দ্বিতীযোঽধ্যাযঃ
গ্রহ ভেদ
কালাত্মাদিন কৃন্ মনস্তুহিনগুঃ সত্বং কুজো জ্ঞো বচো
জীবো জ্ঞান সুখে সিতশ্চ মদনো দুঃখং দিনেশাত্মজঃ |
রাজানৌ রবি শীতগূ ক্ষিত সুতো নেতা কুমারো বুধঃ সূরির্দানব
পূজিতশ্চ সচিবৌ প্রেষ্যঃ সহস্রাংশুজঃ || ১||
হেলিঃ সূর্যশ্চন্দ্রমাঃ শীতরশ্মির্হেম্নো বিজ্ জ্ঞো বোধনশ্চেন্দু পুত্রঃ |
আরো বক্রঃ ক্রূরদৃক্ চাবনেযঃ কোণো মন্দঃ সূর্য পুত্রোঽসিতশ্চ || ২||
জীবোঽঙ্গিরাঃ সুর গুরুর্বচসাং পতীজ্যঃ শুক্রো ভৃগুর্ভৃগুসুতঃ সিতাস্ফুজিচ্চ |
রাহুস্তমোঽগুরসুরশ্চ শিখীতি কেতুঃ পর্যাযম্ অন্যম্ উপলভ্য বদেচ্চ লোকাত্ || ৩||
রক্ত শ্যামো ভাস্করো গৌরেন্দুর্নাত্যুচ্চাঙ্গো রক্ত গৌরশ্চ বক্রঃ |
দূর্বা শ্যামো জ্ঞো গুরুর্গৌর গাত্রঃ শ্যামঃ শুক্রো ভাস্করিঃ কৃষ্ণদেহঃ || ৪||
বর্ণাস্তাম্র সিতাতিরক্ত হরিত ব্যাপীত চিত্রাসিতা |
বহূন্যম্ব্বগ্নিজ কেশবেন্দ্র শচিকাঃ সূর্যাদি নাথাঃ ক্রমাত্ |
প্রাগাদ্যারবি শুক্র লোহিত তমঃ সৌরেন্দু বিত্ সূরযঃ ক্ষীণেন্দ্বর্ক
মহী সুতার্ক তনযাঃ পাপা বুধস্তৈর্যুতঃ || ৫||
বুধ সূর্য সুতৌ নপুংসকাখৌ শশি শুক্রৌ যুবতী নরাশ্চ শেষাঃ |
শিখিভূ খ পযো মরুদ্ গণানাং বশিনো ভূমি সুতাদযঃ ক্রমেণ || ৬||
বিপ্রাদিতঃ শুক্র গুরূ কুজার্কৌ শশী বুধশ্চেত্যসিতান্ত্যজানাম্ |
চন্দ্রার্ক জীবা জ্ঞ সিতৌ কুজার্কী যথা ক্রমং সত্বরজস্তমাংসি || ৭||
মধু পিঙ্গলদৃক্ চতুরস্র তনুঃ পিত্ত প্রকৃতিঃ সবিতাল্প কচঃ |
তনু বৃত্ত তনুর্বহু বাত কফঃ প্রাজ্ঞশ্চ শশী মৃদু বাক্ শুভদৃক্ || ৮||
ক্রূরদৃক্ তরুণ মূর্তিরুদারঃ পৈত্তিকঃ সুচপলঃ কৃশ মধ্যঃ |
শ্লিষ্টবাক্ সতত হাস্যরুচির্জ্ঞঃ পিত্ত মারুত কফ প্রকৃতিশ্চ || ৯||
বৃহত্ তনুঃ পিঙ্গল মূর্ধজেক্ষণো বৃহস্পতিঃ শ্রেষ্ঠ মতিঃ কফাত্মকঃ |
ভৃগুঃ সুখী কান্ত বপুঃ সুলোচনঃ কফানিলাত্মাসিত বক্র মূর্ধজঃ || ১০||
মন্দোঽলসঃ কপিলদৃক্ কৃশদীর্ঘ গাত্রঃ স্থূলদ্বিজঃ পরুষরোম কচোঽনিলাত্মা |
স্নায্বস্থ্যসৃক্ ত্বগ্ অথ শুক্র বসে চ মজ্জা মন্দার্ক চন্দ্র বুধ শুক্র সুরেজ্য ভৌমাঃ || ১১||
দেবাম্ব্বগ্নি বিহার কোশ শযন ক্ষিত্যুত্করেশাঃ ক্রমাত্ |
বস্ত্রং স্থূলম্ অভুক্তম্ অগ্নিক হতং মধ্যং দৃঢং স্ফাটিতম্ |
তাম্রং স্যান্ মণি হেমযুক্তি রজতান্যর্কাচ্চ মুক্তাযসী |
দ্রেষ্কাণৈঃ
শিশিরাদযঃ শশু রুচ জ্ঞ গ্বাদিষূদ্যত্সু বা || ১২||
ত্রি দশ ত্রিকোণ চতুরস্র সপ্তমান্যবলোকযন্তি চরণাভিবৃদ্ধিতঃ |
রবিজামরেজ্যরুধিরাঃ পরে চ যে ক্রমশো ভবন্তি কিল বীক্ষণে অধিকাঃ || ১৩||
অযন ক্ষণ বাসরঋতবো মাসোঽর্ধং চ সমাশ্চ ভাস্করাত্ |
কটুক লবণ তিক্ত মিশ্রিতা মধুরাম্লৌ চ কষাযেত্যপি || ১৪||
জীবো জীব বুধৌ সিতেন্দু তনযৌ ব্যর্কা বিভৌমাঃ ক্রমাদ্ বীন্দ্বর্কা
বিকুজেন্দ্বিনাশ্চ সুহৃদঃ কেষাং চিদ্ এবং মতম্ |
সত্যোক্তে সুহৃদস্ত্রিকোণ ভবনাত্ স্বাত্ স্বান্ত্যধী ধর্মপাঃ
স্বোচ্চাযুঃ সুখপাঃ স্বলক্ষণ বিধের্নান্যৈর্বিরোধাদ্ ইতি || ১৫||
শত্রূ মন্দ সিতৌ সমশ্চ শশিজো মিত্রাণি শেষারবেস্-
তীক্ষ্ণাংশুর্হিমরশ্মিজশ্চ সুহৃদৌ শেষাঃ সমাঃ শীতগোঃ |
জীবেন্দূষ্ণ করাঃ কুজস্য সুহৃদো জ্ঞোঽরিঃ সিতার্কী সমৌ
মিত্রে সূর্য সিতৌ বুধস্য হিমগুঃ শত্রুঃ সমাশ্চাপরে || ১৬||
সূরঃ সৌম্য সিতাবরী রবি সুতো মধ্যোঽপরে ত্বন্যথা সৌম্যার্কী
সুহৃদৌ সমৌ কুজ গুরূ শুক্রস্য শেষাবরী |
শুক্রজৌ সুহৃদৌ সমঃ সুর গুরুঃ সৌরস্য চান্যে অরযো যে
প্রোক্তাঃ স্ব ত্রিকোণ ভাদিষু পুনস্তে অমী মযা কীর্তিতাঃ || ১৭||
অন্যোন্যস্যধন ব্যযায সহজ ব্যাপার বন্ধু স্থিতাস্তত্ কালে
সুহৃদঃ স্ব তুঙ্গ ভবনে অপ্যেকে অরযস্ত্বন্যথা |
দ্ব্যেকানুক্ত ভপান্ সুহৃত্ সমরিপূন্ সংচিন্ত্য নৈসর্গিকাংস্তত্ কালে চ
পুনস্তু তান্ অধিসুহৃন্ মিত্রাদিভিঃ কল্পযেত্ || ১৮||
স্বোচ্চ সুহৃত্ স্ব ত্রিকোণ নবাংশৈঃ স্থান বলং স্ব গৃহোপগতৈশ্চ |
দিক্ষু বুধাঙ্গিরসৌ রবি ভৌমৌ সূর্য সুতঃ সিত শীত করৌ চ || ১৯||
উদগ্ অযনে রবি শীত মযূখৌ বক্র সমাগমগাঃ পরিশেষাঃ |
বিপুল করা যুধি চোত্তর সংস্থাশ্চেষ্টিত বীর্যযুতা পরিকল্প্যাঃ || ২০||
নিশি শশি কুজ সৌরাঃ সর্বদা জ্ঞোঽহ্নি চান্যে |
বহুল সিত গতাঃ স্যুঃ ক্রূর সৌম্যাঃ ক্রমেণ |
দ্ব্যযনদিবস হোরা মাসপৈঃ কাল বীর্যং শরু বু গু শু চ সাদ্যা বৃদ্ধিতো বীর্যবন্তঃ || ২১||
