অর্থশাস্ত্র ০৪

Book | suppression of criminals
Chapt | keeping a watch over artisans
04.1.01 প্রদেষ্টারঃ ত্রযঃ ত্রযোঽমাত্যাঃ কণ্টকশোধনং কুর্যুঃ
04.1.02 অর্থ্যপ্রতীকারাঃ কারুশাসিতারঃ সংনিক্ষেপ্তারঃ স্ববিত্তকারবঃ শ্রেণীপ্রমাণা নিক্ষেপং গৃহ্ণীযুঃ
04.1.03 বিপত্তৌ শ্রেণী নিক্ষেপং ভজেত
04.1.04 নির্দিষ্টদেশকালকার্যং চ কর্ম কুর্যুঃ, অনির্দিষ্টদেশকালং কার্যাপদেশম্
04.1.05 কালাতিপাতনে পাদহীনং বেতনং তদ্দ্বিগুণশ্চ দণ্ডঃ
04.1.06 অন্যত্র ভ্রেষ উপনিপাতাভ্যাং নষ্টং বিনষ্টং বাঽভ্যাবহেযুঃ
04.1.07 কার্যস্যান্যথাকরণে বেতননাশঃ তদ্দ্বিগুণশ্চ দণ্ডঃ
04.1.08 তন্তুবাযা দশ একাদশিকং সূত্রং বর্ধযেযুঃ
04.1.09 বৃদ্ধিচ্ছেদে ছেদদ্বিগুণো দণ্ডঃ
04.1.10 সূত্রমূল্যং বানবেতনং, ক্ষৌমকৌশেযানাং অধ্যর্ধগুণং, পত্ত্র ঊর্ণাকম্বলদুকূলানাং দ্বিগুণম্
04.1.11 মানহীনে হীনাবহীনং বেতনং তদ্দ্বিগুণশ্চ দণ্ডঃ, তুলাহীনে হীনচতুর্গুণো দণ্ডঃ, সূত্রপরিবর্তনে মূল্যদ্বিগুণঃ
04.1.12 তেন দ্বিপটবানং ব্যাখ্যাতম্
04.1.13 ঊর্ণাতুলাযাঃ পঞ্চপলিকো বিহননচ্ছেদো রোমচ্ছেদশ্চ
04.1.14 রজকাঃ কাষ্ঠফলকশ্লক্ষ্ণশিলাসু বস্ত্রাণি নেনিজ্যুঃ
04.1.15 অন্যত্র নেনিজতো বস্ত্র উপঘাতং ষট্পণং চ দণ্ডং দদ্যুঃ
04.1.16 মুদ্গরাঙ্কাদ্ অন্যদ্ বাসঃ পরিদধানাঃ ত্রিপণং দণ্ডং দদ্যুঃ
04.1.17 পরবস্ত্রবিক্রযাবক্রযাধানেষু চ দ্বাদশপণো দণ্ডঃ, পরিবর্তনে মূল্যদ্বিগুণো বস্ত্রদানং চ
04.1.18 মুকুলাবদাতং শিলাপট্টশুদ্ধং ধৌতসূত্রবর্ণং প্রমৃষ্টশ্বেতং চ একরাত্র উত্তরং দদ্যুঃ
04.1.19 পঞ্চরাত্রিকং তনুরাগং, ষড্রাত্রিকং নীলং, পুষ্পলাক্ষামঞ্জিষ্ঠারক্তং গুরুপরিকর্ম যত্ন উপচার্যং জাত্যং বাসঃ সপ্তরাত্রিকম্
04.1.20 ততঃ পরং বেতনহানিং প্রাপ্নুযুঃ
04.1.21 শ্রদ্ধেযা রাগবিবাদেষু বেতনং কুশলাঃ কল্পযেযুঃ
04.1.22 পরার্ধ্যানাং পণো বেতনং, মধ্যমানাং অর্ধপণঃ, প্রত্যবরাণাং পাদঃ, স্থূলকানাং মাষকদ্বিমাষকং, দ্বিগুণং রক্তকানাম্
04.1.23 প্রথমনেজনে চতুর্ভাগঃ ক্ষযঃ, দ্বিতীযে পঞ্চভাগঃ
04.1.24 তেন উত্তরং ব্যাখ্যাতম্
04.1.25 রজকৈঃ তুন্নবাযা ব্যাখ্যাতাঃ
04.1.26 সুবর্ণকারাণাং অশুচিহস্তাদ্ রূপ্যং সুবর্ণং অনাখ্যায সরূপং ক্রীণতাং দ্বাদশপণো দণ্ডঃ, বিরূপং চতুর্বিংশতিপণঃ, চোরহস্তাদ্ অষ্টচত্বারিংশত্পণঃ
04.1.27 প্রচ্ছন্নবিরূপমূল্যহীনক্রযেষু স্তেযদণ্ডঃ, কৃতভাণ্ড উপধৌ চ
04.1.28 সুবর্ণান্ মাষকং অপহরতো দ্বিশতো দণ্ডঃ, রূপ্যধরণান্ মাষকং অপহরতো দ্বাদশপণঃ
04.1.29 তেন উত্তরং ব্যাখ্যাতম্
04.1.30 বর্ণ উত্কর্ষং অপসারণং যোগং বা সাধযতঃ পঞ্চশতো দণ্ডঃ
04.1.31 তযোরপচরণে রাগস্যাপহারং বিদ্যাত্
04.1.32 মাষকো বেতনং রূপ্যধরণস্য, সুবর্ণস্যাষ্টভাগঃ
04.1.33 শিক্ষাবিশেষেণ দ্বিগুণো বেতনবৃদ্ধিঃ
04.1.34 তেন উত্তরং ব্যাখ্যাতম্
04.1.35 তাম্রবৃত্তকংসবৈকৃন্তকারকূটকানাং পঞ্চকং শতং বেতনম্
04.1.36 তাম্রপিণ্ডো দশভাগক্ষযঃ
04.1.37 পলহীনে হীনদ্বিগুণো দণ্ডঃ
04.1.38 তেন উত্তরং ব্যাখ্যাতম্
04.1.39 সীসত্রপুপিণ্ডো বিংশতিভাগক্ষযঃ
04.1.40 কাকণী চাস্য পলবেতনম্
04.1.41 কালাযসপিণ্ডঃ পঞ্চভাগক্ষযঃ
04.1.42 কাকণীদ্বযং চাস্য পলবেতনম্
04.1.43 তেন উত্তরং ব্যাখ্যাতম্
04.1.44 রূপদর্শকস্য স্থিতাং পণযাত্রাং অকোপ্যাং কোপযতঃ কোপ্যাং অকোপযতো দ্বাদশপণো দণ্ডঃ
04.1.45 ব্যাজীপরিশুদ্ধৌ পণযাত্রা
04.1.46 পণান্ মাষকং উপজীবতো দ্বাদশপণো দণ্ডঃ
04.1.47 তেন উত্তরং ব্যাখ্যাতম্
04.1.48 কূটরূপং কারযতঃ প্রতিগৃহ্ণতো নির্যাপযতো বা সহস্রং দণ্ডঃ, কোশে প্রক্ষিপতো বধঃ
04.1.49 চরকপাংসুধাবকাঃ সারত্রিভাগং, দ্বৌ রাজা রত্নং চ
04.1.50 রত্নাপহার উত্তমো দণ্ডঃ
04.1.51 খনিরত্ননিধিনিবেদনেষু ষষ্ঠং অংশং নিবেত্তা লভেত, দ্বাদশং অংশং ভৃতকঃ
04.1.52 শতসহস্রাদ্ ঊর্ধ্বং রাজগামী নিধিঃ
04.1.53 ঊনে ষষ্ঠং অংশং দদ্যাত্
04.1.54 পৌর্বপৌরুষিকং নিধিং জানপদঃ শুচিঃ স্বকরণেন সমগ্রং লভেত
04.1.55 স্বকরণাভাবে পঞ্চশতো দণ্ডঃ, প্রচ্ছন্নাদানে সহস্রম্
04.1.56 ভিষজঃ প্রাণাবাধিকং অনাখ্যায উপক্রমমাণস্য বিপত্তৌ পূর্বঃ সাহসদণ্ডঃ, কর্মাপরাধেন বিপত্তৌ মধ্যমঃ
04.1.57 মর্মবধবৈগুণ্যকরণে দণ্ডপারুষ্যং বিদ্যাত্
04.1.58 কুশীলবা বর্ষারাত্রং একস্থা বসেযুঃ
04.1.59 কামদানং অতিমাত্রং একস্যাতিবাদং চ বর্জযেযুঃ
04.1.60 তস্যাতিক্রমে দ্বাদশপণো দণ্ডঃ
04.1.61 কামং দেশজাতিগোত্রচরণমৈথুনাবহাসেন নর্মযেযুঃ
04.1.62 কুশীলবৈশ্চারণা ভিক্ষুকাশ্চ ব্যাখ্যাতাঃ
04.1.63 তেষাং অযঃশূলেন যাবতঃ পণান্ অভিবদেযুঃ তাবন্তঃ শিফাপ্রহারা দণ্ডাঃ
04.1.64 শেষাণাং কর্মণাং নিষ্পত্তিবেতনং শিল্পিনাং কল্পযেত্
04.1.65ab এবং চোরান্ অচোরাখ্যান্ বণিক্কারুকুশীলবান্ |
04.1.66chd ভিক্ষুকান্ কুহকাংশ্চান্যান্ বারযেদ্ দেশপীডনাত্ ( ইতি)

Chapt | keeping a watch overtraders
04.2.01 সংস্থাঽধ্যক্ষঃ পণ্যসংস্থাযাং পুরাণভাণ্ডানাং স্বকরণবিশুদ্ধানাং আধানং বিক্রযং বা স্থাপযেত্
04.2.02 তুলামানভাণ্ডানি চাবেক্ষেত পৌতবাপচারাত্
04.2.03 পরিমাণীদ্রোণযোরর্ধপলহীনাতিরিক্তং অদোষঃ
04.2.04 পলহীনাতিরিক্তে দ্বাদশপণো দণ্ডঃ
04.2.05 তেন পল উত্তরা দণ্ডবৃদ্ধির্ব্যাখ্যাতা
04.2.06 তুলাযাঃ কর্ষহীনাতিরিক্তং অদোষঃ
04.2.07 দ্বিকর্ষহীনাতিরিক্তে ষট্পণো দণ্ডঃ
04.2.08 তেন কর্ষ উত্তরা দণ্ডবৃদ্ধির্ব্যাখ্যাতা
04.2.09 আঢকস্যার্ধকর্ষহীনাতিরিক্তং অদোষঃ
04.2.10 কর্ষহীনাতিরিক্তে ত্রিপণো দণ্ডঃ
04.2.11 তেন কর্ষ উত্তরা দণ্ডবৃদ্ধির্ব্যাখ্যাতা
04.2.12 তুলামানবিশেষাণাং অতোঽন্যেষাং অনুমানং কুর্যাত্
04.2.13 তুলামানাভ্যাং অতিরিক্তাভ্যাং ক্রীত্বা হীনাভ্যাং বিক্রীণানস্য ত এব দ্বিগুণা দণ্ডাঃ
04.2.14 গণ্যপণ্যেষ্বষ্টভাগং পণ্যমূল্যেষ্বপহরতঃ ষণ্ঁঅবতির্দণ্ডঃ
04.2.15 কাষ্ঠলোহমণিমযং রজ্জুচর্মমৃণ্মযং সূত্রবল্করোমমযং বা জাত্যং ইত্যজাত্যং বিক্রযাধানং নযতো মূল্যাষ্টগুণো দণ্ডঃ
04.2.16 সারভাণ্ডং ইত্যসারভাণ্ডং তজ্জাতং ইত্যতজ্জাতং রাধাযুক্তং ইত্যুপধিযুক্তং সমুদ্গপরিবর্তিমং বা বিক্রযাধানং নযতো হীনমূল্যং চতুষ্পঞ্চাশত্পণো দণ্ডঃ, পণমূল্যং দ্বিগুণো, দ্বিপণমূল্যং দ্বিশতঃ
04.2.17 তেনার্ঘবৃদ্ধৌ দণ্ডবৃদ্ধির্ব্যাখ্যাতা
04.2.18 কারুশিল্পিনাং কর্মগুণাপকর্ষং আজীবং বিক্রযক্রয উপঘাতং বা সম্ভূয সমুত্থাপযতাং সহস্রং দণ্ডঃ
04.2.19 বৈদেহকানাং বা সম্ভূয পণ্যং অবরুন্ধতাং অনর্ঘেণ বিক্রীণতাং বা সহস্রং দণ্ডঃ
04.2.20 তুলামানান্তরং অর্ঘবর্ণান্তরং বা – ধরকস্য মাযকস্য বা পণমূল্যাদ্ অষ্টভাগং হস্তদোষেণাচরতো দ্বিশতো দণ্ডঃ
04.2.21 তেন দ্বিশত উত্তরা দণ্ডবৃদ্ধির্ব্যাখ্যাতা
04.2.22 ধান্যস্নেহক্ষারলবণগন্ধভৈষজ্যদ্রব্যাণাং সমবর্ণ উপধানে দ্বাদশপণো দণ্ডঃ
04.2.23 যন্নিষৃষ্টং উপজীবেযুঃ তদ্ এষাং দিবসসঞ্জাতং সঙ্খ্যায বণিক্ স্থাপযেত্
04.2.24 ক্রেতৃবিক্রেত্রোরন্তরপতিতং আদাযাদ্ অন্যদ্ ভবতি
04.2.25 তেন ধান্যপণ্যনিচযাংশ্চানুজ্ঞাতাঃ কুর্যুঃ
04.2.26 অন্যথানিচিতং এষাং পণ্যাধ্যক্ষো গৃহ্ণীযাত্
04.2.27 তেন ধান্যপণ্যবিক্রযে ব্যবহরেতানুগ্রহেণ প্রজানাম্
04.2.28 অনুজ্ঞাতক্রযাদ্ উপরি চ এষাং স্বদেশীযানাং পণ্যানাং পঞ্চকং শতং আজীবং স্থাপযেত্, পরদেশীযানাং দশকম্
04.2.29 ততঃ পরং অর্ঘং বর্ধযতাং ক্রযে বিক্রযে বা ভাবযতাং পণশতে পঞ্চপণাদ্ দ্বিশতো দণ্ডঃ
04.2.30 তেনার্ঘবৃদ্ধৌ দণ্ডবৃদ্ধির্ব্যাখ্যাতা
04.2.31 সম্ভূযক্রযে চ এষাং অবিক্রীতে নান্যং সম্ভূযক্রযং দদ্যাত্
04.2.32 পণ্য উপঘাতে চ এষাং অনুগ্রহং কুর্যাত্
04.2.33 পণ্যবাহুল্যাত্ পণ্যাধ্যক্ষঃ সর্বপণ্যান্যেকমুখানি বিক্রীণীত
04.2.34 তেষ্ববিক্রীতেষু নান্যে বিক্রীণীরন্
04.2.35 তানি দিবসবেতনেন বিক্রীণীরন্ন্ অনুগ্রহেণ প্রজানাম্
04.2.36ab দেশকালান্তরিতানাং তু পণ্যানাং – প্রক্ষেপং পণ্যনিষ্পত্তিং শুল্কং বৃদ্ধিং অবক্রযম্ |
04.2.36chd ব্যযান্ অন্যাংশ্চ সঙ্খ্যায স্থাপযেদ্ অর্ঘং অর্ঘবিত্ ( ইতি)

Chapt | Remedial measures during calamities
04.3.01 দৈবান্যষ্টৌ মহাভযানি – অগ্নিরুদকং ব্যাধির্দুর্ভিক্ষং মূষিকা ব্যালাঃ সর্পা রক্ষাংসি ইতি
04.3.02 তেভ্যো জনপদং রক্ষেত্
04.3.03 গ্রীষ্মে বহির্ঽধিশ্রযণং গ্রামাঃ কুর্যুঃ, দশমূলীসঙ্গ্রহেণাধিষ্ঠিতা বা
04.3.04 নাগরিকপ্রণিধাবগ্নিপ্রতিষেধো ব্যাখ্যাতঃ, নিশান্তপ্রণিধৌ রাজপরিগ্রহে চ
04.3.05 বলিহোমস্বস্তিবাচনৈঃ পর্বসু চাগ্নিপূজাঃ কারযেত্
04.3.06 বর্ষারাত্রং আনূপগ্রামাঃ পূরবেলাং উত্সৃজ্য বসেযুঃ
04.3.07 কাষ্ঠবেণুনাবশ্চ উপগৃহ্ণীযুঃ
04.3.08 উহ্যমানং অলাবুদৃতিপ্লবগণ্ডিকাবেণিকাভিঃ তারযেযুঃ
04.3.09 অনভিসরতাং দ্বাদশপণো দণ্ডঃ, অন্যত্র প্লবহীনেভ্যঃ
04.3.10 পর্বসু চ নদীপূজাঃ কারযেত্
04.3.11 মাযাযোগবিদো বেদবিদো বা বর্ষং অভিচরেযুঃ
04.3.12 বর্ষাবগ্রহে শচীনাথগঙ্গাপর্বতমহাকচ্ছপূজাঃ কারযেত্
04.3.13 ব্যাধিভযং ঔপনিষদিকৈঃ প্রতীকারৈঃ প্রতিকুর্যুঃ, ঔষধৈশ্চিকিত্সকাঃ শান্তিপ্রাযশ্চিত্তৈর্বা সিদ্ধতাপসাঃ
04.3.14 তেন মরকো ব্যাখ্যাতঃ
04.3.15 তীর্থাভিSএচনং মহাকচ্ছবর্ধনং গবাং শ্মশানাবদোহনং কবন্ধদহনং দেবরাত্রিং চ কারযেত্
04.3.16 পশুব্যাধিমরকে স্থানার্থনীরাজনং স্বদৈবতপূজনং চ কারযেত্
04.3.17 দুর্ভিক্ষে রাজা বীজভক্ত উপগ্রহং কৃত্বাঽনুগ্রহং কুর্যাত্, দুর্গসেতুকর্ম বা ভক্তানুগ্রহেণ, ভক্তসংবিভাগং বা, দেশনিক্ষেপং বা
04.3.18 মিত্রাণি বা ব্যপাশ্রযেত, কর্শনং বমনং বা কুর্যাত্
04.3.19 নিষ্পন্নসস্যং অন্যবিষযং বা সজনপদো যাযাত্, সমুদ্রসরস্তটাকানি বা সংশ্রযেত
04.3.20 ধান্যশাকমূলফলাবাপান্ বা সেতুষু কুর্বীত, মৃগপশুপক্ষিব্যালমত্স্যারম্ভান্ বা
04.3.21 মূষিকভযে মার্জারনকুল উত্সর্গঃ
04.3.22 তেষাং গ্রহণহিংসাযাং দ্বাদশপণো দণ্ডঃ, শুনাং অনিগ্রহে চান্যত্রারণ্যচরেভ্যঃ
04.3.23 স্নুহিক্ষীরলিপ্তানি ধান্যানি বিসৃজেদ্, উপনিষদ্যোগযুক্তানি বা
04.3.24 মূষিককরং বা প্রযুঞ্জীত
04.3.25 শান্তিং বা সিদ্ধতাপসাঃ কুর্যুঃ
04.3.26 পর্বসু চ মূষিকপূজাঃ কারযেত্
04.3.27 তেন শলভপক্ষিক্রিমিভযপ্রতীকারা ব্যাখ্যাতাঃ
04.3.28 ব্যালভযে মদনরসযুক্তানি পশুশবানি প্রসৃজেত্, মদনকোদ্রবপূর্ণান্যৌদর্যাণি বা
04.3.29 লুব্ধকাঃ শ্বগণিনো বা কূটপঞ্জরাবপাতৈশ্চরেযুঃ
04.3.30 আবরণিনঃ শস্ত্রপাণযো ব্যালান্ অভিহন্যুঃ
04.3.31 অনভিসর্তুর্দ্বাদশপণো দণ্ডঃ
04.3.32 স এব লাভো ব্যালঘাতিনঃ
04.3.33 পর্বসু চ পর্বতপূজাঃ কারযেত্
04.3.34 তেন মৃগপশুপক্ষিসঙ্ঘগ্রাহপ্রতীকারা ব্যাখ্যাতাঃ
04.3.35 সর্পভযে মন্ত্রৈরোষধিভিশ্চ জাঙ্গুলীবিদশ্চরেযুঃ
04.3.36 সম্ভূয বাঽপি সর্পান্ হন্যুঃ
04.3.37 অথর্ববেদবিদো বাঽভিচরেযুঃ
04.3.38 পর্বসু চ নাগপূজাঃ কারযেত্
04.3.39 তেন উদকপ্রাণিভযপ্রতীকারা ব্যাখ্যাতাঃ
04.3.40 রক্ষোভযে রক্ষোঘ্নান্যথর্ববেদবিদো মাযাযোগবিদো বা কর্মাণি কুর্যুঃ
04.3.41 পর্বসু চ বিতর্দিচ্ছত্র উল্লোপিকাহস্তপতাকাচ্ছাগ উপহারৈশ্চৈত্যপূজাঃ কারযেত্
04.3.42 চরুং বশ্চরামঃ ইত্যেবং সর্বভযেষ্বহোরাত্রং চরেযুঃ
04.3.43 সর্বত্র চ উপহতান্ পিতা ইবানুগৃহ্ণীযাত্
04.3.44ab মাযাযোগবিদঃ তস্মাদ্ বিষযে সিদ্ধতাপসাঃ |
04.3.44chd বসেযুঃ পূজিতা রাজ্ঞা দৈবাপত্প্রতিকারিণঃ ( ইতি)

Chapt | Guarding against persons with secret means of income
04.4.01 সমাহর্তৃপ্রণিধৌ জনপদরক্ষণং উক্তম্
04.4.02 তস্য কণ্টকশোধনং বক্ষ্যামঃ
04.4.03 সমাহর্তা জনপদে সিদ্ধতাপসপ্রব্রজিতচক্রচরচারণকুহকপ্রচ্ছন্দককার্তান্তিকনৈমিত্তিকমৌহূর্তিকচিকিত্সক উন্মত্তমূকবধিরজডান্ধবৈদেহককারুশিল্পিকুশীলববেশশৌণ্ডিকাপূপিকপাক্বমাংসিকাউদনিকব্যঞ্জনান্ প্রণিদধ্যাত্
04.4.04 তে গ্রামাণাং অধ্যক্ষাণাং চ শৌচাশৌচং বিদ্যুঃ
04.4.05 যং চাত্র গূঢাজীবিনং শঙ্কেত তং সত্ত্রিণাঽপসর্পযেত্
04.4.06 ধর্মস্থং বিশ্বাস উপগতং সত্ত্রী ব্রূযাত্ – অসৌ মে বন্ধুরভিযুক্তঃ, তস্যাযং অনর্থঃ প্রতিক্রিযতাং, অযং চার্থঃ প্রতিগৃহ্যতাম্ ইতি
04.4.07 স চেত্ তথা কুর্যাদ্ উপদাগ্রাহক ইতি প্রবাস্যেত
04.4.08 তেন প্রদেষ্টারো ব্যাখ্যাতাঃ
04.4.09 গ্রামকূটং অধ্যক্ষং বা সত্ত্রী ব্রূযাত্ – অসৌ জাল্মঃ প্রভূতদ্রব্যঃ, তস্যাযং অনর্থঃ, তেন এনং আহারযস্ব ইতি
04.4.10 স চেত্ তথা কুর্যাদ্ উত্কোচক ইতি প্রবাস্যেত
04.4.11 কৃতকাভিযুক্তো বা কূটসাক্ষিণোঽভিজ্ঞাতানর্থবৈপুল্যেনারভেত
04.4.12 তে চেত্ তথা কুর্যুঃ কূটসাক্ষিণ ইতি প্রবাস্যেরন্
04.4.13 তেন কূটশ্রাবণকারকা ব্যাখ্যাতাঃ
04.4.14 যং বা মন্ত্রযোগমূলকর্মভিঃ শ্মাশানিকৈর্বা সংবদনকরকং মন্যেত তং সত্ত্রী ব্রূযাত্ – অমুষ্য ভার্যাং স্নুষাং দুহিতরং বা কামযে, সা মাং প্রতিকামযতাং, অযং চার্থঃ প্রতিগৃহ্যতাম্ ইতি
04.4.15 স চেত্ তথা কুর্যাত্ সংবদনকারক ইতি প্রবাস্যেত
04.4.16 তেন কৃত্যাভিচারশীলৌ ব্যাখ্যাতৌ
04.4.17 যং বা রসস্য কর্তারং ক্রেতারং বিক্রেতারং ভৈষজ্যাহারব্যবহারিণং বা রসদং মন্যেত তং সত্ত্রী ব্রূযাত্ – অসৌ মে শত্রুঃ, তস্য উপঘাতঃ ক্রিযতাং, অযং চার্থঃ প্রতিগৃহ্যতাম্ ইতি
04.4.18 স চেত্ তথা কুর্যাদ্ রসদ ইতি প্রবাস্যেত
04.4.19 তেন মদনযোগব্যবহারী ব্যাখ্যাতঃ
04.4.20 যং বা নানালোহক্ষারাণাং অঙ্গারভস্মাসন্দংশমুষ্টিকাধিকরণীবিম্ব.টঙ্কমূষাণাং অভীক্ষ্ণক্রেতারং মষীভস্মধূমদিগ্ধহস্তবস্ত্রলিঙ্গং কর্মার উপকরণসংসর্গং কূটরূপকারকং মন্যেত তং সত্ত্রী শিষ্যত্বেন সংব্যবহারেণ চানুপ্রবিশ্য প্রজ্ঞাপযেত্
04.4.21 প্রজ্ঞাতঃ কূটরূপকারক ইতি প্রবাস্যেত
04.4.22 তেন রাগস্যাপহর্তা কূটসুবর্ণব্যবহারী চ ব্যাখ্যাতঃ
04.4.23ab আরব্ধারঃ তু হিংসাযাং গূঢাজীবাঃ ত্রযোদশ |
04.4.23chd প্রবাস্যা নিষ্ক্রযার্থং বা দদ্যুর্দোষবিশেষতঃ ( ইতি)

Chapt | Detection of criminals througH secret agents in the disguise of holymen
04.5.01 সত্ত্রিপ্রযোগাদ্ ঊর্ধ্বং সিদ্ধব্যঞ্জনা মাণবান্ মাণববিদ্যাভিঃ প্রলোভযেযুঃ, প্রস্বাপনান্তর্ধানদ্বারাপোহমন্ত্রেণ প্রতিরোধকান্, সংবদনমন্ত্রেণ পারতল্পিকান্
04.5.02 তেষাং কৃত উত্সাহানাং মহান্তং সঙ্ঘং আদায রাত্রাবন্যং গ্রামং উদ্দিশ্যান্যং গ্রামং কৃতকস্ত্রীপুরুষং গত্বা ব্রূযুঃ – ইহ এব বিদ্যাপ্রভাবো দৃশ্যতাং, কৃচ্ছ্রঃ পরগ্রামো গন্তুম্ ইতি
04.5.03 ততো দ্বারাপোহমন্ত্রেণ দ্বারাণ্যপোহ্য প্রবিশ্যতাম্ ইতি ব্রূযুঃ
04.5.04 অন্তর্ধানমন্ত্রেণ জাগ্রতাং আরক্ষিণাং মধ্যেন মাণবান্ অতিক্রামযেযুঃ
04.5.05 প্রস্বাপনমন্ত্রেণ প্রস্বাপযিত্বা রক্ষিণঃ শযাভির্মাণবৈঃ সঞ্চারযেযুঃ
04.5.06 সংবদনমন্ত্রেণ ভার্যাব্যঞ্জনাঃ পরেষাং মাণবৈঃ সম্মোদযেযুঃ
04.5.07 উপলব্ধবিদ্যাপ্রভাবাণাং পুরশ্চরণাঽঽদ্যাদিশেযুরভিজ্ঞানার্থম্
04.5.08 কৃতলক্ষণদ্রব্যেষু বা বেশ্মসু কর্ম কারযেযুঃ
04.5.09 অনুপ্রবিষ্টা বা একত্র গ্রাহযেযুঃ
04.5.10 কৃতলক্ষণদ্রব্যক্রযবিক্রযাধানেষু যোগসুরামত্তান্ বা গ্রাহযেযুঃ
04.5.11 গৃহীতান্ পূর্বাপদানসহাযান্ অনুযুঞ্জীত
04.5.12 পুরাণচোরব্যঞ্জনা বা চোরান্ অনুপ্রবিষ্টাঃ তথা এব কর্ম কারযেযুর্গ্রাহযেযুশ্চ
04.5.13 গৃহীতান্ সমাহর্তা পৌরজানপদানাং দর্শযেত্ – চোরগ্রহণীং বিদ্যাং অধীতে রাজা, তস্য উপদেশাদ্ ইমে চোরা গৃহীতাঃ, ভূযশ্চ গ্রহীষ্যামি, বারযিতব্যো বঃ স্বজনঃ পাপাচারহ্ ইতি
04.5.14 যং চাত্রাপসর্প উপদেশেন শম্যাপ্রতোদাদীনাং অপহর্তারং জানীযাত্ তং এষাং প্রত্যাদিশেত্ এষ রাজ্ঞঃ প্রভাবঃ ইতি
04.5.15 পুরাণচোরগোপালকব্যাধশ্বগণিনশ্চ বনচোরাটবিকান্ অনুপ্রবিষ্টাঃ প্রভূতকূটহিরণ্যকুপ্যভাণ্ডেষু সার্থব্রজগ্রামেষ্বেনান্ অভিযোজযেযুঃ
04.5.16 অভিযোগে গূঢবলৈর্ঘাতযেযুঃ, মদনরসযুক্তেন বা পথ্য্ঽদনেন
04.5.17 গৃহীতলোপ্ত্রভারান্ আযতগতপরিশ্রান্তান্ প্রস্বপতঃ প্রহবণেষু যোগসুরামত্তান্ বা গ্রাহযেযুঃ
04.5.18ab পূর্ববচ্চ গৃহীত্বা এনান্ সমাহর্তা প্ররূপযেত্ |
04.5.18chd সর্বজ্ঞখ্যাপনং রাজ্ঞঃ কারযন্ রাষ্ট্রবাসিষু ( ইতি)

Chapt | Arrest on suspicion, with the stolen article and by indication of the act
04.6.01 সিদ্ধপ্রযোগাদ্ ঊর্ধ্বং শঙ্কারূপকর্মাভিগ্রহঃ
04.6.02a ক্ষীণদাযকুটুম্বং, অল্পনির্বেশং, বিপরীতদেশজাতিগোত্রনামকর্মাপদেশং, প্রচ্ছন্নবৃত্তিকর্মাণং,
04.6.02b মাংসসুরাভক্ষ্যভোজনগন্ধমাল্যবস্ত্রবিভূষণেষু প্রসক্তং, অতিব্যযকর্তারং, পুংশ্চলীদ্যূতশৌণ্ডিকেষু প্রসক্তং,
04.6.02ch অভীক্ষ্ণপ্রবাসিনং, অবিজ্ঞাতস্থানগমনং, একান্তারণ্যনিষ্কুটবিকালচারিণং, প্রচ্ছন্নে সামিষে বা দেশে বহুমন্ত্রসংনিপাতং,
04.6.02d সদ্যঃক্ষতব্রণানাং গূঢপ্রতীকারকারযিতারং, অন্তর্গৃহনিত্যং, অভ্যধিগন্তারং, কান্তাপরং,
04.6.02e পরপরিগ্রহাণাং পরস্ত্রীদ্রব্যবেশ্মনাং অভীক্ষ্ণপ্রষ্টারং, কুত্সিতকর্মশাস্ত্র উপকরণসংসর্গং,
04.6.02f বিরাত্রে ছন্নকুড্যচ্ছাযাসঞ্চারিণং, বিরূপদ্রব্যাণাং অদেশকালবিক্রেতারং, জাতবৈরশযং, হীনকর্মজাতিং,
04.6.02g বিগূহমানরূপং, লিঙ্গেনালিঙ্গিনং, লিঙ্গিনং বা ভিন্নাচারং, পূর্বকৃতাপদানং, স্বকর্মভিরপদিষ্টং,
04.6.02h নাগরিকমহামাত্রদর্শনে গুহমানং অপসরন্তং অনুচ্ছ্বাস উপবেশিনং আবিগ্নং শুষ্কভিন্নস্বরমুখবর্ণং,
04.6.02i শস্ত্রহস্তমনুষ্যসম্পাতত্রাসিনং, হিংস্রস্তেননিধিনিক্ষেপাপহারপরপ্রযোগগূঢাজীবিনাং অন্যতমং শঙ্কেত ইতি শঙ্কাঽভিগ্রহঃ ||
04.6.03 রূপাভিগ্রহঃ তু – নষ্টাপহৃতং অবিদ্যমানং তজ্জাতব্যবহারিষু নিবেদযেত্
04.6.04 তচ্চেন্নিবেদিতং আসাদ্য প্রচ্ছাদযেযুঃ সাচিব্যকরদোষং আপ্নুযুঃ
04.6.05 অজানন্তোঽস্য দ্রব্যস্যাতিসর্গেণ মুচ্যেরন্
04.6.06 ন চানিবেদ্য সংস্থাঽধ্যক্ষস্য পুরাণভাণ্ডানাং আধানং বিক্রযং বা কুর্যুঃ
04.6.07 তচ্চেন্নিবেদিতং আসাদ্যেত, রূপাভিগৃহীতং আগমং পৃচ্ছেত্ কুতঃ তে লব্ধম্ ইতি
04.6.08 স চেত্ ব্রূযাত্ দাযাদ্যাদ্ অবাপ্তং, অমুষ্মাল্লব্ধং ক্রীতং কারিতং আধিপ্রচ্ছন্নং, অযং অস্য দেশঃ কালশ্চ উপসম্প্রাপ্তেঃ, অযং অস্যার্ঘঃ প্রমাণং লক্ষণং মূল্যং চ ইতি, তস্যাগমসমাধৌ মুচ্যেত
04.6.09 নাষ্টিকশ্চেত্ তদ্ এব প্রতিসন্দধ্যাত্, যস্যা পূর্বো দীর্ঘশ্চ পরিভোগঃ শুচির্বা দেশঃ তস্য দ্রব্যং ইতি বিদ্যাত্
04.6.10 চতুষ্পদদ্বিপদানাং অপি হি রূপলিঙ্গসামান্যং ভবতি, কিং অঙ্গ পুনরেকযোনিদ্রব্যকর্তৃপ্রসূতানাং কুপ্যাভরণভাণ্ডানাং ইতি
04.6.11 স চেদ্ ব্রূযাত্ যাচিতকং অবক্রীতকং আহিতকং নিক্ষেপং উপনিধিং বৈযাবৃত্যকর্ম বাঽমুষ্য ইতি, তস্যাপসারপ্রতিসন্ধানেন মুচ্যেত
04.6.12 ন এবম্ ইত্যপসারো বা ব্রূযাত্, রূপাভিগৃহীতঃ পরস্য দানকারণং আত্মনঃ প্রতিগ্রহকারণং উপলিঙ্গনং বা দাযকদাপকনিবন্ধকপ্রতিগ্রাহক উপদ্রষ্টৃভিরুপশ্রোতৃভির্বা প্রতিসমানযেত্
04.6.13 উজ্ঝিতপ্রনষ্টনিষ্পতিত উপলব্ধস্য দেশকাললাভ উপলিঙ্গনেন শুদ্ধিঃ
04.6.14 অশুদ্ধঃ তচ্চ তাবচ্চ দণ্ডং দদ্যাত্
04.6.15 অন্যথা স্তেযদণ্ডং ভজেত ইতি রূপাভিগ্রহঃ |
04.6.16 কর্মাভিগ্রহঃ তু – মুষিতবেশ্মনঃ প্রবেশনিষ্কসনং অদ্বারেণ, দ্বারস্য সন্ধিনা বীজেন বা বেধং, উত্তমাগারস্য জালবাতাযননীপ্রবেধং, আরোহণাবতরণে চ কুড্যস্য বেধং, উপখননং বা গূঢদ্রব্যনিক্ষেপণগ্রহণ উপাযং, উপদেশ উপলভ্যং অভ্যন্তরচ্ছেদ উত্করপরিমর্দ উপকরণং অভ্যন্তরকৃতং বিদ্যাত্
04.6.17 বিপর্যযে বাহ্যকৃতং, উভযত উভযকৃতম্
04.6.18a অভ্যন্তরকৃতে পুরুষং আসন্নং ব্যসনিনং ক্রূরসহাযং তস্কর উপকরণসংসর্গং, স্ত্রিযং বা দরিদ্রকুলাং অন্যপ্রসক্তাং বা,
04.6.18b পরিচারকজনং বা তদ্বিধাচারং, অতিস্বপ্নং, নিদ্রাক্লান্তং, আবিগ্নং | শুষ্কভিন্নস্বরমুখবর্ণং, অনবস্থিতং,
04.6.18ch অতিপ্রলাপিনং, উচ্চারোহণসংরব্ধগাত্রং, বিলূননিঘৃষ্টভিন্নপাটিতশরীরবস্ত্রং, জাতকিণসংরব্ধহস্তপাদং,
04.6.18d পাংসুপূর্ণকেশনখং বিলূনভুগ্নকেশনখং বা, সম্যক্স্নাতানুলিপ্তং তৈলপ্রমৃষ্টগাত্রং সদ্যোদৌতহস্তপাদং বা,
04.6.18e পাংসুপিচ্ছিলেষু তুল্যপাদপদনিক্ষেপং, প্রবেশনিষ্কসনযোর্বা তুল্যমাল্যমদ্যগন্ধবস্ত্রচ্ছেদবিলেপনস্বেদং পরীক্ষেত
04.6.19 চোরং পারদারিকং বা বিদ্যাত্
04.6.20ab সগোপস্থানিকো বাহ্যং প্রদেষ্টা চোরমার্গণম্ |
04.6.20chd কুর্যান্নাগরিকশ্চান্তর্দুর্গে নির্দিষ্টহেতুভিঃ ( ইতি)

Chapt | In quest of sudden deaths
04.7.01 তৈলাভ্যক্তং আশুমৃতকং পরীক্ষেত
04.7.02 নিষ্কীর্ণমূত্রপুরীষং বাতপূর্ণকোষ্ঠত্বক্কং শূনপাদপাণিমান্ মীলিতাক্ষং সব্যঞ্জনকণ্ঠং পীটননিরুদ্ধ উচ্ছ্বাসহতং বিদ্যাত্
04.7.03 তং এব সঙ্কুচিতবাহুসক্থিং উদ্বন্ধহতং বিদ্যাত্
04.7.04 শূনপাণিপাদ উদরং অপগতাক্ষং উদ্বৃত্তনাভিং অবরোপিতং বিদ্যাত্
04.7.05 নিস্তব্ধগুদাক্ষং সন্দষ্টজিহ্বং আধ্মাত উদরং উদকহতং বিদ্যাত্
04.7.06 শোণিতানুসিক্তং ভগ্নভিন্নগাত্রং কাষ্ঠৈরশ্মভির্বা হতং বিদ্যাত্
04.7.07 সম্ভগ্নস্ফুটিতগাত্রং অবক্ষিপ্তং বিদ্যাত্
04.7.08 শ্যাবপাণিপাদদন্তনখং শিথিলমাংসরোমচর্মাণং ফেন উপদিগ্ধমুখং বিষহতং বিদ্যাত্
04.7.09 তং এব স-শোণিতদংশং সর্পকীটহতং বিদ্যাত্ |
04.7.10 বিক্ষিপ্তবস্ত্রগাত্রং অতিবন্তবিরিক্তং মদনযোগহতং বিদ্যাত্
04.7.11 অতোঽন্যতমেন কারণেন হতং হত্বা বা দণ্ডভযাদ্ উদ্বদ্ধনিকৃত্তকণ্ঠং বিদ্যাত্
04.7.12 বিষহতস্য ভোজনশেষং বযোভিঃ পরীক্ষেত
04.7.13 হৃদযাদ্ উদ্ধৃত্যাগ্নৌ প্রক্ষিপ্তং চিটিচিটাযদ্.ইন্দ্রধনুর্বর্ণং বা বিষযুক্তং বিদ্যাত্, দগ্ধস্য হৃদযং অদগ্ধং দৃষ্ট্বা বা
04.7.14 তস্য পরিচারকজনং বাগ্দণ্ডপারুষ্যাতিলব্ধং মার্গেত, দুঃখ উপহতং অন্যপ্রসক্তং বা স্ত্রীজনং, দাযবৃত্তিস্ত্রীজনাভিমন্তারং বা বন্ধুম্
04.7.15 তদ্ এব হত উদ্বদ্ধস্য পরীক্ষেত
04.7.16 স্বযং উদ্বদ্ধস্য বা বিপ্রকারং অযুক্তং মার্গেত
04.7.17 সর্বেষাং বা স্ত্রীদাযাদ্যদোষঃ কর্মস্পর্ধা প্রতিপক্ষদ্বেষঃ পণ্যসংস্থাসমবাযো বা বিবাদপদানাং অন্যতমদ্ বা রোষস্থানম্
04.7.18 রোষনিমিত্তো ঘাতঃ
04.7.19 স্বযংঽঅদিষ্টপুরুষৈর্বা, চোরৈরর্থনিমিত্তং, সাদৃশ্যাদ্ অন্যবৈরিভির্বা হতস্য ঘাতং আসন্নেভ্যঃ পরীক্ষেত
04.7.20 যেনাহূতঃ সহ স্থিতঃ প্রস্থিতো হতভূমিং আনীতো বা তং অনুযুঞ্জীত
04.7.21 যে চাস্য হতভূমাবাসন্নচরাঃ তান্ এক একশঃ পৃচ্ছেত্ কেনাযং ইহানীতো হতো বা, কঃ সশস্ত্রঃ সঙ্গূহমান উদ্বিগ্নো বা যুষ্মাভির্দৃষ্টঃ ইতি
04.7.22 তে যথা ব্রূযুঃ তথাঽনুযুঞ্জীত
04.7.23ab অনাথস্য শরীরস্থং উপভোগং পরিচ্ছদম্ |
04.7.23chd বস্ত্রং বেষং বিভূষাং বা দৃষ্ট্বা তদ্ব্যবহারিণঃ
04.7.24ab অনুযুঞ্জীত সংযোগং নিবাসং বাসকারণম্ |
04.7.24chd কর্ম চ ব্যবহারং চ ততো মার্গণং আচরেত্
04.7.25ab রজ্জুশস্ত্রবিষৈর্বাঽপি কামক্রোধবশেন যঃ |
04.7.25chd ঘাতযেত্ স্বযং আত্মানং স্ত্রী বা পাপেন মোহিতা
04.7.26ab রজ্জুনা রাজমার্গে তাংশ্চণ্ডালেনাপকর্ষযেত্ |
04.7.26chd ন শ্মশানবিধিঃ তেষাং ন সম্বন্ধিক্রিযাঃ তথা
04.7.27ab বন্ধুঃ তেষাং তু যঃ কুর্যাত্ প্রেতকার্যক্রিযাবিধিম্ |
04.7.27chd তদ্গতিং স চরেত্ পশ্চাত্ স্বজনাদ্ বা প্রমুচ্যতে
04.7.28ab সংবত্সরেণ পততি পতিতেন সমাচরন্ |
04.7.28chd যাজনাধ্যাপনাদ্ যৌনাত্ তৈশ্চান্যোঽপি সমাচরন্ ( ইতি)

Chapt | Investigation througH interrogation and througH torture
04.8.01 মুষিতসংনিধৌ বাহ্যানাং অভ্যন্তরাণাং চ সাক্ষিণাং অভিশস্তস্য দেশজাতিগোত্রনামকর্মসারসহাযনিবাসান্ অনুযুঞ্জীত
04.8.02 তাংশ্চাপদেশৈঃ প্রতিসমানযেত্
04.8.03 ততঃ পূর্বস্যাহ্নঃ প্রচারং রাত্রৌ নিবাসং চ গ্রহণাদ্ ইত্যনুযুঞ্জীত
04.8.04 তস্যাপসারপ্রতিসন্ধানে শুদ্ধঃ স্যাত্, অন্যথা কর্মপ্রাপ্তঃ
04.8.05 ত্রিরাত্রাদ্ ঊর্ধ্বং অগ্রাহ্যঃ শঙ্কিতকঃ পৃচ্ছাঽভাবাদ্ অন্যত্র উপকরণদর্শনাত্
04.8.06 অচোরং চোর ইত্যভিব্যাহরতশ্চোরসমো দণ্ডঃ, চোরং প্রচ্ছাদযতশ্চ
04.8.07 চোরেণাভিশস্তো বৈরদ্বেষাভ্যাং অপদিষ্টকঃ শুদ্ধঃ স্যাত্
04.8.08 শুদ্ধং পরিবাসযতঃ পূর্বঃ সাহসদণ্ডঃ
04.8.09 শঙ্কানিষ্পন্নং উপকরণমন্ত্রিসহাযরূপবৈযাবৃত্যকরান্নিষ্পাদযেত্
04.8.10 কর্মণশ্চ প্রদেশদ্রব্যাদানাংশবিভাগৈঃ প্রতিসমানযেত্
04.8.11 এতেষাং কারণানাং অনভিসন্ধানে বিপ্রলপন্তং অচোরং বিদ্যাত্
04.8.12 দৃশ্যতে হ্যচোরোঽপি চোরমার্গে যদৃচ্ছযা সংনিপাতে চোরবেষশস্ত্রভাণ্ডসামান্যেন গৃহ্যমাণশ্চোরভাণ্ডস্য উপবাসেন বা, যথাঽণিমাণ্ডব্যঃ কর্মক্লেশভযাদ্ অচোরঃ চোরোঽস্মি ইতি ব্রুবাণঃ
04.8.13 তস্মাত্ সমাপ্তকরণং নিযমযেত্
04.8.14 মন্দাপরাধং বালং বৃদ্ধং ব্যাধিতং মত্তং উন্মত্তং ক্ষুত্পিপাসাঽধ্বক্লান্তং অত্যাশিতং আমকাশিতং দুর্বলং বা ন কর্ম কারযেত্
04.8.15 তুল্য শীলপুংশ্চলীপ্রাপাবিককথাঽবকাশভোজনদাতৃভিরপসর্পযেত্
04.8.16 এবং অতিসন্দধ্যাত্, যথা বা নিক্ষেপাপহারে ব্যাখ্যাতম্
04.8.17 আপ্তদোষং কর্ম কারযেত্, ন ত্বেব স্ত্রিযং গর্ভিণীং সূতিকাং বা মাসাবরপ্রজাতাম্
04.8.18 স্ত্রিযাঃ ত্বর্ধকর্ম, বাক্যানুযোগো বা
04.8.19 ব্রাহ্মণস্য সত্ত্রিপরিগ্রহঃ শ্রুতবতঃ তপস্বিনশ্চ
04.8.20 তস্যাতিক্রম উত্তমো দণ্ডঃ কর্তুঃ কারযিতুশ্চ, কর্মণা ব্যাপাদনেন চ
04.8.21 ব্যাবহারিকং কর্মচতুষ্কং – ষড্ দণ্ডাঃ, সপ্ত কশাঃ, দ্বাবুপরিনিবন্ধৌ, উদকনালিকা চ
04.8.22 পরং পাপকর্মণাং নব বেত্রলতাঃ, দ্বাদশ কশাঃ, দ্বাবূরুবেষ্টৌ, বিংশতির্নক্তমাললতাঃ, দ্বাত্রিংশত্তলাঃ, দ্বৌ বৃশ্চিকবন্ধৌ, উল্লম্বনে চ দ্বে, সূচী হস্তস্য, যবাগূপীতস্য একপর্বদহনং অঙ্গুল্যাঃ, স্নেহপীতস্য প্রতাপনং একং অহঃ, শিশিররাত্রৌ বল্বজাগ্রশয্যা চ
04.8.23 ইত্যষ্টাদশকং কর্ম
04.8.24 তস্য উপকরণং প্রমাণং প্রহরণং প্রধরণং অবধারণং চ খরপট্টাদ্ আগমযেত্
04.8.25 দিবসান্তরং এক একং চ কর্ম কারযেত্
04.8.26 পূর্বকৃতাপদানং প্রতিজ্ঞাযাপহরন্তং একদেশদৃষ্টদ্রব্যং কর্মণা রূপেণ বা গৃহীতং রাজকোশং অবস্তৃণন্তং কর্মবধ্যং বা রাজবচনাত্ সমস্তং ব্যস্তং অভ্যস্তং বা কর্ম কারযেত্
04.8.27 সর্বাপরাধেষ্বপীডনীযো ব্রাহ্মণঃ
04.8.28 তস্যাভিশস্তাঙ্কো ললাটে স্যাদ্ ব্যবহারপতনায, স্তেযো শ্বা, মনুষ্যবধে কবন্ধঃ, গুরুতল্পে ভগং, সুরাপানে মদ্যধ্বজঃ
04.8.29ab ব্রাহ্মণং পাপকর্মাণং উদ্ঘুষ্যাঙ্ককৃতব্রণম্ |
04.8.29chd কুর্যান্নির্বিষযং রাজা বাসযেদ্ আকরেষু বা ( ইতি)

Chapt | keeping a watch over officers of all departments
04.9.01 সমাহর্তৃপ্রদেষ্টারঃ পূর্বং অধ্যক্ষাণাং অধ্যক্ষপুরুষাণাং চ নিযমনং কুর্যুঃ
04.9.02 খনিসারকর্মান্তেভ্যঃ সারং রত্নং বাঽপহরতঃ শুদ্ধবধঃ
04.9.03 ফল্গুদ্রব্যকর্মান্তেভ্যঃ ফল্গু দ্রব্যং উপস্করং বা পূর্বঃ সাহসদণ্ডঃ
04.9.04 পণ্যভূমিভ্যো বা রাজপণ্যং মাষমূল্যাদ্ ঊর্ধ্বং আপাদমূল্যাদ্ ইত্যপহরতো দ্বাদশপণো দণ্ডঃ, আদ্বিপাদমূল্যাদ্ ইতি চতুর্বিংশতিপণঃ, আত্রিপাদমূল্যাদ্ ইতি ষট্ত্রিংশত্পণঃ, আপণমূল্যাদ্ ইত্যষ্টচত্বারিংশত্পণঃ, আদ্বিপণমূল্যাদ্ ইতি পূর্বঃ সাহসদণ্ডঃ, আচতুষ্পণমূল্যাদ্ ইতি মধ্যমঃ, আঽষ্টপণমূল্যাদ্ ইত্যুত্তমঃ, আদশপণমূল্যাদ্ ইতি বধঃ
04.9.05 কোষ্ঠপণ্যকুপ্যাযুধাগারেভ্যঃ কুপ্যভাণ্ড উপস্করাপহারেষ্বর্ধমূল্যেষু এত এব দণ্ডাঃ
04.9.06 কোশভাণ্ডাগারাক্ষশালাভ্যশ্চতুর্ভাগমূল্যেষু এত এব দ্বিগুণা দণ্ডাঃ
04.9.07 চোরাণাং অভিপ্রধর্ষণে চিত্রো ঘাতঃ
04.9.08 ইতি রাজপরিগ্রহেষু ব্যাখ্যাতম্
04.9.09 বাহ্যেষু তু – প্রচ্ছন্নং অহনি ক্ষেত্রখলবেশ্মাপণেভ্যঃ কুপ্যভাণ্ডং উপস্করং বা মাষমূল্যাদ্ ঊর্ধ্বং আপাদমূল্যাদ্ ইত্যপহরতঃ ত্রিপণো দণ্ডঃ, গোমযপ্রদেহেন বা প্রলিপ্যাবঘোষণম্ আদ্বিপাদমূল্যাদ্ ইতি ষট্পণঃ, গোমযভস্মনা বা প্রলিপ্যাবঘোষণং, আত্রিপাদমূল্যাদ্ ইতি নবপণঃ, গোমযভস্মনা বা প্রলিপ্যাবঘোষণং, শরাবমেখলযা বাঽঅপণমূল্যাদ্ ইতি দ্বাদশপণঃ, মুণ্ডনং প্রব্রাজনং বাঽঅদ্বিপণমূল্যাদ্ ইতি চতুর্বিংশতিপণঃ, মুণ্ডস্য ইষ্টকাশকলেন প্রব্রাজনং বাঽঅচতুষ্পণমূল্যাদ্ ইতি ষট্ত্রিংশত্পণঃ আপঞ্চপণমূল্যাদ্ ইত্যষ্টচত্বারিংশত্পণঃ, আদশপণমূল্যাদ্ ইতি পূর্বঃ সাহসদণ্ডঃ আবিংশতিপণমূল্যাদ্ ইত্ দ্বিশতঃ আত্রিংশত্পণমূল্যাদ্ ইতি পঞ্চশতঃ আচত্বারিংশত্পণমূল্যাদ্ ইতি সাহস্রঃ আপঞ্চাশত্পণমূল্যাদ্ ইতি বধঃ
04.9.10 প্রসহ্য দিবা রাত্রৌ বাঽঽন্তর্যামিকং অপহরতোঽর্ধমূল্যেষু এত এব দণ্ডাঃ
04.9.11 প্রসহ্য দিবা রাত্রৌ বা স-শস্ত্রস্যাপহরতশ্চতুর্ভাগমূল্যেষু এত এব দ্বিগুণা দণ্ডাঃ
04.9.12 কুটুম্বিকাধ্যক্ষমুখ্যস্বামিনাং কূটশাসনমুদ্রাকর্মসু পূর্বমধ্য উত্তমবধা দণ্ডাঃ, যথাঽপরাধং বা
04.9.13 ধর্মস্থশ্চেদ্ বিবদমানং পুরুষং তর্জযতি ভর্ত্সযত্যপসারযত্যভিগ্রসতে বা পূর্বং অস্মৈ সাহসদণ্ডং কুর্যাত্, বাক্পারুষ্যে দ্বিগুণম্
04.9.14 পৃচ্ছ্যং ন পৃচ্ছতি, অপৃচ্ছ্যং পৃচ্ছতি, পৃষ্ট্বা বা বিসৃজতি, শিক্ষযতি, স্মারযতি, পূর্বং দদাতি বা, ইতি মধ্যমং অস্মৈ সাহসদণ্ডং কুর্যাত্
04.9.15 দেযং দেশং ন পৃচ্ছতি, অদেযং দেশং পৃচ্ছতি, কার্যং অদেশেনাতিবাহযতি, ছলেনাতিহরতি, কালহরণেন শ্রান্তং অপবাহযতি, মার্গাপন্নং বাক্যং উত্ক্রমযতি, মতিসাহায্যং সাক্ষিভ্যো দদাতি, তারিতানুশিষ্টং কার্যং পুনরপি গৃহ্ণাতি, উত্তমং অস্মৈ সাহসদণ্ডং কুর্যাত্
04.9.16 পুনর্ঽপরাধে দ্বিগুণং স্থানাদ্ ব্যবরোপণং চ
04.9.17 লেখকশ্চেদ্ উক্তং ন লিখতি, অনুক্তং লিখতি, দুরুক্তং উপলিখতি, সূক্তং উল্লিখতি, অর্থ উত্পত্তিং বা বিকল্পযতি, ইতি পূর্বং অস্মৈ সাহসদণ্ডং কুর্যাদ্, যথাঽপরাধং বা
04.9.18 ধর্মস্থঃ প্রদেষ্টা বা হৈরণ্যদণ্ডং অদণ্ড্যে ক্ষিপতি ক্ষেপদ্বিগুণং অস্মৈ দণ্ডং কুর্যাত্, হীনাতিরিক্তাষ্টগুণং বা
04.9.19 শরীরদণ্ডং ক্ষিপতি শারীরং এব দণ্ডং ভজেত, নিষ্ক্রযদ্বিগুণং বা
04.9.20 যং বা ভূতং অর্থং নাশযতি অভূতং অর্থং করোতি তদ্ঽষ্টগুণং দণ্ডং দদ্যাত্
04.9.21 ধর্মস্থীযে চারকে বন্ধনাগারে বা শয্যাঽঽসনভোজন উচ্চারসঞ্চাররোধবন্ধনেষু ত্রিপণ উত্তরা দণ্ডাঃ কর্তুঃ কারযিতুশ্চ
04.9.22 চারকাদ্ অভিযুক্তং মুঞ্চতো নিষ্পাতযতো বা মধ্যমঃ সাহসদণ্ডঃ, অভিযোগদানং চ, বন্ধনাগারাত্ সর্বস্বং বধশ্চ
04.9.23 বন্ধনাগারাধ্যক্ষস্য সংরুদ্ধকং অনাখ্যায চারযতশ্চতুর্বিংশতিপণো দণ্ডঃ, কর্ম কারযতো দ্বিগুণঃ, স্থানান্যত্বং গমযতোঽন্নপানং বা রুন্ধতঃ ষণ্ঁঅবতির্দণ্ডঃ, পরিক্লেশযত উত্কোটযতো বা মধ্যমঃ সাহসদণ্ডঃ, ঘ্নতঃ সাহস্রঃ
04.9.24 পরিগৃহীতাং দাসীং আহিতিকাং বা সংরুদ্ধিকাং অধিচরতঃ পূর্বঃ সাহসদণ্ডঃ, চোরড়ামরিকভার্যাং মধ্যমঃ, সংরুদ্ধিকাং আর্যাং উত্তমঃ
04.9.25 সংরুদ্ধস্য বা তত্র এব ঘাতঃ
04.9.26 তদ্ এবাক্ষণগৃহীতাযাং আর্যাযাং বিদ্যাত্, দাস্যাং পূর্বঃ সাহসদণ্ডঃ
04.9.27 চারকং অভিত্ত্বা নিষ্পাতযতো মধ্যমঃ, ভিত্ত্বা বধঃ, বন্ধনাগারাত্ সর্বস্বং বধশ্চ
04.9.28ab এবং অর্থচরান্ পূর্বং রাজা দণ্ডেন শোধযেত্ |
04.9.28chd শোধযেযুশ্চ শুদ্ধাঃ তে পৌরজানপদান্ দমৈঃ ( ইতি)

Chapt | Redemption from the cutting of individual limbs
04.10.01 তীর্থঘাতগ্রন্থিভেদ ঊর্ধ্বকরাণাং প্রথমেঽপরাধে সন্দেশচ্ছেদনং চতুষ্পঞ্চাশত্পণো বা দণ্ডঃ, দ্বিতীযে ছেদনং পণস্য শত্যো বা দণ্ডঃ, তৃতীযে দক্ষিণহস্তবধশ্চতুঃশতো বা দণ্ডঃ, চতুর্থে যথাকামী বধঃ
04.10.02 পঞ্চবিংশতিপণাবরেষু কুক্কুটনকুলমার্জারশ্বসূকরস্তেযেষু হিংসাযাং বা চতুষ্পঞ্চাশত্পণো দণ্ডঃ, নাসাগ্রচ্ছেদনং বাচণ্ডালারণ্যচরাণাং অর্ধদণ্ডাঃ
04.10.03 পাশজালকূটাবপাতেষু বদ্ধানাং মৃগপশুপক্ষিব্যালমত্স্যানাং আদানে তচ্চ তাবচ্চ দণ্ডঃ
04.10.04 মৃগদ্রব্যবনান্ মৃগদ্রব্যাপহারে শাত্যো দণ্ডঃ
04.10.05 বিম্ববিহারমৃগপক্ষিস্তেযে হিংসাযাং বা দ্বিগুণো দণ্ডঃ
04.10.06 কারুশিল্পিকুশীলবতপস্বিনাং ক্ষুদ্রকদ্রব্যাপহারে শত্যো দণ্ডঃ, স্থূলকদ্রব্যাপহারে দ্বিশতঃ, কৃষিদ্রব্যাপহারে চ
04.10.07 দুর্গং অকৃতপ্রবেশস্য প্রবিশতঃ প্রাকারচ্ছিদ্রাদ্ বা নিক্ষেপং গৃহীত্বাঽপসরতঃ কাণ্ডরাবধো, দ্বিশাতো বা দণ্ডঃ
04.10.08 চক্রযুক্তং নাবং ক্ষুদ্রপশুং বাঽপহরত একপাদবধঃ, ত্রিশতো বা দণ্ডঃ
04.10.09 কূটকাকণ্য্ঽক্ষারালাশলাকাহস্তবিষমকারিণ একহস্তবধঃ, চতুঃশতো বা দণ্ডঃ
04.10.10 স্তেনপারদারিকযোঃ সাচিব্যকর্মণি স্ত্রিযাঃ সঙ্গৃহীতাযাশ্চ কর্ণনাসাচ্ছেদনং, পঞ্চশতো বা দণ্ডঃ, পুংষো দ্বিগুণঃ
04.10.11 মহাপশুং একং দাসং দাসীং বাঽপহরতঃ প্রেতভাণ্ডং বা বিক্রীণানস্য দ্বিপাদবধঃ, ষট্ছতো বা দণ্ডঃ
04.10.12 বর্ণ উত্তমানাং গুরূণাং চ হস্তপাদলঙ্ঘনে রাজযানবাহনাদ্য্ঽঅরোহণে চ একহস্তপাদবধঃ, সপ্তশতো বা দণ্ডঃ
04.10.13 শূদ্রস্য ব্রাহ্মণবাদিনো দেবদ্রব্যং অবস্তৃণতো রাজদ্বিষ্টং আদিশতো দ্বিনেত্রভেদিনশ্চ যোগাঞ্জনেনান্ধত্বং, অষ্টশতো বা দণ্ডঃ
04.10.14 চোরং পারদারিকং বা মোক্ষযতো রাজশাসনং ঊনং অতিরিক্তং বা লিখতঃ কন্যাং দাসীং বা স-হিরণ্যং অপরহতঃ কূটব্যবহারিণো বিমাংসবিক্রযিণশ্চ বামহস্তদ্বিপাদবধো, নবশতো বা দণ্ডঃ
04.10.15 মানুষমাংসবিক্রযে বধঃ
04.10.16 দেবপশুপ্রতিমামনুষ্যক্ষেত্রগৃহহিরণ্যসুবর্ণরত্নসস্যাপহারিণ উত্তমো দণ্ডঃ, শুদ্ধবধো বা
04.10.17ab পুরুষং চাপরাধং চ কারণং গুরুলাঘবম্ |
04.10.17chd অনুবন্ধং তদাত্বং চ দেশকালৌ সমীক্ষ্য চ
04.10.18ab উত্তমাবরমধ্যত্বং প্রদেষ্টা দণ্ডকর্মণি |
04.10.18chd রাজ্ঞশ্চ প্রকৃতীনাং চ কল্পযেদ্ অন্তরা স্থিতঃ ( ইতি)

Chapt | Law of capital punishment, simple and with torture
04.11.01 কলহে ঘ্নতঃ পুরুষং চিত্রো ঘাতঃ
04.11.02 সপ্তরাত্রস্যান্তর্মৃতে শুদ্ধবধঃ, পক্ষস্যান্তরুত্তমঃ, মাসস্যান্তঃ পঞ্চশতঃ সমুত্থানব্যযশ্চ
04.11.03 শস্ত্রেণ প্রহরত উত্তমো দণ্ডঃ
04.11.04 মদেন হস্তবধঃ, মোহেন দ্বিশতঃ
04.11.05 বধে বধঃ
04.11.06 প্রহারেণ গর্ভং পাতযত উত্তমো দণ্ডঃ, ভৈষজ্যেন মধ্যমঃ, পরিক্লেশেন পূর্বঃ সাহসদণ্ডঃ
04.11.07 প্রসভস্ত্রীপুরুষঘাতকাভিসারকনিগ্রাহকাবঘোষকাবস্কন্দক উপবেধকান্ পথিবেশ্মপ্রতিরোধকান্ রাজহস্ত্য্ঽশ্বরথানাং হিংসকান্ স্তেনান্ বা শূলান্ আরোহযেযুঃ
04.11.08 যশ্চ এনান্ দহেদ্ অপনযেদ্ বা স তং এব দণ্ডং লভেত, সাহসং উত্তমং বা
04.11.09 হিংস্রস্তেনানাং ভক্তবাস উপকরণাগ্নিমন্ত্রদানবৈযাবৃত্যকর্মসু উত্তমো দণ্ডঃ, পরিভাষণং অবিজ্ঞাতে
04.11.10 হিংস্রস্তেনানাং পুত্রদারং অসমন্ত্রং বিসৃজেত্, সমন্ত্রং আদদীত
04.11.11 রাজ্যকামুকং অন্তঃপুরপ্রধর্ষকং অটব্য্ঽমিত্র উত্সাহকং দুর্গরাষ্ট্রদণ্ডকোপকং বা শিরোহস্তপ্রদীপিকং ঘাতযেত্
04.11.12 ব্রাহ্মণং তমঃ প্রবেশযেত্
04.11.13 মাতৃপিতৃপুত্রভ্রাত্র্ঽঅচার্যতপস্বিঘাতকং বাঽত্বক্ষিরঃপ্রাদীপিকং ঘাতযেত্
04.11.14 তেষাং আক্রোশে জিহ্বাচ্ছেদঃ, অঙ্গাভিরদনে তদ্ঽঙ্গান্ মোচ্যঃ
04.11.15 যদৃচ্ছাঘাতে পুংসঃ পশুযূথস্তেযে চ শুদ্ধবধঃ
04.11.16 দশাবরং চ যূথং বিদ্যাত্
04.11.17 উদকধারণং সেতুং ভিন্দতঃ তত্র এবাপ্সু নিমজ্জনং, অনুদকং উত্তমঃ সাহসদণ্ডঃ, ভগ্ন উত্সৃষ্টকং মধ্যমঃ
04.11.18 বিষদাযকং পুরুষং স্ত্রিযং চ পুরুষঘ্নীং অপঃ প্রবেশযেদ্ অগর্ভিণীং, গর্ভিণীং মাসাবরপ্রজাতাম্
04.11.19 পতিগুরুপ্রজাঘাতিকাং অগ্নিবিষদাং সন্ধিচ্ছেদিকাং বা গোভিঃ পাটযেত্
04.11.20 বিবীতক্ষেত্রখলবেশ্মদ্রব্যহস্তিবনাদীপিকং অগ্নিনা দাহযেত্
04.11.21 রাজাক্রোশকমন্ত্রভেদকযোরনিষ্টপ্রবৃত্তিকস্য ব্রাহ্মণমহানসাবলেহিনশ্চ জিহ্বাং উত্পাটযেত্
04.11.22 প্রহরণাবরণস্তেনং অনাযুধীযং ইষুভির্ঘাতযেত্
04.11.23 আযুধীযস্য উত্তমঃ
04.11.24 মেঢ্রফল উপঘাতিনঃ তদ্ এবচ্ছেদযেত্
04.11.25 জিহ্বানাস উপঘাতে সন্দংশবধঃ
04.11.26ab এতে শাস্ত্রেষ্বনুগতাঃ ক্লেশদণ্ডা মহাত্মনাম্ |
04.11.26chd অক্লিষ্টানাং তু পাপানাং ধর্ম্যঃ শুদ্ধবধঃ স্মৃতঃ ( ইতি)

Chapt | Violation of maidens
04.12.01 সবর্ণাং অপ্রাপ্তফলাং প্রকুর্বতো হস্তবধঃ, চতুঃশতো বা দণ্ডঃ
04.12.02 মৃতাযাং বধঃ
04.12.03 প্রাপ্তফলাং প্রকুর্বতো মধ্যমাপ্রদেশিনীবধো, দ্বিশতো বা দণ্ডঃ
04.12.04 পিতুশ্চাবহীনং দদ্যাত্
04.12.05 ন চ প্রাকাম্যং অকামাযাং লব্ভেত
04.12.06 সকামাযাং চতুষ্পঞ্চাশত্পণো দণ্ডঃ, স্ত্রিযাঃ ত্বর্ধদণ্ডঃ
04.12.07 পরশুল্কাবরুদ্ধাযাং হস্তবধঃ, চতুঃশতো বা দণ্ডঃ, শুল্কদানং চ
04.12.08 সপ্তার্তবপ্রজাতাং বরণাদ্ ঊর্ধ্বং অলভমানঃ প্রকৃত্য প্রাকামী স্যাত্, ন চ পিতুরবহীনং দদ্যাত্
04.12.09 ঋতুপ্রতিরোধিভিঃ স্বাম্যাদ্ অপক্রামতি
04.12.10 ত্রিবর্ষপ্রজাতার্তবাযাঃ তুল্যো গন্তুং অদোষঃ, ততঃ পরং অতুল্যোঽপ্যনলঙ্কৃতাযাঃ
04.12.11 পিতৃদ্রব্যাদানে স্তেযং ভজেত
04.12.12 পরং উদ্দিশ্যান্যস্য বিন্দতো দ্বিশতো দণ্ডঃ
04.12.13 ন চ প্রাকাংযং অকামাযাং লভেত
04.12.14 কন্যাং অন্যাং দর্শযিত্বাঽন্যাং প্রযচ্ছতঃ শত্যো দণ্ডঃ তুল্যাযাং, হীনাযাং দ্বিগুণঃ
04.12.15 প্রকর্মণ্যকুমার্যাশ্চতুষ্পঞ্চাশত্পণো দণ্ডঃ, শুল্কব্যযকর্মণী চ প্রতিদদ্যাত্
04.12.16 অবস্থায তজ্জাতং পশ্চাত্কৃতা দ্বিগুণং দদ্যাত্
04.12.17 অন্যশোণিত উপধানে দ্বিশতো দণ্ডঃ, মিথ্যাঽভিশংসিনশ্চ পুংসঃ
04.12.18 শুল্কব্যযকর্মণী চ জীযেত
04.12.19 ন চ প্রাকাংযং অকামাযাং লভেত
04.12.20 স্ত্রীপ্রকৃতা সকামা সমানা দ্বাদশপণং দণ্ডং দদ্যাত্, প্রকর্ত্রী দ্বিগুণম্
04.12.21 অকামাযাঃ শত্যো দণ্ড আত্মরাগার্থং, শুল্কদানং চ
04.12.22 স্বযং প্রকৃতা রাজদাস্যং গচ্ছেত্
04.12.23 বহির্গ্রামস্য প্রকৃতাযাং মিথ্যাঽভিশংসনে চ দ্বিগুণো দণ্ডঃ
04.12.24 প্রসহ্য কন্যাং অপহরতো দ্বিশতঃ, স-সুবর্ণাং উত্তমঃ
04.12.25 বহূনাং কন্যাঽপহারিণাং পৃথগ্ যথা উক্তা দণ্ডাঃ
04.12.26 গণিকাদুহিতরং প্রকুর্বতশ্চতুষ্পঞ্চাশত্পণো দণ্ডঃ, শুল্কং মাতুর্ভোগঃ ষোডশগুণঃ
04.12.27 দাসস্য দাস্যা বা দুহিতরং অদাসীং প্রকুর্বতশ্চতুর্বিংশতিপণো দণ্ডঃ শুল্কাবন্ধ্যদানং চ
04.12.28 নিষ্ক্রযানুরূপাং দাসীং প্রকুর্বতো দ্বাদশপণো দণ্ডো বস্ত্রাবন্ধ্যদানং চ
04.12.29 সাচিব্যাবকাশদানে কর্তৃসমো দণ্ডঃ
04.12.30 প্রোষিতপতিকাং অপচরন্তীং পতিবন্ধুঃ তত্পুরুষো বা সঙ্গৃহ্ণীযাত্
04.12.31 সঙ্গৃহীতা পতিং আকাঙ্ক্ষেত
04.12.32 পতিশ্চেত্ ক্ষমেত বিসৃজ্যেত উভযম্
04.12.33 অক্ষমাযাং স্ত্রিযাঃ কর্ণনাসাচ্ছেদনং, বধং জারশ্চ প্রাপ্নুযাত্
04.12.34 জারং চোর ইত্যভিহরতঃ পঞ্চশতো দণ্ডঃ, হিরণ্যেন মুঞ্চতঃ তদ্ঽষ্টগুণঃ
04.12.35 কেশাকেশিকং সঙ্গ্রহণং, উপলিঙ্গনাদ্ বা শরীর উপভোগানাং, তজ্জাতেভ্যঃ( তজ্জ্ঞাতেভ্যঃ? chf.N12.60) , স্ত্রীবচনাদ্ বা
04.12.36 পরচক্রাটবীহৃতাং ওঘপ্রব্যূঢাং অরণ্যেষু দুর্ভিক্ষে বা ত্যক্তাং প্রেতভাব উত্সৃষ্টাং বা পরস্ত্রিযং নিস্তারযিত্বা যথাসম্ভাষিতং সমুপভুঞ্জীত
04.12.37 জাতিবিশিষ্টাং অকামাং অপত্যবতীং নিষ্ক্রযেণ দদ্যাত্
04.12.38ab চোরহস্তান্নদীবেগাদ্ দুর্ভিক্ষাদ্ দেশবিভ্রমাত্ |
04.12.38chd নিস্তারযিত্বা কান্তারান্নষ্টাং ত্যক্তাং মৃতা ইতি বা
04.12.39ab ভুঞ্জীত স্ত্রিযং অন্যেষাং যথাসম্ভাষিতং নরঃ |
04.12.39chd ন তু রাজপ্রতাপেন প্রমুক্তাং স্বজনেন বা
04.12.40ab ন চ উত্তমাং ন চাকামাং পূর্বাপত্যবতীং ন চ |
04.12.40chd ঈদৃশীং ত্বনুরূপেণ নিষ্ক্রযেণাপবাহযেত্ ( ইতি)

Chapt | Punishments for transgressions
04.13.01 ব্রাহ্মণং অপেযং অভক্ষ্যং বা গ্রাসযত উত্তমো দণ্ডঃ, ক্ষত্রিযং মধ্যমঃ, বৈশ্যং পূর্বঃ সাহসদণ্ডঃ, শূদ্রং চতুষ্পঞ্চাশত্পণো দণ্ডঃ
04.13.02 স্বযং গ্রসিতারো নির্বিষযাঃ কার্যাঃ
04.13.03 পরগৃহাভিগমনে দিবা পূর্বঃ সাহসদণ্ডঃ, রাত্রৌ মধ্যমঃ
04.13.04 দিবা রাত্রৌ বা সশস্ত্রস্য প্রবিশত উত্তমো দণ্ডঃ
04.13.05 ভিক্ষুকবৈদেহকৌ মত্ত উন্মত্তৌ বলাদ্ আপদি চাতিসংনিকৃষ্টাঃ প্রবৃত্তপ্রবেশাশ্চাদণ্ড্যাঃ, অন্যত্র প্রতিষেধাত্
04.13.06 স্ববেশ্মনো বিরাত্রাদ্ ঊর্ধ্বং পরিবারং আরোহতঃ পূর্বঃ সাহসদণ্ডঃ, পরবেশ্মনো মধ্যমঃ, গ্রামারামবাটভেদিনশ্চ
04.13.07 গ্রামেষ্বন্তঃ সার্থিকা জ্ঞাতসারা বসেযুঃ
04.13.08 মুষিতং প্রবাসিতং চ এষাং অনির্গতং রাত্রৌ গ্রামস্বামী দদ্যাত্
04.13.09 গ্রামান্তরেষু বা মুষিতং প্রবাসিতং বিবীতাধ্যক্ষো দদ্যাত্
04.13.10 অবিবীতানাং চোররজ্জুকঃ
04.13.11 তথাঽপ্যগুপ্তানাং সীমাবরোধেন বিচযং দদ্যুঃ
04.13.12 অসীমাবরোধে পঞ্চগ্রামী দশগ্রামী বা
04.13.13 দুর্বলং বেশ্ম শকটং অনুত্তব্ধং ঊর্ধস্তম্ভং শস্ত্রং অনপাশ্রযং অপ্রতিচ্ছন্নং শ্বভ্রং কূপং কূটাবপাতং বা কৃত্বা হিংসাযাং দণ্ডপারুষ্যং বিদ্যাত্
04.13.14 বৃক্ষচ্ছেদনে দংযরশ্মিহরণে চতুষ্পদানাং অদান্তসেবনে বাহনে বা কাষ্ঠলোষ্টপাষাণদণ্ডবাণবাহুবিক্ষেপণেষু যানে হস্তিনা চ স্মঘট্টনে অপেহি ইতি প্রকোশন্ন্ অদণ্ড্যঃ
04.13.15 হস্তিনা রোষিতেন হতো দ্রোণান্নং মদ্যকুম্ভং মাল্যানুলেপনং দন্তপ্রমার্জনং চ পটং দদ্যাত্
04.13.16 অশ্বমেধাবভৃথস্নানেন তুল্যো হস্তিনা বধ ইতি পাদপ্রক্ষালনম্
04.13.17 উদাসীনবধে যাতুরুত্তমো দণ্ডঃ
04.13.18 শৃঙ্গিণা দংষ্ট্রিণা বা হিংস্যমানং অমোক্ষযতঃ স্বামিনঃ পূর্বঃ সাহসদণ্ডঃ, প্রতিক্রুষ্টস্য দ্বিগুণঃ
04.13.19 শৃঙ্গিদংষ্ট্রিভ্যাং অন্যোন্যং ঘাতযতঃ তচ্চ তাবচ্চ দণ্ডঃ
04.13.20 দেবপশুং ঋষভং উক্ষাণং গোকুমারীং বা বাহযতঃ পঞ্চশতো দণ্ডঃ, প্রবাসযত উত্তমঃ
04.13.21 লোমদোহবাহনপ্রজনন উপকারিণাং ক্ষুদ্রপশূনাং অদানে তচ্চ তাবচ্চ দণ্ডঃ, প্রবাসনে চ, অন্যত্র দেবপিতৃকার্যেভ্যঃ
04.13.22 ছিন্ননস্যং ভগ্নযুগং তির্যক্প্রতিমুখাগতং প্রত্যাসরদ্ বা চক্রযুক্তং যাতা পশুমনুষ্যসম্বাধে বা হিংসাযাং অদণ্ড্যঃ
04.13.23 অন্যথা যথা উক্তং মানুষপ্রাণিহিংসাযাং দণ্ডং অভ্যাবহেত্
04.13.24 অমানুষপ্রাণিবধে প্রাণিদানং চ
04.13.25 বালে যাতরি যানস্থঃ স্বামী দণ্ড্যঃ, অস্বামিনি যানস্থঃ, প্রাপ্তব্যবহারো বা যাতা
04.13.26 বালাধিষ্ঠিতং অপুরুষং বা যানং রাজা হরেত্
04.13.27 কৃত্যাভিচারাভ্যাং যত্পরং আপাদযেত্ তদ্ঽঅপাদযিতব্যঃ
04.13.28 কামং ভার্যাযাং অনিচ্ছন্ত্যাং কন্যাযাং বা দারার্থিনো ভর্তরি ভার্যাযা বা সংবদনকরণম্
04.13.29 অন্যথাহিংসাযাং মধ্যমঃ সাহসদণ্ডঃ
04.13.30 মাতাপিত্রোর্ভগিনীং মাতুলানীং আচার্যাণীং স্নুষাং দুহিতরং ভগিনীং বাঽধিচরতঃ ত্রিলিঙ্গচ্ছেদনং বধশ্চ
04.13.31 সকামা তদ্ এব লভেত, দাসপরিচারকাহিতকভুক্তা চ
04.13.32 ব্রাহ্মণ্যাং অগুপ্তাযাং ক্ষত্রিযস্য উত্তমঃ, সর্বস্বং বৈশ্যস্য, শূদ্রঃ কটাগ্নিনা দহ্যেত
04.13.33 সর্বত্র রাজভার্যাগমনে কুম্ভীপাকঃ
04.13.34 শ্বপাকীগমনে কৃতকবন্ধাঙ্কঃ পরবিষযং গচ্ছেত্, শ্বপাকত্বং বা শূদ্রঃ
04.13.35 শ্বপাকস্যার্যাগমনে বধঃ, স্ত্রিযাঃ কর্ণনাসাচ্ছেদনম্
04.13.36 প্রব্রজিতাগমনে চতুর্বিংশতিপণো দণ্ডঃ
04.13.37 সকামা তদ্ এব লভেত
04.13.38 রূপাজীবাযাঃ প্রসহ্য উপভোগে দ্বাদশপণো দণ্ডঃ
04.13.39 বহূনাং একাং অধিচরতাং পৃথক্ চতুর্বিংশতিপণো দণ্ডঃ
04.13.40 স্ত্রিযং অযোনৌ গচ্ছতঃ পূর্বঃ সাহসদণ্ডঃ, পুরুষং অধিমেহতশ্চ
04.13.41ab মৈথুনে দ্বাদশপণঃ তির্যগ্যোনিষ্বনাত্মনঃ |
04.13.41chd দৈবতপ্রতিমানাং চ গমনে দ্বিগুণঃ স্মৃতঃ
04.13.42ab অদণ্ড্যদণ্ডনে রাজ্ঞো দণ্ডঃ ত্রিংশদ্গুণোঽম্ভসি |
04.13.42chd বরুণায প্রদাতব্যো ব্রাহ্মণেভ্যঃ ততঃ পরম্
04.13.43ab তেন তত্ পূযতে পাপং রাজ্ঞো দণ্ডাপচারজম্ |
04.13.43chd শাস্তা হি বরুণো রাজ্ঞাং মিথ্যা ব্যাচরতাং নৃষু ( ইতি)

<