশ্চ নিরূপয়েৎ ..১৮..
স্বস্তিকৌ ত্রিপতাকৌ তু গুরূণাং পাদবন্দনে .
খটকস্বস্থিকৌ চাপি প্রতোদগ্রহণে স্মৃতৌ .. ১৯..
একং দ্বি ত্রীণি চৎবারি পঞ্চ ষট্ সপ্ত চাষ্টধা .
নব বা দশ বাপি স্যুর্গণনাংগুলিভির্ভবেৎ .. ২০..
দশাখ্যাশ্চ শতাখ্যাশ্চ সহস্রাখ্যাস্তথৈব চ .
পতাকাভ্যাং তু হস্তাভ্যাং প্রয়োজ্যাস্তাঃ প্রয়োক্তৃভিঃ .. ২১..
দশাখ্যগণনায়াস্তু পরতো যা ভবেদিহ .
বাক্যার্থেনৈব সাধ্যাসৌ পরোক্ষাভিনয়েন চ .. ২২..
ছত্রধ্বজপতাকাশ্চ নির্দেশ্যা দণ্ডধারণাৎ .
নানাপ্রহরণং চাথ নির্দেশ্যং ধারণাশ্রয়ম্ .. ২৩..
একচিত্তো হ্যধোদৃষ্টিঃ কিঞ্চিন্নতশিরাস্তথা .
সব্যহস্তশ্চ সংদংশঃ স্মৃতে ধ্যানে বিতর্কিতে .. ২৪..
উদ্বাহিতং শিরঃ কৃৎবা হংসপক্ষৌ প্রদক্ষিণৌ .
অপত্যরূপণে কার্যাবুছ্রয়ৌ চ প্রয়োক্তৃভিঃ .. ২৫..
উদ্বাহিতং শিরঃ কৃৎবা হংসবক্ত্রং তথোর্ধ্বগম্ .
প্রসাদয়চ্চ যং মানং দীর্ঘসৎবং চ নির্দিশেৎ .. ২৬..
অরালং চ শিরস্থানে সমুদ্বাহ্য তু বামকম্ .
গতে নির্বৃত্তে ধ্বস্তে চ শ্রান্তবাক্যে চ যোজয়েৎ .. ২৭..
সর্বেন্দ্রিয়স্বস্থতয়া প্রসন্নবদনস্তথা .
বিচিত্রভূতলালোকৈঃ শরদন্তু বিনির্দিশেৎ .. ২৮..
গাত্রসংকোচনাচ্চাপি সূর্যাগ্নিপটুসেবনাৎ .
হেমন্তস্ত্বভিনেতব্যঃ পুরুষৈর্মধ্যমাধমৈঃ .. ২৯..
শিরোদন্তোষ্ঠকম্পেন গাত্রসংকোচনেন চ .
কূজিতৈশ্চ সশীৎকারৈরধমশ্শীতমাদিশেৎ .. ৩০..
অবস্থান্তরমাসাদ্য কদাচিত্তূত্তমরৈরপি .
শীতাভিনয়নং কূর্যাদ্দেবাদ্ব্যসনসংভবম্ .. ৩১..
ঋতুজানাং তু পুষ্পাণাং গন্ধঘ্রাণৈস্তথৈব চ .
রূক্ষস্য বায়োঃ স্পর্শাচ্চ শিশিরং রূপয়েদ্বুধঃ .. ৩২..
প্রমোদজননারংভৈরুপভোগৈঃ পৃথগ্বিধিঃ .
বসন্তস্ত্বভিনেতব্যো নানাপুষ্পপ্রদর্শনাৎ .. ৩৩..
স্বেদ প্রমার্জনৈশ্চৈব ভূমিতাপৈঃ সবীজনৈঃ .
উষ্ণস্য বায়োঃ স্পর্শেন গ্রীষ্মং ৎবভিনয়েদ্বুধঃ .. ৩৪..
কদম্বনীপকুটপৈঃ শাদ্বলৈঃ সেন্দ্রগোপকৈঃ .
মেঘবাতৈঃ সুখস্পর্শৈঃ প্রাবৃট্কালং প্রদর্শয়েৎ .. ৩৫..
মেঘৌঘনাদৈর্গম্ভীরৈর্ধারাপ্রপতনৈস্তদা .
বিদ্যুন্নির্ঘাতঘোষৈশ্চ বর্ষারাত্রং সমাদিশেৎ .. ৩৬..
যদ্যস্য চিহ্নং বেষো বা কর্ম বা রূপমেব বা .
নির্দেশ্যঃ স ঋতুস্তেন ইষ্টানিষ্টার্থদর্শনাৎ .. ৩৭..
এতানৃতূনর্থবশাদ্দর্শয়েদ্ধি রসানুগান্ .
সুখিনস্তু সুখোপেতান্ সুঃখার্থান্ দুঃখসংযুতান্ .. ৩৮..
যো যেন ভাবেনাবিষ্টঃ সুখদেনেতরেঅন বা .
স তদাহিতসংকারঃ সর্বং পশ্যতি তন্ময়ম্ .. ৩৯..
ভাবাভিনয়নং কুর্যাদ্বিভাবানাং নিদর্শনৈঃ .
তথৈব চানুভাবানাং ভাবসিদ্ধিঃ প্রবর্তিতা .. ৪০..
বিভাবেনাহৃতং কার্যমনুভাবেন নীয়তে .
আত্মানুভবনং ভাবো বিভাবঃ পরদর্শনম্ .. ৪১..
গুরুর্মিত্রং সখা স্নিগ্ধঃ সংবন্ধী বন্ধুরেব বা .
আবেদ্যতে হি যঃ প্রাপ্তঃ স বিভাব ইতি স্মৃতঃ .. ৪২..
যত্ত্বস্য সংভ্রমোত্থানৈরর্ঘ্যপাদ্যাসনাদিভিঃ .
পূজনং ক্রিয়তে ভক্ত্যা সোঽনুভাবঃ প্রকীর্তিতঃ .. ৪৩..
এবমন্যেষ্বপি জ্ঞেয়ো নানাকার্যপ্রদর্শনাৎ .
বিভাবো বাপি ভাবো বা বিজ্ঞেয়োঽর্থবশাদ্বুধৈঃ .. ৪৪..
যস্ত্বপি প্রতিসংদেশো দূতস্যেহ প্রদীয়তে .
সোঽনুভাব ইতি জ্ঞেয়ঃ প্রতিসন্দেশদর্শিতঃ .. ৪৫..
এবং ভাবো বিভাবো বাপ্যনুভাবশ্চ কীর্তিতঃ .
পুরুষৈরভিনেয়ঃ স্যাৎপ্রমদাভিরথাপি বা .. ৪৬..
স্বভাবাভিনয়ে স্থানং পুংসাং কার্যং তু বৈষ্ণবম্ .
আয়তং বাবহিত্থং বা স্ত্রীণাং কার্যং স্বভাবতঃ .. ৪৭..
প্রয়োজনবশাচ্চৈব শেষাণ্যপি ভবন্তি হি .
নানাভবাভিনয়নৈঃ প্রয়োগৈশ্চ পৃথগ্বিধৈঃ .. ৪৮..
ধৈর্যলীলাঙ্গসংপন্নং পুরুষাণাং বিচেষ্টিতম্ .
মৃদুলীলাঙ্গহারৈশ্চ স্ত্রীণাং কার্যং তু চেষ্টিতম্ .. ৪৯..
করপাদাঙ্গসঞ্চারাস্স্ত্রীণাং তু ললিতাঃ স্মৃতাঃ .
সুধীরশ্চোদ্ধতশ্চৈব পুরুষাণাং প্রয়োক্তৃভিঃ .. ৫০..
যথা রসং যথা ভাবং স্ত্রীণাং ভাবপ্রদর্শনম্ .
নরাণাং প্রমদানাং চ ভাবাভিনয়নং পৃথক্ .. ৫১..
ভাবানুভাবনং যুক্তং ব্যাখ্যাস্যাম্যনুপূর্বশঃ .
আলিঙ্গনেন গাত্রাণাং সস্মিতেন চ চক্ষুষা .. ৫২..
তথোল্লুকসানচ্চাপি হর্ষং সংদর্শয়েন্নরঃ .
ক্ষিপ্রস! ন্জাতরোমাঞ্চাৎ বাষ্পেণাবৃতলোচনা .. ৫৩..
কুর্বীত নর্তকী হর্ষং প্রীত্যা বাক্যৈশ্চ সস্মিতৈঃ .
উদ্বৃত্তরক্তনেত্রশ্চ সন্দষ্টাধর এব চ .. ৫৪..
নিশ্বাসকংপিতাংগশ্চ ক্রোধং চাভিনয়েন্নরঃ .
নেত্রাভ্যাং বাষ্পপূর্ণাভ্যাং চিবুকৌষ্ঠপ্রকংপনাৎ .. ৫৫..
শিরসঃ কংপনাচ্চৈব ভ্রুকুটীকরণেন চ .
মৌনেনাঙ্গুলিভঙ্গেন মাল্যাভরণবর্জনাৎ .. ৫৬..
আয়তকস্থানকক্ষায়া ঈর্ষ্যা ক্রোধে ভবেৎস্ত্রিয়াঃ .
নিশ্বাসোচ্ছ্বাসবহুলৈরধোমুখবিচিন্তনৈঃ .. ৫৭..
আকাশবচনাচ্চাপি দুঃখং পুংসাং তু যোজয়েৎ .
রুদিতৈঃ শ্বসিতৈশ্চৈব শিরোভিহননেন চ .. ৫৮..
ভূমিপাতাভিঘাতৈশ্চ দুঃখং স্ত্রীষু প্রয়োজয়েৎ .
আনন্দজং চার্তিজং বা ঈর্ষ্যাসংভূতমেব বা .. ৫৯ ..
যৎপূর্বমুক্তং রুদিতং তৎস্ত্রীনীচেষু যোজয়েৎ .
সংভ্রমাবেগচেষ্টাভিশ্শস্ত্রসংপাতনেন চ .. ৬০ ..
পুরুষাণাং ভয়ং কার্যং ধৈর্যাবেগবলাদিভিঃ .
চলতারকনেত্রৎবাদ্গাত্রৈঃ স্ফুরিতকম্পিতৈঃ .. ৬১..
সন্ত্রস্তহৃদয়ৎবাচ্চ পার্শ্বাভ্যামবলোকনৈঃ .
ভর্তৃরন্বেষণাচ্চৈবমুচ্চৈরাক্রন্দনাদপি .. ৬২..
প্রিয়স্যালিংগনাচ্চৈব ভয়ং কার্যং ভবেৎস্ত্রিয়াঃ .
মদা যেঽভিহিতাঃ পূর্বং তে স্ত্রীনীচেষু যোজয়েৎ .. ৬৩..
মৃদুভিঃ স্খলিতৈর্নিত্যমাকাশস্যাবলংবনাৎ .
নেত্রাবঘূর্ণনৈশ্চৈব সালস্যৈঃ কথিতৈস্তথা .. ৬৪..
গাত্রাণাং কংপনৈশ্চৈব মদঃ কার্যো ভবেৎস্ত্রিয়াঃ .
অনেন বিধিনা কার্যঃ প্রয়োগাঃ কারণোত্থিতাঃ .. ৬৫..
পৌরুষঃ স্ত্রীকৃতো বাপি ভাবা হ্যভিনয়ং প্রতি .
সর্বে সললিতা ভাবাস্স্ত্রীভিঃ কার্যাঃ প্রয়ত্নতঃ .. ৬৬..
ধৈর্যমাধুর্যসংপন্না ভাবাঃ কার্যাস্তু পৌরুষাঃ .
ত্রিপতাকাঙ্গুলীভ্যাং তু বলিতাভ্যাং প্রয়োজয়েৎ .. ৬৭..
শুকাশ্চ সারিকাশ্চৈব সূক্ষ্মা যে চাপি পক্ষিণঃ .
শিখিসারসহংসাদ্যাঃ স্থূলা যেঽপি স্বভাবতঃ .. ৬৮..
রেচকৈরঙ্গহারৈশ্চ তেষামভিনয়ো ভবেৎ .
খরোষ্ট্রাশ্বতরাসিংহব্যাঘ্রগোমহিষাদয় .. ৬৯..
গতিপ্রচরৈরঙ্গৈশ্চ তেঽভিনেয়াঃ প্রয়োক্তৃভিঃ .
ভূতাঃ পিশাচা যক্ষাশ্চ দানবাঃ সহরাক্ষসৈঃ .. ৭০..
অঙ্গহারৈরবিনির্দেশ্যা নামসংকীর্তনাদপি .
অঙ্গহারৈর্বিনির্দেশ্যা অপ্রত্যক্ষা ভবন্তি যে .. ৭১..
প্রত্যক্ষাস্ত্বভিনেতব্যা ভয়োদ্বেগৈঃ সবিস্ময়ৈঃ .
দেবাশ্চ চিহ্নৈশ্চ প্রণামকরণৈর্ভাবৈশ্চ বিচেষ্টিতৈঃ .. ৭২..
অভিনেয়ো হ্যর্থবশাদপ্রত্যক্ষাঃ প্রয়োগজ্ঞৈঃ .
সব্যোত্থিতেন হস্তেন হ্যরালেন শিরঃ স্পৃশেৎ .. ৭৩..
নরেঽহ্যভিবাদনং হ্যেতদপ্রত্যক্ষে বিধীয়তে .
খটকাবর্ধমানেন কপোতাখ্যেন বা পুনঃ .. ৭৪..
দৈবতানি গুরূংশ্চৈব প্রমদাশ্চাভিবাদয়েৎ .
দিবৌকসশ্চ যে পূজ্যাঃ প্রত্যক্ষাশ্চ ভবন্তি যে .. ৭৫..
তান্ প্রমাণৈঃ প্রভাবৈশ্চ গংভীরার্থৈশ্চ যোজয়েৎ .
মহাজনং সখীবর্গং বিটধূর্তজনং তথা .. ৭৬..
পরিমণ্ডলসংস্থেন হস্তেনাভিনয়েনন্নরঃ .
পর্বতান্ প্রাংশুয়োগেন বৃক্ষাংশ্চৈব সমুচ্ছ্রিতান্ .. ৭৭..
প্রসারিতাভ্যাং বাহুভ্যামুৎক্ষিপ্তাভ্যাং প্রয়োজয়েৎ .
সমূহসাগরং সেনা বহুবিস্তীর্ণমেব চ .. ৭৮..
পতাকাভ্যাং তু হস্তাভ্যামুৎক্ষিপ্তাভ্যাং প্রদর্শয়েৎ .
শৌর্যং ধৈর্যং চ গর্বং চ দর্পমৌদার্যমুচ্ছ্রয়ম্ .. ৭৯..
ললাটদেশস্থানেন ৎবরালেনাভিদর্শয়েৎ .
বক্ষোদেশাদপাবিদ্ধৌ করৌ তু মৃগশীর্ষকৌ .. ৮০..
বিস্তীর্ণপ্রদ্রুতোৎক্ষেপৌ যোজ্যৌ যস্যাদপাবৃতম্ .
অধোমুখোত্তানতলৌ হস্তৌ কিঞ্চিৎপ্রসারিতৌ .. ৮১..
কৃৎবা ৎবভিনয়েদ্বেলাং বিলদ্বারং গৃহং গুহান্ .
কামং শাপগ্রহগ্রস্তান্ জ্বরোপহতচেতসঃ .. ৮২..
এতেষাং চেষ্টিতং কুর্যাদঙ্গাদ্যৈঃ সদৃশৈর্বুধৈঃ .
দোলাভিনয়নং কুর্যাদ্দোলায়াস্তু বিলোকনৈঃ .. ৮৩..
সংভোক্ষেণ চ গাত্রাণাং রজ্বশ্বাগ্রহণেন চ .
যদা চাঙ্গবতী ডোলা প্রত্যক্ষা পুস্তজা ভবেৎ .. ৮৪..
আসনেষু প্রবিষ্টানাং কর্তব্যং তত্র ডোলনম্ .
আকাশবচনানীহ বক্ষ্যাম্যাত্মগতানি চ .. ৮৫..
অপবারিতকং চৈব জনান্তিকমথাপি চ .
দূরস্থাভাষণং যৎস্যাদশরীরনিবেদনম্ .. ৮৬..
পরোক্ষান্তরিতং বাক্যমাকাশবচনং তু তৎ .
তত্রোত্তরকৃতৈর্বাক্যৈঃ সংলাপং সংপ্রয়োজয়েৎ .. ৮৭..
নানাকারণসংযুক্তৈঃ কাব্যভাবসমুত্থিতৈঃ .
হৃদয়স্য বচো যত্তূ তদাত্মগতমীষ্যতে .. ৮৮..
সবিতর্কং চ তদ্যোজ্যং প্রায়শো নাটকাদিষু .
নিগূঢভাবসংযুক্তমপবারিতকং স্মৃতম্ .. ৮৯..
কার্যবশাদশ্রবণং পার্শ্বগতৈর্যজ্জনান্তিকং তৎস্যাৎ .
হৃদয়স্থং সবিকল্পং ভাবস্থং চাত্মগতমেব .. ৯০..
ইতি গূঢার্থয়ুক্তানি বচনানীহ নাটকে .
জনান্তিকানি কর্ণে তু তানি যোজ্যানি যোক্তৃভিঃ .. ৯১..
পূর্ববৃত্তং তু যৎকার্যং ভূয়ঃ কথ্যং তু কারণাৎ .
কর্ণপ্রদেশে তদ্বাচ্যং মাগাত্তৎপুনরুক্ততাম্ ..৮২..
অব্যভিচারেণ পঠেদাকাশজনান্তিকাত্মগতপাঠ্যম্ .
প্রত্যক্ষপরোক্ষকৃতানামাত্মসমুত্থান্ পরকৃতাংশ্চ .. ৯৩..
হস্তমন্তরিতং কৃৎবা ত্রিপতাকং প্রয়োক্তৃভিঃ .
জনান্তিকং প্রয়োক্তব্যমপবারিতকং তথা .. ৯৪..
স্বপ্নায়িতবাক্যার্থৈস্ত্বভিনেয়ো ন খলু হস্তসংচারৈঃ .
সুপ্তাভিহিতৈরেব তু বাক্যার্থৈঃ সোঽভিনেয়ঃ স্যাৎ .. ৯৫..
মন্দস্বরসঞ্চারৈর্ব্যক্তাব্যক্তং পুনরুক্তবচনার্থম্ .
পূর্বানুস্মরণকৃতং কার্যং স্বপ্নাঞ্চিতে পাঠ্যম্ .. ৯৬..
প্রশিথিলগুরুকরুণাক্ষরঘণ্টানুস্বরিতবাক্যগদ্গদজৈঃ .
হিক্কাশ্বসোপেতাং কাকুং কুর্যান্মরণকালে .. ৯৭..
হিক্কাশ্বাসোপেতাং মূর্চ্ছোপগমে মরণবৎকথয়েৎ .
অতিমত্তেষ্বপি কার্যং তদ্বৎস্বপ্নায়িতে যথা পাঠ্যম্ .. ৯৮..
বৃদ্ধানাং যোজয়েৎপাঠ্যং গদ্গদস্খলিতাক্ষরম্ .
অসমাপ্তাক্ষরং চৈব বালানাং তু কলস্বনম্ .. ৯৯..
নানাভাবোপগতং মরণাভিনয়ে বহুকীর্তিতং তু .
বিক্ষিপ্তহস্তপাদৈর্নিভৃতৈঃ সন্নৈস্তথা কার্যম্ .. ১০০..
ব্যাধিপ্লুতে চ মরণং নিষণ্ণগাত্রৈস্তু সংপ্রয়োক্তব্যম্ .
হিক্কাশ্বাসোপেতং তথা পরাধীনগাত্রসংচারম্ .. ১০১..
বিষপীতেঽপি চ মরণং কার্যং বিক্ষিপ্তগাত্রকরচরণম্ .
বিষবেগসংপ্রয়ুক্তং বিস্ফুরিতাংগক্রিয়োপেতম্ .. ১০২..
প্রথেমে বেগে কার্শ্যং ৎবভিনেয়ে বেপথুর্দ্বিতীয়ে তু .
দাহস্তথা তৃতীয়ে বিলল্লিকা স্যাচ্চতুর্থে তু .. ১০৩..
ফেনস্তু পঞ্চমস্থে তু গ্রীবা ষষ্ঠে তু ভজ্যতে .
জডতা সপ্তমে তু স্যান্মরণং ৎবষ্টমে ভবেৎ .. ১০৪..
তত্র প্রথমবেগে তু ক্ষামবক্রকপোলতা .
কৃশৎবেঽভিনয়ঃ কার্যো বাক্যানামল্পভাষণম্ .. ১০৫..
সর্বাঙ্গবেপথুং চ কণ্ডূয়নং তথাঙ্গানাম্ .
বিক্ষিপ্তহস্তগাত্রং দাহং চৈবাপ্যভিনয়েত্তু .. ১০৬..
উদ্বৃত্তনিমেষৎবাদুদ্গারচ্ছর্দনৈস্তথাক্ষেপৈঃ .
অব্যক্তাক্ষরকথনৈঃ বিলল্লিকামভিনয়েদেবম্ .. ১০৭..
উদ্গারবমনয়োগৈঃ শিরসশ্চ বিলোলনৈরনেকবিধৈঃ .
ফেনস্ত্বভিনেতব্যো নিঃসংজ্ঞতয়া নিমেষৈশ্চ .. ১০৮..
অংসকপোলস্পর্শঃ শিরসোঽথ বিনামনং শিরোঽপাঙ্গঃ .
সর্বেন্দ্রিঅয়সংমোহাজ্জডতামেবং ৎবভিনয়েত্তু .. ১০৯..
সংমীলিতনেত্রৎবাৎ ব্যাধিবিবৃদ্ধৌ ভুজঙ্গদশনাদ্বা .
এবং হি নাট্যধর্মে মরণানি বুধৈঃ প্রয়োজ্যানি .. ১১০..
সংভ্রমেষ্বথ রোষেষু শোকাবেশকৃতেষু চ .
যানি বাক্যানি যুজ্যন্তে পুনরুক্তং ন তেষ্বিহ .. ১১১..
সাধ্বহো মাং চ হেহেতি কিং ৎবং মামাবদেতি চ .
এবংবিধানি কার্যাণি দ্বিত্রিসংখ্যানি কারয়েৎ .. ১১২..
প্রত্যঙ্গহীনং যৎকাব্যং বিকৃতং চ প্রয়ুজ্যতে .
ন লক্ষণকৃতস্তত্র কার্যস্ত্বভিনয়ো বুধৈঃ .. ১১৩..
ভাবো যত্রোত্তমানাং তু ন তং মধ্যেষু যোজয়েৎ .
যো ভাবশ্চৈব মধ্যানাং ন তে নীচেষু যোজয়েৎ .. ১১৪..
পৃথক্ পৃথগ্ভাবরসৈরাত্মচেষ্টাসমুত্থিতৈঃ .
জ্যেষ্ঠমধ্যমনীচেষু নাট্যং রাগং হি গচ্ছতি .. ১১৫..
এতেঽভিনয়বিশেষাঃ কর্তব্যাঃ সত্ত্বভাবসংযুক্তাঃ .
অন্যে তু লৌকিকা যে তু তে সর্বে লোকবৎকার্যাঃ .. ১১৬..
নানাবিধৈর্যথা পুষ্পৈর্মালাং গ্রথ্নাতি মাল্যকৃৎ .
অংগোপাংগৈ রসৈর্ভাবৈস্তথা নাট্যং প্রয়োজয়েৎ .. ১১৭..
যা যস্য লীলা নিয়তা গতিশ্চ
রঙ্গপ্রবিষ্টস্য নিধানয়ুক্তঃ .
তামেব কুর্যাদবিমুক্তসত্ত্বো
যাবন্নরঙ্গাৎপ্রতিনির্বৃতঃ স্যাৎ .. ১১৮..
এবমেতে ময়া প্রোক্তা নাট্যে চাভিনয়াঃ ক্রমাৎ .
অন্যে তু লৌকিকা যে তে লোকাদ্গ্রাহ্যাঃ সদা বুধৈঃ .. ১১৯..
লোকো বেদস্তথাধ্যাত্মং প্রমাণং ত্রিবিধং স্মৃতম্ .
বেদাধ্যাত্মপদার্থেষু প্রায়ো নাট্যং প্রতিষ্ঠিতম্ .. ১২০..
বেদাধ্যাত্মোপপন্নং তু শব্দচ্ছন্দস্সমন্বিতম্ .
লোকসিদ্ধং ভবেৎসিদ্ধং নাট্যং লোকাত্মকং তথা .. ১২১..
ন চ শক্যং হি লোকস্য স্থাবরস্য চরস্য চ .
শাস্ত্রেণ নির্ণয়ং কর্তুং ভাবচেষ্টাবিধিং প্রতি .. ১২২..
নানাশীলাঃ প্রকৃতয়ঃ শীলে নাট্যং প্রতিষ্ঠিঅতম্ .
তস্মাল্লোকপ্রমাণং হি বিজ্ঞেয়ং নাট্যয়োক্তৃভিঃ .. ১২৩..
এতান্ বিধীংশ্চাভিনয়স্য সম্যগ্বিজ্ঞায়
রঙ্গে মনুজঃ প্রয়ুঙ্ক্তে .
স নাট্যতত্ত্বাভিনয়প্রয়োক্তা
সংমানমগ্র্যং লভতে হি লোকে .. ১২৪..
এবমেতে হ্যভিনয়া বাঙ্নেপথ্যাঙ্গসংভবাঃ
প্রয়োগজ্ঞেন কর্তব্যা নাটকে সিদ্ধিমিচ্ছতা .. ১২৫..

ইতি ভারতীয়ে নাট্যশাস্ত্রে চিত্রাভিনয়ো নাম
পঞ্চবিংশোঽধ্যায়ঃ ..

<