তৃতীযোঽধ্যাযঃ
বিযোনিজন্ম
ক্রূর গ্রহৈঃ সুবলিভির্বিবলৈশ্চ সৌম্যৈঃ ক্লীবে চতুষ্টয গতে তদবেক্ষণাদ্ বা |
চন্দ্রোপগ দ্বি রস ভাগ স মানরূপং সত্বং বদেদ্ যদি ভবেত্ স বিযোনি সংজ্ঞঃ || ১||
পাপা বলিনঃ স্ব ভাগগাঃ পারক্যে বিবলাশ্চ শোভনাঃ |
লগ্নং চ বিযোনি সংজ্ঞকং দৃষ্ট্বাত্রাপি বিযোনিম্ আদিশেত্ || ২||
ক্রিযঃ শিরো বক্র গলে বৃষোঽন্যে পাদাংশকং পৃষ্ঠম্ উরোঽথ পার্শ্বে |
কুক্ষিস্ত্বপানাঙ্ঘ্র্যাথ মেঢ্র মুষ্কৌ স্ফিক্ পুচ্ছম্ ইত্যাহ চতুষ্পদাঙ্গে || ৩||
লগ্নাংশকাদ্ গ্রহযোগেক্ষণাদ্ বা বর্ণান্ বদেদ্ বলযুক্তা দ্বি যোনৌ |
দৃষ্ট্যা স মানান্ প্রবদেত্ স্ব সংখ্যযারেখাং বদেত্ স্মর সংস্থৈশ্চ পৃষ্ঠে || ৪||
খগে দৃকাণে বলসংযুতেন বা গ্রহেণযুক্তে চরভাংশকোদযে |
বুধাংশকে বা বিহগাঃ স্থলাংবুজাঃ শনৈশ্চরেন্দ্বীক্ষণযোগ সংভবাঃ || ৫||
হোরেন্দু সূরি রবিভির্বিবলৈস্তরুণাং তোযে স্থলে তরু ভবাংশ কৃতঃ প্রভেদঃ |
লগ্নাদ্ গ্রহঃ স্থল জলঋক্ষ পতিস্তু যাবাংস্তাবন্তৈব তরবঃ স্থল তোয জাতাঃ || ৬||
অন্তঃ সারাঞ্ জনযতি রবির্দুর্ভগান্ সূর্য সূনুঃ ক্ষীরোপেতাংস্তুহিন কিরণঃ কণ্টকাঢ্যাংশ্চ ভৌমঃ |
বাগ্ ঈশ জ্ঞৌ স ফল বিফলান্ পুষ্প বৃক্ষাংশ্চ শুক্রঃ
স্নিগ্ধান্ ইন্দুঃ কটুক বিটপান্ ভূমি পুত্রশ্চ ভূযঃ || ৭||
শুভো শুভঋক্ষে রুচিরং কুভূমিজং করোতি বৃক্ষং বিপরীতম্ অন্যথা
পরাংশকে যাবতি বিচ্যুতঃ স্বকাদ্ ভবন্তি তুল্যাস্তরবস্তথা বিধাঃ || ৮||
