.. বরাহমিহীরস্য বৃহজ্জাতক ..
প্রথমোঽধ্যাযঃ
রাশি প্রভেদ
মূর্তিত্বে পরিকল্পিতঃ শশ ভৃতো বর্ত্মাপুনর্জন্মনামাত্মেত্যাত্ম
বিদাং ক্রতুশ্চ যজতাং ভর্তামর জ্যোতিষাম্ |
লোকানাং প্রলযোদ্ভবস্থিতি বিভুশ্চানেকধাযঃ শ্রুতৌ বাচং নঃ
সদদাত্বনেক কিরণস্ত্রৈলোক্যদীপো রবিঃ || ১||
ভূযোভিঃ পটুবুদ্ধিভিঃ পটুধিযাং হোরাফলজ্ঞপ্তযে
শব্দন্যাযসমন্বিতেষু বহুশঃ শাস্ত্রেষু দৃষ্টেষ্বপি |
হোরাতন্ত্র মহার্ণব প্রতরণে ভগ্নোদ্যমানাম্ অহং স্বল্পং
বৃত্ত বিচিত্রম্ অর্থ বহুলং শাস্ত্র প্লবং প্রারভে || ২||
হোরেত্যহো রাত্র বিকল্পম্ একে বাঞ্ছন্তি পূর্বাপর বর্ণ লোপাত্ |
কর্মাজিতং পূর্ব ভবে সদ্ আদি যত্ তস্য পঙ্ক্তিং সমভিব্যনক্তি || ৩||
কালাঙ্গানি বরাঙ্গমাননম্ উরো হৃত্ ক্রোড বাসো ভৃতো
বস্তির্ব্যঞ্জনম্ ঊরু জানু যুগুলে জঙ্ঘে ততোঽঙ্ঘ্রি দ্বযম্ |
মেষাশ্বি প্রথমা নবঋক্ষ চরণাশ্চক্র স্থিতারাশযো
রাশি ক্ষেত্র গৃহঋক্ষ ভানি ভবনং চৈকার্থ সম্প্রত্যযাঃ || ৪||
মত্স্যৌ ঘটী নৃ মিথুনং স গদং স বীণং চাপী নরোঽশ্ব জঘনো মকরো মৃগাস্যঃ |
তৌলী স সস্যদহনা প্লবগা চ কন্যা শেষাঃ স্বনাম সদৃশাঃ স্বচরাশ্চ সর্বে || ৫||
ক্ষিতিজ সিত জ্ঞ চন্দ্ররবি সৌম্য সিতাবনিজাঃ সুর গুরু মন্দ সৌরি গুরবশ্চ গৃহাংশকপঃ |
অজ মৃগ তৌলি চন্দ্র ভবনাদি নবাংশ বিধির্ভবন সমাংশকাধিপতযঃ স্ব গৃহাত্ ক্রমশঃ || ৬||
কুজরবিজ গুরু জ্ঞ শুক্র ভাগাঃ পবন সমীরণ কৌর্পি জূক লেযাঃ |
অযুজি যুজি তু ভে বিপর্যযস্থঃ শসি ভবনালি ঝষান্তম্ ঋক্ষ সংধিঃ || ৭||
ক্রিয তাবুরি জিতুম কুলীর লেয পাথোন জূক কৌর্প্যাখ্যাঃ |
তৌক্ষিকাকোকেরো হৃদ্ রোগশ্চান্ত্য ভং চেত্থম্ || ৮||
দ্রেষ্কাণ হোরা নব ভাগ সংজ্ঞাস্ত্রিংশাংশকদ্বাদশ সংজ্ঞিতাশ্চ |
ক্ষেত্রং চ যদ্যস্য স তস্য বর্গো হোরেতি লগ্নং ভবনস্য চার্ধম্ || ৯||
গোঽজাশ্বি কর্কি মিথুনাঃ স মৃগা নিশাখ্যাঃ পৃষ্ঠোদযা বিমিথুনাঃ কথিতাস্তৈব |
শীর্ষোদযাদিন বলাশ্চ ভবন্তি শেষা লগ্নং সমেত্যুভযতঃ পৃথুরোম যুগ্মম্ || ১০||
ক্রূরঃ সৌম্যঃ পুরুষ বনিতে তে চরাগ দ্বি দেহাঃ প্রাগাদীশাঃ ক্রিয বৃষ নৃযুক্ কর্কটাঃ স ত্রিকোণাঃ |
মার্তণ্ডেন্দ্বোরযুজি সমভে চন্দ্র ভান্বোশ্চ হোরে দ্রেষ্কাণাঃ স্যুঃ স্ব ভবন সুত ত্রিত্রিকোণাধিপানাম্ || ১১||
কে চিত্ তু হোরাং প্রথমাং ভপস্য বাঞ্ছন্তি লাভাধিপতের্দ্বিতীযাম্ |
দ্রেষ্কাণ সংজ্ঞাম্ অপি বর্ণযন্তি স্বদ্বাদশৈকাদশরাশিপানাম্ || ১২||
অজ বৃষভ মৃগাঙ্গনা কুলীরা ঝষ বণিজা চ দিবাকরাদি তুঙ্গাঃ |
দশ শিখি মনু যুক্ তিথীন্দ্রিযাংশৈস্ত্রি নবক বিংশতিভিশ্চ তে অস্ত নীচাঃ || ১৩||
বর্গোত্তমাশ্চরগৃহাদিষু পূর্ব মধ্য পর্যন্ততঃ শুভ ফলা নব ভাগ সংজ্ঞাঃ |
সিংহো বৃষ প্রথম ষষ্ঠ হযাঙ্গ তৌলি কুম্ভাস্ত্রিকোণ ভবনানি ভবন্তি সূর্যাত্ || ১৪||
হোরাদযস্তনু কুটুম্ব সহোত্থ বন্ধু পুত্রারি পত্নী মরণানি শুভাস্পদাযাঃ |
রিঃফাখ্যম্ ইত্যুপচযান্যরি কর্ম লাভদুশ্চিক্য সংজ্ঞিত গৃহাণি ন নিত্যম্ একে || ১৫||
কল্প স্ব বিক্রম গৃহ প্রতিভা ক্ষতানি চিত্তোত্থরন্ধ্র গুরু মান ভব ব্যযানি |
লগ্নাচ্চতুর্থ নিধনে চতুরস্র সংজ্ঞে দ্যূনং চ সপ্তম গৃহং দশমঋক্ষম্ আজ্ঞা || ১৬||
কণ্টক কেন্দ্র চতুষ্টয সংজ্ঞাঃ সপ্তম লগ্ন চতুর্থ খ ভানাম্ |
তেষু যথাভিহিতেষু বলাঢ্যাঃ কীট নরাংবু চরাঃ পশবশ্চ || ১৭||
কেন্দ্রাত্ পরং পণফরং পরতস্তু সর্ব ভাপোক্লিমং হিবুকম্ অম্বু সুখং চ বেশ্ম |
জামিত্রম্ অস্ত ভবনং ত্রিকোণং মেষূরণং দশমম্ অত্র চ কর্ম বিদ্যাত্ || ১৮||
হোরা স্বামি গুরু জ্ঞ বীক্ষিতযুতা নান্যৈশ্চ বীর্যোত্কটা
কেন্দ্রস্থা দ্বি পদাদযোঽহ্নি নিশি চ প্রাপ্তে চ সংধ্যাদ্বযে |
পূর্বার্ধে বিষযাদযঃ কৃত গুণা মানং প্রতীপং চ
তদ্দুশ্চিক্যং সহজং তপশ্চ নবমং ত্র্যাদ্যাং ত্রিকোণং চ তত্ || ১৯||
রক্তঃ শ্বেতঃ শুক তনু নিভঃ পাটলো ধূম্র পাংডুশ্চিত্রঃ
কৃষ্ণঃ কনক সদৃশঃ পিঙ্গলঃ কর্বুরশ্চ |
বভ্রুঃ স্বচ্ছঃ প্রথম ভবনাদ্যেষু বর্ণাঃ প্লবত্বং
স্বাম্যাশাখ্যং দিন করযুতাদ্ ভাদ্ দ্বিতীযং চ বেশিঃ || ২০||
