অর্থশাস্ত্র ০৭

কৌটিলীয অর্থশাস্ত্রং – ০৭

Book |
Chapt | ষাড্গুণ্যসমুদ্দেশঃ – ক্ষযস্থানবৃদ্ধিনিশ্চযঃ
07.1.01 ষাড্গুণ্যস্য প্রকৃতিমণ্ডলং যোনিঃ
07.1.02 সন্ধিবিগ্রহাসনযানসংশ্রযদ্বৈধীভাবাঃ ষাড্গুণ্যম্ ইত্যাচার্যাঃ
07.1.03 দ্বৈগুণ্যম্ ইতি বাতব্যাধিঃ
07.1.04 সন্ধিবিগ্রহাভ্যাং হি ষাড্গুণ্যং সম্পদ্যতে ইতি
07.1.05 ষাড্গুণ্যং এব এতদ্ অবস্থাভেদাদ্ ইতি কৌটিল্যঃ
07.1.06 তত্র পণবন্ধঃ সন্ধিঃ
07.1.07 অপকারো বিগ্রহঃ
07.1.08 উপেক্ষণং আসনম্
07.1.09 অভ্যুচ্চযো যানম্
07.1.10 পরার্পণং সংশ্রযঃ
07.1.11 সন্ধিবিগ্রহ উপাদানং দ্বৈধীভাবঃ
07.1.12 ইতি ষড্গুণাঃ
07.1.13 পরস্মাদ্দ্ হীযমানঃ সন্দধীত
07.1.14 অভ্যুচ্চীযমানো বিগৃহ্ণীযাত্
07.1.15 ন মাং পরো নাহং পরং উপহন্তুং শক্তঃ ইত্যাসীত
07.1.16 গুণাতিশযযুক্তো যাযাত্
07.1.17 শক্তিহীনঃ সংশ্রযেত
07.1.18 সহাযসাধ্যে কার্যে দ্বৈধীভাবং গচ্ছেত্
07.1.19 ইতি গুণাবস্থাপনম্
07.1.20 তেষাং যস্মিন্ বা গুণে স্থিতঃ পশ্যেত্ ইহস্থঃ শক্ষ্যামি দুর্গসেতুকর্মবণিক্পথশূন্যনিবেশখনিদ্রব্যহস্তিবনকর্মাণ্যাত্মনঃ প্রবর্তযিতুং, পরস্য চ এতানি কর্মাণ্যুপহন্তুম্ ইতি তং আতিষ্ঠেত্
07.1.21 সা বৃদ্ধিঃ
07.1.22 আশুতরা মে বৃদ্ধির্ভূযস্তরা বৃদ্ধ্য্.উদযতরা বা ভবিষ্যতি, বিপরীতা পরস্য ইতি জ্ঞাত্বা পরবৃদ্ধিং উপেক্ষেত
07.1.23 তুল্যকালফল উদযাযাং বা বৃদ্ধৌ সন্ধিং উপেযাত্
07.1.24 যস্মিন্ বা গুণে স্থিতঃ স্বকর্মণাং উপঘাতং পশ্যেন্ন ইতরস্য তস্মিন্ন তিষ্ঠেত্
07.1.25 এষ ক্ষযঃ
07.1.26 চিরতরেণাল্পতরং বৃদ্ধ্য্.উদযতরং বা ক্ষেষ্যে, বিপরীতং পরঃ ইতি জ্ঞাত্বা ক্ষযং উপেক্ষেত
07.1.27 তুল্যকালফল উদযে বা ক্ষযে সন্ধিং উপেযাত্
07.1.28 যস্মিন্ বা গুণে স্থিতঃ স্বকর্মবৃদ্ধিং ক্ষযং বা নাভিপশ্যেদ্ এতত্স্থানম্
07.1.29 হ্রস্বতরং বৃদ্ধ্য্.উদযতরং বা স্থাস্যামি, বিপরীতং পরঃ ইতি জ্ঞাত্বা স্থানং উপেক্ষেত
07.1.30 তুল্যকালফল উদযে বা স্থানে সন্ধিং উপেযাদ্ ইত্যাচার্যাঃ
07.1.31 ন এতদ্ বিভাষিতং ইতি কৌটিল্যঃ
07.1.32a যদি বা পশ্যেত্ সন্ধৌ স্থিতো মহাফলৈঃ স্বকর্মভিঃ পরকর্মাণ্যুপহনিষ্যামি, মহাফলানি বা স্বকর্মাণ্যুপভোক্ষ্যে, পরকর্মাণি বা, সন্ধিবিশ্বাসেন বা যোগ উপনিষত্প্রণিধিভিঃ পরকর্মাণ্যুপহনিষ্যামি, সুখং বা সানুগ্রহপরিহারসৌকর্যং ফললাভভূযস্ত্বেন স্বকর্মণাং পরকর্মযোগাবহং জনং আস্রাবযিষ্যামি –
07.1.32b বলিনাঽতিমাত্রেণ বা সংহিতঃ পরঃ স্বকর্ম উপঘাতং প্রাপ্স্যতি, যেন বা বিগৃহীতো মযাসন্ধত্তে তেনাস্য বিগ্রহং দীর্ঘং করিষ্যামি, মযা বা সংহিতস্য মদ্দ্বেষিণো জনপদং পীডযিষ্যতি –
07.1.32ch পর উপহতো বাঽস্য জনপদো মাং আগমিষ্যতি, ততঃ কর্মসু বৃদ্ধিং প্রাপ্স্যামি, বিপন্নকর্মারম্ভো বা বিষমস্থঃ পরঃ কর্মসু ন মে বিক্রমেত –
07.1.32d পরতঃ প্রবৃত্তকর্মারম্ভো বা তাভ্যাং সংহিতঃ কর্মসু বৃদ্ধিং প্রাপ্স্যামি, শত্রুপ্রতিবদ্ধং বা শত্রুণা সন্ধিং কৃত্বা মণ্ডলং ভেত্স্যামি –
07.1.32e ভিন্নং অবাপ্স্যামি, দণ্ডানুগ্রহেণ বা শত্রুং উপগৃহ্য মণ্ডললিপ্সাযাং বিদ্বেষং গ্রাহযিষ্যামি, বিদ্বিষ্টং তেন এব ঘাতযিষ্যামি ইতি সন্ধিনা বৃদ্ধিং আতিষ্ঠেত্
07.1.33a যদি বা পশ্যেত্ আযুধীযপ্রাযঃ শ্রেণীপ্রাযো বা মে জনপদঃ শৈলবননদীদুর্গ একদ্বারারক্ষো বা শক্ষ্যতি পরাভিযোগং প্রতিহন্তুং, বিষযান্তে দুর্গং অবিষহ্যং অপাশ্রিতো বা শক্ষ্যামি পরকর্মাণ্যুপহন্তুং –
07.1.33b ব্যসনপীড উপহত উত্সাহো বা পরঃ সম্প্রাপ্তকর্ম উপঘাতকালঃ, বিগৃহীতস্যান্যতো বা শক্ষ্যামি জনপদং অপবাহযিতুম্ ইতি বিগ্রহে স্থিতো বৃদ্ধিং আতিষ্ঠেত্
07.1.34 যদি বা মন্যেত ন মে শক্তঃ পরঃ কর্মাণ্যুপহন্তুং নাহং তস্য কর্ম উপঘাতী বা, ব্যসনং অস্য, শ্ববরাহযোরিব কলহে বা, স্বকর্মানুষ্ঠানপরো বা বর্ধিষ্যে ইত্যাসনেন বৃদ্ধিং আতিষ্ঠেত্
07.1.35 যদি বা মন্যেত যানসাধ্যঃ কর্ম উপঘাতঃ শত্রোঃ, প্রতিবিহিতস্বকর্মারক্ষশ্চাস্মি ইতি যানেন বৃদ্ধিং আতিষ্ঠেত্
07.1.36 যদি বা মন্যেত নাস্মি শক্তঃ পরকর্মাণ্যুপহন্তুং, স্বকর্ম উপঘাতং বা ত্রাতুম্ ইতি, বলবন্তং আশ্রিতঃ স্বকর্মানুষ্ঠানেন ক্ষযাত্ স্থানং স্থানাদ্ বৃদ্ধিং চাকাঙ্ক্ষেত
07.1.37 যদি বা মন্যেত সন্ধিনা একতঃ স্বকর্মাণি প্রবর্তযিষ্যামি, বিগ্রহেণ একতঃ পরকর্মাণ্যুপহনিষ্যামি ইতি দ্বৈধীভাবেন বৃদ্ধিং আতিষ্ঠেত্
07.1.38ab এবং ষড্ভির্গুণৈরেতৈঃ স্থিতঃ প্রকৃতিমণ্ডলে |
07.1.38chd পর্যেষেত ক্ষযাত্ স্থানং স্থানাদ্ বৃদ্ধিং চ কর্মসু ( ইতি)

Chapt | সংশ্রযবৃত্তি
07.2.01 সন্ধিবিগ্রহযোঃ তুল্যাযাং বৃদ্ধৌ সন্ধিং উপেযাত্
07.2.02 বিগ্রহে হি ক্ষযব্যযপ্রবাসপ্রত্যবাযা ভবন্তি
07.2.03 তেনাসনযানযোরাসনং ব্যাখ্যাতম্
07.2.04 দ্বৈধীভাবসংশ্রযযোর্দ্বৈধীভাবং গচ্ছেত্
07.2.05 দ্বৈধীভূতো হি স্বকর্মপ্রধান আত্মন এব উপকরোতি, সংশ্রিতঃ তু পরস্য উপকরোতি, নাত্মনঃ
07.2.06 যদ্বলঃ সামন্তঃ তদ্বিশিষ্টবলং আশ্রযেত্
07.2.07 তদ্বিশিষ্টবলাভাবে তং এবাশ্রিতঃ কোশদণ্ডভূমীনাং অন্যতমেনাস্য উপকর্তুং অদৃষ্টঃ প্রযতেত
07.2.08 মহাদোষো হি বিশিষ্টবলসমাগমো রাজ্ঞাং, অন্যত্রারিবিগৃহীতাত্
07.2.09 অশক্যে দণ্ড উপনতবদ্ বর্তেত
07.2.10 যদা চাস্য প্রাণহরং ব্যাধিং অন্তঃকোপং শত্রুবৃদ্ধিং মিত্রব্যসনং উপস্থিতং বা তন্নিমিত্তাং আত্মনশ্চ বৃদ্ধিং পশ্যেত্ তদা সম্ভাব্যব্যাধিধর্মকার্যাপদেশেনাপযাযাত্
07.2.11 স্ববিষযস্থো বা ন উপগচ্ছেত্
07.2.12 আসন্নো বাঽস্য চ্ছিদ্রেষু প্রহরেত্
07.2.13 বলীযসোর্বা মধ্যগতঃ ত্রাণসমর্থং আশ্রযেত, যস্য বাঽন্তর্ধিঃ স্যাত্, উভৌ বা
07.2.14 কপালসংশ্রযঃ তিষ্ঠেত্, মূলহরং ইতরস্য ইতরং অপদিশন্
07.2.15 ভেদং উভযোর্বা পরস্পরাপদেশং প্রযুঞ্জীত, ভিন্নযোরুপাংশুদণ্ডম্
07.2.16 পার্শ্বস্থো বা বলস্থযোরাসন্নভযাত্ প্রতিকুর্বীত
07.2.17 দুর্গাপাশ্রযো বা দ্বৈধীভূতঃ তিষ্ঠেত্
07.2.18 সন্ধিবিগ্রহক্রমহেতুভির্বা চেষ্টেত
07.2.19 দূষ্যামিত্রাটবিকান্ উভযোরুপগৃহ্ণীযাত্
07.2.20 এতযোরন্যতরং গচ্ছংঃ তৈরেবান্যতরস্য ব্যসনে প্রহরেত্
07.2.21 দ্বাভ্যাং উপহতো বা মণ্ডলাপাশ্রযঃ তিষ্ঠেত্, মধ্যমং উদাসীনং বা সংশ্রযেত
07.2.22 তেন সহ একং উপগৃহ্য ইতরং উচ্ছিন্দ্যাদ্, উভৌ বা
07.2.23 দ্বাভ্যাং উচ্ছিন্নো বা মধ্যম উদাসীনযোঃ তত্পক্ষীযাণাং বা রাজ্ঞাং ন্যাযবৃত্তিং আশ্রযেত
07.2.24 তুল্যানাং বা যস্য প্রকৃতযঃ সুখ্যেযুরেনং, যত্রস্থো বা শক্নুযাদ্ আত্মানং উদ্ধর্তুং, যত্র বা পূর্বপুরুষ উচিতা গতিরাসন্নঃ সম্বন্ধো বা, মিত্রাণি ভূযাংস্যতিশক্তিমন্তি বা ভবেযুঃ
07.2.25ab প্রিযো যস্য ভবেদ্ যো বা প্রিযোঽস্য কতরঃ তযোঃ |
07.2.25chd প্রিযো যস্য স তং গচ্ছেদ্ ইত্যাশ্রযগতিঃ পরা ( ইতি)

Chapt | সমহীনজ্যাযসাং গুণাভিনিবেশঃ – হীনসন্ধযঃ
07.3.01 বিজিগীষুঃ শক্ত্য্ঽপেক্ষঃ ষাড্গুণ্যং উপযুঞ্জীত
07.3.02 সমজ্যাযোভ্যাং সন্ধীযেত, হীনেন বিগৃহ্ণীযাত্
07.3.03 বিগৃহীতো হি জ্যাযসা হস্তিনা পাদযুদ্ধং ইবাভ্যুপৈতি
07.3.04 সমেন চামং পাত্রং আমেনাহতং ইব উভযতঃ ক্ষযং করোতি
07.3.05 কুম্ভেন ইবাশ্মা হীনেন একান্তসিদ্ধিং অবাপ্নোতি
07.3.06 জ্যাযাংশ্চেন্ন সন্ধিং ইচ্ছেদ্ দণ্ড উপনতবৃত্তং আবলীযসং বা যোগং আতিষ্ঠেত্
07.3.07 সমশ্চেন্ন সন্ধিং ইচ্ছেদ্ যাবন্মাত্রং অপকুর্যাত্ তাবন্মাত্রং অস্য প্রত্যপকুর্যাত্
07.3.08 তেজো হি সন্ধানকারণম্
07.3.09 নাতপ্তং লোহং লোহেন সন্ধত্ত ইতি
07.3.10 হীনশ্চেত্ সর্বত্রানুপ্রণতঃ তিষ্ঠেত্ সন্ধিং উপেযাত্
07.3.11 আরণ্যোঽগ্নিরিব হি দুঃখামর্ষজং তেজো বিক্রমযতি
07.3.12 মণ্ডলস্য চানুগ্রাহ্যো ভবতি
07.3.13 সংহিতশ্চেত্ পরপ্রকৃতযো লুব্ধক্ষীণাপচরিতাঃ প্রত্যাদানভযাদ্ বা ন উপগচ্ছন্তি ইতি পশ্যেদ্দ্ হীনোঽপি বিগৃহ্ণীযাত্
07.3.14 বিগৃহীতশ্চেত্ পরপ্রকৃতযো লুব্ধক্ষীণাপচরিতা বিগ্রহ উদ্বিগ্না বা মাং ন উপগচ্ছন্তি ইতি পশ্যেজ্ জ্যাযান্ অপি সন্ধীযেত, বিগ্রহ উদ্বেগং বা শমযেত্
07.3.15 ব্যসনযৌগপদ্যেঽপি গুরুব্যসনোঽস্মি, লঘুব্যসনঃ পরঃ সুখেন প্রতিকৃত্য ব্যসনং আত্মনোঽভিযুঞ্জ্যাদ্ ইতি পশ্যেজ্ জ্যাযান্ অপি সন্ধীযেত
07.3.16 সন্ধিবিগ্রহযোশ্চেত্ পরকর্শনং আত্ম উপচযং বা নাভিপশ্যেজ্ জ্যাযান্ অপ্যাসীত
07.3.17 পরব্যসনং অপ্রতিকার্যং চেত্ পশ্যেদ্দ্ হীনোঽপ্যভিযাযাত্
07.3.18 অপ্রতিকার্যাসন্নব্যসনো বা জ্যাযান্ অপি সংশ্রযেত
07.3.19 সন্ধিনা একতো বিগ্রহেণ একতশ্চেত্ কার্যসিদ্ধিং পশ্যেজ্ জ্যাযান্ অপি দ্বৈধীভূতঃ তিষ্ঠেত্
07.3.20 এবং সমস্য ষাড্গুণ্য উপযোগঃ
07.3.21 তত্র তু প্রতিবিশেষঃ
07.3.22ab প্রবৃত্তচক্রেণাক্রান্তো রাজ্ঞা বলবতাঽবলঃ |
07.3.22chd সন্ধিনা উপনমেত্ তূর্ণং কোশদণ্ডাত্মভূমিভিঃ
07.3.23ab স্বযং সঙ্খ্যাতদণ্ডেন দণ্ডস্য বিভবেন বা |
07.3.23chd উপস্থাতব্যং ইত্যেষ সন্ধিরাত্মামিষো মতঃ
07.3.24ab সেনাপতিকুমারাভ্যাং উপস্থাতব্যং ইত্যযম্ |
07.3.24chd পুরুষান্তরসন্ধিঃ স্যান্নাত্মনা ইত্যাত্মরক্ষণঃ
07.3.25ab একেনান্যত্র যাতব্যং স্বযং দণ্ডেন বা ইত্যযম্ |
07.3.25chd অদৃষ্টপুরুষঃ সন্ধির্দণ্ডমুখ্যাত্মরক্ষণঃ
07.3.26ab মুখ্যস্ত্রীবন্ধনং কুর্যাত্ পূর্বযোঃ পশ্চিমে ত্বরিম্ |
07.3.26chd সাধযেদ্ গূঢং ইত্যেতে দণ্ড উপনতসন্ধযঃ
07.3.27ab কোশদানেন শেষাণাং প্রকৃতীনাং বিমোক্ষণম্ |
07.3.27chd পরিক্রযো ভবেত্ সন্ধিঃ স এব চ যথাসুখম্
07.3.28ab স্কন্ধ উপনেযো বহুধা জ্ঞেযঃ সন্ধিরুপগ্রহঃ |
07.3.28chd নিরুদ্ধো দেশকালাভ্যাং অত্যযঃ স্যাদ্ উপগ্রহঃ
07.3.29ab বিষহ্যদানাদ্ আযত্যাং ক্ষমঃ স্ত্রীবন্ধনাদ্ অপি |
07.3.29chd সুবর্ণসন্ধির্বিশ্বাসাদ্ একীভাবগতো ভবেত্
07.3.30ab বিপরীতঃ কপালঃ স্যাদ্ অত্যাদানাভিভাষিতঃ |
07.3.30chd পূর্বযোঃ প্রণযেত্ কুপ্যং হস্ত্য্ঽশ্বং বা গরান্বিতম্
07.3.31ab তৃতীযে প্রণযেদ্ অর্থং কথযন্ কর্মণাং ক্ষযম্ |
07.3.31chd তিষ্ঠেচ্চতুর্থ ইত্যেতে কোশ উপনতসন্ধযঃ
07.3.32ab ভূম্য্.একদেশত্যাগেন শেষপ্রকৃতিরক্ষণম্ |
07.3.32chd আদিষ্টসন্ধিঃ তত্র ইষ্টো গূঢস্তেন উপঘাতিনঃ
07.3.33ab ভূমীনাং আত্তসারাণাং মূলবর্জং প্রণামনম্ |
07.3.33chd উচ্ছিন্নসন্ধিঃ তত্র ইষ্টঃ পরব্যসনকাঙ্ক্ষিণঃ
07.3.34ab ফলদানেন ভূমীনাং মোক্ষণং স্যাদ্ অবক্রযঃ |
07.3.34chd ফলাতিমুক্তো ভূমিভ্যঃ সন্ধিঃ স পরিদূষণঃ
07.3.35ab কুর্যাদ্ অবেক্ষণং পূর্বৌ পশ্চিমৌ ত্বাবলীযসম্ |
07.3.35chd আদায ফলং ইত্যেতে দেশ উপনতসন্ধযঃ
07.3.36ab স্বকার্যাণাং বশেন এতে দেশে কালে চ ভাষিতাঃ |
07.3.36chd আবলীযসিকাঃ কার্যাঃ ত্রিবিধা হীনসন্ধযঃ ( ইতি)

Chapt | বিগৃহ্যাসনং – সন্ধাযাসনং – বিগৃহ্যযানং – সন্ধাযযানং – সম্ভূযপ্রযাণম্
07.4.01 সন্ধিবিগ্রহযোরাসনং যানং চ ব্যাখ্যাতম্
07.4.02 স্থানং আসনং উপেক্ষণং চ ইত্যাসনপর্যাযাঃ
07.4.03 বিশেষঃ তু – গুণ একদেশে স্থানং, স্ববৃদ্ধিপ্রাপ্ত্য্ঽর্থং আসনং, উপাযানাং অপ্রযোগ উপেক্ষণম্
07.4.04 অতিসন্ধানকামযোররিবিজিগীষ্বোরুপহন্তুং অশক্তযোর্বিগৃহ্যাসনং সন্ধায বা
07.4.05 যদা বা পশ্যেত্ স্বদণ্ডৈর্মিত্রাটবীদণ্ডৈর্বা সমং জ্যাযাংসং বা কর্শযিতুং উত্সহে ইতি তদা কৃতবাহ্যাভ্যন্তরকৃত্যো বিগৃহ্যাসীত
07.4.06 যদা বা পশ্যেত্ উত্সাহযুক্তা মে প্রকৃতযঃ সংহতা বিবৃদ্ধাঃ স্বকর্মাণ্যব্যাহতাশ্চরিষ্যন্তি পরস্য বা কর্মাণ্যুপহনিষ্যন্তি ইতি তদা বিগৃহ্যাসীত
07.4.07a যদা বা পশ্যেত্ পরস্যাপচরিতাঃ ক্ষীণা লুব্ধাঃ স্বচক্রস্তেনাটবীব্যথিতা বা প্রকৃতযঃ স্বযং উপজাপেন বা মাং এষ্যন্তি, সম্পন্না মে বার্ত্তা, বিপন্না পরস্য, তস্য প্রকৃতযো দুর্ভিক্ষ উপহতা মাং এষ্যন্তি; বিপন্না মে বার্ত্তা, সম্পন্না পরস্য, –
07.4.07b তং মে প্রকৃতযো ন গমিষ্যন্তি, বিগৃহ্য চাস্য ধান্যপশুহিরণ্যান্যাহরিষ্যামি, স্বপণ্য উপঘাতীনি বা পরপণ্যানি নিবর্তযিষ্যামি, –
07.4.07ch পরবণিক্পথাদ্ বা সরবন্তি মাং এষ্যন্তি বিগৃহীতে, ন ইতরং, দূষ্যামিত্রাটবীনিগ্রহং বা বিগৃহীতো ন করিষ্যতি, তৈরেব বা বিগ্রহং প্রাপ্স্যতি, –
07.4.07d মিত্রং মে মিত্রভাব্যভিপ্রযাতো বহ্ব্ঽল্পকালং তনুক্ষযব্যযং অর্থং প্রাপ্স্যতি, গুণবতীং আদেযাং বা ভূমিং, –
07.4.07e সর্বসন্দোহেন বা মাং অনাদৃত্য প্রযাতুকামঃ কথং ন যাযাদ্ ইতি পরবৃদ্ধিপ্রতিঘাতার্থং প্রতাপার্থং চ বিগৃহ্যাসীত
07.4.08 তং এব হি প্রত্যাবৃত্তো গ্রসতে ইত্যাচার্যাঃ
07.4.09 ন ইতি কৌটিল্যঃ
07.4.10 কর্শনমাত্রং অস্য কুর্যাদ্ অব্যসনিনঃ, পরবৃদ্ধ্যা তু বৃদ্ধঃ সমুচ্ছেদনম্
07.4.11 এবং পরস্য যাতব্যোঽস্মৈ সাহায্যং অবিনষ্টঃ প্রযচ্ছেত্
07.4.12 তস্মাত্ সর্বসন্দোহপ্রকৃতং বিগৃহ্যাসীত
07.4.13 বিগৃহ্যাসনহেতুপ্রাতিলোম্যে সন্ধাযাসীত
07.4.14 বিগৃহ্যাসনহেতুভিরভ্যুচ্চিতঃ সর্বসন্দোহবর্জং বিগৃহ্য যাযাত্
07.4.15 যদা বা পশ্যেত্ ব্যসনী পরঃ, প্রকৃতিব্যসনং বাঽস্য শীষপ্রকৃতিভিরপ্রতিকার্যং, স্বচক্রপীডিতা বিরক্তা বাঽস্য প্রকৃতযঃ কর্শিতা নিরুত্সাহাঃ পরস্পরাদ্ বা ভিন্নাঃ শক্যা লোভযিতুং, অগ্ন্য্.উদকব্যাধিমরকদুর্ভিক্ষনিমিত্তং ক্ষীণযুগ্যপুরুষনিচযরক্ষাবিধানঃ পরঃ ইতি তদা বিগৃহ্য যাযাত্
07.4.16 যদা বা পশ্যেত্ মিত্রং আক্রন্দশ্চ মে শূরবৃদ্ধানুরক্তপ্রকৃতিঃ, বিপরীতপ্রকৃতিঃ পরঃ পার্ষ্ণিগ্রাহশ্চাসারশ্চ, শক্ষ্যামি মিত্রেণাসারং আক্রন্দেন পার্ষ্ণিগ্রাহং বা বিগৃহ্য যাতুম্ ইতি তদা বিগৃহ্য যাযাত্
07.4.17 যদা বা ফলং একহার্যং অল্পকালং পশ্যেত্ তদা পার্ষ্ণিগ্রাহাসারাভ্যাং বিগৃহ্য যাযাত্
07.4.18 বিপর্যযে সন্ধায যাযাত্
07.4.19 যদা বা পশ্যেত্ ন শক্যং একেন যাতুং অবশ্যং চ যাতব্যম্ ইতি তদা সমহীনজ্যাযোভিঃ সামবাযিকৈঃ সম্ভূয যাযাদ্, একত্র নির্দিষ্টেনাংশেন, অনেকত্রানির্দিষ্টেনাংশেন
07.4.20 তেষাং অসমবাযে দণ্ডং অন্যতমস্মান্নিবিষ্টাংশেন যাচেত
07.4.21 সম্ভূযাভিগমনেন বা নির্বিশ্যেত, ধ্রুবে লাভে নির্দিষ্টেনাংশেন, অধ্রুবে লাভাংশেন
07.4.22ab অংশো দণ্ডসমঃ পূর্বঃ প্রযাসসম উত্তমঃ |
07.4.22chd বিলোপো বা যথালাভং প্রক্ষেপসম এব বা ( ইতি)

Chapt | যাতব্যামিত্রযোরভিগ্রহচিন্তাঃ – ক্ষযলোভবিরাগহেতবঃ প্রকৃতীনাং – সামবাযিকবিপরিমর্শঃ
07.5.01 তুল্যসামন্তব্যসনে যাতব্যং অমিত্রং বা ইত্যমিত্রং অভিযাযাত্, তত্সিদ্ধৌ যাতব্যম্
07.5.02 অমিত্রসিদ্ধৌ হি যাতব্যঃ সাহায্যং দদ্যান্নামিত্রো যাতব্যসিদ্ধৌ
07.5.03 গুরুব্যসনং যাতব্যং লঘুব্যসনং অমিত্রং বা ইতি গুরুব্যসনং সৌকর্যতো যাযাদ্ ইত্যাচার্যাঃ
07.5.04 ন ইতি কৌটিল্যঃ
07.5.05 লঘুব্যসনং অমিত্রং যাযাত্
07.5.06 লঘ্বপি হি ব্যসনং অভিযুক্তস্য কৃচ্ছ্রং ভবতি
07.5.07 সত্যং গুর্বপি গুরুতরং ভবতি
07.5.08 অনভিযুক্তঃ তু লঘুব্যসনঃ সুখেন ব্যসনং প্রতিকৃত্যামিত্রো যাতব্যং অভিসরেত্, পার্ষ্ণিং বা গৃহ্ণীযাত্
07.5.09 যাতব্যযৌগপদ্যে গুরুব্যসনং ন্যাযবৃত্তিং লঘুব্যসনং অন্যাযবৃত্তিং বিরক্তপ্রকৃতিং বা ইতি বিরক্তপ্রকৃতিং যাযাত্
07.5.10 গুরুব্যসনং ন্যাযবৃত্তিং অভিযুক্তং প্রকৃতযোঽনুগৃহ্ণন্তি, লঘুব্যসনং অন্যাযবৃত্তিং উপেক্ষন্তে, বিরক্তা বলবন্তং অপ্যুচ্ছিন্দন্তি
07.5.11 তস্মাদ্ বিরক্তপ্রকৃতিং এব যাযাত্
07.5.12 ক্ষীণলুব্ধপ্রকৃতিং অপচরিতপ্রকৃতিং বা ইতি ক্ষীণলুব্ধপ্রকৃতিং যাযাত্, ক্ষীণলুব্ধা হি প্রকৃতযঃ সুখেন উপজাপং পীডাং বা উপগচ্ছন্তি, নাপচরিতাঃ প্রধানাবগ্রহসাধ্যাঃ ইত্যাচার্যাঃ
07.5.13 ন ইতি কৌটিল্যঃ
07.5.14 ক্ষীণলুব্ধা হি প্রকৃতযো ভর্তরি স্নিগ্ধা ভর্তৃহিতে তিষ্ঠন্তি, উপজাপং বা বিসংবাদযন্তি, অনুরাগে সার্বগুণ্যং ইতি
07.5.15 তস্মাদ্ অপচরিতপ্রকৃতিং এব যাযাত্
07.5.16 বলবন্তং অন্যাযবৃত্তিং দুর্বলং বা ন্যাযবৃত্তিং ইতি বলবন্তং অন্যাযবৃত্তিং যাযাত্
07.5.17 বলবন্তং অন্যাযবৃত্তিং অভিযুক্তং প্রকৃতযো নানুগৃহ্ণন্তি, নিষ্পাতযন্তি, অমিত্রং বাঽস্য ভজন্তে
07.5.18 দুর্বলং তু ন্যাযবৃত্তিং অভিযুক্তং প্রকৃতযঃ পরিগৃহ্ণন্তি, অনুনিষ্পতন্তি বা
07.5.19ab অবক্ষেপেণ হি সতাং অসতাং প্রগ্রহেণ চ |
07.5.19chd অভূতানাং চ হিংসানাং অধর্ম্যাণাং প্রবর্তনৈঃ
07.5.20ab উচিতানাং চরিত্রাণাং ধর্মিষ্ঠানাং নিবর্তনৈঃ |
07.5.20chd অধর্মস্য প্রসঙ্গেন ধর্মস্যাবগ্রহেণ চ
07.5.21ab অকার্যাণাং চ করণৈঃ কার্যাণাং চ প্রণাশনৈঃ |
07.5.21chd অপ্রদানৈশ্চ দেযানাং অদেযানাং চ সাধনৈঃ
07.5.22ab অদণ্ডনৈশ্চ দণ্ড্যানাং অদণ্ড্যানাং চ দণ্ডনৈঃ |
07.5.22chd অগ্রাহ্যাণাং উপগ্রাহৈর্গ্রাহ্যাণাং চানভিগ্রহৈঃ
07.5.23ab অনর্থ্যানাং চ করণৈরর্থ্যানাং চ বিঘাতনৈঃ |
07.5.23chd অরক্ষণৈশ্চ চোরেভ্যঃ স্বযং চ পরিমোষণৈঃ
07.5.24ab পাতৈঃ পুরুষকারাণাং কর্মণাং গুণদূষণৈঃ |
07.5.24chd উপঘাতৈঃ প্রধানানাং মান্যানাং চাবমাননৈঃ
07.5.25ab বিরোধনৈশ্চ বৃদ্ধানাং বৈষম্যেণানৃতেন চ |
07.5.25chd কৃতস্যাপ্রতিকারেণ স্থিতস্যাকরণেন চ
07.5.26ab রাজ্ঞঃ প্রমাদালস্যাভ্যাং যোগক্ষেমবধেন বা |
07.5.26chd প্রকৃতীনাং ক্ষযো লোভো বৈরাগ্যং চ উপজাযতে
07.5.27ab ক্ষীণাঃ প্রকৃতযো লোভং লুব্ধা যান্তি বিরাগতাম্ |
07.5.27chd বিরক্তা যান্ত্যমিত্রং বা ভর্তারং ঘ্নন্তি বা স্বযম্
07.5.28 তস্মাত্ প্রকৃতীনাং ক্ষযলোভবিরাগকারণানি ন উত্পাদযেত্, উত্পন্নানি বা সদ্যঃ প্রতিকুর্বীত
07.5.29 ক্ষীণা লুব্ধা বিরক্তা বা প্রকৃতয ইতি
07.5.30 ক্ষীণাঃ পীডন উচ্ছেদনভযাত্ সদ্যঃ সন্ধিং যুদ্ধং নিষ্পতনং বা রোচযন্তে
07.5.31 লুব্ধা লোভেনাসন্তুষ্টাঃ পর উপজাপং লিপ্সন্তে
07.5.32 বিরক্তাঃ পরাভিযোগং অভ্যুত্তিষ্ঠন্তে
07.5.33 তাসাং হিরণ্যধান্যক্ষযঃ সর্ব উপঘাতী কৃচ্ছ্রপ্রতীকারশ্চ, যুগ্যপুরুষক্ষযো হিরণ্যধান্যসাধ্যঃ
07.5.34 লোভ ঐকদেশিকো মুখ্যাযত্তঃ পরার্থেষু শক্যঃ প্রতিহন্তুং আদাতুং বা
07.5.35 বিরাগঃ প্রধানাবগ্রহসাধ্যঃ
07.5.36 নিষ্প্রধানা হি প্রকৃতযো ভোগ্যা ভবন্ত্যনুপজাপ্যাশ্চান্যেষাং, অনাপত্সহাঃ তু
07.5.37 প্রকৃতিমুখ্যপ্রগ্রহৈঃ তু বহুধা ভিন্না গুপ্তা ভবন্ত্যাপত্সহাশ্চ
07.5.38 সামবাযিকানাং অপি সন্ধিবিগ্রহকারণান্যবেক্ষ্য শক্তিশৌচযুক্তৈঃ সম্ভূয যাযাত্
07.5.39 শক্তিমান্ হি পার্ষ্ণিগ্রহণে যাত্রাসাহায্যদানে বা শক্তঃ, শুচিঃ সিদ্ধৌ চাসিদ্ধৌ চ যথাস্থিতকারী ইতি
07.5.40 তেষাং জ্যাযসা একেন দ্বাভ্যাং সমাভ্যাং বা সম্ভূয যাতব্যং ইতি দ্বাভ্যাং সমাভ্যাং শ্রেযঃ
07.5.41 জ্যাযসা হ্যবগৃহীতশ্চরতি, সমাভ্যাং অতিসন্ধানাধিক্যে বা
07.5.42 তৌ হি সুখৌ ভেদযিতুং, দুষ্টশ্চ একো দ্বাভ্যাং নিযন্তুং ভেদ উপগ্রহং চ উপগন্তুং ইতি
07.5.43 সমেন একেন দ্বাভ্যাং হীনাভ্যাং বা ইতি দ্বাভ্যাং হীনাভ্যাং শ্রেযঃ
07.5.44 তৌ হি দ্বিকার্যসাধকৌ বশ্যৌ চ ভবতঃ
07.5.45ab কার্যসিদ্ধৌ তু – কৃতার্থাজ্ জ্যাযসো গূঢঃ সাপদেশং অপস্রবেত্ |
07.5.45chd অশুচেঃ শুচিবৃত্তাত্ তু প্রতীক্ষেতা বিসর্জনাত্
07.5.46ab সত্ত্রাদ্ অপসরেদ্ যত্তঃ কলত্রং অপনীয বা |
07.5.46chd সমাদ্ অপি হি লব্ধার্থাদ্ বিশ্বঃ তস্য ভযং ভবেত্
07.5.47ab জ্যাযস্ত্বে চাপি লব্ধার্থঃ সমোঽপি পরিকল্পতে |
07.5.47chd অভ্যুচ্চিতশ্চাবিশ্বাস্যো বৃদ্ধিশ্চিত্তবিকারিণী
07.5.48ab বিশিষ্টাদ্ অল্পং অপ্যংশং লব্ধ্বা তুষ্টমুখো ব্রজেত্ |
07.5.48chd অনংশো বা ততোঽস্যাঙ্কে প্রহৃত্য দ্বিগুণং হরেত্
07.5.49ab কৃতার্থঃ তু স্বযং নেতা বিসৃজেত্ সামবাযিকান্ |
07.5.49chd অপি জীযেত ন জযেন্ মণ্ডল ইষ্টঃ তথা ভবেত্ ( ইতি)

Chapt | সংহিতপ্রযাণিকং – পরিপণিতাপরিপণিতাপসৃতাঃ সন্ধযঃ
07.6.01 বিজিগীষুর্দ্বিতীযাং প্রকৃতিং এবং অতিসন্দধ্যাত্
07.6.02 সামন্তং সংহিতপ্রযাণে যোজযেত্ ত্বং ইতো যাহি, অহং ইতো যাস্যামি, সমানো লাভঃ ইতি
07.6.03 লাভসাম্যে সন্ধিঃ, বৈষম্যে বিক্রমঃ
07.6.04 সন্ধিঃ পরিপণিতশ্চাপরিপণিতশ্চ
07.6.05 ত্বং এতং দেশং যাহি, অহং ইমং দেশং যাস্যামি ইতি পরিপণিতদেশঃ
07.6.06 ত্বং এতাবন্তং কালং চেষ্টস্ব, অহং এতাবন্তং কালং চেষ্টিষ্যে ইতি পরিপণিতকালঃ
07.6.07 ত্বং এতাবত্কার্যং সাধয, অহং ইদং কার্যং সাধযিষ্যামি ইতি পরিপণিতার্থঃ
07.6.08 যদি বা মন্যেত শৈলবননদীদুর্গং অটবীব্যবহিতং ছিন্নধান্যপুরুষবীবধাসারং অযবস ইন্ধন উদকং অবিজ্ঞাতং প্রকৃষ্টং অন্যভাবদেশীযং বা সৈন্যব্যাযামানাং অলব্ধভৌমং বা দেশং পরো যাস্যতি, বিপরীতং অহম্ ইত্যেতস্মিন্ বিশেষে পরিপণিতদেশং সন্ধিং উপেযাত্
07.6.09 যদি বা মন্যেত প্রবর্ষ উষ্ণশীতং অতিব্যাধিপ্রাযং উপক্ষীণাহার উপভোগং সৈন্যব্যাযামানাং চাউপরোধিকং কার্যসাধনানাং ঊনং অতিরিক্তং বা কালং পরশ্চেষ্টিষ্যতে, বিপরীতং অহম্ ইত্যেতস্মিন্ বিশেষে পরিপণিতকালং সন্ধিং উপেযাত্
07.6.10 যদি বা মন্যেত প্রত্যাদেযং প্রকৃতিকোপকং দীর্ঘকালং মহাক্ষযব্যযং অল্পং অনর্থানুবন্ধং অকল্যং অধর্ম্যং মধ্যম উদাসীনবিরুদ্ধং মিত্র উপঘাতকং বা কার্যং পরঃ সাধযিষ্যতি, বিপরীতং অহম্ ইত্যেতস্মিন্ বিশেষে পরিপণিতার্থং সন্ধিং উপেযাত্
07.6.11 এবং দেশকালযোঃ কালকার্যযোর্দেশকার্যযোর্দেশকালকার্যাণাং চাবস্থাপনাত্ সপ্তবিধঃ পরিপণিতঃ
07.6.12 তস্মিন্ প্রাগ্ এবারভ্য প্রতিষ্ঠাপ্য চ স্বকর্মাণি পরকর্মসু বিক্রমেত
07.6.13 ব্যসনত্বরাবমানালস্যযুক্তং অজ্ঞং বা শত্রুং অতিসন্ধাতুকামো দেশকালকার্যাণাং অনবস্থাপনাত্ সংহিতৌ স্বঃ ইতি সন্ধিবিশ্বাসেন পরচ্ছিদ্রং আসাদ্য প্রহরেদ্ ইত্যপরিপণিতঃ
07.6.14 তত্র এতদ্ ভবতি
07.6.15ab সামন্তেন এব সামন্তং বিদ্বান্ আযোজ্য বিগ্রহে |
07.6.15chd ততোঽন্যস্য হরেদ্ ভূমিং ছিত্ত্বা পক্ষং সমন্ততঃ
07.6.16 সন্ধেরকৃতচিকীর্ষা কৃতশ্লেষণং কৃতবিদূষণং অবশীর্ণক্রিযা চ
07.6.17 বিক্রমস্য প্রকাশযুদ্ধং কূটযুদ্ধং তূষ্ণীংযুদ্ধম্
07.6.18 ইতি সন্ধিবিক্রমৌ
07.6.19 অপূর্বস্য সন্ধেঃ সানুবন্ধৈঃ সামাদিভিঃ পর্যেষণং সমহীনজ্যাযসাং চ যথাবলং অবস্থাপনং অকৃতচিকীর্ষা
07.6.20 কৃতস্য প্রিযহিতাভ্যাং উভযতঃ পরিপালনং যথাসম্ভাষিতস্য চ নিবন্ধনস্যানুবর্তনং রক্ষণং চ কথং পরস্মান্ন ভিদ্যেত ইতি কৃতশ্লেষণম্
07.6.21 পরস্যাপসন্ধেযতাং দূষ্যাতিসন্ধানেন স্থাপযিত্বা ব্যতিক্রমঃ কৃতবিদূষণম্
07.6.22 ভৃত্যেন মিত্রেণ বা দোষাপসৃতেন প্রতিসন্ধানং অবশীর্ণক্রিযা
07.6.23 তস্যাং গতাগতশ্চতুর্বিধঃ – কারণাদ্ গতাগতো, বিপরীতঃ, কারণাদ্ গতোঽকারণাদ্ আগতো, বিপরীতশ্চ ইতি
07.6.24 স্বামিনো দোষেণ গতো গুণেনাগতঃ পরস্য গুণেন গতো দোষেণাগত ইতি কারণাদ্ গতাগতঃ সন্ধেযঃ
07.6.25 স্বদোষেণ গতাগতো গুণং উভযোঃ পরিত্যজ্য অকারণাদ্ গতাগতঃ চলবুদ্ধিরসন্ধেযঃ
07.6.26 স্বামিনো দোষেণ গতঃ পরস্মাত্ স্বদোষেণাগত ইতি কারণাদ্ গতোঽকারণাদ্ আগতঃ তর্কযিতব্যঃ পরপ্রযুক্তঃ স্বেন বা দোষেণাপকর্তুকামঃ, পরস্য উচ্ছেত্তারং অমিত্রং মে জ্ঞাত্বা প্রতিঘাতভযাদ্ আগতঃ, পরং বা মাং উচ্ছেত্তুকামং পরিত্যজ্যানৃশংস্যাদ্ আগতঃ ইতি
07.6.27 জ্ঞাত্বা কল্যাণবুদ্ধিং পূজযেদ্, অন্যথাবুদ্ধিং অপকৃষ্টং বাসযেত্
07.6.28 স্বদোষেণ গতঃ পরদোষেণাগত ইত্যকারণাদ্ গতঃ কারণাদ্ আগতঃ তর্কযিতব্যঃ ছিদ্রং মে পূরযিষ্যতি, উচিতোঽযং অস্য বাসঃ, পরত্রাস্য জনো ন রমতে, মিত্রৈর্মে সংহিতঃ, শত্রুভির্বিগৃহীতঃ, লুব্ধক্রূরাদ্ আবিগ্নঃ শত্রুসংহিতাদ্ বা পরস্মাত্ ইতি
07.6.29 জ্ঞাত্বা যথাবুদ্ধ্যবস্থাপযিতব্যঃ
07.6.30 কৃতপ্রণাশঃ শক্তিহানির্বিদ্যাপণ্যত্বং আশানির্বেদো দেশলৌল্যং অবিশ্বাসো বলবদ্বিগ্রহো বা পরিত্যাগস্থানম্ ইত্যাচার্যাঃ
07.6.31 ভযং অবৃত্তিরমর্ষ ইতি কৌটিল্যঃ
07.6.32 ইহাপকারী ত্যাজ্যঃ, পরাপকারী সন্ধেযঃ, উভযাপকারী তর্কযিতব্য ইতি সমানম্
07.6.33 অসন্ধেযেন ত্ববশ্যং সন্ধাতব্যে যতঃ প্রভাবঃ ততঃ প্রতিবিদধ্যাত্
07.6.34ab স উপকারং ব্যবহিতং গুপ্তং আযুঃক্ষযাদ্ ইতি |
07.6.34chd বাসযেদ্ অরিপক্ষীযং অবশীর্ণক্রিযাবিধৌ
07.6.35ab বিক্রমযেদ্ ভর্তরি বা সিদ্ধং বা দণ্ডচারিণম্
07.6.35chd কুর্যাদ্ অমিত্রাটবীষু প্রত্যন্তে বাঽন্যতঃ ক্ষিপেত্
07.6.36ab পণ্যং কুর্যাদ্ অসিদ্ধং বা সিদ্ধং বা তেন সংবৃতম্
07.6.36chd তস্য এব দোষেণাদূষ্য পরসন্ধেযকারণাত্
07.6.37ab অথ বা শমযেদ্ এনং আযত্য্ঽর্থং উপাংশুনা
07.6.37chd আযত্যাং চ বধপ্রেপ্সুং দৃষ্ট্বা হন্যাদ্ গতাগতম্
07.6.38ab অরিতোঽভ্যাগতো দোষঃ শত্রুসংবাসকারিতঃ
07.6.38chd সর্পসংবাসধর্মিত্বান্নিত্য উদ্বেগেন দূষিতঃ
07.6.39ab জাযতে প্লক্ষবীজাশাত্ কপোতাদ্ ইব শাল্মলেঃ
07.6.39chd উদ্বেগজননো নিত্যং পশ্চাদ্ অপি ভযাবহঃ
07.6.40ab প্রকাশযুদ্ধং নির্দিষ্টে দেশে কালে চ বিক্রমঃ
07.6.40chd বিভীষণং অবস্কন্দঃ প্রমাদব্যসনার্দনম্
07.6.41ab একত্র ত্যাগঘাতৌ চ কূটযুদ্ধস্য মাতৃকা
07.6.41chd যোগগূঢ উপজাপার্থং তূষ্ণীংযুদ্ধস্য লক্ষণম্ ( ইতি)

Chapt | দ্বৈধীভাবিকাঃ সন্ধিবিক্রমাঃ
07.7.01 বিজিগীষুর্দ্বিতীযাং প্রকৃতিং এবং উপগৃহ্ণীযাত্
07.7.02 সামন্তং সামন্তেন সম্ভূয যাযাত্, যদি বা মন্যেত পার্ষ্ণিং মে ন গ্রহীষ্যতি, পার্ষ্ণিগ্রাহং বারযিষ্যতি, যাতব্যং নাভিসরিষ্যতি, বলদ্বৈগুণ্যং মে ভবিষ্যতি, বীবধাসারৌ মে প্রবর্তযিষ্যতি, পরস্য বারযিষ্যতি, বহ্ব্ঽঅবাধে মে পথি কণ্টকান্ মর্দযিষ্যতি, দুর্গাটব্য্ঽপসারেষু দণ্ডেন চরিষ্যতি, যাতব্যং অবিষহ্যে দোষে সন্ধৌ বা
স্থাপযিষ্যতি, লব্ধলাভাংশো বা শত্রূন্ অন্যান্ মে বিশ্বাসযিষ্যতি ইতি
07.7.03 দ্বৈধীভূতো বা কোশেন দণ্ডং দণ্ডেন কোশং সামন্তানাং অন্যতমাল্লিপ্সেত
07.7.04 তেষাং জ্যাযসোঽধিকেনাংশেন সমাত্ সমেন হীনাদ্দ্ হীনেন ইতি সমসন্ধিঃ
07.7.05 বিপর্যযে বিষমসন্ধিঃ
07.7.06 তযোর্বিশেষলাভাদ্ অতিসন্ধিঃ
07.7.07 ব্যসনিনং অপাযস্থানে সক্তং অনর্থিনং বা জ্যাযাংসং হীনো বলসমেন লাভেন পণেত
07.7.08 পণিতঃ তস্যাপকারসমর্থো বিক্রমেত, অন্যথা সন্দধ্যাত্
07.7.09 এবম্ভূতো বা হীনশক্তিপ্রতাপপূরণার্থং সম্ভাব্যার্থাভিসারী মূলপার্ষ্ণিত্রাণার্থং বা জ্যাযাংসং হীনো বলসমাদ্ বিশিষ্টেন লাভেন পণেত
07.7.10 পণিতঃ কল্যাণবুদ্ধিং অনুগৃহ্ণীযাত্, অন্যথা বিক্রমেত
07.7.11 জাতব্যসনপ্রকৃতিরন্ধ্রং উপস্থিতানর্থং বা জ্যাযাংসং হীনো দুর্গমিত্রপ্রতিষ্টব্ধো বা হ্রস্বং অধ্বানং যাতুকামঃ শত্রুং অযুদ্ধং একান্তসিদ্ধিং বা লাভং আদাতুকামো বলসমাদ্দ্ হীনেন লাভেন পণেত
07.7.12 পণিতঃ তস্যাপকারসমর্থো বিক্রমেত, অন্যথা সন্দধ্যাত্
07.7.13 অরন্ধ্রব্যসনো বা জ্যাযান্ দুর্ঽঅরব্ধকর্মাণং ভূযঃ ক্ষযব্যযাভ্যাং যোক্তুকামো দূষ্যদণ্ডং প্রবাসযিতুকামো দূষ্যদণ্ডং আবাহযিতুকামো বা পীডনীযং উচ্ছেদনীযং বা হীনেন ব্যথযিতুকামঃ সন্ধিপ্রধানো বা কল্যাণবুদ্ধির্হীনং লাভং প্রতিগৃহ্ণীযাত্
07.7.14 কল্যাণবুদ্ধিনা সম্ভূযার্থং লিপ্সেত, অন্যথা বিক্রমেত
07.7.15 এবং সমঃ সমং অতিসন্দধ্যাদ্ অনুগৃহ্ণীযাদ্ বা
07.7.16 পরানীকস্য প্রত্যনীকং মিত্রাটবীনাং বা, শত্রোর্বিভূমীনাং দেশিকং মূলপার্ষ্ণিত্রাণার্থং বা সমো বলসমেন লাভেন পণেত
07.7.17 পণিতঃ কল্যাণবুদ্ধিং অনুগৃহ্ণীযাত্, অন্যথা বিক্রমেত
07.7.18 জাতব্যসনপ্রকৃতিরন্ধ্রং অনেকবিরুদ্ধং অন্যতো লভমানো বা সমো বলসমাদ্দ্ হীনেন লাভেন পণেত
07.7.19 পণিতঃ তস্যাপকারসমর্থো বিক্রমেত, অন্যথা সন্দধ্যাত্
07.7.20 এবম্ভূতো বা সমঃ সামন্তাযত্তকার্যঃ কর্তব্যবলো বা বলসমাদ্ বিশিষ্টেন লাভেন পণেত
07.7.21 পণিতঃ কল্যাণবুদ্ধিং অনুগৃহ্ণীযাত্ অন্যথা বিক্রমেত
07.7.22 জাতব্যসনপ্রকৃতিরন্ধ্রং অভিহন্তুকামঃ স্ব্ঽঅরব্ধং একান্তসিদ্ধিং বাঽস্য কর্ম উপহন্তুকামো মূলে যাত্রাযাং বা প্রহর্তুকামো যাতব্যাদ্ভূযো লভমানো বা জ্যাযাংসং হীনং সমং বা ভূযো যাচেত
07.7.23 ভূযো বা যাচিতঃ স্ববলরক্ষাঽর্থং দুর্ধর্ষং অন্যদুর্গং আসারং অটবীং বা পরদণ্ডেন মর্দিতুকামঃ প্রকৃষ্টেঽধ্বনি কালে বা পরদণ্ডং ক্ষযব্যযাভ্যাং যোক্তুকামঃ পরদণ্ডেন বা বিবৃদ্ধঃ তং এব উচ্ছেত্তুকামঃ পরদণ্ডং আদাতুকামো বা ভূযো দদ্যাত্
07.7.24 জ্যাযান্ বা হীনং যাতব্যাপদেশেন হস্তে কর্তুকামঃ পরং উচ্ছিদ্য বা তং এব উচ্ছেত্তুকামঃ, ত্যাগং বা কৃত্বা প্রত্যাদাতুকামো বলসমাদ্ বিশিষ্টেন লাভেন পণেত
07.7.25 পণিতঃ তস্যাপকারসমর্থো বিক্রমেত, অন্যথা সন্দধ্যাত্
07.7.26 যাতব্যসংহিতো বা তিষ্ঠেত্, দূষ্যামিত্রাটবীদণ্ডং বাঽস্মৈ দদ্যাত্
07.7.27 জাতব্যসনপ্রকৃতিরন্ধ্রো বা জ্যাযান্ হীনং বলসমেন লাভেন পণেত
07.7.28 পণিতঃ তস্যাপকারসমর্থো বিক্রমেত, অন্যথা সন্দধ্যাত্
07.7.29 এবম্ভূতং হীনং জ্যাযান্ বলসমাদ্দ্ হীনেন লাভেন পণেত
07.7.30 পণিতঃ তস্যাপকারসমর্থো বিক্রমেত, অন্যথা সন্দধ্যাত্
07.7.31ab আদৌ বুধ্যেত পণিতঃ পণমানশ্চ কারণম্
07.7.31chd ততো বিতর্ক্য উভযতো যতঃ শ্রেযশ্ততো ব্রজেত্ ( ইতি)

Chapt | যাতব্যবৃত্তিঃ – অনুগ্রাহ্যমিত্রবিশেষাঃ
07.8.01 যাতব্যোঽভিযাস্যমানঃ সন্ধিকারণং আদাতুকামো বিহন্তুকামো বা সামবাযিকানাং অন্যতমং লাভদ্বৈগুণ্যেন পণেত
07.8.02 পণমানঃ ক্ষযব্যযপ্রবাসপ্রত্যবাযপর উপকারশরীরাবাধাংশ্চাস্য বর্ণযেত্
07.8.03 প্রতিপন্নং অর্থেন যোজযেত্
07.8.04 বৈরং বা পরৈর্গ্রাহযিত্বা বিসংবাদযেত্
07.8.05 দুরারব্ধকর্মাণং ভূযঃ ক্ষযব্যযাভ্যাং যোক্তুকামঃ স্ব্ঽঅরব্ধাং বা যাত্রাসিদ্ধিং বিঘাতযিতুকামো মূলে যাত্রাযাং বা প্রহর্তুকামো যাতব্যসংহিতঃ পুনর্যাচিতুকামঃ প্রত্যুত্পন্নার্থকৃচ্ছ্রঃ তস্মিন্ন্ অবিশ্বস্তো বা তদাত্বে লাভং অল্পং ইচ্ছেত্, আযত্যাং প্রভূতম্
07.8.06 মিত্র উপকারং অমিত্র উপঘাতং অর্থানুবন্ধং অবেক্ষমাণঃ পূর্ব উপকারকং কারযিতুকামো ভূযঃ তদাত্বে মহান্তং লাভং উত্সৃজ্যাযত্যাং অল্পং ইচ্ছেত্
07.8.07 দূষ্যামিত্রাভ্যাং মূলহরেণ বা জ্যাযসা বিগৃহীতং ত্রাতুকামঃ তথাবিধং উপকারং কারযিতুকামঃ সম্বন্ধাবেক্ষী বা তদাত্বে চাযত্যাং চ লাভং ন প্রতিগৃহ্ণীযাত্
07.8.08 কৃতসন্ধিরতিক্রমিতুকামঃ পরস্য প্রকৃতিকর্শনং মিত্রামিত্রসন্ধিবিশ্লেষণং বা কর্তুকামঃ পরাভিযোগাত্শঙ্কমানো লাভং অপ্রাপ্তং অধিকং বা যাচেত
07.8.09 তং ইতরঃ তদাত্বে চাযত্যাং চ ক্রমং অবেক্ষেত
07.8.10 তেন পূর্বে ব্যাখ্যাতাঃ
07.8.11 অরিবিজিগীষ্বোঃ তু স্বং স্বং মিত্রং অনুগৃহ্ণতোঃ শক্যকল্যভব্যারম্ভিস্থিরকর্মানুরক্তপ্রকৃতিভ্যো বিশেষঃ
07.8.12 শক্যারম্ভী বিষহ্যং কর্মারভতে, কল্যারম্ভী নির্দোষং, ভব্যারম্ভী কল্যাণ উদযম্
07.8.13 স্থিরকর্মা নাসমাপ্য কর্ম উপরমতে
07.8.14 অনুরক্তপ্রকৃতিঃ সুসহাযত্বাদ্ অল্পেনাপ্যনুগ্রহেণ কার্যং সাধযতি
07.8.15 ত এতে কৃতার্থাঃ সুখেন প্রভূতং চ উপকুর্বন্তি
07.8.16 অতঃ প্রতিলোমা নানুগ্রাহ্যাঃ
07.8.17 তযোরেকপুরুষানুগ্রহে যো মিত্রং মিত্রতরং বাঽনুগৃহ্ণাতি সোঽতিসন্ধত্তে
07.8.18 মিত্রাদ্ আত্মবৃদ্ধিং হি প্রাপ্নোতি, ক্ষযব্যযপ্রবাসপর উপকারান্ ইতরঃ
07.8.19 কৃতার্থশ্চ শত্রুর্বৈগুণ্যং এতি
07.8.20 মধ্যমং ত্বনুগৃহ্ণতোর্যো মধ্যমং মিত্রং মিত্রতরং বাঽনুগৃহ্ণাতি সোঽতিসন্ধত্তে
07.8.21 মিত্রাদ্ আত্মবৃদ্ধিং হি প্রাপ্নোতি, ক্ষযব্যযপ্রবাসপর উপকারান্ ইতরঃ
07.8.22 মধ্যমশ্চেদ্ অনুগৃহীতো বিগুণঃ স্যাদ্ অমিত্রোঽতিসন্ধত্তে
07.8.23 কৃতপ্রযাসং হি মধ্যমামিত্রং অপসৃতং একার্থ উপগতং প্রাপ্নোতি
07.8.24 তেন উদাসীনানুগ্রহো ব্যাখ্যাতঃ
07.8.25 মধ্যম উদাসীনযোর্বলাংশদানে যঃ শূরং কৃতাস্ত্রং দুঃখসহং অনুরক্তং বা দণ্ডং দদাতি সোঽতিসন্ধীযতে
07.8.26 বিপরীতোঽতিসন্ধত্তে
07.8.27 যত্র তু দণ্ডঃ প্রহিতঃ তং বা চার্থং অন্যাংশ্চ সাধযতি তত্র মৌলভৃতশ্রেণীমিত্রাটবীবলানাং অন্যতমং উপলব্ধদেশকালং দণ্ডং দদ্যাত্, অমিত্রাটবীবলং বা ব্যবহিতদেশকালম্
07.8.28 যং তু মন্যেত কৃতার্থো মে দণ্ডং গৃহ্ণীযাদ্, অমিত্রাটব্য্ঽভূম্য্ঽনৃতুষু বা বাসযেদ্, অফলং বা কুর্যাদ্ ইতি, দণ্ডব্যাসঙ্গাপদেশেন ন এনং অনুগৃহ্ণীযাত্
07.8.29 এবং অবশ্যং ত্বনুগ্রহীতব্যে তত্কালসহং অস্মৈ দণ্ডং দদ্যাত্
07.8.30 আসমাপ্তেশ্চ এনং বাসযেদ্ যোধযেচ্চ বলব্যসনেভ্যশ্চ রক্ষেত্
07.8.31 কৃতার্থাচ্চ সাপদেশং অপস্রাবযেত্
07.8.32 দূষ্যামিত্রাটবীদণ্ডং বাঽস্মৈ দদ্যাত্
07.8.33 যাতব্যেন বা সন্ধায এনং অতিসন্দধ্যাত্
07.8.34ab সমে হি লাভে সন্ধিঃ স্যাদ্ বিষমে বিক্রমো মতঃ
07.8.34chd সমহীনবিশিষ্টানাং ইত্যুক্তাঃ সন্ধিবিক্রমাঃ ( ইতি)

Chapt | মিত্রহিরণ্যভূমিকর্মসন্ধযঃ, তত্র মিত্রসন্ধিঃ হিরণ্যসন্ধিশ্চ
07.9.01 সংহিতপ্রযাণে মিত্রহিরণ্যভূমিলাভানাং উত্তর উত্তরো লাভঃ শ্রেযান্
07.9.02 মিত্রহিরণ্যে হি ভূমিলাভাদ্ ভবতঃ, মিত্রং হিরণ্যলাভাত্
07.9.03 যো বা লাভঃ সিদ্ধঃ শেষযোরন্যতরং সাধযতি
07.9.04 ত্বং চাহং চ মিত্রং লভাবহে ইত্যেবংঽঅদিদঃ সমসন্ধিঃ
07.9.05 ত্বং মিত্রম্ ইত্যেবংঽঅদির্বিষমসন্ধিঃ
07.9.06 তযোর্বিশেষলাভাদ্ অতিসন্ধিঃ
07.9.07 সমসন্ধৌ তু যঃ সম্পন্নং মিত্রং মিত্রকৃচ্ছ্রে বা মিত্রং অবাপ্নোতি সোঽতিসন্ধত্তে
07.9.08 আপদ্দ্ হি সৌহৃদস্থৈর্যং উত্পাদযতি
07.9.09 মিত্রকৃচ্ছ্রেঽপি নিত্যং অবশ্যং অনিত্যং বশ্যং বা ইতি নিত্যং অবশ্যং শ্রেযঃ, তদ্দ্ হি অনুপকুর্বদ্ অপি নাপকরোতি ইত্যাচার্যাঃ
07.9.10 ন ইতি কৌটিল্যঃ
07.9.11 বশ্যং অনিত্যং শ্রেযঃ
07.9.12 যাবদ্ উপকরোতি তাবন্ মিত্রং ভবতি, উপকারলক্ষণং মিত্রং ইতি
07.9.13 বশ্যযোরপি মহাভোগং অনিত্যং অল্পভোগং বা নিত্যং ইতি মহাভোগং অনিত্যং শ্রেযঃ, মহাভোগং অনিত্যং অল্পকালেন মহদ্.উপকুর্বন্ মহান্তি ব্যযস্থানানি প্রতিকরোতি ইত্যাচার্যাঃ ||
07.9.14 ন ইতি কৌটিল্যঃ
07.9.15 নিত্যং অল্পভোগং শ্রেযঃ
07.9.16 মহাভোগং অনিত্যং উপকারভযাদ্ অপক্রামতি, উপকৃত্য বা প্রত্যাদাতুং ঈহতে
07.9.17 নিত্যং অল্পভোগং সাতত্যাদ্ অল্পং উপকুর্বন্ মহতা কালেন মহদ্ উপকরোতি
07.9.18 গুরুসমুত্থং মহন্ মিত্রং লঘুসমুত্থং অল্পং বা ইতি গুরুসমুত্থং মহন্ মিত্রং প্রতাপকরং ভবতি, যদা চ উত্তিষ্ঠতে তদা কার্যং সাধযতি ইত্যাচার্যাঃ
07.9.19 ন ইতি কৌটিল্যঃ
07.9.20 লঘুসমুত্থং অল্পং শ্রেযঃ
07.9.21 লগুসমুত্থং অল্পং মিত্রং কার্যকালং নাতিপাতযতি দৌর্বল্যাচ্চ যথা ইষ্টভোগ্যং ভবতি, ন ইতরত্ প্রকৃষ্টভৌমম্
07.9.22 বিক্ষিপ্তসৈন্যং অবশ্যসৈন্যং বা ইতি বিক্ষিপ্তং সৈন্যং শক্যং প্রতিসংহর্তুং বশ্যত্বাদ্ ইত্যাচার্যাঃ
07.9.23 ন ইতি কৌটিল্যঃ
07.9.24 অবশ্যসৈন্যং শ্রেযঃ
07.9.25 অবশ্যং হি শক্যং সামাদিভির্বশ্যং কর্তুং, ন ইতরত্ কার্যব্যাসক্তং প্রতিসংহর্তুম্
07.9.26 পুরুষভোগং হিরণ্যভোগং বা মিত্রং ইতি পুরুষভোগং মিত্রং শ্রেযঃ, প্রুষভোগং মিত্রং প্রতাপকরং ভবতি, যদা চ উত্তিষ্ঠতে তদা কার্যং সাধযতি ইত্যাচার্যাঃ
07.9.27 ন ইতি কৌটিল্যঃ
07.9.28 হিরণ্যভোগং মিত্রং শ্রেযঃ
07.9.29 নিত্যো হি হিরণ্যেন যোগঃ কদাচিদ্ দণ্ডেন
07.9.30 দণ্ডশ্চ হিরণ্যেনান্যে চ কামাঃ প্রাপ্যন্ত ইতি
07.9.31 হিরণ্যভোগং ভূমিভোগং বা মিত্রং ইতি হিরণ্যভোগং গতিমত্ত্বাত্ সর্বব্যযপ্রতীকারকরম্ ইত্যাচার্যাঃ
07.9.32 ন ইতি কৌটিল্যঃ
07.9.33 মিত্রহিরণ্যে হি ভূমিলাভাদ্ ভবত ইত্যুক্তং পুরস্তাদ্
07.9.34 তস্মাদ্ ভূমিভোগং মিত্রং শ্রেয ইতি
07.9.35 তুল্যে পুরুষভোগে বিক্রমঃ ক্লেশসহত্বং অনুরাগঃ সর্ববললাভো বা মিত্রকুলাদ্ বিশেষঃ
07.9.36 তুল্যে হিরণ্যভোগে প্রার্থিতার্থতা প্রাভূত্যং অল্পপ্রযসতা সাতত্যং চ বিশেষঃ
07.9.37 তত্র এতদ্ ভবতি
07.9.38ab নিত্যং বশ্যং লঘু.উত্থানং পিতৃপৈতামহং মহত্ |
07.9.38chd অদ্বৈধ্যং চ ইতি সম্পন্নং মিত্রং ষড্গুণং উচ্যতে
07.9.39ab ঋতে যদ্ অর্থং প্রণযাদ্ রক্ষ্যতে যচ্চ রক্ষতি |
07.9.39chd পূর্ব উপচিতসম্বন্ধং তন্ মিত্রং নিত্যং উচ্যতে
07.9.40ab সর্বচিত্রমহাভোগং ত্রিবিধং বশ্যং উচ্যতে |
07.9.40chd একতোভোগ্যুভযতঃ সর্বতোভোগি চাপরম্
07.9.41ab আদাতৃ বা দাত্র্ঽপি বা জীবত্যরিষু হিংসযা |
07.9.41chd মিত্রং নিত্যং অবশ্যং তদ্দুর্গাটব্য্ঽপসারি চ
07.9.42ab অন্যতো বিগৃহীতং যল্লঘুব্যসনং এব বা |
07.9.42chd সন্ধত্তে চ উপকারায তন্ মিত্রং বশ্যং অধ্রুবম্
07.9.43ab একার্থেনাথ সম্বদ্ধং উপকার্যবিকারি চ |
07.9.43chd মিত্রভাবি ভবত্যেতন্ মিত্রং অদ্বৈধ্যং আপদি
07.9.44ab মিত্রভাবাদ্ ধ্রুবং মিত্রং শত্রুসাধারণাচ্চলম্ |
07.9.44chd ন কস্যচিদ্ উদাসীনং দ্বযোরুভযভাবি তত্
07.9.45ab বিজিগীষোরমিত্রং যন্ মিত্রং অন্তর্ধিতাং গতম্ |
07.9.45chd উপকারেঽনিবিষ্টং বাঽশক্তং বাঽনুপকারি তত্
07.9.46ab প্রিযং পরস্য বা রক্ষ্যং পূজ্যং সম্বদ্ধং এব বা |
07.9.46chd অনুগৃহ্ণাতি যন্ মিত্রং শত্রুসাধারণং হি তত্
07.9.47ab প্রকৃষ্টভৌমং সন্তুষ্টং বলবচ্চালসং চ যত্ |
07.9.47chd উদাসীনং ভবত্যেতদ্ ব্যসনাদ্ অবমানিতম্
07.9.48ab অরের্নেতুশ্চ যদ্ বৃদ্ধিং দৌর্বল্যাদ্ অনুবর্ততে |
07.9.48chd উভযস্যাপ্যবিদ্বিষ্টং বিদ্যাদ্ উভযভাবি তত্
07.9.49ab কারণাকারণধ্বস্তং কারণাকারণাগতম্ |
07.9.49chd যো মিত্রং সমুপেক্ষেত স মৃত্যুং উপগূহতি
07.9.50 ক্ষিপ্রং অল্পো লাভশ্চিরান্ মহান্ ইতি বা ক্ষিপ্রং অল্পো লাভঃ কার্যদেশকালসংবাদকঃ শ্রেযান্ ইত্যাচার্যাঃ
07.9.51 ন ইতি কৌটিল্যঃ
07.9.52 চিরাদ্ অবিনিপাতী বীজসধর্মা মহাম্ল্লাভঃ শ্রেযান্, বিপর্যযে পূর্বঃ
07.9.53ab এবং দৃষ্ট্বা ধ্রুবে লাভে লাভাংশে চ গুণ উদযম্ |
07.9.53chd স্বার্থসিদ্ধিপরো যাযাত্ সংহিতঃ সামবাযিকৈঃ ( ইতি)

Chapt | মিত্রহিরণ্যভূমিকর্মসন্ধযঃ, তত্র ভূমিসন্ধিঃ
07.10.01 ত্বং চাহং চ ভূমিং লভাবহে ইতি ভূমিসন্ধিঃ
07.10.02 তযোর্যঃ প্রত্যুপস্থিতার্থঃ সম্পন্নাং ভূমিং অবাপ্নোতি সোঽতিসন্ধত্তে
07.10.03 তুল্যে সম্পন্নালাভে যো বলবন্তং আক্রম্য ভূমিং অবাপ্নোতি সোঽতিসন্ধত্তে
07.10.04 ভূমিলাভং শত্রুকর্শনং প্রতাপং চ হি প্রাপ্নোতি
07.10.05 দুর্বলাদ্ভূমিলাভে সত্যং সৌকর্যং ভবতি
07.10.06 দুর্বল এব চ ভূমিলাভঃ, তত্সামন্তশ্চ মিত্রং অমিত্রভাবং গচ্ছতি
07.10.07 তুল্যে বলীযস্ত্বে যঃ স্থিতশত্রুং উত্পাট্য ভূমিং অবাপ্নোতি সোঽতিসন্ধত্তে
07.10.08 দুর্গাবাপ্তির্হি স্বভূমিরক্ষণং অমিত্রাটবীপ্রতিষেধং চ করোতি
07.10.09 চলামিত্রাদ্ভূমিলাভে শক্যসামন্ততো বিশেষঃ
07.10.10 দুর্বলসামন্তা হি ক্ষিপ্রাপ্যাযনযোগক্ষেমা ভবতি
07.10.11 বিপরীতা বলবত্ সামন্তা কোশদণ্ডাবচ্ছেদনী চ ভূমির্ভবতি
07.10.12 সম্পন্না নিত্যামিত্রা মন্দগুণা বা ভূমিরনিত্যামিত্রা ইতি সম্পন্না নিত্যামিত্রা শ্রেযসী ভূমিঃ সম্পন্না হি কোশদণ্ডৌ সম্পাদযতি, তৌ চামিত্রপ্রতিঘাতকৌ ইত্যাচার্যাঃ
07.10.13 ন ইতি কৌটিল্যঃ
07.10.14 নিত্যামিত্রালাভে ভূযান্ শত্রুলাভো ভবতি
07.10.15 নিত্যশ্চ শত্রুরুপকৃতে চাপকৃতে চ শত্রুরেব ভবতি, অনিত্যঃ তু শত্রুরুপকারাদ্ অনপকারাদ্ বা শাম্যতি
07.10.16 যস্যা হি ভূমের্বহুদুর্গাশ্চোরগণৈর্ম্লেচ্ছাটবীভির্বা নিত্যাবিরহিতাঃ প্রত্যন্তাঃ সা নিত্যামিত্রা, বিপর্যযে ত্বনিত্যামিত্রা
07.10.17 অল্পা প্রত্যাসন্না মহতী ব্যবহিতা বা ভূমিরিতি অল্পা প্রত্যাসন্না শ্রেযসী
07.10.18 সুখা হি প্রাপ্তুং পালযিতুং অভিসারযিতুং চ ভবতি
07.10.19 বিপরীতা ব্যবহিতা
07.10.20 ব্যবহিতযোরপি দণ্ডধারণাঽঽত্মধারণা বা ভূমিরিতি আত্মধারণা শ্রেযসী
07.10.21 সা হি স্বসমুত্থাভ্যাং কোশদণ্ডাভ্যাং ধার্যতে
07.10.22 বিপরীতা দণ্ডধারণা দণ্ডস্থানম্
07.10.23 বালিশাত্ প্রাজ্ঞাদ্ বা ভূমিলাভ ইতি বালিশাদ্ভূমিলাভঃ শ্রেযান্
07.10.24 সুপ্রাপ্যাঽনুপাল্যা হি ভবতি, অপ্রত্যাদেযা চ
07.10.25 বিপরীতা প্রাজ্ঞাদ্ অনুরক্তা
07.10.26 পীডনীয উচ্ছেদনীযযোরুচ্ছেদনীযাদ্ ভূমিলাভঃ শ্রেযান্
07.10.27 উচ্ছেদনীযো হ্যনপাশ্রযো দুর্বলাপাশ্রযো বাঽভিযুক্তঃ কোশদণ্ডাবাদাযাপসর্তুকামঃ প্রকৃতিভিঃ ত্যজ্যতে, ন পীডনীযো দুর্গমিত্রপ্রতিষ্টব্ধঃ
07.10.28 দুর্গপ্রতিষ্টব্ধযোরপি স্থলনদীদুর্গীযাভ্যাং স্থলদুর্গীযাদ্ ভূমিলাভঃ শ্রেযান্
07.10.29 স্থালেযং হি সুরোধাবমর্দাবস্কন্দং অনিহ্শ্রাবিশত্রু চ
07.10.30 নদীদুর্গং তু দ্বিগুণক্লেশকরং, উদকং চ পাতব্যং বৃত্তিকরং চামিত্রস্য
07.10.31 নদীপর্বতদুর্গীযাভ্যাং নদীদুর্গীযাদ্ ব্ভূমিলাভঃ শ্রেযান্
07.10.32 নদীদুর্গং হি হস্তিস্তম্ভসঙ্ক্রমসেতুবন্ধনৌভিঃ সাধ্যং অনিত্যগাম্ভীর্যং অবস্রাব্যুদকং চ
07.10.33 পার্বতং তু স্ব্ঽঅরক্ষং দুরুপরোধি কৃচ্ছ্রারোহণং, ভগ্নে চ একস্মিন্ন সর্ববধঃ, শিলাবৃক্ষপ্রমোক্ষশ্চ মহাঽপকারিণাম্
07.10.34 নিম্নস্থলযোধিভ্যো নিম্নযোধিভ্যো ভূমিলাভঃ শ্রেযান্
07.10.35 নিম্নযোধিনো হ্যুপরুদ্ধদেশকালাঃ, স্থলযোধিনঃ তু সর্বদেশকালযোধিনঃ
07.10.36 খনকাকাশযোধিভ্যঃ খনকেভ্যো ভূমিলাভঃ শ্রেযান্
07.10.37 খনকা হি খাতেন শস্ত্রেণ চ উভযথা যুধ্যন্তে, শস্ত্রেণ এবাকাশযোধিনঃ
07.10.38ab এবংবিধ্যেভ্যঃ পৃথিবীং লভমানোঽর্থশাস্ত্রবিত্ |
07.10.38chd সংহিতেভ্যঃ পরেভ্যশ্চ বিশেষং অধিগচ্ছতি ( ইতি)

Chapt | মিত্রহিরণ্যভূমিকর্মসংধযঃ – তত্র অনবসিতসংধিঃ
07.11.01 ত্বং চাহং চ শূন্যং নিবেশযাবহে ইত্যনবসিতসন্ধিঃ
07.11.02 তযোর্যঃ প্রত্যুপস্থিতার্থো যথা উক্তগুণাং ভূমিং নিবেশযতি সোঽতিসন্ধত্তে
07.11.03 তত্রাপি স্থলং ঔদকং বা ইতি মহতঃ স্থলাদ্ অল্পং ঔদকং শ্রেযঃ, সাতত্যাদ্ অবস্থিতত্বাচ্চ ফলানাম্
07.11.04 স্থলযোরপি প্রভূতপূর্বাপরসস্যং অল্পবর্ষপাকং অসক্তারম্ভং শ্রেযঃ
07.11.05 ঔদকযোরপি ধান্যবাপং অধান্যবাপাত্শ্রেযঃ
07.11.06 তযোরল্পবহুত্বে ধান্যকান্তাদ্ অল্পান্ মহদ্ অধান্যকান্তং শ্রেযঃ
07.11.07 মহত্যবকাশে হি স্থাল্যাশ্চানূপ্যাশ্চোষধযো ভবন্তি
07.11.08 দুর্গাদীনি চ কর্মাণি প্রভূত্যেন ক্রিযন্তে
07.11.09 কৃত্রিমা হি ভূমিগুণাঃ
07.11.10 খনিধান্যভোগযোঃ খনিভোগঃ কোশকরঃ, ধান্যভোগঃ কোশকোষ্ঠাগারকরঃ
07.11.11 ধান্যমূলা হি দুর্গাদীনাং কর্মণাং আরম্ভাঃ
07.11.12 মহাবিষযবিক্রযো বা খনিভোগঃ শ্রেযান্
07.11.13 দ্রব্যহস্তিবনভোগযোর্দ্রব্যবনভোগঃ সর্বকর্মণাং যোনিঃ প্রভূতনিধানক্ষমশ্চ, বিপরীতো হস্তিবনভোগঃ ইত্যাচার্যাঃ
07.11.14 ন ইতি কৌটিল্যঃ
07.11.15 শক্যং দ্রব্যবনং অনেকং অনেকস্যাং ভূমৌ বাপযিতুং, ন হস্তিবনম্
07.11.16 হস্তিপ্রধানো হি পরানীকবধ ইতি
07.11.17 বারিস্থলপথভোগযোরনিত্যো বারিপথভোগঃ, নিত্যঃ স্থলপথভোগঃ
07.11.18 ভিন্নমনুষ্যা শ্রেণীমনুষ্যা বা ভূমিরিতি ভিন্নমনুষ্যা শ্রেযসী
07.11.19 ভিন্নমনুষ্যা ভোগ্যা ভবতি, অনুপজাপ্যা চান্যেষাং, অনাপত্সহা তু
07.11.20 বিপরীতা শ্রেণীমনুষ্যা, কোপে মহাদোষা
07.11.21 তস্যাং চাতুর্বর্ণ্যনিবেশে সর্বভোগসহত্বাদ্ অবরবর্ণপ্রাযা শ্রেযসী, বাহুল্যাদ্ ধ্রুবত্বাচ্চ কৃষ্যাঃ কর্ষকবতী, কৃষ্যাশ্চান্যেষাং চারম্ভাণাং প্রযোজকত্বাত্ গোরক্ষকবতী, পণ্যনিচয.ঋণানুগ্রহাদ্ আঢ্যবণিগ্বতী
07.11.22 ভূমিগুণানাং অপাশ্রযঃ শ্রেযান্
07.11.23 দুর্গাপাশ্রযা পুরুষাপাশ্রযা বা ভূমিরিতি পুরুষাপাশ্রযা শ্রেযসী
07.11.24 পুরুষবদ্ ধি রাজ্যম্
07.11.25 অপুরুষা গৌর্বন্ধ্যেব কিং দুহীত
07.11.26 মহাক্ষযব্যযনিবেশাং তু ভূমিং অবাপ্তুকামঃ পূর্বং এব ক্রেতারং পণেত দুর্বলং অরাজবীজিনং নিরুত্সাহং অপক্ষং অন্যাযবৃত্তিং ব্যসনিনং দৈবপ্রমাণং যত্কিঞ্চনকারিণং বা
07.11.27 মহাক্ষযব্যযনিবেশাযাং হি ভূমৌ দুর্বলো রাজবীজী নিবিষ্টঃ সগন্ধাভিঃ প্রকৃতিভিঃ সহ ক্ষযব্যযেনাবসীদতি
07.11.28 বলবান্ অরাজবীজী ক্ষযব্যযভযাদ্ অসগন্ধাভিঃ প্রকৃতিভিঃ ত্যজ্যতে
07.11.29 নিরুত্সাহঃ তু দণ্ডবান্ অপি দণ্ডস্যাপ্রণেতা সদণ্ডঃ ক্ষযব্যযেনাবভজ্যতে
07.11.30 কোশবান্ অপ্যপক্ষঃ ক্ষযব্যযানুগ্রহহীনত্বান্ন কুতশ্চিত্ প্রাপ্নোতি
07.11.31 অন্যাযবৃত্তির্নিবিষ্টং অপ্যুত্থাপযেত্
07.11.32 স কথং অনিবিষ্টং নিবেশযেত্
07.11.33 তেন ব্যসনী ব্যাখ্যাতঃ
07.11.34 দৈবপ্রমাণো মানুষহীনো নিরারম্ভো বিপন্নকর্মারম্ভো বাঽবসীদতি
07.11.35 যত্কিঞ্চনকারী ন কিঞ্চিদ্ আসাদযতি
07.11.36 স চ এষাং পাপিষ্ঠতমো ভবতি
07.11.37 যত্কিঞ্চিদ্ঽঅরভমাণো হি বিজিগীষোঃ কদাচিচ্ছিদ্রং আসাদযেদ্ ইত্যাচার্যাঃ
07.11.38 যথা ছিদ্রং তথা বিনাশং অপ্যাসাদযেদ্ ইতি কৌটিল্যঃ
07.11.39 তেষাং অলাভে যথা পার্ষ্ণিগ্রাহ উপগ্রহে বক্ষ্যামঃ তথা ভূমিং অবস্থাপযেত্
07.11.40 ইত্যভিহিতসন্ধিঃ
07.11.41 গুণবতীং আদেযাং বা ভূমিং বলবতা ক্রযেণ যাচিতঃ সন্ধিং অবস্থাপ্য দদ্যাত্
07.11.42 ইত্যনিভৃতসন্ধিঃ
07.11.43 সমেন বা যাচিতঃ কারণং অবেক্ষ্য দদ্যাত্ প্রত্যাদেযা মে ভূমির্বশ্যা বা, অনযা প্রতিবদ্ধঃ পরো মে বশ্যো ভবিষ্যতি ভূমিবিক্রযাদ্ বা মিত্রহিরণ্যলাভঃ কার্যসামর্থ্যকরো মে ভবিষ্যতি ইতি
07.11.44 তেন হীনঃ ক্রেতা ব্যাখ্যাতঃ
07.11.45ab এবং মিত্রং হিরণ্যং চ সজনাং অজনাং চ গাম্ |
07.11.45chd লভমানোঽতিসন্ধত্তে শাস্ত্রবিত্ সামবাযিকান্ ( ইতি)

Chapt | মিত্রহিরণ্যভূমিকর্মসংধযঃ, তত্র কর্মসংধিঃ
07.12.01 ত্বং চাহং চ দুর্গং কারযাবহে ইতি কর্মসন্ধিঃ
07.12.02 তযোর্যো দৈবকৃতং অবিষহ্যং অল্পব্যযারম্ভং দুর্গং কারযতি সোঽতিসন্ধত্তে
07.12.03 তত্রাপি স্থলনদীপর্বতদুর্গাণাং উত্তর উত্তরং শ্রেযঃ
07.12.04 সেতুবন্ধযোরপ্যাহার্য উদকাত্ সহ উদকঃ শ্রেযান্
07.12.05 সহ উদকযোরপি প্রভূতবাপস্থানঃ শ্রেযান্
07.12.06 দ্রব্যবনযোরপি যো মহত্সারবদ্দ্রব্যাটবীকং বিষযান্তে নদীমাতৃকং দ্রব্যবনং ছেদযতি সোঽতিসন্ধত্তে
07.12.07 নদীমাতৃকং হি স্ব্ঽঅজীবং অপাশ্রযশ্চাপদি ভবতি
07.12.08 হস্তিবনযোরপি যো বহুশূরমৃগং দুর্বলপ্রতিবেশংঽনন্তাবক্লেশি বিষযান্তে হস্তিবনং বধ্নাতি সোঽতিসন্ধত্তে
07.12.09 তত্রাপি বহুকুণ্ঠাল্পশূরযোঃ অল্পশূরং শ্রেযঃ, শূরেষু হি যুদ্ধং, অল্পাঃ শূরা বহূন্ অশূরান্ ভঞ্জন্তি, তে ভগ্নাঃ স্বসৈন্যাবঘাতিনো ভবন্তি ইত্যাচার্যাঃ
07.12.10 ন ইতি কৌটিল্যঃ
07.12.11 কুণ্ঠা বহবঃ শ্রেযাংসঃ, স্কন্ধবিনিযোগাদ্ অনেকং কর্ম কুর্বাণাঃ স্বেষাং অপাশ্রযো যুদ্ধে, পরেষাং দুর্ধর্ষা বিভীষণাশ্চ
07.12.12 বহুষু হি কুণ্ঠেষু বিনযকর্মণা শক্যং শৌর্যং আধাতুং, ন ত্বেবাল্পেষু শূরেষু বহুত্বং ইতি
07.12.13 খন্যোরপি যঃ প্রভূতসারাং অদুর্গমার্গাং অল্পব্যযারম্ভাং খনিং খানযতি, সোঽতিসন্ধত্তে
07.12.14 তত্রাপি মহাসারং অল্পং অল্পসারং বা প্রভূতং ইতি মহাসারং অল্পং শ্রেযঃ, বজ্রমণিমুক্তাপ্রবালহেমরূপ্যধাতুর্হি প্রভূতং অল্পসারং অত্যর্ঘেণ গ্রসতে ইত্যাচার্যাঃ
07.12.15 ন ইতি কৌটিল্যঃ
07.12.16 চিরাদ্ অল্পো মহাসারস্য ক্রেতা বিদ্যতে, প্রভূতঃ সাতত্যাদ্ অল্পসারস্য
07.12.17 এতেন বণিক্পথো ব্যাখ্যাতঃ
07.12.18 তত্রাপি বারিস্থলপথযোর্বারিপথঃ শ্রেযান্, অল্পব্যযব্যাযামঃ প্রভূতপণ্য উদযশ্চ ইত্যাচার্যাঃ
07.12.19 ন ইতি কৌটিল্যঃ
07.12.20 সম্রুদ্ধগতিরসার্বকালিকঃ প্রকৃষ্টভযযোনির্নিষ্প্রতীকারশ্চ বারিপথঃ, বিপরীতঃ স্থলপথঃ
07.12.21 বারিপথে তু কূলসম্যানপথযোঃ কূলপথঃ পণ্যপত্তনবাহুল্যাত্শ্রেযান্, নদীপথো বা, সাতত্যাদ্ বিষহ্যাবাধত্বাচ্চ
07.12.22 স্থলপথেঽপি হৈমবতো দক্ষিণাপথাত্শ্রেযান্, হস্ত্য্ঽশ্বগন্ধদন্তাজিনরূপ্যসুবর্ণপণ্যাঃ সারবত্তরাঃ ইত্যাচার্যাঃ
07.12.23 ন ইতি কৌটিল্যঃ
07.12.24 কম্বলাজিনাশ্বপণ্যবর্জাঃ শঙ্খবজ্রমণিমুক্তাসুবর্ণপণ্যাশ্চ প্রভূততরা দক্ষিণাপথে
07.12.25 দক্ষিণাপথেঽপি বহুখনিঃ সারপণ্যঃ প্রসিদ্ধগতিরল্পব্যযব্যাযামো বা বণিক্পথঃ শ্রেযান্, প্রভূতবিষযো বা ফল্গুপুণ্যঃ
07.12.26 তেন পূর্বঃ পশ্চিমশ্চ বণিক্পথো ব্যাখ্যাতঃ
07.12.27 তত্রাপি চক্রপাদপথযোশ্চক্রপথো বিপুলারম্ভত্বাত্শ্রেযান্, দেশকালসম্ভাবনো বা খর উষ্ট্রপথঃ
07.12.28 আভ্যাং অংসপথো ব্যাখ্যাতঃ
07.12.29 পরকর্ম উদযো নেতুঃ ক্ষযো বৃদ্ধির্বিপর্যযে
07.12.30 তুল্যে কর্মপথে স্থানং জ্ঞেযং স্বং বিজিগীষুণা
07.12.31 অল্পাগমাতিব্যযতা ক্ষযো বৃদ্ধির্বিপর্যযে
07.12.32 সমাযব্যযতা স্থানং কর্মসু জ্ঞেযং আত্মনঃ
07.12.33 তস্মাদ্ অল্পব্যযারম্ভং দুর্গাদিষু মহা উদযম্
07.12.34 কর্ম লব্ধ্বা বিশিষ্টঃ স্যাদ্ ইত্যুক্তাঃ কর্মসন্ধযঃ ( ইতি)

Chapt | পার্ষ্ণিগ্রাহ্চিন্তা
07.13.01 সংহত্যারিবিজিগীষ্বোরমিত্রযোঃ পরাভিযোগিনোঃ পার্ষ্ণিং গৃহ্ণতোর্যঃ শক্তিসম্পন্নস্য পার্ষ্ণিং গৃহ্ণাতি সোঽতিসন্ধত্তে
07.13.02 শক্তিসম্পন্নো হ্যমিত্রং উচ্ছিদ্য পার্ষ্ণিগ্রাহং উচ্ছিন্দ্যাত্, ন হীনশক্তিরলব্ধলাভঃ
07.13.03 শক্তিসাম্যে যো বিপুলারম্ভস্য পার্ষ্ণিং গৃহ্ণাতি সোঽতিসন্ধত্তে
07.13.04 বিপুলারম্ভো হ্যমিত্রং উচ্ছিদ্য পার্ষ্ণিগ্রাহং উচ্ছিন্দ্যাত্, নাল্পারম্ভঃ সক্তচক্রঃ
07.13.05 আরম্ভসাম্যে যঃ সর্বসন্দোহেন প্রযাতস্য পার্ষ্ণিং গৃহ্ণাতি সোঽতিসন্ধত্তে
07.13.06 শূন্যমূলো হ্যস্য সুকরো ভবতি, নৈকদেশবলপ্রযাতঃ কৃতপার্ষ্ণিপ্রতিবিধানঃ
07.13.07 বল উপাদানসাম্যে যশ্চলামিত্রং প্রযাতস্য পার্ষ্ণিং গৃহ্ণাতি সোঽতিসন্ধত্তে
07.13.08 চলামিত্রং প্রযাতো হি সুখেনাবাপ্তসিদ্ধিঃ পার্ষ্ণিগ্রাহং উচ্ছিন্দ্যাত্, ন স্থিতামিত্রং প্রযাতঃ
07.13.09 অসৌ হি দুর্গপ্রতিহতঃ পার্ষ্ণিগ্রাহে চ প্রতিনিবৃত্তঃ স্থিতেনামিত্রেণাবগৃহ্যতে
07.13.10 তেন পূর্বে ব্যাখ্যাতাঃ
07.13.11 শত্রুসাম্যে যো ধার্মিকাভিযোগিনঃ পার্ষ্ণিং গৃহ্ণাতি সোঽতিসন্ধত্তে
07.13.12 ধার্মিকাভিযোগী হি স্বেষাং পরেষাং চ দ্বেষ্যো ভবতি, অধার্মিকাভিযোগী সম্প্রিযঃ
07.13.13 তেন মূলহরতাদাত্বিককদর্যাভিযোগিনাং পার্ষ্ণিগ্রহণং ব্যাখ্যাতম্
07.13.14 মিত্রাভিযোগিনোঃ পার্ষ্ণিগ্রহণে ত এব হেতবঃ
07.13.15 মিত্রং অমিত্রং চাভিযুঞ্জানযোর্যো মিত্রাভিযোগিনঃ পার্ষ্ণিং গৃহ্ণাতি সোঽতিসন্ধত্তে
07.13.16 মিত্রাভিযোগী হি সুখেনাবাপ্তসিদ্ধিঃ পার্ষ্ণিগ্রাহং উচ্ছিন্দ্যাত্
07.13.17 সুকরো হি মিত্রেণ সন্ধির্নামিত্রেণ
07.13.18 মিত্রং অমিত্রং চ উদ্ধরতোর্যোঽমিত্র উদ্ধারিণঃ পার্ষ্ণিং গৃহ্ণাতি সোঽতিসন্ধত্তে
07.13.19 বৃদ্ধমিত্রো হ্যমিত্র উদ্ধারী পার্ষ্ণিগ্রাহং উচ্ছিন্দ্যাত্, ন ইতরঃ স্বপক্ষ উপঘাতী
07.13.20 তযোরলব্ধলাভাপগমনে যস্যামিত্রো মহতো লাভাদ্ বিযুক্তঃ ক্ষযব্যযাধিকো বা স পার্ষ্ণিগ্রাহোঽতিসন্ধত্তে
07.13.21 লব্ধলাভাপগমনে যস্যামিত্রো লাভেন শক্ত্যা হীনঃ স পার্ষ্ণিগ্রাহোঽতিসন্ধত্তে, যস্য বা যাতব্যঃ শত্রোর্বিগ্রহাপকারসমর্থঃ স্যাত্
07.13.22 পার্ষ্ণিগ্রাহযোরপি যঃ শক্যারম্ভবল উপাদানাধিকঃ স্থিতশত্রুঃ পার্শ্বস্থাযী বা সোঽতিসন্ধত্তে
07.13.23 পার্শ্বস্থাযী হি যাতব্যাভিসারো মূলাবাধকশ্চ ভবতি, মূলাবাধক এব পশ্চাত্স্থাযী
07.13.24ab পার্ষ্ণিগ্রাহাঃ ত্রযো জ্ঞেযাঃ শত্রোশ্চেষ্টানিরোধকাঃ |
07.13.24chd সামন্তঃ পৃষ্ঠতো বর্গঃ প্রতিবেশৌ চ পার্শ্বযোঃ
07.13.25ab অরের্নেতুশ্চ মধ্যস্থো দুর্বলোঽন্তর্ধিরুচ্যতে |
07.13.25chd প্রতিঘাতো বলবতো দুর্গাটব্য্ঽপসারবান্
07.13.26 মধ্যমং ত্বরিবিজিগীষ্বোর্লিপ্সমানযোর্মধ্যমস্য পার্ষ্ণিং গৃহ্ণতোর্লব্ধলাভাপগমনে যো মধ্যমং মিত্রাদ্ বিযোজযত্যমিত্রং চ মিত্রং আপ্নোতি সোঽতিসন্ধত্তে
07.13.27 সন্ধেযশ্চ শত্রুরুপকুর্বাণো, ন মিত্রং মিত্রভাবাদ্ উত্ক্রান্তম্
07.13.28 তেন উদাসীনলিপ্সা ব্যাখ্যাতা
07.13.29 পার্ষ্ণিগ্রহণাভিযানযোঃ তু মন্ত্রযুদ্ধাদ্ অভ্যুচ্চযঃ
07.13.30 ব্যাযামযুদ্ধে হি ক্ষযব্যযাভ্যাং উভযোরবৃদ্ধিঃ
07.13.31 জিত্বাঽপি হি ক্ষিণদণ্ডকোশঃ পরাজিতো ভবতি ইত্যাচার্যাঃ
07.13.32 ন ইতি কৌটিল্যঃ
07.13.33 সুমহতাঽপি ক্ষযব্যযেন শত্রুবিনাশোঽভ্যুপগন্তব্যঃ
07.13.34 তুল্যে ক্ষযব্যযে যঃ পুরস্তাদ্ দূষ্যবলং ঘাতযিত্বা নিহ্শল্যঃ পশ্চাদ্ বশ্যবলো যুধ্যেত সোঽতিসন্ধত্তে
07.13.35 দ্বযোরপি পুরস্তাদ্ দূষ্যবলঘাতিনোর্যো বহুলতরং শক্তিমত্তরং অত্যন্তদূষ্যং চ ঘাতযেত্ সোঽতিসন্ধত্তে
07.13.36 তেনামিত্রাটবীবলঘাতো ব্যাখ্যাতঃ
07.13.37ab পার্ষ্ণিগ্রাহোঽভিযোক্তা বা যাতব্যো বা যদা ভবেত্ |
07.13.37chd বিজিগীষুঃ তদা তত্র নেত্রং এতত্ সমাচরেত্
07.13.38ab পার্ষ্ণিগ্রাহো ভবেন্নেতা শত্রোর্মিত্রাভিযোগিনঃ |
07.13.38chd বিগ্রাহ্য পূর্বং আক্রন্দং পার্ষ্ণিগ্রাহাভিসারিণা
07.13.39ab আক্রন্দেনাভিযুঞ্জানঃ পার্ষ্ণিগ্রাহং নিবারযেত্ |
07.13.39chd তথাঽঽক্রন্দাভিসারেণ পার্ষ্ণিগ্রাহাভিসারিণম্
07.13.40ab অরিমিত্রেণ মিত্রং চ পুরস্তাদ্ অবঘট্টযেত্ |
07.13.40chd মিত্রমিত্রং অরেশ্চাপি মিত্রমিত্রেণ বারযেত্
07.13.41ab মিত্রেণ গ্রাহযেত্ পার্ষ্ণিং অভিযুক্তোঽভিযোগিনঃ |
07.13.41chd মিত্রমিত্রেণ চাক্রন্দং পার্ষ্ণিগ্রাহান্নিবারযেত্
07.13.42ab এবং মণ্ডলং আত্মার্থং বিজিগীষুর্নিবেশযেত্ |
07.13.42chd পৃষ্ঠতশ্চ পুরস্তাচ্চ মিত্রপ্রকৃতিসম্পদা
07.13.43ab কৃত্স্নে চ মণ্ডলে নিত্যং দূতান্ গূঢাংশ্চ বাসযেত্ |
07.13.43chd মিত্রভূতঃ সপত্নানাং হত্বা হত্বা চ সংবৃতঃ
07.13.44ab অসংবৃতস্য কার্যাণি প্রাপ্তান্যপি বিশেষতঃ |
07.13.44chd নিহ্সংশযং বিপদ্যন্তে ভিন্নপ্লব ইব উদধৌ ( ইতি)

Chapt | হীনশক্তিপূরণম্
07.14.01 সামবাযিকৈরেবং অভিযুক্তো বিজিগীষুর্যঃ তেষাং প্রধানঃ তং ব্রূযাত্ ত্বযা মে সন্ধিঃ, ইদং হিরণ্যং, অহং চ মিত্রং, দ্বিগুণা তে বৃদ্ধিঃ, নার্হস্যাত্মক্ষযেণ মিত্রমুখান্ অমিত্রান্ বর্ধযিতুং, এতে হি বৃদ্ধাঃ ত্বাং এব পরিভবিষ্যন্তি ইতি
07.14.02 ভেদং বা ব্রূযাত্ অনপকারো যথাঽহং এতৈঃ সম্ভূযাভিযুক্তঃ তথা ত্বাং অপ্যেতে সংহিতবলাঃ স্বস্থা ব্যসনে বাঽভিযোক্ষ্যন্তে, বলং হি চিত্তং বিকরোতি, তদ্ এষাং বিঘাতয ইতি
07.14.03 ভিন্নেষু প্রধানং উপগৃহ্য হীনেষু বিক্রমযেত্, হীনান্ অনুগ্রাহ্য বা প্রধানে, যথা বা শ্রেযোঽভিমন্যেত তথা
07.14.04 বৈরং বা পরৈর্গ্রাহযিত্বা বিসংবাদযেত্
07.14.05 ফলভূযস্ত্বেন বা প্রধানং উপজাপ্য সন্ধিং কারযেত্
07.14.06 অথ উভযবেতনাঃ ফলভূযস্ত্বং দর্শযন্তঃ সামবাযিকান্ অতিসংহিতাঃ স্থ ইত্যুদ্দ্দূষযেযুঃ
07.14.07 দুষ্টেষু সন্ধিং দূষযেত্
07.14.08 অথ উভযবেতনা ভূযো ভেদং এষাং কুর্যুঃ এবং তদ্ যদ্ অস্মাভির্দর্শিতম্ ইতি
07.14.09 ভিন্নেষ্বন্যতম উপগ্রহেণ চেষ্টেত
07.14.10 প্রধানাভাবে সামবাযিকানাং উত্সাহযিতারং স্থিরকর্মাণং অনুরক্তপ্রকৃক্তিং লোভাদ্ ভযাদ্ বা সঙ্ঘাতং উপাগতং বিজিগীষোর্ভীতং রাজ্যপ্রতিসম্বদ্ধং মিত্রং চলামিত্রং বা পূর্বান্ উত্তরাভাবে সাধযেত্ – উত্সাহযিতারং আত্মনিসর্গেণ, স্থিরকর্মাণং সান্ত্বপ্রণিপাতেন, অনুরক্তপ্রকৃতিং কন্যাদানযাপনাভ্যাং, লুব্ধং অংশদ্বৈগুণ্যেন, ভীতং এভ্যঃ কোশদণ্ডানুগ্রহেণ, স্বতো ভীতং বিশ্বাস্য প্রতিভূপ্রদানেন, রাজ্যপ্রতিসম্বদ্ধং একীভাব উপগমনেন, মিত্রং উভযতঃ প্রিযহিতাভ্যাং, উপকারত্যাগেন বা, চলামিত্রং অবধৃতং অনপকার উপকারাভ্যাম্
07.14.11 যো বা যথাঽযোগং ভজেত তং তথা সাধযেত্, সামদানভেদদণ্ডৈর্বা যথাঽঽপত্সু ব্যাখ্যাস্যামঃ
07.14.12 ব্যসন উপঘাতত্বরিতো বা কোশদণ্ডাভ্যাং দেশে কালে কার্যে বাঽবধৃতং সন্ধিং উপেযাত্
07.14.13 কৃতসন্ধির্হীনং আত্মানং প্রতিকুর্বীত
07.14.14 পক্ষে হীনো বন্ধুমিত্রপক্ষং কুর্বীত, দুর্গং অবিষহ্যং বা
07.14.15 দুর্গমিত্রপ্রতিষ্টব্ধো হি স্বেষাং পরেষাং চ পূজ্যো ভবতি
07.14.16 মন্ত্রশক্তিহীনঃ প্রাজ্ঞপুরুষ উপচযং বিদ্যাবৃদ্ধসম্যোগং বা কুর্বীত
07.14.17 তথা হি সদ্যঃ শ্রেযঃ প্রাপ্নোতি
07.14.18 প্রভাবহীনঃ প্রকৃতিযোগক্ষেমসিদ্ধৌ যতেত
07.14.19 জনপদঃ সর্বকর্মণাং যোনিঃ, ততঃ প্রভাবঃ
07.14.20 তস্য স্থানং আত্মনশ্চাপদি দুর্গম্
07.14.21 সেতুবন্ধঃ সস্যানাং যোনিঃ
07.14.22 নিত্যানুষক্তো হি বর্ষগুণলাভঃ সেতুবাপেষু
07.14.23 বণিক্পথঃ পরাতিসন্ধানস্য যোনিঃ
07.14.24 বণিক্পথেন হি দণ্ডগূঢপুরুষাতিনযনং শস্ত্রাবরণযানবাহনক্রযশ্চ ক্রিযতে, প্রবেশো নির্ণযনং চ
07.14.25 খনিঃ সঙ্গ্রাম উপকরণানাং যোনিঃ, দ্রব্যবনং দুর্গকর্মণাং যানরথযোশ্চ, হস্তিবনং হস্তিনাং, গবাশ্বখর উষ্ট্রাণাং চ ব্রজঃ
07.14.26 তেষাং অলাভে বন্ধুমিত্রকুলেভ্যঃ সমার্জনম্
07.14.27 উত্সাহহীনঃ শ্রেণীপ্রবীরপুরুষাণাং চোরগণাটবিকম্লেচ্ছজাতীনাং পরাপকারিণাং গূঢপুরুষাণাং চ যথালাব্ভং উপচযং কুর্বীত
07.14.28 পরমিশ্রাপ্রতীকারং আবলীযসং বা পরেষু প্রযুঞ্জীত
07.14.29ab এবং পক্ষেণ মন্ত্রেণ দ্রব্যেণ চ বলেন চ |
07.14.29chd সম্পন্নঃ প্রতিনির্গচ্ছেত্ পরাবগ্রহং আত্মনঃ ( ইতি)

Chapt | বিগৃহ্য উপরোধহেতবঃ – দণ্ড উপনতবৃত্তম্
07.15.01 দুর্বলো রাজা বলবতাঽভিযুক্তঃ তদ্বিশিষ্টবলং আশ্রযেত যং ইতরো মন্ত্রশক্ত্যা নাতিসন্দধ্যাত্
07.15.02 তুল্যমন্ত্রশক্তীনাং আযত্তসম্পদো বৃদ্ধসম্যোগাদ্ বা বিশেষঃ
07.15.03 বিশিষ্টবলাভাবে সমবলৈঃ তুল্যবলসঙ্ঘৈর্বা বলবতঃ সম্ভূয তিষ্ঠেদ্ যান্ন মন্ত্রপ্রভাবশক্তিভ্যাং অতিসন্দধ্যাত্
07.15.04 তুল্যমন্ত্রপ্রভাবশক্তীনাং বিপুলারম্ভতো বিশেষঃ
07.15.05 সমবলাভাবে হীনবলৈঃ শুচিভিরুত্সাহিভিঃ প্রত্যনীকভূতৈর্বলবতঃ সম্ভূয তিষ্ঠেদ্ যান্ন মন্ত্রপ্রভাব উত্সাহশক্তিভিরতিসন্দধ্যাত্
07.15.06 তুল্য উত্সাহশক্তীনাং স্বযুদ্ধভূমিলাভাদ্ বিশেষঃ
07.15.07 তুল্যভূমীনাং স্বযুদ্ধকাললাভাদ্ বিশেষঃ
07.15.08 তুল্যদেশকালানাং যুগ্যশস্ত্রাবরণতো বিশেষঃ
07.15.09 সহাযাভাবে দুর্গং আশ্রযেত যত্রামিত্রঃ প্রভূতসৈন্যোঽপি ভক্তযবস ইন্ধন উদক উপরোধং ন কুর্যাত্ স্বযং চ ক্ষযব্যযাভ্যাং যুজ্যেত
07.15.10 তুল্যদুর্গাণাং নিচযাপসারতো বিশেষঃ
07.15.11 নিচযাপসারসম্পন্নং হি মনুষ্যদুর্গং ইচ্ছেদ্ ইতি কৌটিল্যঃ
07.15.12a তদ্ এভিঃ কার্ণৈরাশ্রযেত – পার্ষ্ণিগ্রাহং আসারং মধ্যমং উদাসীনং বা প্রতিপাদযিষ্যামি, সামন্তাটবিকতত্কুলীনাপরুদ্ধানাং অন্যতমেনাস্য রাজ্যং হারযিষ্যামি ঘাতযিষ্যামি বা –
07.15.12b কৃত্যপক্ষ উপগ্রহেণ বাঽস্য দুর্গে রাষ্ট্রে স্কন্ধাবারে বা কোপং সমুত্থাপযিষ্যামি, শস্ত্রাগ্নিরসপ্রণিধানৈরৌপনিষদিকৈর্বা যথা ইষ্টং আসন্নং হনিষ্যামি –
07.15.12ch স্বযংঽধিষ্ঠিতেন বা যোগপ্রণিধানেন ক্ষযব্যযং এনং উপনেষ্যামি, ক্ষযব্যযপ্রবাস উপতপ্তে বাঽস্য মিত্রবর্গে সৈন্যে বা ক্রমেণ উপজাপং প্রাপ্স্যামি –
07.15.12d বীবধাসারপ্রসারবধেন বাঽস্য স্কন্ধাবারাবগ্রহং করিষ্যামি, দণ্ড উপনযেন বাঽস্য রন্ধ্রং উত্থাপ্য সর্বসন্দোহেন প্রহরিষ্যামি, প্রতিহত উত্সাহেন বা যথা ইষ্টং সন্ধিং অবাপ্স্যামি, মযি প্রতিবদ্ধস্য বা সর্বতঃ কোপাঃ সমুত্থাস্যন্তি –
07.15.12e নিরাসারং বাঽস্য মূলং মিত্রাটবীদণ্ডৈরুদ্ধাতযিষ্যামি, মহতো বা দেশস্য যোগক্ষেমং ইহস্থঃ পালযিষ্যামি, স্ববিক্ষিপ্তং মিত্রবিক্ষিপ্তং বা মে সৈন্যং ইহস্থস্য একস্থং অবিষহ্যং ভবিষ্যতি, নিম্নখাতরাত্রিযুদ্ধবিশারদং বা মে সৈন্যং পথ্যাবাধমুক্তং আসন্নে কর্ম করিষ্যতি –
07.15.12f বিরুদ্ধদেশকালং ইহাগতো বা স্বযং এব ক্ষযব্যযাভ্যাং ন ভবিষ্যতি, মহাক্ষযব্যযাভিগম্যোঽযং দেশো দুর্গাটব্য্ঽপসারবাহুল্যাত্ –
07.15.12g পরেষাং ব্যাধিপ্রাযঃ সৈন্যব্যাযামানাং অলব্ধভৌমশ্চ, তং আপদ্গতঃ প্রবেক্ষ্যতি, প্রবিষ্টো বা ন নির্গমিষ্যতি ইতি
07.15.13 কারণাভাবে বলসমুচ্ছ্রযে বা পরস্য দুর্গং উন্মুচ্যাপগচ্ছেত্
07.15.14 অগ্নিপতঙ্গবদ্ অমিত্রে বা প্রবিশেত্
07.15.15 অন্যতরসিদ্ধির্হি ত্যক্তাত্মনো ভবতি ইত্যাচার্যাঃ
07.15.16 ন ইতি কৌটিল্যঃ
07.15.17 সন্ধেযতাং আত্মনঃ পরস্য চ উপলভ্য সন্দধীত
07.15.18 বিপর্যযে বিক্রমেণ সন্ধিং অপসারং বা লিপ্সেত
07.15.19 সন্ধেযস্য বা দূতং প্রেষযেত্
07.15.20 তেন বা প্রেষিতং অর্থমানাভ্যাং সত্কৃত্য ব্রূযাত্ ইদং রাজ্ঞঃ পণ্যাগারং, ইদং দেবীকুমারাণাং, দেবীকুমারবচনাত্, ইদং রাজ্যং অহং চ ত্বদ্ঽর্পণঃ ইতি
07.15.21 লব্ধসংশ্রযঃ সমযাচারিকবদ্ ভর্তরি বর্তেত
07.15.22 দুর্গাদীনি চ কর্মাণি আবাহবিবাহপুত্রাভিষেকাশ্বপণ্যহস্তিগ্রহণসত্ত্রযাত্রাবিহারগমনানি চানুজ্ঞাতঃ কুর্বীত
07.15.23 স্বভূম্য্ঽবস্থিতপ্রকৃতিসন্ধিং উপঘাতং অপসৃতেষু বা সর্বং অনুজ্ঞাতঃ কুর্বীত
07.15.24 দুষ্টপৌরজানপদো বা ন্যাযবৃত্তিরন্যাং ভূমিং যাচেত
07.15.25 দুষ্যবদ্ উপাংশুদণ্ডেন বা প্রতিকুর্বীত
07.15.26 উচিতাং বা মিত্রাদ্ ভূমিং দীযমানাং ন প্রতিগৃহ্ণীযাত্
07.15.27 মন্ত্রিপুরোহিতসেনাপতিযুবরাজানাং অন্যতমং অদৃশ্যমানে ভর্তরি পশ্যেত্, যথাশক্তি চ উপকুর্যাত্
07.15.28 দৈবতস্বস্তিবাচনেষু তত্পরা আশিষো বাচযেত্
07.15.29 সর্বত্রাত্মনিসর্গং গুণং ব্রূযাত্
07.15.30ab সম্যুক্তবলবত্সেবী বিরুদ্ধঃ শঙ্কিতাদিভিঃ |
07.15.30chd বর্তেত দণ্ড উপনতো ভর্তর্যেবং অবস্থিতঃ ( ইতি)

Chapt | দণ্ড উপনাযিবৃত্তম্
07.16.01 অনুজ্ঞাতসন্ধিপণ উদ্বেগকরং বলবান্ বিজিগীষমাণো যতঃ স্বভূমিঃ স্ব.ঋতুবৃত্তিশ্চ স্বসৈন্যানাং, অদুর্গাপসারঃ শত্রুর্ঽপার্ষ্ণিরনাসারশ্চ, ততো যাযাত্
07.16.02 বিপর্যযে কৃতপ্রতীকারো যাযাত্
07.16.03 সামদানাভ্যাং দুর্বলান্ উপনমযেত্, ভেদদণ্ডাভ্যাং বলবতঃ
07.16.04 নিযোগবিকল্পসমুচ্চযৈশ্চ উপাযানাং অনন্তর একান্তরাঃ প্রকৃতীঃ সাধযেত্
07.16.05 গ্রামারণ্য উপজীবিব্রজবণিক্পথানুপালনং উজ্ঝিতাপসৃতাপকারিণাং চার্পণং ইতি সান্ত্বং আচরেত্
07.16.06 ভূমিদ্রব্যকন্যাদানং অভযস্য চ ইতি দানং আচরেত্
07.16.07 সামন্তাটবিকতত্কুলীনাপরুদ্ধানাং অন্যতম উপগ্রহেণ কোশদণ্ডভূমিদাযযাচনং ইতি ভেদং আচরেত্
07.16.08 প্রকাশকূটতূষ্ণীংযুদ্ধদুর্গলম্ভ উপাযৈরমিত্রপ্রগ্রহণং ইতি দণ্ডং আচরেত্
07.16.09 এবং উত্সাহবতো দণ্ড উপকারিণঃ স্থাপযেত্, স্বপ্রভাববতঃ কোশ উপকারিণঃ, প্রজ্ঞাবতো ভূম্য্.উপকারিণঃ
07.16.10 তেষাং পণ্যপত্তনগ্রামখনিসঞ্জাতেন রত্নসারফল্গুকুপ্যেন দ্রব্যহস্তিবনব্রজসমুত্থেন যানবাহনেন বা যদ্ বহুশ উপকরোতি তচ্চিত্রভোগম্
07.16.11 যদ্ দণ্ডেন কোশেন বা মহদ্ উপকরোতি তন্ মহাভোগম্
07.16.12 যদ্ দণ্ডকোশভূমীভিরুপকরোতি তত্ সর্বভোগম্
07.16.13 যদ্ অমিত্রং একতঃ প্রতিকরোতি তদ্ একতোভোগি
07.16.14 যদ্ অমিত্রং আসারং চ উভযতঃ প্রতিকরোতি তদ্ উভযতোভোগি
07.16.15 যদ্ অমিত্রাসারপ্রতিবেশাটবিকান্ সর্বতঃ প্রতিকরোতি তত্ সর্বতোভোগি
07.16.16a পার্ষ্ণিগ্রাহশ্চাটবিকঃ শত্রুমুখ্যঃ শত্রুর্বা ভূমিদানসাধ্যঃ কশ্চিদ্ আসাদ্যেত, নির্গুণযা ভূম্যা এনং উপগ্রাহযেত্, অপ্রতিসম্বদ্ধযা দুর্গস্থং, নিরুপজীব্যযাঽঽটবিকং –
07.16.16b প্রত্যাদেযযা তত্কুলীনং শত্রোঃ, অপচ্ছিন্নযা শত্রোরপরুদ্ধং নিত্যামিত্রযা শ্রেণীবলং, বলবত্সামন্তযা সংহতবলং, উভাভ্যাং যুদ্ধে প্রতিলোমং, –
07.16.16ch অলব্ধব্যাযামযা উত্সাহিনং, শূযযাঽরিপক্ষীযং, কর্শিতযাঽপবাহিতং, মহাক্ষযব্যযনিবেশযা গতপ্রত্যাগতং, অনপাশ্রযযা প্রত্যপসৃতং, পরেণানধিবাস্যযা স্বযং এব ভর্তারং উপগ্রাহযেত্
07.16.17 তেষাং মহা উপকারং নির্বিকারং চানুবর্তযেত্
07.16.18 প্রতিলোমং উপাংশুনা সাধযেত্
07.16.19 উপকারিণং উপকারশক্ত্যা তোষযেত্
07.16.20 প্রযাসতশ্চার্থমানৌ কুর্যাদ্, ব্যসনেষু চানুগ্রহম্
07.16.21 স্বযংঽঅগতানাং যথা ইষ্টদর্শনং প্রতিবিধানং চ কুর্যাত্
07.16.22 পরিভব উপঘাতকুত্সাতিবাদাংশ্চ এষু ন প্রযুঞ্জীত
07.16.23 দত্ত্বা চাভযং পিতা ইবানুগৃহ্ণীযাত্
07.16.24 যশ্চাস্যাপকুর্যাত্ তদ্ দোষং অভিবিখ্যাপ্য প্রকাশং এনং ঘাতযেত্
07.16.25 পর উদ্বেগকারণাদ্ বা দাণ্ডকর্মিকবচ্চেষ্টেত
07.16.26 ন চ হতস্য ভূমিদ্রব্যপুত্রদারান্ অভিমন্যেত
07.16.27 কুল্যান্ অপ্যস্য স্বেষু পাত্রেষু স্থাপযেত্
07.16.28 কর্মণি মৃতস্য পুত্রং রাজ্যে স্থাপযেত্
07.16.29 এবং অস্য দণ্ড উপনতাঃ পুত্রপৌত্রান্ অনুবর্তন্তে
07.16.30 যঃ তু উপনতান্ হত্বা বদ্ধ্বা বা ভূমিদ্রব্যপুত্রদারান্ অভিমন্যেত তস্য উদ্বিগ্নং মণ্ডলং অভাবায উত্তিষ্ঠতে
07.16.31 যে চাস্যামাত্যাঃ স্বভূমিষ্বাযত্তাঃ তে চাস্য উদ্বিগ্না মণ্ডলং আশ্রযন্তে
07.16.32 স্বযং বা রাজ্যং প্রাণান্ বাঽস্যাভিমন্যন্তে
07.16.33ab স্বভূমিষু চ রাজানঃ তস্মাত্ সাম্নাঽনুপালিতাঃ |
07.16.33chd ভবন্ত্যনুগুণা রাজ্ঞঃ পুত্রপৌত্রানুবর্তিনঃ ( ইতি)

Chapt | সংধিকর্ম -সমাধিমোক্ষঃ
07.17.01 শমঃ সন্ধিঃ সমাধিরিত্যেকোঽর্থঃ
07.17.02 রাজ্ঞাং বিশ্বাস উপগমঃ শমঃ সন্ধিঃ সমাধিরিতি
07.17.03 সত্যং শপথো বা চলঃ সন্ধিঃ, প্রতিভূঃ প্রতিগ্রহো বা স্থাবরঃ ইত্যাচার্যাঃ
07.17.04 ন ইতি কৌটিল্যঃ
07.17.05 সত্যং শপথো বা পরত্র ইহ চ স্থাবরঃ সন্ধিঃ, ইহার্থ এব প্রতিভূঃ প্রতিগ্রহো বা বলাপেক্ষঃ
07.17.06 সংহিতাঃ স্মঃ ইতি সত্যসন্ধাঃ পূর্বে রাজানঃ সত্যেন সন্দধিরে
07.17.07 তস্যাতিক্রমে শপথেন অগ্ন্য্.উদকসীতাপ্রাকারলোষ্টহস্তিস্কন্ধাশ্বপৃষ্টরথ উপস্থশস্ত্ররত্নবীজগন্ধরসসুবর্ণহিরণ্যান্যালেভিরে হন্যুরেতানি ত্যজেযুশ্চ এনং যঃ শপথং অতিক্রামেত্ ইতি
07.17.08 শপথাতিক্রমে মহতাং তপস্বিনাং মুখ্যানাং বা প্রাতিভাব্যবন্ধঃ প্রতিভূঃ
07.17.09 তস্মিন্ যঃ পরাবগ্রহসমর্থান্ প্রতিভুবো গৃহ্ণাতি, সোঽতিসন্ধত্তে
07.17.10 বিপরীতোঽতিসন্ধীযতে
07.17.11 বন্ধুমুখ্যপ্রগ্রহঃ প্রতিগ্রহঃ
07.17.12 তস্মিন্ যো দূষ্যামাত্যং দূষ্যাপত্যং বা দদাতি, সোঽতিসন্ধত্তে
07.17.13 বিপরীতোঽতিসন্ধীযতে
07.17.14 প্রতিগ্রহগ্রহণবিশ্বস্তস্য হি পরশ্ছিদ্রেষু নিরপেক্ষঃ প্রহরতি
07.17.15 অপত্যসমাধৌ তু কন্যাপুত্রদানে দদত্ তু কন্যাং অতিসন্ধত্তে
07.17.16 কন্যা হ্যদাযাদা পরেষাং এবার্থাযাক্লেশ্যা( ? ) চ
07.17.17 বিপরীতঃ পুত্রঃ
07.17.18 পুত্রযোরপি যো জাত্যং প্রাজ্ঞং শূরং কৃতাস্ত্রং একপুত্রং বা দদাতি সোঽতিসন্ধীযতে
07.17.19 বিপরীতোঽতিসন্ধত্তে
07.17.20 জাত্যাদ্ অজাত্যো হি লুপ্তদাযাদসন্তানত্বাদ্ আধাতুং শ্রেযান্, প্রাজ্ঞাদ্ অপ্রাজ্ঞো মন্ত্রশক্তিলোপাত্, শূরাদ্ অশূর উত্সাহশক্তিলোপাত্, কৃতাস্ত্রাদ্ অকৃতাস্ত্রঃ প্রহর্তব্যসম্পল্লোপাত্, একপুত্রাদ্ অনেকপুত্রো নিরপেক্ষত্বাত্
07.17.21 জাত্যপ্রাজ্ঞযোর্জাত্যং অপ্রাজ্ঞং ঐশ্বর্যপ্রকৃতিরনুবর্ততে, প্রাজ্ঞং অজাত্যং মন্ত্রাধিকারঃ
07.17.22 মন্ত্রাধিকারেঽপি বৃদ্ধসম্যোগাজ্ জাত্যঃ প্রাজ্ঞং অতিসন্ধত্তে
07.17.23 প্রাজ্ঞশূরযোঃ প্রাজ্ঞং অশূরং মতিকর্মণাং যোগোঽনুবর্ততে, শূরং অপ্রাজ্ঞং বিক্রমাধিকারঃ
07.17.24 বিক্রমাধিকারেঽপি হস্তিনং ইব লুব্ধকঃ প্রাজ্ঞঃ শূরং অতিসন্ধত্তেশ্
07.17.25 শূরকৃতাস্ত্রযোঃ শূরং অকৃতাস্ত্রং বিক্রমব্যবসাযোঽনুবর্ততে, কৃতাস্ত্রং অশূরং লক্ষ্যলম্ভাধিকারঃ
07.17.26 লক্ষ্যলম্ভাধিকারেঽপি স্থৈর্যপ্রতিপত্ত্য্ঽসম্মোষৈঃ শূরঃ কৃতাস্ত্রং অতিসন্ধত্তে
07.17.27 বহ্ব্.একপুত্রযোর্বহুপুত্র একং দত্ত্বা শেষপ্রতিষ্টব্ধঃ সন্ধিং অতিক্রামতি, ন ইতরঃ
07.17.28 পুত্রসর্বস্বদানে সন্ধিশ্চেত্ পুত্রফলতো বিশেষঃ
07.17.29 সমফলযোঃ শক্তপ্রজননতো বিশেষঃ
07.17.30 শক্তপ্রজননযোরপ্যুপস্থিতপ্রজননতো বিশেষঃ
07.17.31 শক্তিমত্যেকপুত্রে তু লুপ্তপুত্র উত্পত্তিরাত্মানং আদধ্যাত্, ন চ একপুত্রং ইতি
07.17.32 অভ্যুচ্চীযমানঃ সমাধিমোক্ষং কারযেত্
07.17.33 কুমারাসন্নাঃ সত্ত্রিণঃ কারুশিল্পিব্যঞ্জনাঃ কর্মাণি কুর্বাণাঃ সুরুঙ্গযা রাত্রাবুপখানযিত্বা কুমারং অপহরেযুঃ
07.17.34 নটনর্তকগাযনবাদকবাগ্জীবনকুশীলবপ্লবকসৌভিকা বা পূর্বপ্রণিহিতাঃ পরং উপতিষ্ঠেরন্
07.17.35 তে কুমারং পরম্পরযা উপতিষ্ঠেরন্
07.17.36 তেষাং অনিযতকালপ্রবেশস্থাননির্গমনানি স্থাপযেত্
07.17.37 ততঃ তদ্ব্যঞ্জনো বা রাত্রৌ প্রতিষ্ঠেত
07.17.38 তেন রূপাজীবা ভার্যাব্যঞ্জনাশ্চ ব্যাখ্যাতাঃ
07.17.39 তেষাং বা তূর্যভাণ্ডফেলাং গৃহীত্বা নির্গচ্ছেত্
07.17.40 সূদারালিকস্নাপকসংবাহকাস্তরককল্পকপ্রসাধক উদকপরিচারকৈর্বা দ্রব্যবস্ত্রভাণ্ডফেলাশযনাসনসম্ভোগৈর্নির্হ্রিযেত
07.17.41 পরিচারকচ্ছদ্মনা বা কিঞ্চিদ্ অরূপবেলাযাং আদায নির্গচ্ছেত্, সুরুঙ্গামুখেন বা নিশা উপহারেণ
07.17.42 তোযাশযে বা বারুণং যোগং আতিষ্ঠেত্
07.17.43 বৈদেহকব্যঞ্জনা বা পক্বান্নফলব্যবহারেণারক্ষিষু রসং উপচারযেযুঃ
07.17.44 দৈবত উপহারশ্রাদ্ধপ্রহবণনিমিত্তং আরক্ষিষু মদনযোগযুক্তং অন্নপানং রসং বা প্রযুজ্যাপগচ্ছেত্, আরক্ষকপ্রোত্সাহনেন বা
07.17.45 নাগরককুশীলবচিকিত্সকাপূপিকব্যঞ্জনা বা রাত্রৌ সমৃদ্ধগৃহাণ্যাদীপযেযুঃ আরক্ষিণাং বা
07.17.46 বৈদেহকব্যঞ্জনা বা পণ্যসংস্থাং আদীপযেযুঃ
07.17.47 অন্যদ্ বা শরীরং নিক্ষিপ্য স্বগৃহং আদীপযেদ্ অনুপাতভযাত্
07.17.48 ততঃ সন্ধিচ্ছেদখাতসুরুঙ্গাভিরপগচ্ছেত্
07.17.49 কাচকুম্ভভাণ্ডভারব্যঞ্জনো বা রাত্রৌ প্রতিষ্ঠেত
07.17.50 মুণ্ডজটিলানাং প্রবাসনান্যনুপ্রবিষ্টো বা রাত্রৌ তদ্ব্যঞ্জনঃ প্রতিষ্ঠেত, বিরূপব্যাধিকরণারণ্যচরচ্ছদ্মনাং অন্যতমেন বা
07.17.51 প্রেতব্যঞ্জনো বা গূঢৈর্নির্হ্রিযেত
07.17.52 প্রেতং বা স্ত্রীবেষেণানুগচ্ছেত্
07.17.53 বনচরব্যঞ্জনাশ্চ এনং অন্যতো যান্তং অন্যতোঽপদিশেযুঃ
07.17.54 ততোঽন্যতো গচ্ছেত্
07.17.55 চক্রচরাণাং বা শকটবাটৈরপগচ্ছেত্
07.17.56 আসন্নে চানুপাতে সত্ত্রং বা গৃহ্ণীযাত্
07.17.57 সত্ত্রাভাবে হিরণ্যং রসবিদ্ধং বা ভক্ষ্যজাতং উভযতঃপন্থানং উত্সৃজেত্
07.17.58 ততোঽন্যতোঽপগচ্ছেত্
07.17.59 গৃহীতো বা সামাদিভিরনুপাতং অতিসন্দধ্যাত্, রসবিদ্ধেন বা পথ্য্ঽদনেন
07.17.60 বারুণযোগাগ্নিদাহেষু বা শরীরং অন্যদ্ আধায শত্রুং অভিযুঞ্জীত পুত্রো মে ত্বযা হতঃ ইতি
07.17.61a উপাত্তচ্ছন্নশস্ত্রো বা রাত্রৌ বিক্রম্য রক্ষিষু
07.17.61b শীঘ্রপাতৈরপসরেদ্ গূঢপ্রণিহিতৈঃ সহ ( ইতি)

Chapt | মধ্যমচরিতং – উদাসীনচরিতং – মণ্ডলচরিতম্
07.18.01 মধ্যমস্যাত্মা তৃতীযা পঞ্চমী চ প্রকৃতী প্রকৃতযঃ
07.18.02 দ্বিতীযা চতুর্থী ষষ্ঠী চ বিকৃতযঃ
07.18.03 তচ্চেদ্ উভযং মধ্যমোঽনুগৃহ্ণীযাত্, বিজিগীষুর্মধ্যমানুলোমঃ স্যাত্
07.18.04 ন চেদ্ অনুগৃহ্ণীযাত্, প্রকৃত্য্ঽনুলোমঃ স্যাত্
07.18.05 মদ্যমশ্চেদ্ বিজিগীষোর্মিত্রং মিত্রভাবি লিপ্সেত, মিত্রস্যাত্মনশ্চ মিত্রাণ্যুত্থাপ্য মধ্যমাচ্চ মিত্রাণি ভেদযিত্বা মিত্রং ত্রাযেত
07.18.06 মণ্ডলং বা প্রোত্সাহযেত্ অতিপ্রবৃদ্ধোঽযং মধ্যমঃ সর্বেষাং নো বিনাশাযাভ্যুত্থিতঃ, সম্ভূযাস্য যাত্রাং বিহনাম ইতি
07.18.07 তচ্চেন্ মণ্ডলং অনুগৃহ্ণীযাত্, মধ্যমাবগ্রহেণাত্মানং উপবৃংহযেত্
07.18.08 ন চেদ্ অনুগৃহ্ণীযাত্, কোশদণ্ডাভ্যাং মিত্রং অনুগৃহ্য যে মধ্যমদ্বেষিণো রাজানঃ পরস্পরানুগৃহীতা বা বহবঃ তিষ্ঠেযুঃ, একসিদ্ধৌ বা বহবঃ সিধ্যেযুঃ, পরস্পরাদ্ বা শঙ্কিতা ন উত্তিষ্ঠেরন্, তেষাং প্রধানং একং আসন্নং বা সামদানাভ্যাং লভেত
07.18.09 দ্বিগুণো দ্বিতীযং ত্রিগুনঃ তৃতীযম্
07.18.10 এবং অভ্যুচ্চিতো মধ্যমং অবগৃহ্ণীযাত্
07.18.11 দেশকালাতিপত্তৌ বা সন্ধায মধ্যমেন মিত্রস্য সাচিব্যং কুর্যাত্, দূষ্যেষু বা কর্মসন্ধিম্
07.18.12 কর্শনীযং বাঽস্য মিত্রং মধ্যমো লিপ্সেত, প্রতিস্তম্ভযেদ্ এনং অহং ত্বা ত্রাযেয ইতি আ কর্শনাত্
07.18.13 কর্শিতং এনং ত্রাযেত
07.18.14 উচ্ছেদনীযং বাঽস্য মিত্রং মধ্যমো লিপ্সেত, কর্শিতং এনং ত্রাযেত মধ্যমবৃদ্ধিভযাত্
07.18.15 উচ্ছিন্নং বা ভূম্য্ঽনুগ্রহেণ হস্তে কুর্যাদ্ অন্যত্রাপসারভযাত্
07.18.16 কর্শনীয উচ্ছেদনীযযোশ্চেন্ মিত্রাণি মধ্যমস্য সাচিব্যকরাণি স্যুঃ, পুরুষান্তরেণ সন্ধীযেত
07.18.17 বিজিগীষোর্বা তযোর্মিত্রাণ্যবগ্রহসমর্থানি স্যুঃ, সন্ধিং উপেযাত্
07.18.18 অমিত্রং বাঽস্য মধ্যমো লিপ্সেত, সন্ধিং উপেযাত্
07.18.19 এবং স্বার্থশ্চ কৃতো ভবতি মধ্যমস্য প্রিযং চ
07.18.20 মধ্যমশ্চেত্ স্বমিত্রং মিত্রভাবি লিপ্সেত, পুরুষান্তরেণ সন্দধ্যাত্
07.18.21 সাপেক্ষং বা নার্হসি মিত্রং উচ্ছেত্তুম্ ইতি বারযেত্
07.18.22 উপেক্ষেত বা মণ্ডলং অস্য কুপ্যতু স্বপক্ষবধাত্ ইতি
07.18.23 অমিত্রং আত্মনো বা মধ্যমো লিপ্সেত, কোশদণ্ডাভ্যাং এনং অদৃশ্যমানোঽনুগৃহ্ণীযাত্
07.18.24 উদাসীনং বা মধ্যমো লিপ্সেত, অস্মৈ সাহায্যং দদ্যাদ্ উদাসীনাদ্ ভিদ্যতাম্ ইতি
07.18.25 মধ্যম উদাসীনযোর্যো মণ্ডলস্যাভিপ্রেতঃ তং আশ্রযেত
07.18.26 মধ্যমচরিতেন উদাসীনচরিতং ব্যাখ্যাতম্
07.18.27 উদাসীনশ্চেন্ মধ্যমং লিপ্সেত, যতঃ শত্রুং অতিসন্দধ্যান্ মিত্রস্য উপকারং কুর্যাদ্ উদাসীনং বা দণ্ড উপকারিণং লভেত ততঃ পরিণমেত
07.18.28 এবং উপবৃহ্যাত্মানং অরিপ্রকৃতিং কর্শযেন্ মিত্রপ্রকৃতিং চ উপগৃহ্ণীযাত্
07.18.29a সত্যপ্যমিত্রভাবে তস্যানাত্মবান্নিত্যাপকারী শত্রুঃ শত্রুসংহিতঃ পার্ষ্ণিগ্রাহো বা ব্যসনী যাতব্যো ব্যসনে বা নেতুরভিযোক্তা ইত্যরিভাবিনঃ, একার্থাভিপ্রযাতঃ পৃথগ্ঽর্থাভিপ্রযাতঃ সম্ভূযযাত্রিকঃ সংহিতপ্রযাণিকঃ স্বার্থাভিপ্রযাতঃ সামুত্থাযিকঃ কোশদণ্ডযোরন্যতরস্য ক্রেতা বিক্রেতা বা দ্বৈধীভাবিক ইতি মিত্রভাবিনঃ, –
07.18.29b সামন্তো বলবতঃ প্রতিঘাতোঽন্তর্ধিঃ প্রতিবেশো বা বলবতঃ পার্ষ্ণিগ্রাহো বা স্বযং উপনতঃ প্রতাপ উপনতো বা দণ্ড উপনত ইতি ভৃত্যভাবিনঃ সামন্তাঃ
07.18.30 তৈর্ভূম্য্.একান্তরা ব্যাখ্যাতাঃ
07.18.31ab তেষাং শত্রুবিরোধে যন্ মিত্রং একার্থতাং ব্রজেত্ |
07.18.31chd শক্ত্যা তদ্ঽনুগৃহ্ণীযাদ্ বিষহেত যযা পরম্
07.18.32ab প্রসাধ্য শত্রুং যন্ মিত্রং বৃদ্ধং গচ্ছেদ্ অবশ্যতাম্ |
07.18.32chd সামন্ত একান্তরাভ্যাং তত্প্রকৃতিভ্যাং বিরোধযেত্
07.18.33ab তত্কুলীনাপরুদ্ধাভ্যাং ভূমিং বা তস্য হারযেত্ |
07.18.33chd যথা বাঽনুগ্রহাপেক্ষং বশ্যং তিষ্ঠেত্ তথা চরেত্
07.18.34ab ন উপকুর্যাদ্ অমিত্রং বা গচ্ছেদ্ যদ্ অতিকর্শিতম্ |
07.18.34chd তদ্ অহীনং অবৃদ্ধং চ স্থাপযেন্ মিত্রং অর্থবিত্
07.18.35ab অর্থযুক্ত্যা চলং মিত্রং সন্ধিং যদ্ উপগচ্ছতি |
07.18.35chd তস্যাপগমনে হেতুং বিহন্যান্ন চলেদ্ যথা
07.18.36ab অরিসাধারণং যদ্ বা তিষ্ঠেত্ তদ্ অরিতঃ শঠম্ |
07.18.36chd ভেদযেদ্ ভিন্নং উচ্ছিন্দ্যাত্ ততঃ শত্রুং অনন্তরম্
07.18.37ab উদাসীনং চ যত্ তিষ্ঠেত্ সামন্তৈঃ তদ্ বিরোধযেত্ |
07.18.37chd ততো বিগ্রহসন্তপ্তং উপকারে নিবেশযেত্
07.18.38ab অমিত্রং বিজিগীষুং চ যত্ সঞ্চরতি দুর্বলম্ |
07.18.38chd তদ্ বলেনানুগৃহ্ণীযাদ্ যথা স্যান্ন পরান্মুখম্
07.18.39ab অপনীয ততোঽন্যস্যাং ভূমৌ বা সম্নিবেশযেত্ |
07.18.39chd নিবেশ্য পূর্বং তত্রান্যদ্ দণ্ডানুগ্রহহেতুনা
07.18.40ab অপকুর্যাত্ সমর্থং বা ন উপকুর্যাদ্ যদ্ আপদি |
07.18.40chd উচ্ছিন্দ্যাদ্ এব তন্মিত্রং বিশ্বস্যাঙ্কং উপস্থিতম্
07.18.41ab মিত্রব্যসনতো বাঽরিরুত্তিষ্ঠেদ্ যোঽনবগ্রহঃ |
07.18.41chd মিত্রেণ এব ভবেত্ সাধ্যশ্ছাদিতব্যসনেন সঃ
07.18.41ab অমিত্রব্যসনান্ মিত্রং উত্থিতং যদ্ বিরজ্যতি |
07.18.41chd অরিব্যসনসিদ্ধ্যা তত্শত্রুণা এব প্রসিধ্যতি
07.18.42ab বৃদ্ধিং ক্ষযং চ স্থানং চ কর্শন উচ্ছেদনং তথা
07.18.42chd সর্ব উপাযান্ সমাদধ্যাদ্ এতান্ যশ্চার্থশাস্ত্রবিত্ |
07.18.43ab এবং অন্যোন্যসঞ্চারং ষাড্গুণ্যং যোঽনুপশ্যতি
07.18.43chd স বুদ্ধিনিগলৈর্বদ্ধৈরিষ্টং ক্রীডতি পার্থিবৈঃ ( ইতি)

<