পংচমোঽধ্যায
জন্মবিধি
পিতুর্জাতঃ পরোক্ষস্য লগ্নম্ ইন্দাবপশ্যতি |
বিদেশস্থস্য চর ভে মধ্যাদ্ ভ্রষ্টে দিবা করে || ১||
উদযস্থেঽপি বা মন্দে কুজে বাস্তং সমাগতে
স্থিতে বান্তঃ ক্ষপা নাথে শশাঙ্ক সুত শুক্রযোঃ || ২||
শশাঙ্কে পাপ লগ্নে বা বৃশ্চিকেশ ত্রি ভাগগে |
শুভৈঃ স্বায স্থিতৈর্জাতঃ সর্পস্তদ্বেষ্টিতোঽপি বা || ৩||
চতুষ্পাদ গতে ভানৌ শেষৈর্বীর্য সমন্বিতৈঃ |
দ্বি তনুস্থৈশ্চ যমলৌ ভবতঃ কোশ বেষ্টিতৌ || ৪||
ছাগে সিংহে বৃষে লগ্নে তত্স্থে সৌরে অথ বা কুজে |
রাশ্যংশ সদৃশে গাত্রে জাযতে নাল বেষ্টিতঃ || ৫||
ন লগ্নম্ ইন্দুং চ গুরুর্নিরীক্ষতে ন বা শশাঙ্কং রবিণা সমাগতম্ |
স পাপকোঽর্কেণযুতোঽথ বা শশী পরেণ জাতং প্রবদন্তি নিশ্চযাত্ || ৬||
ক্রূরঋক্ষ গতাবশোভনৌ সূর্যাদ্ দ্যূন নবাত্মজ স্থিতৌ |
বদ্ধস্তু পিতা বিদেশগঃ স্বে বা রাশি বশাদ্ অথো পথি || ৭||
পূর্ণে শশিনি স্বরাশিগে সৌম্যে লগ্ন গতে শুভে সুখে |
লগ্নে জলজে অস্তগে অপি বা চন্দ্রো পোত গতা প্রসূযতে || ৮||
আপ্যোদযম্ আপ্যগঃ শশী সম্পূর্ণঃ সমবেক্ষতে অথ বা |
মেষূরণ বন্ধু লগ্নগঃ স্যাত্ সূতিঃ সলিলে ন সংশযঃ || ৯||
উদযোডুপযোর্ব্যয স্থিতে গুপ্ত্যাং পাপ নিরীক্ষিতে যমে |
অলি কর্কি যুতে বিলগ্নগে সৌরে শীত করেক্ষিতে বটে || ১০||
মন্দে অব্জ গতে বিলগ্নগে বুধ সূর্যেন্দু নিরীক্ষিতে ক্রমাত্ |
ক্রীডা ভবনে সুরালযে সোখর ভূমিষু চ প্রসূযতে || ১১||
নৃ লগ্নগং প্রেক্ষ্য কুজঃ শ্মশানে রম্যে সিতেন্দূ গুরুরগ্নিহোত্রে |
রবির্নরেন্দ্রামরগো কুলেষু শিল্পালযে জ্ঞঃ প্রসবং করোতি || ১২||
রাশ্যংশ স মান গোচরে মার্গে জন্ম চরে স্থিরে গৃহে |
স্বঋক্ষাংশ গতে স্ব মন্দিরে বলযোগাত্ ফলম্ অংশকঋক্ষযোঃ || ১৩||
আরার্কজযোস্ত্রিকোণগে চন্দ্রে অস্তে চ বিসৃজ্যতে অংবযা |
দৃষ্টে অমররাজ মন্ত্রিণা দীর্ঘাযুঃ সুখ ভাক্ চ স স্মৃতঃ || ১৪||
পাপেক্ষিতে তুহিনগাবুদযে কুজে অস্তে ত্যক্তো বিনশ্যতি কুজার্কজযোস্তথাযে |
সৌম্যে অপি পশ্যতি তথা বিধ হস্তম্ এতি সৌম্যেতরেষু পর হস্ত গতোঽপ্যনাযুঃ || ১৫||
পিতৃমাতৃগৃহেষু তদ্বলাত্ তরু শালাদিষু নীচগৈঃ শুভঃ |
যদি নৈক গতৈস্তু বীক্ষিতৌ লগ্নেন্দূ বিজনে প্রসূযতে || ১৬||
মন্দঋক্ষাংশে শশিনি হিবুকে মন্দদৃষ্টে অব্জগে বা |
তদ্ যুক্তে বা তমসি শযনে নীচ সংস্থৈশ্চ ভূমৌ |
যদ্ বদ্ রাশির্ব্রজতি হরিজং গর্ভ মোক্ষস্তু তদ্বত্ পাপৈশ্চন্দ্রাত্
স্মর সুখ গতৈঃ ক্লেশম্ আহুর্জনন্যাঃ || ১৭||
স্নেহঃ শশাঙ্কাদ্ উদযাচ্চ বর্তির্দীপোঽর্কযুক্তঋক্ষ বশাচ্চরাদ্যঃ |
দ্বারং চ তদ্বাস্তুনি কেন্দ্র সংস্থৈর্জ্ঞেযং গ্রহৈঃ বীর্য সমন্বিতৈর্বা || ১৮||
জীর্ণং সংস্কৃতম্ অর্কজে ক্ষিতি সুতে দগ্ধং নবং শীতগৌ কাষ্ঠাঢ্যং
ন দৃঢং রবৌ শশি সুতে তন্ নৈক শিল্প্যুদ্ভবম্ রম্যং |
চিত্রযুতং নবং চ ভৃগুজে জীবে দৃঢং মন্দিরং চক্রস্থৈশ্চ
যথোপদেশরচনাং সামন্ত পূর্বাং বদেত্ || ১৯||
মেষ কুলীর তুলালি গটৈঃ প্রাগুত্তরতো গুরু সৌম্য গৃহেষু |
পশ্চিমতশ্চ বৃষেণ নিবাসো দক্ষিণ ভাগ করৌ মৃগ সিংহৌ || ২০||
প্রাচ্যাদি গৃহে ক্রিযাদযো দ্বৌ দ্বৌ কোণ গতা দ্বি মূর্তযঃ |
শয্যাস্বপি বাস্তু বদ্ বদেত্ পাদৈঃ ষট্ ত্রি নবান্ত্য সংস্থিতৈঃ || ২১||
চন্দ্র লগ্নান্তর গতৈর্গ্রহৈঃ স্যুরুপসূতিকাঃ |
বহিরন্তর চক্রাদ্ অর্ধে দৃশ্যাদ্্শ্যে অন্যথা পরৈঃ || ২২||
লগ্ন নবাংশপ তুল্য তনুঃ স্যাদ্ বীর্যযুত গ্রহ তুল্য বপুর্বা |
চন্দ্র সমেত নবাংশপ বর্ণঃ কাদি বিলগ্ন বিভক্ত ভ গাত্রঃ || ২৩||
কং দৃক্ শ্রোত্র নসা কপোল হনবো বক্ত্রং চ হোরাদযস্তে
কণ্ঠাংসক বাহু পার্শ্ব হৃদয ক্রোডানি নাভিস্ততঃ |
বস্তিঃ শিশ্ন গুদে ততশ্চ বৃষণাবূরূ ততো জানুনী |
জঙ্ঘাঙ্ঘ্রীত্যুভযত্র বামম্ উদিতৈর্দ্রেষ্কাণ ভাগৈস্ত্রিধা || ২৪||
তস্মিন্ পাপযুতং ব্রণে শুভযুতে দৃষ্টে চ লক্ষ্মাদিশেত্
স্বঋক্ষাংশে স্থির সংযুতেষু সহজঃ স্যাদ্ অন্যথাঙ্গতুকঃ |
মন্দেশ্মানিলজোঽগ্নি শাস্ত্র বিষজো ভৌমে বুধে ভূ ভবঃ সূর্যে কাষ্ঠ
চতুষ্পদেন হিমগৌ শৃঙ্গ্যব্জজোঽন্যৈঃ শুভম্ || ২৫||
সমনুপতিতা যস্মিন্ ভাগে ত্রযঃ স বুধা গ্রহা ভবতি নিযমাত্ তস্যাবাপ্তিঃ শুভেষ্বশুভেষু বা |
ব্রণ কৃদ্ অশুভঃ ষষ্ঠে দেহে তনোর্ভ সমাশ্রিতে তিলকম্
অশকৃদ্ দৃষ্টঃ সৌম্যৈর্যুতশ্চ স লক্ষ্মবান্ || ২৬||
