সপ্তমোঽধ্যাযঃ
আযুর্দায
ময যবন মণিত্থ শক্তি পূর্বৈর্দিবস করাদিষু বত্সরাঃ প্রদিষ্টাঃ |
নব তিথি বিষযাশ্বি ভূতরুদ্রদশ সহিতা দশভিঃ স্ব তুঙ্গ ভেষু || ১||
নীচে অতোঽর্ধং হ্রসতি হি ততশ্চান্তরস্থে অনুপাতো হোরা ত্বংশ প্রতিমম্ অপরে রাশি তুল্যং বদন্তি |
হিত্বা বক্রং রিপু গ্রহ গতৈর্হীযতে স্ব ত্রি ভাগঃ সূর্যোচ্ছিন্নদ্যুতিষু
চ দলং প্রোজিহ্য শুক্রার্ক পুত্রৌ || ২||
সর্বার্ধ ত্রি চরণ পঞ্চ ষষ্ট ভাগাঃ ক্ষীযন্তে ব্যয ভবনাদ্ অসত্সু বামম্ |
সত্স্বর্ধং হ্রসতি তথাইকরাশিগানাম্ একাংশং হরতি বলী তথাহ সত্যঃ || ৩||
সার্ধোদিতোদিত নবাংশ হতাত্ সমস্তাদ্ ভাগোঽষ্টযুক্ত শত সংখ্যম্ উপৈতো নাশম্ |
ক্রূরে বিলগ্ন সহিতে বিধিনা ত্বনেন সৌম্যেক্ষিতে দলম্ অতঃ প্রলযং প্রযাতি || ৪||
সমা ষষ্টির্দ্বিঘ্না মনুজ করিণাং পজ্চ চ নিশা হযানাং
দ্বাত্রিংশত্ খর করভযোঃ পঞ্চক কৃতিঃ |
বিরূপা সাপ্যাযুর্বৃষ মহিষযোর্দ্বাদশ শুনাং স্মৃতং ছাগাদীনাং
দশক সহিতাঃ ষট্ চ পরম || ৫||
অনিমিষ পরমাংশকে বিলগ্নে শশি তনযে গবি পজ্চ বর্গ লিপ্তে |
ভবতি হি পরমাযুষঃ প্রমাণং যদি সকলঃ সহিতাঃ স্ব তুঙ্গ ভেষু || ৬||
আযুর্দাযং বিষ্ণু গুপ্তোঽপি চৈবং দেব স্বামী সিদ্ধসেনশ্চ চক্রে |
দোষশ্চৈষাং জাযতে অষ্টাবরিষ্টং হিত্বা নাযুর্বিংশতেঃ স্যাদ্ অধস্তাত্ || ৭||
যস্মিন্ যোগে পূর্ণম্ আযুঃ প্রদিষ্টং তস্মিন্ প্রোক্তং চক্র বর্তিত্বম্ অন্যৈঃ
প্রত্যক্ষোঽযং দোষঃ পরোঽপি জীবত্যাযুঃ পূর্ণম্ অর্থৈর্বিনাপি || ৮||
স্বমতেন কিলাহ জীব শর্মা গ্রহদাযং পরমাযুসঃ স্বরাংশম্ |
গ্রহ ভুক্ত নবাংশরাশি তুল্যং বহু সাম্যং সমুপৈতি সত্য বাক্যম্ || ৯||
সত্যোক্তে গ্রহম্ ইষ্টং লিপ্তী কৃত্বা শতদ্বযেনাপ্তম্ |
মণ্ডল ভাগ বিশুদ্ধে অব্দাঃ স্যুঃ শেষাত্ তু মাসাদ্যাঃ || ১০||
স্ব তুঙ্গ বক্রোপগতৈস্ত্রিসংগুণং দ্বিরুত্তম স্বাংশক ভ ত্রিভ্হাগগৈঃ |
ইযান্ বিশেষস্তু ভদত্ত ভাষিতে স মানম্ অন্যত্ প্রথমে অপ্যুদীরিতম্ || ১১||
কিং ত্বত্র ভাংশ প্রতিমং দদাতি বীর্যান্বিতারাশি সমং চ হোরা |
ক্রূরোদযে চ উপচযঃ স নাত্র কার্যং চ নাব্দৈঃ প্রথমোপদিষ্টৈঃ || ১২||
সত্যোপদেশো বরম্ অত্র কিন্তু কুর্বন্ত্যযোগ্যং বহু বর্গণাভিঃ |
আচার্যকত্বং চ বহু ঘ্নতাযাম্ একং তু যদ্ ভূরি তদেব কার্যম্ || ১৩||
গুরু শশি সহিতে কুলীর লগ্নে শশি তনযে ভৃগুজে চ কেন্দ্রযাতে |
ভবরিপু সহজোপগৈশ্চ শেষৈরমিতম্ ইহাযুরনুক্রমাদ্ বিনা স্যাত্ || ১৪||
