চাণক্যানি বা কৌটিলীয়ানি নীতিসূত্রাণি – ৮ম অধ্যায়
অথাষ্টমোঽধ্যায়ঃ ||
ধুরমেধসোঽসচ্ছাস্ত্রং মোহয়তি || ১||
সৎসঙ্গঃ স্বর্গবাসঃ || ২||
আর্যাঃ স্বমিব পরং মন্বতে || ৩||
রূপানুবর্তী গুণঃ || ৪||
যত্র সুখেন বর্ততে তদেব স্থানম্ || ৫||
বিশ্বাসঘাতিনো ন নিষ্কৃতিঃ || ৬||
দৈবায়ত্তং ন শোচেৎ || ৭||
আশ্রিতদুঃখমাত্মন ইব মন্যতে সাধুঃ || ৮||
হৃদ্গতমাচ্ছাদ্যান্যদ্বদত্যনার্যঃ || ৯||
বুদ্ধিহীনঃ পিশাচতুল্যঃ || ১০||
অসহায়ঃ পথি ন গচ্ছেৎ || ১১||
পুত্রো ন স্তোতব্যঃ || ১২||
স্বামী স্তোতব্যোঽনুজীবিভিঃ || ১৩||
ধর্মকৃত্যানি সর্বাণি স্বামিন ইত্যেব ঘোষয়েৎ || ১৪||
রাজাজ্ঞাং নাতিলঙ্ঘয়েৎ || ১৫||
যথাঽঽজ্ঞপ্তং তথা কুর্যাৎ || ১৬||
নাস্তি বুদ্ধিমতাং শত্রুঃ || ১৭||
আত্মছিদ্রং ন প্রকাশয়েৎ || ১৮||
ক্ষমাবানেব সর্বং সাধয়তি || ১৯||
আপদর্থং ধনং রক্ষেৎ || ২০||
সাহসবতাং প্রায়ং কর্তব্যম্ || ২১||
শ্বঃ কার্যমদ্য কুর্বীত || ২২||
আপরাহ্ণিকং পূর্বাহ্ণ এব কর্তব্যম্ || ২৩||
ব্যবহারানুলোমো ধর্মঃ || ২৪||
সর্বজ্ঞতা লোকজ্ঞতা || ২৫||
শাস্ত্রজ্ঞোঽপ্যলোকজ্ঞো মূর্খতুল্যঃ || ২৬||
শাত্রপ্রয়োজনং তত্ত্বদর্শনম্ || ২৭||
তত্ত্বজ্ঞানং কার্যমেব প্রকাশয়তি || ২৮||
ব্যবহারে পক্ষপাতো ন কর্তব্যঃ || ২৯||
ধর্মাদপি ব্যবহারো গরীয়ান্ || ৩০||
আত্মা হি ব্যবহারস্য সাক্ষী || ৩১||
সর্বসাক্ষী হ্যাত্মা || ৩২||
ন স্যাৎ কূটসাক্ষী || ৩৩||
কূটসাক্ষিণো নরকে পতন্তি || ৩৪||
প্রচ্ছন্নপাপানাং সাক্ষিণো মহাভূতানি || ৩৫||
আত্মনঃ পাপমাত্মৈব প্রকাশয়তি || ৩৬||
ব্যবহারোঽন্তর্গতমাকারঃ সূচয়তি || ৩৭||
আকারসংবরণং দেবানামপ্যশক্যম্ || ৩৮||
চোররাজপুরুষেভ্যো বিত্তং রক্ষেৎ || ৩৯||
দুর্দর্শনা হি রাজানঃ প্রজা রক্ষন্তি || ৪০||
সুদর্শনা রাজানঃ প্রজা রক্ষন্তি || ৪১||
ন্যায়য়ুক্তং রাজানং মাতরং মন্যন্তে প্রজাঃ || ৪২||
তাদৃশঃ স রাজা ইহ সুখং ততঃ স্বর্গণ্ চাপ্নোতি || ৪৩||
অহিংসালক্ষণো ধর্মঃ || ৪৪||
স্বশরীরমপি পরশরীরং মন্যতে সাধুঃ || ৪৫||
মাংসভক্ষণমপ্যুক্তং সর্বেষাম্ || ৪৬||
ন সংসারভয়ং জ্ঞানবতাম্ || ৪৭||
বিজ্ঞানদীপেন সংসারভয়ং নিবর্তয়তি || ৪৮||
সর্বমবিত্যং ভবতি || ৪৯||
কৃমিশন্কৃন্মূত্রভাচনং শরীরং পুণ্যতয়পাপজন্মহেতুঃ || ৫০||
জন্মমরণাদিষু তু দুঃখমেব || ৫১||
তপসা স্বর্গমাপ্নোতি || ৫২||
ক্ষমায়ুক্তস্য তপো বিবর্ধতে || ৫৩||
তস্মাৎ সর্বেষাং সর্বকার্যসিদ্ধির্ভবতি || ৫৪||
ইত্যষ্টমোঽধ্যায়ঃ ||
ইতি কৌটিলীয়ানি নীতিসূত্রাণি সম্পূর্ণম্ ||
<
