চাণক্যনীতি – অধ্যায় ০৫
গুরুরগ্নির্দ্বিজাতীনাং বর্ণানাং ব্রাহ্মণো গুরুঃ |
পতিরেব গুরুঃ স্ত্রীণাং সর্বস্যাভ্যাগতো গুরুঃ || ০৫-০১
যথা চতুর্ভিঃ কনকং পরীক্ষ্যতে
নিঘর্ষণচ্ছেদনতাপতাডনৈঃ |
তথা চতুর্ভিঃ পুরুষঃ পরীক্ষ্যতে
ত্যাগেন শীলেন গুণেন কর্মণা || ০৫-০২
তাবদ্ভয়েষু ভেতব্যং যাবদ্ভয়মনাগতম্ |
আগতং তু ভয়ং বীক্ষ্য প্রহর্তব্যমশঙ্কয়া || ০৫-০৩
একোদরসমুদ্ভূতা একনক্ষত্রজাতকাঃ |
ন ভবন্তি সমাঃ শীলে যথা বদরকণ্টকাঃ || ০৫-০৪
অন্যায়ার্জিতবিত্তপূর্ণমুদরং গর্বেণ তুঙ্গং শিরো
রে রে জম্বুক মুঞ্চ মুঞ্চ সহসা নীচং সুনিন্দ্যং বপুঃ Sharma || ০৫-০৫
নিঃস্পৃহো নাধিকারী স্যান্ নাকামো মণ্ডনপ্রিয়ঃ |
নাবিদগ্ধঃ প্রিয়ং ব্রূয়াৎস্পষ্টবক্তা ন বঞ্চকঃ || ০৫-০৫
মূর্খাণাং পণ্ডিতা দ্বেষ্যা অধনানাং মহাধনাঃ |
পরাংগনা কুলস্ত্রীণাং সুভগানাং চ দুর্ভগাঃ || ০৫-০৬
আলস্যোপগতা বিদ্যা পরহস্তগতং ধনম্ |
অল্পবীজং হতং ক্ষেত্রং হতং সৈন্যমনায়কম্ || ০৫-০৭
অভ্যাসাদ্ধার্যতে বিদ্যা কুলং শীলেন ধার্যতে |
গুণেন জ্ঞায়তে ৎবার্যঃ কোপো নেত্রেণ গম্যতে || ০৫-০৮
বিত্তেন রক্ষ্যতে ধর্মো বিদ্যা যোগেন রক্ষ্যতে |
মৃদুনা রক্ষ্যতে ভূপঃ সৎস্ত্রিয়া রক্ষ্যতে গৃহম্ || ০৫-০৯
অন্যথা বেদশাস্ত্রাণি জ্ঞানপাণ্ডিত্যমন্যথা |
অন্যথা তৎপদং শান্তং লোকাঃ ক্লিশ্যন্তি চাহ্ন্যথা || ০৫-১০
দারিদ্র্যনাশনং দানং শীলং দুর্গতিনাশনম্ |
অজ্ঞাননাশিনী প্রজ্ঞা ভাবনা ভয়নাশিনী || ০৫-১১
নাস্তি কামসমো ব্যাধির্নাস্তি মোহসমো রিপুঃ |
নাস্তি কোপসমো বহ্নির্নাস্তি জ্ঞানাৎপরং সুখম্ || ০৫-১২
জন্মমৃত্যূ হি যাত্যেকো ভুনক্ত্যেকঃ শুভাশুভম্ |
নরকেষু পতত্যেক একো যাতি পরাং গতিম্ || ০৫-১৩
তৃণং ব্রহ্মবিদঃ স্বর্গস্তৃণং শূরস্য জীবিতম্ |
জিতাশস্য তৃণং নারী নিঃস্পৃহস্য তৃণং জগৎ || ০৫-১৪
বিদ্যা মিত্রং প্রবাসে চ ভার্যা মিত্রং গৃহেষু চ |
ব্যাধিতস্যৌষধং মিত্রং ধর্মো মিত্রং মৃতস্য চ || ০৫-১৫
বৃথা বৃষ্টিঃ সমুদ্রেষু বৃথা তৃপ্তস্য ভোজনম্ |
বৃথা দানং সমর্থস্য বৃথা দীপো দিবাপি চ || ০৫-১৬
নাস্তি মেঘসমং তোয়ং নাস্তি চাত্মসমং বলম্ |
নাস্তি চক্ষুঃসমং তেজো নাস্তি ধান্যসমং প্রিয়ম্ || ০৫-১৭
অধনা ধনমিচ্ছন্তি বাচং চৈব চতুষ্পদাঃ |
মানবাঃ স্বর্গমিচ্ছন্তি মোক্ষমিচ্ছন্তি দেবতাঃ || ০৫-১৮
সত্যেন ধার্যতে পৃথ্বী সত্যেন তপতে রবিঃ |
সত্যেন বাতি বায়ুশ্চ সর্বং সত্যে প্রতিষ্ঠিতম্ || ০৫-১৯
চলা লক্ষ্মীশ্চলাঃ প্রাণাশ্চলে জীবিতমন্দিরে |
চলাচলে চ সংসারে ধর্ম একো হি নিশ্চলঃ || ০৫-২০
নরাণাং নাপিতো ধূর্তঃ পক্ষিণাং চৈব বায়সঃ |
চতুষ্পাদং শৃগালস্তু স্ত্রীণাং ধূর্তা চ মালিনী || ০৫-২১
জনিতা চোপনেতা চ যস্তু বিদ্যাং প্রয়চ্ছতি |
অন্নদাতা ভয়ত্রাতা পঞ্চৈতে পিতরঃ স্মৃতাঃ || ০৫-২২
রাজপত্নী গুরোঃ পত্নী মিত্রপত্নী তথৈব চ |
পত্নীমাতা স্বমাতা চ পঞ্চৈতা মাতরঃ স্মৃতাঃ || ০৫-২৩
