অর্থশাস্ত্র ০৮

কৌটিলীয অর্থশাস্ত্রং – ০৮

Book |
Chapt | প্রকৃতিব্যসনবর্গঃ
08.1.01 ব্যসনযৌগপদ্যে সৌকর্যতো যাতব্যং রক্ষিতব্যং বা ইতি ব্যসনচিন্তা
08.1.02 দৈবং মানুষং বা প্রকৃতিব্যসনং অনযাপনযাভ্যাং সম্ভবতি
08.1.03 গুণপ্রাতিলোম্যং অভাবঃ প্রদোষঃ প্রসঙ্গঃ পীডা বা ব্যসনম্
08.1.04 ব্যস্যত্যেনং শ্রেযস ইতি ব্যসনম্
08.1.05 স্বাম্য্ঽমাত্যজনপদদুর্গকোশদণ্ডমিত্রব্যসনানাং পূর্বং পূর্বং গরীযঃ ইত্যাচার্যাঃ
08.1.06 ন ইতি ভরদ্বাজঃ
08.1.07 স্বাম্য্ঽমাত্যব্যসনযোরমাত্যব্যসনং গরীযঃ
08.1.08 মন্ত্রো মন্ত্রফলাবাপ্তিঃ কর্মানুষ্ঠানং আযব্যযকর্ম দণ্ডপ্রণযনং অমিত্রাটবীপ্রতিষেধো রাজ্যরক্ষণং ব্যসনপ্রতীকারঃ কুমাররক্ষণং অভিষেকশ্চ কুমারাণাং আযত্তং অমাত্যেষু
08.1.09 তেষাং অভাবে তদ্ঽভাবঃ, ছিন্নপক্ষস্য ইব রাজ্ঞশ্চেষ্টানাশশ্চ
08.1.10 ব্যসনেষু চাসন্নঃ পর উপজাপঃ
08.1.11 বৈগুণ্যে চ প্রাণাবাধঃ প্রাণান্তিকচরত্বাদ্ রাজ্ঞঃ ইতি
08.1.12 ন ইতি কৌটিল্যঃ
08.1.13 মন্ত্রিপুরোহিতাদিভৃত্যবর্গং অধ্যক্ষপ্রচারং পুরুষদ্রব্যপ্রকৃতিব্যসনপ্রতীকারং এধনং চ রাজা এব করোতি
08.1.14 ব্যসনিষু বাঽমাত্যেষ্বন্যান্ অব্যসনিনঃ করোতি
08.1.15 পূজ্যপূজনে দূষ্যাবগ্রহে চ নিত্যযুক্তঃ তিষ্ঠতি
08.1.16 স্বামী চ সম্পন্নঃ স্বসম্পদ্ভিঃ প্রকৃতীঃ সম্পাদযতি
08.1.17 স যত্শীলঃ তত্শীলাঃ প্রকৃতযো ভবন্তি, উত্থানে প্রমাদে চ তদ্ঽঅযত্তত্বাত্
08.1.18 তত্কূটস্থানীযো হি স্বামী ইতি
08.1.19 অমাত্যজনপদব্যসনযোর্জনপদব্যসনং গরীযঃ ইতি বিশালাক্ষঃ
08.1.20 কোশো দণ্ডঃ কুপ্যং বিষ্টির্বাহনং নিচযাশ্চ জনপদাদ্ উত্তিষ্ঠন্তে
08.1.21 তেষাং অভাবো জনপদাভাবে, স্বাম্য্ঽমাত্যযোশ্চানন্তরঃ ইতি
08.1.22 ন ইতি কৌটিল্যঃ
08.1.23 অমাত্যমূলাঃ সর্বারম্ভাঃ – জনপদস্য কর্মসিদ্ধযঃ স্বতঃ পরতশ্চ যোগক্ষেমসাধনং ব্যসনপ্রতীকারঃ শূন্যনিবেশ উপচযৌ দণ্ডকরানুগ্রহশ্চ ইতি
08.1.24 জনপদদুর্গব্যসনযোর্দুর্গব্যসনম্ ইতি পারাশরাঃ
08.1.25 দুর্গে হি কোশদণ্ড উত্পত্তিরাপদি স্থানং চ জনপদস্য
08.1.26 শক্তিমত্তরাশ্চ পৌরা জানপদেভ্যো নিত্যাশ্চাপদি সহাযা রাজ্ঞঃ
08.1.27 জানপদাঃ ত্বমিত্রসাধারণাঃ ইতি
08.1.28 ন ইতি কৌটিল্যঃ
08.1.29 জনপদমূলা দুর্গকোশদণ্ডসেতুবার্ত্তাঽঽরম্ভাঃ
08.1.30 শৌর্যং স্থৈর্যং দাক্ষ্যং বাহুল্যং চ জানপদেষু
08.1.31 পর্বতান্তর্দ্বীপাশ্চ দুর্গা নাধ্যুষ্যন্তে জনপদাভাবাত্
08.1.32 কর্ষকপ্রাযে তু দুর্গব্যসনং, আযুধীযপ্রাযে তু জনপদে জনপদব্যসনং ইতি
08.1.33 দুর্গকোশব্যসনযোঃ কোশব্যসনম্ ইতি পিশুনঃ
08.1.34 কোশমূলো হি দুর্গসংস্কারো দুর্গরক্ষণং জনপদমিত্রামিত্রনিগ্রহো দেশান্তরিতানাং উত্সাহনং দণ্ডবলব্যবহারশ্চ
08.1.35 দুর্গঃ কোশাদ্ উপজাপ্যঃ পরেষাম্
08.1.36 কোশং আদায চ ব্যসনে শক্যং অপযাতুং, ন দুর্গম্ ইতি
08.1.37 ন ইতি কৌটিল্যঃ
08.1.38 দুর্গার্পণঃ কোশো দণ্ডঃ তূষ্ণীংযুদ্ধং স্বপক্ষনিগ্রহো দণ্ডবলব্যবহার আসারপ্রতিগ্রহঃ পরচক্রাটবীপ্রতিষেধশ্চ
08.1.39 দুর্গাভাবে চ কোশঃ পরেষাম্
08.1.40 দৃশ্যতে হি দুর্গবতাং অনুচ্ছিত্তিরিতি
08.1.41 কোশদণ্ডব্যসনযোর্দণ্ডব্যসনম্ ইতি কৌণপদন্তঃ
08.1.42 দণ্ডমূলো হি মিত্রামিত্রনিগ্রহঃ পরদণ্ড উত্সাহনং স্বদণ্ডপ্রতিগ্রহশ্চ
08.1.43 দণ্ডাভাবে চ ধ্রুবঃ কোশবিনাশঃ
08.1.44 কোশাভাবে চ শক্যঃ কুপ্যেন ভূম্যা পরভূমিস্বযঙ্গ্রাহেণ বা দণ্ডঃ পিণ্ডযিতুং, দণ্ডবতা চ কোশঃ
08.1.45 স্বামিনশ্চাসন্নবৃত্তিত্বাদ্ অমাত্যসধর্মা দণ্ডঃ ইতি
08.1.46 ন ইতি কৌটিল্যঃ
08.1.47 কোশমূলো হি দণ্ডঃ
08.1.48 কোশাভাবে দণ্ডঃ পরং গচ্ছতি, স্বামিনং বা হন্তি
08.1.49 সর্বাভিযোগকরশ্চ কোশো ধর্মকামহেতুঃ
08.1.50 দেশকালকার্যবশেন তু কোশদণ্ডযোরন্যতরঃ প্রমাণীভবতি
08.1.51 লম্ভপালনো হি দণ্ডঃ কোশস্য, কোশঃ কোশস্য দণ্ডস্য চ ভবতি
08.1.52 সর্বদ্রব্যপ্রযোজকত্বাত্ কোশব্যসনং গরীয ইতি
08.1.53 দণ্ডমিত্রব্যসনযোর্মিত্রব্যসনম্ ইতি বাতব্যাধিঃ
08.1.54 মিত্রং অভৃতং ব্যবহিতং চ কর্ম করোতি, পার্ষ্ণিগ্রাহং আসারং অমিত্রং আটবিকং চ প্রতিকরোতি, কোশদণ্ডভূমিভিশ্চ উপকরোতি ব্যসনাবস্থাযোগম্ ইতি
08.1.55 ন ইতি কৌটিল্যঃ
08.1.56 দণ্ডবতো মিত্রং মিত্রভাবে তিষ্ঠতি, অমিত্রো বা মিত্রভাবে
08.1.57 দণ্ডমিত্রযোঃ তু সাধারণে কার্যে সারতঃ স্বযুদ্ধদেশকাললাভাদ্ বিশেষঃ
08.1.58 শীঘ্রাভিযানে ত্বমিত্রাটবিকানভ্যন্তরকোপে চ ন মিত্রং বিদ্যতে
08.1.59 ব্যসনযৌগপদ্যে পরবৃদ্ধৌ চ মিত্রং অর্থযুক্তৌ তিষ্ঠতি
08.1.60 ইতি প্রকৃতিব্যসনসম্প্রধারণং উক্তম্
08.1.61ab প্রকৃত্য্ঽবযবানাং তু ব্যসনস্য বিশেষতঃ |
08.1.61chd বহুভাবোঽনুরাগো বা সারো বা কার্যসাধকঃ
08.1.62ab দ্বযোঃ তু ব্যসনে তুল্যে বিশেষো গুণতঃ ক্ষযাত্ |
08.1.62chd শেষপ্রকৃতিসাদ্গুণ্যং যদি স্যান্নাবিধেযকম্
08.1.63ab শেষপ্রকৃতিনাশঃ তু যত্র একব্যসনাদ্ ভবেত্ |
08.1.63chd ব্যসনং তদ্ গরীযঃ স্যাত্ প্রধানস্য ইতরস্য বা ( ইতি)

Chapt | রাজরাজ্যযোর্ব্যসনচিন্তা
08.2.01 রাজা রাজ্যং ইতি প্রকৃতিসঙ্ক্ষেপঃ
08.2.02 রাজ্ঞোঽভ্যন্তরো বাহ্যো বা কোপ ইতি
08.2.03 অহিভযাদ্ অভ্যন্তরঃ কোপো বাহ্যকোপাত্ পাপীযান্, অন্তর্ঽমাত্যকোপশ্চান্তঃকোপাত্
08.2.04 তস্মাত্ কোশদণ্ডশক্তিং আত্মসংস্থাং কুর্বীত
08.2.05 দ্বৈরাজ্যবৈরাজ্যযোর্দ্বৈরাজ্যং অন্যোন্যপক্ষদ্বেষানুরাগাভ্যাং পরস্পরসঙ্ঘর্ষেণ বা বিনশ্যতি, বৈরাজ্যং তু প্রকৃতিচিত্তগ্রহণাপেক্ষি যথাস্থিতং অন্যৈর্ভুজ্যতে ইত্যাচার্যাঃ
08.2.06 ন ইতি কৌটিল্যঃ
08.2.07 পিতাপুত্রযোর্ভ্রাত্রোর্বা দ্বৈরাজ্যং তুল্যযোগক্ষেমং অমাত্যাবগ্রহং বর্তযতি
08.2.08 বৈরাজ্যং তু জীবতঃ পরস্যাচ্ছিদ্য ন এতন্ মম ইতি মন্যমানঃ কর্শযতি, অপবাহযতি, পণ্যং বা করোতি, বিরক্তং বা পরিত্যজ্যাপগচ্ছতি ইতি
08.2.09 অন্ধশ্চলিতশাস্ত্রো বা রাজা ইতি অশাস্ত্রচক্ষুরন্ধো যত্কিঞ্চনকারী দৃঢাভিনিবেশী পরপ্রণেযো বা রাজ্যং অন্যাযেন উপহন্তি, চলিতশাস্ত্রঃ তু যত্র শাস্ত্রাচ্চলিতমতির্ভবতি শক্যানুনযো ভবতি ইত্যাচার্যাঃ
08.2.10 ন ইতি কৌটিল্যঃ
08.2.11 অন্ধো রাজা শক্যতে সহাযসম্পদা যত্র তত্র বা পর্যবস্থাপযিতুম্
08.2.12 চলিতশাস্ত্রঃ তু শাস্ত্রাদ্ অন্যথাঽভিনিবিষ্টবুদ্ধিরন্যাযেন রাজ্যং আত্মানং চ উপহন্তি ইতি
08.2.13 ব্যাধিতো নবো বা রাজা ইতি ব্যাধিতো রাজা রাজ্য উপঘাতং অমাত্যমূলং প্রাণাবাধং বা রাজ্যমূলং অবাপ্নোতি, নবঃ তু রাজা স্বধর্মানুগ্রহপরিহারদানমানকর্মভিঃ প্রকৃতিরঞ্জন উপকারৈশ্চরতি ইত্যাচার্যাঃ
08.2.14 ন ইতি কৌটিল্যঃ
08.2.15 ব্যাধিতো রাজা যথাপ্রবৃত্তং রাজপ্রণিধিং অনুবর্তযতি
08.2.16 নবঃ তু রাজা বলাবর্জিতং মম ইদং রাজ্যম্ ইতি যথা ইষ্টং অনবগ্রহশ্চরতি
08.2.17 সামুত্থাযিকৈরবগৃহীতো বা রাজ্য উপঘাতং মর্ষযতি
08.2.18 প্রকৃতিষ্বরূঢঃ সুখং উচ্ছেত্তুং ভবতি ইতি
08.2.19 ব্যাধিতে বিশেষঃ পাপরোগ্যপাপরোগী চ
08.2.20 নবেঽপ্যভিজাতোঽনভিজাত ইতি
08.2.21 দুর্বলোঽভিজাতো বলবান্ অনভিজাতো রাজা ইতি দুর্বলস্যাভিজাতস্য উপজাপং দৌর্বল্যাপেক্ষাঃ প্রকৃতযঃ কৃচ্ছ্রেণ উপগচ্ছন্তি, বলবতশ্চানভিজাতস্য বলাপেক্ষাঃ সুখেন ইত্যাচার্যাঃ
08.2.22 ন ইতি কৌটিল্যঃ
08.2.23 দুর্বলং অভিজাতং প্রকৃতযঃ স্বযং উপনমন্তি, জাত্যং ঐশ্বর্যপ্রকৃতিরনুবর্তত ইতি
08.2.24 বলবতশ্চানভিজাতস্য উপজাপং বিসংবাদযন্তি, অনুরাগে সার্বগুণ্যং ইতি
08.2.25 প্রযাসবধাত্ সস্যবধো মুষ্টিবধাত্ পাপীযান্, নিরাজীবত্বাদ্ অবৃষ্টিরতিবৃষ্টিতঃ
08.2.26ab দ্বযোর্দ্বযোর্ব্যসনযোঃ প্রকৃতীনাং বলাবলম্ |
08.2.26chd পারম্পর্যক্রমেণ উক্তং যানে স্থানে চ কারণম্ ( ইতি)

Chapt | পুরুষব্যসনবর্গঃ
08.3.01 অবিদ্যাবিনযঃ পুরুষব্যসনহেতুঃ
08.3.02 অবিনীতো হি ব্যসনদোষান্ন পশ্যতি
08.3.03 তান্ উপদেক্ষ্যামঃ
08.3.04 কোপজঃ ত্রিবর্গঃ, কামজশ্চতুর্বর্গঃ
08.3.05 তযোঃ কোপো গরীযান্
08.3.06 সর্বত্র হি কোপশ্চরতি
08.3.07 প্রাযশশ্চ কোপবশা রাজানঃ প্রকৃতিকোপৈর্হতাঃ শ্রূযন্তে, কামবশাঃ ক্ষযনিমিত্তং অরিব্যাধিভিরিতি
08.3.08 ন ইতি ভারদ্বাজঃ
08.3.09 সত্পুরুষাচারঃ কোপো বৈরযাতনং অবজ্ঞাবধো ভীতমনুষ্যতা চ
08.3.10 নিত্যশ্চ কোপেন সম্বন্ধঃ পাপপ্রতিষেধার্থঃ
08.3.11 কামঃ সিদ্ধিলাভঃ সান্ত্বং ত্যাগশীলতা সম্প্রিযভাবশ্চ
08.3.12 নিত্যশ্চ কামেন সম্বন্ধঃ কৃতকর্মণঃ ফল উপভোগার্থঃ ইতি
08.3.13 ন ইতি কৌটিল্যঃ
08.3.14 দ্বেষ্যতা শত্রুবেদনং দুঃখাসঙ্গশ্চ কোপঃ
08.3.15 পরিভবো দ্রব্যনাশঃ পাটচ্চরদ্যূতকারলুব্ধকগাযনবাদকৈশ্চানর্থ্যৈঃ সম্যোগঃ কামঃ
08.3.16 তযোঃ পরিভবাদ্ দ্বেষ্যতা গরীযসী
08.3.17 পরিভূতঃ স্বৈঃ পরৈশ্চাবগৃহ্যতে, দ্বেষ্যঃ সমুচ্ছিদ্যত ইতি
08.3.18 দ্রব্যনাশাত্শত্রুবেদনং গরীযঃ
08.3.19 দ্রব্যনাশঃ কোশাবাধকঃ, শত্রুবেদনং প্রাণাবাধকং ইতি
08.3.20 অনর্থ্যসম্যোগাদ্ দুঃখসম্যোগো গরীযান্
08.3.21 অনর্থ্যসম্যোগো মুহূর্তপ্রতীকারো, দীর্ঘক্লেশকরো দুঃখানাং আসঙ্গ ইতি
08.3.22 তস্মাত্ কোপো গরীযান্
08.3.23 বাক্পারুষ্যং অর্থদূষণং দণ্ডপারুষ্যং ইতি
08.3.24 বাক্পারুষ্যার্থদূষণযোর্বাক্পারুষ্যং গরীযঃ ইতি বিশালাক্ষঃ
08.3.25 পরুষমুক্তো হি তেজস্বী তেজসা প্রত্যারোহতি
08.3.26 দুরুক্তশল্যং হৃদি নিখাতং তেজঃসন্দীপনং ইন্দ্রিয উপতাপি চ ইতি
08.3.27 ন ইতি কৌটিল্যঃ
08.3.28 অর্থপূজা বাক্ষল্যং অপহন্তি, বৃত্তিবিলোপঃ ত্বর্থদূষণম্
08.3.29 অদানং আদানং বিনাশঃ পরিত্যাগো বাঽর্থস্য ইত্যর্থদূষণম্
08.3.30 অর্থদূষণদণ্ডপারুষ্যযোরর্থদূষণং গরীযঃ ইতি পারাশরাঃ
08.3.31 অর্থমূলৌ ধর্মকামৌ
08.3.32 অর্থপ্রতিবদ্ধশ্চ লোকো বর্ততে
08.3.33 তস্য উপঘাতো গরীযান্ ইতি
08.3.34 ন ইতি কৌটিল্যঃ
08.3.35 সুমহতাঽপ্যর্থেন ন কশ্চন শরীরবিনাশং ইচ্ছেত্
08.3.36 দণ্ডপারুষ্যাচ্চ তং এব দোষং অন্যেভ্যঃ প্রাপ্নোতি
08.3.37 ইতি কোপজঃ ত্রিবর্গঃ
08.3.38 কামজঃ তু মৃগযা দ্যূতং স্ত্রিযঃ পানং ইতি চতুর্বর্গঃ
08.3.39 তস্য মৃগযাদ্যূতযোর্মৃগযা গরীযসী ইতি পিশুনঃ
08.3.40 স্তেনামিত্রব্যালদাবপ্রস্খলনভযদিন্মোহাঃ ক্ষুত্পিপাসে চ প্রাণাবাধঃ তস্যাম্
08.3.41 দ্যূতে তু জিতং এবাক্ষবিদুষা যথা জযত্সেনদুর্যোধনাভ্যাম্ ইতি
08.3.42 ন ইত্য্কৌটিল্যঃ
08.3.43 তযোরপ্যন্যতরপরাজযোঽস্তি ইতি নলযুধিষ্ঠিরাভ্যাং ব্যাখ্যাতম্
08.3.44 তদ্ এব বিজিতদ্রব্যং আমিষং বৈরানুবন্ধশ্চ
08.3.45 সতোঽর্থস্য বিপ্রতিপত্তিরসতশ্চার্জনং অপ্রতিভুক্তনাশো মূত্রপুরীষধারণবুভুক্ষাঽঽদিভিশ্চ ব্যাধিলাভ ইতি দ্যূতদোষাঃ
08.3.46 মৃগযাযাং তু ব্যাযামঃ শ্লেষ্মপিত্তমেদঃস্বেদনাশশ্চলে স্থিতে চ কাযে লক্ষপরিচযঃ কোপভযস্থানেষু চ মৃগাণাং চিত্তজ্ঞানং অনিত্যযানং চ ইতি
08.3.47 দ্যূতস্ত্রীব্যসনযোঃ কৈতবব্যসনম্ ইতি কৌণপদন্তঃ
08.3.48 সাতত্যেন হি নিশি প্রদীপে মাতরি চ মৃতাযাং দীব্যত্যেব কিতবঃ
08.3.49 কৃচ্ছ্রে চ প্রতিপৃষ্টঃ কুপ্যতি
08.3.50 স্ত্রীব্যসনে তু স্নানপ্রতিকর্মভোজনভূমিষু ভবত্যেব ধর্মার্থপরিপ্রশ্নঃ
08.3.51 শক্যা চ স্ত্রী রাজহিতেনিযোক্তুং, উপাংশুদণ্ডেন ব্যাধিনা বা ব্যাবর্তযিতুং অবস্রাবযিতুং বা ইতি
08.3.52 ন ইতি কৌটিল্যঃ
08.3.53 সপ্রত্যাদেযং দ্যূতং নিষ্প্রত্যাদেযং স্ত্রীব্যসনম্
08.3.54 অদর্শনং কার্যনির্বেদঃ কালাতিপাতনাদ্ অনর্থো ধর্মলোপশ্চ তন্ত্রদৌর্বল্যং পানানুবন্ধশ্চ ইতি
08.3.55 স্ত্রীপানব্যসনযোঃ স্ত্রীব্যসনম্ ইতি বাতব্যাধিঃ
08.3.56 স্ত্রীষু হি বালিশ্যং অনেকবিধং নিশান্তপ্রণিধৌ ব্যাখ্যাতম্
08.3.57 পানে তু শব্দাদীনাং ইন্দ্রিযার্থানাং উপভোগঃ প্রীতিদানং পরিজনপূজনং কর্মশ্রমবধশ্চ ইতি
08.3.58 ন ইতি কৌটিল্যঃ
08.3.59 স্ত্রীব্যসনে ভবত্যপত্য উত্পত্তিরাত্মরক্ষণং চান্তর্দারেষু, বিপর্যযো বা বাহ্যেষু, অগম্যেষু সর্ব উচ্ছিত্তিঃ
08.3.60 তদ্ উভযং পানব্যসনে
08.3.61 পানসম্পত্ – সংজ্ঞানাশোঽনুন্মত্তস্য উন্মত্তত্বং অপ্রেতস্য প্রেতত্বং কৌপীনদর্শনং শ্রুতপ্রজ্ঞাপ্রাণবিত্তমিত্রহানিঃ সদ্ভির্বিযোগোঽনর্থ্যসম্যোগঃ তন্ত্রীগীতনৈপুণ্যেষু চার্থঘ্নেষু প্রসঙ্গ ইতি
08.3.62 দ্যূতমদ্যযোর্দ্যূতম্
08.3.63 একেষাং পণনিমিত্তো জযঃ পরাজযো বা প্রাণিষু নিশ্চেতনেষু বা পক্ষদ্বৈধেন প্রকৃতিকোপং করোতি
08.3.64 বিশেষতশ্চ সঙ্ঘানাং সঙ্ঘধর্মিণাং চ রাজকুলানাং দ্যূতনিমিত্তো ভেদঃ তন্নিমিত্তো বিনাশ ইত্যসত্প্রগ্রহঃ পাপিষ্ঠতমো ব্যসনানাং তন্ত্রদৌর্বল্যাদ্ ইতি
08.3.65ab অসতাং প্রগ্রহঃ কামঃ কোপশ্চাবগ্রহঃ সতাম্ |
08.3.65chd ব্যসনং দোষবাহুল্যাদ্ অত্যন্তং উভযং মতম্
08.3.66ab তস্মাত্ কোপং চ কামং চ ব্যসনারম্ভং আত্মবান্ |
08.3.66chd পরিত্যজেন্ মূলহরং বৃদ্ধসেবী জিত ইন্দ্রিযঃ ( ইতি)

Chapt | পীডনবর্গঃ – স্তম্ভবর্গঃ – কোশসংগবর্গঃ
08.4.01 দৈবপীডনং – অগ্নিরুদকং ব্যাধির্দুর্ভিক্ষং মরক ইতি
08.4.02 অগ্ন্য্.উদকযোরগ্নিপীডনং অপ্রতিকার্যং সর্বদাহি চ, শক্যাপগমনং তার্যাবাধং উদকপীডনম্ ইত্যাচার্যাঃ
08.4.03 ন ইত্ কৌটিল্যঃ
08.4.04 অগ্নির্গ্রামং অর্ধগ্রামং বা দহতি, উদকবেগঃ তু গ্রামশতপ্রবাহী ইতি
08.4.05 ব্যাধিদুর্ভিক্ষযোর্ব্যাধিঃ প্রেতব্যাধিত উপসৃষ্টপরিচারকব্যাযাম উপরোধেন কর্মাণ্যুপহন্তি, দুর্ভিক্ষং পুনরকর্ম উপঘাতি হিরণ্যপশুকরদাযি চ ইত্যাচার্যাঃ
08.4.06 ন ইতি কৌটিল্যঃ
08.4.07 একদেশপীডনো ব্যাধিঃ শক্যপ্রতীকারশ্চ, সর্বদেশপীডনং দুর্ভিক্ষং প্রাণিনাং অজীবনায ইতি
08.4.08 তেন মরকো ব্যাখ্যাতঃ
08.4.09 ক্ষুদ্রকমুখ্যক্ষযযোঃ ক্ষুদ্রকক্ষযঃ কর্মণাং অযোগক্ষেমং করোতি, মুখ্যক্ষযঃ কর্মানুষ্ঠান উপরোধধর্মা ইত্যাচার্যাঃ
08.4.10 ন ইতি কৌটিল্যঃ
08.4.11 শক্যঃ ক্ষুদ্রকক্ষযঃ প্রতিসন্ধাতুং বাহুল্যাত্ ক্ষুদ্রকাণাং, ন মুখ্যক্ষযঃ
08.4.12 সহস্রেষু হি মুখ্যো ভবত্যেকো ন বা সত্ত্বপ্রজ্ঞাঽঽধিক্যাত্ তদ্ঽঅশ্রযত্বাত্ ক্ষুদ্রকাণাং ইতি
08.4.13 স্বচক্রপরচক্রযোঃ স্বচক্রং অতিমাত্রাভ্যাং দণ্ডকরাভ্যাং পীডযত্যশক্যং চ বারযিতুং, পরচক্রং তু শক্যং প্রৈযোদ্ধুং উপসারেণ সন্ধিনা বা মোক্ষযিতুম্ ইত্যাচার্যাঃ
08.4.14 ন ইতি কৌটিল্যঃ
08.4.15 স্বচক্রপীডনং প্রকৃতিপুরুষমুখ্য উপগ্রহবিঘাতাভ্যাং শক্যতে বারযিতুং একদেশং বা পীডযতি, সর্বদেশপীডনং তু পরচক্রং বিলোপঘাতদাহবিধ্বংসনাপবাহনৈঃ পীডযতি ইতি
08.4.16 প্রকৃতিরাজবিবাদযোঃ প্রকৃইতিবিবাদঃ প্রকৃতীনাং ভেদকঃ পরাভিযোগান্ আবহতি, রাজবিবাদঃ তু প্রকৃতীনাং দ্বিগুণভক্তবেতনপরিহারকরো ভবতি ইত্যাচার্যাঃ
08.4.17 ন ইতি কৌটিল্যঃ
08.4.18 শক্যঃ প্রকৃতিবিবাদঃ প্রকৃতিমুখ্য উপগ্রহেণ কলহস্থানাপনযনেন বা বারযিতুম্
08.4.19 বিবদমানাঃ তু প্রকৃতযঃ পরস্পরসঙ্ঘর্ষেণ উপকুর্বন্তি
08.4.20 রাজবিবাদঃ তু পীডন উচ্ছেদনায প্রকৃতীনাং দ্বিগুণব্যাযামসাধ্য ইতি
08.4.21 দেশরাজবিহারযোর্দেশবিহারঃ ত্রৈকাল্যেন কর্মফল উপঘাতং করোতি, রাজবিহারঃ তু কারুশিল্পিকুশীলববাগ্জীবনরূপাজীবাবৈদেহক উপকারং করোতি ইত্যাচার্যাঃ
08.4.22 ন ইতি কৌটিল্যঃ
08.4.23 দেশবিহারঃ কর্মশ্রমং অবধাঽর্থং অল্পং ভক্ষযতি ভক্ষযিত্বা চ ভূযঃ কর্মসু যোগং গচ্ছতি, রাজবিহারঃ তু স্বযং বল্লভৈশ্চ স্বযঙ্গ্রাহপ্রণযপণ্যাগারকার্য উপগ্রহৈঃ পীডযতি ইতি
08.4.24 সুভগাকুমারযোঃ কুমারঃ স্বযং বল্লভৈশ্চ স্বযঙ্গ্রাহপ্রণযপণ্যাগারকার্য উপগ্রহৈঃ পীডযতি, সুভগা বিলাস উপভোগেন ইত্যাচার্যাঃ
08.4.25 ন ইতি কৌটিল্যঃ
08.4.26 শক্যঃ কুমারো মন্ত্রিপুরোহিতাভ্যাং বারযিতুং, ন সুভগা বালিশ্যাদ্ অনর্থ্যজনসম্যোগাচ্চ ইতি
08.4.27 শ্রেণীমুখ্যযোঃ শ্রেণী বাহুল্যাদ্ অনবগ্রহা স্তেযসাহসাভ্যাং পীডযতি, মুখ্যঃ কার্যানুগ্রহবিঘাতাভ্যাম্ ইত্যাচার্যাঃ
08.4.28 ন ইতি কৌটিল্যঃ
08.4.29 সুব্যাবর্ত্যা শ্রেণী সমানশীলব্যসনত্বাত্, শ্রেণীমুখ্য একদেশ উপগ্রহেণ বা
08.4.30 স্তম্ভযুক্তো মুখ্যঃ পরপ্রাণদ্রব্য উপঘাতাভ্যাং পীডযতি ইতি
08.4.31 সম্নিধাতৃসমাহর্ত্রোঃ সম্নিধাতা কৃতবিদূষণাত্যযাভ্যাং পীডযতি, সমাহর্তা করণাধিষ্ঠিতঃ প্রদিষ্টফল উপভোগী ভবতি ইত্যাচার্যাঃ
08.4.32 ন ইতি কৌটিল্যঃ
08.4.33 সম্নিধাতা কৃতাবস্থং অন্যৈঃ কোশপ্রবেশ্যং প্রতিগৃহ্ণাতি, সমাহর্তা তু পূর্বং অর্থং আত্মনঃ কৃত্বা পশ্চাদ্ রাজার্থং করোতি প্রণাশযতি বা, পরস্বাদানে চ স্বপ্রত্যযশ্চরতি ইতি
08.4.34 অন্তপালবৈদেহকযোরন্তপালশ্চোরপ্রসর্গদেযাত্যাদানাভ্যাং বণিক্পথং পীডযতি, বৈদেহকাঃ তু পণ্য.প্রতিপণ্যানুগ্রহৈঃ প্রসাধযন্তি ইত্যাচার্যাঃ
08.4.35 ন ইতি কৌটিল্যঃ
08.4.36 অন্তপালঃ পণ্যসম্পাতানুগ্রহেণ বর্তযতি, বৈদেহকাঃ তু সম্ভূয পণ্যানাং উত্কর্ষাপকর্ষং কুর্বাণাঃ পণে পণশতং কুম্ভে কুম্ভশতং ইত্যাজীবন্তি
08.4.37 অভিজাত উপরুদ্ধা ভূমিঃ পশুব্রজ উপরুদ্ধা বা ইতি অভিজাত উপরুদ্ধা ভূমিঃ মহাফলাঽপ্যাযুধীয উপকারিণী ন ক্ষমা মোক্ষযিতুং ব্যসনাবাধভযাত্, পশুব্রজ উপরুদ্ধা তু কৃষিযোগ্যা ক্ষমা মোক্ষযিতুম্
08.4.38 বিবীতং হি ক্ষেত্রেণ বাধ্যতে ইত্যাচার্যাঃ
08.4.39 ন ইতি কৌটিল্যঃ
08.4.40 অভিজাত উপরুদ্ধা ভূমিরত্যন্তমহা উপকারাঽপি ক্ষমা মোক্ষযিতুং ব্যসনাবাধভযাত্, পশুব্রজ উপরুদ্ধা তু কোশবাহন উপকারিণী ন ক্ষমা মোক্ষযিতুং, অন্যত্র সস্যবাপ উপরোধাদ্ ইতি
08.4.41 প্রতিরোধকাটবিকযোঃ প্রতিরোধকা রাত্রিসত্ত্রচরাঃ শরীরাক্রমিণো নিত্যাঃ শতসহস্রাহপারিণঃ প্রধানকোপকাশ্চ ব্যবহিতাঃ প্রত্যন্তরারণ্যচরাশ্চাটবিকাঃ প্রকাশা দৃস্যাশ্চরন্তি, একদেশঘাতকাশ্চ ইত্যাচার্যাঃ
08.4.42 ন ইতি কৌটিল্যঃ
08.4.43 প্রতিরোধকাঃ প্রমত্তস্যাপরহন্তি, অল্পাঃ কুণ্ঠাঃ সুখা জ্ঞাতুং গ্রহীতুং চ, স্বদেশস্থাঃ প্রভূতা বিক্রান্তাশ্চাটবিকাঃ প্রকাশযোদিনোঽপহর্তারো হন্তারশ্চ দেশানাং রাজসধর্মাণ ইতি
08.4.44 মৃগহস্তিবনযোঃ মৃগাঃ প্রভূতাঃ প্রভূতমাংসচর্ম উপকারিণো মন্দগ্রাসাবক্লেশিনঃ সুনিযম্যাশ্চ
08.4.45 বিপরীতা হস্তিনো গৃহ্যমাণা দুষ্টাশ্চ দেশবিনাশায ইতি
08.4.46 স্বপরস্থানীয উপকারযোঃ স্বস্থানীয উপকারো ধান্যপশুহিরণ্যকুপ্য উপকারো জানপদানাং আপদ্যাত্মধারণঃ
08.4.47 বিপরীতঃ পরস্থানীয উপকারঃ
08.4.48 ইতি পীডনানি – আভ্যন্তরো মুখ্যস্তম্ভো বাহ্যোঽমিত্রাটবীস্তম্ভঃ ইতি স্তম্ভবর্গহ্
08.4.49 তাভ্যাং পীডনৈর্যথা উক্তৈশ্চ পীডিতঃ, সক্তো মুখ্যেষু, পরিহার উপহতঃ, প্রকীর্ণো, মিথ্যাসংহৃতঃ, সামন্তাটবীহৃত ইতি কোশসঙ্গবর্গঃ
08.4.50ab পীডনানাং অনুত্পত্তাবুত্পন্নানাং চ বারণে |
08.4.50chd যতেত দেশবৃদ্ধ্য্ঽর্থং নাশে চ স্তম্ভসঙ্গযোঃ ( ইতি)

Chapt | বলব্যসনবর্গঃ – মিত্রব্যসনবর্গঃ
08.5.01 বলব্যসনানি – অমানিতং, বিমানিতং, অভৃতং, ব্যাধিতং, নবাগতং, দূরাযাতং, পরিশ্রান্তং, পরিক্ষীণং, প্রতিহতং, হতাগ্রবেগং, অনৃতুপ্রাপ্তং, অভূমিপ্রাপ্তং, আশানির্বেদি, পরিসৃপ্তং, কলত্রগর্ভি, অন্তঃশল্যং, কুপিতমূলং, ভিন্নগর্ভং, অপসৃতং, অতিক্ষিপ্তং, উপনিবিষ্টং, সমাপ্তং, উপরুদ্ধং, পরিক্ষিপ্তং, ছিন্নধান্যপুরুষবীবধং, স্ববিক্ষিপ্তং, মিত্রবিক্ষিপ্তং, দূষ্যযুক্তং, দুষ্টপার্ষ্ণিগ্রাহং, শূন্যমূলং, অস্বামিসংহতং, ভিন্নকূটং, অন্ধং ইতি
08.5.02 তেষাং অমানিতবিমানিতানিযতযোরমানিতং কৃতার্থমানং যুধ্যেত, ন বিমানিতং অন্তঃকোপম্
08.5.03 অভৃতব্যাধিতযোরভৃতং তদাত্বকৃতবেতনং যুধ্যেত, ন ব্যাধিতং অকর্মণ্যম্
08.5.04 নবাগতদূরাযাতযোর্নবাগতং অন্যত উপলব্ধদেশং অনবমিশ্রং যুধ্যেত, ন দূরাযতং আযতগতপরিক্লেশম্
08.5.05 পরিশ্রান্তপরিক্ষীণযোঃ পরিশ্রান্তং স্নানভোজনস্বপ্নলব্ধবিশ্রামং যুধ্যেত, ন পরিক্ষীণং অন্যত্রাহবে ক্ষীণযুগ্যপুরুষম্
08.5.06 প্রতিহতহতাগ্রবেগযোঃ প্রতিহতং অগ্রপাতভগ্নং প্রবীরপুরুষসংহতং যুধ্যেত, ন হতাগ্রবেগং অগ্রপাতহতবীরম্
08.5.07 অনৃত্ব্ঽভূমিপ্রাপ্তযোরনৃতুপ্রাপ্তং যথ.ঋতুযুগ্যশস্ত্রাবরণং যুধ্যেত, নাভূমিপ্রাপ্তং অবরুদ্ধপ্রসারব্যাযামম্
08.5.08 আশানির্বেদিপরিসৃপ্তযোরাশানির্বেদি লব্ধাভিপ্রাযং যুধ্যেত, ন পরিসৃপ্তং অপসৃতমুখ্যম্
08.5.09 কলত্রগর্ভ্য্ঽন্তঃশল্যযোঃ কলত্রগর্ভি উন্মুচ্য কলত্রং যুধ্যেত, নান্তঃশল্যং অন্তরমিত্রম্
08.5.10 কুপিতমূলভিন্নগর্ভযোঃ কুপিতমূলং প্রশমিতকোপং সামাদিভির্যুধ্যেত, ন ভিন্নগর্ভং অন্যোন্যস্মাদ্ ভিন্নম্
08.5.11 অপসৃতাতিক্ষিপ্তযোরপসৃতং একরাজ্যাতিক্রান্তং মন্ত্রব্যাযামাভ্যাং সত্ত্রমিত্রাপাশ্রযং যুধ্যেত, নাতিক্ষিপ্তং অনেকরাজ্যাতিক্রান্তং বহ্ব্ঽঅবাধত্বাত্
08.5.12 উপনিবিষ্টসমাপ্তযোরুপনিবিষ্টং পৃথগ্যানস্থানং অতিসন্ধাযারিং যুধ্যেত, ন সমাপ্তং অরিণা একস্থানযানম্
08.5.13 উপরুদ্ধপরিক্ষিপ্তযোরুপরুদ্ধং অন্যতো নিষ্ক্রম্য উপরোদ্ধারং প্রতিযুধ্যেত, ন পরিক্ষিপ্তং সর্বতঃ প্রতিরুদ্ধম্
08.5.14 ছিন্নধান্যপুরুষবীবধযোঃ ছিন্নধান্যং অন্যতো ধান্যং আনীয জঙ্গমস্থাবরাহারং বা যুধ্যেত, ন ছিন্নপুরুষবীবধং অনভিসারম্
08.5.15 স্ববিক্ষিপ্তমিত্রবিক্ষিপ্তযোঃ স্ববিক্ষিপ্তং স্বভূমৌ বিক্ষিপ্তং সৈন্যং আপদি শক্যং আবাহযিতুং, ন মিত্রবিক্ষিপ্তং বিপ্রকৃষ্টদেশকালত্বাত্
08.5.16 দূষ্যযুক্তদুষ্টপার্ষ্ণিগ্রাহযোর্দূষ্যযুক্তং আপ্তপুরুষাধিষ্ঠিতং অসংহতং যুধ্যেত, ন দুষ্টপার্ষ্ণিগ্রাহং পৃষ্ঠাভিঘাতত্রস্তম্
08.5.17 শূন্যমূলাস্বামিসংহতযোঃ শূন্যমূলং কৃতপৌরজানপদারক্ষং সর্বসন্দোহেন যুধ্যেত, নাস্বামিসংহতং রাজসেনাপতিহীনম্
08.5.18 ভিন্নকূটান্ধযোর্ভিন্নকূটং অন্যাধিষ্ঠিতং যুধ্যেত, নান্ধং অদেশিকং – ইতি
08.5.19ab দোষশুদ্ধির্বলাবাপঃ সত্ত্রস্থানাতিসংহিতম্ |
08.5.19chd সন্ধিশ্চ উত্তরপক্ষস্য বলব্যসনসাধনম্
08.5.20ab রক্ষেত্ স্বদণ্ডং ব্যসনে শত্রুভ্যো নিত্যং উত্থিতঃ |
08.5.20chd প্রহরেদ্ দণ্ডরন্ধ্রেষু শত্রূণাং নিত্যং উত্থিতঃ
08.5.21ab যতো নিমিত্তং ব্যসনং প্রকৃতীনাং অবাপ্নুযাত্ |
08.5.21chd প্রাগ্ এব প্রতিকুর্বীত তন্নিমিত্তং অতন্দ্রিতঃ |
08.5.22ab অভিযাতং স্বযং মিত্রং সম্ভূযান্যবশেন বা
08.5.22chd পরিত্যক্তং অশক্ত্যা বা লোভেন প্রণযেন বা |
08.5.23ab বিক্রীতং অভিযুঞ্জানে সঙ্গ্রামে বাঽপবর্তিনা
08.5.23chd দ্বৈধীভাবেন বাঽমিত্রং যাস্যতা বাঽন্যং অন্যতঃ |
08.5.24ab পৃথগ্ বা সহযানে বা বিশ্বাসেনাতিসংহিতম্
08.5.24chd ভযাবমানালস্যৈর্বা ব্যসনান্ন প্রমোক্ষিতম্ |
08.5.25ab অবরুদ্ধং স্বভূমিভ্যঃ সমীপাদ্ বা ভযাদ্ গতম্
08.5.25chd আচ্ছেদনাদ্ অদানাদ্ বা দত্ত্বা বাঽপ্যবমানিতম্ |
08.5.26ab অত্যাহারিতং অর্থং বা স্বযং পরমুখেন বা
08.5.26chd অতিভারে নিযুক্তং বা ভঙ্ক্ত্বা পরং উপস্থিতম্ |
08.5.27ab উপেক্ষিতং অশক্ত্যা বা প্রার্থযিত্বা বিরোধিতম্
08.5.27chd কৃচ্ছ্রেণ সাধ্যতে মিত্রং সিদ্ধং চাশু বিরজ্যতি |
08.5.28ab কৃতপ্রযাসং মান্যং বা মোহান্ মিত্রং অমানিতম্ |
08.5.28chd মানিতং বা ন সদৃশং শক্তিতো বা নিবারিতম্
08.5.29ab মিত্র উপঘাতত্রস্তং বা শঙ্কিতং বাঽরিসংহিতাত্ |
08.5.29chd দূষ্যৈর্বা ভেদিতুং মিত্রং সাধ্যং সিদ্ধং চ তিষ্ঠতি
08.5.30ab তস্মান্ন উত্পাদযেদ্ এনান্ দোষান্ মিত্র উপঘাতকান্ |
08.5.30chd উত্পন্নান্ বা প্রশমযেদ্ গুণৈর্দোষ উপঘাতিভিঃ ( ইতি)

<