২.০৩ ব্রহ্মাণ্ডমহাপুরাণং – মধ্যভাগ (অধ্যায় ৭.২)

শাংশপায়ন উবাচ
অহো মহাপ্রভা বস্তু মহেন্দ্রতনয়ো বলী |
বালী যজ্ঞসহস্রাণাং যজ্বা পরমদুর্জয়ঃ || ২. ৭. ২৭৪||
চক্রবর্ত্তী মহাপ্রাজ্ঞে বালী চ কথিতস্ত্বয়া |
মার্ত ডস্য তু নো ব্রূহি কথং মার্ত্তণ্ডতা স্মৃতা |
নিরুক্তমস্য তু বিভো যাথাতথ্যেন সুব্রত || ২. ৭. ২৭৫||
সূত উবাচ
সৃত্যমানেষু ভূতেষু প্রজাপতিরথ স্বয়ম্ || ২. ৭. ২৭৬||
ত্রৈলোক্যাদ্যৎপরং তেজস্তদাহৃত্যাদিতের্ত্দৃদি |
প্রবেশায়ামাস তদা যোগেন মহতা বৃতাঃ || ২. ৭. ২৭৭||
পূর্বমণ্ডং তু ভগবানস্যাশ্চক্রে তথোদরে |
তত্রাবর্ত্তত গর্ভো বৈ অণ্ডস্যাভ্যন্তরে বলী || ২. ৭. ২৭৮||
বর্দ্ধমানোঽতিমাত্রং বৈ দেবা নিস্তেজসোঽভবন্ |
সর্বতো নির্মিতং জ্ঞাৎবা গর্ভং তে ৎদৃততেজসঃ || ২. ৭. ২৭৯||
ঊচুঃ প্রজাপতিং ভীতা কথং নো ভবিতা ৎবিদম্ |
বলং তেজোঽস্য ভবিতা নির্মিতস্যাধিকং বিভো || ২. ৭. ২৮০||
নুনং কথং ভবিষ্যামো নূনং নষ্টা হি শাশ্বত |
সর্বভূতানি যানীহ স্যাবরাণি চরণি চ || ২. ৭. ২৮১||
তানি দগ্ধানি ন চিরাদ্ভবিষ্যন্তি ন সংশয়ঃ |
যদেডে স্থাপিতং তেজো বলং চ দ্বিজসত্তম || ২. ৭. ২৮২||
তৎসংহর বিচিন্ত্যেহ যন্নঃ শ্রেয় স্করং ভবেৎ |
শ্রুতিতেজঃ প্রভাবশ্চ ধক্ষতে সর্বতোংঽজসা || ২. ৭. ২৮৩||
স চিন্তয়িৎবা ভগবান্প্রজাপতিরথাক্ষিপৎ |
বলং চাণ্ডে চকারাথ ততস্ত্বণ্ডান্তরে শিশুঃ || ২. ৭. ২৮৪||
যদণ্ডং তদ্বলং প্রাহুর্যত্তেজঃ স শিশুর্মতঃ |
তত্তূদরাদ্বিনিষ্ক্রান্তং মৃতপিণ্ডোপমং স তু || ২. ৭. ২৮৫||
প্রজাপতিস্ ততো দৃষ্ট্বা তদণ্ডং বৈ দ্বিধাকরোৎ |
শকলে দ্বে সমাস্থায় স একস্মিন্নপশ্যত || ২. ৭. ২৮৬||
গর্ভং দুর্বলভাবেন যুক্তং তেজোময়ং সকৃৎ |
তৎসমুদ্যম্য চোত্থায়াদিন্যুৎসংগে নিবেদ্য চ || ২. ৭. ২৮৭||
উবাচাদিত্যভাবচ্চ যস্মাদণ্ডেন বৈ স্মৃতঃ |
তেন মার্ত্তণ্ড ইতি বৈ কথ্যতে সবিতা বুধৈঃ || ২. ৭. ২৮৮||
তেজশ্চৈবাধিকং তস্মৈ নির্মমে প্রপিতামহঃ |
যে তে অণ্ডকপালে দ্বে তদ্বলং পরমং মতম্ || ২. ৭. ২৮৯||
নাভৌ পৃথগ্ব্য বস্থাপ্য ইরাবত্যৈ দদৌ প্রভুঃ |
উদরে প্রবেশয়ামাস তস্যাঃ স জননেচ্ছয়া || ২. ৭. ২৯০||
ইরাবত্যাস্তথা জাতাশ্চৎবারো লোকসংমতাঃ |
দেবোপবাহ্যা রাজানো হস্তিনো বলবত্তরাঃ || ২. ৭. ২৯১||
ঐরাবণোঽথ কুমুদৌ হ্যঞ্জনো বামনস্তথা |
উত্তরত্র চ বো ভূয়স্তেষাং বক্ষ্যামি বিস্তরম্ || ২. ৭. ২৯২||
যোঽযং প্রধানো লোকেঽস্মিন্নধিকেনামিতৌজসা |
ভগবান্সবিতা সাক্ষাৎপ্রভাসয়তি রশ্মিভিঃ || ২. ৭. ২৯৩||
নিরালোকং জগদিদং লোকালোকান্তরং দ্বিজাঃ |
বাহ্যং তমোবৃতং সর্বং তৎপ্রমাণমশেষতঃ || ২. ৭. ২৯৪||
এতদুক্তং ময়া সর্বং যথাবদ্দ্বিজসত্তমাঃ |
শ্রুতং ভগবতো ব্যাসাৎপারাশর্যান্মহাত্মনঃ || ২. ৭. ২৯৫||
সনৎকুমারেণ পুরা প্রোক্তং বৈ বায়ুনা পুরা |
বিমৃশ্য বহুধা তত্তু পুনরন্যৈঃ পৃথক্পৃথক্ || ২. ৭. ২৯৬||
পুরাণামৃতকং শ্রুৎবা পুণ্যং সর্বার্থসাধকম্ |
অভয়ো বিচরত্যেব জাত্যন্তরশতং গতঃ || ২. ৭. ২৯৭||
মার্তণ্ডজননং হ্যেতদ্গেহে যস্য ব্যবস্থিতম্ |
কথ্যতে বা কথা যস্য ন তং বিদ্ধি সমানকম্ || ২. ৭. ২৯৮||
ন চাকালে ম্রিয়ন্তেঽস্য বালা অপি কদাচন |
ঋক্ষস্য ভগিনী রক্ষা বানরস্য বলীয়সঃ || ২. ৭. ২৯৯||
প্রজাপতিসকাশাৎসা জজ্ঞে শূরপরিগ্রহম্ |
ঋক্ষরাজং মহাপ্রাজ্ঞং জাংববন্তং যশস্বিনম্ || ২. ৭. ৩০০||
তস্য জাংববতী নাম সুতা ব্যাধ্র্যামজায়ত |
বাসুদেবস্য সা দত্তা পিত্রা রাজীবলোচনা || ২. ৭. ৩০১||
তথান্যে ঋক্ষরাজস্য সুতা জাতা মহাবলাঃ |
জয়ন্তোঽথ চ সর্বজ্ঞো মৃগরাট্ সংকৃতির্জয়ঃ || ২. ৭. ৩০২||
মার্জারো বলিবাহুশ্চ লক্ষণজ্ঞঃ শ্রুতার্থকৃৎ |
ভোজো রাক্ষসজিচ্চৈব পিশাচবনগোচরৌ || ২. ৭. ৩০৩||
শরভঃ শলভশ্চৈব ব্যাঘ্রঃ সিংহস্তথৈব চ |
তেষাং পুত্রাশ্চ পৌত্রাশ্চ শতশোঽথ সহস্রশঃ || ২. ৭. ৩০৪||
ঋক্ষাণামেব তু গণো দেবদানবপূজিতঃ |
মার্জারস্য তু মার্জারা বাদ্যাঃ পুত্রা মহাবলাঃ || ২. ৭. ৩০৫||
বভূবুঃ শতসাহস্রাঃ সর্বে বীর্যসমন্বিতাঃ |
আচার্যাঃ শ্বাপদাদীনাং শরভাণাং মহৌজসঃ || ২. ৭. ৩০৬||
স্বাদকাঃ পৃষতাদীনাং মূষিকাণাং চ পক্ষিণাম্ |
লাঘবে প্লবনে যুক্তাঃ সর্বসত্ত্বাবসাদকাঃ || ২. ৭. ৩০৭||
গ্রামেষু বনশণ্ডেষু কোটরেষু গুহাসু চ |
গৃহেষু গৃহগর্ভেষু গৃহবাসাবলংবিনঃ || ২. ৭. ৩০৮||
নানাগতিষু সংচারাঃ কুশলা গ্রামগোচরাঃ |
তথা বনচরাশ্চৈব স্বভাবাৎসমবস্থিতাঃ || ২. ৭. ৩০৯||
রাত্রৌ দিবাচরাশ্চৈব সংধ্যাসু চ চরন্তি তে |
নীলজীমূতবর্ণাশ্চ কপিলা কেকরারুণাঃ || ২. ৭. ৩১০||
কৃষ্ণবর্ণাস্তথা পিঙ্গাভক্তিচিত্রাস্তথাপরে |
নখদংষ্ট্রায়ুধা ঘোরা ময়ূরসমভাষণাঃ || ২. ৭. ৩১১||
সরমায়াঃ সুতৌ জাতৌ শূরৌ পরমদুঃসহৌ |
শ্যামশ্চ শবলশ্চৈব যমস্যানুচরৌ স্মৃতৌ || ২. ৭. ৩১২||
তয়োঃ পুত্রা দুরাধর্ষাঃ পুত্রপৌত্রসমন্বিতাঃ |
শ্রুতিমাপ্তঃ পুনর্বংশঃ সারমেয়েষু সর্বদা || ২. ৭. ৩১৩||
সাংপ্রতং তৎসজাতীয়া ঘোররূপা মহাবলাঃ |
বিষাদয়ন্তি চ নরান্সর্বজাতিসমন্বিতান্ || ২. ৭. ৩১৪||
গ্রামাসক্তো নিবাসস্তু তেষামেব ভবত্যুত |
য ইদং শৃণুয়াজ্জন্ম দংষ্ট্রিণাং শ্রাবয়েত্তু যঃ || ২. ৭. ৩১৫||
দংষ্ট্রিভ্যো ন ভয়ং তস্য ন চোরেভ্যো নবান্যতঃ |
তাৎকালমরণং চৈব ভবতীতি বিনির্ণয়ঃ || ২. ৭. ৩১৬||
ন চ বন্ধনমাপ্নোতি ন বিয়োনিং ন সংকরম্ |
বানপ্রস্থা শ্রিতং ধর্মমাপ্নোতি মুনিসেবিতম্ || ২. ৭. ৩১৭||
সংপন্নশ্চৈব দিব্যেন ধনেন চ বলেন চ |
চ্যবতে ন চ জ্ঞানেন জায়তে দেবয়োনিষু || ২. ৭. ৩১৮||
দ্বীপিনঃ শরভাঃ সিংহা ব্যাঘ্রা নীলাশ্চ শল্যকাঃ |
ঋক্ষা মার্জারলোহাসা বানরা মায়বস্তথা || ২. ৭. ৩১৯||
এতা একাদশ মতা বানরাণাং তু জাতয়ঃ |
এষাং প্রণেতা সর্বেষাং বালী রাজা প্রতাপবান্ || ২. ৭. ৩২০||
দেবাসুরবিমর্দেষু জিঘ্নতা নিত্যমানিনাম্ |
প্রসহ্য হন্তা রৌদ্রাণামসুরাণাং বলীয়সাম্ || ২. ৭. ৩২১||
উৎসিক্তবলনাশায় বিচিন্ত্য তু মহাত্মনা |
পক্ষ এষ সমুদ্দিষ্টো মহেন্দ্রস্য সহায়বান্ || ২. ৭. ৩২২||
বিহিতঃ পূর্বমেবাত্র ব্রহ্মণা লোকধারিণা |
ইত্যেতে হরয়ঃ প্রোক্তা ইরাবত্যা নিবোধত || ২. ৭. ৩২৩||
সূর্যস্যাণ্ডকপালে দ্বে সমানীয় তু ভৌবনঃ |
হস্তাভ্যাং পরিগৃহ্যাথ রথন্তরমগায়ত || ২. ৭. ৩২৪||
সাম্না প্রস্তূয়মানে তু সদ্য এব গতোঽভবৎ |
সংপ্রায়চ্ছদিরাবত্যৈ পুত্রার্থং স তু ভৌবনঃ || ২. ৭. ৩২৫||
ইরাবত্যাঃ সুতো যস্মাত্তস্মাদৈরাবতঃ স্মৃতঃ |
দেবরাজোপবাহ্যৎবাৎপ্রথমঃ স মতঙ্গরাট্ || ২. ৭. ৩২৬||
শ্বেতাভ্রাভশ্চতুর্দন্তঃ শ্রীমানৈরাবতো গজঃ |
অঞ্জনস্যৈকমূলস্য সুবর্ণাভস্য হস্তিনঃ || ২. ৭. ৩২৭||
ষড্দন্তস্য হি ভদ্রস্য হ্যৌপবাহ্যস্য বৈ বলেঃ |
তস্য পুত্রোংঽজনশ্চৈব সুপ্রতীকশ্চ বামনঃ || ২. ৭. ৩২৮||
পদ্মশ্চৈব চতুর্থোঽভূদ্ধস্তিনী চাভ্রমুস্তথা |
দিগ্গজান্বলিনশ্চৈবাভ্রমুর্জ নয়তাপ্সুগান্ || ২. ৭. ৩২৯||
ভদ্রং মৃগং চ মন্দং চ সংকীর্ণং চতুরঃ সুতান্ |
সংকীর্ণো হ্যঞ্জনো যোঽসাবৌপবাহ্যো যমস্য সঃ || ২. ৭. ৩৩০||
ভদ্রো যঃ সুপ্রতীকস্তু হস্তিঃ স হ্যপাংপতেঃ |
পদ্মো মন্দস্তু যো গৌরো দ্বিপো হ্যৈলবিলস্য চ || ২. ৭. ৩৩১||
মৃগশ্যামস্তু যো হস্তী চৌপ বাহ্যঃ স পাবকেঃ |
পদ্মোত্তমঃ পদ্মাগুল্মো গজো বাতগজো গজঃ || ২. ৭. ৩৩২||
চপলোঽরিষ্টসংজ্ঞশ্চ তস্যাষ্টৌ জজ্ঞিরে সুতাঃ |
উদগ্রভাবেনো পেতা জায়ন্তে তস্য চান্বয়ে || ২. ৭. ৩৩৩||
শ্বেতবালনখাঃ পিঙ্গা বর্ষাবন্তো মতঙ্গজাঃ |
সামজাংস্তু প্রবক্ষ্যামি নাগানন্যানপি ক্রমাৎ || ২. ৭. ৩৩৪||
কপিলঃ পুণ্ডরীকশ্চ সুনামানৌ রথন্তরাৎ |
জাতৌ নাম্না শ্রুতৌ তাভ্যাং সুপ্রতীকপ্রমর্দনৌ || ২. ৭. ৩৩৫||
শূরাঃ স্থূলশিরোদন্তাঃ শুদ্ধবালনখাস্তথা |
বলিনঃ শঙ্কিতাশ্চৈব স্মৃতাস্তদ্বংশিনো গজাঃ || ২. ৭. ৩৩৬||
পুষ্পদন্তো বৃহৎসাম্নঃ ষড্দন্তঃ পদ্মপুচ্ছবান্ |
তাম্র পর্ণশ্চ তৎপুত্রাঃ সংঘচারিবিষাণিনঃ || ২. ৭. ৩৩৭||
অন্বয়ে চাস্য জায়ন্তে লংবোষ্ঠাশ্চারুদর্শনাঃ |
শ্যামৎবগ্রসনাশুণ্ডা নাগাঃ পীনায়তা ননাঃ || ২. ৭. ৩৩৮||
বামদেবোংঽজনঃ শ্যামঃ সাম্নো জজ্ঞেঽথ বামনঃ |
ভার্যা চৈবাঙ্গনা তস্য নীলবল্লক্ষণৌ সুতৌ || ২. ৭. ৩৩৯||
চণ্ডাশ্চারু শিরোগ্রীবা ব্যূঢোরস্কাস্তরস্বিনঃ |
নীচৈর্বদ্ধাঃ কুলে তস্য জায়ন্তে নিবিডা গজাঃ || ২. ৭. ৩৪০||
সুপ্রতীকস্তু বৈরূপ্যাৎসাম্নঃ সারূপ্য মাগতঃ |
তস্য প্রহারী সংপাতিঃ পৃথুশ্চেতি সুতাস্ত্রয়ঃ || ২. ৭. ৩৪১||
প্রাংশবো দীর্ঘতাল্বোষ্ঠাঃ সুবিভক্তশিরোরুহাঃ |
জায়ন্তে মৃদুসংভোগা বংশে তস্য মতঙ্গজাঃ || ২. ৭. ৩৪২||
অঞ্জনাদঞ্জনঃ সাম্নো বিজজ্ঞে জাঞ্জনাবতী |
সুতৌ জাতৌ তয়োশ্চাপি প্রমাথিপুরুষৌ স্মৃতৌ || ২. ৭. ৩৪৩||
মহাবিভক্তশিরসঃ স্নিগ্ধজীমূতসন্নিভাঃ |
সুদর্শনাঃ সুবর্ষ্মাণঃ পদ্মাভাঃ পরিমণ্ডলাঃ || ২. ৭. ৩৪৪||
শূরা দীনায়তমুখা গজাস্তস্যান্বয়েঽভবন্ |
জজ্ঞে চান্দ্রমসঃ সাম্নঃ কুমুদঃ কুমুদদ্যুতিঃ || ২. ৭. ৩৪৫||
পিঙ্গলায়াং সুতৌ তস্য মহাপদ্মোর্মিমালিনৌ |
শৈলজীমূতসংকাশান্সুবুদ্ধান্বলিনো বরান্ || ২. ৭. ৩৪৬||
হস্তিয়ুদ্ধপ্রিয়ান্নাগান্বিদ্ধি তস্য কুলোদ্ভবান্ |
এতান্দেবাসুরে যুদ্ধে জয়ার্থং জগৃহুঃ সুরাঃ || ২. ৭. ৩৪৭||
কৃতার্থৈশ্চ বিসৃষ্টাস্তে পূর্বোক্তাঃ প্রয়য়ুর্দ্দিশঃ |
এতেষাং চান্বয়ে জাতান্বিনীতাংস্ত্রিদশা দদুঃ || ২. ৭. ৩৪৮||
অঙ্গায় লোমপাদায় সূত্রকারায় বৈ দ্বিপান্ |
দ্বিরদো রদনদ্বাভ্যাং হস্তী হস্তাৎকরাৎকরী || ২. ৭. ৩৪৯||
বারণো বারণাদ্দন্তী দন্তাভ্যাং গর্জনাদ্গজঃ |
কুঞ্জরঃ কুঞ্জচারিৎবান্নাগো নগম্যমস্য যৎ || ২. ৭. ৩৫০||
মত্তং যাতীতি মাতঙ্গো দ্বিপো দ্বাভ্যাং পিবন্স্মৃতঃ |
সামজঃ সামজাতৎবাদিতি নির্বচনক্রমঃ || ২. ৭. ৩৫১||
এষাং জিহ্বাপরাবৃত্তির্হ্যুক্তা বৈ চাগ্নিশাপজা |
বলস্যানববোধো যো যা চৈষাং গূঢমুষ্কতা || ২. ৭. ৩৫২||
উভয়ং দন্তিনামেতজ্জ্ঞেয়ং তু সুরশাপজম্ |
দেবদানগন্ধর্বপিশাচোরগরক্ষসাম্ || ২. ৭. ৩৫৩||
কন্যাসু জাতা দিগ্নাগৈর্নানাসত্ত্বাস্ততো গজাঃ |
সংভূতিশ্চ প্রসূতিশ্চ নামনির্বচনং তথা || ২. ৭. ৩৫৪||
এতদ্গজানাং বিজ্ঞেয়মেষাং রাজা স চাভ্রমঃ |
কৌশিক্যা হ্যাসমুদ্রাত্তু গঙ্গায়শ্চ যদুত্তরম্ || ২. ৭. ৩৫৫||
অঞ্জনস্যৈকমূলস্য বিজ্ঞেয়ং গহনং তু তৎ |
উত্তরং চৈব বিধ্যস্য গঙ্গায়া দক্ষিণং চ যৎ || ২. ৭. ৩৫৬||
গঙ্গোদ্ভেদে সকেরুভ্যঃ সুপ্রতীকস্য পত্তনম্ |
অপরেণোৎকলং চৈব কাবেরীভ্যশ্চ পশ্চিমম্ || ২. ৭. ৩৫৭||
একসূকাত্মজস্যৈতদ্বামনস্যবনংস্মৃতম্ |
অপরেণতু লৌহিত্যমাসিংধোঃ পশ্চিমেন তু || ২. ৭. ৩৫৮||
পদ্মস্যৈতদ্বনং প্রোক্তমনুপর্বতমেব তৎ |
ভূতা বিজজ্ঞে ভূতাংস্তু রুদ্রস্যানুচরানিহ || ২. ৭. ৩৫৯||
স্থূলান্কৃশাংশ্চ দীর্ঘাংশ্চ বামনান্হ্রস্বকান্সমান্ |
লংবকর্ণান্প্রলংবৌষ্ঠান্ লংবজিহ্বাংস্তনূদরান্ || ২. ৭. ৩৬০||
একনেত্রান্বিরূপাংশ্চ লংবস্ফিক্স্থূলপিণ্ডিকান্ |
সকৃষ্ণগৌরান্নীলাংশ্চ শ্বেতান্বৈ লোহিতাননান্ || ২. ৭. ৩৬১||
বভ্রূন্বৈ শবলান্ধূম্রান্বিকদ্রূন্নাসমারূণান্ |
মুঞ্জকেশান্ত্দৃষ্টরোম্ণঃ সর্বয়জ্ঞোপবীতিনঃ || ২. ৭. ৩৬২||
বহুশীর্ষান্বিপাদাংশ্চ হ্যেকশীর্ষানশীর্ষকান্ |
চণ্ডাংশ্চ বিকটাংশ্চৈব নির্মিতাংশ্চ দ্বিজিহ্বকান্ || ২. ৭. ৩৬৩||
মুণ্ডাংশ্চ জটিলাংশ্চৈব কুব্জান্বক্রান্সবামনান্ |
সরঃ শ্রেষ্ঠসমুদ্রাদ্রিনদীপুলিনসেবিনঃ || ২. ৭. ৩৬৪||
এককর্ণান্মহাকর্ণাঞ্ছঙ্কুকর্ণানকর্ণকান্ |
দংষ্ট্রিণো নখিনশ্চৈব নির্দন্তাংশ্চ বিজিহ্বকান্ || ২. ৭. ৩৬৫||
একহস্তান্দ্বিহস্তাংশ্চ ত্রিহস্তাংশ্চাপ্যহস্তকান্ |
একপাদান্দ্বিপাদাংশ্চ ত্রিপাদান্বহুপাদকান্ || ২. ৭. ৩৬৬||
মহায়োগান্মহাসত্ত্বান্সুমনস্কান্মহাবলান্ |
সর্বত্রগাতপ্রতিঘাতব্রহ্মজ্ঞান্কামরূপিণঃ || ২. ৭. ৩৬৭||
ঘোরান্ক্রূরাংশ্চ মেধ্যাংশ্চ মদ্যমেধ্যান্সুধার্মিকান্ |
কূটদন্তান্মহাজিহ্বান্বিকেশান্বিকৃতাননান্ || ২. ৭. ৩৬৮||
হস্তাদাংশ্চ মুখাদাংশ্চ শিরোদাংশ্চ কপালিনঃ |
ধন্বিনো মুদ্গরধরা নসিশূলধরাংস্তথা || ২. ৭. ৩৬৯||
দিগ্বাসসশ্চিত্রবেষাংশ্চিত্রমাল্যানুলেপনান্ |
অন্নাদান্পিশিতাদাংশ্চ সুরাপান্সোমপাংস্তথা || ২. ৭. ৩৭০||
কেচিৎসংধ্যাচরা ঘোরাঃ কেচিৎসৌম্যা দিবাচরাঃ |
নক্তঞ্চরাঃ খরস্পর্শা ঘোরাস্তেষাং নিশাচরাঃ || ২. ৭. ৩৭১||
পরৎবেন ভবং দেবং সর্বে তে গতমানসাঃ |
নৈষাং ভার্যাস্তি পুত্রা বা সর্বে তে হ্যূর্ধ্বরেতসঃ || ২. ৭. ৩৭২||
শতং তানি সহস্রাণি ভূতানামাত্ময়োগিনাম্ |
ভবপারিষদাস্তে বৈ সর্বে ভূতাঃ প্রকীর্ত্তিতাঃ || ২. ৭. ৩৭৩||
কপিশায়াশ্চ কূষ্মাণ্ডা জজ্ঞিরে চ পুনঃ পুনঃ |
মিথুনেন পিশাচাংশ্চ বর্ণেন কপিশেন তু || ২. ৭. ৩৭৪||
কপিশৎবাৎপিশাচাস্তে সর্বে চ পিশিতাশনাঃ |
যুগ্মানি ষোডশাদ্যানি বর্ত্তমানস্তদন্বয়ঃ || ২. ৭. ৩৭৫||
নামতস্তান্প্রবক্ষ্যামি রূপতশ্চ তদন্বয়ম্ |
ছগলশ্ছগলা চৈব বক্রো বক্রমুখী তথা || ২. ৭. ৩৭৬||
দুষ্পূরঃ পূরণা চৈব সূচী সূচীমুখস্তথা |
বিপাদশ্চ বিপাদী চ জ্বালা চাঙ্গারকস্তথা || ২. ৭. ৩৭৭||
কুংভপাত্রশ্চ কুংভী চ প্রতুন্দশ্চ প্রতুন্দিকা |
উপবীরশ্চ বীরা চ হ্যুলূখল উলূখলী || ২. ৭. ৩৭৮||
অকর্মকঃ কর্মকী চ কুষণ্ডশ্চ কুষণ্ডিকা |
পাণিপাত্রঃ পাণিপাত্রী পাংশুঃ পাংশুমতী তথা || ২. ৭. ৩৭৯||
নিতুন্দশ্চ নিতুন্দী চ নিপুণো নিপুণী তথা |
বালাদঃ কেষণাদী চ প্রস্কন্দঃ স্কন্দিকা তথা || ২. ৭. ৩৮০||
ষোডশানাং পিশাচানাং গণাঃ প্রোক্তাস্তু ষোডশ |
অজামুখা পক্রমুখাঃ পূরণঃ স্কন্দিনস্তথা || ২. ৭. ৩৮১||
বিপাদাঙ্গারিকাশ্চৈব কুংভপাত্রাঃ প্রতুন্দকাঃ |
উপবীরোলূখলিকা অর্কমর্কাঃ কুষণ্ডিকাঃ || ২. ৭. ৩৮২||
পাংশবঃ পাণিপত্রাশ্চ নৈতুন্দা নিপুণাস্তথা |
সূজীমুখোচ্ছেষণাদাঃ কলান্যেতানি ষোডশ || ২. ৭. ৩৮৩||
ইত্যেতা হ্যভি জাতাস্তু কূষ্মাণ্ডানাং প্রকীর্ত্তিতাঃ |
পিশাচাস্তে পিশাচ্যস্তাঃ সকুল্যাঃ সংপ্রজজ্ঞিরে || ২. ৭. ৩৮৪||
বীভৎসং বিকৃতাকারং পুত্রপৌত্রমনেতকম্ |
অতস্তেষাং পিশাচানাং লক্ষণানি নিবোধত || ২. ৭. ৩৮৫||
সর্বাঙ্গকেশা বত্তাক্ষা দংষ্ট্রিণো নখিনস্তথা |
তির্য্যগঙ্গাঃ পারুষদাঃ পিশাচাস্তে হ্যজামুখাঃ || ২. ৭. ৩৮৬||
অকর্ণকা হ্যরোমাণোঽবাসসশ্চর্মবাসসঃ |
কুষণ্ডিকপিশাচাস্তে প্রিয়ভক্ষাঃ সদামিষাঃ || ২. ৭. ৩৮৭||
বক্রাঙ্গহস্তাপাদাশ্চ বক্রশীলমতাস্তথা |
জ্ঞেয়া বক্রাঃ পিশাচাস্তে বক্রগাঃ কামরূপিণঃ || ২. ৭. ৩৮৮||
লংবোদরাস্তুণ্ডনাসা হ্রস্বকায় শিরোভুজাঃ |
নিতুন্দকাঃ পিশাচাস্তে তিলভক্ষাঃ প্রিয়াসৃজাঃ || ২. ৭. ৩৮৯||
বানরাকৃতয়শ্চৈব বাচালাঃ প্লুতগামিনঃ |
পিশাচার্ কমর্কাস্তে বৃক্ষবাসোদনপ্রিয়াঃ || ২. ৭. ৩৯০||
ঊর্ধ্ববাহূর্দ্ধ্বরোমাণ উদ্ধৃতাক্ষা যথালয়াঃ |
মুঞ্চন্তি পাংশুমঙ্গেভ্যঃ পিশাচাঃ পাংশবস্তু তে || ২. ৭. ৩৯১||
ভ্রমরীসন্নিভাঃ শুষ্কাসশূলাশ্চীরবাসসঃ |
উপবীরাঃ পিশাচাস্তে শ্মশানায়তনাঃ সদা || ২. ৭. ৩৯২||
নিষ্টব্ধাক্ষা মহাজিহ্বা লেলিহানা হ্যুলূখলাঃ |
উলূখলৈরাভরণা রত্নধারাশ্চ তে খলাঃ || ২. ৭. ৩৯৩||
পাণিপাত্রাঃ পিশাচাস্তে নিসৃষ্টবলিভোজনাঃ |
হস্ত্যুষ্ট্রস্থূলশিরসো বিনতোদ্ধতপিণ্ডিকাঃ || ২. ৭. ৩৯৪||
পিশাচাঃ কুংভপাত্রাস্তে অদৃষ্টান্নানি ভুঞ্জতে |
সূক্ষ্মাস্তু রোমশাঃ পিঙ্গা দৃষ্টাদৃষ্টাশ্চরন্তি যে || ২. ৭. ৩৯৫||
অয়ুক্তান্প্রচরন্তীহ নিপুণাস্তে পিশাচকাঃ |
আকর্ণাদ্দারিতাস্যাশ্চ লংবভ্রূস্থূলনাসিকাঃ || ২. ৭. ৩৯৬||
শূন্যাগারপ্রিয়াঃ স্থূলাঃ পিশাচাস্তে তু পূরণাঃ |
হস্তপাদাক্রান্ততুণ্ডা হ্রস্বকাঃ ক্ষিতিদৃষ্টয়ঃ || ২. ৭. ৩৯৭||
বালাদাস্তে পিশাচা বৈ সূতিকাগৃহসেবিনঃ |
পৃষ্ঠতঃ পাণি পাদাশ্চ পৃষ্ঠতো বাতরংহসঃ || ২. ৭. ৩৯৮||
বিপাদকাঃ পিশাচাস্তে সংগ্রামে রুধিরাশনাঃ |
নগ্নকা হ্যনিকেতাশ্চ লংবশেফ আণ্ডপিডকাঃ || ২. ৭. ৩৯৯||
পিশাচাঃ স্কন্দিনস্তে বৈ অন্য উচ্ছেষণাদিনঃ |
ষোডশৈতা হি জাত্যস্তাঃ পিশাচানাং প্রকীর্ত্তিতাঃ || ২. ৭. ৪০০||
এবংবিধান্পিশাচাংস্তু দীনান্দৃষ্ট্বানুকংপয়া |
ব্রহ্মা তেভ্যো বরং প্রাদাৎকারুণ্যাদল্পচেতসঃ || ২. ৭. ৪০১||
অন্তর্ধানং প্রজায়াং হি কামরূপিৎবমেব চ |
সংধ্যে উভে প্রচারং চ স্থানান্যাজীবমেব চ || ২. ৭. ৪০২||
গৃহাণি যানি ভগ্নানি শূন্যান্যল্পজলানি চ |
বিধ্বস্তানি চ যানি স্যুরনাচারোষিতা নি চ || ২. ৭. ৪০৩||
অসংমৃষ্টোপলিপ্তানি সংস্কারৈর্বর্জিতানি তু |
রাজমার্গোপরথ্যাশ্চ নিষ্কুটাশ্চৎবরাণি চ || ২. ৭. ৪০৪||
দ্বারাণ্যট্টালকাংশ্চৈব নির্গমাস্সংক্রমাস্তথা |
পথো নদ্যোঽথ তীর্থানি চৈত্যবৃক্ষা মহাপথম্ || ২. ৭. ৪০৫||
পিশাচা বিনিবিষ্টা বৈ স্থানেষ্বেতেষু সর্বশঃ |
অধার্মিকো জনস্তেষামা জীবো বিহিতঃ সুরৈঃ || ২. ৭. ৪০৬||
বর্ণাশ্রমাঃ সংকরিকাঃ কারুশিল্পিজনাস্তথা |
প্রকৃতোপধিসংধানাশ্চোরা বিশ্বাসঘাতিনঃ || ২. ৭. ৪০৭||
এতৈরন্যৈশ্চ বহুভিরন্যায়োপার্জিতৈরপি |
আরভ্যন্তে ক্রিয়ায়াস্তু পিশাচাস্তত্র দৈবতম্ || ২. ৭. ৪০৮||
মধুমাংসোদনৈর্দধ্না তিলচূর্ণৈঃ সুরাসবৈঃ |
ধূপৈর্হারিদ্রকৃসরৈস্তিলভক্ষগুডৌদনৈঃ || ২. ৭. ৪০৯||
কৃষ্ণানি চৈব বাসাংসি ধূপঃ সুমনমোঽক্ষয়ঃ |
এবসুক্তাস্তু বলয়স্ত্বেষাং বৈ পর্বসংধিষু || ২. ৭. ৪১০||
পিশাচানামনুজ্ঞায় ব্রহ্মা চাধিপতিং দদৌ |
সর্বভূতপিশাচানাং গিরীণাং শূলপাণিনাম্ || ২. ৭. ৪১১||
দংষ্ট্রা ৎবজনয়ৎপুত্রান্সিংহান্ব্যাঘ্রাংশ্চ ভামিনী |
দ্বীপিনশ্চ সুতাস্তস্যাঃ শ্বাপদাশ্চামিষাশিনঃ || ২. ৭. ৪১২||
ঋষায়াস্ত্বপি কার্ত্স্ন্যে প্রজাসর্গং নিবোধত |
তস্যা দুহিতরঃ পঞ্চ তাসাং নামানি মে শৃণু || ২. ৭. ৪১৩||
মীনামীনা তথা বৃত্তা পরি বৃত্তা তথৈব চ |
অনুবৃত্তা চ বিজ্ঞেয়া তাসাং বৈ শৃণুত প্রজাঃ || ২. ৭. ৪১৪||
সহস্রদংষ্ট্রা মকরাঃ পাঠীনাস্তিমিরোহিতাঃ |
ইত্যেবমাদির্হি গণো মৈনো বিস্তীর্ণ উচ্যতে || ২. ৭. ৪১৫||
গ্রাহাশ্চতুর্বিধা জ্ঞেয়া মদ্গুরাঃশঙ্কবস্তথা |
উগ্রাশ্চ শিশুমারাশ্চামীনাশ্চৈতান্ব্যজায়ত || ২. ৭. ৪১৬||
বৃত্তা কর্মবিকারাণি নৈকানি জলচারিণাম্ |
তথা শঙ্খবিকারাণি জনয়ামাস নৈকশঃ || ২. ৭. ৪১৭||
মণ্ডূকানাং বিকারাণি হ্যনুবৃত্তা ব্যজায়ত |
ঐণেয়ানাং বিকারাণি শংবূকানাং তথৈব চ || ২. ৭. ৪১৮||
তথা শুক্তিবিকারণি বরাটবিকৃতানি চ |
তথা শঙ্খবিকারাণি পরিবৃত্তা ব্যজায়ত || ২. ৭. ৪১৯||
কালকণ্ঠবিকারাণি জলূকাবিকৃতানি চ |
ইত্যেষ হি ঋষাবংশঃ পঞ্চশাখঃ প্রকীর্ত্তিতঃ || ২. ৭. ৪২০||
তির্যাহেতুক মপ্যাহুর্বহুলং বংশবিস্তরম্ |
সংস্বেদজবিকারাণি যথা যেভ্যো ভবন্তি হ || ২. ৭. ৪২১||
স্বেদক্লিন্নশরীরেভ্যো যূকালিক্ষাদিকা দ্বিজাঃ |
মনুষ্যস্বেদমলজা উশনা নাম জন্তবঃ || ২. ৭. ৪২২||
নানাপিপীলিকগণাঃ কীটকা বহুপাদকাঃ |
শঙ্খোপলবিকারাণি কীলকাবরকাণি চ || ২. ৭. ৪২৩||
ইত্যেবমাদিবহুলাঃ স্বেদজাঃ পার্থিবা গণাঃ |
যথা ঘর্মদিতপ্পাভ্যশ্চাভ্দ্যো বৃষ্টিভ্য এব || ২. ৭. ৪২৪||
নৈকা মৃগশরীরেভ্যো জায়ন্তে জন্তবস্ত্বিমে |
মক্ষিকাঃ পিচ্ছলা দেশাস্তথা তিত্তিরিপুত্তিকাঃ || ২. ৭. ৪২৫||
নীলাচত্রাশ্চ জায়ন্তে মলজা বহুবিস্তরাঃ |
জলজাঃ স্বেদজাশ্চৈব জায়ন্তে জন্তস্ত্বিমে || ২. ৭. ৪২৬||
কাশতোয়জকাঃ কীটা নলদা বহুপাদকাঃ |
সিংহলা রোমলাশ্চৈব পিচ্ছিলাঃ পরিকীর্ত্তিতাঃ || ২. ৭. ৪২৭||
ইত্যেবমাদির্হি গণো জলজস্বেদজঃ স্মৃতঃ |
শিংবিভ্যো মাষমুদ্গানাং জায়ন্তে কৃময়স্তথা || ২. ৭. ৪২৮||
বিল্বজং ব্বাম্রপূমেভ্যঃ ফলেভ্যশ্চৈব জন্তবঃ |
মুদ্গেভ্যঃ পনসেভ্যশ্চ তণ্ডুলেভ্যস্তথৈব চ || ২. ৭. ৪২৯||
তথা কোটরশুষ্কেভ্যো নিহিতেভ্যো ভবন্তি হি |
অন্যেভ্যোঽপি চ জায়ন্তে ন হি তেভ্যশ্চিরং সদা || ২. ৭. ৪৩০||
জন্তবস্তুরগাদিভ্যো বিষাদিভ্যস্তথৈব চ |
বহূন্যহানি নিক্ষিপ্তে সংভবন্তি চ গোময়ে || ২. ৭. ৪৩১||
জায়ন্তে কৃময়ো বিপ্রাঃ কাষ্ঠেভ্যশ্চাপি সর্বশঃ |
সংস্বেদজাশ্চ জায়ন্তে বৃশ্চিকাঃ শুষ্কগোময়াৎ || ২. ৭. ৪৩২||
গোভ্যো হি মহিষেভ্যশ্চ তথান্যেভ্যশ্চ জন্তবঃ |
মৎস্যাদ্যিশ্চ বিবিধা অন্নকূটে বিশেষতঃ || ২. ৭. ৪৩৩||
বৈকারিকাশ্চ জায়ন্তে তথা গাজকুলানি চ |
তথন্যানি চ সক্ষ্মাণি জলৌকাদীনি জাতয়ঃ || ২. ৭. ৪৩৪||
কপোতকুররাদিভ্যঃ সূক্ষ্মাঃ শূকাস্তথৈব চ |
মাক্ষিকাণাং বিকারাণি জায়ন্তে জাতয়োঽপরে || ২. ৭. ৪৩৫||
প্রায়েণানুবসংত্যস্মিন্নুচ্ছিষ্টোদককর্দ্দমে |
মশকানাং বিকারাণি ভ্রমরাণাং তথৈব চ || ২. ৭. ৪৩৬||
গোভ্যঃ সমভিজায়ন্তে পুত্তিকাপুত্রসপ্তকাঃ |
মণিচ্ছেদাঃ স্মৃতা ব্যালাঃ পোতজাঃ পরিকীর্ত্তিতাঃ || ২. ৭. ৪৩৭||
শতবেরিবিকারাণি করীষেভ্যো ভবন্তি হি |
এবমাদিরসংখ্যাতো গণঃ সংস্বেদজো ময়া || ২. ৭. ৪৩৮||
সমাসাভিহিতো হ্যেষ প্রাক্কর্মবশজঃ স্মৃতঃ |
যে চান্যে নৈরৃতাঃ সত্ত্বাস্তে স্মৃতা উপসর্গজাঃ || ২. ৭. ৪৩৯||
ভূতাস্তু যোনিজাঃ কেচিৎকেচিদৌৎপত্তিকাঃ স্মৃতাঃ |
প্রায়েণ দেবাঃ সর্বে বৈ বিজ্ঞেয়া হ্যুপপত্তিজাঃ || ২. ৭. ৪৪০||
কেচিত্তু যোনিজা দেবাঃ কেচিদ্দেবা নিমিত্ততঃ |
দুল্লোলকং ললোহং চ সরমা দ্বৌ ব্যজায়ত || ২. ৭. ৪৪১||
ত্যোরপত্যং চৎবারো বিজ্ঞেয়াঃ সৃমরাদয়ঃ |
শ্যামাশ্চ শবলাশ্চৈব লোহিতা অঞ্জনাস্তথা || ২. ৭. ৪৪২||
কৃষ্ণধূম্ররুণাস্চৈব দুল্লো লস্যাষ্ট কদ্রুকাঃ |
সর্পাণাং সুরসা জজ্ঞে শন্ত নৈকশিরোভৃতাম্ || ২. ৭. ৪৪৩||
সর্পাণাং তক্ষকো রাজা নাগানাং চাপি বাসুকিঃ |
তমোবহুল ইত্যেষ গণঃ ক্রোধবশান্বয়ঃ || ২. ৭. ৪৪৪||
পুলহস্যাত্মজঃ সর্গস্তাম্রায়াস্তু নিবোধত |
ষট্ কন্যাস্ত্বভিবিখ্যাতাস্তা ম্রায়াশ্চ বিজজ্ঞিরে || ২. ৭. ৪৪৫||
গৃধ্রী ভাসী শুকী ক্রৈঞ্চী শ্যেনী চ ধৃতরাষ্ট্রিকা |
অরুণস্য চ গৃদ্রী তু বীর্যবন্তৌ মহাবলৌ || ২. ৭. ৪৪৬||
সংপাতিং চ জটায়ুং চ প্রসূতা পক্ষিসত্তমৌ |
সংপাতের্বিজয়াঃ পুত্রা দ্বিরাস্যাঃ প্রসহশ্চ যে || ২. ৭. ৪৪৭||
জটায়ুষঃ পুরাঃ পুত্রাঃ ককগৃধ্রাশ্চ কর্ণিকাঃ |
ভার্যা গরুত্মতশ্চৈব ভাসী ক্রৈঞ্চী তথা শুকী || ২. ৭. ৪৪৮||
ধৃতরাষ্ট্রী তথা শ্যেনী তাস্বপত্যানি বচ্মিতে |
শুকীগরুত্মতঃ পুত্রান্সুষুবে ষট্ পরিশ্রুতান্ || ২. ৭. ৪৪৯||
সুখং সুনেত্রং বিশিখং সুরূপং সুরসং বলম্ |
তেষাং পুত্রাশ্চ পৌত্রাশ্চ গরুডানাং মহাত্মনাম্ || ২. ৭. ৪৫০||
চতুর্দশ সহস্রাণি পুরাণাং পন্নগাশিনাম্ |
পুত্রপৌত্রবিসর্গাচ্চ তেষাং বৈ বংশবিস্তরৈঃ || ২. ৭. ৪৫১||
ব্যাপ্তানি যানি স্থানানি তানি বক্ষ্যে যথাক্রমম্ |
শাল্মলিদ্বীপমখিলং দেবকূটং চ পর্বতম্ || ২. ৭. ৪৫২||
মণিমন্তং চ শৈলেন্দ্রং মহস্রশিখরং তথা |
পর্ণমালং সুকেশং চ শতশৃঙ্গং তথাচলম্ || ২. ৭. ৪৫৩||
কৌররং পঞ্চশিখরং হেমকূটং চ পর্বতম্ |
প্রচণ্ডবায়ুপ্রজবৈর্দীপিতৈঃ পদ্মরাগিভিঃ || ২. ৭. ৪৫৪||
শৈলশৃঙ্গাণি ব্যাপ্তানি গারুডৈস্তৈর্মহাত্মভিঃ |
ভাসীপুত্রাঃ স্মৃতা ভাসা উলূকাঃ কাককুক্কুটাঃ || ২. ৭. ৪৫৫||
ময়ূরাঃ কলবিঙ্কাশ্চ কপোতালাবতিত্তিরাঃ |
ক্রৈঞ্চা বাধ্রীণসাঃ শ্যেনাঃ কুররাঃ সারসা বকাঃ || ২. ৭. ৪৫৬||
ইত্যেবমাদয়োঽন্যেঽপি ক্রব্যাদা যে চ পক্ষিণঃ |
ধৃতরাষ্ট্রী তু হংসাশ্চ কলহংসাংশ্চ ভামিনী || ২. ৭. ৪৫৭||
চক্রবাকাংশ্চ বিহগান্সর্বাংশ্চৈবৌদকান্দ্বিচান্ |
শ্যেন্যনন্তং বিজজ্ঞে তু পুত্রপৌত্রং দ্বিজোত্তমাঃ || ২. ৭. ৪৫৮||
গরুডস্যাত্মজাঃ প্রোক্তা ইরায়াঃ শৃণুত প্রজাঃ |
ইরা বিজজ্ঞে কন্যা বৈ তিস্রঃ কমললোজনাঃ || ২. ৭. ৪৫৯||
বনস্পতীনাং বৃক্ষাণাং বীরুধাং চৈব মাতরঃ |
লতা চৈবালতা চৈতি বীরুধা চৈতি তত্র যা || ২. ৭. ৪৬০||
লতা বনস্পতির্জ্জজ্ঞেপুষ্পাদপি ফলাবহান্ |
পুষ্পৈঃ ফলগ্রহৈর্বৃক্ষানলতা সমসূয়ত || ২. ৭. ৪৬১||
গুল্মাস্তথা লতাবল্ল্যস্ত্বকূসারাস্তৃণজাতয়ঃ |
বীরুধস্তদপত্যং হি বংশশ্চাত্র সমাপ্যতে || ২. ৭. ৪৬২||
এতে কশ্যপদায়াদা ব্যাখ্যাতাঃ স্থাণুজঙ্গমাঃ |
তেষাং পুত্রাশ্চ পৌত্রাশ্চ যৈরিদং সংততং জগৎ || ২. ৭. ৪৬৩||
এষ সর্গৈকদেশস্য কীর্তিতোঽবয়বো ময়া |
মারীচো বঃ প্রজাসর্গঃ সমাসেন প্রকীর্ত্তিতঃ || ২. ৭. ৪৬৪||
ন শক্যং ব্যাসতো বক্তুং বর্ষাণাং চ শতৈরপি |
অদিতির্ধর্মশীলা তু বলশীলা দিতিস্তথা || ২. ৭. ৪৬৫||
তপঃশীলা তু সুরভির্মায়াশীলা দনুস্তথা |
গন্ধশীলা মুনিশ্চৈব ক্রোধাধ্যায়নশীলিনী || ২. ৭. ৪৬৬||
গীতশীলা হ্যরিষ্টা তু ক্রূরশীলা খশা স্মৃতা |
ক্রোধশীলা তথা কদূঃ ক্রোধা চ শুচিশীলিনী || ২. ৭. ৪৬৭||
বাহশীলা তু বিনতা তাম্রা বৈ ঘাতশীলিনী |
ইরানুগ্রহশীলা তু হ্যনায়ুর্ভক্ষণে রতা || ২. ৭. ৪৬৮||
অভবংল্লোকমাৎৠণাং শীলান্যেতানি সর্বশঃ |
ধর্মতঃ শীলতো বুদ্ধ্যা ক্ষময়া বলরূপতঃ || ২. ৭. ৪৬৯||
রজঃ সত্ত্ব তমোদ্রিক্তা ধার্মিকাধার্মিকাশ্চ বৈ |
মাতুস্তুল্যাভিজাতাশ্চ কশ্যপস্যাত্মজাঃ প্রভোঃ || ২. ৭. ৪৭০||
দেবতাসুরগন্ধর্বা যক্ষরাক্ষসপন্নগাঃ |
পিশাচাঃ পশবশ্চৈব মৃগাঃ পতগবীরুধঃ || ২. ৭. ৪৭১||
যস্মাদ্দাক্ষায়ণীষ্বেতে জজ্ঞিরে মানুষীষ্পিহ |
মনুষ্যপ্রকৃতীস্তস্মাদ্দেবাদীংশ্চ বিজানতে || ২. ৭. ৪৭২||
যস্মাচ্চ সংভবঃ কৃৎস্নো দেবানাং মানুষেষ্বিহ |
মন্বন্তরেষু সর্বেষু তস্মাচ্ছ্রেষ্ঠাস্তু মানুষাঃ || ২. ৭. ৪৭৩||
ধর্মার্থকামমোক্ষাণাং মানুষাঃ সাধকাস্তু বৈ |
ততোর্ঽবাক্স্রোতসস্তে বৈ উৎপদ্যন্তে সুরাসুরাঃ || ২. ৭. ৪৭৪||
জায়ন্তে কার্যসিদ্ধ্যর্থং মানুষেষু পুনঃ পুনঃ |
ইত্যেষ বংশপ্রভবঃ প্রসংখ্যাতস্তু বিস্তরাৎ || ২. ৭. ৪৭৫||
সুরাণামসুরাণাং চ গন্ধর্বাপ্সরসাং তথা |
যক্ষরক্ষঃ পিশাচানাং সুপর্ণোরগপক্ষিণাম্ || ২. ৭. ৪৭৬||
ব্যালানাং শিখিনাং চৈব ঔষধীনাং চ সর্বশঃ |
কৃমিকীটপতঙ্গানাং ক্ষুদ্রাণাং জলচারিণাম্ || ২. ৭. ৪৭৭||
পশূনাং ব্রাহ্মণানাং চ শ্রীমতাং পুণ্যলক্ষণঃ |
আয়ুষ্যশ্চৈব ধন্যশ্চ শ্রীমান্ হিতসুখাবহঃ |
শ্রোতব্যশ্চৈব সততং গ্রাহ্যশ্চৈবানসূয়তঃ || ২. ৭. ৪৭৮||
ইমং তু বংশং নিয়মেন যঃ পঠেন্মহাত্মনাং ব্রাহ্মণবন্দ্যসংসদি |
অপত্যলাভং লভতে চ পুষ্কলং প্রিয়ং ধনং প্রেত্য চ শোভনাং গতিম্ || ২. ৭. ৪৭৯||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে কাশ্যপেয়বর্ণনং নাম সপ্তমোঽধ্যায়ঃ