সপ্তবিংশোঽধ্যাযঃ
প্রব্রজ্যা যোগ
গ্রহৈশ্চতুর্ভিঃ সহিতে খনোথে
ত্রিকোণগৈঃ কেন্দ্রগতৈস্তু মুক্তঃ |
লগ্নে গৃহান্তে সতি সৌম্যভাগে
কেন্দ্রে গুরৌ কোণগতে চ মুক্তঃ || ১||
একর্ক্ষসংস্থৈশ্চতুরাদিকৈস্তু
গ্রহৈর্বদেত্তত্র বলান্বিতেন |
প্রব্রজ্যকাং তত্র বদন্তি কেচিত্
কর্মেশতুল্যাং সহিতে খনাথে || ২||
শশী দৃগাণে রবিজস্য সংস্থিতঃ
কুজার্কিদৃষ্টঃ প্রকরোতি তাপসম্ |
কুজাংশকে বা রবিজেন দৃষ্তো
নবাংশতুল্যাং কথযন্তি তাং পুনঃ || ৩||
জন্মাধিপঃ সূর্যসুতেন দৃষ্টঃ
শেষৈরদৃষ্তঃ পুরুষস্য সূতৌ |
আত্মীযদীক্ষাং কুরুতে হ্যবশ্যং
পূর্বোক্তমত্রাপি বিচারণীযম্ || ৪||
যোগীশং দীক্ষিত বা কলযতি তরণিস্তীর্থপান্থং হিমাংশু-
র্দুর্মন্ত্রজ্ঞং চ বৌধাশ্র্যমবনীসুতো জ্ঞো মতান্যপ্রবিষ্টম্ |
বেদান্তজ্ঞানিনং বা যতিবরমমরেড্যো ভৃগুলিঙ্গবৃত্ত
ব্রাত্য শৈলূষবৃত্তিং শনিরিহ পতিতং বাঽথ পাষণ্ডিনং বা || ৫||
অতিশযবলযুক্তঃ শীতগুঃ শুক্লপক্ষে
বলবিরহিতমেন প্রেক্ষতে লগ্ননাথঃ |
যদি ভবতি তপস্বী দুঃখিতঃ শোকতপ্তো
ধনজনপরিহীনঃ কৃচ্ছ্রলব্ধান্নপানঃ || ৬||
প্রকথিতমুনিযোগে রাজযোগো যদি স্যা-
দশুভফলবিপাকং সর্বমুন্মূল্য পশ্চাত্ |
জনযতি পৃথিবীশং দীক্ষিতং সাধুশীলং
প্রণতনৃপহিরোভিঃ স্পৃষ্টপাদাব্জযুগ্মম্ || ৭||
চত্বারো দ্যুচরাঃ খনাথসহিতাঃ কেন্দ্রে ত্রিকোণেঽথবা
সুস্থানে বলিনস্ত্রযো যদি তদা সন্যাসসিদ্ধির্ভবেত্
সব্দ্বাহুল্যবশাচ্চ তত্র সুশুভস্থানস্থিতৈস্তৈর্বদেত্
প্রব্রজ্যাং মহিতাং সতাম্ভিমতাং চেদন্যথা নিন্দিতাম্ || ৮||
