১.১০ গরুডপুরাণ (অধ্যায় ৯১-১০০)

শ্রীগরুডমহাপুরাণম্-৯১
সূত উবাচ |
স্বায়ম্ভুবাদ্যা মুনয়ো হরিং ধ্যায়ন্তি কর্মণা |
ব্রতাচারার্চনাধ্যানস্তুতিজপ্যপরায়ণাঃ || ১, ৯১. ১ ||
দেহেন্দ্রিয়মনোবুদ্ধিপ্রাণাহঙ্কারবর্জিতম্ |
আকশেন বিহীনং বৈ তেজসা পরিবর্জিতম্ || ১, ৯১. ২ ||
উদকেন বিহীনং বৈ তদ্ধর্মপরিবর্জিতম্ |
পৃথিবীরহিতং চৈব সর্বভতবিবর্জিতম্ || ১, ৯১. ৩ ||
ভূতাধ্যক্ষং তথা বদ্ধনিয়ন্তারং প্রভুং বিভুম্ |
চৈতন্যরূপতারূপং সর্বাধ্যক্ষং নিরঞ্জনম্ || ১, ৯১. ৪ ||
মুক্তসঙ্গং মহেশানং সর্বদেবপ্রপূজিতম্ |
তেজোরূপমসত্ত্বং চ তপসা পরিবর্জিতম্ || ১, ৯১. ৫ ||
রহিতং রজসা নিত্যং ব্যতিরিক্তং গুণৈস্ত্রিভিঃ |
সর্বরূপবিহীনং বৈ কর্তৃৎবাদিবিবর্জিতম্ || ১, ৯১. ৬ ||
বাসনারহিতং শুদ্ধং সর্বদোষবিবর্জিতম্ |
পিপাসাবর্জিতং তত্তচ্ছো কমোহবিবর্জিতম্ || ১, ৯১. ৭ ||
জরামরণহীনং বৈ কূটস্থং মোহবর্জিতম্ |
উৎপত্তিরহিতং চৈব প্রলয়েন বিবর্জিতম্ || ১, ৯১. ৮ ||
সত্যং সর্বাচারহীনং নিষ্কলং পরমেশ্বরম্ |
জাগ্রৎস্বপ্নসুষুপ্ত্যাদিবর্জিতং নামবর্জিতম্ || ১, ৯১. ৯ ||
অধ্যক্ষং জাগ্রদাদীনাং শান্তরূপং সুরেশ্বরম্ |
জাগ্রদাদিস্থিতং নিত্যং কার্যকারণবর্জিতম্ || ১, ৯১. ১০ ||
সর্বদৃষ্টং তথা মূর্তং সূক্ষ্মং সূক্ষ্মতরং পরম্ |
জ্ঞানদৃক্ষ্রোত্রবিজ্ঞানং পরমানন্দরূপকম্ || ১, ৯১. ১১ ||
বিশ্বেন রহিতং তদ্বত্তৈজসেন বিবর্জিতম্ |
প্রাজ্ঞেন রহিতঞ্চৈব তুরীয়ং পরমাক্ষরম্ || ১, ৯১. ১২ ||
সর্বগোপ্তৃ সর্বহন্তৃ সর্বভূতাত্মরূপি চ |
বুদ্ধিধর্মবিহীনং বৈ নিরাধারং শিবং হরিম্ || ১, ৯১. ১৩ ||
বিক্রিয়ারহিতং চৈব বেদান্তৈর্বেদ্যমেব চ |
বেদরূপং পরং ভূতমিন্দ্রিয়েভ্যঃ পরং শুভম্ || ১, ৯১. ১৪ ||
শব্দেন বর্জিতঞ্চৈব রসেন চ বিবর্জিতম্ |
স্পর্শেন রহিতং দেবং রূপমাত্রবিবর্জিতম্ || ১, ৯১. ১৫ ||
রূপেণ রহিতং ঞ্চৈব গন্ধেন পরিবর্জিতম্ |
অনাদি ব্রহ্ম রন্ধ্রান্তমহং ব্রহ্মাস্মি কেবলম্ || ১, ৯১. ১৬ ||
এবং জ্ঞাৎবা মহাদেবধ্যানং কুর্যাজ্জিতেন্দ্রিয়ঃ |
ধ্যানং যঃ কুরুতে হ্যেবং স ভবেদ্বহ্ম মানবঃ || ১, ৯১. ১৭ ||
ইতি ধ্যানং সমাখ্যাতমশ্বিরস্য ময়া তব |
অধুনা কথয়াম্যন্যৎকিন্তদ্ব্রূহি বৃষধ্বজ || ১, ৯১. ১৮ ||

ইতি শ্রীগারুডে মহাপুরাণে প্রথমাংশাখ্যে আচারকাণ্ডে
হরিধ্যানং নামৈকনবতিতমোঽধ্যায়ঃ

শ্রীগরুডমহাপুরাণম্-৯২
রুদ্রৌবাচ |
বিষ্ণোর্ধ্যানং পুনর্ব্রূহি শঙ্খচক্রগদাধর |
যেন বিজ্ঞাতমাত্রেণ কৃতকৃত্যো ভবেন্নরঃ || ১, ৯২. ১ ||
হরিরুবাচ |
প্রবক্ষ্যামি হরের্ধ্যানং মায়াতন্ত্রবিমর্দকম্ |
মূর্তামূর্তাদিভেদেন তদ্ধ্যানং দ্বিবিধং হর || ১, ৯২. ২ ||
অমূর্তং রুদ্র কথিতং হন্ত মূত্ত ব্রবীম্যহম্ |
সূর্যকোটিপ্রতীকাশো জিষ্ণুর্ভাজিষ্ণুরেকতঃ || ১, ৯২. ৩ ||
কুন্দগোক্ষীরধবলো হরির্ধ্যেয়ো মুমুক্ষুভিঃ |
বিশালেন সুসৌম্যেন শঙ্খেন চ সমন্বিতঃ || ১, ৯২. ৪ ||
সহস্রাদিত্যতুল্যেন জ্বালামালোগ্ররূপিণা |
চক্রেণ চান্বিতঃ শান্তো গদাহস্তঃ শুভাননঃ || ১, ৯২. ৫ ||
কিরীটেন মহার্হেণ রত্নপ্রজ্বলিতেন চ |
সায়ুধঃ সর্বগো দেবঃ সরোরুহধরস্তথা || ১, ৯২. ৬ ||
বনমালাধরঃ শুভ্রঃ সমাংসো হেমভূষণঃ |
সুবস্ত্রঃ শুদ্ধদেহশ্চ সুকর্ণঃ পদ্মসংস্থিতঃ || ১, ৯২. ৭ ||
হিরণ্ময়শরীরশ্চ চারুহারী শুভাঙ্গদঃ |
কেয়ূরেণ সমায়ুক্তো বনমালাসমন্বিতঃ || ১, ৯২. ৮ ||
শ্রীবৎসকৌস্তুভয়ুতো লক্ষ্মীবন্দ্যেক্ষণান্বিতঃ |
অমিমাদিগুণৈর্যুক্তঃ সৃষ্টিসংহারকারকঃ || ১, ৯২. ৯ ||
মুনিধ্যেয়োঽসুরধ্যেয়ো দেবধ্যেয়োঽতিসুন্দরঃ |
ব্রহ্মাদিস্তম্বপর্যন্তভূতজাতহৃদিস্থিতঃ || ১, ৯২. ১০ ||
সনাতনোঽব্যয়ো মেধ্যঃ সর্বানুগ্রহকৃৎপ্রভুঃ |
নারায়ণো মহাদেবঃ স্ফুরন্মকরকুণ্ডলঃ || ১, ৯২. ১১ ||
সন্তাপনাশনোঽভ্যর্চ্যো মঙ্গল্যো দুষ্টনাশনঃ |
সর্বাত্মা সর্বরূপশ্চ সর্বগো গ্রহনাশনঃ || ১, ৯২. ১২ ||
চার্বঙ্গুলীয়সংযুক্তঃ সুদীপ্তনখ এব চ |
শরণ্যঃ লসুখকারী চ সৌম্যরূপো মহেশ্বরঃ || ১, ৯২. ১৩ ||
সর্বালঙ্কারসংযুক্তশ্চারুচন্দনচর্চিতঃ |
সর্বদেবসমায়ুক্তঃ সর্বদেবপ্রিয়ঙ্করঃ || ১, ৯২. ১৪ ||
সর্বলোকহিতৈষী চ সর্বেশঃ সর্বভাবনঃ |
আদিত্যমণ্ডলে সংস্থো অগ্নিস্থো বারিসংস্থিতঃ || ১, ৯২. ১৫ ||
বাসুদেবো জগদ্ধাতা ধ্যেয়ো বিষ্ণুর্মুমুক্ষুভিঃ |
বাসুদেবোঽহমস্মীতি আত্মা ধ্যেয়ো হরিহরিঃ || ১, ৯২. ১৬ ||
ধ্যায়ন্ত্যেবং চ যে বিষ্ণুং তে যান্তি পরমাং গতিম্ |
যাজ্ঞবল্ক্যঃ পুরা হ্যেবং ধ্যাৎবা বিষ্ণুং সুরেশ্বরম্ || ১, ৯২. ১৭ ||
ধর্মোপদেশকর্তৃৎবং সম্প্রাপ্যাগাৎপরং পদম্ |
তস্মাত্ত্বমপি দেবেশ ! বিষ্ণুং চিন্তয় শঙ্কর ! || ১, ৯২. ১৮ ||
বিষ্ণুধ্যানং পঠেদ্যস্তু প্রাপ্নোতি পরমাং গতিম্ || ১, ৯২. ১৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বিষ্ণুধ্যানং নাম দ্বিনবতিতমোঽধ্যায়ঃ

শ্রীগরুডমহাপুরাণম্-৯৩
মহেশ্বর উবাচ |
যাজ্ঞবল্ক্যেন যৎপূর্বং ধর্মং প্রোক্তং কয়ং হরে ! |
তন্মে কাথয় কেশিঘ্ন ! যথা তত্ত্বেন মাধব ! || ১, ৯৩. ১ ||
হরিরুবাচ |
যাজ্ঞবল্ক্যং নমস্কৃত্য মিথিলায়াং সমাস্থিতম্ |
অপৃচ্ছন্নৄষয়ো গৎবা বর্ণধর্মাদ্যশেষতঃ |
তেভ্যঃ স কথয়ামাস বিষ্ণুং ধ্যাৎবা জিতেন্দ্রিয়ঃ || ১, ৯৩. ২ ||
যাজ্ঞবল্ক্য উবাচ |
যস্মিন্দেশে মৃগঃ কৃষ্ণস্তস্মিন্ধর্মান্নিবোধত |
পুরাণন্যায়মীমাংসাধর্মশাস্ত্রাঙ্গমিশ্রিতাঃ || ১, ৯৩. ৩ ||
বেদাঃ স্থানানি বিদ্যানাং ধর্মস্য চ চতুর্দশ |
বক্তারো ধর্মশাস্ত্রাণাং মনুর্বিষ্ণুর্যমোঽঙ্গিরাঃ || ১, ৯৩. ৪ ||
বসিষ্ঠদক্ষসংবর্তশাতাতপপরাশরাঃ |
আপস্তম্বোশনোব্যাসাঃ কাত্যায়নবৃহস্পতী || ১, ৯৩. ৫ ||
গৌতমঃ শঙ্খলিখিতো হারীতোঽত্রিরহং তথা |
এতে বিষ্ণুং সমারাধ্য জাতা ধর্মোপদেশকাঃ || ১, ৯৩. ৬ ||
দেশকাল উপায়েন দ্রব্যং শ্রদ্ধাসমন্বিতম্ |
পাত্রে প্রদীয়তে যত্তৎসকলং ধর্মলক্ষণম্ || ১, ৯৩. ৭ ||
ইজ্যাচারো দমোঽহিংসা দানং স্বাধ্যায়কর্ম চ |
অয়ং চ পরমো ধর্মো যদ্যোগেনাত্মদর্শনম্ || ১, ৯৩. ৮ ||
চৎবারো বেদধর্মজ্ঞাঃ পর্ষত্ত্রৈবিদ্যমেব বা |
সা ব্রূতে যৎস্বধর্মঃ স্যাদেকো বাধ্যাত্মবিত্তমঃ || ১, ৯৩. ৯ ||
ব্রহ্মক্ষাত্ত্রিয়বিট্শূদ্রা বর্ণাস্ত্বাদ্যাস্ত্রয়ো দ্বিজাঃ |
নিষেকাদ্যাঃ শ্মশানান্তাস্তেষাং বৈ মন্ত্রতঃ ক্রিয়াঃ || ১, ৯৩. ১০ ||
গর্ভাধানমৃতৌ পুংসঃ সবনং স্পন্দনাৎপুরা |
ষষ্ঠেঽষ্টমে বা সীমন্তঃ প্রসবে জাতকর্ম চ || ১, ৯৩. ১১ ||
অহন্যেকাদশে নাম চতুর্থে মাসি নিষ্ক্রমঃ |
ষষ্ঠেঽন্নপ্রাশনং মাসি চূডাং কুর্যাদ্যথাকুলম্ || ১, ৯৩. ১২ ||
এবমেনঃ শমং যাতি বীজগর্ভসমুদ্ভবম্ |
তূষ্ণ ঈমেতাঃ ক্রিয়াঃ স্ত্রীণাং বিবাহশ্চ সমন্ত্রকঃ || ১, ৯৩. ১৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
যাজ্ঞবল্ক্যোক্তবর্ণধর্মনিরূপণং নাম ত্রিনবতিতমোঽধ্যায়ঃ

শ্রীগরুডমহাপুরাণম্-৯৪
যাজ্ঞবল্ক্য উবাচ |
গর্ভাষ্টমেঽষ্টমে বাব্দে ব্রাহ্মণস্যোপনায়নম্ |
রজ্ঞামেকাদশে সৈকে বিশামেকে যথাকুলম্ || ১, ৯৪. ১ ||
উপনীয় কুরুঃ শিষ্যং মহাব্যাহৃতিপূর্বকম্ |
বেদমধ্যাপয়েদেনং শৌচাচারাংশ্চ শিক্ষয়েৎ || ১, ৯৪. ২ ||
দিবা সন্ধ্যাসু কর্ণস্থব্রহ্মসূত্র উদড্মুখঃ |
কুর্যান্মূত্রপুরীষে তু রাত্রৌ চেদ্দক্ষিণামুখঃ || ১, ৯৪. ৩ ||
গৃহীতশিশ্রশ্চোত্থায় মৃদ্ভিরভ্যুদ্ধৃতৈর্জলৈঃ |
গন্ধলেপক্ষয়করং শৌচং কুর্যান্মহাব্রতঃ || ১, ৯৪. ৪ ||
অন্তর্জানুঃ শুচৌ দেশ উপবিষ্ট উদঙ্মুখঃ |
প্রাগ্বা ব্রাহ্মেণ তীর্থেন দ্বিজো নিত্যমুপস্পৃশেৎ || ১, ৯৪. ৫ ||
কনিষ্ঠাদেশিন্যঙ্গুষ্ঠমূলান্যগ্রং করস্য চ |
প্রজাপতিপিতৃব্রহ্মদেবতীর্থান্যনুক্রমাৎ || ১, ৯৪. ৬ ||
ত্রিঃ প্রাশ্যাপো দ্বিরুন্মৃজ্য খান্যাদ্ভিঃ সমুপস্পৃশেৎ |
অদ্ভিস্তু প্রকৃতিস্থাভির্হেনাভিঃ ফেনবুহুদৈঃ || ১, ৯৪. ৭ ||
হৃৎকণ্ঠতালুগাভিস্তু যথাসঙ্খ্যং দ্বিজাতয়ঃ |
শুধ্যেরংস্ত্রী চ শূদ্রশ্চ সকৃৎস্পৃষ্টাভিরন্ততঃ || ১, ৯৪. ৮ ||
স্নানমব্দৈবতৈর্মন্ত্রৈর্মার্জনং প্রাণসংযমঃ |
সূর্যস্য চাপ্যুপস্থানং গায়ত্ত্রয়াঃ প্রত্যয়ং জপঃ || ১, ৯৪. ৯ ||
গায়ত্ত্রীং শিরসা সার্ধং জপেদ্ব্যাহৃতিপূর্বিকাম্ |
প্রতিপ্রণবসংযুক্তাং ত্রিরয়ং প্রাণসংযমঃ || ১, ৯৪. ১০ ||
প্রাণানায়ম্য সম্প্রোক্ষ্য ত্র্যৃচেনাব্দৈবতেন তু |
জপন্নাসীত সাবিত্ত্রীং প্রত্যগাতারকোদয়াৎ || ১, ৯৪. ১১ ||
সন্ধ্যাং প্রাক্প্রাতরেবং হি তিষ্ঠেদাসূর্যদর্শনাৎ |
অগ্নিকার্যং ততঃ কুর্যাৎসন্ধ্যয়োরুভয়োরপি || ১, ৯৪. ১২ ||
ততোঽভিবাদয়েদ্বৃদ্বানসাবহমিতি ব্রুবন্ |
গুরুং চৈবাপ্যুপাসীত স্বাধ্যায়ার্থং সমাহিতঃ || ১, ৯৪. ১৩ ||
সাহূতশ্চাপ্যধীয়ীত সর্বং চাস্মৈ নিবেদয়েৎ |
হিতং তস্যাচরেন্নিত্যং মনোবাক্রায়কর্মভিঃ || ১, ৯৪. ১৪ ||
দণ্ডাজিনোপবীতানি মেখলাং চৈব ধারয়েৎ |
ব্রাহ্মণেষু চরেদ্ভৈক্ষমনিন্দ্যেষ্বাত্মবৃত্তয়ে || ১, ৯৪. ১৫ ||
আদিমধ্যাবসানেষু ভবেচ্ছন্দোপলক্ষিতা |
ব্রাহ্মণক্ষত্ত্রিয়বিশাং ভৈক্ষচর্যা যথাক্রমম্ || ১, ৯৪. ১৬ ||
কৃতাগ্নিকার্যো ভুঞ্জীত বিনীতো গুর্বনুজ্ঞয়া |
আপোশানক্রিয়াপূর্বং সৎকৃত্যান্নমকুৎসয়ন্ || ১, ৯৪. ১৭ ||
ব্রহ্মচার্যাস্থিতো নৈকমন্নমদ্যাদনাপদি |
ব্রাহ্মণঃ কামমশ্রীয়াচ্ছ্রাদ্ধে ব্রতমপডিয়ন্ || ১, ৯৪. ১৮ ||
মধু মাংসং তথা স্বিন্নমিত্যাদি পরিবর্জয়েৎ |
স গুরুর্যঃ ক্রিয়াঃ কৃৎবা বেদমস্মৈ প্রয়চ্ছতি || ১, ৯৪. ১৯ ||
উপনীয় দদাত্যেনামাচার্যঃ স প্রকীর্তিতঃ |
একদেশমুপাধ্যায় ঋৎবিগ্যজ্ঞকৃদুচ্যতে || ১, ৯৪. ২০ ||
এতে মান্যা যথাপূর্বমেভ্যো মাতা গরীয়সী |
প্রতিবেদং ব্রহ্মচর্যং দ্বাদশাব্দানি পঞ্চ বা || ১, ৯৪. ২১ ||
গ্রহণান্তিকমিত্যেকে কেশান্তশ্চৈব ষোডশে |
আষোডশাঽদ্বাবিংশাচ্চাচতুর্বিংশাচ্চ বৎসরাৎ || ১, ৯৪. ২২ ||
ব্রহ্মক্ষত্ত্রবিশাং কাল ঔপনায়নিকঃ পরঃ |
অত ঊর্ধ্বং পতন্ত্যেতে সর্বধর্মবিবর্জিতাঃ || ১, ৯৪. ২৩ ||
সাবিত্রীপতিতা ব্রাত্যা ব্রাত্যস্তোমাদৃতে ক্রতোঃ |
মাতুর্যদগ্রে জায়ন্তে দ্বিতীয়ং মৌঞ্জবন্ধনম্ || ১, ৯৪. ২৪ ||
ব্রাহ্মণক্ষত্ত্রিয় বিশস্তস্মাদেতে দ্বিজাতয়ঃ |
যজ্ঞানাং তপসাং চৈব শুভানাং চৈব কর্মণাম্ || ১, ৯৪. ২৫ ||
বেদ এব দ্বিজাতীনাং নিঃ শ্রেয়সকরঃ পরঃ |
মধুনা পয়সা চৈব স দেবাংস্তর্পয়েদ্দ্বিজঃ || ১, ৯৪. ২৬ ||
পিৎৠন্মধুঘৃতাভ্যাং চ ঋচোঽধীতে হি সোঽন্বহম্ |
যজুঃ সাম পঠেত্তদ্বদথর্বাঙ্গিরসং দ্বিজঃ || ১, ৯৪. ২৭ ||
সন্তর্পয়েৎপিৎৠন্দেবান্সোঽন্বহং হি ঘৃতামৃতৈঃ |
বাকোবাক্যং পুরাণং চ নারাশংসীশ্চ গাথিকাঃ || ১, ৯৪. ২৮ ||
ইতিহাসাংস্তথা বিদ্যা যোঽধীতে শক্তিতোঽন্বহম্ |
সন্তর্পয়েৎপিৎৠন্দেবান্মাংসক্ষীরোদনাদিভিঃ || ১, ৯৪. ২৯ ||
তে তৃপ্তাস্তর্পয়ন্ত্যেনং সর্বকামফলৈঃ শুভৈঃ |
যংযং ক্রতুমধীতেসৌ তস্যস্যাপ্নুয়াৎফলম্ || ১, ৯৪. ৩০ ||
ভূমিদানস্য তপসঃ স্বাধ্যায়ফলভাগ্দ্বিজঃ |
নেষ্ঠিকো ব্রহ্মচারী তু বসেদাচার্যসন্নিধৌ || ১, ৯৪. ৩১ ||
তদভাবেঽস্য তনয়ে পত্ন্যাং বৈশ্বানরেঽপি বা |
অনেন বিধিনা দেহে সাধয়েদ্বিজিতেন্দ্রিয়ঃ |
ব্রহ্মলোকমবাপ্নোতি ন চেহ জায়তে পুনঃ || ১, ৯৪. ৩২ ||

ইতি শ্রীগারুডে মহাপুরাণে পূর্বখণ্ডে প্রথমাংশাক্যে আচারকাণ্ডে
যাজ্ঞবল্ক্যোক্তবর্ণধর্মনিরূপণং নাম চতুর্নবতিতমোঽধ্যায়ঃ

শ্রীগরুডমহাপুরাণম্-৯৫
যাজ্ঞবল্ক্য উবাচ |
শৃণ্বন্তু মুনয়ো ধর্মান্গৃহস্থস্য যতব্রতাঃ |
গুরবে চ ধনং দত্ত্বা স্নাৎবা চ তদনুজ্ঞয়া || ১, ৯৫. ১ ||
সমাপিতব্রহ্মচর্যো লক্ষণ্যাং স্ত্রিয়মুদ্বহেৎ |
অনন্যপূর্বিকাং কান্তামসপিণ্ডাং যবীয়সীম্ || ১, ৯৫. ২ ||
অরোগিণীং ভ্রাতৃমতীমসমানার্ষগোত্রজাম্ |
পঞ্চমাৎসপ্তমাদূর্ধ্বং মাতৃতঃ পিতৃতস্তথা || ১, ৯৫. ৩ ||
দশপূরুষবিখ্যাতাচ্ছ্রোত্রিয়াণাং মহাকুলাৎ |
সবর্ণঃ শ্রোত্রিয়ো বিদ্বান্বরো দোষান্বিতো ন চ || ১, ৯৫. ৪ ||
যদুচ্যতে দ্বিজাতীনাং শূদ্রাদ্দারোপসঙ্গ্রহঃ |
ন তন্মম মতং যস্মাত্তত্রায়ং জায়তে স্বয়ম্ || ১, ৯৫. ৫ ||
তিস্রো বর্ণানুপূর্ব্যেণ দ্বে তথৈকা যথাক্রমম্ |
ব্রাহ্মণক্ষত্ত্রিয়বিশাং ভার্যাঃ স্বা শূদ্রজন্মনঃ || ১, ৯৫. ৬ ||
ব্রাহ্মো বিবাহ আহূয় দীয়তে শক্ত্যলঙ্কৃতা |
তজ্জঃ পুনাত্যুভয়তঃ পুরুষোনেকবিংশতিম্ || ১, ৯৫. ৭ ||
যজ্ঞস্থায়র্ত্বিজে দৈবমাদায়ার্ষস্তু গোয়ুগম্ |
চতুর্দশ প্রথমজঃ পুনাত্যুত্তরজশ্চ ষটূ || ১, ৯৫. ৮ ||
ইত্যুক্ত্বা চরতাং ধর্মং সহ যা দীয়তেঽর্থিনে |
স কায়ঃ পাবয়েত্তজ্জঃ ষড্বংশ্যানাত্মনা সহ || ১, ৯৫. ৯ ||
আসুরো দ্রবিণাদানাদ্গান্ধর্বঃ সময়ান্মিথঃ |
রাক্ষসো যুদ্ধহরণাৎপৈশাচঃ কন্যকাচ্ছলাৎ || ১, ৯৫. ১০ ||
চৎবারো ব্রাহ্মণস্যাদ্যাস্তথা গান্ধর্বরাক্ষসৌ |
রাজ্ঞস্তথাসুরো বৈশ্যে শূদ্রে চান্ত্যস্তু গর্হিতঃ || ১, ৯৫. ১১ ||
পাণির্গ্রাহ্যঃ সবর্ণাসু গৃহ্ণীত ক্ষত্ত্রিয়া শরম্ |
বৈশ্যা প্রতোদমাদদ্যাদ্বেদনে চাগ্রজন্মনঃ || ১, ৯৫. ১২ ||
পিতা পিতামহো ভ্রাতা সকুল্যো জননী তথা |
কন্যাপ্রদঃ পূর্বনাশে প্রকৃতীস্থঃ পরঃ পরঃ || ১, ৯৫. ১৩ ||
অপ্রয়চ্ছন্সমাপ্নোতি ভ্রূণহত্যামৃতাবৃতৌ |
এষামভাবে দাৎৠণাং কন্যা কুর্যাৎস্বয়ংবরম্ || ১, ৯৫. ১৪ ||
সকৃৎপ্রদীয়তে কন্যা হরংস্তাং চোরদণ্ডভাক্ |
অদুষ্টাং হি ত্যজন্দণ্ড্যঃ সুদুষ্টাং তু পরিত্যজেৎ || ১, ৯৫. ১৫ ||
অপুত্রা গুবপুজ্ঞাতো দেবরঃ পুত্রকান্যগা |
সপিণ্ডো বা সমোত্রো বা ঘৃতাভ্যক্ত ঋতাবিয়াৎ || ১, ৯৫. ১৬ ||
আগর্ভসম্ভবং গচ্ছেৎপতিতস্ত্বন্যথা ভবেৎ |
অনেন বিধিনা জাত ক্ষেত্রপস্য ভবেৎসুতঃ || ১, ৯৫. ১৭ ||
হৃতাধিকারাং মলিনাং পিণ্ডমাত্রোপসেবিনীম্ |
পরিভূতামধঃ শয়্যাং বাসয়েদ্য্বভিচারিণীম্ || ১, ৯৫. ১৮ ||
সোমঃ শৌচং দদৌ তাসাং গন্ধর্বশ্চ সুভাং গিরম্ |
পাবকঃ সর্বমেধ্যৎবং মেধ্যা বৈ যোষিতো যতঃ || ১, ৯৫. ১৯ ||
ব্যভিচারাদৃতৌশুদ্ধির্গর্ভেত্যাগং করোতি চ |
গর্ভভর্তৃবধে তাসাং তথা মহতি পাতকে || ১, ৯৫. ২০ ||
সুরাপি ব্যাধিতা দ্বেষ্ট্রী বন্ধ্যার্থঘ্ন্যপ্রিয়ংবদা |
অধিবিন্না চ ভর্তব্যা মহদেনোন্যথা ভবেৎ || ১, ৯৫. ২১ ||
যত্রাবিরোধো দম্পত্যোস্ত্রিবর্গস্তত্ত্র বর্ধতে |
মৃতে জীবতি যা পত্যৌ যা নান্যমুপগচ্ছতি || ১, ৯৫. ২২ ||
সেহ কীর্তিমবাপ্নোতি মোদতে চোময়া সহ |
শুদ্ধাং ত্যজংস্তৃতীয়াংশং দদ্যাদামরণং স্ত্রিয়াঃ || ১, ৯৫. ২৩ ||
স্ত্রীভির্ভর্তুর্বচঃ কার্যমেষ ধর্মঃ পরঃ স্ত্রিয়াঃ |
ষোডশর্তুনিশাঃ স্ত্রীণাং তাসু যুগ্মাসু সংবিশেৎ || ১, ৯৫. ২৪ ||
ব্রহ্মচারী চ পর্বাণ্যাদ্যাশ্ততস্ত্রস্তু বর্জয়েৎ |
এবং গচ্ছং স্ত্রিয়ং ক্ষামাং মঘাং মূলাং চ বর্জয়েৎ || ১, ৯৫. ২৫ ||
লক্ষণ্যং জনয়েদেব পুত্রং রোগবিবর্জিতম্ |
যথা কামী ভবেদ্বাপি স্ত্রীণাং (স্ম) বলমনুস্মরন্ || ১, ৯৫. ২৬ ||
স্বদারনিরতশ্চৈব স্ত্রিয়ো রক্ষ্যা যতস্ততঃ |
ভর্তৃভ্রাতৃপিতৃজ্ঞাতিশ্বশ্রূশ্বশুরদেবরৈঃ || ১, ৯৫. ২৭ ||
বন্ধুভিশ্চ স্ত্রিয়ঃ পূজ্যা ভূষণাচ্ছাদনাশনৈঃ |
সংযতো পস্করা দক্ষা হৃষ্টা ব্যয়পরাঙ্মুখী || ১, ৯৫. ২৮ ||
শ্বশ্রূশ্বশুরয়োঃ কুর্যাৎপাদয়োর্বন্দনং সদা |
ক্রীডাশরীরসংস্কারসমাজোৎসবদশনম্ || ১, ৯৫. ২৯ ||
হাস্যং পরগৃহে যানং ত্যজেৎপ্রেষিতভর্তৃকা |
রক্ষেৎকন্যাং পিতা বাল্যে যৌবনে পতিরেব তাম্ || ১, ৯৫. ৩০ ||
বার্ধক্যে রক্ষতে পুত্রো হ্যন্যথা জ্ঞাতয়স্তথা |
পতিং বিনা ন তিষ্ঠেত্তু দিবা বা যদি বা নিশি || ১, ৯৫. ৩১ ||
জ্যেষ্ঠাং ধর্মবিধৌ কুর্যান্ন কনিষ্ঠাং কদাচন |
দাহয়েদগ্নিহোত্রেণ স্ত্রিয়ং বৃত্তবতীং পতিঃ || ১, ৯৫. ৩২ ||
আহরেদ্বিধিবদ্দারানগ্নিং চৈবাবিলম্বিতঃ |
হিতা ভর্তুর্দিবং গচ্ছেদিহ কীর্তীরবাপ্য চ || ১, ৯৫. ৩৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
যাজ্ঞবল্ক্যোক্তগৃহল্থধর্মনির্ণয়ো নাম পঞ্চনবতিতমোঽধ্যায়ঃ

শ্রাগরুডমহাপুরাণম্-৯৬
যাজ্ঞবল্ক্য উবাচ |
বক্ষ্যে সঙ্করজাত্যাদিগৃহস্থাদি বিধিং পরম্ |
বিপ্রান্মূর্ধাবষিক্তো হি ক্ষাত্ত্রিয়ায়াং বিশঃ স্ত্রিয়াম্ || ১, ৯৬. ১ ||
জাতোঽম্বষ্ঠস্তু শূদ্রায়াং নিষাদঃ পর্বতোঽপি বা |
মাহিষ্যঃ ক্ষত্ত্রিয়াজ্জাতো বৈশ্যায়াং ম্লেচ্ছসঞ্জ্ঞিতঃ || ১, ৯৬. ২ ||
শূদ্রায়াং করণো বৈশ্যাদ্বিন্নাস্বেষ বিধিঃ স্মৃতঃ |
ব্রাহ্মণ্যাং ক্ষত্ত্রিয়াৎসূতো বৈশ্যাদ্বৈদেহকস্তথা || ১, ৯৬. ৩ ||
শূদ্রাজ্জাতস্তু চাণ্ডালঃ সর্ববর্ণবিগর্হিতঃ |
ক্ষত্ত্রিয়া মাগধং বৈশ্যাচ্ছূদ্রা ক্ষত্তারমেব চ || ১, ৯৬. ৪ ||
শূদ্রাদয়োগবং বৈশ্যা জনয়ামাস বৈ সুতম্ |
মাহিষ্যেণ করণ্যাং তু রথকারঃ প্রজায়তে || ১, ৯৬. ৫ ||
অসৎসন্তস্তু বৈ জ্ঞেয়াঃ প্রতিলোমানুলোমজাঃ |
জাত্যুৎকর্ষাদ্দ্বিজো জ্ঞেয়ঃ সপ্তমে পঞ্চমেঽপি বা || ১, ৯৬. ৬ ||
ব্যত্যয়ে কর্মণাং সাম্যং পূর্ববচ্চোত্তরাবরম্ |
কর্ম স্মার্তং বিবাহাগ্নৌ কুর্বীত প্রত্যহং গৃহী || ১, ৯৬. ৭ ||
দায়কালাদৃতে বাপি শ্রৌতং বৈতানিকাগ্নিষু |
শরীরচিন্তাং নির্বর্ত্য কৃতশৌচবিধির্দ্বিজঃ || ১, ৯৬. ৮ ||
প্রাতঃ সন্ধ্যামুপাসীত দন্তধাবনপূর্বকম্ |
হুৎবাগ্নৌ সর্যদেবত্যাঞ্জপেন্মন্ত্রান্সমাহিতঃ || ১, ৯৬. ৯ ||
বেদার্থানধিগচ্ছেচ্চ শাস্ত্রাণি বিবিধানি চ |
যোগক্ষোমাদিসিদ্ধ্যর্থমুপেয়াদীশ্বরং গৃহী || ১, ৯৬. ১০ ||
স্নাৎবা দেবান্পিৎৠংশ্চৈব তর্পয়েদর্চয়েত্তথা |
বেদানথ পুরাণানি সেতিহাসানি শক্তিতঃ || ১, ৯৬. ১১ ||
জপয়জ্ঞানুসিদ্ধ্যর্থং বিদ্যাং চাধ্যাত্মিকীং জপেৎ |
বলিকর্মস্বধাহোমস্বাধ্যায়াতিথিসক্রিয়াঃ || ১, ৯৬. ১২ ||
ভূতপিত্রমরব্রহ্মমনুষ্যাণাং মহামখাঃ |
দেবেভ্যস্তু হুতং চাগ্নৌ ক্ষিপেদ্ভূতবলিং হরেৎ || ১, ৯৬. ১৩ ||
অন্নং ভূমৌশ্বচাণ্ডালবায়সেভ্যশ্চ নিঃ ক্ষিপেৎ |
অন্নং পিতৃমনুষ্যেভ্যো দেয়মপ্যন্বহং জলম্ || ১, ৯৬. ১৪ ||
স্বাধ্যায়মন্বহং কুর্যান্ন পচেচ্চান্নমাত্মনে |
বালস্ববাসিনীবৃদ্ধগর্ভিণ্যাতুরকন্যকাঃ || ১, ৯৬. ১৫ ||
সম্ভোজ্যাতিথিভৃত্যাংশ্চ দম্পত্যোঃ শেষভোজনম্ |
প্রাণাগ্নিহোত্রবিধিনাশ্রীয়াদন্নমকুৎসয়ন্ || ১, ৯৬. ১৬ ||
মিতং বিপাকং চ হিতং ভক্ষ্যং বালাদিপূর্বকম্ |
আপোশানেনোপরিষ্টাদধস্তাচ্চৈব ভুজ্যতে || ১, ৯৬. ১৭ ||
অনগ্নমমৃতং চৈব কার্যমন্নং দ্বিজন্মনা |
অতিথিভ্যস্তু বর্ণেভ্যো দেয়ং শক্ত্যানুপূর্বশঃ || ১, ৯৬. ১৮ ||
অপ্রণোদ্যোঽতিথিঃ সায়মপি নাত্র বিচারণা |
সৎকৃত্য ভিক্ষবে ভিক্ষা দাতব্যা সুব্রতায় চ || ১, ৯৬. ১৯ ||
আগতান্ভোজয়েৎসর্বান্মহোক্ষং শ্রোত্রিয়ায় চ |
প্রতিসংবৎসরং ৎবর্চ্যাঃ স্নাতকাচার্যপার্থিবাঃ || ১, ৯৬. ২০ ||
প্রিয়ো বিবাহ্যশ্চ তথা যজ্ঞং প্রত্যৃর্ত্বিজঃ পুনঃ |
অধ্বনীনোঽতিথিঃ প্রোক্তঃ শ্রোত্রিয়ো বেদপারগঃ || ১, ৯৬. ২১ ||
মান্যাবেতৌ গৃহস্থস্য ব্রহ্মলোকমভীপ্সতঃ |
পরপাকরুচির্ন স্যাদনিন্দ্যামন্ত্রণাদৃতে || ১, ৯৬. ২২ ||
বাক্পাণিপাদচাপল্যং বর্জয়চ্চাতিভোজনম্ |
শ্রোত্রিয়ং বাতিথিং তৃপ্তমাসীমান্তাদনুব্রজেৎ || ১, ৯৬. ২৩ ||
অহঃ শেষং সহাসীত শিষ্টৈরিষ্টৈশ্চ বন্ধুভিঃ |
উপাস্য পশ্চিমাং সন্ধ্যাং হুৎবাগ্নৌ ভোজনং ততঃ || ১, ৯৬. ২৪ ||
কুর্যাদ্ভত্যৈঃ সমায়ুক্তৈশ্চিন্তয়েদাত্মনো হিতম্ |
ব্রাহ্মে মুহূর্তে চোত্থায় মান্যো বিপ্রো ধনাদিভিঃ || ১, ৯৬. ২৫ ||
বৃদ্ধার্তানাং সমাদেয়ঃ পন্থা বৈ ভারবাহিনাম্ |
ইজ্যাধ্যয়নদানানি বৈশ্যস্য ক্ষত্ত্রিয়স্য চ || ১, ৯৬. ২৬ ||
প্রতিগ্রহোঽধিকো বিপ্রে যাজনাধ্যাপনে তথা |
প্রধানং ক্ষত্ত্রিয়ে কর্ম প্রজানাং পরিপালনম্ || ১, ৯৬. ২৭ ||
কুসীদকৃষিবাণিজ্যং পাশুপাল্যং বিশঃ স্মৃতম্ |
শূদ্রস্য দ্বিজশুশ্রূষা দ্বিজো যজ্ঞান্ন হাপয়েৎ || ১, ৯৬. ২৮ ||
অহিংসা সত্যমস্তেয়ং শৌচমিন্দ্রিয়সংযমঃ |
দমঃ ক্ষমার্জবং দানং সর্বেষাং ধর্মসাধনম্ || ১, ৯৬. ২৯ ||
আচরেৎসদৃশীং বৃত্তিমজিহ্মামশঠান্তথা |
ত্রৈবার্ষিকা ধিকান্নো যঃ স সোমং পাতুমর্হতি || ১, ৯৬. ৩০ ||
স্যাদন্নং বার্ষিকং যস্য কুর্যাৎপ্রকসৌমিকীং ক্রিয়াম্ |
প্রতিসংবৎসরং সোমঃ পশুঃ প্রত্যয়নং তথা || ১, ৯৬. ৩১ ||
কর্তব্যাঽগ্রহণেষ্টিশ্চ চাতুর্মাস্যানি যত্নতঃ |
এষামসম্ভবে কুর্যাদিষ্টিং বৈশ্বানরীং দ্বিজঃ || ১, ৯৬. ৩২ ||
হীনকল্পং ন কুর্বীত সতি দ্রব্যে ফলপ্রদম্ |
চণ্ডালো জায়তে যজ্ঞকরণাচ্ছূদ্রভিক্ষিতাত || ১, ৯৬. ৩৩ ||
যজ্ঞার্থলব্ধং নাদদ্যাদ্ভাসঃ কাকোঽপি বা ভবেৎ |
কুসূতকুম্ভীধান্যো বা ত্র্যাহিকঃ শ্বস্তনোঽপি বা || ১, ৯৬. ৩৪ ||
জীবেদ্বাপি শিলোঞ্ছেন শ্রেয়ানেষাং পরঃ পরঃ |
ন স্বাধ্যায়বিরোধ্যর্থমীহেত ন যতস্ততঃ || ১, ৯৬. ৩৫ ||
রাজান্তেবাসিয়াজ্যেভ্যঃ সীদন্নিচ্ছেদ্ধনং ক্ষুধা |
দম্ভহৈতুকপাষণ্ডিবকবৃত্তীংশ্চ বর্জয়েৎ || ১, ৯৬. ৩৬ ||
শুক্লাম্বরধরো নীচকেশশ্মশ্রুনখঃ শুচিঃ |
ন ভার্যাদর্শনেঽশ্রীয়ান্নৈকবাসা ন সংস্থিতঃ || ১, ৯৬. ৩৭ ||
অপ্রিয়ং ন বদেজ্জাতু ব্রহ্মসূত্রী বিনীতবান্ |
দেবপ্রদক্ষিণাঙ্কুর্যাদ্যষ্টিমান্সকমণ্ডলুঃ || ১, ৯৬. ৩৮ ||
ন তু মেহেন্নদীচ্ছায়াভস্মগোষ্টাম্বুবর্ত্মসু |
ন প্রত্যগ্ন্যর্কগোসোমসন্ধ্যাম্বুস্ত্রীদ্বিজন্মনাম্ || ১, ৯৬. ৩৯ ||
নেক্ষেতাগ্ন্যর্কনগ্নাং স্ত্রীং ন চ সংসৃষ্টমৈথুনাম্ |
ন চ মূত্রং পুরীষং বা স্বপেৎপ্রত্যকূশিরা ন চ || ১, ৯৬. ৪০ ||
ষ্টীবনাসৃক্ষকৃন্মূত্রবিষাণ্যপ্সু ন সঙ্ক্ষিপেৎ |
পাদৌ প্রতাপয়েন্নাগ্নৌ ন চৈনমভিলঙ্ঘয়েৎ || ১, ৯৬. ৪১ ||
পিবেন্নাঞ্জলিনা তোয়ং ন শয়ানং প্রবোধয়েৎ |
নাক্ষৈঃ ক্রীজেচ্চ কিতবৈর্ব্যাধিতৈশ্চ ন সংবিশেৎ || ১, ৯৬. ৪২ ||
বিরুদ্ধং বর্জয়েৎকম প্রেতধূমং নদীতরম্ |
কেশভস্মতুষাঙ্গারকপালেষু চ সংস্থিতিম্ || ১, ৯৬. ৪৩ ||
নাচক্ষীত ধয়ন্তীং গাং নাদ্বারেণাবিশেৎক্রচিৎ |
ন রাজ্ঞঃ প্রতিগৃহ্ণায়াল্লুব্ধস্যোচ্ছাস্ত্রবর্তিনঃ || ১, ৯৬. ৪৪ ||
অধ্যায়ানামুপাকর্ম শ্রাবণ্যাং শ্রবণেন বা |
হস্তেনৌষধিভাবে বা পঞ্চম্যাং শ্রাবণস্য চ || ১, ৯৬. ৪৫ ||
পৌষমাসস্য রোহিণ্যামষ্টকায়ামথাপি বা |
জলান্তে ছন্দসাং কুর্যাদুৎসর্গং বিধিবদ্বহিঃ || ১, ৯৬. ৪৬ ||
অনধ্যায়স্ত্র্যহং প্রেতে শিষ্যর্ত্বিগ্গুরুবন্ধুষু |
উপাকর্মণি চোৎসর্গে স্বশাখশ্রোত্রিয়ে মৃতে || ১, ৯৬. ৪৭ ||
সন্ধ্যাগর্জিতনির্ঘাতভূকম্পোল্কানিপাতনে |
সমাপ্য বেদং দ্যুনিশমারণ্যকমধীত্য চ || ১, ৯৬. ৪৮ ||
পঞ্চদশ্যাং চতুর্দশ্যামষ্টম্যাং রাহুসূতকে |
ঋতুসন্ধিষু ভুক্ত্বা বা শ্রাদ্ধিকং প্রতিগৃহ্য চ || ১, ৯৬. ৪৯ ||
পশুমণ্ডূকনকুলশ্বাহিমার্জারসূকরৈঃ |
কৃতেঽন্তরে ৎবহোরাত্রং শক্রপাতে তথোচ্ছ্রয়ে || ১, ৯৬. ৫০ ||
শ্বক্রোষ্টুগর্দভোলূকসামবাণার্তনিঃ স্বনে |
অমেধ্যশবশূদ্রান্ত্যশ্মশানপতিতান্তিকে || ১, ৯৬. ৫১ ||
দেশেঽশুচাবাত্মনি চ বিদ্যুৎস্তনিতসম্প্লবে |
ভুক্ত্বার্দ্রপাণিরম্ভোঽন্তরর্ধরাত্রেঽতিমারুতে || ১, ৯৬. ৫২ ||
দিগ্দাহে পাংসুবর্ষেষু সন্ধ্যানী হারভীতিষু |
ধাবতঃ পূতিগন্ধে চ শিষ্টে চ গৃহমাগতে || ১, ৯৬. ৫৩ ||
খরোষ্ট্রয়ানহস্ত্যশ্বনৌবৃক্ষগিরিরোহণে |
সপ্তত্রিংশদনধ্যায়ানেতাংস্তাৎকালিকান্বিদুঃ || ১, ৯৬. ৫৪ ||
বেদদিষ্টং তথাচার্যং রাজচ্ছায়াং পরস্ত্রিয়ম্ |
নাক্রামেদ্রক্তবিণ্মূত্রষ্ঠীবনোদ্বর্তনানি চ || ১, ৯৬. ৫৫ ||
বিপ্রাহিক্ষত্ত্রিয়াত্মানো নাবজ্ঞেয়াঃ কদাচন |
দূরাদুচ্ছিষ্টবিণ্মূত্রপাদাম্ভাংসি সমুৎসৃজেৎ || ১, ৯৬. ৫৬ ||
শ্রুতিস্মৃত্যুক্তমাচারং কুর্যান্মর্মণি ন স্পৃশেৎ |
ন নিন্দাতাডনে কুর্যাৎসুতং শিষ্যং চ তাডয়েৎ || ১, ৯৬. ৫৭ ||
আচরেৎসর্বদা ধর্মং তদ্বিরুদ্ধং তু নাচরেৎ |
মাতাপিত্রতিথীভ্যাঢ্যৈর্বিবাদং নাচরেদ্গৃহী || ১, ৯৬. ৫৮ ||
পঞ্চ পিণ্ডাননুদ্ধৃত্য ন স্নায়াৎপরবারিষু |
স্নায়ান্নদীপ্রস্ত্রবণদেবখাতহ্রদেষু চ || ১, ৯৬. ৫৯ ||
বর্জয়েৎপরশয়্যাদি ন চাশ্রীয়াদনাপদি |
কদর্যবদ্ধচো (বৈ) রাণাং তথা চানম্নিকস্য চ || ১, ৯৬. ৬০ ||
বৈণাভিশস্তবার্ধুষ্যগণিকাগণদীক্ষিণাম্ |
চিকিৎসকাতুরক্রুদ্ধক্লীবরঙ্গোপজীবিনাম্ || ১, ৯৬. ৬১ ||
ক্রূরোগ্রপতিতব্রাত্যদাম্ভিকোচ্ছিষ্টভোজিনাম্ |
শাস্ত্রবিক্রয়িণশ্চৈব স্ত্রীজিতগ্রাময়াজিনাম্ || ১, ৯৬. ৬২ ||
নৃশংসরাজরজককৃতঘ্নবধজীবিনাম্ |
পিশুনানৃতিনোশ্চৈব সোমবিক্রয়িণস্তথা || ১, ৯৬. ৬৩ ||
বন্দিনাং স্বর্ণকারাণামন্নমেষাং কদাচন |
ন ভোক্তব্যং বৃথা মাংসং কেশকীটসমন্বিতম্ || ১, ৯৬. ৬৪ ||
ভক্তং পর্যুষিতোচ্ছিষ্টং শ্বস্পৃষ্টং পতিতো (তে) ক্ষিতম্ |
উদক্যাস্পৃষ্টসঙ্ঘুষ্টমপর্যাপ্তং চ বর্জয়েৎ || ১, ৯৬. ৬৫ ||
ঘোঘ্রাতং শকুনোচ্ছিষ্টং পাদস্পৃষ্ট চ কামতঃ |
শূদ্রেষু দাসগোপালকুলমিত্রার্ধসীরিণঃ || ১, ৯৬. ৬৬ ||
ভোজ্যান্নো নাপিতশ্চৈব যশ্চাত্মানং নিবেদয়েৎ |
অন্নং পর্যুষিতং ভোজ্যং স্নেহাক্তং চিরসম্ভৃ (স্থি) তম্ || ১, ৯৬. ৬৭ ||
অস্নেহা অপি ঘোধূময়বগোরসবিক্রিয়াঃ |
ঔষ্ট্রমৈকশফং স্ত্রীণাং পয়শ্চ পরিবর্জয়েৎ || ১, ৯৬. ৬৮ ||
ক্রব্যাদপক্ষিদাত্যূহশুকমাংসানি বর্জয়েৎ |
সারসৈকশফান্হংসান্বলাকবকটিট্টিভান্ || ১, ৯৬. ৬৯ ||
বৃথা কৃসরসংযাব পায়সাপূপশষ্কুলীঃ |
কুররং জালপাদং চ খঞ্জরীটমৃগদ্বিজান্ || ১, ৯৬. ৭০ ||
চাষান্মৎস্যাত্রক্তপাদঞ্চগ্দ্ধ্বা বৈ কামতো নরঃ |
বল্লূরং কামতো জগ্দ্ধ্বা সোপ বাসস্ত্র্যহং ভবেৎ || ১, ৯৬. ৭১ ||
পলাণ্ডুলশুনাদীনি জগ্দ্ধ্বা চান্দ্রায়ণং চরেৎ |
শ্রাদ্ধে দেবান্পিৎৠন্প্রার্চ্য খাদন্মাংসং ন দোষভাক্ || ১, ৯৬. ৭২ ||
বসেৎস নরকে ঘোর দিনানি পশুরোমতঃ |
সমিতানি দুরাচারো যো হন্ত্যবিধিনা পশূন্ |
মাংসং সন্ত্যজ্য সম্প্রার্থ্য কামান্যাতি ততো হরিম্ || ১, ৯৬. ৭৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
যাজ্ঞবল্ক্যোক্তশ্রাদ্ধনিরূপণং নাম ষণ্ণবতিতমোঽধ্যায়ঃ

শ্রীগরুডমহাপুরাণম্-৯৭
যাজ্ঞবল্ক্য উবাচ |
দ্রব্যশুদ্ধিম্প্রবক্ষ্যামি তন্নিবোধত সত্তমাঃ |
সৌবর্ণরাজতাব্জানাং শঙ্খরজ্জ্বাদিচর্মণাম্ || ১, ৯৭. ১ ||
পাত্রাণাং চাসনানাং চ বারিণা শুদ্ধিরিষ্যতে |
উষ্ণবাভঃ স্ত্রুক্স্ত্রুবয়োর্ধান্যাদেঃ প্রোক্ষণেন চ || ১, ৯৭. ২ ||
তক্ষণাদ্দারুশৃঙ্গাদের্যজ্ঞপাত্রস্য মার্জনাৎ |
সোষ্ণৈরুদকগোমূত্রৈঃ শুধ্যত্যাবিককৌশিকম্ || ১, ৯৭. ৩ ||
ভৈক্ষ্যং যোষিন্মুখং পশ্যন্পুনঃ পাকান্মহীময়ম্ |
গাঘ্নাতেঽন্নে তথা কেশমক্ষিকাকীটদূষিতে || ১, ৯৭. ৪ ||
ভস্মক্ষেপাদ্বিশুদ্ধিঃ স্যাদ্ভূশুদ্ধির্মাজনাদিনা |
ত্রপুসীসকতাম্রাণাং ক্ষারাম্লোদকবারিভিঃ || ১, ৯৭. ৫ ||
ভস্মাদ্ভির্লোহকাংস্যানামজ্ঞাতং চ সদা শুচি |
অমেধ্যাক্তস্য মৃত্তোয়ৈর্গন্ধলেপাপকর্ষণাৎ || ১, ৯৭. ৬ ||
শুচি গোতৃপ্তিদং তোয়ং প্রকৃতিস্থং মহীগতম্ |
তথা মাংসং শ্বচাণ্ডালক্রব্যাদাদিনিপাতিতম্ || ১, ৯৭. ৭ ||
রশ্মিরগ্নী রজশ্ছায়া গৌরশ্বো বসুধানিলাঃ |
অশ্বাজবিপ্রুষো মেধ্যা স্তথাচমনবিন্দবঃ || ১, ৯৭. ৮ ||
স্নাৎবা পীৎবা ক্ষুতে সুপ্তে ভুক্ত্বা রথ্যাপ্রসর্পণে |
আচান্তঃ পুনরাচামেদ্বাসোঽন্যৎপরিধায় চ || ১, ৯৭. ৯ ||
ক্ষুতে নিষ্ঠীবিতে স্বাপে পরিধানেঽশ্রুপাতনে |
পঞ্চস্বেতেষু নাচামেদ্দক্ষিণং শ্রবণং স্পৃশেৎ |
তিষ্ঠন্ত্যগ্ন্যাদয়ো দেবা বিপ্রকর্ণে তু দক্ষিণে || ১, ৯৭. ১০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
যাজ্ঞবল্ক্যোক্তদ্রব্যশুদ্ধিনিরূপণং নাম সপ্তনবতিতমোঽধ্যায়ঃ

শ্রীগরুডমহাপুরাণম্-৯৮
যাজ্ঞবল্ক্য উবাচ |
অথ দানিবিধিং বক্ষ্যে তন্মে শৃণুত সুব্রতাঃ |
অন্যেভ্যো ব্রাহ্মণাঃ শ্রেষ্ঠাস্তেভ্যশ্চৈব ক্রিয়াপরাঃ || ১, ৯৮. ১ ||
ব্রহ্মবেত্তা চ তেভ্যোঽপি পাত্রং বিদ্যাত্তপোঽন্বিতাঃ (তম্) |
গোভূধান্যহিরণ্যাদি পাত্রে দাতব্যমর্চিতম্ || ১, ৯৮. ২ ||
বিদ্যাতপোভ্যাং হীনেন ন তু গ্রাহ্যঃ প্রতিগ্রহঃ |
গৃহ্ণন্প্রদাতারমধো নয়ত্যাত্মানমেব চ || ১, ৯৮. ৩ ||
দাতব্যং প্রত্যহং পাত্রে নিমিত্তেষু বিশেষতঃ |
যাচিতেনাপি দাতব্যং শ্রদ্ধাপূতং তু শক্তিতঃ || ১, ৯৮. ৪ ||
হেমশৃঙ্গী শফৈঃ রৌপ্যৈঃ শুশীলা বস্ত্রসংযুতা |
সকাংস্যাপাত্রা দাতব্য ক্ষীরিণী গৌঃ সদক্ষিণা || ১, ৯৮. ৫ ||
দশসৌবর্ণিকং শৃঙ্গং শফং সপ্তপলৈঃ কৃতম্ |
পঞ্চাশৎপলিকং পাত্রং কাংস্যং বৎসস্য কীর্ত্যতে || ১, ৯৮. ৬ ||
স্বর্ণপিপ্পলপাত্রেণ বৎসো বা বৎসিকাপি বা |
অস্যা অপি চ দাতব্যমপত্যং রোগবর্জিতম্ || ১, ৯৮. ৭ ||
দাতা স্বর্গমবাপ্নোতি বৎসরান্রোমসমিতান্ |
কষিলা চেতারয়েত্ভূয়শ্চাসপ্তমং কুলম্ || ১, ৯৮. ৮ ||
যাবদ্বৎসস্য দ্বৌ পাদৌ মুখং যোন্যাং প্রদৃশ্যতে |
তাবদ্গৌঃ পৃথিবী জ্ঞেয়া যাবদ্গর্ভং ন মুঞ্চতি || ১, ৯৮. ৯ ||
যথা কথঞ্চিদ্দত্ত্বা গান্ধেনুং বাধেনুমেব বা |
অরোগামপরিক্লিষ্টাং দাতা স্বর্গে মহীয়তে || ১, ৯৮. ১০ ||
শ্রান্তসংবাহনং রোগিপরিচর্যা সুরার্চনম্ |
পাদশৌচং দ্বিজোচ্ছিষ্টমার্জনং গাপ্রদানবৎ || ১, ৯৮. ১১ ||
দ্বিজায় যদভীষ্টং তু দত্ত্বা স্বর্গমবাপ্নুয়াৎ |
ভূদীপাংশ্চান্নবস্ত্রাণি সর্পির্দত্ত্বা ব্রজেচ্ছিয়ম্ || ১, ৯৮. ১২ ||
গৃহধান্যচ্ছত্রমাল্যবৃক্ষয়া নঘৃতং জলম্ |
শয়্যানুলেপনং দত্ত্বা স্বর্গলোকে মহীয়তে || ১, ৯৮. ১৩ ||
ব্রহ্মদাতা ব্রহ্মলোকং প্রাপ্নোতি সুরদুর্লভম্ |
বেদার্থয়জ্ঞশাস্ত্রাণি ধর্মশাস্ত্রাণি চৈব হি || ১, ৯৮. ১৪ ||
মূল্যেনাপি লিখিৎবাপি ব্রহ্মলোকমবাপ্নুয়াৎ |
এতন্মূলং জগদ্যস্মাদসৃজৎপূর্বমীশ্বরঃ || ১, ৯৮. ১৫ ||
তস্মাৎসর্বপ্রয়ত্নেন কার্যো বেদার্থসঙ্গ্রহঃ |
ইতিহাসপুরাণং বা লিখিৎবা যঃ প্রয়চ্ছতি || ১, ৯৮. ১৬ ||
ব্রহ্মদানসমং পুণ্যং প্রাপ্নোতি দ্বিগুণোন্নতিম্ |
লোকায়তং কুতর্কশ্চ প্রাকৃতম্লেচ্ছভাষিতম্ || ১, ৯৮. ১৭ ||
ন শ্রোতব্যং দ্বিজেনৈতদধো নয়তি তং দ্বিজম্ |
সমর্থো যো ন গৃহ্ণীয়াদ্দাতৃলোকানবাপ্নুয়াৎ || ১, ৯৮. ১৮ ||
কুশাঃ শাকং পয়ো গন্ধাঃ প্রত্যাখ্যেয়া ন বারি চ |
অয়চিতাহৃতং গ্রাহ্যমপি দুষ্কৃতকর্মণঃ || ১, ৯৮. ১৯ ||
অন্যত্র কুলটাষণ্ঢপতিতেভ্যো দ্বিষস্তথা |
দেবাতিথ্যর্চনকৃতে পিতৃতৃপ্ত্যর্থমেব চ |
সর্বতঃ প্রতিগৃহ্ণীয়াদাত্মতৃপ্সর্থমেব চ || ১, ৯৮. ২০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
যাজ্ঞবল্ক্যোক্তদানধর্মনিরূপণং নামাষ্টনবতিতমোঽধ্যায়ঃ

শ্রীগরুডমহাপুরাণম্-৯৯
যাজ্ঞবল্ক্য উবাচ |
অথ শ্রাদ্ধবিধিং বক্ষ্যে সর্বপাপপ্রণাশনম্ |
অমাবস্যাষ্টকাবৃদ্ধিকৃষ্ণপক্ষায়নদ্বয়ম্ || ১, ৯৯. ১ ||
দ্রব্যং ব্রাহ্মণসম্পত্তির্বিষুবৎসূর্যসঙ্ক্রমঃ |
ব্যতীপাতো গজচ্ছায়া গ্রহণং চন্দ্রসূর্যয়োঃ || ১, ৯৯. ২ ||
শ্রাদ্ধং প্রতিরুচিশ্চৈব শ্রাদ্ধকালাঃ প্রকীর্তিতাঃ |
অগ্নিয়ঃ সর্বদেবেষু শ্রোত্রিয়ো বেদবিদ্যুবা || ১, ৯৯. ৩ ||
বেদার্থবিজ্জ্যেষ্ঠসামা ত্রিমধুস্ত্রিসুপর্ণিকঃ |
স্বস্ত্রীয় ঋৎবিগজামাতায়জ্যশ্বশুরমাতুলাঃ || ১, ৯৯. ৪ ||
ত্রিণাচিকেতদৌহিত্রশিষ্যসম্বন্ধিবান্ধবাঃ |
কর্মনিষ্ঠাস্তপোনিষ্ঠাঃ পঞ্চাগ্নিব্রহ্মচারিণঃ || ১, ৯৯. ৫ ||
পিতৃমাতৃপরাশ্চৈব ব্রাহ্মণাঃ শ্রাদ্ধদেবতাঃ |
রোগী হীনাতিরিক্তাঙ্গঃ কাণঃ পৌনর্ভবস্তথা || ১, ৯৯. ৬ ||
অবকীর্ণ্যাদ যো যে চ যে চাচারবিবর্জিতাঃ |
অবৈষ্ণবাশ্চ তে সর্বে ন শ্রাদ্ধার্হাঃ কদাচন || ১, ৯৯. ৭ ||
নিমন্ত্রয়েচ্চ পূর্বেদ্যুর্দ্বিজৈর্ভাব্যং চ সংযতৈঃ |
আজান্তাংশ্চৈব পূর্বাহ্নেহ্যাসনেষূপবেশয়েৎ || ১, ৯৯. ৮ ||
যুগ্মান্দেবে তথা পিত্র্যে স্বপ্রদেশেষু শক্তিতঃ |
দ্বৌ দৈব প্রাগুদক্পিত্র্যে ত্রীণ্যেকং চোভয়োঃ পৃথক্ || ১, ৯৯. ৯ ||
মাতামহানামপ্যেবং তন্ত্রং বা বৈশ্বদেবিকম্ |
হস্তপ্রক্ষালনং দত্ত্বা বিষ্টরার্থে কুশানপি || ১, ৯৯. ১০ ||
আবাহ্য তদনুজ্ঞাতো বিশ্বদেবাসৈত্যৃচা |
যবৈরন্নং বিকীর্যাথ ভাজনে সপবিত্রকে || ১, ৯৯. ১১ ||
শন্নোদেব্যা পয়ঃ ক্ষিপ্ত্বা যবোঽসীতি যবাংস্তথা |
যাদিব্যা ইতি মন্ত্রেণ হস্তেষ্বেব বিনিঃ ক্ষিপেৎ || ১, ৯৯. ১২ ||
গন্ধোদকে তথা দীপমাল্যদামপ্রদীপকম্ |
অপসব্যং ততঃ কৃৎবা পিৎৠণামপ্রদক্ষিণম্ || ১, ৯৯. ১৩ ||
দ্বিগুণাংস্তু কুশান্দত্ত্বা উশন্তস্ত্বেত্যৃচা পিৎৠন্ |
আবাহ্য তদনু জ্ঞাতো জপেদায়ন্তুনস্ততঃ || ১, ৯৯. ১৪ ||
যবার্থস্তু তিলৈঃ কার্যঃ কুর্যাদর্ঘ্যাদি পূর্ববৎ |
দত্ত্বার্ঘ্যং সংস্ত্রবাংস্তেষাং পাত্রে কৃৎবা বিধানতঃ || ১, ৯৯. ১৫ ||
পিতৃভ্যঃ স্থানমসীতি ন্যুব্জং পাত্রং করোত্যধঃ |
অগ্নৌ করিষ্য আদায় পৃচ্ছত্যন্নং ঘৃপ্লুতম্ || ১, ৯৯. ১৬ ||
কুরুষ্বেতি তথোক্তোসৌ হুৎবাগ্নৌ পিতৃয়জ্ঞবৎ |
হুতশেষং প্রদদ্যাচ্চ ভাজনেষু সমাহিতঃ || ১, ৯৯. ১৭ ||
যথালাভোপপন্নেষু রৌপ্যেষু চ বিশেষতঃ |
দত্ত্বান্নং পৃথিবীপাত্রমিতি পাত্রাভিমন্ত্রণম্ || ১, ৯৯. ১৮ ||
কৃৎবে দংবিষ্ণুরিত্যেবং দ্বিজাঙ্গুষ্ঠং নিবেশয়েৎ |
সব্যাহৃতিং চ গায়ত্ত্রীং মধুবাতেত্যৃচস্তথা || ১, ৯৯. ১৯ ||
জপ্ত্বা যথাসুখং বাচ্যং ভুঞ্জীরংস্তেঽপি বাগ্যতাঃ |
অন্নমিষ্টং হবিষ্যং চ দদ্যাদক্রোধনোৎবরঃ || ১, ৯৯. ২০ ||
আতৃপ্তেস্তু পবিত্রাণি জপ্ত্বা পূর্বজপং তথা |
অন্নমাদায় তৃপ্তাঃ স্থঃ শেষং চৈবানুমন্ত্র্য চ || ১, ৯৯. ২১ ||
তদন্নং বিকিরেদ্ভূমৌ দদ্যাচ্চাপঃ সকৃৎসকৃৎ |
সর্বমন্নমুপাদায় সতিলং দক্ষিণামুখঃ || ১, ৯৯. ২২ ||
উচ্ছিষ্টসন্নিধৌ পিণ্ডান্প্রদদ্যাৎপিতৃয়জ্ঞবৎ |
মাতামহানামপ্যবং দদ্যাদাচমনং ততঃ || ১, ৯৯. ২৩ ||
স্বস্তি বাচ্যং ততো দদ্যাদক্ষয়্যোদকমেব চ |
দত্ত্বা চ দক্ষিণাং শক্ত্যা স্বধাকারমুদাহরেৎ || ১, ৯৯. ২৪ ||
বাচ্যতামিন্যনুজ্ঞাতঃ পিতৃভ্যশ্চ স্বধোচ্যতাম্ |
বিপ্রৈরস্তু স্বধেত্যুক্তো ভূমৌ সিঞ্চেত্ততো জলম্ || ১, ৯৯. ২৫ ||
প্রীয়ন্তামিতি চাহৈবং বিশ্বেদেব্যং জলং দদৎ |
দাতারো নোঽভিবর্ধন্তাং বেদাঃ সন্ততিরেব চ || ১, ৯৯. ২৬ ||
শ্রদ্ধা চ নো মা ব্যগমদ্বহু দেয়ং চ নোঽস্ত্বিতি |
ইত্যুৎক্রোৎক্রা প্রিয়া বাচঃ প্রণিপত্য বিসর্জয়েৎ || ১, ৯৯. ২৭ ||
বাজেবাজে ইতি প্রীত্যা পিতৃপূর্বং বিসর্জনম্ |
যস্মিংস্তে সংস্ত্রবাঃ পূর্বমর্ঘ্যপাত্রে নিপাতিতাঃ || ১, ৯৯. ২৮ ||
পিতৃপাত্রং তদুত্তানং কৃৎবা বিপ্রান্বিসর্জয়েৎ |
প্রদক্ষিণমনুব্রজ্য ভুঞ্জীত পিতৃসেবিতম্ || ১, ৯৯. ২৯ ||
ব্রহ্মচারী ভবেত্তাং তু রজনীং ভার্যয়া মহ |
এবং প্রদক্ষিণং কৃৎবা বৃদ্ধৌ নান্দীমুখানপি || ১, ৯৯. ৩০ ||
যজেত্তদধিকর্কন্ধূমিশ্রাঃ পিণ্ডা যৈবঃ শ্রিতাঃ |
একোদ্দিষ্টং দৈবহীনং একান্নৈকপবিত্রকম্ || ১, ৯৯. ৩১ ||
আবাহনাগ্নৌকরণরহিতং ৎবপসব্যবৎ |
উপতিষ্ঠতামিত্যক্ষয়্যস্থানে বিপ্রান্বিসর্জয়েৎ || ১, ৯৯. ৩২ ||
অভিরণ্যতাং প্রবূয়াদ্ব্রুয়ুস্তেভিরতাঃ স্ম হ |
গন্ধো দকতিলৈর্মিশ্রং কুর্যাৎপাত্রচতুষ্টয়ম্ || ১, ৯৯. ৩৩ ||
অর্ঘ্যার্থং পিতৃপাত্রেষু প্রেতপাত্রং প্রসেচয়েৎ |
যেসমানা ইতি দ্বাভ্যাং শেষং পূর্ববদাচরেৎ || ১, ৯৯. ৩৪ ||
এতৎসপিণ্ডীকরণমেকোদ্দিষ্টং স্ত্রিয়া অপি |
অর্বাক্সপিণ্ডীকরণং যস্য সংবৎসরাদ্ভবেৎ || ১, ৯৯. ৩৫ ||
তস্যাপ্যন্নং সোদকুম্ভং দদ্যাৎসংবৎসরং দ্বিজঃ |
পিণ্ডাংশ্চ গোজ বিপ্রেভ্যো দদ্যাদ্গ্নৌ জলেঽপি বা || ১, ৯৯. ৩৬ ||
হবিষ্যান্নেন বৈ মাসং পায়সেন তু বৎসরম্ |
মাৎস্যহারিণকৌরভ্রশাকুনচ্ছাগপার্ষতৈঃ || ১, ৯৯. ৩৭ ||
ঐণরৌরববা রাহশাশমাংসৈর্যথাক্রমম্ |
মাসবৃদ্ধ্যাপি তুষ্যন্তি দত্তৈরিহ পিতামহাঃ || ১, ৯৯. ৩৮ ||
দদ্যাদ্বর্ষাত্রয়োদশ্যাং মঘাসু চ ন সংশয়ঃ |
প্রতিপৎপ্রভৃতিষ্বেবং কন্যা দীঞ্ছ্রাদ্ধদো লভেৎ || ১, ৯৯. ৩৯ ||
শস্ত্রেণ নিহতানাং তু চতুর্দশ্যাং প্রদীয়তে |
স্বর্গং হ্যপত্যমোজশ্চ শৌর্যং ক্ষেত্রং বলং তথা || ১, ৯৯. ৪০ ||
পুত্রশ্রৈষ্ট্যং স সৌভাগ্যং সমৃদ্ধিং মুখ্যতাং শুভম্ |
প্রবৃত্তচক্রতাং চৈব বাণিজ্যপ্রভৃতীংস্তথা || ১, ৯৯. ৪১ ||
অরোগিৎবং যশো বীতশোকতাং পরমাং গতিম্ |
ধনং বিদ্যাং চ বাক্সিদ্ধিং কুপ্যং গোজাবিকং তথা || ১, ৯৯. ৪২ ||
অশ্বানায়ুশ্চ বিধিবদ্যঃ শ্রাদ্ধং সম্প্রয়চ্ছতি |
কৃত্তিকাদিভরণ্যন্তং স কামান্প্রাপ্নুয়াদিমান্ || ১, ৯৯. ৪৩ ||
বস্ত্রাদ্যাঃ প্রীণয়ন্ত্যেব নরং শ্রাদ্ধকৃতং দ্বিজাঃ |
আয়ুঃ প্রজা ধনং বিদ্যাং স্বর্গমোক্ষসুখানি চ || ১, ৯৯. ৪৪ ||
প্রয়চ্ছতি যথা রাজ্যং প্রীত্যা নিত্যং পিতামহঃ || ১, ৯৯. ৪৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
যাজ্ঞবল্ক্যোক্তশ্রাদ্ধবিধিনিরূপণং নাম নবনবতিতমোঽধ্যায়ঃ

শ্রাগরুডমহাপুরাণম্-১০০
যাজ্ঞবল্ক্য উবাচ |
বিনায়কোপসৃষ্টস্য লক্ষণানি নিবোধত |
স্বপ্নেঽবগাহতেঽত্যর্থং জলং মুণ্ডাংশ্চ পশ্যতি || ১, ১০০. ১ ||
বিমনা বিফলারম্ভঃ সংসদিত্যনিমিত্ততঃ |
রাজা রাজ্যং কুমারী চ পতিং পুত্রং চ গুর্বিণী || ১, ১০০. ২ ||
নাপ্নুয়াৎস্নাপনং তস্য পুণ্যেঽহ্নিবিধিপূর্বকম্ |
গৌরসর্ষপকল্কেন সাজ্যেনোৎসারিতস্য তু || ১, ১০০. ৩ ||
সর্বৌষধৈঃ সর্বগন্ধৈর্বিলিপ্তশিরসস্তথা |
ভদ্রাসনোপবিষ্টস্য স্বস্তি বাচ্যং দ্বিজাঞ্ছুভান্ || ১, ১০০. ৪ ||
মৃত্তিকাং রোচনাং গন্ধান্গুগ্গুলুং চাপ্সু নিঃ ক্ষিপেৎ |
যা আহৃতা একবর্ণৈশ্চতুর্ভিঃ কলশৈর্হ্রদাৎ || ১, ১০০. ৫ ||
চর্মণ্যানুডুহে রক্তে স্থাপ্যং ভদ্রাসনে তথা |
সহস্রাক্ষং শতধারমৃষিভিঃ পাবনং স্মৃতম্ || ১, ১০০. ৬ ||
তেন ৎবামভিষিঞ্চামি পাবমান্যঃ পুনন্তু তে |
ভগং তু বরুণো রাজা ভগং সূর্যো বৃহস্পতিঃ || ১, ১০০. ৭ ||
ভগমিন্দ্রশ্চ বায়ুশ্চ ভগং সপ্তর্ষয়ো দদুঃ |
যত্তে কেশেষু দৌর্ভাগ্যং সীমন্তে যচ্চ মূর্ধনি || ১, ১০০. ৮ ||
ললাটে কর্ণয়োরক্ষ্ণোরাপস্তদ্ঘ্নুন্তু তে সদা |
স্নাতস্য সার্ষপং তৈলং স্নুবেণৌদুম্বরেণ তু || ১, ১০০. ৯ ||
জুহুয়ান্মূর্ধনি কুশান্সব্যেন পরিগৃহ্য চ |
মিতশ্চসমিতশ্চৈব তথা শালকটঙ্কটৌ || ১, ১০০. ১০ ||
কুষ্মাণ্ডো রাজপুত্রশ্চ অন্তে স্বাহাসমন্বিতৈঃ |
দদ্যাচ্চতুষ্পথে ভূমৌ কুশানাস্তীর্য সর্বশঃ || ১, ১০০. ১১ ||
কৃতাকৃতাংস্তণ্ডুলাংশ্চ পললৌদনমেব চ |
পুষ্পং চিত্রং সুগন্ধং চ সুরাং চ ত্রিবিধামপি || ১, ১০০. ১২ ||
মূলকং পূরিকাপূপং তথৈবৌণ্ডেরকস্ত্রজঃ |
দধি পায়সমন্নং চ গুডপিষ্টং সমোদকম্ || ১, ১০০. ১৩ ||
এতান্সর্বানুপাহৃত্য ভূমৌ কৃৎবা ততঃ শিরঃ |
অম্বিকামুপতিষ্ঠেচ্চ দদ্যাদর্ঘ্যং কৃতাঞ্জলিঃ || ১, ১০০. ১৪ ||
দূর্বাসর্ষপপুষ্পৈশ্চ পুত্রজন্মভিরন্ততঃ |
কৃতস্বস্ত্যয়নং চৈব প্রার্থয়েদম্বিকাং সতীম্ || ১, ১০০. ১৫ ||
রূপং দেহি যশোদেহি ভগং ভগবতি ! দেহি মে |
পুত্রান্দেহি শ্রিয়ং দেহি সর্বান্কামাংশ্চ দেহি মে || ১, ১০০. ১৬ ||
ব্রাহ্মণান্ভোজয়েৎপশ্চাচ্ছুক্লবস্ত্রানুলেপনৈঃ |
বস্ত্রয়ুগ্মঙ্গুরোর্দদ্যাসম্পূজ্য চ গ্রহাংস্তথা |
শ্রেয়ঃ কর্মফলং বিন্দ্যাৎসূর্যার্চনরতস্তথা || ১, ১০০. ১৭ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
যাজ্ঞবল্ক্লোক্তগণপতিকল্পনিরূপণং নাম শততমোঽধ্যায়ঃ

<