ঋতুসংহার

.. ঋতুসংহার ( কালিদাস) ..

ঋতুসংহার

.. ১ . অথ গ্রীষ্মঃ ..

প্রচণ্ডসূর্যঃ স্পৃহণীযচন্দ্রমাঃ
সদাবগাহক্ষতবারিসঞ্চযঃ .
দিনান্তরম্যোঽভ্যুপশান্তমন্মথো
নিদাঘকালঃ সমুপাগতঃনিদাঘকালোঽযমুপাগতঃ প্রিযে .. ১..

নিশাঃ শশাঙ্কক্ষতনীলরাজযঃ
ক্ব চিদ্ বিচিত্রং জলযন্ত্রমন্দিরম্ .
মণিপ্রকারাঃ সরসং চ চন্দনং
শুচৌ প্রিযে যান্তি জনস্য সেব্যতাম্ .. ২..

সুবাসিতং হর্ম্যতলং মনোরমং
প্রিযামুখোচ্ছ্বাসবিকম্পিতং মধু .
সুতন্ত্রিগীতং মদনস্য দীপনং
শুচৌ নিশীথেঽনুভবন্তি কামিনঃ .. ৩..

নিতম্ববিম্বৈঃ সুদুকূলমেখলৈঃ
স্তনৈঃ সহারাভরণৈঃ সচন্দনৈঃ .
শিরোরুহৈঃ স্নানকষাযবাসিতৈঃ
স্ত্রিযো নিদাঘং শমযন্তি কামিনাম্ .. ৪..

নিতান্তলাক্ষারসরাগলোহিতৈর্
নিতম্বিনীনাং চরণৈঃ সুনূপুরৈঃ .
পদে পদে হংসরুতানুকারিভির্
জনস্য চিত্তং ক্রিযতে সমন্মথম্ .. ৫..

পযোধরাশ্চন্দনপঙ্কচর্চিতাস্
তুষারগৌরার্পিতহারশেখরাঃ .
নিতম্বদেশাশ্চলহেমমেখলাঃ
প্রকুর্বতে কস্য মনো ন সোত্সুকম্ .. ৬..

সমুদ্গতস্বেদচিতাঙ্গসংধযো
বিমুচ্য বাসাংসি গুরূণি সাংপ্রতম্ .
স্তনেষু তন্বংশুকমুন্নতস্তনা
নিবেশযন্তি প্রমদাঃ সযৌবনাঃ .. ৭..

সচন্দনাম্বুব্যজনোদ্ভবানিলৈঃ
সহারযষ্টিস্তনমণ্ডলার্পিতৈঃ .
সবল্লকীকাকলিগীতনিঃস্বনৈঃ
প্রবুধ্যতেবিবোধ্যতে সুপ্ত ইবাদ্য মন্মথঃ .. ৮..

সিতেষু হর্ম্যেষু নিশাসু যোষিতাং
সুখপ্রসুপ্তানি মুখানি চন্দ্রমাঃ
বিলোক্য নির্যন্ত্রণমুত্সুকশ্চিরং
নিশাক্ষযে যাতি হ্রিযেব পাণ্ডুতাম্ .. ৯..

অসহ্যবাতোদ্ধতরেণুমণ্ডলা
প্রচণ্ডসূর্যাতপতাপিতা মহী .
ন শক্যতে দ্রষ্টুমপি প্রবাসিভিঃ
প্রিযাবিযোগানলদগ্ধমানসৈঃ .. ১০..

মৃগাঃ প্রচণ্ডাতপতাপিতা ভৃশং
তৃষা মহত্যা পরিশুষ্কতালবঃ .
বনান্তরে তোযমিতি প্রধাবিতা
নিরীক্ষ্য ভিন্নাঞ্জনসংনিভং নভঃ .. ১১..

সবিভ্রমৈঃ সস্মিতজিহ্মবীক্ষিতৈর্
বিলাসবত্যো মনসি প্রসঙ্গিনাম্প্রবাসিনাং .
অনংগসংদীপনমাশু কুর্বতে
যথা প্রদোষাঃ শশিচারুভূষণাঃ .. ১২..

রবের্মযূখৈরভিতাপিতো ভৃশং
বিদহ্যমানঃ পথি তপ্তপাংসুভিঃ .
অবাঙ্মুখো জিহ্মগতিঃ শ্বসন্ মুহুঃ
ফণী মযূরস্য তলে নিষীদতি .. ১৩..

তৃষা মহত্যা হতবিক্রমোদ্যমঃ
শ্বসন্ মুহুর্ভূরিবিদারিতাননঃ .
ন হন্ত্যদুরেঽপি গজান্ মৃগাধিপো
বিলোলজিহ্বশ্চলিতাগ্রকেসরঃ .. ১৪..

বিশুষ্ককন্ঠাহতশীকরাম্ভসো
গভস্তিভির্ভানুমতোঽভিতাপিতাঃ .
প্রবৃদ্ধতৃষ্ণোপহতা জলার্থিনো
ন দন্তিনঃ কেসরিণোঽপি বিভ্যতি .. ১৫..

হুতাগ্নিকল্পৈঃ সবিতুর্মরীচিভিঃ
কলাপিনঃ ক্লান্তশরীরচেতসঃ .
ন ভোগিনং ঘ্নন্তি সমীপবর্তিনং
কলাপচক্রেষু নিবেশিতাননম্ .. ১৬..

সভদ্রমুস্তং পরিপাণ্ডুকর্দমং
সরঃ খনন্নাযতপোত্রমণ্ডলৈঃ
প্রদীপ্তভাসো রবিণা বিতাপিতোরবের্মযূখৈরভিতাপিতো ভৃশং
বরাহযূথো বিশতীব ভূতলম্ .. ১৭..

বিবস্বতা তীক্ষ্ণতরাংশুমালিনা
সপঙ্কতোযাত্ সরসোঽভিতাপিতঃ .
উত্প্লুত্য ভেকস্তৃষিতস্য ভোগিনঃ
ফণাতপত্রস্য তলে নিষীদতি .. ১৮..

সমুদ্ধৃতাশেষমৃণালজালকং
বিপন্নমীনং দ্রুতভীতসারসং
পরস্পরোত্পীডনসংহতৈর্গজৈঃ
কৃতং সরঃ সান্দ্রবিমর্দকর্দমম্ .. ১৯..

রবিপ্রভোদ্ভিন্নশিরোমণিপ্রভো
বিলোলজিহ্বাদ্বযলীঢমারুতঃ .
বিষাগ্নিসূর্যাতপতাপিতঃ ফণীহুতাগ্নিসূর্যাতপতাপিতঃ
ন হন্তি মণ্ডূককুলং তৃষাকুলঃ .. ২০..

সফেনলালাবৃতবক্ত্রসংপুটং
বিনির্গতালোহিতজিহ্বমুন্মুখম্বিনিঃসৃতা .
তৃষাকুলং নিঃসৃতমদ্রিগহ্বরাদ্
গবেষমাণং মহিষীকুলং জলম্ .. ২১..

পটুতরদবদাহোত্প্লুষ্টশষ্পপ্ররোহাঃ
পরুষপবনবেগোত্ক্ষিপ্তসংশুষ্কপর্ণাঃ .
দিনকরপরিতাপক্ষীণতোযাঃ সমন্তাদ্
বিদধতি ভযমুচ্চৈর্বীক্ষ্যমাণা বনান্তাঃ .. ২২..

শ্বসিতি বিহগবর্গঃ শীর্ণপর্ণদ্রুমস্থঃ
কপিকুলমুপযাতি ক্লান্তমদ্রের্নিকুঞ্জম্ .
ভ্রমতি গবযযূথঃ সর্বতস্তোযমিচ্ছঞ্
শরভকুলমজিহ্মং প্রোদ্ধরত্যম্বুকূপাত্ .. ২৩..

বিকচনবকুসুম্ভস্বচ্ছসিন্দূরভাসা
প্রবলপবনবেগোদ্ধূতবেগেন তূর্ণম্ .
তরুবিটপলতাগ্রালিংগনব্যাকুলেন
দিশি দিশি পরিদগ্ধা ভূমযঃ পাবকেন .. ২৪..

ধ্বনতি পবনবিদ্ধঃ ইদ্ধঃ পর্বতানাং দরীষু
স্ফুটতি পটুনিনাদঃ শুষ্কবংশস্থলীষু .
প্রসরতি তৃণমধ্যে লব্ধবৃদ্ধিঃ ক্ষণেন
ক্ষপযতিগ্লপযতি মৃগবর্গং প্রান্তলগ্নো দবাগ্নিঃ .. ২৫..

বহুতর ইব জাতঃ শাল্মলীনাং বনেষু
স্ফুরতি কনকগৌরঃ কোটরেষু দ্রুমাণাম্ .
পরিণতদলশাখানুত্পতত্যাশূত্পতন্ প্রাংশু বৃক্ষাদ্
ভ্রমতি পবনধূতঃ সর্বতোঽগ্নির্বনান্তে .. ২৬..

গজগবযমৃগেন্দ্রা বহ্নিসংতপ্তদেহাঃ
সুহৃদ ইব সমেতা দ্বন্দ্বভাবং বিহায .
হুতবহপরিখেদাদাশু নির্গত্য কক্ষাদ্
বিপুলপুলিনদেশাং নিম্নগাং সংবিশংতি .. ২৭..

কমলবনচিতাম্বুঃ পাটলামোদরম্যঃ
সুখসলিলনিষেকঃ সেব্যচন্দ্রাংশুজালঃসেব্যচন্দ্রাংশুহারঃ .
ব্রজতু তব নিদাঘঃ কামিনীভিঃ সমেতো
নিশি সুললিতগীতৈর্হর্ম্যপৃষ্ঠে সুখেন .. ২৮..

.. ইতি গ্রীষ্মঃ ..

.. ২ . অথ বর্ষা ..

সশীকরাম্ভোধরমত্তকুঞ্জরস্
তডিত্পতাকোঽশনিশব্দমর্দলঃ .
সমাগতো রাজবদুদ্ধতদ্যুতির্
ঘনাগমঃ কামিজনপ্রিযঃ প্রিযে .. ১..

নিতান্তনীলোত্পলপত্রকান্তিভিঃ
ক্বচিত্ প্রভিন্নাঞ্জনরাগসংনিভৈঃরাশিসংনিভৈঃ .
ক্বচিত্ সগর্ভপ্রমদাস্তনপ্রভৈঃ
সমাচিতং ব্যোম ঘনৈঃ সমন্ততঃ .. ২..

তৃষাকুলৈশ্চাতকপক্ষিণাং কুলৈঃ
প্রযাচিতাস্তোযভরাবলম্বিনঃ .
প্রযান্তি মন্দং বহুবারিবর্ষিণোনববারিবর্ষিণো
বলাহকাঃ শ্রোত্রমনোহরস্বনাঃ .. ৩..

বলাহকাশ্চাশনিশব্দভীষণাঃ
সুরেন্দ্রচাপং দধতস্তডিদ্গুণম্ .
সুতীক্ষ্ণধারাপতনোগ্রসাযকৈস্
তুদন্তি চেতো নিতরাংপ্রসভং প্রবাসিনাম্ .. ৪..

প্রভিন্নবৈদূর্যনিভৈস্তৃণান্কুরৈঃ
সমাচিতা প্রোত্থিতকন্দলীদলৈঃ .
বিভাতি কণ্ঠে বররত্নভূষিতাশুক্লেতররত্নভূষিতা
বরাঙ্গনেব ক্ষিতিরিন্দ্রগোপকৈঃ .. ৫..

সদা মনোজ্ঞং সুরতোত্সবোত্সুকং
বিকীর্ণবিস্তীর্ণকলাপশোভিতম্ .
সবিভ্রমালিঙ্গনচুম্বনাকুলম্সসম্ভ্রমালিঙ্গনচুম্বনাকুলম্
প্রবৃদ্ধনৃত্যংপ্রবৃত্তনৃত্যং কুলমদ্য বর্হিণাম্ .. ৬..

নিপাতযন্ত্যঃ পরিতস্তটদ্রুমান্
প্রবৃদ্ধবেগৈঃ সলিলৈরনির্মলৈঃ .
স্ত্রিযঃ প্রদুষ্টা ইব জাতবিভ্রমাঃ
প্রযান্তি নদ্যস্ত্বরিতং পযোনিধিম্ .. ৭..

তৃণোদ্গমৈরুদ্ধতকোমলাঙ্কুরৈশ্ (ইণোত্করৈরুদ্গতকোমলাঙ্কুরৈশ্)
চিতানি নীলৈর্হরিণীমুখক্ষতৈঃ .
বনানি রম্যাণিবৈন্ধ্যানি হরংতি মানসং
বিভূষিতান্যুদ্গতপল্লবৈর্দ্রুমৈঃ .. ৮..

বিলোলনেত্রোত্পলশোভিতাননৈর্
মৃগৈঃ সমন্তাদুপজাতসাধ্বসৈঃ .
সমাচিতা সৈকতিনী বনস্থলী
সমুত্সুকত্বং প্রকরোতি চেতসঃ .. ৯..

সুতীক্ষ্ণমুচ্চৈরসতাং পযোমুচাং
ঘনান্ধকারীকৃতশর্বরীষ্বপি .
তডিত্প্রভাদর্শিতমার্গভূমযঃ
প্রযান্তি রাগাদভিসারিকাঃ স্ত্রিযঃ .. ১০..

পযোধরৈর্ভীমগভীরনিঃস্বনৈর্
ধ্বনদ্ভিরুদ্বেজিতচেতসোতডিদ্ভিরুদ্বেজিতচেতসো ভৃশম্ .
কৃতাপরাধানপি যোষিতঃ প্রিযান্
পরিষ্বজন্তে শযনে নিরন্তরম্ .. ১১..

বিলোচনেন্দীবরবারিবিন্দুভির্
নিষিক্তবিম্বাধরচারুপল্লবাঃ .
নিরস্তমাল্যাভরণানুলেপনাঃ
স্থিতা নিরাশাঃ প্রমদাঃ প্রবাসিনাম্ .. ১২..

বিপাণ্ডবং কীটরজস্তৃণান্বিতং
ভুজঙ্গবদ্ বক্রগতিপ্রসর্পিতম্ .
সসাধ্বসৈর্ভেককুলৈর্বিলোকিতংনিরীক্ষিতং
প্রযাতি নিম্নাভিমুখং নবোদকম্ .. ১৩..

প্রফুল্লপত্ত্রাং নলিনীং সমুত্সুকাং
বিহায ভৃঙ্গাঃ শ্রুতিহারিনিঃস্বনাঃ .
পতন্তি মূঢাঃ শিখিনাং প্রনৃত্যতাং
কলাপচক্রেষু নবোত্পলাশযা .. ১৪..

বনদ্বিপানাং নবতোযদস্বনৈর্
মদান্বিতানাং ধ্বনতাং মুহুর্মুহুঃ .
কপোলদেশা বিমলোত্পলপ্রভাঃ
সভৃঙ্গযূথৈর্মদবারিভিশ্চিতঃ .. ১৫..

আতোযনম্রাম্বুদচুম্বিতোপলাঃ
সমাচিতাঃ প্রস্রবণৈঃ সমন্ততঃ .
প্রবৃত্তনৃত্যৈঃ শিখিভিঃ সমাকুলাঃ
সমুত্সুকত্বং জনযন্তি ভূধরাঃ .. ১৬..

কদম্বসর্জার্জুনকেতকীবনম্
বিকম্পযংস্তত্কুসুমাধিবাসিতঃ .
সশীকরাম্ভোধরসঙ্গশীতলঃ
সমীরণঃ কং ন করোতি সোত্সুকম্ .. ১৭..

শিরোরুহৈঃ শ্রোণিতটাবলম্বিভিঃ
কৃতাবতংসৈঃ কুসুমৈঃ সুগন্ধিভিঃ .
স্তনৈঃ সহারৈর্বদনৈঃ সসীধুভিঃ
স্ত্রিযো রতিং সংজনযন্তি কামিনাম্ .. ১৮..

বহন্তি বর্ষন্তি নদন্তি ভান্তি
ধ্যাযন্তি নৃত্যন্তি সমাশ্রযন্তি .
নদ্যো ঘনা মত্তগজা বনান্তাঃ
প্রিযাবিহীনাঃ শিখিনঃ প্লবঙ্গমাঃ .. ১৯..প্রক্ষিপ্তঃ

তডিল্লতাঃ শক্রধনুর্বিভূষিতাঃ
পযোধরাস্তোযভরাবলম্বিনঃ .
স্ত্রিযঃ স্বকাঞ্চীমণিকুন্ডলোজ্জ্বলাস্ত্রিযশ্চকাঞ্চীমণিকুন্ডলোজ্জ্বলা
হরন্তি চেতো যুগপত্ প্রবাসিনাম্ .. ২০..

মালাঃ কদম্বনবকেসরকেতকীভির্
আযোজিতঃ শিরসি বিভ্রতি যোষিতোঽদ্য .
কর্ণান্তরেষু ককুভদ্রুমমঞ্জরীভিঃ
শ্রোত্রানুকূলরচিতানবতংসকাংশ্চৈচ্ছানুকূলরচিতানবতংসকাংশ্চ .. ২১..

কালাগরুপ্রচুরচন্দনচর্চিতাঙ্গ্যঃ
পুষ্পাবতংসসুরভীকৃতকেশপাশাঃ .
শ্রুত্বা ধ্বনিং জলমুচাং ত্বরিতং প্রদোষে
শয্যাগৃহং গুরুগৃহাত্ প্রবিশন্তি নার্যঃ .. ২২..

কুবলযদলনীলৈরুন্নতৈস্তোযনম্রৈর্
মৃদুপবনবিধূতৈর্মন্দমন্দং চলদ্ভিঃ .
অপহৃতমিব চেতস্তোযদৈঃ সেন্দ্রচাপৈঃ
পথিকজনবধূনাং তদ্বিযোগক্ষতানাম্তদ্বিযোগাকুলানাম্ .. ২৩..

মুদিত ইব কদম্বৈর্জাতপুষ্পৈঃ সমন্তাত্
পবনচলিতশাখৈঃ শাখিভির্নৃত্যতীব .
হসিতমিব বিধত্তে সূচিভিঃ কেতকীনাং
নবসলিলনিষেকঃ শান্ততাপোছিন্নতাপো বনান্তঃ .. ২৪..

শিরসি বকুলমালাং মালতীভিঃ সমেতাং
কুসুমিতনবপুষ্পৈর্যূথিকাকুঙ্মলৈশ্চ .
বিকচনবকদম্বৈঃ কর্ণপূরং বধূনাং
রচযতি জলদৌঘঃ কান্তবত্ কাল এষঃ .. ২৫..

দধতি কুচযুগাগ্রৈরুন্নতৈর্হারযষ্টিং (ইথুকুচাগ্রৈরুন্নতৈর্হারযষ্টিং)
প্রতনুসিতদুকূলান্যাযতৈঃ শ্রোণিবিম্বৈঃ .
নবজলকণসেকাদুন্নতাংনবজলকণসেকাদুদ্গতাং রোমরাজিং
ত্রিবলিবলিতশোভাংললিতবলিবিভঙ্গৈর্ মধ্যদেশৈশ্চ নার্যঃ .. ২৬..

নবজলকণসঙ্গাচ্ছীততামাদধানঃ
কুসুমভরনতানাং লাসকঃ পাদপানাম্ .
জনিতসুরভিগন্ধঃজনিতরুচিরগন্ধঃ কেতকীনাং রজোভির্
অপহরতি নভস্বান্ প্রোষিতানাং মনাংসি .. ২৭..

জলভরনমিতানামশ্রযোঽস্মাকমুচ্চৈর্
অযমিতি জলসেকৈস্তোযদাস্তোযনম্রাঃ .
অতিশযপরুষাভির্গ্রীষ্মবহ্নেঃ শিখাভিঃ
সমুপজনিততাপং হ্লাদযন্তীব বিন্ধ্যম্ .. ২৮..

বহুগুণরমণীযো যোষিতাং চিত্তহারী (কামিনীচিত্তহারী)
তরুবিটপলতানাং বান্ধবো নির্বিকারঃ .
জলদসময এষ প্রাণিনাং প্রাণভূতো
দিশতু তব হিতানি প্রাযশো বাঞ্ছিতানি .. ২৯..

.. ইতি বর্ষা ..

.. ৩ . অথ শরত্ ..

কাশাংশুকা বিকচপদ্মমনোজ্ঞবক্ত্রা
সোন্মাদহংসরুতনূপুরনাদরম্যারবনূপুরনাদরম্যা .
আপক্বশালিললিতানতগাত্রযষ্টিঃরুচিরানতগাত্রযষ্টিঃ
প্রাপ্তা শরন্নববধূরিব রম্যরূপা .. ১..

কাশৈর্মহী শিশিরদীধিতিনা রজন্যো
হংসৈর্জলানি সরিতাং কুমুদৈঃ সরাংসি .
সপ্তচ্ছদৈঃ কুসুমভারনতৈর্বনান্তাঃ
শুক্লীকৃতান্যুপবনানি চ মালতীভিঃ .. ২..

চঞ্চন্মনোজ্ঞশফরীরসনাকলাপাঃ
পর্যন্তসংস্থিতসিতাণ্ডজপংক্তিহারাঃ .
নদ্যো বিশালপুলিনোরুনিতম্ববিম্বাবিশালপুলিনান্তনিতম্ববিম্বা
মন্দং প্রযান্তি সমদাঃ প্রমদা ইবাদ্য .. ৩..

ব্যোম ক্বচিদ্ রজতশঙ্খমৃণালগৌরৈস্
ত্যক্তাম্বুভির্লঘুতযা শতশঃ প্রযাতৈঃ .
উত্প্রেক্ষ্যতেসংলক্ষ্যতে পবনবেগচলৈঃ পযোদৈ
রাজেব চামরশতৈরভিবীজ্যমানঃচামরশতৈরুপবীজ্যমানঃ .. ৪..

ভিন্নাঞ্জনপ্রচযকান্তি নভো মনোজ্ঞং
বন্ধূকপুষ্পরজসাঽরুণিতা চ ভূমিঃ .
বপ্রাশ্চ পক্বকলমাবৃতভূমিভাগাচারুকলমাবৃতভূমিভাগাঃ
উত্কণ্ঠযন্তিপ্রোত্কণ্ঠযন্তি ন মনো ভুবি কস্য যূনঃ .. ৫..

মন্দানিলাকুলিতচারুতরাগ্রশাখঃ
পুষ্পোদ্গমপ্রচযকোমলপল্লবাগ্রঃ .
মত্তদ্বিরেফপরিপীতমধুপ্রসেকশ্
চিত্তং বিদারযতি কস্য ন কোবিদারঃ .. ৬..

তারাগণপ্রচুরভূষণমুদ্বহন্তী
মেঘোপরোধপরিমুক্তশশাঙ্কবক্ত্রামেঘাবরোধপরিমুক্তশশাঙ্কবক্ত্রা .
জ্যোত্স্নাদুকূলমমলং রজনী দধানা
বৃদ্ধিং প্রযাত্যনুদিনং প্রমদেব বালা .. ৭..

কারণ্ডবাহনবিঘট্টিতবীচিমালাঃ
কাদম্বসারসকুলাকুলতীরদেশাঃ .
কুর্বন্তি হংসবিরুতৈঃ পরিতো জনস্য
প্রীতিং সরোরুহরজোরুণিতাস্তটিন্যঃ .. ৮..

নেত্রোত্সবো হৃদযহারিমরীচিমালঃ
প্রহ্লাদকঃ শিশিরশীকরবারিবর্ষী .
পত্যুর্বিযোগবিষদিগ্ধশরক্ষতানাং
চন্দ্রো দহত্যনুদিনংদহত্যতিতরাং তনুমঙ্গনানাম্ .. ৯..

আকম্পযন্ ফলভরানতশালিজালান্
যানর্তযংস্তরুবরান্ কুসুমাবনম্রান্ .
উত্ফুল্লপঙ্কজবনাং নলিনীং বিধুন্বন্
যূনাং মনশ্চলযতি প্রসভং নভস্বান্ .. ১০..

সোন্মাদহংসমিথুনৈরুপশোভিতানি
স্বচ্ছপ্রফুল্লকমলোত্পলভূষিতানি .
মন্দপ্রভাতপবনোদ্গতবীচিমালান্
ন্যুত্কণ্ঠযন্তি হৃদযং সহসা সরাংসি .. ১১..

নষ্টং ধনুর্বলভিদো জলদোদরেষু
সৌদামিনী স্ফুরতি নাদ্য বিযত্পতাকা .
ধুন্বন্তি পক্ষপবনৈর্ন নভো বলাকাঃ
পশ্যন্তি নোন্নতমুখা গগনং মযূরাঃ .. ১২..

নৃত্যপ্রযোগরহিতাঞ্শিখিনো বিহায
হংসানুপৈতি মদনো মধুরপ্রগীতান্ .
মুক্ত্বা কদম্বকুটজার্জুনসর্জনীপান্
সপ্তচ্ছদানুপগতা কুসুমোদ্গমশ্রীঃ .. ১৩..

শেফালিকাকুসুমগন্ধমনোহরাণি
শাখাস্থিতাণ্ডজকুলপ্রতিনাদিতানিস্বস্থস্থিতাণ্ডজকুলপ্রতিনাদিতানি .
পর্যন্তসংস্থিতমৃগীনযনোত্পলানি
প্রোত্কণ্ঠযন্ত্যুপবনানি মনাংসি পুংসাম্যূনাম্ .. ১৪..

কহ্লারপদ্মকুমুদানি মুহুর্বিধুন্বংস্
তত্সঙ্গমাদধিকশীতলতামুপেতঃ .
সোত্কাং করোতি বনিতাংউত্কণ্ঠযত্যতিতরাং পবনঃ প্রভাতে
পত্রান্তলগ্নতুলিনাম্বু বিধূযমানঃপত্রান্তলগ্নতুহিনানি হরংস্তরূণাং .. ১৫..

সংপন্নশালিনিচযাবৃতভূতলানি
সুষ্ঠুস্থিতপ্রচুরগোকুলশোভিতানিস্বস্থস্থিতপ্রচুরগোকুলশোভিতানি .
হংসৈশ্চ সারসকুলৈঃ প্রতিনাদিতানি
সীমান্তরাণি জনযন্তি জনপ্রমোদম্ .. ১৬..

হংসৈর্জিতা সুললিতা গতিরঙ্গনানাং
অম্ভোরুহৈর্বিকসিতৈর্মুখচন্দ্রকান্তিঃ .
নীলোত্পলৈর্মদচলানিনীলোত্পলৈর্মদকলানি বিলোচনানি
ভ্রূবিভ্রমশ্চ সরিতাং তনুভিস্তরঙ্গৈঃরুচিরাস্তনুভিস্তরঙ্গৈঃ .. ১৭..

শ্যামা লতাঃ কুসুমভারনতপ্রবালাঃ
স্ত্রীণাং হরন্তি ধৃতভূষণবাহুকান্তিম্ .
দন্তাবভাসবিশদস্মিতচন্দ্রকান্তিং
কঙ্কেলিপুষ্পরুচিরা নবমালতী চ .. ১৮..

কেশান্নিতান্তঘননীলবিকুঙ্চিতাগ্রান্
আপূরযন্তি বনিতা নবমালতীভিঃ .
কর্ণেষু চ প্রচলকাংচনকুণ্ডলেষুপ্রবরকাংচনকুণ্ডলেষু
নীলোত্পলানি বিবিধানিবিকচানি নিবেশযন্তি .. ১৯..

হারৈঃ সচন্দনরসৈঃ স্তনমণ্দলানি
শ্রোণীতটং সুবিপুলং রশনাকলাপৈঃ .
পাদাম্বুজানি কলনূপুরশেখরৈশ্চ
নার্যঃ প্রহৃষ্টমনসোঽদ্য বিভূষযন্তি .. ২০..

স্ফুটকুমুদচিতানাং রাজহংসাস্থিতানাং
মরকতমণিভাসা বারিণা ভূষিতানাম্আপূরিতানাম্ .
শ্রিযমতিশযরূপাং ব্যোম তোযাশযানাং
বহতি বিগতমেঘং চন্দ্রতারাবকীর্ণম্ .. ২১..

সরসি কুমুদসঙ্গাদ্ গাদ্ বাযবো বান্তি শীতা
বিগতজলদবৃন্দা দিগ্বিভাগা মনোজ্ঞাঃ
বিগতকলুষমম্ভঃ শ্যানপঙ্কা ধরিত্রী
বিমলকিরণচন্দ্রং ব্যোম তারাবিচিত্রম্ .. ২২..

করকমলমনোজ্ঞাঃ কান্তসংসক্তহস্তা
বদনবিজিতচন্দ্রাঃ কাশ্চিদ্ অন্যাস্তরুণ্যঃ .
চিতকুসুমসুগন্ধি প্রাবিশন্তীব বেশ্ম
প্রবলমদনহেতোস্ত্যক্তসংগীতরাগাঃ .. ২৩..প্রক্ষিপ্তঃ

সুরতরসবিলাসাত্ সত্সখীভিঃ সমেত্য
অসমরসবিনোদং সূচযন্তি প্রকামম্ .
অনুপমমুখরাগা রাত্রিমধ্যে বিনোদান্
শরদি তরুণকান্তাঃ সূচযন্তি প্রমোদাত্ .. ২৪..প্রক্ষিপ্তঃ

দিবসকরমযূখৈর্বোধ্যমানং প্রভাতে
বরযুবতিমুখাভং পঙ্কজং জৃম্ভতেঽদ্য .
কুমুদমপি গতেঽস্তং লীযতে চন্দ্রবিম্বে
হসিতমিব বধূনাং প্রোষিতেষু প্রিযেষু .. ২৫..

অসিতনযনলক্ষ্মীং লক্ষযিত্বোত্পলেষু
ক্বণিতকনককাঞ্চীং মত্তহংসস্বনেষু .
অধররুচিরশোভাং বন্ধুজীবে প্রিযাযাঃ
পথিকজন ইদানীং রোদিতি ভ্রান্তচিত্তঃভ্রান্তচেতাঃ .. ২৬..

স্ত্রীণাং নিধায বদনেষু শশাঙ্কলক্ষ্মীং
হাস্যে বিশুদ্ধবদনে কুমুদাকরশ্রীম্ .কাম্যং চ হংসবচনং মণিনূপুরেষু
বন্ধূককান্তিমধরেষু মনোহরেষু
ক্বাপি প্রযাতি সুভগা শরদাগমশ্রীঃ .. ২৭..

বিকচকমলবক্ত্রা ফুল্লনীলোত্পলাক্ষী
কুসুমিতনবকাশা শ্বেতবাসোবিকসিতনবকাশশ্বেতবাসো বসানা .
কুমুদরুচিরহাসাকুমুদরুচিরকাংতিঃ কামিনীবোন্মদেযং
উপদিশতুপ্রতিদিশতু শরদ্ বশ্চেতসঃ প্রীতিমগ্র্যাম্ .. ২৮..

.. ইতি শরত্ ..

.. ৪ . অথ হেমন্তঃ ..

নবপ্রবালোদ্গমসস্যরম্যঃ
প্রফুল্ললোধ্রঃ পরিপক্বশালিঃ .
বিলীনপদ্মঃ প্রপতত্তুষারো
হেমন্তকালঃ সমুপাগতোঽযম্সমুপাগতঃ প্রিযে .. ১..

মনোহরৈঃ কুঙ্কুমরাগপিঙ্গৈস্
তুষারকুন্দেন্দুনিভৈশ্চ হারৈঃ .
বিলাসিনীনাং স্তনশালিনীনাং
নালংক্রিযন্তে স্তনমণ্ডলানি .. ২..

ন বাহুযুগ্মেষু বিলাসিনীনাং
প্রযান্তি সঙ্গং বলযাঙ্গদানি .
নিতম্ববিম্বেষু নবং দুকূলং
তন্বংশুকং পীনপযোধরেষু .. ৩..

কাঞ্চীগুণৈঃ কাঞ্চনরত্নচিত্রৈর্
নো ভূষযন্তি প্রমদা নিতম্বান্ .
ন নূপুরৈর্হংসরুতং ভজদ্ভিঃ
পাদাম্বুজান্যম্বুজকান্তিভাঞ্জি .. ৪..

গাত্রাণি কালীযকচর্চিতানি
সপত্রলেখানি মুখাম্বুজানি .
শিরাংসি কালাগরুভূষিতানিকালাগরুধূপিতানি
কুর্বন্তি নার্যঃ সুরতোত্সবায .. ৫..

রতিশ্রমক্ষামবিপাণ্ডুবক্ত্রাঃ
প্রাপ্তাশ্চ হর্ষাভ্যুদযং তরুণ্যঃপ্রাপ্তেঽপি হর্ষাভ্যুদযে তরুণ্যঃ .
হসন্তি নোচ্চৈর্দশনাগ্রভিন্নান্
প্রপীড্যমানানধরানবেক্ষ্য .. ৬..

পীনস্তনোরুস্থলভাগশোভাং
আসাদ্য তত্পীডনজাতখেদঃ .
তৃণাগ্রলগ্নৈস্তুহিনৈঃ পতদ্ভির্
আক্রন্দতীবোষসি শীতকালঃ .. ৭..

প্রভূতশালিপ্রসবৈশ্চিতানি
মৃগাঙ্গনাযূথবিভূষিতানি .
মনোহরক্রৌঞ্চনিনাদিতানি
সীমান্তরাণ্যুত্সুকযন্তি চেতঃ .. ৮..

প্রফুল্লনীলোত্পলশোভিতানি
শরারিকাদম্ববিঘট্টিতানিসোন্মাদকাদম্ববিভূষিতানি .
প্রসন্নতোযানি সশৈবলানিসুশীতলানি
সরাংসি চেতাংসি হরন্তি পুংসাম্ .. ৯..

পাকং ব্রজন্তী হিমপাতশীতৈর্
আধূযমানা সততং মরুদ্ভিঃ .
প্রিযে প্রিযঙ্গুঃ প্রিযবিপ্রযুক্তা
বিপাণ্ডুতাং যাতি বিলাসিনীব .. ১০..

পুষ্পাসবামোদসুগন্ধিবক্ত্রো
নিঃশ্বাসবাতৈঃ সুরভীকৃতাঙ্গঃ .
পরস্পরাঙ্গব্যতিষাঙ্গশাযী
শেতে জনঃ কামশরানুবিদ্ধঃ .. ১১..

দন্তচ্ছদৈর্দন্তবিঘাতচিহ্নৈঃ সব্রণদন্তচিহ্নৈঃ
স্তনৈশ্চ পাণ্যগ্রকৃতাভিলেখৈঃ .
সংসূচ্যতে নির্দযমঙ্গনানাং
রতোপভোগো নবযৌবনানাম্ .. ১২..

কাচিদ্ বিভূষযতি দর্পণযুক্তহস্তা
বালাতপেষু বনিতা বদনারবিন্দম্ .
দন্তচ্ছদং প্রিযতমেন নিপীতসারং
দন্তাগ্রভিন্নমপকৃষ্যদন্তাগ্রভিন্নমবকৃষ্য নিরীক্ষতে চ .. ১৩..

অন্যা প্রকামসুরতশ্রমখিন্নদেহা
রাত্রিপ্রজাগরবিপাটলনেত্রযুগ্মারাত্রিপ্রজাগরবিপাটলনেত্রপদ্মা .
শয্যান্তরেষুস্রস্তাংসদেশ লুলিতাকুলকেশপাশা
নিদ্রাং প্রযাতি মৃদুসূর্যকরাভিতপ্তা .. ১৪..

নির্মাল্যদাম পরিভুক্তমনোজ্ঞগন্ধম্
মূর্ধ্নোঽপনীয ঘননীলশিরোরুহান্তাঃ .
পীনোন্নতস্তনভরানতগাত্রযষ্ট্যঃ
কুর্বন্তি কেশরচনামপরাস্তরুণ্যঃ .. ১৫..

অন্যা প্রিযেণ পরিভুক্তমবেক্ষ্য গাত্রম্
হর্ষান্বিতা বিরচিতাধররাগশোভাবিরচিতাধরচারুশোভা .
কুর্পাসকং পরিদধাতি নবং নতাঙ্গীনখক্ষতাঙ্গী
ব্যালম্বিনীললুলিতালককুঞ্চিতাক্ষী .. ১৬..

অন্যাশ্চিরং সুরতকেলিপরিশ্রমেণ
খেদং গতাঃ প্রশিথিলীকৃতগাত্রযষ্ট্যঃ .
সংপীড্যমানবিপুলোরুপযোধরার্ত্তাসংহৃষ্যমাণপুলকোরুপযোধরান্তা
অভ্যঞ্জনং বিদধতি প্রমদাঃ সুশোভম্সুশোভাঃ .. ১৭..

বহুগুণরমণীযো যোষিতাং চিত্তহারী
পরিণতবহুশালিব্যাকুলগ্রামসীমঃ .
বিনিপতিততুষারঃ ক্রৌঞ্চনাদোপগীতঃ
প্রদিশতু হিমযুক্তঃ কাল এষঃ প্রিযান্ বঃহিমযুক্তস্ত্বেষ কালঃ সুখং বঃ .. ১৮..

.. ইতি হেমন্তঃ ..

.. ৫ . অথ শিশিরঃ ..

প্ররূঢশালিপ্রচযাবৃতক্ষিতিং (ইতক্ষিতিং)
নিদ্রোত্থিতক্রৌঞ্চনিনাদশোভিতম্ক্বচিত্স্থিতক্রৌঞ্চনিনাদশোভিতম্ .
প্রকামকামং প্রমদাজনপ্রিযং
বরোরু কালং শিশিরাহ্বযং শৃণু .. ১..

নিরুদ্ধবাতাযনমন্দিরোদরং
হুতাশনো ভানুমতো গভস্তযঃ .
গুরূণি বাসাংস্যবলাঃ সযৌবনাঃ.
প্রযান্তি কালেঽদ্যকালেঽত্র জনস্য সেব্যতাম্ .. ২..

ন চন্দনং চন্দ্রমরীচিশীতলং
ন হর্ম্যপৃষ্ঠং শরদিন্দুনির্মলম্ .
ন বাযবঃ সান্দ্রতুষারশীতলা
জনস্য চিত্তং রমযন্তি সাংপ্রতম্ .. ৩..

তুষারসংঘাতনিপাতশীতলাঃ
শশাঙ্কভাভিঃ শিশিরীকৃতাঃ পুনঃ .
বিপাণ্ডুতারাগণচারুভূষণা
জনস্য সেব্যা ন ভবন্তি রাত্রযঃ .. ৪..

গৃহীততাম্বূলবিলেপনস্রজঃ
পুষ্পাসবামোদিতবক্ত্রপঙ্কজাঃ .
প্রকামকালাগরুধূপবাসিতং
বিশন্তি শয্যাগৃহমুত্সুকাঃ স্ত্রিযঃ .. ৫..

কৃতাপরাধান্ বহুশোঽভিতর্জিতান্
সবেপথূন্ সাধ্বসমন্দচেতসঃসাধ্বসলুপ্তচেতসঃ .
নিরীক্ষ্য ভর্তৃন্ সুরতাভিলাষিণঃ
স্ত্রিযোঽপরাধান্ সমদা বিসস্মরুঃ .. ৬..

প্রকামকামৈঃ সুরতৈশ্চ নির্দযং (সুনির্দযং)
নিশাসু দীর্ঘাস্বতিপীডিতাশ্চিরম্দীর্ঘাস্বভিরামিতাশ্চিরম্ .
ভ্রমন্তি মন্দং শ্রমখেদিতোরবঃ
ক্ষপাবসানে নবযৌবনাঃ স্ত্রিযঃ .. ৭..

মনোজ্ঞকূর্পাসকপীডিতস্তনাঃ
সরাগকৌশেযবিভূষিতোরবঃসরাগকৌশেযকভূষিতোরবঃ .
নিবেশিতান্তঃকুসুমৈঃ শিরোরুহৈর্
বিভূষযন্তীব হিমাগমং স্ত্রিযঃ .. ৮..

পযোধরৈঃ কুঙ্কুমরাগপিঞ্জরৈঃ
সুখোপসেব্যৈর্নবযৌবনোন্নতৈঃসুখোপসেব্যৈর্নবযৌবনোষ্মভিঃ .
বিলাসিনীনাংবিলাসিনীভিঃ পরিপীডিতোরসঃ
ক্ষপন্তিস্বপন্তি শীতং পরিভূয কামিনঃ .. ৯..

সুগন্ধিনিঃশ্বাসবিকম্পিতোত্পলং
মনোহরং কামরতিপ্রবোধনম্ .
নিশাসু হৃষ্টাঃ সহ কামিভিঃ স্ত্রিযঃ
পিবন্তি মদ্যং মদনীযমুত্তমম্ .. ১০..

অপগতমদরাগা যোষিদেকা প্রভাতে
কৃতনিবিডকুচাগ্রা পত্যুরালিঙ্গনেন .
প্রিযতমপরিভুক্তং বীক্ষমাণা স্বদেহং
ব্রজতি শযনগেহাদ্ বস্ত্রমাকর্ষযন্তীশযনবাসাদ্বাসমন্যং হসন্তী .. ১১..

অগুরুসুরভিধূপামোদিতং কেশপাশং
গলিতকুসুমমালং ধুন্বতী কুঞ্চিতাগ্রম্কুঞ্চিতাগ্রম্ বহন্তী .
ত্যজতি গুরুনিতম্বা নিম্ননাভিঃ সুমধ্যা
ঽপ্যুষসি শযনবাসঃ কামিনী কামশোভাহুষসি শযনমন্যা কামিনী চারুশোভা .. ১২..

কনককমলকান্তৈশ্চারুতাম্রাধরোষ্ঠৈঃ
শ্রবণতটনিযুক্তৈঃশ্রবণতটনিষক্তৈঃ পাটলোপান্তনেত্রৈঃ .
উষসি বদনবিম্বৈরংসসংসক্তকেশৈঃ
শ্রিয ইব গৃহমধ্যে সংস্থিতা যোষিতোঽদ্য .. ১৩..

পৃথুজঘনভরার্তাঃ কিংচিদানম্রমধ্যাঃ
স্তনভরপরিখেদান্ মন্দমন্দং ব্রজন্ত্যঃ .
সুরতসমযবেষং নৈশমন্ত্যং বিহাযনৈষমাশু প্রহায
দধতি দিবসযোগ্যং বেষমেতাস্তরুণ্যঃবেষমন্যাস্তরুণ্যঃ .. ১৪..

নখপদরচিতাগ্রান্ বীক্ষ্যমাণাঃ স্তনান্তান্
অধরকিসলযাগ্রান্ দন্তভিন্নান্অধরকিসলযাগ্রং দন্তভিন্নং স্পৃশন্ত্যঃ .
অভিমততরমোদং বর্ণযন্ত্যস্তরুণ্যঃঅভিমতরতবেষং নন্দযন্ত্যস্তরুণ্যঃ
সবিতুরুদযকালে ভূষযন্ত্যাননানি .. ১৫..

প্রচুরগুডবিকারঃ স্বাদুশালীক্ষুরম্যঃ
প্রবলসুরতকেলির্জাতকন্দর্পদর্পঃ .
প্রিযতমরহিতানাংপ্রিযজনরহিতানাং চিত্তসংতাপহেতুঃ
শিশিরসময এষঃ শ্রেযসে বোঽস্তু নিত্যম্ .. ১৬..

.. ইতি শিশিরঃ ..

.. ৬ . অথ বসন্তঃ ..

প্রফুল্লচূতাঙ্কুরতীক্ষ্ণসাযকো
দ্বিরেফমালাং বিদধদ্ ধনুর্গুণম্দ্বিরেফমালাবিলসদ্ধনুর্গুণঃ .
মনাংসি ভেত্তুং সুরতপ্রসঙ্গিনাং
বসন্তযোদ্ধা সমুপাগতঃ প্রিযে .. ১..

দ্রুমাঃ সপুষ্পাঃ সলিলং সপদ্মং
স্ত্রিযঃ সকামাঃ পবনঃ সুগন্ধিঃ .
সুখাঃ প্রদোষা দিবসাশ্চ রম্যাঃ
সর্বং প্রিযে চারুতরং বসন্তে .. ২..

বাপীজলানাং মণিমেখলানাং
শশাঙ্কভাসাং প্রমদাজনানাম্ .
চূতদ্রুমাণাং কুসুমানতানাং
তনোতিদদাতি সৌভাগ্যমযং বসন্তঃ .. ৩..

স্তনেষু হারাঃ সিতচন্দনার্দ্রাঃ
মুখেষু তাম্বূলসুগন্ধিবাতাঃভুজেষু সঙ্গং বলযাঙ্গদানি .
প্রযান্তি নিঃশঙ্কমনঙ্গসৌখ্যংপ্রযান্ত্যনঙ্গাতুরমানসানাং
বিলাসিনীনাং জঘনেষু কাঞ্চ্যঃ .. ৪..

কুসুম্ভরাগারুণিতৈর্দুকূলৈর্
নিতম্ববিম্বানি বিলাসিনীনাম্ .
তন্বংশুকৈঃ কুঙ্কুমরাগগৌরৈর্
অলঙ্ক্রিযন্তে স্তনমন্ডলানি .. ৫..

কর্ণেষু যোগ্যং নবকর্ণিকারং
চলেষু নীলেষ্বলকেষ্বশোকম্ .
শিখাসু ফুল্লা নবমল্লিকাশ্চ
প্রযান্তি সঙ্গং প্রমদাজনস্য .. ৬..

সপত্ত্রলেখেষু বিলাসিনীনাং
বক্ত্রেষু হেমাম্বুরুহোপমেষু
রত্যন্তরে মৌক্তিকতুল্যরূপঃরত্নান্তরে মৌক্তিকসঙ্গরম্যঃ
স্বেদোদ্গমো বিস্তরতামুপৈতি .. ৭..

উল্লাসযন্ত্যঃ শ্লথবন্ধনানি
গাত্রাণি কন্দর্পসমাকুলানি .
সমীপবর্তিষ্বপি কামুকেষুসমীপবর্তিষ্বধুনা প্রিযেষু
সমুত্সুকা এব ভবন্তি নার্যঃ .. ৮..

তনূনি পাণ্ডূনি সুকম্পিতানি
মুহুর্মুহুর্জৃম্ভণতত্পরাণি .
অঙ্গান্যনঙ্গঃ প্রমদাজনস্য
করোত্যসৌ প্রোষিতভর্তৃকস্যকরোতি লাবণ্যসসংভ্রমাণি .. ৯..

নেত্রেষু লোলো মদিরালসেষু
গণ্ডেষু পাণ্ডুঃ কঠিনঃ স্তনেষু .
মধ্যেষু নম্রোনিম্নো জঘনেষু পীনঃ
স্ত্রীণামনঙ্গো বহুধা স্থিতোঽদ্য .. ১০..

অঙ্গানি নিদ্রালসিতানি নিত্যং
বাক্যানি কিংচিন্মদিরালসানি .
ভ্রূক্ষেপজিহ্মানি বিলোচনানিচ বীক্ষিতানি
করোতি কামঃ প্রমদাজনানাম্ .. ১১..

প্রিযঙ্গুকালীযককুঙ্কুমানি গুকালীযককুঙ্কুমাক্তং
স্তনেষু গৌরেষু বিচর্চিতানিবিলাসিনীভিঃ .
আরোপ্যতেআলিপ্যতে চন্দনমঙ্গনাভির্
মদালসাভির্মৃগনাভিযুক্তম্ .. ১২..

গুরূণি বাসাংসি বিহায তূর্ণং
তনূনি লাক্ষারসরঞ্জিতানি .
সুগন্ধিকালাগরুধূপিতানি
ধত্তে জনঃ কামশরানুবিদ্ধঃকামমদালসাঙ্গঃ .. ১৩..

পুংস্কোকিলশ্চূতরসেন মত্তঃ
প্রিযামুখং চুম্বতি সাদরোঽযম্মত্তঃ প্রিযাং চুম্বতি রাগহৃষ্টঃ .
গুঞ্জদ্দ্বিরেফোঽপ্যযমম্বুজস্থঃ
প্রিযং প্রিযাযাঃ প্রকরোতি চাটু .. ১৪..

প্রবালতাম্রাস্তবকাবনম্রাশ্
চূতদ্রুমাঃ পুষ্পিতচারুশাখাঃ .
কুর্বন্তি কান্তংকামং পবনাবধুতাঃ
সমুত্সুকত্বং মনসোঽঙ্গনানাম্পর্যুত্সুকং মানসমঙ্গনানাং .. ১৫..

আ মুলতো বিদ্রুমরাগতাম্রং
সপল্লবং পুষ্পচযং দধানাঃ .
কুর্বন্ত্যশোকা হৃদযং সশোকং
নিরীক্ষ্যমাণা নবযৌবনানাম্ .. ১৬..

মত্তদ্বিরেফপরিচুম্বিতচারুপুষ্পা
মন্দানিলাকুলিতচারুমৃদুপ্রবালাঃমন্দানিলাকুলিতনম্রমৃদুপ্রবালাঃ .
কুর্বন্তি কামিমনসাং সহসোত্সুকত্বং
বালাতিমুক্তকলিকাঃবালাতিমুক্তলতিকাঃ সমবেক্ষ্যমাণাঃ .. ১৭..

কান্তামুখদ্যুতিজুষামচিরোদ্গতানাং
শোভাং পরাং কুরবকদ্রুমমন্জরীণাম্ .
হৃষ্টা প্রিযে প্রিযতমারহিতস্য পুংসঃসহৃদযস্য ভবেন্ন কস্য
কন্দর্পবাণনিকরৈর্ব্যথিতং হি চেতঃকন্দর্পবাণপতনব্যথিতং হি চেতঃ .. ১৮..

আদীপ্তবহ্নিসদৃশৈরপি পারিজাতৈঃ (ইশৈরপযাতপত্রৈঃ)
সর্বত্র কিংশুকবনৈঃ কুসুমাবনম্রৈঃ .
সদ্যো বসন্তসমযে সমুপাগতে চবসন্তসমযেন সমাগতেযং
রক্তাংশুকা নববধূরিব ভাতি ভূমিঃ .. ১৯..

কিং কিংশুকৈঃ শুকমুখচ্ছবিভির্ন দগ্ধং
কিং কর্ণিকারকুসুমৈর্ন কৃতং মনোজ্ঞম্হৃতং মনোজ্ঞৈঃ .
যত্ কোকিলঃ পুনরমীপুনরযং মধুরৈর্বচোভির্
যূনো মনঃ সুবদনে নিযতং হরন্তিসুবদনানিহিতং নিহন্তি .. ২০..

পুংস্কোকিলৈঃ কলবচোভিরুপাত্থর্ষৈঃ
গুঞ্জদ্ভিরুন্মদকলানি বচাংসি পুংসাম্ভৃঙ্গৈঃ .
লজ্জান্বিতং সবিনযং হৃদযং ক্ষণেন
পর্যাকুলং কুলগৃহেঽপি কৃতং বধূনাম্ .. ২১..

আকম্পযন্ কুসুমিতাং সহকারশাখাং (সহকারশাখাঃ)
বিস্তারযন্ পরভৃতস্য বচাংসি দিক্ষু .
বাযুর্বিবাতি হৃদযানি হরন্ নরাণাং
নীহারপাতবিগমাত্ সুভগো বসন্তে .. ২২..

কুন্দৈঃ সবিভ্রমবধূহসিতাবদাতৈঃ
সংশোভিতান্যুপবনানিউদ্যোতিতান্যুপবনানি মনোহরাণি .
চিত্তং মুনেরপি হরন্তি নিরস্তরাগংনিবৃত্তরাগম্
প্রাগেব রাগমলিনানি মনাংসি পুংসাম্যূনাম্ .. ২৩..

আলম্বিহেমরশনাঃ স্তনসক্তহারাঃ
কন্দর্পদর্পশিথিলীকৃতগাত্রযষ্ট্যঃ .
মাসে মধৌ মধুরকোকিলভৃঙ্গনাদৈর্
নার্যো হরন্তি হৃদযং প্রসভং নরাণাম্ .. ২৪..

নানামনোজ্ঞকুসুমদ্রুমপুষ্পিতাগ্রান্
হৃষ্টান্যপুষ্টকুলশোভিতসানুদেশান্হৃষ্টান্যপুষ্টনিনদাকুলসানুদেশান্ .
শৈলেযজালপরিণদ্ধশিলাতলান্তান্
দৃষ্ট্বা জনঃ ক্ষিতিভৃতো মদমেতি সর্বঃ .. ২৫..

নেত্রে নিমীলযতি রোদিতি যাতি মোহং
ঘ্রাণং করেণ বিরুণদ্ধি বিরৌতি চোচ্চৈঃ .
কান্তাবিযোগপরিখেদিতচিত্তবৃত্তির্
দৃষ্ট্বা জনঃদৃষ্ট্বাধ্বগঃ কুসুমিতান্ সহকারবৃক্ষান্ .. ২৬..

সমদমধুকরাণাং কোকিলানাং চ নাদৈঃ
কুসূমিতসহকারৈঃ কর্ণিকারৈশ্চ রম্যৈঃ .
ইষুভিরিব সুতীক্ষ্ণৈর্মানসং কামিনীনাংমানিনীনাং
তুদতি কুসুমচাপোকুসুমমাসো মন্মথোদ্দীপনায .. ২৭..

রুচিরকনককান্তং মুঞ্চতঃ পুষ্পবৃন্দং
মৃদুপবনবিধূতান্ পুষ্পিতাংশ্চূতবৃক্ষান্ .
অভিমুখমভিবীক্ষ্য ক্ষামদেহোঽপি মার্গে
মদনশরসুবিদ্ধো মোহমেতি প্রবাসী .. ২৮..প্রক্ষিপ্তঃ

পরভৃতকলগীতৈর্হ্লাদিভিঃ সদ্বচাংসি
স্মিতদশনমযূখং কুন্দপুষ্পপ্রভাভিঃ .
সরকিসলযকান্তিং পল্লবৈর্বিদ্রুমাভৈর্
অভিভবতি বসন্তঃ কামিনীনামিদানীম্ .. ২৯..প্রক্ষিপ্তঃ

কনককমলকান্তৈর্চন্দনৈঃ পাণ্ডুগণ্ডৈর্
উপনিহিতসুহারৈশ্চন্দনার্দ্রৈঃ স্তনাগ্রৈঃ .
মদনজনিতলাসৈঃ সালসৈর্দৃষ্টিপাতৈর্
মুনিবরমপি নার্যঃ কামযন্তে বসন্তে .. ৩০..প্রক্ষিপ্তঃ

মধুসুরভিমুখাব্জং লোচনে লোলতারে
নবকুরবকপূর্ণঃ কেশপাশো মনোজ্ঞঃ .
অতিগুরুকুচযুগ্মং শ্রোণিবিম্বং তথৈব
ন ভবতি কিমিদানীং যোষিতাং ব্রূহি চারু .. ৩১..প্রক্ষিপ্তঃ

আকম্পিতানি হৃদযানি মনস্বিনীনাং
বাতৈঃ প্রফুল্লসহকারকৃতাধিবাসৈঃ .
উত্কূজিতৈঃ পরভৃতস্য মদাকুলস্য
শ্রোত্রপ্রিযৈর্মধুকরস্য চ গীতশব্দৈঃ .. ৩২..প্রক্ষিপ্তঃ

রম্যপ্রদোষসমযঃ স্ফুটচন্দ্রভাসঃ
পুংস্কোকিলস্য বিরুতং পবনঃ সুগন্ধিঃ .
মত্তালিযূথবিরুতং নিশি সীধুপানং
সর্বং হি সাধনমিদং কুসুমাযুধস্য .. ৩৩..প্রক্ষিপ্তঃ

আম্রাশোকবিকল্পিতাধরমধুর্মত্তদ্বিরেফস্বনঃ
কুন্দাপীডবিশুদ্ধদন্তনিকরঃ প্রোত্ফুল্লপদ্মাননঃ .
চূতামোদসুগন্ধিমন্দপবনঃ শৃঙ্গারদীক্ষাগুরুঃ
কল্পান্তং মদনপ্রিযো দিশতু বঃ পুষ্পাগমো মঙ্গলম্ .. ৩৪..প্রক্ষিপ্তঃ

আম্রী মঙ্গলমঞ্জরী বরশরঃ সত্কিংশুকং যদ্ধনুর্
জ্যা যস্যালিকুলম্ কলঙ্করহিতং ছ্ত্রং সিতাংশুঃ সিতম্ .
মত্তেভো মলযানিলঃ পরভৃতা যদ্বন্দিনো লোকজিত্
সোঽযং বো বিতরীতরীতু বিনতুর্ভদ্রং বসন্তান্বিতঃ .. ৩৫..

.. ইতি বসন্তঃ ..

<