অর্থশাস্ত্র ০৫

কৌটিলীয অর্থশাস্ত্রং – ০৫

Book |
Chapt | Infliction of secret punishment
05.1.01 দুর্গরাষ্ট্রযোঃ কণ্টকশোধনং উক্তম্
05.1.02 রাজরাজ্যযোর্বক্ষ্যামঃ
05.1.03 রাজানং অবগৃহ্য উপজীবিনঃ শত্রুসাধারণা বা যে মুখ্যাঃ তেষু গূঢপুরুষপ্রণিধিঃ কৃত্যপক্ষ উপগ্রহো বা সিদ্ধিঃ যথা উক্তং পুরস্তাদ্, উপজাপোঽপসর্পো বা যথা পারগ্রামিকে বক্ষ্যামঃ
05.1.04 রাজ্য উপঘাতিনঃ তু বল্লভাঃ সংহতা বা যে মুখ্যাঃ প্রকাশং অশক্যাঃ প্রতিষেদ্ধুং দূষ্যাঃ তেষু ধর্মরুচিরুপাংশুদণ্ডং প্রযুঞ্জীত
05.1.05 দূষ্যমহামাত্রভ্রাতরং অসত্কৃতং সত্ত্রী প্রোত্সাহ্য রাজানং দর্শযেত্
05.1.06 তং রাজা দূষ্যদ্রব্য উপভোগাতিসর্গেণ দূষ্যে বিক্রমযেত্
05.1.07 শস্ত্রেণ রসেন বা বিক্রান্তং তত্র এব ঘাতযেদ্ ভ্রাতৃঘাতকোঽযম্ ইতি
05.1.08 তেন পারশবঃ পরিচারিকাপুত্রশ্চ ব্যাখ্যাতৌ
05.1.09 দূষ্যংমহামাত্রং বা সত্ত্রিপ্রোত্সাহিতো ভ্রাতা দাযং যাচেত
05.1.10 তং দূষ্যগৃহপ্রতিদ্বারি রাত্রাবুপশযানং অন্যত্র বা বসন্তং তীক্ষ্ণো হন্তা ব্রূযাদ্ হতোঽযং দাযকামুকঃ ইতি
05.1.11 ততো হতপক্ষং উপগৃহ্য ইতরং নিগৃহ্ণীযাত্
05.1.12 দূষ্যসমীপস্থা বা সত্ত্রিণো ভ্রাতরং দাযং যাচমানং ঘাতেন পরিভর্ত্সযেযুঃ
05.1.13 তং রাত্রৌ ইতি সমানম্
05.1.14 দূষ্যমহামাত্রযোর্বা যঃ পুত্রঃ পিতুঃ পিতা বা পুত্রস্য দারান্ অধিচরতি, ভ্রাতা বা ভ্রাতুঃ, তযোঃ কাপটিকমুখঃ কলহঃ পূর্বেণ ব্যাখ্যাতঃ
05.1.15 দূষ্যমহামাত্রপুত্রং আত্মসম্ভাবিতং বা সত্ত্রী রাজপুত্রঃ ত্বং, শত্রুভযাদ্ ইহ ন্যস্তোঽসি ইত্যুপজপেত্
05.1.16 প্রতিপন্নং রাজা রহসি পূজযেত্ প্রাপ্তযৌবরাজ্যকালং ত্বাং মহামাত্রভযান্নাভিষিঞ্চামি ইতি
05.1.17 তং সত্ত্রী মহামাত্রবধে যোজযেত্
05.1.18 বিক্রান্তং তত্র এব ঘাতযেত্ পিতৃঘাতকোঽযম্ ইতি
05.1.19 ভিক্ষুকী বা দূষ্যভার্যাং সাংবদনিকীভিরৌষধীভিঃ সংবাস্য রসেনাতিসন্দধ্যাত্
05.1.20 ইত্যাপ্যপ্রযোগঃ
05.1.21 দূষ্যমহামাত্রং অটবীং পরগ্রামং বা হন্তুং কান্তারব্যবহিতে বা দেশে রাষ্ট্রপালং অন্তপালং বা স্থাপযিতুং নাগরস্থানং বা কুপিতং অবগ্রাহিতুং সার্থাতিবাহ্যং প্রত্যন্তে বা স-প্রত্যাদেযং আদাতুং ফল্গুবলং তীক্ষ্ণযুক্তং প্রেষযেত্
05.1.22 রাত্রৌ দিবা বা যুদ্ধে প্রবৃত্তে তীক্ষ্ণাঃ প্রতিরোধকব্যঞ্জনা বা হন্যুঃ অভিযোগে হতঃ ইতি
05.1.23 যাত্রাবিহারগতো বা দূষ্যমহামাত্রান্ দর্শনাযাহ্বযেত্
05.1.24 তে গূঢশস্ত্রৈঃ তীক্ষ্ণৈঃ সহ প্রবিষ্টা মধ্যমকক্ষ্যাযাং আত্মবিচযং অন্তঃপ্রবেশনার্থং দদ্যুঃ
05.1.25 ততো দৌবারিকাভিগৃহীতাঃ তীক্ষ্ণাঃ দূষ্যপ্রযুক্তাঃ স্ম ইতি ব্রূযুঃ
05.1.26 তে তদ্ঽভিবিখ্যাপ্য দূষ্যান্ হন্যুঃ
05.1.27 তীক্ষ্ণস্থানে চান্যে বধ্যাঃ
05.1.28 বহির্বিহারগতো বা দূষ্যান্ আসন্নাবাসান্ পূজযেত্
05.1.29 তেষাং দেবীব্যঞ্জনা বা দুঃস্ত্রী রাত্রাবাবাসেষু গৃহ্যেত ইতি সমানং পূর্বেণ
05.1.30 দূষ্যমহামাত্রং বা সূদো ভক্ষকারো বা তে শোভনঃ ইতি স্তবেন ভক্ষ্যভোজ্যং যাচেত, বহির্বা ক্বচিদ্ অধ্বগতঃ পানীযম্
05.1.31 তদ্.উভযং রসেন যোজযিত্বা প্রতিস্বাদনে তাবেব উপযোজযেত্
05.1.32 তদ্ঽভিবিখ্যাপ্য রসদৌ ইতি ঘাতযেত্
05.1.33 অভিচারশীলং বা সিদ্ধব্যঞ্জনো গোধাকূর্মকর্কটককূটানাং লক্ষণ্যানাং অন্যতমপ্রাশনেন মনোরথান্ অবাপ্স্যসি ইতি গ্রাহযেত্
05.1.34 প্রতিপন্নং কর্মণি রসেন লোহমুসলৈর্বা ঘাতযেত্ কর্মব্যাপদা হতঃ ইতি
05.1.35 চিকিত্সকব্যঞ্জনো বা দৌরাত্মিকং অসাধ্যং বা ব্যাধিং দূষ্যস্য স্থাপযিত্বা ভৈষজ্যাহারযোগেষু রসেনাতিসন্দধ্যাত্
05.1.36 সূদারালিকব্যঞ্জনা বা প্রণিহিতা দূষ্যং রসেনাতিসন্দধ্যুঃ
05.1.37 ইত্যুপনিষত্প্রতিষেধঃ
05.1.38 উভযদূষ্যপ্রতিষেধঃ তু
05.1.39 যত্র দূষ্যঃ প্রতিষেদ্ধব্যঃ তত্র দূষ্যং এব ফল্গুবলতীক্ষ্ণযুক্তং প্রেষযেত্, গচ্ছ, অমুষ্মিন্ দুর্গে রাষ্ট্রে বা সৈন্যং উত্থাপয হিরণ্যং বা, বল্লভাদ্ বা হিরণ্যং আহারয, বল্লভকন্যাং বা প্রসহ্যানয, দুর্গসেতুবণিক্পথশূন্যনিবেশখনিদ্রব্যহস্তিবনকর্মণাং অন্যতমদ্ বা কারয রাষ্ট্রপাল্যং অন্তপাল্যং বাযশ্চ ত্বা প্রতিষেধযেন্ন বা তে সাহায্যং দদ্যাত্ স বন্ধব্যঃ স্যাত্ ইতি
05.1.40 তথৈব ইতরেষাং প্রেষযেদ্ অমুষ্যাবিনযঃ প্রতিষেদ্ধব্যঃ ইতি
05.1.41 তং এতেষু কলহস্থানেষু কর্মপ্রতিঘাতেষু বা বিবদমানং তীক্ষ্ণাঃ শস্ত্রং পাতযিত্বা প্রচ্ছন্নং হন্যুঃ
05.1.42 তেন দোষেণ ইতরে নিযন্তব্যাঃ
05.1.43 পুরাণাং গ্রামাণাং কুলানাং বা দূষ্যাণাং সীমাক্ষেত্রখলবেশ্মমর্যাদাসু দ্রব্য উপকরণসস্যবাহনহিংসাসু প্রেক্ষাকৃত্য উত্সবেষু বা সমুত্পন্নে কলহে তীক্ষ্ণৈরুত্পাদিতে বা তীক্ষ্ণাঃ শস্ত্রং পাতযিত্বা ব্রূযুঃ এবং ক্রিযন্তে যেঽমুনা কলহাযন্তে: ইতি
05.1.44 তেন দোষেণ ইতরে নিযন্তব্যাঃ
05.1.45 যেষাং বা দূষ্যাণাং জাতমূলাঃ কলহাঃ তেষাং ক্ষেত্রখলবেশ্মান্যাদীপযিত্বা বন্ধুসম্বন্ধিষু বাহনেষু বা তীক্ষ্ণাঃ শস্ত্রং পাতযিত্বা তথৈব ব্রূযুঃ অমুনা প্রযুক্তাঃ স্মঃ ইতি
04.4.46 তেন দোষেণ ইতরে নিযন্তব্যাঃ
05.1.47 দুর্গরাষ্ট্রদূষ্যান্ বা সত্ত্রিণঃ পরস্পরস্যাবেশনিকান্ কারযেযুঃ
05.1.48 তত্র রসদা রসং দদ্যুঃ
05.1.49 তেন দোষেণ ইতরে নিযন্তব্যাঃ
05.1.50 ভিক্ষুকী বা দূষ্যরাষ্ট্রমুখ্যং দূষ্যরাষ্ট্রমুখ্যস্য ভার্যা স্নুষা দুহিতা বা কামযতে ইত্যুপজপেত্
05.1.51 প্রতিপন্নস্যাভরণং আদায স্বামিনে দর্শযেত্ অসৌ তে মুখ্যো যৌবন উত্সিক্তো ভার্যাং স্নুষাং দুহিতরং বাঽভিমন্যতে ইতি
05.1.52 তযোঃ কলহো রাত্রৌ ইতি সমানম্
05.1.53 দূষ্যদণ্ড উপনতেষু তু – যুবরাজঃ সেনাপতির্বা কিঞ্চিদ্ অপকৃত্যাপক্রান্তো বিক্রমেত
05.1.54 ততো রাজা দূষ্যদণ্ড উপনতান্ এব প্রেষযেত্ ফল্গুবলতীক্ষ্ণযুক্তান্ ইতি সমানাঃ সর্ব এব যোগাঃ
05.1.55 তেষাং চ পুত্রেষ্বনুক্ষিযত্সু যো নির্বিকারঃ স পিতৃদাযং লভেত
05.1.56 এবং অস্য পুত্রপৌত্রান্ অনুবর্ততে রাজ্যং অপাস্তপুরুষদোষম্
05.1.57ab স্বপক্ষে পরপক্ষে বা তূষ্ণীং দণ্ডং প্রযোজযেত্ |
05.1.57chd আযত্যাং চ তদাত্বে চ ক্ষমাবান্ অবিশঙ্কিতঃ ( ইতি)

Chapt | Replenishment of the treasurয্
05.2.01 কোশং অকোশঃ প্রত্যুত্পন্নার্থকৃচ্ছ্রঃ সঙ্গৃহ্ণীযাত্
05.2.02 জনপদং মহান্তং অল্পপ্রমাণং বাঽদেবমাতৃকং প্রভূতধান্যং ধান্যস্যাংশং তৃতীযং চতুর্থং বা যাচেত, যথাসারং মধ্যং অবরং বা
05.2.03 দুর্গসেতুকর্মবণিক্পথশূন্যনিবেশখনিদ্রব্যহস্তিবনকর্ম উপকারিণং প্রত্যন্তং অল্পপ্রমাণং বা ন যাচেত
05.2.04 ধান্যপশুহিরণ্যাদি নিবিশমানায দদ্যাত্
05.2.05 চতুর্থং অংশং ধান্যানাং বীজভক্তশুদ্ধং চ হিরণ্যেন ক্রীণীযাত্
05.2.06 অরণ্যজাতং শ্রোত্রিযস্বং চ পরিহরেত্
05.2.07 তদ্ অপ্যনুগ্রহেণ ক্রীণীযাত্
05.2.08 তস্যাকরণে বা সমাহর্তৃপুরুষা গ্রীষ্মে কর্ষকাণাং উদ্বাপং কারযেযুঃ
05.2.09 প্রমাদাবস্কন্নস্যাত্যযং দ্বিগুণং উদাহরন্তো বীজকালে বীজলেখ্যং কুর্যুঃ
05.2.10 নিষ্পন্নে হরিতপক্বাদানং বারযেযুঃ, অন্যত্র শাককটভঙ্গমুষ্টিভ্যাং দেবপিতৃপূজাদানার্থং গবার্থং বা
05.2.11 ভিক্ষুকগ্রামভৃতকার্থং চ রাশিমূলং পরিহরেযুঃ
05.2.12 স্বসস্যাপহারিণঃ প্রতিপাতোঽষ্টগুণঃ
05.2.13 পরসস্যাপহারিণঃ পঞ্চাশদ্গুণঃ সীতাঽত্যযঃ, স্ববর্গস্য, বাহ্যস্য তু বধঃ
05.2.14 চতুর্থং অংশং ধান্যানাং ষষ্ঠং বন্যানাং তূললাক্ষাক্ষৌমবল্ককার্পাসরৌমকৌশেযকৌষধগন্ধপুষ্পফলশাকপণ্যানাং কাষ্ঠবেণুমাংসবল্লূরাণাং চ গৃহ্ণীযুঃ, দন্তাজিনস্যার্ধম্
05.2.15 তদ্ অনিসৃষ্টং বিক্রীণানস্য পূর্বঃ সাহসদণ্ডঃ
05.2.16 ইতি কর্ষকেষু প্রণযঃ
05.2.17 সুবর্ণরজতবজ্রমণিমুক্তাপ্রবালাশ্বহস্তিপণ্যাঃ পঞ্চাশত্করাঃ
05.2.18 সূত্রবস্ত্রতাম্রবৃত্তকংসগন্ধভৈষজ্যশীধুপণ্যাশ্চত্বারিংশত্করাঃ
05.2.19 ধান্যরসলোহপণ্যাঃ শকটব্যবহারিণশ্চ ত্রিংশত্করাঃ
05.2.20 কাচব্যবহারিণো মহাকারবশ্চ বিংশতিকরাঃ
05.2.21 ক্ষুদ্রকারবো বন্ধকীপোষকাশ্চ দশকরাঃ
05.2.22 কাষ্ঠবেণুপাষাণমৃদ্ভাণ্ডপক্বান্নহরিতপণ্যাঃ পঞ্চকরাঃ
05.2.23 কুশীলবা রূপাজীবাশ্চ বেতনার্ধং দদ্যুঃ
05.2.24 হিরণ্যকরং কর্মণ্যান্ আহারযেযুঃ, ন চ এষাং কঞ্চিদ্ অপরাধং পরিহরেযুঃ
05.2.25 তে হ্যপরিগৃহীতং অভিনীয বিক্রীণীরন্
05.2.26 ইতি ব্যবহারিষু প্রণযঃ
05.2.27 কুক্কুটসূকরং অর্ধং দদ্যাত্, ক্ষুদ্রপশবঃ ষড্ভাগং, গোমহিষাশ্বতরখর উষ্ট্রাশ্চ দশভাগম্
05.2.28 বন্ধকীপোষকা রাজপ্রেষ্যাভিঃ পরমরূপযৌবনাভিঃ কোশং সংহরেযুঃ
05.2.29 ইতি যোনিপোষকেষু প্রণযঃ
05.2.30 সকৃদ্ এব ন দ্বিঃ প্রযোজ্যঃ
05.2.31 তস্যাকরণে বা সমাহর্তা কার্যং অপদিশ্য পৌরজানপদান্ ভিক্ষেত
05.2.32 যোগপুরুষাশ্চাত্র পূর্বং অতিমাত্রং দদ্যুঃ
05.2.33 এতেন প্রদেশেন রাজা পৌরজানপদান্ ভিক্ষেত
05.2.34 কাপটিকাশ্চ এনান্ অল্পং প্রযচ্ছতঃ কুত্সযেযুঃ
05.2.35 সারতো বা হিরণ্যং আঢ্যান্ যাচেত, যথা উপকারং বা, স্ববশা বা যদ্ উপহরেযুঃ
05.2.36 স্থানচ্ছত্রবেষ্টনবিভূষাশ্চ এষাং হিরণ্যেন প্রযচ্ছেত্
05.2.37 পাষণ্ডসঙ্ঘদ্রব্যং অশ্রোত্রিয উপভোগ্যং দেবদ্রব্যং বা কৃত্যকরাঃ প্রেতস্য দগ্ধগৃহস্য বা হস্তে ন্যস্তং ইত্যুপহরেযুঃ
05.2.38 দেবতাঽধ্যক্ষো দুর্গরাষ্ট্রদেবতানাং যথাস্বং একস্থং কোশং কুর্যাত্, তথৈব চ উপহরেত্
05.2.39 দৈবতচৈত্যং সিদ্ধপুণ্যস্থানং ঔপপাদিকং বা রাত্রাবুত্থাপ্য যাত্রাসমাজাভ্যাং আজীবেত্
05.2.40 চৈত্য উপবনবৃক্ষেণ বা দেবতাঽভিগমনং অনার্তবপুষ্পফলযুক্তেন খ্যাপযেত্
05.2.41 মনুষ্যকরং বা বৃক্ষে রক্ষোভযং প্ররূপযিত্বা সিদ্ধব্যঞ্জনাঃ পৌরজানপদানাং হিরণ্যেন প্রতিকুর্যুঃ
05.2.42 সুরুঙ্গাযুক্তে বা কূপে নাগং অনিযতশিরস্কং হিরণ্য উপহারেণ দর্শযেত্
05.2.43 নাগপ্রতিমাযাং অন্তশ্ছন্নাযাং চৈত্যচ্ছিদ্রে বল্মীকচ্ছিদ্রে বা সর্পদর্শনং আহারেণ প্রতিবদ্ধসংজ্ঞং কৃত্বা শ্রদ্দধানানাং দর্শযেত্
05.2.44 অশ্রদ্দধানানাং আচমনপ্রোক্ষণেষু রসং উপচার্য দেবতাঽভিশাপং ব্রূযাত্, অভিত্যক্তং বা দংশযিত্বা
05.2.45 যোগদর্শনপ্রতীকারেণ বা কোশাভিসংহরণং কুর্যাত্
05.2.46 বৈদেহকব্যঞ্জনো বা প্রভূতপণ্যান্তেবাসী ব্যবহরেত
05.2.47 স যদা পণ্যমূল্যে নিক্ষেপপ্রযোগৈরুপচিতঃ স্যাত্ তদা এনং রাত্রৌ মোষযেত্
05.2.48 এতেন রূপদর্শকঃ সুবর্ণকারশ্চ ব্যাখ্যাতৌ
05.2.49 বৈদেহকব্যঞ্জনো বা প্রখ্যাতব্যবহারঃ প্রহবণনিমিত্তং যাচিতকং অবক্রীতকং বা রূপ্যসুবর্ণভাণ্ডং অনেকং গৃহ্ণীযাত্
05.2.50 সমাজে বা সর্বপণ্যসন্দোহেন প্রভূতং হিরণ্যসুবর্ণং ঋণং গৃহ্ণীযাত্, প্রতিভাণ্ডমূল্যং চ
05.2.51 তদ্ উভযং রাত্রৌ মোষযেত্
05.2.52 সাধ্বীব্যঞ্জনাভিঃ স্ত্রীভির্দূষ্যান্ উন্মাদযিত্বা তাসাং এব বেশ্মস্বভিগৃহ্য সর্বস্বান্যাহরেযুঃ
05.2.53 দূষ্যকুল্যানাং বা বিবাদে প্রত্যুত্পন্নে রসদাঃ প্রণিহিতা রসং দদ্যুঃ
05.2.54 তেন দোষেণ ইতরে পর্যাদাতব্যাঃ
05.2.55 দূষ্যং অভিত্যক্তো বা শ্রদ্ধেযাপদেশং পণ্যং হিরণ্যনিক্ষেপং ঋণপ্রযোগং দাযং বা যাচেত
05.2.56 দাসশব্দেন বা দূষ্যং আলম্বেত, ভার্যাং অস্য স্নুষাং দুহিতরং বা দাসীশব্দেন ভার্যাশব্দেন বা
05.2.57 তং দূষ্যগৃহপ্রতিদ্বারি রাত্রাবুপশযানং অন্যত্র বা বসন্তং তীক্ষ্ণো হত্বা ব্রূযাত্ হতোঽযং অর্থকামুকঃ ইতি
05.2.58 তেন দোষেণ ইতরে পর্যাদাতব্যাঃ
05.2.59 সিদ্ধব্যঞ্জনো বা দূষ্যং জম্ভকবিদ্যাভিঃ প্রলোভযিত্বা ব্রূযাত্ অক্ষযহিরণ্যং রাজদ্বারিকং স্ত্রীহৃদযং অরিব্যাধিকরং আযুষ্যং পুত্রীযং বা কর্ম জানামি ইতি
05.2.60 প্রতিপন্নং চৈত্যস্থানে রাত্রৌ প্রভূতসুরামাংসগন্ধং উপহারং কারযেত্
05.2.61 একরূপং চাত্র হিরণ্যং পূর্বনিখাতং প্রেতাঙ্গং প্রেতশিশুর্বা যত্র নিহিতঃ স্যাত্, ততো হিরণ্যং অস্য দর্শযেদ্ অত্যল্পম্ ইতি চ ব্রূযাত্
05.2.62 প্রভূতহিরণ্যহেতোঃ পুনরুপহারঃ কর্তব্য ইতি স্বযং এব এতেন হিরণ্যেন শ্বোভূতে প্রভূতং ঔপহারিকং ক্রীণীহি ইতি
05.2.63 স তেন হিরণ্যেনাউপহারিকক্রযে গৃহ্যেত
05.2.64 মাতৃব্যঞ্জনযা বা পুত্রো মে ত্বযা হতঃ ইত্যবকুপিতা স্যাত্
05.2.65 সংসিদ্ধং এবাস্য রাত্রিযাগে বনযাগে বনক্রীডাযাং বা প্রবৃত্তাযাং তীক্ষ্ণা বিশস্যাভিত্যক্তং অতিনযেযুঃ
05.2.66 দূষ্যস্য বা ভৃতকব্যঞ্জনো বেতনহিরণ্যে কূটরূপং প্রক্ষিপ্য প্ররূপযেত্
05.2.67 কর্মকরব্যঞ্জনো বা গৃহে কর্ম কুর্বাণঃ স্তেনকূটরূপকারক উপকরণং উপনিদধ্যাত্, চিকিত্সকব্যঞ্জনো বা গরং অগদাপদেশেন
05.2.68 প্রত্যাসন্নো বা দূষ্যস্য সত্ত্রী প্রণিহিতং অভিষেকভাণ্ডং অমিত্রশাসনং চ কাপটিকমুখেনাচক্ষীত, কারণং চ ব্রূযাত্
05.2.69 এবং দূষ্যেষ্বধার্মিকেষু চ বর্তেত, ন ইতরেষু
05.2.70ab পক্বং পক্বং ইবারামাত্ ফলং রাজ্যাদ্ অবাপ্নুযাত্ |
05.2.70chd আত্মচ্ছেদভযাদ্ আমং বর্জযেত্ কোপকারকম্ ( ইতি)

Chapt | Salaries of state servants
05.3.01 দুর্গজনপদশক্ত্যা ভৃত্যকর্ম সমুদযপাদেন স্থাপযেত্, কার্যসাধনসহেন বা ভৃত্যলাভেন
05.3.02 শরীরং অবেক্ষেত, ন ধর্মার্থৌ পীডযেত্
05.3.03 ঋত্বিগ্ঽঅচার্যমন্ত্রিপুরোহিতসেনাপতিযুবরাজরাজমাতৃরাজমহিষ্যোঽষ্টচত্বারিংশত্সাহস্রাঃ
05.3.04 এতাবতা ভরণেনানাস্পদ্যত্বং অকোপকং চ এষাং ভবতি
05.3.05 দৌবারিকান্তর্বংশিকপ্রশাস্তৃসমাহর্তৃসংনিধাতারশ্চতুর্বিংশতিসাহস্রাঃ
05.3.06 এতাবতা কর্মণ্যা ভবন্তি
05.3.07 কুমারকুমারমাতৃনাযকপৌরব্যাবহারিককার্মান্তিকমন্ত্রিপরিষদ্রাষ্ট্রান্তপালাশ্চ দ্বাদশসাহস্রাঃ
05.3.08 স্বামিপরিবন্ধবলসহাযা হ্যেতাবতা ভবন্তি
05.3.09 শ্রেণীমুখ্যা হস্ত্য্ঽশ্বরথমুখ্যাঃ প্রদেষ্টারশ্চাষ্টসাহস্রাঃ
05.3.10 স্ববর্গানুকর্ষিণো হ্যেতাবতা ভবন্তি
05.3.11 পত্ত্য্ঽশ্বরথহস্ত্য্ঽধ্যক্ষা দ্রব্যহস্তিবনপালাশ্চ চতুঃসাহস্রাঃ
05.3.12 রথিকানীকস্থচিকিত্সকাশ্বদমকবর্ধকযো যোনিপোষকাশ্চ দ্বিসাহস্রাঃ
05.3.13 কার্তান্তিকনৈমিত্তিকমৌহূর্তিকপৌরাণিকসূতমাগধাঃ পুরোহিতপুরুষাঃ সর্বাধ্যক্ষাশ্চ সাহস্রাঃ
05.3.14 শিল্পবন্তঃ পাদাতাঃ সঙ্খ্যাযকলেখকাদিবর্গশ্চ পঞ্চশতাঃ
05.3.15 কুশীলবাঃ ত্বর্ধতৃতীযশতাঃ, দ্বিগুণবেতনাশ্চ এষাং তূর্যকরাঃ
05.3.16 কারুশিল্পিনো বিংশতিশতিকাঃ
05.3.17 চতুষ্পদদ্বিপদপরিচারকপারিকর্মিকাউপস্থাযিকপালকবিষ্টিবন্ধকাঃ ষষ্টিবেতনাঃ, আর্যযুক্তারোহকমাণবকশৈলখনকাঃ সর্ব উপস্থাযিনশ্চ
05.3.18 আচার্যা বিদ্যাবন্তশ্চ পূজাবেতনানি যথাঽর্হং লভেরন্ পঞ্চশতাবরং সহস্রপরম্
05.3.19 দশপণিকো যোজনে দূতো মধ্যমঃ, দশ উত্তরে দ্বিগুণবেতন আযোজনশতাদ্ ইতি
05.3.20 সমানবিদ্যেভ্যঃ ত্রিগুণবেতনো রাজা রাজসূযাদিষু ক্রতুষু
05.3.21 রাজ্ঞঃ সারথিঃ সাহস্রঃ
05.3.22 কাপটিক উদাস্থিতগৃহপতিকবৈদেহকতাপসব্যঞ্জনাঃ সাহস্রাঃ
05.3.23 গ্রামভৃতকসত্ত্রিতীক্ষ্ণরসদভিক্ষুক্যঃ পঞ্চশতাঃ
05.3.24 চারসঞ্চারিণোঽর্ধতৃতীযশতাঃ, প্রযাসবৃদ্ধবেতনা বা
05.3.25 শতবর্গসহস্রবর্গাণাং অধ্যক্ষা ভক্তবেতনলাভং আদেশং বিক্ষেপং চ কুর্যুঃ
05.3.26 অবিক্ষেপো রাজপরিগ্রহদুর্গরাষ্ট্ররক্ষাবেক্ষণেষু চ
05.3.27 নিত্যমুখ্যাঃ স্যুরনেকমুখ্যাশ্চ
05.3.28 কর্মসু মৃতানাং পুত্রদারা ভক্তবেতনং লভেরন্
05.3.29 বালবৃদ্ধব্যাধিতাশ্চ এষাং অনুগ্রাহ্যাঃ
05.3.30 প্রেতব্যাধিতসূতিকাকৃত্যেষু চ এষাং অর্থমানকর্ম কুর্যাত্
05.3.31 অল্পকোশঃ কুপ্যপশুক্ষেত্রাণি দদ্যাত্, অল্পং চ হিরণ্যম্
05.3.32 শূন্যং বা নিবেশযিতুং অভ্যুত্থিতো হিরণ্যং এব দদ্যাত্, ন গ্রামং গ্রামসঞ্জাতব্যবহারস্থাপনার্থম্
05.3.33 এতেন ভৃতানাং অভৃতানাং চ বিদ্যাকর্মভ্যাং ভক্তবেতনবিশেষং চ কুর্যাত্
05.3.34 ষষ্টিবেতনস্যাঢকং কৃত্বা হিরণ্যানুরূপং ভক্তং কুর্যাত্
05.3.35 পত্ত্য্ঽশ্বরথদ্বিপাঃ সূর্য উদযে বহিঃ সন্ধিদিবসবর্জং শিল্পযোগ্যাঃ কুর্যুঃ
05.3.36 তেষু রাজা নিত্যযুক্তঃ স্যাত্, অভীক্ষ্ণং চ এষাং শিল্পদর্শনং কুর্যাত্
05.3.37 কৃতনর ইন্দ্রাঙ্কং শস্ত্রাবরণং আযুধাগারং প্রবেশযেত্
05.3.38 অশস্ত্রাশ্চরেযুঃ, অন্যত্র মুদ্রাঽনুজ্ঞাতাত্
05.3.39 নষ্টংবিনষ্টং বা দ্বিগুণং দদ্যাত্
05.3.40 বিধ্বস্তগণনাং চ কুর্যাত্
05.3.41 সার্থিকানাং শস্ত্রাবরণং অন্তপালা গৃহ্ণীযুঃ, সমুদ্রং অবচারযেযুর্বা
05.3.42 যাত্রাং অভ্যুত্থিতো বা সেনাং উদ্যোজযেত্
05.3.43 ততো বৈদেহকব্যঞ্জনাঃ সর্বপণ্যান্যাযুধীযেভ্যো যাত্রাকালে দ্বিগুণপ্রত্যাদেযানি দদ্যুঃ
05.3.44 এবং রাজপণ্যযোগবিক্রযো বেতনপ্রত্যাদানং চ ভবতি
05.3.45 এবং অবেক্ষিতাযব্যযঃ কোশদণ্ডব্যসনং নাবাপ্নোতি
05.3.46 ইতি ভক্তবেতনবিকল্পঃ
05.3.47ab সত্ত্রিণশ্চাযুধীযানাং বেশ্যাঃ কারুকুশীলবাঃ |
05.3.47chd দণ্ডবৃদ্ধাশ্চ জানীযুঃ শৌচাশৌচং অতন্দ্রিতাঃ ( ইতি)

Chapt | Proper conduct fora dependant
05.4.01 লোকযাত্রাবিদ্ রাজানং আত্মদ্রব্যপ্রকৃতিসম্পন্নং প্রিযহিতদ্বারেণাশ্রযেত
05.4.02 যং বা মন্যেত যথাঽহং আশ্রয ঈপ্সুরেবং অসৌ বিনয ঈপ্সুরাভিগামিকগুণযুক্তঃ ইতি, দ্রব্যপ্রকৃতিহীনং অপ্যেনং আশ্রযেত, ন ত্বেবানাত্মসম্পন্নম্
05.4.03 অনাত্মবা হি নীতিশাস্ত্রদ্বেষাদ্ অনর্থ্যসংযোগাদ্ বা প্রাপ্যাপি মহদ্ ঐশ্বর্যং ন ভবতি
05.4.04 আত্মবতি লব্ধাবকাশঃ শাস্ত্রানুযোগং দদ্যাত্
05.4.05 অবিসংবাদাদ্দ্ হি স্থানস্থৈর্যং অবাপ্নোতি
05.4.06 মতিকর্মসু পৃষ্ঠঃ তদাত্বে চাযত্যাং চ ধর্মার্থসংযুক্তং সমর্থং প্রবীণবদ্ অপরিষদ্ভীরুঃ কথযেত্
05.4.07 ঈপ্সিতঃ পণেত ধর্মার্থানুযোগং অবিশিষ্টেষু বলবত্সংযুক্তেষু দণ্ডধারণং মত্সংযোগে তদাত্বে চ দণ্ডধারণং ইতি ন কুর্যাঃ, পক্ষং বৃত্তিং গুহ্যং চ মে ন উপহন্যাঃ, সংজ্ঞযা চ ত্বাং কামক্রোধদণ্ডনেষু বারযেযম্ ইতি
05.4.08 আদিষ্টঃ প্রদিষ্টাযাং ভূমাবনুজ্ঞাতঃ প্রবিশেত্, উপবিশেচ্চ পার্শ্বতঃ সংনিকৃষ্টবিপ্রকৃষ্টঃ পরাসনম্
05.4.09 বিগৃহ্য কথনং অসভ্যং অপ্রত্যক্ষং অশ্রদ্ধেযং অনৃতং চ বাক্যং উচ্চৈরনর্মণি হাসং বাতষ্ঠীবনে চ শব্দবতী ন কুর্যাত্
05.4.10 মিথঃ কথনং অন্যেন, জনবাদে দ্বন্দ্বকথনং, রাজ্ঞো বেষং উদ্ধতকুহকানাং চ, রত্নাতিশযপ্রকাশাভ্যর্থনং, একাক্ষ্য্.ওষ্ঠনির্ভোগং ভ্রুকুটীকর্ম বাক্যাবক্ষেপণং চ ব্রুবতি, বলবত্ সংযুক্তবিরোধং, স্ত্রীভিঃ স্ত্রীদর্শিভিঃ সামন্তদূতৈর্দ্বেষ্যপক্ষাবক্ষিপ্তান্ অর্থ্যৈশ্চ প্রতিসংসর্গং একার্থচর্যাং সঙ্ঘাতং চ বর্জযেত্
05.4.11ab অহীনকালং রাজার্থং স্বার্থং প্রিযহিতৈঃ সহ |
05.4.11chd পরার্থং দেশকালে চ ব্রূযাদ্ ধর্মার্থসংহিতম্
05.4.12ab পৃষ্টঃ প্রিযহিতং ব্রূযান্ন ব্রূযাদ্ অহিতং প্রিযম্ |
05.4.12chd অপ্রিযং বা হিতং ব্রূযাত্শৃণ্বতোঽনুমতো মিথঃ
05.4.13ab তূষ্ণীং বা প্রতিবাক্যে স্যাদ্ বেষ্যাদীংশ্চ ন বর্ণযেত্ |
05.4.13chd অপ্রিযা অপি দক্ষাঃ স্যুঃ তদ্ভাবাদ্ যে বহিষ্কৃতাঃ
05.4.14ab অনর্থ্যাশ্চ প্রিযা দৃষ্টাশ্চিত্তজ্ঞানানুবর্তিনঃ |
05.4.14chd অভিহাস্যেষ্বভিহসেদ্ ঘোরহাসাংশ্চ বর্জযেত্ ( ইতি)
05.4.15ab পরাত্ সঙ্ক্রামযেদ্ ঘোরং ন চ ঘোরং পরে বদেত্ |
05.4.15chd তিতিক্ষেতাত্মনশ্চৈব ক্ষমাবান্ পৃথিবীসমঃ
05.4.16ab আত্মরক্ষা হি সততং পূর্বং কার্যা বিজানতা |
05.4.16chd অগ্নাবিব হি সম্প্রোক্তা বৃত্তী রাজা উপজীবিনাম্
05.4.17ab একদেশং দহেদ্ অগ্নিঃ শরীরং বা পরং গতঃ |
05.4.17chd স-পুত্রদারং রাজা তু ঘাতযেদ্ অর্ধযেত বা ( ইতি)

Chapt | Proper behaviour for a courtier
05.5.01 নিযুক্তঃ কর্মসু ব্যযবিশুদ্ধং উদযং দর্শযেত্
05.5.02 আভ্যন্তরং বাহ্যং গুহ্যং প্রকাশ্যং আত্যযিকং উপেক্ষিতব্যং বা কার্যং ইদং এবম্ ইতি বিশেষযেচ্চ
05.5.03 মৃগযাদ্যূতমদ্যস্ত্রীষু প্রসক্তং ন এনং অনুবর্তেত প্রশংসাভিঃ
05.5.04 আসন্নশ্চাস্য ব্যসন উপঘাতে প্রযতেত, পর উপজাপাতিসন্ধান উপধিভ্যশ্চ রক্ষেত্
05.5.05 ইঙ্গিতাকারৌ চাস্য লক্ষযেত্
05.5.06 কামদ্বেষহর্ষদৈন্যব্যবসাযভযদ্বন্দ্ববিপর্যাসং ইঙ্গিতাকারাভ্যাং হি মন্ত্রসংবরণার্থং আচরতি প্রাজ্ঞঃ
05.5.07 দর্শনে প্রসীদতি, বাক্যং প্রতিগৃহ্ণাতি, আসনং দদাতি, বিবিক্তো দর্শযতে, শঙ্কাস্থানে নাতিশঙ্কতে, কথাযাং রমতে, পরিজ্ঞাপ্যেষ্ববেক্ষতে, পথ্যং উক্তং সহতে, স্মযমানো নিযুঙ্ক্তে, হস্তেন স্পৃশতি, শ্লাঘ্যে ন উপহসতি, পরোক্ষং গুণং ব্রবীতি, ভক্ষ্যেষু স্মরতি, সহ বিহারং যাতি, ব্যসনেঽভ্যুপপদ্যতে, তদ্ভক্তীন্ পূজযতি, গুহ্যং আচষ্টে, মানং বর্ধযতি, অর্থং করোতি, অনর্থং প্রতিহন্তি – ইতি তুষ্টজ্ঞানম্
05.5.08 এতদ্ এব বিপরীতং অতুষ্টস্য, ভূযশ্চ বক্ষ্যামঃ
05.5.09 সন্দর্শনে কোপঃ, বাক্যস্যাশ্রবণপ্রতিষেধৌ, আসনচক্ষুষোরদানং, বর্ণস্বরভেদঃ, একাক্ষিভ্রুকুট্য্.ওষ্ঠনির্ভোগঃ, স্বেদশ্বাসস্মিতানাং অস্থান উত্পত্তিঃ, পরমন্ত্রণং, অকস্মাদ্ব্রজনং, বর্ধনং অন্যস্য, ভূমিগাত্রবিলেখনং, অন্যস্য উপতোদনং, বিদ্যাবর্ণদেশকুত্সা, সমদোষনিন্দা, প্রতিদোষনিন্দা, প্রতিলোমস্তবঃ, সুকৃতানবেক্ষণং, দুষ্কৃতানুকীর্তনং, পৃষ্ঠাবধানং, অতিত্যাগঃ, মিথ্যাঽভিভাষণং, রাজদর্শিনাং চ তদ্বৃত্তান্যত্বম্
05.5.10 বৃত্তিবিকারং চাবেক্ষেতাপ্যমানুষাণাম্
05.5.11 অযং উচ্চৈঃ সিঞ্চতি ইতি কাত্যাযনঃ প্রবব্রাজ, ক্রৌঞ্চোঽপসব্যম্ ইতি কণিঙ্কো ভারদ্বাজঃ, তৃণম্ ইতি দীর্ঘশ্চারাযণঃ, শীতা শাটী ইতি ঘোটমুখঃ, হস্তী প্রত্যৌক্ষীত্ ইতি কিঞ্জল্কঃ, রথাশ্বং প্রাশংসীত্ ইতি পিশুনঃ, প্রতিরবণে শুনঃ পিশুনপুত্রঃ
05.5.12 অর্থমানাবক্ষেপে চ পরিত্যাগঃ
05.5.13 স্বামিশীলং আত্মনশ্চ কিল্বিষং উপলভ্য বা প্রতিকুর্বীত
05.5.14 মিত্রং উপকৃষ্টং বাঽস্য গচ্ছেত্
05.5.15ab তত্রস্থো দোষনির্ঘাতং মিত্রৈর্ভর্তরি চাচরেত্ |
05.5.15chd ততো ভর্তরি জীবে বা মৃতে বা পুনরাব্রজেত্ ( ইতি)

Chapt | Continuance of the kingdom
Continuous sovereigntয্
05.6.01 রাজব্যসনং এবং অমাত্যঃ প্রতিকুর্বীত
05.6.02 প্রাগ্ এব মরণাবাধভযাদ্ রাজ্ঞঃ প্রিযহিত উপগ্রহেণ মাসদ্বিমাসান্তরং দর্শনং স্থাপযেদ্ দেশপীডাঽপহং অমিত্রাপহং আযুষ্যং পুত্রীযং বা কর্ম রাজা সাধযতি ইত্যপদেশেন
05.6.03 রাজব্যঞ্জনং অরূপবেলাযাং প্রকৃতীনাং দর্শযেত্, মিত্রামিত্রদূতানাং চ
05.6.04 তৈশ্চ যথা উচিতাং সম্ভাষাং অমাত্যমুখো গচ্ছেত্
05.6.05 দৌবারিকান্তর্বংশিকমুখশ্চ যথা উক্তং রাজপ্রণিধিং অনুবর্তযেত্
05.6.06 অপকারিষু চ হেডং প্রসাদং বা প্রকৃতিকান্তং দর্শযেত্, প্রসাদং এব উপকারিষু
05.6.07 আপ্তপুরুষাধিষ্ঠিতৌ দুর্গপ্রত্যন্তস্থৌ বা কোশদণ্ডাবেকস্থৌ কারযেত্, কুল্যকুমারমুখ্যাংশ্চান্যাপদেশেন
05.6.08 যশ্চ মুখ্যঃ পক্ষবান্ দুর্গাটবীস্থো বা বৈগুণ্যং ভজেত তং উপগ্রাহযেত্
05.6.09 বহ্ব্ঽঅবাধং বা যাত্রাং প্রেষযেত্, মিত্রকুলং বা
05.6.10 যস্মাচ্চ সামন্তাদ্ আবাধং পশ্যেত্ তং উত্সববিবাহহস্তিবন্ধনাশ্বপণ্যভূমিপ্রদানাপদেশেনাবগ্রাহযেত্, স্বমিত্রেণ বা
05.6.11 ততঃ সন্ধিং অদূষ্যং কারযেত্
05.6.12 আটবিকামিত্রৈর্বা বৈরং গ্রাহযেত্
05.6.13 তত্কুলীনং অপরুদ্ধং বা ভূংয্.একদেশেন উপগ্রাহযেত্
05.6.14 কুল্যকুমারমুখ্য উপগ্রহং কৃত্বা বা কুমারং অভিষিক্তং এব দর্শযেত্
05.6.15 দাণ্ডকর্মিকবদ্ বা রাজ্যকণ্টকান্ উদ্ধৃত্য রাজ্যং কারযেত্
05.6.16 যদি বা কশ্চিন্ মুখ্যঃ সামন্তাদীনাং অন্যতমঃ কোপং ভজেত তং এহি, রাজানং ত্বা করিষ্যামি ইত্যাবাহযিত্বা ঘাতযেত্
05.6.17 আপত্প্রতীকারেণ বা সাধযেত্
05.6.18 যুবরাজে বা ক্রমেণ রাজ্যভারং আরোপ্য রাজব্যসনং খ্যাপযেত্
05.6.19 পরভূমৌ রাজব্যসনে মিত্রেণামিত্রব্যঞ্জনেন শত্রোঃ সন্ধিং অবস্থাপ্যাপগচ্ছেত্
05.6.20 সামন্তাদীনাং অন্যতমং বাঽস্য দুর্গে স্থাপযিত্বাঽপগচ্ছেত্
05.6.21 কুমারং অভিষিচ্য বা প্রতিব্যূহেত
05.6.22 পরেণাভিযুক্তো বা যথা উক্তং আপত্প্রতীকারং কুর্যাত্
05.6.23 এবং একাইশ্বর্যং অমাত্যঃ কারযেদ্ ইতি কৌটিল্যঃ
05.6.24 ন এবম্ ইতি ভারদ্বাজঃ
05.6.25 প্রম্রিযমাণে বা রাজন্যমাত্যঃ কুল্যকুমারমুখ্যান্ পরস্পরং মুখ্যেষু বা বিক্রমযেত্
05.6.26 বিক্রান্তং প্রকৃতিকোপেন ঘাতযেত্
05.6.27 কুল্যকুমারমুখ্যান্ উপাংশুদণ্ডেন বা সাধযিত্বা স্বযং রাজ্যং গৃহ্ণীযাত্
05.6.28 রাজ্যকারণাদ্দ্ হি পিতা পুত্রান্ পুত্রাশ্চ পিতরং অভিদ্রুহ্যন্তি, কিং অঙ্গ পুনরমাত্যপ্রকৃতির্হ্যেকপ্রগ্রহো রাজ্যস্য
05.6.29 তত্ স্বযং উপস্থিতং নাবমন্যেত
05.6.30 স্বযং আরূঢা হি স্ত্রী ত্যজ্যমানাঽভিশপতি ইতি লোকপ্রবাদঃ
05.6.31ab কালশ্চ সকৃদ্ অভ্যেতি যং নরং কালকাঙ্ক্ষিণম্ |
05.6.31chd দুর্লভঃ স পুনঃ তস্য কালঃ কর্ম চিকীর্ষতঃ
05.6.32 প্রকৃতিকোপকং অধর্মিষ্ঠং অনৈকান্তিকং চ এতদ্ ইতি কৌটিল্যঃ
05.6.33 রাজপুত্রং আত্মসম্পন্নং রাজ্যে স্থাপযেত্
05.6.34 সম্পন্নাভাবেঽব্যসনিনং কুমারং রাজকন্যাং গর্ভিণীং দেবীং বা পুরস্কৃত্য মহামাত্রান্ সংনিপাত্য ব্রূযাত্ অযং বো নিক্ষেপঃ, পিতরং অস্যাবেক্ষধ্বং সত্ত্বাভিজনং আত্মনশ্চ, ধ্বজমাত্রোঽযং ভবন্ত এব স্বামিনঃ, কথং বা ক্রিযতাম্ ইতি
05.6.35 তথা ব্রুবাণং যোগপুরুষা ব্রূযুঃ কোঽন্যো ভবত্পুরোগাদ্ অস্মাদ্ রাজ্ঞশ্চাতুর্বর্ণ্যং অর্হতি পালযিতুম্ ইতি
05.6.36 তথা ইত্যমাত্যঃ কুমারং রাজকন্যাং গর্ভিণীং দেবীং বাঽধিকুর্বীত, বন্ধুসম্বন্ধিনাং মিত্রামিত্রদূতানাং চ দর্শযেত্
05.6.37 ভক্তবেতনবিশেষং অমাত্যানাং আযুধীযানাং চ কারযেত্, ভূযশ্চাযং বৃদ্ধঃ করিষ্যতি ইতি ব্রূযাত্
05.6.38 এবং দুর্গরাষ্ট্রমুখ্যান্ আভাষেত, যথাঽর্হং চ মিত্রামিত্রপক্ষম্
05.6.39 বিনযকর্মণি চ কুমারস্য প্রযতেত
05.6.40 কন্যাযাং সমানজাতীযাদ্ অপত্যং উত্পাদ্য বাঽভিষিঞ্চেত্
05.6.41 মাতুশ্চিত্তক্ষোভভযাত্ কুল্যং অল্পসত্ত্বং ছাত্রং চ লক্ষণ্যং উপনিদধ্যাত্
05.6.42 ঋতৌ চ এনাং রক্ষেত্
05.6.43 ন চাত্মার্থং কঞ্চিদ্ উত্কৃষ্টং উপভোগং কারযেত্
05.6.44 রাজার্থং তু যানবাহনাভরণবস্ত্রস্ত্রীবেশ্মপরিবাপান্ কারযেত্
05.6.45ab যৌবনস্থং চ যাচেত বিশ্রমং চিত্তকারণাত্ |
05.6.45chd পরিত্যজেদ্ অতুষ্যন্তং তুষ্যন্তং চানুপালযেত্
05.6.46ab নিবেদ্য পুত্ররক্ষাঽর্থং গূঢসারপরিগ্রহান্ |
05.6.46chd অরণ্যং দীর্ঘসত্ত্রং বা সেবেতারুচ্যতাং গতঃ
05.6.47ab মুখ্যৈরবগৃহীতং বা রাজানং তত্প্রিযাশ্রিতঃ |
05.6.47chd ইতিহাসপুরাণাভ্যাং বোধযেদ্ অর্থশাস্ত্রবিত্
05.6.48ab সিদ্ধব্যঞ্জনরূপো বা যোগং আস্থায পার্থিবম্ |
05.6.48chd লভেত লব্ধ্বা দূষ্যেষু দাণ্ডকর্মিকং আচরেত্ ( ইতি)

<