পঞ্চদশী ১১ – ২

শনৈঃ শনৈঃ উপরমেত্ বুদ্ধ্যা ধৃতি গৃহীতযা .
আত্মসংস্থং মনঃ কৃত্বা ন কিংচিত্ অপি চিন্তযেত্ .. ১০১..
যতঃ যতঃ নিশ্চরতি মনঃ চঞ্চলম্ অস্থিরম্ .
ততঃ ততঃ নিযম্য এতত্ আত্মনি এব বশং নযেত্ .. ১০২..
প্রশান্ত মনসং হি এনং যোগিনং সুখম্ উত্তমম্ .
উপৈতি শান্ত রজসং ব্রহ্মভূতম্ অকল্মষম্ .. ১০৩..
যত্র উপরমতে চিত্তং নিরুদ্ধং যোগসেবযা .
যত্র চ এব আত্মনা আত্মানং পশ্যন্ আত্মনি তুষ্যতি .. ১০৪..
সুখম্ আত্যন্তিকং যত্ তত্ বুদ্ধি গ্রাহ্যম্ অতীন্দ্রিযম্ .
বেত্তি যত্র ন চ এব অযং স্থিতঃ চলতি তত্ত্বতঃ .. ১০৫..
যং লব্ধ্বা চ অপরং লাভং মন্যতে ন অধিকং ততঃ .
যস্মিন্ স্থিতঃ ন দুঃখেন গুরুণা অপি বিচাল্যতে .. ১০৬..
তং বিদ্যাত্ দুঃখ সংযোগ বিযোগং যোগ সংজ্ঞিতম্ .
সঃ নিশ্চযেন যোক্তব্যঃ যোগঃ অনির্বিণ্ণচেতসা .. ১০৭..
যুঞ্জন্ এবং সদা আত্মানং যোগি বিগত কল্মষঃ .
সুখেন ব্রহ্ম সংস্পর্শম্ অত্যন্তং সুখম্ অশ্নুতে .. ১০৮..
উত্সেকঃ উদধেঃ যদ্বত্ কুশ্ অগ্রেণ এক বিন্দুনা .
মনসঃ নিগ্রহঃ তদ্বত্ ভবেত্ অপরিখেদতঃ .. ১০৯..
বৃহদ্রথস্য রাজর্ষেঃ শকাযন্যঃ মুনিঃ সুখম্ .
প্রাহ মৈত্রি আখ্যা শাখাযাং সমাধি উক্তি পুরঃসরম্ .. ১১০..
যথা নিরিন্ধনঃ বহ্মিঃ স্বযোনৌ উপশাম্যতি .
তথা বৃত্তিক্ষযাত্ চিত্তং স্বযোনৌ উপশাম্যতি .. ১১১..
স্বযোনৌ উপশান্তস্য মনসঃ সত্যকামিনঃ .
ইন্দ্রিযার্থ বিমূঢস্য অনৃতাঃ কর্মবশানুগাঃ .. ১১২..
চিত্তম্ এব হি সংসারঃ তত্ প্রযত্নেন শোধযেত্ .
যত্ চিত্তঃ তন্মযঃ মর্ত্যঃ গুহ্যম্ এতত্ সনাতনম্ .. ১১৩..
চিত্তস্য হি প্রসাদেন হন্তি কর্ম শুভাশুভম্ .
প্রসন্ন আত্মা আত্মনি স্থিত্বা সুখম্ অক্ষয্যম্ অশ্নুতে .. ১১৪..
সমাসক্তং যথা চিত্তং জন্তোঃ বিষয গোচরে .
যদি এবং ব্রহ্মণি স্যাত্ তত্ কঃ ন মুচ্যেত বন্ধনাত্ .. ১১৫..
মনঃ হি দ্বিবিধং প্রোক্তং শুদ্ধং চ অশুদ্ধম্ এব চ .
অশুদ্ধং কাম সম্পর্কাত্ শুদ্ধং কাম বিবর্জিতম্ .. ১১৬..
মনঃ এব মনুষ্যাণাং কারণং বন্ধমোক্ষযোঃ .
বন্ধায বিষযাসক্তং মুক্ত্যৈ নির্বিষযং স্মৃতম্ .. ১১৭..
সমাধি নির্ধূত মলস্য চেতসঃ
নিবেশিতস্য আত্মনি যত্ সুখং ভবেত্ .
ন শক্যতে বর্ণযিতুং গিরা তদা
স্বযং তত্ অন্তঃকরণেন গৃহ্যতে .. ১১৮..
যদি অপি অসৌ চিরং কালং সমাধিঃ দুর্লভঃ নৃণাম্ .
তথা অপি ক্ষণিকঃ ব্রহ্মানন্দং নিশ্চাযযতি অসৌ .. ১১৯..
শ্রদ্ধালুঃ ব্যসনী যঃ অত্র নিশ্চিনোতি এব সর্বথা .
নিশ্চিতে তু সকৃত্ তস্মিন্ বিশ্বসিতি অন্যদা অপি অযম্ .. ১২০..
তাদৃক্ পুমান্ উদাসীনকালে অপি আনন্দবাসনাম্ .
উপেক্ষ্য মুখ্যম্ আনন্দং ভাবযতি এব তত্পরঃ .. ১২১..
পরব্যসনিনী নারী ব্যগ্রা অপি গৃহকর্মণি .
তত্ এব আস্বাদযতি অন্তঃ পরসঙ্গরসাযনম্ .. ১২২..
এবং তত্ত্বে পরে শুদ্ধে ধীরঃ বিশ্রান্তিম্ আগতঃ .
তত্ এব আস্বাদযতি অন্তঃ বহিঃ ব্যবহারন্ অপি .. ১২৩..
ধীরত্বম্ অক্ষপ্রাবল্যে অপি আনন্দ আস্বাদ বাঞ্ছযা .
তিরস্কৃত্য অখিল অক্ষাণি তত্ চিন্তাযাং প্রবর্তনম্ .. ১২৪..
ভারবাহী শিরোভারং মুক্ত্বা আস্তে বিশ্রমং গতঃ .
সংসার ব্যাপৃতি ত্যাগে তাদৃক্ বুদ্ধিঃ তু বিশ্রমঃ .. ১২৫..
বিশ্রান্তিম্ং পরমাং প্রাপ্তঃ তু ঔদাসীন্যে যথা তথা .
সুখ দুঃখ দশাযাং চ তত্ আনন্দ এক তত্পরঃ .. ১২৬..
অগ্নি প্রবেশ হেতৌ ধীঃ শৃঙ্গারে যাদৃশী তথা .
ধীরস্য উদেতি বিষযে অনুসন্ধান বিরোধিনী .. ১২৭..
অবিরোধি সুখে বুদ্ধিঃ স্বানন্দে চ গম আগমৌ .
কুর্বন্তি আস্তে ক্রমাত্ এষা কাক অক্ষিবত্ ইতঃ ততঃ .. ১২৮..
এক এব দৃষ্টিঃ কাকস্য বাম দক্ষিণ নেত্রযোঃ .
যাতি আযাতি এবম্ আনন্দ দ্বযে তত্ত্ববিদঃ মতিঃ .. ১২৯..
ভুঞ্জানঃ বিষযানন্দং ব্রহ্মানন্দং চ তত্ত্ববিত্ .
দ্বি ভাষাভিজ্ঞবত্ বিদ্যাত্ উভৌ লৌকিক বৈদিকৌ .. ১৩০..
দুঃখপ্রাপ্তৌ ন চ উদ্বেগঃ যথাপূর্বং যতঃ দ্বিদৃক্ .
গঙ্গা মগ্ন অর্ধ কাযস্য পুংসঃ শীত ঊষ্ণ ধীঃ যথা .. ১৩১..
ইত্থং জাগরণে তত্ত্ববিদঃ ব্রহ্মসুখং সদা .
ভাতি তত্ বাসনা জন্যে স্বপ্নে তত্ ভাসতে তথা .. ১৩২..
অবিদ্যা বাসনা অপি অস্তি ইতি তত্ বাসনা উত্থিতে .
স্বপ্নে মূর্খবত্ এব এষ সুখং দুঃখং চ বীক্ষতে .. ১৩৩..
ব্রহ্মানন্দ অভিধে গ্রন্থে ব্রহ্মানন্দ প্রকাশকম্ .
যোগিপ্রত্যক্ষম্ অধ্যাযে প্রথমে অস্মিন্ উদীরিতম্ .. ১৩৪..
ইতি একাদশোঽধ্যাযঃ .. ১১..