ষষ্টোঽধ্যাযঃ
অরিষ্ট
সংধ্যাযাং হিম দীধিতি হোরা পাপৈর্ভান্ত গতৈর্নিধনায |
রত্যেকং শশি পাপ সমেতৈঃ কেন্দ্রৈর্বা স বিনাশম্ উপৈতে || ১||
চক্রস্য পূর্বাপর ভাগগেষু ক্রূরেষু সৌম্যেষু চ কীট লগ্নে |
ক্ষিপ্রং বিনাশং সমুপৈতি জাতঃ পপৈর্বিলগ্নাস্তমযাভিতশ্চ || ২||
পাপাবুদযাস্ত গতৌ ক্রূরেণযুতশ্চ শশী |
দৃষ্টশ্চ শুভৈর্ন যদা মৃত্যুশ্চ ভবেদ্ অচিরাত্ || ৩||
ক্ষীণে হিমগৌ ব্যযগৌ পাপৈরুদযাষ্টমগৈঃ |
কেন্দ্রেষু শুভাশ্চ ন চেত্ ক্ষিপ্রং নিধনং প্রবদেত্ || ৪||
ক্রূরেণ সংযুতঃ শশী স্মরান্ত্য মৃত্যু লগ্নগঃ |
কণ্টকাদ্ বহিঃ শুভৈরবীক্ষিতশ্চ মৃত্যুদঃ || ৫||
শশিন্যরি বিনাশগে নিধনম্ আশু পাপেক্ষিতে শুভৈরথ সমাষ্টকদলম্ অতশ্চ মিশ্রৈঃ স্থিতিঃ |
অসদ্ভিরবলোকিতে বলিভিরত্র মাসং শুভে কলত্র সহিতে চ পাপ বিজিতে বিলগ্নাধিপে || ৬||
লগ্নে ক্ষীণে শশিনি নিধনং রন্ধ্র কেন্দ্রেষু পাপৈঃ
পাপান্তস্থে নিধন হিবুক দ্যূন সংস্থে চ চন্দ্রে
এবং লগ্নে ভবতি মদন চ্ছিদ্র সংস্থৈশ্চ পাপৈর্মাত্রা সার্দ্ধং
যদি ন চ শুভৈর্বীক্ষিতঃ শক্তি ভ্্দ্ভিঃ || ৭||
রাশ্যন্তগে সদ্ভিরবীক্ষ্যমাণে চন্দ্রে ত্রিকোণোপগতৈশ্চ পাপৈঃ |
প্রাণৈঃ প্রযাত্যাশু শিশুর্বিযোগম্ অস্তে চ পাপৈস্তুহিনাংশু লগ্নে || ৮||
অশুভ সহিতে গ্রস্তে চন্দ্রে কুজে নিধনাশ্রিতে জননি সুতযোর্মৃত্যুর্লগ্নে রবৌ তু স শস্ত্রজঃ |
উদযতি রবৌ শীতাংশৌ বা ত্রিকোণ বিনাশগৈর্নিধনম্ অশুভৈর্বীর্যোপেতৈঃ শুভৈর্ন যুতেক্ষিতে || ৯||
অসিতরবি শশাঙ্ক ভূমিজৈর্ব্যয নবমোদয নৈধনাশ্রিতৈঃ |
ভবতি মরণম্ আশু দেহিনাং যদি বলিনা গুরুণা ন বীক্ষিতাঃ || ১০||
সুত মদন নবান্ত্য লগ্নরন্ধ্রেষ্বশুভযুতো মরণায শীতরশ্মিঃ |
ভৃগুসুত শশিপুত্র দেবপূজ্যৈর্যদি বলিভির্ন যুতোঽবলোকিতো বা || ১১||
যোগে স্থানং গতবতি বলিনশ্চন্দ্রে স্বং বা তনু গৃহম্ অথ বা |
পাপৈর্দৃষ্টে বলবতি মরণং বর্ষস্যান্তঃ কিল মুনি গদিতম্ || ১২||
