শ্রীগরুডমহাপুরাণম্-৮১
(ইতি রত্নমুক্তাদি পরীক্ষা সমাপ্তা ) |
(অথ তীর্থক্ষেত্রমাহাত্ম্যমারভ্যতে ) |
সূত উবাচ |
সর্বতীর্থানি বক্ষ্যামি গঙ্গা তীর্থোত্তমোত্তমা |
সর্বত্র সুলভা গঙ্গাত্রিষু স্থানেষু দুর্লভা || ১, ৮১. ১ ||
গঙ্গাদ্বারে প্রয়াগে চ গঙ্গাসাগরসঙ্গমে |
প্রয়াগং পরমং তীর্থং মৃতানাং ভুক্তিমুক্তিদম্ || ১, ৮১. ২ ||
সেবনাৎকৃতপিণ্ডানাং পাপজিৎকামদং নৃণাম্ |
বারাণসী পরং তীর্থং বিশ্বেশো যত্র কেশবঃ || ১, ৮১. ৩ ||
কুরুক্ষেত্রং পরং তীর্থং দানাদ্যৈর্ভুক্তিমুক্তিদম্ |
প্রভাসং পরং তীর্থং সোমনাথো হি তত্র চ || ১, ৮১. ৪ ||
দ্বারকা চ পুরী রম্যা ভুক্তিমুক্তিপ্রদায়িকা |
প্রাচী সরস্বতী পুণ্যা সপ্তসারস্বতং পরম্ || ১, ৮১. ৫ ||
কেদারং সর্বপাপঘ্নং স (শ) ম্ভলগ্রাম উত্তমঃ |
নরনরায়ণং তীর্থং মুক্ত্যৈ বদরিকাশ্রমঃ || ১, ৮১. ৬ ||
শ্বেতদ্বীপং পুরী মায়া নৈমিষং পুষ্করং পরম্ |
অয়োধ্যা চার্ঘ্যতীর্থং তু চিত্রকূটং চ গোমতী || ১, ৮১. ৭ ||
বৈনায়কং মহীতীর্থং রামগির্যাশ্রমং পরম্ |
কাঞ্চীপুরী তুঙ্গভদ্রা শ্রীশৈলং সেতুবন্ধনম্ || ১, ৮১. ৮ ||
রামেশ্বরং পরং তীর্থং কার্তিকেয়ং তথোত্তমম্ |
ভৃগুতুঙ্গং কামতীর্থং তীর্থং চামরকণ্টকম্ || ১, ৮১. ৯ ||
উজ্জয়িন্যাং মহাকালঃ কুব্জকে শ্রীধরো হরিঃ |
কুব্জাম্রকং মহাতীর্থং কালসর্পিশ্চ কামদম্ || ১, ৮১. ১০ ||
মহা কেশী চ কাবেরী চন্দ্রভাগা বিপাশয়া |
একাম্রং চ তথা তীর্থং ব্রহ্মেশং দেবকোটকম্ || ১, ৮১. ১১ ||
মথুরা চ পুরী রম্যা শোণশ্চৈব মহানদঃ |
জম্বূসরো মহাতীর্থং তানি তীর্থানি বিদ্ধি চ || ১, ৮১. ১২ ||
সূর্যঃ শিবো গণো দেবী হরির্যত্র চ তিষ্ঠতি |
এতেষু চ যথান্যেষু স্নানং দানং জপস্তপঃ || ১, ৮১. ১৩ ||
পূজা শ্রাদ্ধং পিণ্ডদানং সর্বং ভবতি চাক্ষয়ম্ |
শালগ্রামং সর্বদং স্যাত্তীর্থং পশুপতেঃ পরম্ || ১, ৮১. ১৪ ||
কোকামুখং চ বারাহং ভা (ভু) ণ্ডীরং স্বামিসঞ্জ্ঞকম্ |
লো (মো) হদণ্ডে মহাবিষ্ণুর্মন্দারে মধুসূদনঃ || ১, ৮১. ১৫ ||
কামরূপং মহাতীর্থং কামাখ্যা (ক্ষা) যত্র তিষ্ঠতি |
পুণ্ড্রবর্ধনকং তীর্থং কার্তিকেয়শ্চ যত্র চ || ১, ৮১. ১৬ ||
বিরজস্তু মহাতীর্থং তীর্থং শ্রীপুরুষোত্তমম্ |
মহেন্দ্রপর্বতস্তীর্থং কাবেরী চ নদী পরা || ১, ৮১. ১৭ ||
গোদাবরী মহাতীর্থং পয়োষ্ণী বরদা নদী |
বিন্ধ্যঃ পাপহরং তীর্থং নর্মদাভেদ উত্তমঃ || ১, ৮১. ১৮ ||
গোকর্ণং পরমং তীর্থং তীর্থং মাহিষ্মতী পুরী |
কালঞ্জরং মহীতীর্থং শুক্লতীর্থমনুত্তমম্ || ১, ৮১. ১৯ ||
কৃতে শৌচে মুক্তিদং চ শার্ঙ্গধারী তদন্তিকে |
বিরজং সর্বদং তীর্থং স্বর্ণাক্ষং তীর্থমুত্তমম্ || ১, ৮১. ২০ ||
নন্দিতীর্থং মুক্তিদং চ কোটিতীর্থফলপ্রদম্ |
নাসিক্যং চ মহাতীর্থং গোবর্ধনমতঃ পরম্ || ১, ৮১. ২১ ||
কৃষ্ণবেণী ভীমরথী গণ্ডকী যা ৎবিরাবতী |
তীর্থং বিন্দুসরঃ পুণ্যং বিষ্ণুপাদোদকং পরম্ || ১, ৮১. ২২ ||
ব্রহ্মধ্যানং পরং তীর্থং তীর্থমিন্দ্রিয়নিগ্রহঃ |
দমস্তীর্থং তু পরমং ভবশুদ্ধিঃ পরং তথা || ১, ৮১. ২৩ ||
জ্ঞানহ্রদে ধ্যানজলে রাগদ্বেষমলাপহে |
যঃ স্নাতি মানসে তীর্থে স যাতি পরমাং গতিম্ || ১, ৮১. ২৪ ||
ইদং তীর্থমিদং নেতি যে নরা ভেদদর্শিনঃ |
তেষাং বিধীয়তে তীর্থগমনং তৎফলং চ যৎ || ১, ৮১. ২৫ ||
সর্বং ব্রহ্মেতিয়োঽবেতি নাতীর্থং তস্য কিঞ্চন |
এতেষু স্নানদানানি শ্রাদ্ধং পিণ্ডমথাক্ষয়ম্ || ১, ৮১. ২৬ ||
সর্বা নদ্যঃ সর্বশৈলাঃ তীর্থং দেবাদিসেবিতম্ |
শ্রীরঙ্গং চ হরেস্তীর্থং তাপী শ্রেষ্ঠা মহানদী || ১, ৮১. ২৭ ||
সপ্তগোদাবরং তীর্থং তীর্থং কোণগিরিঃ পরম্ |
মহালক্ষ্মীর্যত্র দেবী প্রণীতা পরমা নদী || ১, ৮১. ২৮ ||
সহ্যাদ্রৌ দেবদেবেশ একবীরঃ সুরেশ্বরী |
গঙ্গাদ্বারে কুশাবর্তে বিন্ধ্যকে নীলপর্বতে || ১, ৮১. ২৯ ||
স্নাৎবা কনখলে তীর্থে স ভবেন্ন পুনর্ভবে |
সূ উবাচ |
এতান্যন্যানি তীর্থানি স্নানাদ্যৈঃ সর্বদানি হি || ১, ৮১. ৩০ ||
শ্রুৎবাব্রবীদ্ধরের্ব্রহ্মা ব্যাসং দক্ষাদিসংযুতম্ |
এতান্যুক্ত্বা চ তীর্থানি পুন স্তীর্থোত্তমোত্তমম্ |
গয়াখ্যং প্রাহ সর্বেষামক্ষয়ং ব্রহ্মলোকদম্ || ১, ৮১. ৩১ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
সর্বতীর্থ মাহাত্ম্যং নামৈকাশীতিতমোঽধ্যায়ঃ
শ্রীগরুডমহাপুরাণম্-৮২
শ্রীগণেশায় নমঃ |
(অথ গয়ামাহাত্ম্যং প্রারভ্যতে) |
ব্রহ্মোবাচ |
সারাৎসারতরং ব্যাস গয়াভাহাত্ম্য মুত্তমম্ |
প্রবক্ষ্যামি সমাসেন বুক্তিমুক্তিপ্রদং শৃণু || ১, ৮২. ১ ||
গয়াসুরোঽভবৎপূর্বং বীর্যবান্পরমঃ স চ |
তপস্তপ্যন্মহাঘোরং সর্বভূতোপতাপনম্ || ১, ৮২. ২ ||
তত্তপস্তাপিতা দেবাস্তদ্বধার্থং হরিং গতাঃ |
শরণং হরিরূচে তান্ভবিতব্যং শিবাত্মভৈঃ || ১, ৮২. ৩ ||
পাত্যতেঽস্য মহাদেহো তথেত্যূচুঃ সুরা হরিম্ |
কদাচিচ্ছিবপূজার্থং ক্ষীরাব্ধেঃ কমলানি চ || ১, ৮২. ৪ ||
আনীয় কীকটে দেশে শয়নং চাকরোদ্বলী |
বিষ্ণুমায়াবিমূঢোঽসৌ গদয়া বিষ্ণুনা হতঃ || ১, ৮২. ৫ ||
অতো গদাধরো বিষ্ণুর্গয়ায়াং মুক্তিদঃ স্থিতঃ |
তস্য দেহো লিঙ্গরূপী স্থিতঃ শুদ্ধে পিতামহঃ || ১, ৮২. ৬ ||
জনার্দনশ্চ কালেশস্তথান্যঃ প্রপিতামহঃ |
বিষ্ণুরাহাথ মর্যাদাং পুণ্যক্ষেত্রং ভবিষ্যতি || ১, ৮২. ৭ ||
যজ্ঞং শ্রাদ্ধং পিণ্ডদানং স্নানাদি কুরুতে নরঃ |
স স্বর্গং ব্রহ্মলোকং চ গচ্ছেন্ন নরকং নরঃ || ১, ৮২. ৮ ||
গয়াতীর্থং পরং জ্ঞাৎবা যাগং চক্রে পিতামহঃ |
ব্রাহ্মণান্পূজয়ামাস ঋৎবিগর্থমুপাগতান্ || ১, ৮২. ৯ ||
মহানদীং রসবহাং সৃষ্ট্বা বাপ্যাদিকং তথা |
ভক্ষ্যভোজ্যফলাদীংশ্চ কামধেনুং তথাসৃজৎ || ১, ৮২. ১০ ||
পঞ্চক্রোশং গয়োক্ষেত্রং ব্রাহ্মণেভ্যো দদৌ প্রভুঃ |
ধরময়াগেষু লোভাত্তু প্রতিগৃহ্য ধনাদিকম্ || ১, ৮২. ১১ ||
স্থিতা বিপ্রাস্তদা শপ্তা গয়ায়াং ব্রাহ্মণাস্ততঃ |
মা ভূত্ত্রৈপুরুষী বিদ্যা মা ভূত্ত্রৈপুরুষং ধনম্ || ১, ৮২. ১২ ||
যুষ্মাকং স্যাদ্বারিবহা নদী পাষাণপর্বতঃ |
শপ্তৈস্তু প্রার্থিতো ব্রহ্মানুগ্রহং কৃতবান্প্রভুঃ || ১, ৮২. ১৩ ||
লোকাঃ পুণ্যা গয়ায়াং হি শ্রাদ্ধিনো ব্রহ্মলোকগাঃ |
যুষ্মান্যে পূজয়িষ্যন্তি তৈরহং পূজিতঃ সদা || ১, ৮২. ১৪ ||
ব্রহ্মজ্ঞানং গয়াশ্রাদ্ধং গোগৃহে মরণং তথা |
বাসঃ পুংসাং কুরুক্ষেত্রে মুক্তিরেষা চতুর্বিধা || ১, ৮২. ১৫ ||
সমুদ্রাঃ সরিতঃ সর্বা বাপীকূপহ্রদাস্তথা |
স্নাতুকামা গয়াতীর্থং ব্যাস যাস যান্তি ন সংশয়ঃ || ১, ৮২. ১৬ ||
ব্রহ্মহত্যা সুরাপানং স্তেয়ং গুর্বঙ্গনাগমঃ |
পাপং তৎসঙ্গজং সর্বং গয়াশ্রাদ্ধাদ্বিনশ্যতি || ১, ৮২. ১৭ ||
অসংস্কৃতা মৃতা য চ পশুচোরহতাশ্চ যে |
সর্পদষ্টা গয়াশ্রাদ্ধান্মুক্তাঃ স্বর্গং ব্রজন্তি তে || ১, ৮২. ১৮ ||
গয়ায়াং পিণ্ডদানেন যৎফলং লভতে নরঃ |
ন তচ্ছক্যং ময়া বক্তুং বর্ষকোটিশতৈরপি || ১, ৮২. ১৯ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
গয়ামাহাত্ম্যং নাম দ্ব্যশীতিতমোঽধ্যায়ঃ
শ্রীগরুডমহাপুরাণম্-৮৩
ব্রহ্মোবাচ |
কীকটেষু গয়া পুণ্যা পুণ্যং রাজগৃহং বনম্ |
বিষয়শ্চারণঃ পুণ্যো নদীনাং চ পুনঃ পুনা || ১, ৮৩. ১ ||
মুণ্ডপৃষ্ঠং তু পূর্বস্মিন্পশ্চিমে দক্ষিণোত্তরে |
সার্ধক্রোশদ্বয়ং মানং গয়ায়াং পরিকীর্তিতম্ || ১, ৮৩. ২ ||
পঞ্চক্রোশং গয়াক্ষেত্রং ক্রোশমেকং গয়াশিরঃ |
তত্র পিণ্ডপ্রদানেন তৃপ্তির্ভবতি শাশ্বতী || ১, ৮৩. ৩ ||
নগাজ্জনার্দনাচ্চৈব কূপাচ্চোত্তরমানসাৎ |
এতদ্গয়াশিরঃ প্রোক্তং ফল্গুতীর্থং তদুচ্যতে || ১, ৮৩. ৪ ||
তত্র পিণ্ডপ্রদানেন পিৎৠণা পরমা গতিঃ |
গয়াগমনমাত্রেণ পিৎৠণামনৃণো ভবেৎ || ১, ৮৩. ৫ ||
গয়ায়াং পিতৃরূপেণ দেবদেবো জনার্দনঃ |
তং দৃষ্ট্বা পুণ্ডরীকাক্ষং মুচ্যতে বৈ ঋণত্রয়াৎ || ১, ৮৩. ৬ ||
রথমার্গং গয়তীর্থে দৃষ্ট্বা রুদ্রপদাদিকে |
কালেশ্বরং চ কেদারং পিৎৠণামনৃণো ভবেৎ || ১, ৮৩. ৭ ||
দৃষ্ট্বা পিতামহং দেবং সর্বপাপৈঃ প্রমুচ্যতে |
লোকং ৎবনাময়ং যাতি দৃষ্ট্বা চ প্রপিতামহম্ || ১, ৮৩. ৮ ||
তথা গদাধরং দেবং মাধবং পুরুষোত্তমম্ |
তং প্রণম্য প্রয়ত্নেন ন ভূয়ো জায়তে নরঃ || ১, ৮৩. ৯ ||
মৌনাদিত্যং মহাত্মানং কনকার্কং বিশেষতঃ |
দৃষ্ট্বা মৌনেন বিপ্রর্ষে পিৎৠণামনৃণো ভবেৎ || ১, ৮৩. ১০ ||
ব্রহ্মাণং পূজয়িৎবা চ ব্রহ্মলোকমবাপ্নুয়াৎ |
গায়ত্ত্রীং প্রতরুত্থায় যস্তু পশ্যতি মানবঃ || ১, ৮৩. ১১ ||
সন্ধ্যাং কৃৎবা প্রয়ত্নেন সর্ববেদফলং লভেৎ |
সাবিত্রীং চৈব মধ্যাহ্নে দৃষ্ট্বা যজ্ঞফলং লভেৎ || ১, ৮৩. ১২ ||
সরস্বতীং চ সায়াহ্নে দৃষ্ট্বা দানফলং লভেৎ |
নগস্থমীশ্বরং দৃষ্ট্বা পিৎৠণামনৃণো ভবেৎ || ১, ৮৩. ১৩ ||
ধর্মারণ্যং ধর্মমীশং দৃষ্ট্বা স্যাদৃণনাশনম্ |
দেবং গৃধ্রেশ্বরং দৃষ্ট্বা কো ন মুচ্যেত বন্ধনাৎ || ১, ৮৩. ১৪ ||
ধেনুং দৃষ্ট্বা ধেনুবনে ব্রহ্মলোকং নয়েৎপিৎৠন্ |
প্রভাসেশং প্রভাসে চ দৃষ্ট্বা যাতি পরাং গতিম্ || ১, ৮৩. ১৫ ||
কোটীশ্বরং চাশ্বমেধং দৃষ্ট্বা স্যাদৃণনাশনম্ |
স্বর্গদ্বারেশ্বরং দৃষ্ট্বা মুচ্যতে ভববন্ধনাৎ || ১, ৮৩. ১৬ ||
রামেশ্বরং গদালোলং দৃষ্ট্বা স্বর্গমবাপ্নুয়াৎ |
ব্রহ্মেশ্বরং তথা দৃষ্ট্বা মুচ্যতে ব্রহ্মহত্যয়া || ১, ৮৩. ১৭ ||
মুণ্ডপৃষ্ঠে মহাচণ্ডীং দৃষ্ট্বা কামানবাপ্নুয়াৎ |
ফল্গ্বীশং ফল্গুচণ্ডীং চ গৌরীং দৃষ্ট্বা চ মঙ্গলাম্ || ১, ৮৩. ১৮ ||
গোমকং গোপতিং দেবং পিৎৠণামনৃণো ভবেৎ |
অঙ্গারেশং চ সিদ্ধেশং গয়াদিত্যং গজং তথা || ১, ৮৩. ১৯ ||
মার্কণ্ডেয়েশ্বরং দৃষ্ট্বা পিৎৠণামনৃণো ভবেৎ |
ফল্গুতীর্থে নরঃ স্নাৎবা দৃষ্ট্বা দেবং গদাধরম্ || ১, ৮৩. ২০ ||
এতেন কিং ন পর্যাপ্তং নৄণাং সুকৃতকারিণাম্ |
ব্রহ্মলোকং প্রয়ান্তীহ পুরুষা একবিংশতিঃ || ১, ৮৩. ২১ ||
পৃথিব্যাং যানি তীর্থানী যে সমুদ্রাঃ সরাংসি চ |
ফল্গুতীর্থং গমিষ্যন্তি বারমেকং দিনেদিনে || ১, ৮৩. ২২ ||
পৃথিব্যাং চ গয়া পুণ্যা গয়ায়াং চ গয়াশিরঃ |
শ্রেষ্ঠং তথা ফল্গুতীর্থং তন্মুখং চ সুরস্য হি || ১, ৮৩. ২৩ ||
উদীচি কনকানদ্যো নাভিতীর্থং তু মধ্যতঃ |
পুণ্যং ব্রহ্মসদস্তীর্থং স্নানাৎস্যাদ্ব্রহ্মলোকদম্ || ১, ৮৩. ২৪ ||
কূপে পিণ্ডাদিকং কৃৎবা পিৎৠণামনৃণো ভবেম্ |
তথাক্ষয়বটে শ্রাদ্ধী ব্রহ্মলোকং নয়েৎপিৎৠন্ || ১, ৮৩. ২৫ ||
হংসতীর্থে নরঃ স্নাৎবা সর্বপাপৈঃ প্রমুচ্যতে |
কোটিতীথ গয়ালোলে বৈতরণ্যাং চ গোমকে || ১, ৮৩. ২৬ ||
ব্রহ্মলোকং নয়েচ্ছ্রাদ্ধী পুরুষানেকবিংশতিম্ |
ব্রহ্মতীর্থে রামতীর্থে আগ্নেয়ে সোমতীর্থকে || ১, ৮৩. ২৭ ||
শ্রাদ্ধী রামহ্রদে ব্রহ্মলোকং পিতৃকুলং নয়েৎ |
উত্তরে মানসে শ্রাদ্ধী ন ভূয়ো জায়তে নরঃ || ১, ৮৩. ২৮ ||
দক্ষিণে মানসে শ্রাদ্ধী ব্রহ্মলোকং পিৎৠন্নয়েৎ |
স্বগদ্বারে নরঃ শ্রাদ্ধী ব্রহ্মলোকং নয়েৎপিৎৠন্ |
ভীষ্মতর্পণকৃত্তস্য কূটে তারয়তে পিৎৠন্ |
গৃধ্রেশ্বরে তথা শ্রাদ্ধী পিৎৠণামনৃণো ভবেৎ || ১, ৮৩. ২৯ ||
শ্রাদ্ধী চ ধেনুকারণ্যে ব্রিহ্মলোকং পিৎৠন্নয়েৎ |
তিলধেনুপ্রদঃ স্নাৎবা দৃষ্ট্বা ধেনুং ন সংশয়ঃ || ১, ৮৩. ৩০ ||
ঐন্দ্রে বা নরতীর্থে চ বাসবে বৈষ্ণবে তথা |
মহানদ্যাং কৃতশ্রাদ্ধো ব্রহ্মলোকং নয়েৎপিৎৠন্ || ১, ৮৩. ৩১ ||
গায়ত্ত্রে চৈব সাবিত্রে তীর্থে সারস্বতে তথা |
স্নানস ন্ধ্যাতর্পণকৃচ্ছ্রাদ্ধী চৈকোত্তরং শতম্ || ১, ৮৩. ৩২ ||
পিৎৠণাং তু কুলং ব্রহ্মলোকং নয়তি মানবঃ |
ব্রহ্ময়োনিং বিনির্গচ্ছেৎপ্রয়তঃ পিতৃমানসঃ || ১, ৮৩. ৩৩ ||
তর্পয়িৎবা পিৎৠন্দেবান্ন বিশেদ্যোনিসঙ্কটে |
তর্পণে কাকজঙ্ঘার্যা পিৎৠণাং তৃপ্তিরক্ষয়া || ১, ৮৩. ৩৪ ||
ধর্মারণ্যে মতঙ্গস্য বাপ্যাং শ্রাদ্ধাদ্দিবং ব্রজেৎ |
ধর্ময়ূপে চ কূপে ত পিৎৠণামনৃণো ভবেৎ || ১, ৮৩. ৩৫ ||
প্রমাণং দেবতাঃ সন্তু লোকপালাশ্চ সাক্ষিণঃ |
ময়াগত্য মতঙ্গেঽস্মিন্পিৎৠণাং নিষ্কৃতিঃ কৃতা || ১, ৮৩. ৩৬ ||
রামতীর্থে নরাঃ স্নাৎবা শ্রাদ্ধং কৃৎবা প্রভাসকে |
শিলায়াং প্রেতভাবাৎস্যুর্মুক্তাঃ পিতৃগণাঃ কিল || ১, ৮৩. ৩৭ ||
শ্রাদ্ধকৃচ্ছ স্বপুষ্টায়াং ত্রিঃ সফ্তকুংলমুদ্ধরেৎ |
শ্রাদ্ধকৃন্মুণ্ডপৃষ্ঠাদৌ ব্রহ্মলোকং নয়েৎপিৎৠন্ || ১, ৮৩. ৩৮ ||
গয়ায়াং ন হি তৎস্থানং যত্র তীর্থং ন বিদ্যতে |
পঞ্চক্রোশে গয়াক্ষেত্রে যত্র তত্র তু পিণ্ডদঃ || ১, ৮৩. ৩৯ ||
অক্ষয়ং ফলমাপ্নোতি ব্রহ্মলোকং নয়েৎপিৎৠন্ |
জনার্দনস্য হস্তে তু পিণ্ডং দদ্যাৎস্বকং নরঃ || ১, ৮৩. ৪০ ||
এষ পিণ্ডে ময়া দত্তস্তব হস্তে জনার্দন ! |
পরলোকং গতে মোক্ষমক্ষয়্যমুপতিষ্ঠতাম্ || ১, ৮৩. ৪১ ||
ব্রহ্মলোকমবাপ্নোতি পিতৃভিঃ সহ নিশ্চিতম্ |
গয়ায়াং ধর্মপৃষ্ঠে চ সরসি ব্রহ্মণস্তথা || ১, ৮৩. ৪২ ||
গয়াশীর্ষেঽক্ষয়বটে পিৎৠণাং দত্তমক্ষয়ম্ |
ধর্মারণ্যং ধর্মপৃষ্ঠং ধেনুকারণ্যমেব চ || ১, ৮৩. ৪৩ ||
দৃষ্ট্বৈতানি পিৎৠংশ্চার্যবংশ্যান্বিংশতিমুদ্ধরেৎ |
ব্রহ্মারণ্যং মহানদ্যাঃ পশ্চিমো ভাগ উচ্যতে || ১, ৮৩. ৪৪ ||
পূর্বো ব্রহ্মসদো ভাগো নাগাদ্রির্ভরতাশ্রমঃ |
ভরতস্যাশ্রমে শ্রাদ্ধী মতঙ্গস্য পদে ভবেৎ || ১, ৮৩. ৪৫ ||
গয়াশীর্ষাদ্দক্ষিণতো মহানদ্যাশ্চ পশ্চিমে |
তৎস্মৃতং চম্পকবনং তত্র পাণ্ডুশিলাস্তি হি || ১, ৮৩. ৪৬ ||
শ্রাদ্ধী তত্র তৃতীয়ায়াং নিশ্চিরায়াশ্চ মণ্ডলে |
মহাহ্রদে চ কৌশিক্যামক্ষয়ং ফলমাপ্নুয়াৎ || ১, ৮৩. ৪৭ ||
বৈতরণ্যা শ্চোত্তরতস্তৃতীয়াখ্যো জলাশয়ঃ |
পদানি তত্র ক্রৌঞ্চস্য শ্রাদ্ধী স্বর্গং নয়েৎপিৎৠন্ || ১, ৮৩. ৪৮ ||
ক্রৌঞ্চপাদাদুত্তরতো নিশ্চিরাখ্যো জলাশয়ঃ |
সকৃদ্যত্রাভিগমনং সকৃৎপিংণ্ডপ্রপাতনম্ || ১, ৮৩. ৪৯ ||
দুর্লভং কিং পুনর্নিত্যমস্মিন্নেব ব্যবস্থিতিঃ |
মহানদ্যামুপস্পৃশ্য তর্পয়েৎপিতৃদেবতাঃ || ১, ৮৩. ৫০ ||
অক্ষয়ান্প্রাপ্নুয়াল্লোকান্কুলং চাপি সমুদ্ধরেৎ |
সাবিত্রে পঠ্যতে সন্ধ্যা কৃতা স্যাদ্দ্বাদশাব্দিকী || ১, ৮৩. ৫১ ||
শুক্লকৃষ্ণাবুভৌ পক্ষৌ গয়ায়াং যো বসেন্নরঃ পুনাত্যাসপ্তমং
চৈব কুলং নাস্ত্যত্র সংশয়ঃ || ১, ৮৩. ৫২ ||
গয়ায়াং মুণাডপৃষ্ঠং চ অরবিন্দং চ পর্বতম্ |
তৃতীয়ং ক্রৈঞ্চপাদং চ দৃষ্ট্বা পাপৈঃ প্রমুচ্যতে || ১, ৮৩. ৫৩ ||
মকরে বর্তমানে চ গ্রহণে চন্দ্রসূর্যয়োঃ |
দুর্লভং ত্রিষু লোকেষু গয়ায়াং পিণ্ডপাতনম্ || ১, ৮৩. ৫৪ ||
মহাহ্রদে চ কৌশিক্যাং মূলক্ষেত্রে বিশেষতঃ |
গুহায়াং গৃধ্রকূটস্য শ্রাদ্ধং দত্তং (সপ্ত) মহাফলম্ || ১, ৮৩. ৫৫ ||
যত্র মাহেশ্বরী ধারা শ্রাদ্ধী তত্রানৃণো ভবেৎ |
পুণ্যাং বিশালামাসাদ্য নদীং ত্রৈলোক্য বিশ্রুতাম্ || ১, ৮৩. ৫৬ ||
অগ্নিষ্টোমমবাপ্নোতি শ্রাদ্ধী প্রায়াদ্দিবং নরঃ |
শ্রাদ্ধী মাসপদে স্নাৎবা বাজপেয়ফলং লভেৎ || ১, ৮৩. ৫৭ ||
রবিপাদে পিণ্ডদানাৎপতিতোদ্ধারণং ভবেৎ |
গয়াস্থো যো দদাত্যন্নং পিতরস্তেন পুত্রিণঃ || ১, ৮৩. ৫৮ ||
কাঙ্ক্ষন্তে পিতরঃ পুত্রান্নরকাদ্ভয়ভীরবঃ |
গয়াং যাস্যতি যঃ কশ্চিৎসোঽস্মান্সন্তরয়িষ্যতি || ১, ৮৩. ৫৯ ||
গয়াপ্রাপ্তং সুতং দৃষ্ট্বা পিৎৠণামুৎসবো ভবেৎ |
পভ্দ্যামপি জলং স্পৃষ্ট্বা অস্মভ্যং কিল দাস্যতি || ১, ৮৩. ৬০ ||
আত্মজো বা তথান্যো বা গয়াকূপে যদা তদা |
যন্নাম্না পাতয়েৎপিণ্ডং তং নয়েদ্ব্রহ্ম শাশ্বতম্ || ১, ৮৩. ৬১ ||
পুণ্ডরীকং বিষ্ণুলোকং প্রাপ্নুয়াৎকোটিতীর্থগঃ |
যা সা বৈতরণী নাম ত্রিষু লোকেষু বিশ্রুতা || ১, ৮৩. ৬২ ||
সাবতীর্ণা গয়াক্ষেত্রে পিৎৠণাং তারণায় হি |
শ্রাদ্ধদঃ পিণ্ডদস্তত্র গোপ্রদানং করোতিয়ঃ || ১, ৮৩. ৬৩ ||
একবিংশতিবংশ্যান্স তারয়েন্নাত্র সংশয়ঃ |
যদি পুত্রো গয়াং গচ্ছেৎকদাচিৎকালপর্যয়ে || ১, ৮৩. ৬৪ ||
তানেব ভোজয়েদ্বিপ্রান্ব্রহ্মণা যে প্রকল্পিতাঃ |
তেষাং ব্রহ্মসদঃ স্থানং সোমপানং তথৈব চ || ১, ৮৩. ৬৫ ||
ব্রহ্মপ্রকল্পিতং স্থানং বিপ্রা ব্রহ্মপ্রকল্পপিতাঃ |
পূজিতৈঃ পূজিতাঃ সর্বে পিতৃভিঃ সহ দেবতাঃ || ১, ৮৩. ৬৬ ||
তর্পয়েত্তু গয়াবিপ্রান্হব্যকব্যৈর্বিধানতঃ |
স্থানং দেহপরিত্যাগে গয়ায়াং তু বিধীয়তে || ১, ৮৩. ৬৭ ||
যঃ করোতি বৃষোৎসর্গং গয়াক্ষেত্রে হ্যনুত্তমে |
অগ্নিষ্টোমশতং পুণ্যং লভতে নাত্র সংশয়ঃ || ১, ৮৩. ৬৮ ||
আত্মনোঽপি মহাবুদ্ধির্গয়ায়াং তু তিলৈর্বিনা |
পিণ্ডনির্বাপণং কুর্যাদন্যেষামপি মানবঃ || ১, ৮৩. ৬৯ ||
যাবন্তো জ্ঞাতয়ঃ পিত্র্যা বান্ধবাঃ সুহৃদস্তথা |
তেভ্যো ব্যাসগয়াভূমৌ পিণ্ডো দেয়ো বিধানতঃ || ১, ৮৩. ৭০ ||
রামতীর্থে নরঃ স্নাৎবা গোশতস্যাপ্নুয়াৎফলম্ |
মতঙ্গবাপ্যাং স্নাৎবা চ গোসহস্রফলং লভেৎ || ১, ৮৩. ৭১ ||
নিশ্চিরাসঙ্গমে স্নাৎবা ব্রহ্মলোকং নয়েৎপিৎৠন্ |
বসিষ্ঠস্যাশ্রমে স্নাৎবা বাজপেয়ং চ বিন্দতি || ১, ৮৩. ৭২ ||
মহাকৌশ্যাং সমাবাসাদশ্বমেধফলং লভেৎ |
পিতামহস্য সরসঃ প্রসৃতা লোকপাবনী || ১, ৮৩. ৭৩ ||
সমীপে ৎবগ্নিধারেতি বিশ্রুতা কপিলা হি সা |
অগ্নিষ্টোমফলং শ্রাদ্ধী স্নাৎবাত্র কৃতকৃত্যতা || ১, ৮৩. ৭৪ ||
শ্রাদ্ধী কুমারধারায়ামশ্বমেধফলং লভেৎ |
কুমারমভিগম্যাথ নৎবা মুক্তিমবাপ্নুয়াৎ || ১, ৮৩. ৭৫ ||
সোমকুণ্ডে নরঃ স্নাৎবা সোমলোকং চ গচ্ছতি |
সংবর্তস্য নরো বাপ্যাং সুভগঃ স্যাত্তু পিণ্ডদঃ || ১, ৮৩. ৭৬ ||
ধৌতপাপো নরো যাতি প্রেতকুণ্ডে চ পিণ্ডদঃ |
দেবনদ্যাং লেলিহানে মথনে জানুগর্তকে || ১, ৮৩. ৭৭ ||
এবমাদিষু তীর্থেষু পিণ্ডদস্তারয়েৎপিৎৠন্ |
নৎবা দেবান্বসিষ্ঠেশপ্রভৃতীনৃণসঙ্ক্ষয়ম্ || ১, ৮৩. ৭৮ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
গয়ামাহাত্ম্যং নাম ত্র্যশীতিতমোঽধ্যায়ঃ
শ্রীগরুডমহাপুরাণম্-৮৪
ব্রহ্মোবাচ |
উদ্যতস্তু গয়াং গন্তুং শ্রাদ্ধং কৃৎবা বিধানতঃ |
বিধায় কার্পটীবিষং গ্রামস্যাপি প্রদক্ষিণম্ || ১, ৮৪. ১ ||
ততো গ্রামান্তরং গৎবা শ্রাদ্ধশেষস্য ভোজনম্ |
কৃৎবা প্রদক্ষিণং গচ্ছেৎপ্রতিগ্রহবিবর্জিতঃ || ১, ৮৪. ২ ||
গৃহাচ্চলিতমাত্রস্য গয়ায়াং গমনং প্রতি |
স্বর্গারোহণসোপানং পিৎৠণাং তু পদেপদে || ১, ৮৪. ৩ ||
মুণ্ডনং চোপবাসশ্চ সর্বতীর্থেষ্বয়ং বিধিঃ |
বর্জয়িৎবা কুরুক্ষেত্রং বিশালাং বিরজাং গয়াম্ || ১, ৮৪. ৪ ||
দিবা চ সর্বদা রাত্রৌ গয়ায়াং শ্রাদ্ধকৃদ্ভবেৎ |
বারাণস্যাং কৃতং শ্রাদ্ধং তীর্থে শোণনদে তথা || ১, ৮৪. ৫ ||
পুনঃ পুনামহানদ্যাং শ্রাদ্ধী স্বর্গং পিৎৠন্নয়েৎ |
উত্তরং মানসং গৎবা সিদ্ধিং প্রাপ্নোত্যনুত্তমাম্ || ১, ৮৪. ৬ ||
তস্মিন্নিবর্তয়েচ্ছ্রাদ্ধং স্নানং চৈব নিবর্তয়েৎ |
কামান্স লভতে দিব্যান্মোক্ষোপায়ং চ সর্বশঃ || ১, ৮৪. ৭ ||
দক্ষিণং মানসং গৎবা মৌনী পিণ্ডাদি কারয়েৎ |
ঋণত্রয়াপাকরণং লভেদ্দক্ষিণমানসে || ১, ৮৪. ৮ ||
সিদ্ধানাং প্রীতিজননৈঃ পাপানাং চ ভয়ঙ্করৈঃ |
লেলিহানৈর্মহাঘোরৈরক্ষতৈঃ পন্নগোত্তমৈঃ || ১, ৮৪. ৯ ||
নাম্না কনখলং তীর্থং ত্রিষু লোকেষু বিশ্রুতম্ |
উদীচ্যাং মুণ্ডপৃষ্ঠস্য দেবর্ষিগণসেবিতম্ || ১, ৮৪. ১০ ||
তত্র স্নাৎবা দিবং যাতি শ্রাদ্ধং দত্তমথাক্ষয়ম্ |
সূর্যং নৎবা ৎবিদং কুর্যাৎকৃতপিণ্ডাদিসৎক্রিয়ঃ || ১, ৮৪. ১১ ||
কব্যবাহস্তথা সোমো যমশ্চৈবার্যমা তথা |
অগ্নিষ্বাত্তা বর্হিষদঃ সোমপাঃ পিদৃদেবতাঃ || ১, ৮৪. ১২ ||
আগচ্ছন্তু মহাভাগা যুষমাভী রক্ষিতাস্ত্বিহ |
মদীয়াঃ পিতরো যে চ কুলে জাতাঃ সনাভয়ঃ || ১, ৮৪. ১৩ ||
তেষাং পিণ্ডপ্রদানার্থমাগতোঽস্মি গয়ামিমাম্ |
কৃতপিণ্ডঃ ফল্গুতীর্থে পশ্যৈদ্দেবং পিতামহম্ || ১, ৮৪. ১৪ ||
গদাধরং ততঃ পশ্যেৎপিৎৠণামনৃণামনৃণো ভবেৎ |
ফল্গুতীর্থে নরঃ স্নাৎবা দৃষ্ট্বা দেবং গদাধরম্ || ১, ৮৪. ১৫ ||
আত্মানং তারয়েৎসদ্যো দশ পূর্বান্দশাপরান্ |
প্রথমেহ্নিবিধিঃ প্রোক্তো দ্বিতীয়দিবসে ব্রজেৎ || ১, ৮৪. ১৬ ||
ধর্মারণ্যং মতঙ্গস্য বাপ্যাং পিণ্ডাদিকৃদ্ভবেৎ |
ধর্মারণ্যং সমাসাদ্য বাজপেয়ফলং লভেৎ || ১, ৮৪. ১৭ ||
রাজসূয়াশ্বমেধাভ্যাং ফলং স্যাদ্ব্রহ্মতীর্থকে |
শ্রাদ্ধং পিণ্ডোদকং কার্যং মধ্যে বৈ কূপয়ূপয়োঃ || ১, ৮৪. ১৮ ||
কূপোদকেন তৎকার্যং পিৎৠণাং দত্তমক্ষয়ম্ |
তৃতীয়েঽবহ্নি ব্রহ্মসদো গৎবা স্নাৎবাথ তর্পণম্ || ১, ৮৪. ১৯ ||
কৃৎবা শ্রাদ্ধাদিকং পিণ্ডং মধ্যে বৈ যূপকূপয়োঃ |
গোপ্রচারসমীপস্থা আব্রহ্ম ব্রহ্মকল্পিতাঃ || ১, ৮৪. ২০ ||
তেষা সেবনমাত্রেণ পিতরো মোক্ষগামিনঃ |
যূপং প্রদক্ষিণীকৃত্য বাজপেয়ফলং লভেৎ || ১, ৮৪. ২১ ||
ফল্গুতীর্থে চতুর্থেঽহিনি স্নাৎবা দেবাদিতর্পণম্ |
কৃৎবা শ্রাদ্ধঙ্গয়াশীর্ষে কুর্যাদ্রুদ্রপদাদিষু || ১, ৮৪. ২২ ||
পিণাডান্দেহিমুখে ব্যাসে পঞ্চাগ্নৌ চ পদত্রয়ে |
সূর্যেন্দুকার্তিকেয়েষু কৃতং শ্রাদ্ধং তথাক্ষয়ম্ || ১, ৮৪. ২৩ ||
শ্রাদ্ধং তু নবদেবত্যং কুর্যাদ্দ্বাদশদৈবতম্ |
অন্বষ্টকাসু বৃদ্ধৌ চ গয়ায়াং মৃতবাসরে || ১, ৮৪. ২৪ ||
অত্র মাতুঃ পৃথক্ষ্রাদ্ধমন্যত্র পতিনা সহ |
স্নাৎবা দশাশ্বমেধে তু দৃষ্ট্বা দেবং পিতামহম্ || ১, ৮৪. ২৫ ||
রুদ্রপাদং নরঃ স্পৃষ্ট্বা ন চেহাবর্ততে পুনঃ |
ত্রির্বিত্তপূর্ণাং পৃথিবীং দত্ত্বা যৎফলমাপ্নুয়াৎ || ১, ৮৪. ২৬ ||
স তৎফলমবাপ্নোতি কৃৎবা শ্রাদ্ধং গয়াশিরে |
শমীপত্রপ্রমাণেন পিণ্ডং দদ্যাদ্গয়াশিরে || ১, ৮৪. ২৭ ||
পিতরো যান্তি দেবৎবং নাত্র কার্যা বিচারণা |
মুণ্ডপৃষ্টে পদং ন্যস্তং মহাদেবেন ধীমতা || ১, ৮৪. ২৮ ||
অল্পেন তপসা তত্র মহাপুণ্যমবাপ্নুয়াৎ |
গয়াশীর্ষে তু যঃ পিণ্ডান্নাম্না যেষাং তু নির্বপেৎ || ১, ৮৪. ২৯ ||
নরকস্থা দিবং যান্তি স্বর্গস্থা মোক্ষমাপ্নুয়ুঃ |
পঞ্চমেঽহ্নি গন্দালোলে স্নাৎবা বটতলে ততঃ || ১, ৮৪. ৩০ ||
পিণ্ডান্দদ্যাৎপিৎৠণাং চ সকলং তারয়েৎকুলম্ |
বটমূলং সমাসাদ্য শাকেনোষ্ণোদকেন বা || ১, ৮৪. ৩১ ||
একস্মিন্ভোজিতে বিপ্র কোটির্ভবতি ভোজিতাঃ |
কৃতে শ্রাদ্ধেঽক্ষয়বটে দৃষ্ট্বা চ প্রপিতামহম্ || ১, ৮৪. ৩২ ||
অক্ষয়াল্লম্ভতে লোকান্কুলানামুদ্ধরেচ্ছতম্ |
এষ্টব্যা বহবঃ পুত্ত্রা যদ্যেকোঽপি গয়াং ব্রজেৎ || ১, ৮৪. ৩৩ ||
যজেত বাশ্বমেধেন নীলং বা বৃষমুৎসৃজেৎ |
প্রেতঃ কশ্চিৎসমুদ্দিশ্য বণিজং কঞ্চিদব্রবীৎ || ১, ৮৪. ৩৪ ||
মম নাম্না গয়াশীর্ষে পিণ্ডনির্বপণং কুরু |
প্রেতভাবাদ্বিমুক্তঃ স্যাংস্বর্গদো দাতুরেব চ || ১, ৮৪. ৩৫ ||
শ্রুৎবা বণিগ্গয়াশীর্ষ প্রেতরাজায় পিণ্ডকম্ |
প্রদদাবনুজৈঃ সার্ধং স্বপিতৃভ্যস্ততো দদৌ || ১, ৮৪. ৩৬ ||
সর্বে মুক্তা বিশালোঽপি সপুত্রোঽভুচ্চ পিণ্ডদঃ |
বিশালায়াং বিশালোঽভূদ্রাজপুত্রোব্রবীদ্দ্বিজান্ || ১, ৮৪. ৩৭ ||
কথং পুত্রাদয়ঃ স্যুর্মে বিপ্রাশ্চোতুর্বিশালকম্ |
গয়ায়াং পিণ্ডদানেন তব সর্বং ভবিষ্যতি || ১, ৮৪. ৩৮ ||
বিশালোঽথ গয়াশীর্ষ পিণ্ডদোঽভূচ্চ পুত্রবান্ |
দৃষ্ট্বাকাশে সিতং রক্তং কৃষ্ণং পুরুষমব্রবীৎ || ১, ৮৪. ৩৯ ||
কে যূয়ং তেষু চৈবৈকঃ সিতঃ প্রোচে বিশালকম্ |
অহং সিতস্তে জনক ইন্দ্রলোকং গতঃ শভম্ || ১, ৮৪. ৪০ ||
মম পুত্র পিতা রক্তো ব্রহ্মহা পাপকৃৎপরম্ |
অয়ং পিতামহঃ কৃষ্ণ ঋষয়োঽনেন ঘাতিতাঃ || ১, ৮৪. ৪১ ||
অবীচিং নরকং প্রাপ্তৌ মুক্তৌ জাতৌ চ পিণ্ডদ |
মুক্তীকৃতাস্ততঃ সর্বে ব্রজামঃ স্বর্গমুত্তমম্ || ১, ৮৪. ৪২ ||
কৃতকৃত্যো বিশালোঽপি রাজ্যং কৃৎবা দিবং যয়ৌ |
যেঽস্মৎকুলে তু পিতরো লুপ্তপিণ্ডোদকক্রিয়াঃ || ১, ৮৪. ৪৩ ||
যে চাপ্যকৃতচূডাস্তু যে চ গর্ভাদ্বিনিঃসৃতাঃ |
যেষাং দাহো ন ক্রিয়াচ যেঽগ্নিদগ্ধাস্তথাপরে || ১, ৮৪. ৪৪ ||
ভূমৌ দত্তেন তৃপ্যন্তু তৃপ্তা যান্তু পরাং গতিম্ |
পিতা পিতামহশ্চৈব তথৈব প্রপিতামহঃ || ১, ৮৪. ৪৫ ||
মাতা পিতামহী চৈব তথৈব প্রপিতামহী |
তথা মাতামহশ্চৈব প্রমাতামহ এব চ || ১, ৮৪. ৪৬ ||
বৃদ্ধপ্রমাতামহশ্চ তথা মাতামহী পরম্ |
প্রমাতামহী তথা বৃদ্ধপ্রমাতামহীতি বৈ || ১, ৮৪. ৪৭ ||
অন্যেষাং চৈব পিণ্ডোঽযমক্ষয়্যমুপতিষ্ঠতাম্ || ১, ৮৪. ৪৮ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
গয়ামাহাত্ম্যং নাম চতুরশীতিতমোঽধ্যায়ঃ
শ্রীগরুডমহাপুরাণম্-৮৫
ব্রহ্মোবাচ |
স্নাৎবা প্রেতশিলাদৌ তু বরুণাস্থামৃতেন চ |
পিণ্ডং দদ্যাদিমৈর্মন্ত্রৈরাবাহ্য চ পিৎৠন্পরান্ || ১, ৮৫. ১ ||
অস্মৎকুলে মৃতা যে চ গতির্যেষাং ন বিদ্যতে |
আবাহয়িষ্যেতান্সর্বান্দর্ভপৃষ্ঠে তিলোদকৈঃ || ১, ৮৫. ২ ||
পিতবংশে মৃতা যে চ মাতৃবংশে চ যে মৃতাঃ |
তষামুদ্ধরণার্থায়ে ইমং পিণ্ডে দদাম্যহম্ || ১, ৮৫. ৩ ||
মাতামহকুলে যে চ গতির্যেষাং ন বিদ্যতে |
তেষামুদ্ধরণার্থায় ইমং পিণ্ডং দদাম্যহম্ || ১, ৮৫. ৪ ||
অজাতদন্তা যে কেচিদ্যে চ গর্ভে প্রপীডিতাঃ |
তেষামুদ্ধরণার্থায় ইম পিণ্ডং দদাম্যহম্ || ১, ৮৫. ৫ ||
বন্ধুবর্গাশ্চ যে কেচিন্নামগোত্রবিবর্জিতাঃ |
স্বগোত্রে পরগোত্রে বা গতির্যেষাং ন বিদ্যতে |
তেষামুদ্ধরণার্থায় ইম পিণ্ডং দদাম্যহম্ || ১, ৮৫. ৬ ||
উদ্বন্ধনমৃতা যে চ বিষশস্ত্রহতাশ্চ যে |
আত্মোপঘাতিনো যে চ তেভ্যঃ পিণ্ডং দদাম্যহম্ || ১, ৮৫. ৭ ||
অগ্নিদাহে মৃতা যে চ সিংহব্যাঘ্রহতাশ্চয়ে |
দংষ্ট্রিভিঃ শৃঙ্গিভির্বাপি তেষাং পিণ্ডং দদাম্যহম্ || ১, ৮৫. ৮ ||
অগ্নিদগ্ধাশ্চ যে কেচিন্নাগ্নিদগ্ধাস্তথাপরে |
বিদ্যুচ্চৌরহতা যে চ তেভ্যঃ পিণ্ডং দদাম্যহম্ || ১, ৮৫. ৯ ||
রৌরবে চান্ধতামিস্ত্রে কালসূত্রে চ যে গতাঃ |
তেষামুদ্ধরণার্থায় ইমং পিণ্ডং দদাম্যহম্ || ১, ৮৫. ১০ ||
অসিপত্রবনে ঘোরে কম্ভীপাকে চ যে গতাঃ |
তেষামুদ্ধরণার্থায় ইং পিণ্ডং দদাম্যহম্ || ১, ৮৫. ১১ ||
অন্যেষাং যাতনা স্থানাং প্রেতলোকনিবাসিনাম্ |
তেষামুদ্ধরণার্থায় ইম পিণ্ডং দদাম্যহম্ || ১, ৮৫. ১২ ||
পুশুয়োনিং গতা যে চ পক্ষিকীটসরীসৃপাঃ |
অথবা বৃক্ষয়োনি স্থাস্তেভ্যঃ পিণ্ডং দদাম্যহম্ || ১, ৮৫. ১৩ ||
অসঙ্খ্যয়াতনাসংস্থা যে নীতা যমশাসনৈঃ |
তেষামুদ্ধরণার্থায় ইমং পিণ্ডং দদাম্যহম্ || ১, ৮৫. ১৪ ||
জাত্যন্তরসহস্রেষু ভ্রমন্তি স্বেন কর্মণা |
মানুষ্যং দুর্লভং যেষাং তেভ্যঃ পিণ্ডং দদাম্যহম্ || ১, ৮৫. ১৫ ||
যে বান্ধবাবান্ধবা বা যেঽন্যজন্মনি বান্ধবাঃ |
তে সর্বেতৃপ্তিমায়ান্তু পিণ্ডদানেন সর্বদা || ১, ৮৫. ১৬ ||
যে কেচিৎপ্রেতরূপেণ বর্তন্তে পিতরো মম |
তে সর্বে তৃপ্তিমায়ান্তু পিণ্ডদানেন সর্বদা || ১, ৮৫. ১৭ ||
যে মে পিতৃকুলে জাতাঃ কুলে মাতুস্তথৈব চ |
গুরুশ্বশুরবন্ধূনাং যে চান্যে বান্ধবা মৃতাঃ || ১, ৮৫. ১৮ ||
যে মে কুলে লুপ্তপিণ্ডাঃ পুত্ত্রদারবিবর্জিতাঃ |
ক্রিয়ালো পহতা যে চ জাত্যন্ধাঃ পঙ্গবস্তথা || ১, ৮৫. ১৯ ||
বিরূপা আমগর্ভাশ্চ জ্ঞাতাজ্ঞাতাঃ কুলে মম |
তেষাং পিণ্ডং ময়া দত্তমক্ষয়্যমুপতিষ্ঠতাম্ || ১, ৮৫. ২০ ||
সাক্ষিণঃ সন্তু মে দেবা ব্রহ্মেশানাদয়স্তথা |
ময় গয়াং সমাসাদ্য পিৎৠণাং নিষ্কতিঃ কৃতা || ১, ৮৫. ২১ ||
আগতোঽহং গয়াং দেব ! পিতৃকার্যে গদাধর |
তন্মে সাক্ষী ভবৎবদ্য অনৃণোঽহমৃণত্রয়াৎ || ১, ৮৫. ২২ ||
মহানদী ব্রহ্মসরোঽক্ষয়ো বটঃ প্রভাসমুদ্যন্তমহো? গয়াশিরঃ |
সরস্বতীধর্মকধেনুপৃষ্ঠা এতে কুরুক্ষেত্রগতা গয়ায়াম্ || ১, ৮৫. ২৩ ||
ইতি শ্রীগারুডে মহাপুরাণে পুর্বখণ্ডে প্রথমাংশাখ্যে আচারকাণ্ডে
গয়ামাহাত্ম্যং নাম পঞ্চাশীতিতমোঽধ্যায়ঃ
শ্রীগরুডমহাপুরাণম্-৮৬
ব্রহ্মোবাচ |
যেয়ং প্রেতশিলা খ্যাতা গয়ায়াং সা ত্রিধা স্থিতা |
প্রভাসে প্রেতকুণ্ডে চ গয়াসুরশিরস্যপি || ১, ৮৬. ১ ||
ধর্মেণ ধারিতা ভূত্যৈ সর্বদেবময়ী শিলা |
প্রেতৎবং যে গতা নৄণাং মিত্রাদ্যা বান্ধবাদয়ঃ || ১, ৮৬. ২ ||
তেষামুদ্ধরণার্থায় যতঃ প্রেতশিলা শুভা |
অতোঽত্র মুনয়ো ভূপা রাজপত্ন্যাদয়ঃ সদা || ১, ৮৬. ৩ ||
তস্যাং শিলায়াং শ্রাদ্ধাদিকর্তারো ব্রহ্মলোকগাঃ |
গয়াসুরস্য যন্মুণ্ডং তস্য পৃষ্ঠে শিলা যতঃ || ১, ৮৬. ৪ ||
মুণাডপৃষ্ঠো গিরিস্তস্মাৎসর্বদেবময়ো হ্যয়ম্ |
মুণ্ডপৃষ্ঠস্য পাদেষু যতো ব্রহ্মসরোমুখাঃ || ১, ৮৬. ৫ ||
অরবিন্দবনং তেষু তেন চৈবোপলক্ষিতঃ |
অরবিন্দো গিরির্নাম ক্রৌঞ্চপাদাঙ্কিতো যতঃ || ১, ৮৬. ৬ ||
তস্মা দ্গিরিঃ ক্রৈঞ্চপাদঃ পিৎৠণাং ব্রহ্মলোকদঃ |
গদাধরাদয়ো দেবা আদ্যা আদৌ ব্যবস্থিতাঃ || ১, ৮৬. ৭ ||
শিলারূপেণ চাব্যক্তাস্তস্মাদ্দেবময়ী শিলা |
গয়া শিরশ্ছাদয়িৎবা গুরুৎবাদাস্থিতা শিলা || ১, ৮৬. ৮ ||
কালান্তরেণ ব্যক্তশ্চস্থিত আদিগদাধরঃ |
মহারুদ্রাদিদেবৈস্তু আনাদিনিধনো হরিঃ || ১, ৮৬. ৯ ||
ধর্ম সংরক্ষণার্থায় অধর্মাদিবিনষ্টয়ে |
দৈত্যরাক্ষসনাশার্থং মৎস্যঃ পূর্বং যথাভবৎ || ১, ৮৬. ১০ ||
কূর্মো বরাহো নৃহরির্বামনো রাম ঊর্জিতঃ |
যথা দাশরথী রামঃ কৃষ্ণোবুদ্ধোঽথ কল্ক্যপি || ১, ৮৬. ১১ ||
তথা ব্যক্তোঽব্যক্তরূপী আসীদাদির্গদাধরঃ |
আদিরাদৌ পূজিতোঽত্র দেবৈর্ব্রহ্মাদিভির্যতঃ || ১, ৮৬. ১২ ||
পাদ্যাদ্যৈর্গন্ধপুষ্পাদ্যৈরত আদিগদাধরঃ |
গদাধরং সুরৈঃ সার্ধমাদ্যং গৎবা দদাতি যঃ || ১, ৮৬. ১৩ ||
অর্ঘ্যং পাত্রং চ পাদ্যং চ গন্ধপুষ্পং চ ধূপকম্ |
দীপং নৈবৈদ্যমুৎকষ্টং মাল্যানি বিবিধানি চ || ১, ৮৬. ১৪ ||
বস্ত্রাণি মুকুটং ঘণ্টা চামরং প্রেক্ষণীয়কম্ |
অলঙ্কারাদিকং পিণ্ডমন্নদানাদিকং তথা || ১, ৮৬. ১৫ ||
তেষাং তাবদ্ধনং ধান্যমায়ুরারো গ্যসম্পদঃ |
পুত্ত্রাদিসন্ততিশ্রেয়োবিদ্যার্থং কাম ঈপ্সিতঃ || ১, ৮৬. ১৬ ||
ভার্যা স্বর্গাদিবাসশ্চ স্বর্গাদাগত্য রাজ্যকম্ |
কুলীনঃ সত্ত্বসম্পন্নো রণে মর্দিতশাত্রবনঃ || ১, ৮৬. ১৭ ||
বধবন্ধবিনির্মুক্তশ্চান্তে মোক্ষমবাপ্নুয়াৎ |
শ্রাদ্ধপিণ্ডাদিকর্তারঃ পিতৃভির্ব্রহ্মলোকগাঃ || ১, ৮৬. ১৮ ||
জগন্নাথং যেঽপ্চয়ন্তি সুভদ্রাং বলভদ্রকম্ |
জ্ঞানং প্রাপ্য শ্রিয়ং পুত্রান্ব্রজন্তি পুরুষোত্তমম্ || ১, ৮৬. ১৯ ||
পুরুষোত্তমরাজস্য সূর্যস্য চ গণস্য চ |
পুরতস্তত্র পিণ্ডাদি পিৎৠণাং ব্রিহ্মলোকদঃ || ১, ৮৬. ২০ ||
নৎবা কপর্দিবিঘ্নেশং সর্ববিঘ্নৈঃ প্রমুচ্যতে |
কার্তিকেয়ং পূজয়িৎবা ব্রহ্মলোকমবাপ্নুয়াৎ || ১, ৮৬. ২১ ||
দ্বাদশাদিত্যমভ্যর্চ্য সর্বরোগৈঃ প্রমুচ্যতে |
বৈশ্বানরং সমভ্যর্চ্য উত্তমাং দীপ্তিমাপ্নুয়াৎ || ১, ৮৬. ২২ ||
রেবন্তং পূজয়িৎবাথ অশ্বানাপ্নোত্যনুত্তমান্ |
অভ্যর্চ্যেন্দ্রং মহৈশ্বর্যং গৌরীং সৌভাগ্যমাপ্নুয়াৎ || ১, ৮৬. ২৩ ||
বিদ্যাং সরস্বতীং প্রার্চ্য লক্ষ্মীং সম্পূজ্য চ শ্রিয়ম্ |
গরুডং চ সমভ্যর্চ্য বিঘ্নবৃন্দাৎপ্রমুচ্যতে || ১, ৮৬. ২৪ ||
ক্ষেত্রপালং সমভ্যর্চ্য গ্রহবৃন্দৈঃ প্রমুচ্যতে |
মুণ্ডপৃষ্ঠং সমভ্যর্চ্য সর্বকামমবাপ্নুয়াৎ || ১, ৮৬. ২৫ ||
নাগাষ্টকং সমভ্যর্চ্য নাগদষ্টো বিমুচ্যতে |
ব্রহ্মাণং পূজয়িৎবা চ ব্রহ্মলোকমবাপ্নুয়াৎ || ১, ৮৬. ২৬ ||
বলভদ্রং সমভ্যর্চ্য বলারোগ্যমবাপ্নুয়াৎ |
সুভদ্রাং পূজয়িৎবা তু সৌভাগ্যং পরমাপ্নুয়াৎ || ১, ৮৬. ২৭ ||
সর্বান্কামানবাপ্নোতি সম্পূজ্য পুরুষোত্তমম্ |
নারায়ণং তু সম্পূজ্য নরাণামধিপো ভবেৎ || ১, ৮৬. ২৮ ||
স্পৃষ্ট্বা নৎবা নারসিংহং সঙ্গ্রামে বিজয়ী ভবেৎ |
বরাহং পূজয়িৎবা তু ভূমিরাজ্যমবাপ্নুয়াৎ || ১, ৮৬. ২৯ ||
মালাবিদ্যাধরৌ স্পষ্ট্বা বিদ্যাধরপদং লভেৎ |
সর্বান্কামানবাপ্নোতি সম্পূজ্যাদিগদাধরম্ || ১, ৮৬. ৩০ ||
সোমনাথং সমভ্যর্চ্য শিবলোকমবাপ্নুয়াৎ |
রুদ্রেশ্বরং নমস্কৃত্য রুদ্রলোকে মহীয়তে || ১, ৮৬. ৩১ ||
রামেশ্বরং নরো নৎবা রামবৎসুপ্রিয়ো ভবেৎ |
ব্রহ্মেশ্বরং নরঃ স্তুৎবা ব্রহ্মলোকায় কল্প্যতে || ১, ৮৬. ৩২ ||
কালেশ্বরং সমভ্যর্চ্য নরঃ কালঞ্জয়ো ভবেৎ |
কেদারং পূজয়িৎবা তু শিবলোকে মহীয়তে || ১, ৮৬. ৩৩ ||
সিদ্ধেশ্বরং চ সম্পূজ্য সিদ্ধো ব্রহ্মপুরং ব্রজেৎ |
আদ্যৈ রুদ্রাদিভিঃ সার্ধং দৃষ্ট্বা হ্যাদিগদাধরম্ || ১, ৮৬. ৩৪ ||
কুলানাং শতমুদ্ধৃত্য নয়েদ্ব্রহ্মপুরং নরঃ |
ধর্মার্থো প্রাপ্নুয়াদ্ধর্মমর্থার্থো চার্থমাপ্নুয়াৎ || ১, ৮৬. ৩৫ ||
কামান্সম্প্রাপ্নুয়াৎকামী মোক্ষার্থো মোক্ষমাপ্নুয়াৎ |
রাজ্যার্থো রাজ্যমাপ্নোতি শান্ত্যর্থো শান্তিমাপ্নুয়াৎ || ১, ৮৬. ৩৬ ||
সর্বার্থো সর্বমাপ্নোতি সম্পূজ্যাদিগদাধরম্ |
পুত্রান্পুত্রার্থিনী স্ত্রী চ সৌভাগ্যং চ তদর্থিনী || ১, ৮৬. ৩৭ ||
বংশার্থিনী চ বংশান্বৈ প্রাপ্যার্চ্যাদিগদাধরম্ |
শ্রাদ্ধেন পিণ্ডদানেন অন্নদানেন বারিদঃ || ১, ৮৬. ৩৮ ||
ব্রহ্মলোকমবাপ্নোতি সম্পূজ্যাদিগদাধরম্ |
পৃথিব্যাং সর্বতীর্থেভ্যো যথা শ্রেষ্ঠা গয়া পুরী || ১, ৮৬. ৩৯ ||
তথা শিলাদিরূপশ্চ শ্রেষ্ঠশ্চৈব গদাধরঃ |
তস্মিন্দৃষ্টে শিলা দৃষ্টা যতঃ সর্বং গদাধরঃ || ১, ৮৬. ৪০ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
গয়ামাহাত্ম্যং নাম ষডশীতিতমোঽধ্যায়ঃ
(ইতি গয়ামাহাত্ম্যং সমাপ্তম্) |
শ্রীগরুডমহাপুরাণম্-৮৭
হরিরুবাচ |
চতুর্দশ মনূন্বক্ষ্যে তৎসুতাশ্চ সুকাদিকান্ |
মনুঃ স্বায়ম্ভুবঃ পূর্বমগ্নিঘ্রাদ্যাশ্চ তৎসুতাঃ || ১, ৮৭. ১ ||
মরীচিরত্র্যঙ্গিরসৌ পুলস্ত্যঃ পুলহঃ ক্রতুঃ |
বসিষ্ঠশ্চ মহাতেজা ঋষয়ঃ সপ্তকীর্তিতাঃ || ১, ৮৭. ২ ||
জয়াখ্যাশাচমিতাখ্যাশ্চ শুক্রা যামাস্তথৈব চ |
গণা দ্বাদশকাশ্চৈতি চৎবারঃ সোমপায়িনঃ || ১, ৮৭. ৩ ||
বিশ্বভুগ্বামদেবেন্দ্রো বাষ্কলিস্তদরির্হ্যভূৎ |
স হতো বিষ্ণুনা দৈত্যশ্চক্রেণ সুমহাত্মনা || ১, ৮৭. ৪ ||
মনুঃ স্বারোচিষশ্চাথ তৎপুত্রো মণ্ডলেশ্বরঃ |
চিত্রকো বিনতশ্চৈব কর্ণান্তো বিদ্যুতো রবিঃ || ১, ৮৭. ৫ ||
বৃহদ্গুণো নভশ্চৈব মহাবলপরাক্রমঃ |
ঊর্জ স্তম্বস্তথা প্রাণ ঋষভো নিশ্চল (র) স্তথা || ১, ৮৭. ৬ ||
দত্তো (ম্ভো) লিশ্চাবরীবাংশ্চ ঋষ্যঃ সপ্তকীর্তিতাঃ |
তুষিতা দ্বাদশ প্রোক্তাস্তথা পারাবতাশ্চ যে || ১, ৮৭. ৭ ||
ইন্দ্রো বিপশ্চিদ্দেবানাং তদ্রিপুঃ পুরুকৃৎসরঃ |
জঘান হস্তিরূপেণ ভগবান্মধুসূদনঃ || ১, ৮৭. ৮ ||
ঔত্তমস্য মনোঃ পুত্রা আজশ্চ পরশুস্তথা |
বিনীতশ্চ সুকেতুশ্চ সুমিত্রঃ সুবলঃ শুচিঃ || ১, ৮৭. ৯ ||
দেবো দেবাবৃধো রুদ্র ! মহোৎসাহোজিতস্তথা |
রথৌজা ঊর্ধ্ববাহুশ্চ শরণশ্চানঘো মুনিঃ || ১, ৮৭. ১০ ||
সুতপাঃ শঙ্কুরিত্যেতে ঋষয়ঃ সপ্ত কীর্তিতাঃ |
বশবর্তিস্বধামানঃ শিবাঃ সত্যাঃ প্রতর্দনাঃ || ১, ৮৭. ১১ ||
পঞ্চ দেবগণাঃ প্রোক্তা সর্বে দ্বাদশকাস্তু তে |
ইন্দ্রঃ স্বশান্তিস্তচ্ছুক্রঃ প্রলম্বো নাম দানবঃ || ১, ৮৭. ১২ ||
মৎস্যরূপী হরির্বিষ্ণুস্তং জঘান চ দানবম্ |
তামসস্য মনোঃ পুত্রা জানুজঙ্ঘোঽথ নির্ভয়ঃ || ১, ৮৭. ১৩ ||
নবখ্যাতির্নয়শ্চৈব প্রিয়ভৃত্যো বিবিক্ষিপঃ |
দৃঢেষুধিঃ প্রস্তলাক্ষঃ কৃবন্ধুঃ কৃতস্তথা || ১, ৮৭. ১৪ ||
জ্যোতির্ধামা পৃথুঃ (ধৃষ্ট) কাব্যশ্চৈত্রশ্চেতাগ্নিহেমকাঃ (কৌ) |
মুনয়ঃ কীর্তিতাঃ সপ্ত সুরাগাঃ সুধিয়স্তথা || ১, ৮৭. ১৫ ||
হরয়ো দেবতামাং চ চৎবারঃ পঞ্চ (সপ্ত) বিংশকাঃ |
গণা ইন্দ্রঃ শিবিস্তস্য শত্রুর্ভোমরথাঃ স্মৃতাঃ || ১, ৮৭. ১৬ ||
হরিণা কূর্মরূপেণ হতো ভীমরথোঽসুরঃ |
রৈবতস্য মনোঃ পুত্রো মহা প্রাণশ্চ সাধকঃ || ১, ৮৭. ১৭ ||
বন (ল) বন্ধুর্নিরমিত্রঃ প্রত্যঙ্গঃ পরহা শুচিঃ |
দৃঢব্রতঃ কেতুশৃগং ঋষয়স্তস্য বর্ণ্যতে || ১, ৮৭. ১৮ ||
বেদশ্রীর্বেদবাহুশ্চ ঊর্ধ্ববাহুস্তথৈব চ |
হিরণ্যরোমা পর্জন্যঃ সত্যনেত্রঃ (নামা) স্বধাম চ || ১, ৮৭. ১৯ ||
অভূতরজসশ্চৈব তথা দেবাশ্বমেধসঃ |
বৈকুণ্ঠ (ণ্ঠাঃ শ্চামৃত (তা) শ্চৈব চৎবারো দেবতাগণাঃ || ১, ৮৭. ২০ ||
গণে চতুর্দশ সুরা বিভুরিদ্রঃ প্রতাপবান্ |
শান্তঃ শত্রুর্হতো দৈত্যো হংসরূপেণ বিষ্ণুনা || ১, ৮৭. ২১ ||
চাক্ষুষস্য মনোঃ পুত্রা উরুঃ পুরুর্মহাবলঃ |
শতদ্যুম্নস্তপস্বী চ সত্যবাহুঃ(ক্যো) কৃতিস্তথা || ১, ৮৭. ২২ ||
অগ্নিষ্ণুরতিরাত্রশ্চ সুদ্যুম্নশ্চ তথা নরঃ |
হবিষ্মানুত্তমঃ শ্রীমান্স্ব (সু) ধামা বিরজস্তথা || ১, ৮৭. ২৩ ||
অভিমানঃ সহিষ্ণুশ্চ মধুশ্রীরৃষয়ঃ স্মৃতাঃ |
আর্যাঃ প্রভূতা ভাব্যাশ্চ লেখাশ্চ পৃথুকাস্তথা || ১, ৮৭. ২৪ ||
অষ্টকস্য গণাঃ পঞ্চ তথা প্রোক্তা দিবৌকসাম্ |
ইন্দ্রো মনোজবঃ শত্রুর্মহাকালো মহাভজঃ || ১, ৮৭. ২৫ ||
অশ্বরূপেণ স হতো হরিণা লোকধারিণা |
মনোর্বৈবস্বতস্যেতে পুত্রা বিষ্ণুপরায়ণাঃ || ১, ৮৭. ২৬ ||
ইক্ষ্বাকুরথ নাভাগো ধৃষ্টঃ শর্যাতিরেব চ |
নরিষ্যন্তস্তথা পাংসুর্নভো নেদিষ্ঠ এব চ || ১, ৮৭. ২৭ ||
করূষশ্চ পৃষধ্রশ্চ সুদ্যুম্নশ্চ মনোঃ সুতাঃ |
অত্রির্বসিষ্ঠো ভগবাঞ্জমদগ্নিশ্চ কশ্যপঃ || ১, ৮৭. ২৮ ||
গৌতমশ্চ ভরদ্বাজো বিশামিত্রোঽথ সপ্তমঃ |
তথা হ্যেকোনপঞ্চাশন্মরুতঃ পরিকীর্তিতাঃ || ১, ৮৭. ২৯ ||
আদিত্যা বসবঃ সাধ্যাগণা দ্বাদশকাস্ত্রয়ঃ |
একাদশা তথা রুদ্রা বসবোঽষ্টৌ প্রকীর্তিতাঃ || ১, ৮৭. ৩০ ||
দ্বাবশ্বিনৌ বিনির্দিষ্টৌ বিশ্বেদেবাস্তথা দশা |
দশৌবাঙ্গিরসো দেবা নব দেবগণাস্তথা || ১, ৮৭. ৩১ ||
তেজস্বী নাম বৈ শক্রো হিরণ্যাক্ষো রিপুঃ স্মৃতঃ |
হতো বরাহরূপেণ হরিণ্যাখ্যোঽথ বিষ্ণুনা || ১, ৮৭. ৩২ ||
বক্ষ্যে মনোর্ভবিষ্যস্য সাবর্ণ্যাখ্যস্য বৈ সুতান্ |
বিজয়শ্চার্ববীরশ্চ নির্মোহঃ সত্যবাক্রৃতী || ১, ৮৭. ৩৩ ||
বরিষ্ঠশ্চ গরিষ্ঠশ্চ বাচঃ সঙ্গতিরেব চ |
অশ্বত্থামা কৃপো ব্যাসো গালবো দীপ্তিমানথ || ১, ৮৭. ৩৪ ||
ঋষ্যশৃঙ্গস্তথা রাম ঋষয়ঃ সপ্ত কীর্তিতাঃ |
সুতপা অমৃতাভাশ্চ মুখ্যাশ্চাপি তথা সুরাঃ || ১, ৮৭. ৩৫ ||
তেষাং গণস্তু দেবানা মেকৈকো বিংশকঃ স্মৃতঃ |
বিরোচনসুতস্তেষাং বলিরিন্দ্রো ভবিষ্যতি || ১, ৮৭. ৩৬ ||
দত্ত্বেমাং যাচমানায় বিষ্ণবে যঃ পদত্রয়ম্ |
ঋদ্ধিমিন্দ্রপদং হিৎবা ততঃ সিদ্ধিমবাপ্স্যতি || ১, ৮৭. ৩৭ ||
বারুণের্দক্ষসাবর্ণের্নবমস্য সুতাঞ্ছৃণু |
ধৃতিকেতুর্দেপ্তিকেতুঃ পঞ্চহস্তো নিরাময়ঃ |
পৃতুশ্রবা বৃহদূদ্যুম্ন ঋচীকো বৃহতো গুণঃ || ১, ৮৭. ৩৮ ||
মেধাতিথির্দ্যুতিশ্চৈব সবসো বসুরেব চ |
জ্যোতিষ্মান্হব্যকব্যৌ চ ঋষয়ো বিভুরীশ্বরঃ || ১, ৮৭. ৩৯ ||
পরো মরীচির্গর্ভশ্চ স্ব (সু) ধর্মাণশ্চ তে ত্রয়ঃ |
দেশশত্রু) কালকাক্ষস্তদ্ধন্তা পদ্মনাভকঃ || ১, ৮৭. ৪০ ||
ভবিষ্যন্তি তদা দেবা একৈকো দ্বাদশো গণঃ |
তেষামিন্দ্রো মহাবীর্যো ভবিষ্যত্যদ্ভুতো হর || ১, ৮৭. ৪০*১ ||
ধমপুত্রস্য পুত্রাংস্তু দশ মস্য মনোঃ শৃণু |
সুক্ষেত্রশ্চোত্তমৌজাশ্চ ভূরিশ্রেণ্যশ্চ বীর্যবান্ || ১, ৮৭. ৪১ ||
শতানীকো নিরমিত্রো বৃষসেনো জয়দ্রথঃ |
ভূরিদ্যুম্নঃ সুবর্চাশ্চ শান্তিরিন্দ্রঃ প্রতাপবান্ || ১, ৮৭. ৪২ ||
অয়ো (পো) মূর্তির্হবিষ্মাংশ্চ সুকৃতিশ্চাব্যয়স্তথা |
নাভাগোঽপ্রতিমৌজাশ্চ সৌরভ ঋষয়স্তথা || ১, ৮৭. ৪৩ ||
প্রাণাখ্যাঃ শতসঙ্খ্যাস্তু দেবতানাং গণস্তদা |
তেষামিন্দ্রশ্চ ভবিতা শান্তির্নাম মহাবলঃ |
বলিঃ শত্রুস্তং হরিশ্চ গদয়া ঘাতয়িষ্যতি || ১, ৮৭. ৪৪ ||
রুদ্র পুত্রস্য তে পুত্রান্বক্ষ্যাম্যেকাদশস্য তু |
সর্বত্রগঃ সুশর্মা চ দেবানীকঃ পুরুর্গুরুঃ || ১, ৮৭. ৪৫ ||
ক্ষেত্রবর্ণো দৃঢেষুশ্চ আর্দ্রকঃ পুত্রকস্তথা |
হবিষ্মাংশ্চ হবিষ্যশ্চ বরুণো বিশ্ববিস্তরৌ || ১, ৮৭. ৪৬ ||
বিষ্ণুশ্চৈবাগ্নিতেজাশ্চ ঋষয়ঃ সপ্ত কীর্তিতাঃ |
বিহঙ্গমাঃ কামগম্নির্মাণরুচয়স্তথা || ১, ৮৭. ৪৭ ||
একৈকস্ত্রিংশকস্তেষাং গণশ্চৈন্দ্রশ্চ বৈ বৃষঃ |
ধসগ্রীবো রিপুস্তস্য শ্রীরূপী ঘাতয়িষ্যতি || ১, ৮৭. ৪৮ ||
মনোস্তু দক্ষপুত্রস্য দ্বাদশস্যাত্মজাঞ্ছৃণু |
দেববানু পদেবশ্চ দেবশ্রেষ্ঠো বিদূরথঃ || ১, ৮৭. ৪৯ ||
মিত্রবান্মিত্রদেবশ্চ মিত্রবিন্দুশ্চ বীর্যবান্ |
মিত্রবাহঃ প্রবাহশ্চ দক্ষপুত্রমনোঃ সুতাঃ || ১, ৮৭. ৫০ ||
তপস্বী সুতপাশ্চৈব তপোমূর্তিস্তপোরতিঃ |
তপোধৃতির্দ্যুতিশ্চান্যঃ সপ্তমশ্চ তপোধনাঃ || ১, ৮৭. ৫১ ||
স্বধর্মাণঃ সুতপসো হরিতো হোহিতাস্তথা |
সুরারয়ো গণাশ্চৈতে প্রত্যেকং দশকো গণঃ || ১, ৮৭. ৫২ ||
ঋতধামা চ ভদ্রে (তত্রে) ন্দ্রস্তারকো নাম তদ্রিপুঃ |
হরির্নপুংসকং ভূৎবা ঘাতয়িষ্যতি শঙ্কর || ১, ৮৭. ৫৩ ||
ত্রয়োদশস্য রৌচ্যস্য মনোঃ পুত্রান্নিবোধ মে |
চিত্রসেনো বিচিত্রশ্চ তপোধর্মরতো ধৃতিঃ || ১, ৮৭. ৫৪ ||
সুনেত্রঃ ক্ষেত্রবৃত্তিশ্চ সুনয়ো ধর্মপো দৃঢঃ |
ধৃতিমানব্যয়শ্চৈব নিশারূপো নিরুৎসুকঃ || ১, ৮৭. ৫৫ ||
নির্মোহস্তত্ত্বদর্শো চ ঋষয়ঃ সপ্ত কীর্তিতাঃ |
স্ব (সু) রোমাণঃ স্ব (সু) ধর্মাণঃ স্ব (সু) কর্মাণস্তথামরাঃ || ১, ৮৭. ৫৬ ||
ত্রয়স্ত্রিংশদ্বিভেদাস্তে দেবানাং তত্র বৈ গণাঃ |
ইন্দ্রো দিবস্পতিঃ শত্রুস্ত্বিষ্টিভো নাম দানবঃ || ১, ৮৭. ৫৭ ||
মায়ূরেণ চ রূপেণ ঘাতয়িষ্যতি মাধবঃ |
চতুর্দশস্য ভৌত্যস্য শৃণু পুত্রান্মনোর্মম || ১, ৮৭. ৫৮ ||
উরুর্গভীরো ধৃষ্টশ্চ তরস্বীগ্রা (গ্র) হ এব চ |
অভিমানি প্রবীরশ্চ জিষ্ণুঃ সঙ্ক্রন্দনস্তথা |
তেজস্বী দুর্লভশ্চৈব ভৌত্যস্যৈতে মনোঃ সুতাঃ || ১, ৮৭. ৫৯ ||
অগ্নীধ্রশ্চাগ্নিবাহুশ্চ মাগধশ্চ তথা শুচিঃ |
অজিতো মুক্তশুক্রৌ চ ঋষয়ঃ সপ্ত কীর্তিতাঃ || ১, ৮৭. ৬০ ||
চাক্ষুষাঃ কর্মনিষ্ঠাশ্চ পবিত্রা ভ্রাজিনস্তথা |
বচোবৃদ্ধা দেবগণাঃ পঞ্চ প্রোক্তাস্তু সপ্তকাঃ || ১, ৮৭. ৬১ ||
শুচিরিন্দ্রো মহাদৈত্যো রিপুহন্তা হরিঃ স্বয়ম্ |
একো দেবশ্চতুর্ধা তু ব্যাসরূপেণ বিষ্ণুনা || ১, ৮৭. ৬২ ||
কৃতস্ততঃ পুরাণানি বিদ্যাশ্চাষ্টাদশৈব তু |
অঙ্গানি চতুরো বেদা মীমাংসা ন্যায়বিস্তরঃ || ১, ৮৭. ৬৩ ||
পুরাণং ধর্মশাস্ত্রং চ আয়ুর্বেদার্থশাস্ত্রকম্ |
ধনুর্বেদশ্চ গান্ধর্বো বিদ্যা হ্যষ্টাদশৈব তাঃ || ১, ৮৭. ৬৪ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
মনুতদ্বংশনিরূপণং নাম স্পতাশীতিতমোঽধ্যায়ঃ
শ্রীগরুডমহাপুরাণম্-৮৮
সূত উবাচ |
হরির্মন্বন্তরাণ্যাহ ব্রহ্মাদিভ্যো হরায় চ |
মার্কণ্ডেয়ঃ পিতৃস্তো ত্রং ক্রৌঞ্চুকিং প্রাহ তচ্ছৃণু || ১, ৮৮. ১ ||
মার্কণ্ডেয় উবাচ |
রুচিঃ প্রজাপতিঃ পূর্বং নির্মমো নিরহঙ্কৃতিঃ |
অত্রস্তোঽমিতমায়ী চ চচার পৃথিবীমিমাম্ || ১, ৮৮. ২ ||
অনগ্নিমনিকেতং তমেকাহারমনাশ্রমম্ |
নিমুক্তসঙ্গং তং দৃষ্ট্বা প্রোচুঃ স্বপিতরো মুনিম্ || ১, ৮৮. ৩ ||
পিতর ঊচুঃ |
বৎস কস্মাত্ত্বয়া পুণ্যো ন কৃতো দার সঙ্গ্রহঃ |
স্বর্গাপবর্গহে (সে) তুৎবাদ্বন্ধস্তেনানিশং (নিমিষং) বিনা || ১, ৮৮. ৪ ||
গৃহী সমস্তদেবানাং পিৎৠণাং চ তথার্হণম্ |
ঋষীণামর্থিনাং চৈব কুর্বল্লো কানবাপ্নুয়াৎ || ১, ৮৮. ৫ ||
স্বাহোচ্চারণতো দেবান্স্বধোচ্চারণতঃ পিতন্ |
বিভজত্যন্নদানেন ভৃত্যাদ্যানতিথীনপি || ১, ৮৮. ৬ ||
স ত্ত্বং দৈবাদৃণাদ্বন্ধমিমমস্মদৃণাদপি |
অবাপ্তোঽসি মনুষ্যর্ষে ভূতেভ্যশ্চ দিনেদিনে || ১, ৮৮. ৭ ||
অনৎপাদ্য সুতান্দেবানসন্তর্প্য পিৎৠস্তথা |
অকৃৎবা চ কথং মাণ্ড্যং স্বর্গতিং প্রাপ্তুমিচ্ছসি || ১, ৮৮. ৮ ||
ক্লেশবোধৈককং পুত্র অন্যায়েন ভবেত্তব |
মৃতস্য নরকং ত্যক্ত্বা ক্লেশ এবান্যজন্মনি || ১, ৮৮. ৯ ||
রুচিরুবাচ |
পরিগ্রহোঽতিদুঃখায় পাপায়া ধোগতেস্তথা |
ভবত্যতো ময়া পূর্বংন কৃতো দারসঙ্গ্রহঃ || ১, ৮৮. ১০ ||
আত্মনঃ সংশয়োপায়ঃ ক্রিয়তে ক্ষণমন্ত্রণাৎ |
স্বমুক্তিহেতুর্ন ভবত্যসাবপি পরিগ্রহাৎ || ১, ৮৮. ১১ ||
প্রক্ষাল্যতেঽনুদিবসং য আত্মা নিষ্পরিগ্রহঃ |
মম ৎবপঙ্কদিগ্ধোঽপি বিদ্যাম্ভোভির্বরং হি তৎ || ১, ৮৮. ১২ ||
অনেকভবসম্ভূতকর্মপঙ্কাঙ্কিতো বুধৈঃ |
আত্মা তত্ত্বজ্ঞানতোয়ৈঃ প্রক্ষাল্যো নিয়তেন্দ্রিয়ৈঃ || ১, ৮৮. ১৩ ||
পিতর ঊচুঃ |
যুক্তং প্রক্ষালনং কর্তুমাত্মনোঽপি যতেন্দ্রিয়ৈঃ |
কিং তু নোপায়মার্গোঽযং যতস্ত্বং পুত্র বর্তসে || ১, ৮৮. ১৪ ||
পঞ্চয়জ্ঞৈস্তপোদানৈরশুভং নুদতস্তব |
ফলাভিসন্ধিরহিতৈঃ পূর্বকম শুভাশুভৈঃ || ১, ৮৮. ১৫ ||
এবং ন বন্ধো ভবতি কুর্বতঃ কারণাত্মকম্ |
ন চ বন্ধায় তৎকর্ম ভবত্যনতিসন্নিভম্ || ১, ৮৮. ১৬ ||
পূর্বকর্ম কৃতং বোগৈঃ ক্ষীয়তে হ্যনিশন্তথা |
সুখদুঃখাত্মকৈর্বৎস পুণ্যা পুণ্যাত্মকং নৃণাম্ || ১, ৮৮. ১৭ ||
এবং প্রক্ষাল্যতে প্রাজ্ঞৈরাত্মা বন্ধাচ্চ রক্ষ্যতে |
রক্ষ্যশ্চ স্ববিবেকৈর্ন পাপপঙ্কেন দহ্যতে || ১, ৮৮. ১৮ ||
রুচিরুবাচ |
অবিদ্যা পচ্যতে বেদে কর্মমার্গাৎপিতামহাঃ |
তৎকথং কর্মণো মার্গে ভবন্তো যোজয়ন্তি মাম্ || ১, ৮৮. ১৯ ||
পিতর উচুঃ |
অবিদ্যা সর্বমেবৈতৎকর্মণৈতন্মৃষা বচঃ |
কিং তু বিদ্যাপরিপ্রাপ্তৌ হেতুঃ কর্ম ন সংশয়ঃ || ১, ৮৮. ২০ ||
বিহিতাকরণানর্থো ন সদ্ভিঃ ক্রিয়তে তু যঃ |
সংযমো মুক্তয়ে যোঽন্যঃ প্রত্যুতাধোগতিপ্রদঃ || ১, ৮৮. ২১ ||
প্রক্ষালয়ামীতি ভবান্যদেতন্মন্যতে বরম্ |
বিহিতাকরণোদ্ভূতৈঃ পাপৈস্ত্বমপি দহ্যসে || ১, ৮৮. ২২ ||
অবিদ্যাপ্যুপকারায় বিষবজ্জায়তে নৃণাম্ |
অনুষ্ঠানা ভ্যুপায়েন বন্ধয়োগ্যাপি নো হি সা || ১, ৮৮. ২৩ ||
তস্মাদ্বৎস কুরুষ্ব ৎবং বিধিবদ্দারসঙ্গ্রহম্ |
আজন্ম বিফলন্তেঽস্তু অসম্প্রাপ্যান্যলৌকিকম্ || ১, ৮৮. ২৪ ||
রুচিরুবাচ |
বৃদ্ধোঽহং সাম্প্রতং কো মে পিতরঃ সম্প্রিদাস্যতি |
ভার্যান্তথা দরিদ্রস্য দুষ্করো দারসঙ্গ্রহঃ || ১, ৮৮. ২৫ ||
পিতর ঊচুঃ |
অস্মাকং পতনং বৎস ভবতশ্চাপ্যধোগতিঃ |
নূনং ভাবি ভবিত্রী চ নাভিনন্দসি নো বচঃ || ১, ৮৮. ২৬ ||
ইত্যুক্ত্বা পিতরস্তস্য পশ্যতো মুনিসত্তম |
বভূবুঃ সহসাদৃশ্যা দীপা বাতহতা ইব || ১, ৮৮. ২৭ ||
মুনিঃ ক্রৈঞ্চুকয়ে প্রাহ মার্কণ্ডেয়ো মহাতপাঃ |
রুচিবৃত্তান্তমখিলং পিতৃসংবাদলক্ষণম্ || ১, ৮৮. ২৮ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
কর্মজ্ঞানমা নামাষ্টাশীতিতমোঽধ্যায়ঃ
শ্রীগরুডমহাপুরাণম্-৮৯
সূত উবাচ |
পৃষ্টঃ ক্রৈঞ্চুকিনোবাচ মার্কণ্ডেয়ঃ পুনশ্চ তম্ |
স তেন পিতৃবাক্যনে ভৃশমুদ্বগ্নমানসঃ || ১, ৮৯. ১ ||
কন্যাভিলাষী বিপ্রর্ষিঃ পরিবভ্রাম মেদিনীম্ |
কন্যামলভমানোঽসৌ পিতৃবাক্যেন দীপিতঃ |
চিন্তামবাপ মহীতমতীবোদ্বগ্নমানসঃ || ১, ৮৯. ২ ||
কিং করোমি ক্র গচ্ছামি কথং মে দারসঙ্গ্রহঃ |
ক্ষিপ্রং ভবেন্মৎপিৎৠণাং মমাভ্যুদয়কারকঃ || ১, ৮৯. ৩ ||
ইতি চিন্তয়তস্তস্যমতির্জাতা মহাত্মনঃ |
তপসারাধয়াম্যেনং ব্রহ্মাণং কমলোদ্ভবম্ || ১, ৮৯. ৪ ||
ততো বর্ষশতং দিব্যং তপস্তেপে মহামনাঃ |
তত্র স্থিতশ্চিরং কালং বনেষু নিয়মস্থিতঃ |
আরাধনায় স তদা পরং নিয়মমাস্থিতঃ || ১, ৮৯. ৫ ||
ততঃ প্রদর্শয়ামাস ব্রহ্মা লোকপিতামহঃ |
উবাচাথ প্রসন্নোঽস্মীত্যুচ্যতামভিবাঞ্ছিতম্ || ১, ৮৯. ৬ ||
ততোঽসৌ প্রণিপত্যাহ ব্রহ্মাণং জগতো গতিম্ |
পিৎৠণাং বচনাত্তেন যৎকর্তুমভিবাঞ্ছিতম্ || ১, ৮৯. ৭ ||
ব্রহ্মোবাচ |
প্রজাপতিস্ত্বং ভবিতা স্রষ্টব্যা ভবতা প্রজাঃ |
সৃষ্ট্বা প্রজাঃ সুতান্বিপ্র সমুৎপাদ্য ক্রিয়াস্তথা || ১, ৮৯. ৮ ||
কৃৎবা কৃতাধিকারস্ত্বং ততঃ সিদ্ধিমবাপ্যসি |
সৎবং যথোক্তং পিতৃভিঃ কুরু দারপরিগ্রহম্ || ১, ৮৯. ৯ ||
কামং চেমমভিধ্যায় ক্রিয়তাং পিতৃপূজনম্ |
ত এব তুষ্টাঃ পিতরঃ প্রদাস্যন্তি তবেপ্সিতম্ |
পত্নীং সুতাংশ্চ সন্তুষ্টাঃ কিং ন দদ্যুঃ পিতামহাঃ || ১, ৮৯. ১০ ||
মার্কণ্ডেয় উবাচ |
ইত্যৃষির্বচনং শ্রুৎবা ব্রহ্মণোঽব্যক্তজন্মনঃ |
নদ্যা বিবিক্তে পুলিনে চকার পিতৃতর্পণম্ || ১, ৮৯. ১১ ||
তুষ্টাব চ পিৎৠন্বিপ্রঃ স্তবৈরেভিরথাদৃতঃ |
একাগ্রপ্রয়তো ভূৎবা ভক্তিনম্রাত্মকন্ধরঃ || ১, ৮৯. ১২ ||
রুচিরুবাচ |
নমস্যেঽহং পিৎৠন্ভক্ত্যা যে বসন্ত্যধিদেবতম্ |
দেবৈরপি হি তর্প্যন্তে যে শ্রাদ্ধেষু স্বধোত্তরৈঃ || ১, ৮৯. ১৩ ||
নমস্যেঽহং পিৎৠন্স্বর্গে যে তর্প্যন্তে মহর্ষিভিঃ |
শ্রাদ্ধৈর্মনোময়ৈর্ভক্ত্যা ভুক্তিমুক্তিমভীপ্সুভিঃ || ১, ৮৯. ১৪ ||
নমস্যেঽহং পিৎৠন্স্বর্গে সিদ্ধাঃ সন্তর্পয়ন্তি যান্ |
শ্রাদ্ধেষু দিব্যৈঃ সকলৈরুপহারৈরনুত্তমৈঃ || ১, ৮৯. ১৫ ||
নমস্যেঽহং পিৎৠন্ভক্ত্যা যের্ঽচ্যন্তে গুহ্যকৈর্দিবি |
তন্ময়ৎবেন বাধদ্ভিঃ ঋদ্ধিমাত্যন্তিকীং পরাম্ || ১, ৮৯. ১৬ ||
নমস্যেঽহং পিৎৠন্মর্ত্যৈরর্চ্যন্তে ভুবি যে সদা |
শ্রাদ্ধেষু শ্রদ্ধয়াভীষ্টলোকপুষ্টিপ্রদায়িনঃ || ১, ৮৯. ১৭ ||
নমস্যেঽহং পিৎৠন্বিপ্রৈরর্চ্যন্তে ভুবি যে সদা |
বাঞ্ছিতাভীষ্টলাভায় প্রাজাপত্যপ্রদায়িনঃ || ১, ৮৯. ১৮ ||
নমস্যেঽহং পিৎৠন্যে বৈ তর্প্যন্তেঽরণ্যবাসিভিঃ |
বন্যৈঃ শ্রাদ্ধৈর্যতাহারৈস্তপোনির্ধূতকল্মষৈঃ || ১, ৮৯. ১৯ ||
নমস্যেঽহং পিৎৠন্বিপ্রৈর্নৈষ্ঠিকৈর্ধর্মচারিভিঃ |
যে সংযতাত্মভির্নিত্যং সন্তর্প্যন্তে সমাধিভিঃ || ১, ৮৯. ২০ ||
নমস্যেঽহং পিৎৠঞ্ছ্রাদ্ধৈ রাজন্যাস্তর্পয়ন্তি যান্ |
কব্যৈরশেষৈবিধিবল্লোকদ্বয়ফলপ্রদান্ || ১, ৮৯. ২১ ||
নমস্যেঽহং পিৎৠন্বৈশ্যৈরর্চ্যন্তে ভুবি যে সদা |
স্বকর্মাভিরতৈর্ন্নিত্যং পুষ্পধূপান্নবারিভিঃ || ১, ৮৯. ২২ ||
নমস্যেঽহং পিৎৠঞ্ছ্রাদ্ধে শূদ্রৈরপি চ ভক্তিতঃ |
সন্তর্প্যতে জগৎকৃৎস্নং নাম্না খ্যাতাঃ সুকালিনঃ || ১, ৮৯. ২৩ ||
নমস্যেঽহং পিৎৠঞ্ছ্রাদ্ধে পাতালে যে মহাসুরৈঃ |
সন্তর্প্যন্তে সুধাহারাস্ত্যক্তদম্ভমদৈঃ সদা || ১, ৮৯. ২৪ ||
নমস্যেঽহং পিৎৠঞ্ছ্রাদ্ধৈরর্চ্যন্তে যে রসাতলে |
ভোগৈরশেষৈর্বিধিবন্নাগৈঃ কামানভীপ্সুভিঃ || ১, ৮৯. ২৫ ||
নমস্যেঽহং পিৎৠঞ্ছ্রাদ্ধৈঃ সর্পৈঃ সন্তর্পিতান্সদা |
তত্রৈব বিধিবন্মন্ত্রভোগসম্পৎসমন্বিতৈঃ || ১, ৮৯. ২৬ ||
পিৎৠন্নমস্যে নিবসন্তি সাক্ষাদ্যে দেবলোকেঽথ মহীতলে বা |
তথান্তরিক্ষে চ সুরারিপূজ্যাস্তে বৈ প্রতীচ্ছন্তু ময়োপনীতম্ || ১, ৮৯. ২৭ ||
পিৎৠন্নমস্যে পরমার্থভূতা যে বৈ বিমানে নিবসন্ত্যমূর্তাঃ |
যজন্তি যানস্তমলৈর্মনোভির্যোগীশ্বরাঃ ক্লেশবিমুক্তিহেতূন্ || ১, ৮৯. ২৮ ||
পিৎৠন্নমস্যে দিবি যে চ মূর্তাঃ স্বধাভুজঃ কাম্যফলাভিসন্ধৌ |
প্রদানশক্তাঃ সকলেপ্সিতানাং বিমুক্তিদা যেঽনভিসংহিতেষু || ১, ৮৯. ২৯ ||
তৃপ্যন্তু তেঽস্মিন্পিতরঃ সমস্তা ইচ্ছাবতাং যে প্রদিশন্তি কামান্ |
সুরৎবমিন্দ্রৎবমিতোঽধিকং বা গজাশ্বরত্নানি মহাগৃহাণি || ১, ৮৯. ৩০ ||
সোমস্য যে রশ্মিষু যের্ঽকবিম্বে শুক্লে বিমানে চ সদা বসন্তি |
তৃপ্যন্তু তেঽস্মিন্পিতরোঽন্নতোয়ৈর্গন্ধাদিনা পুষ্টিমিতো ব্রজন্তু || ১, ৮৯. ৩১ ||
যেষাং হুতেঽগ্নৌ হবিষা চ তৃপ্তির্যে ভুঞ্জতে বিপ্রশরীরসংস্থাঃ |
যে পিণ্ডদানেন মুদং প্রয়ান্তি তৃপ্যন্তু তেঽস্মিন্পিতরোঽন্নতোয়ৈঃ || ১, ৮৯. ৩২ ||
যে খড্গমাংসেন সুরৈরভীষ্টৈঃ কৃষ্ণৈস্তিলৈর্দিব্য মনোহরৈশ্চ |
কালেন শাকেন মহর্ষিবর্যৈঃ সম্প্রীণিতাস্তে মুদমত্র যান্তু || ১, ৮৯. ৩৩ ||
কব্যান্যশেষাণি চ যান্যভীষ্টান্যতীব তেষাং মম পূজিতানাম্ |
তেষাঞ্চ সান্নিধ্যমিহাস্তু পুষ্পগন্ধাম্বুভোজ্যেষু ময়া কৃতেষু || ১, ৮৯. ৩৪ ||
দিনেদিনে যে প্রতিগৃহ্ণতের্ঽচাং মাসান্তপূজ্যা ভুবি যেঽষ্টকাসু |
যে বৎসরান্তেঽভ্যুদয়ে চ পূজ্যাঃ প্রয়ান্তু তে মে পিতরোঽত্র তুষ্টিম্ || ১, ৮৯. ৩৫ ||
পূজ্যা দ্বিজানাং কুমুদেন্দুভাসো যে ক্ষত্ত্রিয়াণাং জ্বলনার্কবর্ণাঃ |
তথা বিশাং যে কনকাবদাতা নীলীপ্রভাঃ শূদ্রজনস্য যে চ || ১, ৮৯. ৩৬ ||
তেঽস্মিন্সমস্তা মম পুষ্পগন্ধধূপাম্বুভোজ্যাদিনিবেদনেন |
তথাগ্নিহোমেন চ যান্তি তৃপ্তিং সদা পিতৃভ্যঃ প্রণতোঽস্মি তেভ্যঃ || ১, ৮৯. ৩৭ ||
যে দেবপূর্বাণ্যভিতৃপ্তিহেতোর শ্রন্তি কব্যানি শুভাহৃতানি |
তৃপ্তাশ্চ যে ভূতিসৃজো ভবন্তি তৃপ্যন্তু তেঽস্মিন্প্রণতোঽস্মি তেভ্যঃ || ১, ৮৯. ৩৮ ||
রক্ষাংসি ভূতান্যসুরাংস্তথোগ্রাত্রির্ণাশয়ন্তু ৎবশিবং প্রজানাম্ |
আদ্যাঃ সুরাণামমরেশপূজ্যাস্তৃপ্যন্তু তেঽস্মিন্প্রণতোঽস্মিতেভ্যঃ || ১, ৮৯. ৩৯ ||
অগ্নিষ্বাত্তা বর্হিষদ আজ্যপাঃ সোমপাস্তথা |
ব্রজন্তু তৃপ্তিং শ্রাদ্ধেঽস্মিন্পিতরস্তর্পিতা ময়া || ১, ৮৯. ৪০ ||
অগ্নিষ্বাত্তাঃ পিতৃগণাঃ প্রাচীং রক্ষন্তু মে দিশম্ |
তথা বর্হিষদঃ পান্তু যাম্যাং মে পিতরঃ সদা |
প্রতীচীমাজ্যপাস্তদ্বদুদীচীমপি সোমপাঃ || ১, ৮৯. ৪১ ||
রক্ষোভূতপিশাচেভ্যস্তথৈবাসুরদোষতঃ |
সর্বতঃ পিতরো রক্ষাং কুর্বন্তু মম নিত্যশঃ || ১, ৮৯. ৪২ ||
বিশ্বো বিশ্বভুগারাধ্যো ধর্মো ধন্যঃ শুভাননঃ |
ভূতিদো ভূতিকৃদ্ভূতিঃ পিৎৠণাং যে গণা নব || ১, ৮৯. ৪৩ ||
কল্যাণঃ কল্যদঃ কর্তা কল্যঃ কল্যতরাশ্রয়ঃ |
কল্যতাহেতুরন্ঘঃ ষডিমে তে গণাঃ স্মৃতাঃ || ১, ৮৯. ৪৪ ||
বরো বরেণ্যো বরদস্তুষ্টিদঃ পুষ্টিদস্তথা |
বিশ্বপাতা তথা ধাতা সপ্তৈতে চ গণাঃ স্মৃতাঃ || ১, ৮৯. ৪৫ ||
মহান্মহাত্মা মহিতো মহিমাবান্মহাবলঃ |
গণাঃ পঞ্চ তথৈবৈতে পিৎৠণাং পাপনাশনাঃ || ১, ৮৯. ৪৬ ||
সুখদো ধনদশ্চান্যো ধর্মদোঽন্যশ্চ ভূতিদঃ |
পিৎৠণাং কথ্যতে চৈব তথা গণচতুষ্টয়ম্ || ১, ৮৯. ৪৭ ||
একত্রিংশৎপিতৃগণা যৈর্ব্যাপ্তমখিলং জগৎ |
ত এবাত্র পিতৃগণাস্তুষ্যন্তু চ মদাহিতাৎ || ১, ৮৯. ৪৮ ||
মাক্রণ্ডেয় উবাচ |
এবং তু স্তুবতস্তস্য তেজসোরাশিরুচ্ছ্রিতঃ |
প্রাদুর্বভূব সহসা গগনব্যাপ্তিকারকঃ || ১, ৮৯. ৪৯ ||
তদ্দৃষ্ট্বা সুমহত্তেজঃ সমাচ্ছাদ্য স্থিতং জগৎ |
জানুভ্যামবনীং গৎবা রুচিঃ স্তোত্রমিদঞ্জগৌ || ১, ৮৯. ৫০ ||
রুচিরুবাচ |
অর্চিতানামমূর্তানাং পিৎৠণাং দীপ্ততেজসাম্ |
নমস্যামি সদা তেষাং ধ্যানিনাং দিব্যচক্ষুষাম্ || ১, ৮৯. ৫১ ||
ইন্দ্রাদীনাং চ নেতারো দক্ষমারীচয়োস্তথা |
সপ্তর্ষোণাং তথান্যেষাং তান্নমস্যামি কামদান্ || ১, ৮৯. ৫২ ||
মন্বাদীনাং চ নেতারঃ সূর্যাচন্দ্রমসোস্তথা |
তান্নমস্যাম্যহং সর্বান্পিৎৠনপ্যুদধাবপি || ১, ৮৯. ৫৩ ||
নক্ষত্রাণাং গ্রহাণাং চ বায়্বগ্ন্যোর্নভসস্তথা |
দ্যাবাপৃথিব্যোশ্চ তথা নমস্যামি কৃতাঞ্জলিঃ || ১, ৮৯. ৫৪ ||
প্রজাপতেঃ কশ্যপায় সোমায় বরুণায় চ |
যোগেশ্বরেভ্যশ্চ সদা নমস্যামি কৃতাঞ্জলিঃ || ১, ৮৯. ৫৫ ||
নমো গণেভ্যঃ সপ্তভ্যস্তথা লোকেষু সপ্তসু |
স্বায়ম্ভুবে নমস্যামি ব্রহ্মণে যোগচক্ষুষে || ১, ৮৯. ৫৬ ||
সোমাধারান্পিতৃগণান্যোগমূর্তিধরাংস্তথা |
নমস্যামি তথা সোমং পিতরং জগতামহম্ || ১, ৮৯. ৫৭ ||
অগ্নিরূপাংস্তথৈবান্যান্নমস্যামি পিৎৠনহম্ |
অগ্নিসোমময়ং বিশ্বং যত এতদশেষতঃ || ১, ৮৯. ৫৮ ||
যে চ তেজসি যে চৈতে সোমসূর্যাগ্নিমূর্তয়ঃ |
জগৎস্বরূপিণশ্চৈব তথা ব্রহ্মস্বরূপিণঃ || ১, ৮৯. ৫৯ ||
তেভ্যোঽখিলেভ্যো যোগিভ্যঃ পিতৃভ্যো যতমানসঃ |
নমোনমো নমস্তেঽস্তু প্রসীদন্তু স্বধাভুজঃ || ১, ৮৯. ৬০ ||
মাক্রণ্ডেয় উবাচ |
এবং স্তুতাস্ততস্তেন তজসো মুনিসত্তমাঃ |
নিশ্চক্রমুস্তে পিতরো ভাসয়ন্তো দিশাদশ || ১, ৮৯. ৬১ ||
নিবেদনঞ্চ যত্তেন পুষ্পগন্ধানুলেপনম্ |
তদ্ভূষিতানথ স তান্দদৃশে পুরতঃ স্থিতান্ || ১, ৮৯. ৬২ ||
প্রণিপত্য রুচির্ভক্ত্যা পুনরেব কৃতাঞ্জলিঃ |
নমস্তুভ্যং নমস্তুভ্যমিত্যাহ পৃথগাদৃতঃ || ১, ৮৯. ৬৩ ||
ততঃ প্রসন্নাঃ পিতরস্তমূচুর্মুনিসত্তমম্ |
বরং বৃণীষ্বেতি স তানুবাচানতকন্ধরঃ || ১, ৮৯. ৬৪ ||
রুচিরুবাচ |
প্রজানাং সর্গকর্তৃৎবমাদিষ্টং ব্রহ্মণা মম |
সোঽহং পত্নীমভীপ্সামি ধন্যাং দিব্যাং প্রজাবতীম্ || ১, ৮৯. ৬৫ ||
পিতর ঊচুঃ |
অত্রৈব সদ্যঃ পত্নী তে ভবৎবতিমনোরমা |
তস্যাঞ্চ পুত্রো ভবিতা ভবতো মুনিসত্তম ! || ১, ৮৯. ৬৬ ||
মন্বন্তরাধিপো ধীমাংস্ত্বন্নাম্নৈবোপলক্ষিতঃ |
রুচে ! রৌচ্য ইতি খ্যাতিং প্রয়াস্যতি জগত্ত্রয়ে || ১, ৮৯. ৬৭ ||
তস্যাপি বহবঃ পুত্রা মহাবলপরাক্রমাঃ |
ভবিষ্যন্তি মহাত্মানঃ পৃথিবীপরিপালকাঃ || ১, ৮৯. ৬৮ ||
ৎবং চ প্রিজাপতির্ভূৎবা প্রজাঃ সৃষ্ট্বা চতুর্বিধাঃ |
ক্ষীণাধিকারো ধর্মজ্ঞস্ততঃ সিদ্ধিমবাপ্স্যসি || ১, ৮৯. ৬৯ ||
স্তোত্রেণানেন চ নরো যোঽস্মাংস্তোষ্যতি ভক্তিতঃ |
তস্য তুষ্টা বয়ং ভোগানাত্মজং ধ্যানমুত্তমম্ || ১, ৮৯. ৭০ ||
আয়ুরারোগ্যমর্থং চ পুত্রপৌত্রাদিকং তথা |
বাঞ্ছদ্ভিঃ সততং স্তব্যাঃ স্তোত্রেণানেন বৈ যতঃ || ১, ৮৯. ৭১ ||
শ্রাদ্ধেষু য ইমং ভক্ত্যা ৎবস্মৎপ্রীতিকরং স্তবম্ |
পঠিষ্যতি দ্বিজাগ্র্যাণাং ভুঞ্জতাং পুরতঃ স্থিতঃ || ১, ৮৯. ৭২ ||
স্তোত্রশ্রবণসম্প্রীত্যা সন্নিধানে পরে কৃতে |
অস্মাভিরক্ষয়ং শ্রাদ্ধং তদ্ভবিষ্যত্যসংশয়ম্ || ১, ৮৯. ৭৩ ||
যদ্যপ্যশ্রোত্রিয়ং শ্রাদ্ধং যদ্যপ্যুপহতং ভবেৎ |
অন্যায়োপাত্তবিত্তেন যদি বা কৃতমন্যথা || ১, ৮৯. ৭৪ ||
অশ্রাদ্ধার্হৈরুপতৈরুপহারৈস্তথা কৃতৈঃ |
অকালেঽপ্যথ বা দেশে বিধিহীনমথাপি বা || ১, ৮৯. ৭৫ ||
অশ্রদ্ধয়া বা পুরুষৈর্দম্ভমাশ্রিত্য যৎকৃতম্ |
অস্মাকং তৃপ্তয়ে শ্রাদ্ধন্তথাপ্যেতদুদীরণাৎ || ১, ৮৯. ৭৬ ||
যত্রৈতৎপঠ্যতে শ্রাদ্ধে স্তোত্রমস্তৎসুখাবহম্ |
অস্মাকং জায়তে তৃপ্তিস্তত্র দ্বাদশাবর্ষিকী || ১, ৮৯. ৭৭ ||
হেমন্তে দ্বাদশাব্দানি তৃপ্তিমেতৎপ্রয়চ্ছতি |
শিশিরে দ্বিগুণাব্দানি তৃপ্তিং স্তোত্রমিদং শুভম্ || ১, ৮৯. ৭৮ ||
বসন্তে ষোডশ সমাস্তৃপ্তয়ে শ্রাদ্ধকর্মণি |
গ্রীষ্মে চ ষোডশৈবৈতৎপঠিতং তৃপ্তিকারকম্ || ১, ৮৯. ৭৯ ||
বিকলেঽপি কৃতে শ্রাদ্ধে স্তোত্রেণানেন সাধিতে |
বর্ষাসু তৃপ্তিরস্মাকমক্ষয়্যা জায়তে রুচে || ১, ৮৯. ৮০ ||
শরৎকালেঽপি পঠিতং শ্রাদ্ধকালে প্রয়চ্ছতি |
অস্মাকমেতৎপুরুষৈস্তৃপ্তিং পঞ্চদশাব্দিকীম্ || ১, ৮৯. ৮১ ||
যস্মিন্গেহে চ লিখিতমেতত্তিষ্ঠতি নিত্যদা |
সন্নিধানং কৃতে শ্রাদ্ধে তত্রাস্মাকং ভবিষ্যতি || ১, ৮৯. ৮২ ||
তস্মাদেতত্ত্বয়া শ্রাদ্ধে বিপ্রাণাং ভুঞ্জতাং পুরঃ |
শ্রাবণীয়ং মহাভাগ অস্মাকং পুষ্টিকারকম্ || ১, ৮৯. ৮৩ ||
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
রুচিকৃতপিতৃস্তোত্রং নামৈকোননবতিতমোঽধ্যায়ঃ
শ্রীগরুডমহাপুরাণম্-৯০
মাক্রণ্ডেয় উবাচ |
ততস্তস্মান্নদীমধ্যাৎসমুত্তস্থৌ মনোরমা |
প্রম্লৌচা নাম তন্বঙ্গী তৎসমীপে বরাপ্সরাঃ || ১, ৯০. ১ ||
সা চোবাচ মহাত্মানং রুচিং সুমধুরাক্ষরকম্ |
প্রসাদয়ামাস ভূয়ঃ প্রম্লোচা চ বরাপ্সরাঃ || ১, ৯০. ২ ||
অতীবরূপিণী কন্যা মৎপ্রসাদ্বরাঙ্গনা |
জাতা বরুণপুত্রেণ পুষ্করেণ মহাত্মনা || ১, ৯০. ৩ ||
তাং গৃহাণ ময়া দত্তাং ভার্যার্থে বরবর্ণিনীম্ |
মনুর্মহামতিস্তস্যাং সমুৎপৎস্যতি তে সুতঃ || ১, ৯০. ৪ ||
মার্কণ্ডেয় উবাচ |
তথেতি তেন সাপ্যুক্তা তস্মাত্তোয়াদ্বপুষ্মতীম্ |
উদ্দধার ততঃ কন্যাং মানিনীং নাম নামতঃ || ১, ৯০. ৫ ||
নদ্যাশ্চ পুলিনে তস্মিন্স মুনির্মুনিসত্তমাঃ |
জগ্রাহ পাণিং বিধিবৎসমানীয় মহামুনিঃ || ১, ৯০. ৬ ||
তস্যাং তস্য সুতো জজ্ঞে মহাবীর্যো মহাদ্যুতিঃ |
