নাট্যশাস্ত্রম্ অধ্যায় ২২ সামান্যাভিনয়ং

.. নাট্যশাস্ত্রম্ অধ্যায় ২২ সামান্যাভিনয়ং..

.. শ্রীরস্তু ..
ভরতমুনিপ্রণীতং নাট্যশাস্ত্রম্
অথ দ্বাবিংশোঽধ্যায়ঃ .
সামান্যাভিনয়ো নাম জ্ঞেয়ো বাগঙ্গসত্ত্বজঃ .
তত্র কার্যঃ প্রয়ত্নস্তু নাট্যং সত্ত্বে প্রতিষ্ঠিতম্ .. ১..
সত্ত্বাতিরিক্তোঽভিনয়ো জ্যেষ্ঠ ইত্যভিধীয়তে .
সমসত্ত্বো ভবেন্মধ্যঃ সৎবহীনোঽধমঃ স্মৃতঃ .. ২..
অব্যক্তরূপং সত্ত্বং হি বিজ্ঞেয়ং ভাবসংশ্রয়ম্ .
যথাস্থানরসোপেতং রোমাঞ্চাস্রাদিভির্গুণৈঃ .. ৩..
অলঙ্কারাস্তু নাট্যজ্ঞৈর্জ্ঞেয়া ভাবরসাশ্রয়াঃ .
যৌবনেঽভ্যধিকাঃ স্ত্রীণা বিকারা বক্ত্রগাত্রজাঃ .. ৪..
আদৌ ত্রয়োঽঙ্গজস্তেষাং দশ স্বাভাবিকাঃ পরে .
অয়ত্নজাঃ পুনঃ সপ্ত রসভাবোপবৃংহিতাঃ .. ৫..
দেহাত্মকং ভবেৎসত্ত্বং সত্ত্বাদ্ভাবঃ সমুত্থিতঃ .
ভাবাৎসমুত্থিতো হাবো হাবাদ্ধেলা সমুত্থিতা .. ৬..
হেলা হাবশ্চ ভাবশ্চ পরস্পরসমুত্থিতাঃ .
সত্ত্বভেদে ভবন্ত্যেতে শরীরে প্রকৃতিস্থিতাঃ .. ৭..
বাগঙ্গমুখরাগৈশ্চ সত্ত্বেনাভিনয়েন চ .
কবেরন্তর্গতং ভাবং ভাবয়ন্ভাব উচ্যতে .. ৮..
[ভাবস্যাতিকৃতং সত্ত্বং ব্যতিরিক্ত.ম্ স্বয়োনিষু .
নৈকাবস্থান্তরকৃতং ভাবং তমিহ নির্দিশেৎ].. ৯..
তত্রাক্ষিভ্রূবিকারাঢ্যঃ শৃঙ্গারাকারসূচকঃ .
সগ্রীবারেচকো জ্ঞেয়ো হাবঃ স্থিতসমুত্থিতঃ .. ১০..
যো বৈ হাবঃ স এবৈষা শৃঙ্গাররসসংভবা .
সমাখ্যাতা বুধৈর্হেলা ললিতাভিনয়াত্মিকা .. ১১..
লীলা বিলাসো বিচ্ছিত্তির্বিভ্রমঃ কিলিকিঞ্চিতম্ .
মোট্টায়িতং কুট্টিমিতং বিব্বোকো ললিতং তথা .. ১২..
বিহৃতং চেতি বিজ্ঞেয়া দশ স্ত্রীণাং স্বভাবজাঃ .
পুনরেষাং স্বরূপাণি প্রবক্ষ্যামি পৃথক্পৃথক্ .. ১৩..
বাগঙ্গালঙ্কারৈঃ শিষ্টৈঃ প্রীতিপ্রয়োজিতৈর্মধুরৈঃ .
ইষ্টজনস্যানুকৃতির্লীলা জ্ঞেয়া প্রয়োগজ্ঞৈঃ .. ১৪..
স্থানাসনগমনানাং হস্তভ্রূনেত্রকর্মণাং চৈব .
উৎপদ্যতে বিশেষো যঃ শ্লিষ্টঃ স তু বিলাসঃ স্যাৎ .. ১৫..
মাল্যাচ্ছাদনভূষণ বিলেপনানামনাদরন্যাসঃ .
স্বল্পোঽপি পরাং শোভাং জনয়তি যস্মাত্তু বিচ্ছিতিঃ .. ১৬..
বিবিধানামর্থানাং বাগঙ্গাহার্যসত্ত্বানাম্ .
মদরাগহর্ষজনিতো ব্যত্যাসো বিভ্রমো জ্ঞেয়ঃ .. ১৭..
স্মিতরুদিতহসিতভয়হর্ষগর্বদুঃখশ্রমাভিলাষাণাম্.
সঙ্করকরণং হর্ষাদসকৃৎ কিলিকিঞ্চিতং জ্ঞেয়ম্ .. ১৮..
ইষ্টজনস্য কথায়াং লীলাহেলাদিদর্শনে বাপি .
তদ্ভাবভাবনাকৃতমুক্তং মোট্টায়িতং নাম .. ১৯..
কেশস্তনধরাদিগ্রহণাদতিহর্ষসংভ্রমোৎপন্নম্ .
কুট্টমিতং বিজ্ঞেঅয়ং সুখমপি দুঃখোপচারেণ .. ২০…
ইষ্টানাং ভাবানাং প্রাপ্তাবভিমানগর্বসংভূতঃ .
স্ত্রীণামনাদরকৃতো বিব্বোকো নাম বিজ্ঞেয়ঃ .. ২১..
হস্তপাদাঙ্গবিন্যাসো ভ্রূনেত্রোষ্ঠপ্রয়োজিতঃ .
সৌকুমার্যাদ্ভবেদ্যস্তু ললিতং তৎপ্রকীর্তিতম্ .. ২২..
[করচরণাঙ্গন্যাসঃ সভ্রূনেত্রোষ্ঠসংপ্রয়ুক্তস্তু .
সুকুমারবিধানেন স্ত্রীভিউরিতীদং স্মৃতং ললিতম্].. ২৩..
বাক্যানাং প্রীতিয়ুক্তানাং প্রাপ্তানাং যদভাষণম্ .
ব্যাজাৎস্বভাবতো বাপি বিহৃতং নাম তদ্ভবেৎ .. ২৪..
[প্রাপ্তানামপি বচসাং ক্রিয়তে যদভাষণং হ্রিয়া স্ত্রীভিঃ .
ব্যাজাৎস্বভাবতো বাপ্যেতৎসমুদাহৃতং বিহৃতম্]..২৫..
শোভা কান্তিশ্চ দীপ্তিশ্চ তথা মাধুর্যমেব চ .
ধৈর্যং প্রাগল্ভ্যমৌদার্যমিত্যেতে স্যুরয়ত্নজাঃ .. ২৬..
রূপয়ৌবনলাবণ্যৈরুপভোগোপবৃংহিতৈঃ .
অলঙ্করণমঙ্গানাং শোভেতি পরিকীর্তিতা.. ২৭..
বিজ্ঞেয়া চ তথা কান্তিঃ শোভৈবাপূর্ণমন্মথা .
কান্তিরেবাতিবিস্তীর্ণা দীপ্তিরিত্যভিধীয়তে .. ২৮..
সর্বাবস্থাবিশেষেষু দীপ্তেষু ললিতেষু চ .
অনুল্বণৎবং চেষ্টায়া মাধুর্যমিতি সংজ্ঞিতম্ .. ২৯..
চাপলেনানুপহতা সর্বার্থেষ্ববিকত্থনা .
স্বাভাবিকী চিত্তবৃত্তির্ধৈর্যমিত্যভিধীয়তে .. ৩০..
প্রয়োগনিস্সাধ্বসতা প্রাগল্ভ্যং সমুদাহৃতম্ .
ঔদার্যং প্রশ্রয়ঃ প্রোক্তঃ সর্বাবস্থানুগো বুধৈঃ .. ৩১..
সুকুমারে ভবন্ত্যেতে প্রয়োগে ললিতাত্মিকে .
বিলাসললিতে হিৎবা দীপ্তেঽপ্যেতে ভবন্তি হি .. ৩২..
শোভা বিলাসো মাধুর্যং স্থৈর্যং গাম্ভীর্যমেব চ .
ললিতৌদার্যতেজাংসি সত্ত্বভেদাস্তু পৌরুষাঃ .. ৩৩..
দাক্ষ্যং শৌর্যমথোৎসাহো নীচার্থেষু জুগুপ্সনম্ .
উত্তমৈশ্চ গুণৈঃ স্পর্ধা যতঃ শোভেতি সা স্মৃতা .. ৩৪..
ধীরসংচারিণী দৃষ্টির্গতির্গোবৃষভাঞ্চিতা .
স্মিতপূর্বমথালাপো বিলাস ইতি কীর্তিতঃ .. ৩৫..
অভ্যাসৎকরণানাং তু শ্লিষ্টৎবং যত্র জায়তে .
মহৎস্বপি বিকারেষু তন্মাধুর্যমিতি স্মৃতম্ .. ৩৬..
ধর্র্মার্থকামসংযুক্তাচ্ছুভাশুভসমুত্থিতাৎ .
ব্যবসায়াদচলনং স্থৈর্যমিত্যভিসংজ্ঞিতম্ .. ৩৭..
যস্য প্রভাবাদাকারা হর্ষক্রোধভয়াদিষু .
ভাবেষু নোপলক্ষ্যন্তে তদ্গাম্ভীর্যমিতি স্মৃতম্ .. ৩৮..
অবুদ্ধিপূর্বকং যত্তু নির্বিকারস্বভাজম্ .
শৃঙ্গারাকারচেষ্টৎবং ললিতং তদুদাহৃতম্ .. ৩৯..
দানমভ্যুপপত্তিশ্চ তথা চ প্রিয়ভাষণম্ .
স্বজনে চ পরে বাপি তদৌদার্যং প্রকীর্তিতম্ .. ৪০..
অধিক্ষেপাবমানাদেঃ প্রয়ুক্তস্য পরেণ যৎ .
প্রাণত্যয়েঽপ্যসহনং তত্তেজঃ সমুদাহৃতম্ .. ৪১..
সত্ত্বজোঽভিনয়োঃ পূর্বং ময়া প্রোক্তও দ্বিজোত্তমাঃ .
শারীরং চাপ্যাভিনয়ং ব্যাখ্যাস্যাম্যনুপূর্বশঃ .. ৪২..
ষডাত্মকস্তু শারীরো বাক্যং সূচাঙ্কুরস্তথা .
শাখা নাট্যায়িতং চৈব নিবৃত্ত্যঙ্কুর এব চ .. ৪৩..
নানারসার্থয়ুক্তৈর্বৃত্তনিবন্ধৈঃ কৃতঃ সচূর্ণপদৈঃ .
প্রাকৃতসংস্কৃতপাঠো বাক্যাভিনয়ো বুধৈর্জ্ঞেয়ঃ .. ৪৪..
বাক্যর্থো বাক্যং বা সত্ত্বাঙ্গৈঃ সূচ্যতে যদা পূর্বম্ .
পশ্চাদ্বাক্যাভিনয়ঃ সূচেত্যভিসংজ্ঞিতা সা তু .. ৪৫..
হৃদয়স্থো নির্বচনৈরঙ্গাভিনয়ঃ কৃতো নিপুণসাধ্যঃ .
সূচৈবোৎপত্তিকৃতো বিজ্ঞেয়স্ত্বঙ্কুরাভিনয়ঃ .. ৪৬..
যত্তু শিরোমুখজঙ্ঘোরুপাণিপাদৈর্যথাক্রমং ক্রিয়তে .
শাখাদর্শনমার্গঃ শাখাভিনয়ঃ স বিজ্ঞেয়ঃ .. ৪৭..
নাট্যায়িতমুপচারৈর্যঃ ক্রিয়তেঽভিনয়সূচয়া নাট্যে .
কালপ্রকর্ষহেতোঃ প্রবেশকৈঃ সংগমো যাবৎ .. ৪৮..
স্থানে ধ্রুবাস্বভিনয়ো যঃ ক্রিয়তে হর্ষশোকরোষাদ্যৈঃ .
ভাবরসসংপ্রয়ুক্তৈর্জ্ঞেয়ং নাট্যায়িতং তদপি .. ৪৯..
যত্রান্যোক্তং বাক্যং সূচাভিনয়েন যোজয়েদন্যঃ .
তৎসংবন্ধার্থকথং ভবেন্নিবৃত্ত্যঙ্কুরঃ সোঽথ .. ৫০..
এতেষাং তু ভবেন্মার্গো যথাভাবরসান্বিতঃ .
কাব্যবস্তুষু নির্দিষ্টো দ্বাদশাভিনয়াত্মকঃ .. ৫১..
আলাপশ্চ প্রলাপশ্চ বিলাপঃ স্যাত্তথৈব চ .
অনুলাপোঽথ সংলাপস্ত্বপলাপস্তথৈব চ .. ৫২..
সন্দেশাশ্চাতিদেশশ্চ নির্দেশঃ স্যাত্তথাপরঃ .
উপদেশোঽপদেশশ্চ ব্যপদেশশ্চ কীর্তিতঃ .. ৫৩..
আভাষণং তু যদ্বাক্যমালাপো নাম স স্মৃতঃ .
অনর্থকং বচো যত্তু প্রলাপঃ স তু কীর্তিতঃ .. ৫৪..
করুণপ্রভবো যস্তু বিলাপঃ স তু কীর্তিতঃ .
বহুশোঽভিহিতং বাক্যমনুলাপ ইতি স্মৃতঃ .. ৫৫..
উক্তিপ্রত্যুক্তিসংযুক্তঃ সংলাপ ইতি কীর্তিতঃ .
পূর্বোক্তস্যান্যথাবাদো হ্যপলাপ ইতি স্মৃতঃ .. ৫৬..
তদিদং বচনং ব্রূহীত্যেষ সন্দেশ উচ্যতে .
যত্ত্বয়োক্তং ময়োক্তং তৎসোঽতিদেশ ইতি স্মৃতঃ .. ৫৭..
স এষোঽহং ব্রবীমীতি নির্দেশ ইতি কীর্তিতঃ .
ব্যাজান্তরেণ কথনং ব্যপদেশ ইহোচ্যতে .. ৫৮..
ইদং কুরু গৃহাণেতি হ্যুপদেশঃ প্রকীর্তিতঃ .
অন্যার্থকথনং যৎ স্যাৎ সোঽপদেশঃ প্রকীর্তিতঃ .. ৫৯..
এতে মার্গাস্তু বিজ্ঞেয়াঃ সর্বাভিনয়য়োজকাঃ .
সপ্তপ্রকারমেতেষাং পুনর্বক্ষ্যামি লক্ষণম্ .. ৬০..
প্রত্যক্ষশ্চ পরোক্ষশ্চ তথা কালকৃতাস্ত্রয়ঃ .
আত্মস্থশ্চ পরস্থশ্চ প্রকারাঃ সপ্ত এব তু .. ৬১..
এষা ব্রবীমি নাহং ভো বদামীতি চ যদ্বচঃ .
প্রত্যক্ষশ্চ পরোক্ষশ্চ বর্তমানশ্চ তদ্ভবেৎ .. ৬২..
অহং করোমি গচ্ছামি বদামি বচনং তব .
আত্মস্থো বর্তমানশ্চ প্রত্যক্ষশ্চৈব স স্মৃতঃ .. ৬৩..
করিষ্যামি গমিষ্যামি বদিষ্যামীতি যদ্বচঃ .
আত্মস্থশ্চ পরোক্ষশ্চ ভবিষ্যৎকাল এব চ .. ৬৪..
হতা জিতা চ ভগ্নাশ্চ ময়া সর্বে দ্বিষদ্গণাঃ .
আত্মস্থশ্চ পরোক্ষশ্চ বৃত্তকালশ্চ স স্মৃতঃ .. ৬৫..
[ৎবয়া হত জিতাশ্চেতি যো বদেন্নাট্যকর্মণি .
পরোক্ষশ্চ পরস্থশ্চ বৃত্তকালস্তথৈব চ .. ৬৬..
এষ ব্রবীমি কুরুতে গচ্ছতীত্যাদি যদ্বচঃ .
পরস্থো বর্তমানশ্চ (প্রত্যক্ষশ্চ)ভবেত্তথা .. ৬৭..
স গচ্ছতি করোতীতি বচনং যদুতাহৃতম্ .
পরস্থং বর্তমানং চ পরোক্ষং চৈব তদ্ভবেৎ .. ৬৮..
করিষ্যন্তি গমিষ্যন্তি বদিষ্যন্তীতি যদ্বচঃ .
পরস্থমেষ্যৎকালং চ পরোক্ষং চৈব তদ্ভবেৎ].. ৬৯..
হস্তমন্তরতঃ কৃৎবা যদ্বদেন্নাট্যকর্মণি .
আত্মস্থং হৃদয়স্থং চ পরোক্ষং চৈব তন্মতম্ .. ৭০..
পরেষামাত্মনশ্চৈব কালস্য চ বিশেষণাৎ .
সপ্তপ্রকারস্যাস্যৈব ভেদা জ্ঞেয়া অনেকধা .. ৭১..
এতে প্রয়োগা বিজ্ঞেয়া মার্গাভিনয়য়োজিতাঃ .
এতেষ্বিহ বিনিষ্পন্নো বিবিধোঽভিনয়ো ভবেৎ .. ৭২..
শিরো হস্তকটীবক্ষোজঙ্ঘোরুকরণেষু তু .
সমঃ কর্মবিভাগো যঃ সামান্যাভিনয়স্তু সঃ .. ৭৩..
ললিতৈর্হস্তসংচারস্তথা মৃদ্বঙ্গচেষ্টিতৈঃ .
অভিনেয়স্তু নাট্যজ্ঞৈ রসভাবসমন্বিতৈঃ .. ৭৪..
অনুদ্ধতমসংভ্রান্তমনাবিদ্ধাঙ্গচেষ্টিতম্ .
লয়তালকলাপাতপ্রমাণনিয়তাত্মকম্ .. ৭৫..
সুবিভক্তপদালাপমনিষ্ঠুরমকাহলম্ .
যদীদৃশং ভবেন্নাট্যং জ্ঞেয়মাভ্যন্তরং তু তৎ .. ৭৬..
এতদেব বিপর্যস্তং স্বচ্ছন্দগতিচেষ্টিতম্ .
অনিবদ্ধগীতবাদ্যং নাট্যং বাহ্যমিতি স্মৃতম্ .. ৭৭..
লক্ষণাভ্যন্তরৎবাদ্ধি তদাভ্যন্তরমিষ্যতে .
শাস্ত্রবাহ্যং ভবেদ্যত্তু তদ্বাহ্যমিতি ভণ্যতে .. ৭৮..
অনেন লক্ষ্যতে যস্মাৎ প্রয়োগঃ কর্ম চৈব হি .
তস্মাল্লক্ষণমেতদ্ধি নাট্যেঽস্মিন্ সংপ্রয়োজিতম্ .. ৭৯..
অনাচার্যোষিতা যে চ যে চ শাস্ত্রবহিষ্কৃতাঃ .
বাহ্যং প্রয়ুঞ্জতে তে তু অজ্ঞাৎবাচার্যকীং ক্রিয়াম্ .. ৮০..
শব্দং স্পর্শং চ রূপং চ রসং গন্ধং তথৈব চ .
ইন্দ্রিয়ানীইন্দ্রিয়ার্থাংশ্চ ভাবৈরভিনয়েদ্বুধঃ .. ৮১..
কৃৎবা সাচীকৃতাং দৃষ্টিং শিরঃ পার্শ্বনতং তথা .
তর্জনী কর্ণদেশে চ বুধঃ শব্দং বিনির্দিশেৎ .. ৮২..
কিঞ্চিদাকুঞ্চিতে নেত্রে কৃৎবা ভ্রূক্ষেপমেব চ .
তথাংঽসগণ্ডয়োঃ স্পর্শাৎ স্পর্শমেবং বিনির্দিশেৎ .. ৮৩..
কৃৎবা পতাকৌ মূর্ধস্থৌ কিংচিৎপ্রচলিতাননঃ .
নির্বর্ণয়ন্ত্যা দৃষ্ট্যা চ রূপং ৎবভিনয়েদ্ বুধঃ .. ৮৪..
কিঞ্চিদাকুঞ্চিতে নেত্রে কৃৎবোৎফুল্লাং চ নাসিকাম্ .
একোচ্ছ্বাসেন চেষ্টৌ তু রসগন্ধৌ বিনির্দিশেৎ .. ৮৫..
পঞ্চানামিন্দ্রিয়ার্থানাং ভাবা হ্যেতেঽনুভাবিনঃ .
শ্রোত্রৎবঙ্নেত্রজিহ্বানাং ঘ্রাণস্য চ তথৈব হি .. ৮৬..
ইন্দ্রিয়ার্থাঃ সমনসো ভবন্তি হ্যনুভাবিনঃ .
ন বেত্তি হ্যমনাঃ কিংচিদ্বিষয়ং পঞ্চধাগতম্ .. ৮৭..
মনসস্ত্রিবিধো ভাবো বিজ্ঞেয়োঽভিনয়ে বুধৈঃ .
ইষ্টস্তথা হ্যনিষ্টশ্চ মধ্যস্থশ্চ তথৈব হি .. ৮৮..
প্রহ্লাদনেন গাত্রস্য তথা পুলকিতেন চ .
বদনস্য বিকাসেন কুর্যাদিষ্টনিদর্শনম্ .. ৮৯..
ইষ্টে শব্দে তথা রূপে স্পর্শে গন্ধে তথা রসে .
ইন্দ্রিয়ৈর্মনসা প্রাপ্তৈঃ সৌমুখ্যং সংপ্রদর্শয়েৎ .. ৯০..
পরাবৃত্তেন শিরসা নেত্রনাসাবিকর্ষণৈঃ .
চক্ষুষশ্চাপ্রদানেন হ্যনিষ্টমভিনির্দিশেৎ .. ৯১..
নাতিহৃষ্টেন মনসা ন চাত্যর্থজুগুপ্সয়া .
মধ্যস্থনৈব ভাবেন মধ্যস্থমভিনির্দিশেৎ .. ৯২..
তেনেদং তস্য বাপীদং স এবং প্রকরোতি বা .
পরোক্ষাভিনয়ো যস্তু মধ্যস্থ ইতি স স্মৃতঃ .. ৯৩..
আত্মানুভাবী যোঽর্থঃ স্যাদাত্মস্থ ইতি স স্মৃতঃ .
পরার্থবর্ণনা যত্র পরস্থঃ স তু সংজ্ঞিতঃ .. ৯৪..
প্রায়েণ সর্বভাবানাং কামান্নিষ্পত্তিরিষ্যতে .
স চেচ্ছাগুণসম্পন্নো বহুধা পরিকল্পিতঃ .. ৯৫..
ধর্মকামোঽর্থকামশ্চ মোক্ষকামস্তথৈব চ .
স্ত্রীপুংসয়োস্তু যোগো যঃ স তু কাম ইতি স্মৃতঃ .. ৯৬..
সর্বস্যৈব হি লোকস্য সুখদুঃখনিবর্হণঃ .
ভূয়িষ্ঠং দৃষ্যতে কামঃ স সুখং ব্যসনেষ্বপি .. ৯৭..
যঃ স্ত্রীপুরুষসংযোগো রতিসংভোগকারকঃ .
স শৃঙ্গার ইতি জ্ঞেয় উপচারকৃতঃ শুভঃ .. ৯৮..
ভূয়িষ্ঠমেব লোকোঽযং সুখমিচ্ছতি সর্বদা .
সুখস্য হি স্ত্রিয়ো মূলং নানা শীলাশ্চা তাঃ পুনঃ .. ৯৯..
দেবদানবগন্ধর্বরক্ষোনাগপতত্রিণাম্ .
পিশাচয়ক্ষব্যালানাং নরবানরহস্তিনাম্ .. ১০০..
মৃগমীনোষ্ট্রমকরখরসূকরবাজিনাম্ .
মহীষাজগবাদীনাং তুল্যশীলাঃ স্ত্রিয়ঃ স্মৃতাঃ .. ১০১..
স্নিগ্ধৈরঙ্গৈরুপাঙ্গৈশ্চ স্থিরা মন্দনিমেষিণি .
অরোগা দীপ্ত্যুপেতা চ দানসত্ত্বার্জবান্বিতা .. ১০২..
অল্পস্বেদা সমরতা স্বল্পভুক্ সুরতপ্রিয়া .
গন্ধপুষ্পরতা হৃদ্যা দেবশীলাঙ্গনা স্মৃতা .. ১০৩..
অধর্মশাঠ্যাভিরতা স্থিরক্রোধাতিনিষ্ঠুরা .
মদ্যমাংসপ্রিঅয়া নিত্যং কোপনা চাতিমানিনী .. ১০৪..
চপলা চাতিলুব্ধা চ পরুষা কলহপ্রিয়া .
ঈর্ষ্যাশীলা চলস্নেহা চাসুরং শীলমাশ্রিতা , , ১০৫..
ক্রীডাপরা চারুনেত্রা নখদন্তৈঃ সুপুষ্পিতৈঃ .
স্বঁঙ্গী চ স্থিরভাষী চ মন্দাপত্যা রতিপ্রিয়া .. ১০৬..
গীতে বাদ্যে চ নৃত্তে চ রতা হৃষ্টা মৃজাবতী .
গন্ধর্বসত্ত্বা বিজ্ঞেয়া স্নিগ্ধৎবক্কেশলোচনা .. ১০৭..
বৃহদ্ব্যায়তসর্বাঙ্গী রক্তবিস্তীর্ণলোচনা .
খররোমা দিবাস্বপ্ননিরতাত্যুচ্চভাষিণী .. ১০৮..
নখদন্তক্ষতকরী ক্রোধের্ষ্যাকলহপ্রিয়া .
নিশাবিহারশীলা চ রাক্ষসং শীলমাশ্রিতা .. ১০৯..
তীক্ষ্ণনাসাগ্রদশনা সুতনুস্তাম্রলোচনা .
নীলোৎপলসবর্ণা চ স্বপ্নশীলাঽতিকোপনা .. ১১০..
তির্যগ্গতিশ্চলারম্ভা বহুশ্বাসাতিমানিনী .
গন্ধমাল্যাসবরতানাগসত্ত্বাঽঙ্গনা স্মৃতা .. ১১১..
অত্যন্তব্যাবৃতাস্যা চ তীক্ষ্ণশীলা সরিৎপ্রিয়া .
সুরাসবক্ষীররতা বহ্বপত্যা ফলপ্রিয়া .. ১১২..
নিত্যং শ্বসনশীলাচ তথোদ্যানবনপ্রিয়া .
চপলা বহুবাক্ছীঘ্রা শাকুনং সত্ত্বমাশ্রিতা .. ১১৩..
ঊনাধিকাঙ্গুলিকরা রাত্রৌ নিষ্কুটচারিণি .
বালোদ্বেজনশীলা চ পিশুনা ক্লিষ্টভাষিণি ..১১৪..
সুরতে কুৎসিতাচারা রোমশাঙ্গী মহাস্বনা .
পিশাচসত্ত্বা বিজ্ঞেয়া মদ্যমাংসবলিপ্রিয়া .. ১১৫..
স্বপ্নপ্রস্বেদনাঙ্গী চ স্থিরশয়্যাসনপ্রিয়া .
মেধাবিনী বুদ্ধিমতী মদ্যগন্ধামিষপ্রিয়া , , ১১৬, ,
চিরদৃষ্টেষু হর্ষং চ কৃতজ্ঞৎবাদুপৈতি সা .
অদীর্ঘশায়িনী চৈব যক্ষশীলাঽঙ্গনা স্মৃতা .. ১১৭..
তুল্যমানাবমানা যা পরুষৎবক্ খরস্বরা .
শঠানৃতোদ্ধতকথা ব্যালসত্ত্বা চ পিঙ্গদৃক্ ..১১৮..
বিভক্তাঙ্গী কৃতজ্ঞা চ গুরুদেবদ্বিজপ্রিয়া .
ধর্মকামার্থনিরতা হ্যহঙ্কাআঅরবিবর্জিতা .
সুহৃৎপ্রিয়া সুশীলা চ মানুষং সত্ত্বমাশ্রিতা .. ১২০..
সংহতাল্পতনুর্হৃষ্টা পিঙ্গরোমা ছলপ্রিয়া .
প্রগল্ভা চপলা তীক্ষ্ণা বৃক্ষারামবনপ্রিয়া .. ১২১..
স্বল্পমপ্যুপকারং তু নিত্যং যা বহুমন্যতে .
প্রসহ্যরতিশীলা চ বানরং সত্ত্বমাশ্রিতা .. ১২২..
মহাহনুললাটা চ শরীরোপচয়ান্বিতা .
পিঙ্গাক্ষী রোমশাঙ্গী চ গন্ধমাল্যাসবপ্রিয়া .. ১২৩..
কোপনা স্থিরচিত্তা চ জলোদ্যানবনপ্রিয়া .
মধুরাভিরতা চৈব হস্তিসত্ত্বা প্রকীর্তিতা .. ১২৪..
স্বল্পোদরী ভগ্ননাসা তনুজঙ্ঘা বনপ্রিয়া .
চলবীস্তীর্ণনয়না চপলা শীঘ্রগামিনী .. ১২৫..
দিবাত্রাসপরা নিত্যং গীতবাদ্যরতিপ্রিয়া .
নিবাসস্থিরচিত্তা চ মৃগসত্ত্বা প্রকীর্তিতা .. ১২৬..
দীর্ঘপীনোন্নতোরস্কা চলা নাতিনিমেষিণী .
বহুভৃত্যা বহুসুতা মৎস্যসত্ত্বা জলপ্রিয়া .. ১২৭..
লম্বোষ্ঠী স্বেদবহুলা কিঞ্চিদ্বিকটগামিনী .
কৃশোদরী পুষ্পফললবণাম্লকটুপ্রিয়া .. ১২৮..
উদ্বন্ধকটিপার্শ্বা চ খরনিষ্ঠুরভাষিণী .
অত্যুন্নতকটীগ্রীবা উষ্ট্রসত্ত্বাঽটবীপ্রিয়া .. ১২৯..
স্থূলশীর্ষাঞ্চিতগ্রীবা দারিতাস্যা মহস্বনা .
জ্ঞেয়া মকরসত্ত্বা চ ক্রূরা মৎস্যগুণৈর্যুতা .. ১৩০..
স্থূলজিহ্বোষ্ঠদশনা রূক্ষৎবক্কটুভাষিণী .
রতিয়ুদ্ধকরী ধৃষ্টা নখদন্তক্ষতপ্রিয়া .. ১৩১..
সপত্নীদ্বেষিণী দক্ষা চপলা শীঘ্রগামিনী .
সরোগা বহ্বপত্যা চ খরসত্ত্বা প্রকীর্তিতা .. ১৩২..
দীর্ঘপৃষ্ঠোদরমুখী রোমশালী বলান্বিতা .
সুসংক্ষিপ্তললাটা চ কন্দমূলফলপ্রিয়া .. ১৩৩..
কৃষ্ণা দংষ্টোৎকটমুখী হ্রস্বোদরশিরোরুহা .
হীনাচারা বহ্বপত্যা সৌকরং সত্ত্বমাশ্রিতা .. ১৩৪..
স্থিরা বিভক্তপার্শ্বোরুকটীপৃষ্ঠশিরোধরা .
সুভগা দানশীলা চ ঋজুস্থূলশিরোরুহা .. ১৩৫..
কৃশা চঞ্চলচিত্তা চ স্নিগ্ধবাক্ছীঘ্রগামিনী .
কামক্রোধপরা চৈব হয়সত্ত্বাঙ্গনা স্মৃতা .. ১৩৬.
স্থূলপৃষ্ঠাক্ষিদশনা তনুপার্শ্বোদরা স্থিরা .
হরিরোমাঞ্চিতা রৌদ্রী লোকদ্বিষ্টা রতিপ্রিয়া .. ১৩৭…
কিঞ্চিদুন্নতবক্ত্রা চ জলক্রীডাবনপ্রিয়া .
বৃহল্ললাটা সুশ্রোণী মাহিষং সত্ত্বমাশ্রিতা .. ১৩৮..
কৃশা তনুভুজোরস্কা নিষ্টব্ধস্থিরলোচনা .
সংক্ষিপ্তপাণিপাদা চ সূক্ষ্মরোমসমাচিতা .. ১৩৯..
ভয়শীলা জলোদ্বিগ্না বহ্বপত্যা বনপ্রিয়া .
চঞ্চলা শীঘ্রগমনা হ্যজসত্ত্বাঁঙ্গনা স্মৃতা .. ১৪০..
উদ্বন্ধগাত্রনয়না বিজৃম্ভণপরায়ণা .
দীর্ঘাল্পবদনা স্বল্পপাণিপাদবিভূষিতা .. ১৪১..
উচ্চঃস্বনা স্বল্পনিদ্রা ক্রোধনা সুকৃতপ্রিয়া .
হীনাচারা কৃতজ্ঞা চ শ্বশীলা পরিকীর্তিতা .. ১৪২..
পৃথুপীনোওন্নতশ্রোণী তনুজঙ্ঘাঅ সুহৃৎপ্রিয়া .
সংক্ষিপ্তপাণিপাদা চ দৃঢারম্ভা প্রজাহিতা .. ১৪৩..
পিতৃদেবার্চনরতা সত্যশৌচগুরুপ্রিয়া .
স্থিরা পরিক্লেশসহা গবাং সত্ত্বং সমাশ্রিতা .. ১৪৪..
নানাশীলাঃ স্ত্রিয়ো জ্ঞেয়াঃ স্বং স্বং সত্ত্বং সমাশ্রিতাঃ .
বিজ্ঞায় চ যথাসত্ত্বমুপসেবেত তাঃ পুনঃ .. ১৪৫..
উপচারো যথাসত্ত্বং স্ত্রীণামল্পোঽপি হর্ষদঃ .
মহানপ্যন্যথায়ুক্তো নৈব তুষ্টিকরো ভবেৎ .. ১৪৬..
যথা সংপ্রর্থিতাবাপ্ত্যা রতিঃ সমুপজায়তে .
স্ত্রীপুংসয়োশ্চ রত্যর্থমুপচারো বিধীয়তে .. ১৪৭..
ধর্মার্থং হি তপশ্চর্যা সুখার্থং ধর্ম ইষ্যতে .
সুখস্য মূলং প্রমদাস্তাসু সম্ভোগ ইষ্যতে .. ১৪৮..
কামোপভাগো দ্বিবিধো নাট্যধর্মেঽভিধীয়তে .
বাহ্যাভ্যন্তরতশ্চৈব নারীপুরুষসংশ্রয়ঃ .. ১৪৯..
আভ্যন্তরঃ পার্থিবানাং স চ কার্যস্তু নাটকে .
বাহ্যো বেশ্যাগতশ্চৈব স চ প্রকরণে ভবেৎ .. ১৫০..
তত্র রাজোপভোগং তু ব্যাখ্যাস্যাম্যনুপূর্বশঃ .
উপচারবিধিং সম্যক্ কামতন্ত্রসমুত্থিতম্ .. ১৫১..
ত্রিবিধা প্রকৃতিঃ স্ত্রীণাং নানাসত্ত্বসমুদ্ভবা .
বাহ্যা চাভ্যন্তরা চৈব স্যাদ্বাহ্যাভ্যন্তরাপরা .. ১৫২..
কুলীনাভ্যন্তরা জ্ঞেয়া বাহ্যা বেশ্যাঙ্গনা স্মৃতা .
কৃতশৌচা তু যা নারী সা বাহ্যাভ্যন্তরা স্মৃতা .. ১৫৩..
অন্তঃপুরোপচারে তু কুলজা কন্যকাপি বা .
ন হি রাজোপচারে তু বাহ্যস্ত্রীভোগ ইষ্যতে .. ১৫৪..
আভ্যন্তরো ভবেদ্রাজ্ঞো বাহ্যো বাহ্যজনস্য চ .
দিব্যবেশাঙ্গনানাং হি রাজ্ঞাং ভবতি সঙ্গমঃ .. ১৫৫..
কুলজাকামিতং যচ্চ তজ্জ্ঞেয়ং কন্যকাস্বপি .
যা চাপি বেশ্যা সাপ্যত্র যথৈব কুলজা তথা .. ১৫৬..
ইহ কামসমুৎপতীর্নানাভাবসমুদ্ভবা .
স্ত্রীণাং বা পুরুষাণাং বা উত্তমাধমমধ্যমা .. ১৫৭..
শ্রবণাদ্দর্শনাদ্রূপাদঙ্গলীলাবিচেষ্টিতৈঃ .
মধুরৈশ্চ সমালাপৈঃ কামঃ সমুপজায়তে .. ১৫৮..
রূপগুণাদিসমেতং কলাদিবিজ্ঞানয়ৌবনোপেতম্ .
দৃষ্ট্বা পুরুষবিশেষং নারী মদনাতুরা ভবতি .. ১৫৯..
ততঃ কাময়মানানাং নৃণাং স্ত্রীণামথাপি চ .
কামাভাবেঙ্গিতানীহ তজ্জ্ঞঃ সমুপলক্ষয়েৎ .. ১৬০..
ললিতা চলপক্ষ্মা চ তথা চ মুকুলেক্ষণা .
স্রস্তোত্তরপুটা চৈব কাম্যা দৃষ্টির্ভবেদিহ .. ১৬১..
[বলিতান্তা সলালিত্যসংমিতৈর্ব্যঞ্জিতৈরস্তথা .
দৃষ্টিঃ সা ললিতা নাম স্ত্রীণামর্ধাবলোকনে ..]১৬১..
ঈষ্ত্সংরক্তগণ্ডস্তু সস্বেদলবচিত্রিতঃ .
প্রস্পন্দমানরোমাঞ্চো মুখরাগো ভবেদিহ .. ১৬৩..
কাম্যেনাঙ্গবিকারেণ সকটাক্ষনিরীক্ষিতৈঃ .
তথাভরণসংস্পর্শৈঃ কর্ণকণ্ডুয়নৈরপি .. ১৬৪..
অঙ্গুষ্ঠাগ্রবিলিখনৈঃ স্তননাভিপ্রদর্শনৈঃ .
নখনিস্তোদনাচ্চৈব কেশসংযমনাদপি .. ১৬৫..
বেশ্যামেবংবিধৈর্ভাবৈর্লক্ষয়েন্মদনাতুরাম্ .
কুলজায়াস্তথা চৈব প্রবক্ষ্যামীঙ্গিতানি তু .. ১৬৬..
প্রহসন্তীব নেত্রাভ্যাং প্রততং চ নিরীক্ষতে .
স্ময়তে সা নিগূঢং চ বাচং চাধোমুখী বদেৎ .. ১৬৭..
স্মিতোত্তরা মন্দবাক্যা স্বেদাকারনিগূহনী .
প্রস্পন্দিতাধরা চৈব চকিতা চ কুলাঙ্গনা .. ১৬৮..
এবংবিধৈঃ কামলিঙ্গৈরপ্রাপ্তসুরতোৎসবা .
দশস্থানগতং কামং নানাভাবৈঃ প্রদর্শয়েৎ .. ১৬৯..
প্রথমে ৎবভিলাষঃ স্যাদ্ দ্বিতীয়ে চিন্তনং ভবেৎ .
অনুস্মৃতিস্তৃতীয়ে তু চতুর্থে গুণকীর্তনম্ .. ১৭০..
উদ্বেগঃ পঞ্চমে প্রোক্তো বিলাপঃ ষষ্ঠ উচ্যতে .
উন্মাদঃ সপ্তমে জ্ঞেয়ো ভবেদ্ব্যাধিস্তথাষ্টমে .. ১৭১..
নবমে জডতা চৈব দশমে মরণং ভবেৎ .
স্ত্রীপুংসয়োরেষ বিধির্লক্ষণং চ নিবোধত .. ১৭২..
ব্যবসায়াৎসমারব্ধঃ সংকল্পেচ্ছাসমুদ্ভবঃ .
সমাগমোপায়কৃতঃ সোঽভিলাষঃ প্রকীর্তিতঃ .. ১৭৩..
নির্যাতি বিশতি চ মুহুঃ করোতি চাকারমেব মদনস্য .
তিষ্ঠতি চ দর্শনপথে প্রথমস্থানে স্থিতা কামে .. ১৭৪..
কেনোপায়েন সংপ্রাপ্তিঃ কথং বাসৌ ভবেন্মম .
দূতীনিবেদিতৈর্ভাবৈরিতি চিন্তাং নিদর্শয়েৎ .. ১৭৫..
আকেকরার্ধবিপ্রেক্ষিতানি বলয়রশনাপরামর্শঃ .
নীবীনাঅভ্যাঃ সংস্পর্শনং চ কার্যং দ্বিতীয়ে তু .. ১৭৬..
সুমুহুর্মুহুর্নিঃশ্বসিতৈর্মনোরথবিচিন্তনৈঃ .
প্রদ্বেষাচ্চান্যকার্যাণামনুস্মৃতিরুদাহৃতা .. ১৭৭..
নৈবাসনে ন শয়নে ধৃতিমুপলভতে স্বকর্মণি বিহস্তা .
তচ্চিন্তোপগতৎবাৎ তৃতীয়মেব প্রয়ুঞ্জীত .. ১৭৮..
অঙ্গপ্রত্যঙ্গলীলাভির্বাক্চেষ্টাহসিতেক্ষিতৈঃ .
নাস্ত্যন্যঃ সদৃশস্তেনেত্যেতৎ স্যাদ্ গুণকীর্তনম্ .. ১৭৯..
গুণকীর্তনোল্লুকসনৈরশ্রুস্বেদাপমার্জনৈশ্চাপি .
দূত্যবিরহবিস্রম্ভৈরভিনয়য়োগশ্চতুর্থে তু .. ১৮০..
আসনে শয়নে চাপি ন তুষ্যতি ন তিষ্ঠতি .
নিত্যমেবোৎসুকা চ স্যাদুদ্বেগস্থানমাশ্রিতা .. ১৮১..
চিন্তানিঃশ্বাসখেদেন হৃদ্দাহাভিনয়েন চ .
কুর্যাত্তদেবমত্যন্তমুদ্বেগাভিনয়েন চ .. ১৮২..
ইহ স্থিত ইহাসীন ইহ চোপগতো ময়া .
ইতি তৈস্তৈর্বিলপিতৈর্বিলাপং সংপ্রয়োজয়েৎ .. ১৮৩..
উদ্বিগ্নাত্যর্থমৌৎসুক্যাদধৃত্যা চ বিলাপিনী .
ততস্ততশ্চ ভ্রমতি বিলাপস্থানমাশ্রিতা .. ১৮৪..
তৎসংশ্রিতাং কথাং যুঙ্ক্তে সর্বাবস্থাগতাপি হি .
পুংসঃ প্রদ্বেষ্টি চাপ্যন্যানুন্মাদঃ সংপ্রকীর্তিতঃ .. ১৮৫..
তিষ্ঠত্যনিমিষদৃষ্টির্দীর্ঘং নিঃশ্বসিতি গচ্ছতি ধ্যানম্ .
রোদিতি বিহারকালে নাট্যমিদং স্যাত্তথোন্মাদে .. ১৮৬..
সামদানার্থসংভোগৈঃ কাম্যৈঃ সংপ্রেষণৈরপি .
সর্বৈর্নিরাকৃতৈঃ পশ্চাদ্ ব্যাধিঃ সমুপজায়তে .. ১৮৭..
মুহ্যতি হৃদয়ং ক্বাপি প্রয়াতি শিরসশ্চ বেদনা তীব্রা .
ন ধৃতিং চাপ্যুপলভতে হ্যষ্টমমেবং প্রয়ুঞ্জীত .. ১৮৮..
পৃষ্টা ন কিঞ্চিৎ প্রব্রতে ন শৃণোতি ন পশ্যতি .
হাকষ্টবাক্যা তূষ্ণীকা জডতায়াং গতস্মৃতিঃ .. ১৮৯..
অকাণ্ডে দত্তহুংকারা তথা প্রশিথিলাঙ্গিকা .
শ্বাসগ্রস্তাননা চৈব জডতাভিনয়ে ভবেৎ .. ১৯০..
সর্বৈঃ কৃতৈঃ প্রতীকারৈর্যদী নাস্তি সমাগমঃ .
কামাগ্নিনা প্রদীপ্তায়া জায়তে মরণং ততঃ .. ১৯১..
এবং স্থানানি কার্যাণি কামতন্ত্রং সমীক্ষ্য তু .
অপ্রাপ্তৌ যানি কামস্য বর্জয়িৎবা তু নৈধনম্ .. ১৯২..
বিবিধৈঃ পুরুষোঽপ্যেবং বিপ্রলম্ভসমুদ্ভবৈঃ .
ভাবৈরেতানি কামস্য নানারূপাণি যোজয়েৎ. .. ১৯৩..
এবং কাময়মানানাং স্ত্রীণা নৃণামথাপি বা .
সামান্যগুণয়োগেন যুঞ্জীতাভিনয়ং বুধঃ .. ১৯৪..
চিন্তানিঃশ্বাসখেদেন হৃদ্দাহাভিনয়েন চ .
তথানুগমন্নাচ্চাপি তথৈবাধ্বনিরীক্ষণাৎ .. ১৯৫..
আকাশবীক্ষণাচ্চাপি তথা দীনপ্রভাষণাৎ .
স্পর্শনান্মোটনাচ্চাপি তথা সাপাশ্রয়াশ্রয়াৎ .. ১৯৬..
এভির্নানাশ্রয়োৎপন্নৈর্বিপ্রলম্ভসমুদ্ভবৈঃ .
কামস্থানানি সর্বাণি ভূয়িষ্ঠং সম্প্রয়োজয়েৎ .. ১৯৭..
স্রজো ভূষণগন্ধাংশ্চ গৃহাণ্যুপবনানি চ .
কামাগ্নিনা দহ্যমানঃ শীতলানি নিষেবতে .. ১৯৮..
প্রদহ্যমানঃ কামার্তো বহুস্থানসমর্দিতঃ .
প্রেষয়েৎকামতো দূতীমাত্মাবস্থাপ্রদর্শিনীম্ ..১৯৯..
সন্দেশং চৈব দূত্যাস্তু প্রদদ্যান্মদনাশ্রয়ম্ .
তস্যেয়ং সমবস্থেতি কথয়েদ্বিনয়েন সা .. ২০০..
অথাবেদিতভাবার্থো রত্যুপায়ং বিচিন্তয়েৎ .
অয়ং বিধির্বিধানজ্ঞৈঃ কার্যঃ প্রচ্ছন্নকামিতে .. ২০১..
বিধিং রাজোপচারস্য পুনর্বক্ষ্যামি তত্ত্বতঃ .
অভ্যন্তরগতং সম্যক্ কামতন্ত্রসমুত্থিতম্ .. ২০২..
সুখদুঃখকৃতান্ ভাবান্ নানাশীলসমুত্থিতান্ .
যান্যান্ প্রকুরুতে রাজা তান্স্তান্ লোকানুবর্ততে .. ২০৩..
ন দুর্লভাঃ পার্থিবানাং স্ত্র্যর্থমাজ্ঞাকৃতাঃ গুণাঃ .
দাক্ষিণ্যাত্তু সমুদ্ভূতঃ কামো রতিকরো ভবেৎ .. ২০৪..
বহুমানেন দেবীনাং বল্লভানাং ভয়েন চ .
প্রচ্ছন্নকামিতং রাজ্ঞা কার্যং পরিজনং প্রতি .. ২০৫..
যদ্যপ্যস্তি নরেন্দ্রাণাং কামতন্ত্রমনেকধা .
প্রচ্ছন্নাকামিতং যত্তু তদ্বৈ রতিকরং ভবেৎ .. ২০৬..
যদ্বামাভিনিবেশিৎবং যতশ্চ বিনিবার্যতে .
দুর্লভৎবং চ যন্নার্যাঃ সা কামস্য পরা রতিঃ .. ২০৭..
রাজ্ঞামন্তঃপুরজনে দিবাসম্ভোগ ইষ্যতে .
বাসোঅপচারো যশ্চৈঅষাং স রাত্রৌ পরিকীর্তিতঃ .. ২০৮..
পরিপাট্যাং ফলার্থে বা নবে প্রসব এব বা .
দুঃখে চৈব প্রমোদে চ ষডেতে বাসকাঃ স্মৃতাঃ .. ২০৯..
উচিতে বাসকে স্ত্রীনামৃতুকালেঽপি বা নৃপৈঃ .
প্রেষ্যাণামথবেষ্টানাং কার্যং চৈবোপসর্পণম্ .২১০..
তত্র বাসকসজ্জা চ বিরহোৎকণ্ঠিতাপি বা .
স্বাধীনভর্তৃকা চাপি কলহান্তরিতাপি বা .. ২১১..
খণ্ডিতা বিপ্রলব্ধা বা তথা প্রোষিতভর্তৃকা .
তথাভিসারিকা চৈব জ্ঞেয়াস্ত্বষ্টৌ তু নয়িকাঃ .. ২১২..
উচিতে বাসকএ যা তু রতিসংভোগলালসা .
মণ্ডনং কুরুতে হৃষ্টা সা বৈ বাসকসজ্জিকা .. ২১৩..
অনেককার্যব্যাসঙ্গাদ্যস্যা নাগচ্ছতি প্রিয়ঃ .
তদনাগতদুঃখার্তা বিরহোৎকণ্ঠিতা তু সা .. ২১৪..
সুরতাতিরসৈর্বদ্ধো যস্যাঃ পার্শ্বে তু নায়কঃ .
সান্দ্রামোদগুণপ্রাপ্তা ভবেৎ স্বাধীনভর্তৃকা .. ২১৫..
ঈর্ষ্যাকলহনিষ্ক্রান্তো যস্যা নাগচ্ছতি প্রিয়ঃ .
সামর্ষবশসংপ্রাপ্তা কলহান্তরিতা ভবেৎ .. ২১৬..
ব্যাসঙ্গাদুচিতে যস্যা বাসকে নাগতঃ প্রিয়ঃ .
তদনাগমদুঃখার্তা খণ্ডিতা সা প্রকীর্তিতা .. ২১৭..
যস্যা দূতীং প্রিয়ঃ প্রেষ্য দত্ত্বা সংকেতমেব বা .
নাগতঃ কারণেনেহ বিপ্রলব্ধা তু সা ভবেৎ .. ২১৮..
নানাকার্যাণি সন্ধায় যস্যা বৈ প্রোষিতঃ প্রিয়ঃ .
সারূঢালককেশান্তা ভবেৎ প্রোষিতভর্তৃকা .. ২১৯..
হিৎবা লজ্জাং তু যা শ্লিষ্টা মদেন মদনেন চ .
অভিসারয়তে কান্তং সা ভবেদভিসারিকা .. ২২০..
আস্ববস্থাসু বিজ্ঞেয়া নায়িকা নাটকাশ্রয়া .
এতাসাং চৈব বক্ষ্যামি কামতন্ত্রমনেকধা .. ২২১..
চিন্তানিঃশ্বাসখেদেন হৃদ্দাহাভিনয়েন চ .
সখীভিঃ সহ সংলাপৈরাত্মাবস্থাবলোকনৈঃ .. ২২২..
গ্লানিদৈন্যাশ্রুপাতৈশ্চ রোষস্যাগমনেন চ .
নির্ভূষণমৃজাৎবেন দুঃখেন রুদিতেন চ .. ২২৩..
খণ্ডিতা বিপ্রলব্ধা বা কলহান্তরিতাপি বা .
তথা প্রোষিতকান্তা চ ভাবানেতান্ প্রয়োজয়েৎ .. ২২৪..
বিচিত্রোজ্জ্বলবেষা তু প্রমোদোদ্যোতিতাঅননা .
উদীর্ণশোভা চ তথা কার্যা স্বাধীনভর্তৃকা .. ২২৫..
বেশ্যায়াঃ কুলজায়ায়াশ্চ প্রেষ্যায়াশ্চ প্রয়োক্তৃভিঃ .
এভির্ভাববিশেষৈস্তু কর্তব্যমভিসারণম্ .. ২২৬..
সমদা মৃদুচেষ্টা চ তথা পরিজনাবৃতা .
নানাভরণচিত্রাঙ্গী গচ্ছেদ্বেশ্যাঙ্গনা শনৈঃ .. ২২৭..
সংলীনা স্বেষু গাত্রেষু ত্রস্তা বিনমিতাননা .
অবকুণ্ঠনসংবিতা হচ্ছেত্তু কুলজাঙ্গনা .. ২২৮..
মদস্খলিতসংলাপা বিভ্রমোৎফুল্ললোচনা .
আবিদ্ধগতিসংচারা গচ্ছেৎপ্রেষ্যা সমুদ্ধতম্ .. ২২৯..
গৎবা সা চেদ্যদা তত্র পশ্যেৎসুপ্তং প্রিয়ং তদা .
অনেন তূপচারেণ তস্য কুর্যাৎপ্রবোধনম্ .. ২৩০..
অলঙ্কারেণ কুলজা বেশ্যা গন্ধৈস্তু শীতলৈঃ .
প্রেষ্যা তু বস্ত্রব্যজনৈঃ কুর্বীত প্রতিবোধনম্ .. ২৩১..
কুলাঙ্গনানামেবায়ং নোক্তঃ কামাশ্রয়ো বিধিঃ .
সর্বাবস্থানুভাব্যং হি যস্মাদ্ভবতি নাটকম্ .. ২৩২..
নবকামপ্রবৃত্তায়া ক্রুদ্ধায়া বা সমাগমে .
সাপদেশৈরুপায়ৈস্তু বাসকং সংপ্রয়োজয়েৎ .. ২৩৩..
নানালঙ্করবস্ত্রাণি গন্ধমাল্যানি চৈব হি .
প্রিয়য়োজিতভুক্তানি নিষেবেত মুদান্বিতঃ .. ২৩৪..
ন তথা ভবতি মনুষ্যো মদনবশঃ কামিনীমলভমানঃ .
দ্বিগুণোপজাতহর্ষো ভবতি যথ সঙ্গতঃ প্রিয়য়া .. ২৩৫..
বিলাসভাবেঙ্গিতবাক্যলীলামাধুর্যবিস্তারগুণোপপন্নঃ .
পরস্পরপ্রেমনিরীক্ষিতেন সমাগমঃ কামকৃতস্তু কার্যঃ .. ২৩৬..
ততঃ প্রবৃত্তে মদনে উপচারসমুদ্ভবে .
বাসোপচারঃ কর্তব্যো নায়কাগমনং প্রতি .. ২৩৭..
গন্ধমাল্যে গৃহীৎবা তু চূর্ণবাসস্তথৈব চ .
আদর্শো লীলয়া গৃহ্যশ্ছন্দতো বা পুনঃ পুনঃ .. ২৩৮..
বাসোপচারে নাত্যর্থং ভূষণগ্রহণং ভবেৎ .
রশনানূপুরপ্রায়ং স্বনবচ্চ প্রশস্যতে .. ২৩৯..
নাম্বরগ্রহণং রঙ্গে ন স্নানং ন বিলেপনম্ .
নাঞ্জনং নাঙ্গরাগশ্চ কেশসংযমনং তথা .. ১৪০..
নাপ্রাবৃত্তা নৈকবস্ত্রা ন রাগমধরস্য তু .
উত্তমা মধ্যমা বাপি কুর্বীত প্রমদা ক্বচিৎ .. ২৪১..
অধমানাং ভবেদেষ সর্ব এব বিধিঃ সদা .
কারণান্তরমাসাদ্য তস্মাদপি ন কারয়েৎ .. ২৪২..
প্রেষ্যাদীনাং চ নারীণাং নরাণাং বাপি নাটকে .
ভূষণগ্রহণং কার্যং পুষ্পগ্রহণমেব চ .. ২৪৩..
গৃহীতমণ্ডনা চাপি প্রতীক্ষেত প্রিয়াগমম্ .
লীলয়া মণ্ডিতং বেষং কুর্যাদ্যন্ন বিরুধ্যতে .. ২৪৪..
বিধিবদ্বাসকং কুর্যান্নায়িকা নায়কাগমে .
প্রতীক্ষমাণা চ ততো নালিকাশব্দমাদিশেৎ .. ২৪৫..
শ্রুৎবা তু নালিকাশব্দং নায়কাগমবিক্লবা .
বিষণ্ণা বেপমানা চ গচ্ছেত্তোরণমেব চ .. ২৪৬..
তোরণং বামহস্তেন কবাটং দক্ষিণেন চ .
গৃহীৎবা তোরণাশ্লিষ্টা সংপ্রতীক্ষেত নায়কম্ .. ২৪৭..
শঙ্কাং চিন্তাং ভয়ং চৈব প্রকুর্যাত্তোরণাশ্রিতা .
অদৃষ্ট্বা রমণং নারী বিষণ্ণা চ ক্ষণং ভবেৎ .. ২৪৮..
দীর্ঘং চৈব বিনিঃশ্বস্য নয়নাম্বু নিপাতয়েৎ .
সন্নং চ হৃদয়ং কৃৎবা বিসৃজেতদঙ্গমাসনে .. ২৪৯..
ব্যাক্ষেপাদ্বিমৃশেচ্চাপি নায়কাগমনং প্রতি .
তৈস্তৈর্বিচারণোপায়ৈঃ শুভাশুভসমুত্থিতৈঃ .. ২৫০..
গুরুকার্যেণ মিত্রৈর্বা মন্ত্রিণা রাজ্যচিন্তয়া .
অনুবদ্ধঃ প্রিয়ং কিং নু বৃতো বল্লভয়াপি বা .. ২৫১..
উৎপাতান্নির্দিশেচ্চাপি শুভাশুভসমুত্থিতান্ .
নিমিতৈরাত্মসংস্থৈস্তু স্ফুরিতৈঃ স্পন্দিঅতৈস্তথা .. ২৫২..
শোভনেষু তু কার্যেষু নিমিত্তং বামতঃ স্ত্রিয়াঃ .
অনিষ্টেষ্বথ সর্বেষু নিমিত্তং দক্ষিণং ভবেৎ .. ২৫৩..
সব্যং নেত্রং ললাটং চ ভ্রূনাসোষ্ঠং তথৈব চ .
উরুবাহুস্তনং চৈব স্ফুরেদ্যদি সমাগমঃ .. ২৫৪..
এতেষমন্যথাভাবে দুর্নিমিত্তং বিনির্দিশেৎ .
দর্শনে দুর্নিমিত্তস্য মোহং গচ্ছেৎক্ষণং ততঃ .. ২৫৫..
অনাগমে নায়কস্য কার্যো গণ্ডাশ্রয়ঃ করঃ .
ভূষণে চাপ্যবজ্ঞানং রোদনং চ সমাচরেৎ .. ২৫৬..
অথ চেচ্ছোভনং তৎস্যান্নিমিত্তং নায়কাগমে .
সূচ্যো নায়িকয়াসন্নো গন্ধাঘ্রাণেন নায়কঃ .. ২৫৭..
দৃষ্ট্বা চোত্থায় সংহৃষ্টা প্রত্যুদ্গচ্ছেদ্যথাবিধি .
ততঃ কান্তং নিরীক্ষেত প্রহর্ষোৎফুল্ললোচনা .. ২৫৮..
সখীস্কন্ধার্পিতকরা কৃৎবা স্থানকমায়তম্ .
দর্শয়েত ততঃ কান্তং সচিহ্নং সরসব্রণম্ .. ১৫৯..
যদি স্যাদপরাদ্ধস্তু কৃতৈস্তৈস্তৈরুপক্রমৈঃ .
উপালম্ভকৃঅতৈর্বাক্যৈরুপালভ্যস্তু নায়কঃ .. ২৬০..
মানাপমানসংমোহৈরবহিত্থভয়ক্রমৈঃ .
বচনস্য সমুৎপত্তিঃ স্ত্রীণামীর্ষ্যাকৃতা ভবেৎ .. ২৬১..
বিস্রংভস্নেহরাগেষু সন্দেহে প্রণয়ে তথা .
পরিতোষে চ ঘর্ষে চ দাক্ষিণ্যাক্ষেপবিভ্রমে .. ২৬২..
ধর্মার্থকাময়োগেষু প্রচ্ছন্নবচনেষু চ .
হাস্যে কুতূহলে চৈব সংভ্রমে ব্যসনে তথা .. ২৬৩..
স্ত্রীপুংসয়োঃ ক্রোধকৃতে পৃথঙ্মিশ্রে তথাপি বা .
অনাভাষ্যোঽপি সংভাষ্যঃ প্রিয় এভিস্তু কারণৈঃ .. ২৬৪..
যত্র স্নেহো ভবেত্তত্র হীর্ষ্যা মদনসংভবা .
চতস্রো যোনয়স্তস্যাঃ কীর্ত্যমানা নিবোধত .. ২৬৫..
বৈমনস্যং ব্যলীকং চ বিপ্রিয়ং মন্যুরেব চ .
এতেষাং সংপ্রবক্ষ্যামি লক্ষণানি যথাক্রমম্ .. ২৬৬..
নিদ্রাখেদালসগতিং সচিহ্নং সরসব্রণম্ .
এববিধং প্রিয়ং দৃষ্ট্বা বৈমনস্যং ভবেৎ স্ত্রিয়াঃ .. ২৬৭..
নিদ্রাভ্যসূয়িতাবেক্ষণেন রোষপ্রকম্পমানাঙ্গ্যা .
সাধ্বিতি সুষ্ঠ্বিতি বচনৈঃ শোভত ইত্যেবমভিনেয়ম্ .. ২৬৮..
বহুধা বার্যমাণোঽপি যস্তস্মিন্নেব দৃশ্যতে .
সংঘর্ষমৎসরাত্তত্র ব্যলীকং জায়তে স্ত্রিয়াঃ .. ২৬৯..
কৃৎবোরসি বামকরং দক্ষিণহস্তং তথা বিধুন্বন্ত্যা .
চরণবিনিষ্ঠম্ভেন চ কার্যোঽভিনয়ো ব্যলীকে তু .. ২৭০..
জীবন্ত্যা ৎবয়ি জীবামি দাসোঽহং ৎবং চ মে প্রিয়া .
উক্ত্বৈবং যোঽন্যথা কুর্যাদ্বিপ্রিয়ং তত্র জায়তে .. ২৭১..
দূতীলেখপ্রতিবচনভেদনৈঃ ক্রোধহসিতরুদিতৈশ্চ .
বিপ্রিয়করণেঽভিনয়ঃ সশিরঃকম্পৈশ্চ কর্তব্যঃ .. ২৭২..
প্রতিপক্ষসকাশাত্তু যঃ সৌভাগ্যবিকত্থনঃ .
উপসর্পেৎ সচিন্হ্নস্তু মন্যুস্তত্রোপজায়তে .. ২৭৩..
বলয়পরিবর্তনৈরথ সুশিথলমুৎক্ষেপেণেন রশনায়াঃ .
মন্যুস্ত্বভিনেতব্যঃ সশঙ্কিতং বাষ্পপূর্ণাক্ষ্যা .. ২৭৪..
দৃষ্ট্বা স্থিতং প্রিয়তমং সশঙ্কিতং সাপরাধমতিলজ্জম্ .
ঈর্ষ্যাবচনসমুত্থৈঃ খেদয়িতব্যো হ্যুপালম্ভৈঃ .. ২৭৫..
ন চ নিষ্ঠুরমভিভাষ্যো ন চাপ্যতিক্রোধনস্তু পরিহাসঃ .
বাষ্পোন্মিশ্রৈর্বচনৈরাত্মোপন্যাসসংযুক্তৈঃ .. ২৭৬..
মধ্যাঙ্গুল্যঙ্গুষ্ঠাগ্রবিচ্যবাৎপাণিনোরসি কৃতেন .
উদ্বর্তিতনেত্রতয়া প্রততৈরভিবীক্ষণৈশ্চাপি .. ২৭৭..
কটিহস্তবিবর্তনয়া বিচ্ছিন্নতয়া তথাঞ্জলেঃ করণাৎ .
মূর্ধভ্রমণনিহঞ্চিতনিপাতসংশ্লেঅষ্ণাচ্চাপি .. ২৭৮..
অবহিত্থবীক্ষণাদ্বা অঙ্গুলিভঙ্গেন তর্জনৈললিতৈঃ .
এভির্ভাববিশেষৈরনুনয়নেষ্বভিনয়ঃ কার্যঃ .. ২৭৯..
শোভসে সাধু দৃষ্টোঽসি গচ্ছ ৎবং কিংং বিলম্বসে .
মা মাং স্প্রাক্ষীঃ প্রিয়া যত্র তত্র যা তে হৃদি স্থিতা .. ২৮০..
গচ্ছেত্যুক্ত্বা পরাবৃত্য বিনিবৃত্তান্তরেণ তু .
কেনচিদ্বচনার্থেন প্রহর্ষং যোজয়েৎপুনঃ .. ২৮১..
রভসগ্রহণাচ্চাপি হস্তে বস্ত্রে চ মূর্ধনি .
কার্যং প্রসাদনং নার্যা হ্যপরাধং সমীক্ষ্য তু .. ২৮২..
হস্তে বস্ত্রেঽথ কেশান্তে নার্যাপ্যথ গৃহীতয়া .
কান্তমেবোপসর্পন্ত্যা কর্তব্যং মোক্ষণং শনৈঃ .. ২৮৩..
গৃহীতায়াথ কেশান্তে হস্তে বস্ত্রেঽথবা পুনঃ .
হুং মুঞ্চেত্যুপসর্পন্ত্যা বাচ্যঃ স্পর্শালসং প্রিয়ঃ .. ২৮৪..
পাদাগ্রস্থিতয়া নার্যা কিংচিৎকুট্টমিতোৎকটম্ .
অশ্বক্রান্তেন কর্তব্যং কেশানাং মোক্ষণং শনৈঃ .. ২৮৫..
অমুচ্যমানে কেশান্তে সংজাতস্বেদলেশয়া .
হং হু মুঞ্চাপসর্পেতি বাচ্যঃ স্পর্শালসাঙ্গয়া .. ২৮৬..
গচ্ছেতি রোষবাক্যেন গৎবা প্রতিনিবৃত্য চ .
কেনচিদ্বচনার্থেন বাচ্যং যাস্যসি নেতি চ .. ২৮৭..
বিধূননেন হস্তেন হুংকারং সংপ্রয়োজয়েৎ .
স চাবধূননে কার্যঃ শপথৈর্ব্যাজ এব চ .. ২৮৮..
অক্ষ্ণোঃ সংবরণে কার্যং পৃষ্ঠতশ্চোপগূহনম্ .
নার্যাস্ত্বপহৃতে বস্ত্রে দীপচ্ছাদনমেব চ .. ২৮৯..
তাবৎ খেদয়িতব্যস্তু যাবৎপাদগতো ভবেৎ .
ততশ্চরণয়োর্যাতে কুর্যাদ্দূতীনিরীক্ষণম্ .. ২৯০..
উত্থাপ্যালিঙ্গয়েচ্চৈব নায়িকা নায়কং ততঃ .
রতিভোগগতা হৃষ্টা শয়নাভিমুখী ব্রজেৎ .. ২৯১..
এতদ্গীতবিধানেন সুকুমারেণ যোজয়েৎ .
যদা শৃঙ্গারসংযুক্তং রতিসম্ভোগকারণম্ .. ২৯২..
যদা চাকাশপুরুষপরস্থবচনাশ্রয়ম্ .
ভবেৎকাব্যং তদা হ্যেষ কর্তব্যোঽভিনয়ঃ স্ত্রিয়া .. ২৯৩..
যদন্তপুরসম্বন্ধং কার্যং ভবতি নাটকে .
শৃঙ্গাররসসংযুক্তং তত্রাপ্যেষ বিধির্ভবেৎ.. ২৯৪..
ন কার্যং শয়নং রঙ্গে নাট্যধর্মং বিজানতা .
কেনচিদ্বচনার্থেন অঙ্কচ্ছেদো বিধীয়তে .. ২৯৫..
যদ্বা শয়ীতার্থবশাদেকাকী সহিতোঽপি বা .
চুম্বনালিঙ্গনং চৈব তথ গুহ্যং চ যদ্ভবেৎ .. ২৯৬..
দন্তচ্ছেদ্যং নখচ্ছেদ্যং নীবীস্রংসনমেব চ .
স্তনান্তরবিমর্দং চ রঙ্গমধ্যে ন কারয়েৎ .. ২৯৭..
ভোজনং সলিলক্রীডা তথা লজ্জাকরং চ যৎ .
এবংবিধং ভবেদ্যদ্যত্তত্তদ্রঙ্গে ন কারয়েৎ .. ২৯৮..
পিতাপুত্রস্নুষাশ্বশ্রূদৃশ্যং যস্মাত্তু নাটকম্ .
তস্মাদেতানি সর্বাণি বর্জনীয়ানি যত্নতঃ .. ২৯৯..
বাক্যৈঃ সাতিশয়ৈঃ শ্রব্যৈর্মধুরৈর্নাতিনিষ্ঠুরৈঃ .
হিতোপদেশসংযুক্তৈস্তজ্জ্ঞঃ কুর্যাত্তু নাটকম্ .. ৩০০..
এবমন্তঃপুরকৃতঃ কার্যস্ত্বভিনয়ো বুধঃ .
সমাগমেঽথ নারীণাং বাচ্যানি মদনাশ্রয়ে .. ৩০১..
প্রিয়েষু বচনানীহ যানি তানি নিবোধত .
প্রিঅয়ঃ কান্তো বিনীতশ্চ নাথঃ স্বাম্যথ জীবিতম্ .. ৩০২..
নন্দনশ্চেত্যভিপ্রীতে বচনানি ভবন্তি হি .
দুঃশীলোঽথ দুরাচারঃ শঠো বামো বিকত্থনঃ .. ৩০৩..
নির্লজ্জো নিষ্ঠুরশ্চৈঅব প্রিয়ঃ ক্রোধেঽভিধীয়তে .
যো বিপ্রিয়ং ন কুরুতে ন চায়ুক্তং প্রভাষতে .. ৩০৪..
তথার্জবসমাচারঃ স প্রিয়স্ত্বভিধীয়তে .
অন্যনারীসমুদ্ভূতং চিহ্নং যস্য ন দৃষ্যতে .. ৩০৫..
অধরে বা শরীরে বা স কান্ত ইতি ভাষ্যতে .
সংক্রুদ্ধেঽপি হি যো নার্যা নোত্তরং প্রতিপদ্যতে .. ৩০৬..
পরুষং বা ন বদতি বিনীতঃ সাঽভিধীয়তে .
হিতৈষী রক্ষণে শক্তো ন মানী ন চ মৎসরী .. ৩০৭..
সর্বকার্যেষ্বসংমূঢঃ স নাথ ইতি সংজ্ঞিতঃ .
সামদানার্থসংভোগৈস্তথা লালনপালনৈঃ .. ৩০৮..
নারীং নিষেবতে যস্তু স স্বামীত্যভিধীয়তে .
নারীপ্সিতৈরভিপ্রায়ৈর্নিপুণং শয়নক্রিয়াম্ .. ৩০৯..
করোতি যস্তু সংভোগে স জীবিতমিতি স্মৃতঃ .
কুলীনো ধৃতিমান্দক্ষো দক্ষিণো বাগ্বিশারদঃ .. ৩১০..
শ্লাঘনীয়ঃ সখীমধ্যে নন্দনঃ সোঽভিধীয়তে .
এতে বচনবিন্যাসা রতিপ্রীতিকরাঃ স্মৃতাঃ .. ৩১১..
তথা চাপ্রীতিবাক্যানি গদতো মে নিবোধত .
নিষ্ঠুরশ্চাহিষ্ণুশ্চ মানি ধৃষ্টো বিকত্থনঃ .. ৩১২..
অনবস্থিতচিত্তশ্চ দুঃশীল ইতি স স্মৃতঃ .
তাডনং বন্ধনং চাপি যো বিমৃশ্য সমাচরেৎ .. ৩১৩..
তথা পরুষবাক্যশ্চ দুরাচারঃ স তন্যতে .
বাচৈঅব মধুরো যস্তু কর্মণ নোপপাদকঃ .. ৩১৪..
যোষিতঃ কিঞ্চিদপ্যর্থং স শঠঃ পরিভাষ্যতে .
বার্যতে যত্র যত্রার্থে তত্তদেব করোতি যঃ .. ৩১৫..
বিপরীতনিবেশী চ স বাম ইতি সংজ্ঞিতঃ .
সরসব্রণচিহ্নো যঃ স্ত্রীসৌভাগ্যবিকত্থনঃ .. ৩১৬..
অতিমানী তথা স্তব্ধো বিকত্থন ইতি স্মৃতঃ .
বার্যমাণো দৃঢতরং যো নারীমুপসর্পতি .. ৩১৭..
সচিহ্নাঃ সাপরাধশ্চ স নির্লজ্জ ইতি স্মৃতঃ .
যোঽপরাদ্ধস্তু সহসা নারীং সেবিতুমিচ্ছতি .. ৩১৮..
অপ্রসাদনবুদ্ধিশ্চ নিষ্ঠুরঃ সোঽভিধীয়তে .
এতে বচনবিন্যাসাঃ প্রিয়াপ্রিয়বিভাষিতাঃ .. ৩১৯..
নর্তকীসংশ্রিতাঃ কার্যা বহবোঽন্যেঽপি নাটকে .
এষ গীতবিধানে তু সুকুমারে বিধির্ভবেৎ .. ৩২০..
শৃঙ্গাররসসংভূতো রতিসংভোগখেদনঃ .
যচ্চৈবাকাশপুরুষং পরস্থবচনাশ্রয়ম্ .. ৩২১..
শৃঙ্গার এবং বাচ্যং স্যাত্তত্রাপ্যেষ ক্রমো ভবেৎ .
যদ্বা পুরুসংবন্ধং কার্যং ভবতি নাটকে .. ৩২২..
শৃঙ্গাররসসংযুক্তং তত্রাপ্যেষ ক্রমো ভবেৎ .
এবমন্তঃপুরগতঃ প্রয়োজ্যোঽভিনয়ো ভবেৎ .. ৩২৩..
দিব্যাঙ্গনানাং তু বিধিং ব্যাখ্যাস্যম্যনুপূর্বশঃ .
নিত্যমেবোজ্বলো বেষো নিত্যং প্রমুদিতং মনঃ .. ৩২৪..
নিত্যমেব সুখঃ কালো দেবানাং ললিতাশ্রয়ঃ .
ন চৈর্ষ্যা নৈব চ ক্রোধো নাসূয়া ন প্রসাদনম্ .. ৩২৫..
দিব্যানাং দৃষ্যতে পুংসাং শৃঙ্গারে যোষিতাং তথা .
যে ভাবা মানুষাণাং স্যুর্যদঙ্গং যচ্চ চেষ্টিতম্ ..৩২৬..
সর্বং তদেব কর্তব্যং দিব্যৈর্মানুষসঙ্গমে .
যদা মানুষসংভোগো দিব্যানাং যোষিতাং ভবৎ .. ৩২৭..
তদা সর্বাঃ প্রকর্তব্যা যে ভাবা মানুষাশ্রয়াঃ .
শাপভ্রংশাত্তু দিব্যানাং তথা চাপত্যলিপ্সয়া .. ৩২৮..
কার্যো মানুষসংযোগঃ শৃঙ্গাররসসংশ্রয়ঃ .
পুষ্পৈর্ভূষণজৈঃ শব্দৈরদৃশ্যাপি প্রলোভয়েৎ .. ৩২৯..
পুনঃ সংদর্শনং দত্ত্বা ক্ষণাদন্তরিতা ভবেৎ .
বস্ত্রাভরণমাল্যাদ্যৈর্লেখসংপ্রেষণৈরপি .. ৩৩০..
ঈদৃশৈরুপচারৈস্তু সমুন্মাদ্যস্তু নায়কঃ .
উন্মাদনাৎসমুদ্ভূতঃ কামো রতিকরো ভবেৎ .. ৩৩১..
স্বভাবোপগতো যস্তু নাসাবত্যর্থভাবিকঃ .
এবং রাজোপচারো হি কর্তব্যোঽভ্যন্তরাশ্রয়ঃ .. ৩৩২..
বাহ্যমপ্যুপচারং তু প্রবক্ষ্যাম্যথ বৈশিকে .
ইতি ভারতীয়ে নাট্যশাস্ত্রে সামান্যাভিনয়ো নামাধ্যায়ো দ্বাবিংশঃ ..

<